Aksionin e SHBA në Venezuelë, ku u arrestua nga Forcat Delta Presidenti Nicolas Maduro, kreu i opozitës në Shqipëri Sali Berisha, e ka interpretuar si një shenjë pozitive për vendin tonë. Po, pse? Sipas euforisë së Berishës, diçka e ngjashme do i ndodhë edhe kryeministrit Edi Rama, për këtë të fundit Berisha vendosi afat deri në fund të muajit shkurt. 

Analisti Frrok Çupi i ftuar në “Tirana Live” në ABC News, tha se deklaratat e Berishës janë qesharake, saqë shtoi se është për të ardhur keq që vendi ynë ka një opozitë të tillë. 

Çupi shtoi më tej gjatë fjalës së tij se Berisha nuk jem më mesazhe, por është i frikësuar për veten, pasi sipas analistit kreu i PD është më keq se Maduro, nga krimet dhe shkeljet që ka bërë. 

“Është kthyer në një komedi tragjike. Është fyerje për ne, që kemi një opozitë të tillë. Është e rëndë. Nuk i shkon mbrapa njeri dhe nuk e përfill njeri. Gjëja më serioze është që Berisha ka arritur të përvetësojë një aksion të SHBA-ve në Amerikën Latine, në Venezuelë. Po, çfarë e lidh Berishën me Maduron?! Berisha nuk jep mesazhe më, është i trembur dhe i frikësuar. Berisha shikon veten te Maduro. Që nga viti 1992 e deri më sot shteti i Maduros ka ndërruar tre presidentë, dhe Shqipëria nuk ka ndërruar akoma Sali Berishës, nuk i shqitet vendit. 

Forcat Delta kanë ardhur në Shqipëri për të mbrojtur Ambasadën Amerikane dhe ambasadoren nga Sali Berisha. Kundër SHBA, Berisha ka ngritur një shtet islamik. Theu Rezolutën e Shteteve të Bashkuara për të mos sulmuar grupet terroriste. Maduro nuk i afrohet Sali Berishës, është shumë i vogël, Berisha ka vjedhur votën”, tha analisti Çupi. 

Dosja e 21 janarit po zvarritet nga SPAK, ndërsa prokurorët e SPAK shantazhohen nga Berisha. Kështu ka deklaruar avokati Idajet Beqiri. 

I ftuar në emisionin ‘Studio Live’ në Report Tv, ai tha se hetimet për këtë dosje duhet të ishin përfunduar prej kohësh dhe duhet që të ishte dërguar për gjykim, duke kujtuar se Gjykata e Strasburgut e ka cilësuar 21 Janarin si krim shtetëror dhe ka kërkuar që përgjegjësit të dalin para drejtësisë. 

Ai tha se ndaj prokurorëve të SPAK, ushtrohet presion nga kreu i PD Sali Berisha. Sipas tij, për këtë arsye, SPAK zgjedh të merret me dosje pa peshë, ndërsa çështje të rënda si 21 Janari mbeten në sirtarë dhe zvarriten. 

‘SPAK po kthehet në seksion të PD, po kthehet në një opozitë brenda opozitës dhe meqenëse po vdes opozita këtë pozicion do që ta zërë SPAK, po kjo është e dëmshme dhe dëmton reformën në drejtësi. Dosja e 21 janarit është zvarritur, sepse nuk i del koha SPAK që të merret me këto çështje po merret me çështje të dorës së 3, sepse s’janë as të dorës së dytë. SPAK duhet të merret me 21 janarin që ta përfundojë si hetim dhe ta çojë në gjyq, sepse Gjykata e Strasburgut ka thënë se është një krim shtetëror dhe ata që e kanë urdhëruar duhet që të shkojnë para përgjegjësisë. 

Të vrasësh njerëz dhe të mos hyjë një gjembë në këmbë, SPAK merret me tendera dhe me gjëra dytësore. SPAK nuk po shkëputet dot nga linja e vjetër. Prokurorët e SPAK janë të shantazhuar nga Berisha dhe duke qenë të lodhur me pushtetin e vjetër të Berishës, për rrjedhojë ata më të lehtë e kanë që të merren me dosje pa rëndësi. Më të pastër dosje se 21 janari s’ka ku të vejë më, pse e mbajnë në duar pyesin një dëshmitarë njëherë në dy muaj’, tha ai. 

Beqiri tha se ndaj Berishës ka nisur një hetim pasuror dhe se është sekuestruar një numër i lartë pasurish që ai zotëron. 

‘Ka një hetim pasuror ndaj tij dhe janë sekuestruar një numër i lartë pasurish, ai është më i korruptuari i Europës. Po pastron paratë si ishte edhe rasti me LaCivita’, tha Idajet Beqiri. 

Disa ditë më parë, më 30 dhjetor një 67-vjeçar në Pogradec u arrestua me akuzën se kishte përdhunuar dhe lënë shtatzënë një 12-vjeçare. E mitura rezultoi 22-javëshe shtatzënë pas një vizite në spitalin e Korçës. Dyshohet se 67-vjeçari e ka kërcënuar vazhdimisht vajzën që të mos denonconte ngjarjen e ndodhur në muajin gusht.

I pandehuri nuk e ka pranuar akuzën e abuzimit seksual. Nga fetusi është marrë një kampion ADN-je për të mësuar atësinë dhe pritet që përgjigjja të dalë brenda 2-3 javësh. Gazetarja Daniela Zisi raporton në programin “Rudina” në Tv Klan disa detaje lidhur me gjendjen e vajzës dhe të familjarëve, të cilët po përjetojnë një traumë të fortë.

Daniela Zisi: Vajza i është nënshtruar terapive dhe po vazhdon të jetë nën terapi nga një psikologe dhe po mbahet nën vëzhgim e kujdes shëndetësor psikologjik pasi gjendja e saj shëndetësore është e rënduar dhe po kalon një traumë shumë të vështirë.

Rudina Magjistari: Ke pasur mundësi ti vetë personalisht që të kontaktosh me familjarët e saj?

Daniela Zisi: Kam kontaktuar me familjarët të cilët për shkak të ndjeshmërisë së ngjarjes, për shkak të përmasave të kësaj ngjarjeje shumë të rëndë, nuk kanë pranuar të ekspozohen për mediat, ndërkohë që ata janë shumë të shqetësuar për faktin që vajza e tyre që ndihmonte 67-vjeçarin dhe bashkëshorten e tij për punë të ndryshme, iu kryente shërbime të vogla duke blerë produkte të vogla në dyqan, të abuzohej seksualisht nga fqinji i tyre me të cilin kishin hyrje-dalje familjare dhe tek i cili besonin e nuk u shkonte mendja kurrë që vajza e tyre vetëm 12 vjeç të binte pre e një abuzimi të pamëshirshëm.

Gazetarja sjell në vëmendje se sipas ligjit, e mitura nuk ka jo vetëm kapacitet fizik e psikologjik për fëmijën, por as zotësi juridike për të marrë vendime për të.

Presidenti amerikan Donald Trump ka folur për situatën rreth Venezuelës, duke vlerësuar operacionin e forcave amerikane. 

“Të vetmit njerëz me drita ishin njerëzit që kishin qirinj”, tha Trump, duke detajuar operacionin që ndodhi. 

“Ishte një akt i mrekullueshëm ushtarak”, u shpreh ai. 

Trump shtoi se të vetmet viktima të regjistruara në aksionin për kapjen e Nicolas Maduros ishin “kubanezët”. 

“Ata e dinin që po vinim… energjia elektrike për pothuajse të gjithë vendin ishte ndërprerë. Atëherë e kuptuan se kishte një problem. Nuk kishte energji elektrike… Kështu që i kapëm pak në befasi, por ishte fantastike. Ishte fantastike taktikisht. Ishte një gjë e pabesueshme”, theksoi ai. 

Paralajmërim Venezuelës: Bashkëpunim ose sulm të dytë! 

Presidenti amerikan Donald Trump ka deklaruar sot se SHBA mund të ndërmarrë një tjetër operacion ushtarak në Venezuelë, nëse autoritetet atje reshtin së bashkëpunuari me SHBA-të. 

Gjatë një interviste për NBC News, Trump tha se administrata e tij po vlerëson mbështetjen financiare  që duhet tu japë kompanive të naftës  për rindërtimin e infrastrukturën energjetike të vendit pas rënies së Nicolas Maduros. 

“Shtetet e Bashkuara e dëshmuan sërish që ne kemi ushtrinë më të fuqishme, më vdekjeprurëse, më të sofistikuar, më frikëndjellëse në planetin Tokë. Askush nuk mundet të na mundë. Askush nuk mund t’ia dilte asaj që bëmë ne. Askush tjetër nuk I ka armët tona” tha ai. 

Ku ndodhet Maduro? 

Maduro dhe bashkëshortja e tij, Cilia Flores, kaluan natën e parë të tyre në qeli në qendrën Metropolitan Detention Center në Brooklyn. Kur dolën para gjykatës të hënën, u deklaruan të pafajshëm për akuzat që rëndojnë mbi ta. 

Gjatë seancës, Maduro u shpreh se e konsideron veten “të burgosur lufte”.   

Çështja Maduro dhe përplasjet politike të brendshme 

Ndërkaq, sikur të mos mjaftonin akuzat zyrtare, një akuzë tjetër po përgatitet në Florida kundër tij. Guvernatori Ron DeSantis tha sot në një konferencë se “Florida po shqyrton mundësinë e ngritjes së një akuze kundër Maduro” bazuar në pretendimin se Maduro ka qenë ‘shumë i përfshirë’ në trafikun e drogës drejt Floridës.

Senatorët amerikanë do të mblidhen të mërkurën në një sallë të mbyllur për të marrë të gjithë informacionin mbi operacionin që çoi në kapjen e Maduros. Do të jenë pikërisht Rubio, Hegseth, Attorney General Pam Bondi, CIA Director John Ratcliffe and Gen. Dan Caine, chairman of the Joint Chiefs of Staff, që do të ndajnë informacionin e detajuar me senatorët. Takimi do të mbahet në një vend të mbyllur pa praninë e kamerave apo telefonëve. Demokratët në veçanti kanë kërkuar me ngulm që të njihen menjëherë me të dhënat e operacionit. 

Çfarë po ndodh në Karakas? 

Ndërkohë në Karakas situata raportohet e tensionuar, veçanërisht si pasojë e konfuzionit mes forcave të ndryshme qeveritare. Gjatë mbrëmjes së të hënës ndërtesat qeveritare u evakuuan pas disa të shtënave me armë pranë pallatit presidencial. E ndërsa Delcy Rodriguez është betuar si presidente në detyrë, kryetarja e opozitës venezuelase, Maria Corina Machado, njoftoi planet për rikthimin e menjëhershëm të saj në atdhe. 

“3 Janari do të mbahet mend në histori si dita kur drejtësia mundi tiranën. Është diçka e madhe jo vetëm për Venezuelën dhe të ardhmen e saj por edhe për njerëzimin, lirinë dhe dinjitetin njerëzor” tha ajo.   

Planet për Venezuelën 

Gjatë intervistës për NBC, Trump tha se para zgjedhjeve të rradhës në Venezuelë, amerikanët duhet ta rimëkëmbin shëndetin e këtij vendi. “Në fillim na duhet ta rregullojmë vendin. Smund të ketë zgjedhje për momentin” tha ai. 

Sipas Trump, do të jenë një grup zyrtarësh amerikanë që do të përfshihen direkt në mbikqyrjen e punëve të Venezuelës. Ndonëse  nuk e bëri të qartë mënyrën se si SHBA do ta administrojë Venezuelën, Sekretari i Shtetit Marco Rubio ka lënë të kuptohet që administrimi do të fillojë nga ekonomia dhe eksporti i naftës. E megjithatë, kur u pyet se kush do të jetë në krye të detyrës, Trump u përgjigj : Unë! 

19 kandidatë synojnë karriget e dy gjyqtarëve të Gjykatës Kushtetuese. Gjashtë prej tyre do të provojnë fatin njëherësh si propozime të Kuvendit dhe Presidentit. 

Përveç vendimeve me rëndësi si për politikën dhe SPAK që priten nga Gjykata Kushtetuese, kjo e fundit do të përtërije veten edhe me dy anëtarë të saj. 

Presidenti dhe kuvendi janë dy institucionet që do të çojnë në “Kushtetuese” të përzgjedhurit e tyre. 

Në tryezën e Këshillit të Emërimeve në Drejtësi janë 19 emra, 10 të presidencës dhe 9 të kuvendit. 

Të gjithë do t’i nënshtrohen “vettingut” profesional dhe moral para se të shpallen tre kandidatët me pikët më të larta. 

Gjashtë nga garuesit për karrigen e “Kushtetueses” e kanë vendosur emrin në të dyja listat si të presidentit dhe të Kuvendit. 

Ata janë Naureda Llagami ish-drejtuese e KLGJ-ës, Genc Gjonçaj, Sekretar i Përgjithshëm i Kuvendit, Jordan Daci, Profesor i të Drejtës Kushtetuese, Arta Vorpsi që çoi në përplasje Ilir Metën dhe Ardian Dvoranin në 2019-ën dhe ish komisionerë të “vettingut” Lulzim Hamitaj e Roland Ilia. 

Në këtë gjashtëshe janë edhe pretenduesit kryesor për të vazhduar karrierën për 9 vite si gjyqtar i “Kushtetueses” 

Ata do të pasojnë Sonila Bejtjan që mandatin ia ndërpreu vetë trupa gjyqësore e GJK-së dhe Elsa Toska që u vetëdorëhoq. 

Në përtëritjen e gjyqtarëve të “kushtetueses” elementi pengesë nuk ekziston. Si presidenti dhe kuvendi janë të lirë të zgjedhin të preferuarin e tyre. Të parit ia njeh si të drejtë kushtetuta, ndërsa për të dytin Partia Socialiste zotëron forcën e kartonit./ euronews.al 

Agjentët e Khameneit sulmuan një spital në qytetin Ilam (Irani perëndimor) dhe përdorën gaz lotsjellës për të arrestuar dhe rrëmbyer protestues të plagosur.

6 janar 2026

Maryam Rajavi (presidente e zgjedhur e Këshillit Kombëtar të Rezistencës së Iranit) deklaroi: “Sulmi i agjentëve të Khameneit ndaj një spitali në Ilam, ku u përdor gaz lotsjellës për të arrestuar dhe rrëmbyer protestues të plagosur dhe për të ndaluar civilë të pambrojtur, është një krim i pafalshëm. Ky sulm ndodhi vetëm një ditë pas masakrës së tmerrshme në Malekshahi, Ilam. Khamenei, i pafuqishëm përballë kryengritjes mbarëkombëtare të popullit iranian, po i drejtohet mizorisë dhe pamëshirës maksimale për të shtypur protestat, por në realitet po ndez edhe më tej flakët e rezistencës. Bota nuk duhet të heshtë përballë krimeve kundër njerëzimit të kryera nga fashizmi fetar që sundon Iranin.”
Departamenti Amerikan i Shtetit e cilësoi gjithashtu sulmin brutal të regjimit të Republikës Islamike ndaj një spitali në Malekshahi, në provincën Ilam, si krim, duke deklaruar: “Sulmi ndaj reparteve spitalore, rrahja e personelit mjekësor dhe përdorimi i gazit lotsjellës dhe i municioneve të vërteta kundër të plagosurve janë krime flagrante kundër njerëzimit.”
Departamenti i Shtetit theksoi më tej: “Spitalet nuk janë fusha beteje. Këto veprime të regjimit të Republikës Islamike përbëjnë një shkelje serioze të së drejtës ndërkombëtare dhe pasqyrojnë natyrën e një regjimi që vepron me shpërfillje të plotë ndaj jetës njerëzore.”
Këto veprime nxjerrin në pah pafuqinë e plotë të Khameneit dhe aparatit të tij represiv përballë rinisë kryengritëse dhe popullsisë në rebelim. Hamid Erezi-Ashraf 3

Të dielën, Donald Trump deklaroi se SHBA-të “kanë nevojë” për Groenlandën, një territor gjysmë-autonom të Danimarkës dhe një tjetër anëtare e NATO-s, për arsye sigurie. Ai refuzoi të përjashtojë përdorimin e forcës për të marrë kontrollin e territorit, ndërsa kryeministrja daneze, Mette Frederiksen, paralajmëroi të hënën se një sulm amerikan do të shënonte fundin e NATO-s.

NATO është një aleancë ushtarake transatlantike, ku anëtarët angazhohen të ndihmojnë njëri-tjetrin në rast sulmi të jashtëm.

Çështja e së ardhmes së Groenlandës u rikthye në vëmendje pas ndërhyrjes ushtarake amerikane në Venezuelë, gjatë së cilës forcat elitare kapën presidentin Nicolás Maduro dhe e dërguan atë në Nju Jork për t’u përballur me akuza për trafik droge dhe armësh. Pas operacionit, Trump deklaroi se SHBA-të do ta “drejtonin” Venezuelën për një periudhë të pacaktuar.

Ai shtoi se SHBA-të po riktheheshin te politika e vitit 1823 e supremacisë amerikane në hemisferën perëndimore dhe paralajmëroi se edhe vende të tjera mund të bëheshin objekt i vëmendjes amerikane.

Sipas ‘BBC’, astisja në Venezuelë ka ringjallur frikën se SHBA-të mund të shqyrtojnë përdorimin e forcës për të siguruar kontrollin e Groenlandës. Një ditë pas ndërhyrjes, Katie Miller, bashkëshortja e njërit prej ndihmësve të lartë të Trump, publikoi në rrjetet sociale një hartë të Groenlandës të ngjyrosur me flamurin amerikan, të shoqëruar me fjalën “SË SHPEJTI”.

Të hënën, bashkëshorti i saj, Stephen Miller, deklaroi se ishte “qëndrimi formal i qeverisë amerikane që Groenlanda të jetë pjesë e SHBA-së”. Në një intervistë për CNN, ai tha se SHBA-të janë “fuqia kryesore e NATO-s” dhe se, për të garantuar sigurinë në Arktik dhe për të mbrojtur interesat e aleancës, Groenlanda “duhet të jetë pjesë e SHBA-së”.

I pyetur vazhdimisht nëse Uashingtoni do të përjashtonte përdorimin e forcës për aneksimin e territorit, Miller u përgjigj: “Askush nuk do të luftojë me SHBA-të për të ardhmen e Groenlandës.”

Në deklaratën e përbashkët të së martës, shtatë udhëheqësit evropianë theksuan se janë po aq të përkushtuar sa SHBA-të ndaj sigurisë në Arktik, por se kjo duhet të arrihet kolektivisht nga aleatët e NATO-s, duke respektuar parimet e Kartës së OKB-së, përfshirë sovranitetin, integritetin territorial dhe paprekshmërinë e kufijve.

Kryeministri i Groenlandës, Jens-Frederik Nielsen, e mirëpriti deklaratën dhe bëri thirrje për “dialog të respektueshëm”.

“Dialogu duhet të zhvillohet duke respektuar faktin se statusi i Groenlandës është i rrënjosur në të drejtën ndërkombëtare dhe në parimin e integritetit territorial,” tha Nielsen.

Trump ka argumentuar se përfshirja e Groenlandës në SHBA do t’i shërbente interesave të sigurisë amerikane për shkak të pozicionit të saj strategjik dhe rezervave të pasura të mineraleve kritike për teknologjitë e avancuara.

Vendimi i fundit i administratës Trump për të emëruar një të dërguar të posaçëm në Groenlandë shkaktoi reagime të ashpra në Danimarkë.

Groenlanda, me rreth 57,000 banorë, gëzon vetëqeverisje të gjerë që nga viti 1979, megjithëse mbrojtja dhe politika e jashtme mbeten përgjegjësi e Danimarkës. Ndërsa shumica e banorëve mbështesin pavarësinë përfundimtare nga Danimarka, sondazhet tregojnë kundërshtim dërrmues ndaj bashkimit me SHBA-në.

Lumi Ishëm ka dalë nga shtrati në fshatin Murqinë e Mallkuç duke përmbytur qindra hektarë tokë bujqësore dhe duke bllokuar dy lagje në fshatin Murqinë…

Ndërkohë situata për shkak të mosfunksionimit, vijon të jetë problematike në disa fshatra si Bubqi, Gramza, Derveni, Luzi, Malkuçi, Murqina, Bilaj.

Përpos qindra hektarëve tokë bujqësore që ndodhet nën ujë ka dhe rrugë e akse të përmbytura….

Situata nuk ka asnjë lloj përmirësimi pasi nuk ka asnjë ndërhyrje nga ana e strukturave të bashkisë, prefekturës apo emergjencave civile….

Pas pjesëmarrjes në pritjen tradicionale festive të organizuar nga Këshilli Kombëtar Serb (SNV) për të festuar Krishtlindjet sipas kalendarit Julian, Bozhinoviç tha se mesazhet për paqe dhe bashkëpunim janë diçka që duhet të jetë e përbashkët në rajon dhe në vendet fqinje.

Dita më parë, presidenti i Serbisë, Aleksandar Vuçiç, gjatë vizitës në Trebinje, në entitetin boshnjak të Republikës Sërspka kishte thënë se Kroacia, Shqipëria dhe Kosova nuk kishin krijuar një aleancë kundër Austrisë, sepse Austria është ushtarakisht neutrale, por kundër Serbisë dhe popullit serb.

“Në Beograd e kuptojmë mirë aleancën e re ushtarake të krijuar midis Zagrebit, Prishtinës dhe Tiranës”, deklaroi Vuçiç.

Ministrat e mbrojtjes së Kroacisë, Kosovës dhe Shqipërisë nënshkruan në mars të vitit 2025 një deklaratë për forcimin e bashkëpunimit në fushën e mbrojtjes. Atëbotë, Serbia reagoi ashpër, duke e parë si një nismë kundër saj.

Më herët, Qeveria e Kroacisë kishte thënë për REL-it se deklarata nuk synon krijimin e një aleance ushtarake, dhe një aleancë e tillë nuk është e nevojshme përveç NATO-s.

Kroacia dhe Shqipëria janë anëtare të NATO-s, ndërsa Kosova, të cilën Serbia nuk e njeh si të pavarur, nuk është anëtare e aleancës ushtarake perëndimore.

Reagimi i ministrit kroat vjen një ditë pasi ministrja në detyrë e Punëve të Jashtme dhe Diasporës e Kosovës, Donika Gërvalla, reagoi ndaj paralajmërimit se Serbia do të dyfishojë ushtrinë, duke e akuzuar Beogradin se po shtyn përpara politikën e jashtme ruse.

Sipas Gërvallës, kërcënimi i vërtetë qëndron “te lidershipi i saj i cili, në vend se të ndërtojë një vend normal evropian të përqendruar në reformat e BE-së dhe demokracinë, ëndërron një perandori rajonale, një mentalitet rus në miniaturë”./REL

Kryeministri i Groenlandës i ka thënë Donald Trumpit se ai nuk mund ta marrë nën kontroll territorin “vetëm sepse e dëshiron”. 

Jens-Frederik Nielsen tha në një deklaratë online: 

“Në një situatë ku presidenti amerikan ka thënë sërish se Shtetet e Bashkuara janë shumë serioze për Groenlandën, kjo mbështetje nga aleatët tanë në NATO është shumë e rëndësishme dhe e qartë. 

Edhe një herë, i bëj thirrje Shteteve të Bashkuara të kërkojnë dialog të respektueshëm përmes kanaleve të duhura diplomatike dhe politike, duke përdorur forumet ekzistuese që bazohen në marrëveshjet tashmë në fuqi me Shtetet e Bashkuara. Dialogu duhet të zhvillohet me respekt për faktin se statusi i Groenlandës bazohet në të drejtën ndërkombëtare dhe në parimin e integritetit territorial.” 

Ai po i referohej një deklarate të mëhershme nga udhëheqësit evropianë, të cilët pohuan se “Groenlanda i përket popullit të saj”. 

Nënkryetari i Kuvendit dhe deputeti i Partisë Demokratike, Agron Gjekmarkaj, ka reaguar përmes një postimi në Facebook, duke denoncuar atë që e cilëson si dështim total të institucioneve vendore dhe qendrore në përballimin e situatës së përmbytjeve në Bashkinë Kurbin.

Sipas tij reshjet e fundit kanë shkaktuar përmbytje të shumta dhe bllokim të disa segmenteve rrugore, duke lënë familje të tëra të izoluara dhe sipërfaqe të mëdha toke të mbuluara nga uji.

Gjekmarkaj bën të ditur se, së bashku me deputetin Kastriot Piroli dhe kryetarin e PD-së së Kurbinit, Edmond Shkoza, kanë inspektuar nga afër zonat më të prekura. Gjatë vëzhgimit, ata kanë konstatuar dëme të konsiderueshme në banesa, ekonomi të vogla familjare, si dhe rrugë lokale të pakalueshme për automjetet e vogla.

“Banorët kërkojnë ndërhyrje urgjente për lirimin e rrugëve dhe shpëtimin e pasurisë së tyre,” thuhet në reagimin e PD-së.

Partia Demokratike i bën thirrje kryetares së Bashkisë Kurbin, Majlinda Cara, që të shkojë në zonat e dëmtuara, të marrë përgjegjësi për situatën dhe të mos shmangë përballjen me pasojat e përmbytjeve. Gjithashtu, PD u bën apel qeverisë dhe institucioneve përgjegjëse që të ndalojnë, sipas saj, propagandën dhe përplasjet politike, duke kërkuar dërgimin e menjëhershëm të mjeteve dhe ekipeve për pastrimin e kanaleve, lirimin e akseve rrugore dhe ndihmën për banorët.

Në reagim kërkohet gjithashtu hartimi dhe zbatimi i një pakete emergjence për riparimin e dëmeve, si dhe masa afatgjata për përforcimin e sistemit kullues dhe infrastrukturës në zonë.

“Qytetarët e Kurbinit nuk mund të mbeten peng i infrastrukturës së paaftë dhe i deklaratave boshe,” thekson reagimi, duke garantuar se do të qëndrojë pranë banorëve dhe në mbrojtje të interesave të tyre.

Prokurori i Përgjithshëm i Napolit, Nicola Gratteri, një nga figurat më të njohura në luftën kundër krimit të organizuar, mohon kategorikisht që Venezuela të ketë një rol qendror në trafikun ndërkombëtar të drogës.

“Roli i Karakasit në narkotrafik është i vogël krahasuar me rrugët kryesore globale”, thotë ai. Sipas Gratterit, çdo pretendim i kundërt shpesh bëhet për qëllime politike.

Cilat janë rrugët kryesore të trafikut të drogës?

“Qendra e Amerikës dhe Meksika mbeten nyjet kyçe për hyrjen e drogës në tregjet e SHBA dhe Evropës”, shpjegon ai.

Presidenti Donald Trump e ka akuzuar Venezuelën për furnizim me fentanyl të rrugëve amerikane. Gratteri e konsideron këtë propagandë. “Nuk ka të dhëna të pavarura që tregojnë Venezuelën si qendër prodhimi të drogërave sintetike. Shumica e fentanylit dhe opioideve sintetike prodhohet në Meksikë.”

A ka Karakas ndonjë rol në këtë trafik?

“T’i atribuosh Venezuelës një rol qendror do të thotë të përzihen fenomene të ndryshme, më shumë për narrativë politike sesa bazuar në të dhëna reale”, thotë Gratteri.

Pra, është bërë një portretizim i instrumentalizuar i situatës?

“Ekzagjerimi i rolit të Venezuelës si qendër e narkotrafikut global duket i tepruar dhe shërben më shumë për të justifikuar presione diplomatike dhe veprime të detyruara sesa për të përshkruar realitetin e rrjetave kriminale transnacionale.”

Karteli venezuelan “Tren de Aragua” ka ndikim?

“Është një organizatë kriminale që ka depërtuar në disa vende të Amerikës Latine dhe SHBA, por aktiviteti i saj kryesor është trafiku dhe shfrytëzimi i emigrantëve, jo trafiku ndërkombëtar i drogës.”

Politika e Trump është një strategji reale kundër narkotrafikut apo ka motivime gjeopolitike?
“Nëse qëllimi i arrestimit të presidentit Maduro do të ishte vërtet lufta kundër drogës, SHBA do të duhej të përqendronte vëmendjen tek vendet që prodhojnë kokainë dhe opioide sintetike, jo tek një shtet që shërben kryesisht si pikë tranziti.”

Sulmet e gjera nuk mund të jenë strategji e suksesshme?

“Historikisht, nuk është kështu që luftohet narkotrafiku: nuk mund të godasësh nyjet më pak të rëndësi duke lënë të paprekur qendrat e prodhimit. Përveç nëse arsyeja antinarkotike përdoret thjesht si justifikim për qëllime të tjera.”

Jeni skeptik, apo gaboj?

“Dyshimi është se këtu hyjnë interesat gjeopolitike dhe ekonomike më të gjera.”

Si, për shembull?

“Kontrolli apo menaxhimi indirekt i rezervave të mëdha të naftës venezueliane, një ndër më të mëdhatë në botë.”

Gratteri kujton se shpesh “lufta kundër drogës” është përdorur si pretekst për të arritur qëllime strategjike, energjetike apo influencë rajonale.

Kush janë sot protagonistët e narkotrafikut ndërkombëtar?

“Meksika është qendra kryesore e prodhimit të fentanylit dhe opioideve sintetike, falë marrëdhënieve të ngushta të kartelëve me furnizuesit e prekursorëve kimikë, shumica nga Kina. Kolumbia, së bashku me Perunë dhe Bolivi, mbeten prodhuesit kryesorë të kokainës. Ekuadori dhe Brazili luajnë një rol gjithnjë e më të madh si platforma logjistike për eksportin drejt tregjeve kryesore: SHBA, Evropë, Azi dhe Oqeani.”

Cili është roli i mafias italiane?

“’Ndrangheta është organizata italiane më e përfshirë në trafikun ndërkombëtar të kokainës. Por edhe Camorra, Cosa Nostra dhe klanet pugliase mbajnë pjesë të rëndësishme të tregut. Krahas familjeve tradicionale, po shfaqen aktorë të rinj kriminalë transnacionalë, veçanërisht klanet shqiptare.”

Problemi i drogës nuk është vetëm shëndetësor apo kriminal, por edhe ekonomik.
“Sot kapim vetëm 10-12% të substancave që hyjnë në treg, ndërsa konfiskojmë më pak se 1% të fitimeve nga narkotrafiku.”

Politikat aktuale kanë dështuar?

“Goditja e mallrave pa prekur seriozisht rrjedhën financiare lë të paprekur motorin e sistemit. Strategjitë alternative ekzistojnë: gjurmimi ndërkombëtar i kapitalit, bashkëpunimi fiskal dhe gjyqësor, lufta kundër parajsave fiskale, forca e njësive anti-pastrim parash dhe përgjegjësia e ndërmjetësve ekonomikë. Por këto aspekte të mëdha ekonomike dhe financiare shpesh injorohen, ndërsa insistohet tek qasje që kanë treguar kufizimet e tyre.”

Ambasadori i Bashkimit Europian në Shqipëri, Silvio Gonzato, ka zhvilluar ditën e sotme një takim me kreun e ri të Prokurorisë së Posaçme, Klodjan Braho. 

Përmes një postimi në rrjetet sociale, Gonzato ka publikuar edhe fotografi nga takimi, teksa shkruan se e përgëzoi SPAK për arritjet në luftën kundër korrupsionit dhe krimit të organizuar. 

Po ashtu Gonzato shkruan se e inkurajoi Brahon që të vijojë lufta kundër korrupsionit dhe krimit të organizuar, si një element kyç për përparimin e Shqipërisë drejt anëtarësimit në BE. 

Në mbyllje Gonzato thekson se Bashkimi Evropian mbetet plotësisht i përkushtuar për të mbështetur SPAK-un dhe sundimin e ligjit në Shqipëri. 

Postimi i Gonzatos: 

Takimi i parë me Kryetarin e ri të SPAK-ut, Klodjan Braho. E përgëzova për arritjet e SPAK-ut deri më sot dhe theksova rëndësinë e vazhdimit të rezultateve të prekshme në luftën kundër krimit të organizuar dhe korrupsionit, një element kyç për përparimin e Shqipërisë drejt anëtarësimit në Bashkimin Evropian. Forcimi i kapaciteteve hetimore dhe garantimi i standardeve të larta në hetime dhe ndjekje penale, janë vendimtare për konsolidimin e progresit dhe arritjen e rezultateve të qëndrueshme. Bashkimi Evropian mbetet plotësisht i përkushtuar për të mbështetur SPAK-un dhe sundimin e ligjit në Shqipëri. 

Nga Pjetër Logoreci

Me sa më kujtohet ka kenë vjeti 1980, …ndoshta ‘81, ditë terrori, kur mund të “ndodhte gjithçka”: …kur mund të delshe nadje në punë, por të mos ktheheshe në darkë e, familjes t’i kriste në derë Operativi Sigurimit të Shtetit e polici i lagjes, me lajmrue se djali asht arrestue si armik…, kur kojshija sigurims të përgjonte “hymje daljet” e bisedat që ja mundsonte dyshemja me dërrasë e “muret” da’ me fibër, …kur ‘Zanin e Amerikës’, Radio Londrën e Radio Vatikanin’ i ndijshim të mshehun nën jorgan o batanije…., pra, kur pushteti i të kuqve ishte ma agresiv se kurrë.

Banojshim në nji ngrehinë që kishte kenë stallë bagëtish e familjes Ndoc Xhuxhës te “Arra Madhe”… e përballë, në nji si oborr, ku lajshim e ndejshim teshat, kishte dy ditë që ulej nji i moshuem me pamje të vuejtun. I ndrojtun, i lodhun ma shumë prej halleve se prej vjetve, i krrusun, e kryet e mbluem me flokë të bardhë të dendun, që i jepshin pamje fisnikut.

Mbasi varte në pemë xhaketën e vjetrueme dokut (si xhaketë burgu), xente vend në nji qoshe tuj i dhanë kurrizin kalimtarëve, mos me ra në sy, nxirrte prej shtrajcet vaktin e mesditës të pshtjellun në nji facoletë, bante kryq e fillonte me hanger çka kish marrë prej shpijet.

Të mjerin, komunalja e kishte sjellë punëtorë krahut me pastrue kanalet e rrugës. Punonte me kazmë e lopatë pa ndërpre tuj u ndalë veç me fshi djersen në fytyrën e rreshkun prej diellit përvëlues e pluhnin e makinave, që i kalojshin pa pushim përbri.

Tanë kohen më sillej në krye fytyra e tij, si e njoftun, por s’muejshe me e përcaktue se kush ishte e ku e kishe pa, derisa e pashë tuj u përshëndetë me tim atë i cili ma zgjidhi enigmën.

– “Kush asht ai burrë…, – e pyeta, – më duket si ftyrë e njoftun”?

– “Ti e njeh, i ke kenë edhe n’shpi”, ….m’u përgjigj aj, tuj m’shtue kuriozitetin.

– “Asht prifti, vllau i Dedës që punon me mue…, ti ke shok t’nipin, atë qe i bjen kitarës…! Ka dalë prej burgut, e si duket e kanë çu punëtorë n’Komunale.…”!

– “Dhe vazhdojnë me e ‘denue’ tuj e qitë n’rrugë me pastrue kanalet, me qëllim me e turpnue ndër njerz qi e njohin”, … ja ktheva i ndezun prej zemërimit rinor.

– “Mos u shkangullo, njeriu sa ka jetën ka shpresën, besoj se ka me ardhë ndoj ditë e bardhë edhe për ne, se nuk i kena ba gja askujt e, kena jetue gjithmonë me faqe të bardhë. Mandej ti je tuj e provue vetë n’kurriz tand,- …m’kujtoj im atë, – …s’të lanë me shkue na s’të lanë me shkue na asnji shkollë tjetër përveç gjimnazit, të paktën në nji shkollë zanatit, se për universitet s’bahet fjalë”.

Personazhi i vuejtun i kujtimit tem ishte Dom Ernest Simoni Troshani, i cili u ba për mue shembull se si duhet me durue e përballue situatat e vështira të jetës.

Çka ndodhi ma vonë me Ernestin, jena dëshmitarë dhe e dimë të gjithë, që Vatikani e ngriti n’statusin ma t’naltë për nji klerik, tuj e ba ‘Kardinal Ernest Troshani’, ktë prelat që vuejti për 18 vjet mundimet e Krishtit n’burgjet e diktaturës, por që mbet gjithnji shëmbëlltyrë e mirësisë, besimit n’Zot, qëndresës e sakrificës./ Memorie.al

Këto pamje vijnë nga një banesë në lagjen Iliria në Durrës, ku uji si pasojë e reshjeve të dendura ka dalë jashtë kontrollit.

Uji ka hyrë brenda banesës, duke shkaktuar dëme të konsiderueshme materiale.

Sikurse duket nga pamjet e përcjella nga korrespondentja e Top Channel Kristi Gongo që ndodhet atje, ka qenë e pamundur për banorët të pengonin hyrjen e ujit brenda në banesë. 

Analisti Fatos Lubonja, deklaroi se me qeverinë “Rama” kanë ndodhur shumë skandale, ndërsa shtoi se në një vend normal kryeministri Edi Rama duhej të kishte dhënë dorëheqje apo të arrestohej. 

I ftuar në programin e drekës në News24, Lubonja ‘skanoi’ dhe problematikat nga të cilat vuan opozita. 

“Opozita po krijon një tezë për atë që; “vendi është në një krizë të rëndë dhe se ne duhet të marrim pushtetin.”. Skandalet janë të mëdha. Në një vend normal Rama do të duhej të kishte dhënë dorëheqje, ose të ishte i arrestuar. Ne nuk jemi normalë. Berisha ka disa probleme. Opozita është mirë kur denoncon. Ka guxim dhe denoncon, por sa i përket anëve të tjerë ka shumë të meta. Negative është ajo shpresa e utopisë se “Rama do të arrestohet. Është ne prag të shkatërrimit si Maduro”. Nuk janë të besueshme. Berisha në deklaratën e fundit që bëri tha; të bashkohemi të gjithë. Por është Berisha pengesa kryesore e bashkimit të PD.”, tha ai. 

Situata vijon të jetë e vështirë në zonën e Kurbinit, për shkak të reshjeve të dendura që kanë përfshirë vendin.

Në Mamurras rrugën janë kthyer në lumenj, ndërsa banesat janë të rrethuara nga uji. 

Gjithashtu raportohet për dëme në disa biznese. Probleme janë shfaqur në fshatrat Gjormë, Zhejë, Fushë Mamurras, në zonën e Sanxhakut të Laçit. 

Aksi rrugor Mamurras- Laç është bllokuar për rreth dy orë, duke krijuar një situatë kaosi nga prurjet e mëdha. 

Niveli i Lumit Drojë është në kuotat maksimale, rrezikon daljen nga shtrati. 

Dëmet e shkaktuara nga reshjet e dendura të shiut kanë rezultuar thuajse shkatërrimtare për një familje në Durrës.

Një nënë, në një prononcim për Top Channel shprehet se shtëpia është përmbytur që mbrëmjen e djeshme, mirëpo ka dalë nga banesa në orën 3 të mëngjesit, pasi rrezikonte jetën fëmija.

Më tej ajo tregon se shkoi në polici për ndihmë, pori kishin komunikuar që të shkojë në bashki. 

“E shihni?! Mbledhim dru për të ndezur sobën, jemi përmbytur që mbrëmë. Ku të shkoja? Kemi fjetur këtu brenda. Për pak na u mbyt fëmija, nga ora 3 dolëm nga shtëpia dhe ikëm. Desh na iku fëmija, ia dhashë fisit tim, i thashë ‘ma mbaj fëmijën’. Jetohet kështu? Shkova te policia, e më tha shko te bashkia. Nuk na morën për të na strehuar. Ku të shkojmë?!”, u shpreh qytetarja. 

Efektivë të komisariatit nr. 3 arrestuan në Tiranë mjekun Julian Habibaj 53 vjeç për veprën penale “Goditje për shkak të detyrës”. 

Ai ushtronte detyrën në maternitetin “Mbretëresha Geraldinë” ndërsa është kallëzuar nga kryeinfermierja se pasi i ka kërkuar atij që të merrte dhe të plotësonte protokollin që duhet të ndiqte për një paciente, mjeku e ka kundërshtuar, e ka ofenduar dhe kapur për fyti me duar duke i shkaktuar edhe shenja të dukshme. 

Burimet bëjnë me dije se ndaj mjekut kishte 11 shkelje disiplinore për veprime të ndryshme brenda stafit, ndërsa kjo është hera e parë që është kallëzuar në polici.