Sondazhisti Eduart Zaloshnja, i ftuar në “Real Story”, zbuloi përgjigjen e sondazhit lidhur me pyetjen se “Për cilin nga dy politikanët kryesorë keni opinionin më pozitiv?”
Shqiptarët janë përgjigjur 48.5 % për Edi Ramën. Ndërsa 19.2 % për Sali Berishën.
Sakaq pyetjes asnjë nga të dy janë përgjigjur 32.3%.
/abcnews.al/
TIRANË– Analisti Albatros Rexha, në “Real Story” u shpreh se vendosja e telave në Zvërnec ishte një gjë e shëmtuar, e cila nuk la shije të mirë te qytetarët.
Gjatë diskutimit në studio, Rexhaj tregoi dhe motivet që sipas tij çuan drejt këtij vendimi të kritikueshëm.
Ai theksoi se ditë më përpara, gjatë natës, persona të ndryshëm kanë dëmtuar dhe u kanë vënë flakën pajisjeve, vlera e të cilave arrin në mijëra euro.
“Pse u vendosën tela? Më vërtetë është gjë e shëmtuar, dhe mënyra si është bërë, është bërë pa shije. Kushdo që ka bërë, duhet të ishte menduar dy herë.
Por unë pyeta dhe doli, që dy tre ditë më herët, aty ishin futur njerëz natën dhe kishin dëmtuar pronën private, ku kishin dëmtuar pajisjet, sepse vetëm një pajisje kushton 200 mijë euro. Ia kanë vënë flakën, janë bërë dëme.
Për ato askush nuk flet. Ideja për të mbrojtur atë pronë private, nuk ka lindur nga ajri”, tha ai./abcnews.al
Ministrja Delina Ibrahimaj e ka cilësuar projektin e mundshëm në zonën e Zvërnec si një mundësi të rëndësishme për zhvillimin ekonomik dhe turistik të vendit.
Gjatë një interviste në emisionin “Real Story” në ABC News, Ibrahimaj tha se Shqipëria ndodhet në konkurrencë të drejtpërdrejtë me vendet e rajonit për tërheqjen e turistëve dhe se investime të tilla mund të sjellin turizëm elitar dhe ndikim pozitiv në ekonomi.
“Çështja është krejtësisht e jona. Ne jemi në konkurrencë për turizëm me të gjitha vendet fqinje dhe një projekt i tillë do tërheqë turizëm elitar”, u shpreh ministrja.
Ajo sqaroi se aktualisht nuk ekziston një projekt i detajuar i paraqitur për zhvillim dhe se autoritetet kanë dhënë vetëm një leje për kryerjen e analizave dhe studimeve paraprake.
“Sot nuk kemi një projekt për të thënë se çfarë do të ndërtohet dhe ku do të ndërtohet. Kemi investitorë seriozë, kaq mund të komunikojmë. Leja e dhënë është për të bërë analiza”, deklaroi Ibrahimaj.
Duke komentuar incidentet dhe tensionet e raportuara në zonë, ministrja dënoi aktet e dhunës dhe theksoi se institucionet kanë marrë masat e nevojshme për ruajtjen e rendit.
Sa i përket debatit për rrethimin e një pjese të territorit, ajo tha se masa ishte ndërmarrë për mbrojtjen e pronës private, por nënvizoi se plazhi nuk është pronë private dhe duhet të mbetet i aksesueshëm.
“Po bëhet një investim në një pronë private dhe leja për zhvillimet është dhënë për të bërë studime. Çështja e konfliktit të pronës është një çështje që u përket instancave përkatëse”, tha ministrja.
TIRANË- Analisti Skënder Minxhozi, ngriti shqetësimin për mungesën e transparencës rreth projektit të planifikuar në Zvërnec, duke e cilësuar këtë si një çështje delikate për shkak të ndikimit që projekte të tilla mund të kenë mbi mjedisin, trashëgiminë kulturore dhe zonat e mbrojtura.
Ai krahasoi nivelin e informacionit të dhënë për aeroportin e Vlorës me atë të projektit në Zvërnec, duke theksuar se për këtë të fundit ka pasur shumë pak transparencë, pavarësisht se bëhet fjalë për një investim me vlerë shumë më të madhe.
Minxhozi tha në “Real Story” se projekti është trajtuar kryesisht në kuadër të rëndësisë së tij gjeopolitike, ndërsa ka munguar prezantimi i detajeve konkrete për publikun.
“Problemi i transparencës është një problem delikat, sepse çështjet e zhvillimit e sektorit turistik, që prekin trashëgiminë kulturore, ambienti dhe shumë gjëra të tjera, zona sensitive, kërkojnë veç të tjerash komponente komunikimi.
Këtu e themi thënë nëse për aeroportin e Vlorës t’i futesh në internet dhe gjen dhjetëra, në mos qindra raportime, dokumentar, intervista se si do jetë ende pa u hedhur asnjë lopatë asfalt, për këtë projekt që vlen shumë fish më shumë.
Ky u mbajt me këtë komponent të gjeopolitike, u mbajt disi i mbyllur. Ka ardhur koha që të kemi një vetëdije tjetër sa i përket ruajtjes së natyrës në tërësi, këtë do ta shohim dhe do ta provojmë në negociata e vështira që do kemi në kapitull përkatës të aderimit, sepse ndodhemi në një kontinent, ku ambientalizmi është një lloj “feje” e padeklaruar dhe e rëndësishme që është deri në fanatizëm”, tha Minxhozi./abcnews.al
TIRANË- Analisti Skënder Minxhozi, i ftuar në emisionin “Real Story”, u shpreh se projekti i planifikuar në Zvërnec duhet të vazhdojë, duke theksuar se Shqipëria nuk mund t’i thotë “jo” një investimi me përmasa të tilla.
Sipas Minxhozit, pavarësisht se ende nuk ka një projekt të finalizuar, rëndësia e nismës lidhet jo vetëm me zhvillimin ekonomik, por edhe me dimensionin gjeopolitik që ajo sjell për vendin.
Ai vlerësoi se Shqipëria nuk ka njohur më parë investime të kësaj shkalle dhe se shifra prej rreth 4 miliardë dollarësh e bën projektin një mundësi të rëndësishme për zhvillimin.
“Për Zvërnecin, vetë ministrja dhe kryeministri thonë se ende nuk ka një projekt. Mendoj se mund të flasim për të gjithë atë zonë dhe për të gjithë këtë marrëdhënie që bëhet gati të marrë formë, më shumë në planin gjeopolitik, të rëndësisë që ka kjo për Shqipërinë. A duhet të vazhdojë?
Nuk mund t’i thuhet kurrsesi jo një projekti, i cili ka një shifër mbi të, ku ne s’e kemi parë kurrë si shtet, Shqipëria nuk njeh përmasa të tilla. Mendoj se nëse më parë kemi pasur problem me mashtruese, që vinin nga bota dhe që premtonin gjithçka dhe kemi mbajtur një gropë në mes të Tiranës, që do ishte mrekullia e Tiranës, ajo ishte sit ë thuash metafora e asaj që premtohej dhe nuk bëhej. Sot mendoj se problemi është e kundërta, është masa e madhe e projektit. Në një ambient, i cili është i vogël, sepse në Shqipëri gjithçka është e vogël, ne kemi gjithsej 400 km bregdet”, tha ai.
Ai theksoi se protestuesit kanë zgjedhur betejën e gabuar me qeverinë, pasi në mes qëndron një projekt, i cili do të sjellë investime në përmasa të larta.
Ne na ofrohet një projekt, i cili në dukje është i stërmadh për këllqet tona, pra për Vlorën, por edhe për Shqipërinë.Ai popull aty, e publikut shqiptare që proteston, e ka lënë disi mënjanë Zvërnecin, sepse ka dalë shprehja që sot e dëgjoja jo tek një, por te disa të intervistuar që: Zvërneci është maja e Ajsbergut, kalojnë të Rrjolli ,bregdeti etj. Kanë gjetur betejën e gabuar me qeverinë kur në mes janë 4 miliardë dollarë, sepse nuk është një gjë e vogël. Nuk është kollaj ti thuash jo.”, tha Minxhozi./abcnews.al
Ministrja Delina Ibrahimaj ka folur për projektin e diskutuar të Zvërnec, duke sqaruar se aktualisht nuk ekziston një projekt i dorëzuar zyrtarisht në qeveri për shqyrtim.
Gjatë një interviste në emisionin “Real Story” në ABC News, Ibrahimaj u shpreh se debati rreth Zvërnecit ka marrë përmasa serioze dhe duhet trajtuar me përgjegjësi.
“Nga këndvështrimi i qeverisë, nuk ka një projekt të dorëzuar në qeveri që të flitet konkretisht me sipërfaqe. Ka një leje që është dhënë për të bërë analiza mjedisore, ka edhe një projekt potencial që është rrëzuar”, deklaroi ministrja.
Ajo theksoi se, pavarësisht mungesës së një projekti të formalizuar në këtë fazë, iniciativa konsiderohet me rëndësi të veçantë për zhvillimin e vendit.
“Padiskutim që është projekti më i rëndësishëm që ne kemi”, u shpreh Ibrahimaj gjatë intervistës.
/abcnews.al/
Eksperti i marrëdhënieve ndërkombëtare, Ledjon Krisafi, vlerëson se mundësia për arritjen e një marrëveshjeje mes Iranit dhe Shteteve të Bashkuara të Amerikës, mbetet e kufizuar, pasi sipas tij Teherani nuk ndodhet ende në një pozicion që ta detyrojë të bëjë lëshime të rëndësishme.
Në një intervistë në emisionin “War Report” në ABC News, Krisafi tha se për të pasur një marrëveshje të qëndrueshme, Irani duhet të pësojë humbje më të mëdha se ato që ka pësuar deri më tani.
“E shoh të vështirë që të arrihet me një marrëveshje. Sepse që të arrihet një marrëveshje e mirë, duhet që Irani të mundet më shumë se sa është mundur deri tani. Ky Iran tani vështirë të japë në tavolinë diçka që nuk e ka humbur në betejë”, u shpreh ai.
Sipas Krisafit, Irani e ka humbur luftën në aspektin strategjik, pasi veprimet e tij kundër vendeve të Gjirit kanë sjellë pasoja të kundërta nga ato që synonte.
“Në thelb mendoj që Irani e ka humbur luftën sepse duke i goditur vendet e Gjirit ka bërë një gabim strategjik, pasi tashmë ato kanë kaluar në krahun amerikan dhe izraelit. Dhe kjo ishte për faktin se Irani i goditi. Askush nuk e mendonte se do të godiste Katarin apo Emiratet e Bashkuara Arabe”, deklaroi eksperti.
Ai shtoi se zhvillimet e fundit kanë ndryshuar balancat politike në Lindjen e Mesme dhe kanë rritur izolimin e Iranit në rajon.
“Sot mendoj që Irani e ka rajonin më shumë kundër vetes”, përfundoi Krisafi.
Ish-prokurori Ervin Karanxha, i ftuar në “Real Story” inkurajoi Prokurorinë e Posaçme që të hetojë çështjen e pronave në Vlorë, por edhe në pjesë të tjera të bregdetit të vendit.
Ai theksoi se është detyrë e organeve ligjore që të zbardhin rrethanat dhe pretendimet ngritura nga banorët qoftë në Zvërnec, por dhe në zona të tjera.
Më tej Karanxha u shpreh se personalisht nuk është kundër investimeve, por shtoi se është garantimi i transparencës është i obligueshëm
“Ajo zonë është zonë problematike, madje dh shërbimi sekret, që ne folëm për informacionet që kanë në lidhje me tjetërsimin pronave, duhet të kishin inflamacion, sepse psh, po e marr teorikisht, nëse ky që merr këto para nuk është pronar dhe të marrë këtë shumë parash, do të thotë se ku është shteti shqiptar, Ai e ka me dokumente pronën. Titujt e pronësisë janë të 2008, kanë qenë vendime të kontestueshme në vitin 2008 për kthimin e pronave.
Ka pasur dhe çështje penale, qoftë në Prokurorinë e Tiranës, madje ka pasur çështje penale kur ka qenë vetë prokuror Altin Dumani bashkë me një prokurorin Armand Gurakuqin kanë pasur çështje në lidhje me falsifikimin e pronave.
Në zonën e bregdetit bëhet fjalë. Në zonën e Durrësit bëhet fjalë për rastin që ka qenë, por kanë pasur shumë raste, dhe Dumani e di pak a shumë situatën. Këto çështje duhet të verifikohen, pronësia nga ka rrjedh, sepse në fund fare në qoftë se kjo tokë s’ka pronar dhe është marrë në mënyrë të paligjshme pse jo, shteti mund të hyjë si investitor, si përfitues. Unë personalisht nuk jam kundër investimit të pronës, por të kemi transparencë. “, tha ai.
Avokati Idajet Beqiri ka kërkuar një angazhim të SPAK për të hetuar rrethanat që lidhen me çështjen e Zvërnecit, duke theksuar se situata e krijuar përmban elementë që duhet të shqetësojnë organet e drejtësisë.
Në një intervistë në emisionin “Real Story” në ABC News, Beqiri tha se protesta po zhvillohet në një moment të ndjeshëm për vendin, në një kohë kur Shqipëria po tërheq vëmendje të konsiderueshme në arenën ndërkombëtare për investimet e huaja.
“Mënyra se si u krijua situata do ta shqetësonte organin e akuzës për të parë se çfarë problemesh ka në këtë mes. Këta njerëz janë pronarët e ligjshëm, të cilëve u është marrë prona, dhe kur krijohet një situatë e tillë komplekse, nis një çështje që duhet hetuar. Kjo protestë bëhet në një kohë kur jemi në një situatë shumë komplekse dhe të rënduar. Shqipëria, duam apo nuk duam ta pranojmë, po përjeton prurje të jashtëzakonshme investimesh. Projekte që mund t’i sjellin vendit miliarda dollarë do të krijonin xhelozi edhe në vende shumë të zhvilluara, e aq më tepër te ata që nuk duan suksesin e Shqipërisë”, deklaroi Beqiri.
Megjithatë, ai theksoi se pjesa më e madhe e protestuesve janë të motivuar nga çështja e pazgjidhur e pronave dhe jo nga interesa të tjera.
“Protestuesit e vërtetë janë nisur më shumë nga plaga e pronës. SPAK duhet të futet seriozisht në këtë çështje”, përfundoi avokati.
Eksperti i kriminalistikës, Ervin Karamuço, ka ngritur alarmin për aktivitetin e shtuar në rrjetet sociale dhe portalet online lidhur me çështjen e Zvërnecit dhe protestat e zhvilluara në Tiranë.
Në një intervistë në emisionin “Real Story” në ABC News, Karamuço deklaroi se pas zhvillimeve të fundit janë aktivizuar një numër i madh adresash dhe platformash që, sipas tij, synojnë nxitjen e tensioneve dhe destabilizimin e situatës.
“Kërkojnë të nxisin nacionalizmin dhe të ngrenë në këmbë grupe personash apo komunitete të caktuara me qëllime destabilizimi. Gjatë 48 orëve të fundit, në rajon dhe në vendet fqinje, në lidhje me çështje shqiptare janë aktivizuar mbi 1 mijë adresa falso dhe janë hapur portale të reja që fokusohen vetëm te çështjet që lidhen me protestat dhe Shqipërinë në Tiranë”, deklaroi Karamuço.
Sipas ekspertit, përdorimi i llogarive të rreme dhe krijimi i platformave të reja informative janë tregues të përpjekjeve për të amplifikuar debatet dhe për të ndikuar në opinionin publik përmes përmbajtjeve që lidhen me zhvillimet e fundit në vend.
/abcnews.al/
Pas pak “Real Story”, na ndiqni live në ABC News
Artan Behrami ka deklaruar se marrëdhëniet mes Kosovës dhe Shteteve të Bashkuara të Amerikës ndodhen në një krizë të thellë.
Në një intervistë për emisionin “Balkan Update” në ABC News, Behrami komentoi deklaratat e ish-ambasadorit amerikan në Kosovë, Jeffrey Hovenier, duke thënë se shqetësimet e tij reflektojnë edhe qëndrimet e institucionit që ai përfaqëson.
“Hovenier e njeh më mirë Albin Kurtin dhe ndaj shqetësimet e tij janë shqetësime edhe të departamentit të tij. Marrëdhëniet tona me SHBA janë në një krizë të thellë. Ne kemi nevojë për një lider tjetër që kthen besimin amerikan te Kosova, që kthen SHBA-të te Kosova”, deklaroi Behrami.
Sipas tij, aleanca me SHBA-në është elementi kyç për forcën dhe sigurinë e Kosovës.
“E vetmja fuqi që Kosova ka është aleanca me SHBA. Prandaj është urgjente që të kemi një ndërrim të qeverisë dhe të kursit”, u shpreh ai.
Behrami vlerësoi gjithashtu marrëdhëniet e Partisë Demokratike të Kosovës me SHBA-në, duke theksuar se ato janë të konsoliduara prej vitesh.
“PDK e Kosovës i ka të rrënjosura marrëdhëniet me SHBA. Bedri Hamza dy herë ka vizituar Shtëpinë e Bardhë”, tha Behrami.
Analistët Ergys Mërtiri dhe Roland Bejko kanë shprehur kritika për gjendjen e opozitës në vend, duke argumentuar se mungesa e një alternative të besueshme politike po ndikon në klimën politike dhe demokratike në Shqipëri.
I ftuar në emisionin “Real Story” në ABC News, Ergys Mërtiri u shpreh se vendi ndodhet përballë një mungese të theksuar alternativash politike, pavarësisht pakënaqësive që ekzistojnë ndaj qeverisë.
“Vendi ka mbetur pa asnjë alternativë. Në këto kushte duhet të ketë një alternativë. Njerëzit dalin në shesh, duan dorëheqjen e Ramës dhe nuk ka një alternativë. Rama ka kontribuar që ai fat të jetë kështu”, deklaroi Mërtiri.
Nga ana e tij, Roland Bejko u ndal te zhvillimet brenda Partisë Demokratike, duke argumentuar se kjo forcë politike nuk po arrin të prodhojë figura alternative për shkak të mënyrës së organizimit dhe drejtimit të saj.
Sipas Bejkos, edhe partnerë ndërkombëtarë kanë shprehur interes dhe simpati për emra të caktuar brenda Partisë Demokratike, por këta emra nuk kanë hapësirë për t’u afirmuar politikisht sa kohë që partia mbetet e dominuar nga lidershipi aktual.
“Gjermanët nuk e kanë fshehur, edhe në bisedat private që kanë pasur, simpatinë për një apo tjetër emër. Nuk është vetëm Jorida dhe Gazi, janë edhe të tjerë. Doktori nuk është se nuk i di. Këto emra do ta kenë të vështirë. Sa të jenë përkrah Sali Berishës nuk kanë asnjë perspektivë në PD, sepse ajo është një parti personale e Berishës. Në këtë fazë të gjithë janë të qartë se ajo parti, sa kohë të ketë Berishën, nuk do të ketë asnjë emër si alternativë”, u shpreh Bejko.
/abcnews.al/
TIRANË– Analisti i njohur Ergys Mërtiri, i ftuar në emisionin “Real Story”, u shpreh se të gjithë duan që Shqipëria të ketë një opozitë të shëndetshme, por problemi sipas tij, qëndron në faktin se të huajt nuk pajtohen që kjo opozitë të ketë për drejtues Sali Berishës.
Ai theksoi se këtë qasje kanë dëshmuar edhe gjermanët, siç bëri thirrje deputeti i CDU-së Peter Beyer, i cili deklaroi se PD i duhet një kryetar tjetër.
“Të gjithë duan të kenë marrëdhënie me PD, duan të kenë opozitë, dhe kjo vjen nga dëshira që nuk e duan më Ramën, duan të ketë një opozitë. Gjermanët kanë një prirje për ta zëvendësuar qeverinë. Ata duan një opozitë, por nuk duan që të jetë Berisha opozita. PD i intereson një i huaj që është këtu. Berisha u zgjodh kryetar, por nuk e uroi askush. Herët e tjera e kanë uruar. Një parti, që ka kauzën e vet të rrëzojë qeverinë, por të kalojë oqeanin kryetari, domethënë që PD s’është parti tashmë, por ka halle të mëdha”, tha ai.
Më tej, analisti Roland Bejko theksoi se Sali Berisha nuk ka asnjë mundësi të kalojë oqeanin dhe të shkojë në Shtetet e Bashkuara, ndryshe nga disa pretendime që kanë shprehur disa përfaqësues të PD, në studio televizive.
“Ylberin mund ta kalojë, por ta garantoj se oqeanin nuk e kalon dot”, tha ai./abcnews.al
Në një intervistë në emisionin “Real Story” në ABC News Roland Bejko u shpreh se Partia Demokratike nuk është më parti e shpresës dhe se sipas tij është kthyer në një parti personale të Berishës.
“PD nuk e shikoj si shpresë pikërisht nga qëndrimet e kryetarit sepse është personale dhe këtë e kanë parë qytetarët”, tha ai.
Nga ana e tij Ibsen Elezi nga ana e tij u shpreh se kreu i PD Sali Berisha, të fut në absurd dhe se sipas tij, nuk kanë parime dhe kjo të sjell edhe humbjen e besueshmërisë.
“Berisha nuk ka një qëndrim që e kupton dot. Berisha në parim është në rregull që për investime të huaja jam pro. Këtu shtrohet problemi nëse në Zvërnec u është cënuar e drejta e pronës dikujt apo jo. Por unë nuk e shoh shumë konfuz. Por duhet thënë që vetë Berisha vendosi nenin Basha, por nga ana tjetër e shton po vetë absurdin. Pra ju thotë gjithë të tjerëve mos flisni sepse e pëson si Salianji? E shpallte hero para tre muajsh…Por këto nuk kanë shtyllë kurrizore dhe nuk kanë shtyllë kurrizore.”, tha ai.
/abcnews.al/
TIRANË– Anëtari i kryesisë së Partisë Demokratike, Indrit Hoxha, i ftuar në emisionin “Real Story”, u shpreh se Partia Demokratike duhet të dalë nga përplasjet e brendshme dhe të rikthehet si një alternativë reale qeverisëse.
Ai theksoi se, sipas tij, PD aktualisht nuk përbën alternativë për qeverisjen dhe se nevojitet një riorganizim i brendshëm dhe bashkim i strukturave.
Më tej Hoxha theksoi se zgjidhja, sipas tij, qëndron te bashkëpunimi dhe rikthimi i besimit brenda demokratëve, si dhe te ndërtimi i një ekipi të aftë për zgjedhjet e ardhshme.
“Në katër vitet e fundit, edhe qytetarët që janë jashtë strukturave të PD janë lodhur me këtë betejën tonë të brendshme. Unë kam thënë se PD duhet të kthehet sot alternativë, PD sot nuk është alternativë qeverisëse, dhe ne duhet të gjejmë të gjithë mekanizmat. Aktualisht janë anëtar i kryesisë dhe aktualisht i zgjedhur edhe si anëtar i Këshillit Kombëtar. Ne duhet të ndajmë mendjen: duhet të bëjmë një ekip, që në të bëhemi të gatshme për zgjedhjet bëhemi të vërtetë.
Duhet të jemi të vërtetë me demokratë, pastaj me qytetarët dhe në fund të kthehemi për t’u bërë një alternativë fituese bindëse qeverisës, sepse kapacitete dhe burimet njerëzore që ka PD unë mendoj se i ka të jashtëzakonshme.
Unë mendoj se duhet “meachulpa” ndaj vetes, për të rikthyer dhe për të gjetur mënyrën e komunikimit, ftesën, thirrjes, bashkëpunimit, me çdo njeri që kanë dhënë qoftë dhe një minutë kontribut në atë forcë politike. Unë mendoj se kjo është e vetmja rrugë.”. tha ai./abcnews.al
Në një intervistë në emisionin “Real Story” në ABC News, Indrit Hoxha foli për zhvillimet në Partinë Demokratike.
Sipas Hoxhës, Partia Demokratike duhet të krijojë më shumë hapësira për emra të rinj në mënyrë që të rikthejë besimin e qytetarëve.
Ai la të kuptohet se sfida kryesore e Partisë Demokratike mbetet zgjerimi i bazës përfaqësuese dhe ndërtimi i një alternative që të fitojë besimin e publikut, përtej debatit mbi lidershipin.
“PD ka figura të jashtëzakonshme, njerëz që angazhohen. Nuk është çështja vetëm te lidershipi i zotit Berisha. Unë mendoj që kemi nevojë për figura të reja në PD dhe për të bërë një hapje reale dhe për t’u kthyer në një alternativë besuese”, tha ai.
/abcnews.al/
Login