Kërkesa e Benjamin Netanjahut për falje me qëllim “promovimin e pajtimit” në Izrael ka shkaktuar debat të madh, ndërsa gjyqi i gjatë për korrupsion i kryeministrit vazhdon të përçajë shoqërinë izraelite.

Lajmi bëri bujë papritur në Izrael (30.11.2025): Kryeministri Benjamin Netanyahu i ka kërkuar Presidentit Isaac Herzog ta amnistojë paraprakisht, duke i dhënë fund gjyqit të tij për korrupsion. Do të ishte një veprim shumë i diskutueshëm, pothuajse i paprecedent, pasi faljet presidenciale zakonisht jepen vetëm pas një vendimi.

Yedioth Ahronoth, një nga gazetat kryesore të përditshme të Izraelit, publikoi një artikull të hënën me titullin “Dilema e Faljes”, ndërsa gazeta e përditshme e krahut të djathtë Israel Hayom pranoi se “kërkesa është e pazakontë dhe bart pasoja serioze”.

Në një video-deklaratë televizive, Netanjahu tha se ishte në interesin e tij personal të provonte pafajësinë e tij në gjykatë, por sipas tij është edhe në interesin kombëtar të shkurtonte gjyqin. Ai pretendon se procesi “po na përçan”.

“Realitetet e sigurisë, realitetet politike dhe interesi kombëtar, kërkojnë ndryshe”, tha Netanjahu. “Procesi po na përçan, po nxit mosmarrëveshje të hidhura dhe përçarje”. Netanjahu argumentoi se “përfundimi i menjëhershëm i gjyqit do të ndihmonte në uljen e tensioneve dhe në promovimin e pajtimit për të cilin vendi ynë ka kaq shumë nevojë”.

Trump mbështet kërkesën për falje

Komentatorët izraelitë vunë re se kërkesa erdhi menjëherë pasi Presidenti i SHBA-së Donald Trump i shkroi Presidentit Herzog më 12 nëntor, duke kërkuar një falje të plotë për Netanjahun. Trump, një mbështetës i hershëm i Netanyahut, gjithashtu bëri thirrje për një falje në tetor gjatë një fjalimi në Knesset, Parlamentin e Izraelit.

Netanjahu është i vetmi Kryeministër izraelit në detyrë që përballet me gjyq, duke u përballur me akuza për ryshfet, mashtrim dhe shkelje të besimit në tre raste të ndara. Ai akuzohet për pranimin e dhuratave në këmbim të favoreve politike, si dhe për kërkimin e mbulimit dhe favoreve nga mediat, nga një kompani telekomunikacioni dhe botuesi izraelit Yedioth Ahronoth.

Netanyahu i ka mohuar të gjitha akuzat, duke e quajtur vazhdimisht gjyqin pesëvjeçar një “gjueti shtrigash” nga media, policia dhe nga gjyqësori kundër tij dhe familjes së tij.

Kritikët e tij e kanë akuzuar prej kohësh atë për zgjatjen e luftës në Gaza si dhe konflikteve të tjera, me qëllim që të mbtetet koalicioni i tij qeverisës në pushtet dhe të shmangë problemet ligjore.

Gjykimi kundër tij është zvarritur për shkak të vonesave që lidhen me pandeminë COVID-19 dhe mocione të shumta nga avokatët e tij për të shtyrë seancën dëgjimore për arsye diplomatike dhe sigurie që lidhen me konfliktet në Gaza, Liban dhe Iran.

Kryeministri përballet me zgjedhje të tjera në vjeshtën e vitit 2026, por analistët politikë spekulojnë se zgjedhjet mund të jenë më herët, varësisht se si do të zhvillohet situata.

“Netanjahu nuk po kërkon falje”, shkroi Ben Kaspit, një kolumnist për të përditshmen Maariv. “Ai dëshiron një rrugë të tërthortë. Një përjashtim nga barazia para ligjit.”

Nadav Eyal, një komentator për Yedioth Ahronoth, tha se kërkesa për falje ishte një fitore për Netanyahun pavarësisht rezultatit. Nëse Herzog, një ish-rival politik, e refuzon kërkesën e tij, Netanyahu, do të “shfrytëzonte rolin e tij si viktimë deri në zgjedhjet e ardhshme”./DW/

Kryeministri izraelit Benjamin Netanyahu ka paraqitur një kërkesë zyrtare për falje te presidenti Isaac Herzog.

Netanyahu po përballet me akuzat për korrupsion dhe është i vetmi kryeministër në detyrë në historinë e vendit në detyrë që del në gjyq.

Në një deklaratë ai tha se çështja e ka ndarë vendin dhe një falje do të ndihmonte të rivendoste unitetin kombëtar.

Netanyahu tha gjithashtu se kërkesa për t’u paraqitur në gjykatë tri herë në javë është një shpërqendrim që ia vështirëson atij udhëheqjen e vendit.

Zyra e Presidentit Isaac Herzog tha se kërkesa është e jashtëzakonshme dhe mbart implikime të rëndësishme.

Presidenti do e shqyrtojë kërkesën pas konsultimit me autoritetet përkatëse në departamentet ligjore.

Si kreu i shtetit izraelit, Herzog ka fuqinë për të dhënë falje, megjithëse shumë argumentojnë se kjo nuk mund të bëhet para një dënimi. Kërkesa e Netanyahu vjen pasi Donald Trump i dërgoi një letër presidentit izraelit duke i kërkuar që ta falte kryeministrin. Presidenti amerikan e cilësoi Netanyahun një lider të jashtëzakonshëm që udhëhoqi vendin në kohë lufte.

Të njëjtën kërkesë Trump e bëri edhe në fjalimin e tij para parlamentit izraelit. Gjyqi i Netanyahu, filloi në vitin 2020, nuk ka përfunduar ende. Ai është deklaruar i pafajshëm për të gjitha akuzat, të cilat përfshijnë ryshfet dhe mashtrim.

Kryeministri izraelit akuzohet për tre raste, duke përfshirë marrjen e qindra mijëra dollarëve dhurata nga biznesmenë./abcnews.al

Kancelari gjerman Friedrich Merz do të udhëtojë për në Izrael më 6 dhe 7 dhjetor për vizitën e tij të parë zyrtare që nga marrja e detyrës.

Merz është planifikuar të takohet me kryeministrin Benjamin Netanyahu më 7 dhjetor për të diskutuar marrëdhëniet dypalëshe, armëpushimin në Gaza dhe çështje të tjera ndërkombëtare.

Gjithashtu, ai do të vizitojë memorialin Yad Vashem dhe do të zhvillojë bisedime me përfaqësues lokal nga shoqëria. Ndryshe, Gjermania ka qenë prej kohësh një nga mbështetëset më të forta të Izraelit, por gjithashtu ka kritikuar qeverinë e Netanyahut për strategjinë e saj në luftën shkatërruese të Gazës.

Këtë muaj, qeveria gjermane vendosi të rifillojë shitjet e armëve për Izraelin, të cilat ishin pezulluar që nga gushti për shkak të luftës. Por tha se vendimi i nënshtrohet respektimit të armëpushimit dhe ofrimit në shkallë të gjerë të ndihmës humanitare./abcnews.al

Kryeministri izraelit, Benjamin Netanyahu, deklaroi se furnizimi i Turqisë me aeroplanët F-35 nuk pritet të ndodhë së shpejti, dhe mund të mos ndodhë fare. Ai shtoi se qëndrimi i Izraelit ndaj kësaj çështjeje është i ngjashëm me atë për Arabinë Saudite, por “shumë më i fortë”.

Deklarata e udhëheqësit izraelit vjen në një kohë kur marrëdhëniet izraelito-turke mbeten të tensionuara.

Kujtojmë se urdhër-arresti është nxjerrë nga Zyra e Prokurorit të Përgjithshëm në Stamboll ndaj 37 zyrtarëve izraelitë, përfshirë Netanyahun. Ata akuzohen për “gjenocid” dhe “krime kundër njerëzimit” në Gaza. Urdhër-arrestet janë dërguar te Interpol dhe te 124 vende që njohin juridiksionin universal për gjenocidin.

Ndryshe, SHBA-ja po shqyrton mundësinë e shitjes së aeroplanëve të fuqishëm Anakarasë.

Kryeministri izraelit Benjamin Netanyahu dhe anëtarët e qeverisë së tij theksuan kundërshtimin e tyre ndaj një shteti palestinez përpara një votimi në Këshillin e Sigurimit të OKB-së të hënën mbi një rezolutë që mbështet një plan paqeje në Gaza të mbështetur nga SHBA-të.

Projekt-rezoluta do të ndiqte marrëveshjen e armëpushimit midis Izraelit dhe Hamasit të ndërmjetësuar nga presidenti i SHBA-së Donald Trump, duke dhënë bekimin e këshillit për një administratë kalimtare dhe një forcë të përkohshme ndërkombëtare sigurie në territorin e shkatërruar.

Ndryshe nga draftet e mëparshme, versioni i fundit i rezolutës përmend një shtet të mundshëm palestinez në të ardhmen, të cilin qeveria izraelite e kundërshton me forcë.

“Kundërshtimi ynë ndaj një shteti palestinez në çdo territor nuk ka ndryshuar”, ka thënë Netanyahu në një mbledhje të kabinetit të dielën.

Netanyahu ka përjashtuar prej kohësh pavarësinë palestineze, duke pohuar se krijimi i një shteti palestinez do ta shpërblente Hamasin dhe përfundimisht do të çonte në një shtet edhe më të madh të drejtuar nga Hamasi në kufijtë e Izraelit.

Kryeministri izraelit hyri në takim pasi u përball me kritika nga anëtarët e koalicionit, përfshirë ministrin e Financave të ekstremit të djathtë Bezalel Smotrich, i cili e kishte akuzuar atë se nuk i është përgjigjur një vale të fundit të njohjes së shtetësisë palestineze nga vendet perëndimore.

Presidenti izraelit, Isaac Herzog ka pranuar një letër nga presidenti i SHBA-së Donald Trump, ku i kërkohet të shqyrtojë dhënien e faljes për kryeministrin Benjamin Netanyahu, ka bërë të ditur zyra e Herzog të mërkurën.

Netanyahu është përballur me një gjyq të gjatë për korrupsion dhe Trumpi ka kërkuar vazhdimisht falje për aleatin e tij të ngushtë. Netanyahu i mohon akuzat dhe është deklaruar i pafajshëm.

“Ndërsa unë respektoj absolutisht pavarësinë e sistemit izraelit të Drejtësisë dhe kërkesat e tij, besoj se kjo ‘çështje’ kundër Bibit, i cila ka luftuar përkrah meje për një kohë të gjatë, përfshirë edhe kundër kundërshtarit shumë të ashpër të Izraelit, Iranit, është një ndjekje penale politike dhe e pajustifikuar”, ka thënë Trumpi në letrën e ndarë nga zyra e Herzog.

Zyra ka thënë se kushdo që kërkon një falje presidenciale duhet të paraqesë një kërkesë zyrtare në përputhje me procedurat e përcaktuara.

Edhe gjatë vizitës së Trumpit në Izrael në tetor, ai i kishte kërkuar Herzogut të falte kryeministrin në një fjalim para parlamentit në Jerusalem.

Netanyahu është paditur në vitin 2019 në tri raste, duke përfshirë akuzat për marrjen e dhuratave nga biznesmenët, në vlerë mbi 200 mijë dollarë.

Pavarësisht rolit kryesisht ceremonial të presidencës izraelite, Herzog ka autoritetin për të falur kriminelët e dënuar në rrethana të pazakonta.

Megjithatë, gjyqi i Netanyahut, i cili filloi në vitin 2020, nuk ka përfunduar ende dhe ai është deklaruar i pafajshëm për të gjitha akuzat.

Netanyahu e ka cilësuar përvojën e tij ligjore si një gjueti shtrigash të krahut të majtë që synon rrëzimin e një udhëheqësi të zgjedhur të krahut të djathtë.

Kryeministri izraelit Benjamin Netanyahu u takua të hënën në mëngjes më 10 nëntor me këshilltarin e lartë të Shtëpisë së Bardhë, Jared Kushner, në zyrën e tij në Jerusalem.

Qëllimi i takimit ishte koordinimi i përpjekjeve për armëpushimin në Gaza dhe kthimin e trupave të pengjeve të vrarë nga Hamasi. Sipas një zëdhënësi të qeverisë izraelite, bisedimet u përqendruan në çarmatimin e Hamasit, demilitarizimin e Gazës dhe përjashtimin e grupit nga çdo rol i ardhshëm në territor.

Këto janë pjesa kryesore e fazës së dytë të planit të paqes në Gaza, të presidentit amerikan Donald Trump. Në takim morën pjesë edhe ministri izraelit Ron Dermer dhe këshilltari amerikan, Aryeh Lightstone.

Diskutimet vijnë, ndërsa SHBA-ja dhe Izraeli po shqyrtojnë fatin e 100 deri 200 militantëve të Hamasit, të fshehur në tunele nën Rafah.

Washingtoni po ushtron presion që këta luftëtarë të lejohen të dorëzojnë armët në këmbim të kalimit të sigurt. Izraeli deri tani nuk ka dhënë një përgjigje përfundimtare mbi këtë propozim.

E diela shënoi edhe kthimin e trupit të oficerit izraelit Hadar Goldin, i mbajtur peng nga Hamasi që prej vitit 2014. Kthimi i trupit besohet të jetë pjesë e negociatave për dorëzimin e luftëtarëve të bllokuar në tunele. Raportimet mediatike pretendojnë se Turqia ka luajtur rol ndërmjetësues në këtë marrëveshje.

Megjithatë, burime të tjera pretendojnë se Ankaraja kërkoi lëshime, që Izraeli nuk i pranoi. Një burim palestinez tha se Turqia po punon, me mbështetjen amerikane, për lirimin e trupave të pengjeve të mbetura.

Netanyahu tha në Knesset se Izraeli do të zbatojë armëpushimin në Gaza dhe Liban “me grusht të hekurt”. Ai shtoi se lufta nuk ka mbaruar dhe se Hamasi “do të çarmatoset dhe Gaza do të demilitarizohet”, raporton The Times of Israel.

Këshilltari amerikan Uitkoff tha se rasti i tuneleve në Rafah është një “projekt pilot” për çarmatimin e Hamasit. SHBA-ja po shqyrton mundësinë që luftëtarët të dërgohen në një vend të tretë, por ende nuk është gjetur një shtet pritës.

Krahu ushtarak i Hamasit tha se nuk do të dorëzohet dhe kërkoi garanci për vazhdimin e armëpushimit. Ndërkohë, trupat e katër pengjeve të vrarë ende nuk janë gjetur, sipas ndërmjetësve.

Një tjetër çështje e hapur mbetet krijimi i një Force Ndërkombëtare Stabilizimi në Gaza. SHBA-ja po kërkon ta sanksionojë këtë fazë të planit në Këshillin e Sigurimit të OKB-së.

Emiratet e Bashkuara thanë se nuk do të marrin pjesë pa një kuadër të qartë veprimi. Trump pretendon se disa shtete janë të gatshme të dërgojnë trupa, por diplomatët arabë mohojnë.

Ndër shtetet e kontaktuara për kontribut janë Azerbajxhani, Indonezia, Emiratet, Egjipti, Katari dhe Turqia.Po të dielën, Azerbajxhani tha se nuk do të dërgojë forca, pa një ndalim të plotë të luftimeve. Më vonë gjatë ditës së sotme, Presidenti Trump priti në Shtëpinë e Bardhë presidentin sirian Ahmed al-Sharaa. Takimi u fokusua në sigurinë rajonale dhe në negociatat për një marrëveshje sigurie mes Izraelit dhe Sirisë.

Prokuroria e Përgjithshme e Stambollit lëshoi këtë të premte një urdhër-arrest për 37 persona ku mes tyre edhe për kryeministrin Izraelit Benjamin Netanyahu nën akuzën e kryerjes së gjenocidit ndaj popullit palestinez përgjatë luftës dy vjeçare në Rripin e Gazës.

Vendimi erdhi pas një padie të paraqitur nga Dhoma e Avokatëve të Stambollit, e cila akuzoi Izraelin për vazhdimin e krimeve kundër njerëzimit dhe të krimeve të luftës, pavarësisht nënshkrimit të një marrëveshjeje për armëpushim.

Në padinë e saj, Dhoma e Avokatëve thekson se Izraeli ka kryer “vrasje masive ndaj fëmijëve dhe grave të pafajshme, shkatërrim të mjedisit dhe mizori ndaj Gazes”.
Sipas deklaratës, “shteti i Izraelit përbën një kërcënim jo vetëm për popullin palestinez, por për gjithë njerëzimin”, duke kujtuar se vetëm gjatë dy viteve të fundit ka kryer sulme në Liban, Siri, Tunizi, Iran, Katar, Jemen, Irak, Maltë dhe Egjipt.

Në dokumentin e paraqitur si provë përfshihen disa raste të rënda, përfshirë atë të një vajze palestineze vetëm 6 vjeçe, e cila – sipas raportit – është qëlluar për vdekje me 335 plumba nga ushtarë izraelitë.
Po ashtu, përmendet bombardimi i Spitalit të Miqësisë Turko-Palestineze dhe “krimet e kryera ndaj aktivistëve të flotës humanitare Global SUMUD” në tetor.

Presidenti Turk Rexhep Taip Ergogan ka akuzuar vazhdimisht Izraelin për kryerje te gjenocidit ne Rripin e Gazes ndërsa ka deklaruar se bota kishte mbyllur syte ndaj krimeve te njerezimit qe po kryheshin ndaj palestinezeve.

Vitin e kaluar, Turqia iu bashkua padisë së ngritur nga Afrika e Jugut kundër Izraelit në Gjykatën Ndërkombëtare të Drejtësisë, duke e akuzuar atë për gjenocid. Një armëpushim i brishtë është në fuqi në territorin e shkatërruar palestinez që prej 10 tetorit, si pjesë e planit të paqes rajonale të presidentit amerikan, Donald Trump.

/abcnews.al/

Kryeministri i Izraelit, Benjamin Netanyahu, e ka urdhëruar të martën ushtrinë e tij të kryejë sulme “të fuqishme” në Rripin e Gazës, pasi e akuzoi Hamasin për shkelje të armëpushimit të ndërmjetësuar nga Shtetet e Bashkuara.

Pak minuta më vonë, Hamasi – grup palestinez i shpallur terrorist nga SHBA dhe vende të tjera – njoftoi se do ta vononte dorëzimin e kufomës së një pengu tjetër, duke e akuzuar Izraelin për “shkelje të armëpushimit”.

“Pas konsultimeve rreth sigurisë, kryeministri Netanyahu udhëzoi ushtrinë që menjëherë të kryejë sulme të fuqishme në Rripin e Gazës”, tha zyra e Netanyahut pa dhënë hollësi të tjera.

Hamasi kishte njoftuar më herët se do ta dorëzonte trupin e një pengu tjetër të martën, pas trysnisë së shtuar nga Izraeli, i cili e akuzoi grupin palestinez se të hënën kishte kthyer vetëm mbetjet e pjesshme të trupit të një pengu të rikuperuar më parë.

“Ne do ta shtyjmë dorëzimin që ishte planifikuar për sot për shkak të shkeljeve nga okupatori”, tha krahu i armatosur i Hamasit në një deklaratë, duke shtuar se çdo “përshkallëzim izraelit do të pengojë kërkimin, gërmimin dhe rikuperimin e trupave”.

Armëpushimi mes Izraelit dhe Hamasit – i ndërmjetësuar nga SHBA – hyri në fuqi më 10 tetor, por të dyja palët kanë akuzuar njëra-tjetrën për shkelje.

Mediat izraelite raportuan më herët për një shkëmbim zjarri midis forcave izraelite dhe luftëtarëve të Hamasit në qytetin jugor të Gazës, Rafah.

Kryeministri Benjamin Netanyahu tha të dielën se Izraeli do të përcaktojë se cilat forca të huaja do të lejojë si pjesë të një force ndërkombëtare të planifikuar në Gaza për të ndihmuar në sigurimin e një armëpushimi të brishtë sipas planit të Presidentit të SHBA-së Donald Trump.

Mbetet e paqartë nëse shtetet arabe dhe të tjera do të jenë të gatshme të angazhojnë trupa, pjesërisht duke pasur parasysh refuzimin e militantëve palestinezë të Hamasit për t’u çarmatosur siç kërkohet nga plani, ndërsa Izraeli ka shprehur shqetësime në lidhje me përbërjen e forcës.

Ndërsa administrata Trump ka përjashtuar dërgimin e ushtarëve amerikanë në Rripin e Gazës, ajo ka folur me Indonezinë, Emiratet e Bashkuara Arabe, Egjiptin, Katarin, Turqinë dhe Azerbajxhanin për të kontribuar në forcën shumëkombëshe.

“Ne e kontrollojmë sigurinë tonë dhe gjithashtu e kemi bërë të qartë në lidhje me forcat ndërkombëtare se Izraeli do të përcaktojë se cilat forca janë të papranueshme për ne dhe kjo është mënyra se si veprojmë dhe do të vazhdojmë të veprojmë”, tha Netanyahu.

“Kjo, sigurisht, është e pranueshme edhe për Shtetet e Bashkuara, siç e kanë shprehur përfaqësuesit e saj më të lartë ditët e fundit”, tha ai në një seancë të kabinetit të tij.

Presidenti amerikan, Donald Trump, kishte paralajmëruar se Izraeli do të humbasë “të gjithë mbështetjen e SHBA-së” nëse anekson Bregun Perëndimor.

Në një intervistë për revistën TIME, lideri amerikan ka pohuar se “kjo nuk do të ndodhë sepse u dhashë fjalën vendeve arabe… Izraeli do të humbasë të gjithë mbështetjen e tij nga Shtetet e Bashkuara nëse kjo do të ndodhte”.

Ky paralajmërim erdhi pas miratimit të një projektligji në parlamentin izraelit për avancimin e aneksimit të Bregut Perëndimor. Në një reagim ndaj këtyre zhvillimeve, kryeministri izraelit, Benjamin Netanyahu u pyet nëse SHBA-ja po dikton politikën izraelite.

Ai u përgjigj se “gjithmonë do ta thonë këtë, nuk ka rëndësi. Ne jemi një vend i pavarur”. Ky qëndrim i Netanyahut thekson angazhimin e Izraelit për të ruajtur sovranitetin në vendimmarrje, pavarësisht presioneve ndërkombëtare.

Kujtojmë se projektligji u miratua me një votim 25-24. Nuk është e qartë nëse ka mbështetje për të fituar shumicën në Knessetin (parlamenti) me 120 vende, dhe ka mënyra se si kryeministri mund ta vonojë ose ta mposhtë atë.

Kryeministri izraelit Benjamin Netanyahu u zotua se vendi I tij do t’I arrij të gjitha objektivat e luftës në Gaza.

Në një fjalim në një ceremony përkujtimore për masakrën e 7 tetorit, Netanyahu tha se lufta nuk ka mbaruar dhe kushdo që kërcënon Izraelin, do të përballet me një çmim shumë të rëndë.

“Përpjekjet tona nuk kanë mbaruar. Por një gjë është e qartë sot: Kushdo që ngre dorën kundër nesh e di tashmë se do të paguajë një çmim shumë të lartë për agresionin e tij. Ne jemi të vendosur të përfundojmë fitoren që do të formësojë rendin e jetës sonë për shumë vite. Ne do t’i arrijmë të gjitha objektivat e luftës”

Netanyahu tha gjithashtu se Izraeli është I përkushtuar për t’I rikthyer të gjithë pengjet, pra edhe 19 trupat e tjerë të pajetë që kanë mbetur në Gaza. Ai mohoi akuzat për gjenocid në enklavën palestineze dhe u ndal te rreziku që I vjen Izraelit nga Irani, që sipas Netanyahut, po riarmatoset.

Deklaratat e kryeministrit izraelit vijnë pasi presidenti amerikan Donald Trump tha se se Netanyahu mund të rifillojë luftën në Gaza, nëse Hamas nuk përmbush detyrimet e tyre sa I përket marrëveshjes së armëpushimit.

Kreu I Shtëpisë së Bardhë e bëri këtë deklaratë në një intervistë telefonike për CNN ndërsa shtoi se Izraeli do të veprojë menjëherë sapo ai të vendosë të jap një urdhër. Nga ana tjetër Ministri Izraelit I Mbrojtjes Israel Katz ka urdhëruar ushtrinë e vendit të tij që të ndërmarrin masat për të nisur një operacion për eleminimin total të Hamas.

Edhe pse sulmet janë ndërprerë, armëpushimi në enklavën palestineze mbetet i brishtë, teksa një komitet i Kombeve të Bashkuara ka thënë se Izraeli po vret civilë. Armëpushimet e mëparshme mes Izraelit dhe Hamasit nuk kanë zgjatur shumë dhe të dyja palët kanë akuzuar njëra tjetrën për shkelje të marrëveshjes./abcnews.al

Kryeministri izraelit Benjamin Netanyahu doli këtë të mërkurë para gjykatës, pavarësisht thirrjes së Donald Trump për të falur akuzat ndaj tij për korrupsion. Kjo ishte paraqitja e parë e Netanyahut në gjyq në thuajse një muaj, për shkak të disa festave në kalendarin hebraik dhe angazhimeve ndërkombëtare.

Netanyahu u rikthye për t’u përballur me akuza që përfshijnë ryshfet, mashtrim dhe shkelje të besimit në lidhje me tre raste të veçanta të njohura si 1000, 2000 dhe 4000. Rasti i parë ka të bëjë me marrjen e dhuratave luksoze me vlerë mbi 210,000 dollarë, duke përfshirë puro, shampanjë dhe bizhuteri, nga biznesmenë të pasur në këmbim të favoreve politike.

Rasti 2000 ka të bëjë me bashkëpunimin e Netanyahu me një botues gazete për të siguruar mbulim të favorshëm mediatik. Ndërsa në rastin më të fundit dhe akuzën më serioze, Netanyahu dyshohet se i dha përfitime rregullatore gjigantit të telekomunikacionit Bezeq në këmbim të mbulimit pozitiv në rrjetin e tyre të lajmeve.

Përtej korrupsionit, Netanyahu përballet gjithashtu me urdhër-arreste nga Gjykata Ndërkombëtare e Drejtësisë për krime lufte në Gaza. Kryeministri izraelit vijon të përballet me drejtësinë, edhe pse presidenti amerikan Donald Trump, kërkoi që Netanyahu të amnistohet.

Gjatë fjalimit të tij në Knesset të hënën, Trump i bëri thirrje presidentit izraelit të falë Netanyahun, të cilin e përshkroi si “një nga udhëheqësit më të mëdhenj” të kohës së luftës.

/abcnews.al/

Qeveria izraelite ka miratuar rezolutën e armëpushimit të ndërmjetësuar nga Presidenti i SHBA-së, Donald Trump dhe që do të çojë në lirimin e të gjithë pengjeve izraelite të mbajtura në Gaza.

Me miratimin, një armëpushim hyn në fuqi menjëherë, thanë dy zyrtarë izraelitë për CNN, duke folur në kushte anonimiteti.

Megjithatë, nuk është e qartë nëse Zyra e Kryeministrit Izraelit u ka dhënë urdhër Forcave të Mbrojtjes të Izraelit për të ndaluar zjarrin.

Më parë, tanket izraelite hapën zjarr në të paktën një pjesë të Rripit të Gazës. Të paktën 30 persona janë vrarë në enklavë që kur marrëveshja u njoftua dje, sipas një zyrtari palestinez të shëndetësisë.

Grupi militant Palestinez Hamas do duhet të jap këtë të diel përgjigjen e tij përfundimtare për planin e paqes në Gaza, plan ky  me 20 pika i propozuar nga Presidenti amerikan Donald Trump.

Tryeza e Negociatave do të mbahet në  Kryeqytetin e Egjiptit atje ku janë mbledhur negociatorët e Hamas, i dërguari i Trump për Lindjen e Mesme Steve Witkoff dhëndri i kreut të Shtëpisë së Bardhë Jared Kushner. Delegacioni Izraelit kryesohet nga Ministri i Çështjeve Strategjike Ron Dermer, një ndër njerëzit më të besuar të Kryeministrit Izraelit Benjamin Netanyahu.

Presidenti Amerikan Donald Trump publikoi në Truth Social një hartë që tregon tërheqjen që do të ndodhë nga Ushtria Izraelite menjëherë sapo Hamas të pranojë marrëveshjen dhe të dorëzojë 48 pengjet ku mes tyre janë 20 persona të gjallë dhe trupat e pajetë të 28 të tjerëve.

Donald Trump deklaroi se Ushtria Izraelite do të kufizojë ushtrinë e tyre në Gaza në një gjerësi prej 3500 kilometrash në veri, nga 1500 deri në 6500 kilometra në pjesën anësore të enklavës palestineze dhe 2000 deri në 2500 metra në jug të saj.

Pasi tha se Izraeli do të tërheq ushtrinë e tyre menjëherë nga disa zona të rripit të Gazës, kreu i Shtëpisë së Bardhë publikoi edhe pamje nga protestat në Tel Aviv duke shtuar kështu presionin mbi kryeministrin Izraelit Benjamin Netanyahu që të pranojë sa më parë një marrëveshje paqeje në Gaza. Protestuesit mbanin pankarta që thonin se koha për paqe është o tani o kurrë.
Hamas ka një ultimatum për të dhënë përgjigjen finale mbi pranimin e planit të armëpushimit deri në mesnatën e kësaj të diele. Grupi militant, i cili tha se do të pranonte të lironte të gjitha pengjet ka kërkuar negociata me administratën Trump mbi disa pika sa I përket qeverisjes së Gazës pas përfundimit të luftës.

Ministrat e Jashtëm të Katarit, Jordanise, Emirateve te Bashkuara Arabe, Arabisë Saudite, Egjiptit, indonezise Pakistatin dhe Turqise pergezuan Hamas per pranimin e pjesshëm të marrëveshjes qe do të sillte lirimin e pengjeve dhe do t’i hapte mundësi vendosjes së paqes në Enklavën Palestineze. Këta ministra vlerësuan gjithashtu thirrjet që Trump bëri që Izraeli të ndalë menjëherë bombardimet në Gaza, pasi të shtunën u vranë mbi 65 palestinezë.

Lufta në Lindjen e Mesme nisi më 7 tetor të vitit 2023 pas sulmit terrorist të Hamas nga Izraelit ku u vranë 1200 izraelit dhe u morën peng 251 persona.

Pas këtij sulmi terrorist Izraeli nisi inkursionin e tij ushtarak ne Gaza ku deri më tani janë vrarë mbi 61 mijë palestinezë./abcnews.al

Kryeministri izraelit Benjamin Netanyahu tha se kishte udhëzuar ekipin negociator izraelit, të udhëhequr nga Ministri i Çështjeve Strategjike Ron Dermer, të udhëtonte në Egjipt për të finalizuar detajet teknike të lirimit të pengjeve.

“Qëllimi ynë është t’i kufizojmë negociatat vetëm në disa ditë. Trump e bëri të qartë: Ne nuk do të tolerojmë taktika zvarritëse apo shmangie”, tha Netanyahu.

Ai shpjegoi se në fazën e parë të planit, Hamasi do të lirojë pengjet, ndërsa ushtria izraelite do të ripozicionohet pasi ende “mban kontrollin e të gjitha zonave dominuese thellë brenda rripit”.

Në fazën e dytë, tha ai, “Hamasi do të çarmatoset dhe Gaza do të çmilitarizohet. Kjo do të ndodhë ose nëpërmjet rrugës diplomatike sipas planit Trump ose nëpërmjet rrugës ushtarake, por do të arrihet.”

Ndërsa Hamasi ka thënë se është i gatshëm të negociojë për lirimin e të gjithë pengjeve, nuk ka thënë se është i gatshëm të çarmatoset — gjë që është një tjetër kërkesë kyçe në planin 20-pikësh të Trump.

Netanyahu vlerësoi koordinimin me Presidentin e SHBA-së, Donald Trump, duke thënë se ndërsa drejtonte Forcat Mbrojtëse të Izraelit për të vepruar në Qytetin e Gazës, ai gjithashtu “koordinoi një veprim diplomatik me Presidentin Trump që ndryshoi plotësisht situatën. Në vend që Izraeli të izolohej, Hamasi është i izoluar dhe si rezultat, Hamasi u detyrua të binte dakord me planin që ne paraqitëm”.

Ai pretendoi se presioni ushtarak i Izraelit ishte elementi kyç që e solli Hamasin në këtë pikë të përpjekjeve për armëpushim.

Plani prej 20 pikash i Donald Trump, i quajtur ndryshe“Plani gjithëpërfshirës për t’i dhënë fund konfliktit në Gaza”, është prezantuar si një propozim konkret për ndaljen e luftimeve mes Izraelit dhe Hamasit. Krahas ndryshimeve të thella në krahasim me versionin paraprak, në plan nuk përfshihet më pika që përmendte se Izraeli nuk do të sulmonte më Katarin, element ky i fshirë pas një telefonate mes kryeministrit izraelit Benjamin Netanyahu dhe atij të Katarit.

Në qendër të planit është kërkesa për lirimin e menjëhershëm të të gjithë pengjeve, të gjallë apo të vdekur, brenda 72 orëve nga nënshkrimi i marrëveshjes. Në këmbim, Izraeli do të lirojë 250 të burgosur me burgim të përjetshëm dhe mbi 1 mijë e 700 palestinezë nga Gaza të arrestuar pas 7 tetorit. Për çdo trup të pengjeve që kthehet, Izraeli do të dorëzojë trupat e 15 palestinezëve.

Ndihma humanitare

Sipas dokumentit, hyrja dhe shpërndarja e ndihmave humanitare do të jetë e menjëhershme dhe në përputhje me marrëveshjen e janarit 2025. Për herë të parë specifikohet se këtë do ta bëjnë Kombet e Bashkuara, agjencitë e tyre, Gjysmëhëna e Kuqe dhe organizata ndërkombëtare të paanshme, duke përjashtuar entitete të mbështetura nga njëra palë, siç është Gaza Humanitarian Foundation, e përkrahur nga Izraeli dhe SHBA.

Qeverisja e Gazës

Në vend të një formule të paqartë për një “qeveri teknokrate kalimtare”, plani i ri parashikon që Gaza të administrohet nga një komitet palestinez teknokrat dhe apolitik, i përbërë nga ekspertë vendorë dhe ndërkombëtarë, nën mbikëqyrjen e një organi të ri ndërkombëtar, “Këshilli për Paqen”, i cili do të drejtohet nga ish-presidenti amerikan Donald Trump, së bashku me liderë të tjerë botërorë, përfshirë Tony Blair. Ky komitet do të menaxhojë fondet për rindërtimin e Gazës derisa Autoriteti Kombëtar Palestinez të përfundojë reformat e tij dhe të jetë në gjendje të marrë kontrollin efektiv të territorit.

Hamas dhe demilitarizimi

Dokumenti thekson qartë se Hamas nuk do të ketë më asnjë rol në Gaza, ndërsa të gjitha strukturat e tij ushtarake dhe të infrastrukturës terroriste, përfshirë tunelet, do të shkatërrohen dhe nuk do të rindërtohen. Procesi do të mbikëqyret nga vëzhgues të pavarur ndërkombëtarë.

Po ashtu, krijimi i një Forcë Ndërkombëtare të Stabilizimit (ISF) nuk është më një ide e përgjithshme, por një plan konkret: SHBA, vendet arabe dhe partnerë ndërkombëtarë do të formojnë një njësi të përkohshme që do të dislokohet menjëherë në Gaza. Kjo forcë do të trajnojë dhe mbështesë policinë palestineze, duke bashkëpunuar me Jordaninë dhe Egjiptin, si dhe me Izraelin për sigurinë kufitare.

Jo aneksim, tërheqje graduale

Plani rikonfirmon se Izraeli nuk do të aneksojë apo pushtojë Gazën. Ndërkohë që ISF vendos kontrollin dhe stabilitetin, forcat izraelite (IDF) do të tërhiqen në faza, sipas një kalendari të dakorduar me ISF-në. Një perimetër sigurie do të mbahet i pranishëm derisa Gaza të jetë e mbrojtur plotësisht nga çdo kërcënim terrorist.

Dialog ndërfetar dhe narrativat shoqërore

Një nga risitë më të rëndësishme, sipas palës izraelite, është përfshirja e një procesi të dialogut ndërfetar që synon ndryshimin e mentaliteteve dhe narrativave mes palestinezëve dhe izraelitëve, duke u bazuar në vlerat e tolerancës dhe bashkëjetesës paqësore

Presidenti amerikan, Donald Trump doli pas bisedimeve me kryeministrin izraelit Benjamin Netanyahu të hënën, duke thënë se ishte “afër” arritjes së paqes në Lindjen e Mesme.

Jemi, të paktën, shumë, shumë afër. Dhe mendoj se jemi më shumë se shumë afër”, theksoi ai, shkruan CNN.

Fjala hapëse e presidentit sugjeroi se nuk ishte arritur një marrëveshje përfundimtare për t’i dhënë fund luftës në Gaza, dhe ai vuri në dukje më vonë se marrëveshja ende duhej të pranohej nga Hamasi. Pak momente më parë, Shtëpia e Bardhë publikoi një plan me 20 pika për t’i dhënë fund konfliktit.

Trump e përshkroi të hënën si “një ditë të madhe, të madhe, një ditë të bukur, potencialisht një nga ditët më të mëdha në qytetërim”.

Ofensiva izraelite në Gazë ka lënë të vdekur mbi 66 mijë palestinezë, kryesisht civilë, sipas të dhënave të autoriteteve shëndetësore palestineze, të cilat OKB-ja i konsideron kredibile./abcnews.al

Kryeministri izraelit Benjamin Netanyahu ka mbërritur në Shtëpinë e Bardhë, ku u prit nga ish-presidenti amerikan Donald Trump jashtë Krahut Perëndimor.

Të dy liderët u përshëndetën me buzëqeshje dhe shtrëngim duarsh, ndërsa Trump bëri shenjë me gishtat e mëdhenj lart, në përgjigje të pyetjeve të gazetarëve.

Kur u pyet nëse ishte i sigurt për arritjen e një marrëveshjeje paqeje në Gaza, Trump u përgjigj shkurtimisht: Po. Jam shumë i bindur.

I përballur me kritika dhe protesta jashtë selisë së Kombeve të Bashkuara, kryeministri izraelit, Benjamin Netanyahu u tha udhëheqësve botërorë se shteti i tij “duhet të përfundojë punën” kundër Hamasit, grupit palestinez të shpallur organizatë terroriste nga SHBA-ja dhe BE-ja – në Gazë.

Udhëheqësi izraelit po përballet me izolim në rritje ndërkombëtar për shkak të refuzimit të tij që të ndalë luftën në enklavën palestineze.

“Udhëheqësit perëndimorë mund të jenë dorëzuar nën presion”, tha ai në Asamblenë e Përgjithshme të OKB-së. “Por, unë ju garantoj një gjë: Izraeli nuk do të dorëzohet”, shtoi Netanyahu.

Fjalimin Netanyahu e nisi pasi dhjetëra delegatë nga disa shtete u larguan nga Asambleja e Përgjithshme e OKB-së në shenjë proteste.

Duke iu përgjigjur vendimeve të marra së fundi nga disa shtete për njohjen e shtetësisë palestineze, Netanyahu tha se “vendimet tuaja të turpshme do të nxisin terrorizmin kundër hebrenjve dhe kundër njerëzve të pafajshëm kudo”.