10 persona janë arrestuar, me urdhër të Prokurorisë së Posacme SPAK në bashkëpunim më autoritetet Italiane, të cilët kanë zbuluar një rrjet Call Center, të cilët mashtronin me bursa online, shtetas italianë por edhe të vendeve të tjera të bashkimit Europian.

Sipas të dhënave paraprake, në kërkim, mësohet se janë shpallur tre vëllezër nga Tropoja, Agim, Alfred dhe Arjan Prekaj, të cilët dyshohet se janë organizatorët dhe pronarët e Call Centerave, ku bëheshin mashtrime. Në këto qendra, sipas hetimeve të SPAK, kryheshin telefonat kryesisht në Itali, ku viktimat ftoheshin të investonin para në kriptomonedha, por në të vërtetë këto para, shkonin në llogarite digjitale, të personave që kishin ngritur Call Centerat me bazë në Shqipëri.

Për të mos rënë në gjurmët e policisë dhe të SPAK,  vendndodhjet e Call Centerit, ndërroheshin vazhdimisht. Të premten, BKH dhe policia ushtori kontroll në një kullë ngjitur me Gjykatën e Lartë në Kryeqytet. Ndërkohë kontrolle janë ushtruar, edhe pranë Stadiumit Air Albania, por edhe tek Pallati me Shigjeta e në zonën e Freskut. Nga këto kontrolle, BKH ka sekuestruar dokumente dhe sende të tjera që do t’i shërbejnë këtij hetimi.

Aksioni ka vijuar edhe të shtunën në mëngjes, ku janë marrë në pyetje dhjetra persona që dyshohet se kanë punuar dhe kishin lidhje me grupin e mashtrueseve. Hetimi fillimisht ka nisur në Shtetin Italian, ku kanë qenë qindra qytetarë, të cilët kanë denoncuar për mashtrimit që u ishin bërë nga telefonatat në Shqipëri.

Read More...

Presidenti i SHBA-së, Donald Trump, ka njoftuar një sërë të re tarifash për një sërë vendesh që eksportojnë mallra në SHBA, duke filluar nga 1 shkurti.

Trump tha se këto do të mbeten në fuqi derisa “të arrihet një marrëveshje për blerjen e plotë dhe totale të Grenlandës” nga SHBA-të.

Presidenti tha se vendeve si Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda do t’u “ngarkohet një tarifë prej 10%” për “të gjitha dhe çdo” mall të dërguar në SHBA. Më 1 qershor, kjo do të rritet në 25%.

Si kujtesë, tarifat janë taksa mbi mallrat e importuara dhe zakonisht i paguhen qeverisë nga kompanitë që sjellin produkte të huaja.

“Paqja botërore është në rrezik! Kina dëshiron Grenlandën dhe Danimarka nuk mund të bëjë asgjë në lidhje me këtë”, tha Trump.

Ai vazhdon duke thënë se Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda “kanë udhëtuar drejt Grenlandës për qëllime të panjohura” dhe po luajnë një “lojë shumë të rrezikshme”. “Duhet të merren masa të forta në mënyrë që kjo situatë potencialisht e rrezikshme të përfundojë shpejt dhe pa diskutim”, shton Trump.

Shqipëria do të jetë anëtare e bordit të Paqes për administrimin e Gazës. Presidenti amerikan Donald Trump ka ftuar kryeministrin Edi Rama për t’iu bashkuar kësaj strukture si anëtar themelues, një akt që jo vetëm rikonfirmon partneritetit mes dy shteteve por i jep fund zhurmnajës së opozitës për raportet e prishura mes Tiranës dhe Uashingtonit. Dhe është pikërisht ky vlerësim i  administratës amerikane që sipas kryeministrit Edi Rama flet qartë mbi nivelin e marrëdhënieve mes dy vendeve.

“Nuk mund të jem dot më krenar për Shqipërinë, për gjithçka kemi bërë në këto vite duke e kthyer në një Shqipëri tjetër, të denjitetshme e të respektuar botërisht si asnjëherë, e padiskutim edhe për nivelin ku e kemi ngritur marrëdhënien e partneritetit tonë strategjik me Shtetet e Bashkuara të Amerikës, duke u ftuar me një respekt e vlerësim krejt të posaçëm nga Presidenti Donald J. Trump, për t’u bërë pjesë e një bordi ndërkombëtar të krijuar e kryesuar prej atij vetë dhe për të punuar së bashku me të”, tha Rama.

Por kjo ftesë thotë Rama flet edhe për rolin që Shqipëria ka fituar në arenën ndërkombëtare.

“Shqipëria ftohet si anëtar themelues, duke ngjitur kështu ndërkombëtarish një tjetër majë krejt të paimagjinueshme vetëm deri pak vite më pare”, shton Rama.

Në bordin që drejtohet nga presidenti amerikan Donald Trump, shefi i qeverise shqiptare, do të ulet krah Marco Rubios, Toni Blair apo Jared Kushner, duke shënuar kështu një moment të rëndësishëm në politiken e jashtme për Shqipërinë por dhe në marrëdhëniet me shtetet e bashkuara të Amerikës, ku edhe më herët, po ne një tjetër konflikt, Shqipëria ishte bashkepenembajtese me SHBA për Ukrainën.

Mijëra njerëz dolën në rrugët e kryeqytetit të Danimarkës, Kopenhagen, për të protestuar kundër përpjekjes së presidentit të SHBA-së, Donald Trump, për të aneksuar Groenlandën.

Protesta pasoi paralajmërimin e Trumpit të premten se ai “mund të vendosë një tarifë” për vendet që kundërshtojnë planet e tij për të marrë përsipër Grenlandën.

Ato përkuan gjithashtu me një vizitë në Kopenhagen nga një delegacion dypartiak nga Kongresi i SHBA-së, i cili e ka bërë të qartë kundërshtimin e shumë amerikanëve ndaj kërcënimeve të administratës Trump.

Mijëra njerëz kishin thënë se do të merrnin pjesë në marshime dhe tubime të organizuara nga shoqatat e Grenlandës në Kopenhagen, si dhe në Aarhus, Aalborg, Odense dhe kryeqytetin e Grenlandës, Nuuk.

Thousands protested in Copenhagen against Trump’s threats to seize Greenland. pic.twitter.com/NbzdoZfCd8

— Clash Report (@clashreport) January 17, 2026

“Qëllimi është të dërgohet një mesazh i qartë dhe i unifikuar respekti për demokracinë dhe të drejtat themelore të njeriut në Grenlandë”, tha në faqen e saj të internetit Uagut, një shoqatë e banorëve të Grenlandës në Danimarkë.

Një protestë është planifikuar të mbahet në Nuuk, kryeqytetin e Grenlandës, për të protestuar kundër “planeve të SHBA-së për të marrë kontrollin e Grenlandës”.

Protestuesit do të marshojnë drejt konsullatës amerikane duke mbajtur flamuj të Grenlandës.

Read More...

E hënë, 4 prill 2022. Me valixhe në duar, çantë në krahë dhe shumë ëndrra në mendje e zemër, Artina – emër i vendosur nga redaksia e Radios Evropa e Lirë për ta ruajtur anonimitetin e së intervistuarës – u nis drejt SHBA-së.

Në maj të vitit paraprak, ajo ishte përzgjedhur fituese e asaj që njihej si ‘llotaria e Kartës së Gjelbër’, por që në të vërtetë quhet Programi i Vizave të Diversitetit.

Artina ishte nxitur të aplikonte nga partneri i saj. Ky i fundit kishte 12 vjet rresht që aplikonte, pasi të ardhmen e tij s’e shihte askund tjetër përveç në SHBA.

Por, fati deshi që Artina të ishte ajo që ta fitonte mundësinë për të emigruar në SHBA. Që atëherë, zemra e saj ishte e dyzuar mes dy shtëpive: të sajën në SHBA dhe asaj pranë partnerit në Shqipëri.

Qysh në gusht të vitit 2022 ata nisën procesin për bashkim familjar. Të bashkuar i mbanin vetëm vizitat e herëpashershme të Artinës në vendlindje.

Kjo distancë iu bë edhe më e vështirë kur ajo mori vesh se ishte shtatzënë.

“Çdo gjë e kam përballuar vetë. Gjatë kësaj periudhe bëja udhëtime pafund drejt Shqipërisë, sepse duhet të ruaja edhe martesën, por edhe vajza të kalonte kohë me babanë… Me shpresën se do të bashkohemi shpejt…”, thotë ajo për Radion Evropa e Lirë.

E vetme në SHBA, pa familjarë e shoqëri përreth, Artina tregon se ka punuar deri në muajin e fundit të shtatzënisë, ndërsa edhe muajt e parë të mëmësisë u detyrua t’i kalonte e vetme.

Tani, ajo më shumë ankohet për “lodhjen mendore” sesa atë fizike.

“Qenka e shëmtuar ndjesia kur e fut jetën tënde në një valixhe, largohesh me ëndrra, punon, sakrifikon që ta bashkosh familjen atje ku po e ndërton jetën nga e para dhe dëgjon se, fiks kur ti arrin afër fundit të sfidës…”, lë në gjysmë fjalinë Artina.

E, pikërisht kur procesi i bashkimit të tyre familjar po i afrohej fundit, SHBA-ja vendosi ta pezullonte përkohësisht lëshimin e vizave të emigrimit nga 75 vende të botës, përfshirë Kosovën dhe Shqipërinë.

Ky vendim erdhi pasi presidenti i SHBA-së, Donald Trump, tha se të huajt që emigrojnë në SHBA, duhet ta mbajnë veten me punë dhe jo të bëhen barrë e shtetit.

Sipas një fotografie të publikuar nga ai, rreth 41 për qind e migrantëve nga Shqipëria marrin ndihma sociale në SHBA, ndërsa nga Kosova përqindja ishte edhe më e lartë: 46.

“Nga i thati digjet edhe i njomi”, thotë Artina, duke shtuar se ajo ka qenë një qytetare e përkushtuar e punëtore, që s’ka tentuar thjesht të përfitojë nga shteti amerikan.

Por, tani kur të gjitha proceset e vizave të emigrimit janë pezulluar, ajo do të duhet sërish ta bëjë pa partnerin e jetës rrugën drejt SHBA-së. Këtë herë, edhe me një vajzë 2 vjeçe në krahë.

Në gjendje të ngjashme janë mijëra banorë në Kosovë e Shqipëri. Disa nga ta, të kontaktuar nga Radio Evropa e Lirë, kanë hezituar t’i ndajnë historitë e tyre, nga frika se kjo mund t’i dëmtojë gjasat e tyre për emigrim në SHBA.

Vitin e kaluar, rreth 3.800 shtetas të Shqipërisë fituan viza të emigrimit drejt SHBA-së, si dhe rreth 650 të tjerë nga Kosova.

Artid Hila nga Shqipëria, i cili punon si konsulent për ndjekje të procedurave të emigracionit dhe vizave të tjera, ka vite që udhëheq edhe një grup në Facebook, ku ndihmon të interesuarit për emigracion në SHBA.

Ai thotë se është shqetësuar, por jo befasuar nga vendimi i 14 janarit i SHBA-së.

“Shqetësimi kryesor që dëgjoj çdo ditë, lidhet me pasigurinë totale që ka krijuar pezullimi i përpunimit të vizave të emigracionit. Aplikantët kanë frikë se po ecin përpara me të gjithë hapat e kërkuar nga Departamenti i Shtetit, ndërkohë që ekziston rreziku real që viti fiskal të përfundojë pa u lëshuar vizat”, thotë Hila për REL-in.

Ai tregon se procesi nuk është i thjeshtë: duhet plotësim i disa formularëve, ekzaminime mjekësore, përgatitje e dokumenteve dhe pagesë e tarifave.

“Shumë aplikantë kanë investuar vite pritjeje [në rastet e bashkimeve familjare], qindra apo mijëra dollarë në dokumente, përkthime, kontrolle mjekësore, udhëtime për intervista dhe plane konkrete jetese”, thotë Hila.

Tani, shton ai, ata po përballen me informacione gjysmake dhe shumë lajme të pasakta e të ekzagjeruara, pasi që nuk dihet se deri kur do të zgjasë pezullimi.

Situata të ngjashme, sipas Hilës, ka pasur edhe në të kaluarën, si gjatë pandemisë COVID-19. Por, të ngjashme s’do të thotë identike.

“Dallimi kryesor me situatën aktuale është se sot aplikantët lejohen t’i ndjekin të gjithë hapat proceduralë dhe t’i paguajnë tarifat, por në fund rrezikojnë të mbeten pa vizë, vetëm për shkak të mbylljes së vitit fiskal – një situatë që juridikisht është shumë problematike”, shpjegon Hila.

Ai shton se në shqetësimin e aplikantëve ndikon edhe një vendim tjetër. Në dhjetor të vitit të kaluar, SHBA-ja pauzoi për kohë të pacaktuar Programin e Vizave të Diversitetit, deri kur “ta dimë se kë saktësisht po e lëmë të hyjë në vendin tonë”, siç kishte thënë sekretari amerikan i Shtetit, Marco Rubio.

Edhe nga ky program kanë fituar shumë shtetas të Kosovës e Shqipërisë ndër vite. Sipas të dhënave të Departamentit amerikan të Shtetit, në mesin e listës së fundit të përfituesve të këtij programi ishin edhe 1.598 shtetas të Shqipërisë dhe 260 shtetas të Kosovës.

Si fituese e para disa viteve, Artina kishte ndërtuar shumë ëndrra. Por, tani ka shumë pasiguri.

“Po më duket sikur këta katër vjet po fshihen nga jeta sikur të mos ishin asgjë”, thotë ajo, e shqetësuar se ndoshta opsioni i saj i vetëm do të mbetet heqja dorë nga ëndrra amerikane./REL

Prej fillimit të protestave në Iran, regjimi ka nisur një shtypje brutale ndaj demonstruesve, duke përdorur snajperë, armë zjarri, plumba metalikë, gaz lotsjellës dhe ndërhyje të dhunshme, për të shpërndarë turmat paqësore dhe për të frikësuar qytetarët që kërkojnë ndryshim demokratik. Arrestimet masive dhe dhuna sistematike ndaj protestuesve kanë shënuar një nga periudhat më të ashpra të represionit në dekada në Iran.

Së fundi janë shfaqur shumë video të të vdekurve në qeze të zeza të najlonit. Një skenë e tillë është edhe e një nëne iraniane, e cila shihet teksa rënkon mbi trupin e të birit të saj të vrarë.

Ai u ekzekutua nga regjimi islamik ndërsa dilte në rrugë, duke kërkuar liri dhe drejtësi për një Iran të lirë, vetëm për të përballuar urrejtjen dhe dhunën e autoriteteve.

Organizata të të drejtave të njeriut dhe agjenci për mbikëqyrje të krimeve tregojnë se numri i të vrarëve është shumë i lartë dhe vazhdon të rritet. Sipas disa vlerësimeve të pavarura dhe të grupimeve aktiviste, mijëra njerëz janë vrarë në dhunën shtetërore që ka shpërthyer përtej kryeqytetit dhe në qytete të tjera.

Agjencia e të drejtave të njeriut HRANA raporton se më shumë se 3000 persona janë vrarë deri më tani, përfshirë mijëra protestues që dolën në rrugë kundër regjimit.

Vlerësime të tjera, përfshirë disa burime brenda Iranit, flasin për shifra shumë më të larta, deri në dhjetëra mijëra viktima, megjithëse këto shifra janë të vështira për t’u verifikuar për shkak të bllokimit të komunikimit nga autoritetet.

Gjatë këtij shtypje brutale, autoritetet vendosën edhe bllokimin e internetit dhe komunikimit, duke e bërë të vështirë dokumentimin e ngjarjeve dhe raportimin e vërtetë të viktimave dhe arrestimeve dhe duke penguar komunitetin ndërkombëtar të marrë informacion të drejtpërdrejtë.

Ndërkohë media ndërkombëtare dhe organizatat për të drejtat e njeriut po ndjekin me shqetësim zhvillimet, duke bërë thirrje për respektim të të drejtave themelore dhe për një hetim të pavarur ndërkombëtar mbi përdorimin e dhunës ndaj protestuesve.

Në vend ka nisur numërimi I shpendëve të ujit.

Prej dy ditësh  në  lagunën e  Nartës, Orikum dhe Butrint po zbulohen  shpendë të cilët kanë krijuar habitatin e tyre në këtë periudhë të vitit madje dhe për herë të parë.

“Anasakuta eshte nje lloj shpendi qe u  evidentua sot, gjendet ne lagune por deri me tani se kishim pare.”

“Ka prezence te larte kryesisht te atyre qe ndodhen ne lagune,  rosa te ndryshme,  flamingo, pelikane  dhe bajza etj .”

Për specialistet e zonave të mbrojtura në  Qarkun e Vlorës  shqetësim mbetet gjuetia e paligjshme.

“Kemi konstatuar tre kurthe nga gjuetaret,  I kemi cmontuar.”

Ndërsa  në liqenin e Prespës së Madhe  janë parë dhe specie të rralla.

“Bajza, disa rosa, rosa me kater sy qe mund te jene me te rralla dhe karizmatike me njerezit.”

“Krahasuar dhe me vendet e tjera kemi konstatuar nje shifer gati te perafert me vitet e tjera. Kemi pasur dhe  pranine mergus merganse..  specie  e rralle.”

Specialistët thonë se  ndryshimet klimatike  e kanë bërë liqenin e Prespës një habitat të papërshatshëm për disa  shpendë migratory.

Censusi i shpendëve ujorë kryhet çdo vit në janar për të parë se cilët  prej tyre zgjedhin të dimërojnë në vendin tonë.

Të dielën  censusi do të vijojë në liqenin e Ohrit në Pogradec.

Presidenti amerikan Donald Trump ofroi të premten të ndërmjetësojë në mosmarrëveshjen për ujërat e lumit Nil midis Egjiptit dhe Etiopisë.

“Jam i gatshëm të rinis ndërmjetësimin amerikan mes Egjiptit dhe Etiopisë për ta zgjidhur në mënyrë të përgjegjshme dhe përfundimtare çështjen e ‘ndarjes së ujërave të Nilit’”, shkroi Trump në një letër drejtuar presidentit egjiptian Abdel Fattah al-Sisi, e cila u publikua gjithashtu në llogarinë e tij në rrjetin social Truth Social.

Inaugurimi i Digës së Madhe të Rilindjes Etiopiane, i mbajtur më 9 shtator nga autoritetet etiopiane, ka shkaktuar zemërim në Kajro, pasi Egjipti ndodhet në pjesën e poshtme të rrjedhës së Nilit dhe varet ndjeshëm nga ujërat e tij.

Egjipti pretendon se diga shkel marrëveshjet ndërkombëtare dhe se funksionimi i saj mund të shkaktojë si thatësira ashtu edhe përmbytje, akuza që Etiopia i hedh poshtë.

Dy vendet nuk kanë ende një marrëveshje përfundimtare dhe ligjërisht detyruese për ndarjen e ujërave të Nilit, ndërsa mosmarrëveshja zgjat prej vitesh. Lumi Nil përbën një çështje ekzistenciale si për Egjiptin ashtu edhe për Etiopinë. Marrëveshjet e mëparshme historike u jepnin Egjiptit dhe Sudanit pothuajse të gjithë ujin e Nilit, pa përfshirë Etiopinë, e cila nuk i njeh këto marrëveshje.

Nga Eduard Zaloshnja

Kreu i PD, Sali Berisha, foli sot për protestën e rradhës së opozitës më 24 Janar. Gjatë bashkëbisedimit me ndjekësit në rrjetet sociale, Berisha tha se opozita nuk synon të marrë pushtet me dhunë. Ai shtoi se beson tek një kryengritje paqësore dhe të zgjatur, prej së cilës mund të ndryshohet pushteti, sipas tij.

Por proesta të ngjashme të PD-së deri më sot kanë treguar se protestuesit vijnë me furgona në Tiranë nga qytete të ndryshme dhe në më pak se 2 orë shpërndahen andej nga kanë ardhur, pasi kanë dëgjuar fjalimet e zakonshme të Berishës & co.

Po çfarë na tregon historia botërore për protestat paqësore të suksesshme?

Në vitin 1986, miliona filipinas dolën në rrugët e Manilës, duke protestuar në mënyrë paqësore (në atë që u quajt “Lëvizja e Pushtetit të Popullit”). Dhe në ditën e katërt të protestave paqësore të vazhdueshme, regjimi i Markosit u rrëzua…

Në vitin 2003, qindra mijra gjeorgjianë rrëzuan Shevardnadzen me revolucionin e tyre “të trëndafilave”, gjatë të cilit protestuesit pushtuan parlamentin me lule në duar.

Para disa vitesh, presidentët e Sudanit dhe Algjerisë deklaruan dorëheqjen e tyre, falë protestave të përditshme paqësore qindra-mijëshe.

Në secilin rast, fushatat e përditshme të qindra mijrave qytetarëve arritën të rrëzojnë elitat politike, dhe të sjellin ndryshime të rëndësishme.

Ka shumë arsye etike e morale për të zgjedhur strategjinë paqësore për ndryshim. Dhe rezultat e një studimi shkencor të Profesores Erica Chenoweth, të Universitetit të Harvardit, tregojnë se protestat jo të dhunëshme s’janë vetëm një zgjedhje e mirë morale, por edhe shumë më efikase për ndryshimin e gjendjes politike.

Duke analizuar qindra lëvizje (si të dhunshme, edhe paqësore), qysh nga viti 1900 e deri në ditët tona, Profesorja Chenoweth arriti në përfundimin se lëvizjet paqësore kanë gjasa dyfish më të mëdha të jenë të suksesshme, krahasuar me ato të dhunshme. E megjithëse dinamikat e çdo lëvizje varen nga shumë faktorë, ajo ka gjetur se pjesëmarrja aktive në lëvizjen paqësore e të paktën 3.5% të popullsisë garanton suksesin e saj.

Kur filloi studimin e saj mbi këtë temë, Profesorja Chenoweth nuk besonte se lëvizjet paqësore mund të ishin më të fuqishme se ato të dhunshme. Gjatë punës për mbrojtjen e doktoraturës në Universitetin e Kolorados, ajo kishte studiuar për vite faktorët që kontribuonin në lindjen e terrorizmit dhe të lëvizjeve të dhunshme. Por në një konferencë shkencore në Uashington, ajo u ngacmua nga disa kumtesa mbi lëvizjet paqësore.

E ndihmuar nga studiuesja Maria Stephan, ajo mblodhi të dhëna dhe studime për qindra lëvizje që kishin synuar ndryshime politike në vende nga më të ndryshme të botës (Në analizën e saj të gjerë, ajo përjashtoi rastet kur ndryshimet politike kishin ardhur si rezultat i ndërhyrjeve direkte ushtarake të huaja). Profesorja Chenoweth i klasifikoi të dhunshme lëvizjet, kur ishin përdorur bomba, kur kishin ndodhur dëmtime të infrastrukturës etj., ose thjesht, kur ishin shkaktuar dëme materiale ose lëndime njerzore.

Në përfundim, ajo gjeti se probabiliteti i suksesit të një lëvizje paqësore ishte 93%. Ndërsa probabiliteti i suksesit të një lëvizje të dhunshme ishte sa gjysma – vetëm 46%.

Kufiri 3.5%, kyçi i suksesit

Siç duket qartë nga probabilitetet e mësipërme, jo të gjitha lëvizjet paqësore janë të suksesshme. Sipas Profesores Chenoweth, numri i pjesëmërrsve në lëvizjen paqësore është një faktor kritik për suksesin. Në qoftë se të paktën 3.5% e popullsisë, konkludoi ajo, merr pjesë aktive në lëvizjen paqësore, suksesi është i pashmangshëm.

Studimi i Profesores Chenoweth tregon se asnjë lëvizje paqësore nuk ka dështuar, kur e ka arritur këtë kufi.

SHËNIM I RËNDËSISHËM: 3.5% E POPULLSISË NË SHQIPËRI ËSHTË RRETH 82 MIJË BANORË

Për të pestën ndeshje me radhë ishte në tribunë. Për të dytën gherë radhazi skuadra e tij nuk e mori fitoren, madje këtë herë humbi. E tillë situata e Mario Mitajt në Arabinë Saudite, dhe e ekipit kampion të vendit, Al Itihad.
Në një nga të papriturat më të mëdha të sezonit, Al Etifak mposhti favoritët me një gol të vetëm dhe kundër rrjedhës së lojës, ndërsa trajneri Serzhio Konseisao dhe drejtuesit e klubit duket se kanë ndarë mendjen. Mitaj lihet qëllimisht jashtë ekipi për 4 ndeshje njëra pas tjetrës, ndërsa më herët ishte I pezulluar.
Lajmet janë se për mbrojtësin kuqezi ka interesim nga Europa, nga Spanja, Anglia po Italia, ndërsa së fundmi njoftohet se një klub ka ofruar 5 milionë euro për kartonin e tij.
Al Itihad shpenzoi 4 milionë euro kur e mori nga Lokomotiva e Moskës. Gjithsesi, duket se jo gjithçka është vendosur.

Mbrojtësi portugez I Lacios, Nunjo Tavaresh, duket se nuk do të vijë në Arabinë Saudite, pasi Beshiktashi është shumë më pranë, madje dhe Dortmundi ka shprehur dëshirë për të.
Mbetet të shihet nëse Mitaj do të sakrifikohet apo do të kthehet në ekip, por kryesorja është që gjendja të sqarohet dhe ai të luajë, pasi do të ishte minus I madh nëse nuk do të ishte në fushë, ndërsa afrojnë ndeshjet e kombëtares në plej ofin e Kupës së Botës.

Në Lezhë u mbajtën homazhe në ndërim të  Gjergj Kastriotit, Skënderbeut. Ceremonia për  558-vjetorin e vdekjes u zhvillua në vendvarrimin e heroit kombëtar. Të shumtë ishin ata që nderuan figurën e tij.

Historiani Paulin Zefi rrefeu momentet  e fundit të jetës së Skëndërbeut

“Lamtumirë Arbëri, Zoti u kujdestë për ty ashtu si për shpirtin tim!”

Ndërsa  përfaqësuesit  e pushtetit qendror, vendor dhe klerit  apeluan për mbrojtjen dhe përcjelljen e vlerave kombëtare brez pas brezi.

“Ketu kujtesa nuk eshte vetem histori por amanet… busull per kombin shqiptar.”

Ne nderim të Skëndërbeut  u mbajt dhe një koncert përkujtimor. Përmes pjesëve lirike u kujtua humbja që përjetoi populli shqiptar pas kalimit në amshim të Gjergj Katriotit, Skëndërbeut.

Administrata e Donald Trump ka nisur hakmarrjen ndaj demokratëve në Minnesota, pasi ata kanë dënuar hapur ndërhyrjen e e agjentëve të emigracionit dhe doganave, që kanë lënë të paktën një viktimë dhe disa të plagosur.

Departamenti i Drejtësisë ka hapur një hetim ndaj guvernatorit Tim Walz dhe kryebashkiakut të Minneapolis Jacob Frey, për komentet e bëra në lidhje me agjencinë e emigracionit dhe doganave.

Hetimi është përqendruar në një statut federal, i cili e bën krim që dy ose më shumë persona të komplotojnë për të parandaluar oficerët federalë të kryejnë detyrat e tyre.

Walz tha se përdorja e sistemit të drejtësisë si armë ndaj kundërshtarëve është një armë taktike dhe se i vetmi person që duhet hetuar është agjenti federal që vrau 37-vjeçaren Renee Good.

Ndërkohë Frey, që ka përdour një gjuhë tejet kritike ndaj administratës së Trump, tha se nuk është i frikësuar nga lëvizja më e fundit e Departamentit të Drejtësisë.

Hetimi vjen ndërsa një gjyqtar federal kufizoi taktikat që agjentët e emigracionit dhe doganave dhe zyrtarë të tjerë të zbatimit të ligjit mund të përdorin në Minneapolis, duke bllokuar përdorimin e sprejit djegës dhe arrestimet e protestuesve paqësorë.

Protestat nuk janë ndalur në Minneapolis, ku mijëra agjentë federalë janë në rrugë në zbatim të një operacioni kundër emigracionit, që departamenti i drejtësisë e cilëson më të madhin.

Ngjarjet vijnë teksa detaje të reja dolën në dritë në lidhje me vdekjen e Good. Gruaja nga Minneapolis u gjet nga ndihmësit mjekësorë me të paktën tre plagë nga arma e zjarrit dhe ndoshta një të katërt në kokë, sipas raporteve zyrtare.  / abcnews.al /

Nuk dihet nëse do t’u bëjnë këmbët. Topi ka nisur sërish të rrotullohet në Iran, ndërsa vetëm pak ditë më parë rrugët e qyteteve kryesore ishin arenë e protestave, e përleshjeve dhe e gjakut të derdhur.
Liga Profesioniste e vendit të madh të Lindjes së Mesme luajti dy ndeshjet e para të fazës së dytë, vetëm dy javë pas sfidave të javës së 17-të.

Sipas programit, të dielën në orën 13:30 duhet të zbresë në fushë edhe futbollisti I kombëtares shqiptare, Jasir Asani, pasi skuadra e tij, Esteglal, do të ketë përballë në fushën e vet kampionen në fuqi, Traktorin e Tabrizit.
Sfida do të luhet në kryeqytetin Teheran, I cili ishte edhe skena e përplasjeve më të ashpra dhe besohet edhe të numrit më të madh të viktimave.

Pritet të shihet se cili do të jetë niveli I futbollit dhe sasia e publikut në tribunat e stadiumit.
Natyrisht, besohet se skuadrat e futbollit kanë qenë në izolim të plotë gjatë periudhës së trazirave, të grumbulluara apo nën mbrojtje të rreptë.
Duke mbetur vetëm te kampionati, Asani synon Këpucën e Artë këtë sezon, pasi kryeson renditjen e shënuesve më të mirë me 7 gola, duke pasur edhe dy asistë në 14 ndeshje të luajtura.

Në total, ai ka 11 rrjeta dhe 3 asistë në 21 përballje, me një kontribut shumë të madh.
Esteglal është në vendin e tretë në ligën iraniane me 27 pikë, shumë pranë Sepahanit që mban kreun, ndërsa Traktor është I katërti, një pikë prapa skuadrës së Asanit.

Pamjet që po shikoni janë momenti kur Maria Corina Machado, liderja e opozitës venezueliane, u arratis nga vendi në muajin dhjetor për të marrë çmimin Nobel për Paqen në Norvegji.

Ekipi i shpëtimit “Grey Bull”, një organizatë me bazë në Shtetet e Bashkuara, kanë publikuar një video që tregon si e ndihmuan Machadon të dilte nga vendi pas thuajse një viti që qëndronte e fshehur.

Ajo hipi në një varkë nga bregu i Venezuelës dhe lundroi drejt një pike takimi në Detin e Karaibeve. Atje, ajo u mor nga themeluesi i Grey Bull dhe veterani i forcave speciale, Bryan Stern, dhe ekipi i tij, të cilët po e prisnin në një varkë tjetër.

Videoja e redaktuar dy-minutëshe e publikuar të premten tregon momentin kur Machado arriti dhe hipi në anijen e dytë në mes të natës.

Pasi konfirmon identitetin e Machados, dëgjohet Stern duke e ndihmuar opozitaren të hipë në varkën e tij, megjithëse momenti i saktë i transferimit mezi shihet për shkak të errësirës së natës.

“Unë jam María Corina Machado. Jam gjallë. Jam shëndoshë e mirë dhe shumë mirënjohëse ndaj Grey Bull”, dëgjohet të thotë Machado në video.

Stern tha se ata arritën në breg herët në mëngjes pas një udhëtimi të gjatë, të ftohtë dhe të tensionuar. Nga atje, Machado hipi në një aeroplan që shkonte në Norvegji, ku do të merrte Çmimin Nobel dhe do të shihte familjen e saj.

Liderja e opozitës venezueliane u takua së fundmi me presidentin amerikan Donald Trump, të cilit i dorëzoi medaljen e Nobelit për Paqe. Ajo u shpreh e gatshme të marrë drejtimin e vendit të saj kur të vijë momenti i duhur.

 

View this post on Instagram

 

A post shared by ABC News Albania (@abcnewsal)

Një aksident me pasojë vdekjen është regjistruar në Palasë. Një mjet fadromë i drejtuar nga 24 vjecari  Elidon Pashaj ka goditur punetorin 45 vjecar Kreshnik Haska brenda një kantieri ndërtimi.

I dëmtuari është transportuar me urgjencë drejt spitalit, por nuk ka mundur t’u mbijetojë plagëve të marra. Policia ka nisur hetimet për zbardhjen e rrethanave të ngjarjes.

“Sot, në një kantier ndërtimi, në fshatin Palasë, Himarë, dyshohet se shtetasi E. P., 26 vjeç, gjatë punës brenda kantierit, duke kryer manovra me mjetin fadrom, ka aksidentuar shtetasin K. H., 45 vjeç, punëtor po në atë kantier. Shtetasi K. H., si pasojë e dëmtimeve të marra, ka ndërruar jetë gjatë transportit për në spitalin e Vlorës.

Në ambientet e Komisariatit të Policisë Himarë është bërë menjëherë shoqërimi i shtetasit E. P., për veprime të mëtejshme hetimore.

Grupi hetimor vijon punën për zbardhjen dhe dokumentimin e plotë ligjor të ngjarjes.“, njofton policia.

Udhëheqësi suprem i Iranit, Ajatollah Ali Khamenei, deklaroi se presidenti amerikan Donald Trump është përgjegjës për “viktimat, dëmet dhe shpifjet e hedhura ndaj kombit iranian” gjatë protestave që kanë përfshirë vendin.

Ky është reagimi i parë i Khameneit në llogarinë e tij në gjuhën perse në platformën X që nga 12 janari. Më herët, ai kishte akuzuar protestuesit se po vepronin në emër të Trumpit dhe “terroristëve të huaj”.

Gjatë trazirave, disa protestues kanë djegur imazhe të Khameneit, ndërsa ndezja e fotografive të udhëheqësit 86-vjeçar me cigare është kthyer në një simbol të hapur të sfidës kombëtare ndaj regjimit të tij.

Read More...