Kapiteneria e Portit të Vlorës ka dalë me një njoftim për përkeqësimin e kushteve hidrometeorologjike detare që parashikohet të ndodhin gjatë ditës së premte dhe orëve të para të së shtunës.

Sipas njoftimit, nga ora 14:00 e datës 24 korrik deri në orën 06:00 të datës 25 korrik 2026, priten erëra nga drejtimi veri-veriperëndim me forcë deri në 6-7 ballë, me shpejtësi 15-25 m/s, si dhe dallgë me lartësi nga 1.5 deri në 3.5 metra.

Për shkak të këtyre kushteve, Kapiteneria ka ndaluar pajisjen me leje-nisje për mjetet e vogla lundruese dhe ato të peshkimit që synojnë të operojnë jashtë gjirit të Vlorës, në det të hapur dhe në zonën Dhërmi-Himarë.

Ndërkohë, mjetet e vogla lundruese dhe të peshkimit brenda gjirit të Vlorës janë këshilluar të tregojnë kujdes të shtuar dhe të marrin masa për përballimin e situatës së përkeqësuar.

Kapiteneria u ka kërkuar subjekteve dhe institucioneve që ushtrojnë veprimtari detare të rrisin gatishmërinë, të sigurojnë mjetet në porte dhe të bashkëpunojnë për marrjen e masave të nevojshme.

Sipas njoftimit, anijet e transportit ndërkombëtar detar do të vijojnë operimin normalisht, ndërsa përmirësimi i kushteve për mjetet e vogla lundruese dhe ato të peshkimit pritet pas orës 06:00 të datës 25 korrik.

The post Erëra të forta dhe det i trazuar gjatë së premtes, apeli i Kapitenerisë së Vlorës për pushuesit dhe operatorët appeared first on Euronews Albania.

Pas parashikimeve meteorologjike për përfshirjen e zonës së Vlorës nga fenomene të paqëndrueshme atmosferike gjatë ditës së premte, Bashkia Vlorë u ka bërë apel qytetarëve dhe vizitorëve të tregojnë kujdes të shtuar.

Sipas njoftimit të bashkisë, territori i Vlorës mund të ndikohet nga reshje intensive, stuhi lokale dhe erëra të forta, të cilat mund të sjellin ndryshime të menjëhershme të kushteve atmosferike.

Autoritetet u bëjnë thirrje banorëve të shmangin lëvizjet e panevojshme, të mos qëndrojnë pranë pemëve apo strukturave të pasigurta dhe të tregojnë kujdes maksimal në zonat bregdetare, veçanërisht në plazhe dhe në det.

Gjithashtu, Bashkia Vlorë ka rikujtuar qytetarët që të mos ndezin zjarre në ambiente të hapura, pyje, kullota apo pranë bimësisë së thatë, pasi temperaturat e larta dhe era favorizojnë përhapjen e shpejtë të flakëve.

Qytetarëve u kërkohet të njoftojnë shërbimet e emergjencës për çdo situatë që mund të paraqesë rrezik.

The post Bashkia Vlorë apel qytetarëve: Kujdes nga stuhitë dhe erërat e forta ditën e premte appeared first on Euronews Albania.

Bregdeti i jugut është goditur nga një mot i keq i shoqëruar me erëra të fuqishme dhe rrufe. Në qytetin e Vlorës, era e fortë ka shkaktuar kaos përgjatë shëtitores së Lungomares, ku karriget dhe tavolinat e lokaleve janë marrë përpara nga stuhia duke fluturuar në mes të rrugës e duke vështirësuar lëvizjen.

Rrufetë e njëpasnjëshme kanë ndriçuar qiellin e qytetit bregdetar gjatë gjithë kohës së stuhisë. Ndërkohë, edhe zona e Himarës është prekur nga të njëjtat kushte të vështira atmosferike.

Banorët dhe pushuesit gjithashtu shihen teksa vrapojnë për t’iu shpëtuar objekteve që fluturojnë në ajër teksa deri më tani raportohen vetëm dëme materiale.

The post Stuhi dhe erë e fortë, moti i keq përfshinë Vlorën dhe Himarën (VIDEO) appeared first on Euronews Albania.

Gazetari Algert Harizaj foli në një lidhje të drejtpërdrejtë nga Vlora për “Now me Erla Mëhillin” në lidhje me sezonin turistik, ndërsa theksoi se protestat nuk kanë ndikuar në fluksin e pushuesve.

Sipas tij, bazuar në atë që shihet çdo ditë në terren, turistët nuk e kanë pasur protestën si faktor që ndikon në zgjedhjen e destinacionit, ndërsa u shpreh se ngjarjet e fundit i kanë dhënë më shumë vëmendje zonës së Sazanit, Karaburunit dhe Zvërnecit.

“Me çfarë unë shikoj në terren çdo ditë, qytetarët nuk e kanë pasur indikator pjesën e ndikimit nga protesta, por me çfarë shihet protesta i ka dhënë më shumë famë qytetit të Vlorës dhe plazhit të Zvërnecit, Karaburunit dhe Sazanit. Kush vjen në Vlorë, një ditë e ka të përcaktuar që shkon në Sazan, Karaburun dhe Porto Novo”, tha Harizaj.

Ai shtoi se këto destinacione vijojnë të regjistrojnë një numër të lartë vizitorësh çdo ditë.

“Nga informacionet që kam unë dhe nga informacionet nga Kapiteneria e Vlorës, rreth 1000 persona shkojnë çdo ditë në këto destinacione. Më shumë kërkesa ka për ishullin e Sazanit dhe Karaburunit. Ka qindra gomone, skafe dhe mjete turistike që çdo ditë bëjnë rrugë drejt Sazanit dhe Karaburunit”, u shpreh gazetari.

The post Turizmi në Vlorë, gazetari: Protestat nuk ndikuan te pushuesit, Sazani dhe Karaburuni vijojnë me fluks appeared first on Euronews Albania.

Pushimet verore janë kthyer në një luks për shumë qytetarë vlonjatë, veçanërisht për pensionistët, të cilët thonë se nuk arrijnë të përballojnë tarifat e plazheve private.

Një pjesë e konsiderueshme e qytetarëve në Vlorë janë të privuar nga mundësia për të pushuar, jo për shkak të mungesës së plazheve apo destinacioneve, por për shkak të pamundësive ekonomike. Pensionet dhe pagat e ulëta, sipas tyre, nuk u lejojnë të përballojnë kostot e një dite në plazh.

Tarifat për çadrat dhe shezlongët, që arrijnë deri në 700 lekë, konsiderohen të papërballueshme për shumë pensionistë, të cilët detyrohen të zgjedhin hapësirat publike, duke marrë me vete çadrat personale dhe duke qëndruar në bregdet pa shërbime shtesë.

Ata kërkojnë më shumë hapësira publike falas dhe ndërhyrje për përmirësimin e gjendjes ekonomike, përmes rritjes së pagave dhe pensioneve.

“Me këtë plazh, me 7 mijë lekë çadra, nuk ia dalim dot, ndaj vijmë këtu në rërë. Zgjidhje tjetër s’kemi, s’ia dalim dot ne. S’ikim dot deri te uji, i ftohtë qoftë ai që është pa lekë atje. Zgjidhja është atë plazh ta bëjnë me 2 a 3 mijë lekë për ne, një tarifë më të ulët. Të gjithë duhet të kenë mirëqenie. Shpresa vdes e fundit”, thotë një pushuese.

“Mirë po kalojmë, deti shumë i mirë, po keq janë shezlongët që i kanë sjellë deri tutje. Mundësi ekonomike kam deri këtu te shkallët, atje s’vete dot se pensioniste jam. Gjallë në botë si i përballoj dot? Asnjëherë. Kush është ai që s’do më shumë? S’do qorri sy. Nuk përballohet me këto pensione”, thotë një zonjë.

“Ne pensionistët na kanë hequr nga lista fare. I kanë degdisur atje poshtë për t’i hequr qafe. Kanë ngelur tani me pensionet tona, janë të papërballueshme. Ku paguhet çadra 7 mijë lekë? Me shpenzime ditore s’del për 5 ditë, jo një muaj. Duhet të rriten pensionet”, thotë një zotëri.

Pavarësisht vështirësive ekonomike, qytetarët vlonjatë, veçanërisht pensionistët, vijojnë të jenë besnikë të bregdetit në çdo stinë. Ata gjejnë mënyra alternative për të shijuar detin, duke pushuar në plazhet publike, në shkallë, gurë apo shkëmbinj, me çadrat e tyre personale.

The post “Me këto pensione nuk përballohet”, pensionistët vlonjatë ankohen për çmimet në plazhet private appeared first on Euronews Albania.

Një turiste rreth 30 vjeçe është transportuar me urgjencë në Spitalin Rajonal të Vlorës, pasi ka shfaqur probleme të rënda shëndetësore gjatë një zhytjeje të zhvilluar paraditen e sotme. Fatkeqësisht ajo ka ndërruar jetë për shkak të kompikacioneve.

Sipas informacioneve paraprake, ajo ishte pjesë e një grupi zhytësish në zonën e Radhimes ku ndodhet dhe anija e mbytur Spitaliers, ku gjatë zhytjes dyshohet se ka pësuar mungesë oksigjeni, apo problem tjeter te shendetit.

Turistja nuk është ndier mirë dhe është ndihmuar menjëherë nga zhytësit e tjerë, të cilët e kanë nxjerrë në sipërfaqe dhe më pas e kanë transportuar drejt Spitalit Rajonal të Vlorës.

Burime nga spitali bëjnë me dije se 30-vjeçarja ka mbërritur në gjendje të rëndë, me vështirësi në frymëmarrje dhe shenja të një komplikacioni serioz.

Ajo ka ndërruar jetë sapo mbërriti në Spitalin Rajonal të Vlorës. Burime nga spitali bëjnë me dije se turistja ishte e shoqëruar nga një person tjetër, i cili është në gjendje të vetëdijshme dhe po merr trajtimin e nevojshëm mjekësor.

Autoritetet kanë nisur veprimet procedurale për të zbardhur plotësisht rrethanat e ngjarjes, ndërsa pritet edhe ekspertiza mjeko-ligjore për të përcaktuar shkakun e saktë të vdekjes.

The post Shfaqi probleme gjatë një zhytjeje në zonën e Radhimës, ndërron jetë turistja nga Finlanda. Detajet e para appeared first on Euronews Albania.

Një zjarr ka rënë pasditen e kësaj të hëne përgjatë autostradës Fier–Vlorë, ku flakët kanë përfshirë rreth 2 kilometra të sipërfaqes në anë të rrugës.

Përhapja e shpejtë e zjarrit dhe tymi i dendur kanë krijuar vështirësi dhe rrezik për qarkullimin e automjeteve në këtë aks rrugor.

Drejt zonës janë nisur disa mjete zjarrfikëse, të cilat po punojnë për izolimin e vatrës dhe shuarjen e flakëve, si dhe për të parandaluar përhapjen e mëtejshme të zjarrit.

Drejtuesit e automjeteve këshillohen të tregojnë kujdes maksimal gjatë lëvizjes në këtë segment, të respektojnë sinjalistikën dhe udhëzimet e autoriteteve deri në normalizimin e situatës.

The post Zjarr përgjatë autostradës Fier–Vlorë, flakët përfshijnë rreth 2 kilometra sipërfaqe (VIDEO) appeared first on Euronews Albania.

Një zjarr ka rënë mesditën e kësaj të hëne në zonën e Ujit të Ftohtë, mbi tunelin e Vlorës.

Flakët përfshinë një sipërfaqe me shkurre dhe bimësi të ulët, ndërsa, të favorizuara nga temperaturat e larta dhe era, u përhapën me shpejtësi, duke iu afruar zonës së banuar. Për disa momente u rrezikuan edhe banesat pranë.

Në vendngjarje mbërritën forcat e Policisë dhe shërbimet zjarrfikëse, të cilat ndërhynë menjëherë për izolimin e vatrës së zjarrit dhe mbrojtjen e banesave.

Operacioni për shuarjen e plotë të flakëve vijon, ndërsa autoritetet po punojnë për të shmangur përhapjen e zjarrit dhe çdo rrezik të mëtejshëm.

The post Zjarr mbi tunelin e Vlorës, flakët iu afruan banesave (VIDEO) appeared first on Euronews Albania.

Dy drejtues mjetesh lundruese janë gjobitur këtë të martë nga autoritetet në Vlorë. Mësohet se masa administrative u vendos ndaj tyre pasi, dy drejtusit rrrezikuan pushuesit duke lundruar në afërsi të brigjeve të detit dhe pa dokumentacion në bord.

Rastet u regjistruan, në Potam dhe në “Plazhin e Hidrovorit”. Drejtuesit u gjobitën me 500 000 dhe 510 000 lekë. Gjithashtu policia u bllokoi mjetet lundruese.

“DVKM Vlorë/Kontrolle, verifikime dhe reagim i menjëhershëm ndaj çdo indicieje të qytetarëve, me objektivin madhor, garantimin e sigurisë detare.

Rrezikuan pushuesit, duke lundruar në afërsi të brigjeve dhe pa dokumentacion në bord, në Potam dhe në “Plazhin e Hidrovorit”, ndëshkohen me gjoba 500 000 dhe 510 000 lekë. Gjithashtu iu bllokohen mjetet lundruese (gomone).

-Menjëherë pas njoftimit se një mjet (gomone) ishte konstatuar duke lundruar afër bregut, në plazhin e Potamit, shërbimet e DVKM Vlorë organizuan punën për identifikimin dhe ndëshkimin e drejtuesit të tij. Mjeti u lokalizua në plazhin e Drimadhes dhe u bllokua. Ndërkaq, drejtuesi i tij, shtetasi H. L., u ndëshkua me 500 000 lekë gjobë.

-Gjatë patrullimeve në të gjithë vijën bregdetare në juridiksionin e DVKM Vlorë, u konstatua një tjetër mjet lundrues (gomone), duke lëvizur në afërsi të bregut, në zonën e quajtur “Plazhi i Hidrovorit”. Mjeti u ndalua dhe u bllokua, ndërkaq, drejtuesi i tij, shtetasi E. Sh., u ndëshkua me 510 000 lekë gjobë. Nga verifikimet e mëtejshme rezultoi se ky shtetas nuk kishte në bord, dokumentacionin e kërkuar nga ligji.

Patrullimi vijon në të gjithë hapësirën detare të qarkut Vlorë. Policia e Shtetit fton qytetarët, pushuesit dhe vizitorët, që të denoncojnë menjëherë, çdo paligjshmëri që cenon sigurinë detare dhe atë publike në përgjithësi, dhe i garanton se reagimi do të jetë i menjëhershëm dhe konform ligjit”, njofton policia.

The post Rrezikuan pushuesit duke lundruar në afërsi të brigjeve të detit, sekuestrohen dy gomone. Gjobiten drejtuesit appeared first on Euronews Albania.

Një automjet është përfshirë nga flakët pasditen e së premtes në rrugën që të çon drejt fshatit Kaninë, në Vlorë.

Sipas informacioneve paraprake, zjarri ka shkaktuar shkrumbimin e plotë të mjetit. Në vendngjarje kanë mbërritur menjëherë forcat e Shërbimit Zjarrfikës, të cilat kanë ndërhyrë duke bërë të mundur shuarjen e flakëve.

Nga të dhënat e para dyshohet se shkak i zjarrit ka qenë një defekt teknik i lidhur me mbinxehjen e automjetit.

Fatmirësisht, nga ngjarja nuk raportohet për persona të lënduar.

The post Digjet një automjet në rrugën drejt Kaninës, dyshohet për defekt teknik appeared first on Euronews Albania.

Një zjarr ka përfshirë pasditen e kësaj të mërkure kodrën e Kuzum Babasë në Vlorë, duke djegur sipërfaqe me shkurre dhe bimësi.

Menjëherë pas marrjes së njoftimit, në vendngjarje kanë mbërritur forcat e shërbimit zjarrfikës të Vlorës, të cilat po punojnë për izolimin dhe shuarjen e flakëve, me qëllim që zjarri të mos përhapet më tej.

Pranë vatrës së zjarrit ndodhen banesa, ndërsa në zonë gjendet edhe Teqeja e Kuzum Babasë, duke rritur shqetësimin për përhapjen e flakëve në këtë zonë.

The post Zjarr në kodrën e Kuzum Babasë në Vlorë, rrezikohen banesat pranë zonës appeared first on Euronews Albania.

Një 32-vjeçar është vënë në pranga nga policia e Vlorës mbrëmjen e djeshme. Sipas raportimeve të policisë, ky shtetas qarkullonte i armatosur me armë zjarri pa leje.

Në kuadër të operacionit të koduar, policia ka vënë në pranga shtetasin Eris Mara, 32 vjeç, ku gjatë kontrollit në automjetin e tij me të cilin ai qarkullonte, iu gjet një armë zjarri pistoletë, 2 krehra me 22 fishekë luftarakë, një mbajtëse plastike me 18 fishekë luftarakë, si dhe një radio e ngjashme me ato që përdor Policia e Shtetit, të cilat u sekuestruan në cilësinë e provës materiale.

 “Shërbimet e Drejtorisë Vendore të Policisë Vlorë, në vijim të punës për evidentimin dhe goditjen e rasteve të armëmbajtjes pa leje, bazuar në informacionet e siguruara në rrugë operative se një shtetas qarkullonte i armatosur në qytetin e Vlorës, organizuan dhe finalizuan operacionin policor të koduar “Siguria”.

Si rezultat i operacionit, në lagjen “Lef Sallata”, u kap dhe u arrestua në flagrancë shtetasi E. M., 32 vjeç, banues në fshatin Peshkëpi.

Gjatë kontrollit të ushtruar në automjetin tip Audi, me të cilin ai qarkullonte, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë, 2 krehra me 22 fishekë luftarakë, një mbajtëse plastike me 18 fishekë luftarakë, si dhe një radio të ngjashme me ato që përdor Policia e Shtetit”, thuhet në njoftimin e policisë.

Materialet procedurale iu referuan Prokurorisë, për veprime të mëtejshme, për veprat penale “Prodhimi dhe mbajtja pa leje e armëve luftarake dhe e municionit” dhe “Mbajtja pa të drejtë e uniformës”.

The post Qarkullonte i armatosur me pistoletë, arrestohet 32-vjeçari në Vlorë appeared first on Euronews Albania.

Një automjet është përfshirë nga flakët mbrëmjen e premtes pranë zonës së Jonufrës, në aksin rrugor Vlorë-Radhimë.

Sipas informacioneve paraprake, mjeti është shkrumbuar pothuajse plotësisht nga zjarri. Menjëherë në vendngjarje kanë mbërritur forcat zjarrfikëse, të cilat kanë bërë të mundur shuarjen e flakëve dhe izolimin e vatrës së zjarrit.

Deri më tani nuk raportohet për persona të lënduar, ndërsa shkaqet e rënies së zjarrit mbeten ende të paqarta. Autoritetet po punojnë për zbardhjen e plotë të rrethanave të ngjarjes.

The post Përfshihet nga flakët një mjet në aksin Vlorë-Radhimë, shkrumbohet nga zjarri (VIDEO) appeared first on Euronews Albania.

Një sasi tritoli është vendosur pranë një lokali në lagjen “Pavarësia” mëngjesin e kësaj të enjteje. Në zonën e njohur si pranë rrugës së “Cipajve”, i është vendosur tritol një lokali. Si pasojë e shpërthimit, janë shkaktuar dëme materiale të konsiderueshme në lokalin në fjalë. Gjithashtu, është dëmtuar edhe një automjet.

“Sot, rreth orës 03:45, në lagjen “Pavarësia 3”, në derën e një lokali në pronësi të shtetasit G.P., është vendosur një sasi e vogël e dyshuar lënde plasëse. Si pasojë, janë shkatuar vetëm dëme materiale.

Shërbimet e Policisë kanë shkuar menjëherë në vendngjarje.

Grupi hetimor, nën drejtimin e Prokurorisë, po kryen veprimet hetimore për zbardhjen e plotë të rrethanave të ngjarjes, si dhe për identifikimin dhe kapjen e autorit/ve”, thuhet në njoftimin e policisë.

The post Shpërthim me tritol në një lokal në Vlorë, policia nis hetimet (VIDEO) appeared first on Euronews Albania.

Një banesë në katin e dytë të një pallati në lagjen ‘Isa Boletini’ të Vlorës është përfshirë nga flakët rreth orës 14:30 të ditës së sotme. Zjarri ka nisur fillimisht në ballkonin e apartamentit dhe më pas është përhapur drejt pjesës së kuzhinës.

Kanë qenë banorët e pallatit ata që kanë njoftuar menjëherë shërbimin zjarrfikës, i cili ka mbërritur në vendngjarje dhe ka bërë të mundur vënien nën kontroll.

Sipas zjarrfikësve, nga zjarri janë shkaktuar vetëm dëme materiale, ndërsa nuk raportohet për persona të lënduar.

The post Përfshihet nga flakët një banesë në Vlorë, zjarrfikësit në vendngjarje. Detajet e para (VIDEO) appeared first on Euronews Albania.

Flamurtari vijon përforcimet në prag të sezonit të ri futbollistik, ndërsa një tjetër futbollist i është bashkuar kuqezinjve.

Këtë herë drejtuesit e klubit kanë udhëtuar deri në Spanjë për të gjetur një mesfushor, teksa gazetari i Euronews Albania, Enriko Gabaj mëson ekskluzivisht se bëhet fjalë për Jose Rodriguez Martinez, i cili më herët ka mbajtur veshur fanellën e Real Madrid.

30-vjeçari ishte prej kohësh në survejim nga drejtuesit kuqezi, të cilët arritë ndhe akordin me lojtarin. Rodriguez ka një karrierë të pasur ku krahas Real Madrid, ka luajtur dhe për Deportivo La Coruna, Galatasaray, Mainz, Malaga, si dhe me skuadra të tjera të njohura në kontinentin e vjetër. Ai cilësohet përforcimi i duhur në repartin difensiv, pasi mund të aktivizohet si mbrojtës qendre dhe mesfushor “6”.

Gjatë qëndrimit në Madrid ofertat ndaj Rodriguez ishin të shumta, ku asokohe lojtari u bë i njohur për refuzimin që i bëri Arsenalit, por dhe marrëdhëniet e mira me trajnerin Mourinho.

Më poshtë është dhe skeda e lojtarit 30-vjeçar, i cili ka veshur dhe fanellën e ekipeve zinxhir të kombëtares iberike, por jo skuadrën A.

LEXONI GJITHASHTU:

• Vllaznia mposhtet minimalisht nga Daugavpuls, Partizani barazon me Nomme Kalju
• Euro humb vlerë përballë lekut, ndikon fluksi turistik në sezonin veror

The post Ekskluzive/ Ish-lojtari i Real Madrid firmos në Vlorë, Flamurtari godet në merkato appeared first on Euronews Albania.

Një grua ukrainase ka humbur jetën këtë të premte në Vlorë pas një incidenti të rrezikshëm në det, ku rrezikoi të mbytej dhe vajza e saj 18-vjeçare. Gruaja ndërroi jetë në spital, ndërsa vajza ndodhet në gjendje të rëndë dhe është intubuar.

Mjeku Edmond Breshani, i cili ka asistuar rastin, shpjegoi se vajza dhe nëna u paraqitën në spital në gjendje kome. Nëna, 44 vjeçe, ishte pa shenja jete dhe nuk u arrit të rikthehej në jetë për shkak të dëmtimit të thellë nga mbytja.

Vajza 18-vjeçare u paraqit në gjendje kome, me frymarrje të ngadalësuar, puls të dobët dhe tension të ulët, sipas mjekut. Ajo u intubua dhe dhe gradualisht, filloi të merrte frymë dhe të reagonte, ndërsa tensioni i është stabilizuar dhe ajo ndodhet në reanimacion.

“Vajza 18 vjeçe dhe nëna 44 vjeçe kanë ardhur në spital rreth orës 12:00 në gjendje shumë të rëndë, në koma. Pacientja mbi 40 vjeçe ishte pa shenja jete, pa puls dhe pa ton zemre.

Ekipi i urgjencës që e asistoi që në plazh zbatoi protokollin për pacientët e mbytur. Pacientja mbi 40 vjeçe ishte pa shenja jete kur erdhi në spital. Komunikuam më parë me ekipin e urgjencës që po vinte dhe zbatuam të gjitha protokollet, por ajo nuk arriti të kthehej në jetë, pasi zemra kishte dalë jashtë funksionit për shkak të uljes së oksigjenimit nga uji i madh dhe rëra që kishte marrë.

Vajza 18 vjeçe ishte në gjendje kome, me frymarrje të ngadalta, puls të dobët dhe tension 5. Ajo u fut në intubim dhe u bë ringjallja me oksigjenim sipas protokollit. Gradualisht filloi të merrte frymë vetë dhe të reagonte e të zgjohej.

Tensioni i është stabilizuar në 11 dhe ndodhet në reanimacion me frymarrje të drejtuar dhe i janë bërë të gjitha mjekimet e nevojshme, po ashtu po i bëhet aspirimi.

Për momentin vajza 18 vjeçare është në gjendje më të qëndrueshme dhe ka shanse për mbijetesë. Ambulancat dhe mjekët ishin në dispozicion dhe asistuan që në momentet e para të ngjarjes”, tha mjeku.

The post Mbytja e turistes në Vlorë, flet mjeku: Nëna s’mbijetoi, vajza erdhi në gjendje kome appeared first on Euronews Albania.

Policia e Vlorës ka goditur një rast të shfrytëzimit për prostitucion të disa personave të huaj. Sipas një njoftimi zyrtar, është identifikuar dhe shpallur në kërkim një shtetase spanjolle, e cila dyshohet se në një apartament me qira në qytetin bregdetar organizontet aktvitet prostitucioni.

“Specialistët për Hetimin e Trafiqeve të Paligjshme të DVP Vlorë, në vijim të punës për goditjen e rasteve të shfrytëzimit të prostitucionit, kanë evidentuar dhe goditur një rast të kësaj veprimtarie kriminale,” thuhet në deklaratën e Policisë.E shpallur në kërkim është A. A., 43 vjeçe, banuese në Spanjë. Sipas hetimeve paraprake, ajo kishte marrë me qira një apartament në lagjen “Pavarësia 3” në Vlorë, ku dyshohet se shfrytëzonte për prostitucion shtetase të huaja.”-thuhet në njoftim.

Më tej policia bën të ditur se në kuadër të këtij operacioni, po ndiqen penalisht në gjendje të lirë tre shtetase venezuelase, R. L., 25 vjeçe, K. C., 30 vjeçe dhe H. S., 30 vjeçe, të cilat jetonin në Vlorë dhe ushtronin aktivitetin në apartamentin e marrë me qira.

Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

LEXONI GJITHASHTU:

• Shërbimet varionin nga 80 në 200 euro, goditet qendra e prostitucionit në Durrës
• Depozituan mbetje ndërtimi në plazh, arrestohet inxhinieri i objektit në Dhërmi

The post Goditet “çerdhja” e prostitucionit në Vlorë, shpallet në kërkim spanjollja appeared first on Euronews Albania.

Një grua nga Ukraina ka humbur jetën këtë të premte në Vlorë, pas një incidenti të rrezikshëm në det, ku ajo rrezikoi të mbytej së bashku me vajzën e saj.

Gruaja nuk arriti të mbijetojë dhe ndërroi jetë në spital ndërsa vajza e saj ndodhet në gjendje të rëndë, e intubuar.

Sipas informacioneve, një qytetar nga Vlora u erdhi në ndihmë nënës dhe vajzës në momentet kur ato po rrezikonin të mbyteshin në det duke arritur ti nxjerrë në breg në gjendje të rëndë shëndetësore.

Për shkak të faktit se viktima është shtetase e huaj, trupi i saj do të dërgohet drejt morgut të Tiranës për procedurat përkatëse.

Ngjarja ndodhi mesditën e së premtes, kur nëna dhe vajza ishin futur në det për t’u larë, por rrymat dhe dallgët i rrezikuan seriozisht.

Sipas rrëfimeve të qytetarëve të pranishëm, ambulanca mbërriti me rreth 30 minuta vonesë.

Çfarë thotë mjeku

Në një deklaratë për mediat, mjeku Edmond Breshani ka dhënë detaje se si 44-vjeçarja ukrainase humbi jetën dhe për gjendjen e vajzës së saj 18-vjeçe, duke thënë se për momentin e reja duket në gjendje më të qëndrueshme dhe ka shpresa që të dalë nga kjo situatë.

“Vajza 18-vjeçe dhe nëna 44-vjeçe kanë ardhur në spital rreth orës 12:00 në gjendje shumë të rëndë, në koma. Pacientja mbi 40 vjeçe ishte pa shenja jete, pa puls dhe pa ton zemre.

Ekipi i urgjencës, i cili e asistoi që në plazh, zbatoi protokollin për pacientët e mbytur. Pacientja mbi 40 vjeçe ishte pa shenja jete kur mbërriti në spital. Komunikuam më parë me ekipin e urgjencës që po vinte dhe zbatuam të gjitha protokollet, por ajo nuk arriti të kthehej në jetë, pasi zemra i kishte dalë jashtë funksionit për shkak të uljes së oksigjenimit nga uji i madh dhe rëra që kishte marrë.

Nuk arritëm dot ta rikthenim në jetë dhe njoftuam policinë.

Vajza 18-vjeçe ishte në gjendje kome, me frymarrje të ngadalta, puls të dobët dhe tension 5. Ajo u fut në intubim dhe iu bë ringjallja me oksigjenim sipas protokollit. Gradualisht filloi të merrte frymë vetë dhe të reagonte, duke u zgjuar.

Tensioni i saj është stabilizuar në 11 dhe ndodhet në reanimacion me frymarrje të drejtuar dhe i janë bërë të gjitha mjekimet e nevojshme, po ashtu po i bëhet aspirimi.

Për momentin, vajza 18-vjeçe është në gjendje më të qëndrueshme dhe ka shanse për mbijetesë. Ambulancat dhe mjekët ishin në dispozicion dhe asistuan që në momentet e para të ngjarjes”, tha mjeku.

Rreth orës 12:00, në plazhin “Uji i Ftohtë”, kanë rrezikuar të mbyten në det, 2 shtetase të huaja ukrainase (nënë e bijë). Ato janë transportuar për ndihmë mjekësore, në spital, ku ndodhen në gjendje të rëndë shëndetësore. pic.twitter.com/hoGw40IjNs

— Euronews Albania (@EuronewsAlbania) July 11, 2025

LEXONI GJITHASHTU:

• Nxori nga deti nënën e vajzën që po mbyteshin, flet heroi i Vlorës: U hodha i vetëm
• Ngjarje e rëndë në Vlorë: Dy gra rrezikojnë të mbyten, intubohen në spital

The post Drama në plazhin e Vlorës: Ndërron jetë turistja ukrainase, vajza e saj në intubim appeared first on Euronews Albania.

Fitim Bozhegu është personi që nxori nga deti një grua dhe një vajzë që po mbyteshin në Vlorë.

Ai tregon për Euronews Albania se një grua thërriti për ndihmë dhe ai menjëherë u fut në det për t’i shpëtuar këto persona, për të cilët kjo grua kërkoi ndihmë.

“Erdhi një grua dhe më tha: Ndihmë se po mbyten dy fëmijë.’ Unë u futa në det dhe i nxorra deri në breg sa mundesha. Njëra ishte në moshë të madhe, tjetra fëmijë. Ambulanca mbërriti pas 30 minutash, ne u dhamë ndihmë me frymëmarrje dhe goditje në gjoks. Ishin thellë në det dhe mezi i kapa. Kur i nxorrëm ishin në gjendje të rëndë. Unë isha vetëm, me vështirësi i nxorra dhe i ndihmuam,” tha Bozhegu.

“Sapo mbërrita aty, konstatoj një grua të madhe në moshë dhe një vajzë, dhe me shumë vështirësi arrita t’i nxirrja në gjendje të rëndë në breg të detit. Njëra ishte rreth 50 vjeçe, tjetra rreth 19 vjeçe. Pritëm për 30 minuta ambulancën dhe u munduan t’u bënin frymëmarrje dhe ndihmë të çastit. Në bregdet, pasi i nxora gjendja e tyre ishte shumë e rëndë. Ishin të huaja dhe një burrë erdhi për të më ndihmuar, sepse ishte e vështirë t’i nxirrja vetëm”. Njëra ishte me shenja jete, tjetra jo shumë. Kam katër herë që shpëtoj njerëz, kam shpëtuar një grua greke dhe një fëmijë. Jam 49 vjeç,” përfundoi ai.

Nga informacionet e fundit dhe paraprake që vijnë nga Spitali i Vlorës, nënë e bijë janë të intubuara. Vajzës i është rikthyer pulsi, ndërsa gjendja e nënës paraqitet më e rëndë. Nga burime të pakonfirmuara thuhet se ato janë shtetase nga Ukraina.

Nxori nga deti nënën e vajzën që po mbyteshin, flet “heroi” i Vlorës: U hodha i vetëm pic.twitter.com/ALzxqDPx5G

— Euronews Albania (@EuronewsAlbania) July 11, 2025

Një grua tjetër dëshmitare tha se ishin tre vajza që ikën shumë larg dhe dukeshin si të huaja.

“Policia erdhi shpejt, por ambulanca u vonua pak. Pas rreth 10 minutash, i nxorën. Kishte edhe një vajzë të vogël që kërkoi ndihmë dhe iu dha ndihmë shumë shpejt me frymëmarrje. “Unë vetëm lutesha,” përfundoi ajo.

LEXONI GJITHASHTU:

• Ngjarje e rëndë në Vlorë: Dy gra rrezikojnë të mbyten, intubohen në spital

The post Nxori nga deti nënën e vajzën që po mbyteshin, flet heroi i Vlorës: U hodha i vetëm appeared first on Euronews Albania.