Një zjarr i madh përfshiu një kullë në Dubai, duke detyruar autoritetet të evakuojnë pothuajse 4000 banorë nga ndërtesa.

Flakët shpërthyen papritur në një nga kullat rezidenciale më të larta të qytetit, duke shkaktuar panik mes banorëve dhe duke ngritur alarmin.

Fatmirësisht, falë reagimit të shpejtë të ekipeve të shpëtimit dhe forcave zjarrfikëse, nuk raportohet për viktima apo të lënduar.

Sipas autoriteteve lokale, zjarri u vu nën kontroll pas disa orësh përpjekjesh intensive, dhe aktualisht janë duke u zhvilluar hetime për të përcaktuar shkakun e shpërthimit.

Banorët janë strehuar përkohësisht në ambiente të sigurta dhe janë njoftuar se po merren të gjitha masat për të garantuar rikthimin e tyre të sigurt në banesat përkatëse, sapo situata të jetë plotësisht nën kontroll.

“Reagimi i shpejtë dhe profesional i ekipeve tona shpëtoi jetë dhe parandaloi një tragjedi të mundshme,” deklaroi një zëdhënës i Shërbimit të Emergjencës në Dubai.

Pamjet nga vendngjarja tregojnë tym të dendur që ngrihej mbi horizontin e qytetit dhe zjarrfikës që punonin pa ndërprerje për të fikur flakët.

Zjarr në kullën 67 katëshe në Dubai, nis evakuimi i njerëzve
Një zjarr i madh shpërtheu në një ndërtesë 67-katëshe në zonën Marina të Dubait, duke detyruar evakuimin e menjëhershëm të 3,820 banorëve. Fatmirësisht, askush nuk u lëndua pic.twitter.com/geACSwZgtv

— Euronews Albania (@EuronewsAlbania) June 14, 2025

LEXONI GJITHASHTU:

• Kishte leje qëndrimi në Emirate, pse u lirua i ekstraduari nga Dubai Armis Stafa
• “Dubai ka rënë”, gazetari tregon vendin ku do shkojnë eksponentët shqiptar të krimit

The post VIDEO/ Zjarr në një nga kullat e Dubait, autoritetet evakuojnë banorët appeared first on Euronews Albania.

Dashnor Dumani dhe Armis Stafa, të ekstraduar nga Dubai, u paraqitën këtë të shtunë para Gjykatës së Posaçme Kundër Korrupsionit dhe Krimit të Organizuar për shqyrtimin e masave të sigurisë.

GJKKO la në fuqi masën “arrest në burg” për Dashnor Dumanin, vëllain e bashkëpunëtorit të drejtësisë Nuredin Dumani.

Ai dyshohet nga SPAK për përfshirje në masakrën e Bradasheshit, ku mbetën të vrarë tre persona, si dhe për supergrabitjen në pistën e aeroportit të Rinasit.

Ndërkaq, për Armis Stafën, SPAK ndryshoi masën nga “arrest në burg” në “arrest në shtëpi”.

Ai dyshohet për pastrim parash të organizatës kriminale të vëllezërve Hajdar dhe Franc Çopja, përmes aktivitetit të shit-blerjes së automjeteve.

LEXONI GJITHASHTU:

• Kishte leje qëndrimi në Emirate, pse u lirua i ekstraduari nga Dubai Armis Stafa
• Nga Dubai në Tiranë, dalin pamjet e ekstradimit të vëllait të Nuredin Dumanit
• Ekstradohen nga Dubai dy të shumëkërkuar, njëri është vëllai i Nuredin Dumanit

The post U ekstraduan nga Dubai, çfarë vendosi GJKKO për Dashnor Dumanin dhe Armis Stafën appeared first on Euronews Albania.

Si do të ndiheshit nëse historiku juaj i kërkimit në internet do të publikohej në internet që të tjerët ta shihnin?

Kjo mund t’u ndodhë disa përdoruesve të Meta AI pa e kuptuar ata, pasi kërkesat e njerëzve për mjetin e inteligjencës artificiale dhe rezultatet postohen në një burim publik.

Një ekspert i sigurisë në internet tha se ishte “një problem i madh me përvojën e përdoruesit dhe sigurinë”, pasi disa postime janë lehtësisht të gjurmueshme, përmes emrave të përdoruesit dhe fotove të profilit, deri te llogaritë e mediave sociale.

Kjo do të thotë që disa njerëz mund t’i tregojnë pa dashje botës gjëra që mund të mos duan që të tjerët t’i dinë se i kanë kërkuar.

Nuk është e qartë nëse përdoruesit e dinë që kërkimet e tyre po postohen në një burim publik në aplikacionin dhe faqen e internetit Meta AI, megjithëse procesi nuk është automatik.

Nëse njerëzit zgjedhin të ndajnë një postim, shfaqet një mesazh që thotë: “Njoftimet që postoni janë publike dhe të dukshme për të gjithë… Shmangni ndarjen e informacionit personal ose të ndjeshëm.”

BBC gjeti disa shembuj të njerëzve që ngarkuan foto të pyetjeve të testeve të shkollës ose universitetit dhe i kërkuan përgjigje Meta AI.

Një nga bisedat titullohet “IA gjeneruese trajton problemet e matematikës me lehtësi”.

Një kërkim, i cili mund të gjurmohej deri te llogaria e Instagram-it të një personi për shkak të emrit të përdoruesit dhe fotos së profilit, i kërkoi Meta AI të gjeneronte një imazh të një personazhi të animuar të shtrirë jashtë, i veshur vetëm me të brendshme.

Ndërkohë, portali i lajmeve për teknologjinë TechCrunch ka raportuar shembuj të njerëzve që postojnë pyetje intime mjekësore, të tilla si mënyra e trajtimit të një skuqjeje të kofshës nga brenda.

LEXONI GJITHASHTU:

• Konfirmohet vatra e parë e murtajës së bagëtive të imëta në Qarkun e Korçës
• Çmimi i naftës në botë po rritet pas sulmit izraelit ndaj Iranit

The post Kërkimet në Meta AI bëhen publike, por a e kuptojnë të gjithë përdoruesit appeared first on Euronews Albania.

I ftuar në “NOW me Erla Mëhillin”, gazetari Eni Ferhati komentoi lidhur me ekstradimin e dy të kërkuarve nga SPAK këtë të mërkurë nga Dubai, vëllait të Nuredin Dumanit, Dashnor Dumani dhe njërit nga personat e akuzuar për pastrimin e parave të vëllezërve Çopja.

Gazetari tha se tashmë Emiratet e Bashkuara Arabe kanë hapur traun e ekstradimeve dhe tani kontingjenti i gjerë i shqiptarëve që ndodhet atje, dhe që ka akuza edhe më të rënda, është në momente alarmi, pasi ekziston rreziku që të pësojnë të njëjtin fat duke u ekstraduar drejt Shqipërisë.

Gazetari tha se ata po marrin masa për të larguar nga Dubai dhe dha një version që mund të shpërngulen edhe në Rusi.

“Shenjat e para, duke pasur parasysh kontingjentin e gjerë që kemi atje, ndoshta jemi në kushtet që Emiratet kanë hapur traun. Janë gjetur ura komunikimi mes dy vendeve, ndoshta interesat e bashkëpunimit ndërqeveritar me koordinim të Interpolit dhe po i sjellin një nga një. Dubai ka rënë si strehë e sigurt dhe unë kam informacione se disa kanë filluar të marrin masa dhe do ikin nga Dubai. Nuk e di ku do gjejnë vend tjetër, por mund të shkojnë në Rusi për të gjetur një aleancë, ndoshta me Putinin. Janë të çapja, është zbatuar procedura e mirëfilltë të ekstradimit. Ne e kemi thënë që, me sa duket, tashmë Emiratet e Bashkuara Arabe nuk janë më një strehë e sigurt, nisur nga këta precedentë, por edhe nga ndalimet që janë bërë më herët ndaj disa personazheve që janë atje. Për shembull, Durim Bama, një emër i cili nuk rrezikon shumë në Shqipëri, të paktën me këto akuza që ka deri tani – vetëm sigurim kushte dhe mjete materiale për vrasje – është ndaluar atje dhe mbajtur për një periudhë kohore. Por janë personazhe që mund të kërkohen nga SPAK apo autoritetet, sepse mund të kenë mundësi të zbardhin ngjarje në Shqipëri,” tha Ferhati.

LEXONI GJITHASHTU:

• Nga Dubai në Tiranë, dalin pamjet e ekstradimit të vëllait të Nuredin Dumanit
• U ekstradua nga Dubai, Apeli i GJKKO lë në burg Florenc Çapjan

The post “Dubai ka rënë”, gazetari tregon vendin ku do shkojnë eksponentët shqiptar të krimit appeared first on Euronews Albania.

Në Gjykatën Themelore në Prishtinë do të mbahet sot seanca gjyqësore ndaj të akuzuarve për vrasjen e Liridona Ademajt. Seanca pritet të fillojë në orën 13:20.

Vëllai i Lirodones, Leonard Ademaj tha se shpresojnë që gjykimi të përfundojë sa më parë.

“Dhimbja po na shtohet dhe nuk gjejmë asnjë ngushëllim sa herë e mendojmë dhe e shohim se si dy fëmijë të vegjël po rriten pa nënën e tyre. Urojmë që gjykimi të përfundojë shpejtë”, shkroi ai në Facebook

Liridona Ademaj u vra më 29 nëntor 2023, në një rrugë në fshatin Bërnicë  të Prishtinës. Rasti i vrasjes së 30-vjeçares fillimisht ishte raportuar si “grabitje me pasoja të vrasjes”.

Dy ditë më vonë u arrestuan dy persona, në mesin e të cilëve edhe bashkëshorti i Liridonës, Naim Murseli. Tre të akuzuarit e tjerë për vrasjen e Liridona Ademajt janë Kushtrim Kokalla, Granit Plava dhe Tom Doda.

LEXONI GJITHASHTU:

• Një Inteligjencë Artificiale regjistrohet si studente arti në universitetin e Vjenës
• Dosja e SPAK për bandat shqiptare në Finlandë, pamjet nga punishtet e drogës.

The post “Dhimbja po na shtohet”, vëllai i Liridona Ademajt reagon pak para seancës appeared first on Euronews Albania.

Policia e Tiranës në bashkëpunim me homologët në Emiratet e Bashkuara Arabe, kanë arritur të kapin në Dubai një 36-vjeçar, Armis Stafa nën akuzën për pastrim parash.

Në vitin 2014, Gjykata e Posaçme e Shkallës së Parë për Korrupsionin dhe Krimin e Organizuar, i ka caktuar Armis Stafës masën e sigurisë “Arrest në burg”, për veprën penale “Pastrimi i produkteve të veprës penale ose veprimtarisë kriminale”, kryer në bashkëpunim.

Ky shtetas akuzohet në kuadër të një procedimi penal të vitit 2022, se në bashkëpunim me të tjerë, ka pastruar nëpërmjet shitblerjes së automjeteve, paratë e shtetasve me iniciale F. G. alias F. Ç. dhe H. B. alias H. Ç. (vëllezër), të përfituara nga veprimtari kriminale.

Interpol Tirana vijon bashkëpunimin me homologët në Abu Dhabi, për të finalizuar procedurën për ekstradimin e këtij shtetasi, në Shqipëri.

LEXONI GJITHASHTU:

• Kërkoi lirimin nga qelia, Apeli i Posaçëm rrëzon kërkesën e ish-deputetit Çyrbja
• 120 karrige të zbrazëta para Kuvendit të Kosovës, protestë kundër bllokimit politik

The post EMRI/ Pastroi paratë e një grupi kriminal në Elbasan, kapet në Dubai 36-vjeçari appeared first on Euronews Albania.

Tre shtetas shqiptarë, të akuzuar për përfshirje në ngjarje të rënda kriminale dhe për mbështetje të të shumëkërkuarit Talo Çela, janë arrestuar në Dubai gjatë operacionit ndërkombëtar të quajtur “The Wanted”. Ervis Daka, Maksim Koçi dhe Ado Xhika pritet të ekstradohen drejt Shqipërisë, ku ndaj tyre janë caktuar masa sigurie “arrest në burg” nga Gjykata e Posaçme kundër Korrupsionit dhe Krimit të Organizuar.

Ervis Daka, 38 vjeç, akuzohet për disa vepra penale të kryera në kuadër të një grupi të strukturuar kriminal, përfshirë “vrasje me paramendim” mbetur në tentativë, “sigurim të kushteve për vrasje”, “mbajtje pa leje të armëve” dhe “përkrahje të autorit të krimit”. Sipas autoriteteve, ai ka informuar autorët e një atentati për lëvizjet e viktimës së synuar K. P., ka siguruar mjete për vrasjen e një shtetasi tjetër dhe ka ndihmuar Talo Çelën duke e strehuar dhe mbështetur në arrati.

Maksim Koçi, 39 vjeç, gjithashtu përballet me akuza për vrasje me paramendim për interes dhe hakmarrje, si dhe për mbështetje të krimeve në kuadër të një grupi të strukturuar kriminal. Ai dyshohet për përfshirje në vrasjen e shtetasve K. K. dhe I. A., sigurimin e kushteve për atentate të tjera dhe për ndihmë të drejtpërdrejtë ndaj Talo Çelës për t’u fshehur nga drejtësia.

Ado Xhika, 40 vjeç, akuzohet për “përkrahje të autorit të krimit”. Gjatë një periudhe rreth dyvjeçare, ai ka ndihmuar në fshehjen e Talo Çelës dhe madje ka shoqëruar një gazetar për të realizuar një intervistë me të shumëkërkuarin.

Kujojmë se Talo Çela, një nga figurat më të njohura të botës së krimit kohët e fundit, vazhdon të jetë ende në kërkim ndërkombëtar.

The post FOTO| Kush janë bashkëpunëtorët e Talo Çelës të arrestuar në Dubai, akuzat appeared first on Euronews Albania.

Eksperti i kriminalistikës, Ervin Karamuço, ka folur në Euronews Albania lidhur me krimet zgjedhore dhe fenomenin e blerjes së votave, ndaj të cilit ai shprehet se duhet një përkushtim më i madh.

I pyetur se a priten arrestime në flagrancë nga task-forca lidhur me këto zgjedhje të 11 majit, Karamuço shprehet i bindur se praktikisht duhet të ketë, duke sjellë dhe disa raste.

“Nëse nuk ndodh deri të dielën, atëherë SPAK e ka humbur efektin parandalues. Më efekt parandalues ka policia e Dubait sesa policia jonë. Edhe në 2021 kemi pasur informacione që janë dërguar para nga Dubai për t’u vënë në shërbim të personave të caktuar që mund të blinin vota.

Sesa ia kanë arritur qëllimit nuk dihet por në një ndalim të fundit që është bërë, janë 3-4 eksponentë që vetëm për njërin është bërë e ditur që është kthyer në Shqipëri, pra i deportuar dhe jo i ekstraduar, ndërsa për të tjerët nuk thuhet asgjë, sepse nuk janë për llogari të shtetit shqiptar por janë për të disa organeve ligjzbatuese evropiane. Janë shqiptarë dhe njëri prej tyre është një nga më të fuqishmit të trafikut ndërkombëtar. Janë të kapur dhe do depërtohen në vendet europiane që i kanë kërkuar.

Njëri prej tyre është dyshuar se ka hedhur në Shqipëri shumë para për zgjedhjet e vitit 2021, ka operuar kryesisht në Amerikën Latine, kërkohej nga policia spanjolle bashkë me personat e tjerë që janë ndaluar”, tha eksperti.

Karamuço ndalet edhe në një detaj tjetër, ai i rënies së euros në Shqipëri, fakt ndaj të cilit eksperti ngre dyshimet që kjo mund të shërbejë për blerjen e votave.

“Ky veprim që ka kryer ky organ tjetër lizgjzbatues i Lindjes së Mesme, ka një lloj efekti që vjen deri në Shqipëri në lidhje me mbylljen e ‘rubinetave’ të këtij financimi. Jam pesimist për shkak se sot kemi pasur ditën ku euro ka pasur nivelin më të ulët historik në Shqipëri.

Kjo do të thotë se ka një prezencë të jashtëzakonshme në treg të likuiditetit euro, i cili mund të shërbejë edhe si një mekanizëm për të blerë vota. Autoritetet duhet të jenë të prokupuara më shumë tani se më parë në lidhje me fenomenin e blerjes së votës”, shton Ervin Karamuço.

LEXONI GJITHASHTU:

• Nga Saranda kandidon në Tiranë, si paraqitet gara e 11 majit për Anila Denajn
• “Më telefonuan zyshat e vajzave”, Tabaku preket në studio: Nuk ka qenë e lehtë…

The post Krimet zgjedhore/ Karamuço: Janë 3-4 eksponentë që do depërtohen nga Dubai appeared first on Euronews Albania.

Gazetarja Klodiana Lala ka folur në Euronews Albania mbi ekstradimin nga Dubai të Florenc Çapjas tre ditë më parë, për të cilin GJKKO ka konfirmuar masën e sigurisë “arrest në burg.

Lalal ka bërë një pasqyrim të faktit se pse u ekstradua Çapja dhe si qëndron momenti i arrestimit të tij. Në këndvështrimin e Klodiana Lalës, Dubai nuk duket më një vend i sigurtë për pesonat e botës së krimit.

“Nuk është më Dubai streha e sigurtë. Duket sikur ka një marëveshje të heshtur mes qeverisë shqiptare dhe autoriteteve në Dubai, për të përzënë në forma apo mënyra të ndryshme. Policia thotë ekstradim, vetë personat në konflikt me ligjin thonë dëbim ose është dëshirë e tyre për të ardhur në Shqipëri, por fakti që pas Plarent Dervishajt, Julian Meçajt, u ekstradua Florec Çapja dhe erdhi në Shqipëri, do të thotë se Dubai nuk është më strehë e sigurtë për njerëzit e krimit.

Sipas meje autoritetet shqiptare po dërgojnë atje të dhëna, ose email-e, ose dosje duke tentuar të bindin autoritetet në Dubai se këto personazhe përbëjnë kërcënim për sigurinë e këtij vendi.

Florenc Çapja ishte në shëtitje me të birin në momentin kur autoritetet janë afruar dhe i kanë thënë që duhet të vish me ne sepse të ka skaduar afati i dokumentave, e më pas e kanë sjellë në drejtim të Shqipërisë. Nuk është tamam ekstradim. Ekstradimi do të thotë të ketë një marrëveshje dypalëshe të miratuara përmes Ministrisë së Drejtësisë.

Mendoj që po ekstradohen të gjithë njerëzit e përfshirë në organizatë kriminale dhe vrasje. Këtë lloj ndjeshmërie nuk e kanë për rastet e tjera pasi atje mund të kemi shumë të dënuar të tjerë për vepra më të lehta penale, por nuk ka patur një anagazhim të autoriteteve në Dubai për ti përzënë”, tha Lala.

Ndër të tjera, gazetarja ngre pyetjen se kush është në të vërtetë Florenc Çapja dhe pse e duan në Shqipëri.

“Është një personazh i cili është akuzuar për vepra shumë të rënda penale. Nuk janë provuar akuzat për vite me radhë. Me të drejtë ose jo është dërguar me burgim të përjetshëm për një vrasje të kryer në 2012, ku u vranë babë e bir. Më tej ka dyshime për një akuzë të re “për krijim të kushteve për të kryer vrasje” në dëm të Sokol Sanxhaktarit. Njihet gjithashtu si kundërshtar i përbetuar i Suel Çelës.

Ngarkesa e tij penale ishte shumë e rëndë dhe mendoj se autoritetet në Dubai nuk po bëhen më strehë për këta njerëz të cilët mund të sjellin problematika për sigurinë e këtij vendi”, tha Klodiana Lala.

LEXONI GJITHASHTU:

• U ekstradua nga Dubai, GJKKO lë në “Arrest me burg” Florenc Çapjan
• Goditi me kmesë në kokë vëllain, arrestohet 73-vjeçari në Malësinë e Madhe

The post Ekstradimi i Çapjas, Lala: Dubai jo më vend i sigurtë për personat e botës së krimit appeared first on Euronews Albania.

Policia në Korçë ka arrestuar Altin Nallbatin, vëllain e deputetit demokrat Bledjon Nallbati.

Mbrëmjen e shkuar Altin Nallbati bashkë me të vëllanë, deputet i PD u përfshinë në një konflikt fizik me shoferin e kamionit të identifikuar si Sabri Dervishi.

Përmes një njoftimi policia tha se 42-vjeçari u arrestua në flagrancë për veprat penale Dëmtime të tjera me dashje”, “Prishja e qetësisë publike”, dhe ” Pengimi i qarkullimit të mjeteve të transportit”.

“Gjatë këqyrjes së pamjeve filmike dhe kryerjes se veprimeve të tjera hetimore, rezultoi se më datë 03.05.2025, rreth orës 21:15 ,  në  afërsi  të rrethrrotullimit të Mirasit  në qytetin e Bilishtit  shtetasi A.N, ka  ndaluar automjetin  me të cilin lëvizte bashkë me vëllanë e tij shtetasin B.N (kandidat për deputet i një subjekti politik) duke penguar qarkullimin e automjeteve që lëviznin në këtë aks rrugor. Shtetasi A.N ka dalë nga automjeti dhe ka debatuar verbalisht me  një drejtues kamioni, dhe më pas ka tentuar ta zbresë me forcë nga kamioni shtetasin S.D, dhe ka tentuar ta qëllojë me grushte si dhe ta ofendojë duke kryer veprime të pa hijshme në publik. Në këtë konflikt është përfshirë  edhe vëllai i  tij, shtetasi B.N, ku fillimisht ka tentuar të qetësojë situatën por më pas, bazuar në pamjet filmike ka tentuar të zbresë me forcë  nga kamioni shtetasin S.D”, sqaroi policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• VIDEO| Deputeti i PD përfshihet në incident të dhunshëm, godet shoferin e kamionit
• Korçë| U përfshinë në trafikimin e lëndëve narkotike, 2 të arrestuar dhe 2 në kërkim

The post Goditi me grushte shoferin e kamionit, arrestohet vëllai i deputetit demokrat appeared first on Euronews Albania.

I shumëkërkuari i drejtësisë, Florenc Çapja pritet të ekstradohet pasditen e sotme nga Dubai.

Policia bëri me dije se ekstradimi i 44-vjeçarit bëhet i mundur falë bashkëpunimit mjaft të mirë me partnerët, si në aspekte hetimore, ashtu dhe në ato operacionale, dhe si rezultat i shkëmbimit të menjëhershëm të informacionit mes strukturave të specializuara për lokalizimim dhe kapjen e shtetasve në kërkim ndërkombëtar.

“Policia e Shtetit, në vijim të bashkëpunimit mjaft të mirë me partnerët, si në aspekte hetimore, ashtu dhe në ato operacionale, dhe si rezultat i shkëmbimit të menjëhershëm të informacionit mes strukturave të specializuara për lokalizimim dhe kapjen e shtetasve në kërkim ndërkombëtar, me qëllim ekstradimin, pasditen e sotme, do të finalizojë me sukses një tjetër fazë të operacionit ndërkombëtar të koduar “The Wanted”.

Në kuadër të këtij operacioni, pritet që pasditen e sotme, të finalizohet me sukses ekstradimi nga Dubai, i të shumëkërkuarit F. Ç., 44 vjeç, banues në Elbasan”, bëri me dije policia.

Dy vjet më parë, Gjykata kundër Korrupsionit dhe Krimit të Organizuar (GJKKO) dënoi me burg përjetë Ardjan Çapjan, Florenc Çapjan dhe Jorgu Lekun, për vrasjen e Nezir dhe Gentian Beqiri, babë e bir.

Nezir dhe Gentian Beqiri, babë e bir u vranë në vitin 2012 në banesën e tyre teksa Gentian Beqiri ishte në ‘arrest shtëpie’ dhe ruhej me dy policë në derën e shtëpisë, pasi akuzohej si  autor i vrasjes së biznesmenit të njohur Sokol Çapja.

Vrasja e Gentian Beqirit, është kryer në ambientet e brendshme të banesës së tij, teksa qëndronte i shtrirë në krevat pasi ishte i paralizuar dhe më pas autorët mbytën edhe babanë e tij Nezir Beqiri.

LEXONI GJITHASHTU:

• SPAK kërkon konfiskimin e pasurive të Florenc Çapjas
• Vrasja e babë e bir, GJKKO dënon me burgim të përjetshëm Florenc Çapjan

The post Ekstradohet nga Dubai i shumëkërkuari i drejtësisë Florenc Çapja appeared first on Euronews Albania.

 Inteligjenca artificiale (AI) do të plotësojë punën e gazetarëve dhe ndonjëherë do ta bëjë atë më ironike, sipas redaktorit të një gazete italiane që mbështetej në një chatbot për të prodhuar të gjithë përmbajtjen e tij për një muaj. 

Gazeta Il Foglio, një gazetë e përditshme kombëtare në Itali, vendosi të ndërtojë chatbotin e saj të AI dhe ta shkruajë të gjithë përmbajtjen e gazetës për më shumë se një muaj. 

Paraqitja me katër faqe e gazetës, e quajtur Foglio AI, botoi mbi 22 artikuj me faqen e parë kushtuar lajmeve, temave kulturore, opinioneve dhe pjesëve të debatit të stimuluara nga AI për të përfaqësuar palët konservatore dhe progresive. Faqja e fundit ishte politika, ekonomia dhe letrat drejtuar redaktorit me përgjigjet shoqëruese nga AI. 

“Ne gazetarët do të kufizohemi në pyetjet dhe në Foglio AI do të lexojmë të gjitha përgjigjet”, thuhet në postimin e nisjes së 18 marsit . 

Ekipi i Il Foglio i dha gjithashtu AI disa detyra, si dëgjimi i një fjalimi të gjatë nga presidenti italian Giorgia Meloni dhe përmbledhja e tij. Ata gjithashtu i kërkuan asaj që të gjente mesazhe subkoshiencë ose të koduara dërguar Matteo Salvinit, zëvendëspresidentit të Këshillit të Ministrave të Italisë.

Në përgjithësi, redaktori i Il Foglio, Claudio Cerasa tha se eksperimenti ishte një sukses që do të vazhdojë të botohet një herë në javë dhe AI ​​”do të jetojë brenda gazetës” me artikuj që mund të shkruhen nga “herë pas here”, tha gazeta. AI gjithashtu do të integrohet diku tjetër në redaksinë e tij, si në podkaste, gazeta, libra, debate dhe seminare. 

“Është si të kesh një bashkëpunëtor të ri, një element shtesë të stafit redaktues,” shkroi Cerasa në një intervistë me AI të ekipit të tij. “Nuk do ta quaja redaktor, sepse nuk është, por është diçka që është në mes”. 

LEXONI GJITHASHTU:

• Rama nga Kashari: Bashkimi Evropian, një mbrojtje për rreziqet që na kanosen
• SHBA dhe Italia mbështesin korridorin ekonomik Indi-Lindje e Mesme-Evropë

The post AI “rrëmben” profesionin e gazetarëve, e përditshmja italiane ndan eksperiencën appeared first on Euronews Albania.

Gjovalin Prendi, 64 vjeç mbeti i vrarë në një atentat me armë zjarri mbrëmjen e së enjtes në Lezhë. Policia tha se ngjarja e rëndë ndodhi në fshatin Pllanë, brenda lokalit në pronësi të 64-vjeçarit.

Në atentat dyshohet se kanë qenë dy automjete dhe të paktën katër persona të moshës 30-35 vjeç. Autorët dyshohet se lëviznin me një automjet tip Porsche Cayenne.

Në momentin e atentatit viktima ndodhej në lokal me disa persona të tjetër, por asnjëri nuk është lënduar nga plumbat. Të dy mjetet janë afruar nga hyrja kryesore e lokalit dhe nga dera hyrëse është hapur zjarr në drejtim të tavolinës ku qëndronte viktima.

64-vjeçari kishte hapur lokalin që ndodhet pranë kryqëzimit të Urës së Milotit dhe segmentit të vjetër drejt Rubikut.

Gjovalin Prendi është babai i Roan Brahimit i njohur dhe si Sidorel Prendi u vra më 9 maj 2024 në Athinë.

The post Atentati nga 4 persona, babai i Roan Brahimit u ekzekutua brenda lokalit të tij appeared first on Euronews Albania.

Gazetari Poli Hoxha ishte këtë të martë në “Now me Erla Mëhillin” në Euronews Albania ku tha se ndaj prokurorëve të SPAK bëhet edhe presion, por këto ata nuk  i thonë sepse edhe presionet bëhen pjesë e hetimit.

Ai tregoi gjithashtu se si më parë ka bërë kërcënime mafia italiane apo se sib ëhen presionet dhe kërcënimet nga Dubai.

“Presionin nga kërcënimi, te puna e prokurorit dhe policit e ndaj nëj fije shumë e hollë te politikani. Çfarë bënte mafia më shumë? Nuk thoshte do të vras, port ë fuste poshtë derës foton e fëmijës para shkollës. Krimi i organizuar nga Dubai të thotë, ti nuk do jesh gjithë jetën aty, e do e shikosh çdo ndodh kur të mos jesh më aty. Kjo ka ndodhur”,-tha Poli Hoxha.

LEXONI GJITHASHTU:

• Dobruna: U largova nga konferenca në Tiranë sepse Kosovës iu vu fusnota
• Konferenca IV ndërqeveritare, Sikorski: Kapitujt e çelur sot jetikë për integrimin

The post “Mafia të fuste fotografinë e fëmijës poshtë derës”, gazetari: Ata nga Dubai… appeared first on Euronews Albania.

Një studim i fundit tregon se të rinjtë e moshave 18 dhe 26 vjeç po përdorin inteligjencën artificiale për çështje të lidhura me jetën e tyre sentimentale. Sipas rezultateve, 15% e të anketuarve e përdorin AI për të planifikuar takime, ndërsa 12% kërkojnë këshilla për marrëdhëniet.

Nga ana tjetër, grup-mosha 29-44 vjeç është disi më e rezervuar, vetëm 9% e tyre përdorin AI për planifikimin e takimeve dhe 11% për këshilla në lidhje.

Megjithatë, shumica e të rinjve ende nuk ia besojnë jetën e tyre romantike inteligjencës artificiale. Rreth 72% e Gjeneratës Z, “18-26 vjeç”dhe 76% e grupmoshës 29-44 vjeç nuk e kanë përdorur kurrë AI për qëllime romantike.

Sipas ekspertes së marrëdhënieve Aly Bullock, e cila punon për aplikacionin Paired, një nga arsyet kryesore pse njerëzit janë skeptikë ndaj AI në romancë është fakti që ata tashmë ndihen të lodhur nga aplikacionet e takimeve.

“Aplikacionet e takimeve mund të jenë rraskapitëse dhe, pas pandemisë, njerëzit kërkojnë më shumë kontakte të drejtpërdrejta. AI është një tjetër faktor që mund të krijojë distancë mes partnerëve dhe shumë janë skeptikë për këtë,” shpjegon Bullock.

Anketa zbuloi gjithashtu sfidat kryesore që të rinjtë përballen në marrëdhëniet e tyre për shkak të teknologjisë.

Problemi më i madh është përdorimi i tepërt i telefonit gjatë kohës së kaluar së bashku. Përdorimi i tepruar i pajisjeve për lojëra apo përgjigjet ndaj mesazheve të punës jashtë orarit janë gjithashtu ndër faktorët që ndikojnë në marrëdhëniet romantike.

Pavarësisht skepticizmit, interesi për përdorimin e AI në marrëdhënie po rritet.

“AI nuk mund të zëvendësojë lidhjen e vërtetë, por mund të ndihmojë çiftet të menaxhojnë marrëdhëniet e tyre në botën moderne,” thotë Bullock. “Në vend që të kemi frikë nga teknologjia e re, duhet të fokusohemi te mënyrat se si ajo mund të përmirësojë mënyrën tonë të lidhjes. Ky proces tashmë ka nisur, duam apo jo.”

LEXONI GJITHASHTU:

• Studenti nga Londra: Inteligjenca artificiale në luftë kundër varroatozës në bletari
• Bill Gates: Tri profesionet që Inteligjenca Artificiale nuk mund t’i zëvendësojë

The post Si të rinjtë po përdorin Inteligjencën Artificiale në marrëdhëniet romantike appeared first on Euronews Albania.

Policia e Gjirokastrës ka ndarë informacione në lidhje me vdekjen e Baba Hekuran Nikollarit, klerikut të njohur të Teqesë në Alipostivan, i cili u gjet pa shenja jete në ambientet teqesë.

Policia njofton se kleriku ka humbur jetën për shkaqe natyrale, megjithatë pritet ekspertiza mjeko-ligjore për të konfirmuar shkaqet e sakta.

Paraprakisht dyshohet për një arrest kardiak.

Baba Hekuran Nikollari shërbente prej vitesh në këtë teqe, duke u dalluar për përkushtimin ndaj komunitetit të besimtarëve dhe për promovimin e harmonisë fetare.

“Më datë 03.02.2025, rreth orës 22:00, në vendin e quajtur “Teqeja e Alipostivanit”, është gjetur pa shenja jete dhe pa shenja dhune, shtetasi H. N., 61 vjeç, Baba i Teqes.

Nga veprimet e para hetimore dyshohet se ky shtetas ka humbur jetën nga shkaqe natyrale. Pritet ekspertiza mjekoligjore për të përcaktuar shkakun e humbjes së jetës.

Grupi hetimor vijon punën për sqarimin e plotë të rrethanave të rastit”, thuhet në njoftimin e policisë.

Teqeja e Alipostivanit mbetet një nga qendrat më të rëndësishme të bektashizmit në zonën e Përmetit dhe më gjerë, duke tërhequr çdo vit qindra pelegrinë. Ndarja nga jeta e Baba Hekuran Nikollarit lë një boshllëk të ndjeshëm në këtë komunitet fetar.

LEXONI GJITHASHTU:

• Shpallen martirë dy klerikët shqiptarë, u vranë për shkak të besimit
• Përmet| Ndërron jetë Baba Hekuran Nikollari, kleriku i Teqesë në Alipostivan

The post U gjet pa shenja jete në ambientet e teqesë, policia njoftim për klerikun e njohur appeared first on Euronews Albania.

OpenAI, krijuesi i ChatGPT, ka bashkuar forcat me gjigantin teknologjik Oracle, bankën japoneze Softbank dhe fondin sovran të Emirateve të Bashkuara Arabe, MGX, për të nisur një projekt masiv infrastrukture të inteligjencës artificiale (AI) në Shtetet e Bashkuara.

Projekti, i quajtur “Stargate”, synon ndërtimin e infrastrukturës AI me një vlerë totale prej 500 miliardë dollarësh.

Njoftimi u bë në Shtëpinë e Bardhë nga Presidenti Donald Trump, i cili e quajti “projektin më të madh të infrastrukturës së AI deri më tani në histori”. Projekti ka parashikuar një financim fillestar prej 100 miliardë dollarësh, ndërsa pjesa tjetër do të shpërndahet gjatë katër viteve të ardhshme. Stargate pritet të krijojë 100 mijë vende pune dhe të forcojë pozicionin e SHBA-së si lider global në teknologjinë e AI.

“Do të ndihmoj shumë përmes deklaratave të emergjencës, sepse kemi një emergjencë,” tha Presidenti Trump.

Sam Altman, CEO i OpenAI, i pranishëm gjatë njoftimit, e përshkroi projektin si “projektin më të rëndësishëm të kësaj epoke.”

Industria e AI ka njohur një rritje të jashtëzakonshme në vitet e fundit, duke shtuar kërkesën për qendra të të dhënave masive, të cilat kërkojnë burime të mëdha uji dhe energjie. Megjithatë, sipërmarrja Stargate pritet të ndihmojë në zbutjen e sfidave teknologjike dhe mjedisore për të mbështetur këtë zhvillim.

LEXONI GJITHASHTU:

• Trump urdhëron mbylljen e të gjitha zyrave federale të diversitetit në SHBA
• Betimi i Trump, “titanët” e teknologjisë rreshtohen menjëherë pas familjes së tij

The post SHBA| Gjigandët teknologjik investojnë 500 miliardë dollarë në infrastrukturën e AI appeared first on Euronews Albania.

Këtë të enjte, Nuredin Dumani, i penduar i drejtësisë, ka rrëfyer në Gjykatën e Posaçme Kundër Korrupsionit dhe Krimit të Organizuar detaje tronditëse mbi vrasjen e Bujar Çelës, vëllait të ish-bashkëpunëtorit të tij, Talo Çela.

Ngjarja, e ndodhur më 17 shtator 2020, u përfshi në hetimet e SPAK për operacionin “Plumbi i Artë”.

Sipas dëshmisë së Dumanit, krimi u organizua dhe ekzekutua nga ai së bashku me Besmir Xhixhën dhe Enver Divën, bazuar në informacionet e siguruara nga Eljo Bitri. Dumani zbuloi se plani fillestar për ekzekutimin pranë shtëpisë së Çelës dështoi, pasi ata u pikasën dhe u detyruan të largoheshin. Më pas, ai mori informacion se viktima frekuentonte një lokal pranë stacionit të autobusëve që niseshin për Greqi.

Në rrëfimin e tij, Dumani pranoi se mbante dy armë, një për vetëmbrojtje dhe tjetrën për ngjarje kriminale. Por, në momentin e ekzekutimit, arma që kishte planifikuar të përdorte nuk i funksionoi.

“Kisha dy armë. Njërën e kisha për ta përdorur në këtë ngjarje, tjetrën për vetëmbrojtje. Kur tentova të qëlloja, arma nuk më shkrepi. Nuk përdora armën e dytë sepse nuk doja ta bëja pis. Në atë moment i thashë Xhixhës të vepronte,” deklaroi Dumani.

Sipas dëshmisë, në momentin që Enver Diva qëlloi i pari, Bujar Çela mbeti i plagosur. Dumani tentoi të përfundonte aktin, por arma e tij refuzoi të funksiononte. Në këtë situatë, Xhixha zbret nga automjeti dhe qëllon me një pistoletë 9 mm, duke e lënë të vdekur viktimën.

Pas vrasjes, të tre personat u larguan në drejtim të Fushë-Krujës, ku dogjën automjetin e përdorur dhe hodhën armët në një kanal në zonën e Plepave në Durrës, për të zhdukur gjurmët.

Sipas Dumanit, motivi kryesor i vrasjes ishte hakmarrja për ekzekutimin e Klevis Kapllanit, një mik i tij, për të cilin dyshohej se ishte vrarë nga Talo Çela dhe vëllezërit Manhasa.

Ky rrëfim i Nuredin Dumanit, tashmë dëshmitar kyç në operacionin “Plumbi i Artë,” pritet të ndihmojë drejtësinë në zbardhjen e të tjera ngjarjeve të rënda kriminale që kanë tronditur vendin.

LEXONI GJITHASHTU:

• “I dhashë 40 mijë € dhëndrit të Naços”- Nuredin Dumani tregon si u lirua nga qelia
• “Je krijesa më e shpifur që kam njohur”- Dëshmon në GJKKO Dumani, përplasje në gjyq
• Dumani “dorëzon” vëllanë para drejtësisë: Bashkëpunëtor në masakrën e Bradasheshit

The post Dëshmia e Dumanit për vrasjen e Çelës: Arma s’më shkrepi, s’doja ta bëja pis tjetrën appeared first on Euronews Albania.

Kryebashkiaku i Kolonjës, Erjon Isai, është paraqitur këtë të mërkurë në Prokurorinë e Posaçme Kundër Korrupsionit dhe Krimit të Organizuar. Kjo është hera e dytë që zyrtari i lartë thirret për t’u marrë në pyetje nga organet hetimore.

Sipas burimeve, paraqitja e Isait lidhet me një kallëzim të bërë nga Esmerald Xhafa, nën dyshimin se ka kryer disa vepra penale, përfshirë abuzime në disa tendera publikë.

Konkretisht veprat për të cilat është akuzuar përfshijnë shpërdorimin e detyrës, korrupsionin pasiv dhe aktiv, fshehje të pasurisë dhe për shkelje të barazisë së pjesëmarrësve në tendera apo ankande publike.

Përveç tij, në prokurorinë e posaçme janë kallëzuar edhe biznesmeni Spiro Zoto, ish-pronar dhe administrator i “Rehovari shpk”, Euljon Hasko, administrator dhe pronar i “Rehovari shpk”, anëtarët e njësisë së Prokurimit për vitet 2022, 2023, 2024 dhe anëtarët e Komisionit të Vlerësimit të Ofertave për vitet 2022, 2023, 2024, për të njëjtat vepra penale.

“Në fakt, nga hulumtimet e kryera në tenderat e prokuruar nga ana e Bashkisë Kolonjë rezulton që, për fat të keq, pjesa më e madhe e tyre, për të mos thënë të gjitha, janë me flamur të kuq, që do të thotë se kanë probleme. Nëse do t’i shohim tenderat e zhvilluar nga ana e Bashkisë Kolonjë, janë në vlera të konsiderueshme, por ndarja e tyre është bërë e paracaktuar dhe punimet e prokuruara nuk janë kryer me cilësi apo sipas projektit të hartuar nga ana e Autoritetit Kontraktor, apo edhe nuk janë kryer fare. Këto janë procedura për të futur lekë nga buxheti i shtetit në xhepat e drejtuesve të Bashkisë Kolonjë.

Rezulton që, me ardhjen në drejtimin e Bashkisë Kolonjë, qeveria është treguar zemërgjerë duke alokuar miliona euro për të përmirësuar infrastrukturën rrugore, për ujësjellës, për ndërtime shkollash, për fasada pallatesh etj., si dhe në bashkëpunim edhe me Fondin Shqiptar të Zhvillimit janë rindërtuar disa rrugë, të cilat, për fat të keq, janë prishur ende pa mbushur vitin. Një shembull është edhe rruga që të çon në Llixhat e Sarandaporit, Leskovik.

Duke studiuar këto procedura, nisur edhe nga ankesat që qytetarët kishin, por për shkak se janë të trembur pasi kërcënohen me heqje nga puna, më rezultuan shumë raste të procedurave që janë kryer, por punimet ose nuk janë kryer fare, ose janë kryer pa cilësi dhe duke mos iu përmbajtur specifikimeve teknike që këto kanë pasur. Rasti më flagrant është rasti i rikonstruksionit të digës së rezervuarit të Gjonçit dhe ndërtimit të pritave malore në fshatrat e Bashkisë Kolonjë, viti 2023”, thuhet në kallëzim.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Kryetarja e Bashkisë Lushnjë paraqitet në SPAK
• Hetimet për Veliajn, SPAK pyet biznesmenin Elman Abdule

The post Kryebashkiaku i Kolonjës, Erjon Isai, paraqitet në Prokurorinë e Posaçme appeared first on Euronews Albania.

Motra e shefit ekzekutiv të OpenAI, Sam Altman, Ann Altman, ka ngritur një padi duke pretenduar se ai e ka abuzuar seksualisht me të midis viteve 1997 dhe 2006.

Padia, e cila u ngrit më 6 janar në një Gjykatë në Distriktin Lindor të Misurit, pretendon se abuzimi filloi kur ajo ishte tre vjeç dhe Altman ishte 12 vjeç.

Në një deklaratë të përbashkët në X , me nënën dhe dy vëllezërit e tij, shefi i OpenAI mohoi akuzat, duke thënë se “të gjitha këto pretendime janë krejtësisht të pavërteta”.

“Përkujdesja për një anëtar të familjes që përballet me sfida të shëndetit mendor është tepër e vështirë”, shtoi ai në deklaratë.

“Kjo situatë shkakton dhimbje të pamasë për të gjithë familjen tonë”, nënvizoi Altman.

Në dosjen, e  siguruar nga BBC, e motra pretendon se abuzimi, i cili ndodhi gjatë disa viteve rresht, përfshinte përdhunim.

Padia shtoi se rasti i fundit i abuzimit të supozuar ndodhi kur Altman ishte një i rritur, por ajo ishte ende e mitur.

Zonja Altman ka bërë më parë akuza të ngjashme kundër vëllait të saj në platformat e mediave sociale si X.

1. Altman është një nga figurat më të larta të botës së teknologjisë.

Në fund të vitit 2022, OpenAI lançoi chatbotin e inteligjencës artificiale gjeneruese ChatGPT.

The post Shefi i OpenAI mohon akuzat e motrës për përdhunim në fëmijëri appeared first on Euronews Albania.