I ardhur nga Chelsea verën e kaluar, Nicolas Jackson vazhdon të luftojë për të siguruar të ardhmen e tij te Bayern Munich.

Klubi bavarez po shqyrton ende një vendim që pritet të ketë ndikim të drejtpërdrejtë në strategjinë e afatit kalimtar verorë.

Nga 18 ndeshjet e zhvilluara me fanellën e Bayern Munich këtë sezon, Jackson ka qenë titullar vetëm në 6 prej tyre.

Sulmuesi senegalez u transferua në formë huazimi nga Chelsea, pasi ekipi i drejtuar nga Vincent Kompany kërkonte një partner dhe alternativë për Harry Kane, një lojtar që mund ta mbështesë sulmuesin anglez dhe të ofrojë zgjidhje të tjera në faza të caktuara të sezonit.

Deri tani, Jackson ka realizuar 5 gola dhe ka dhënë 1 asistim.

Për këtë arsye, është ende herët për të nxjerrë përfundime përfundimtare, pasi drejtuesit e Bayern Munich do të marrin vendimin final për të ardhmen e tij vetëm në përfundim të sezonit.

Megjithatë, paralelisht, klubi po analizon edhe alternativa të tjera në treg.

Franculino Dju në radar

Sipas gazetarit të njohur Christian Falk, Bayern Munich ka nisur të ndjekë nga afër Franculino Dju, një sulmues premtues nga Guinea-Bissau, i cili aktualisht aktivizohet me Midtjylland në Danimarkë.

Klubi danez është tashmë një emër i konsoliduar në garat evropiane dhe po lë gjurmë edhe në Ligën e Evropës këtë sezon.

Në këtë kompeticion, Dju ka marrë pjesë në 5 ndeshje, duke shënuar 3 gola.

Bëhet fjalë për një sulmues me potencial të madh zhvillimi, i cili prej disa javësh ka tërhequr vëmendjen e disa prej klubeve më të mëdha evropiane. /Telegrafi/

Nicolas Jackson do të kthehet te Chelsea në përfundim të huazimit te Bayern Munich, pasi është e pamundur që sulmuesi të arrijë numrin e nevojshëm të paraqitjeve për të aktivizuar klauzolën e blerjes së detyrueshme.

24-vjeçari iu bashkua kampionëve gjermanë këtë verë për një huazim njëvjeçar, pas një largimi të detyruar nga Chelsea.

Sulmuesi senegalez iu bashkua Bayern për një marrëveshje njëvjeçare me një tarifë fillestare prej 14.2 milionë eurosh, në fund të afatit kalimtar veror.

Një pagesë shtesë prej 56.2 milionë eurosh, që do të bëjë transferimin e përhershëm të Jackson, do të aktivizohej sapo ish-lojtari i Villarreal të arrinte një numër minimal paraqitjesh ose ndeshjesh prej të paktën 45 minutash për klubin.

Në fillim të sezonit, presidenti i Bayern, Uli Hoeness, zbuloi se ky prag ishte 40 ndeshje si startues në Bundesliga dhe Ligën e Kampionëve. Jackson deri tani ka regjistruar vetëm gjashtë paraqitje që përfshihen në kriter.

Nicolas Jackson

Me vetëm 33 ndeshje të mbetura në të dy kompeticionet këtë sezon, Bayern nuk ka asnjë detyrim për të bërë transferimin e Jackson të përhershëm.

Gjithashtu, huazimi i tij do të ndërpritet nga Kupa e Kombeve të Afrikës, ku 25-vjeçari është pjesë integrale e skuadrës së Pape Thiaw.

Turneu kontinental do të zhvillohet nga 21 dhjetori deri më 18 janar, duke e bërë të mundur mungesën e Jackson në deri në pesë ndeshje nëse Senegali arrin deri në finale./Telegrafi/

Bayern Munich ka vendosur të mos ushtrojë opsionin për të blerë Nico Jackson përgjithmonë nga Chelsea, duke e parë atë kryesisht si një zëvendësues të shkëlqyer për Harry Kane këtë sezon.

Gjermanët e shohin senegalezin si një mjet për të lehtësuar ngarkesën e sulmuesit anglez, por nuk duan të bëjnë një shpenzim të madh për të në verë.

Bayern po kalon një sezon praktikisht perfekt në Bundesligë, me vetëm një barazim kundër Union Berlin deri më tani dhe një ekip që shfaq një stil lojë sulmues dhe tërheqës.

Suksesi i skuadrës mbështetet jo vetëm te taktikat e ekipit, por edhe te performanca e jashtëzakonshme e Harry Kane, i cili po luan në nivelin më të lartë të karrierës së tij dhe është i aftë të luajë si mesfushor sulmues, duke u zhvendosur edhe në qendër të fushës.

telegrafi.com

Megjithatë, lodhja e Kane ka bërë të nevojshme praninë e Jackson në skuadër. Nico nuk është i papajtueshëm me Kane, ata madje kanë luajtur së bashku, por qëndrimi i Bayernit është i qartë: Jackson mbetet për këtë sezon si një alternativë për pushimin ose rastin e dëmtimit të Kane, por blerja e tij përtej qershorit nuk është në planet e klubit.

Sezoni i kaluar i Jackson te Chelsea nuk ishte mjaft produktiv, pasi në 34 ndeshje në të gjitha garat, mbi 2400 minuta lojë shënoi vetëm 13 gola dhe dha pesë asistime.

Në këtë mënyrë, Bayern e sheh huazimin si një marrëveshje të mirë afatshkurtër, por që nuk do ta blejë përfundimisht atë. /Telegrafi/

Sulmuesi i Chelseat, Nicolas Jackson, i cili aktualisht është i huazuar te Bayern Munich, pritet të qëndrojë në Gjermani edhe pas përfundimit të sezonit.

Klubi bavarez ka një klauzolë blerjeje prej 65 milionë eurosh për sulmuesin Jackson, por sipas raporteve të fundit, marrëveshja mund të mbyllet për një shumë më të ulët.

Chelsea është e gatshme të pranojë një çmim më të ulët për ta larguar përfundimisht Jackson nga skuadra, pasi 24-vjeçari nuk bën më pjesë në planet afatgjata të klubit londinez.

Përveçse për të çliruar skuadrën nga ngarkesa e pagave, Chelsea synon të ristrukturojë përbërjen e ekipit në prag të sezonit të ardhshëm.

Nga ana tjetër, Jackson është i hapur për të qëndruar në "Allianz Arena" përtej verës së vitit 2026.

Drejtuesit e Bayern Munich tashmë kanë marrë një vendim dhe kanë vendosur ta mbajnë sulmuesin në skuadër.

Bild raporton se klubi gjerman ka arritur një marrëveshje për një kontratë pesëvjeçare me përfaqësuesit e lojtarit, e cila do të nënshkruhet në rast se kalimi bëhet i përhershëm.

Deri më tani, Jackson ka zhvilluar gjashtë ndeshje zyrtare me Bayern Munich, duke shënuar një gol dhe dhënë një asistim. /Telegrafi/

Presidenti nderi i Bayern Munich, Uli Hoeness, ka lënë të kuptohet qartë se Nicolas Jackson nuk do të bëhet pjesë përfundimtare e kampionëve gjermanë pas përfundimit të huazimit në verën e ardhshme. 

Jackson iu bashkua Bayernit ditën e fundit të afatit kalimtar, pasi klubi gjerman arriti marrëveshje me Chelsean për huazimin njëvjeçar të sulmuesit senegalez, me detyrim blerjeje për 56 milionë euro në vitin 2026. 

Pasi humbi vendin e tij te Chelsea nën drejtimin e trajnerit të ri Enzo Maresca, Jackson u përfol gjatë gjithë verës për një largim nga “Stamford Bridge”, dhe në fund kalimi drejt Bundesligës u finalizua me sukses. 

Megjithatë, përkundër pritshmërive se largimi nga Chelsea ishte përfundimtar, Hoeness ka zbuluar një klauzolë vendimtare në kontratë, e cila shumë gjasë nuk do të përmbushet, duke e bërë të pamundur transferimin e tij të plotë në Mynih. 

“Lojtari dhe agjenti i tij kontribuan me 3 milionë euro, ndaj ne paguajmë vetëm 13.5 milionë për huazimin. Por kontratë përfundimtare? Absolutisht jo”. 

“Ajo ndodh vetëm nëse ai luan 40 ndeshje si titullar dhe kjo nuk do të ndodhë kurrë”, ka thënë Hoeness. 

Deklarata e Hoeness vë në dyshim serioz të ardhmen e Jackson te Bayern dhe sinjalizon se klubi nuk ka ndërmend ta mbajë lojtarin pas përfundimit të sezonit./Telegrafi/

The post “Nuk do të ndodhë kurrë”, shefi i Bayernit konfirmon se nuk do ta blejnë kartonin e Nicolas Jackson appeared first on Telegrafi.

Nicolas Jackson pranoi të heqë dorë nga një pjesë e parave që i takonin për të lehtësuar transferimin e tij të ëndrrave te Bayern Munich në ditën e fundit të afatit kalimtar. 

Jackson përfundoi kalimin vonë te kampionët gjermanë pasi ata ranë dakord me Chelsea për sulmuesin, i cili do t’i bashkohej me një huazim fillestar për një sezon, me detyrimin për ta blerë në verën e ardhshme për 56 milionë euro. 

Ky transferim u vu në rrezik pasi Chelsea i tha Bayern se nuk mund të vazhdonin me marrëveshjen pas dëmtimit të Liam Delap në ndeshjen e Ligës Premier kundër Fulham më 30 gusht, ku fituan 2-0. 

Sipas publikimit gjerman Bild, një pengesë tjetër u vendos përpara transferimit të Jackson. 

Raporti thotë se kur të dy klubet u rikthyen për të rinegociuar transferimin, Chelsea rriti tarifën e huazimit nga 13 milionë në 14.3 milionë euro, çka do t’i kishte vështirësuar Bayernit për të finalizuar marrëveshjen. 

Megjithatë, besohet se Jackson kompensoi këtë diferencë duke hequr dorë nga një pjesë e parave që i takonin në rast se transferimi do të realizohej. 

Dëshira e madhe e Jackson për t’u bashkuar me Bayernin vjen pas një veprimi të ngjashëm nga agjenti i Benjamin Sesko, i cili gjithashtu bëri një lëvizje për të ndihmuar klientin e tij të kalonte te Manchester United këtë verë. 

Elvis Basanovic, agjenti i Seskos, deklaroi në gusht se ai pranoi të heqë dorë nga një pjesë e komisionit që i takonte për t’i mundësuar United të përputhej me çmimin prej 74 milionë eurosh që kërkonte Leipzig për futbollistin slloven./Telegrafi/

The post Sakrifica e madhe që bëri Nicolas Jackson për të realizuar transferimin te Bayern Munichu appeared first on Telegrafi.

Bayern Munich ka arritur një marrëveshje të plotë me Chelsea-n për transferimin e Nicolas Jackson, sipas ekspertit të merkatos Fabrizio Romano. Sulmuesi 24-vjeçar do t’u bashkohet kampionëve të Gjermanisë me formulën e huazimit prej 16.5 milionë eurosh, marrëveshje që përfshin edhe një detyrim blerjeje. Sipas të përditshmes gjermane Bild, klauzola e blerjes bëhet e detyrueshme […]

The post Bayern transferon Nicolas Jackson, arrihet akordi me Chelsean (Detajet) appeared first on BoldNews.al.

Sulmuesi i Chelseat, Nicolas Jackson, mund të përfundojë te Bayern Munich, raporton The Athletic.

Burime të The Athletic pranë klubit londinez theksojnë se Chelsea nuk është më i gatshëm ta huazojë lojtarin, por mund të pranojë një transferim të përhershëm nëse palët bien dakord për kushtet.

Fillimisht, marrëveshja e huazimit ishte anuluar për shkak të dëmtimit të Liam Delap, ndërsa Jackson kishte refuzuar të rikthehej nga Mynihu.

Në të njëjtën kohë, Chelsea po shqyrton mundësinë për të afruar një sulmues të ri, me Conrad Grader të Sportingut në listë. Sulmuesi austriak kërkohet gjithashtu nga Milani.

Sipas Fabrizio Romano, marrëveshja fillestare për Jackson parashikonte 15 milionë euro për huazim dhe 80 milionë euro për blerjen e plotë nga Bayerni.

Jackson iu bashkua Chelseat në korrik të vitit 2023 nga Villarreal, për 37 milionë euro.

Në sezonin e kaluar, 23-vjeçari regjistroi 13 gola dhe 6 asiste në 37 paraqitje për “Blutë e Londrës”. /Telegrafi/ 

The post Chelsea e njofton Bayernin se Jackson mund të qëndrojë në Munich, por vetëm me një kusht appeared first on Telegrafi.

Chelsea ka informuar Bayern Munich se nuk do të procedojnë tutje me hapat për transferimin në formë huazimi të Nicolas Jackson dhe i kanë kërkuar atij të kthehet në Londër pas dëmtimit të Liam Delap.

Delap pësoi një dëmtim të muskulit të kofshës gjatë fitores të shtunën ndaj Fulham dhe trajneri Enzo Maresca tha pas përfundimit të ndeshjes se ai priste që sulmuesi të qëndronte jashtë fushës deri në tetë javë.

The Athletic raportoi të shtunën se Bayern kishte arritur një marrëveshje me Chelsea për të nënshkruar me Jackson, me marrëveshjen e propozuar për një huazim me mundësinë për ta blerë, me një paketë totale prej 80 milionë eurosh.

Jackson, 24 vjeç, kishte marrë leje për të udhëtuar në Gjermani sot (e shtunë) për t’iu nënshtruar testeve mjekësore te kampionët e Bundesligas.

EXCLUSIVE: Chelsea inform Bayern Munich they will not be proceeding with proposed loan of Nicolas Jackson after injury to Liam Delap. 24yo striker travelled to Germany for #FCBayern move but #CFC requested Senegal int’l returns to London @TheAthleticFC https://t.co/g4IypeWrHI

— David Ornstein (@David_Ornstein) August 30, 2025

Delap, i cili kaloi nga Ipsëich Toën te Chelsea për 30 milionë euro këtë verë, u largua nga loja pas 14 minutash pas një dëmtimi të muskulit të kofshës dhe menjëherë tregoi me gishta në zonën e dëmtuar. Ai u zëvendësua nga Tyrique George.

Dëmtimi i Delap dhe largimi i mundshëm i Jackson do të kishin lënë Joao Pedro, i cili u transferua këtë verë, si sulmuesin e vetëm të Chelseat.

E ardhmja e Jackson te Chelsea ka qenë subjekt i pasigurisë gjatë gjithë verës, pasi ai mbeti pas dy futbollistëve të rinj, Delap dhe Joao Pedro, në hierarkinë e skuadrës në ‘Stamford Bridge’.

Ai u la jashtë skuadrës së Maresca për miqësoret kundër Bayer Leverkusen dhe Milan, ndërkohë që Chelsea dhe sulmuesi po shqyrtonin mundësinë e një transferimi në javët e fundit të afatit kalimtar veror./Telegrafi/

The post Kthesë e papritur: Dështon transferimi i Nicolas Jackson tek Bayern Munichu appeared first on Telegrafi.

Bayern thuhet se është i interesuar të nënshkruajë me Tyrique George për të forcuar sulmin e tyre, por ka një problem nëse përpiqen të realizojnë këtë marrëveshje. 

Klubi i Bundesligës është gjithashtu i interesuar për Nicolas Jackson të Chelsea dhe po kërkon një huazim për senegalezin. 

Chelsea mund të huazojë vetëm një lojtar tjetër, ndaj sipas Sky Sport, Bayern do të duhet të blejë George në mënyrë definitive. 

Klubi gjerman ka negociuar tashmë kushtet personale me përfaqësuesit e Jacksonit. 

Lexo po ashtu Te Bayerni e duan transferimin e Nicolas Jackson, por Chelsea ka një kusht

George konsiderohet si një nga talentet më premtuese të Chelseat dhe po ndiqet nga shumë klube. Romaështë ekipi më i interesuar dhe e ka bërë atë objektivin kryesor pasi ka hequr dorë nga Jadon Sancho. 

Chelsea raportohet se ka ulur çmimin për George dhe është i gatshëm ta shesë atë për 23 milionë euro plus një klauzolë prej 30 për qind nga shitjet e ardhshme. 

RB Leipzig po përshpejton gjithashtu bisedimet pas kalimi të Xavi Simons tek Tottenham. 

Pas dy viteve në ‘Stamford Bridge’, karrierës së Jacksonit me Chelsean duket se po i afrohet fundit. Agjenti i tij e konfirmoi këtë në një deklaratë, duke thënë se ka shumë oferta nga Gjermania, Anglia dhe Italia. 

Ai shtoi gjithashtu se opsionet janë të shumta, vendimi është i afërt. Megjithatë, çmimi i lartë prej 80 milionë eurosh nga Chelsea ka larguar shpresat e shumë klubeve, me vetëm Bayernin që shpreson të realizojë një huazim./Telegrafi/

The post Jo vetëm Jackson, Bayern Munich po synon edhe një tjetër yll të Chelseat appeared first on Telegrafi.

Bayern Munich ka arritur një marrëveshje personale me sulmuesin e Chelseat, Nicolas Jackson, raporton gazetari gjerman Christian Falk nga “BILD”.

Aktualisht, bisedimet po zhvillohen mes dy klubeve, me bavarezët që preferojnë një marrëveshje huazimi, ndërsa Chelsea është i prirë drejt një transferimi të përhershëm.

Blutë e Londrës janë të gatshëm të ulin çmimin fillestar prej 90 milionë eurosh për ta lehtësuar largimin e lojtarit.

Bayern Munich have reached an agreement with Nicolas Jackson.

( Bild) pic.twitter.com/9Id48B7J7M

— Catenaccio Sports (@CatenaccioSPRT) August 25, 2025

Jackson, 24-vjeçar, u transferua te Chelsea në verën e vitit 2023 nga Villarreal dhe sezonin e kaluar shënoi 13 gola e regjistroi 5 asiste në 34 paraqitje.

Megjithatë, afrikanoveriorit nuk i është dhënë hapësirë këtë edicion nga trajneri i ri Enzo Maresca, i cili nuk e sheh atë si pjesë të planeve afatgjata të klubit.

Një marrëveshje për Jackson pritet të konkretizohet në ditët e ardhshme, ndërsa Bayern Munich kërkon me ngulm përforcime në repartin ofensiv. /Telegrafi/ 

The post Bayern Munich godet në sulm, afër marrëveshjes për Nicolas Jackson appeared first on Telegrafi.

Bayern Munich është duke planifikuar për zëvendësimin e Kingsley Coman, i cili pritet të transferohet te Al-Nassr, me dy lojtarë të Chelseat si opsione kryesore. 

Sipas Sky, drejtori sportiv i Bayernit, Max Eberl, nuk po kërkon një zëvendësues të drejtpërdrejtë për Coman, por ka identifikuar Christopher Nkunku dhe Nicolas Jackson si mundësi përforcimi. 

Menaxheri i Nkunku, Pini Zahavi, i cili gjithashtu përfaqëson ish-lojtarin e Bayernit, Leroy Sane, mund të ndihmojë në negociatat për transferimin e francezit në Mynih. 

Të tjerë objektiva përfshijnë Malick Fofana të Lyon, Nick Woltemade të Stuttgart dhe Xavi Simons të RB Leipzig. 

Bayern po planifikon një ristrukturim të plotë të sulmit, me shitjen e Coman te Al-Nassr si pjesë të këtij procesi. 

Largimi i Thomas Muller te Vancouver Whitecaps dhe dëmtimi i Jamal Musiala gjatë Kupës së Botës për Klube kanë lënë skuadrën pa opsione në sulm.  

Lexo po ashtu Al-Nassr projekton goditjen e radhës, nis bisedimet për transferimin e yllit të Bayernit

Klubi ka siguruar tashmë ish-lojtarin e Liverpool, Luis Diaz, por tani po kërkon një opsion tjetër për të mbështetur sulmuesin Harry Kane. 

Jackson është i gatshëm të heqë dorë nga karriera e tij në ‘Stamford Bridge’ dhe mund të zëvendësojë Alexander Isak te Newcastle, ndërsa Nkunku është ofruar te RB Leipzig, megjithatë ai preferon të luajë në Ligën e Kampionëve./Telegrafi/

The post Dy yjet e Chelseat në listën e ngushtë të Bayernit për zëvendësimin e Coman appeared first on Telegrafi.

Shefi i Bayern Munich, Max Eberl, ka reaguar ndaj spekulimeve se klubi i tij është i interesuar për sulmuesin e Chelseat, Nicolas Jackson. 

Sipas gazetarit Florian Plettenberg, Bayern ka pyetur për Jackson, i cili nga Chelsea vlerësohet rreth 65 milionë euro. 

Gjithashtu, Newcastle thuhet se janë seriozisht të interesuar, teksa kërkojnë një zëvendësues potencial për sulmuesin në kërkim, Alexander Isak. 

Sky Sports raporton se edhe Milan dhe Juventus po shqyrtojnë mundësinë për të nënshkruar me sulmuesin 24-vjeçar. 

Not True is that FC Bayern will make a offer for Nicolas Jackson @ChelseaFC this summer. Max Eberl: „there is nothing to the rumors“ pic.twitter.com/tu0UqyMZj2

— Christian Falk (@cfbayern) August 7, 2025

Megjithëse reprezentuesi senegalez thuhet se dëshiron të qëndrojë në ‘Stamford Bridge’, trajneri Enzo Maresca nuk ka përjashtuar mundësinë e shitjes së tij gjatë verës. 

Pozicioni i Jackson te Chelsea është më pak i sigurt për sezonin e ri, pas ardhjes së Liam Delap dhe Joao Pedro. 

Lexo po ashtu Chelsea po punon për largimin e Nicolas Jackson, senegalezi nuk është në planet e klubit

Megjithatë, Max Eberl ka përjashtuar një lëvizje për Jackson kur u pyet për këto spekulime pas fitores së skuadrës së tij në ndeshjen miqësore kundër Tottenham. Ai u shpreh për gazetarët: “Definitivisht jo. Nuk kam folur kurrë me të.”. 

Kur u pyet nëse Jackson, i cili ka kontratë deri në vitin 2033, mund të largohet nga Chelsea këtë verë, Maresca tha për gazetarët të enjten: “Kur afati i transferimeve është i hapur, fatkeqësisht ose fatmirësisht, çdo gjë mund të ndodhë”./Telegrafi/

The post Shefi i Bayern Munichut reagon rreth spekulimeve për transferimin e Nicolas Jackson appeared first on Telegrafi.

Gazeta Sky Sport DE raporton se klubi gjerman Bayern Munich ka nisur të shqyrtojë mundësinë e transferimit të sulmuesit të Chelsea, Nicolas Jackson.

Sipas gazetarit të njohur Florian Plettenberg, Bayern ka filluar të mbledhë informacione lidhur me statusin aktual të lojtarit, çmimin dhe kushtet e mundshme të një marrëveshjeje.

Jackson, 24-vjeçar nga Senegali, vlerësohet rreth 65 milionë euro. Ai ka nënshkruar një kontratë afatgjatë me Chelsea deri në vitin 2033, rinovim që u realizua në shtator të vitit 2024.

Megjithatë, pas interesimit të madh nga Newcastle United, lojtari është përfolur për një largim të mundshëm nga “Stamford Bridge”.

Në sezonin 2023-24 në Ligën Premier, Jackson ka treguar formë mbresëlënëse, duke shënuar 14 gola dhe dhuruar 5 asistime në 35 ndeshje – statistika që e bëjnë atë një objektiv tërheqës për gjigantin gjerman.

EXCL | FC Bayern have made enquiries about Nicolas #Jackson in the past few hours. Bayern have gathered information on his current status, price, and conditions. Newcastle are seriously interested. #NUFC

The 24 y/o versatile striker is on the verge of leaving Chelsea.… pic.twitter.com/c7cEhQf04c

— Florian Plettenberg (@Plettigoal) August 7, 2025

Ndërkohë, reagimet në rrjetet sociale kanë qenë të përziera – disa tifozë kanë shprehur skepticizëm dhe humor, duke e krahasuar mundësinë e zëvendësimit të Harry Kane me Jackson me zëvendësimin famëkeq të Cristiano Ronaldos me Mariano Diaz nga Real Madridi.

Pavarësisht komenteve ironike, interesimi nga dy klube të mëdha sugjeron se mund të kemi një garë serioze ofertash për sulmuesin në ditët në vijim. /Telegrafi/

The post Luftë ofertash nga Bayerni dhe Newcastle për Jacksonin – Chelsea e ka caktuar çmimin appeared first on Telegrafi.

Sulmuesi i Chelseat, Nicolas Jackson, do të largohet nga klubi gjatë kësaj vere, sipas raportimeve nga David Ornstein i The Athletic.

Chelsea nuk është në presion për ta shitur 24-vjeçarin, por klubi ka vendosur të hapë derën për largimin e tij, për shkak të ndryshimeve në repartin ofensivë.

Ardhja e Liam Delap dhe Joao Pedro ka rritur konkurrencën në sulm dhe e ka vendosur Jacksonin jashtë planeve si titullar për sezonin e ardhshëm.

Jackson, i cili ka shënuar 30 gola në 81 paraqitje për Chelsean, dëshiron një rol kryesor në një klub tjetër, gjë që ka përshpejtuar vendimin për largimin e tij.

Blutë janë të gatshëm të pranojnë ofertën e duhur dhe kanë nisur kontaktet me disa klube të interesuara në Angli dhe në Evropë.

Disa skuadra e konsiderojnë Jacksonin si zëvendësues të objektivëve të tyre kryesorë, ndërsa të tjera kërkojnë ta shtojnë si përforcim shtesë për sulmin.

Largimi i tij është tashmë i vendosur dhe pritet të konkretizohet brenda ditëve në vijim, me negociatat që janë në fazë të avancuar. /Telegrafi/

The post Chelsea po punon për largimin e Nicolas Jackson, senegalezi nuk është në planet e klubit appeared first on Telegrafi.

Chelsea i ka ofruar dy lojtarë Manchester Unitedit në përpjekje për të gjetur një zgjidhje kreative që do ta sillte Alejandro Garnachon në ‘Stamford Bridge’. 

‘Blutë’ kanë qenë të interesuar për Garnachon që në afatin kalimtar të janarit dhe kanë ringjallur interesimin për reprezentuesin argjentinas këtë verë. 

Manchester United e ka nxjerrë në shitje 21-vjeçarin, pasi trajneri Ruben Amorim e informoi në fund të sezonit të kaluar se ishte i lirë të largohej. 

Garnacho ka stagnuar në ‘Old Trafford’, duke kaluar nga një prej lojtarëve më të vlerësuar në klub në një lojtar i zakonshëm i skuadrës, me paraqitje të paqëndrueshme. 

Lexo po ashtu Ruben Amorim merr vendimin brutal për t’i detyruar katër lojtarë të largohen nga Man Utd

Chelsea beson se mund ta rikthejë në formë Garnachon dhe synon ta sjellë në Londrën Perëndimore, pavarësisht konkurrencës së madhe në repartin e sulmit. 

Edhe pse United e ka ulur kërkesën fillestare, klubi vazhdon të kërkojë rreth 50 milionë euro për Garnachon, i cili ka zhvilluar 93 paraqitje në Ligën Premier dhe ka fituar tetë ndeshje me Argjentinën. 

Chelsea heziton të paguajë këtë shumë dhe, si kompromis, ka ofruar Nicolas Jackson dhe Christopher Nkunku si pjesë të marrëveshjes, sipas The Athletic. 

Manchester United ka shprehur interes për të dy lojtarët, pasi Amorim kërkon të forcojë më tej repartin ofensiv pas transferimeve të Matheus Cunha dhe Bryan Mbeumo. 

Megjithatë, ‘Djajtë e Kuq’ raportohet se e kanë përjashtuar mundësinë e një shkëmbimi Garnacho-Jackson, pasi besojnë se sulmuesi i Chelseat është i vlerësuar mbi çmimin real./Telegrafi/

The post Chelsea i ofron Man Unitedit dy lojtarë në përpjekje për transferimin e Garnachos appeared first on Telegrafi.

Sulmuesi i Chelseat, Nicolas Jackson, ka folur mes spekulimeve në rritje mbi të ardhmen e tij, duke iu referuar thashethemeve për një largim të mundshëm dhe interesimit të raportuar nga Manchester United.

Lojtari 24-vjeçar duket se ka rënë në renditjen e lojtarëve në Stamford Bridge pas nënshkrimit të Liam Delap dhe Joao Pedro.

Disa raportime e kanë lidhur atë me një largim nga fituesit e Kupës së Botës për Klube, me Man Unitedin që kuptohet si një destinacion i mundshëm.

Sulmuesi nuk duket shumë i shqetësuar për konkurrencën e shtuar në klub, megjithatë, ai është i përkushtuar për të ndihmuar shokët e tij të ekipit.

“Konkurrencë? Unë nuk kam konkurrencë. Ne jemi të gjithë këtu për të ndihmuar klubin. Secili ka rolin e vet për të luajtur. Unë jam në një mision”, deklaroi Jackson për Dsports.

Varet nga trajneri të bëjë zgjedhjet e tij. Unë përqendrohem vetëm në punën time”.

“Unë jam një lojtar i Chelseat . E ardhmja i përket Zotit. Nëse ka ndonjë ndryshim, do ta dini. Për momentin, jam i përqendruar në përgatitjet e mia”, shtoi ai. /Telegrafi/

The post Nicolas Jackson thyen heshtjen për të ardhmen te Chelsea mes spekulimeve për kalim te Man United appeared first on Telegrafi.

Sulmuesi i Chelseat, Nicolas Jackson, ka përjetuar dy sezone me ulje-ngritje që nga transferimi i tij nga Villarreal. Megjithatë, pas afrimeve të Joao Pedro dhe Liam Delap, reprezentuesi senegalez po shqyrton seriozisht një largim nga “Blutë”, me një rikthim në La Liga që shihet si mundësi reale.

Jackson u bashkua me Chelsean në vitin 2023 për 37 milionë euro, duke regjistruar 81 paraqitje, 30 gola dhe 12 asistime.

Megjithatë, paqëndrueshmëria e tij përpara portës ka bërë që Chelsea të kërkojë alternativa në sulm. Sipas “Caught Offside”, londinezët kanë vendosur një çmim kërkese prej 50 milionë eurosh për 23-vjeçarin.

Barcelona e interesuar për huazimin e Jacksonit

E njëjta media raporton se Barcelona po konsideron një huazim të mundshëm me të drejtë blerjeje për Jacksonin. Drejtori i Futbollit, Deco, pritet të diskutojë këtë çështje në ditët në vijim. Gjigantët katalanas e shohin atë si një alternativë të mundshme ndaj Robert Lewandowskit në fazën e sulmit.

Interesim nga Liga Premier dhe Serie A

Nga ana e tij, Jackson preferon të qëndrojë në Premier League. Newcastle United mund të jetë në garë për të, në rast se Alexander Isak largohet. Një tjetër opsion është Aston Villa, pasi trajneri Unai Emery e njeh mirë lojtarin nga koha e tyre te Villarreal. Edhe Manchester United ka shfaqur interes, por Chelsea heziton të shesë lojtarët e saj te rivalët e drejtpërdrejtë në ligë.

Lexo po ashtu Man United projekton transferimin e Nicolas Jackson

Transferimi në Serie A shihet si një mundësi më e favorshme për Chelsean, por vetë lojtari ka refuzuar një kalim te AC Milan. Napoli tashmë ka orientuar interesin diku tjetër, ndërsa Juventusi vazhdon të jetë i interesuar.

Sa është i mundur kalimi te Barcelona?

Ndonëse një kalim te Barcelona mund të kishte qenë më i logjikshëm përpara transferimit të Marcus Rashford, tani duket më pak i mundshëm. Rashford pritet të luajë në krahun e majtë, gjë që përforcon rolin e Ferran Torres si sulmues qendror. Nëse Barça nuk planifikon të largojë Torresin apo ta bindë për një transferim, atëherë afrimi i Jackson do të konsiderohej si një përdorim joefikas i burimeve të klubit.

The post Deco i interesuar në yllin e Chelseat, dëshiron ta ketë sa më parë te Barcelona appeared first on Telegrafi.

Trajneri Ruben Amorim ka bërë disa transferime të rëndësishme këtë verë, por nuk është i kënaqur. Manchester United beson se ende mungon një element kyç në formacionin e tyre sulmues: një qendërsulmues i besueshëm. Prandaj, bordi ka pesë emra në tavolinë që mund të kalojnë në Old Trafford në javët e ardhshme.

Sipas mediumit Fichajes, emra si Benjamin Sesko, Dusan Vlahovic, Ollie Watkins, Jean-Philippe Mateta dhe Nicolas Jackson duket se janë objektivat kryesorë për një mbyllje të suksesshme të afatit kalimtar veror.

Urgjenca për të gjetur një golashënues u rrit pas humbjes së disa nënshkrimeve strategjike. Viktor Gyokeres shkoi te Arsenali, Alexander Isak synon Liverpoolin dhe Hugo Ekitike përfundoi në Anfield.

Lexo po ashtu Amorim zbulon transferimet që i dëshiron te Man United

Këto situata e detyruan Unitedin të reagonte dhe të zgjeronte radarin e opsioneve. Sesko është një nga favoritët, megjithëse çmimi i tij është rreth 100 milionë euro, gjë që ndërlikon çdo negociatë pa përforcime të rëndësishme në skuadër.

Vlahovic është gjithashtu me interes, megjithëse pozicioni i tij te Juventusi kërkon një transaksion kompleks.

Ndërkohë, Watkins duket pothuajse i pamundur për shkak të qëndrimit të vendosur të Aston Villas. Mateta dhe Jackson, disi më të arritshëm, mund të bëhen alternativa nëse opsionet fillestare dështojnë.

Lexo po ashtu Man Utd hap bisedimet për transferimin e super sulmuesit të Ligës Premier

Me Rasmus Hojlund nën vlerësim dhe Joshua Zirkzee si sulmuesi i vetëm i garantuar, Amorim po përpiqet ta mbyllë marrëveshjen sa më shpejt të jetë e mundur.

Investimi i bërë deri më tani pasqyron ambicien e ripërtërirë në klub, por atyre u mungon ai “vrasës” që do ta çojë Unitedin në elitë. Nëse duan të konkurrojnë me Manchester Cityn dhe Liverpoolin, duhet ta bëjnë mirë këtë herë.

Javët në vijim do të përcaktojnë nëse projekti i ri ka ndikimin e nevojshëm për të sfiduar gjithçka. /Telegrafi/

The post Pesë sulmuesit që Man Utd po synon këtë verë, njëri pritet t’iu bashkohet appeared first on Telegrafi.

Manchester United vazhdon planin e tij ambicioz për të forcuar skuadrën për sezonin e ri dhe tashmë po punon për nënshkrimin e një qendërsulmuesi të ri.

Pasi mbylli një marrëveshje me Brentford për Bryan Mbeumo për gati 80 milionë euro, sipas Fichajes, klubi nga Old Trafford po synon tre sulmues për të forcuar sulmin e tij: Nicolas Jackson, Benjamin Sesko dhe Ollie Watkins.

Drejtuesit sportivë janë të qartë se kanë nevojë për më shumë opsione sulmuese, veçanërisht nëse realizohen disa nga largimet e mundshme, të tilla si ato të Alejandro Garnacho, Jadon Sancho, Marcus Rashford ose Antony, gjë që do të lejonte më shumë liri veprimi financiare për një nënshkrim të madh.

Nicolas Jackson duket të jetë një opsion interesant duke pasur parasysh situatën e tij aktuale te Chelsea. Senegalezi 24-vjeçar ka humbur rëndësinë pas mbërritjes së Liam Delap dhe Joao Pedro, kështu që ai është i hapur për një ndryshim të situatës.

Me kontratë deri në vitin 2033, ai shënoi 13 gola në 37 ndeshje sezonin e kaluar, por profili i tij dinamik dhe aftësia për të prishur lojën e bëjnë atë tërheqës për Ruben Amorim.

Një tjetër alternativë është Benjamin Sesko, sulmuesi premtues i RB Leipzig. Në moshën 22 vjeçare, slloveni e ka vendosur veten në Bundesligë me 21 gola në 45 ndeshje dhe përfaqëson një investim në të ardhmen për shkak të potencialit të tij për rritje.

Kontrata e tij me klubin gjerman skadon në vitin 2029, gjë që mund ta bëjë marrëveshjen më të shtrenjtë sesa ajo për Jackson.

Opsioni i tretë është Ollie Watkins, një sulmues më me përvojë që vjen pas një sezoni të ngjeshur te Aston Villa, ku luajti 54 ndeshje dhe shënoi 17 gola.

Me një kontratë deri në vitin 2028, anglezi 29-vjeçar sjell prani fizike, lojë mbrojtëse dhe efektivitet në zonë.

United po i vlerëson me kujdes këto mundësi për të zgjedhur profilin që i përshtatet më së miri nevojave të ekipit në një sezon sfidues.

Transferimi i një sulmuesi të ri është nevojë dhe kërkesë e trajnerit Amorim, kështu që drejtuesit e Unitedit medoemos do ta sjellin një të tillë në Old Trafford para mbylljes së afatit kalimtar. /Telegrafi/

The post Manchester United në kërkim të një sulmuesi, ka tre emra yjesh në tavolinë appeared first on Telegrafi.