Mbrëmja e Mërkures në Prishtinë kishte vetëm një kryefjalë dhe një adresë: Zone Club. Ajo që pritej të ishte një natë e zjarrtë, u shndërrua në një moment historik për hip-hopin shqiptar, duke mbledhur “kremin” e estradës në një vend të vetëm.

Kryelajmi i mbrëmjes ishte padyshim momenti që fansat e prisnin prej më shumë se një dekade. Pas 13 vitesh pauzë, grupi legjendar Skillz u bë sërish bashkë. Ledri Vula u rikthye në kohë për të sjellë nostalgjinë e hiteve të vjetra, duke shkaktuar një “tërmet” të vërtetë tek publiku i pranishëm.

Por surprizat nuk mbaruan me kaq. Zone Club dëshmoi se mbetet shtëpia e padiskutueshme e yjeve. Skena u pushtua nga emrat më të rëndësishëm të industrisë muzikore, të cilët u bënë bashkë për të festuar dhe përformuar.

Atmosfera u ndez nga Mc Kresha, Lumi B dhe Lluni, të cilët mbajtën ritmin lart, ndërsa nuk mungoi as eleganca dhe energjia e Xhensila Myrtezajt dhe Era Istrefit, të cilat shkëlqyen në mesin e kolegëve.

Qershia mbi tortë ishte prezenca e Getoar Selimit (Geti), i cili iu bashkua këtij formacioni gjigantesh, duke rikonfirmuar edhe një herë se kur bëhet fjalë për festa madhështore, të gjitha rrugët të çojnë tek Zone.

Një natë që nisi si festë dhe përfundoi si histori, duke vulosur statusin e klubit si epiqendra e showbizit shqiptar. /Telegrafi/

Mbrëmë në “Zone Club” në Prishtinë u shënua një moment historik për fansat e muzikës shqiptare, teksa dyshja legjendare e grupit Skillz, Ledri Vuladhe dhe Skivi, u ngjitën sërish në skenë pas një ndarjeje që zgjati plot 13 vjet.

Performanca e tyre e shumëpritur solli një valë të jashtëzakonshme nostalgjie për të gjithë ata që janë rritur me hitet e grupit, duke rikthyer emocionet e fillimit të viteve 2000.

Pamjet nga kjo ribashkim filluan të qarkullonin menjëherë në të gjitha platformat sociale, ku videot tregojnë Ledrin dhe Skivin duke performuar krah për krah për herë të parë pas më shumë se një dekade. Fansat reaguan me entuziazëm të jashtëzakonshëm, duke shprehur lumturinë dhe emocionin e tyre në mijëra komente dhe reagime.

Ribashkimi i mbrëmshëm tregoi se dyshja e dikurshme nuk ka humbur fare harmoninë dhe energjinë që i bëri të njohur, duke rikthyer skenën e “Zone Club” në një atmosferë të mbushur me kënaqësi dhe emocion për të gjithë të pranishmit.

Ky moment, pa dyshim, shënon një kapitull të ri për Skillz dhe risjell magjinë e tyre për fansat e shumtë që kanë pritur për më shumë se një dekadë. /Telegrafi/

Rep-artistët Ledri Vula, Adion, MC Kresha dhe Lumbi B kanë bashkuar forcat për një super-projekt që po tërheq vëmendjen e fansave të muzikës shqiptare.

Katërshja sapo ka publikuar këngën “Kush o ktu”, një projekt që dallon nga bashkëpunimet e mëparshme të artistëve.

Kënga ka bërë bashkë reperë që ende mbeten ndër figurat kryesore të estradës sonë.

Ndërveprimi mes tyre është një bashkëpunim unik, ku stilat e ndryshme të reperëve lidhen në mënyrë harmonike, duke krijuar një energji të veçantë.

Me t’u publikuar në YouTube, kënga mori komente të shumta pozitive nga fansat e tyre, me disa që komentuan se ishte pa dyshim hit.

Blogerja e njohur Sara Hoxha ka folur së fundmi për marrëdhënien e bashkë-prindërimit me reperin e njohur shqiptar Ledri Vulën, duke u ndalur tek mënyra se si ata ja dalin të menaxhojnë kujdesin për vajzën e tyre, Poem Blu, edhe pse jetojnë në qytete të ndryshme, ajo në Tiranë ndërsa ai në Prishtinë.

Gjatë një sesioni “Pyet Më” në Instagram, një ndjekës e pyeti Sarën:

“Si e menaxhon sfidën e bashkë-prindërimit kur jetoni në qytete të ndryshme?”

Sarah u përgjigj me një mesazh të sinqertë dhe të drejtpërdrejtë, duke treguar se procesi nuk është gjithmonë i thjeshtë, por se çdo gjë mësohet me kohë.

Ajo shkroi:

“Nuk është gjithmonë e lehtë, por me kohë mëson si ta bësh të funksionojë. Komunikimi dhe respekti janë gjithçka. Në fund të ditës, ajo që ka më shumë rëndësi është t’i bësh fëmijët të ndihen të dashur dhe të sigurt, pavarësisht distancës.”

Me këtë përgjigje, Sara Hoxha nënvizoi se pavarësisht ndryshimeve gjeografike dhe angazhimeve të tyre, fokusi kryesor i të dy prindërve mbetet mirëqenia emocionale e vajzës së tyre, Poem Blu.

Ky reagim është pritur pozitivisht nga ndjekësit, të cilët kanë vlerësuar tonin e matur, të respektueshëm dhe të fokusuar tek dashuria ndaj fëmijës.

The post “Nuk është gjithmonë e lehtë”/ Sara Hoxha tregon si funksionon marrëveshja e prindërimit me Ledrin appeared first on iconstyle.al.

Pas publikimit të këngës së re nga Ledri Vula, një nga reagimet që tërhoqi më shumë vëmendjen ishte ai i këngëtares Xhensila Myrtezaj. Ajo ndau në Instagram Story një fragment nga videoklipi i reperit duke shkruar “Amazing” dhe duke shoqëruar mesazhin me një emoji zjarri, duke treguar kështu mbështetjen e saj për kolegun.

Ky reagim vjen në një periudhë kur dy artistët janë përfolur gjerësisht për një lidhje më të afërt sesa ajo profesionale, sidomos pas bashkëpunimit të tyre të suksesshëm “Ma Kthe”. Kimia mes tyre, si në skenë ashtu edhe para kamerave, ka nxitur debate dhe spekulime në rrjetet sociale.

Megjithatë, Ledri dhe Xhensila janë pjesë e së njëjtës shtëpi muzikore dhe menaxhimi, ndaj mbështetja e tyre reciproke është më shumë një shenjë e bashkëpunimit brenda grupit sesa diçka tjetër. Në intervistat e mëparshme, Ledri ka theksuar se raporti me Xhensilën është profesional dhe ekipor, ndërsa asnjëri prej tyre nuk ka konfirmuar ndonjë lidhje romantike.

Spekulimet për një romancë mes tyre janë ushqyer nga mediat rozë dhe rrjetet sociale, por deri tani nuk ka asnjë deklaratë zyrtare që e vërteton këtë. Të dy artistët kanë zgjedhur të përqendrohen në projektet muzikore dhe në bashkëpunimet që po rezultojnë shumë të suksesshme.

Mbështetja e Xhensilës për Ledrin pas këngës së re vjen si një tregues i mirë i marrëdhënies profesionale dhe respektit mes tyre, duke treguar se fokusimi i tyre mbetet puna dhe muzika.

The post Ledri Vula me projekt të ri muzikor, reagimi i Xhensilës tërheq vëmendjen në rrjet! appeared first on iconstyle.al.

Reperi i njohur dhe i shumëpëlqyer nga publiku, Ledri Vula, ka rikthyer sërish energjinë e tij karakteristike me publikimin e këngës më të re “6ex AM”, një projekt që po pritet me entuziazëm nga fansat dhe dashamirët e muzikës urbane.

Kënga, e realizuar me tekst dhe performancë nga vetë Ledri, përfaqëson një kombinim perfekt mes stilit të tij të veçantë dhe tingujve modernë që po dominojnë aktualisht tregun muzikor shqiptar. Me ritme tërheqëse dhe linja melodike që mbeten në mendje, “6ex AM” sjell një frymë të re në diskografinë e artistit.

Në pjesën e produksionit muzikor kanë kontribuar emra të njohur të industrisë si Lirian Kaçi (Lurromusic) dhe Adion Puka (adionthebeat), ndërsa masteringu është realizuar nga Eros Lila. Një detaj i veçantë në këngë janë edhe vokalet prapavijë të interpretuara nga artistja Diona Fona, të cilat i japin projektit një ndjesi dinamike dhe harmonike.

Ashtu siç pritej nga Ledri, edhe klipi vjen me shumë stil, kreativitet dhe atmosferë elektrizuese, duke reflektuar energjinë dhe identitetin e tij artistik.

“6ex AM” është tashmë e publikuar në të gjitha platformat digjitale, dhe reagimet e para nga publiku janë mëse pozitive – duke e pozicionuar këngën si një nga kandidatët më të fortë për hitin e radhës të Ledrit. /Telegrafi/

- YouTube youtu.be

Sara Hoxha ka folur për herë të parë publikisht rreth ndarjes nga reperi Ledri Vula, duke ndarë me publikun emocionet dhe reagimet e njerëzve më të afërt në jetën e saj.

Në emisionin “Goca dhe Gra”, ajo tregoi momentin kur i komunikoi lajmin prindërve dhe se si ata e kanë pritur atë.

“Nuk është se kam folur shumë me prindërit me thënë të drejtën. E kanë gjetur edhe ata pak në atë, ajo që u bë në media”, u shpreh Sara.

Foto: YouTube

Tutje ajo shtoi: “Si për çdo prind, është e vështirë të shohësh fëmijën duke kaluar nëpër një periudhë të vështirë, por tani që jam unë e qetë dhe e lumtur, janë edhe ata mirë. Se kur jam mirë unë, janë edhe ata mirë”.

Sara theksoi se ndarja ka qenë një proces emocional dhe i vështirë, por ajo është përqendruar në mirëqenien e saj personale dhe në gjendjen shpirtërore.

Sipas saj, mbështetja e familjes ka qenë një shtyllë e rëndësishme për të kaluar këtë fazë dhe për të rifituar qetësinë dhe lumturinë në jetën e saj.

Ndër të tjera, nënvizoi se rëndësi ka të kuptosh dhe pranosh emocionet, si dhe të mësosh nga çdo përvojë, për të ecur përpara më e fortë dhe më e sigurt për zgjedhjet personale. /Telegrafi/

- YouTube www.youtube.com

Blogerja Sara Hoxha ka folur për herë të parë për ndarjen e saj të bujshme nga reperi Ledri Vula, me të cilën ka edhe një vajzë, Poi. Në një intervistë së fundmi, Sara Hoxha është shprehur se fundi i marrëdhënies ka qenë i vështirë, duke u theksuar se tashmë raporti i tyre është prindëror për […]

The post Reperi në lidhje me Xhensilën? Rrëfehet Sara Hoxha: Rigjeta veten pas ndarjes! Ja raporti me Ledrin sot appeared first on BoldNews.al.

Sara Hoxha ka reaguar për herë të parë lidhur me zërat që qarkulluan në media për një lidhje të mundshme mes Ledri Vulës dhe Xhensila Myrtezajt.

E ftuar në emisionin “Goca dhe Gra”, Sara u shpreh se lajmet i ka lexuar njësoj si publiku dhe nuk i takon as t’i mohojë e as t’i konfirmojë ato.

Ajo tha: "Siç i keni lexuar edhe ju në telefon, nëpër media. Me Ledrin kam marrëdhënie shumë prindërore, kujdesemi shumë për Poin. E lexova si gjithë të tjerët. Ai është babai i Poit, i uroj vetëm të mirat. Secili ka jetën e vet. Nuk më takon as t’i mohoj e as t’i pohoj lajmet që shoh në portale kur nuk ia kam haberin fare, por e di që kemi të drejtën të dy të jemi të lumtur. Unë këtë ia uroj Ledrit se është babai i Poit".

- YouTube youtu.be

Sara shtoi se, pavarësisht ndarjes, marrëdhënia me Ledrin funksionon mbi bazën e prindërimit të përbashkët. "Gjëja më e rëndësishme për ne të dy është vajza. Pas gjithçkaje që kemi kaluar, ia kemi dalë të jemi aty për të. Marrëdhënia jonë është prindërore dhe mbi këtë bazohet gjithçka", tha ajo.

Ky reagim tregon qartë se fokus i saj mbetet mirëqenia e vajzës dhe ruajtja e një marrëdhënieje të shëndetshme me babain e saj, pavarësisht lajmeve që qarkullojnë në media. /Telegrafi/

Rina Zaiti ka postuar një video në TikTok, ku shfaqet duke bërë një përshkrim të gjatë mbi tiparet që kërkon tek një partner ideal.

“Do të rri single derisa të gjej një burrë që nuk ndikohet nga shokët e tij, apo nga rrjetet sociale.
Është gazmor dhe i pëlqen të më dëgjojë të flas 24/7. E bën familjen time, familjen e tij. Pak xheloz, më respekton dhe gjithmonë është i sinqertë me mua.”

Me këtë koment, ajo tregon se është single, e se raporti i saj me Ledri Vulën ka marrë fund.

Ndjekësit nuk vonuan ta interpretonin këtë si një “kunjë” të drejtpërdrejtë ndaj ish-partnerit të saj.

Komentet shpërthyen me humor, ku njëri prej tyre shkruante: “Dmth kokan qel zyrtarisht aplikimet”, ndërsa një tjetër theksonte: “Rina woke up and chose violence.”

Vetë Rina i mori me sportivitet reagimet, duke kthyer përgjigje plot humor dhe duke lënë të kuptohet se nuk i shmanget aspak aludimeve.

Kjo lëvizje e saj vjen në një moment kur Ledri është përfolur gjerësisht për jetën e tij private pas ndarjes, duke i dhënë edhe më shumë peshë spekulimeve se postimi i Rinës mund të jetë një mesazh i koduar për reperin. Kujtojmë se Ledri Vula përflitet për një romancë me këngëtaren e njohur Xhensila Myrtezaj, fotot janë shfaqur të të dyve, por ende asnjëri nuk ka konfirmuar asgjë. (lexo ketu).

The post “Derisa të gjej një burrë…”/ Rina konfirmon ndarjen nga Ledri, kunjat në ‘Tik Tok’ për reperin appeared first on iconstyle.al.

Sunny Hill Festival përmbylli me sukses edicionin e sivjetmë, duke sjellë në skenë emra të njohur dhe performanca të paharrueshme për një publik të entuziazmuar.

Festivali pati pjesëmarrës nga vende të ndryshme të botës, me një prani të veçantë të një numri të madh fansash nga Turqia, të cilët u bënë pjesë e atmosferës unike që ofron kjo ngjarje.

Një nga pjesëmarrëset e këtij festivali ishte edhe aktorja dhe influencerja Müge Boz, e cila ndau në rrjetet e saj sociale disa përshtypje të sinqerta për përvojën e saj dhe për artistët që performuan gjatë festivalit.

 

View this post on Instagram

 

A post shared by Müge Boz (@mugeboz)

Në mesazhet e saj, ajo veçoi po ashtu reperin shqiptar Ledri Vula si një nga emrat që i tërhoqën më shumë vëmendjen. Në një postim të shkurtër, Müge shkroi:

“Ledri Vula ishte nga emrat që më tërhoqën vëmendjen. Ai konsiderohet reperi më i mirë i Kosovës. Edhe pse nuk jam fanse e rap-it, muzika e tij më pëlqeu shumë, ndaj vendosa ta përfshij në sugjerimet e mia për ju”.

Por ajo që e bëri momentin edhe më special ishte reagimi i vetë Ledri Vulës. Për habinë e ndjekësve, reperi komentoi në postimin e Müge Boz, duke i shprehur falënderimet e tij në gjuhën turke.

Ai gjithashtu shtoi me një mesazh në anglisht: “Shihemi vitin tjetër,” duke treguar entuziazmin për një rikthim të mundshëm në Sunny Hill Festival. /Telegrafi/

The post Ledri Vula tërheq vëmendjen e aktores turke në Sunny Hill, reperi i përgjigjet në turqisht appeared first on Telegrafi.

Reperi i njohur shqiptar, Ledri Vula, ka ndarë një moment të veçantë me yllin ndërkombëtar të muzikës pop, Dua Lipa, gjatë qëndrimit të saj në Kosovë për festivalin “Sunny Hill 2025”.

Përmes një postimi në Instagram, Ledri ka publikuar një fotografi të realizuar përkrah Duas, e cila është shoqëruar me një mbishkrim emocional: “Faleminderit që je shqiptare”.

Kjo fjali e thjeshtë, por plot kuptim, ka ngjallur reagime të shumta pozitive në rrjete sociale, duke marrë mijëra pëlqime dhe komente përkrahëse nga fansat.

Ky gjest i Ledrit është vlerësuar si një shprehje mirënjohjeje ndaj Duas për përfaqësimin dinjitoz të shqiptarëve në skenën ndërkombëtare, si dhe për përkushtimin e saj në promovimin e kulturës dhe identitetit shqiptar në botë.

Të dy artistët janë ndër emrat më të dashur të publikut shqiptar dhe momenti i tyre i përbashkët ka emocionuar shumë ndjekës në rrjete sociale, veçanërisht gjatë një ngjarjeje të rëndësishme si “Sunny Hill Festival”. /Telegrafi/

 

View this post on Instagram

 

A post shared by Ledri Vula (@ledrivula)

The post “Faleminderit që je shqiptare”, Ledri Vula publikon fotografi me Dua Lipën nga festivali ‘Sunny Hill 2025’ appeared first on Telegrafi.

Sara Hoxha dhe Ledri Vula vazhdojnë të jenë ndër emrat më të komentuar në rrjetet sociale, duke tërhequr vëmendjen e mediave rozë për shkak të ndarjes së tyre.

Pas disa viteve së bashku, ata kanë vendosur të ndajnë rrugët, por së fundmi janë shfaqur në të njëjtin vend.

Përmes postimeve në InstaStory, dyshja ka ndarë video nga festivali “Sunny Hill” mbrëmë, ku mesa duke i ka bashkuar në një mënyrë.

Ata kanë publikuar pamje nga performancën e Dua Lipës, një moment që ka ngjallur reagime të shumta nga fansat e tyre.

The post Ndarja s’i ndahu plotësisht, Sara Hoxha dhe Ledri Vula shfaqen në të njëjtin vend appeared first on Albeu.com.

Ledri Vula dhe Xhensila Myrtezaj kanë bashkuar forcat sërish për një projekt të ri muzikor.

“Let pe lun” mban titullin kënga e tyre, të cilën e kanë sjell të kompletuar edhe nga ana vizuale.

Dyshja, më të përfolur të momentit, kanë mahnitur me paraqitjen në videoklip.

Teksti është shkruar nga vet Vula bashkë me Elinel me muzikë dhe producim nga Bigdeal Records.

Lexo po ashtu Të gjitha lajmet nga Estrada Shqiptare

Videoja i është besuar ‘Supercut Studio’ nën drejtimin e Besian Durmishit.

Kënga vjen pas suksesit të duetit të tyre “Ma kthe” që ka grumbulluar mbi 13 milionë klikime në YouTube.

Besohet që edhe ky projekt i tyre do të korrë suksese të mëdha dhe reagimet e para kanë qenë mjaft pozitive. /Telegrafi/

The post Ledri dhe Xhensila vijnë me “Let pe lun” appeared first on Telegrafi.

Në episodin më të fundit të podkastit të Alketa Vejsiut,

Ledri Vula vazhdoi të tregojë më shumë nga jeta e tij personale, këtë herë për një temë që rrallë e ka prekur publikisht.
Kur Alketa e pyeti drejt:

“A të kanë tradhtuar ndonjëherë?”,

Ledri u përgjigj pa u menduar gjatë:
“Po.”

Megjithatë, reperi nuk dha asnjë detaj më shumë dhe nuk zbuloi se për kë bëhej fjalë, duke ruajtur diskrecionin e zakonshëm për çështjet e ndjeshme personale.

Përgjigjja e tij e shkurtër, por e qartë, mjaftoi që të nxiste reagime dhe kureshtje në rrjetet sociale, ku fansat kanë nisur të spekulojnë për periudhën apo personin në fjalë.

Si gjithmonë, Ledri e lë të hapur interpretimin, duke folur shumë me pak fjalë.

The post ‘A të kanë tradhëtuar ndonjëherë?’ Ledri Vula jep përgjigjen befasuese appeared first on Albeu.com.

Ledri Vula ka folur për herë të parë mbi lajmet dhe fotot (lexo këtu) që qarkullojnë kohët e fundit për një afrim mes tij dhe këngëtares Xhensila Myrtezaj. I ftuar në podkastin e Alketa Vejsiut, reperi nuk e mohoi afrimitetin me Xhensilën, madje la të kuptohet se mes tyre ka më shumë se sa një bashkëpunim muzikor.

“Kemi shumë kimi mes nesh. Jemi si një ekip,” tha Ledri, duke theksuar se marrëdhënia e tyre është e ndërtuar mbi ndjenjë, mirëkuptim dhe pasion për muzikën. Edhe pse nuk foli në mënyrë të drejtpërdrejtë për një lidhje romantike, ai nuk e përjashtoi as këtë mundësi.

Kur u pyet nëse një lidhje mes tyre mund të funksiononte jashtë studios, Ledri u shpreh me bindje:

“Po, normal që po. Mendoj se do kishte funksionu. Pa marrë parasysh nëse kanë fëmijë apo një të kaluar, kur dy njerëz e duan njëri-tjetrin, dashuria mund gjithçka.”

Reperi ndau edhe arsyet pse e vlerëson Xhensilën si person dhe si artiste:

“Kemi pas një gjuhë të përbashkët, sepse të dy kemi histori të ngjashme. Ka qenë shumë natyrshëm me komuniku. Më pëlqen si artiste dhe më pëlqen të rri me njerëz që e duan muzikën dhe punojnë me pasion.”

The post “Kemi shumë kimi”/ Pasi u publikuan fotot e tyre, Ledri flet për raportin me Xhensilën appeared first on iconstyle.al.

Reperi Ledri Vula ka thyer heshtjen për ndarjen nga ish-partnerja e tij, Sara Hoxha. I ftuar në podkastin e Alketa Vejsiut, ai ka treguar për herë të parë arsyen që qëndron pas përfundimit të lidhjes së tyre. Sipas Ledrit, nuk ka pasur një konflikt specifik mes tyre, por ishte distanca ajo që ndikoi gradualisht në ftohjen e marrëdhënies.

“Puna e Sarës ishte në Tiranë, ndërsa unë isha mes Kosovës dhe diasporës. Kjo distancë e bëri ndarjen më të lehtë, sepse raportet u ftohën natyrshëm,” u shpreh ai.

Megjithatë, ai theksoi se raportet me Sarën vazhdojnë të jenë shumë të mira, pavarësisht ndarjes dhe zhurmës mediatike.

Gjatë intervistës, Ledri komentoi edhe për lidhjen e re të Sarës me Erik Fullanin.

“Sara më duket shumë e lumtur me djalin. Për mua kjo ka më shumë rëndësi, sepse kur ajo është e lumtur, edhe vajza jonë është e lumtur,” tha reperi, duke treguar se vëmendja e tij është e përqendruar tek mirëqenia e vajzës së tyre.

The post Ledri Vula flet për herë të parë për ndarjen nga Sara Hoxha: Distanca i ftohu raportet appeared first on iconstyle.al.

Sot, më 10 korrik, Ledri Vula, një nga artistët më të dashur dhe më me ndikim në skenën muzikore shqiptare, feston ditëlindjen e tij të 39-të.

Por këtë herë, dita e tij nuk u shënua vetëm me urime e dashuri nga fansat, erdhi e shoqëruar me një super surprizë që ka bërë bujë në rrjetet sociale.

Reperi është surprizuar me një Ferrari të ri, një makinë luksoze që rrallë herë dhurohet, aq më pak në mënyrë kaq misterioze.

Dhuruesi ka preferuar të mbetet anonim, por ka lënë një mesazh të shkurtër dhe të drejtpërdrejtë që po qarkullon gjithandej online.

“Surprizë për ditëlindje nga personi anonim. E meriton Ledri Vula. Ferrari të ri”.

Ledri ka ditur ta ndërtojë emrin e tij jo vetëm me hitet që kanë shoqëruar breza të tërë, por edhe me personalitetin e tij të thjeshtë, karizmën dhe përkushtimin ndaj punës. Ndoshta pikërisht për këto arsye, dikush ka zgjedhur t’i dhurojë diçka kaq të veçantë, si një shenjë vlerësimi apo falënderimi.

Surpriza e ditëlindjes ka ndezur rrjetin. Komentet janë të shumta, nga admirues që urojnë Ledrin për këtë moment, deri te ndjekës që po spekulojnë me ironi e kuriozitet rreth identitetit të dhuruesit misterioz. /Telegrafi/

The post Ledri Vula feston 39-vjetorin me një surprizë të papritur, merr dhuratë një Ferrari nga një person anonim appeared first on Telegrafi.

Postimi i fundit në Instagram i këngëtares, Xhensila Myrtezaj, është bërë viral, pasi ka shkaktuar reagime të shumta nga ndjekësit, të cilët aludojnë se mes saj dhe reperit Ledri Vula ka një romancë.

Siç duket edhe në videon e postuar, këngëtarja ka publikuar një fragment nga bashkëpunimi i tyre i radhës.

Xhensila e ka shoqëruar postimin me një urim për teksa këngëtarin, pasi Ledri Vula feston sot 39-vjetorin.

Ky i fundit i është përgjigjur Xhensilës, duke e falënderuar për postimin.

Kaq është dashur që ndjekësit të përforcojnë aludimet e tyre se mes çifti ka një lidhje romantike.

Disa ditë më parë mediat ‘Anabel’ publikoi foto të Ledrit dhe Xhensilës në Ibiza mes miqsh.

Në njërën prej tyre, çifti shihej shumë pranë njëri-tjetrit. Në njërën prej tyre, çifti shihet shumë pranë njëri-tjetrit. Xhensila e mbulon fytyrën me një erashkë, por tatuazhi në dorë e nxjerr zbuluar.

Sakaq mbetet për tu parë nëse thashethemet janë të vërteta ose jo, pasi dyshja nuk kanë konfirmuar ende asgjë.

Kujtojmë që këngëtarja Xhensila Myrtezaj finalizoi në fillim të vitit divorcin e saj nga Bes Kallaku, me të cilin ndan dy fëmijë, Ajkën dhe Amenin. Dhe teksa ishte e ftuar në një intervistë ajo u shpreh se arsye për këtë ndarje u bë mos komunikimi me aktorin e njohur.

“Ka vite që po mundoheshim të sistemonin lidhjen tonë. Kriza ka çdo çift në marrëdhënie. Unë mendoj se në çdo marrëdhënie kur fjalët dhe veprat nuk përputhen, kur mbizotërojnë debatet dhe bëhet toksike për mua, fëmijët dhe për të, vendimi do duhej të merrej dhe e mora”, u shpreh ajo.

Në çift duhet bashkëpunim. Kërkohet punë nga të dy partnerët. Kam kuptuar se nuk duhet të luftojë vetëm njëra palë. Çdo ditë që kalonte kuptoja që po thyhej më shumë. Ndaj ishte një vendim i marrë nga unë”,-u shpreh Xhensila.

The post FOTO/ Ledri Vula feston ditëlindjen, vëmendjen e merr urimi i veçantë nga Xhensila Myrtezaj appeared first on Albeu.com.

Prej kohësh është përfolur për një marrëdhënie më shumë se profesionale mes Ledri Vulës dhe Xhensila Myrtezajt. Të dy insistonin se bëhej fjalë për bashkëpunim artistik dhe afërsi miqësore, por fotot e publikuara nga “Lokimagazine” disa ditë më parë treguan të kundërtën.

Në foto, Ledri dhe Xhensila u shfaqën shumë të afërt fizikisht, me duart e Ledrit të vendosura mbi trupin e Xhensilës, duke shtuar edhe më shumë zërat për një lidhje romantike. Kjo mjaftoi që rrjeti ta merrte si një “konfirmim të heshtur” të një romance mes tyre.

Ndërkohë, Ledri Vula ka publikuar në InstaStory projektin e ri muzikor të Xhensilës, duke e shoqëruar me komentin: “Hala ma nxet u bo vera”, një shprehje provokuese që shumë ndjekës e lexuan si një tjetër shenjë e afrimitetit të tyre. Pak minuta më pas, reperi postoi edhe një foto me muskujt në fokus. Për momentin, asnjëri prej tyre nuk ka bërë një deklaratë zyrtare mbi natyrën e raportit, por sjelljet e fundit në rrjet duket se po flasin vetë.

The post Ledri nuk fshihet më, poston foton provokuese të Xhensilës në Instagramin e tij (Foto) appeared first on Sot News | Lajme.