Posta e Maqedonisë muajin e ardhshëm do të marrë nga Qeveria 100 automjete, 90 furgonë më të vegjës dhe 10 furgonë më të mëdhenj, me të cilat do të mund të përmirësohen kushtet e punës, tha sot zv. kryeministri dhe ministri i Transportit, Aleksandar Nikolloski.

Siç informoi Nikolloski në takimin të organizuar nga Agjencia për Postat, po punohet edhe në një program për mbështetje shtesë për Postën.

“Po punojmë edhe në një program që do të nënkuptojë ndihmë shtesë për Postën e Maqedonisë në aspektin e softuerit, makinave për klasifikim, kushteve hapësinore dhe mundësisë për të ofruar shërbimet më të mira në treg. Në këtë drejtim, bashkëpunimi me Agjencinë ka një rol kyç”, tha zëvendëskryeministri.

Në fjalimin e tij në takim, Nikolloski theksoi se duhet të ndryshohen kushtet në tregun e shërbimeve postare.

“Qëllimi im është që Posta e Maqedonisë të rritet, e jo të shkatërrohet, ose të gjithë do të mbajnë barrën njësoj, ose do të marrim vendime të tjera”, potencoi Nikolloski.

Një Këshill Ministror u mbajt në Komisionin Evropian në Bruksel, i organizuar nga Sekretariati i Komunitetit të Transportit në të cilën mori pjesë edhe ministri për Transport dhe Lidhje në RMV, Aleksandar Nikolloski.

Ai tha se Maqedonia po bën përpjekje të forta për të ndërtuar dhe modernizuar korridoret evropiane 8 dhe 10.

"Maqedonia po bën përpjekje të forta për të ndërtuar dhe modernizuar korridoret evropiane 8 dhe 10, dhe në atë drejtim po punojmë për ndërtimin e një lidhjeje hekurudhore me Bullgarinë, kemi filluar procedurat për ndërtimin e një hekurudhe me shpejtësi të lartë në korridorin 10, dhe po ndërtojmë gjithashtu pjesë autostrade në korridorin 8", shkruan Nikolloski në profilin e tij në Facebook./Telegrafi/

Rëndësia e zgjerimit të BE-së, gjeopolitika e re, siguria dhe ekonomia, janë në fokus të Samitit për Ballkanin Perëndimor në Bruksel, organizuar nga Miqtë e Evropës.

Forumi ka për bazë temën mbi aspiratat që paraqiten në këtë rrugëtim. Përfaqësuesi i vendit, zëvendëskryeministri Aleksandar Nikolloski, duke potencuar vështirësitë e vendit për integrim në BE, ka shtuar se nga fqinji dhe aktorët tjerë nuk marrin përgjigje nëse ndryshimet kushtetuese janë kushti i fundit, duke shtuar se presioni bie mbi Maqedoninë e Veriut, ndërkaq pala bullgare nuk dëshiron të bëjë asgjë për balancë.

“Nëse filloj të radhis se çfarë kemi bërë prej viteve të 90-ta do të ishte tregim pafund. Emrin e ndryshuam dy herë. Fillimisht ishte për përdorim të jashtëm IRJM, pastaj e ndryshuam për përdorim të përgjithshëm, Maqedonia e Veriut. Ndryshuam paratë, flamurin, shtatë herë e kemi ndryshuar Kushtetutën dhe tani kërkohet të ndryshohen për të tetën herë. Kur flasim me njerëzit, na pyesin nëse kjo është për të fundit herë. Kjo është pyetje që s’ka përgjigje. Në komunikim me miqtë tanë bullgarë dhe aktorët tjerë, kjo është pyetja. Në rregull. Kemi marrëveshje që nuk e duam, dikush tjetër e ka nënshkruar, por a është kjo e fundit? Askush nuk thotë se është e fundit", deklaroi zëvendëskryeministri, Aleksandar Nikolloski.

Ndërkohë, të punohet në lidhje strategjike ekonomike derisa politika bën angazhimet e veta, shton Nikollovski.

“Këtu është edhe nënkryetari i Bankës Evropiane për investim, ku do të bisedojmë për projekte të mëdha infrastrukturore. Banka Evropiane për investime financon pjesën më të madhe të seksionit të tretë të Korridorit 8, lidhjen hekurudhore me Bullgarinë. Vijnë kryeministra prej vendeve të ndryshme, ministra qeveritarë, komuniteti i biznesit bankar, që për Maqedoninë kjo do të thotë shumë. Kështu që, duhet të jemi prezent këtu, t’i japim argumentet tona se çfarë po bëjmë. Unë, përveç pjesës politike, do të bisedoj shumë për aspektin ekonomik, pjesën infrastrukturore, që është fokus i vizitës sime", theksoi Nikolloski.

Samiti vjetor BE-Ballkani Perëndimor i Miqve të Evropës mbledh rregullisht mbi 100 pjesëmarrës, për të diskutuar mbi sfidat aktuale politike, zgjerimin dhe nxitjen ekonomike.

Me intensitet të lartë është duke u punuar në korridorin 8, respektivisht në autostradën Ohër – Kërçovë.

Ministri i transportit Aleksandar Nikolloski ka publikuar pamje nga siç thotë, pjesa më e vështirë e kësaj autostrade. 34 kilometra tanimë janë vënë në funksion.

Ministri i Transportit Aleksandar Nikollovski, në intervistën e fundit në Alsat tha se pjesa tjetër e kësaj autostrade do të lëshohet në pjesën e parë të dhjetorit.

“Kërçovë – Ohër, projekt i harruar i cili askush nuk besonte se mund të përfundojë. 37 kilometrat e para janë të përfunduara, prej të cilave 34 janë vënë në funksion. Në pjesën e parë të dhjetorit do të vëmë në funksion kilometra të reja dhe në korniza të afateve që kemi dhënë do të përfundojmë edhe këtë autostradë”, tha Aleksandar Nikolloski – Ministër i Transportit.

Autostrada Kërçovë – Ohër ka filluar të ndërtohet që prej vitit 2014-të kur me Qeverinë ka udhëhequr kryeministri NIkolla Gruevski. Projekti nuk kishte arritur të përfundojë në afatin e parashikuar prej 4 vitesh, ndërsa me ardhjen e LSDM-së në pushtet, sqaruan se projekti është gabuar, dhe i njëjti u ndryshua. Vlera e përgjithshme e projektit të cilin e ka zbatuar kompania kineze “Sinohirdo”, fillimisht ishte 374 milionë euro, por pas disa anekseve e njëjta ka arritur vlerën e rreth 600 milionë eurosh./Alsat.mk

Aleksandar Nikolloski, nënkryetar i OBRM-PDUKM-së tha se mosfunksionimi i gjyqësorit është ndër problemet më të mëdha në vend, duke theksuar se Qeveria nuk mund të jetë e pavetëdijshme për këtë.

"Problemi është se ata ose nuk punojnë ose i fshehin gjërat nën qilim, ose nëse punojnë, më shpesh godasin ndonjë biznesmen. Kjo është ajo në të cilën kanë ardhur gjyqësori dhe prokuroria në Maqedoni, dhe të ulen nëpër kafene", tha Nikolloski për "Kanal5".

Sipas Nikolloskit, ligjet janë të mira dhe nuk kemi problem me ligjet.

"Pagat e tyre tani janë të ulëta. Ata kanë paga më të larta se ministrat, kryeministrat dhe presidentët", theksoi Nikolloski./Telegrafi/

Kemi siguruar fonde nga Banka Evropiane për Rindërtim dhe Zhvillim me të cilat do të blejmë të paktën 5 lokomotiva të reja elektrike, do të modernizojmë Hekurudhat e Maqedonisë, gjë që do të na mundësojë të shërbejmë të gjithë transportin e mallrave në vend, tha zv. kryeministri dhe ministri i Transportit, Aleksandar Nikolloski në seancën e sotme të pyetjeve parlamentare në Kuvend.

"Në bashkëpunim me Bankën Evropiane për Rindërtim dhe Zhvillim, kemi siguruar fonde në vlerë prej gati 21 milionë eurosh me të cilat duhet të blejmë të paktën 5 lokomotiva të reja elektrike. E dini që vitin e kaluar kur u formua kjo Qeveri, për fat të keq nuk kishim asnjë lokomotivë aktive, ndërsa tani kemi 11, nga të cilat 4 janë më të reja dhe 7 janë më të vjetra.

Me 9 lokomotiva që do të ishin elektrike, do të jemi në gjendje të shërbejmë të gjithë transportin e mallrave, shpresoj që në vitin 2028, sepse afati i dorëzimit për këto lokomotiva është pas 2 vitesh, dhe ajo që kemi njoftuar nga BERZH është se në mars të vitit të ardhshëm tashmë do të jemi në gjendje ta shohim thirrjen të shpallur", tha zv. kryeministri Nikolloski nga foltorja parlamentare.

Zv. kryeministri njoftoi një tjetër risi, që është nënshkrimi i një marrëveshjeje midis Transportit Hekurudhor dhe Hekurudhave Austriake, një bashkëpunim që do të sjellë përfitime të mëdha financiare për Hekurudhat e Transportin./Telegrafi/

"Autostrada Prilep – Manastir po ndërtohet me dinamikë të fuqishëm dhe deri në vitin 2028 do ta ndërtojmë". Kështu ka shkruar zëvendëskryeministri Aleksandar Nikolloski në profilin e tij në Facebook, duke publikuar pamje nga punimet.
“Progres i fuqishëm në ndërtimin e autostradës Prilep – Manastir. Po vazhdojmë me planin, autostradë nga Prilepi deri në Manastir deri në vitin 2028. Maqedonia po ndërtohet me një ritëm të shpejtë! Po e ndërtojmë Maqedoninë”, ka shkruar zëvendëskryeministri Nikolloski.

Pres që në dhjetor të zgjedhim kontraktor për ndërtimin e autostradave Shkup – Bllacë dhe Kërçovë – Bukojçan. Nëse kushtet atmosferike e lejojnë, puna do të fillojë menjëherë, nëse jo, puna do të fillojë në pranverë, thotë zëvendëskryeministri dhe ministri i Transportit, Aleksandar Nikolloski, duke folur për dinamikën e ndërtimit të autostradave në Korridorin 8.

“Afati për dorëzimin e ofertave ka mbaruar, janë dorëzuar shumë oferta, për shkak të sekretit të procedurës nuk mund ta them numrin, por është mjaft i madh. Ka oferta serioze dhe të paktën tre prej tyre janë në kuadër të buxhetit për Shkup – Bllacë, ndërsa ka edhe tre oferta për autostradën Kërçovë – Bukojçan. Është shumë e rëndësishme për Shkup – Bllacë që arritëm ta kthejmë projektin në normalitet. Ajo që trashëguam ishin 27 milionë euro për kilometër, për të cilën mendoj se të gjithë do të bien dakord se është e paqëndrueshme. Tani e kemi kthyer brenda çmimit të rënë dakord me BERZH-in, ku kemi një kredi prej 166 milionë eurosh dhe një grant prej 30 milionë eurosh, që përfshin edhe ekzekutimin e punimeve ndërtimore, mbikëqyrjen dhe asistencën teknike për NPRRSH -in. Pres që në gjysmën e parë të dhjetorit të zgjedh një kontraktor dhe varësisht nga kushtet e motit, t’i vë në funksion, ndërsa afati i fundit atje është 2,5 vjet”, tha Nikolloski në intervistën në “TV Alsat”.

Zëvendëskryeministri paralajmëroi se po punohet në një projekt për rindërtimin e unazës së Shkupit, ndërsa punë intensive po zhvillohet edhe në autostradat e tjera në Korridorin 8.

“Po punojmë në një projekt për rindërtimin dhe rehabilitimin e plotë të unazës së Shkupit, e cila shkon nga Haraçina drejt Gjorçe Petrovit. Po punojmë në autostradën e re Tetovë-Gostivar, dinamika po shkon shkëlqyeshëm. Atje patëm probleme të caktuara me prishjen e ndërtesave të caktuara, por edhe kjo po zgjidhet, toka po shpronësohet. Po punojmë edhe në Strazhën e famshme Gostivar-Bukojçan, një projekt që është një krenari personale për mua, sepse është një projekt inxhinierik mjaft i vështirë dhe i ndërlikuar. Nga 33 km e të gjithë itinerarit, 17 km e para janë kryer. Puna do të fillojë në anën e Bukojçanit në pranverë dhe kjo do të jetë autostrada e parë që do të bashkohet përgjysmë”, theksoi zëvendëskryeministri Nikolloski.

Ai gjithashtu njoftoi se në gjysmën e parë të dhjetorit do të lëshohen për qarkullim pjesët e reja të autostradës Kërçovë-Ohër.

Transporti publik në Shkup do të zgjidhet vetëm nëse kombinohen projektet për tren urban, blerja e autobusëve të rinj ekologjikë dhe BRT, thekson zv.kryeministri dhe Ministri i Transportit Aleksandar Nikoloski.

“Për të zgjidhur problemin e transportit, duhet të bëhen paralelisht tre gjëra. Njëra është rinovimi i flotës së NTP-së me autobusë elektrikë, për të cilët tashmë po punojmë. E dyta është zgjidhja e vendbanimeve periferike me qendrën, që është tren urban, dhe e treta është zgjidhja e pjesës urbane me transport më ekonomik, të cilin unë figurativisht e quajta tramvaj, për ta bërë më vizual për qytetarët, që është një tramvaj pa shina".

"Duhet t'i kombinojmë të treja gjërat dhe të kemi sinergji midis tyre. Nëse ndonjëra nga të treja do të funksiononte më vete, do të kishim atë që kemi tani”, theksoi Nikolovski në Top Tema.

Lidhur me projektin e trenit urban, ai theksoi se po punohet me dinamikë të shtuar në linjën e parë nga Zelenikovë nëpërmjet Draçevës deri në Stacionin e Ri Hekurudhor.

Ai njoftoi se do të ndërtohet një rrugë anësore rreth Shkupit, në mënyrë që lokomotivat dhe trenat me naftë të mos hynin në qytet për të ndikuar në mbrojtjen e ajrit. Ai njoftoi gjithashtu se do të blihen trena të rinj dhe blerja është planifikuar të fillojë dy vjet para se të përfundojë hekurudha me shpejtësi të lartë.

Ministri i Transportit Aleksandar Nikolloski duke iu referuar nënshkrimit të Marrëveshjes me Bullgarinë për hekurudhën e Korridorit 8, tha se “problemi ishte në thelb më shumë inxhinierik, jo politik”.

"Nuk ishte e lehtë për Karaxhovin dhe zëvendëskryeministrin dhe ministrin e Transportit bullgar duhet t'i jepen merita për atë punë. Sepse strukturat serioze politike në jetën politike bullgare ishin kundër kësaj. Nuk mendoj se ata në përgjithësi e dinë fare se çfarë është projekti, por janë kundër marrëdhënieve të mira dhe normalizimit të marrëdhënieve midis Maqedonisë dhe Bullgarisë", tha Nikolloski për "Telma".

Ministri shtoi se qeveria franceze dhe Ministri i tyre i Transportit dhe Komunikacionit luajtën një rol të rëndësishëm në përfundimin e marrëveshjes midis Maqedonisë dhe Bullgarisë.

"Mendoj se ministri e kuptoi se ishte një problem inxhinierik, jo politik, dhe se politika duhej të hiqej prej tij. Dhe rekomandimi ishte të diskutoheshin vetëm temat që lidheshin me funksionalitetin e projektit", shtoi Nikolloski.

Në një takim në Stamboll, u prezantua projekti i Hekurudhave të Maqedonisë, me të cilin u gjet një zgjidhje.

"E prezantova projektin që Hekurudhat të Maqedonisë - Infrastruktura e ka zhvilluar për të gjithë tunelin. E shqyrtuan dhe e pranuan pas disa ditësh. Thanë se ishte realizuar në mënyrë të shkëlqyer. Mora përsipër detyrimin për të përshpejtuar punën në pjesën e dytë të segmentit hekurudhor. Kjo është pjesa që shkon nga Beljakovca në Kriva Pallankë. E kemi nisur Beljakovca-Kumanovë, në të cilën tashmë po punojmë. Mbeten edhe dy tunele të pahapura nga gjithsej 16 që do të jenë në atë rrugë, dhe mora përsipër detyrimin për të tenderuar pjesën e tretë që e hap Pallankën drejt kufirit, pra drejt tunelit", shpjegoi Nikolloski./Telegrafi/

Ministri i Transportit dhe Lidhjeve, Aleksandar Nikolloski, sonte në Komunën e Bërvenicës tha se të gjitha mjetet që komunë i përfitoi nga “kredia hungareze” janë realizuar si projekte konkrete.

Ai tha se Komuna e Bërvenicës do të zbatojë edhe një dhjetëra projekte nga thirrja e dytë për investime në infrastrukturë, pasi siç tha, kjo komunë ka siguruar 60 milionë denarë për dhjetëra investime kapitale me thirrjen e dytë nga “kredia hungareze”.

Kryetari Jovica Ilievski tha se me mjetet e ndara nga qeveria janë realizuar projekte me rëndësi të madhe për një zonë rurale si Bërvenica.

“Kjo është një ndihmë e madhe dhe besoj se me këtë mbështetje të Qeverisë dhe ministrit do të vazhdojmë. Sot jemi në rrugën “Vëllezërit Janiç”, nesër do të fillojë asfaltimi i rrugës “Vardarska” në Bërvenicë, Mëhallë e poshtme në Çellopek, në Tenovë do të fillojë edhe rruga pranë stadiumit. Që nga thirrja e dytë, domethënë rreth 70 për qind e rrugëve kanë filluar të ndërtohen, ende kemi “Vëllezërit Stefanoviq” këtu në Brvenicë, dy rrugë në Çellopek dhe një në Miletinë”, tha Ilievski.

Ai kujtoi se me thirrjen e parë nga “kredia hungareze” u investuan gjithsej rreth 40 milionë denarë për disa projekte.

Zëvendëskryeministri dhe ministri i Transportit, Aleksandar Nikolloski sot vlerësoi se politikat e Qeverisë për tërheqjen e kompanive ajrore në aeroportet e Shkupit dhe Ohrit po japin rezultate dhe se prej nesër do të fillojnë 11 destinacione të reja.

“Me orarin dimëror të fluturimeve, duke filluar që nesër, më 27 tetor, nga Ohri do të fluturohet për në Bazel – një destinacion jashtëzakonisht i rëndësishëm, pasi Ohrin po e hapim jo vetëm për turistët nga Zvicra, por edhe për turistët nga Franca dhe Gjermania, sepse ky është i ashtuquajturi aeroport evropian që lidh këto tre vende. Nga Shkupi, do të fluturohet për në Stokholm në aeroportin kryesor, do të fluturohet për në Shtutgart, Bari, Larnaka-Qipro dhe e gjithë kjo fillon nesër më 27 tetor”, tha Nikolloski.

Duke filluar nga e hëna e ardhshme, më 3 nëntor, shton Nikolloski, do të fluturohet për në Gjenevë, një destinacion jashtëzakonisht i rëndësishëm që, përveç turistëve, do të sjellë edhe shumë biznesmenë në Shkup, pastaj në Madrid dhe nga 15 dhjetori në Pragë dhe Këln.

“Nëse kësaj i shtojmë se nga prilli do të fillojnë fluturime për në Budapest dhe Napoli, kjo është fotografia e plotë që e bën Qeveria për të tërhequr linja ajrore të reja, të cilat subvencionohen për ata që vijnë në Ohër dhe Shkup, sepse subvencionet janë të destinuara për udhëtarët që vijnë. Një revolucion i tillë në trafikun ajror nuk është parë me dekada dhe për këtë arsye kjo është nxitja më e mirë për të punuar në periudhën e ardhshme. Rritet numri i udhëtarëve në aeroportet e Shkupit dhe Ohrit, po rritet numri i turistëve në Maqedoni dhe kështu do të vazhdojmë ta zhvillojmë Maqedoninë. Le të jetë me të lehtë, mirë se vinë të gjithë ata që do të zbarkojnë në Ohër dhe Shkup dhe do të kenë një udhëtim të këndshëm”, thotë Nikolloski.

Në sezonin e dimrit nga sot deri më 28 mars të vitit të ardhshëm, do të jenë të disponueshme fluturime nga Shkupi për në Vjenë, Beograd, Athinë, Zagreb, Varshavë, Frankfurt, Sandefjord, Geteborg, Malme, Ajndhoven, Bruksel, Paris, Dortmund, Fridrihshaven, Memingen, Frankfurt Han, Bazel, Nuremberg, Berlin, Milano, Hamburg, Venecie, Bratisllavë, Romë, Baden-Baden, Maltë, Bolonjë, Lubjanë, Londër, Stokholm, Pragë, Stutgart, Larnaka, Këln, Lion, Bari, Madrid, Gjenevë, Stamboll, Izmir, Antalia, Cyrih. Destinacionet nga Ohri janë: Cyrih, Bazel, Dortmund, Vjenë, Memingen.

Dy aeroportet, Shkupi dhe Ohri, në dhjetë muajt e parë të vitit shërbyen 2.585.096 udhëtarë, që është një rritje prej gjashtë për qind krahasuar me të njëjtën periudhë të vitit të kaluar. Aeroporti ndërkombëtar i Shkupit transportoi 2.375.264 udhëtarë, që është 5,4 për qind më shumë se vitin e kaluar, ndërsa Aeroporti i Ohrit “Shën Apostull Pali” shënoi rritje dyshifrore prej 16,2 për qind me 209.832 udhëtarë të transportuar. Në të njëjtën periudhë, pati rritje të numrit të fluturimeve – me tre për qind krahasuar me vitin e kaluar, përkatësisht 20.141 fluturime u kryen në të dy aeroporteta

Zëvendëskryeministri dhe ministri i Transportit, Aleksandar Nikolloski dhe Kier Meter, ministri i Aviacionit, Çështjeve Detare dhe Dekarbonizimit, nënshkruan Marrëveshjen për qarkullim të rregullt ajror midis Maqedonisë së veriut dhe Mbretërisë së Bashkuar në Londër.

Marrëveshja, siç njoftoi sot Ministria e Transportit, hap mundësinë e vendosjes së fluturimeve të reja direkte midis dy vendeve, ndërsa me këtë të rritet edhe numri i turistëve nga Mbretëria e Bashkuar.

“Kjo Marrëveshje u nënshkrua me iniciativën e Mbretërisë së Bashkuar dhe përfaqëson një kornizë të re ligjore që rregullon marrëdhëniet në fushën e qarkullimit të rregullt ajror midis dy vendeve”, thuhet në komunikatë.

Përmes Marrëveshjes, siç theksuan dy ministrat, mundësohet liri dhe fleksibilitet më i madh për kompanitë e aviacionit, punë efikase dhe shërbime të reja, ndërsa për udhëtarët mundësohen lidhje më të mira, destinacione të reja dhe çmime konkurruese.
Zëvendëskryeministri Nikolloski, pas nënshkrimit theksoi se Maqedonia e Veriut ka përjetuar rritje të jashtëzakonshme të trafikut ajror vitin e kaluar dhe është një vend serioz konkurrues në rajon, dhe kjo kryesisht për shkak të zbatimit të politikave të Qeverisë për zhvillimin e trafikut ajror civil. Ai shtoi gjithashtu se aeroportet vendase kanë potencial të madh për t’u shërbyer linjave ajrore dhe pasagjerëve të rinj.

Marrëveshja, siç njoftojnë nga Ministria e Transportit, rregullon edhe transportin intermodal, i cili është një pjesë veçanërisht e rëndësishme e transportit të mallrave, dhe gjithashtu arrin një nivel të lartë mbrojtjeje dhe sigurie për linjat ajrore dhe pasagjerët e vendosur përmes standardeve të IKAO-s.

Lideri i LSDM-së Venko Filipçe duhet të japë dorëheqje pas rezultateve të zgjedhjeve lokale, në të cilat humbje katastrofike pësoi edhe BDI-ja, tha sot nënkryetari i OBRM-PDUKM-së, Aleksandar Nikolloski.

"Maqedonia është lyer me të kuqe, OBRM-PDUKM ka fitoren më bindëse. Në rrethin e dytë, presim një tjetër fitore dhe punë", tha Nikoloski në një konferencë për shtyp.

Ai është i bindur se Shkupi do të bëjë zgjedhjen e duhur dhe se kandidati për kryetar bashkie i OBRM-PDUKM-së, Orce Gjorgievski, do të jetë kryetari i ardhshëm i bashkisë.

"Orce udhëheq 1:3", shtoi Nikolloski.

Lidhur me kandidatin kundërshtar për qytetin e Shkupit, Amer Mecinoviq nga "Levica", ai theksoi se "ne jemi partnerë me SHBA-në dhe NATO-n" dhe se kjo është një nga arsyet pse po bëjmë përparim.

Ai theksoi, siç tha, fitoren bindëse të OBRM-PDUKM-së në bastionin e LSDM-së në Strumicë dhe tregoi se dorëheqja e Filipçes duhet të pasojë si një akt moral.

Nikolloski beson se në rrethin e dytë të zgjedhjeve në komunën e Karposhit, qytetarët nuk do të votojnë për Stevço Jakimovskin, i cili është kundërshtar i Sotir Lucrovskit nga OBRM-PDUKM./Telegrafi/

Zv. kryeministri dhe Ministri i Transportit, Aleksandar Nikolloski thotë se zgjedhjet e parakohshme parlamentare nuk do të mbahen pas zgjedhjeve lokale dhe njofton se fokusi do të jetë, siç deklaroi ai, në pastrimin e gjyqësorit dhe prokurorisë dhe në llogaridhënien nga të gjithë ata që abuzuan me pushtetin nga i ashtuquajturi koalicion i zi i "LSDM-së, BDI-së dhe Levicës".

"Nuk do të ketë zgjedhje të parakohshme, kemi një qeveri të qëndrueshme koalicioni, e cila po funksionon shkëlqyeshëm", tha sot Nikolloski, gjatë një vizite në Gostivar në kuadër të fushatës për zgjedhjet lokale.

Sipas Nikolloskit, mandati i qeverisë do të jetë deri në vitin 2028, dhe pastaj do të mbahen zgjedhjet e ardhshme parlamentare.
"Dallimi midis nesh dhe koalicionit të zi të LSDM-së, BDI-së dhe Levicës është se ne flasim për projekte, nuk mund të themi sa projekte kemi, dhe nga ana tjetër ka fjalë boshe dhe manipulime dhe një etje dhe dëshirë të vazhdueshme për pushtet.

Vitin e kaluar ata dolën në opozitë, kanë kaluar vetëm një vit e tre muaj që kur kanë qenë në opozitë dhe nuk mund ta mbajnë pozicionin e tyre në opozitë dhe gjatë gjithë kohës - zgjedhje të parakohshme, zgjedhje të parakohshme. Kur dikush kërkon kaq shumë zgjedhje të parakohshme, kjo do të thotë se ata janë të interesuar vetëm për privilegjet e qeverisë, dhe këta janë të interesuar edhe për krimin e qeverisë", tha Nikolloski./Telegrafi/

Kryetari i Lidhjes Socialdemokrate të Maqedonisë, Venko Filipçe, komentoi informacionin e fundit se Qeveria ka lidhur një marrëveshje me kompaninë IRD Engineering, megjithëse kjo kompani ishte cak i sulmeve të ashpra nga OBRM-PDUKM kur ishte në opozitë.

“Sot, doli informacioni se Qeveria ka lidhur një marrëveshje me IRD Engineering - kompania me të cilën edhe Qeveria jonë kishte një marrëveshje. Në atë kohë, Aleksandar Nikolloski dhe të gjithë udhëheqësit e OBRM-PDUKME-së, mbanin konferenca për shtyp çdo ditë, duke e akuzuar këtë kompani si kriminale. Ata telefonuan publikisht në prokurori, duke pretenduar se po pastroheshin para përmes saj. Dhe sot, një marrëveshje me ta”, tha Filipçe.

Ai kujtoi se OBRM-PDUKM kishte bërë fushatë për muaj me akuza për krim të supozuar kundër Bechtel dhe Enka, dhe tani, siç theksoi ai, po bën të njëjtën gjë që kritikoi atëherë dhe po vazhdon të njëjtat projekte.

“E njëjta gjë si me Bechtel dhe Enka, projekti i vetëm në të cilin po punohet aktualisht. Dhe kjo ishte ‘kriminale’, sipas tyre. Kështu që i pyes publikisht – cili është ndryshimi tani?” pyeti kreu i LSDM-së.

Filipçei drejtoi publikisht një pyetje kryeministrit Mickoski:

“E pyes Mickoskin publikisht – a je tani kriminel? Nëse projekti që filluam ishte kriminal, nëse mbikëqyrja që nënshkruam ishte kriminale, atëherë a do të thotë kjo që edhe ti je kriminel kur vazhdon me të njëjtën gjë?”, tha Filipçe.

Ministri i Transportit dhe Lidhjeve, Aleksandar Nikolloski tha se këtë muaj apo në fillim të muajit të ardhshëm, do të zgjidhet Kontraktori për ndërtimin e autostradës Kërçovë – Bukojçan dhe nëse lejojnë kushtet atmosferike, ndërtimi do të fillojë menjëherë.

“Deri të mërkurën është afati i fundit për dorëzimin e ofertave për autostradën Kërçovë – Bukojçan. Po punojmë në të së bashku me BERZH-in. Vlera vlerësohet në rreth 123 milionë euro, të njëjtat i kemi siguruar në bashkëpunim me BERZH-in, ndërsa 20 për qind janë mjete financiare grant. Pres që të kemi një Kontraktor të zgjedhur deri në fund të këtij muaji, në fillim të muajit të ardhshëm, dhe nëse kushtet atmosferike nuk funksionojnë, dhe nëse jo, me fillimin e sezonit të ardhshëm të ndërtimit në mars, do të fillojmë ndërtimin në këtë autostradë, e cila pres të përfundojë në një periudhë prej 3 vitesh. Përveç kësaj është edhe ndërmarrja më e madhe inxhinierike, që është ndërtimi i autostradës nga Bukojçani në Gostivar ose Strazha e njohur. Nga 33 km që janë projektuar, 17 km janë thyer. Nga marsi do të thyhen edhe kilometrat e tjerë dhe për herë të parë do të shohim një autostradë që po ndërtohet në të dyja anët dhe pres që ajo autostradë të përfundojë deri në vitin 2028, që do të thotë se deri në fund të vitit 2028, Kërçova do të jetë qendra e lidhjes autostradale të Korridorit 8, që do të thotë se deri në fund të vitit 2028, njerëzit do të udhëtojnë edhe në Serbinë fqinje, Shqipërinë fqinje dhe Greqinë”, tha Nikolloski.

Ai njoftoi se deri në pranverë, tunelet në autostradën Kërçovë-Ohër do të hapen për trafik.

“Atje kemi 16 shpate problematike. Dy prej tyre po punohen nga ana e Kërçovës, ndërsa për tjerat projektimi përfundon më 1 nëntor. Pres që tunelet të vihen në funksion deri në pranverë, ndërsa pjesët e mbetura të autostradës të hapen një pas një”, tha zëvendëskryeministri Nikollovski.

"Një problem me një radar 27-vjeçar të vjetër në aeroportin e Shkupit u zgjidh vetëm për tre ditë", tha zëvendëskryeministri dhe Ministri i Transportit Aleksandar Nikolloski.

Për shtatë vjet, askush nuk mbante shënime për pjesët rezervë, sepse ato tashmë kishin ndaluar së prodhuari.

"Ne u përballëm me një problem, por falë profesionistëve, arritëm ta vinim radarin në punë brenda tre ditësh", tha Nikolloski.

Ai njoftoi se, me një vendim të Qeverisë, M-NAV do të ngarkohet me detyrën për ta vënë plotësisht në punë radarin e ri në muajt e ardhshëm, me teste dhe inspektime standarde.

Sipas Nikolloskit, aktualisht janë në punë tre radarë - një për aeroportin e Ohrit dhe dy për aeroportin e Shkupit - gjë që siguron siguri të plotë në trafikun ajror.

Ajo që zbuluam javën e kaluar është se radari kishte punuar në një kanal për shtatë vjet.

Pavarësisht faktit se është 27 vjeç dhe pjesët nuk prodhohen, ne arritëm ta zgjidhnim problemin që ishte fshehur për dekada, theksoi ministri.

Zëvendëskryeministri dhe ministër i Transportit Aleksandar Nikolloski sot deklaroi se radari në Aeroportin e Shkupit është vënë në funksion, pasi është gjetur një pjesë rezervë dhe problemi është zgjidhur në një kohë rekord prej vetëm tre ditësh. Por, thotë, më pas është konstatuar se vitet e kaluara ai ka punuar në vetëm një kanal. Shtesë, theksoi Nikolloski, radari është i vjetër 27 vjet dhe qeveria e kaluara nuk ka marrë vendim për montimin e një radari të ri dhe pastaj paralajmëroi se në seancën e ardhshme të Qeverisë do të miratohet vendim që ai të montohet sa më shpejtë të jetë e mundur.

Në tre ditët derisa zgjidhej problemi me radarin, theksoi Nikolloski, nuk është vë në pikëpyetje siguria e trafikut ajror, gjë që, siç theksoi, dëshmohet edhe nga fakti që asnjë kompani ajrore nuk i anuloi fluturimet.

“Do të doja të ndaja një lajm të mirë, dhe ai është se që nga mëngjesi i sotëm radari është vënë në funksion dhe problemi është zgjidhur. Pra, që nga mëngjesi i sotëm kemi një radar plotësisht funksional në Aeroportin e Shkupit dhe kështu problemet janë zgjidhur. Do të doja të thoja se arritëm ta zgjidhnim problemin në një kohë rekord prej vetëm tre ditësh dhe madje edhe të zbulonim diçka që nuk ishte e njohur për publikun, dhe kjo është se deri më tani, për shtatë vjet, ky radar ka punuar vetëm me një kanal. Në këto tre ditë, me koordinimin e përbashkët të disa resorëve nga Qeveria, falë të gjithëve, si dhe kryeministrit, por edhe falë punës aktive të menaxhmentit të MNAV, të gjithë ekspertëve në MNAV, si dhe në bashkëpunim miqësor me disa vende të huaja, arritëm të gjejmë një zgjidhje dhe të dy kanalet janë në funksion. Pra, jo një, por dy kanale janë funksionale", tha Nikolloski, duke falënderuar si kontrollin e trafikut ajror nga Bullgaria ashtu edhe Qeverinë italiane.

Zëvendëskryeministri thekson se në periudhën e ardhshme nuk ka as një mundësi teorike që të ndodhë diçka.

“Ajo që dua të them gjithashtu është se mendoj se opozita duhet të jetë shumë e kujdesshme kur publikon informacione për publikun, veçanërisht ato me karakter të sigurisë, sepse gjëja e fundit që na duhet është të krijojmë panik tek popullata. Të gjitha protokollet e sigurisë u respektuan këto tre ditë, dhe shihni, aeroplanët nga të gjitha linjat ajrore u ngritën dhe u ulën në aeroportin e Shkupit normalisht, asnjëri prej tyre nuk u anulua, sepse të gjitha protokollet e sigurisë u respektuan dhe do të vazhdojë të jetë kështu edhe në të ardhmen”, tha zëvendëskryeministri Nikolloski.

Sipas tij, pyetja thelbësore është pse ai radar është i vjetër 27 vjet.

“Për të ndaluan të prodhohen pjesët shtatë vjet më parë, domethënë, në 20-vjetorin e instalimit të radarit, pjesët rezervë nuk prodhohen më dhe është vërtet një mrekulli se si arritëm të gjejmë pjesë rezervë. Njëkohësisht, do të donim të pyesnim pse qeveria e mëparshme e LSDM-së nuk e instaloi, nuk e montoi radarin krejtësisht të ri që mbërriti në Shkup nga kompania Leonardo dhe që qëndron i pamontuar. Dhe më lejoni të paralajmëroj se në seancën e ardhshme qeveritare të martën, do të marrim një vendim me të cilin do të vazhdojmë me instalimin e radarit, në mënyrë që të kemi një radar krejtësisht të ri për kontrollin e trafikut ajror”, tha Nikoloski.

Ai theksoi se që nga ora 12:00 e mesditës së sotme, aeroporti i Shkupit ka një radar funksional.

Ministri i Transportit, Aleksandar Nikolloski sot në Athinë realizoi takim pune me zëvendëskryeministrin e Qeverisë së Greqisë, Kostis Kazidakis.

Siç njoftuan nga kabineti i Nikolloskit, ky është takimi i parë i dy zëvendëskryeministrave me të cilin u theksua rëndësia dhe promovimi i bashkëpunimit ekonomik dhe projektet rajonale infrastrukturore.

“Në takim u konfirmuan përpjekjet e të dy vendeve për bashkëpunim më të mirë rajonal në fushën e infrastrukturës, transportit dhe shërbimeve. U prezantuan prioritetet strategjike të Qeverisë në infrastrukturë dhe u theksua rëndësia e lidhjes më efikase rajonale si parakusht për zhvillimin e përshpejtuar ekonomik të rajonit. U theksua vendosmëria e fortë e të dy qeverive për të ndërtuar hekurudhën e shpejtë në Korridorin 10, një projekt rajonal që do të mundësojë zhvillimin e tregtisë, rritjen e shkëmbimit midis dy vendeve dhe një lidhje të shpejtë të porteve në Greqi me tregjet në Evropën Qendrore. Në takim u prezantuan kushtet për investime në vend, si dhe mundësia e një bashkëpunimi më të madh ekonomik dhe tregtar midis bashkësisë së biznesit të të dy vendeve”, bën të ditur Ministria e Transportit.

Nikolloski dhe Kazidakis përfunduan se bashkëpunimi dhe realizimi i projekteve me rëndësi rajonale do të vazhdojë në periudhën e ardhshme në drejtim të rritjes së efikasitetit të transportit dhe bashkëpunimit ndërkufitar