Presidenti ukrainas Volodymyr Zelensky është kundërpërgjigjur ndaj pretendimeve se Ukraina shënjestroi një rezidencë zyrtare të Vladimir Putinit në një sulm me dron.
Sipas mediave të huaja, Presidenti ukrainas tha në përgjigje të akuzës se “këto janë gënjeshtra”.
Zelensky vazhdoi duke thënë se Rusia dëshiron të minojë përparimin midis Ukrainës dhe SHBA-së në bisedimet e paqes.
Ai paralajmëroi se Rusia po përgatit terrenin për të sulmuar ndërtesat qeveritare të Ukrainës në Kiev.
Zelensky gjithashtu i kërkoi SHBA-së të reagojë ndaj kërcënimeve ruse në përputhje me rrethanat.
Shtëpia e Bardhë ka konfirmuar se Presidenti Donald Trump dhe homologu i tij rus Vladimir Putin kanë zhvilluar një bisedë telefonike.
Sipas mediave të huaja, sekretarja e shtypit e Shtëpisë së Bardhë, Karoline Leavitt, postoi në rrjetet sociale duke e përshkruar bisedën midis dy udhëheqësve si “pozitive”.
Kremlini tha se Trump ishte informuar për pretendimin rus për një sulm me dron ndaj rezidencës presidenciale të Putinit.
Ndihmësi i Putinit, Yuri Ushakov, tha se Trump u trondit kur Putini i tregoi për sulmin.
Më herët, zëdhënësi i Kremlinit, Dmitry Peskov, tha se Trump dhe Putin do të zhvillojnë një tjetër telefonatë “shumë shpejt” pas bisedës së tyre të djeshme.
Trump i cilësoi bisedimet e djeshme si “produktive” dhe tha se do ta informonte presidentin rus pas takimit me Volodymyr Zelenskyn në Florida mbrëmë.
Kreu i PD-së, Sali Berisha, më fjalën e tij gjatë protestës së demokratëve, njoftoi se 2026 do të nisë me protesta.
Ai shtoi se opozita është më e fuqishme, teksa u shpreh se “regjimi aktual është në shkërmoqje”.
“Ne e mbyllim sot protestën për ta nisur vitin me protesta. Kudo që shkoj gjej një vendosmëri absolute për tu ndarë nga kjo e keqe sa më shpejt. Shqiptarët presin me padurim largimin e kësaj bande nga pushteti. Ju garantoj ju se opozita është sot më e fuqishme se kurrë. Është sot më e vendosur se kurrë të përmbushë misionin e saj. askush nuk duhet të harrojë se forca e idealeve është arma më e madh se të gjitha armëve. Ata që janë me ideale janë të pamposhtur. Këtij regjimi në çdo kohë që kalon është në shkërmoqje, kalbëzim. Pesë ditë pa ujë, duke ndjekur atë ngjarje në videot e shumta që qarkullojnë, kur vetëm pak muaj më parë drejtori ujësjellësit i thotë gazetarëve që këta rrinë tre ditë pa ujë dhe nuk bëjnë një telefon për shqetësimin. Drejtori tha një të vërtetë, qytetarët e Vlorës ia zunë në gojë kafshatën e galasë në fyt, i përzunë”, tha Berisha.
Real Madrid është i interesuar për shërbimet e Niko Shlotebek. 26-vjeçari i mbrojtjes së Dortmundit duhet të marrë një vendim, pasi klubi gjerman po ashti i ofron rinovimin e kontratës që përfundon në vitin 2027.
Në garë për shërbimet e Shlotebek janë edhe klube si Barcelona dhe Bajern Mynih. Fakt është se deri tani mungojnë ofertat zyrtare për lojtarin e përfaqësueses gjermane.
Dortmundi e transferoi në vitin 2022 nga Freiburg, ndërsa në total pagoi 20 milionë euro. Për këtë nuk do të heqë dorë nga shërbimet e gjermanit, nëse nuk paraqitet oferta e duhur.
Interesante do të jetë nëse do të lëvizë jashtë Gjermanisë. Deri tani ka preferuar të luajë në vendin e tij./mxh
Italia ka vendosur të vazhdojë të ofrojë ndihmë ushtarake për Ukrainën gjatë vitit të ardhshëm, me një dekret të nënshkruar të hënën nga kryeministrja Giorgia Meloni.
Dekreti miraton dërgimin e armëve dhe pajisjeve ushtarake për Kievin, duke përforcuar pozicionin e Italisë si një nga partnerët më të besueshëm të Ukrainës brenda NATO-s.
Vendimi për të vazhduar ndihmën ushtarake për 2026-n, i planifikuar fillimisht për fillim-dhjetorin, u shty për shkak të kundërshtimeve nga një prej partnerëve të koalicionit qeverisës.
Partia e djathtë populiste Lega, e udhëhequr nga zëvendëskryeministri Mateo Salvini, kërkoi ndryshime në tekst për të theksuar më shumë ndihmën jo-ushtarake dhe për të sqaruar se dërgimi i armëve shërben vetëm për nevoja mbrojtëse.
Pas diskutimeve, koalicioni tre-partiak ra dakord për disa ndryshime të vogla në formulim, të cilat nuk prekin thelbin e dekretit. Dokumenti gjithashtu parashikon mundësinë e zgjatjes së qëndrimit në Itali për disa qytetarë ukrainas.
Salvini ka qenë kritik ndaj ndihmës ushtarake për Ukrainën, duke theksuar në nëntor se dërgimi i armëve nuk do të zgjidhë konfliktin./mxh
Banorja e Big Brother VIP Kosova 4, Alba Pollozhani, ka prekur publikun me një rrëfim të rrallë dhe tejet personal, duke zbuluar se në të kaluarën ka qenë viktimë e dhunës fizike nga një burrë. Ajo ka bërë të ditur se këtë përvojë të dhimbshme e ka mbajtur tërësisht për vete, pa ia rrëfyer askujt, as familjes së saj më të afërt.
Gjatë një Prime të fundit, Alba vendosi të flasë shkurt për këtë kapitull të errët të jetës së saj, duke theksuar se është një temë për të cilën nuk ka ndier kurrë rehati të flasë hapur. Sipas saj, kjo ngjarje nuk është ndarë as me prindërit, ndërsa ajo shtoi se dhuna fizike është diçka që nuk e sheh të denjë për t’u trajtuar si temë diskutimi apo ekspozimi publik.
Ky rrëfim erdhi në një moment tensioni të shtuar në shtëpinë e Big Brother, pas një përplasjeje mes vajzave, ku një incident mes Dolces dhe Albes ndezi debate të forta. Situata u përshkallëzua më tej dhe përfundoi me eliminimin e Shkurte Haxhiut, si pasojë e televotimit të “zarfit të zi”, duke e bërë klimën në shtëpi edhe më të ngarkuar emocionalisht.
Deklarata e Albes ka ngjallur reagime të forta te publiku, duke hedhur dritë mbi një anë të panjohur të jetës së saj jashtë kamerave. Rrëfimi i saj ka shtuar një dimension të ri në perceptimin e saj si banore, duke treguar se pas imazhit televiziv fshihen përvoja personale të rënda, që shpesh mbeten larg syrit të publikut./mxh
Brigitte Bardot ishte nënë, gjyshe dhe stërgjyshe. Por fëmija i saj i vetëm mbeti gjithmonë në hije, larg vëmendjes. I lindur në vitin 1959 nga martesa e nënës së tij, në kulmin e famës së saj, me Jacques Charrier, një aktor dhe producent, Nicolas-Jacques Charrier është tani 65 vjeç, i rritur me të atin larg syve të publikut gjatë gjithë jetës së tij.
Për BB, amësia nuk ishte kurrë një zgjedhje. “Kam pasur një fëmijë, por nuk mund të thuash që kjo foshnjë e varfër erdhi në kohën e duhur dhe më dha atë që më mungonte”, rrëfeu Brigitte per Le Parisien në vitin 2021. Në autobiografinë e saj,” They Call Me B.B”., ajo shkoi edhe më tej: “Do të kisha preferuar të lindja një këlysh”, madje duke e krahasuar shtatzëninë e saj me “një tumor, i cili ishte ushqyer me mua, të cilin e kisha mbajtur në barkun tim të fryrë, duke pritur vetëm momentin e bekuar kur më në fund do të çlirohesha prej tij”. Të ndarë në vitin 1962, Bardot dhe Charrier luftuan për kujdestarinë e djalit të tyre. Gjykata vendosi në favor të babait.
Nicolas-Jacques u rrit larg shkëlqimit dhe syve te publikut, në anonimitet, nën tutelën e Charrier. Më 27 shtator 1984, ai u martua me modelen norvegjeze Anne-Line Bjerkan në Béhoust, Yvelines. Familja u vendos në Norvegji, ku Nicolas Charrier jeton ende edhe sot. Nga martesa lindën dy vajza: Anna dhe Théa, të cilat e bënë Brigitte Bardot gjyshe dhe më pas stërgjyshe.
Në fakt, ajo kishte tre stërnipër e stërmbesa që flisnin vetëm norvegjisht, duke e bërë të vështirë për të komunikimin me të. Megjithatë, me kalimin e kohës, marrëdhënia e Nicolas me nënën e tij u zbut. “Ne flasim rregullisht. Duke jetuar në Norvegji, ai vjen të më vizitojë një herë në vit në La Madrague, vetëm ose me familjen e tij, gruan e tij, mbesat e mia”, tha Brigitte Bardot në rrëfim në vitin 2018. Por kjo lidhje mbeti e brishtë. “I premtova Nicolas se nuk do të flisja kurrë për të në intervistat e mia”, tha ajo për Paris Match në qershor 2024, duke respektuar kështu privatësinë e djalit të saj./mxh
Ministria e Shëndetësisë dhe Mirëqënies Sociale ka ndarë një apel mbi konsumin e alkoolit gjatë ditëve të festave.
Përmes një njoftimi, Shefi i Shërbimit të Toksikologjisë, doktor Andrin Tahiri ka bërë thirrje për kujdes të shtuar, për shkak të rrezikut të helmimit akut që mund të sjellë tepria me alkoolin.
“Festat po afrojnë, bilancet bëhen mbasi kalojnë festat edhe shikojmë cili ka qenë trendi dhe cila ka qenë asistenca mjekësore që kemi ofruar, por eksperienca e viteve të kahershme normalisht që na lënë në vigjilje.
Stafi është gati, i përgatitur, në bashkëpunim me stafin e urgjencës polivalente. Ju japim asistencë mjekësore të gjithëve që kanë nevojë.
Mbas protokolleve tona, këtë periudhë ne ndeshim me helmime akute. Pra me konsumimin e alkoolit me tepri, deri në atë moment që mund të bëjë dëme për shëndetin. Kanë nevojë për asistencë mjekësore nga bluzat e bardha.
Zgjedhjet e gabuara mund të lënë pasoja për një kohë shumë të gjatë. Alkooli dhe droga nuk ju bëjnë kurrë më interesant. Vendimet e qarta po. Festoni fort, gëzoni fort, pa i bërë dëm vetes. Kush di të dojë veten, di të bëjë zgjedhjen e duhur”,-u shpreh Tahiri./mxh
Kreu i Partisë Demorkatike, Sali Berisha ka deklaruar sot se viti i ri do të nisë me protesta të tjera nga opozita.
Në fjalën e tij në “Foltoren 2”, Berisha theksoi se se opozita është më e fuqishme dhe më e vendosur se kurrë për të vijuar me protesta, deri në largimin nga pushteti të qeverisë socialiste.
“Miq, ne mbyllim sot protestën tonë për të filluar vitin po me protesta. Kudo që shkoj gjej një vendosmëri absolute për t’u ndarë me këtë të keqe sa më shpejt. Shqiptarët presin me padurim largimin e kësaj bande nga pushteti. Iu garantoj ju se opozita është sot më e fuqishme se kurrë. Është sot më e vendosur se kurrë të përmbushë misionin e saj. Askush nuk duhet të harrojë se forca e idealeve është më e madhe se e të gjitha armëve. Se ata që qëndrojnë për ideale janë të pamposhtur dhe fitojnë. Se këtij regjimi, çdo ditë dhe çdo orë që kalon, ky regjim është në shkërmoqje, është në kalbëzim dhe në rënie”,-u shpreh Berisha./mxh
Kuvendi i Shqipërisë ka ndarë sot motivet e refuzimit të kërkesën e demokratëve për zhvillimin e mbledhjes së Këshillit të Mandateve për rastin e zëvendëskryeministres Belinda Balluku, duke arsyetuar përse kanë marrë këtë vendim.
Përmes një njoftimi të rastit, Kuvendi thekson se mbledhja është shtyrë për arsye proceduriale dhe shqyrtimi i çështjes vijon të jetë i hapur, teksa nuk ekziston bazë proceduriale për thirrjen e një mbledhjeje tjetër me rend dite të paracaktuar, sipas kërkesës së paraqitur nga përfaqësuesit e opozitës.
“Në përgjigje të kërkesës suaj për thirrjen e mbledhjes së Këshillit për Rregulloren, Mandatet dhe Imunitetin, ju bëj me dije sa vijon: Mbledhja e Këshillit për Rregulloren, Mandatet dhe Imunitetin për shqyrtimin e kërkesës së Prokurorisë së Posaçme për dhënien e autorizimit nga Kuvendi për arrestimin/heqjen e lirisë së deputetit/zëvendëskryeministrit është thirrur dhe është zhvilluar në datën 19 dhjetor 2025, në përputhje me nenin 13 të Rregullores së Kuvendit.
Me thirrjen dhe zhvillimin e kësaj mbledhjeje, kompetenca proceduriale për thirrjen e Këshillit lidhur me këtë çështje është ezauruar, pasi çështja është vendosur në rend dite dhe është hapur për shqyrtim që nga data 19.12.2025. Sipas nenit 13, pika 6, të Rregullores së Kuvendit, caktimi i rendit të ditës, së mbledhjes, përbën kompetencë të Kryetarit të Kuvendit dhe ushtrohet në funksion të ecurisë proceduriale të çështjes së hapur.
Për sa kohë mbledhja e datës 19 dhjetor 2025 është shtyrë për arsye proceduriale dhe shqyrtimi i çështjes vijon të jetë i hapur, nuk ekziston bazë proceduriale për thirrjen e një mbledhjeje tjetër me rend dite të paracaktuar, sipas kërkesës së paraqitur. Në mbledhjen e Këshillit të datës 19 dhjetor 2025, gjatë shqyrtimit të çështjes në fjalë, u konstatua mungesa e një dakordësie ndërmjet anëtarëve të Këshillit lidhur me afatin kohor që duhej t’i lihej palës mbrojtëse për ushtrimin efektiv të së drejtës për njohje me aktet dhe provat e paraqitura nga Prokuroria e Posaçme.
Përfaqësuesi ligjor i znj. Belinda Balluku, duke iu referuar ligjit, kërkoi 3 javë kohë për t’u përgatitur për mbrojtjen ligjore në kuadrin e garantimit të një procesi të rregullt ligjor, diskutimet u përqendruan në përcaktimin e një date për zhvillimin e mbledhjes pasuese të Këshillit, me qëllim dëgjimin e palëve.
Deputetët e opozitës kërkuan një afat prej 3 ditësh, ndërsa deputetët e mazhorancës e lidhën kërkesën e tyre me
– shqyrtimin e çështjes nga Gjykata Kushtetuese dhe
– të drejtën e deputetes znj. Belinda Balluku për të marrë kohën e kërkuar nëpërmjet përfaqësuesit ligjor z. Ardian Kalia.
Në këto kushte, dhe në respekt të nenit 42 të Kushtetutës së Republikës së Shqipërisë, si dhe të parimit të procesit të rregullt ligjor, Kryetari i Kuvendit njoftoi shtyrjen e mbledhjes, pa përcaktuar një datë të menjëhershme tjetër.
Po ashtu, sipas nenit 118 të Rregullores së Kuvendit, shqyrtimi i kërkesave të Prokurorisë për dhënien e autorizimit nga Kuvendi për arrestimin ose heqjen e lirisë së një deputeti zhvillohet mbi bazën e një procedure që garanton të drejtën e mbrojtjes dhe një shqyrtim të plotë të dokumentacionit përkatës. Për sa kohë ky proces nuk është përmbyllur dhe palët nuk janë pajisur realisht me kohën e nevojshme për ushtrimin e kësaj të drejte, nuk plotësohen kushtet procedurale për caktimin e një date të re mbledhjeje.
Gjithashtu Kuvendi i Republikës së Shqipërisë, si përfaqësues i sovranitetit të popullit, ka detyrimin kushtetues të garantojë zbatimin e Kushtetutës dhe të ligjit, veçanërisht në rastet kur Gjykatës Kushtetuese i është kërkuar shprehimisht të japë një vendim mbi një çështje që lidhet drejtpërdrejt me shqyrtimin parlamentar, si në rastin konkret.
Në këto rrethana, kërkesa për thirrjen e mbledhjes së Këshillit, nuk pranohet. Mbledhja e radhës e Këshillit për Rregulloren, Mandatet dhe Imunitetin do të thirret në momentin kur të jenë përmbushur plotësisht kushtet procedurale të parashikuara në Rregulloren e Kuvendit”,-thuhet në njoftim./mxh
Moska po kërkon “justifikime të rreme” për të kryer sulme të mëtejshme në Ukrainë, deklaroi sot ministri i Jashtëm ukrainas, duke u bërë thirrje liderëve botërorë të dënojnë atë që e cilësoi si manipulim të hapur nga Rusia.
Duke iu referuar akuzave të Moskës për një sulm të pretenduar ukrainas ndaj rezidencës së presidentit rus Vladimir Putin, ministri i Jashtëm Andriy Sibikha tha se kjo është “një taktikë standarde ruse: të akuzosh palën tjetër për diçka që po e bën ose po planifikon ta bësh vetë”. Deklarata u bë përmes një postimi në platformën X.
Më herët, edhe presidenti ukrainas Volodymyr Zelensky i hodhi poshtë akuzat ruse, duke i cilësuar ato si “të rreme”. Ai bëri të ditur se e ka diskutuar çështjen edhe me kancelarin gjerman Friedrich Merz.
“Këto janë gënjeshtra”, tha Zelensky, duke shtuar se Rusia synon të minojë përparimin e arritur mes Ukrainës dhe Shteteve të Bashkuara në bisedimet për paqe.
Në të njëjtën kohë, presidenti ukrainas paralajmëroi se Rusia mund të jetë duke përgatitur sulme ndaj ndërtesave qeveritare në Kiev dhe i bëri thirrje SHBA-së të reagojë në përputhje me kërcënimet që vijnë nga Moska./mxh
Krydemokrati Sali Berisha deklaroi sot në protestën e opozitës së demokratët nuk do të largohen nga sheshi para Kryeministrisë derisa të largojnë nga detyra kryeministrin Edi Rama.
Në fjalën e tij, Berisha akuzoi Ramën si politikanin që ka vjedhur dhe përçmuar më shumë shqiptarët të gjithë historinë kombëtare.
“Qëndroni dhe do qëndrojmë në këtë shesh, Sheshin e Lirisë, gjersa nga ajo ndërtesë të shporrim atë që ka vjedhur dhe ka përçmuar më shumë shqiptarët në tërë historinë tonë kombëtare, Edi Ramën.
Të dashur miq, një vajzë para meje, para jush, ftoi këtu që Edi Ramën të mos e quajmë më kryeministër.
Unë u ftoj ju dhe shqiptarët që sot e tutje, Edi Ramën ta thërrasim me gjuhën, fjalorin, zhargonin e koordinatorit të tij, Gys Agasi, Kapoja. Në të gjithë gjuhën, edhe kur rrihte me grushta Ulsi Manjën në zyrat e tij, i thoshte se më ka urdhëruar Kapoja.
Pra, nuk janë më zyrtarë, por këta janë një bandë që nuk e ka parë ndonjëherë kjo tokë dhe e pashembullt jo vetëm në Shqipëri, por u garantoj dhe as në Europë dhe botë ndoshta”,-deklaroi Berisha./Mxh
Kreu i Grupit Parlamentar të Partisë Demokratike, Gazment Bardhi ka ndarë një qëndrim që më tepër i ngjason një sulmi ndaj Gjykatës Kushtetuese.
Përmes një postimi në rrjetet sociale, Bardhi ka reaguar pas një sqarimi të Kushteueses që përgënjeshtron deklaratat e bëra ndaj çështjes së Belinda Ballukut.
Bardhi i konsideron argumentet e dhëna nga kjo gjykatë si idiotësi kushtetuese dhe hedh akuza për standarde të dyfishta.
“I vetmi shpjegim me vlerë për publikun që duhet të japë Gjykata Kushtetuese është ky: cilat qenë arsyet dhe motivet që e çuan t’i nënshtrohej presionit të Kryeministrit në çështjen Balluku, duke treguar papërgjegjshmëri dhe mungesë të theksuar integriteti. Sqarimi i kësaj rrethane do ta çlironte Gjykatën Kushtetuese nga pengmarrja politike dhe do t’i zvogëlonte hendekun e mosbesimit tek kjo gjykatë.
Po ashtu, do të bënin mirë që të shkruanin po kaq gjatë sa sqarimi për publikun, edhe argumentet kushtetuese për pezullimin e një vendimi gjyqësor penal, me efekt individual, me kërkesë të një institucioni kushtetues, siç është Kryeministri!
Deri më sot, s’kanë dhënë asnjë argument kushtetues, përveç idiotësisë kushtetuese se lufta e sistemit të drejtësisë ndaj korrupsionit cënon interesat shtetërore më shumë se vetë korrupsioni qeveritar në një aferë 1.1 miliard euro.
Njësoj e domosdoshme për besueshmërinë e Gjykatës Kushtetuese mbetet sqarimi për dy standardet e ndjekura: se pse 1/5 e deputetëve nuk legjitimohen për të kërkuar interpretim për masat ndaj një deputeti, ndërsa Kryeministri legjitimohet për të kërkuar interpretim për masat ndaj një ministri.
Kur t’i kenë sqaruar këto, mund të bëjnë edhe një deklaratë përgënjeshtruese ndaj vetes dhe presionit të jashtëzakonshëm që Kryeministri po ushtron për këtë çështje!
Dhe, pasi t’i kenë bërë të gjitha këto, ne të tjerët, s’do të kemi nevojë të dalim dhe t’u themi shqiptarëve një të vërtetë të madhe: që, përmes pengmarrjes së disa anëtarëve të Gjykatës Kushtetuese, Edi Rama po tenton të pengojë drejtësinë dhe të marrë në mbrojtje korrupsionin qeveritar”,-shprehet Bardhi./mxh
Presidenti i SHBA Donald Trump ka zhvilluar një bisedë telefonike ditën e sotme me presidentin e Rusisë Vladimir Putin në lidhje me Ukrainën.
Trump e ka cilësuar telefonatën me Putin si një bisedë të mirë dhe pozitive.
‘Pata një telefonatë të mirë me Putinin. Kemi disa çështje të vështira, siç mund ta imagjinoni. Kemi disa gjëra për të zgjidhur’, tha Donald Trump .
Trump foli edhe për sulmin ndaj vilës së presidentit rus Vladimir Putin.
‘Kjo është një kohë shumë e ndjeshme. Kini kujdes të mos e teproni me fyerjet dhe të mos kaloni vijën. Nuk duhet të drejtohemi në sulme fizike”, shtoi Trump. Ndoshta nuk ka pasur një sulm, por Putini më tregoi për këtë’, tha ai.
Këshilltari presidencial rus Yuri Ushakov tha në një konferencë për mediat, se Vladimir Putin i tha Donald Trump se sulmi terrorist i Kievit në rezidencën shtetërore të Putinit nuk do të mbetej pa përgjigje.
Këshilltari i Kremlinit vuri në dukje se presidenti amerikan ishte i tronditur dhe i indinjuar nga sulmi i Kievit në rezidencën e udhëheqësit rus.
Sulmi me dron në rezidencën e Putinit ndodhi “praktikisht menjëherë pas” bisedimeve SHBA-Ukrainë në Mar-a-Lago, tha gjithashtu Ushakov.
Një sulm me gati 100 dronë kundër rezidencës së Putinit në rajonin e Novgorod-it është bërë nga forcat ukrainase sipas akuzave të Kremlinit.
Por kjo gjë menjëherë u mohua nga presidenca ukrainase. “Janë vetëm gënjeshtra,” tha Zelensky vetëm pas disa minutash, i vetëdijshëm se një sulm i tillë mund të tronditë negociatat në vazhdim mbi konfliktin.
Ministri i Jashtëm rus, Lavrov, deklaroi se pozita negociuese e Moskës do të rishikohet për të marrë parasysh atë që ai e quajti “kalimi përfundimtar i regjimit të Kievit drejt një politike të terrorizmit shtetëror”.
Kreu i diplomacisë ruse shtoi se “objektivat dhe afatet kohore” të një përgjigjeje ruse janë tashmë përcaktuar, duke sqaruar megjithatë se Rusia nuk ka ndërmend të tërhiqet nga procesi negociator lidhur me planin e paqes.
Shtëpia e Putinit, kundër së cilës Ukraina thuhet se ka shkaktuar sulmin, është një rezidencë luksoze mbi liqenin Valdai, afër fshatit Dolgiye Borody, në një park kombëtar.
Ai ka vila të ndryshme nëpër Rusi, duke filluar nga ajo në Novo-Ogaryovo, në periferi të Moskës, e cila ishte objekt sulmi ukrainas në vitin 2023. Por ajo ishte në një fazë tjetër të luftës./La Repubblica
“Provojmë për tu loguar dhe akoma nuk ka ardhur një kod. Kemi rreth 10-15 minuta që tentojmë dhe e pamundur”, është shprehur Etleva Treska.
Nga regjistrim i shoqërive të reja në QKB, funksionimi i pjesshëm ose mosfunksionimi fare i sistemit selfcare si dhe një sër sistemesh ndërlidhëse përmes Agjencisë Kombëtare të Shoqërisë së Informacionit janë këto problemet më të hasura për bizneset të cilat prej ditësh në këto ditë fundviti kanë mbetur me punët pezull. Edhe qytetarët hasin vështirësi në dokumentacione teksa çdo gjë duhet të kryhet online.
“Duhet ta shikojmë në dy këndvështrime ajo përdoret kryesisht dhe nga individët. Dhe aplikimi i emigrantëve për rinovim dokumentesh është i pamundur. Me bizneset ka shumë probleme. Sapo e kisha një klient nuk u loguam dot. Siç e shikojmë faqja s’po reagon fare. Dhe nisur nga kjo më duhet të bëj mbylljen e vitit deri në 31. Bizneset në momentin që hyn janari duhet të paguajë taks bashkie, të bëj deklarimet në tatime për vitin dhe e ngarkon bizneset pa të drejtë. Jemi gjithë ditën duke punuar dhe s’kemi asnjë rezultat për punën tonë”, tha Treska.
Jo vetëm kontabilistët, ky problem prek edhe profesione të tjera, si ekonomistët, noterët, juristët, avokatet etj.
“Edhe ne si avokat ngremë shqetësimin në lidhje me e-Albania. Konkretisht unë kam pasur kontakte me biznese të huaja dhe një rast të fundit kam pamundur ta regjistroj. 4-5 ditët e fundit e pamundur të logohemi apo kryejmë procedura”, është shprehur avokati Franc Nuri.
Përballë një situate të tillë kolapsi bizneset kërkojnë të merren masa. Por zgjidhja e vetme që arrijnë të marrin është kjo në e-Albania.
“Drejtoria e Përgjithshme e Gjendjes Civile do të realizojë operacione mirëmbajtjeje dhe përmirësimi të sistemit elektronik të saj.
Ju informojmë se gjatë këtyre proceseve mund të ketë ndërprerje të përkohshme apo ngadalësime në marrjen e të dhënave përmes ndërveprimit me Regjistrin Kombëtar të Gjendjes Civile. Kërkojmë mirëkuptimin tuaj për çdo vështirësi të mundshme që mund të haset në përdorimin e shërbimeve publike online” thuhet në deklaratën e e-Albania.
Profesionistët e lirë paralajmërojë protesta nëse portali qeveritar e-Albania nuk bëhet funksional para vitit 2026.
“Nuk kam gjetur zgjidhje dhe që kam shkuar në zyrat fizike të QKB. Ajo që duhet bërë duhet të ketë alternativë”, tregon Treska. TCH
Grupi parlamentar i Partisë Demokratike bëri sërish thirrjen e mbledhjes së Këshillit për Rregulloren, Mandatet dhe Imunitetin, për zv.kryeministren Belinda Balluku, situatë që solli edhe një përgjigje nga Kuvendi.
Në përgjigje Kuvendi ka refuzuar kërkesën e demokratëve, duke arsyetuar përse kanë marrë këtë vendim.
“Në përgjigje të kërkesës suaj për thirrjen e mbledhjes së Këshillit për Rregulloren, Mandatet dhe Imunitetin, ju bëj me dije sa vijon: Mbledhja e Këshillit për Rregulloren, Mandatet dhe Imunitetin për shqyrtimin e kërkesës së Prokurorisë së Posaçme për dhënien e autorizimit nga Kuvendi për arrestimin/heqjen e lirisë së deputetit/zëvendëskryeministrit është thirrur dhe është zhvilluar në datën 19 dhjetor 2025, në përputhje me nenin 13 të Rregullores së Kuvendit.
Me thirrjen dhe zhvillimin e kësaj mbledhjeje, kompetenca proceduriale për thirrjen e Këshillit lidhur me këtë çështje është ezauruar, pasi çështja është vendosur në rend dite dhe është hapur për shqyrtim që nga data 19.12.2025. Sipas nenit 13, pika 6, të Rregullores së Kuvendit, caktimi i rendit të ditës, së mbledhjes, përbën kompetencë të Kryetarit të Kuvendit dhe ushtrohet në funksion të ecurisë proceduriale të çështjes së hapur.
Për sa kohë mbledhja e datës 19 dhjetor 2025 është shtyrë për arsye proceduriale dhe shqyrtimi i çështjes vijon të jetë i hapur, nuk ekziston bazë proceduriale për thirrjen e një mbledhjeje tjetër me rend dite të paracaktuar, sipas kërkesës së paraqitur. Në mbledhjen e Këshillit të datës 19 dhjetor 2025, gjatë shqyrtimit të çështjes në fjalë, u konstatua
mungesa e një dakordësie ndërmjet anëtarëve të Këshillit lidhur me afatin kohor që duhej t’i lihej palës mbrojtëse për ushtrimin efektiv të së drejtës për njohje me aktet dhe provat e paraqitura nga Prokuroria e Posaçme.
Përfaqësuesi ligjor i znj. Belinda Balluku, duke iu referuar ligjit, kërkoi 3 javë kohë për t’u përgatitur për mbrojtjen ligjore në kuadrin e garantimit të një procesi të rregullt ligjor, diskutimet u përqendruan në përcaktimin e një date për zhvillimin e mbledhjes pasuese të Këshillit, me qëllim dëgjimin e palëve.
Deputetët e opozitës kërkuan një afat prej 3 ditësh, ndërsa deputetët e mazhorancës e lidhën kërkesën e tyre me
– shqyrtimin e çështjes nga Gjykata Kushtetuese dhe
– të drejtën e deputetes znj. Belinda Balluku për të marrë kohën e kërkuar nëpërmjet përfaqësuesit
ligjor z. Ardian Kalia.
Në këto kushte, dhe në respekt të nenit 42 të Kushtetutës së Republikës së Shqipërisë, si dhe të parimit të procesit të rregullt ligjor, Kryetari i Kuvendit njoftoi shtyrjen e mbledhjes, pa përcaktuar një datë të menjëhershme tjetër.
Po ashtu, sipas nenit 118 të Rregullores së Kuvendit, shqyrtimi i kërkesave të Prokurorisë për dhënien e autorizimit nga Kuvendi për arrestimin ose heqjen e lirisë së një deputeti zhvillohet mbi bazën e një procedure që garanton të drejtën e mbrojtjes dhe një shqyrtim të plotë të dokumentacionit përkatës. Për sa kohë ky proces nuk është përmbyllur dhe palët nuk janë pajisur realisht me kohën e nevojshme për ushtrimin e kësaj të drejte, nuk plotësohen kushtet procedurale
për caktimin e një date të re mbledhjeje.
Gjithashtu Kuvendi i Republikës së Shqipërisë, si përfaqësues i sovranitetit të popullit, ka detyrimin kushtetues të garantojë zbatimin e Kushtetutës dhe të ligjit, veçanërisht në rastet kur Gjykatës Kushtetuese i është kërkuar shprehimisht të japë një vendim mbi një çështje që lidhet drejtpërdrejt me shqyrtimin parlamentar, si në rastin konkret.
Në këto rrethana, kërkesa për thirrjen e mbledhjes së Këshillit, nuk pranohet. Mbledhja e radhës e Këshillit për Rregulloren, Mandatet dhe Imunitetin do të thirret në momentin kur të jenë përmbushur plotësisht kushtet procedurale të parashikuara në Rregulloren e Kuvendit”, thuhet në njoftimin e plotë.
gijotina.com/
Nga Arsim Sinani/ Albin Kurti përfaqëson sot një rast të veçantë në politikën shqiptare, jo vetëm në Kosovë, por në të gjithë hapësirën politike shqiptare. Ai nuk është thjeshtë një lider qeveritar, por një sfidë strukturore ndaj mënyrës se si është ndërtuar dhe funksionon politika shqiptare në Prishtinë, Tiranë dhe Shkup.
Përmes përkushtimit parimor, qartësisë politike, këmbënguljes institucionale dhe refuzimit të kompromisit si normë pushteti, Kurti ka ndërtuar një model që thyen konsensuset e vjetra politike shqiptare.
Së pari, përkushtimi politik i Albin Kurtit nuk është elektoral apo taktik, por ideor, ku qytetari e Republika janë në qendër. Ai e ka ndërtuar legjitimitetin e tij mbi vazhdimësinë e ideve të Ukshin Hotit, Adem Demaçit, e jo mbi elasticitetin që e ofron pushteti. Në një hapësirë politike ku kompromisi shpesh paraqitet si mençuri, Kurti ka zgjedhur përballjen me strukturat e vjetra të pushtetit shqiptar duke i sfiduar. Ky qëndrim e ka trazuar drejtpërdrejt organizimin tradicional politik mes shqiptarëve, të ndërtuar mbi marrëveshje informale, pazare politike dhe ruajtje statusesh.
Së dyti, qartësia politike është një element themelor i veprimit të tij. Kurti nuk ka përdorur gjuhë të dyfishtë dhe nuk ka ndarë diskursin sipas audiencës. Qëndrimet e tij mbi sovranitetin, rendin kushtetues, dialogun me Serbinë dhe funksionimin e shtetit kanë qenë të qëndrueshme në kohë. Kjo qartësi ka ekspozuar kontrastin me politikën në Tiranë dhe Shkup, ku shqiptarët institucionalë shpesh artikulojnë pozicione të paqarta, të kushtëzuara nga frika e prishjes së ekuilibrave politikë, ose nga pritjet e pafundme të faktorëve të jashtëm.
Së treti, këmbëngulja institucionale, veçanërisht në rastin e Mitrovicës, përfaqëson një ndryshim paradigme. Për vite me radhë, veriu i Kosovës është trajtuar si zonë kompromisi, si hapësirë e negociueshme dhe jo si pjesë integrale e rendit kushtetues. Edhe te rasti i rrugës Prizren-Tetovë e theu Sërbinë dhe e afroi Maqedoninë V me Europën.
Kurti e sfidoi këtë logjikë duke vepruar mbi bazë ligjore dhe institucionale, duke refuzuar kompromiset politike që do ta relativizonin sovranitetin e shtetit. Ky veprim sfidoi njëkohësisht strukturat paralele serbe, hezitimin e elitave shqiptare dhe qasjen ndërkombëtare të mësuar me status quo-në.
Në raport me faktorët ndërkombëtarë, Kurti vendosi një model të pazakontë për politikën shqiptare: bashkëpunim pa nënshtrim. Ai nuk e mohoi orientimin euroatlantik të Kosovës, por refuzoi që ky orientim të përdorej si instrument presioni për zbehjen e funksionimit të shtetit. Ky raport i barabartë e nxori në pah një problem të vjetër në politikën shqiptare në rajon: prirjen për ta përdorur faktorin ndërkombëtar si justifikim për mungesë vendimmarrjeje dhe përgjegjësie politike. Dhe fitorja nuk mungoi, sot Kosova është e mbrojtur nga SHBA me dokument të nënshkruar nga Trump dhe Europa e sheh si partner, pa kufizime.
Një element thelbësor i kësaj analize është fakti se Albin Kurti sfidoi edhe idenë e unitetit politik shqiptar si vlerë absolute. Ai dëshmoi se uniteti i ndërtuar mbi minimumin e përbashkët dhe kompromiset pa parime prodhon stagnim politik. Në vend të kësaj, Kurti e vendosi konfliktin politik në nivel parimesh dhe vizionesh, duke dëshmuar se pluralizmi politik i bazuar në ide është më i shëndetshëm sesa konsensusi artificial i elitave.
Në këtë kontekst, teza se Albin Kurtin mund ta mposhtë vetëm Albin Kurti merr kuptim analitik. Kundërshtarët e tij nuk e sfidojnë dot projektin politik, por presin devijimin e tij nga parimet që i ka ndërtuar. Rreziku kryesor për të nuk vjen nga jashtë, por nga brenda: nga lodhja politike, nga kompromisi i panevojshëm, nga humbja e qartësisë ideore, nga njerëzit rreth tij që bëjnë makiavelizëm dhe ia tjetërsojnë idenë e doktrinën.
Në përfundim, Albin Kurti nuk është vetëm një figurë politike, por një test për politikën shqiptare në tërësi. Ajo që Tirana dhe Shkupi mund të mësojnë prej tij nuk është imitimi i stilit personal të udhëheqjes, por guximi për të ndërtuar politikë mbi parime, për të sfiduar organizimin ekzistues pa frikë nga përplasja dhe për të besuar në Republikën si projekt real shtetëror, e jo si retorikë politike.
Kurti në Prishtinë e pensionoi kastën politike, tash është koha të tregoj talentin e tij për të zgjedhur më të mirët, për ta ecur anijen drejt një shqiptarie siç e duam të gjithë.
Para pak ditësh, mediat turke raportuan se qeveria turke i ka dhuruar asaj shqiptare një avion me vlerë 11.9 milionë dollarë. Kjo dhuratë e Erdogan për Edi Ramën është komentuar gjerësisht në mediat e këtij vendi. Ndërkohë ka pasur raportime se avioni ishte në pronësi të Turkish Airlines. Kjo e fundit i ka mohuar këto zëra.
Turkish Airlines (THY) ka deklaruar se lajmet e publikuara në media, sipas të cilave një avion nga flota e saj do t’i dhurohet Republikës së Shqipërisë, nuk janë të vërteta.
Në deklaratën e publikuar në Platformën e Informimit Publik (KAP), kompania thekson se avioni në fjalë nuk ka qenë asnjëherë në pronësi të THY, por është përdorur vetëm në kuadër të nevojave operacionale.
Në njoftim vihet në dukje se THY vepron në përputhje maksimale me Parimet e Qeverisjes Korporative, në përputhje me Ligjin e Tregut të Kapitalit dhe legjislacionin në fuqi, dhe se të gjitha transaksionet që lidhen me asetet materiale afatgjata ndahen në mënyrë transparente me investitorët.
Deklarata e THY-së botuar nga Hyrriet:
“Lajmet e publikuara në disa organe mediatike lidhur me vendimin e shoqërisë sonë për t’i dhuruar Republikës së Shqipërisë një avion, që ndodhet në flotën tonë, nuk pasqyrojnë të vërtetën. Avioni në fjalë nuk ka qenë kurrë në pronësi të shoqërisë sonë dhe është përdorur vetëm për qëllime operacionale.
Shoqëria jonë vepron me përputhje maksimale ndaj Parimeve të Qeverisjes Korporative, në kuadër të Ligjit të Tregut të Kapitalit dhe legjislacionit në fuqi, dhe ndan në mënyrë transparente me investitorët tanë të gjitha transaksionet që lidhen me asetet materiale afatgjata.” /Hurriyet
gijotina.com/
Kreu i Partisë Demokratike, Sali Berisha deklaroi se opozita nuk do të largohet nga sheshi pa shporrur Edi Ramën dhe kabinetin e tij të zhytur në kurrupsion. Gjatë fjalës së tij në fjalën ‘Foltoren’ para kryeminsitrisë, Kryedemokrati u shpreh se Ergys Agasi ka rrahur me grushte në zyrë Ulsi Manjën, kur ky i fundit ishte ministër i Drejtësisë, sepse e kishte porosi nga kapoja, Edi Rama. Lideri i opozitës tha ndër të tjera se fton shqiptarët që sot e tutje, Edi Ramën ta thërrasin me gjuhën, fjalorin, zhargonin e koordinatorit të tij, Gys Agasi, Kapoja.
“Mirëmbrëma dhe përshëndetjet më të përzemërta, nderimin më të madh për ju, misionare dhe misionarë të pamposhtur që qëndroni në lartësinë e idealeve tuaja. Idealeve më fisnike të njeriut. Idealeve të lirisë.
Qëndroni dhe do qëndrojmë në këtë shesh, Sheshin e Lirisë, gjersa nga ajo ndërtesë të shporrim binomin që ka vjedhur dhe ka përçmuar më shumë shqiptarët në tërë historinë tonë kombëtare, Edi Ramën dhe Lubi Ballukun.
Të dashur miq, një vajzë para meje, para jush, ftoi këtu që Edi Ramën të mos e quajmë më kryeministër.
Unë u ftoj ju dhe shqiptarët që sot e tutje, Edi Ramën ta thërrasim me gjuhën, fjalorin, zhargonin e koordinatorit të tij, Gys Agasi, Kapoja. Në të gjithë gjuhën, edhe kur rrihte me grushta Ulsi Manjën në zyrat e tij, i thoshte se më ka urdhëruar Kapoja. Pra, nuk janë më zyrtarë, por këta janë një bandë që nuk e ka parë ndonjëherë kjo tokë dhe e pashembullt jo vetëm në Shqipëri, por u garantoj dhe as në Europë dhe botë ndoshta,” tha Berisha.
Duke ardhur këtu tek ju po lexoja fatin e pengut të dytë. Fati i pengut të dytë të Ergys Agasit dhe ndërmarrjes së Edi Ramës dhe kunatit të tij, Daniel Shimës. E rrëmbyen vetëm një javë pas rrëmbimit të Gerond Meçes dhe siç mund ta keni ndjekur, në daljet para shtypit, në rrjetet sociale, kam ngritur zërin disa herë për këtë njeri që e mbajtën në bodrumet e Suel Çelës, i thyen kocka dhe çdo gjë dhe e sollën pothuajse të vdekur në shtëpinë e tij, ish-nëndrejtori i përgjithshëm i kopshtit privat të Edi Ramës, AKSHI-t.
Asnjë zë nuk dilte, asnjë fjalë, asnjë fjali. Dhe ky ishte rrëmbyer një javë pas Gerondit. Gerondi pati mençurinë dhe u dorëzua tek autoritetet gjermane, të cilat natyrisht bënë atë që u takonte dhe ne ua dimë shumë për nder.
Ky tjetri që nuk u dorëzua tek autoritetet gjermane, por u dorëzua tek autoritetet shqiptare, a e dini se çfarë ka ndodhur? Altin Troplini e ka përcjellë dosjen e tij tek prokuroria e Tiranës, packa se ishte një akt makabër, një krim, një rrëmbim nga katër persona, e ndjekur trajektorja gjer tek tuneli i Qafë Kërrabës, edhe më tutje.
Natyrisht, prokuroria e Tiranës bëri atë që i thanë, firmosi moshapjen e hetimeve për personin.
Shikoni pra ku jetojmë. Dhe ai nuk figuron në dosje fare sepse ai donte më shumë se çdo gjë, më shumë se Gerondi. Ai ishte nëndrejtor i AKSHI-t dhe kishte të memorizuar të gjitha abuzimet e qindra milionë eurove nga familja më mafioze e Ballkanit dhe ndoshta e Europës, familja Rama. Po.
Miq, Artiola theksoi këtu se një shoqe i tha se unë do bashkohem me PD pasi pashë se çfarë u zhvillua në zgjedhje.
Unë e përshëndes atë dhe e falënderoj me mirënjohje. Nuk ka asgjë më thelbësore për një komb se sa zgjedhjet dhe vota e lirë. Shikoni Kosovën, krenari për çdo shqiptar është Kosova. Krenari e madhe, por edhe shpresë. Një shtet që shpall pavarësinë pak vite më parë. Një shtet ku shqiptarët njëlloj si në Shqipëri janë shumicë.
Por një shtet që ecën me hapa gjigante drejt BE. Një shtet që studiuesit kanë gjetur se është vetëm 16 vite larg qeverisjes së standardeve evropiane, kundrejt Shqipërisë 62 vite larg këtyre standardeve. Kosova zhvillon zgjedhje. Kosova çdo krizë e zgjidh në përputhje me ligjin. Kryeministri i Kosovës nuk mban koordinator krimi, por ata, pavarësisht nga etnia, i nxjerr para ligjit.
Nuk mbjell kanabis, përkundrazi i ndihmon fermerët të mbjellin grurë. Kryeministri i Kosovës nuk ka sipërmarrje kopsht si Edi Rama, përkundrazi qeveria atje lufton fort për veprimtarinë më transparente, ndaj edhe zhvillon dy palë zgjedhje brenda një viti, zgjidh çdo krizë, çdo problem në mënyrën më demokratike.
Miq, ne mbyllim sot protestën tonë për të filluar vitin po me protesta. Kudo që shkoj gjej një vendosmëri absolute për t’u ndarë me këtë të keqe sa më shpejt. Shqiptarët presin me padurim largimin e kësaj bande nga pushteti.
Iu garantoj ju se opozita është sot më e fuqishme se kurrë. Është sot më e vendosur se kurrë të përmbushë misionin e saj. Askush nuk duhet të harrojë se forca e idealeve është më e madhe se e të gjitha armëve.
Se ata që qëndrojnë për ideale janë të pamposhtur dhe fitojnë. Se këtij regjimi, çdo ditë dhe çdo orë që kalon, ky regjim është në shkërmoqje, është në kalbëzim dhe në rënie.
T’i përshëndesim bashkërisht qytetarët e Vlorës. 5 ditë pa ujë, duke ndjekur atë ngjarje, në videot e shumta që qarkullojnë, rikthyen kur vetëm pak muaj më parë drejtori i ujësjellësit i thotë gazetarit se këta rrinë tre ditë pa ujë dhe një telefon nuk e bën njeri për të shprehur shqetësimin. Në fakt drejtori tha një të vërtetë, nuk gënjeu.
Por ja që kohërat ndryshojnë. Ja që dje, qytetarët e Vlorës ua zunë kafshatën e galasë në fyt dhe i zunë hajdutët nga salla ku festonin. Ja që sot përsëri të rinjtë e Vlorës, qytetarët e Vlorës mbushën sheshin dhe bënë përgjegjëse Edi Ramën dhe qeverinë për situatën e tyre dramatike.
Por si Vlora probleme të tilla ka gjithë Shqipëria. Ndëshkime qeveritare ka gjithë Shqipëria. Imagjinoni pak, banorët më të varfër të Shqipërisë, banorët e Hasit, Tropojës, Kukësit, për të ardhur në kryeqytetin e tyre duhet të paguajnë 20 përqind të pensionit. Duhet të paguajnë taksën në Kalimash, taksën në Thumanë. Në mënyrën më brutale, më të padrejtë. Mendoni pak banorët e Elbasanit. U shpua mali i Kërrabës, ndërkohë Elbasani është më afër se Kombinati, një lagje e Tiranës.
Por jo, sepse bajpasi, mungesa e tij, u ka rikthyer atyre atë kohë që u merrte qafa e Kërrabës. Po pse? Sepse paratë vidhen dhe vetëm vidhen. Sepse Greqia jo para 4 vitesh, jo para 3 vitesh apo 10 vitesh, po këtë vit ka prokuruar autostradën Janinë-Kakavijë, 6 korsi të standardeve evropiane, 4 milionë euro kilometri, kundrejt 17, 22 milionë euro kilometri, rrugët e florinjta të Edi Ramës dhe Lubisë.
gijotina.com/
Login