Kreu i Partisë së Lirisë, Ilir Meta ka reaguar nga qelia në lidhje me protestën e opozitës së sotme (24 janar), ku pati edhe tensione mes protestuesve dhe efektivë të policisë.

Me anë të një postimi në Facebook, Ilir Meta thekson se protestuesit treguan se populli është shumicë përballë një “pakice narko-mafioze” dhe bëri thirrje për përgjegjësi ndaj forcave të rendit.

“Mirënjohje nga zemra mijëra qytetarëve të lirë, të ndershëm dhe patriotë, që tronditën sot nga themelet Narkoshtetin e Ramaduros duke rikthyer shpresën për Lirinë e shpejtë të Shqipërisë!

Shqiptarët dhanë sot një mesazh të qartë force, demokracie dhe vendosmërie për të mbrojtur me çdo çmim lirinë, dinjitetin dhe Atdheun tonë.

Protesta madhështore tregoi në shesh se populli është shumicë absolute përballë një pakice narko-mafioze, që i vjedh dhe ju ka grabitur të ardhmen e tyre”, shkruan Meta.

Meta paralajmëroi se “kjo Narkopolici shumë shpejt do të japë llogari deri më një dhe një për një për terrorin kriminal ndaj protestuesve.”

“U bëj thirrje narko-policëve, shërbëtorë të përulur të kriminelëve, që të ndalin urgjentisht rrëmbimet mafioze dhe dhunën ndaj protestuesve paqësorë, dhunë që nuk ka kursyer edhe gazetarët e mediave shqiptare.  Kjo Narkopolici shumë shpejt do të japë llogari deri më një dhe një për një për terrorin kriminal ndaj protestuesve. Përballje pa kthim!Ky regjim i kalbur ka mbaruar dhe i ka ditët e numëruara! FITORE!”, shkruan Ilir Meta.

Një person ka mbetur i plagosur me thikë mbrëmjen e së shtunës në Vlorë.

Ngjarja ka ndodhur në bulevardin kryesor të qytetit.

I plagosuri është transportuar menjëherë drejt spitalit për të marrë ndihmë mjekësore, ndërsa ndodhet jashtë rrezikut për jetën.

Ende nuk dihen rrethanat e ngjarjes, ndërsa policia po punon për zbardhjen e saj.

Si pasojë e sulmeve me molotov dhe sende të forta para Kryeministrisë dhe sulmeve para Parlamentit, janë dëmtuar dhe po marrin ndihmë mjekësore 11 punonjës policie.

Ndërkohë, grupet hetimore po vijojnë punën për dokumentimin ligjor të veprimeve të dhunshme të protestuesve ndaj punonjësve të Policisë.

Shërbimet e Policisë kanë identifikuar personat që sulmuan Policinë dhe vijon puna për shoqërimin e tyre.

Kreu i PD në një deklaratë në selinë blu ka bërë një thirrke për policinë të mos bëhen “shërbëtorë dhe ushtarë të kryeministrit”.

Ai shtoi se protestuesit do të përleshen me Ramën, e jo vetëm me policinë, ndërsa ka bërë thirrje për lirimin e 25 personave të shoqëruar.

Sali Berisha: E garantoj që protestuesit do të përleshen me Edi Ramën, mos ndërse policinë kundër protestuesve, i bëj thirrje policëve mos u bëni ushtarë shërbëtorë të një njeriu që nuk ka ligje dhe as moral, mos u bëni shërbëtorë të një njeriu që çdo tullë të shtëpisë së tij e ka të vjedhur.
Me këtë betejë, do të jetë kilometri ynë i fundit, kërkoj lirimin e menjëhershëm të 25 protestuesve paqësorë që në absolute me gjithë dokumentacionin nuk kanë kryer asnjë akt dhe janë marrë aty vetëm si akt urrejtje vetëm me urdhër të Edi Ramës.

Pesë efektivë policie kanë mbetur të lënduar nga hedhja e molotovëve drejt godinës së kryeministrisë gjatë protestës kombëtare të opozitës.

Forcat e rendit hodhën gaz lotsjellës pasi protestuesit lëshuan molotov dhe fishekzjarre drejt Kryeministrisë, sapo kryetari i PD Sali Berisha përfundoi fjalën e tij.

Opozita protestoi sot duke kërkuar dorëheqjen e kryeministrit Edi Rama dhe zëvendëses së tij, Belinda Balluku pas skandaleve të kësaj të fundit dhe vënien nën akuzë nga SPAK.

Situata para Parlamentit u tensionua, kur deputeti i Partisë Demokratike, Luçiano Boçi u përplas me forcat e rendit.

Policia ka hedhur gaz lotësjellës si para kryeministrise ashtu edhe para Parlamentit për të shpërndarë protestuesit.

Pas Kryeministrisë, protestuesit marshuan në këmbë drejt Kuvendit ku edhe pati përplasje mes policisë dhe mbështetësve të opozitës.

Menjëherë pas përfundimit të fjalimit të Sali Berishës, në drejtim të kryeministrisë u hodhën bomba molotov, ndërsa policia shpërndau turmën me ujë dhe gaz lotsjellës.

Ndërkohë një incident është shoqëruar mes deputetit të PD, Besat Xhaferri dhe forcave të rendit, ku raportohet se janë shoqëruar tre të rinj.

Në video dëgjohet që deputeti Xhaferri i thotë efektivëve të policisë që të “mos i prekë çunat”.

“Mos i prek çunat, o plehra. Mos më preku mua. Ca të qetësohem o plehra, jeni cuna të rinj, por jeni plehra. Këta ta dini. Plehra”, dëgjohet të thotë deputeti i PD, Besart Xhaferri.

Menjëherë pas përfundimit të fjalimit të kreut të Partisë Demokratike, Sali Berisha, situata para Kryeministrisë u tensionua, teksa një grup protestuesish hodhën bomba molotov në drejtim të godinës së Kryeministrisë.

Veprimi u krye në shenjë revolte ndaj qeverisë dhe kryeministrit Edi Rama, duke shkaktuar reagim të menjëhershëm nga forcat e rendit.

Ndërkohë forcat e rendit ndërmorën veprime për të rivendosur kontrollin në zonën përreth Kryeministrisë dhe bulevardit “Dëshmorët e Kombit”.
 

Policia përdori ujë dhe gaz lotsjellës për të shpërndarë protestuesit para kryeministrisë.

Si pasojë e ndërhyrjes, protestuesit u shpërndanë, ndërsa u njoftua qe të gjithë të pranishmit të drejtohen Parlamentit.

Pas hedhjes së molotovëve, policia hedh gazlotësjellës dhe ujë në drejtim të protestuesve.

Pas përfundimit të fjalimeve, protestuesit hodhën molotovë në drejtim të kordonit të policisë.

Gjatë fjalës së mbajtur në protestën e opozitës para Kryeministrisë, kreu i Partisë Demokratike, Sali Berisha, hodhi akuza ndaj kryeministrit Edi Rama, duke e akuzuar për bllokim të drejtësisë dhe korrupsion në shkallë të gjerë.

Berisha deklaroi se, sipas tij, Rama ka penguar funksionimin e drejtësisë për të mbrojtur veten dhe familjarët. “Rama ka bllokuar drejtësinë për të mbrojtur veten dhe familjarët e tij pasi ka vjedhur miliarda,” u shpreh ai, ndërsa shtoi se largimi i kryeministrit nuk do të vijë vullnetarisht.

“Kryehajduti i shqiptarëve nuk ikën, por përmbyset nga zemërimi dhe revolta juaj,” tha Berisha duke iu drejtuar protestuesve.

“Rama ka bllokuar drejtësinë për të mbrojtur vetën dhe familjarët e tij pasi ka vjedhur miliarda.

Kryehajduti i shqiptareve nuk ikën, por ai përmbyset nga zemërimi dhe revolta juaj.

Një javë të tërë Rama krekosej me një ftesë formale që Trump u kishte bërë vendeve partnere për Bordin e Paqes, e patë si Rama e përdori atë ftesë për të shitur veten sikur ishte themeluesi. Po cfarë ndodhi? Ndodhi që në mbledhjen themeluese, Ramën nuk e pranonte sallën. Rama gjendje në parlament duke bërë avokatin e Lubisë, duke ulëritur dhe duke sharë si ordiner opozitën.

Koha ka ndryshuar, stina është e jona.

Ne sot nuk jemi më një parti, nuk jemi as për një individ, nuk jemi këtu për asgjë tjetër, por jemi për ndërgjegjen tonë, për idealet tona”, tha Berisha.

Gjatë protestës së opozitës të zhvilluar para Kryeministrisë, protestuesit ndezën blicat e telefonave, duke krijuar një pamje simbolike në shesh.

Ky veprim u shoqërua me thirrje dhe slogane kundër qeverisë. Pamjet nga protesta tregojnë sheshin të ndriçuar nga qindra drita telefonash.

Opozita ka paralajmëruar vijimin e aksioneve të saj në ditët në vijim.

Kreu i Partisë Demokratike, Sali Berisha, mbajti një fjalim gjatë protestës së zhvilluar sot para Kryeministrisë, ku u shpreh se opozita ndodhet, sipas tij, në fazën përfundimtare të përballjes me qeverinë.

Berisha deklaroi se beteja politike e opozitës ka qenë e gjatë dhe e vështirë, por e domosdoshme për mbrojtjen e pluralizmit. “Sot ne jemi në kilometrin e fundit. Me ndihmën e Zotit asgjë nuk do të na ndalë drejt fitores tonë. Sot jemi para triumfit të madh,” u shpreh ai para protestuesve.

“Sot ne jemi në kilometrin e fundit. Me ndihmën e zotit asgjë nuk do të na ndale drejt fitores tonë. Sot jemi para triumfit të madh. Shumë kujt triumfi mund ti duket ende larg, kur sheh udhëkryqin ku ndodhet Shqipëria. Opozita që kemi bërë së bashku vitet e fundit ka qenë maratonë, jo e lehtë, thuaj një karvan maratonë, presione dhe izolime ndaj nesh, por edhe një qëndresë stoike, sakrifica të dhimbshme nga ne. Projekti i Shqipërisë pa opozitë ishte trupi i tyre, që ne të gatshëm për cdo çmim kurrë nuk do ta pranonim”, tha Sali Berisha.

Ish deputeti i Partisë Demokratike, Ervin Salianji ka qenë sot i pranishëm në protestën e opozitës para kryeministrisë.

Demokrati është i shoqëruar nga disa mbështetës të tij. Pranë Salianjit qëndrojnë Orest Berberi, Arbër Kola, Valbona Mëhilli dhe Ilir Vrenozi, por edhe persona të tjerë që mbështesin kauzën e tij.

Prej disa muajsh mes Ervin Salianjit dhe Sali Berishës ka një krisje të marrëdhënieve të tyre.

Salianji organizon herë pas here takime me demokratët, ku kritikon lidershipin e PD. Kreu i PD, Sali Berisha thotë se Salianji është vetëpërjashtuar nga partia

Nënkryetari i Partisë Demokratike, Luçiano Boçi theksoi se Shqipëria nuk mund ta lejojë më që të qeveriset nga Edi Rama, që e ka kthyer shtetin në një pronë private.

“Në jemi këtu sepse ne vlerësojmë jetën, na ka thirrur dashuria e familjes dhe adhurimi për zotin e kombin. Ne jemi këtu se na ka thirrur dinjiteti ynë, rezistenca, shpirti dhe zemra opozitare dhe ndërgjegja qytetare. Jemi këtu nga guximi dhe detyra jonë ër të luftuar deri në fund. Sepse Shqipëria jonë nuk e duron më faktin që të drejtohet nga një njeri që e ka kthyer shtetin në pronë private dhe të bandave të krimit, në klub të mbyllur qejfi e ahengu dhe që tallet cdo ditë me fatet e shqiptarëve.

Kjo ndërtesa që keni në krah nuk është kryeministria, por kuplaraja e pushtetit. Duhet ta shembim këtë pushtet, nuk është vendi i qeverisë, por i hajnisë, qenërisë që kafshon paratë dhe pasuritë e shqiptarëve. Këtu vjedhja ka emër e shifra, inceneratorët 430 mln, koncesionet 500 mln dhe marrin rrugën e rrugëve, tuneleve, unazave dhe aeroporteve vërtiten miliarda. Ka emër, fillon me Beqaj, Bllakon, vazhdon me Veliaj e Benetin dhe Ballukun, Agasin e Tërmetin. Nuk mbaron as me AKSHI as dhe Smart City.”, tha ai.

Opozita zhvillon sot një protestë para godinës së Kryeministrisë, ku qindra qytetarë u mblodhën për të kundërshtuar politikat e qeverisë.

Kreu i Partisë Demokratike, Sali Berisha, doli nga selia e PD-së dhe iu bashkua protestuesve në bulevardin “Dëshmorët e Kombit”.

Berisha shoqërohej nga kryetari i Grupit Parlamentar të PD, Gazment Bardhi, sekretari i Përgjithshëm i PD, Flamur Noka dhe nënkryetari Agron Gjekmarkaj.

Partia Demokratike zhvillon këtë të shtunë një protestë kombëtare para Kryeministrisë, për të kërkuar dorëheqjen e kryeministrit Edi Rama dhe zëvendëskryeministres, njëherazi ministre e Infrastrukturës dhe Energjisë, Belinda Balluku. Kjo e fundit u pezullua nga ushtrimi i funksioneve me vendim të GJKKO, por Gjykata Kushtetuese e riktheu përkohësisht në detyrë, deri në gjykimin në themel të ankimit të bërë nga kryeministri Edi Rama.

Protesta u thirr nga opozita si reagim ndaj skandaleve të Ballukut, pasi u mor e pandehur nga SPAK për korrupsion dhe abuzim me tenderat. Gjithashtu, SPAK kërkoi heqjen e imunitetit me qëllim arrestimin e Ballukut, por socialistët e shtyn vendimmarrjen e Këshillit të Mandateve për në datën 28 Janar.

Opozita ka paralajmëruar se protestat para Kryeministrisë do të jenë të qëndrueshme dhe vazhdim i një serie aksionesh politike, deri në largimin e Qeverisë dhe të kryeministrit Edi Rama.

Nga ana tjetër, policia ka marrë masa të rrepta duke zbritur në terren 1350 efektivë për mbarëvajtjen e tubimit.

Mbeten vetëm pak minuta nga nisja e protestës kombëtare të PD.

Është vendosur tashmë kordoni policor para Kryeministrisë, të organizuar në vetëm një rresht me efektivë.

Për protestën e sotme janë të mobilizuar 1350 efektivë.

Opozita proteston duke kërkuar dorëheqjen e kryeministrit Edi Rama dhe zëvendës kryeministres Belinda Balluku.

Përfshihet nga flakët një banesë në zonën e Astirit.

Mësohet se apartamenti ndodhej në katin e gjashtë të një pallati, ndërsa nuk raportohet për persona të lënduar.

Flakët janë vënë nën kontroll ndërsa shkak i zjarrit dyshohet se është një pajisje elektrike që është harruar ndezur.

Partia Demokratike do të zhvillojë ditën e sotme një protestë përpara kryeministrisë që do të nisë në orën 17:00.

Protesta është thirrur me motivin për të rrëzuar qeverinë aktuale nga pushteti dhe hapjes rrugë një qeverie tranzitore dhe zgjedhjeve të lira, pasi demokratët pretendojnë për vjedhje të votave më parlamentaret e 11 majit.

Në terren janë angazhuar 1350 efektivë të Policisë së Shtetit me qëllim ruajtjen e rendit dhe të sigurisë. Ndërkohë godina e kryeministrisë është siguruar në pjesën e jashtme me veshje metalike në rast se do të krijohen trazira.

Ambasada Amerikane në Tiranë u është drejtuar qytetarëve amerikanë për të shmangur protestën, dhe të jenë të kujdesshëm. Për çdo rast, Ambasada ka vendosur në dispozicion dhe format e kontaktit në rast emergjence.

Partia Demokratike mban sot protestën kombëtare në orën 17:00 përballë Kryeministrisë.

“Nga ora 23:45, të ditës së sotme, do të bllokohet lëvizja dhe nuk do të lejohet parkimi i automjeteve deri në përfundim të tubimit në bulevardin ”Dëshmorët e Kombit”, nga vendi i quajtur “Ura e Dajtit” deri në rrugën “Ismail Qemali”.
-Nga ora 15:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali””, thuhet në njoftim.

Ndërkohë blutë u kanë bërë thirrje qytetarëve të distancohen në rast se gjenden përballë veprimeve të kundërligjshme që cënojnë rendin dhe sigurinë publike.