Armiri është banori që mbrëmë la përfundimisht shtëpinë më të famshme në Shqipëri, “Big Brother VIP 5”. Ditën e sotme ai ishte i ftuar në studion e “Shqipëria Live” ku foli per eksperiencen e tij.

Ish-banori kishte një surprizë për publikun, pasi u shfaq në ekran së bashku me vajzën e tij, Aura. E vogla u shpreh se e kishte marrë malli për babain dhe se kishte thënë ‘që të mos futej më brenda’.

Armir shtoi se e bija nuk e kishte ndjekur shumë, pasi ishte xheloze, ajo donte që ai të ishte jashtë, ose të hynte vetë ajo në shtëpinë më të famshme në Shqipëri.

Pjesë nga biseda:

Sidorela: Aura, si je?

Aura: Mirë

Sidorela: Je rehat këtu në studio?

Aura: Po

Sidorela: Pse erdhe sot me babin? Ça meraku kishe?

Armir: Ça më the të shtëpia ‘s’dua të të lë të futesh më brenda’

Aura: Nuk dua që ta lë të futet më brenda

Sidorela: Pse të mori malli?

Aura: Po

Sidorela: E ke parë babin në “Big Brother”?

Aura: Po

Sidorela: Më the që të ka parë pak

Armir: Po se ishte xheloze, donte të dilja unë ose të vinte ajo aty brenda

Sidorela: Si tu duk babi në Big?

Aura: Mirë.

The post Vajza e ish-banorit të BBV 5 shfaqet në studio: Nuk dua të futet më brenda appeared first on Albeu.com.

Aktorja franceze Brigitte Bardot është varrosur në Saint-Tropez, ku jetoi për më shumë se gjysmë shekulli pasi u tërhoq nga bota e kinemasë në kulmin e famës së saj.

Ceremonia mortore filloi me këngën “Ave Maria” nga Maria Callas në kishën e Notre-Dame-de-l’Assomption në prani të bashkëshortit të saj Bernard d’Ormale, djalit Nicolas-Jacques Charrieri, nipërve dhe mbesave dhe anëtarëve të tjerë të familjes.

Aktorja nuk kishte marrëdhënie të mira me të birin. Ajo kurrë nuk donte të bëhej nënë dhe e krahasonte shtatzëninë me një tumor. Ajo ia besoi rritjen e të birit ish-bashkëshortit të saj, Jacques Charrier, me të cilin ishte e martuar nga viti 1959 deri në vitin 1963.

Megjithatë, Nicolas-Jacques Charrier mbërriti në funeralin e saj dhe vendosi lule me mbishkrimin “Për Nënën”, i cili ishte një moment veçanërisht emocionues për të gjithë të pranishmit.

Qindra fansa të saj u mblodhën në qytetin e vogël për të ndjekur lamtumirën e saj në ekranet LED të vendosura në port dhe në sheshe.

Në funeral morën pjesë shumë figura të famshme, përfshirë themeluesen e partisë franceze të krahut të djathtë, Tubimi Kombëtar, Marine Le Pen.

Brigitte Bardot ndërroi jetë më 28 dhjetor 2025, në moshën 91 vjeç. Burri i saj, Bernard d’Ormale, tha në një intervistë me Paris Match se ajo vdiq nga kanceri. Ai tha se lufta për mbrojtjen e kafshëve ishte në mendjen e saj deri në frymën e fundit

The post Brigitte Bardot varroset në Saint-Tropez: Djali që ajo e urrente dhe e krahasonte me një tumor gjithashtu i bëri homazhe asaj appeared first on Albeu.com.

Largimi i papritur i Sasa Hodës nga shtëpia e Big Brother VIP Kosova 4 të premten ka habitur publikun.

Siç është tashmë zakon, ajo u shfaq të nesërmen në emisionin “Big Talk”, ku foli hapur për përvojën dhe vendimin e saj për t’u tërhequr nga gara.

Megjithatë, ajo që ndezi debat në rrjetet sociale nuk ishte arsyeja e largimit, por një deklaratë e bërë gjatë intervistës.

Në bisedë, Sasa e përshkroi konkurrenten Elijona si “dhelpër dinake”, duke iu referuar mënyrës së saj të lojës.

Komenti u shkëput nga konteksti dhe u interpretua nga shumë ndjekës si një kritikë personale ndaj saj.

Përballë reagimeve të shumta, Sasa reagoi përmes një sqarimi publik në InstaStory, ku theksoi se fjalët e saj ishin keqkuptuar.

Ajo nënvizoi se epiteti kishte të bënte vetëm me strategjinë e Elijonës në lojë dhe aspak me karakterin e saj si person.

“Kam marrë disa mesazhe lidhur me Elijonën. Është keqinterpretuar shprehja ‘dhelpër dinake’ – ajo i referohej lojës së saj, ashtu siç e kam përmendur edhe brenda shtëpisë”.

Madje, vlerësoi hapur zgjuarsinë e Elijonës dhe i shprehu mbështetje të plotë për vazhdimin e rrugëtimit në format.

“Për moshën që ka, është jashtëzakonisht e zgjuar dhe shpresoj sinqerisht ta shoh në finale. Elijona e di sa shumë e dua”, shtoi mes tjerash.

The post “Dhelpër dinake”, Sasa Hoda sqaron komentin për Elijona Binakajn appeared first on Albeu.com.

Në shtëpinë e Big Brother VIP Kosova 4, një nga temat që ka zgjuar debat mes konkurrentëve ka qenë profesioni i Bias.

Gjatë një bisede të qetë, Londrimi shprehu hapur mendimin e tij rreth mënyrës se si perceptohet puna e saj jashtë shtëpisë. Ai theksoi se, ndonëse Bia e konsideron profesionin e saj si formë arti, jo të gjithë në publik e shohin në këtë mënyrë.

“Ti e sheh si art, por të tjerët jo”, u shpreh Londrimi.

Bia nuk kundërshtoi, përkundrazi, u pajtua se shpesh përballet me paragjykime dhe se mënyra se si vlerësohet puna e saj mbetet e ndryshme nga personi në person.

Kjo bisedë hapi diskutime më të gjera brenda shtëpisë për respektin ndaj profesioneve dhe mënyrën se si publiku i categorizon ato, duke sjellë sërish në vëmendje faktin se fama dhe ekspozimi shpesh nuk shkojnë paralel me mirëkuptimin shoqëror.

Debati pritet të jetë temë komentimesh edhe jashtë shtëpisë, teksa publiku vazhdon të ndjekë nga afër dinamikat mes banorëve të Big Brother VIP Kosova.

The post Londrimi-Bias: Njerëzit s’e shohin si art punën tënde appeared first on Albeu.com.

Ministri i Mbrojtjes në detyrë, Ejup Maqedonci, ka bërë të ditur se sot është pranuar dërgesa e radhës e sistemeve raketore anti-tank OMTAS, të kontraktuara me prodhuesin shtetëror turk Roketsan në dhjetor të vitit 2023.

Sipas Maqedoncit, OMTAS (Orta Menzilli Tanksavar Silah) është një sistem modern raketor anti-tank me rreze të mesme veprimi, i projektuar për neutralizimin e mjeteve të blinduara moderne, përfshirë edhe tanke të pajisura me mbrojtje reaktive, si dhe fortifikata mbrojtëse ushtarake.

Ai ka theksuar se rritja e llojllojshmërisë dhe sasisë së sistemeve raketore anti-tank për Forcën e Sigurisë së Kosovës ka për qëllim mbulimin e distancave të ndryshme të veprimit, terreneve të ndryshme dhe skenarëve të ndryshëm të kërcënimit.

“Ky zhvillim rrit ndjeshëm fleksibilitetin operacional dhe kapacitetet mbrojtëse të ushtrisë sonë”, ka deklaruar Maqedonci.

Ministria e Mbrojtjes ka bërë të ditur se furnizimi me pajisje moderne ushtarake është pjesë e planit afatgjatë për ngritjen e kapaciteteve dhe modernizimin e Forcës së Sigurisë së Kosovës, në përputhje me standardet e NATO-s.

The post Kosova pranon dërgesën e radhës të sistemeve raketore anti-tank OMTAS nga Turqia appeared first on Albeu.com.

Zlatan Ibrahimovic ka dhënë intervistën e tij të parë të madhe në gjuhën boshnjake, në emisionin “(Ne)uspjeh prvaka” në “Arena Sport”, ku në një bisedë të hapur me Slaven Bilic ka prekur temat e fëmijërisë së tij në Suedi dhe ndikimin e luftës në Bosnje dhe Hercegovinë.

Ibrahimovic u rrit në Rosengard të Suedisë dhe, ndonëse babai i tij dhe një pjesë e madhe e familjes vijnë nga Bosnja, ai thekson se nuk pati shumë kontakt të drejtpërdrejtë me luftën dhe agresionin që ndodhnin atje.

Sipas tij, lufta nuk pati ndikim të madh në mënyrën se si u rrit, por gjithsesi ai veçon dy situata që i kanë mbetur në kujtesë nga ajo periudhë.

“Në atë Rosengard ishim të gjithë bashkë. Për ne ishim të gjithë njësoj: boshnjakë, kroatë, serbë, shqiptarë… Nuk kishte rëndësi nga vije, kishim respekt për njëri-tjetrin. Pastaj filloi lufta. Në ato vite nuk lexonim gazeta, unë as telefon nuk kisha. Kisha një televizor, por nuk shikoja lajme”.

“Gjithçka që ndjeva ishte se babai im ishte gjithmonë në telefon. E kuptova se po fliste me familjen në Bosnje, për t’i ndihmuar. Unë shkoja te nëna ime, zakonisht shkoja atje për të ngrënë. Ata jetonin afër, pesë minuta larg, për hir të fëmijëve. Një ditë shkova te nëna ime dhe të gjithë ishin veshur me të zeza”.
“I pyeta pse ishin të gjithë me të zeza dhe më thanë të dilja jashtë, të luaja futboll. Nuk donin të më tregonin. Gjyshja ime kishte vdekur në luftë. Më mësuan të sillesha si një fëmijë i vogël, të shijoja jetën dhe të luaja futboll. Nuk donin të më tregonin asgjë për këtë”.

Ibrahimovic zbulon edhe një tjetër moment kur e ndjeu se lufta në rajonin tonë kishte lënë gjurmë, këtë herë përmes ndryshimit të mentalitetit te refugjatët që mbërrinin në Suedi.

“Babai im më bënte të luaja futboll. Më linin jashtë që të mos ndieja çfarë po ndodhte. Pastaj erdhën refugjatët në Suedi dhe ata kishin një mentalitet tjetër. Unë jam boshnjak, ti je serb, kështu mendonin ata. Kur erdhën në atë geto në Rosengard, mentaliteti ishte ndryshe”.

“Në kokën time ishte ndryshe, për mua ishte Jugosllavia. I kisha të gjithë shokët dhe nuk shihnim kush ishte kush, por ata ishin shumë ndryshe. Luftonim me ta. Nuk e pranonin që gjithçka të ishte kaq e përzier. Për mua ishte ndryshe”

The post Ibrahimovic flet për luftën në Bosnjë: Luftuam së bashku me refugjatët, ishim të barabartë me shqiptarët, boshnjakët e kroatët appeared first on Albeu.com.

Në shtëpinë e “Big Brother VIP”, një bisedë e fundit mes banorëve ka rikthyer në qendër të vëmendjes largimin e Edit nga loja.

Ludo e ka pyetur Arditin nëse, po të kishte mundësi, do ta kthente Edin brenda shtëpisë. Përgjigja e Arditit ka qenë e menjëhershme dhe e drejtpërdrejtë.

“Po, me pasë mundësi e kisha kthy. Pasha nanën në varr, se unë nuk iu idhnova. Asnjë fjalë nuk i thashë”, — u shpreh ai.

Deklarata e tij ka ngjallur reagime dhe diskutime tek banorët, por edhe te publiku që po e ndjek nga ekrani.

Ndërkohë, Toney e ka pyetur Arditin se përse nuk është ngritur në këmbë për t’ia thënë Edit të mos largohej, nëse me të vërtetë e ka dëshiruar rikthimin e tij. Kjo pyetje ka hapur hapësirë për debat rreth sjelljes së Arditit në momentin vendimtar dhe nëse ai ka bërë mjaftueshëm për ta mbajtur mikun e tij në lojë.

Biseda vazhdon të komentohet brenda dhe jashtë shtëpisë, duke shtuar edhe më shumë tension e kuriozitet rreth marrëdhënieve dhe vendimeve të banorëve.

The post “Betohem për nënën në varr, që po të kisha mundësi do ta ktheja në shtëpi”, Arditi befason me reagimin pas largimit të Edit appeared first on Albeu.com.

SHBA-të po përpiqen të kapin një cisternë nafte të lidhur me Venezuelën, pas një ndjekjeje më shumë se dy-javore përtej Atlantikut.

Një zyrtar amerikan i ka thënë Reuters se kapja po kryhet nga Roja Bregdetare dhe ushtria amerikane, transmeton Telegrafi.

Media shtetërore ruse RT raporton gjithashtu se një helikopter, që besohet se mbante forca ushtarake amerikane, po përpiqet të ulet në cisternën e naftës.

Kapja, e cila mund të nxisë tensione me Rusinë, erdhi pasi cisterna, e njohur fillimisht si Bella 1, shmangu një “bllokadë” detare amerikane të cisternave të sanksionuara dhe kundërshtoi përpjekjet e mëparshme të Rojës Bregdetare të SHBA-së për t’u ngjitur në të pranë Venezuelës në dhjetor.

Cisterna ndryshoi emrin e saj nga Bella 1 në Marinera dhe miratoi flamurin rus, sipas firmës së analizave detare të inteligjencës artificiale Windward.

Windward raportoi gjithashtu se cisterna vizatoi një flamur rus në trupin e saj për të shmangur kapjen nga Roja Bregdetare e SHBA-së.

Sipas ligjit ndërkombëtar, anijet që mbajnë flamurin e një vendi janë nën mbrojtjen e atij kombi.

Dhe Wall Street Journal raportoi më parë se Rusia e kishte shoqëruar anijen me një nëndetëse.

SHBA-të madje mund të kenë qenë duke kapur një anije tjetër në të njëjtën kohë diku tjetër, sipas reporterit të sigurisë kombëtare të Reuters, Phil Stewart.

Stewart postoi në X se “është duke u zhvilluar një tjetër përgjim”.

The post SHBA-të përpiqen të sekuestrojnë tankerin të lidhur me Venezuelën dhe Rusinë appeared first on Albeu.com.

Raporti i Selin me Gretën, si dy kunata në perspektive pasi kjo e fundit ka një lidhje me vëllanë e Selin, u komentua këtë mbrëmje në studio.

A janë sjellë ato si aleate apo kundërshtare? Ledioni u shpreh se në këndvështrimin e tij, dy kunata janë si motra, ndërsa menjëherë reagoi Monika Kryemadhi.

Duke buzëqeshur ajo tha: Avash mo avash… kunata janë, ndaj i thonë kunatë dhe jo kuditë. Unë për shembull me motrën e Ilirit kam folur pasi linda fëmijën e parë kurse me nusen e vëllait tim kam folur ia kam marrë shpirtin.

The post VIDEO/ “Kunatat, si motra” – Reagimi epik i Monika Kryemadhit: Avash mo avash, unë me motrën e Ilirit…. appeared first on Albeu.com.

Aktorja amerikane Angelina Jolie tregoi edhe një herë humanizëm duke vizituar fëmijët palestinezë që ndodhen në spitale në Egjipt.

Vizita e saj u organizua nga organizata jofitimprurëse Rrjeti Ndërkombëtar për Ndihmë, Ndihmë dhe Asistencë. Shumë fëmijë i folën asaj për agoninë e humbjes së prindërve të tyre dhe anëtarëve të tjerë të familjes dhe miqve.

Midis tyre është edhe Shadi nëntëvjeçar. Ai u nxor nga rrënojat dhe është në pritje të operacionit. Mes lotësh, ai i tha aktores: “Nëna ime u vra”.

“Më vjen shumë keq për gjithçka që ke kaluar. Je shumë i guximshëm dhe kam shumë respekt për ty. Mendoj se do të bëhesh një njeri i shkëlqyer sepse ke kaluar kaq shumë gjëra”, i tha ajo.

Gjashtëmbëdhjetëvjeçarja Rimas tha se kaloi pesë muaj në një spital në Gaza, pasi infeksioni në këmbën e saj të lënduar u përkeqësua dhe mjekët donin t’i amputonin këmbën. Mjekët në Egjipt arritën t’ia shpëtonin këmbën.

“Faleminderit që erdhët. Na tregon se ende ka njerëzim në botë dhe njerëz që kujdesen për ne”, tha Angelina Jolie.

Aktorja u tha atyre se ishte e nderuar që i takoi dhe shprehur se ata do të mund të jetonin në paqe.

The post Angelina Jolie vizitoi fëmijët palestinezë në një spital në Egjipt, i tha një djali, nëna e të cilit u vra: Më vjen shumë keq appeared first on Albeu.com.

Rowan Atkinson festoi të martën 71-vjetorin e lindjes, duke rikujtuar një jetë të mbushur me momente të jashtëzakonshme. Nga fëmijëria e qetë në Consett, County Durham, ai u bë një ikonë globale e komedisë, e njohur për personazhet e tij të paharrueshëm si Mr. Bean, Johnny English dhe Blackadder, si dhe filmat e njohur Love Actually, Dead On Time dhe Wonka.

Rowan Atkinson ndoqi të njëjtën shkollë fillore si ish-kryeministri britanik, Tony Blair, dhe më pas shkollën e mesme St. Bees, ku shkëlqeu në shkencë. Ai fillimisht ndoqi një karrierë në inxhinieri elektrike, duke fituar një M.Sc. nga Newcastle University, dhe më pas ndoqi një PhD në Oksford, ku zbuloi pasionin për skenën dhe komedinë.

Akoma i përballueshëm me vështirësitë e tij, Rowan ka luftuar me një çrregullim të të folurit, “stammering”, por ka gjetur se kjo vështirësi zhduket kur luan një rol tjetër.

Në 2001, Rowan shpëtoi jetën e gruas së tij të atëhershme, Sunetra Sastry, dhe dy fëmijëve të tij kur piloti i avionit privat u shtrua papritur. Ai mori kontrollin e avionit dhe shpëtoi familjen.

Atkinson ka lidhje të ngushta me familjen mbretërore britanike, duke qenë mik i afërt i Mbretit Charles dhe i ftuar në ngjarje ekskluzive si kurorëzimi dhe dasma mbretërore e princit Harry.

Ai u bë baba për herë të tretë në moshën 62-vjeçare me partneren Louise Ford, ndërsa ka dy fëmijë të rritur nga martesa e mëparshme me Sunetra. Rowan Atkinson mbetet një ikonë e vërtetë britanike, me një jetë plot komedi, kurajo dhe surpriza.

The post Legjendari Rowan Atkinson feston ditëlindjen e 71-të: Fakte të pazakonta për jetën e tij appeared first on Albeu.com.

Ish-banorja e Big Brother VIP Albania 3, Dea Mishel Vieri, ishte së fundmi e ftuar në emisionin e mëngjesit “Wake Up”, ku diskutoi mbi jetën publike të personazheve të njohur dhe mënyrën se si ata menaxhojnë ekspozimin në rrjete sociale.

Në panel, së bashku me Blendi Salajn dhe Heidi Baçin, Dea u ndal te raporti mes famës dhe privatësisë, duke theksuar se jo të gjithë dëshirojnë të ndajnë çdo detaj të jetës së tyre personale. Ajo fokusoi vëmendjen tek vajzat e showbizit dhe mënyra se si ato zgjedhin të ruajnë sekret jetën sentimentale.
Me humor, por edhe me një dozë ironie, Dea u shpreh:

“Shumica e vajzave shqiptare nuk i publikojnë në rrjetet sociale të dashurit e vet, sepse — ‘Zot më fal’ — por i dashuri i vet kërkohet nga Interpoli. Tani, atë tjetrin e kërkon Interpoli dhe ajo ta postojë në Instagram… sikur nuk bën sens”.
Debati u zhvillua gjithashtu mbi ndikimin e rrjeteve sociale në imazhin publik dhe presionin që ndonjëherë ndjejnë personazhet e showbizit për të ndarë çdo aspekt të jetës së tyre. Dea theksoi rëndësinë e kufijve dhe privatësisë, duke nënvizuar se fama nuk duhet të thyejë autonominë personale dhe të ndërhyjë në marrëdhëniet private.

The post “I kanë të dashurit në kërkim nga Interpoli” – Dea Vieri tregon pse femrat e showbizit nuk i ekspozojnë në rrjetet sociale appeared first on Albeu.com.

Raporti mes Selit dhe Mirit ishte një nga temat më të diskutuara gjatë Prime-t të sotëm, ku opinionistët dhe publiku u përqendruan te afrimiteti i tyre brenda shtëpisë. Arbër Hajdari ndau hapur mendimin e tij, duke theksuar se në një ambient të mbyllur dhe emocional si ai i shtëpisë, lindja e ndjenjave është diçka e mundshme dhe deri diku normale.

Sipas tij, është e kuptueshme që ndjenjat të lindin nga një vajzë e re, e cila brenda shtëpisë ka gjetur përkrahje, siguri dhe një figurë ku mund të mbështetet. Megjithatë, Hajdari u shpreh se situata nuk është e njëjtë kur bëhet fjalë për Mirin, për shkak të rrethanave të tij jashtë shtëpisë. Ai përmendi faktin se, nga sa dihet, Miri ka një martesë, çka e bën këtë raport më të ndjeshëm dhe të diskutueshëm.

Unë kam përshtypjen se kanë lindur ndjenja.
Unë e shoh normale që të lindin ndjenja nga një vajzë e re, por jo që të lindin nga Miri,
sepse nga çfarë kam dëgjuar, ai ka një martesë. Ajo që ka rënë në sy nuk është mënyra se si ai i trajton vajzat, por mënyra se si ajo e trajton Selin. Unë mendoj që të dy e kanë nisur si aleancë në lojë dhe më pas si një afrimitet i madh; aty në shtëpi nuk duhet të duket çudi të krijosh ndjenja dhe për divanin. Është një vajzë e re që ka gjetur përkrahje brenda shtëpisë dhe i kanë pëlqyer gjërat rreth tij.Letra për mua nga babai ishte krejt e qartë dhe nuk mund të keqkuptohej.

The post Raporti Miri-Selin, Arbër Hajdari: Mendoj që kanë lindur ndjenja appeared first on Albeu.com.

Ai është këngëtari i njohur Erik Lloshi, i cili iu bashkua shtëpisë më të famshme të reality-show-t shqiptar.

Erik tha se kjo do të jetë një sfidë për të, por është plotësisht i gatshëm për lojë dhe emocionet që e presin brenda shtëpisë.

The post Banor i ri në BB VIP 5/ Këngëtari Erik Lloshi appeared first on Albeu.com.

Pas deklaratave të analistit Nexhmedin Spahiu në emisionin “Pressing” në T7, ku ai foli për mundësinë që Murat Jashari të jetë kandidat rezervë për postin e presidentit të Kosovës, duke e kushtëzuar këtë me “kalimin nga flamuri kuq e zi në flamurin e Kosovës”, ka reaguar Bekim Jashari, djali i heroit Hamëz Jashari.

Ai ka publikuar një fotografi ku shihet ai bashkë me Besarta Jasharin, të shoqëruar me një mesazh.

“Amanet na e lanë të parët, brez pas brezi e djalë pas djali.

Me gjakun dhe sakrificën e tyre u rritëm ne, për të ta mbajtur lart me krenari.

Valo, o flamuri më i bukur në botë,” ka shkruar Bekim Jashari.

Ky reagim vjen pas deklaratës së Spahiut, i cili tha se Murat Jashari, për t’u zgjedhur president, do të duhej të merrte “aprovim amerikan” dhe të distancohej nga simbolika e flamurit kuq e zi, duke theksuar se në varrezat e heronjve të Kosovës duhet të valojë vetëm flamuri i Kosovës.

“Albini ka edhe variante rezervë, e ka për shembull Murat Jasharin, mirëpo Murati për me u zgjedh president duhet me marrë një leje amerikane siç e ka marrë Albin Kurti para se me u bë kryeministër, kushti që e ka pas Albin Kurti nga kuq e zi me kalu në verdh e kaltër, edhe Murat Jashari për me u bë president duhet me kalu verdh e kaltërt, jo në varreza të kryeheronjëve të Kosovës valon flamuri i Shqipërisë, jo i Kosovës”, tha Spahiu.

The post “Ta heqin flamurin e Shqipërisë nga varrezat”, Bekim Jashari i reagon Nexhmedin Spahiut appeared first on Albeu.com.

Dhjetë persona janë shpallur fajtorë nga Gjykata Penale e Parisit për përhapjen e batutave, fyerjeve, fotomontazheve dhe karikaturave në rrjete sociale, ku pretendohej në mënyrë të përsëritur se Brigitte Macron “ishte burrë”. Gjykata i cilësoi këto veprime si sulme të rënda dhe fushatë denigruese online ndaj Zonjës së Parë të Francës.

Të pandehurit u dënuan me masa që variojnë deri në gjashtë muaj burg me kusht, ndërsa një prej tyre mori tetë muaj. Përveç dënimeve penale, secili prej tyre u urdhërua të ndjekë një kurs ndërgjegjësimi për respektin në mjedisin digjital dhe parandalimin e veprave penale online, përfshirë cyberbullying. Gjithashtu, ata duhet t’i paguajnë Brigitte Macron shumën 10.000 euro secili si dëmshpërblim moral.

Gjykata bëri dallim mes roleve të të pandehurve, duke veçuar “nxitësit” kryesorë të thashethemit dhe “ndjekësit”. Mes të parëve ishte Aurélien Poirson-Atlan, i njohur në rrjete si “Zoé Sagan”, i cili për vite kishte përhapur këtë pretendim. Po ashtu u dënua edhe Delphine J., e njohur si Amandine Roy, autore e një videoje virale në YouTube, si dhe Bertrand Scholler, galerist me ndikim në rrjetin X.

Në gjykatë, disa prej të pandehurve u përpoqën të mbroheshin duke e quajtur përmbajtjen “humor” ose “satirë”. Ndërkohë, vajza e Brigitte Macron, Tiphaine Auzière, dëshmoi për pasojat e rënda psikologjike që këto sulme kanë pasur mbi nënën e saj dhe familjen, duke theksuar se ato kanë ndikuar edhe te nipërit e saj.

The post Pretenduan në rrjete se Brigitte Macron “ishte burrë”, 10 të pandehur dënohen deri në 6 muaj burg appeared first on Albeu.com.

Policia iraniane ka shpërndarë me gaz lotsjellës një protestë të zhvilluar në pazarin e madh të Teheranit, bëjnë të ditur organizata joqeveritare dhe pamje video të publikuara në rrjetet sociale.

Sipas videove të verifikuara nga AFP, protestuesit dëgjoheshin duke brohoritur “Pahlavi do të kthehet”, në referencë ndaj dinastisë së Shahut që u rrëzua nga Revolucioni Islamik i vitit 1979. Turma ka thirrur gjithashtu “Seyyed Ali do të rrëzohet”, duke iu referuar udhëheqësit suprem të Iranit, Ajatollah Ali Khamenei.

Në pamjet e shpërndara nga organizatat Iran Human Rights (me seli në Norvegji) dhe Human Rights Activists News (me bazë në SHBA), dhjetëra protestues dëgjohen duke thirrur “Liri! Liri!” dhe “Pa turp”.

Nga ana tjetër, agjencia shtetërore iraniane e lajmeve Fars raportoi për “grumbullime sporadike” që, sipas saj, u shpërndanë nga policia.

Protestat në Iran nisën më 28 dhjetor në Teheran, fillimisht si reagim ndaj rritjes së kostos së jetesës, për t’u përhapur më pas në zona të tjera të vendit. Ky konsiderohet si valë protestash më e rëndësishme që nga viti 2022, kur vendi u trondit nga demonstrata masive pas vdekjes në paraburgim të Mahsa Amini, e arrestuar për shkelje të kodit të rreptë të veshjes.

Sipas një bilanci të AFP-së, bazuar në burime zyrtare dhe mediatike, të paktën 12 persona janë vrarë që nga nisja e protestave, përfshirë edhe anëtarë të forcave të sigurisë. Ndërkohë, organizata joqeveritare me bazë jashtë Iranit vlerësojnë se numri i viktimave mund të jetë të paktën 25 gjatë nëntë ditëve të para të protestave, të nxitura nga rënia e fortë e monedhës kombëtare dhe rritja e inflacionit.

The post Protesta në Teheran, policia shpërndan demonstruesit me gaz lotsjellës appeared first on Albeu.com.

Edhe pse Konkursi i Këngës në Eurovision nuk do të zhvillohet deri në maj të këtij viti, agjencitë e basteve parashikojnë që Izraeli do të fitojë, megjithëse ende nuk dihet se kush do ta përfaqësojë atë.

Siç është raportuar në faqen e Eurovision World, Izraeli aktualisht ka nëntë përqind shanse për të fituar konkursin e muzikës të lartpërmendur.

Pas Izraelit janë Suedia (tetë përqind), Ukraina (shtatë përqind), Finlanda (gjashtë përqind), Italia (katër përqind) etj.

Siç dihet mirë, Spanja, Sllovenia, Irlanda, Holanda dhe Islanda u tërhoqën nga Festivali i Këngës në Eurovision sepse Izraelit iu lejua të garonte.

Përfaqësuesi izraelit i vitit të kaluar, Yuval Raphael, i cili performoi këngën “New Day Will Rise”, fitoi vendin e parë në televotim dhe në fund u rendit i dyti. Që nga ky vit, zbatohet një rregull i ri – publiku mund të votojë 10 herë, në vend të 20 sa më parë.

Këtë vit, edicioni i 70-të i Festivalit të Këngës në Eurovision do të mbahet në Wiener Stadthalle në Vjenë. Gjysmëfinalja e parë është më 12 maj dhe e dyta më 14 maj. Finalja është planifikuar për 16 maj. Do të garojnë 35 vende.

The post A po shkon Eurovisioni në favor të Izraelit? Bastet po e nxjerrin fitues festivalin evropian edhe pse jemi muaj larg organizimit appeared first on Albeu.com.

Një situatë ka ndodhur së fundmi në shtëpinë e Big Brother VIP, ku një veprim i Ludo Lee ndaj banores Elijona Binakaj ka shkaktuar reagime të forta dhe diskutime të gjera mes banorëve.

Gjatë një momenti që u transmetua në shtëpi, Ludo Lee bëri një gjest drejt Elijonës, i cili u perceptua nga ajo si i pahijshëm dhe u cilësua si ngacmim seksual.

Edhe pse Ludo u shpreh se veprimi i tij nuk kishte qenë i qëllimshëm, situata la një ndikim të fortë emocional tek Elijona.

Pas incidentit, ajo u pa e përlotur, duke rrëfyer hapur se ishte ndjerë jashtëzakonisht në siklet.

Elijona theksoi se një nga arsyet kryesore të shqetësimit të saj ishte fakti që gjithçka po transmetohej dhe se familja e saj po e ndiqte nga jashtë, veçanërisht babai i saj.

Ajo shprehu frikën se si do të interpretohej situata dhe si mund të ndihej familja e saj përballë kësaj skene.

“U ndjeva shumë keq dhe në siklet”, u shpreh ajo ndër tjerash.

Ngjarja nuk kaloi pa u vënë re nga banorët e tjerë, të cilët e diskutuan situatën gjerësisht dhe komentuan atë.

The post Elijona Binakaj përlotet pas gjestit të Ludo Lee: U ndjeva në siklet appeared first on Albeu.com.

“Shok i madh”… Kështu e përshkruanin zyrtarët e Serbisë deri së fundi liderin tashmë të rrëzuar të Venezuelës, Nicolas Maduron.

Ndërsa rrëzimin e tij në një aksion amerikan e vlerësuan si “të drejtën e forcës” dhe “të drejtën e më të fortit”.

“Konstatimi nuk ishte kështu kur, në vitin 2022, Rusia e filloi luftën në Ukrainë”, tha për REL-in Jelica Miniq nga Lëvizja Evropiane joqeveritare në Serbi

Beogradi zyrtar mbështeti integritetin territorial të Ukrainës, por nuk iu bashkua sanksioneve perëndimore ndaj Rusisë dhe vazhdoi të mbajë lidhje me Moskën.

Serbia forcoi marrëdhëniet me Venezuelën dhe regjimin e saj autoritar, ndërkohë që ky vend, i afërt me Rusinë, ishte nën sanksione nga Bashkimi Evropian dhe Shtetet e Bashkuara.

Maduro u arrestua së bashku me bashkëshorten e tij më 3 janar në një aksion të SHBA-së në Venezuelë, nga ku u transferuan në Nju Jork, ku do të përballen me akuza për trafik droge.
Një ditë pas këtij aksioni, Vuçiq tha se po shembet rendi i vjetër botëror dhe se asnjë rregull nuk vlen, duke vlerësuar se dominon e drejta e forcës dhe se “kush është më i fortë, ai shtyp”.

Ndërsa, fjalë më të rënda, siç tha ai, nuk u përdorën për të mos dëmtuar marrëdhëniet me Shtetet e Bashkuara.

Vlerësimet e presidentit të Serbisë për Jelica Miniq, nga Lëvizja Evropiane, janë pjesërisht rezultat i interesave në marrëdhëniet dypalëshe “ashtu siç i sheh ai”.

“Dhe pjesërisht frikë se Serbia po jep mjaft arsye në skenën ndërkombëtare, të cilat mund të shfrytëzohen për ndonjë ndërhyrje të re, të këtij apo atij lloji, kundër regjimit të tij”, shtoi ajo.

Vuçiq më 5 janar deklaroi se i kupton interesat kombëtare të Shteteve të Bashkuara dhe se e respekton jashtëzakonisht shumë si presidentin Donald Trump, ashtu edhe SHBA-në, por se Serbia nuk ka alternativë tjetër përveçse të respektojë të drejtën ndërkombëtare.

Shumica e vendeve të Ballkanit Perëndimor mbështetën aksionin amerikan, duke deklaruar se bëhet fjalë për një regjim narko-kriminal dhe se Maduro është diktator që nuk erdhi në pushtet falë zgjedhjeve të lira dhe të ndershme.

Departamenti amerikan i Shtetit deri në publikimin e këtij teksti nuk iu përgjigj pyetjes së REL-it lidhur me reagimin e presidentit të Serbisë ndaj rrëzimit të Maduros.

Aksionin e SHBA-së e dënuan Irani, Rusia dhe aleatë të tjerë të vendit të Amerikës së Jugut, ndërsa sekretari i Përgjithshëm i Kombeve të Bashkuara, Antonio Guterres, tha se aksioni ushtarak amerikan përfaqëson një “precedent të rrezikshëm”.

Shumë aleatë të Uashingtonit, edhe pse deklaruan se nuk kanë simpati për Maduron apo regjimin e tij, paralajmëruan për nevojën e respektimit të së drejtës ndërkombëtare.

Rrëzimin e Madurit e përshëndetën venezuelianët që jetojnë në mërgim.

Miqësia për shkak të Kosovës

Zyrtarët në Serbi vitet e kaluara kanë deklaruar se Serbia dhe Venezuela janë “miq të vërtetë”.

Miqësia buronte nga refuzimi i Venezuelës për të njohur pavarësinë e Kosovës.

Ndërsa në forcimin e lidhjeve, Serbia dhe Venezuela në mesin e vitit 2023 nënshkruan Marrëveshjen për heqjen e vizave.

Duke komentuar reagimin e presidentit të Serbisë, Jelica Miniq vlerësoi se “Maduro konsiderohej ‘mik’ dhe aleat për shkak të afërsisë së regjimeve”.

Sipas vlerësimeve të organizatave ndërkombëtare, Serbia është një vend me demokraci të dëmtuar, ku cenohen liritë qytetare dhe ushtrohet presion mbi mediat e pavarura.

Qëndrimi ndaj legjitimitetit të Maduros

Serbia, pavarësisht sanksioneve të BE-së, disa prej të cilave i ka mbështetur edhe vetë, nuk e ka vënë në dyshim legjitimitetin e Maduros.

Njëkohësisht, ajo mbështeti deklaratën politike të BE-së me të cilën vihet në dyshim procesi zgjedhor i 28 korrikut 2024 dhe thuhet se Maduro nuk ka legjitimitetin e një presidenti të zgjedhur në mënyrë demokratike, por gjithashtu pati përfaqësuesin e saj në inaugurimin e tij.

Kryetarja e Parlamentit, Ana Bërnabiq, mori pjesë në janar të vitit2025 në inaugurimin e Maduros në Karakas, ku ai filloi mandatin e tretë gjashtëvjeçar.

Bërnabiq deklaroi atëherë se Venezuela, si “mike e madh e Serbisë”, ndihmon që qëndrimi për paprekshmërinë e kufijve të ndahet nga një numër i madh vendesh të Amerikës Latine dhe vendeve të Karaibeve.

Beogradi, ndër të tjera, llogarit edhe në këtë grup vendesh në luftën kundër njohjes së pavarësisë së Kosovës.

Mosnjohjen e Kosovës e theksoi edhe presidenti i Serbisë, Aleksandar Vuçiq, pas një bisede telefonike me Maduron në gusht të vitit 2025.

Atëherë ai e quajti atë mik të madh të Serbisë, duke shprehur bindjen se në vitet që vijnë do të vazhdojnë të kultivojnë këtë “miqësi të çmuar”.

Gjithashtu, në qershor 2025, në Beograd mbërriti zëvendësministrja venezueliane e Punëve të Jashtme për Evropën dhe Amerikën e Veriut, Andrea Gabriela Korao Faria.

Ajo mori pjesë në takimin e parë për planifikimin e pjesëmarrjes ndërkombëtare në Ekspozitën e Specializuar Ekspo, që do të mbahet në Beograd në vitin 2027.

Sanksionet ndaj Venezuelës

Ndërsa Serbia, si vend kandidat për anëtarësim në Bashkimin Evropian, forconte marrëdhëniet me Venezuelën, Brukseli vendoste sanksione ndaj regjimit atje.

Sanksionet u vendosën në fund të vitit 2017 dhe më pas u plotësuan.

Kështu, Këshilli Evropian më 15 dhjetor i zgjati edhe për një vit masat ekzistuese kufizuese duke pasur parasysh situatën në Venezuelë.

Siç mëson jozyrtarisht REL-i, Serbia, si vend kandidat për anëtarësim në BE, u harmonizua me këtë vendim.

Vendimi u mor në dritën e veprimeve të vazhdueshme që minojnë demokracinë dhe sundimin e ligjit, si dhe shkeljeve të vazhdueshme të të drejtave të njeriut dhe represionit ndaj shoqërisë civile dhe opozitës demokratike.

Kjo, siç u njoftua, përfshin edhe ngjarjet pas zgjedhjeve presidenciale të 28 korrikut 2024.

Serbia me disa vendime për sanksionet e BE-së ndaj Venezuelës është harmonizuar, ndërsa me disa të tjera jo.

Në fuqi janë edhe sanksione të gjera amerikane, të cilat, ndër të tjera, janë të përqendruara ndaj individëve të lidhur me regjimin e Nikolas Maduros, si dhe ndaj sektorit të naftës së Venezuelës.

Kthesë e Serbisë drejt SHBA-së?

Kritikat ndaj aksionit të SHBA-së janë shpërndarë edhe nga tabloidet proqeveritare në Serbi.

Nga mbështetja për Trumpin, e cila u reflektua edhe në vendosjen e billbordeve me mbishkrimin “Trump, serb”, tani shkruajnë për “shpërbërjen e të gjitha ligjeve dhe logjikës”.

E pyetur nëse vlerësimet e presidentit të Serbisë mund të ndikojnë në marrëdhëniet me SHBA-në, Jelica Miniq nga Lëvizja Evropiane theksoi se aty tashmë ekzistojnë probleme serioze.

“Edhe Serbia ka një vend të veçantë në Strategjinë e Sigurisë Kombëtare të SHBA-së, të dhjetorit 2025, ku me akt ekzekutiv parashikohet politika e mëtejshme ndaj rajonit tonë”, tha ajo.

Në Ligjin për autorizimin e mbrojtjes kombëtare, të cilin Trumpi e ka nënshkruar së fundi, përmenden edhe vendet e Ballkanit Perëndimor dhe nevoja për integrimin e tyre euroatlantik dhe uljen e varësisë energjetike nga Rusia.

Në këtë ligj shprehet gjithashtu shqetësim për gjendjen e demokracisë në Serbi, por përcaktohet edhe se Serbia dhe Kosova duhet të synojnë arritjen e përparimit të menjëhershëm lidhur me zbatimin e marrëveshjes për normalizimin e marrëdhënieve.

Po ashtu theksohet se SHBA-ja duhet të vazhdojë të mbështesë arritjen e një marrëveshjeje gjithëpërfshirëse përfundimtare mes Kosovës dhe Serbisë, e cila do të bazohet në njohjen reciproke.

Presidenti i Serbisë, Aleksandar Vuçiq, së fundi ka pranuar se në vend të përparimeve të mëdha të pritura nga administrata e Trumpit, kanë ardhur vendime që nuk janë në interes të Serbisë.

The post “Miqësia për shkak të Kosovës”, Vuçiq nuk heq dorë nga “shoku” Maduro appeared first on Albeu.com.