Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturina Komunale i Republikës së Maqedonisë së Veriut (KRRE) solli vendimin, me të cilin bëhet ulja e çmimeve të shitjes me pakicë të derivateve të naftësmesatarisht 1,18 % në raport me vendimin e datës 19.12.2025.
Çmimet e shitjes me pakicë të benzinës EUROSUPER BS-95 dhe EUROSUPER BS-98 ulen për 1.00 den/litër.
Çmimi i shitjes me pakicë i ЕURODIZELIT (D-Е V) nuk ndryshon. Çmimi i shitjes me pakicë i Vajit Ekstra të Lehtë për Amvisëri I(ЕL-1) ulet për 2,00 den/litër. Çmimi i shitjes me pakicë i Мazutit М-1 SU ulet për 0,028 den/kg dhe do të jetë 32,607 den/kg.
Nga data 23.12.2025, ora 00:01, çmimet maksimale të derivateve të naftës do të jenë:
EUROSUPER BS - 95 do të shitet për 70,00 (denarë/litër)
EUROSUPER BS - 98 do të shitet për 72,00 (denarë/litër)
EURODIZEL BS (D-E V) do të shitet për 64,50 (denarë/litër)
Vaj për Djegie Ekstra i Lehtë 1 (EL-1) do të shitet për 63,50 (denarë/litër)
Mazut М-1 SU do të shitet për 32,607 (denarë/kilogram)./Telegrafi/
Këshilli i Prokurorëve Publikë në seancën e sotme zgjodhi ushtruesen e detyrës së kryeprokurores së shtetit
Anita Topolova Isajlovska do ta zëvendësojë Ljubço Kovevskin, i cili dha dorëheqje të parvokueshme më 17 dhejtor.
Këshilli i Prokurorëve njëzëri votoi për Topolova Isajlovskën, e cila deri tani, për një kohë të gjatë, ishte zëvendës kryeprokurore.
Anita Topolova-Isajlovska u zgjodh për herë të parë si prokurore në vitin 2009, në vitin 2013 ajo iu bashkua Prokurorisë së Lartë dhe tre vjet më vonë u ngrit në detyrë si prokurore republikane dhe zëvendëse e prokurorit të atëhershëm publik të shtetit Marko Zvrlevski.
Anita Topolova-Isajlovska do të shërbejë si prokurore e përkohshme derisa të zgjidhet një prokuror i ri shtetëror, dhe jo për më shumë se gjysmë viti./Telegrafi/
Drejtori i Spitalit Klinik në Tetovë, Erzen Elezi sot ka reaguar lidhur me protestën e zhvilluar nga teknikët medicinal, shkruan Telegrafi Maqedoni.
Ai tha se mbi 80% e të punësuarve me kontratë në spitalin e Tetovës janë përfshirë në listën e të punësuarve.
Ai tha sipas rezultateve nga konkursi i fundit janë pranuar 20 mjekë, një stomatolog, motra medicinale 47, një motër medicinale me diplomë, tetë bio kimisit dhe referent një.
"Edhe më herë i ka paralajmëruar protestuesit se nuk do të mund të përfshihen të gjithë në punësimet e fundit për shkak të profilit të tyre, siç është për shembull reparti i Akusherisë ku ka nevojë vetëm për një, ndërsa kanë konkurruar 12.
Ai shtoi se kjo është një arritje shumë e madhe për spitalin e Tetovës, ku mbas 10 viteve punësohen një numër i madh i personave, gjegjësisht 129 persona punësuar.
Kujtojmë se sot një numër i personave të punësuar me kontratë si teknik medicinal kanë protestuar para spitalit, për shkak, siç thonë, në konkursin e fundit ka pasur manipulim./Telegrafi/
Nga TAV-Maqedoni njoftojnë se mbrëmë deri në ora 20:00, në Aeroportin e Shkupit si pasojë e mjegullës, janë anuluar 20 fluturime, por ka pasur 13 aterrime dhe 13 nisje.
Nga TAV shtojnë se dy fluturime janë devijuar drejt aeroporteve të tjera.
“Nga ora 00:00 e mesnatës deri në orën 20:00, më 21 dhjetor 2025, në Aeroportin Ndërkombëtar të Shkupit, për shkak të dukshmërisë së reduktuar të shkaktuar nga mjegulla, gjendja e trafikut ajror është si vijon: Kanë aterruar 13 avionë, nga: Dortmundi, Vjena, Hamburgu, Brukseli, Beogradi, Zagrebi, Frankfurti, Venecia, Parisi (Beauvais), Hamburgu, Berlini, Mynihu (Memmingen) dhe Cyrihu. Kanë fluturuar 13 avionë, për në: Vjenë, Beograd, Zagreb, Bruksel, Hamburg, Baden-Baden, Frankfurt, Berlin, Varshavë, Bazel, Barcelonë, ndërsa Roma (Fiumicino) dhe Malmo do të nisen më vonë.
Janë anuluar gjithsej 20 fluturime (nisje dhe mbërritje). Dy fluturime janë devijuar drejt aeroporteve të tjera”, thonë nga TAV-Maqedoni, duke shtuar se të gjitha kapacitetet e Aeroportit Ndërkombëtar të Shkupit janë në funksion dhe aeroporti është i hapur për trafikun ajror dhe se për çfarëdo informacione mund të telefonojnë në në numrin e telefonit: +389 2 3148 333.
Ministria e Punëve të Brendshme u ka bërë apel të gjithë pjesëmarrësve në komunikacion që të drejtojnë automjetet e tyre me kujdes maksimal në kushte të dukshmërisë së reduktuar, si dhe në asnjë mënyrë të mos ulen pas timonit nëse kanë konsumuar alkool në ahengje para Vitit të Ri apo në festa familjare.
MPB sqaron se për pesë ditë, nga 15 deri më 20 dhjetor në territorin e Shkupit janë konstatuar 53 aksidente trafiku, ndërsa kontrollet policore në komunikacion po vazhdojnë me intensitet të pandërprerë.
“Apelojmë gjithashtu që pjesëmarrësit në komunikacionin rrugor të jenë të kujdesshëm dhe t’i respektojnë plotësisht rregullat dhe dispozitat e trafikut, të posedojnë patjetër pajisje dimërore dhe të mos ulen pas timonit nën ndikimin e alkoolit. U bëjmë thirrje qytetarëve të respektojnë dispozitat ligjore dhe të bashkëpunojnë me policinë”.
Zëdhënësi I MPB-së foli edhe për aktiviteteve që po ndërmerren kundër përdorimit të mjeteve piroteknike. Masat, siç tha ai, po zbatohen me dinamikë të shtuar, duke pasur parasysh faktin se përdorimi i këtyre mjeteve të rrezikshme është karakteristik për periudhën rreth Vitit të Ri.
Qëllimi, shtojnë ata, është rritja e vetëdijes te të rinjtë, por edhe te prindërit e tyre, se fishekzjarrët dhe petardat nuk janë lodra, por mjete të rrezikshme që mund të shkaktojnë pasoja të pariparueshme dhe të përhershme për shëndetin.
Një shtetas person nga Nigeria, me pasaportë amerikan, është arrestuar në orët e para të mëngjesit, pasi ka sulmuar fizikisht një zyrtar të policisë në një lokal në Parkun e Qytetit të Shkupit.
Sipas njoftimit të Policisë, gjatë kontrollit që i janë bërë, tek personi në fjalë është gjetur armë dhe municione, për të cilat nuk kishte leje.
“Më 21.12.2025, në orën 04:30, para një objekti hotelierik në Parkun e Qytetit në Shkup, zyrtarë policorë nga SPB-Shkup e kanë privuar nga liria U.I.U. (37) nga Nigeria (me pasaportë dhe letërnjoftim amerikan), për shkak se ka sulmuar fizikisht një zyrtar policor i cili po kryente detyra zyrtare. Gjatë kontrollit ndaj tij janë gjetur dhe sekuestruar një pistoletë “Glock”, dy karikatorë dhe 30 fishekë, për të cilat nuk posedonte leje. Pas dokumentimit të plotë të rastit do të pasojë parashtresë përkatëse”, thonë nga MPB.
Gjoko Velkovski, zëvendësministër për Politikë Sociale, Demografi dhe të Rinj, në një intervistë për Radio Evropa e Lirë ka deklaruar se likuiditeti i Fondit të Sigurimit Pensional mund të përmirësohet përmes rritjes së numrit të të punësuarve në tregun e punës.
Sipas tij, kjo mund të arrihet duke stimuluar më fuqishëm punësimin e përfituesve joaktivë të ndihmës sociale nga shteti.
“Bazuar në të gjitha statistikat që i kemi, në Maqedoninë e Veriut ende ekziston një numër i mjaftueshëm i qytetarëve që mund të punësohen. Po jap një shembull konkret: në sistemin e mbrojtjes sociale sot kemi 32 mijë familje që përfitojnë ndihmë minimale të garantuar. Këto janë familje ku ka gjyshër, prindër, vajza dhe djem, dhe në pjesën më të madhe bëhet fjalë për persona madhorë dhe të aftë për punë”, tha Velkovski.
Ai theksoi se ekziston potencial real, por sipas tij nevojitet një riorganizim i tërë sistemit shtetëror.
“Nuk mund të veprojë vetëm Ministria e Politikës Sociale duke zbatuar masa aktive. Nevojitet angazhim i përbashkët i të gjithë shtetit dhe i ministrive të tjera, për të përmbushur nevojën për fuqi punëtore, e cila sipas të dhënave për këtë vit arrin rreth 18 mijë vende të lira pune. Ky hendek mund të plotësohet edhe nga burime të tjera që për vite me radhë kanë qenë të përjashtuara nga tregu i punës”, deklaroi Velkovski.
Gripi ende nuk ka arritur pikun. Madje gjatë javës së kaluar janë raportuar 126 raste të reja, por që përbëjnë një rënie prej 31 për qind për qind krahasuar me javën paraprake. Gjatë kësaj periudhe mbizotëron influenza A.
Simptomat zakonisht shfaqen papritur dhe përfshijnë temperaturë të lartë, dhimbje muskujsh dhe kollë. Në disa raste, gripi mund të shoqërohet me komplikime, si infeksione bakteriale sekondare dhe infeksione të traktit të poshtëm respirator, të cilat mund të kërkojnë edhe trajtim spitalor.
“Sipas raportit të Institutit të Shëndetit Publik gripi është ende nën pragun e aktivitetit sezonal në bazë të rasteve të raportuara, këtë e shohim edhe në terren numri i pacientëve nuk i kalon ato numra që janë tipik për këtë sezon, në fakt numri është më i vogël në dallim me vitin e kaluar…megjithatë pritet që pas festave të fillojë aktivitetit sezonal i gripit”, tha Sanja Cilevska Mlladenovska.
Më të ekspozuar ndaj gripit janë fëmijët, pasi ata janë më shpesh në kontakt me njëri-tjetrin dhe më të ekspozuar ndaj infeksioneve, veçanërisht në ambiente kolektive si çerdhet dhe shkollat.
“Më të rrezikuar janë qytetarët që janë në kolektive të mbyllura, pra parasë gjithash fëmijët në çerdhe, pasi kalojnë shumë kohë në grupe të mëdha, me shumë fëmijë dhe fëmijët janë mjaft të ekspozuar ndaj infeksioneve, më pas të moshuarit, qytetarët me imunitet të dobët, qytetarët me probleme kronike, pra këta kanë pasqyrë më serioze klinike”, shtoi Sanja Cilevska Mlladenovska .
Instituti i Shëndetit Publik rekomandon që personat me simptoma gripi të qëndrojnë në shtëpi, të pushojnë dhe të marrin shumë lëngje, si dhe të shmangin kontaktet e ngushta me të tjerët. Po ashtu, duhet ajrosur shpesh ambienti dhe të mbahen të pastra sipërfaqet. Personat mbi 65 vjeç, ata me sëmundje kronike ose në rast të përkeqësimit të simptomave, duhet të kërkojnë ndihmë mjekësore.
Dy persona kanë humbur jetën si pasojë e një aksidenti tragjik që ka ndodhur sot në Serbi, në autostradën Beograd-Nish.
Sipas mediave lokale, viktimat janë një burrë dhe një grua, shtetas shqiptarë nga Maqedonia e Veriut.
Aksidenti ka ndodhur pranë daljes së Umçarit, kur vetura e markës “Seat”, me targa gjermane, ka humbur kontrollin dhe ka dalë nga rruga.
Në automjet ndodhej edhe një person i tretë, i cili ka pësuar lëndime të rënda trupore dhe është dërguar me urgjencë për trajtim mjekësor në spital, transmeton Klankosova.tv.
Dyshohet se këta ishin duke kaluar tranzit nëpër Serbi, duke udhëtuar për në Maqedoninë e Veriut për t’i kaluar pushimet.
Nga TAV Maqedoni njoftojnë se për shkak të mjegullës, e cila edhe sot, më 21 dhjetor 2025, është e pranishme në luginën e Shkupit, në Aeroportin Ndërkombëtar të Shkupit ka ulje të dukshmërisë, gjë që rezultoi që, në periudhën nga ora 00:00 deri në ora 12:00, kompanitë ajrore të anulojnë 20 fluturime dhe të riorientojnë 1 fluturim.
Në njoftimin e fundit thuhet se pas orës 11:00 kanë ateruar avionët nga Dortmundi dhe Vjena, ndërsa aktualisht pritet të fluturojë avioni për Hamburg.
Sipas parashikimit të motit që na vjen nga Shërbimi Meteorologjik i M-NAV, ulja e dukshmërisë pritet edhe për pjesën tjetër të ditës, si dhe gjatë ditës së nesërme.
“Megjithatë, duke marrë parasysh se kushtet e motit ndryshojnë vazhdimisht dhe çdo kompani ajrore ka pragun e vet të tolerancës për dukshmëri të reduktuar, bëjmë apel te të gjithë pasagjerët të ndjekin informacionet dhe udhëzimet për fluturimet e tyre që i marrin nga kompania e tyre ajrore. Për pasagjerët dhe publikun, përsërisim – Aeroporti Ndërkombëtar i Shkupit nuk është i mbyllur. Aeroporti është i hapur, pavarësisht kushteve të motit. Personeli ynë, me pajisjet dhe sistemet aeroportuale, është i gatshëm të shërbejë si avionët, ashtu edhe pasagjerët. Dëshirojmë të sqarojmë se aeroporti mbyllet vetëm me vendim të veçantë, kur dërgohet një njoftim ajror NOTAM për të gjithë aktorët në aviacion, dhe kjo bëhet vetëm në situata të jashtëzakonshme, kur ndonjë kapacitet i aeroportit i lidhur me shërbimin e avionëve nuk funksionon, ose në rast të një gjendjeje të jashtëzakonshme të përgjithshme. Në Aeroportin Ndërkombëtar të Shkupit, të gjitha kapacitetet janë në funksion, prandaj jemi të hapur për trafikun ajror. Në të gjitha rastet me mjegull, Aeroporti Ndërkombëtar i Shkupit nuk mbyllet, por qëndron i hapur. Ne presim që Shërbimi Meteorologjik i M-NAW, si institucioni përgjegjës për sistemet e navigacionit në aviacion, të na informojë për përmirësim të kushteve të motit – si ne si operator aeroportual, ashtu edhe kompanitë ajrore, të cilat vendosin pilotët nëse do të aterojnë apo do të riorientohen në një aeroport tjetër, varësisht nga dukshmëria minimale që kompania ka vendosur si të pranueshme”, thonë nga TAV-Maqedoni.
Nga TAV-Maqedoni thonë se personeli i aeroportit punon 24/7, pulti i informacionit është i gatshëm të përgjigjet në të gjitha pyetjet lidhur me ndryshimet në orarin e rregullt të fluturimeve, si fizikisht, ashtu edhe në linjën telefonike +389 2 3148 333.
Në autostradën Shkup-Veles, në afërsi të pikës pagesore Petrovec, dje vonë pasdite ka ndodhur një aksident trafiku, në të cilin pesë persona kanë pësuar lëndime trupore, informojnë nga Ministria e Punëve të Brendshme. Në aksidentin, i cili ka ndodhur në orën 16:20, u përfshinë dy automjete pasagjerësh.
Të lënduarit u transportuan me automjete të Ndihmës urgjente mjekësore në institucionet shëndetësore në Shkup për mjekim.
Është kryer inspektim nga një ekip inspektimi nga SPB Shkup. Mjegulla që ka përfshirë luginën e Shkupit që nga dje po e vështirëson trafikun ajror në aeroportin e Shkupit, ndërsa trafiku në rrugët shtetërore po zhvillohet me dukshmëri të zvogëluar në disa akse rrugore.
Më datë 20.12.2025 në ora 18:20, punonjësit policorë nga Departamenti i Punëve të Brendshme Gostivar, kanë privuar nga liria personat A.Z. (24) dhe M.Z. (27), të dyja nga Gostivari, nën dyshimin e bazuar se më datë 14.12.2025 kanë kryer një vjedhje të rëndë në shtëpinë e pronarit F.M. (58) nga Gostivari.
Gjatë kësaj vjedhjeje ishin marrë para dhe bizhuteri ari në vlerë prej rreth 65.000 euro.
Më vonë, është privuar nga liria edhe N.I. (24) nga Tetova.
Nga Ministria e Punëve të Brendshme, njotuan se po atë ditë, pas marrjes së urdhrit gjyqësor, është kryer kontroll në shtëpinë e A.Z., me ç’rast janë gjetur dhe sekuestruar me vërtetim pjesa më e madhe e parave të vjedhura dhe bizhuterive të arit, të cilat do t'i kthehen pronarit.
Personat e ndaluar po mbahen në stacionin policor dhe pas dokumentimit të plotë të rastit, ndaj tyre do të paraqitet kallëzimi përkatës.
Trafiku në rrugët shtetërore po zhvillohet pa probleme, kryesisht në rrugë të thata.
Dukshmëri e zvogëluar për shkak të mjegullës prej 100 deri në 200 metrash vërehet nga Tetova - Shkupi - Kumanova - Koçani - Saramzalina - Velesi - Negotina - Kapija e Veriut, ndërsa mjegull me dukshmëri deri në 50 metra vërehet në Manastir - Prilep - Gjavata - Resnja - Brodi i Veriut - Kërçova dhe Dibra, informon LAMM.
Intensiteti i trafikut në rrugët jashtë zonave urbane është mesatar. Në vendkalimet kufitare në anën e RMV-së nuk ka vonesa më të gjata për hyrje dhe dalje nga vendi.
LAMM rekomandon shpejtësi të rregulluar, respektim të sinjalistikës së vendosur të trafikut dhe menaxhim të kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut.
Kjo vlen veçanërisht për seksionet Katllanovë - Veles, Mavrovë - Dibër - Strugë, Vinicë - Berovë dhe Koçani - Delçevë.
Moti sot do të jetë me vranësira të ndryshueshme dhe të qeta me periudha me diell.
Në mëngjes, në disa lugina do të shfaqet mjegull. Temperatura minimale do të jetë në intervalin -5 deri në 1, ndërsa maksimale do të arrijë nga 7 deri në 12 gradë.
Në Shkup, vranësira të ndryshueshme dhe të qeta me mjegull në mëngjes.
Temperatura minimale do të bjerë në -3, ndërsa maksimale do të arrijë deri në 7 gradë.
Në Kongresin e sotëm të Bashkimit Demokratik për Integrim (BDI), delegatët miratuan përbërjen e re të kryesisë së partisë, duke i dhënë mbështetje unanime emrave të propozuar.
Bajram Rexhepi, ish-nënkryetari dhe Blerim Bexheti, ish-sekretar organizativ janë dy personat e vetëm që nuk do jenë sërish pjesë e Kryesisë së Ngushtë të BDI-së. Bajram Rexhepi megjithatë është pjesë e Kryesisë Qendrore – si anëtar, njëjtë sikurse 17 të tjerë që do jenë sërish pjesë, ndërsa 15 të tjerë, janë larguar. Nga kjo del se, nga 33 anëtarë të Kryesisë Qendrore, 18 anëtarë janë të ri.
Këshilli i ri i përgjithshëm i partisë sot në Kongres ka zgjedhur edhe anëtarët e Kryesisë Qendrore, ndërsa në të nuk janë shumë anëtarë të vjetër si Sadulla Duraku, Talat Xhaferi, Blerim Bexheti, Fatmir Dehari, Nazim Bushi, Resi Abdurrahmani, Shaban Memeti, Ejup Rustemi, Musa Xhaferi, Xhevat Ademi, Ejup Alimi.
KRYESIA E NGUSHTË:
Bujar Osmani, nënkryetar
Faton Ahmeti, nënkryetar
Arta Bilalli-Zendeli, nënkryetare
Arbana Pasholli, nënkryetare
Erkan Arifi, nënkryetar
Arbër Ademi, Sekretar i Përgjithshëm
Nebi Rexhepi, Sekretar Organizativ
Arbëresha Vlashi, Sekretare Për Mundësi të Barabarta
Prokuroria ngriti aktakuzë ndaj deputetit nga radhët e Të Majtës, Sashko Jançev, për vepra të rënda kundër sigurisë së njerëzve dhe pronës në trafik. Kjo vjen pas aksidentit rrugor ku Jançev ishte i përfshirë më 14 shtator në fshatin Marino të Shkupit, kur automjeti i tij goditi një motoçikletë. Si pasojë humbi jetën 16-vjeçari Matej Dimovski, ndërsa e dashura e tij 13-vjeçare, si pasagjere, u lëndua rëndë.
Sipas prokurorisë, Jançevi nuk iu përmbajt rregullave të trafikut dhe me këtë ka kryer veprën penale për të cilën tani mbahet përgjegjës.
“I dyshuari ka drejtuar automjetin “Hyundai Tucson”, por nuk ka respektuar rregullat e trafikut, duke rrezikuar qarkullimin publik dhe duke vënë në rrezik jetën e njerëzve. Ai ka kthyer automjetin në mënyrë të papërshtatshme pa u siguruar se një veprim i tillë nuk do t’i rrezikonte pjesëmarrësit e tjerë në trafik. Në atë moment, automjetin e ka goditur një motoçikletë “Jijing” pa targa dhe pa pajisje të instaluara të ndriçimit, të cilën e drejtonte 16-vjeçari Matej Dimovski”, thonë nga Prokuroria Publike Themelore.
Jançev nuk ka respektuar rregullat e trafikut.
Ka kthyer makinën në mënyrë të papërshtatshme pa u siguruar se nuk do të rrezikonte pjesëmarrësit e tjerë në trafik. Ka goditur një motoçikletë, drejtuesi 16-vjeçar ka ndërruar jetë.
Shumë shpejtë pas njoftimit të Prokurorisë, në rrjetet sociale u shpreh edhe vetë Jançev, i cili së pari shprehu keqardhje të thellë për aksidentin dhe vdekjen e djalit 16-vjeçar. Ai tha se menjëherë pas aksidentit, autoritetet filluan ta përdorin rastin për qëllime politike kundër tij, dhe e quanin madje edhe vrasës. Jançev tha se në këtë rast nuk do të thirret tek imuniteti i tij si deputet.
Status në Facebook i deputetit Sashko Jançev:
“Pushteti, të njëjtën ditë, vetëm pas disa orësh, filloi ta përdorë këtë rast për qëllime politike kundër meje përmes sulmeve të koordinuara dhe të planifikuara. Më pas kryeministri në një intervistë në lajme më dënoi dhe në mënyrë indirekte më kërcënoi me Prokurori. Pastaj doli historia me imunitetin. Unë në imunitet as nuk jam thirrur, as nuk më ka shkuar në mendje të thirrem.”
Sipas informacioneve zyrtare, aksidenti ndodhi më 14 shtator pas mesnate, ndërsa motoçiklisti nuk kishte leje drejtimi dhe as ai, as pasagjerja tjetër, nuk kishin helmetë mbrojtëse. Pasi aktakuza të miratohet, procedura do të vazhdojë para gjykatës kompetente.
Lidhja e Sindikatave të Maqedonisë ka njoftuar se shporta minimale sindikale për muajin dhjetor të këtij viti arrin 65.492 denarë dhe është rritur për 319 denarë krahasuar me shportën minimale të muajit të kaluar, e cila ishte 65.173 denarë.
LSM sot njoftoi se nëse i shtohet qiraja për një apartament me qira prej 60 metra katrorë, shporta minimale sindikale për dhjetor arrin 80.867 denarë.
Sipas llogaritjeve të LSM, për dhjetor për ushqim dhe pije janë të nevojshme 23.640 denarë, për Arsim 7.159 denarë, për qira, ujë, energji elektrike dhe ngrohje 6.130 denarë, veshje dhe këpucë 5.875 denarë, transport 4.636 denarë, Restorante dhe hotele 4.131 denarë, komunikim 3.417 denarë, higjienë personale dhe mirëmbajtje e higjienës në shtëpi 2.620 denarë.
Kujtojmë se nga 1 janari, përveç që sindikatat do të llogarisin shportën minimale të konsumit, edhe Qeveria do të bëjë llogaritjen për shportën mesatare të konsumit, e cila do të jetë për një familje me të paktën katër anëtarë.
Pa energji elektrike sot do të jenë disa pjesë të komunës së Butelit, ndërsa nesër disa pjesë të komunës Çair, për shkak të punimeve teknike në rrjetin shpërndarës të energjisë elektrike, njoftoi Qendra Rajonale për Menaxhim me Kriza e Qytetit të Shkupit, pas njoftimit nga EVN Maqedoni.
Deri në orën 15:00, pa rrymë do të jenë shfrytëzuest e një pjesë të fshatit Lubanc, konkretisht pjesa drejt Kishës “Shën Jovan” në komunën e Butelit.
Nga QRMK theksojnë se nesër pa rrymë nga ora 8 deri në orën 13 do të jenë shfrytëzuesit nga një pjesë e rr. “Xhon Kenedi” (shfrytëzuesit në rrethinën e marketit Vero ) dhe një pjese të rrugës “Kemal Sejfula” (shfrytëzuesit në afërsi të stadiumit) në komunën e Çairit.
Trafiku në rrugët shtetërore zhvillohet kryesisht në rrugë të thata, informon LAMM.
Dukshmëria është e zvogëluar për shkak të mjegullës deri në 50 metra në Resnjë dhe Udovë.
Intensiteti i trafikut në rrugët jashtë zonave urbane është mesatar. Në pikat kufitare në anën e Maqedonisë së Veriut, nuk ka vonesa më të gjata për hyrje dhe dalje nga vendi.
Kujtojmë se detyrimi ligjor për të pasur pajisje dimërore në automjete, pavarësisht nga kushtet aktuale të motit, filloi më 15 nëntor 2025. Ky detyrim do të zgjasë deri më 15 mars 2026.
Login
