Policia e Kosovës ka njoftuar se ka realizuar ekstradimin e dy personave të kërkuar ndërkombëtarisht, njëri nga Zvicra dhe tjetri nga Shqipëria.

Sipas njoftimit, personi i parë ishte arrestuar nga autoritetet zvicerane pas një urdhër-arresti ndërkombëtar të lëshuar nga institucionet e drejtësisë së Kosovës për veprën penale “grabitje”.

Pas ekstradimit, ai i është dorëzuar njësive përkatëse të Policisë së Kosovës në rajonin e Gjilanit për procedura të mëtejshme ligjore.

Ndërkaq, personi i dytë ishte ndaluar nga autoritetet shqiptare në pikën kufitare në Vërmicë, pasi kërkohej nga Kosova përmes INTERPOL-it për veprën penale “arratisje nga institucioni”.

Policia ka bërë të ditur se ai ishte dënuar më herët për ndihmë në një rast të “vrasjes së rëndë”, ndërsa pas ekstradimit i është dorëzuar autoriteteve policore në rajonin e Pejës.

Sinjali – aty ku e vërteta flet para lajmit!

/GazetaSinjali/

The post Dy persona të kërkuar nga drejtësia ekstradohen në Kosovë nga Zvicra dhe Shqipëria appeared first on Sinjali.

Nga dita e hënë do të nisë zyrtarisht procesi i regjistrimit të deputetëve të zgjedhur të Kuvendit të Kosovës, si pjesë e procedurave për formimin e legjislaturës së re.

Regjistrimi do të zhvillohet përgjatë tri ditëve, gjatë të cilave të gjithë 120 deputetët do të kryejnë procedurat administrative të nevojshme për marrjen e mandatit parlamentar.

Ky hap i paraprin seancës konstituive të Kuvendit, ku deputetët do të bëjnë betimin dhe më pas pritet të nisin procedurat për zgjedhjen e kryetarit, nënkryetarëve dhe organeve të tjera drejtuese të institucionit.

Procesi i regjistrimit konsiderohet faza e fundit administrative para nisjes së punës së legjislaturës së re.

Sinjali – aty ku e vërteta flet para lajmit!

/GazetaSinjali/

The post Nis regjistrimi i deputetëve të rinj, përgatitet konstituimi i Kuvendit të Kosovës appeared first on Sinjali.

Nga 1 shtatori, Inspektorati Qendror i Punës do të nisë zbatimin e një sistemi tërësisht digjital për kryerjen e inspektimeve në Kosovë, me synim rritjen e efikasitetit dhe transparencës në procesin e mbikëqyrjes.

Vendimi është bërë i ditur nga ministri në detyrë për Punë, Familje dhe Vlerat e Luftës Çlirimtare, Andin Hoti, i cili ka njoftuar se inspektimet do të dokumentohen në kohë reale përmes platformave digjitale.

Pjesë e reformës do të jetë edhe përdorimi i dronëve për kontrollin e kantiereve dhe vendeve të punës me rrezik të shtuar, në përputhje me legjislacionin në fuqi.

Sipas ministrisë, paralelisht do të forcohet edhe bashkëpunimi ndërinstitucional, duke mundësuar shkëmbim më të shpejtë të informacioneve mes institucioneve përgjegjëse, me synim parandalimin e shkeljeve dhe rritjen e sigurisë në vendet e punës.

Sinjali – aty ku e vërteta flet para lajmit!

/GazetaSinjali/

The post Inspektimet e Punës digjitalizohen nga 1 shtatori, në mbikëqyrje hyjnë edhe dronët appeared first on Sinjali.

Pas gati dy vitesh kërkime, autoritetet dyshojnë se kanë gjetur mbetjet mortore të alpinistit belg Mark Joris, i cili ishte zhdukur në shtator të vitit 2024 gjatë një ekspedite në zonën malore mes Shqipërisë dhe Maqedonisë së Veriut.

Sipas raportimeve të mediave belge, policia kufitare në Maqedoninë e Veriut gjeti një çantë shpine, tendë, thes gjumi, telefona celularë dhe mbetje mortore në një shpat mali. Përmes verifikimit të numrit IMEI të telefonit, autoritetet dyshojnë se sendet i përkasin 72-vjeçarit belg.

Familja e alpinistit ka bërë të ditur se analizat e ADN-së do të konfirmojnë zyrtarisht identitetin e mbetjeve, ndërsa beson se ai humbi jetën pasi rrëshqiti gjatë etapës së fundit të ecjes malore.

Mark Joris ishte një alpinist me përvojë dhe kishte udhëtuar i vetëm në shtegun malor “High Scardus Trail”, por që nga 11 shtatori 2024 ishte humbur çdo kontakt me të. Kërkimet e zhvilluara për muaj të tërë nuk kishin dhënë rezultat deri në zbulimin e fundit.

Sinjali – aty ku e vërteta flet para lajmit!

/GazetaSinjali/

The post Dy vjet pas zhdukjes në malet e Shqipërisë, dyshohet se gjenden mbetjet e alpinistit belg appeared first on Sinjali.

Sot i jepet lamtumira e fundit 24-vjeçares dhe dy fëmijëve të saj, të moshës 3 dhe 1 vjeç, të cilët humbën jetën tragjikisht nga zjarri që përfshiu banesën e tyre në fshatin Domen të Shkodrës.

Ceremonia e varrimit do të zhvillohet në varrezat e Domnit, në orën 15:00, ku familjarë, të afërm dhe banorë të zonës pritet t’u japin lamtumirën viktimave.

Sipas informacioneve paraprake, familja ishte kthyer nga emigrimi për të rregulluar një banesë të vjetër, ndërsa në momentin kur shpërtheu zjarri, bashkëshorti i 24-vjeçares dhe vjehrri i saj ndodheshin jashtë shtëpisë.

Hetimet paraprake tregojnë se zjarri mund të jetë shkaktuar nga shpërthimi i një bombole gazi, ndërsa autoritetet po vazhdojnë ekspertizat për të përcaktuar shkakun e saktë të tragjedisë.

Sinjali – aty ku e vërteta flet para lajmit!

/GazetaSinjali/

The post Shkodra i jep lamtumirën nënës dhe dy fëmijëve që humbën jetën në zjarrin tragjik appeared first on Sinjali.

Kryeministri i Polonisë, Donald Tusk, ka deklaruar se objekti që ra në një zonë rurale të vendit gjatë sulmeve ruse ndaj Ukrainës, me shumë gjasë ishte një raketë ruse.

Sipas Tuskut, të gjitha të dhënat fillestare tregojnë se bëhet fjalë për një raketë balistike ruse të tipit Kh-101, por autoritetet polake po vazhdojnë verifikimet për të konfirmuar llojin e saktë dhe burimin e lëshimit.

Objekti ra rreth 100 kilometra larg kufirit me Ukrainën, në kohën kur Rusia po kryente sulme ajrore ndaj rajonit të Lvivit.

Polonia ka nisur hetimet për incidentin, ndërsa zhvillimi ka nxitur reagime edhe nga partnerët ndërkombëtarë. Franca ka dënuar sulmet ruse dhe ka deklaruar se bëhet fjalë për cenim të hapësirës ajrore polake.

Sinjali – aty ku e vërteta flet para lajmit!

/GazetaSinjali/

The post Polonia ngre alarmin: Objekti i rënë në territorin e saj dyshohet të jetë raketë ruse Kh-101 appeared first on Sinjali.

Një edukatore 32-vjeçare është arrestuar nga Policia e Tiranës, pasi dyshohet se ka ushtruar dhunë fizike ndaj një fëmije 2-vjeçar në ambientet e një kopshti privat.

Sipas autoriteteve, arrestimi i B. H. është kryer në flagrancë nga specialistët për Hetimin e Krimeve në Komisariatin e Policisë Nr. 4.

Policia ka bërë të ditur se materialet procedurale i janë dërguar organeve kompetente për vazhdimin e hetimeve dhe sqarimin e plotë të rrethanave të rastit.

Rasti ka hapur hetime për të përcaktuar përgjegjësinë ligjore të personit të dyshuar.

Sinjali – aty ku e vërteta flet para lajmit!

/GazetaSinjali/

The post Tiranë: Arrestohet edukatorja, dyshohet se dhunoi një fëmijë 2-vjeçar në kopsht privat appeared first on Sinjali.

Një ngjarje e rëndë ka tronditur zonën e Porto Palermos në Himarë, ku një 65-vjeçar ka humbur jetën pas shpërthimit të një lënde artizanale plasëse.

Sipas informacioneve paraprake, viktima dyshohet se po peshkonte duke përdorur mjetin shpërthyes, kur ai i ka shpërthyer në dorë, duke i shkaktuar plagë të rënda në trup dhe gjymtyrë.

Pavarësisht ndërhyrjes dhe transportimit drejt spitalit, 65-vjeçari nuk ka mundur t’u mbijetojë plagëve dhe ka ndërruar jetë gjatë rrugës.

Policia ka nisur hetimet për të zbardhur rrethanat e plota të ngjarjes dhe mënyrën e posedimit e përdorimit të lëndës plasëse.

Sinjali – aty ku e vërteta flet para lajmit!

/GazetaSinjali/

The post Tragjedi në Himarë: 65-vjeçari humb jetën pas shpërthimit të lëndës plasëse gjatë peshkimit appeared first on Sinjali.

Gjykata e Apelit ka vërtetuar aktgjykimin ndaj gjashtë personave të dënuar për shitblerje të narkotikëve dhe armëmbajtje pa leje.

Sipas vendimit, Shkodran Pulaj, Roksana Kaçiku, Ymridin Krasniqi, Xhevahir Koqinaj, Flamur Shala dhe Liridon Krasniqi mbeten të dënuar me mbi 7 vjet burgim në total dhe 6 mijë e 800 euro gjoba.

Apeli ka refuzuar ankesat e mbrojtjes dhe të Prokurorisë, duke vlerësuar se dënimet e shqiptuara nga Gjykata Themelore në Pejë janë të ligjshme dhe në përputhje me provat e administruara.

Rasti lidhet me akuzat për shitblerje të narkotikëve, përfshirë kokainën, si dhe posedim të paautorizuar të armëve. Gjatë bastisjeve, sipas aktgjykimit, ishin sekuestruar substanca narkotike, armë, municion dhe pajisje të tjera.

Vendimi i Apelit e mbyll fazën e ankesave dhe lë në fuqi dënimet e shkallës së parë.

Sinjali ka raportuar ekskluzivisht për rastin.

Ekskluzive: Shkodran Pulaj i njohur për pazarllëk me policë, prokurorë e gjyqtarë po hetohet për dhunimin e një djali të mitur

Ekskluzive: Shkodran Pulaj i njohur për pazarllëk me policë, prokurorë e gjyqtarë po hetohet për dhunimin e një djali të mitur

Të miturit i ofroi drogë në këmbim të favoreve seksuale? Shkodran Pulaj dyshohet edhe për dy raste të tjera të dhunimit

Sinjali – aty ku e vërteta flet para lajmit!

/GazetaSinjali/

The post Apeli vulos dënimin ndaj Shkodran Pulajt dhe pesë të tjerëve për drogë e armëmbajtje appeared first on Sinjali.

Serbia dhe Shqipëria kanë arritur një marrëveshje në parim për hapjen e konsullatave të ndërsjella në Shkodër dhe Bujanoc, një hap që sipas zyrtarëve pritet të ndikojë në forcimin e bashkëpunimit mes dy vendeve.

Lajmi është bërë i ditur nga ministri i Jashtëm i Serbisë, Marko Gjuriq, i cili deklaroi se dakordësia është arritur gjatë një takimi me homologun e tij shqiptar, Ferit Hoxha.

Gjuriq tha se hapja e këtyre përfaqësive konsullore do të shërbejë për lehtësimin e kontakteve dhe zhvillimin e marrëdhënieve diplomatike, ekonomike dhe njerëzore mes qytetarëve të dy vendeve.

“Më gëzon fakti që zhvillova bisedime të mira me ministrin e ri të Jashtëm të Shqipërisë, me të cilin arritëm marrëveshje në parim për hapjen e konsullatave në Shkodër dhe Bujanoc”, ka deklaruar Gjuriq.

Ministri serb foli edhe për rrugën e Serbisë drejt Bashkimit Evropian, duke theksuar se Beogradi vazhdon punën për zbatimin e reformave të kërkuara në kuadër të procesit të integrimit.

Sipas tij, marrëdhëniet ekonomike me vendet e BE-së dhe rajonin kanë rëndësi të veçantë për Serbinë, ndërsa anëtarësimi në Bashkimin Evropian mbetet një nga objektivat kryesore të politikës së saj të jashtme.

Sinjali – aty ku e vërteta flet para lajmit!

/GazetaSinjali/

The post Serbia dhe Shqipëria drejt hapjes së konsullatave në Shkodër dhe Bujanoc appeared first on Sinjali.

Një 38-vjeçar është arrestuar nga Policia shqiptare në fshatin Zgërbonjë të Beratit, pasi dyshohet se ishte përfshirë në kultivimin e bimëve narkotike.

Sipas njoftimit zyrtar, gjatë kontrolleve të zhvilluara në terren, autoritetet kanë gjetur 107 bimë të dyshuara narkotike të llojit Cannabis sativa, si dhe 20 kubikë me fidanë të dyshuar.

Policia ka bërë të ditur se, pas veprimeve hetimore të kryera, është bërë i mundur identifikimi dhe arrestimi i shtetasit R. I., 38-vjeç, banues në Poliçan, i cili dyshohet si personi përgjegjës për kultivimin e bimëve.

Rasti është referuar në organet e drejtësisë për procedura të mëtejshme, ndërsa kontrollet kundër kultivimit të bimëve narkotike do të vazhdojnë në të gjithë qarkun e Beratit.

Autoritetet kanë deklaruar se operacionet synojnë parandalimin dhe goditjen e rasteve të kultivimit të paligjshëm të lëndëve narkotike.

Sinjali – aty ku e vërteta flet para lajmit!

/GazetaSinjali/

The post Kapet duke kultivuar kanabis në Berat, arrestohet 38-vjeçari appeared first on Sinjali.

Policia e Kosovës në Gjilan ka vazhduar kontrollet për respektimin e rendit dhe qetësisë publike, duke shqiptuar pesë gjoba ndaj personave që dyshohet se kanë shkaktuar zhurmë gjatë orëve të natës.

Sipas njoftimit të Drejtorisë Rajonale të Policisë në Gjilan, aktivitetet e shtuara janë zhvilluar gjatë dy ditëve të fundit me qëllim parandalimin dhe identifikimin e rasteve që cenojnë qetësinë e qytetarëve.

Njësitet policore kanë reaguar ndaj ankesave dhe rasteve të evidentuara në terren, ndërsa ndaj shkelësve janë ndërmarrë masa ligjore në përputhje me dispozitat për rendin dhe qetësinë publike.

Policia ka bërë të ditur se kontrollet do të vazhdojnë edhe në ditët në vijim, përmes patrullimeve dhe reagimeve ndaj ankesave të qytetarëve, me synim ruajtjen e qetësisë publike në rajonin e Gjilanit.

Sinjali – aty ku e vërteta flet para lajmit!

/GazetaSinjali/

The post Policia në Gjilan nis aksion kundër zhurmës së natës, shqiptohen pesë gjoba appeared first on Sinjali.

Detaje të reja kanë dalë nga tragjedia e rëndë që tronditi zonën e Postribës në Shkodër, ku një 24-vjeçare dhe dy fëmijët e saj të mitur humbën jetën pasi banesa ku ndodheshin u përfshi nga zjarri.

Sipas informacioneve paraprake, trupat e viktimave janë gjetur brenda banesës pranë njëri-tjetrit. Dyshohet se në momentet e fundit, nëna ka tentuar të shpëtojë fëmijët e saj, ndërsa foshnja 1-vjeçare është gjetur në krahët e saj, ndërsa fëmija tjetër pranë tyre.

Gjatë hetimeve në vendngjarje, ekspertët kanë gjetur mbetje të një bombole të vogël gazi, e cila është marrë si provë për ekzaminime të mëtejshme. Banesa ka pësuar dëme të mëdha nga zjarri, duke lënë pas vetëm disa pjesë metalike të objektit.

Hetuesit po analizojnë të gjitha provat për të përcaktuar shkakun e saktë të zjarrit. Dyshimet fillestare lidhen me një rrjedhje të mundshme gazi gjatë tentativës për ndezjen e bombolës për gatim, por nuk janë përjashtuar as pista të tjera.

Bashkëshorti i 24-vjeçares ka deklaruar para hetuesve se familja kishte marrë me vete edhe një shishe benzinë, e cila do të përdorej për punime në banesë. Sipas tij, ai ishte larguar për pak minuta për të blerë disa produkte, ndërsa gjatë mungesës së tij kishte shpërthyer zjarri.

Një nga vështirësitë kryesore në ndërhyrjen emergjente ishte edhe pozita e izoluar e banesës, e cila ndodhej larg objekteve të tjera dhe në një terren të vështirë për qasje.

Familja Çelaj jetonte në Gjermani dhe kishte ardhur në Shqipëri për pushime. Ata kishin shkuar në banesën e vjetër në fshatin Domen për ta pastruar dhe rregulluar atë, por vizita përfundoi në një tragjedi të rëndë.

Autoritetet po vazhdojnë hetimet, ndërsa rezultatet e ekspertizave pritet të përcaktojnë shkakun përfundimtar të zjarrit.

Sinjali – aty ku e vërteta flet para lajmit!

/GazetaSinjali/

The post Tragjedi në Shkodër: Nëna dhe dy fëmijët humbin jetën nga zjarri, zbardhen detaje të reja nga ngjarja appeared first on Sinjali.

Presidenti i Shteteve të Bashkuara, Donald Trump, ka bërë të ditur se administrata e tij po shqyrton mundësinë e vendosjes së masave më të rrepta kontrolli ndaj teknologjive të inteligjencës artificiale.

Deklarata e Trump vjen pas shqetësimeve të fundit lidhur me përdorimin e mjeteve të inteligjencës artificiale në sulme kibernetike dhe rreziqet për sigurinë e të dhënave të kompanive.

I pyetur nëse platformat e inteligjencës artificiale, përfshirë mjetet e zhvilluara nga OpenAI, mund të kenë rol në shkelje të teknologjive private të kompanive të tjera, Trump tha se administrata po e shqyrton çështjen dhe mundësinë e kontrolleve të reja.

Sipas tij, çdo masë ndaj inteligjencës artificiale duhet të zbatohet me kujdes, duke ruajtur balancën mes sigurisë dhe zhvillimit teknologjik.

Komentet e presidentit amerikan përbëjnë një ndryshim në qëndrimin e administratës ndaj rregullimit të sektorit të inteligjencës artificiale, ndërsa debati global për kontrollin e kësaj teknologjie po intensifikohet.

Autoritetet amerikane kanë shprehur shqetësime të vazhdueshme edhe për zhvillimin e teknologjive konkurruese nga Kina, duke e bërë inteligjencën artificiale një nga çështjet kryesore në politikat e sigurisë dhe inovacionit.

Sinjali – aty ku e vërteta flet para lajmit!

/GazetaSinjali/

The post Trump paralajmëron masa të reja për inteligjencën artificiale pas shqetësimeve për sigurinë appeared first on Sinjali.

Gjykata Themelore në Pejë ka shqiptuar mbi 24 vjet burgim ndaj gjashtë personave të dënuar për raste të rrezikimit të trafikut publik që kanë përfunduar me pasoja fatale.

Sipas të dhënave zyrtare të kësaj gjykate për periudhën 2025-2026, janë nxjerrë pesë aktgjykime dënuese për aksidente me fatalitet, ku personat e përfshirë janë shpallur fajtorë për shkelje të rregullave të trafikut.

Dënimi më i lartë gjatë kësaj periudhe është shqiptuar në një rast ku gjykata vendosi gjashtë vjet burgim për të akuzuarin. Vendimi është marrë më 29 prill 2025, në kuadër të lëndës P.nr.1069/23.

Një tjetër rast me dënim të rëndësishëm është ai i 4 nëntorit 2025, ku gjykata dënoi dy persona. Njëri prej tyre u dënua me pesë vjet e gjashtë muaj burgim, ndërsa tjetri me 10 muaj burgim. Po ashtu, me pesë vjet e gjashtë muaj burgim u dënua edhe një person tjetër në një rast të veçantë të gjykuar më 12 shtator 2025.

Pjesa tjetër e vendimeve përfshiu dënime nga dy deri në katër vjet burgim. Në një rast të korrikut 2025 u shqiptua dënim prej katër vitesh burgim, ndërsa një tjetër vendim i dhjetorit 2025 rezultoi me dy vjet e gjashtë muaj burgim.

Të dhënat tregojnë për një bilanc prej gjashtë personash të dënuar në pesë procese gjyqësore, ndërsa rastet kanë të bëjnë me aksidente trafiku ku humbja e jetës ka sjellë përgjegjësi penale për të përfshirët.

Sinjali – aty ku e vërteta flet para lajmit!

/GazetaSinjali/

The post Mbi 24 vjet burgim për gjashtë persona në Pejë për aksidente me fatalitet appeared first on Sinjali.

Një valë sulmesh ruse me raketa dhe dronë ka goditur disa rajone të Ukrainës gjatë natës mes të mërkurës dhe të enjtes, duke shkaktuar viktima dhe dëme të konsiderueshme materiale.

Presidenti ukrainas, Volodymyr Zelensky, ka bërë të ditur se ndër viktimat janë edhe tre fëmijë, të cilët sipas tij humbën jetën së bashku me prindërit e tyre si pasojë e sulmeve.

Zelensky publikoi pamje nga zonat e prekura, përfshirë rajonet e Dnipros dhe Lvivit, ku shihen dëme të shkaktuara nga goditjet raketore. Ai tha se dy fëmijë të tjerë u shpëtuan nga rrënojat pas sulmeve.

Sipas presidentit ukrainas, sulmet përfshinë më shumë se 70 raketa, shumica prej të cilave ishin raketa balistike, si dhe rreth 280 dronë sulmues. Ai pretendoi se forcat ukrainase arritën të rrëzonin më shumë se 260 prej tyre.

Zelensky përsëriti thirrjen ndaj aleatëve ndërkombëtarë për përshpejtimin e ndihmës ushtarake, veçanërisht në sistemet e mbrojtjes ajrore.

“Vonesat në furnizimin me mjete mbrojtëse nënkuptojnë më shumë shkatërrime dhe më shumë viktima”, ka deklaruar ai, duke kërkuar mbështetje të vazhdueshme për mbrojtjen e qytetarëve ukrainas.

Sinjali – aty ku e vërteta flet para lajmit!

/GazetaSinjali/

The post Sulmet ruse në Ukrainë lënë viktima civile, Zelensky: Tre fëmijë humbën jetën bashkë me prindërit appeared first on Sinjali.

Çmimet e derivateve të naftës në Kosovë kanë pësuar një ulje të lehtë gjatë ditës së enjte, sipas çmimeve tavan të publikuara nga Ministria e Industrisë, Ndërmarrësisë, Tregtisë dhe Inovacionit.

Sipas njoftimit, çmimi maksimal i një litri naftë është ulur për një cent krahasuar me ditën paraprake. Nga 1.74 euro për litër sa ishte të mërkurën, nafta të enjten do të shitet me çmim maksimal prej 1.73 euro për litër.

Ndërkohë, çmimi i benzinës është përcaktuar në 1.51 euro për litër, ndërsa gazi do të kushtojë 0.60 euro për litër.

Çmimet e reja do të jenë në fuqi gjatë ditës së enjte, ndërsa ndryshimet në tregun e derivateve përcaktohen në bazë të vendimeve dhe lëvizjeve të çmimeve referuese.

Sinjali – aty ku e vërteta flet para lajmit!

/GazetaSinjali/

The post Ulen çmimet e derivateve në Kosovë, nafta më e lirë për një cent appeared first on Sinjali.

George dhe Amal Clooney janë detyruar të largohen përkohësisht nga prona e tyre në jug të Francës, pasi zjarre të mëdha pyjore kanë përfshirë zonën përreth Brignoles.

Çifti hollivudian ka shprehur shqetësim për situatën, duke bërë të ditur se ende nuk e dinë nëse shtëpia e tyre do të shpëtojë nga flakët. Në një mesazh drejtuar autoriteteve lokale, ata kanë shprehur mbështetjen për banorët e prekur dhe kanë theksuar se do të qëndrojnë pranë komunitetit edhe pas përfundimit të krizës.

Prona e Clooney-ve ndodhet në një zonë rurale ku çifti jeton së bashku me fëmijët e tyre, binjakët Ella dhe Alexander. Aktori dhe bashkëshortja e tij, avokatja e njohur për të drejtat e njeriut Amal Clooney, e kishin zgjedhur këtë vend për një jetë më të qetë, larg zhurmës së Hollivudit.

Zjarret në rajon janë përshkruar si ndër më të mëdhatë e viteve të fundit, duke detyruar shumë banorë të largohen nga shtëpitë e tyre dhe duke shkaktuar dëme të konsiderueshme në disa zona.

George Clooney më herët ka treguar se jeta në Francë u ka dhënë fëmijëve të tyre mundësinë të rriten më pranë natyrës dhe me më pak ekspozim ndaj vëmendjes publike.

Pavarësisht pasigurisë për pronën e tyre, çifti ka bërë të qartë se lidhja e tyre me komunitetin francez mbetet e fortë dhe se do të kontribuojnë në rikuperimin e zonës pas përfundimit të zjarreve.

Sinjali – aty ku e vërteta flet para lajmit!

/GazetaSinjali/

The post George dhe Amal Clooney largohen nga vila në Francë, zjarret kërcënojnë pronën e çiftit të famshëm appeared first on Sinjali.

Një qytetar nga Istogu ka mbetur pa veturën e tij, pasi e la të parkuar për dy ditë dhe, kur u kthye, ajo kishte humbur pa asnjë gjurmë.

Sinjali mëson se viktimë e rastit është M. Vuthaj (52-vjeç).

Sipas burimeve, ai ka deklaruar në Polici se automjetin e tij Audi B4, me ngjyrë të zezë metalike dhe pa targa, e kishte parkuar më 27 korrik në rrugën “Fadil Ferati” në Istog.

Kur është kthyer në vendin ku e kishte lënë veturën, më 29 korrik, rreth orës 16:00, ai ka konstatuar se automjeti ishte zhdukur.

Pronari ka vlerësuar se dëmi i shkaktuar arrin në rreth 500 euro.

Me urdhër të Prokurorit të Shtetit është iniciuar rasti si “Vjedhje”, ndërsa Policia po punon për identifikimin e autorit dhe gjetjen e automjetit.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Zhduket “Audi” i parkuar në Istog – pronari e gjeti bosh vendin ku e kishte lënë appeared first on Sinjali.

Një mosmarrëveshje familjare në Pejë ka eskaluar në një rast të dyshuar të dhunës në familje, ku një 37-vjeçar dyshohet se tentoi ta kapte nënën e tij për fyti pas një debati për ndarjen e pronës.

Sinjali mëson se i dyshuari është E.K (37-vjeç), ndërsa viktimë është Gj.H (75-vjeçe).

Sipas burimeve, Policia ka ndërhyrë në një banesë në rrugën “Mbreti Bardhyl”, pasi ishte raportuar për dhunë në familje. Nëna e të dyshuarit u ka deklaruar zyrtarëve policorë se prej kohësh është përballur me dhunë psikike të vazhdueshme nga djali i saj, i cili, sipas saj, përdor substanca narkotike dhe alkool.

Ajo ka deklaruar se gjatë ditës i dyshuari kishte biseduar me disa avokatë dhe më pas i kishte kërkuar ndarjen e pjesës së tij të shtëpisë. Pasi ajo i kishte thënë se shtëpia ishte e tij dhe nuk kishte nevojë për ndarje, ai dyshohet se ka tentuar ta kapë për fyti.

Viktima ka refuzuar trajtimin mjekësor, ndërsa me rastin është njoftuar edhe Qendra për Punë Sociale, e cila, në koordinim me Policinë, ka bërë që gruaja të strehohet në një shtëpi të sigurt.

I dyshuari është arrestuar dhe intervistuar, por me vendim të Prokurorit të Shtetit është liruar në procedurë të rregullt, ndërsa ndaj tij është iniciuar rasti për veprën penale “Dhunë në familje”.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Kërkoi ndarjen e shtëpisë, tentoi ta kapte nënën për fyti – pejani procedohet për dhunë në familje appeared first on Sinjali.