Policia e Kosovës po kërkon ndihmën e qytetarëve për ta kapur një person të kërkuar për vjedhje.

Policia e Gjakovës tha se stacioni policor në Malishevë po synon ta identifikojë dhe ta kapë një person i cili dyshohet se më 8 janar kreu një vjedhje në një qendër tregtare.

“Drejtoria Rajonale e Policisë në Gjakovë, përkatësisht Stacioni Policor në Malishevë – Sektori i Hetimeve, me autorizim nga Prokurori i Shtetit, dhe në kuadër të zhvillimit të procedurave hetimore, kërkon bashkëpunimin e qytetarëve për identifikimin dhe lokalizimin e një personi të dyshuar. Personi i dyshuar dyshohet se më datë 08.01.2026, në një qendër tregtare në Malishevë, ka kryer veprën penale “Vjedhje”, dhe pavarësisht angazhimeve dhe veprimeve të ndërmarra deri më tani, identiteti i tij ende nuk është zbuluar”, thotë Policia.

Me qëllim të rritjes së efikasitetit të procedurës hetimore, Policia i ftoi të gjithë qytetarët që, “nëse kanë ndonjë informacion i cili mund të ndihmojë në identifikimin ose lokalizimin e personit të dyshuar, i cili shihet në fotografinë dhe video-incizimin e bashkangjitur, të kontaktojnë Policinë e Kosovës”.

Kontaktimi me Policinë mund të bëhet përmes “numrit emergjent 192, stacionit policor më të afërt, ose përmes e-mailit zyrtar: info@kosovopolice.com”.

“Policia e Kosovës garanton se të gjitha informacionet e pranuara do të trajtohen me konfidencialitet të plotë dhe në përputhje me legjislacionin në fuqi”.

Sinjali – aty ku e vërteta flet para lajmit!

/GazetaSinjali/

The post Policia kërkon ndihmë për kapjen e një personi: Dyshohet se vodhi në një qendër tregtare në Malishevë appeared first on Sinjali.

Një aksident trafiku ka ndodhur para pak minutash në Merdare.

Gazeta Sinjali ka kontaktuar me Policinë, por deri në momentin e publikimit nuk ka marrë përgjigje.

Sinjali – aty ku e vërteta flet para lajmit!

/GazetaSinjali/

The post Aksident në Merdare, Audia përfundon jashtë rruge appeared first on Sinjali.

Prokuroria Themelore në Prishtinë ka autorizuar Policinë e Kosovës për të nisur grumbullimin e provave lidhur me mospërputhjet që janë vërejtur pas rinumërimit të votave në komunën e Drenasit për zgjedhjet e 28 dhjetorit 2025.

Sipas Prokurorisë, janë identifikuar diferenca të dyshimta në rezultatet e kandidatëve për deputet, duke kërkuar verifikimin dhe sigurimin e provave për shkeljet e mundshme.

Prokuroria po monitoron gjithashtu procesin e rinumërimit edhe në komunat tjera dhe do të shqyrtojë mundësinë e autorizimeve të tjera për grumbullimin e provave pas përfundimit të procesit.

Sinjali – aty ku e vërteta flet para lajmit!

/GazetaSinjali/

The post Prokuroria autorizon policinë në Drenas pas mospërputhjeve të rezultateve të zgjedhjeve appeared first on Sinjali.

Legjenda e futbollit, Sergio Ramos, është një hap afër bërit pronar i Sevilla FC, klubit ku nisi karrierën e tij.

Sipas raportimeve, Ramos ka arritur një marrëveshje në parim me aksionerët e klubit për të nisur procesin e blerjes, me një ofertë prej 450 milionë euro.

Ai dhe partneri i tij i biznesit, Martin Ink, po kryejnë një auditim të thelluar financiar për të finalizuar marrëveshjen.

Nëse kjo blerje përfundon, Ramos do të bëhet pronar i klubit që e formoi si lojtar.

Sinjali – aty ku e vërteta flet para lajmit!

/GazetaSinjali/

The post Sergio Ramos afrohet për të blerë Sevillan, ofron 450 milionë euro për klubin appeared first on Sinjali.

Izraeli ka shpallur gatishmëri maksimale për shkak të mundësisë së sulmeve ushtarake amerikane ndaj Iranit.

Tensionet janë rritur pas protestave antiqeveritare në Iran dhe stacionimit të forcave amerikane në Gjirin Persik.

Zyrtarët izraelitë paralajmërojnë se Iran mund të hakmerret ndaj Izraelit nëse SHBA-ja ndërmerr veprime ushtarake.

Po ashtu, Teherani ka kërcënuar me një përgjigje të shpejtë dhe gjithëpërfshirëse në rast sulmi. Situata mbetet e tensionuar dhe pa qartësi mbi veprimet e mëtejshme.

Sinjali – aty ku e vërteta flet para lajmit!

/GazetaSinjali/

The post Izraeli në gatishmëri për sulme të mundshme amerikane ndaj Iranit appeared first on Sinjali.

Kryesuesi i Komisionit Qendror të Zgjedhjeve (KQZ), Kreshnik Radoniqi, ka zhvilluar një takim me shefin e Misionit të OSBE-së në Kosovë, Gerard McGurk.

Gjatë takimit, Radoniqi e njoftoi McGurk për përmbylljen e procesit të rinumërimit të vendvotimeve dhe shpalljen e rezultateve përfundimtare të zgjedhjeve të parakohshme.

McGurk përgëzoi KQZ-në për organizimin e suksesshëm të zgjedhjeve dhe theksoi angazhimin e tij për mbrojtjen e integritetit të votës.

Të dy palët ranë dakord për hapat e ardhshëm të bashkëpunimit.

Sinjali – aty ku e vërteta flet para lajmit!

/GazetaSinjali/

The post Radoniqi dhe shefi i OSBE-së diskutojnë për procesin zgjedhor dhe bashkëpunimin e ardhshëm appeared first on Sinjali.

Ministri i Mbrojtjes së Shqipërisë, Pirro Vengu, ka deklaruar se vendi i tij, Kosova dhe Kroacia nuk kanë nevojë t’i marrin leje askujt për të nënshkruar marrëveshjen në fushën e mbrojtjes.

Kjo erdhi pas pyetjes që iu parashtrua lidhur me deklaratat e presidentit të Serbisë, Aleksandar Vuçiq lidhur me këtë marrëveshje.

Por, përveç faktit që Vengu tha se marrëveshja nuk është e ndërtuar kundër dikujt, ai deklaroi se ftesë i është bërë edhe Serbisë, Euronews.al.

“Patjetër kam vënë re herë pas here një sens paniku nga deklarata zyrtare në Beograd. Mund t’ iu them që është një marrëveshje trepalëshe që nuk është ndërtuar kundër askujt. Madje kam qenë unë vetë i pari që kam shprehur edhe ftesë, pse jo, që Serbia, nëse gjykon se rajoni, stabiliteti, qëndrueshmëria dhe e ardhmja euroatlantike e vendeve të rajonit është e rëndësishme, atëherë t’i bashkëngjitet kësaj iniciative. Ja u merr mendja që nuk kam marrë një përgjigje për sa i përket kësaj ftese”, tha Vengu.

Sinjali – aty ku e vërteta flet para lajmit!

/GazetaSinjali/

The post Vengu: Marrëveshja trepalëshe për mbrojtjen nuk është kundër askujt appeared first on Sinjali.

Dy kirurgë janë përfshirë në një përplasje fizike në Klinikën e Kirurgjisë së Fëmijëve në QKUK, pas një takimi te ashensori.

Policia e Kosovës për Gazetën Sinjali e ka konfirmuar ngjarjen, duke e trajtuar si rast “Sulm”.

Zëdhënësi i Policisë, Enis Pllana, tha se hetimet janë në vazhdim për zbardhjen e plotë të rrethanave të incidentit.

“Sot rreth orës 08:00, kemi pranuar informatën për një përleshje fizike, e cila ka ndodhë në QKUK në Prishtinë. Bazuar në të dhënat fillestare, në këtë rast janë përfshirë dy persona. Në koordinim me Prokurorin e Shtetit rasti është iniciuar Sulm. Sektori i Hetimeve të Kryeqytetit po merret për sqarimin e plotë të rrethanave të rastit”, ka konfirmuar Pllana.

Sinjali – aty ku e vërteta flet para lajmit!

/GazetaSinjali/

The post Grushtimi i kirurgëve në QKUK, policia konfirmon rastin appeared first on Sinjali.

Kryeministri i Shqipërisë, Edi Rama, po qëndron në një vizitë zyrtare në Izrael, ku ka takuar homologun e tij, Benjamin Netanyahu.

Gjatë vizitës, Rama ka vizituar Murin e Lotëve në Jerusalem, duke shprehur dëshirën që Zoti t’i dërgojë forcën e Paqes këtij qyteti.

Rama dhe Netanyahu do të mbajnë një konferencë për media së bashku, ku pritet të diskutojnë çështje të rëndësishme ndërkombëtare.

Sinjali – aty ku e vërteta flet para lajmit!

/GazetaSinjali/

The post Rama në Izrael: Uroj që Zoti t’i dërgojë forcën e paqes këtij qyteti appeared first on Sinjali.

Një i ri është arrestuar në Prishtinë paraditen e kësaj të hëne, pas një diskutimi mes një grupi në rrugën “UÇK” te Qafa.

Gazeta Sinjali ka kontaktuar me Policinë për më shumë detaje mbi incidentin, por deri në momentin e publikimit nuk ka marrë ndonjë përgjigje.

Sinjali – aty ku e vërteta flet para lajmit!

/GazetaSinjali/

The post Debatoi në rrugë, policia arreston të riun appeared first on Sinjali.

Kampioni legjendar i Formula 1, Michael Schumacher, është në gjendje të lëvizë brenda pronave të tij, pas 12 vitesh qëndrimi në shtrat pas aksidentit të rëndë në ski.

Burime pranë familjes konfirmuan se ai tani mund të ulet në karrocë dhe të lëvizë në Majorkë dhe pranë Liqenit të Gjenevës.

Megjithatë, ai vazhdon të jetë nën kujdesin e vazhdueshëm të bashkëshortes dhe mjekëve. Ky zhvillim shihet si një hap i vogël, por domethënës, në përmirësimin e gjendjes së tij shëndetësore.

Sinjali – aty ku e vërteta flet para lajmit!

/GazetaSinjali/

The post 12 vjet nga aksidenti, përmirësohet gjendja e Schumacherit appeared first on Sinjali.

Kryeministri i Shqipërisë, Edi Rama, po qëndron në një vizitë zyrtare në Izrael, e cila do të përfundojë nesër.

Gjatë vizitës, Rama është takuar me homologun e tij, Benjamin Netanyahu, dhe pritet të mbajnë një konferencë për media së bashku.

Vizita po zhvillohet në kuadër të Konferencës Ndërkombëtare për Luftën kundër Antisemitizmit.

Sinjali – aty ku e vërteta flet para lajmit!

/GazetaSinjali/

The post Edi Rama takohet me Benjamin Netanyahu në Izrael appeared first on Sinjali.

Kandidati i PDK-së, Fetah Paçarizi, ka pasur më së shumti mospërputhje me votat në zgjedhjet e parakohshme të 28 dhjetorit.

Deri tani, procesi i rinumërimit ka zbuluar se Paçarizi ka humbur 6,022 vota, më shumë sesa numri i votave që ka fituar, 6,037. Rinumërimi i votave ka arritur tashmë në rreth 70% të nivelit kombëtar.

Prizreni është identifikuar si “qendra” e manipulimeve me vota, ku u arrestuan 109 persona dhe ku procesi i rinumërimit është duke u zhvilluar nën vëzhgimin e institucioneve përkatëse.

Sinjali – aty ku e vërteta flet para lajmit!

/GazetaSinjali/

The post Kampioni i manipulimeve me vota: Fetah Paçarizi humb më shumë se sa fitoi appeared first on Sinjali.

Dy kirurgë dyshohet se janë përfshirë në një përplasje fizike në Klinikën e Kirurgjisë së Fëmijëve në QKUK, pas një takimi te ashensori.

Gazeta Sinjali ka kontaktuar me Policinë për më shumë detaje mbi incidentin, por deri në momentin e publikimit nuk ka marrë ndonjë përgjigje.

Sinjali – aty ku e vërteta flet para lajmit!

/GazetaSinjali/

The post Dy kirurgë dyshohet se u rrahën në Klinikën e Kirurgjisë së Fëmijëve në QKUK appeared first on Sinjali.

Zgjerohet aksioni i Krimeve Ekonomike në Prizren, në kuadër të hetimeve për dyshimet mbi keqpërdorime në Eko Regjion.

Burime të sigurta të Sinjalit konfirmojnë se në këtë operacion është arrestuar edhe Ragip Zejna, i njohur si pjesë e kompanisë “Dielli Construction”.

Në të njëjtën kohë, burimet bëjnë me dije se Burim Shala, i dyshuar në këtë rast, nuk është gjetur në vend, pasi dyshohet se ndodhet jashtë vendit dhe aktualisht konsiderohet në arrati, teksa ndaj tij janë kryer bastisje në zyrë dhe shtëpi.

Hetimet po vazhdojnë dhe pritet që institucionet kompetente të dalin me informata shtesë për rastin.

Sinjali do t’ju mbajë të informuar.

Sinjali – aty ku e vërteta flet para lajmit!

/GazetaSinjali/

The post Ekskluzive | Aksioni për keqpërdorimet në Eko Regjion: Arrestohet edhe Ragip Zejna nga “Dielli Construction”, Burim Shala në arrati appeared first on Sinjali.

Vazhdon aksioni i Krimeve Ekonomike në Prizren, ku burime të sigurta konfirmojnë se është bastisur edhe zyra, edhe shtëpia e Burim Shales, i dyshuar në rastin e keqpërdorimeve në Eko Regjion.

Sipas informatave që ka siguruar Sinjali, i dyshuari nuk është gjetur në vend, pasi dyshohet se ndodhet jashtë vendit, duke u konsideruar aktualisht në arrati.

Burimet bëjnë me dije se ndaj tij po zhvillohen veprime intensive hetimore, ndërsa pritet që institucionet kompetente të japin detaje zyrtare për natyrën e dyshimeve dhe masat që mund të merren në vijim.

Sinjali do t’ju mbajë të informuar me zhvillimet e reja.

Sinjali – aty ku e vërteta flet para lajmit!

/GazetaSinjali/

The post Bastiset zyra dhe shtëpia e Burim Shales, i dyshuar për keqpërdorime në Eko Regjion – ndodhet në arrati appeared first on Sinjali.

Një traget me më shumë se 350 persona në bord u fundos mëngjesin e së hënës pranë një ishulli në Filipinet jugore. Ngjarja tragjike ndodhi në mot të mirë, gati 2 kilometra nga fshati ishullor Baluk-baluk në provincën Basilan.

Ekipet e shpëtimit kanë arritur të shpëtojnë 316 pasagjerë, ndërkohë që 15 trupa të pajetë janë nxjerrë nga uji. Zyrtarët lokalë raportuan se trageti u mbyt në kushtet më të paqëndrueshme të mundshme, duke shtuar se shpëtimi i pasagjerëve ka qenë një operacion i vështirë.

Komandanti i rojes bregdetare, Romel Dua, bëri të ditur se grupet e shpëtimit po vazhdojnë punën për të nxjerrë të tjerë nga deti, ndërkohë që hetimet janë duke u zhvilluar për të zbuluar shkaqet e mbytjes së tragetit.

Sinjali – aty ku e vërteta flet para lajmit!

/GazetaSinjali/

The post Traget i fundosur në Filipine, 15 të vdekur dhe 316 të shpëtuar appeared first on Sinjali.

Agjencia e Ushqimit dhe Veterinarisë (AUV) ka njoftuar se produkti ushqimor për foshnja APTAMIL AR 2 është tërhequr nga tregu pas identifikimit të substancës Cereulide, që paraqet rrezik për shëndetin.

AUV ka marrë masa të menjëhershme për tërheqjen e tij dhe u bën thirrje konsumatorëve që posedojnë këtë produkt të mos e përdorin atë dhe ta kthejnë në pikat e shitjes.

Sinjali – aty ku e vërteta flet para lajmit!

/GazetaSinjali/

The post APTAMIL tërhiqet nga tregu, AUV bën thirrje për kthimin e produktit appeared first on Sinjali.

Marc Casado, një tjetër talent i La Masia, ka qenë në qendër të spekulimeve për një largim të mundshëm nga Barcelona para mbylljes së afatit kalimtar dimëror.

Futbollisti është lidhur me Atletico Madrid dhe Manchester United, por ai ka theksuar se për momentin e sheh veten si pjesë të Barcelonës.

Pas pak minutash në fushë këtë sezon, Casado ka shprehur se për të veshja e Barcelonës është gjithmonë prioritet, duke shpresuar të mbetet në ekip për shumë vite.

Pavarësisht thashethemeve për largimin e tij, ai pritet të mbetet pjesë e klubit deri në fund të sezonit, kur mund të shqyrtohen mundësitë për një transferim.

Sinjali – aty ku e vërteta flet para lajmit!

/GazetaSinjali/

The post Interesim nga Atletico dhe Man Utd, Casado jep përgjigjen e tij definitive appeared first on Sinjali.

Kryetari i LDK-së, Lumir Abdixhiku, ka njoftuar përmes një postimi në Facebook se të shtunën do të mbahet një takim i rëndësishëm i anëtarëve të partisë për të diskutuar dhe vendosur mbi çështjet e rëndësishme të partisë.

Abdixhiku tha se LDK nuk është parti që frikësohet nga anëtarësia e vet dhe gjithmonë ka marrë vendime hapur dhe me shumicë në Kuvend.

Ai theksoi se ky proces do të bëjë LDK-në më të fortë dhe më të organizuar, duke shtuar se delegatët do të mblidhen për të vendosur për të ardhmen e partisë dhe të Kosovës.

Sinjali – aty ku e vërteta flet para lajmit!

/GazetaSinjali/

The post Abdixhiku: LDK nuk frikësohet nga gara, anëtarësia do të flasë të shtunën appeared first on Sinjali.