Rama apo Berisha, kush është më afër Trump? Pas ftesës së Trump për Bordin e Paqes, Shumica e shqiptarëve nuk i besojnë më nofkave dhe skenarëve imagjinare për rrëmbimin e kryeministrit.

53% e vulosin si fundi i tezës Ramaduro nga opozita, kurse vetëm gjysma e mbështetësve të Berishës i besojnë ende parullës “Asgjë nuk e shpëton Edi Ramën”.

35% e qytetarëve e kanë parë ftesën e Tramp, përtej preferencave personale dhe si shenjë e raporteve të mira mes qeverive Uashington-Tiranë.

Në shumicë dërrmuese, miratimin e ftesës së Trump nga Rama konsiderohet veprimi i duhur nga 67.4% e qytetarëve, 25.4% mendojnë se duhej një debat kombëtar para miratimit me urgjencë në parlament, kurse vetëm 7.2%, elektorat i djathtë, thonë se duhej refuzuar. Një sinjal ky se pjesa më militante e PD, është zhgënjyer nga rikthimi i Donald Tramp si mik i Edi Ramës. Por kjo jave ka shënuar gjithashtu një ngritje te kuotave te qeverise.

PS ka regjistruar rritjen e dytë në mbështetje prej 11 majit. Nga 47.1% në 48.5%.

Kurse PD këtë javë, pasi votoi pro Ramës për anëtar në Bordin e Paqes së Trump, mbajti dhe një protestë të dhunshme kombëtare.

Një protestë që mbështetet  nga 33% e te anketuarve, për arsyen pse u thirr, por vetëm nga 12 përqind për dhunen e saj. Shumica e te anketuarve, 55.7% e refuzojnë atë.

Dhe thuajse kaq qytetarë, 50.6% mendojnë se dhuna është mënyra e vetme se si vepron Berisha.

Vetëm 21.3% apo demokratët të cilët kanë 13 vite në opozitë, besojnë se kjo është rruga e duhur.

Por një numër qytetarët më i lartë se demokratët, 28.1% e shohin si një furtunë në gotë, pasi në fund nuk jep asnjë rezultat.

Megjithatë, Sali Berisha dhe protesta e dhunshme, e ngjitën PD me 1.1% brenda javës, nga 25.3% në 26.7%. ose me sakte suksesi i protestës, duket rritja e polarizimit. Dhe numri i hezituesve ulet, dhe rriten dy partitë e vjetra.

Duket se ndjeshëm këto javë po bie edhe shpresa e shqiptarëve për një parti të re. 2 javë më parë kjo shpresë ishte 25.6%, sot është 20%.

Sekretari i Përgjithshëm i NATO-s, Mark Rutte deklaroi këtë të hënë se Europa nuk është e aftë të mbrojë veten pa mbështetjen e Shteteve të Bashkuara të Amerikës, një deklaratë kjo e cila vjen vetëm disa ditë pas deklaratave të presidentit Amerikan Donald Trump për marrjen e Groenlandës, deklaratë kjo e cila çoi në pikën më të lartë tensionet transaltantike.

“Nëse dikush mendon se Bashkimi Evropian ose Evropa në tërësi mund të mbrohet pa SHBA-në, le të vazhdojë të ëndërrojë. Nuk mundet,” u shpreh kreu i Aleancës veri Atlantike para anëtarëve të komisioneve për mbrojtjen dhe politikën e jashtme të Parlamentit Evropian.

Ai e quajti idenë e krijimit të një “shtylle evropiane” të NATO-s si një koncept bosh dhe argumentoi se një ushtri evropiane do të sillte shumë mbivendosje me strukturat ekzistuese të aleancës. Sipas tij, kjo do të ishte edhe në interes të presidentit rus Vladimir Putin.

Rutte kërkoi gjithashtu që Bashkimi Evropian t’i lejojë Ukrainës të përdorë një pjesë të huas prej 90 miliardë eurosh për blerjen e armëve nga Shtetet e Bashkuara, pavarësisht përpjekjeve të disa vendeve si Franca që këto fonde të shpenzohen vetëm tek prodhuesit evropianë të armëve.

Rutte theksoi se SHBA-ja mbetet e përkushtuar ndaj NATO-s dhe se presidenti Trump vazhdon ta mbështesë aleancën duke theksuar se vete Washingtoni ka nevoje për Aleancçn Veri Atlantike

Sekretari i Përgjithshëm i NATO-s vlerësoi gjithashtu rolin e Trump në rritjen e shpenzimeve ushtarake të vendeve anëtare, duke thënë se pa presionin e tij, shumë shtete nuk do ta kishin rritur buxhetin e mbrojtjes në nivelin 2 për qind të Prodhimit të Brendshëm Bruto. “Pa SHBA-në, mbrojtja e Evropës do të kushtonte një mal me para ,” tha Rutte, duke shtuar se nëse Evropa do të përpiqej të mbrohej e vetme, shpenzimet do të arrinin deri në 10 për qind të PBB-së dhe do të duheshin miliarda euro për të zëvendësuar mburojën bërthamore amerikane.

Kreu i Aleancës Veri Atlantike shprehu shqetësimin e tij se ndasia mes Europës dhe Perëndimit në industrinë e Mbrojtjes do te sillte probleme edhe për Ukrainën, pasi Rutte deklaroi se Europa nuk mund ti siguroje pothuajse asgjë Ukrainës për t’u mbrojtur, sa i përket kërkesave ushtarake të këtij shteti që prej 4 vitesh është në luftë me Rusinë.

Efekti i protestës ka sjellë mobilizim të PS. Sali Berisha dhe protesta e dhunshme, e ngjitën PD me 1.1% brenda javës, nga 25.3% në 26.7%; ose me saktë suksesi i protestës, duket rritja e polarizimit.

Dhe numri i hezituesve ulët, dhe rriten dy partitë e vjetra. Duket se ndjeshëm në sondazhin “Zëri i Shqiptarëve” në ABC News se këto javë po bie edhe shpresa e shqiptarëve për një parti të re.

2 javë më parë kjo shpresë ishte 25.6%, sot është 20%.

Linku i pyetësorit është shpërndarë me SMS të rastësishme në mënyrë proporcinale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit.

Ndërkohë kampioni u ripeshua statistikisht për t’i përfaqësuar sa më mirë 1.9 milionë banorë të rritur të Shqipërisë nga pikëpamja gjeografike, demografike, arsimore dhe politike.

Kampioni i sondazhit është 1153 banorë të rritur të vendit, ndërsa maksimumi i marzhit të gabimit statistikor +/-2.9 %

Aeroplanmbajtësja amerikan “Abraham Lincoln” dhe eskorta e saj kanë mbërritur në Lindjen e Mesme, njoftoi sot ushtria amerikane, duke forcuar kështu praninë e saj në rajon në një periudhë tensionesh të forta me Iranin.

Donald Trump kishte siguruar javën e kaluar se një armatë amerikane po nisej drejt Gjirit dhe se Uashingtoni po monitoronte me kujdes Iranin, ku pushteti kishte shtypur me gjak protesta masive.

Presidenti amerikan disa herë ka kërcënuar se mund të godasë Iranin për t’iu përgjigjur këtij shtypjeje, por dukej se ishte tërhequr nga ky kërcënim, pasi kishte siguruar se Teherani kishte pezulluar ekzekutimet e planifikuara të protestuesve.

”Anija, që deri më tani ndodhej në Detin e Kinës Jugore, është aktualisht e vendosur në Lindjen e Mesme për të promovuar sigurinë dhe stabilitetin rajonal”, deklaroi në X komanda ushtarake amerikane për Lindjen e Mesme (Centcom).

Që përpara njoftimit të Centcom-it, regjimi iranian kishte paralajmëruar sot për çdo ndërhyrje amerikane.

“Mbërritja e një anijeje të tillë lufte nuk do të ndikojë në vendosmërinë e Iranit (…) për të mbrojtur kombin”, tha zëdhënësi i Ministrisë së Jashtme, Esmail Baghai duke iu referuar dukshëm anijes.

“Republika Islamike e Iranit ka besim në kapacitetet e saj”, shtoi ai.

Irani dhe Izraeli zhvilluan në qershor 2025 një luftë 12-ditore, e shkaktuar nga një sulm pa precedent i Izraelit kundër objekteve ushtarake dhe bërthamore në territorin iranian dhe zona të banuara.

Kryeministri britanik, Keir Starmer do të udhëtojë sot drejt Kinës, në vizitën e parë kryeministrore në tetë vjet, konfirmoi zyra e tij.

“Starmer do të fluturojë gjithashtu për në Japoni këtë javë”, tha zyra e tij në Downing Street.

Vizita shënon një moment të rëndësishëm në përpjekjen e udhëheqësit të Partisë Laburiste për të ndërtuar ura me Pekinin pas një ngrirjeje në marrëdhëniet kino-britanike në vitet e fundit të qeverisë së mëparshme konservatore.

Kjo vjen pasi planet kontroverse për të ndërtuar një ambasadë të re gjigante kineze në Londër u miratuan nga qeveria e Starmer javën e kaluar.

Starmer do të shoqërohet nga udhëheqës biznesi, ndërsa ai kërkon të përmirësojë marrëdhëniet tregtare me superfuqinë në këtë udhëtim, i cili është i pari i një kryeministri britanik që nga vizita e Theresa May në vitin 2018.

Starmer përballet me presion nga vendi për të ngritur disa tema të vështira me udhëheqësin kinez Xi Jinping, përfshirë aktivitetin e spiunazhit të Kinës, trajtimin e pakicës ujgure dhe burgosjen e Jimmy Lai, një aktivist pro demokracisë në Hong Kong dhe shtetas britanik.

Një burim nga Downing Street tha se qeveria ishte e vendosur të ndiqte një qasje “të fortë dhe të pjekur” ndaj marrëdhënies së saj me Pekinin që “i vë familjet britanike në radhë të parë”.

Pas votimit të paraprirë me zhurmë, por të votuar në heshtje për pjesëmarrjen e Shqipërisë në Bordin e Paqes, 110 anëtarë të Kuvendit votuan për të qenë pjesë e këtij institucioni me fokus paqen globale.

53.2 për qind e të anketuarve mendojnë se ftesa te Bordi i Paqes është fund i tezës ‘Ramaduro’ të opozitës. 35.1 për qind mendojnë se është një shenjë e raporteve të mira të dy qeverive.

Pjesa tjetër 11.7 për qind mendojnë se asgjë nuk e shpëton Edi Ramën.

Linku i pyetësorit është shpërndarë me SMS të rastësishme në mënyrë proporcinale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit.

Ndërkohë kampioni u ripeshua statistikisht për t’i përfaqësuar sa më mirë 1.9 milionë banorë të rritur të Shqipërisë nga pikëpamja gjeografike, demografike, arsimore dhe politike.

Kampioni i sondazhit është 1153 banorë të rritur të vendit, ndërsa maksimumi i marzhit të gabimit statistikor +/-2.9 %

Kuvendi i Shqipërisë votoi këtë javë me 110 vota pro miratimin e ftesës së presidentit amerikan Donald Trump, për kryeministrin Edi Rama si përfaqësues të Shqipërisë në Bordin e Paqes për Gazën. Në sondazhin e ABC News 67.4% e qytetarëve shqiptarë e cilësuan miratimin si gjënë e duhur.

25.4% e tyre kanë shprehur mendimin se në Kuvend duhej një debat më i gjatë kombëtar. Kurse vetëm 7.2% mendojnë se ftesa duhej refuzuar. Linku i pyetësorit është shpërndarë me SMS të rastësishme në mënyrë proporcinale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit.

Ndërkohë kampioni u ripeshua statistikisht për t’i përfaqësuar sa më mirë 1.9 milionë banorë të rritur të Shqipërisë nga pikëpamja gjeografike, demografike, arsimore dhe politike.

Kampioni i sondazhit është 1153 banorë të rritur të vendit, ndërsa maksimumi i marzhit të gabimit statistikor +/-2.9 %

Pas foltoreve tradicionale përpara kryeministrisë, opozita mbajti protestën e saj të shtunën e kaluar.

Pas votimit të paraprirë me zhurmë, por të votuar në heshtje për pjesëmarrjen e Shqipërisë në Bordin e Paqes, demokratët nuk kursyen molotovë drejt fasadës së kryeministrisë.

Pyetjes lidhur me opozitën dhe mbështetjes së tyre për protestat: të anketuarit janë përgjigjur me 50.6 për qind se është mënyra e vetme sesi Berisha di të sillet me opozitën dhe Shqipërinë. 21.3 për qind e tyre thonë se është rruga e duhur, ndërsa 28.1 për qind mendojne se nuk ka dhënë kurrë rezultat.

Linku i pyetësorit është shpërndarë me SMS të rastësishme në mënyrë proporcinale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit.

Ndërkohë kampioni u ripeshua statistikisht për t’i përfaqësuar sa më mirë 1.9 milionë banorë të rritur të Shqipërisë nga pikëpamja gjeografike, demografike, arsimore dhe politike.

Kampioni i sondazhit është 1153 banorë të rritur të vendit, ndërsa maksimumi i marzhit të gabimit statistikor +/-2.9 %

/ abcnews.al /

PD këtë javë, pasi votoi pro Ramës për anëtar në Bordin e Paqes së Trump, mbajti dhe një protestë të dhunshme kombëtare.

Pyetjes në sondazhin në “Zërin e Shqiptarëve” në ABC News, se çfarë mbështesni në protestën e Berishës, 55.7 % e të anketuarve janë përgjigjur se nuk mbështesin as arsyen e as dhunën.

Pra shumica e të anketuarve, 55.7% e refuzojnë atë.

Ndërsa 33.0 % janë përgjigjur; Arsyet që e thirri.

Linku i pyetësorit është shpërndarë me SMS të rastësishme në mënyrë proporcinale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit.

Ndërkohë kampioni u ripeshua statistikisht për t’i përfaqësuar sa më mirë 1.9 milionë banorë të rritur të Shqipërisë nga pikëpamja gjeografike, demografike, arsimore dhe politike.

Kampioni i sondazhit është 1153 banorë të rritur të vendit, ndërsa maksimumi i marzhit të gabimit statistikor +/-2.9 %

/abcnews.al/

Abc News Live

Një zyrtare e Kombeve të Bashkuara për Iranin bëri të ditur se ka marrë ankesa se protestues që lidhen me valën e protestave në vend janë larguar nga spitalet dhe janë arrestuar nga forcat e sigurisë iraniane.

Raporti i bërë nga Special Adresja e OKB-së për Iranin, Mai Sato, për Reuters, tregon se familjet janë detyruar të paguajnë shpërblime nga 5,000 deri 7,000 dollarë për të rimarrë trupat e të afërmve të tyre.

Organizata amerikane për të drejtat e njeriut HRANA raporton të paktën 5,937 të vdekur, përfshirë 214 anëtarë të forcave të sigurisë, ndërsa sipas statistikave zyrtare numri i viktimave është 3,117.

Sato, e cila gjithashtu ligjëron në Universitetin Birkbeck në Londër, tha se as ajo nuk mund të konfirmojë shifrat nga burime të pavarura, por beson se numri i viktimave tejkalon shumë shifrat zyrtare.

“Ka shumë dëshmi nga stafi i spitaleve në provinca të ndryshme të Iranit se forcat e sigurisë kanë sulmuar spitalet,” tha zyrtarja. Familjarë që shkojnë ditën tjetër në spital nuk e gjejnë më të dashurin e tyre atje.

Personeli mjekësor në Iran, që foli për Reuters nën kushtin e anonimatit, konfirmoi disa nga këto ankesa. Një mjek në qytetin Rasht tha: “Dhjetëra pacientë me plagë nga plumbat ishin në spitalin tonë. U operuan, dhe më pas Gardianët e Revolucionit i morën. Nuk dimë çfarë u ndodhi.”

Një infermiere dhe dy mjekë në spitalet e Teheranit raportuan se anëtarë të Gardës së Revolucionit dhe policisë kontrollonin spitalet dhe kërkonin dosjet e pacientëve të trajtuar, me qëllim arrestimin e tyre.

Infermierja tha: “Kontrollonin çdo dhomë, duke kërkuar protestues të plagosur.”

Këto veprime kanë krijuar një efekt frikësues, duke penguar qytetarët të kërkojnë ndihmë mjekësore, me rrezikun që plagët ose sëmundjet të përkeqësohen. Sato shtoi se këto sjellje përbëjnë një shkelje të rëndë të neutralitetit mjekësor, pasi sipas Konventave të Gjenevës, mjekët, spitalet dhe pacientët duhet të mbrohen për të garantuar kujdes të paanshëm.

Sipas dëshmive, protestues të paarmatosur në 31 provinca janë qëlluar në kraharor dhe kokë, duke synuar organe jetësore, një tregues i dhunës vdekjeprurëse të përdorur nga forcat e sigurisë. Sato e cilësoi këtë si vdekje të paligjshme dhe ekzekutime arbitrare, me rritje të rasteve të lëndimeve në sy nga plumbi.

Sato komentoi se kërkesa për shpërblim nga autoritetet është një praktikë që “ndërthur dhimbjen me shantazhin.”

Nga ana e saj, Ministria e Shëndetësisë e Iranit inkurajoi të lënduarit nga protestat të shkojnë në spitale: “Nëse keni një plagë, mos përpiqeni ta trajtoni vetë në shtëpi dhe nuk duhet të shqetësoheni duke shkuar në një qendër mjekësore.”

Sipas Amnesty International, një djalë 18-vjeçar, Amirhossein Ghanderzadeh, u arrestua në shtëpi dhe familjarëve të tij, përfshirë një të mitur, iu kërkua të kontrolloheshin për plagë.

Në një fotografi që qarkulloi në rrjetet sociale, e cila nuk është verifikuar nga AFP, dukeshin tre gra hiqnin plumba nga shpinë e një gruaje të shtrirë, me ndihmën e një drite telefoni celular.  / abcnews.al/

Sekretari i Përgjithshëm i NATO-s, Mark Rutte përsëriti se aleanca pret përgjegjësi nga autoritetet në Beograd për ngjarjet në Kosovë, përfshirë sulmin në Banjskë dhe sulmet ndaj ushtarëve të KFOR-it gjatë tensioneve në pranverën e vitit 2023.

“Kam një marrëdhënie personale me presidentin [e Serbisë] Aleksandër Vuçiç. Njohim njëri-tjetrin prej shumë vitesh. Por, natyrisht, presim nga ai që të përcaktojë përgjegjësinë për atë që ndodhi disa vite më parë, dhe kjo për dy çështje. Për të dyja ka premtuar përcaktimin e plotë të përgjegjësisë”, tha Rutte.

Këto deklarata Rutte i bëri gjatë adresimit në Komitetin për Punë të Jashtme të Parlamentit Evropian (AFET), ku po ashtu konfirmoi mbështetjen për dialogun për normalizimin e raporteve mes Kosovës dhe Serbisë, që ndërmjetësohet nga Bashkimi Evropian.

Rutte po ashtu theksoi se NATO-ja është e përkushtuar ndaj situatës së sigurisë në Ballkanin Perëndimor, duke theksuar se aleanca ushtarake perëndimore nuk do të lejojë krijimin e një vakumi të sigurisë në Bosnje dhe Hercegovinë.

Tensionet mes Kosovës dhe Serbisë kanë qenë të rritura viteve të fundit dhe incidenti më i rëndë u regjistrua shtatorin e vitit 2023 në Banjskë të Zveçanit, kur një grup serbësh të armatosur sulmuan Policinë e Kosovës, duke vrarë një rreshter. Në këmbimet e zjarrit që pasuan u vranë tre sulmues serb.

Politikani nga Kosova dhe biznesmeni Millan Radoiçiq e mori përgjegjësinë për sulmin, dhe prej atëherë ai ndodhet në Serbi, ku nuk është ndjekur penalisht deri më sot.

Këtij incidenti të armatosur i paraprinë protesta në veri të Kosovës të mbajtura në maj të po atij viti. Më shumë se 90 pjesëtarë të misionit paqeruajtës të NATO-s në Kosovë, KFOR kishin pësuar lëndime – disa prej tyre lëndime të rënda – pas përleshjes me protestuesit serbë në Zveçan.

Dhuna në Zveçan shpërtheu pasi serbët lokalë kundërshtuan hyrjen e kryetarëve të rinj shqiptarë në ndërtesat komunale në Zveçan, Leposaviq dhe Zubin Potok – komuna në veri të Kosovës, të banuara me shumicë serbe – pas zgjedhjeve lokale të mbajtura më herët po atë vit, që u bojkotuan nga serbët lokalë.

Për ngjarjet në Zveçan, janë arrestuar dhe akuzuar dhjetëra persona, dhe disa janë dënuar me burgim pas marrëveshjeve me prokurorinë për pranimin e fajësisë. NATO-ja ka kërkuar që përgjegjësit për të dyja rastet të përballen me drejtësinë.

Gjatë diskutimit në AFET, temë ishte edhe marrëveshja që Rutte arriti javën e kaluar me presidentin amerikan, Donald Trump, me të cilën, siç u njoftua, i është mundësuar presidentit amerikan të heqë dorë nga kërcënimi për vendosjen e tarifave shtesë ndaj disa vendeve evropiane dhe për marrjen nën kontroll të Groenlandës.

Para ligjvënësve evropianë, Rutte prezantoi dy drejtime veprimi kur është fjala për sigurinë e Groenlandës dhe Arktikut: përpjekjet kolektive të NATO-s për forcimin e mbrojtjes ushtarake dhe ekonomike kundër ndikimit rus dhe kinez në Arktik si dhe bisedimet dypalëshe midis Danimarkës, Grenlandës dhe Shteteve të Bashkuara.

Sekretari i Përgjithshëm i NATO-s u shpreh se presidenti amerikan ka të drejtë për çështjen e Arktikut. Ai tha se bëhet fjalë për mbrojtje kolektive, pasi, sipas tij, rrugët detare po hapen.

“Kina dhe Rusia po bëhen gjithnjë e më aktive. Duhet t’i përballemi këtij problemi”, tha Rutte.

Ai konfirmoi përkushtimin e plotë të presidentit amerikan ndaj NATO-s dhe i dërgoi një mesazh aleatëve evropianë se “vetëm mund të ëndërrojnë” se mund të mbrohen vetë pa Shtetet e Bashkuara.

Javën e kaluar, Trump tha se ka arritur me Rutten pajtueshmëri për kornizën e marrëveshjes për Groenlandën. Para kësaj, gjatë një fjalimi në Forumin Ekonomik në Davos, udhëheqësi amerikan tha se donte bisedime të menjëhershme për ta blerë Groenlandën.

Ai e ka përjashtuar mundësinë e përdorimit të forcës për marrjen e këtij ishulli. Trump ka argumentuar se Groenlanda i duhet për sigurinë kombëtare./RE/

“SPAK duhet të ketë strategji”, kështu u shpreh Ibsen Elezi në një intervistë në emisionin “Real Story” në ABC News, ndërsa foli për punën e drejtësisë së re.

Gjatë intervistës, Elezi theksoi rezultati i punës gjithashtu shihet kur ndërpriten të ardhurat e sistemit të korruptuar.

Më tej nënvizoi se rolin e opozitës më shumë e ka luajtur media.

“Gjithmonë analizohet puna e SPAK se sa punë ka bërë. Duhet thënë që SPAK nuk ka pasur objektiv konkret për të realizuar. Ajo që më shqetëson është fakti që ky SPAK, dakord që po i godet gjithë këtë sistem ku janë ndërlidhur biznese organizata etj…Fakti që pastrohen kaq shumë para dhe SPAK thotë kemi konfiskuar 50-100 mln është si ajo 10 lekshja që i lë unë kamerierit. Pra strategjia shihet kur t’i i ndërpret të ardhurat këtyre. Problemi është që goditja e forcës së këtyre ekonomike, këto politikanë që o çojnë në ofshore paratë ai ndjek kush? Një pjesë e madhe e politikanë i kanë paratë në offshore. Vetëm një politikan është kap në offshore dhe po ndiqet. Këtu më shumë rolin e opozitës e ka luajtur media edhe PD gjithë çështjet që ka ngritur i ka bërë pasi janë bërë publike në media”, tha ai.

/abcnews.al/

Analisti politik Roland Bejko, i ftuar në emisionin “Real Story” në ABC Neës, ka komentuar zhvillimet e fundit në kampin opozitar.

Sipas Bejkos, narrativa e ndërtuar rreth heqjes së statusit “non grata” dhe paralelizmat mes kryeministrit Edi Rama dhe figurave ndërkombëtare si Maduro, rriti artificialisht shpresat e militantëve, por nuk u përkthye në rezultate konkrete.

Ai theksoi se ngjarje të shpejta në arenën ndërkombëtare, si përfshirja e Ramës në Bordin e Paqes dhe kontaktet me figura të administratës Trump, kanë forcuar pozitën e kryeministrit, ndërsa Berisha, sipas tij, ndonëse shfaqet i irrituar, ka interes që Rama të dalë i fortë politikisht.

“Berisha e kishte pritshmërinë shumë të lartë, iu krijua ideja me arrestimin e Maduros, edhe Edi Rama ishte një Maduro, filluan të besonin Ramaduro. Këtë fabule filluan që ta besonin vërtet. Këta e rritën jashtëzakonisht shumë pritshmërinë në raport me militantët. Doli Belind Këlliçi për të helmuar militantët se Sali Berishës i është hequr ‘non grata’, asnjëra prej tyre nuk ndodhi.

Ndodhën disa gjëra të shpejta, siç ishte Bordi i Paqes ku Rama do jetë krah vetë Trump dhe elementi i dytë ishte ardhja e Ivanka Trump në Shqipëri dhe më pas i dhanë votën Ramës për Bordin. Berisha bën vërtet si i inatosur, Berisha është i kënaqur që Rama shkoi te Trump sepse Rama atje do të japë imazhin që Rama është shumë afër amerikanëve dhe do t bjerë pak ndikimi mbi SPAK për Ramën dhe veten, se hallin e kanë të përbashkët. Pse Berishës i intereson Rama e fortë?! Sepse Rama tha që do bëjë ndryshime kushtetuese, do i japë Senatin dhe Senati është imunitet”, tha Bejko.

Analisti Plator Nesturi tha se mazhoranca i ka mbyllur raportet me opozitën që në 11 maj dhe se Berisha kërkon vetëm të ruajë status quo-n për të mbajtur kryesinë e opozitës. Nesturi tha se Berisha nuk është non grata vetëm nga SHBA, por edhe nga të tjerë diplomat e kancelarë ndërkombëtar që refuzojnë të takojnë Berishën në takimet në Shqipëri.

 “Nëse marrim keq opozitë, mazhoranca i ka mbyllur raportet që në 11 maj. Nuk mund të bëjë dot asgjë tjetër. Berisha kërkon vetëm të ruajë status quo-n që të jetë ende në krye të opozitës. Shikojmë që kemi të bëjmë me një kryetar opozite non grata jo vetëm në SHBA, por edhe në Shqipëri; këtu nuk e takon asnjë ambasador dhe zyrtarët e lartë të BE-së.

Nuk ka qasje në asnjë kancelari të vendeve europiane, takohen vetë Jorida Tabakun dhe Gaz Bardhin. Nëse në protestë i kujton se është ai kryetar, tregon sa e dobët është opozita. Që nga 11 maji, Berisha po lodh elektoratin, ka një skenar të fokusuar vetëm brenda imazhit.

Ja ka ndaluar vendosjen e flamujve amerikanë në protestë, dhe vetë ambasada e ka përmendur. Nga Kryeministria kalon në parlament për një ligj që e votuan dy ditë para dhe nuk njoftuan as elektoratin.”  / abcnews.al /

Analisti Plator Nesturi në një intervistë në emisionin “Real Story” në ABC News, foli për paritë e reja

Gjatë intervistës, tha se partitë e reja, u duken sikur ishin me strategji të komanduar

“Kemi të bëjmë me 25 % të elektoratit që nuk duhet se ku është. Kemi parti të reja po mënyra se si e luajtën, mua më duket si një strategji e komanduar. Mos harrojmë. Kur bëhen zgjedhjet ne nuk shohim se si del rezultati. Sepse pak a shumë ne shohim se si është pjesa e atyre që nuk marrin pjesë në zgjedhje. Nëse kjo pjesë rritet atëherë është një sistem alarmi, domethënë që ky sistem nuk funksionon. Pas zgjedhjeve të 11 majit, ajo që ndodhi me zgjedhjet e pjesshme, Vlora të shkojë 12 % është alarm sepse nuk është vetëm një krah”, tha ai.

Analisti Arben Meçe tha se Shqipëria u zgjodh për Bordin e Paqes për shkak të pozicionit të saj fetar dhe harmonisë ndërfetare. Sipas tij, kryeministri Edi Rama u vlerësua si figurë negociatore, gjë që u reflektua edhe në fjalimin e tij në parlamentin izraelit, të cilin Meçe e cilësoi brilant dhe në shërbim të paqes.

Ai shtoi se marrëveshja pritet të nënshkruhet në Shtëpinë e Bardhë. Duke folur për opozitën, Meçe tha se Sali Berisha kërkon përplasje politike, për të fituar dhe se takimi i nesërm i Berishës është i organizuar nga grup grek.

“Një nga arsyet që Shqipëria u zgjodh për Bordin e Paqes ka qenë pozicioni fetar në Shqipëri. Jo rastësisht ka qenë Rama; shumë analistë e kanë analizuar si një person negociator në proces. Rama në parlamentin izraelit kapi edhe islamofobinë dhe qëndrimi i tij ishte në pozicion të përgatitur për negociator. Rama nga tribuna e Izraelit dha mesazhe edhe për përfaqësimin e palës tjetër. Ai kapi komplet linjën islamike dhe izraelite. Ndenji me Ivankën këtu dhe do të shkojë në takim me Trump, sepse do të nënshkruhet. Do të nënshkruhet marrëveshja në Shtëpinë e Bardhë. Ose do të ishte në Davos, ose në Shtëpinë e Bardhë. Fjalimi në parlament ishte brilant për paqen.

Berisha ka qenë në Asamblenë Parlamentare të Këshillit të Europës dy herë. Takimi i nesërm i Berishës është i organizuar nga grupi grek. Si takimi i parë më 7 prill në Këshillin Europian, edhe ai ka qenë i mbështetur nga grupi grek. Berisha, përpara se të bënte protestën, Sali kërkon përplasje për të fituar, por nuk fiton. Po vjen fundi ligjor i tij. PD po kthehet në strukturë paramilitare.”  / abcnews.al /

Analisti Roland Bejko, i ftuar në emisionin “Real Story” në ABC News, ka komentuar zhvillimet politike në vend, duke u ndalur te roli i Sali Berishës në opozitë dhe ndikimi i tij në marrëdhëniet e Shqipërisë me ndërkombëtarët.

Sipas Bejkos, Berisha ka qenë i izoluar gjatë fazave të opozitarizmit, veçanërisht nga partnerët ndërkombëtarë, ndërsa sot gjendet në një situatë edhe më të rëndë politike, pas shpalljes “non grata” nga SHBA dhe Britania e Madhe dhe mungesës së mbështetjes nga Bashkimi Europian.

Ai theksoi se ky izolim e bën Berishën një nga politikanët më të izoluar në historinë e Shqipërisë pas Enver Hoxhës, duke krijuar një kontrast që, sipas tij, forcon pozicionin e kryeministrit Edi Rama në arenën ndërkombëtare.

Bejko shtoi se shqetësimi kryesor i ndërkombëtarëve lidhet me mungesën e rotacionit politik në Shqipëri, duke e konsideruar moslargimin e Berishës si një nga faktorët kryesorë. Në këtë kontekst, ai vlerësoi edhe fjalimin e Ramës në Izrael, duke e cilësuar korrekt, të balancuar dhe përfaqësues të denjë të Shqipërisë dhe historikut të saj.

“Berisha në fazat e opozitarizmit ka qenë i izoluar, e aq më tepër nga ndërkombëtarët. Në opozitën e dytë Berisha ka qenë udhëzuesi i vendimeve radikale të PD. Vijmë tek momenti i tanishëm, është më zi. Berisha i shpallur ‘non grata’ nga dy superfuqi, SHBA dhe Britani, nuk është i pranuar as nga BE, na del që Berisha është politikani më i izoluar në Shqipëri, pas Enver Hoxhës.

 Kjo bën kontrastin e madh që Rama del edhe më i ngritur, për shkak të izolimit të ti. Ndërkombëtarët të paktën ata që e kanë mirësi ecjen e Shqipërisë përpara e kanë si shqetësim faktin e mbylljes së rotacionit në Shqipëri dhe shkak për këtë është Berisha. Ajo që i shqetëson më shumë është mos spostimi i Berishës. Rama është në Izrael, fjalimi i tij ka qenë shumë korrekt dhe shumë i balancuar dhe të mos harrojmë që është kryeministri i një vendi me besim mysliman. Mendoj që Edi Rama e përfaqësoi shumë mirë, por e përfaqësoi shumë mirë edhe historikun e Shqipërisë”, tha Bejko.

Ish-anëtari i Këshillit Kombëtar të PD, Ibsen Elezi komentoi në emisionin “Real Story” në ABC News, protestën e opozitës. Elezi nuk e cilësoi një revoltë siç edhe është paraqitur nga kreu i PD Sali Berisha, por një protestë e organizuar.

“Kur e planifikon dhe jep urdhra është protestë dhe është çështje organizimi. Kur do të organizosh protestë kombëtare, Berisha nuk nxjerr gjysmën e ushtarëve të vet. Pra nuk është një revoltë. Kur qytetarët nuk të besojnë edhe numri i njerëzve mbetet i kufizuar. Këta nuk arrijnë do të kthejnë në eficencë strukturat e veta sepse PD është e shkërmoqur totalisht”, tha ai.

Gjithashtu gjatë intervistës, Elezi shtoi se Partia Demokratike është një parti e shkërmoqur institucionalisht. Ndërsa nënvizoi se në PD janë shkelur rregullat bazike.

“Mungesa e rregullave ka ulur besueshmërinë edhe në struktura, lëre më besueshmërinë në popull. Vakumi të tret dhe ai për të mos lënë vakum, thotë unë po sulmojnë Ramën, po i trondit themelet. Cilat themele po i trondit Ramës? Por problemi nuk zgjidhet në këtë mënyrë, duhet të jetë model që qytetarët të besojnë. Këta janë armiq të institucioneve, pra a do kthehemi ne ta respektojmë rregullin dhe të mos e shkelim”, the më tej Elezi.

Read More...