Nënkryetari i Lëvizjes Vetëvendosje, Glauk Konjufca ka thënë se të mërkurën, përveç konstituimit të Kuvendit, pritet edhe formimi i Qeverisë.

“Nesër do të bëhet Kuvendi, dhe shumë shpresoj që do të bëhet Qeveria. Ne kurrë nuk i kemi refuzu aktgjykimet e Kushtetueses. Kanë qenë beteja politike, por kur i ka dhënë vulë Kushtetuesja ne jemi tërhequr”, ka thënë ai.

Presidentja Vjosa Osmani ka thirrur seancën konstituive të Kuvendit, për 11 shkurt në orën 12:00.

Presidenca ka njoftuar se vendimi për këtë datë është marrë pas konsultimit me shumicën e partive parlamentare dhe duke marrë parasysh urgjencën e krijimit të institucioneve, miratimin e buxhetit dhe marrëveshjeve ndërkombëtare.

Sinjali – aty ku e vërteta flet para lajmit!

/GazetaSinjali/

The post Konjufca pret që nesër të formohet Qeveria appeared first on Sinjali.

Presidentja e Kosovës, Vjosa Osmani, ka thirrur seancën konstituive për nesër nga ora 12:00.

Menjëherë pas njoftimit nga Presidenca, kryetari aktual i Kuvendit të Kosovës, Dimal Basha, do të takohet me kryetarët e subjekteve politike sot në ora 17:00.

Në rend të ditës është pika “Përgatitjet për Seancën konstituive të Legjislaturës X të Kuvendit të Republikës së Kosovës”.

Sinjali – aty ku e vërteta flet para lajmit!

/GazetaSinjali/

The post Basha i thërret kryetarët e partive për takim sot në 17:00, në agjendë përgatitja e seancës konstituive appeared first on Sinjali.

Sektori i Hetimeve të Kryeqytetit, me autorizim nga Prokuroria kompetente, kërkon bashkëpunimin e qytetarëve në ofrimin e informatave që do të ndihmonin në identifikimin e personit që shihet në fotografi.

Personi i dyshuar kërkohet për përfshirje në veprën penale “Vjedhje”.

Të nderuar qytetarë, çdo informatë që mund të çojë në identifikimin ose lokalizimin e personit në fjalë mund të raportohet në numrin e telefonit 192 ose përmes adresës elektronike info@kosovopolice.com.

Sinjali – aty ku e vërteta flet para lajmit!

/GazetaSinjali/

The post Policia kërkon ndihmën e qytetarëve për identifikimin e një personi të dyshuar për vjedhje appeared first on Sinjali.

Presidenti Donald Trump ka kërcënuar se do të bllokojë hapjen e një ure që lidh Shtetet e Bashkuara të Amerikës me Kanadanë, derisa Washingtoni “të kompensohet plotësisht për gjithçka” që i ka dhënë fqinjit të tij verior.

Ura Ndërkombëtare Gordie Howe, e cila e lidh provincën kanadeze të Ontarios me shtetin amerikan të Michiganit, nuk do të hapet derisa Otava të “i trajtojë Shtetet e Bashkuara me drejtësinë dhe respektin që ne e meritojmë”, shkroi Trumpi në rrjetet sociale.

Sipas faqes zyrtare të kompanisë që ka hartuar projektin, ura financohet nga qeveria kanadeze, por do të jetë në pronësi publike të përbashkët të Kanadasë dhe shtetit të Michiganit.

Nuk është e qartë se si Trumpi mund ta bllokojë hapjen e saj, por ai tha se negociatat do të fillojnë menjëherë, pa dhënë detaje të mëtejshme.

Duke u shtrirë mbi lumin Detroit, ura pritet të hapet për qarkullim pas përfundimit të testeve formale gjatë këtij viti. Ndërtimi nisi në vitin 2018, por projekti ka qenë një pikë përplasjeje mes dy vendeve për më shumë se një dekadë.

Sipas Korporatës Kanadeze të Transmetimit (CBC), kostoja e projektit vlerësohet rreth 6.4 miliardë dollarë kanadezë.

Sinjali – aty ku e vërteta flet para lajmit!

/GazetaSinjali/

The post Trumpi kërcënon se do ta bllokojë hapjen e urës që lidh SHBA-në me Kanadanë appeared first on Sinjali.

Në fjalën e saj, Prokuroria po pretendon se Thaçi i ka gënjyer disa herë ndërkombëtarët, andaj deklaratat e këtyre të fundit duhet të merren me rezervë lidhur me UÇK-në, komandën e organizatës dhe rolin e ish-eprorëve në të.

“Ata nuk e dinin se ai [Thaçi] mund të bënte emërime ushtarake…Ajo që nuk kuptojnë James Rubin, Wesley Clark dhe ndërkombëtarë të tjerë është që Thaçi ishte i aftë të maskonte atë që po ndodhte në realitet dhe kjo ndikoi në botëkuptimin e tyre për të kuptuar vërtet se si funksiononte UÇK-ja”.

“Veçanërisht Rubin dhe Clark treguan se nuk kishin asnjë interes për të kuptuar çfarë ndodhte në realitet dhe besonin se puna e tyre ishte në anën e duhur të historisë dhe nuk u përballën me atë çka po dëgjon tashmë ky trup gjykues”.

Sinjali – aty ku e vërteta flet para lajmit!

/GazetaSinjali/

The post Prokuroria: Thaçi i ka gënjyer disa herë ndërkombëtarët appeared first on Sinjali.

Drejtori i Arsimit në Prishtinë, Samir Shahini, ka dënuar ashpër rastin e dhunës së ndodhur një ditë më parë në Shkollën Fillore “Pavarësia”, duke e cilësuar dhunën në shkolla si të papranueshme dhe të parrelativizueshme në çdo rrethanë.

Shahini tha se rasti tashmë është në trajtim nga institucionet e sigurisë dhe se pritet veprim i shpejtë dhe i plotë nga organet e drejtësisë. Megjithatë, sipas tij, ky incident nuk është i izoluar, por pasojë e drejtpërdrejtë e një dështimi të gjerë institucional.

Ai theksoi se prej vitesh shkollat po lihen të vetme përballë problemeve serioze sociale, pa mbështetje reale dhe pa kapacitete minimale për ndërhyrje, ndërsa mësimdhënësit dhe nxënësit po mbesin të pambrojtur. Sipas Shahinit, shkolla po trajtohet padrejtësisht si institucioni që duhet të përthithë çdo dështim tjetër të shtetit.

Drejtori i Arsimit kritikoi edhe Ministrinë e Arsimit, duke thënë se ajo mban përgjegjësi direkte për gjendjen aktuale, pasi në vend të veprimeve konkrete po prodhon udhëzime administrative të shkëputura nga realiteti në terren, të cilat vetëm sa e rëndojnë punën e shkollave.

Ai nuk la pa përmendur as rolin e mediave, duke bërë thirrje për raportim të përgjegjshëm dhe kundër sensacionalizmit, gjykimit të menjëhershëm dhe etiketimit të shkollave dhe mësimdhënësve pa fakte dhe pa kontekst.

“Refuzoj që shkollat dhe Drejtoritë Komunale të Arsimit të trajtohen si shkarkues të dështimeve strukturore të nivelit qendror dhe të institucioneve të tjera shtetërore,” deklaroi Shahini, duke shtuar se mungesa e psikologëve, punëtorëve socialë dhe mekanizmave mbrojtës e bën këtë qasje të padrejtë dhe të rrezikshme.

Në fund, ai kërkoi veprim urgjent, të koordinuar dhe të matshëm nga të gjitha hallkat – Ministria e Arsimit, shërbimet sociale, organet e sigurisë, prindërit dhe mediet – duke theksuar se nevojitet veprim konkret dhe jo deklarata formale apo heshtje.

Sinjali – aty ku e vërteta flet para lajmit!

/GazetaSinjali/

The post Drejtori i Arsimit në Prishtinë: Dhuna në shkolla është e papranueshme dhe nuk do të tolerohet appeared first on Sinjali.

Policia e Kosovës ka konfiskuar municion dhe pajisje ushtarake gjatë një kontrolli të realizuar në një shtëpi të pabanuar në Leposaviq.

Sipas njoftimit policor, rasti ka ndodhur më 9 shkurt 2026, rreth orës 14:29. 

Gjatë kontrollit në objektin, i cili është pronë e një shtetasi serb, janë gjetur dhe sekuestruar 59 fishekë të kalibrit të panjohur, një kuti metalike, një helmetë ushtarake, një xhaketë me emblemë të Serbisë, një futrollë për thikë, një pjesë e jelekut antiplumb, një çantë ushtarake, dy karikatorë të armës automatike AK-47, si dhe një karikator tjetër me një fishek.

Lidhur me rastin është njoftuar prokurori kompetent, i cili ka urdhëruar inicimin e rastit për procedura të mëtejme ligjore.

Hetimet lidhur me këtë rast po vazhdojnë.

Sinjali – aty ku e vërteta flet para lajmit!

/GazetaSinjali/

The post Konfiskohen municion e pajisje ushtarake në Leposaviq appeared first on Sinjali.

Në fjalën e vet, Prokuroria pretendon se Hashim Thaçi ka qenë përkrahës i drejtpërdrejtë i qëllimit të përbashkët kriminal, dhe që kjo gjë mund të vërtetohet bazuar në mënyrën se si ai ka folur për Lidhjen Demokratike të Kosovës (LDK).

Lidhja Demokratike e Kosovës është një nga partitë më të vjetra në Kosovë, e themeluar në vitin 1989 nga Ibrahim Rugova. Ajo ka luajtur rol kyç në periudhën e rezistencës paqësore dhe në ndërtimin e institucioneve demokratike të vendit.

Prokurorët, më pas, u janë referuar disa deklaratave në Komunikatën 53 të UÇK-së, të 18 shtatorit 1998, në të cilën Shtabi i Përgjithshëm ka deklaruar se “vetëm në Sferkë, Prapaqan dhe Baran, ku dezertorët, ish-anëtarë të UDB-së, aktualisht institucionalistët sikurse Tahir Zemaj kanë influencë, armiku nuk gjeti rezistencë, pavarësisht se këto fshatra u dogjën, u përvëluan dhe u shkatërruan. Një ditë këta persona do të mbajnë përgjegjësi për dëmet që po u shkaktojnë popullit dhe mëmëdheut”.

Sipas Prokurorisë, ky ishte mesazh i qartë për ata që pengonin kontrollin e UÇK-së.

“Të përshkruhen kontributet e Thaçit si neutrale, është absurde, sepse ka prova për të vërtetuar të kundërtën. Nuk është kontribut neutral të thuash këto fjalë nga një pozicion siç kishte Thaçi dhe nuk është kontribut neutral të marrësh në pyetje, të kërcënosh, të rrahësh persona në Qirez”.

Sinjali – aty ku e vërteta flet para lajmit!

/GazetaSinjali/

The post Prokuroria: Thaçi ishte përkrahës i drejtpërdrejtë i qëllimit të përbashkët kriminal appeared first on Sinjali.

Prokuroria e ka nisur fjalën e vet duke thënë se të akuzuarit kanë pasur rol të fortë kolektiv si anëtarë kryesorë të Shtabit të Përgjithshëm të Ushtrisë Çlirimtare të Kosovës (UÇK).

“Në rolet që kishin, ishin në gjendje të shpërndanin qëllimin e përbashkët kriminal, të koordinonin veprimet e tyre dhe mohuan veprat penale në mënyrë që t’i gënjenin ndërkombëtarët”.

Hashim Thaçi përshkruhet si njëri prej themeluesve të UÇK-së, duke cituar disa deklarata të Azem Sylës.

Sinjali – aty ku e vërteta flet para lajmit!

/GazetaSinjali/

The post Prokuroria: Të akuzuarit patën rol të fortë kolektiv në Shtabin e UÇK-së appeared first on Sinjali.

Sindikata e Bashkuar e Arsimit (SBASHK) ka vendosur ultimatum ndaj autoriteteve për lirimin e mësimdhënësit Abaz Kadriu, të ndaluar për 48 orë si i dyshuar për sulm fizik, në të kundërtën kërcënoi me përshkallëzim të grevës së mësimdhënësve në nivel vendi.

Përfaqësuesi i SBASHK-ut, Ymer Ymeri, i cili iu bashkua grevës dy orëshe të kolektivit të shkollës “Pavarësia” të martën, tha se mësimdhënësi Kadriu është sulmuar në vendin e punës.

Ai tha se gjoja sulmi ndaj mësimdhënësit në shkollën “Pavarësia” në Prishtinë, nuk është i pari i këtij lloji.

“Ne menjëherë e kemi përkrahur dhe sot jemi në mesin e mëdimdhënësve këtu që ta përkrahim veprimin e tyre. Kjo nuk është ngjarje që po ndodh për herë të parë. Ka raste kur mësimdhënësit janë sulmuar fizikisht, edhe nga ana e prindërve”, tha Ymeri.

“Organet e drejtësisë, sa më shpejt të marrin masa për zbardhjen e të vërtetës dhe lirimin e arsimtarit”, tha ai. “Nëse ngjarjet nuk sqarohen shpejt dhe nuk lirohen mësimdhënësit, mund të përshkallëzohet kjo formë e veprimit sindikal”.

“Organet e drejtësisë të marrin masa ndaj prindërve që sjellin këso fëmijësh në shkollë, të cilët hyjnë në sallë dhe sulmojnë arsimtarin”, vazhdoi Ymeri.

Kolektivi i shkollës fillore të mesme të ulët “Pavarësia” ka zhvilluar një grevë dy-orëshe të martën në mëngjes në përkrahje të mësimdhënësit Abaz Kadriu.

Kadriu, i arrestuar të hënën rreth orës 12:00, është ndaluar për 48-orë me urdhër të Prokurorit të Shtetit si i dyshuar për veprën penale “sulm fizik”.

Sinjali – aty ku e vërteta flet para lajmit!

/GazetaSinjali/

The post SBASHK i vendos ultimatum autoriteteve: Lirojeni mësuesin shpejt ose përshkallëzim appeared first on Sinjali.

Detaje të reja janë siguruar në rastin e dyshimeve për blerje, shpërndarje dhe shitje të paautorizuar të narkotikëve në Pejë.

Në vazhdim të hetimeve për incidentin e raportuar më 26.01.2026, rreth orës 19:40, në rrugën “Adem Jashari”, dje më 09.02.2026, Njësiti për Hetimin e Trafikimit me Narkotikë – Pejë, në bazë të urdhëresës së Gjykatës Themelore në Pejë, ka realizuar kontroll të detajuar të veturës së sekuestruar, në prani të të dyshuarit Labinot Qerkinaj dhe avokatit të tij mbrojtës.

Gjatë kontrollit teknik të automjetit – i zhvilluar në bashkëpunim me mekanikët e flotës së Policisë së Kosovës dhe Krim Teknikën Rajonale – janë gjetur prova të reja të fshehura pas plastikave të komforit dhe në pjesë të ndryshme të veturës.

Burime nga hetimi bëjnë të ditur se janë sekuestruar: 8 qese të vogla dhe një sasi tjetër e papaketuar me substancë të dyshuar narkotike të llojit heroinë (peshë totale bruto rreth 2 gram), 2 peshore elektronike, 1 mulli (grinder), 1 shufër metalike e ngjashme me atë policore, 1 sprej me mbishkrimin “RED PEPPER SPRAY”, 3 USB.     

Të gjitha provat materiale janë konfiskuar dhe do të procedohen në kuadër të rastit penal.

Hetimet po vazhdojnë nga Njësiti DHTN–Pejë, ndërsa rasti mbetet aktiv për zbardhjen e plotë të veprimtarisë së dyshuar kriminale.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Zbulohen prova të reja në veturën e të dyshuarit për heroinë në Pejë – sekuestrohen drogë, peshore dhe sprej appeared first on Sinjali.

Hetimet për dyshimet serioze mbi manipulimin e rezultateve të votimit po intensifikohen, ndërsa njësitë e Krimeve Ekonomike kanë zgjeruar veprimet në disa rajone të vendit.

Burime të sigurta bëjnë të ditur se gjatë ditës së sotme kanë vazhduar intervistimet e komisionerëve dhe personave të tjerë të përfshirë në procesin zgjedhor në Prizren, Gjilan, Mitrovicë, Ferizaj dhe qytete tjera në kuadër të një operacioni të koordinuar me Prokurorinë.

Dhjetëra persona janë ftuar për t’u intervistuar lidhur me dyshimet për falsifikim dhe ndërhyrje në procesin e numërimit të votave, ndërsa hetuesit po analizojnë dokumentacionin zgjedhor, procesverbalet dhe materialet shoqëruese të kutive të votimit.

Sipas informatave, fokus i veçantë i hetimeve mbetet mënyra e përpilimit të rezultateve dhe mospërputhjet e evidentuara gjatë numërimit, për të cilat dyshohet se janë bërë në mënyrë të qëllimshme.

Hetimet janë në zhvillim e sipër, ndërsa priten edhe veprime të tjera procedurale në ditët në vijim.

Sinjali do t’ju mbajë të informuar për çdo zhvillim të ri lidhur me këtë rast të ndjeshëm që ka vënë në lëvizje mekanizmat e drejtësisë.

Sinjali – aty ku e vërteta flet para lajmit!

/GazetaSinjali/

The post Ekskluzive | Vazhdon vala e intervistimeve për manipulim me vota – Krimet Ekonomike në aksion në Prizren, Gjilan, Mitrovicë dhe Ferizaj appeared first on Sinjali.

Detaje të reja kanë dalë nga hetimet për manipulimin e votave në Qendrën Komunale të Numërimit në Dragash.

Pas intervistimit të 51 personave të dyshuar – kryesisht kryesues dhe komisionerë të numërimit – Prokuroria Themelore në Prizren ka marrë vendim që nëntë persona të ndalohen për 48 orë, nën dyshimin për kryerjen e veprës penale “Falsifikim i rezultateve të votimit”.

Burime të besueshme nga strukturat e afërta me hetimin bëjnë të ditur se në mbajtje janë dërguar: Gazmend Mehmeti, Florent Rrahmani, Benjamin Berisha, Milot Qusaj, Astrit Krasniqi, Ajna Qengaj, Ridvan Shabani, Rami Qollopeku      

Të njëjtit dyshohet se kanë pasur rol kyç në procesin e numërimit të votave, në cilësinë e kryesuesve të komisioneve, ku janë evidentuar parregullsi serioze që tashmë janë objekt i hetimeve penale.

Si pjesë e operacionit, nga Policia janë sekuestruar 51 telefona mobil, të cilët po ekzaminohen për komunikime dhe prova të mundshme që lidhen me manipulimin e procesit zgjedhor.

Rasti po hetohet nga Drejtoria për Hetimin e Krimeve Ekonomike dhe Korrupsionit në Prizren, në koordinim të plotë me Prokurorinë, ndërsa nuk përjashtohet mundësia e ndalimeve të tjera, varësisht nga zhvillimi i hetimeve dhe rezultatet e analizave forenzike.

Hetimet janë në vazhdim.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive | Këta janë 9 të ndaluarit për falsifikim të rezultateve të votimit në Dragash appeared first on Sinjali.

Hetimet për manipulim të rezultateve të votimit në Qendrën Komunale të Numërimit në Dragash kanë hyrë në një fazë intensive. Drejtoria për Hetimin e Krimeve Ekonomike dhe Korrupsionit (DHKEK), përkatësisht Njësia Rajonale në Prizren, në koordinim dhe me autorizim të Prokurorisë Themelore në Prizren, ka ndërmarrë veprime të gjera hetimore lidhur me dyshimet për falsifikim të rezultateve gjatë procesit të numërimit të votave.

Burime të besueshme bëjnë të ditur se në kuadër të këtij operacioni janë ftuar dhe intervistuar gjithsej 51 persona të dyshuar, prej të cilëve 12 në cilësinë e kryesuesve të komisioneve të numërimit, ndërsa 39 në cilësinë e komisionerëve.

Të njëjtit dyshohen për kryerjen e veprës penale “Falsifikim i rezultateve të votimit”, e paraparë me nenin 216 të Kodit Penal të Republikës së Kosovës.

Si pjesë e veprimeve hetimore, në cilësinë e provave materiale janë sekuestruar 51 telefona celular, të cilët pritet t’i nënshtrohen ekzaminimit forenzik për të verifikuar komunikimet dhe veprimet e mundshme të ndërlidhura me procesin e numërimit.

Pas intervistimit të të dyshuarve në prani të mbrojtësve, me vendim të Prokurorit kompetent, nëntë (9) persona – kryesisht kryesues të komisioneve të numërimit – janë ndaluar për 48 orë, ndërsa hetimet po vazhdojnë edhe ndaj personave të tjerë të përfshirë në këtë proces.

Sipas informatave që ka siguruar Gazeta Sinjali, në mesin e personave të dyshuar figurojnë emra të shumtë, përfshirë: Gazmend Mehmeti, Anes Toro, Ridvan Shabani, Milot Qusaj, Florent Rrahmani, Nazim Dauti, Benjamin Berisha, Ajna Qengaj, Astrit Krasniqi, Asri Qusaj, Fisnik Guri, Rami Qollopeku, Gentian Ahmeti, Driton Nazifi, Sejat Baxhaku, Arben Qengaj, Endi Asllani, Ramadan Redzepi, Belmin Brenoli, Isa Hasani, Arafat Qafleshi, Fatian Hulaj, Rami Kasemi, Mentor Selimi, Andë Sele, Dibran Aliu, Agon Rexhepi, Sabahudin Halili, Pajtim Krasniqi, Taulant Qusaj, Fadil Bahtijari, Miran Ramadani, Visar Neshati, Bleron Kryeziu, Ismail Asllani, Ahmet Ahmeti, Zenie Sylejmani, Alban Halimi, Rufat Sadiki, Ndriçim Hulaj, Jetmir Zejnullahu, Edmond Krasniqi, Shefqet Piraj, Asllan Krasniqi, Fatlind Vehapi, Sadam Sallahu, Dritan Muharremi, Gëzim Sadiku, Emral Ramadani, Ahmet Shabani, si dhe persona të tjerë që janë pjesë e listës së hetimit.

Hetimet po zhvillohen nga Njësia Rajonale e DHKEK në Prizren, e asistuar nga njësitë tjera relevante të Policisë së Kosovës, ndërsa pritet që në ditët në vijim të ketë edhe veprime të tjera procedurale, në varësi të provave që do të rezultojnë nga analizimi i materialit të sekuestruar.

Gazeta Sinjali do t’ju mbajë të informuar me detaje të reja lidhur me këtë rast të ndjeshëm, i cili ka vënë në fokus seriozitetin e procesit zgjedhor dhe përgjegjësinë penale të personave të përfshirë në numërimin e votave.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive | Falsifikim i rezultateve të votimit në Dragash – këta janë personat e intervistuar, nëntë u ndaluan për 48 orë appeared first on Sinjali.

Shoqata Sindikale e ShFMU “Pavarësia”, Këshilli Drejtues i Shkollës dhe Këshilli i Prindërve janë duke zhvilluar një grevë dyorëshe për të reaguar kundër veprimeve delikuente të nxënësve në procesin edukativo-arsimor, duke përfshirë dhunën fizike, fyerjet, ofendimet dhe sharjet ndaj mësimdhënësve.

Kjo erdhi pas një incidenti në këtë shkollë gjatë ditës së hënë, ku një mësimdhënës u incizua duke ushtruar dhunë ndaj një nxënësi, megjithatë, sipas psikologut të “Pavarësisë”, ishin rreth 10 nxënës që kishin rrethuar arsimtarin dhe e kishin sharë e ofenduar.

Kolegët e këtij mësimdhënësi, para mediave dhanë mesazhin e tyre, dhe kërkuan masa konkrete për mbrojtjen ndaj tyre dhe garantim të rendit në institucionet arsimore.

“Kërkojmë masa konkrete, të qarta dhe të zbatueshme për mbrojtjen e mësimdhënësve dhe garantimin e rendit në institucionet arsimore. Mesazhi ynë është i qartë, jemi kundër dhunës, jemi për rend, disiplinë dhe respekt në shkollë”, tha njëri nga kolegët e mësimdhënësit që u ndalua për 48-orë për dhunë ndaj një nxënësi.

Sinjali – aty ku e vërteta flet para lajmit!

/GazetaSinjali/

The post Greva dyorëshe: Kërkohet mbrojtje e mësimdhënësve dhe garantim i rendit në shkolla appeared first on Sinjali.

Një princ, një ambasador, diplomatë të lartë dhe politikanë të fuqishëm. Të gjithë të rrëzuar nga dosjet e Jeffrey Epsteinit. Dhe pothuajse të gjithë në Evropë, jo në Shtetet e Bashkuara të Amerikës.

Sasia e madhe e dokumenteve për Epstein, të publikuara nga Departamenti Amerikan i Drejtësisë, ka shkaktuar tronditje të forta në elitën politike, ekonomike dhe shoqërore të Evropës – duke dominuar titujt kryesorë, shkatërruar karriera dhe duke nxitur hetime politike dhe penale.

Ish-ambasadori britanik në Washington, Peter Mandelson, u shkarkua dhe mund të përballet me burgim. Kryeministri britanik, Keir Starmer, po përballet me një krizë udhëheqjeje për shkak të emërimit të Mandelsonit. Figura të larta kanë rënë edhe në Norvegji, Suedi dhe Sllovaki. Ndërkohë, edhe para publikimit të dokumenteve më të fundit, Andrew Mountbatten-Windsor, vëllai i Mbretit Charles III, humbi titujt, nderimet dhe rezidencën e financuar nga taksapaguesit.

Përveç ish-princit Andrew, asnjë prej tyre nuk përballet me akuza për abuzim seksual. Ata janë rrëzuar për shkak të marrëdhënieve miqësore me Epsteinin edhe pasi ai ishte dënuar për abuzim seksual.

“Epstein mblidhte njerëz të fuqishëm, njësoj si dikush që mbledh pikë bonus nga udhëtimet, sa më shumë, aq më mirë për të”, tha Mark Stephens, specialist i së drejtës ndërkombëtare dhe të drejtave të njeriut në Londër. “Por tani ‘faturat e udhëtimeve’ janë publike, dhe disa do të donin të kishin udhëtuar më pak”.

Dokumentet u publikuan pasi çështja Epstein u shndërrua në një krizë për administratën e presidentit Donald Trump dhe çoi në një përpjekje të rrallë dypartiake për ta detyruar qeverinë të hapte dosjet hetimore. Megjithatë, në SHBA, ky publikim nuk ka sjellë ende të njëjtin reagim të fortë publik ndaj bashkëpunëtorëve të Epsteinit.

Rob Ford, profesor i shkencave politike në Universitetin e Mançesterit, ka theksuar se në Britani, “nëse emri yt shfaqet në ato dosje, është menjëherë një histori e madhe”.

“Kjo më bën të mendoj se kemi një media më funksionale dhe një strukturë më të fortë llogaridhënieje. Ende ekziston një ndjenjë turpi në politikë, ku njerëzit thonë: ‘Kjo nuk është e pranueshme, kjo nuk bëhet’”, është shprehur ai.

Sinjali – aty ku e vërteta flet para lajmit!

/GazetaSinjali/

The post Zbulimet për Epstein godasin fort Evropën, pasojat në SHBA janë më të zbehta appeared first on Sinjali.

Komisioni Qendror i Zgjedhjeve ka certifikuar dje rezultatet e zgjedhjeve të 28 dhjetorit.

Sipas këtyre rezultateve, VV do të ketë 57 ulëse, PDK 22, LDK 15 dhe AAK 6. Rezultatet e certifikuara tashmë janë publikuar në webfaqen e KQZ-së.

Në këtë link i gjeni gjeni emrat e të 120 deputetëve që kanë siguruar ulëse në Kuvend.

Hapi i radhës tash është thirrja e seancës konstituive.

Seanca duhet të mbahet brenda 30 ditësh dhe duhet të thirret nga Presidentja Vjosa Osmani, por në rast se ajo nuk e thërret seancën, Kuvendi mblidhet vetë në ditën e 30’të.

Përgatitja për seancën konstituive është përgjegjësi e kryetarit të legjislaturës paraprake, në këtë rast Dimal Bashës.

Ai duhet të zhvillojë një takim të përbashkët me krerët e subjekteve politike parlamentare, jo më vonë se pesë ditë para seancës, për të përgatitur rendin e ditës dhe për të caktuar vendet e deputetëve në Kuvendin e ri.

Rregullorja përcakton se seanca konstituive ka katër pika të rendit të ditës: formimin e Komisionit të Përkohshëm për Verifikimin e Kuorumit dhe të Mandateve, betimin e deputetëve, zgjedhjen e kryetarit të Kuvendit dhe atë të nënkryetarëve.

Sinjali – aty ku e vërteta flet para lajmit!

/GazetaSinjali/

The post Certifikimi i rezultateve, këta janë 120 deputetët e legjislaturës së re appeared first on Sinjali.

Forcat izraelite të sigurisë kanë kryer një seri bastisjesh në Bregun Perëndimor, gjatë të cilave janë arrestuar më shumë se 20 palestinezë, njoftoi shërbimi për shtyp i ushtrisë izraelite (IDF).

Sipas deklaratës zyrtare, të ndaluarit përshkruhen si “terroristë dhe persona të kërkuar”, të dyshuar për përfshirje në blerje, ruajtje dhe tregti të paligjshme të armëve, prodhim të mjeteve shpërthyese, si dhe planifikim sulmesh ndaj personelit ushtarak izraelit.

Ushtria izraelite theksoi se operacionet janë pjesë e përpjekjeve të vazhdueshme për të parandaluar aktivitetet militante në rajon. “IDF do të vazhdojë të veprojë për të penguar terrorizmin në të gjithë Judenë dhe Samarinë”, thuhet në njoftim, duke iu referuar emërtimit izraelit për Bregun Perëndimor.

Sinjali – aty ku e vërteta flet para lajmit!

/GazetaSinjali/

The post Izraeli arreston mbi 20 palestinezë në bastisje në Bregun Perëndimor appeared first on Sinjali.

Të martën parashikohet që në orët e para të 24-orëshit dhe gjatë mëngjesit të ketë reshje të izoluara shiu në disa lokalitete, ndërsa në zonën verilindore priten fjolla bore.

Fjolla bore mund të ketë edhe në ndonjë zonë tjetër të Rrafshit të Kosovës.

Dita do të vijojë me vranësira të shpeshta dhe intervale të shkurta me diell, ndërsa më vonë pasdite, veçanërisht gjatë orëve të mbrëmjes, pritet intensifikim i reshjeve të shiut në rang vendi.

Era do të fryjë drejtimesh të ndryshme, me shpejtësi prej 15-33 km/h.

Temperaturat minimale do të luhaten prej 0 deri në 4°C dhe ato maksimale prej 8 deri në 11°C. 

Sinjali – aty ku e vërteta flet para lajmit!

/GazetaSinjali/

The post Parashikimi i motit për të martën appeared first on Sinjali.

Shtetet e Bashkuara do t’ua dorëzojnë dy nga postet kryesore komanduese të NATO-s – në Napoli të Italisë dhe Norfolk të Virxhinias – oficerëve evropianë, tha një burim ushtarak për Reuters të hënën.

Ky veprim është në përputhje me kërkesat e presidentit të SHBA-së, Donald Trump që kombet evropiane të marrin më shumë përgjegjësi për sigurinë e tyre.

Administrata e tij ka bërë thirrje që aleanca ushtarake, e dominuar prej kohësh nga Shtetet e Bashkuara, të bëhet një “NATO e udhëhequr nga Evropa”.

Si pjesë e riorganizimit të komandës, oficerët evropianë do të marrin përsipër Komandën e Forcave të Përbashkëta Aleate të NATO-s në Napoli dhe Komandën e Forcave të Përbashkëta Norfolk, të dyja aktualisht të udhëhequra nga admiralë amerikanë, tha burimi, duke folur në kushte anonimiteti.

Megjithatë, SHBA-të do të marrin frenat e tre komandave pak më poshtë në hierarki, por që mbajnë përgjegjësi të konsiderueshme për operacionet – Komanda Ajrore Aleate, Komanda Detare Aleate dhe Komanda Tokësore Aleate, thanë burimi ushtarak dhe një person tjetër i njohur me çështjen.

I pyetur në lidhje me ndryshimet e planifikuara, një zyrtar i NATO-s tha: “Aleatët kanë rënë dakord për një shpërndarje të re të përgjegjësisë së oficerëve të lartë në të gjithë Strukturën e Komandës së NATO-s, në të cilën Aleatët evropianë, përfshirë anëtarët më të rinj të NATO-s, do të luajnë një rol më të spikatur në udhëheqjen ushtarake të Aleancës”.

Zyrtari tha se vendimi lidhej me “planifikimin për rotacionet e ardhshme” dhe më shumë detaje do të jepen në kohën e duhur. 

Sinjali – aty ku e vërteta flet para lajmit!

/GazetaSinjali/

The post SHBA-të do t’ua dorëzojnë dy poste komanduese të NATO-s, evropianëve appeared first on Sinjali.