Në shtëpinë më të famshme në vend, debatet nuk kanë fund.

Një tjetër përplasje në shtëpi ka ndodhur mes Mirit dhe Mateos, të cilat kanë nisur që nga hyrja e këtij të fundit në shtëpi.

Pjesë nga debati:

Mateo: Hajde përballu o lepurush. Doje t’i bëje dhuratën Selinës ti? O burr i martuar. O i djegur.

Miri: Kam parë njerëz që kanë roje. Kam parë njerëz që kanë bodyguard.

Mateo: Doje t’i bëje dhuratën Selinës ti o i djegur.

Miri: Por rob që ka edhe roje, e cila ka edhe bodyguard s’kisha parë ndonjëherë.

The post “Hajde përballu o burr i martuar”/ Mateo debaton me Mirin: Kam parë njerëz që kanë roje dhe bodyguard appeared first on Albeu.com.

Një aksident rrugor është regjistruar mbrëmjen e sotme në segmentin Pukë–Qelëz. Një automjet tip Audi ka dalë nga rruga në afërsi të kthesës së Qerretit të Vogël, duke përfunduar në një përrua dhjetëra metra poshtë rrugës.

Si pasojë e aksidentit, drejtuesi i mjetit, Bardhok Pushtrija, ka mbetur i plagosur dhe po transportohet me urgjencë drejt Spitalit të Shkodrës për ndihmë mjekësore.

Në vendngjarje kanë mbërritur shërbimet e emergjencës, ndërsa rrethanat e aksidentit po hetohen.

The post Aksident në segmentin Pukë-Qelëz/ Makina del nga rruga dhe përfundon në greminë, plagoset shoferi appeared first on Albeu.com.

Policia Kufitare e Korçës ka konstatuar dhe ndaluar 16 emigrantë të paligjshëm të moshës dhe nacionaliteteve të ndryshme, të cilët ishin strehuar në një ndërtesë të braktisur në fshatin Qatrom.

Sipas informacioneve paraprake, emigrantët ishin fshehur në një ndërtesë në afërsi të teqesë së Qatromit, ndërsa gjatë ndërhyrjes së policisë u konstatua se njëri prej tyre kishte probleme shëndetësore, pasi kishte ndrydhur këmbën.

Menjëherë pas njoftimit nga policia kufitare, në vendngjarje mbërriti ambulanca për t’i dhënë ndihmën e parë mjekësore.

Burime bëjnë me dije se kontrollet janë shtuar nga Policia Kufitare e Korçës, me qëllim jo vetëm evidentimin e emigrantëve të paligjshëm, por edhe identifikimin e personave që ndihmojnë këta shtetas për të lëvizur drejt Tiranës apo qyteteve të tjera të vendit. Kontrollet në zonë vijojnë, ndërsa emigrantët po dërgohen drejt Drejtorisë së Kufirit dhe Migracionit në Korçë për veprime të mëtejshme, raporton korrespondentja e Top Channel Dhorjela Çule.

The post Strehoheshin në një ndërtesë të braktisur, policia kufitare kap 16 emigrantë të paligjshëm në Korçë appeared first on Albeu.com.

Është ndaluar me urdhër të Prokurorisë polici i cili ndodhej brenda berberhanes në Rrilën e Lezhës mbrëmjen e djeshme (1 shkurt), ku dyshohet se iu bë atentat 21-vjeçarit Merando Nikulaj.

Polici me iniciale B.K., mësohet se është ndaluar pasi akuzohet për veprën penale të shpërdorimit të detyrës.

Ai ka qenë prezent brenda në berberhanen ku ndodhej edhe Merando Nikulaj dhe gjatë sulmit me armë, efektivi është kundërpërgjigjur autorëve me armë zjarri.

Lidhur me ngjarjen autoritetet po vijojnë kontrollet në zonë për zbardhjen e plotë të ngjarjes dhe identifikimin e të përfshirëve.

Kujtojmë se nga breshëria e plumbave mbeti i plagosur Sokol Daci 30 vjeç, pronar i berberhanes.

Gazetarja Klodiana Lala raporton se nga hetimet e deritanishme rezulton se 30-vjeçari nuk ishte shënjestër e sulmit, pasi në berberhane ndodheshin edhe 4 persona të tjerë, ndër ta edhe Merando Nikulaj, nipi i Ardian Nikulajt, i cili dyshohet të ketë qenë shënjestra e atentatit.

Deri në këto momente Nikulaj nuk është shoqëruar dot për t’u marrë në pyetje, ndërsa policia po ushtron kontrolle në disa biznese dhe banesa për ta shoqëruar.

Ka dyshime të forta që 21-vjeçari Merando Nikulaj mund të jetë plagosur, për shkak se teksa largohej ai shfaqet në kamerat e sigurisë duke ecur me vështirësi.

VRASJA E ARDIAN NIKULAJT

Ishte prilli 2023 ku Ardian Nikulaj po qëndronte ulur brenda lokalit të tij, kur portugezi, Ruben Saraiva me skafandër dyshohet se hyri dhe qëlloi disa herë me pistoletë, duke e lënë të vdekur në vend.

Për kryerjen e kësaj vrasje urdherues dyshohet se eshte Edmond Haxhia, i cili ne bashkepunim me shtetasit e huaj, për ditë me radhë vëzhguan Nikulajn në hotel për të kronometruar momentin e ekzekutimit.

Pas ngjarjes, një pjesë e vrasësve u larguan nga Rinasi dhe të tjerë në rrugë tokësore në Greqi, por shumë shpejt u arrestuan një e nga një.

The post Atentati në Rrilë të Lezhës, ndalohet me urdhër të prokurorisë polici që iu përgjigj me armë autorëve appeared first on Albeu.com.

Vendimi i Komisionit Qendror të Zgjedhjeve për të mos miratuar listën e kandidatëve për deputetë të Listës Serbe është “në kundërshtim me të drejtën e qytetarëve për të zgjedhur në mënyrë demokratike përfaqësuesit e tyre”, thanë nga Ambasada amerikane në Prishtinë.

“Çdo përpjekje për të shkelur këtë parim bazë minon partneritetin mes Shteteve të Bashkuara dhe Kosovës”, tha për Radion Evropa e Lirë një zëdhënës i Ambasadës amerikane në Prishtinë.

Më 31 janar, KQZ-ja shpalli rezultatet përfundimtare të zgjedhjeve të parakohshme parlamentare të 28 dhjetorit. Por, gjatë mbledhjes, anëtarët e Komisionit miratuan listat e kandidatëve të të gjithë partive, përveç Listës Serbe – partisë kryesore të serbëve në Kosovë që ka mbështetjen e Beogradit.

Tre anëtarë të KQZ-së votuan për, dy kundër nga Lëvizja Vetëvendosje, dhe anëtarët tjerë abstenuan.

Lista Serbe më 2 shkurt është ankuar në Panelin Zgjedhor për Aneksa dhe Parashtresa për këtë vendim të KQZ-së.
Igor Simiq nga ky subjekt tha se vendimi është i “paligjshëm, antiserb dhe diskriminues”, duke shtuar se pret që PZAP ta “shfuqizojë atë”.

Ndërkaq kryediplomati serb, Marko Gjuriq, e ka dënuar ashpër vendimin e institucionit kryesor për organizimin e zgjedhjeve në Kosovë.

Gjuriq e ka cilësuar këtë vendim si një tjetër sulm serioz ndaj të drejtave të popullit serb në Kosovë.

“Në vend të shtensionimit dhe rikthimit të besimit, ne jemi dëshmitarë të hapave të rinj që thellojnë mosbesimin dhe konfirmojnë se heqja sistematike e të drejtës së votës së serbëve mbetet praktikë dhe jo përjashtim”, shkroi Gjuriq në X.

Gjatë mbledhjes, vetë kreu i KQZ-së, Kreshnik Radoniqi, e cilësoi si “të pakuptimtë” mosmiratimin e përbërjes së Listës Serbe nga anëtarët e Komisionit, duke argumentuar se kishte kaluar afati për ankesa pasi votat veçse janë rinumëruar dhe, sipas ligjeve, nuk parashihen ankesa për një proces të tillë.
Ndërkaq, Eugen Cakolli nga Instituti Demokratik i Kosovës (KDI), deklaroi se KQZ-ja kreu shkelje, fillimisht duke shpallur rezultate pa u konsumuar afati ligjor për ankesa, dhe më pas duke shpallur rezultate “të pjesshme”.

“Ajo që ndodhi sot është absurde. Cilido anëtar që votoi kundër ose abstenoi, nëse kishte dyshime reale për rezultatet, ishte ai që duhej të ankohej. Situata nuk zgjidhet me votim politik brenda KQZ-së dhe as duke bllokuar ose lejuar rezultate sipas interesave të momentit”, tha ai.

LVV-ja e kryeministrit në detyrë, Albin Kurti, që ka fituar zgjedhjet e dhjetorit, edhe më herët kishte tentuar që ta pengonte Listën Serbe që të merrte pjesë në zgjedhje. Por, PZAP-i vazhdimisht ka rrëzuar vendimet e KQZ-së.

Në Kuvendin e Kosovës, dhjetë vende janë të rezervuara për komunitetin serb. Lista Serbe në zgjedhjet e dhjetorit fitoi nëntë, ndërsa një e siguroi Nenad Rashiq nga Partia për Liri, Drejtësi dhe Mbijetesë.

LVV-ja këmkëmbëngul në qëndrimin e saj se Lista Serbe është “dorë e zgjatur e Beogradit”.

Si një nga arsyet përse nuk dëshiron bashkëpunim me të, përmend faktin se ajo nuk është distancuar kurrë nga ish-nënkryetari i saj, Millan Radoiçiq, i cili ka marrë përgjegjësinë për sulmin e armatosur në Banjskë, në shtator të vitit 2023.
Partia e Kurtit shprehet e hapur për bashkëpunim me Rashiqin dhe këmbëngul që pozitat në Qeverinë apo Kuvendin e Kosovës, të cilat me Kushtetutë u takojnë përfaqësuesve të komunitetit serb, t’i jepen pikërisht partisë së tij.

Por, Gjykata Kushtetuese e Kosovës konstatoi javën e kaluar se nënkryetari i Kuvendit nga radhët e komunitetit serb, mund të emërohet vetëm nga partia më e madhe parlamentare e këtij komuniteti, që në këtë rast është Lista Serbe.

Shpallja e rezultateve nga KQZ vjen pas përfundimit të rinumërimit të plotë të votave të rregullta, pasi u gjetën mospërputhje në votat e kandidatëve për deputetë.

Vetëm pas përfundimit të afateve për ankesa në PZAP dhe në Gjykatën Supreme, KQZ mund të certifikojë rezultatet dhe të hapë rrugë për formimin e institucioneve të reja të vendit./REL

The post Vendimi i KQZ-së për Listën Serbe, reagon Ambasada amerikane: Minon partneritetin SHBA-Kosovë appeared first on Albeu.com.

Kreu i PD-së Sali Berisha foli në foltoren e radhës me demokratët përpara Kryeministrisë.

Berisha shprehu mirënjohjen e tij për qytetarët e pranishëm në foltore në shesh, teksa theksoi se ata janë kanë lebetitur nga themelet regjimin me guximin e tyre.

Berisha shtoi se 10 shkurti do jetë data e radhës që do trondisë regjimin.

Berisha: Përfaqësoni guximin e tyre, kurajon, vendosmërinë dashurinë për lirinë. Lebetitën një regjim anti shqiptar, armik të këtij kombi. Me protestën e tyre dërguan në të katër anët e botës, në të gjitha sheshet e kryeqyteteve në të gjitha kancelaritë, mesazhin e qytertarëve shqiptarë që nuk pajtohen kurrë me një regjim që i plaçkit çdo ditë. Me një regjim që ka shndërruar portat e Shqipërisë në platformë kryesore të helmeve të drogës, që përze çdo ditë qytetarët e vet nga Shqipëria. Kjo është beteja për dinjitetin tonë, për tu ngritur mbi propagandën e shpifjeve të Edi Ramës dhe për ti thënë shqiptarëve dhe botës që ata që e duan Shqipërinë jemi ne.

Miq, rrugën përpara nuk e kemi të lehtë, por e kemi të qartë. Ta përmbushin atë dhe fatin tonë të kemi fatin e Shqipërisë. Shqipëria dhe fati ynë është një. A mundet ne ta provojmë gatin në dhera të tjera? Jo. Të përmbysim këtë të keqe të madhe. të shndërrojmë pasurinë e Shqipërisë në begati për shqiptarët. Për të rikthyer ëndrrën shqiptare shpresën rinisë shqiptare. Ne dalim dhe do dalim në protesta gjer në fitore. I besojmë Zotit dhe Shqipërisë. Se kjo tokë është e bekuar. Se Shqipëria është e bukura e dheut dhe mund të bëhet vendi i ëndrrës shqiptare. Zëri ynë ka tronditur në themel këtë regjim. Edi Rama sot është më i diskredituar se kurrë. Ndaj dhe le të bashkohemi.

The post “Zëri ynë ka tronditur nga themelet regjimin”, Berisha: Rama, sot më i diskredituar se kurrë! 10 shkurti dita tjetër e kryengritjes sonë appeared first on Albeu.com.

Vendkalimi i vetëm kufitar i Gazës me Egjiptin është rihapur pjesërisht. Kjo erdhi pasi Izraeli e mbylli atë gati dy vjet më parë, duke lejuar një numër të vogël palestinezësh të hynin dhe të dilnin nga enklava e shkatërruar nga lufta.

Mediat e huaja shkruajnë se Bashkimi Evropian po operon në vendkalimin e Rafah si hapi i fundit i fazës së parë të marrëveshjes së armëpushimit të ndërmjetësuar nga SHBA në Gaza. Kalimi vendimtar, i cili është mbyllur kryesisht që kur Izraeli e pushtoi atë në maj 2024, iu nënshtrua një sërë përgatitjesh nga Bashkimi Evropian, Egjipti dhe palët e tjera që do të përfshihen në drejtimin e kalimit kufitar.

Sipas Ministrisë palestineze të Shëndetësisë, më shumë se 20,000 pacientë në Gaza janë në pritje të lejes për të udhëtuar jashtë vendit për trajtim, duke përfshirë të paktën 440 raste që konsiderohen kërcënuese për jetën. Gati 1,300 njerëz kanë vdekur pasi u detyruan të prisnin për t’u larguar nga Gaza për trajtim, tha ministria.

Çmimi i lartë i kalimit përmes vendkalimit së bashku me proceset e gjata burokratike dhe të sigurisë do të thotë se pak palestinezë mund të presin realisht të largohen. Para se Izraeli të mbyllte vendkalimin, disa palestinezë kishin raportuar se kishin paguar mijëra dollarë kur ishte i hapur, të cilat pak mund t’i përballojnë.

Rihapja e plotë e kalimit të Rafah ishte pjesë e fazës së parë të marrëveshjes së armëpushimit të ndërmjetësuar nga SHBA që hyri në fuqi në mes të tetorit. Por Izraeli refuzoi të hapte vendkalimin deri në kthimin e të gjithë pengjeve të gjalla dhe të vdekura. Pengu i fundit i vdekur, Ran Gvili, u kthye në Izrael javën e kaluar.

The post Dy vite pasi Izraeli e mbylli, rihapet pjesërisht kufiri Gaza- Egjipt appeared first on Albeu.com.

Në një deklaratë për mediat, avokatët e kryebashkiakut Erion Veliaj kanë reaguar pas zhvillimit të seancës së tij sot në GJKKO.

Sipas avokatëve të tij, seanca e sotme gjyqësore ndaj kryetarit të Bashkisë së Tiranës, konfirmoi se procesi në zhvillim ka kapërcyer kufijtë e çdo standardi minimal të një gjykimi të rregullt ligjor.

“Kjo çështje do të hyjë në historinë e jurisprudencës shqiptare si shembulli ekstrem i shkeljeve brutale të çdo elementi të procesit të rregullt ligjor”, thuhet në këtë deklaratë, teksa mbrojtja e Veliajt ka paraqitur me pika ato që sipas tyre konsiderohen shkelje të një gjykimi të rregullt ligjor.

Reagimi i plotë:

Mbi seancën e sotme gjyqësore ndaj kryetarit të Bashkisë së Tiranës, Erion Veliaj

Seanca e sotme gjyqësore ndaj kryetarit të Bashkisë së Tiranës, Erion Veliaj konfirmoi edhe një herë se procesi në zhvillim ka kapërcyer kufijtë e çdo standardi minimal të një gjykimi të rregullt ligjor.

Edhe sot, Erion Veliaj u detyrua të vijojë mbrojtjen vetë, pavarësisht se gjykata i kishte caktuar një avokate kryesisht, jashtë vullnetit të tij. Edhe avokatja e caktuar nga gjykata deklaroi qartë në seancë se nuk ka pasur asnjë mundësi reale për t’u njohur plotësisht me dosjen, as për ta konsultuar atë me Veliajn dhe për këtë arsye kërkoi kohë shtesë për të ushtruar mbrojtjen.

Kjo kërkesë, në mënyrë të pashpjegueshme dhe arbitrare, jo vetëm u refuzua nga gjykata, edhe pse bëhej fjalë për një mbrojtëse të caktuar prej vetë saj, por u shoqërua edhe me batuta dhe shprehje tallëse ndaj aktivitetit të saj profesional privat, duke denigruar një profesioniste të lirë të zgjedhur nga vetë gjykata.

Në mënyrë absurde, gjykata e konsideroi mbrojtjen të “ezauruar”, në një situatë ku:
•as avokatja e caktuar nga shteti,
•as vetë Veliaj, nuk kishin njohur dosjen, dhe për rrjedhojë nuk kishin asnjë mundësi reale për të ushtruar mbrojtje efektive.

Kur gjykata pyeti kryetarin e Bashkisë nëse dëshironte të bënte parashtrime mbrojtëse, Erion Veliaj u shpreh qartë se patjetër që dëshironte të mbrohej, duke theksuar se kishte ardhur në seancë edhe i sëmurë, me temperaturë, pikërisht për këtë qëllim. Por, ai ngriti pyetjen thelbësore:

“Si mund të realizoj mbrojtje, kur nuk më jepet mundësia të njihem me dosjen? Këtë mundësi nuk ia keni dhënë as avokates që ju vetë keni caktuar.”

Në seancë ndërhynë edhe avokatë të akuzuave tjerë, të cilët theksuan se një cenim kaq i rëndë i të drejtës së mbrojtjes nuk është parë dhe dëgjuar ndonjëherë, ndërkohë që zgjidhja ishte elementare: t’i jepej mundësia Veliajt të njihej me dosjen, qoftë edhe përmes një laptopi. Edhe kjo kërkesë u refuzua.

Akoma më alarmante janë argumentet e ngritura nga prokuroria, të përsëritura edhe në seancën e masës së sigurimit, sipas të cilave kryetari i Bashkisë së Tiranës paska paguar avokatë jashtë vendit për të “lobuar” kundër tyre, dhe për rrjedhojë “ka mundësi të gjejë avokat edhe në Shqipëri”.

Ky argument është thellësisht keqdashës dhe juridikisht i pavlefshëm. Erion Veliaj nuk ka pretenduar kurrë se nuk gjen avokat. Ai ka kërkuar të mbrohet vetë pikërisht për të pasur mundësinë të njihet me dosjen, sepse asnjë avokat nuk mund të realizojë mbrojtje pa konsultim me klientin dhe ky konsultim është i pamundur pa njohjen e dosjes nga vetë i Veliaj. Madje, edhe avokatja e caktuar nga shteti, jo nga Veliaj, i shpjegoi gjykatës në këtë seancë se: “Edhe sikur të isha njohur me dosjen (gjë që s’ka ndodhur) si mund t’i mbaj mend 61 mijë faqe dhe t’ia riprodhoj z. Veliaj, kur nuk ia japin as të printuara, as laptop që t’i lexojë në USB”.

Qëndrimi i prokurorëve përfaqëson një urrejtje të hapur ndaj avokatit dhe vetë të drejtës për mbrojtje. Në këtë logjikë të rrezikshme, ushtrimi i së drejtës për t’u mbrojtur është shndërruar në rrethanë rënduese.

Absurdi arrin kulmin kur prokuroria paraqet si “provë” në gjykatë:
•një portal mediatik,
•opinionin e një gazetari dhe asnjë provë ligjore për të ashtuquajturin “lobim”, një aktivitet plotësisht i ligjshëm në Shtetet e Bashkuara të Amerikës.

Gjykata pranon portalin si provë dhe mbi këtë bazë, e konsideron këtë një arsye shtesë pse Erion Veliaj duhet të vijojë të mbahet në burg, pse Kryetari i Bashkisë së Tiranës duhet të vijojë të mbahet në burg dhe pse qytetarët e Tiranës duhet të vijojnë të privohen nga drejtimi i bashkisë nga i zgjedhuri i tyre. Pra, pse ai duhet të ndalojë edhe çdo aktivitet mbrojtës për veten e tij.

Përballë kësaj sjelljeje haptazi të njëanshme, në favor të prokurorisë dhe në shurdhim e verbim të plotë ndaj kërkesave minimale të mbrojtjes, Erion Veliaj kërkoi përjashtimin e gjyqtares Etleva Deda, e cila, për arsye që i di ajo dhe prokurorët, është shndërruar në një palë me ta.

Kjo çështje do të hyjë në historinë e jurisprudencës shqiptare si shembulli ekstrem i shkeljeve brutale të çdo elementi të procesit të rregullt ligjor. Ajo përfaqëson kufirin planetar të skandalit juridik që po prodhon e ashtuquajtura “drejtësi e re” në Shqipëri.

The post Seanca në GJKKO e Erion Veliajt, reagojnë avokatët e kryebashkiakut: Do hyjë në histori, shembulli ekstrem i shkeljeve brutale të procesit ligjor appeared first on Albeu.com.

Kryeministri i Groenlandës shprehet disi më optimist lidhur me dialogun e hapur me Shtetet e Bashkuara, të cilat kanë shfaqur interes për të marrë nën kontroll ishullin e Arktikut, por përsëriti qartë qëndrimin se “Groenlanda as nuk blihet, as nuk shitet”.

Kreu i qeverisë së Groenlandës deklaroi gjithashtu se pret “rezultate konkrete” nga bisedimet që kanë nisur me SHBA-në.

“Dialogu ka filluar dhe Naalakkersuisut (qeveria e Groenlandës) do të punojë me vendosmëri për të arritur rezultate konkrete”, deklaroi para parlamentit Inatsisartut kryeministri i Groenlandës, Jens-Frederik Nielsen.

Takimi i parë i grupit të punës për çështjen e Groenlandës u mbajt më 28 janar në Uashington, me pjesëmarrjen e zyrtarëve të lartë nga Danimarka, Groenlanda dhe Shtetet e Bashkuara.

Një ditë më pas, ministri i Jashtëm i Danimarkës, Lars Løkke Rasmussen, deklaroi se takimi “shkoi mirë, në një klimë dhe mënyrë shumë konstruktive”.

“Jam pak më optimist sot (të enjten) krahasuar me një javë më parë”, u shpreh ai.

Sipas Nielsenit, i cili së bashku me kryeministren daneze është takuar me udhëheqësit e Francës dhe Gjermanisë, bisedimet me administratën Trump do të zhvillohen paralelisht me forcimin e “dialogut të ngushtë me vendet perëndimore” dhe bashkëpunimit me Bashkimin Evropian.

“Nuk jemi vetëm dhe jemi të mbrojtur. Të gjitha vendet e BE-së na mbështesin”, theksoi ai.

Ai rikujtoi edhe një herë, si çdo herë që rikthehet propozimi i presidentit Trump për marrjen e kontrollit të këtij territori autonom të Danimarkës, se “Groenlanda as nuk blihet, as nuk shitet”.

Si Danimarka ashtu edhe Groenlanda kundërshtojnë çdo formë transferimi të sovranitetit.

Negociatat mes Danimarkës, Groenlandës dhe Shteteve të Bashkuara po zhvillohen pasi Trump deklaroi se nuk do të përdorë forcë ushtarake për të marrë ishullin e Arktikut, i cili është pjesë e NATO-s.

Kërcënimet e presidentit amerikan lidhur me Groenlandën kanë shkaktuar një nga krizat më serioze në historinë e Aleancës Atlantike që nga themelimi i saj në vitin 1949.

Megjithatë, udhëheqësi amerikan deklaroi se kishte rënë dakord për një “kornizë” me qëllim arritjen e një marrëveshjeje me sekretarin e përgjithshëm të NATO-s, Mark Rutte, në kuadër të Forumit Ekonomik Botëror në Davos të Zvicrës. Deri më tani, shumë pak detaje konkrete janë bërë publike për përmbajtjen e saj.

The post “Groenlanda as nuk blihet dhe as nuk shitet”, Kryeministri i ishullit i prerë ndaj SHBA-së: S’jemi vetëm, të gjitha vendet e BE-së na mbështesin appeared first on Albeu.com.

Që prej vitit 1994 miq, Landi rrëfen emocionet intensive për Mirin: Është e pamundur ti shpëtosh…

Këngëtari i grupit të njohur “West Side Family”, Ronald Hysi, ishte ditën e sotme i ftuar në emisionin “Wake Up, për të folur për rrugëtimin e mikut të tij, Armir Shahini, në “Big Brother VIP 5”.

Landi u shpreh se njihet me Mirin që prej vitit 1994 dhe me të kanë përjetuar emocione të ndryshme. Ai shton se e dinë shumë mirë se çfarë do të thotë skenë, show apo produksion, por emocionet dhe përjetimet nga një reality show janë më të intensifikuara dhe më të zmadhuara.

I pyetur “nuk ka qenë e lehtë për ty?”, këngëtari i njohur u përgjigj: “Jo. Për ne nuk është e lehtë edhe kur bëjmë qejf”, duke shkaktuar të qeshura në studio.

Si shok i tij i ngushtë, bashkudhëtar prej shumë e shumë vitesh në art, si e ke përjetuar ti si së jashtmi prezencën e Mirit atje?

Ne kemi që në vitin 1994 që jemi bashkë me Mirin ose me Xhikun, emocionet janë shumë më të forta. Ne i kemi përjetuar këto emocione vit pas viti, çdo herë që kemi qenë në skenë, pas skene. E dimë shumë mirë se çfarë do të thotë skenë, show, produksion etj, etj. Mirëpo këtë herë emocionet dhe përjetimet janë shumë më të forta, për shkak sepse edhe Big Brother është një nga reality show-t më të famshëm në botë dhe sigurisht që dinamikat dhe ngjarjet që ndodhin aty për aty janë shumë më të intensifikuara dhe të zmadhuara. E për rrjedhojë nuk i shpëton dot. Ne jemi njerëz humanë mbi të gjitha dhe arti jonë e ka treguar këtë më së miri. Por “Big Brother” është “Big Brother”.

Jo. Për ne nuk është e lehtë edhe kur bëjmë qejf, jo më kur je në qendër të vëmendjes, do apo nuk do, për ca për mirë, për ca për keq. Është e pamundur ti shpëtosh kësaj lloj vëmendjeje dhe kësaj energjie.

The post Landi flet për miqësinë 32-vjeçare me Mirin: Është e pamundur ti shpëtosh kësaj lloj vëmendjeje dhe kësaj energjie appeared first on Albeu.com.

Luçiano Boçi ka deklaruar se PD nuk do të braktisë Komisionet për Reformën Territoriale dhe Zgjedhore.

“Qëndrimi i shprehur i PD pas diskutimeve në kryesinë e vogël, është që PD do vijojë të jetë pjesë e Komisionit Zgjedhore dhe Territoriale dhe do vazhdojë me agjendën e komisioneve.

Ne nuk e bojkotojmë komision, do njoftojmë për gatishmërinë e grupit të PD për të bashkëvijuar këtë reformë që është e rëndësishme.

Në grup parlamentar ne diskutojmë në mënyrë demokratike, pati mendime për braktisje, por Komisioni më i rëndësishëm Komisioni i Mandateve.

Duhet të ketë një dalje dhe duhet të jetë konsensuale, përndryshe paska qenë proces i paravendosur”, tha Boçi, bashkëkryetar i Reformës Territoriale.

The post PD tërhiqet nga bojkoti, Boçi: Do të marrim pjesë në Komisione, por vendimet duhet të jetë me konsensus appeared first on Albeu.com.

Në mbledhjen me dyer të mbyllura të Grupit Parlamentar të PD-së, kryedemokratit Sali Berisha i kanë dalë kundër disa deputetë për vendimmarrjen e bojkotit të komisioneve për Reformën Territoriale dhe Zgjedhore.

Sipas gazetarit Osman Stafa, deputetët Bledjon Nallbati, Xhelal Mziu, Oerd Bylykbashi, Ina Zhupa, Tritan Shehu, Arjan Ndoja, Luan Baçi, Bledi Himci, Bujar Leskaj dhe Eno Bozdo, kanë deklaruar se duhet të merret pjesë në komisione për reformat zgjedhore e territoriale.

Në këto kushte, Berisha është shprehur se do jetë Kryesia ajo që do marrë vendimin final lidhur me marrjen pjesë në mbledhje ose jo.

Kujtojmë se ditën e sotme PD braktisi sërish mbledhjen për Reformën Territoriale, ndërkohë mazhoranca socialiste në Komisionin e Posaçëm për Reformën Territoriale pritet të aktivizojë mekanizmin zhbllokues pas bojkotit të opozitës.

Kryetari i këtij komisionit, Arbjan Mazniku paralajmëroi se do t’i drejtohen Kuvendit formalisht për të bërë ndryshimet në Komision, me qëllim, sic tha ai, t’i hapet rruga punimeve të komisionit.

“Ne do ti drejtohemi seancës për të ndryshuar komisionin dhe ti hapim rrugën me shpejtësi dhe të fitojmë kohën e humbur” , tha Mazniku.

Nga ana tjetër, kryetari i Grupit Parlamentar të PS Taulant Balla, në një prononcim për mediat tha se deputetët e PD nuk lejohen nga Sali Berisha që të marrin pjesë në mbledhjen e Komisionit të Posaçëm për Reformën Territoriale.

Balla shpreson në një reflektim të demokratëve, për pjesëmarrjen ne komision ditën e sotme, në të kundërt, ai paralajmëroi se nesër në Kuvend do të aktivizohet mekanizmi zhbllokues.

“Unë nuk bëj ultimatume, por kam bërë një kërkesë kolegëve të PD që të reflektojnë sa i përket detyrimit që kanë për të zbatuar vendimin e Kuvendit për ngritjen e Kuvendit të Posaçme për Reformën Territoriale.

Tre muaj pas ngritjes së Komisionit, deputetët e PD nuk lejohen nga lidershipi i tyre për të marrë pjesë. Besoj dhe shpresoj që në mbledhjen e sotme, jo vetëm deputetët e opozitës të jenë prezent, por të marrin edhe detyrat, në mënyrë që nesër ne seancën e Kuvendit të mos vendosim mekanizma zhbllokues.

Ky mekanizëm zhbllokues do të aplikohet tek komisioni i posacëm për territorialen, nëse nuk ka reflektim dhe Shqipëria është e detyruar të adresojë rekomandimet shumë vjeçare të ODIHR.

Unë mendoj që dialogu e ka parakusht të vetëm pjesëmarrjen. Me këtë të dialogoj, kur ai nuk vjen”, tha Balla.

The post EMRAT/ Mbledhja e PD, 10 deputetë kundër bojkotit të Reformave Zgjedhore dhe Territoriale: Duhet të marrim pjesë në komisione appeared first on Albeu.com.

Sipas MeteoAlb, vendi ynë do të dominohet nga vranësira të shpeshta, duke sjellë reshje shiu në Ultësirën Perëndimore dhe dëborë të izoluar në zonat malore.

Gjatë pasdites pritet përmirësim gradual i motit. Temperaturat luhaten nga -2°C deri në 14°C, ndërsa era do të fryjë me shpejtësinë mbi 40 km/h nga drejtimi Perëndimor duke gjeneruar dallgëzim 2 ballë.

Ndërsa kushtet e motit në vendin tonë për ditën e nesërme. Sipas MeteoAlb, Paraditja do të karakterizohet nga alternime kthjellimesh dhe vranësirash, ndërsa pasditja sjell përmirësim të dukshëm të motit në të gjithë territorin.

Temperaturat luhaten nga 0°C deri në 17°C, ndërsa era fryn jugore me shpejtësi mbi 65 km/h, duke krijuar dallgëzim deri në 5 ballë.

The post Përmirësim i dukshëm në të gjithë territorin/ Njihuni me ‘surprizat’ e motit për ditën e nesërme appeared first on Albeu.com.

Vëllai i Madh ka dërguar këtë të hënë një zarf të zi në shtëpinë më të famshme në Shqipëri, pas mosbindjes së grupit të Gretës për të marrë pjesë në provat e sfidës së kërcimit.

Kur ra gongu që banorët të shkonin të nisnin provat, Baby G u shpreh se fillimisht do të përgatiste ushqimin dhe më pas do t’i bashkohej provave, çka solli debate mes pjesëtarëve të grupit. Për shkak të moszbatimit të urdhrit, Vëllai i Madh vendosi anulimin e televotimit aktual, duke theksuar se pasojat për grupin që nuk u bind do të bëhen të ditura gjatë Prime-t të së martës.

Ndërkohë, grupi i Selin është shpallur automatikisht fitues i sfidës së kërcimit dhe do të performojë live gjatë spektaklit të ardhshëm.

Në mesazhin e zarfit të zi, Vëllai i Madh rikujtoi se autoriteti i tij është i panegociueshëm dhe se çdo mosbindje ndaj urdhrave të tij do të shoqërohet me pasoja për banorët.

“Banorë, Vëllai i Madh ka ndjekur me vëmendje sjelljen tuaj gjatë ditës së sotme.

Pavarësisht thirrjeve të vazhdueshme për të realizuar sfidën e kërcimit, grupi i Gretës ka zgjedhur të mos i bindet Vëllait të Madh.

Siç u njoftuat, kjo sfidë është shumë e rëndësishme për spektaklin e radhës, ndaj për shkak të moszbatimit të këtij urdhri, Vëllai i Madh ju njofton se televotimi aktual anulohet. Vendimi për pasojat që do të ketë grupi që nuk është bindur do t’iu komunikohet gjatë mbrëmjes së nesërme.

Ndërkohë, Vëllai i Madh njofton se grupi i Selin shpallet automatikisht fitues i kësaj sfide dhe do të jetë ai që do të performojë live.

Vëllai i Madh ju rikujton se autoriteti i tij nuk anashkalohet dhe se mosbindja ndaj urdhrave të tij sjell pasoja për ju”, shkruhej në zarfin e zi.

The post E papritur, zarf i zi në shtëpinë e Big Brother/ Anulohet televotimi, çfarë ndodhi appeared first on Albeu.com.

Shefja e re e misionit diplomatik amerikan në Venezuelë, Laura Dogu, mbërriti në Karakas, një hap ky në rifillimin e marrëdhënieve midis dy vendeve, më pak se një muaj pasi Presidenti Nicolas Maduro u kap nga ushtria amerikane, tha një burim diplomatik për AFP.

Aeroplani që mbante Dogun u ul në karakas, kryeqytetin e Venezuelës rreth orës tre të pasdites sipas orës lokale, tha burimi.

Emërimi i saj më 22 janar, diplomatja më e lartë që nga një ambasadore, shënon një pikë kthese në marrëdhëniet midis Uashingtonit dhe Karakasit, të cilat kanë qenë të tendosura që nga viti 2019.

Presidenti i SHBA-së, Donald Trump, ka thënë vazhdimisht se ka një “marrëdhënie të mirë pune” me presidenten e përkohshme Delcy Rodriguez.

Kjo e fundit i ka ofruar Uashingtonit garanci për bashkëpunim, duke njoftuar një amnisti të përgjithshme, reforma në ligjin e naftës dhe në gjyqësor.

Presidentja e përkohshme premtoi gjithashtu të mbyllë burgun El Helicoide, të cilin opozita dhe grupet e të drejtave të njeriut e quajnë qendër torture.

The post Trump e emëroi pas arrestimit të Maduros, mbërrin në Venezuelë shefja e re e misionit diplomatik të SHBA-ve! Erë e re mes Uashingtonit dhe Karakasit! appeared first on Albeu.com.

Dashi
Të lindur më: 21 Mars – 19 Prill
Në dashuri, sot ndiheni të gatshëm për të komunikuar më qartë ndjenjat tuaja, gjë që mund të sjellë afrim me partnerin ose një takim të papritur për beqarët. Marrëdhëniet me familjen mund të jenë pak më të tensionuara, ndaj tregohuni të durueshëm dhe të hapur ndaj mendimeve të të tjerëve. Në punë, mund të hasni disa sfida, por mos u dekurajoni; këmbëngulja juaj do të shpërblehet. Mund të merrni një lajm të mirë financiar, por është e rëndësishme të jeni të matur me shpenzimet. Shëndeti kërkon vëmendje të veçantë, veçanërisht në aspektin e energjisë; shmangni lodhjen e tepërt. Mos neglizhoni pushimin dhe mundohuni të ushqeheni shëndetshëm. Sot është dita ideale për të reflektuar mbi qëllimet tuaja afatgjata dhe për të vendosur hapa konkretë drejt tyre.

Demi
Të lindur më: 20 Prill – 20 Maj
Në jetën sentimentale, mund të ndiheni të pavendosur mes dëshirës për stabilitet dhe nevojës për ndryshim. Partneri mund të kërkojë më shumë përkushtim, ndaj përpiquni të dëgjoni me kujdes dhe të shprehni ndjenjat pa frikë. Në punë, një koleg mund të kërkojë ndihmën tuaj; bashkëpunimi do të sjellë përfitime për të dyja palët. Shëndeti është i qëndrueshëm, por mos e lini pas dore aktivitetin fizik. Në aspektin financiar, ky është momenti për të planifikuar shpenzimet dhe për të shmangur blerjet impulsive. Mund të merrni një ofertë të mirë, por analizoni mirë para se të vendosni. Në përgjithësi, sot është një ditë për të ruajtur ekuilibrin dhe për të kultivuar durimin.

Binjakët
Të lindur më: 21 Maj – 20 Qershor
Sot në dashuri mund të ndiheni të frymëzuar për të surprizuar partnerin me një veprim të vogël, por domethënës; kjo do të forcojë marrëdhënien tuaj. Beqarët mund të takojnë dikë interesant në një ambient të ri. Në punë, krijimtaria juaj është në kulm dhe mund të merrni vlerësime nga eprorët. Mos humbni fokusin nga detyrat kryesore edhe pse do të donit të merreshit me projekte të reja. Financat janë të qëndrueshme, por është mirë të kurseni diçka për të ardhmen. Shëndeti është i mirë, por mos harroni të pushoni mjaftueshëm. Sot është dita e duhur për të bërë plane të reja dhe për të nisur një projekt që keni menduar prej kohësh.

Gaforrja
Të lindur më: 21 Qershor – 22 Korrik
Në marrëdhënie, sot mund të ndjeni nevojën për më shumë hapësirë personale; komunikoni këtë me partnerin për të shmangur keqkuptimet. Për ata që janë single, një mik i vjetër mund të shfaqet me një propozim të papritur. Në punë, mund të keni debate me kolegët, por përpiquni të tregoheni të hapur ndaj mendimeve të ndryshme. Financat kërkojnë kujdes të veçantë, sepse mund të përballeni me shpenzime të paparashikuara. Shëndeti është i qëndrueshëm, por këshillohet të bëni një kontroll rutinë. Mos harroni të gjeni kohë për relaks dhe aktivitete që ju japin kënaqësi. Sot është një ditë për të vlerësuar prioritetet dhe për të përqafuar fleksibilitetin.

Luani
Të lindur më: 23 Korrik – 22 Gusht
Dashuria juaj mund të marrë një kthesë pozitive, sidomos nëse jeni të gatshëm të ndani ndjenjat tuaja më hapur. Partneri do të vlerësojë sinqeritetin dhe përkushtimin tuaj, ndërsa beqarët mund të tërheqin vëmendjen e dikujt të veçantë. Në punë, një projekt i rëndësishëm kërkon angazhim të plotë dhe përqendrim maksimal. Mos lejoni që shqetësimet e vogla të ndikojnë në performancën tuaj. Financat janë në një fazë të mirë, por është e rëndësishme të mos shpenzoni më shumë seç duhet. Shëndeti kërkon pak më shumë kujdes, sidomos në aspektin e pushimit dhe ushqyerjes. Sot është dita për të vlerësuar arritjet dhe për të planifikuar hapat e ardhshëm me kujdes.

Virgjëresha
Të lindur më: 23 Gusht – 22 Shtator
Në jetën sentimentale, mund të ndiheni të mbushur me emocione të forta që kërkojnë shprehje. Është e rëndësishme të flisni hapur me partnerin për atë që ndjeni, pasi kjo do të sjellë afrim. Në punë, mund të përballeni me disa vështirësi të vogla, por do t’i kaloni me këmbëngulje dhe diplomaci. Financat janë të qëndrueshme, por mos u tërhiqni nga shpenzimet e panevojshme. Shëndeti është i mirë, por mos e neglizhoni ushtrimin fizik. Dita është e përshtatshme për të marrë vendime të rëndësishme që lidhen me të ardhmen tuaj. Reflektoni mbi prioritetet dhe mos harroni të kujdeseni për veten.

Peshorja
Të lindur më: 23 Shtator – 22 Tetor
Marrëdhëniet romantike sot kërkojnë më shumë vëmendje dhe përkushtim; një bisedë e hapur mund të zgjidhë çdo keqkuptim që ka lindur kohët e fundit. Beqarët kanë shanse të mira për të njohur dikë të veçantë në një ambient social. Në punë, pritet një ditë produktive, ku mund të finalizoni një detyrë të rëndësishme. Mos u trembni të kërkoni ndihmë nëse ndiheni të mbingarkuar. Financat janë të mira, por një shpenzim i papritur mund t’ju bëjë të rishikoni buxhetin. Shëndeti është i qëndrueshëm, por kujdesuni për balancën mendore dhe fizike. Sot është dita e duhur për të ndërtuar ura bashkëpunimi dhe për të forcuar lidhjet ekzistuese.

Akrepi
Të lindur më: 23 Tetor – 21 Nëntor
Në dashuri, sot është momenti i duhur për të lënë pas xhelozitë dhe për të ndërtuar besimin me partnerin. Ata që janë vetëm mund të ndihen pak të tërhequr nga vetmia, por dita sjell mundësi për njohje të reja. Në punë, pritet një sfidë e re që do të kërkojë kreativitet dhe fleksibilitet. Mos hezitoni të merrni iniciativa, pasi do të shpërbleheni. Financat janë të qëndrueshme, por është mirë të shmangni investimet e rrezikshme për momentin. Shëndeti kërkon kujdes, sidomos në aspektin emocional, ndaj gjeni kohë për relaks. Dita është e përshtatshme për të vendosur qëllime të reja dhe për të filluar një kapitull të freskët.

Shigjetari
Të lindur më: 22 Nëntor – 21 Dhjetor
Sot në dashuri mund të përjetoni një afrim të papritur me dikë që nuk e keni parë prej kohësh; për çiftet, është momenti ideal për të ndarë ëndrrat dhe planet e ardhshme. Beqarët do të ndihen më të sigurt në vete dhe do të tërheqin vëmendjen në ambiente të reja. Në punë, mund të merrni një përgjegjësi të re që do t’ju ndihmojë të rriteni profesionalisht. Financat janë të qëndrueshme, por duhet të tregoheni të matur me shpenzimet e mëdha. Kujdesuni për shëndetin, veçanërisht për sistemin nervor; meditimi ose aktivitetet relaksuese do të jenë të dobishme. Sot është një ditë për të përqafuar ndryshimin dhe për të shfrytëzuar mundësitë që ju paraqiten. Mos harroni të jeni mirënjohës për gjithçka që keni.

Bricjapi
Të lindur më: 22 Dhjetor – 19 Janar
Në jetën sentimentale, mund të keni nevojë për më shumë siguri dhe stabilitet; flisni hapur me partnerin për pritshmëritë tuaja. Beqarët mund të ndihen të pavendosur midis dy personave, ndaj dëgjoni instinktin tuaj. Në punë, përpjekjet tuaja do të vihen re nga eprorët dhe mund të merrni një propozim interesant për avancim. Financat kërkojnë vëmendje, sidomos nëse keni planifikuar blerje të mëdha; bëni kujdes me investimet. Shëndeti është i mirë, por mos e neglizhoni aktivitetin fizik. Sot është dita për të vlerësuar arritjet dhe për të vendosur qëllime të reja. Reflektoni mbi sukseset dhe mos kini frikë të bëni ndryshime të vogla në rutinën tuaj.

Ujori
Të lindur më: 20 Janar – 18 Shkurt
Në dashuri, sot ndiheni të lidhur emocionalisht me partnerin, gjë që do të sjellë harmoni dhe mirëkuptim në marrëdhënie. Beqarët kanë mundësi të mira për të njohur dikë përmes një aktiviteti të përbashkët. Në punë, mund të merrni një lajm të papritur që do t’ju ndryshojë planet për të ardhmen. Financat janë të qëndrueshme, por mos harroni të kurseni për situata të paparashikuara. Shëndeti është i mirë, por është mirë të shmangni streset e kota. Sot është momenti për të ndjekur intuitën tuaj dhe për të ndërtuar plane afatgjata. Mos hezitoni të kërkoni këshillë nga ata që i besoni.

Peshqit
Të lindur më: 19 Shkurt – 20 Mars
Në marrëdhënie, sot ndiheni të motivuar për të sjellë më shumë pasion dhe surpriza; partneri do të vlerësojë përkushtimin tuaj. Beqarët mund të kenë një takim të papritur që do t’i surprizojë pozitivisht. Në punë, mund të lindë një mundësi e re bashkëpunimi që kërkon iniciativë dhe vendosmëri. Financat janë në një fazë të mirë, por është mirë të shmangni rrezikun e panevojshëm. Shëndeti është i qëndrueshëm, por kushtojini vëmendje të veçantë pushimit dhe qetësisë mendore. Sot është dita ideale për të vënë në zbatim një ide të re që keni menduar prej kohësh. Reflektoni mbi përparimin tuaj dhe mos hezitoni të kërkoni mbështetje kur është e nevojshme.

The post Horoskopi 1 Shkurt 2026, zbuloni parashikimin e yjeve për shenjën tuaj appeared first on Albeu.com.

Kryebashkiaku Erion Veliaj, pritet të paraqitet në Gjykatën e Posaçme të Shkallës së Parë, ku do të shqyrtohet kërkesa e tij për masën e sigurisë. Gjyqtarja Etleva Deda do të vendosë nëse do të pranojë ose jo kërkesën e tij për zëvendësim të masës së sigurisë.

Mësohet se seanca është planifikuar të zhvillohet në orën 09:00. Çështja penale ndodhet në fazën e seancës paraprake pasi Veliaj dhe bashkëshortja e tij Xoxa, kanë paraqitur ende argumentet e tyre. Vetëm pas kësaj procedure, gjykata mund të vendosë nëse çështja do të kalojë për gjykim apo jo.

Për çfarë akuzohet Veliaj?

SPAK ka përfunduar hetimet dhe ka dërguar për gjykim në Gjykatën e Posaçme të Shkallës së Parë dosjen e kryebashkiakut Erion Veliaj. Në dosjen e kopsitur nga SPAK 13 akuza që rëndojnë mbi Veliajn dhe 12 akuza që rëndojnë mbi bashkëshorten e tij, Ajola Xoxa. Në përfundim të hetimeve paraprake, ka rezultuar se Veliaj dhe Xoxa, në bashkëpunim mes tyre, në 9 raste të veçanta, kanë marrë përfitime të parregullta në formën e shumave monetare dhe pasurive të paluajtshme, nga subjekte tregtarë dhe organizata jofitimprurëse, të cilët nga ana e tyre kanë marrë leje ndërtimi dhe përfituar fonde publike nga Bashkia Tiranë.

Nga hetimi penal janë grumbulluar të dhëna konkrete, të cilat provojnë se Veliaj, në cilësinë e Kryetarit të Bashkisë Tiranë, me nënshkrimin e tij ka miratuar në çdo rast shpërndarjen e këtyre fondeve, të cilat më pas kanë përfunduar tek OJF-të e kontrolluara nga bashkëshortja e tij dhe individë të afërt me të. Gjithashtu, këta të pandehur, për shkak të funksionit që kryen Veliaj, kanë përfituar në mënyrë të parregullt edhe pasuri të paluajtshme në vlerë të konsiderueshme nga subjekte tregtarë që kanë marrë fonde publike dhe leje ndërtimi nga Bashkia Tiranë.

Në të gjitha këto episode të pandehurit, në bashkëpunim me njëri tjetrin, kanë konsumuar elementët e veprës penale të parashikuar nga neni 260 i Kodit Penal. Shoqëritë me përgjegjësi të kufizuar si edhe organizatat jofitimprurëse të lartpërmendura, duke dhënë përfitime të parregullta për shkak të detyrës që kryen i pandehuri Erion Veliaj, kanë konsumuar elementët e parashikuar nga neni 245 i Kodit Penal

The post Veliaj kërkoi zëvendësim mase! Nesër shqyrtohet kërkesa e kryebashkiakut në GJKKO appeared first on Albeu.com.

Bodrumspor u përball sot me Serikspor, më një sfidë e cila u mbyll me rezultatin 3-0, në favor të skuadrës ku luan edhe futbollisti i kombëtares, Taulant Seferi.

Ndeshja ishte i vlefshme për javën e 23-të të Superligës turke. Skuadra bëri më të mirën e saj pasi shënoi që në pjesën e parë, e më pas 2 gola të tjerë në atë të dytën. Padyshim protagonist edhe Taulant Seferi i cili i dhuroi skuadrës së tij golin e 3-të dhe të fundit për të përmbyllur mjaft bukur sfidën.

Sulmuesi shqiptar i shtoi edhe një “yll” tjetër performancës së tij sot, duke e çuar në 12 numrin e golave dhe në 4 atë të asiteve sa i takon 22 paraqitjeve të tij në Ligën e Parë turke. Megjithatë edhe “SofaScore” e rendit atë në mesin e më të mirëve më një notë prej 7.3.

Një paraqitje e denjë e cila duhet ti bjerë në sy edhe trajnerit të Kombëtares shqiptare, pasi Sylvinho ka kohë që nuk e grumbollon më.

The post Nuk shënojnë më sulmuesit e eliminatoreve të shkuara, por të “harruarit” e Sylvnhos, po e bëjnë rregullisht appeared first on Albeu.com.

Kryeministri i Mbretërisë së Bashkuar, Keir Starmer tha që Andrew Mountbatten-Windsor duhet të dëshmojë para Kongresit të SHBA-së në lidhje me marrëdhëniet e tij me Jeffrey Epstein.

BBC shkruan se, duke folur me gazetarët gjatë kthimit nga një udhëtim i shkurtër në Japoni pas vizitës së tij në Kinë, kryeministri tha se kushdo që ka informacion duhet të jetë i përgatitur ta ndajë atë informacion në çfarëdo forme që i kërkohet ta bëjë këtë.

“Sa i përket dëshmisë, gjithmonë kam thënë se kushdo që ka informacion duhet të jetë i përgatitur ta ndajë atë informacion në çfarëdo forme që i kërkohet ta bëjë këtë. Nuk mund të jesh i përqendruar te viktima nëse nuk je i përgatitur ta bësh këtë,” vazhdon ai. Viktimat e Epstein duhet të jenë përparësia e parë. Kushdo që ka informacion duhet të jetë i përgatitur ta ndajë atë informacion në çfarëdo forme që i kërkohet ta bëjë këtë.”, tha Starmer.

Kur u pyet për zbulimet rreth bashkëshortit të ish-ambasadorit amerikan Peter Mandelson, kryeministri tha se Mandelson u shkarkua nga detyra e ambasadorit në lidhje me informacionet e mëtejshme që dolën në dritë në shtator të vitit të kaluar.

The post “Viktimat e Epstein duhet të kenë përparësi”/ Kryeministri Keir Starmer: Kushdo që ka informacion duhet ta ndajë atë appeared first on Albeu.com.

Banori i Big Brother Vip Kosova Limi ka lënë mbrëmjen e sotme shtëpinë e Big Brother Vip Kosova. Ai ua ka komunikuar vet këtë lajm banorëve të tjerë.

“Banorë, kam lajmërim për ju. Me thënë të drejtën, ishte një udhëtim shumë i bukur, dhe kemi kaluar një kohë shumë spektakolare. Çdo moment këtu nuk do ta harroj asnjëherë, por mua më duhet të largohem” u shpreh ai para tyre.

Ende nuk dihet cila ka qënë arsyeja që ka sjellë këtë vendim të banorit.

The post Banori i BBVK jep “lajmin” e papritur: Ishte një udhëtim shumë i bukur, por më duhet të largohem appeared first on Albeu.com.