Prokuroria Themelore në Gjilan ka dhënë detaje në lidhje me intervistimin që u bë sot në Gjilan në kuadër të hetimeve për keqpërdorime të mundshme në procesin zgjedhor të zgjedhjeve nacionale të mbajtura më 28 dhjetor 2025.

Prokuroria njoftoi se më 20 janar ka autorizuar Policinë e Kosovës që të evidentojë çdo keqpërdorim të votave gjatë procesit zgjedhor apo ndonjë mënyrë tjetër të falsifikimit apo ndryshimit të rezultateve, qoftë në favor apo në dëm të subjektit të caktuar apo kandidatëve të caktuar për deputet dhe përkitazi me këtë dyshim, të sigurohen prova konkrete, të cilat i kanë pranuar nga Komisioni Qendror i Zgjedhjeve ditën e djeshme.

“Me datë 03.02.2026 kemi autorizuar policinë për intervistimin e të dyshuarve, fillimisht në Komunën e Vitisë, me që në këtë komunë ka pasur më tepër ndryshim në rezultat sipas rinumërimit, në krahasim me komunën e Gjilanit, Kamenicës, Novobërdës, Ranillugut, Parteshit, për të cilat intervistimet e të dyshuarve janë duke vazhduar akoma”, thuhet në njoftim.

Gjithashtu u tha se në territorin, kompetencë e së cilës është Prokuroria Themelore në Gjilan, nuk është ndonjë dallim i theksuar nga rezultati i publikuar më parë në krahasim me rezultatin pas rinumërimit të votave (vlen të theksohet se vetëm një kandidat rezulton me -145 vota pas rinumërimit dhe të gjithë të tjerët janë nën këtë shifër) siç ka rezultuar në komunat e tjera të Republikës së Kosovës, andaj Prokuroria Themelore në Gjilan do të vazhdojë me hetime në procedurë të rregullt, deri në intervistimin e të gjithë të dyshuarve në gjitha komunat, përveç nëse paraqitet ndonjë rrethanë tjetër.

“Prokuroria Themelore në Gjilan mbetet e përkushtuar të hetojë dhe të vejë para drejtësisë çdo person i cili ka keqpërdorur qoftë edhe një votë në rezultatin zgjedhor me synimin e mbrojtjes së integritetit të procesit zgjedhor dhe sundimit të ligjit”.

Ekskluzive | Manipulimi me vota në Gjilan – cak kryesuesit e qendrave të votimit

Sinjali – aty ku e vërteta flet para lajmit!

/GazetaSinjali/

The post Prokuroria e Gjilanit: Intervistimet lidhen më tepër me votat për kandidatë në Viti, aty pati më tepër ndryshime rezultati appeared first on Sinjali.

Gjykata Themelore në Prishtinë e ka shpallur fajtor Sërgjan Lazoviq për krime lufte kundër popullsisë civile dhe e ka dënuar me 12 vjet e 6 muaj burg, pas përfundimit të shqyrtimit gjyqësor më 3 shkurt 2026.

Vendimi është shpallur nga kryetari i trupit gjykues, Vesel Ismajli, i cili ka bërë të ditur se i akuzuari është dënuar për veprën penale të krimeve të luftës kundër civilëve.

“Trupi gjykues sot, me datë 03.02.2026, në emër të popullit merr këtë aktgjykim ndaj të akuzuarit, Sërgjan Lazoviq është fajtor sepse gjatë kohës së luftës në Kosovë… ka kryer arrestime dhe privime të kundërligjshme nga liria, keqtrajtime fizike dhe psikike, plaçkitje të pasurisë se luajtshme dhe paluajtshme të komunitetit shqiptar, të cilët nuk ishin të përfshirë në luftë”.

“Arrestimet dhe keqtrajtimet, ka arrestuar, ndaluar, torturuar, maltretuar fizikisht dhe psiqikisht rreth 500 qytetarë civilë të cilët nuk ishin të përfshirë në konflikt… me këtë i akuzuari ka kryer veprën penale kundër popullsisë civile, në bazë të dispozitave ligjore të akuzuarin e gjykojnë me dënim burgimi me kohëzgjatje prej 12 vitesh e 6 muaj”, tha ai.

Sinjali – aty ku e vërteta flet para lajmit!

/GazetaSinjali/

The post Dënohet me 12 vjet e 6 muaj burgim Sërgjan Lazoviq për krime lufte appeared first on Sinjali.

Pas një procesi të tensionuar të votëbesimit, Lumir Abdixhiku, do të vazhdojë të qëndrojë në krye të Lidhjes Demokratike të Kosovës.

Me një mbështetje minimale, por vendimtare, ai arriti të mbijetojë politikisht brenda partisë, duke siguruar vazhdimin e mandatit në një LDK të thellësisht të ndarë.

Rezultati nuk e forcon autoritetin e tij me entuziazëm, por e legjitimon atë përmes një shumice teknike që më shumë flet për krizën e brendshme sesa për unitetin partiak.

Pas kuvendit të së shtunës, morën hov edhe tregime e narrativa për ‘komplote’ të pretenduara ndaj Abdixhikut, që këtë të fundit ta ‘eliminojnë’ nga kryetarshipi i partisë – dhe vijon tregimi, “kjo gjë dështoi”.

Përmes edhe mediave në Shqipëri, u dha një tregim i tillë për “darka të fshehura” me shkrime incognito.

Aty shkruhet, dhe narrativi u zgjerua edhe në rrjete sociale, se një nga konspiratorët e kësaj përpjekje të pretenduar ishte Isa Mustafa, ish-Kryetari i LDK-së.

Ky i fundit ka folur për kët pretendime, duke thënë se “le të dal një delegat i këtij Kuvendi e të dëshmoj se unë kam kërkuar ta rrëzojë Abdixhikun apo të punojë kundër tij, atëherë unë përgjigjem”.

Mustafa e quan “narrativë shumë të ulët” se ka qenë i përfshirë në çfarëdo përpjekje të pretenduar për minimin e pozitës së Abdixhikut si drejtues i LDK-së. Krejt çështjet në lidhje me këtë parti, Mustafa thotë se i ka përcjellur në media dhe se s’ka qenë pjesë e asnjë “takimi apo tubimi” të LDK-së. Për drejtimin e partisë, vazhdon të thotë, nuk ka mendim se “as motiv e interes të involvohem”.

“Është një narrativë shumë e ulët, pa asnjë argument por me qëllime të dëmshme. Unë nuk ia kam humbur zgjedhjet Abdixhikut, që të organizoj komplot ndaj tij. Ai ka humbur dhe më vjen keq sepse është LDK në pyetje. Ka dalë publikisht dhe e ka pranuar përgjegjësinë për humbjen, ka paralajmëruar dorëheqje dhe e ka thirrë Kuvendin. Këtë proces unë e kam përcjellë në televizor dhe në portale. Askund nuk jam kyçur, sepse në vitin 2021 jam dorëhequr nga të gjitha pozitat në LDK. Nga ajo kohë s’kam marrë pjesë në asnjë takim e as tubim të LDK-së. Le të dalë një delegat i këtij Kuvendi e të dëshmojë se unë kam kërkuar ta rrëzojë Abdixhikun apo të punojë kundër tij, atëherë unë përgjigjem”, tha Isa Mustafa për Nacionale.

“Unë jam shprehur publikisht se dorëheqja është akt etik demokratik në kuptimin se rezultati krijon pasoja (pozitive apo negative) – sepse kështu kam vepruar vet. Unë nuk kam grup në LDK. Kam bashkëpunuar me të gjithë, me ata që më kanë dashtë e s’më kanë dashtë. Njoh kryetarë të degëve, të komunave, anëtarët e Kryesisë, njoh shumë veprimtar në terren sepse kam punuar me të gjithë. Asnjë në LDK s’është njeri i imi, por me shumicën dërmuese kam punuar, disa kam promovuar në pozita, dhe gëzoj respekt reciprok. S’kam asnjë motiv dhe interes të involvohem në çështjet se kush do ta drejtojë partinë. Jam i inreresuar maksimalisht që LDK të forcohet, të fitojë. Këtë interesim s’ma ndalë asnjë prej këtyre mjeranave që projektojnë komplote dhe prodhojnë armiq. Merren me vetëveten, s’kanë guxim të bëjnë opozitë”, tha Mustafa për Nacionale.

Për emrin e përvetshëm të Lumir Abdixhiku, Mustafa rikujton se vetë ai në 2017 e kishte sjellë në Lidhjen Demokratike të Kosovës dhe me LDK-në në Qeverinë Kurti 1 ishte bërë ministër.

“Dhe dëshiroj të sqaroj se unë e kam sjellë Lumirin në LDK më 2017. Ka fituar për deputet, është bërë ministër nga LDK në qeverinë Kurti 1. Pasi kam dhënë dorëheqje nuk e kam propozuar asnjë kandidat për kryetar. Kam vlerësuar se propozimin e bëjnë ata që vazhdojnë punën. Ai dhe Lutfi Haziri kanë garuar me vullnetin e tyre – nuk ka qenë komplot kundër meje. Edhe tani ka të drejtë të garojë kush të dojë me vullnetin e tij. Për mua është e rëndësishme LDK-ja. As Abdixhiku, as Hoti. Ata dhe të tjerët i nënshtrohen interesave të LDK-së. Jo, LDK interesave të tyre”, tha Mustafa.

Sinjali – aty ku e vërteta flet para lajmit!

/GazetaSinjali/

The post Narrativi se punoi të rrëzojë Abdixhikun, Mustafa: E ulët, le të del veç një delegat ta dëshmojë, pastaj përgjigjem appeared first on Sinjali.

Një spital në Spanjë ka arritur një përparim të rëndësishëm mjekësor duke kryer transplantin e parë të fytyrës në botë duke përdorur inde nga një dhurues që kishte marrë ndihmë mjekësore gjatë vdekjes – një procedurë kjo e ligjshme në Spanjë që nga viti 2021.

Operacioni që konsiderohet si zhvillim historik mjekësor u krye në Spitalin Universitar Vall d’Hebron në Barcelonë te një paciente që kishte përjetuar dëmtime të rënda të indeve të fytyrës për shkak të infeksionit, i cili kishte dëmtuar funksionet thelbësore, duke përfshirë frymëmarrjen, të ngrënit dhe të folurit.

Transplanti mundësoi rindërtimin e pjesshëm të fytyrës së pacientes dhe filloi rikuperimin e saj funksional, raporton Euronews.com.

Dr. Joan Pere Barret, drejtuese e Kirurgjisë Plastike dhe Djegieve në Vall d’Hebron, udhëhoqi ekipin kirurgjikal prej gati 100 profesionistësh mjekësorë, duke përfshirë kirurgë, anesteziologë, infermierë dhe specialistë në mikrokirurgji, imunologji dhe shëndet mendor.

Sipas tij, ky lloj ndërhyrjeje kirurgjikale kërkon përgatitje të gjerë dhe kujdes pasues gjatë gjithë jetës, pasi përfshin transplantimin e lëkurës, muskujve, nervave dhe strukturave të kockave, së bashku me medikamente imunosupresive të vazhdueshme për të parandaluar refuzimin e indeve.

Spitali theksoi se procedura ndoqi protokolle rigoroze etike dhe ligjore dhe pranoi bujarinë e donatores dhe familjes së saj si thelbësore për ta bërë të mundur këtë përparim mjekësor.

Sinjali – aty ku e vërteta flet para lajmit!

/GazetaSinjali/

The post Historike në mjekësi: Kryhet transplanti i parë i fytyrës në botë appeared first on Sinjali.

Një incident i rëndë është raportuar sot rreth orës 11:00 në fshatin Osek Hilë të Gjakovës, ku një person i moshës madhore dyshohet se ka lënduar veten dhe kushërirën e tij pas një mosmarrëveshjeje.

Lajmin e ka konfirmuar edhe Policia e Gjakovës, sipas të cilës lëndimet dyshohet se janë shkaktuar me mjet të mprehtë dhe janë cilësuar si lëndime të lehta trupore.

“Të dy personat e përfshirë kanë pranuar trajtim mjekësor në Emergjencën e Spitalit Rajonal në Gjakovë”.

Njësitet policore kanë dalë në vendin e ngjarjes dhe janë duke ndërmarrë veprimet e nevojshme hetimore për zbardhjen e plotë të rastit.

Sinjali – aty ku e vërteta flet para lajmit!

/GazetaSinjali/

The post Incident në Gjakovë: Një person lëndon veten dhe kushërirën me mjet të mprehtë appeared first on Sinjali.

Vazhdon intervistimi i personave që dyshohen për manipulim të votave në qendrën komunale të votimit në Viti, raporton Gazeta Sinjali.

Burime të Sinjalit bëjnë me dije se organet e rendit janë duke marrë në pyetje disa persona të përfshirë në këtë rast, ndërsa hetimet po vazhdojnë me intensitet për të zbardhur të gjitha rrethanat.

Detaje për aksionin ka zbardhur Policia e Gjilanit, e pyetur nga Gazeta Sinjali.

“Jemi në proces të intervistimit në koordinim me prokurorin e shtetit të personave të dyshimtë të qendrës komunale të votimit në Viti, lidhur me veprën penale “Falsifikim i rezultateve të votimit””, konfirmon për Gazetën Sinjali, Policia e Gjilanit.

“Për ecurin e hetimit të këtyte rasteve do të ju njoftojmë me kohë”.

Dallaveret me vota, Policia: Po intervistohen personat e dyshimtë të qendrës komunale të votimit në Viti

Gazeta Sinjali raportoi ekskluzivisht se cak i hetuesve fillimisht janë kryesuesit e qendrave të votimit.

Ekskluzive | Manipulimi me vota në Gjilan – cak kryesuesit e qendrave të votimit

Ndërsa për aksionin ka folur për Gazetën Sinjali edhe kryeprokurori i këtij qyteti, Arben Kadriu.

“Kanë filluar intervistat lidhur me manipulimet e rezultateve zgjedhore në regjionin e Gjilanit”, tha ai për Gazetën Sinjali.

Manipulimi me vota – Kryeprokurori zbardhë detajet e fundit nga aksioni i Krimeve Ekonomike në Gjilan

Ndryshe, Operacioni i sotëm në Gjilan është pjesë e një vale hetimesh dhe ndalimesh që ka përfshirë dhjetëra komisionerë, kryesues qendrash të numërimit dhe persona të tjerë të dyshuar në shumë komuna të Kosovës – përfshirë Prizren, Malishevë, Podujevë, Mitrovicë dhe vende të tjera.

Krimet ekonomike godasin edhe Gjilanin – priten arrestime të reja për manipulim me vota

Burimet e Sinjalit sqarojnë se vala e re e veprimeve policore ka në shënjestër persona që nuk ishin intervistuar më parë, ndërsa aksioni është rezultat i punës intensive hetimore, analizimit të materialeve të sekuestruara dhe verifikimit të provave të reja që kanë dalë gjatë hetimit.

Po ashtu, mësohet se gjatë realizimit të urdhëresave pritet edhe sekuestrimi i pajisjeve elektronike, përfshirë telefona mobilë dhe mjete të tjera të komunikimit, të cilat dyshohet se janë përdorur për koordinim dhe manipulim të procesit zgjedhor.

Hetimet po zhvillohen në koordinim të ngushtë me Prokurorinë kompetente, ndërsa burimet theksojnë se ky aksion nuk do të ndalet me kaq, pasi lista e personave nën dyshim është më e gjerë.

Autoritetet ditëve të kaluara kanë ndaluar dhjetëra të dyshuar për falsifikim të votave, ndërhyrje në rezultatin zgjedhor dhe shkelje të të drejtës së votës.

Këto veprime vijnë në vijim të një procesi të rinumërimit të votave në të gjithë vendin dhe një operacioni kombëtar për të adresuar çdo shkelje të mundshme që minon integritetin e votës së qytetarëve kosovarë.

Institucionet kanë bërë me dije se do të vazhdojnë aksionet dhe se çdo person i përfshirë në manipulime votash do të përballet me ndëshkime ligjore në përputhje me Kodin Penal të Kosovës.

Ekskluzive | Këta janë 109 të ndaluarit për manipulim me vota në Prizren – aksioni “Manipulimi” trondit QKN-në

Ekskluzive | Manipulim me vota në Mitrovicë – këta janë 21 të arrestuarit, gjykata refuzon paraburgimin për 10 prej tyre

Sinjali – aty ku e vërteta flet para lajmit!

/GazetaSinjali/

The post Vazhdon intervistimi i dhjetëra komisionerëve dhe kryesuesve të dyshuar për manipulim të votave në Viti appeared first on Sinjali.

Donald Trump ka deklaruar se administrata e tij mund të ketë së shpejti “disa lajme të mira” lidhur me përpjekjet për t’i dhënë fund luftës në Ukrainë, diçka që presidenti amerikan ka pohuar se mund ta bënte brenda 24 orëve nga rikthimi në detyrë për mandatin e tij të dytë në Shtëpinë e Bardhë.

“Mendoj se po ecim shumë mirë me Ukrainën dhe Rusinë. Për herë të parë po e them këtë,” u tha Trump gazetarëve në Zyrën Ovale të hënën. “Mendoj se, ndoshta, do të kemi disa lajme të mira.”

Bisedimet e Ukrainës me zyrtarë rusë dhe amerikanë pritet të zhvillohen për dy ditë duke filluar nga e mërkura në Abu Dhabi. Një zyrtar i Shtëpisë së Bardhë tha se i dërguari amerikan Steve Witkoff do të marrë pjesë në këto bisedime. Volodymyr Zelenskyy deklaroi se delegacioni ukrainas do të zhvillojë gjithashtu takime dypalëshe me zyrtarë amerikanë gjatë këtyre dy ditëve.

Kremlini ka këmbëngulur se çdo marrëveshje duhet të përfshijë dorëzimin nga Ukraina të gjithë rajonit lindor të Donbasit, përfshirë zonat që ende janë nën kontrollin ukrainas.

Kievi i ka hedhur poshtë fuqishëm këto kushte, megjithëse Zelenskyy ka thënë se është i gatshëm të shqyrtojë alternativa, përfshirë tërheqjen e trupave ukrainase nga disa pjesë të lindjes dhe krijimin e një zone të demilitarizuar.

Raundi i parë i bisedimeve trepalëshe në Abu Dhabi u mbajt më 23–24 janar, pa ndonjë përparim të dukshëm, pavarësisht toneve pozitive që u shprehën më pas.

Sinjali – aty ku e vërteta flet para lajmit!

/GazetaSinjali/

The post “Mund të kemi lajme të mira nga lufta në Ukrainë”, Trump: Po ecim shumë mirë, hera e parë që po e them appeared first on Sinjali.

Një aksident me të lënduar është shënuar sot në rajonin e Kaçanikut, te semafori i parë në drejtim të Hani i Elezit.

Lajmin e ka konfirmuar Kanun Veseli, zëdhënësi i policisë për rajonin e Ferizajt.

Si pasojë, rruga është e mbyllur në të dy korsitë.

“Në vendin e ngjarjes ndodhen ekipet relevante, përfshirë Policinë, zjarrfikësit, emergjencën mjekësore si dhe njësitin e trafikut rajonal Ferizaj, të cilët janë duke ndërmarrë veprimet e nevojshme”, tha ai.

Sinjali – aty ku e vërteta flet para lajmit!

/GazetaSinjali/

The post Bie vetura në rrugën Kaçanik-Hani i Elezit, mbyllet qarkullimi për automjete appeared first on Sinjali.

Dokumente të sapo publikuara nga Departamenti Amerikan i Drejtësisë zbulojnë se financieri amerikan i ndjerë dhe i dënuar për abuzime seksuale, Jeffrey Epstein, në dosjet e FBI-së përshkruhej si “menaxher i pasurisë” së presidentit rus Vladimir Putin.

Sipas këtyre dokumenteve, Epstein kishte tentuar në disa raste të organizonte takime me Putinin, megjithëse nuk ka konfirmim nëse ndonjë prej tyre është realizuar ndonjëherë.

Materialet e publikuara përfshijnë mbi 3 milionë faqe dokumentesh, rreth 180 mijë fotografi, 2 mijë video si dhe qindra letra dhe e-mailë personalë të Epstein. Ministria e Drejtësisë amerikane bëri të ditur se publikimi është pjesë e një hetimi afatgjatë mbi aktivitetet kriminale të Epstein.

Media e pavarur ruse Agentstvo, e cila ka shqyrtuar dokumentet, raporton se emri i Vladimir Putinit përmendet mbi 1.000 herë, ndërsa Rusia afro 5.900 herë.

Përpjekje të shumta për takime me Putinin

Korrespondenca elektronike tregon se Epstein ka eksploruar vazhdimisht mundësinë e një takimi me presidentin rus. Në një e-mail të tetorit 2010 ai pyeste: “A ka qenë Putini në jahtin tënd?” ndërsa gjatë aplikimit për vizë ruse shkruante: “A më duhet vizë? Kam një mik të Putinit, a duhet ta pyes?”

Në vitet pasuese, Epstein përmend disa herë takime të mundshme me Putinin, përfshirë edhe një të planifikuar në vitin 2014, i cili duket se u anulua pas rrëzimit të avionit të Malaysia Airlines mbi Ukrainë, ku humbën jetën 298 persona.

Lidhje me zyrtarë rusë dhe shërbimet sekrete

Dokumentet zbulojnë gjithashtu se Epstein ka komunikuar me Sergei Belyakov, ish-zëvendësministër rus i zhvillimit ekonomik dhe ish-anëtar i shërbimit sekret rus FSB. Në një e-mail të vitit 2015, Epstein përmend “miqtë e tij në FSB” dhe diskuton raste shantazhi që lidhen me biznesmenë të fuqishëm në SHBA.

Autoritetet amerikane dyshojnë se Epstein kishte lidhje afatgjata me krimin e organizuar rus, gjë që, sipas tyre, mund të shpjegojë lehtësinë me të cilën ai sillte vajza nga Rusia.

Ofertë për Kremlinin dhe interes për Trumpin

Dokumente të tjera tregojnë se Epstein pretendonte se mund t’i ofronte Kremlinit informacione të vlefshme për Donald Trumpin, përpara samitit Trump–Putin në Helsinki në vitin 2018. Ai komunikonte me ish-sekretarin e përgjithshëm të Këshillit të Evropës, Thorbjørn Jagland, duke sugjeruar se mund të ndihmonte në kuptimin e qëndrimeve të presidentit amerikan.

Dyshime për lidhje me Mossadin

Një raport i FBI-së përmend dyshime se Epstein mund të ketë qenë i lidhur me shërbimin sekret izraelit Mossad. Një burim i FBI-së ka deklaruar se Epstein kishte marrëdhënie të afërta me ish-kryeministrin izraelit Ehud Barak dhe se ishte trajnuar për aktivitete spiunazhi.

Në një e-mail drejtuar Barakut në vitin 2013, Epstein përmend riorganizime në rrethin e ngushtë të Putinit, duke sugjeruar se kishte informacione të ndjeshme.

Raporti i FBI-së: “Menaxher i pasurisë” së Putinit

Në një raport të FBI-së të datës 27 nëntor 2017, bazuar në një burim konfidencial, thuhet se Epstein ishte “menaxher i pasurisë së presidentit Vladimir Putin” dhe se kishte ofruar shërbime të ngjashme edhe për ish-presidentin e Zimbabvesë, Robert Mugabe.

Epstein u gjet i vdekur në një burg të Nju Jorkut në vitin 2019, ndërsa priste gjykimin për akuza federale për trafikim njerëzor me qëllim shfrytëzimi seksual. Rasti vazhdon të ngjallë interes të madh publik, veçanërisht për shkak të dyshimeve për një rrjet të gjerë abuzimi që përfshinte figura të fuqishme politike dhe ekonomike në nivel global.

Sinjali – aty ku e vërteta flet para lajmit!

/GazetaSinjali/

The post Dokumentet e reja të FBI-së: Jeffrey Epstein përshkruhej si “menaxher i pasurisë” së Vladimir Putinit appeared first on Sinjali.

Ministria e Mbrojtjes e Polonisë njoftoi se një nga punonjësit e saj është ndaluar dhe akuzuar për bashkëpunim me një shërbim të huaj inteligjence.

Faqja e lajmeve Onet raportoi më herët se një punonjës i Ministrisë së Mbrojtjes ishte ndaluar për bashkëpunim me inteligjencën ruse.

“Shërbimet kanë monitoruar aktivitetet e këtij personi për shumë muaj. Veprimet e tij janë dokumentuar dhe analizuar në mënyrë të detajuar. Prandaj, provat e mbledhura ndaj tij janë shumë të forta. Ky është një nga sukseset tona më të mëdha”,  i tha Onet një burim i njohur me operacionin.

Sinjali – aty ku e vërteta flet para lajmit!

/GazetaSinjali/

The post Polonia zbulon spiunin rus brenda Ministrisë së Mbrojtjes: E kemi ndjekur prej muajsh, provat janë shumë të forta appeared first on Sinjali.

Safet Kamberi i Lidhjes Demokratike të Kosovës në Mitrovicë i ka mohuar raportimet se kjo parti ka prishur koalicionin me Vetëvendosjen.

Për Klan Kosovës, Kamberi tha se këtë javë pritet të përfundojnë të gjitha emërimet në komunë.

Dyshimet për ndarje të rrugëve mes dy partive erdhën sa i përket emërimeve të drejtorëve nga LVV, e cila e ka pushtetin në Mitrovicë.

Kujtojmë se Kamberi para disa javësh është zgjedhur Kryesues i Kuvendit të Komunës së Mitrovicës.

Raportohet se LDK ka prishur koalicionin me VV-në në Mitrovicë

Sinjali – aty ku e vërteta flet para lajmit!

/GazetaSinjali/

The post LDK e mohon prishjen e koalicionit me VV-në në Mitrovicë appeared first on Sinjali.

Dogana e Kosovës, në bashkëpunim me Policinë e Kosovës dhe Drejtorinë Kundër Krimit të Organizuar, ka realizuar një operacion kontrolli në pikëkalimin kufitar Qafë Prush, në dalje drejt Republikës së Shqipërisë.

Gjatë kontrollit të detajuar të një automjeti, zyrtarët kanë zbuluar një armë zjarri pa numër serik, e fshehur në pjesën e brendshme të mjetit. Po ashtu, janë gjetur dhe sekuestruar rreth 120 copë municion të kalibrave të ndryshëm, si dhe një shumë parash në valutë euro.

Rasti i është dorëzuar Drejtorisë Kundër Krimit të Organizuar, e cila ka marrë përsipër vazhdimin e hetimeve dhe ndërmarrjen e veprimeve të mëtejme procedurale, në përputhje me legjislacionin në fuqi.

Dogana e Kosovës njofton se do të vazhdojë zbatimin e masave të shtuara të kontrollit dhe bashkëpunimin e ngushtë ndërinstitucional, me qëllim parandalimin e veprimtarive të kundërligjshme dhe rritjen e sigurisë në pikat kufitare.

Sinjali – aty ku e vërteta flet para lajmit!

/GazetaSinjali/

The post Sekuestrohet armë zjarri dhe municion në pikëkalimin kufitar Qafë Prush appeared first on Sinjali.

Aksioni i madh i Krimeve Ekonomike, i cili para disa ditësh çoi në arrestimin dhe ndalimin e dhjetëra personave në Prizren, Malishevë, Podujevë, Mitrovicë, sot është zgjeruar edhe në Gjilan, merr vesh Gazeta Sinjali.

Siç merr vesh Gazeta Sinjali, cak i hetuesve fillimisht janë kryesuesit e qendrave të votimit në Gjilan.

Ekskluzive | Manipulimi me vota në Gjilan – cak kryesuesit e qendrave të votimit

Për aksionin ka folur për Gazetën Sinjali edhe kryeprokurori i këtij qyteti, Arben Kadriu.

“Kanë filluar intervistat lidhur me manipulimet e rezultateve zgjedhore në regjionin e Gjilanit”, tha ai për Gazetën Sinjali.

Ndryshe, Operacioni i sotëm në Gjilan është pjesë e një vale hetimesh dhe ndalimesh që ka përfshirë dhjetëra komisionerë, kryesues qendrash të numërimit dhe persona të tjerë të dyshuar në shumë komuna të Kosovës – përfshirë Prizren, Malishevë, Podujevë, Mitrovicë dhe vende të tjera.

Krimet ekonomike godasin edhe Gjilanin – priten arrestime të reja për manipulim me vota

Burimet e Sinjalit sqarojnë se vala e re e veprimeve policore ka në shënjestër persona që nuk ishin intervistuar më parë, ndërsa aksioni është rezultat i punës intensive hetimore, analizimit të materialeve të sekuestruara dhe verifikimit të provave të reja që kanë dalë gjatë hetimit.

Po ashtu, mësohet se gjatë realizimit të urdhëresave pritet edhe sekuestrimi i pajisjeve elektronike, përfshirë telefona mobilë dhe mjete të tjera të komunikimit, të cilat dyshohet se janë përdorur për koordinim dhe manipulim të procesit zgjedhor.

Hetimet po zhvillohen në koordinim të ngushtë me Prokurorinë kompetente, ndërsa burimet theksojnë se ky aksion nuk do të ndalet me kaq, pasi lista e personave nën dyshim është më e gjerë.

Autoritetet ditëve të kaluara kanë ndaluar dhjetëra të dyshuar për falsifikim të votave, ndërhyrje në rezultatin zgjedhor dhe shkelje të të drejtës së votës.

Këto veprime vijnë në vijim të një procesi të rinumërimit të votave në të gjithë vendin dhe një operacioni kombëtar për të adresuar çdo shkelje të mundshme që minon integritetin e votës së qytetarëve kosovarë.

Institucionet kanë bërë me dije se do të vazhdojnë aksionet dhe se çdo person i përfshirë në manipulime votash do të përballet me ndëshkime ligjore në përputhje me Kodin Penal të Kosovës.

Ekskluzive | Këta janë 109 të ndaluarit për manipulim me vota në Prizren – aksioni “Manipulimi” trondit QKN-në

Ekskluzive | Manipulim me vota në Mitrovicë – këta janë 21 të arrestuarit, gjykata refuzon paraburgimin për 10 prej tyre

Sinjali – aty ku e vërteta flet para lajmit!

/GazetaSinjali/

The post Manipulimi me vota – Kryeprokurori zbardhë detajet e fundit nga aksioni i Krimeve Ekonomike në Gjilan appeared first on Sinjali.

Ish-emisari i BE-së për dialogun Kosovë-Serbi, Miroslav Lajçak, ka pranuar se ka pasur komunikim “të papërshtatshëm” me Jeffrey Epstein.

Megjithatë, ai ka thënë se nuk i mban mend mesazhet ku përmendeshin vajzat.

“Nuk mund t’i konfirmoj, por as t’i mohoj”, ka thënë ai për radiostacionin shtetëror sllovak.

Ai e ka pranuar se në këtë komunikim është treguar i dobët.

“Kam treguar gjykim të dobët… shprehje të egove mashkullore — muhabet vetëkënaqës”, është shprehur ai.

Ai ka theksuar se raporti i tij me pedofilin Epstein ishte vetëm në nivel fjalësh.

“Marrëdhënia ime me Epsteinin ishte vetëm në nivel fjalësh, jo veprash. Sot e paguaj çmimin për komunikimin dhe njohjen me të”, ka thënë ai, raporton AP.

Sinjali – aty ku e vërteta flet para lajmit!

/GazetaSinjali/

The post Lajçak e pranon se ka pasur komunikim “të papërshtatshëm” me Epstein: Kam treguar gjykim të dobët appeared first on Sinjali.

Aksioni i madh i Krimeve Ekonomike, i cili para disa ditësh çoi në arrestimin dhe ndalimin e dhjetëra personave në Prizren, Malishevë, Podujevë, Mitrovicë, sot është zgjeruar edhe në Gjilan, merr vesh Gazeta Sinjali.

Siç merr vesh Gazeta Sinjali, cak i hetuesve fillimisht janë kryesuesit e qendrave të votimit në Gjilan.

Gazeta Sinjali për këtë aksion e ka kontaktuar kryeprokurorin e Gjilanit, Arben Kadriun, por as ai dhe as Policia ende nuk kanë dhënë detaje ende për rastin.

Operacioni i sotëm në Gjilan është pjesë e një vale hetimesh dhe ndalimesh që ka përfshirë dhjetëra komisionerë, kryesues qendrash të numërimit dhe persona të tjerë të dyshuar në shumë komuna të Kosovës – përfshirë Prizren, Malishevë, Podujevë, Mitrovicë dhe vende të tjera.

Krimet ekonomike godasin edhe Gjilanin – priten arrestime të reja për manipulim me vota

Burimet e Sinjalit sqarojnë se vala e re e veprimeve policore ka në shënjestër persona që nuk ishin intervistuar më parë, ndërsa aksioni është rezultat i punës intensive hetimore, analizimit të materialeve të sekuestruara dhe verifikimit të provave të reja që kanë dalë gjatë hetimit.

Po ashtu, mësohet se gjatë realizimit të urdhëresave pritet edhe sekuestrimi i pajisjeve elektronike, përfshirë telefona mobilë dhe mjete të tjera të komunikimit, të cilat dyshohet se janë përdorur për koordinim dhe manipulim të procesit zgjedhor.

Hetimet po zhvillohen në koordinim të ngushtë me Prokurorinë kompetente, ndërsa burimet theksojnë se ky aksion nuk do të ndalet me kaq, pasi lista e personave nën dyshim është më e gjerë.

Autoritetet ditëve të kaluara kanë ndaluar dhjetëra të dyshuar për falsifikim të votave, ndërhyrje në rezultatin zgjedhor dhe shkelje të të drejtës së votës.

Këto veprime vijnë në vijim të një procesi të rinumërimit të votave në të gjithë vendin dhe një operacioni kombëtar për të adresuar çdo shkelje të mundshme që minon integritetin e votës së qytetarëve kosovarë.

Institucionet kanë bërë me dije se do të vazhdojnë aksionet dhe se çdo person i përfshirë në manipulime votash do të përballet me ndëshkime ligjore në përputhje me Kodin Penal të Kosovës.

Ekskluzive | Këta janë 109 të ndaluarit për manipulim me vota në Prizren – aksioni “Manipulimi” trondit QKN-në

Ekskluzive | Manipulim me vota në Mitrovicë – këta janë 21 të arrestuarit, gjykata refuzon paraburgimin për 10 prej tyre

Sinjali – aty ku e vërteta flet para lajmit!

/GazetaSinjali/

The post Ekskluzive | Manipulimi me vota në Gjilan – cak kryesuesit e qendrave të votimit appeared first on Sinjali.

20 vetura, vila me qira 24 mijë franga në muaj, targa speciale, 1,5 milionë franga dëm, kredi të papaguara. Një sheh nga Kosova përfshiu familjen e tij prej gjashtë anëtarësh, si dhe dy ndihmës, në mashtrime sistematike. Nga një gjykatë zvicerane ai u dënua me 3 vjet e gjysmë burg – dhe 3 vjet ndalimhyrje në Zvicër.

Një skemë mashtrimi në Zvicër ka marrë epilog në Gjykatën e Dietikonit afër Zürichut, duke zbuluar prapaskenat e një jete përrallore të ndërtuar mbi gënjeshtra, mashtrime dhe keqpërdorime të shtetit zviceran. Në qendër të këtij skandali është një 57-vjeçar nga Kosova, i cili njihet si “sheh-imam” dhe pretendon se udhëheq rreth 8000 besimtarë dervishë, shkruan gazeta “Tages Anzeiger”. Ai akuzohet se ka organizuar një sistem kriminal familjar duke shkaktuar një dëm total prej 1,5 milion frangash zvicerane.

Hetimet e policisë kishin nisur me një bastisje në një vilë luksoze afër Zürichut, për të cilën shehu paguante qira marramendëse prej 24 mijë frangash në muaj. Gjatë operacionit, hetuesit konfiskuan dokumente dhe pajisje elektronike; po ashtu u zbulua një sistem kompleks i firmave fiktive që shërbenin si mbulesë për pasurimin e paligjshëm. Sipas prokurorisë, ky sheh luante rolin e një sipërmarrësi të patundshmërive, duke mashtruar bankat dhe shtetin zviceran me bilance të falsifikuara, veçanërisht duke përfituar mbi gjysmë milioni franga nga kreditë emergjente të Covid-19 (pandemia e koronës).

Ajo që ka lënë pa fjalë opinionin publik është luksi i shfrenuar që familja shfaqte me paratë e vjedhura. Ndonëse para zyrave të shtetit shehu deklaronte se ishte i varfër, familja kishte në pronësi një flotë prej 120 automjetesh. Mes tyre bien në sy vetura të tipit Porsche Panamera, disa modele Mercedes dhe një Hummer H2 Luxury. Si merakli i veturave shehu shpenzoi rreth 100 mijë franga vetëm për blerjen e tri tabelave të regjistrimit me numra të veçantë, të cilat në Zvicër shiten në ankand si simbole prestigji.

Gjatë procesit gjyqësor, i cili zgjati gjashtë ditë, i akuzuari kryesor u dënua me 42 muaj burg dhe dëbim të detyrueshëm nga territori i Zvicrës për një periudhë prej 3 vitesh. Prokuroria kishte kërkuar 15 vjet dëbim nga Zvicra.

Sa i përket anëtarëve të tjerë të familjes, përfshirë ish-bashkëshorten dhe katër fëmijët, gjykata vendosi t’i lirojë nga akuzat ose t’i dënojë me gjoba minimale. Arsyetimi i gjykatës ishte se brenda familjes mbretëronte një strukturë strikte patriarkale ku shehu vendoste për çdo gjë. Fëmijët dëshmuan se kishin nënshkruar dokumente verbërisht për shkak të besimit ndaj babait dhe nuk kishin njohuri për financat. Madje, për shkak të muajve të kaluar në paraburgim, vajza dhe njëri nga djemtë e tij do të dëmshpërblehen me rreth 70 mijë franga nga shteti, pasi gjykata vlerësoi se nuk mund të ketë “përgjegjësi kolektive” për mëkatet e kryefamiljarit.

Gjatë procesit, shehu kërkoi falje duke u arsyetuar se si prijës fetar nuk dëshironte të figuronte publikisht si pronar biznesesh, andaj përdori anëtarët e familjes. Gjykatësja ishte e bindur se energjia kriminale e shehut kosovar ishte rritur me kalimin e kohës dhe dënimet e mëparshme me gjoba nuk kishin pasur asnjë efekt reflektimi tek ai. Njëri ndihmës i shehut u dënua me kusht, aktgjykimi për tjetrin do të pasojë më vonë.

Sinjali – aty ku e vërteta flet para lajmit!

/GazetaSinjali/

The post Dënohet “sheh-imami” nga Kosova – luante rolin e një sipërmarrësi të patundshmërive, duke mashtruar bankat dhe shtetin zviceran appeared first on Sinjali.

Aksioni i madh i Krimeve Ekonomike, i cili para disa ditësh çoi në arrestimin dhe ndalimin e dhjetëra personave në Prizren, Malishevë, Podujevë, Mitrovicë, sot është zgjeruar edhe në Gjilan, merr vesh Gazeta Sinjali.

Burime të sigurta të Sinjalit bëjnë me dije se operacioni po vazhdon edhe sot në Gjilan, i cili është pjesë e një vale hetimesh dhe ndalimesh që ka përfshirë dhjetëra komisionerë, kryesues qendrash të numërimit dhe persona të tjerë të dyshuar në shumë komuna të Kosovës – përfshirë Prizren, Malishevë, Podujevë, Mitrovicë dhe vende të tjera.

Burimet e Sinjalit sqarojnë se vala e re e veprimeve policore ka në shënjestër persona që nuk ishin intervistuar më parë, ndërsa aksioni është rezultat i punës intensive hetimore, analizimit të materialeve të sekuestruara dhe verifikimit të provave të reja që kanë dalë gjatë hetimit.

Po ashtu, mësohet se gjatë realizimit të urdhëresave pritet edhe sekuestrimi i pajisjeve elektronike, përfshirë telefona mobilë dhe mjete të tjera të komunikimit, të cilat dyshohet se janë përdorur për koordinim dhe manipulim të procesit zgjedhor.

Hetimet po zhvillohen në koordinim të ngushtë me Prokurorinë kompetente, ndërsa burimet theksojnë se ky aksion nuk do të ndalet me kaq, pasi lista e personave nën dyshim është më e gjerë.

Autoritetet ditëve të kaluara kanë ndaluar dhjetëra të dyshuar për falsifikim të votave, ndërhyrje në rezultatin zgjedhor dhe shkelje të të drejtës së votës.

Këto veprime vijnë në vijim të një procesi të rinumërimit të votave në të gjithë vendin dhe një operacioni kombëtar për të adresuar çdo shkelje të mundshme që minon integritetin e votës së qytetarëve kosovarë.

Institucionet kanë bërë me dije se do të vazhdojnë aksionet dhe se çdo person i përfshirë në manipulime votash do të përballet me ndëshkime ligjore në përputhje me Kodin Penal të Kosovës.

Ekskluzive | Këta janë 109 të ndaluarit për manipulim me vota në Prizren – aksioni “Manipulimi” trondit QKN-në

Ekskluzive | Manipulim me vota në Mitrovicë – këta janë 21 të arrestuarit, gjykata refuzon paraburgimin për 10 prej tyre

Sinjali – aty ku e vërteta flet para lajmit!

/GazetaSinjali/

The post Krimet ekonomike godasin edhe Gjilanin – priten arrestime të reja për manipulim me vota appeared first on Sinjali.

Një djalë 13-vjeçar është lavdëruar për vendosmërinë dhe guximin e tij pasi notoi nëpër ujëra të trazuara për të shpëtuar nënën dhe dy vëllezërit e motrat e tij pranë brigjeve të Australisë Perëndimore.

Familja po bënte paddleboarding dhe kajak në Geographe Bay, kur erërat e forta i shtynë anijet e tyre të fryra jashtë kursit. Adoleshenti filloi të voziste përsëri drejt bregut për të dhënë alarmin, por kajaku i tij u përplas dhe ai vendosi të notonte 4 km (rreth 2 milje detare) për të kërkuar ndihmë.

“Trimëria, forca dhe guximi i treguar nga kjo familje ishin të jashtëzakonshme, veçanërisht djali i ri që notoi 4 km për të ngritur alarmin,” tha Paul Bresland, komandant i Grupit të Shpëtimit Detar Vullnetar. Ai përshkroi përpjekjet e adoleshentit si “mbinjerëzore”.

Djali notoi dy orë të para me jelek shpëtimi dhe dy orë të tjera pa të, për të arritur tek autoritetet e shpëtimit. Ai arriti të japë alarmin në orën 18:00 sipas kohës lokale, duke shkaktuar një kërkim të madh për familjarët e zhdukur.

Nëna e tij 47-vjeçare, djali tjetër 12-vjeçar dhe vajza tetëvjeçare u gjetën rreth orës 20:30 nga një helikopter shpëtimi, rreth 14 km larg bregut. Të tre u shpëtuan me sukses dhe u kthyen në breg.

Inspektori James Bradley theksoi rëndësinë e jelekëve të shpëtimit dhe lavdëroi veprimet e adoleshentit: “Vendosmëria dhe guximi i tij shpëtuan jetën e nënës dhe vëllezërve e motrave të tij.”

Familja më pas vizitoi ekipin e shpëtimit për t’i falënderuar për ndihmën e tyre.

Sinjali – aty ku e vërteta flet para lajmit!

/GazetaSinjali/

The post Deti i trazuar, djali 13-vjeçar noton 4 km për të shpëtuar familjen appeared first on Sinjali.

Epstein dhe magjistari David Copperfield duket se kishin ‘marrëdhënie shumë të ngushtë’, thonë dosjet e publikuara së fundmi.

Një memo e FBI-së e vitit 2007 thoshte se nevojiteshin hetime të mëtejshme për të përcaktuar nëse ata “i referonin viktimat e mundshme njëri-tjetrit”. Copperfield nuk është akuzuar kurrë për sjellje të paligjshme dhe ka mohuar çdo shkelje.
Agjentët e FBI-së që hetonin David Copperfield në vitin 2007 thanë se ekzistonte “një lidhje e qartë” midis iluzionistit të famshëm dhe Jeffrey Epstein, sipas dokumenteve të publikuara nga Departamenti i Drejtësisë javën e kaluar në pjesën e fundit të dosjeve të Epstein.

Një memo e FBI-së e vitit 2007 nga agjentët në Seattle thoshte se hetime të mëtejshme të kësaj “lidhjeje” ishin të nevojshme për të “përcaktuar nëse ata [Copperfield dhe Epstein] kishin të njëjtën prirje për të miturit” dhe “nëse ata ishin angazhuar në referimin e viktimave të mundshme tek njëri-tjetri”.

Hetimi dyvjeçar i FBI-së ndaj Copperfield filloi në vitin 2007 pasi një grua nga Seattle me emrin Lacey Carroll, e cila ishte takuar me Copperfield pasi kishte marrë pjesë në një nga shfaqjet e tij, pretendoi se ai e kishte përdhunuar dhe sulmuar seksualisht në ishullin e tij privat në Bahame, të quajtur Musha Cay, pasi e kishte joshur atje me premtimin e modelimit dhe punës promovuese. Hetimi u pushua rreth janarit 2010 dhe Copperfield nuk u akuzua kurrë në lidhje me akuzën e Carroll për përdhunim ose ndonjë sjellje tjetër të pahijshme seksuale.

Në një intervistë me Oprah të filmuar në Musha Cay në vitin 2012, Copperfield pretendoi se jo vetëm që ishte liruar nga akuzat, por ishte edhe viktimë në këtë çështje.

Avokatët e Copperfield nuk iu përgjigjën pyetjeve në lidhje me dosjet e publikuara rishtazi. Në vitin 2024, avokatët e Copperfield i thanë Guardian se ai “nuk ishte mik i Jeffrey Epstein”. Ata thanë se çdo sugjerim se Copperfield ishte mik me Epstein “është krejtësisht i rremë dhe një keqkarakterizim i bërë nga media” dhe se ai dhe Epstein ishin “në rastin më të mirë, të njohur” që takoheshin vetëm në një “grusht” rastesh.

Copperfield ka mohuar vazhdimisht të jetë përfshirë ndonjëherë në sjellje të pahijshme seksuale ose të papërshtatshme.

Pjesa e re e dokumenteve të publikuara javën e kaluar zbulojnë detaje të reja rreth hetimit të FBI-së ndaj Copperfield dhe diskutimeve që u zhvilluan midis zyrtarëve të zbatimit të ligjit që po hetonin Copperfield dhe zyrtarëve që hetonin Epstein. Në memorandumin e FBI-së të 12 dhjetorit 2007, agjentët e Seattle-it u shprehën shqetësime homologëve në Miami në lidhje me provat që lidhen me Epstein-in, të cilat mund të jenë relevante për hetimin e tyre ndaj Copperfield-it. Hetimi, thanë agjentët, kishte identifikuar “një numër dëshmitarësh të mundshëm” që ata besonin se jetonin në Miami dhe mund të kenë pasur një lidhje me ose kanë punuar për Copperfield-in. Dy nga këto dëshmitare të mundshme, vunë re ata, ishin gra që “janë ose mund të jenë dëshmitare” në hetimin e Epstein-it në Miami, përfshirë një që kishte thënë se Epstein e “kishte ngacmuar” atë.

FBI-ja ishte e interesuar të intervistonte dy gratë sepse të dyja ishin të përmendura në “listën e biznesit” të Copperfield-it, për të cilën agjentët thanë se “duket të jetë një përmbledhje e femrave që ai i kishte synuar për pushtim seksual”. Agjentët thanë se shënimet në listën e biznesit të Copperfield vunë në dukje se dy gratë ishin “Jeff Epstein guestf[sic]” dhe se “ai” – një referencë e mundshme për Epstein – tha se njëra nga gratë “nuk ishte besnike, nuk luan lojën”. Memorandumi tha se provat e sekuestruara nga rezidenca dhe depoja e Copperfield dhe në Teatrin MGM Grand Hollywood, ku ai jep shfaqje, treguan gjithashtu një “numër rastesh” kur Copperfield u dha bileta falas Epstein dhe të ftuarve të tij.

Memorandumi thoshte se, pas bastisjeve në pronat e Copperfield, dukej se kishte një “boshllëk 13-vjeçar” në të dhënat e Copperfield, të cilat u sekuestruan nga agjentët federalë. Memorandumi thoshte se hetuesit nuk kishin gjetur “dosje në kopje të printuara” për periudhën nga viti 1993 deri në vitin 2005, e cila, sipas agjentëve, ishte periudha kohore kur Epstein “ka të ngjarë të ishte bërë i vetëdijshëm për hetimin mbi sjelljen e tij të dyshuar të pahijshme seksuale”.

FBI-ja donte t’i kryente intervistat në Miami, thanë agjentët, për të mësuar më shumë nëse marrëdhënia midis Epstein dhe Copperfield “përfshinte aktivitete të paligjshme”.

“Nëse një marrëdhënie e tillë ekzistonte, ekziston një shqetësim i rëndësishëm dhe legjitim në lidhje me ruajtjen e provave që aktualisht mbahen nga divizioni i Miamit dhe avokati mbrojtës i Epstein në lidhje me hetimin e Epstein.”

Në një email të veçantë të 5 shtatorit 2008, asistente prokurorja amerikane në Seattle, Susan “Susie” Roe – prokurorja më e lartë në hetimin e Copperfield – i kërkoi Ann Marie Villafaña-s, asistente prokurores amerikane në Florida e cila punoi në çështjen Epstein, një kopje të marrëveshjes kontroverse të pranimit të fajësisë të Epstein, në të cilën ai u deklarua fajtor për një akuzë për nxitje prostitucioni nga një e mitur. Ai vuajti 13 muaj nga një dënim prej 18 muajsh.

«A mendon se ai do të fliste ndonjëherë për Copperfield?» pyeti Roe. Ajo donte gjithashtu të dinte nëse Villafana dinte emrin e dikujt në Departamentin e Drejtësisë «që me të vërtetë i njeh gjërat e krimeve seksuale dhe/ose të dhunshme».

Ajo e përfundoi emailin duke thënë: “Ne ende po punojmë për Copperfield – shumë akte penale, por shqetësime në lidhje me ligjin në fuqi!” Raportimi i mëparshëm nga Guardian zbuloi se prokurorët u sfiduan nga fakti se përdhunimi i dyshuar kishte ndodhur në Bahamas, jo në tokën amerikane, dhe se zyra e prokurorit të SHBA-së besonte se mund të mos kishte juridiksion për të ngritur akuza kundër Copperfield.

Villafana iu përgjigj emailit, tregojnë të dhënat, duke thënë: “Mund të them me siguri se Epstein nuk do të flasë me askënd… ai thjesht nuk do të dorëzonte kurrë një nga miqtë e tij, përveç nëse kjo do të thoshte një përfitim i madh për të.” Ajo gjithashtu pyeti nëse Carroll, viktima e supozuar e Copperfield, kishte fluturuar për në ishullin Bahamian të magjistarit nëpërmjet Floridës së Jugut, sepse nëse po, ajo mund të “ndërhynte” dhe “të mendonte në mënyrë krijuese rreth vendimeve të akuzave”.

‘Marrëdhënie e ngushtë’

Një memo e veçantë e redaktuar pjesërisht, e cila duket se është shkruar nga një agjent i FBI-së dhe daton më 26 nëntor 2019 – muaj pas vetëvrasjes së Epstein – përfshinte detaje dhe pretendime shtesë në lidhje me hetimin penal ndaj Copperfield dhe gjetjet e hetuesve.

Emri i dërguesit është i redaktuar, por personi tha se hetimi i FBI-së për Copperfield “tregoi se Copperfield i trajnoi punonjëset e tij për të identifikuar femrat e reja (adoleshentë deri në të njëzetat e hershme) në audiencën e shfaqjeve të tij”. Femrat, tha personi, “ishin të ndara nga të dashurit, familjet dhe burrat e tyre dhe ishin sjellë prapa skenës”.
“Punonjësve të Copperfield iu dha qasje në një fletore që i udhëzonte ata se si t’i ofronin Copperfield femra. Ai mbante një fletore me femrat me të cilat ishte” që përfshinte “informacione kontakti, nëse kishte kryer marrëdhënie seksuale me to dhe një fotografi”, tha personi.

Personi shtoi: “Nuk e di nëse ndonjë nga viktimat e tij ishte nën moshë. Kishte akuza se ai drogoi disa nga femrat. Më kujtohet emri i Epsteinit të jetë përmendur në hetimin tonë disa herë dhe Copperfield duket se kishte një marrëdhënie shumë të ngushtë me Epsteinin.”

Emri i Copperfield ishte në një “listë” që hetuesit zbuluan se përfshinte edhe burra të tjerë, tha personi, duke shtuar, “disa prej të cilëve kishin reputacion si Copperfield dhe Epstein”.

“Çështja jonë u mbyll përfundimisht sepse Zyra jonë e Prokurorit të SHBA-së ishte e dobët dhe e frikësuar nga burimet financiare të Copperfield”, tha personi, duke shtuar se kishte pasur çështje të tjera sfiduese që përfshinin viktimën dhe juridiksionin. Personi tha se u përpoqën të merrnin kopje të sa më shumë provave që mundën përpara se të ktheheshin provat origjinale dhe dukej se ia ofroi ato një zyrtari tjetër të FBI-së i cili po punonte në një hetim të veçantë. Koha sugjeron që personi mund të ketë ofruar ndihmë në lidhje me çështjen e departamentit të drejtësisë kundër shoqes së Epstein, Ghislaine Maxwell.

Becky Roe, një avokate e Carroll, e cila nuk është e lidhur me prokuroren Susan Roe, tha në një email drejtuar Guardian se kujtonte që FBI-ja “dëshironte që Departamenti i Drejtësisë të ngrinte akuza” ndaj Copperfield dhe “ndoshta u mërzit” kur ata vendosën të mos e bënin këtë, diçka që ajo tha se nuk ishte e pazakontë në përvojën e saj. Ajo tha se FBI-ja kishte “bërë një hetim të shkëlqyer”, por nuk ishte dakord me vlerësimin në memorandumin e 26 nëntorit 2019 se prokurorët kishin frikë të merrnin përsipër Copperfield.

“Nuk e ndaj mendimin se zyra e prokurorit të SHBA-së ishte e dobët. Unë kam punuar më parë me Susie Roe… dhe ajo padyshim NUK ishte e dobët”, tha Becky Roe, duke shtuar se nuk ishte e informuar mirë për çështjen e juridiksionit që ajo besonte se ishte faktori vendimtar në mosngritjen e akuzës ndaj Copperfield.

The Guardian u përpoq të kontaktonte Susan Roe për një koment, por ajo është tërhequr nga detyrat publike.

Gazeta “The Guardian” publikoi një hetim mbi akuzat që përfshinin Copperfield në maj 2024, duke raportuar se Copperfield ishte akuzuar nga 16 gra për përfshirje në sjellje të pahijshme seksuale dhe të papërshtatshme, duke përfshirë pretendimet se ai drogoi tre gra përpara se të kryente marrëdhënie seksuale me to.

Copperfield i mohoi akuzat për shkelje. Avokatët e tij i thanë gazetës Guardian në atë kohë se ai “nuk kishte vepruar kurrë në mënyrë të papërshtatshme me askënd” dhe thanë se një përshkrim “i vërtetë” i Copperfield do të përshkruante “mirësinë, drojën dhe trajtimin e tij me respekt ndaj burrave dhe grave”.

Hetimi i The Guardian përfshinte një shqyrtim të të dhënave që ishin në dispozicion në atë kohë në lidhje me marrëdhëniet e Copperfield me Epstein, duke përfshirë blloke mesazhesh që ishin konfiskuar nga rezidenca e Epstein dhe që dukeshin se tregonin Copperfield duke i lënë mesazhe Epstein 16 herë gjatë disa muajve midis viteve 2004 dhe 2005.

Avokatët në Londër që përfaqësonin Copperfield në atë kohë – në Harbottle & Lewis dhe Carter Ruck – u pyetën nga Guardian në lidhje me marrëveshjet e Epstein dhe Copperfield në vitin 2024. Avokatët mohuan vazhdimisht se dyshja ishte e afërt.

Ata gjithashtu mohuan që Copperfield kishte lënë “mesazhe të shumta” për Epstein. “Çdo mesazh që është lënë do të ishte lënë nga zyra e klientit tonë në përgjigje të një kërkese nga Epstein për bileta për një shfaqje”, thanë avokatët për Guardian.

Në dhjetor 2025, në një publikim të një pjese tjetër të dosjeve të Epstein, Departamenti i Drejtësisë publikoi fotografi që tregonin Copperfield dhe Maxwell të veshur me rroba të bardha dhe duke përqafuar njëri-tjetrin në një vend që duket – bazuar në analizën krahasuese të Guardian të fotografive të tjera – se është bërë në ishullin privat të Epstein. Fotografitë nuk ishin të datuara.

Avokatët e Copperfield nuk iu përgjigjën pyetjeve në lidhje me fotografitë ose qëndrimin e dukshëm të Copperfield në ishullin e Epstein, ose sa shpesh mund ta ketë frekuentuar ai atë.

Grupi më i fundit i dokumenteve të dosjes Epstein përfshin një email të vitit 2015 midis Epstein dhe një gruaje me emrin Nadia, e cila i dërgoi Epsteinit një link për Musha Cay – ishullin e Copperfield, ku Carroll pretendon se ai e përdhunoi. Ajo pyeti “kur e mori vesh ai këtë?”. Epstein u përgjigj “pasi ia tregova unë këtë”. Copperfield i ka mohuar akuzat e Carroll.

Sinjali – aty ku e vërteta flet para lajmit!

/GazetaSinjali/

The post Hetim i fshehtë i FBI-së ndaj magjistarit Copperfield, lidhje me Epstein dhe dyshime për abuzime seksuale appeared first on Sinjali.

Agjentët federalë të imigracionit të vendosur në Minneapolis, Minesota, së shpejti do të pajisen me kamera trupore, thotë Departamenti i Sigurisë Kombëtare i SHBA-së (DHS).

Njoftimi vjen ndërsa qeveria përballet me reagime të ashpra për vdekjen e dy qytetarëve amerikanë, Alex Pretti dhe Renee Good, pas një rritjeje të numrit të oficerëve federalë të imigracionit në zonën e Minneapolis si pjesë e një goditjeje kundër imigracionit.

“Që nga fillimi i menjëhershëm, po vendosim kamera trupore për çdo oficer në terren në Minneapolis”, shkroi Sekretarja e DHS-së, Kristi Noem, në X të hënën.

Raporti i së hënës nga mjeku ligjor tha se Pretti kishte pësuar “plagët e shumëfishta me armë zjarri” të qëlluara nga një ose më shumë oficerë.

Pretti  vdiq në dhomën e urgjencës në Qendrën Mjekësore të Qarkut Hennepin në Minneapolis. Sipas Doganave dhe Mbrojtjes Kufitare të SHBA-së, dy agjentët e përfshirë në vdekjen e Prettit mbanin kamera në trup.

Ndërkohë, Departamenti Amerikan i Drejtësisë ka hapur një hetim për të drejtat civile mbi vdekjen e Prettit. Noem tha se sapo të jenë të disponueshme fondet, programi i kamerave në trup do të zgjerohet në të gjithë vendin.

SHBA-të janë aktualisht në ditën e tretë të një mbylljeje të pjesshme të qeverisë, ndërsa demokratët vazhdojnë të kërkojnë reforma në imigracionin, duke përfshirë kamerat trupore, si pjesë e çdo marrëveshjeje financimi për të rihapur qeverinë.

Zbatimi i Imigracionit dhe Doganave është aktualisht agjencia amerikane e zbatimit të ligjit me financimin më të lartë, pasi Kongresi autorizoi 80 miliardë dollarë për agjencinë vitin e kaluar.

I pyetur në lidhje me njoftimin e Noem, Presidenti Donald Trump tha se kamerat e trupit “në përgjithësi kanë tendencë të jenë të mira për zbatimin e ligjit sepse njerëzit nuk mund të gënjejnë për atë që po ndodh”.

“Në përgjithësi, mendoj se është 80% mirë për zbatimin e ligjit,” tha ai.

Sinjali – aty ku e vërteta flet para lajmit!

/GazetaSinjali/

The post Pas tensioneve në Minneapolis, agjentët federalë të imigracionit do të pajisen me kamera trupore appeared first on Sinjali.