Reperi i njohur shqiptar, Stresi, ka shprehur publikisht mbështetjen e tij për banorin e ri të Big Brother VIP Kosova 4, Lim Hotin.

Përmes një postimi në rrjetet sociale, Stresi shkroi: "Tregoju që ke lindur për qejf".

Lim Hoti u fut në shtëpinë e BBVK të premten, duke sjellë një pjesë të re dinamike në këtë edicion.

Foto: Instagram

Ai është i njohur për lidhjet e tij të mëparshme me dy banore të tjera të këtij edicioni: Alba Pollozhanin dhe Bia Khalifën, të cilat tashmë po marrin vëmendje në shtëpi.

Mbërritja e Limit ka ndikuar tashmë në dinamiken e brendshme të shtëpisë dhe të shtojë debatet dhe intrigat midis banorëve, ndërkohë që mbështetja nga personazhe të njohur si Stresi mund t’i japë atij një avantazh në perceptimin e publikut dhe fansave të BBVK.

Ky edicion i Big Brother VIP Kosova po tërheq shumë vëmendje mediatike, dhe futja e Hotit duket se ka shtuar interesin e spektatorëve dhe diskutimet online.

Mbetet për t'u parë se si do të zhvillohet kjo lojë në vazhdim. /Telegrafi/

- YouTube www.youtube.com

Duket se Alba Pollozhani nuk ka qenë në dijeni për lidhjen e Bia Khalifës me Lim Hotin.

Ajo e kuptoi këtë pasi dëgjoi një bisedë mes tyre, ku thanë se kanë kryer marrëdhënie.

E kjo e bëri banoren të shpërthej në lot pasi ka menduar se ishin vetëm miq.

"Më ka treguar që më ka tradhtuar me femër tjetër, por jo me Bian. Nuk e kam kuptuar që me Bian, se ta kisha kuptuar nuk isha bërë shoqe me atë. Nuk e kisha ftuar te krevati se nuk jam budalla", u shpreh ajo përpara Londrimit e Klodit duke qarë me dënesë.

"E kupton në çfarë situate. Erdhi ai lart dhe po i bënte si kotele, për strategji. I qante i bënte si e prekur", tha tutje Pollozhani.

Limi në anën tjetër tha se ka shkëputur edhe marrëdhënien me Albën në kohën kur ishte në Ferma VIP 2.

Hyrja e tij në BBVK ka trazuar gjithë shtëpinë e po ashtu ka ndikuar me të madhe edhe te Alba. /Telegrafi/

Muzika popullore kolumbiane është në zi pas vdekjes së këngëtarit të njohur Yeison Jimenez, i cili humbi jetën në një aksident ajror të shtunën, më 10 janar, në departamentin Boyaca të Kolumbisë.

Artisti po udhëtonte me një avion të vogël drejt Medellin-it për të vazhduar angazhimet e tij profesionale, kur avioni u rrëzua në një zonë rurale mes komunave Paipa dhe Duitama.

Si pasojë e aksidentit, humbën jetën të gjashtë personat që ndodheshin në bord.

Foto: X

Autoritetet konfirmuan se nuk kishte të mbijetuar dhe se avioni u dogj plotësisht pas përplasjes.

Përveç Yeison Jimenez, në aksident vdiqën piloti Hernando Torres dhe pasagjerët Juan Manuel Rodríguez, Oscar Marin (asistenti i artistit), Jefferson Osorio (përfaqësuesi i tij) dhe Weisman Mora.

Qeveria e Boyacas shpalli zi zyrtare dhe shprehu ngushëllime për familjarët e viktimave.

Edhe presidenti i Kolumbisë, Gustavo Petro, reagoi duke konfirmuar se aksidenti nuk pati të mbijetuar dhe duke dërguar mesazh mbështetjeje për familjen dhe ndjekësit e këngëtarit.

Yeison Jimenez

Vdekja e tij ka shkaktuar reagime të shumta dhe emocione të forta në rrjetet sociale.

Yeison Jimenez ishte 34 vjeç dhe me origjinë nga Manzanares në departamentin Caldas.

Gjatë karrierës së tij mbi dhjetëvjeçare, ai u shndërrua në një nga figurat më të rëndësishme të muzikës popullore kolumbiane, duke e çuar këtë zhanër drejt një audience më të gjerë.

Këngë si “Aventurero”, “Vete” dhe “Mi venganza” e bënë atë një nga artistët më të dashur në vend.

Në momentin e tragjedisë, ai ishte në kulmin e aktivitetit artistik, pasi një ditë më parë kishte performuar në Malaga dhe ishte planifikuar të këndonte po atë mbrëmje në Marinilla, Antioquia. /Telegrafi/

Në Fan Club është diskutuar sërish raporti apo njohja e Mateos me Brikena Selmanin.

Ka qenë motra e Mateos në studio, ku thotë se nuk di asgjë më shumë rreth marrëdhënies së tyre.

"Unë nuk kam asnjë informacion për marrëdhënien e Mateos me Brikenën. Nuk ka folur kurrë për këtë marrëdhënie. I vetmi reagim që ka pasur Mateo në momentin që u bë prezantimi i Brikenës dhe tha se e njoh këtë vajzën", u shpreh ajo.

Foto: YouTube

Tutje tha: "Ne e njohim po aq sa e njihni edhe ju nëpërmjet ekranit".

Në anën tjetër ka reaguar edhe nëna e banores duke dërguar një letër për të sqaruar të vërtetën.

Ajo thotë se ka qenë një njohje që është mbyllur vite më parë dhe nuk kanë pasur plane për fejesë.

E njëjta ka hedhur poshtë gjithashtu të gjitha aludimet në lidhje me këtë raport. /Telegrafi/

- YouTube www.youtube.com

Kai Trump, 18-vjeçarja dhe mbesa e Donald Trumpit, ka tërhequr vëmendje të madhe pas paraqitjes në podcastin “Impaulsive” të Logan Paul.

Ajo theksoi qartë se nuk dëshiron të ketë asnjë lidhje me politikën, duke e cilësuar atë si “një gjë të rrezikshme”, pavarësisht se vjen nga një familje shumë e njohur politike.

Kai, e cila është golfiste e suksesshme dhe këtë vit fillon studimet në Universitetin e Miamit, tha se mundohet të qëndrojë larg politikës dhe nuk e sheh veten si politikane në të ardhmen.

Foto: YouTube

Ajo theksoi se shoqëria është bërë tepër e polarizuar dhe se zgjidhja qëndron te kompromisi dhe gjetja e mesatares mes palëve.

Sipas saj, rrjetet sociale kontribuojnë ndjeshëm në thellimin e ndarjeve ekstreme.

Edhe pse deklaroi se gjithmonë do ta mbështesë familjen e saj, Kai u përshkrua si një person “në qendër” politikisht.

Deklaratat e saj u pritën shumë pozitivisht në internet, ku shumë e vlerësuan për pjekurinë dhe mënyrën e balancuar të të menduarit.

- YouTube www.youtube.com

Gjatë bisedës, ajo foli edhe për vështirësitë e jetës nën mbrojtjen e vazhdueshme të Shërbimit Sekret, veçanërisht në jetën private, duke përmendur situata të sikletshme gjatë takimeve romantike.

Megjithatë, tha se po përpiqet të mësohet me këtë realitet, sidomos pasi gjyshi i saj u rikthye si president. /Telegrafi/

Bradley Cooper vendosi të mohonte spekulimet rreth kirurgjisë plastike dhe u kthye pas në pamjen e tij aktuale.

Ai ishte i ftuar në podcast-in "SmartLess" ku diskutoi këtë me prezantuesit Jason Bateman, Sean Hayes dhe Will Arnett.

Arnett tha në atë rast: "Ne vazhdojmë të lexojmë se të gjithë mendojnë se Bradley ka bërë operacione plastike, por ai në të vërtetë nuk ka bërë asnjë operacion".

Foto: X

Më pas, Cooper tha se në javët e fundit, njerëzit i janë drejtuar më shpesh dhe kanë komentuar për pamjen e tij.

"Njerëzit vazhdojnë të më thonë se dukem mirë, por kjo është çmenduri, nuk kam bërë asnjë ndërhyrje kirurgjike", tha ai.

Një arsye shtesë për spekulime rreth kirurgjisë plastike është diskutimi që fansat kanë nisur në rrjetet sociale, duke deklaruar se ajo duket shumë më ndryshe se më parë.

Disa fansa theksuan se këto ishin ndryshime natyrore që vijnë me plakjen, ndërsa të tjerë thanë se sytë e tij dukeshin ndryshe dhe se ai kishte injektuar 'Botox'. /Telegrafi/

Vetëm pak javë pas publikimit të tij më 18 dhjetor, albumi më i fundit i Yll Limanit, me titull “TSN” (Thirrëm Sot ose Nesër), po thyen rekorde në platformat digjitale dhe po bëhet një nga projektet më të komentuar të fillimvitit në muzikën shqiptare.

Sipas statistikave të fundit, albumi ka arritur të regjistrojë 20 milionë dëgjime në të gjitha platformat muzikore, duke treguar jo vetëm popullaritetin e artistit, por edhe përqafimin e gjerë nga publiku.

“TSN” përmban gjithsej 16 këngë, të cilat u pritën me shumë interes që në momentin e publikimit.

Foto: Instagram

Stilistikisht, albumi mban gjurmët e Limanit, me meloditë e veçanta dhe tekstet ndjerë, që arrijnë të kapin vëmendjen e dëgjuesve menjëherë.

Shumë prej këngëve janë renditur direkt në listat e YouTube, Spotify dhe Apple Music, duke u bërë pjesë e pandashme e 'playlisteve' të fansave.

Label-i Three60 Music ka reaguar përmes rrjeteve sociale, duke falënderuar ndjekësit për mbështetjen e vazhdueshme.

“TSN sapo arriti 20 milionë dëgjime", thuhet në njoftim.

- YouTube www.youtube.com

Suksesi i “TSN” konfirmon statusin e Limanit si një nga artistët më të ndjekur dhe me ndikim në skenën muzikore shqiptare, duke e bërë çdo projekt të tij një ngjarje të pritshme dhe të suksesshme. /Telegrafi/

Një debat i ashpër ka ndodhur në shtëpinë e Big Brother VIP Kosova mes banorëve Labinot Haxhiu dhe Toney.

Gjatë përplasjes verbale, Labinoti iu drejtua Toneyt me akuza të drejtpërdrejta, duke pretenduar se ai është përdorur nga vajzat brenda shtëpisë dhe se është refuzuar prej tyre.

Fjalët e tij ishin të ashpra dhe pa doreza, duke e vënë Toneyt në një pozitë të sikletshme përpara banorëve të tjerë.

Foto: Instagram

“Të përdorin dhe bëhesh bisht i tyre. Me u refuzu prej të gjithave edhe me luajt me ty”, u shpreh Labinoti gjatë debatit.

Ky moment ka shkaktuar reagime të forta brenda shtëpisë, duke u përfshirë edhe të tjerët.

Foto: Instagram

Debatet e tilla vazhdojnë ta mbajnë BBVK-në në qendër të vëmendjes së publikut dhe rrjeteve sociale.

Tensionet kanë filluar të rriten në shtëpi, ndonëse po bëhen dy muaj që nga nisja e këtij reality shou. /Telegrafi/

Stelina dhe Keijsi kanë pasur një darkë sqaruese me njëri-tjetrin, të organizuar nga banorët në Big Brother VIP Albania.

Ata kanë biseduar për raportin e tyre, të shkuarën dhe për shumë gjëra që nuk kanë arritur t'i flasin.

"Gjatë kësaj kohe të ka shkuar ndonjëherë mendja të më thërrisje?", ka qenë pyetja që iu drejtua nga banorja.

Foto: Instagram

Keijsi në anën tjetër ia ktheu: "Ti e di se unë kam një problem me veten. Dhe nëse më shkon në mend unë s'e bëj. Ti e di shumë se çfarëdo gjëje që përjetoj unë nuk e shfaq".

Dyshja janë njohur në programin e dashurisë "Përputhen" dhe më pas kanë shkëputur kontaktet.

Foto: Instagram

Tani janë ritakuar në Big Brother, ku të dy janë pjesëmarrës të edicionit të pestë.

Mbetet për t'u parë se si do të shkojë kjo marrëdhënie e tyre tani në këtë format. /Telegrafi/

Labinot Rexha dhe Labinot Haxhiu kanë pasur një përplasje të ashpër me njëri-tjetrin.

Ka qenë ky i fundit që e akuzoi Labin pasi kishte përdorur fjalën 'peder' për të.

Artisti nga Rahoveci nga ana tjetër e mohoi një gjë të tillë, se mund të ketë thënë këtë.

Foto: YouTube

"E di ti shumë mirë. Me the si të thërret mahalla, edhe je fshehur pas shpinës së Albës edhe e the. Më ka thënë peder. Tani pret respekt", i tha Labinoti.

Ai ia ktheu: "Nëse unë kam thënë këtë, kurban i paça fëmijët e mi. Zoti më vraftë".

Ata më pas vazhduan debatin duke mos u pajtuar në shumë gjëra që kanë ndodhur brenda.

Në shtëpi ndërkaq tensionet janë rritur meqë po bëhen gati dy muaj që nga nisja e këtij edicioni. /Telegrafi/

- YouTube www.youtube.com

Aktorja franceze, Brigitte Bardot, u varros sot në Saint-Tropez dhe bashkëshorti i saj Bernard d'Ormale zbuloi se ajo u diagnostikua me kancer muajin e kaluar.

Bardot vdiq në moshën 91 vjeçare, pasi iu nënshtrua dy operacioneve, tha bashkëshorti i saj për revistën franceze Paris Match.

"Nuk e lashë kurrë. Isha me të, e mbështetur nga infermieret që vinin çdo ditë. Në mëngjes i shërbeva mëngjesin, të cilin e adhuronte. Rashë në gjumë pranë saj dhe pastaj e dëgjova të thoshte nofkën që përdornim për njëri-tjetrin. Pastaj gjithçka mbaroi", tha d'Ormale.

Foto: EPA-EFE

Ai thekson se më pas një ndjenjë paqeje dhe qetësie i përshkoi fytyrën.

"Ajo është bërë përsëri tepër e bukur, njësoj si në rininë e saj. Nuk do ta besonit se është 91 vjeçe", tha ai.

Ju kujtojmë se ceremonia e varrimit të Brigitte Bardot filloi sot me këngën "Ave Maria" nga Maria Callas në kishën Notre-Dame-de-l'Assomption në prani të bashkëshortit të saj, djalit Nicolas-Jacques Charrieri, nipërve dhe mbesave dhe anëtarëve të tjerë të familjes. /Telegrafi/

Një përplasje e fortë verbale ka ndodhur mbrëmjen e sotme (e mërkurë) në shtëpinë e Big Brother VIP Kosova, ku protagonistë ishin Alba Pollozhani dhe Labinot Rexha.

Debati nisi në momentin kur Labi u shpreh se e konsideron veten si një nga banorët më të fortë të këtij edicioni.

Kjo deklaratë nuk u prit mirë nga Alba, e cila reagoi menjëherë dhe me tone të ashpra, duke e kundërshtuar hapur atë.

Foto: YouTube

Alba shkoi edhe më tej në replikën e saj, duke i përmendur Labit fenë dhe librin e shenjtë, Kuranin, gjë që e bëri situatën edhe më të ndjeshme.

Ajo e akuzoi për mungesë sinqeriteti dhe për betime të rreme.

“Ti je gënjeshtar, ti që lexon Kuranin dhe bën be rrejshëm”, iu drejtua banorja.

Përplasja mes Albës dhe Labit do të ketë pasoja në raportet e tyre dhe në dinamikat e mëtejme brenda shtëpisë së BBVK. /Telegrafi/

- YouTube www.youtube.com

Gjatë një bisede të fundit me banorët e tjerë të Big Brother, Benita Zena, ka folur hapur për preferencat e saj dhe për tipin e djemve që e tërheqin më shumë.

Ajo ka bërë këtë diskutim me Toneyn dhe Klodin, duke ndarë mendimin e saj pa dorashka.

Benita ka theksuar se preferon veçanërisht dialektin e Shqipërisë dhe se djemtë që flasin në këtë mënyrë e tërheqin shumë.

"Meshkujt me dialekt të Shqipërisë janë jetë. Tepër të mirë janë", tha ajo.

Benita, Toney dhe Klodian Mihaj janë së bashku në një sfidë, ku po vazhdojnë të përballojnë.

Banorja tani është distancuar edhe nga Toney pasi këtë ia ka kërkuar edhe e ëma.

Ajo i tha që ta vazhdonte lojën e vetme, siç edhe ka hyrë në shtëpi. /Telegrafi/

Familja dhe menaxhmenti i Elijona Binakajt kanë reaguar publikisht në rrjetet sociale, pas disa situatave të tensionuara brenda shtëpisë së Big Brother, që sipas tyre kanë shkaktuar pasoja emocionale dhe psikologjike tek banorja.

Ky reagim vjen për të treguar qartë se disa nga veprimet dhe fjalët e përdorura brenda shtëpisë nuk janë të pranueshme dhe nuk duhet normalizuar.

Në postimin e tyre, familja thekson se ka qëndruar në heshtje në shumë raste, por kur një situatë tejkalon çdo kufi.

Ata kritikojnë qasjen e Ludos ndaj Elijonës, duke e cilësuar si të papranueshme dhe shqetësuese, pasi krijon presion emocional dhe tejkalon kufijtë e respektit që çdo person meriton.

Njoftimi i plotë (pa ndërhyrje):

"Deklaratë e papranueshme në Big Brother Ne, familja dhe managementi, kemi heshtur në shumë raste kur Elijona ka pasur pasoja të mëdha emocionale dhe psikologjike brenda shtëpisë.

Por kur një situatë kalon çdo kufi, dikur bëhet BOLL.

STOP DHUNËS.

Qasja e Ludos ndaj Elijonës në këto video është jo në rregull dhe nuk duhet normalizuar.

Sjellja dhe mënyra e komunikimit tejkalojnë kufijtë e respektit dhe krijojnë presion emocional që askush nuk meriton ta përjetojë – as në shtëpi, as jashtë saj.Kjo nuk është metaforë, nuk është shaka dhe nuk është debat.

Kjo është gjuhë e dhunës ekstreme, kërcënuese dhe plotësisht e papranueshme, pavarësisht kontekstit apo emocioneve të momentit.

Asnjë lojë, asnjë konflikt dhe asnjë format televiziv nuk e justifikon thirrjen për dhunë fizike apo vdekje ndaj një personi.

Thirrje për audiencën dhe produksionin: Këto deklarata duhet të adresohen seriozisht, sepse fjala ka peshë dhe pasojat janë reale". /Telegrafi/

"Familja e Mateos tallet keq me përgjigjen e Brikenës në Big Brother VIP Albania", ka qenë titulli i një lajmi që bëri të ketë reagime nga Instagrami zyrtar i banorit të këtij edicioni të pestë.

Kjo pasi shpërndau një video në Instagram, ku duket se objekt ishte Brikena Selmani, me të cilën u tha se ka pasur një lidhje.

Ata që menaxhojnë Instagramin e Mateos, e duket të jetë dikush nga familja, ka reaguar sërish.

Foto: Instagram

Ata thotë se nuk janë tallur me askënd dhe se nuk e kanë lënduar askënd.

Postimi i plotë (pa ndërhyrje):

"Kjo nuk është e vërtetë. Kam bërë repost një material.

Pa koment. Pa fjalë. Pa qëllim keqdashës.

Askënd nuk kam tallur dhe nuk kam dashur të lëndoj.

Më vjen sinqerisht keq që është krijuar ky keqkuptim, sepse unë vajzën që përmendet në lajm e respektoj.

E kuptoj presionin që ajo po kalon si çdokush aty brenda dhe nuk kam arsye as dëshirë t'i shtoj barrë emocionale asaj apo askujt tjetër.

Nuk dua konflikte, nuk dua negativitet.

Dua vetëm që gjërat të jenë të drejta dhe të vërteta.

Është e rëndë kur të gjykojnë për diçka që zemra jote nuk e ka aftësinë për ta bërë kurrë". /Telegrafi/

Pas lansimit të këngës së re “Cardi B” nga Melinda Ademi, e cila solli disa 'diss'-a dhe mesazhe të drejtpërdrejta ndaj rivalëve të saj, reperja Ya Nina ka reaguar me një mënyrë të qeshur dhe provokuese.

Në një postim të fundit në InstaStory, Ya Nina duket se ka tallur Melindën për mënyrën se si ka shkruar tekstin e këngës, duke lënë të nënkuptohet se 'diss'-i i saj mund të jetë krijuar nga ChatGPT.

"ChatGPT: Shkruma një diss, të lutem", ka thënë ajo.

Foto: Instagram

Ky reagim ka tërhequr menjëherë vëmendjen e ndjekësve në rrjetet sociale, të cilët e kanë interpretuar si një thumb.

Komenti i Ya Ninas ngrit gjithashtu diskutime më të gjera rreth përdorimit të teknologjisë dhe inteligjencës artificiale në krijimet artistike dhe muzikore, duke bërë fansat të pyesin nëse kjo praktikë po bëhet trend mes artistëve të rinj.

Edhe pse situata mund të duket e thjeshtë si një lojë thumbash midis dy reperesh, reagimi i Ya Ninas tregon aftësinë e saj për të përdorur humorin dhe ironinë për të qëndruar në qendër të vëmendjes së publikut, duke shtuar tensionin dhe interesin rreth projektit të fundit të Melindës.

Duket se artistet e estradës nuk kanë raporte të mira me njëra-tjetrën. /Telegrafi/

- YouTube www.youtube.com

Mateo ka folur sërish për raportin me Brikena Selmanin, duke i sqaruar edhe një herë Kristi Lamajt.

Ai thotë se nuk kanë shkëmbyer vetëm disa mesazhe, por që ka pasur më shumë.

Mes tjerash banori thekson se janë takuar e madje kanë shkëmbyer edhe puthje.

Por, Mateo thotë se nuk i takon atij të flas edhe për të dhe se nuk do që ta nxjerr keq.

"Nuk kemi shkëmbyer vetëm katër mesazhe. Unë kam thënë një version nga fillimi deri në fund. Nuk flas dot unë në emër të asaj. Unë nuk dua të dal mashtrues as ta nxjerr keq, por nuk më ka pëlqyer", u shpreh ai.

Tutje tha: "Ka qenë një marrëdhënie, ne flisnim me mesazhe, me telefon, me kamera, jemi takuar, jemi puthur por nuk ka rëndësi ta them unë sidomos në Prime".

"Se nuk është diçka për t'u fsheh. Nuk kam nevojë të them me zë të lartë". /Telegrafi/

Largimi i papritur i Sasa Hodës nga shtëpia e Big Brother VIP Kosova 4 të premten ka habitur publikun.

Siç është tashmë zakon, ajo u shfaq të nesërmen në emisionin “Big Talk”, ku foli hapur për përvojën dhe vendimin e saj për t’u tërhequr nga gara.

Megjithatë, ajo që ndezi debat në rrjetet sociale nuk ishte arsyeja e largimit, por një deklaratë e bërë gjatë intervistës.

Foto: Instagram

Në bisedë, Sasa e përshkroi konkurrenten Elijona si “dhelpër dinake”, duke iu referuar mënyrës së saj të lojës.

Komenti u shkëput nga konteksti dhe u interpretua nga shumë ndjekës si një kritikë personale ndaj saj.

Përballë reagimeve të shumta, Sasa reagoi përmes një sqarimi publik në InstaStory, ku theksoi se fjalët e saj ishin keqkuptuar.

Ajo nënvizoi se epiteti kishte të bënte vetëm me strategjinë e Elijonës në lojë dhe aspak me karakterin e saj si person.

“Kam marrë disa mesazhe lidhur me Elijonën. Është keqinterpretuar shprehja ‘dhelpër dinake’ – ajo i referohej lojës së saj, ashtu siç e kam përmendur edhe brenda shtëpisë".

Madje, vlerësoi hapur zgjuarsinë e Elijonës dhe i shprehu mbështetje të plotë për vazhdimin e rrugëtimit në format.

“Për moshën që ka, është jashtëzakonisht e zgjuar dhe shpresoj sinqerisht ta shoh në finale. Elijona e di sa shumë e dua", shtoi mes tjerash. /Telegrafi/

Dy nga emrat më të njohur të hip-hopit shqiptar, Stresi dhe MC Kresha, kanë lansuar bashkëpunimin e tyre më të ri muzikor, duke sjellë për publikun këngën “Volum”, e cila tashmë është shoqëruar edhe me një videoklip profesional.

Projekti mban vulën e stilit autentik të të dy artistëve, të njohur për energjinë, tekstet e drejtpërdrejta dhe prezencën e fortë skenike.

Teksti i këngës është shkruar nga vetë Stresi dhe MC Kresha, ndërsa ‘beat’-i është realizuar nga producenti Gazu, duke krijuar një kombinim ritmik që i përshtatet në mënyrë perfektë interpretimit të tyre.

Foto: YouTube

Produksioni muzikor është bërë nga Techpro Records, ndërsa videoklipi është realizuar nën drejtimin e Danny Films, duke sjellë një pamje dinamike dhe urbane që përforcon mesazhin dhe energjinë e këngës.

“Volum” tashmë është publikuar në platformën YouTube, ku pritet të arrijë shikime të shumta dhe të marrë reagime pozitive nga fansat e dy artistëve.

Foto: YouTube

Me këtë bashkëpunim, Stresi dhe MC Kresha konfirmojnë edhe një herë pozicionin e tyre të fuqishëm në skenën hip-hop shqiptare, duke sjellë një projekt që reflekton përvojën, stilin dhe identitetin e tyre muzikor. /Telegrafi/

- YouTube www.youtube.com

Bashkëshortja e Armir Shahinit ka reaguar për herë të parë publikisht lidhur me pjesëmarrjen e tij në Big Brother VIP Albania 5, me komentet e shumta që kanë qarkulluar për sjelljen e tij brenda shtëpisë.

Përmes një postimi në profilin e saj në Facebook, Rabea Shahini Wolk, e cila nga mbiemri besohet të ketë origjinë gjermane, ka zgjedhur t’i dalë hapur në mbrojtje bashkëshortit të saj.

Ajo ka theksuar se marrëdhënia e tyre bazohet në besim të plotë dhe se xhelozia nuk ka vend në martesën e tyre.

“Në çdo hap që bën me ty do jem. Ti je më i forti i Big Brother-it. Të dua shumë bashkëshorti im i jetës. Plot besim për çdo vendim që merr atje brenda shtëpisë".

"Xhelozia nuk ka vend në martesën tonë sepse është e panevojshme. Jam shumë e lumtur me ty".

Reagimi i saj vjen pasi Miri është përballur me kritika të shumta në rrjetet sociale, kryesisht për afrimitetin që ka treguar ndaj Selinit.

Edhe pse ai ka deklaruar se e sheh atë si vajzën e tij, disa shikues kanë vënë në pikëpyetje sjelljen e tij, duke interpretuar deklarata si “e dua” si shenja të mundshme ndjenjash më të thella.

Megjithatë, qëndrimi i bashkëshortes duket se i jep fund çdo dyshimi, duke treguar mbështetje të palëkundur dhe besim të plotë ndaj Mirit gjatë rrugëtimit të tij në shtëpinë e Big Brother. /Telegrafi/