Rreth orës 13.00 të së martës ai është shoqëruar së bashku me një të dënuar tjetër nga dy efektivë policie në pavionin e infektivit. Në pritje të vizitës mjekësore ai ka kërkuar të shkojë në tualet. Me të dalë nga aty ka përfituar dhe ka goditur në befasi efektivin e policisë së burgjeve që po e ruante dhe menjëherë është larguar me vrap, ku e priste një automjet tip Audi i bardhë me të cilin është larguar.

Efektivi që e ndoqi Ndocin në arratinë e tij ka qëlluar me armën e tij të shërbimit në tokë dhe plumbi ka bërë rikoshet. Predha e tij përfundoi në shkallët e Infektivit, ndërsa gëzhoja e tij nuk është gjetur ende.

Nga hetimet e deritanishme rezulton se nuk janë respektuar protokollet e shoqërimit për numrin e efektivëve të policisë së burgjeve që duhet të shoqërojnë personat e paraburgosur apo të dënuar gjatë vizitave të tyre mjekësore.

Kreu i Aviacionit Civil, Maksim Ethemaj, i ftuar në studion e lajmeve në Klan News këtë të martë, 13 janar, foli mbi linjat e reja që do të operojnë në Shqipëri, sigurinë e aeroportit dhe mënyrën e funksionimit të aviacionit civil.

I pyetur për anulimet e fluturimeve në rastet e kushteve të këqija të motit, Ethemaj u shpreh se Aviacioni Civil ka si parim bazë që, nëse një udhëtim nuk është i sigurt, fluturimet nuk nisin.

“Në një mot të vështirë, është më mirë të mos kryhet fluturimi”, tha kreu i Aviacionit Civil, ndërsa shtoi se në raste të tilla, kur ka anulime, udhëtarët nuk kompensohen, “pasi kemi të bëjmë me raste force madhore, moti konsiderohet i tillë”.

Sa i përket risive, vitin e ardhshëm, sipas Ethemaj, në aeroport do të ketë 6 porta të reja dhe 17 kabina check-in, të cilat do ta lehtësojnë ndjeshëm lëvizjen e udhëtarëve.

Më tej, ai foli për linjat e reja që do të hapen nga Aeroporti i Tiranës drejt vendeve të tjera të Europës, por edhe përtej Atlantikut.

“Vitin tjetër do të kemi fluturime direkte me Kanadanë. Fluturimi i parë nga Tirana jashtë Europës do të kryhet në qershor. Nga Kopenhageni do të ketë fluturime të përditshme dhe do të shtohen linjat drejt disa qyteteve të Suedisë. Po negociojmë marrëveshje me Marokun dhe Norvegjinë. Po ashtu, po vazhdojnë diskutimet me Katarin dhe me Shtetet e Bashkuara të Amerikës”, u shpreh Ethemaj.

Gjatë vitit 2025, sipas të dhënave të Aviacionit Civil, 12 milionë turistë vizituan Shqipërinë.

Sa i përket kushteve të sigurisë në Aeroportin e Rinasit, Ethemaj theksoi se ekziston një nivel i lartë sigurie, falë sistemeve të kamerave dhe kontrollit të aksesit.

Të tjera detaje bëhen me dije nga arratisja e Altin Ndocit këtë të martë, nga spitali i Durrësit, ndërkohë që shoqërohej nga disa punonjës policie.

Gazetarja e Klan News Glidona Daci ka mësuar se një nga policët që e shoqëronte Ndocin nga paraburgimi i Durrësit në spital, ka qenë Fatjon Baci. Ai është personi që shfaqet në pamjet që kanë qarkulluar nga momenti i arratisjes së Ndocit dhe shihet me armë në dorë.

Në momentin kur Ndoci arriti t’u largohej punonjësve të Policisë, Baci ka qëlluar në ajër me armën e shërbimit për ta trembur, por kjo nuk mjaftoi për ta ndaluar të arratisurin.

Altin Ndoci, një personazh i njohur i botës së krimit, i akuzuar për një sërë veprash të rënda penale, u arratis nga paraburgimi këtë të martë, 13 janar. 39-vjeçari ishte dërguar në infektivin e spitalit pasi kishte shfaqur probleme shëndetësore.

Arratisja spektakolare nga paraburgimi i Durrësit

Altin Ndoci, një personazh i njohur i botës së krimit, i akuzuar për një sërë veprash të rënda penale, u arratis nga paraburgimi këtë të martë, 13 janar. 39-vjeçari ishte dërguar në infektivin e spitalit pasi kishte shfaqur probleme shëndetësore.

“Paraburgosuri Altin Ndoci është larguar nga ambientet e Spitalit Rajonal të Durrësit, ku ishte shoqëruar për kryerjen e vizitave mjekësore. Të gjitha procedurat mjekësore janë zhvilluar në repartin e infektivit, i cili ka repartin e sigurisë për të dënuarit. Pavarësisht ndërhyrjes së menjëhershme nga forcat e Policisë së Burgjeve për ndalimin e tij, Altin Ndoci ka arritur të largohet nga spitali. Strukturat përkatëse janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes”, thuhet në një deklaratë paraprake të Drejtorisë së Burgjeve.

Emisioni “Në Shënjestër” ka zbuluar automjetin tip Audi, me targë ‘AB 700 RS’, me të cilin është arratisur ditën e sotme nga spitali rajonal i Durrësit, Altin Ndoci.

Ndoci u largua sot pas një vizite mjekësore në spital, edhe pse i shoqëruar nga disa efektivë të burgjeve.

Besohet se arratisja e këtij personazhi të rrezikshëm të botës së krimit ishte e mirëplanifikuar, pasi automjeti në fjalë ka qenë duke e pritur atë në parkingun e spitalit./ BalkanWeb 

Fortlumturia e Tij, Kryepiskopi i Shqipërisë, Imzot Joani, zhvilloi sot një seri takimesh të rëndësishme me zyrtarë të lartë të Bashkimit Europian në Bruksel. Ai u takua me Komisionerin Europian për Transportet e Qëndrueshme dhe Turizmin, Apostolos Tzitzikostas. Biseda u përqendrua në rëndësinë historike të veprës së Kryepiskopt të lumur Anastas dhe në vizionin e Fortlumturisë së Tij, Kryepiskopit Joan, për të ardhmen e Kishës Orthodhokse të Shqipërisë. Fortlumturia e Tij theksoi angazhimin e tij që Kisha të mbetet një zë i fuqishëm dhe i pavarur në shoqërinë shqiptare, një shoqëri që përballet me sfida të mëdha si emigracioni i të rinjve dhe ndryshimet e thella demografike.

Gjithashtu, Kryepiskopi Joan u takua me Kryetarin e Delegacionit të Parlamentit Europian për Shqipërinë, eurodeputetin Marco Tarquinio (Itali). Ky takim mbart rëndësi të veçantë, duke pasur parasysh rolin kyç që luan ky delegacion në procesin e integrimit europian të Shqipërisë.

Fortlumturia e Tij, Kryepiskopi Joan u takua edhe me Bashkëkryetaren e Grupit të Punës për Dialogun Ndërfetar në Parlamentin Europian, eurodeputeten Željana Zovko (Kroaci, EPP). Gjatë takimit u diskutuan çështje të lirisë fetare në Europë dhe u theksua modeli i suksesshëm i bashkëjetesës harmonike të komuniteteve fetare në Shqipëri. Fortlumturia e Tij informoi për sfidat me të cilat vazhdojnë të përballen komunitetet fetare, veçanërisht përsa i përket çështjeve pronësore.

Në të trija takimet, Fortlumturia e Tij theksoi se integrimi i Shqipërisë në Bashkimin Europian është i dobishëm jo vetëm për komunitetet fetare dhe Kishën Orthodhokse të Shqipërisë, por edhe për popullin shqiptar dhe për vetë Europën.

Këto takime u zhvilluan në kuadër të vizitës së Fortlumturisë së Tij në Bruksel (12-15 janar 2026), me rastin e konferencës që do të zhvillohet nesër, më 14 janar, në Parlamentin Europian, me temë; “Jeta, Vepra dhe Trashëgimia e Kryepiskopit të lumur Anastas”, e organizuar nga Parlamenti Europian në nderim të Kryepiskopit Anastas në përvjetorin e parë të jetëndërrimit të tij.

Prania e Kreut të Kishës Orthodhokse të Shqipërisë në qendrën e institucioneve europiane mbart një rëndësi të veçantë në këtë moment kritik për negociatat e anëtarësimit. Kisha Orthodhokse, përmes veprës së saj të gjerë sociale, arsimore dhe shpirtërore, mbetet një urë lidhëse e fuqishme midis vendit dhe Europës.

Një e katërta e vendeve në botën në zhvillim janë më të varfra se sa ishin në vitin 2019, para pandemisë së Covid-it, ka zbuluar Banka Botërore.

Organizata me seli në Washington tha se një grup i madh vendesh me të ardhura të ulëta, shumë prej tyre në Afrikën Sub-Sahariane, kanë pësuar një tronditje negative gjatë gjashtë viteve deri në fund të vitit të kaluar.

The Guardian shkruan Banka tha se rritja globale ka “ngadalësuar” që prej pandemisë, dhe ritmi aktual është “i pamjaftueshëm për të ulur varfërinë ekstreme dhe për të krijuar vende pune aty ku nevoja është më e madhe”.

Rritja ekonomike në tregjet në zhvillim dhe ekonomitë në zhvillim pritet të ngadalësohet nga 4.2% vitin e kaluar në 4% vitin e ardhshëm, sipas raportit.

Banka tha se rritja ekonomike globale po rezulton “më e qëndrueshme se sa pritej”, veçanërisht pas performancës më të mirë se parashikimet e ekonomisë amerikane vitin e kaluar, por progresi pritet të jetë i kufizuar në vitin 2026, ndërsa ekonomitë e zhvilluara dhe ato në zhvillim po hasin vështirësi.

Ekonomia e SHBA-ve vlerësohet të ketë shënuar rritje prej 2.1% në vitin 2025 dhe 2.2% në vitin 2026, pas përmirësimeve prej 0.7 dhe 0.6 pikë përqindje nga parashikimi i fundit i bankës në qershor. Studimi i bankës tregoi se zona e euros mbeti prapa, me rritje vetëm 0.9% në 2025 dhe në rrugë për të arritur 1.2% në 2026.

Rritja globale pritet të mbetet kryesisht e qëndrueshme gjatë dy viteve të ardhshme, duke u ulur nga 2.7% në vitin 2025 në 2.6% në vitin 2026, përpara se të rikthehet në 2.7% në vitin 2027, një rishikim i lehtë në rritje krahasuar me parashikimin e qershorit.

Shumë prej një në katër vendet në zhvillim, ku të ardhurat mesatare janë më të ulëta se në vitin 2019, kanë përjetuar luftëra dhe uria, tha raporti, gjë që ka vonuar rimëkëmbjen e tyre nga pandemia. Rritjet e fundit ekonomike nuk kanë qenë të mjaftueshme për të kompensuar rënien e mëparshme.

Indermit Gill, kryeekonomisti i Bankës, tha: “Këto trende nuk mund të shpjegohen vetëm me fatkeqësi. Në shumë vende në zhvillim, ato pasqyrojnë gabime të shmangshme në politika.”

Gill tha se vendet në zhvillim duhet të ndjekin rregulla strikte buxhetore për të siguruar bazën e rritjes së qëndrueshme. Ai shtoi se formula është e ngjashme për të gjitha vendet që duan të rriten më shpejt.

“Për të shmangur stanjacionin dhe papunësinë, qeveritë në ekonomitë në zhvillim dhe ato të avancuara duhet të liberalizojnë fuqishëm investimet private dhe tregtinë, të kufizojnë konsumin publik dhe të investojnë në teknologji të reja dhe arsim,” tha ai.

Gill theksoi se ekonomia globale ka treguar qëndrueshmëri, por nuk ka arritur të nxisë rritjen në nivele që do të krijonin vende pune për të rinjtë, veçanërisht për 1.2 miliardë nën moshën 16 vjeç që pritet të hyjnë në tregun e punës në dekadën e ardhshme.

“Me çdo vit që kalon, ekonomia globale është bërë më pak e aftë për të gjeneruar rritje dhe duket më e qëndrueshme ndaj pasigurive politike. Por dinamizmi ekonomik dhe qëndrueshmëria nuk mund të ndahen për shumë gjatë pa dëmtuar financat publike dhe tregjet e kreditit. Në vitet e ardhshme, ekonomia botërore pritet të rritet më ngadalë se në vitet e vështira ’90, ndërsa mban nivele rekord të borxhit publik dhe privat.”, shtoi Gill.

Banka Botërore pret që Kina të rritet me 4.4% këtë vit dhe 4.2% vitin e ardhshëm. Këto shifra përfaqësojnë një përmirësim krahasuar me vlerësimin e qershorit të vitit të kaluar, por gjithsesi mbeten rritjet më të ulëta në 35 vite dhe nën objektivin e Partisë Komuniste prej 5%.

Pekini është nën presion që nga pranvera e kaluar, kur Donald Trump rriti tarifat mbi importet kineze. Kina gjithashtu po përballet me sfidën e plakjes së shpejtë të popullsisë dhe pasojat e bumit spekulativ të tregut të pasurive të paluajtshme.

Banka tha se Kina rezultoi më e fortë se sa pritej, pasi shpenzimet e mëdha të qeverisë rritën konsumin e brendshëm dhe shitjet e eksporteve u mbështetën nga ridrejtimi i mallrave drejt tregjeve jo-amerikane.

Nga Lezha, ku mbajti takimin e radhës në kuadër të turit të tij të Foltores, kreu i Partisë Demokratike sulmoi edhe Lulzim Bashën. 

Në fjalën e tij, Berisha iu referua si një “kalbësirë e brendshme” që tentoi të kapte partinë. Sipas Berishës, ai ditën bënte sikur ishte me demokratët ndërsa natën vepronte me Edi Ramën duke bërë pazare në kurriz të qytetarëve. 

Për Berishën, demokratët ndëmorën një veprim të vështirë kur zgjodhën të ishin në anën e tij. 

“Në qoftë se demokratët do të kishin një emër të dytë, të pamposhtur. Asgjë nuk na mposhti ne, asgjë nuk e mposhti këtë parti. Ua thashë edhe njëherë, menduam se e fshinë nga harta politike, jo, përkundrazi, u ngritëm si Feniksi nga hiri. Në këto vite, ju demokratët, të gjithë demokratët, kaluan kaluarin më të pamerituar, por edhe provën më të madhe të dinjitetit të tyre, provën më të madhe të guximit të tyre. Një kalbësirë e brendshme e kapi PD-në. Një kryetar që ju i dhatë besimit, ditën ishte me ju, natën me Edi Ramën ndante paratë dhe pazaret.

Punonte kundër jush, punonte kundër idealeve tuaja, interesave tuaja sepse i tillë ishte Edi Rama në radhë të parë, por edhe ai. Një armik i pluralizmit, bastard, pasardhës i një xhelati që firmoste varjen në litar. Nga njëra anë hiqej si intelektual, skulptor, nga ana tjetër ulej dhe firmoste varjen e poetëve, varjen e qytetarëve të thjeshtë, krejtësisht të pafajshëm, vetëm si kundërshtarë politikë. Ky armik i egër i pluralizmit gjeti dobësitë, dhe faktikisht po përpiqej ta rrënonte nga brenda PD-në.

Unë e them këtu, vendimi më i rëndësishëm i jetës tuaj dhe më i vështirë ishte vendimi për të mbështetur në vjeshtën e vitit 2021 Sali Berishën. Ishte vendimi për të dalë nga fasadë opozita në opozitë të vërtetë. Por kësaj here, betejën nuk e kishit vetëm me qeverinë shqiptare dhe misionarët e saj në PD. Beteja juaj ishte globale.

Ishte me kreun e mafies botërore, që ishte Xhorxh Sorosi. Ky Karl Marksi i post-marksizmit, armik i egër i PD dhe vlerave demokratike. Por, edhe njëherë, ju u provuat të pamposhtur me zgjidhjet që bëtë.”, u shpreh Berisha. 

Ai ka diskutuar me aleatët mundësinë e emërimit të prokurorëve specialë, duke shprehur zemërim për mënyrën se si Bondi dhe stafi i saj po menaxhojnë çështje të ndryshme, përfshirë hetimet kundër ish-Drejtorit të FBI-së, James Comey, dhe Prokurores Letitia James.

Presidenti ka shprehur gjithashtu pakënaqësi për menaxhimin e Bondi mbi dosjet e Jeffrey Epstein, që sipas tij kanë shkaktuar muaj të tërë shqetësimesh politike dhe personale.

Ai u ka thënë ndihmësve të tij se pajtohet me vlerësimin e shefes së stafit të Shtëpisë së Bardhë, Susie Wiles, që Bondi ka “dështuar” në trajtimin e këtyre dosjeve.

Bondi, e cila ka qenë më parë Prokurore e Përgjithshme e Floridës dhe njëkohësisht një nga avokatet personale të Trump, ka vazhduar të ndjekë prioritetet e presidentit, duke shkarkuar prokurorë që kishin punuar në hetimet kundër tij dhe duke lavdëruar presidentin në media.

Ajo autorizoi një prokuror amerikan në Florida të rihetësojë hetimin mbi ndërhyrjen ruse në zgjedhjet e 2016-ës, çështje që Trump e ka prezantuar si një komplot kriminal të demokratëve.

Trump ka shfaqur frustrim publik dhe privat për Bondi që nga shtatori, kur e nxiti atë të ndjekë Comey dhe James në një postim në rrjetet sociale që ai kishte menduar të ishte privat.

Ai emëroi Lindsey Halligan, një ndihmëse e Shtëpisë së Bardhë, për të drejtuar prokurorinë federale në Virginia, dhe brenda pak javësh, ajo ngriti aktakuza ndaj Comey dhe James.

Megjithatë, gjykatësi hodhi poshtë aktakuzat, duke vendosur se emërimi i Halligan ishte i paligjshëm, dhe Departamenti i Drejtësisë nuk ka arritur të bindë asnjë nga dy juritë e mëdha për të rikthyer rastet.

Ndërkohë, lëshimi i vazhdueshëm i dosjeve të Epstein ka mbajtur marrëdhëniet e Trump me financieri të shkatërruar në qendër të vëmendjes, gjë që ka shtuar irritimin e tij.

Bondi ka reaguar ndaj kërkesave të Trump, duke udhëzuar prokurorët amerikanë të kryejnë hetime mbi abuzimet me paratë e taksapaguesve dhe mbi çështje të tjera që ai ka kërkuar.

Burime të afërta me Bondi thonë se ajo është e përqendruar në zbatimin e detyrave të saj dhe se e sheh rolin e saj si pjesë të përpjekjes për të “bërë Amerikën të sigurt përsëri”, duke ndjekur udhëzimet e presidentit.

Akuzat dolën në dritë në fund të një hetimi të përbashkët trevjeçar nga faqja spanjolle e lajmeve elDiario.es dhe rrjeti televiziv në gjuhën spanjolle Univision Noticias, të cilët mblodhën dëshmi nga 15 ish-punonjës që kishin punuar për këngëtarin 82-vjeçar nga fundi i viteve 1990 deri në vitin 2023.

“Këto intervista përshkruajnë kushtet e izolimit të grave, mosmarrëveshjet e punës, strukturën hierarkike të stafit dhe atmosferën e tensionuar të krijuar nga karakteri shpërthyes i Iglesias,” tha elDiario.es në raportin e tij të martën.

“Dy gratë që raportuan sulm seksual u intervistuan disa herë për më shumë se një vit dhe rrëfimet e tyre mbetën të njëjta gjatë gjithë kohës. Deklaratat e tyre mbështeten nga prova të gjera dokumentare, si fotografi, regjistra telefonatash, mesazhe WhatsApp, viza, raporte mjekësore dhe dokumente të tjera.”

Njëra nga gratë, e quajtur Rebecca për të mbrojtur identitetin e saj, tha se Iglesias, i cili në atë kohë ishte 77 vjeç, e thërriste shpesh në dhomën e tij në fund të ditës së punës.

Ajo tha se ai e prekte në mënyrë seksuale pa pëlqimin e saj. “Ai më përdorte pothuajse çdo natë,” i tha ajo elDiario.es dhe Univision Noticias. “Ndihesha si një objekt, si një skllave.”

Sipas Rebeccës, sulmet ndodhnin zakonisht në prani – dhe me pjesëmarrjen – e një punonjësi tjetër të Iglesias që ishte eprori i saj.

Një grua tjetër, e njohur me pseudonimin Laura, u tha dy mediave se Iglesias e puthi në buzë dhe i preku gjoksin pa lejen e saj dhe kundër vullnetit të saj.

“Ne ishim në plazh dhe ai erdhi pranë meje dhe më preku gjoksin,” tha ajo, duke shtuar se një incident i ngjashëm ndodhi gjithashtu pranë pishinës në vilën e këngëtarit në Punta Cana, një resort luksoz në Republikën Domenikane.

Të dyja gratë thanë se punonjësit i nënshtroheshin një atmosfere të tensionuar dhe kontrolluese dhe folën për mënyrën se si Iglesias “e normalizoi abuzimin”. Rebecca tha: “Ajo shtëpi duhet të quhet shtëpiza e vogël e terrorit, sepse është një makth – diçka vërtet e tmerrshme.”

Dëshmitë nga ish-punonjësit për sistemin e rekrutimit zbulojnë një proces që fillonte me reklama në rrjetet sociale të drejtuara ndaj grave të reja. Aplikanteve u kërkohej të dërgonin fotografi të fytyrës dhe të trupit të plotë.

Rebecca dhe Laura thanë se Iglesias u bëri pyetje intime menjëherë pasi mbërritën, si: “A të pëlqejnë gratë?”, “A të pëlqejnë treshet?”, dhe “A ke bërë operacion gjoksi?”. Ato thonë se ai u kërkoi të shihte gjoksin e tyre në disa raste dhe gjithashtu i preku.

ElDiario.es raportoi më vonë të martën se dy gratë kishin depozituar një kallëzim zyrtar pranë prokurorëve në gjykatën më të lartë penale të Spanjës, Audiencia Nacional, duke e akuzuar Iglesiasin për trafikim njerëzor dhe sulm seksual.

Gazetarët e elDiario.es dhe Univision bënë përpjekje të përsëritura për të kontaktuar Julio Iglesiasin dhe avokatin e tij përmes kanalesh të ndryshme, por nuk morën asnjë përgjigje ndaj pyetjeve të dërguara me email, telefon dhe me letër.

Megjithatë, gruaja që Rebecca e identifikoi si mbikëqyrësen e saj të parë në rezidencën në Punta Cana – dhe me të cilën ajo pretendoi se kishte pasur kontaktin e parë seksual me Iglesiasin – i hodhi poshtë akuzat si marrëzi. Ajo tha se kishte vetëm “mirënjohje, admirim dhe respekt për artistin dhe njeriun e madh që është ai”, dhe e përshkroi si “të përulur, bujar, një zotëri të madh dhe shumë respektues ndaj të gjitha grave”.

Iglesias, i cili ka shitur më shumë se 300 milionë disqe gjatë karrierës së tij gjashtëdekadëshe, u mbrojt gjithashtu nga Isabel Díaz Ayuso, presidentja e rajonit të Madridit, e njohur për qëndrimet e saj të djathta dhe të drejtpërdrejta.

“Gratë po sulmohen dhe po përdhunohen në Iran me heshtjen bashkëfajtore të së majtës ekstreme,” shkroi ajo në një mesazh në X. “Rajoni i Madridit nuk do të kontribuojë kurrë në diskreditimin e artistëve dhe aq më pak kur bëhet fjalë për më universalin nga të gjithë këngëtarët: Julio Iglesias.”

Ambasada e Shteteve të Bashkuara në Prishtinë bëri të ditur se është e gatshme të forcojë partneritetin me Qeverinë e ardhshme të Kosovës dhe të rifillojë Dialogun Strategjik mes dy vendeve.

Megjithatë, në një përgjigje për Radion Evropa e Lirë, Ambasada theksoi se realizimi i këtij synimi do të kërkojë veprime nga Qeveria e Kosovës, të cilat “çojnë përpara agjendën e përbashkët për paqe dhe stabilitet rajonal”, si dhe “prosperitetin e ndërsjellë ekonomik”.

Këto qëndrime u shprehën në përgjigje të pyetjes se si Shtetet e Bashkuara planifikojnë bashkëpunimin me Qeverinë e ardhshme të Kosovës, që pritet të formohet pas zgjedhjeve të parakohshme parlamentare të 28 dhjetorit. Në këto zgjedhje, Lëvizja Vetëvendosje e kryeministrit në detyrë, Albin Kurti, fitoi mbi 51 për qind të votave. Partia deklaroi se synon formimin e shpejtë të institucioneve të reja.

Numërimi i votave përfundoi më 9 janar, por procesi zgjedhor ende nuk është mbyllur zyrtarisht, për shkak të afateve ligjore për ankesa dhe certifikimin e rezultateve.

Kurti dhe Lëvizja Vetëvendosje kanë udhëhequr Qeverinë e Kosovës edhe gjatë periudhës 2021-2025.

Viti i kaluar ka shkuar kryesisht me Qeveri në detyrë, pasi Kurti – ndonëse i ka fituar zgjedhjet e 9 shkurtit 2025 – nuk ka arritur të formojë Qeverinë e re, çfarë ka çuar në shpërndarjen e Kuvendit dhe zgjedhje të parakohshme.

Gjatë mandatit të mëparshëm, Qeveria e tij është përballur shpesh me kritika nga partnerët ndërkombëtarë, veçanërisht për shkak të veprimeve që janë cilësuar si të pakoordinuara dhe të njëanshme.

Nga mbyllja e shumicës së institucioneve serbe në Kosovë deri te heqja e dinarit serb nga përdorimi, këto veprime janë parë si të dëmshme për komunitetin serb dhe si faktor që ka rritur tensionet në veri të vendit.

Kritikat kanë shkuar deri në atë pikë sa është folur edhe për lëkundje të marrëdhënieve ndërmjet Kosovës dhe Shteteve të Bashkuara.

Megjithatë, Kurti ka insistuar vazhdimisht se SHBA-ja mbetet partneri kryesor i Kosovës, ndonëse ka pranuar se ekzistojnë dallime në qasje për disa çështje.

Vitin e kaluar, Shtetet e Bashkuara kanë marrë një nga masat më të ashpra ndaj Kosovës, duke pezulluar Dialogun Strategjik mes dy vendeve – një mekanizëm i krijuar për thellimin e marrëdhënieve dypalëshe.

Uashingtoni e ka lidhur këtë vendim me veprimet e Qeverisë në detyrë të Kosovës, derisa vendi është përballur me bllokadë institucionale, dhe me rritjen e tensioneve në vend, por Qeveria e Kosovës i ka hedhur poshtë kritikat./ REL

Sali Berisha ka rënë sërish pre e “qytetarit dixhital”,  një figurë që ai vetë e ka shpikur dhe promovuar prej vitesh si burim denoncimesh publike.

Prokuroria e Koresë së Jugut ka kërkuar që ish-presidenti Yoon Suk Yeol të dënohet me vdekje, nëse shpallet fajtor për përpjekjen e dështuar për të vendosur ligjin ushtarak në dhjetor të vitit 2024. 

Gjatë seancës përfundimtare në një gjykatë në Seul, prokurorët e përshkruan Yoon si “organizatorin kryesor të një kryengritjeje”, akuza më e rëndë me të cilën ai përballet, raporton BBC. Sipas ligjit të Koresë së Jugut, drejtimi i një kryengritjeje dënohet vetëm me burgim të përjetshëm ose me vdekje, dhe prokuroria është e detyruar të kërkojë njërin prej këtyre dënimeve. 

Çështja lidhet me vendimin e Yoon për të shpallur ligjin ushtarak më 3 dhjetor 2024, një masë që zgjati vetëm disa orë, por që e futi vendin në një krizë të thellë politike. Pas këtij veprimi, ai u shkarkua nga Parlamenti dhe u arrestua për t’u përballur me drejtësinë. 

Yoon i ka mohuar akuzat, duke pretenduar se shpallja e ligjit ushtarak ishte thjesht një gjest simbolik për të tërhequr vëmendjen e publikut ndaj shkeljeve të partisë opozitare. 

Megjithatë, prokurorët argumentojnë se, edhe pse nuk pati viktima, qëllimi i Yoon ishte i dhunshëm. Si prova, ata paraqitën dëshminë e një komandanti ushtarak, i cili deklaroi se kishte marrë urdhër për arrestimin e ligjvënësve. 

Gjithashtu, u përmend një memo e hartuar nga një ish-oficer ushtarak, pjesë e planifikimit të ligjit ushtarak, ku flitej për “eliminimin” e qindra personave, përfshirë gazetarë, aktivistë sindikalë dhe deputetë. 

Procesi gjyqësor ndaj Yoon është bashkuar me atë të dy zyrtarëve të tjerë të lartë të administratës së tij: ish-ministrit të Mbrojtjes Kim Yong-hyun dhe ish-drejtorit të policisë Cho Ji-ho. Vendimi dhe dënimi, nëse shpallen fajtorë, pritet të jepen më vonë, me gjasë në muajin shkurt. 

Koreja e Jugut nuk ka ekzekutuar asnjë dënim me vdekje prej gati 30 vitesh. Në vitin 1996, ish-diktatori ushtarak Chun Doo-hwan u dënua me vdekje për grusht shteti, por më vonë dënimi iu kthye në burgim të përjetshëm. 

Ndërkohë, Yoon përballet edhe me procese të tjera penale. Vetëm muajin e kaluar, prokuroria kërkoi një dënim prej 10 vitesh burg për pengim të drejtësisë dhe akuza të tjera që lidhen me të njëjtën përpjekje për ligj ushtarak. 

Edhe pse i rrëzuar nga pushteti, Yoon vijon të ketë mbështetës në qarqet e djathta, të cilët e shohin atë si një figurë që sfidoi Partinë Demokratike liberale. 

Pas shkarkimit të tij, vendi u drejtua drejt zgjedhjeve të parakohshme, të cilat u fituan nga presidenti aktual, Lee Jae Myung. 

Në një klub nate në Bejrut, ritmet elektronike u ndërthurën me projeksione simbolike fetare, ndërsa prifti katolik Guilherme Peixoto performoi si DJ përpara mijëra të rinjve. 

Eventi tërhoqi një pjesëmarrje të madhe, por njëkohësisht shkaktoi debate mes një pjese të klerit lokal, të cilët e kritikuan mënyrën e tij të komunikimit përmes muzikës. 

Peixoto, i njohur në rrjetet sociale si “Padre Guilherme”, thotë se përmes muzikës kërkon të përcjellë mesazh bashkimi dhe respekti mes njerëzve, pavarësisht fesë apo bindjeve. 

“Kur shkojmë në një festë, nuk ka rëndësi çfarë muzike elektronike është, house apo techno. Ti ndjen se të gjithë janë në të njëjtën udhë. Të gjithë respektojnë njëri-tjetrin, pa marrë parasysh fenë apo veshjet. Edhe pa një mesazh të drejtpërdrejtë besimi, është një mesazh i fuqishëm respekti dhe tolerancë. Dhe nëse mund të vallëzojmë bashkë në pistën e vallëzimit, pse të mos vallëzojmë bashkë edhe jashtë saj?”. 

Më herët në Liban, një grup i vogël besimtarësh paraqiti ankesë zyrtare për anulimin e eventit tek autoritetet, por kërkesa u rrezua dhe aktiviteti u mbajt sipas planit. 

“Nëse nuk ju pëlqen apo nuk ndiheni rehat me atë që po bëj, ju lutem lutuni për mua, sepse nuk mund të bëj më shumë se kaq. Bota është e lirë dhe duhet të jetë e lirë. Nuk është e nevojshme që të gjithë ta pëlqejnë atë që unë bëj, por duhet ta respektojnë”. 

Peixoto tregon se muzika e tij nuk synon të zëvendësojë ritet fetare, por të sjellë mesazhin e kishës në hapësirat publike ku janë të rinjtë. 

“Nuk është muzikë për brenda në kishë. Nuk është për meshë. Është muzikë për ta nxjerrë kishën jashtë kishës”. 

Ai shpreson të përcjellë mesazhe paqeje dhe bashkëjetese në një vend të prekur nga tensionet rajonale. 

Nga Policia e Shtetit, Report Tv mëson se për shoqërimin e të paraburgosurit Altin Ndoci nga burgu i Durrësit në spital, nuk është kërkuar mbështetje me forca të rendit. 

“Policia e Shtetit merr masa kur njoftohet nga burgjet, por për këtë rast nuk jemi njoftuar dhe nuk na është kërkuar ndihmë”, thotë policia për Report Tv. 

Forcat Operacionale nisen drejt burgut të Durrësit, kontrolle në qelinë e Altin Ndocit! A kishte dijeni dikush tjetër për planin e arratisjes?! 

Forcat Operacionale nisen drejt burgut të Durrësit, kontrolle në qelinë e Altin Ndocit! A kishte dijeni dikush tjetër për planin e arratisjes?! 

Forcat Operaracionale të burgjeve, nga Tirana, janë nisur drejt burgut të Durrësit, për verifikime atje, kontrolle, me kë ishte në dhomë Altin Ndoci. 

Kontrollet do të kryhen për të kuptuar nëse dikush ka dijeni për planin e Ndocit, apo për të tjerë elementë që mund t’i vlejnë zbulimit të bashkëpunëtorëve.   

Ish-deputeti i PD-së Myslim Murrizi ka shpërthyer në kritika të ashpra ndaj Belind Këlliçit, pasi ky i fundit, pasi doli nga SPAK, tha se u mor në pyetje për një çështje periferike.

Murrizi tha se deklarata e Këlliçit, është një psikozë komuniste, teksa më tej theksoi se nuk bëhet fjalë për një çështje periferike, pasi deputeti demokrat ka qenë pjesë e asaj çështje.

“Nuk e di sa e vërtetët është se ka qenë për atë. Keni ndonjë komunikatë nga hetues Kraja i komunizmit? Ka shkuar për një çështje periferike? Kështu thonë të gjithë këta shejtanër, se janë shumë metropolitanë, sepse e kanë nga psikoza e fëlliqur e komunizmit, që bllokqenër, pjesën tjetër e quajnë periferike. Si është çështje periferike kur ke qenë në dijeni dhe ke qenë pjesë e saj?’’, tha ish-deputeti.

Më tej Murrizi zbuloi se ka disa padi mes Bardhit dhe Këlliçit në SPAK.

“Kanë disa padi mes njëri tjetrit këta, por se di se SPAK-u nuk ka dhënë noj deklaratë.’’, tha Murrizi.

Zbardhet dinamika e arratisjes së Altin Ndocit këtë të martë nga Spitali Infektiv i Durrësit, ku kishte shkuar për të kryer disa vizita mjekësore. 

Altin Ndoci duke u larguar me vrap dhe polici me armë në dorë 

Sipas raportimeve, ai kishte shkuar në spital bashkë me një të paraburgosur tjetër dhe shoqëroheshin në total nga 5 efektivë policie, ndërsa dy qëndronin në furgon poshtë spitalit. 

Në një moment, Ndoci ka kërkuar që të shkonte në tualet dhe është shoqëruar nga dy efektivë. Sapo ka dalë nga tualeti, ai i ka goditur dy efektivët në pjesën e barkut dhe i ka shtyrë duke i larguar me shpejtësi nga kati i tretë i spitalit. 

Ngjarja dyshohet të ketë qenë e planifikuar, pasi jashtë spitalit të paraburgosurin e priste një makinë, një Audi e bardhë në pjesën e parkimit, me të cilën u larguan. 

Pas arratisjes së Ndocit, zinxhiri komandues i burgut të Durrësit u pezullua nga detyra. Në total u pezulluan 10 persona, mes të cilëve drejtori i burgut të Durrësit, Indrit Cerloj, zëvendës drejtori si edhe mjeku i burgut. 

Njoftimi i Drejtorisë së Burgjeve për arratisjen e Ndocit: 

Paraburgosuri Altin Ndoci është larguar nga ambientet e Spitalit Rajonal të Durrësit, ku ishte shoqëruar për kryerjen e vizitave mjekësore. Të gjitha procedurat mjekësore janë zhvilluar në repartin e infektivit, i cili ka repartin e sigurisë për të dënuarit. 

Pavarësisht ndërhyrrjes së menjëhershme nga forcat e Policisë së Burgjeve për ndalimin e tij, Altin Ndoci ka arritur të largohet nga spitali. Strukturat përkatëse janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes. 

Dyshohet për 4 vrasje 

Altin Ndoci u arrestua në korrik 2020 gjatë operacionit “Plumbi i Artë”, si i dyshuar për vrasjen e 4 personave, fillimisht dy vëllezërve Besmir dhe Viktor Haxhiaj në Durrës dhe ekzekutimin e dy personave të tjerë 2020 Anxhelo Avdija dhe Dorian Shkozën.
Por me 2 prill 2024, Gjykata e Posaçme pushoi të gjitha akuzat ndaj Altin Ndocit, përfshirë edhe dyshimi për vrasjen e Dorjan Shkozës dhe Anxhelo Avdija, duke e shpallur të pafajshëm atë. Ishin dëshmitë e të arrestuarit, Klevis Alla, i cili e përfshiu Altin Ndocin në këto 4 vrasje por Gjykata e Posaçme nuk u bind nga këto dëshmi ç’ka bëri që të marrë pafajësinë. 

Nga ana tjetër, për vrasjen e dy vëllezërve Haxhia, Gjykata e posaçme dënoi me 25 vite burg Klevis Allën. Megjithëse Altin Ndoci fitoi pafajësinë në vitin 2024 ai nuk mundi të dalë nga burgu, pasi SPAK ka ngritur akuza të tjera kundër tij, pas dëshmive të Nuredin Dumanit, i cili e përfshin në disa ngjarje të rënda. 

Në dëshmitë e dhëna në SPAK nga i penduari i drejtësisë Nuredin Dumani, Klevis Alla dyshohet si pjesëmarrës në vrasjen e Andi Zylyfit dhe plagosjen e Ardit Uruçit kryer në bashkëpunim në formën e “Grupit të strukturuar kriminal”. 

Gjithashtu Ndoci mbahej në burg edhe për veprat penale “Mbajtja pa leje dhe prodhimi i armëve, shpërthyese dhe i municionit”, e kryer në bashkëpunim në formën e grupit të strukturuar kriminal, “Grupi i strukturuar kriminal”. 

Gjykata e Posaçme e Shkallës së Parë për Korrupsionin dhe Krimin e Organizuar ka shpallur vendimin këtë të martë për çështjen penale, në ngarkim të Pandeli Bozhës, babait të ish-kandidates për deputete të PSD-së në Fier Limonera Bozha dhe Vladimir Lushkajt.

Sipas njoftimit zyrtar për mediat, Prokuroria e Posaçme kishte kërkuar gjykimin e çështjes penale ndaj Pandeli Bozhës, “i akuzuar për kryerjen e veprës penale ‘Korrupsion aktiv në zgjedhje’, parashikuar nga neni 328 i Kodit Penal” dhe Vladimir Lushkajt, “i akuzuar për kryerjen e veprës penale ‘Korrupsion pasiv në zgjedhje’, parashikuar nga neni 328/b i Kodit Penal”.

Gjykimi u zhvillua me procedurën e gjykimit të shkurtuar. Trupi gjykues, i përbërë nga gjyqtarët Etleva Deda, Irena Gjoka dhe Bib Ndreca, me vendimin nr. 1, datë 13.01.2026, vendosi deklarimin fajtor të Pandeli Bozhës për korrupsion aktiv në zgjedhje, duke e dënuar fillimisht me 1 vit e 6 muaj burgim.

Në zbatim të nenit 406 të Kodit Penal, gjykata i uli dënimin me 1/3, duke e dënuar përfundimisht me 1 vit burgim. Po ashtu, në aplikim të nenit 59 të Kodit Penal, u vendos pezullimi i ekzekutimit të dënimit me burg dhe vënia në provë e Bozhës për një periudhë 24-mujore, me kusht që gjatë kësaj kohe të mos kryejë vepër tjetër penale.

Ndërkohë, gjykata deklaroi fajtor edhe Vladimir Lushkajn për veprën penale të “Korrupsionit pasiv në zgjedhje”, por “në bazë të nenit 52/b të Kodit Penal”, vendosi përjashtimin e tij nga dënimi.

Lidhur me provat materiale, GJKKO vendosi që një kartmonedhë prej 2000 lekësh, e konsideruar si shpërblim për veprën penale, “të kalojë në favor të shtetit”, ndërsa një fletë e ngjashme me fletët e votimit, ku emri i një kandidateje për deputete ishte i shënuar, të mbetet pjesë e fashikullit gjyqësor.

Gjykata vendosi gjithashtu që shpenzimet procedurale në vlerën 6,361.52 lekë t’u ngarkohen të pandehurve solidarisht.

Kur në korrik të vitit të shkuar Erion Veliaj, i cili ndodhet në paraburgimin e Durrësit, duhet të shkonte për një vizitë në një spital privat të këtij qyteti, ngjitur me spitalin publik, shoqërimi i tij u bë me një prani të pazakontë të forcave të policisë. 

Zyrtarisht, në përgjigjen që Drejtoria e Burgjeve, i dërgonte më pas Avokatit të Popullit, bëhej e ditur se “për këtë shërbim janë planizuar 8 punonjës policie të rolit bazë, 2 drejtues automjetesh dhe një drejtues shërbimi Oficer. Ky planizim paraprak është kryer me arsyetimin e garantimit të sigurisë gjatë udhëtimit, sigurimin e mjeteve në parkim të përshtatshëm, sigurimin perimetrik të objektit Spital, sigurimin e ambienteve ku do të kryheshin vizitat/konsultat/ekzaminimet nga kati në kat i godinës etj. Së bashku me grupin e shoqërimit ka qenë prezent edhe 1 ndihmësmjek i IEVP Durrës, i cili shoqëron të burgosurin gjatë ekzaminimeve dhe administron dosjen shëndetësore dhe dokumentacionin shoqërues”, shkruhet nga Burgjet për shoqërimin e Veliajt. 

Në përgjigje, shpjegohej më tej se “stafi multidisiplinar i IEVP-ve (siguri, social, shëndetësor, ligjor) është përgjegjës për vlerësimin e riskut të të gjithë të dënuarve dhe të paraburgosurve, kur është nevoja për shoqërim jashtë regjimeve të banimit. Në këtë formular përcaktohen dy shkallë të riskut, “i lartë” dhe “standard”. Bazuar në formularin e treguesve të riskut dhe nevojave Nr. Extra Prot., datë 17.03.2025, për Z. Erion Veliaj, plotësuar nga IEVP Durrës, rezulton se ai është cilësuar me risk të shkallës “Standard”.” 

Drejtoria e Burgjeve e përshkruan kështu, shoqërimin e Veliajt me 12 persona, si një procedurë normale, në rastin e një personi me rrezik ‘standard’. 

Duke i qëndruar këtij interpretimi, rasti i sotëm i Altin Ndocit, i akuzuar për vrasje, dhe i shoqëruar nga vetëm 5 efektivë, (sipas të dhënave të deritanishme) përfshirë dhe shoferin e automjetit, përfaqëson një skandal të rëndë. 

Nëse procedura për një person me shkallën e rrezikut ‘standard’ parashikon shoqërimin me dy automjete dhe 12 persona, është i pashpjegueshëm vlerësimi që është bërë për Altin Ndocin, i cili është lënë në shoqërimin e vetëm një grushti efektivësh. Qartazi, ai nuk mund të kategorizohet në personat me rrezik ‘standard’, e për pasojë shoqërimi i tij, sipas logjikës së vetë autoriteteve, do duhej të ishte me një numër forcash ndjeshëm më të madh se sa në rastin Veliaj. E megjithatë, kjo nuk ka ndodhur, përkundrazi, ka qenë me më pak se gjysmën e efektivëve. Ndërsa në momentin e shoqërimit për në tualet, mbikëqyrej nga vetëm një polic. 

Një tjetër pikë e errët është dhe roli i dy policëve që do duhej të ishin jashtë mjediseve të godinës për “sigurimin perimetrik të objektit Spital”. Sipas të dhënave furgoni i burgjeve ka qenë në parkim, në oborrin e spitalit, në krahun e kundër të daljes nga rrethimi i spitalit, dhe disa dhjetëra metra larg portës së Infektivit. Qartazi asnjë nga dy policët e tjerë, nuk kanë siguruar hyrjen e godinës, por kanë preferuar t’i bëjnë shoqëri shoferit të furgonit, ndërsa Ndoci, është larguar me vrap në krahun e kundërt.  

Por njollat e errëta që mbulojnë këtë ngjarje, shtrihen përtej këtij episodi. Për cilat arsye, mund të lihej në një burg si ai i Durrësit, botërisht i njohur, si një mjedis konvaleshence për të dënuarit një person me rrezikshmëri të lartë, i arrestuar me urdhër të SPAK, si pjesë e grupeve kriminale? 

Pakujdesi apo komplicitet, këtë mbetet ta vërtetojnë hetimet. Por një gjë është e qartë, arratisja e Ndocit është një dështim spektakolar!/ Shqiptarja.com