CineStar Megaplex në Prishtina Mall sjell një ngjarje të veçantë kinematografike që shënon një moment unik për fansat e muzikës, dokumentarëve dhe historive frymëzuese: “Paris Hilton: InfiniteIcon - A Visual Memoir” që shfaqet vetëm me 30 Janar, ekskluzivisht në CineStar Megaplex, në formatet premium 4DX dhe ScreenX .

Pas dokumentarit të shumëpërfolur This Is Paris dhe librit autobiografik bestseller Paris: The Memoir, Paris Hilton rikthehet me projektin e saj më të thellë dhe më personal deri më sot. Infinite Icon është një rrëfim personal, emocional dhe artistik, ku ajo jo vetëm që tregon historinë e saj, por e zotëron plotësisht atë. Përmes muzikës dhe imazhit, Hilton çliron të vërtetën e saj dhe prezanton njëportret autentik, larg stereotipeve dhe titujve mediatikë që e kanë ndjekur për vite me radhë.

Filmi ndjek jetën e saj me ritëm të pandalur si sipërmarrëse globale, artiste, DJ, modele dhe aktiviste,duke u ndalur në momente kyçe të së kaluarës dhe të tashmes. Një pikë kthese emocionale vjen kur Paris flet hapur për traumat e fëmijërisë dhe përvojat e dhimbshme në shkolla internati, rrëfime që e shndërruan atë në një zë të fuqishëm për mbrojtjen e fëmijëve dhe mbylljen e institucioneve abuzive. Ky dimension e bën Infinite Icon jo vetëm një dokumentar muzikor, por edhe një akt shërimidhe ndërgjegjësimi.

Në qendër të filmit qëndron muzika – elementi që ka shoqëruar çdo fazë të jetës së saj. Infinite Icon vazhdon aty ku This Is Paris u ndal, duke ndjekur rikthimin e Paris Hilton në muzikë në vitin 2024, publikimin e albumit të saj të dytë dhe koncertin e parë madhështor në Hollywood Palladium. Historia rrëfehet përmes këngëve, pamjeve arkivore ekskluzive, intervistave personale dhenarracionit të vetë Hilton-it, duke krijuar një përvojë të fuqishme emocionale dhe vizuale.

Përjetimi në CineStar Megaplex bëhet edhe më spektakolar falë formateve 4DX, që shtojnë lëvizjedhe efekte speciale si ulëse që lëvizin, erë, ujë, e të tjera, për një zhytje totale në emocionet e filmit,dhe ScreenX, që zgjeron ekranin në 270 shkallë, me pamje nga 3 ekrane, duke e bërë publikun pjesëtë koncertit dhe rrëfimit vizual. Këto formate e shndërrojnë Infinite Icon në më shumë sesa njëshfaqje – në një eksperiencë të paharrueshme.

Vetëm me 30 Janar, ekskluzivisht në CineStar Megaplex. Një datë, një shfaqje speciale, një histori e vërtetë që nuk duhet humbur.

Më shumë informacione dhe biletat mund ti gjeni në cinestarcinemas-ks.eu në aplikacionin CineStarKosova ose në arkat e kinemasë!

Uganda përdori të tre portierët e saj kundër Nigerisë në një ndeshje kaotike të Kupës së Kombeve të Afrikës.

Uganda kishte nevojë patjetër për fitore ndaj Nigerisë për të kaluar në raundin tjetër. Shpresat e saj për kualifikim u goditën që në pjesën e parë, kur Nigeria kaloi në epërsi me golin e Paul Onuachu. Ata shënuan edhe dy gola të tjerë në pjesën e dytë, me Raphael Onyedik që realizoi dopietë.

Sulmuesi i Ugandës, Rogers Mato, ngushtoi diferencën 15 minuta para fundit të ndeshjes.

Sfida u bë e vështirë për “The Cranes” që në fillim, pasi situata u përkeqësua kur portieri titullar Denis Onyango pësoi një përdredhje të kyçit të këmbës në rezultatin 0-0, teksa përpiqej të shmangte një goditje nga këndi.

Onyango, 40 vjeç, vazhdoi lojën pavarësisht dhimbjeve dhe madje bëri edhe një pritje vendimtare për të ndalur ish-sulmuesin e Southamptonit, Paul Onuachu. Megjithatë, ai u mposht në minutën e 28-të, kur Onuachu hapi serinë e golave.

Para pushimit, Onyango kishte nevojë për trajtim shtesë dhe në pjesën e dytë u zëvendësua nga Salim Jamal Magoola.

Por paraqitja e Magoolës zgjati vetëm 11 minuta. Ai u ndëshkua me karton të kuq direkt pasi preku topin me dorë jashtë zonës, duke dalë për të ndalur sulmuesin yll Victor Osimhen.

Si pasojë, portieri i tretë, Nafian Alionzi, u aktivizua në mënyrë të papritur.

Ai u mposht vetëm tre minuta pas hyrjes në lojë. Raphael Onyedik, i Club Brugge, shënoi duke ia kaluar topin mes këmbëve në minutën e 62-të dhe realizoi golin e dytë personal vetëm pesë minuta më vonë.

Uganda u eliminua kështu nga AFCON pasi përdori të tre portierët në ndeshjen e fundit të fazës së grupeve./Telegrafi/

Organizatorët e Kupës së Kombeve të Afrikës, në marrëveshje me Konfederatën e Futbollit Afrikan kanë marrë një vendim të përbashkët sa i përket tifozëve në ndeshjet që do të zhvillohen gjatë turneut.

Sipas mediumit RFI, organizatorët e Kupës së Kombeve të Afrikës, në marrëveshje me Konfederatën e Futbollit Afrikan po lejojnë tifozët të hyjnë në stadium falas afërsisht 20 minuta pas fillimit të ndeshjeve nëse tribunat nuk janë plot deri në atë kohë.

Ndeshja midis Kamerunit dhe Gabonit (1-0) filloi me tribuna pothuajse të zbrazëta, por gjatë pjesës së parë, stadiumi u mbush ndjeshëm, pavarësisht shiut.

Më vonë, pjesëmarrja zyrtare u njoftua si ishin 35,200 spektatorë në një arenë me një kapacitet prej më shumë se 45,000 vendesh. Skena të ngjashme u vunë re në shumë ndeshje në ditët e para të turneut.

Ndeshja midis Republikës Demokratike të Kongos dhe Beninit në Rabat fillimisht u njoftua se do të kishte një pjesëmarrje prej 6,703 shikuesish, por kjo shifër u ndryshua më vonë në 13,073.

Të vetmet ndeshje që u shitën plotësisht ishin ndeshjet e vendit pritës, Marokut, kundër Malit dhe Zambias, si dhe ndeshjet e Algjerisë kundër Burkina Fasos dhe Guinesë Ekuatoriale. /Telegrafi/

Prokuroria pranë Gjykatës së Shkallës së Parë të Juridiksionit të Përgjithshëm Fier, ka përfunduar hetimet dhe ka dërguar në gjyq dy drejtoreshat e Bashkisë Fier dhe drejtorin e DVKT-së Rajoni Jugor, të cilët akuzohen për shpërdorim detyre dhe ushtrim të ndikimit të paligjshëm.

Bëhet fjalë për: Adela Hysenaj, Drejtoreshë e Përgjithshme e Taksave dhe Urbanistikës; Anisa Cjapi, Drejtoreshë e Taksave dhe Tarifave Vendore; si dhe Vasil Çeku, Drejtor i DVKT-së Rajoni Jugor.

Sipas organit të akuzës, hetimet kanë zbuluar se drejtoresha e Përgjithshme e Taksave dhe Urbanistikës me inicialet A.H, nuk ka marrë masat për vendosjen e kasës fiskale në sistemin e parkimit të Bashkisë, duke lejuar shmangien e detyrimeve tatimore në vlera të konsiderueshme.

Gjithashtu, ajo akuzohet se ka ushtruar ndikim të paligjshëm për të realizuar faturime fiktive dhe për të ulur vlerat e taksave për disa subjekte, përfshirë edhe manipulimin e përllogaritjes së taksave të një subjekti privat.

Ndërsa, Anisa Cjapi, ka lëshuar fatura mbi vlerën reale për disa subjekte dhe, pas ankesave të këtyre të fundit, ka ulur vlerat e taksave edhe më shumë se parashikimet e vendosura nga Këshilli Bashkiak. Ajo gjithashtu nuk ka marrë masat për fiskalizimin e pikave të parkimit të mjeteve në administrimin e Bashkisë.

Ndërkohë, Vasil Çeku, ka detyruar inspektorët të kryejnë kontroll në një subjekt tregtar pa urdhër pune nga DPT, nuk ka kërkuar rikontroll në Drejtorinë e Përgjithshme të Tatimeve dhe nuk ka mbikëqyrur fushatën sensibilizuese për subjektet e tjera.

Në përfundim, Prokuroria pranë Gjykatës së Shkallës së Parë Juridiksionit të Përgjithshëm Fier dërgoi çështjen në gjyq në ngarkim të të pandehurve:

-Adela Hysenaj, e akuzuar për kryerjen e veprave penale “Shpërdorimi i detyrës” dhe “Ushtrimi i ndikimit të paligjshëm ndaj personave që ushtrojnë funksione publike”, parashikuar nga nenet 248 dhe 245/1 prg.3 të Kodit Penal;

-Anisa Cjapi, i akuzuar për kryerjen e veprës penale “Shpërdorimi i detyrës”, e parashikuar nga neni 248 i Kodit Penal;

-Vasil Çeku, i akuzuar për veprën kryerjen e veprës penale “Shpërdorimi i detyrës”, e parashikuar nga neni 248 i Kodit Penal.

The post Fatura fiktive dhe fshirje detyrimesh të bizneseve/ Prokuroria e Fierit çon në gjyq tre zyrtarët e Bashkisë (EMRAT) appeared first on Albeu.com.

Pas prezantimit të Jeep Avenger, shumë u pyesin nëse ai është vërtet një Jeep i vërtetë, sidomos sepse modeli më i vogël ende ofrohet me motorë hibrid dhe benzinë.

Por së shpejti vjen një model i ri që do të jetë ekskluzivisht elektrik dhe që që në shikim të parë nuk lë dyshime për trashëgiminë në terren. Bëhet fjalë për modelin Recon, të njohur mirë mes adhuruesve të markës.

Nuk ka ende informacione zyrtare për çmimet. Prodhimi pritet të fillojë në sektorin e parë të vitit 2026 dhe dorëzimet e para në SHBA dhe Kanada planifikohen për atë periudhë. Blerësit evropianë do të kenë për të pritur më gjatë – deri në fund të vitit 2026 për të parë Recon në kontinentin e vjetër. Sipas vlerësimeve, ai mund të kushtojë dukshëm më shumë se Wrangler‑i bazë (i cili fillon nga rreth 70900 euro), dhe mund të shkojë rreth 80mijë euro ose edhe më shumë.

Megjithëse shpesh krahasohet me Wranglerin, pjesa e përparme e Reconit duket më shumë e lidhur me modelet Avenger dhe Compass për shkak të vijës karakteristike të dritave. Lidhja me Wranglerin bëhet e dukshme kur i shikon derrat që mund të hiqen, po ashtu edhe xhamat e pasmë anësorë që hiqen pa mjete – një tipar klasik Jeep për aventurat në natyrë.

Jeep Recon është ndërtuar mbi një platformë të re me dy motorë elektrikë – një për secilën bosht, që siguron fuqi në të katër rrotat. Sipas prodhuesit, makina mund të nxjerrë deri në 650 kuaj/fuqi dhe 840 Nm moment rrotullimi, çka i mundëson 0–100 km/h në vetëm rreth 3.6 sekonda. Të dhënat zyrtare për autonominë nuk janë publikuar ende, por vlerësohet që të jetë afërsisht rreth 450 km, varësisht nga versioni. Recon vjen me diferencial elektronik të kyçur, që ndihmon në kapërcimin e pengesave më të rënda të terrenit, dhe sistemi i drejtimit ka edhe një modalitet të dedikuar për terrenet shumë të vështira

Brenda, Recon vjen me një ekran të madh 14,5 inç, dhe kabina përdor një kombinim modern të materialeve dhe një dizajn që synon funksionalitetin për aventurat. Gjithashtu, pragu i ngarkesës është i bollshëm – deri në 1866 l hapësirë me ulëset mbrapa të palosura, dhe një “frunk” (hapësirë nën kapakun e motorit) prej 84 l për ruajtje të vegjël. /Telegrafi/

- YouTube www.youtube.com

Ministrja e Shqipërisë për AI prezanton vizionin e qeverisjes dhe inteligjencës artificiale në #DISICON9

Në kuadër të DISICON9, ministrja e Shqipërisë për Inteligjencën Artificiale, Diella mbajti një fjalim kryesor mbi të ardhmen e qeverisjes dhe Inteligjencës Artificiale.

Ajo theksoi themelimin inovativ të një Ministrie të dedikuar për AI në Shqipëri dhe ndau perspektivat për integrimin e Inteligjencës Artificiale në administratën publike.

Diella u fokusua në mënyrën se si AI mund të forcojë reziliencën demokratike, të mbështesë politikëbërjen bazuar në të dhëna dhe të ndërtojë besimin e qytetarëve.

Ajo gjithashtu prezantoi planet e Shqipërisë për të harmonizuar kornizën e saj të AI me standardet evropiane dhe për të zhvilluar një vizion rajonal për qeverisje të përgjegjshme dhe të orientuar nga njeriu.

DISICON9 ofron një platformë të rëndësishme për diskutime mbi sfidat dhe mundësitë që teknologjia dixhitale sjell për demokracinë dhe qeverisjen në rajon. /Telegrafi/

Dita e dytë e DISICON9 filloi me një panel të pasur me përfaqësues ndërkombëtarë dhe ekspertë të njohur.

Fjalimet hapëse i mbajtën Nathalie Niedoba, Zëvendës Shefe e Misionit, Ambasada e Kanadasë në Kroaci dhe Kosovë, Mary Ann Hennessey, Shefe e Zyrës së Këshillit të Evropës në Prishtinë, Désirée Bonis, e ngarkuara me punë e Ambasadës së Holandës në Kosovë, Giovanni Tordini, Përfaqësues Resident i LuxDev në Kosovë dhe Nancy Soderberg, Drejtore e Lartë për Kosovën në NDI.

Ata shpalosën temat kryesore të diskutimeve që do të zhvillohen gjatë ditës, duke u fokusuar në rolin e inteligjencës artificiale në proceset demokratike dhe mënyrat se si media, politika publike dhe shoqëria civile mund të forcojnë reziliencën demokratike, të mbrojnë integritetin e zgjedhjeve dhe të adresojnë rreziqet digjitale.

DISICON synon të krijojë një platformë për dialog mbi sfidat dhe mundësitë që teknologjia digjitale sjell për demokracinë në rajon. /Telegrafi/

Zëvendësshefja e Bashkimit Evropian në Kosovë, Eva Palotova, iu bashkua sot përfaqësuesve të NDI Kosova, partnerëve ndërkombëtarë, shoqërisë civile dhe mediave në hapjen e edicionit të nëntë të DISICON — platformës kryesore rajonale që trajton integritetin e informacionit në epokën dixhitale.

Në fjalën e saj hapëse, Palotova theksoi angazhimin e BE-së për të luftuar përpjekjet që synojnë heshtjen e grave në politikë përmes ngacmimeve online, deepfake-ve dhe trolling-ut. Ajo theksoi se përdorimi i inteligjencës artificiale në proceset zgjedhore dhe politike duhet të udhëhiqet nga parimet etike.

Tema qendrore e këtij viti — Zgjedhjet, IA dhe Etika — u vlerësua si tejet aktuale, duke pasur parasysh sfidat në rritje të dezinformimit gjinor në Ballkanin Perëndimor. Ky fenomen, sipas saj, vazhdon të shtrembërojë debatin publik dhe të pengojë përfshirjen e plotë të grave në jetën politike.

BE-ja në Kosovë ka rikonfirmuar përkushtimin për të punuar me NDI Kosova dhe organizatat e tjera ndërkombëtare e lokale për të ndërtuar një ekosistem dixhital që mbron të drejtat, forcon demokracinë dhe garanton që teknologjia të shërbejë si mjet fuqizimi — e jo si instrument për të heshtur zërin e grave.

Ka nisur edicioni i 9-të i konferencës DISICON, me fjalime hapëse nga përfaqësues të rëndësishëm ndërkombëtarë dhe organizatave lokale.

Në pjesën e parë morën pjesë Christoph Fuchs, i ngarkuari me punë i Ambasadës së Zvicrës në Kosovë, Eva Palatova, Zëvendës Shefe e Bashkimit Evropian në Kosovë, Ambasadori i Gjermanisë në Kosovë, Rainer Rudolph, Ambasadori Gerard McGurk, Shef i Misionit të OSBE-së në Kosovë dhe Nancy Soderberg, Drejtoreshë e Lartë e NDI-së për Kosovën.

Konferenca fokuson diskutime mbi ruajtjen e demokracisë, nxitjen e bashkëpunimit dhe adresimin e kërcënimeve digjitale.

Ky edicion përkon me 16 Ditët e Aktivizimit Kundër Dhunës me Bazë Gjinore, duke theksuar rëndësinë e mbrojtjes së pjesëmarrjes së grave në politikë dhe luftimin e ngacmimeve online. /Telegrafi/

Sot në Prishtinë nis edicioni i nëntë i konferencës për integritetin e informacionit, DISICON 9, e organizuar nga NDI - Instituti Kombëtar Demokratik në Kosovë.

Konferenca do të zgjasë gjatë dy ditëve, më 8 dhe 9 dhjetor 2025, dhe organizohet në ambientet e Klan Arena.

Në qendër të debatit këtë vit është tema: “Zgjedhjet, Inteligjenca Artificiale dhe Etika”.

Pjesë e programit janë prezantimi i hulumtimit të ri “UnSocial Media 2”, sesione me ekspertë vendorë dhe ndërkombëtarë, si dhe diskutime rreth sfidave të dezinformatave, ndikimit të tyre gjinor dhe dhunës online ndaj grave në politikë.

Po ashtu, DISICON 9 synon të ofrojë udhëzues praktike për përfaqësuese gra në politikë, për gazetarë që mbulojnë jetën publike, si dhe trajnime për luftimin e çrregullimeve të informacionit në epokën digjitale.

Ngjarja do të eksplorojë rolin e inteligjencës artificiale në demokraci, duke analizuar si mund të fuqizojë pjesëmarrjen e grave në jetën publike, por edhe të rrezikojë të drejtat e tyre përmes dezinformimit dhe dhunës online.

Me pjesëmarrjen e ekspertëve vendor dhe ndërkombëtarë, si dhe përfaqësuesve të Big Tech, DISICON 9 synon të nxjerrë rezultate të zbatueshme dhe praktike, që do të shërbejnë si pikë referimi rajonale për integritetin e informacionit dhe qëndrueshmërinë demokratike në epokën digjitale. /Telegrafi/

Berdeneshi pa ujë prej përmbytjeve: tubacioni kryesor i dëmtuar nga punimet në argjinaturë. 400 familje në alarm, kërkojnë ndërhyrje urgjente nga bashkia Sarandë.    Banorët e fshatit Berdenesh raportojnë se prej ditës së përmbytjeve, furnizimi me ujë të pijshëm është ndërprerë pothuajse plotësisht. Sipas tyre, që prej asaj dite uji ka ardhur vetëm dy herë nga […]

The post Berdeneshi pa ujë prej përmbytjeve: tubacioni kryesor i dëmtuar nga punimet në argjinaturë appeared first on Saranda Web.

Pas dhjetë vitesh, po rikthejmë hulumtimin referent për matjen e fuqisë së brendeve, VALICONTOP BRENDET, për të shpallur brendet më të forta të FMCG-së në rajon.

Me metodologji të përmirësuar dhe plotësisht transparente, ky hulumtim mbetet standardi kryesor i suksesit në industri, këtë herë në bashkëpunim me ekspertët më të njohur të rajonit.

Tregu ka ndryshuar, dhe edhe ne me të. Metodologjia jonë e përditësuar është krijuar për realitetin e ri të tregut, duke ofruar matjen më gjithëpërfshirëse dhe më të besueshme tëfuqisë së brendeve në të gjitha shtatë tregjet e rajonit Adriatik

.Çfarë sjell TOP BRENDET 2025?

Kemi krijuar renditjen e vetme rajonale të bazuar në të dhënat më të avancuara:

● Matje gjithëpërfshirëse: E vlerësojmë brendin tuaj si një tërësi bashkë me të gjithazgjerimet (extensions) për të pasqyruar fuqinë e tij të plotë në treg.

● Shtrirje më e gjerë: Për herë të parë, hulumtimi përfshin të gjitha shtatë tregjet: Slloveninë, Kroacinë, Serbinë, Bosnje dhe Hercegovinën, Maqedoninë e Veriut, Malin e Zi dhe Kosovën.

● Metrika inovativë: Kemi shtuar treguesin “pazëvendësueshmëri”, që ndihmon të dallohen brendet e shkëlqyeshme nga ato vërtet të domosdoshme për konsumatorët.

A është brendi juaj në listë?

Bazuar në rezultatet e deritanishme dhe të dhënat më të fundit të tregut, në hulumtimin VALICON - TOP BRENDET janë përfshirë më shumë se 500 brende kryesore nga i gjithë rajoni.

Përfshirja në listën e hulumtimit rrit dukshmërinë publike të brendit, forcon pozicionin e tij ndaj zinxhirëve tregtarë dhe i mundëson kompanisë qasje në të dhëna ekskluzive dhe strategjike.

Kontrolloni statusin e brendit tuaj

Afati për përfshirjen e brendeve në hulumtim është 04.12.2025.

Nëse brendi juaj nuk gjendet në listë, ju mund ta nominoni për t’u përfshirë në hulumtim.

Ekipi ynë do ta shqyrtojë aplikimin dhe do t’ju kontaktojë për hapat e radhës.

Mos e humbisni mundësinë për ta krahasuar brendin tuaj me brendet më të mirat në rajon.

Jeep Recon 2026 më në fund është këtu. Prodhuesi i makinave njoftoi për herë të parë SUV-in elektrik jashtë rrugës në vitin 2022, por me prodhimin që fillon diku në fillim të vitit të ardhshëm, Jeep është gati të publikojë detajet mbi Recon-in e ri, i cili do të lançohet fillimisht në versionin Moab.

Recon ka dy motorë elektrikë që prodhojnë një total prej 650 kuajsh, duke e çuar SUV-in në 100 kilometra në orë në 3.6 sekonda. Ka tërheqje në të gjitha rrotat dhe vjen me logon e lakmuar Trail Rated.

Motori elektrik i pasmë ka një raport përfundimtar transmisioni 15:1 për shpërndarje të përmirësuar të fuqisë dhe një diferencial elektrik me bllokim, ndërsa motori i përparmë ka një raport përfundimtar transmisioni 11:1 dhe një diferencial të hapur.

Sistemi i menaxhimit Selec-Terrain në versionin Moab ofron pesë mënyra transmisioni, duke përfshirë një modalitet të dedikuar Rock, transmeton Telegrafi.

Recon është rreth pesë inç më i gjatë se Wrangler me katër dyer, por ka një bazë rrotash gjashtë inç më të shkurtër. Vetura elektrike që peshon 2772 kilogramë, është gjithashtu më i gjerë, por të dy janë pothuajse identikë në lartësi. Wrangler gjithashtu ofron pak më shumë hapësirë për bagazhin.

Fellnet 33 inç të Moab ndihmojnë në sigurimin e 9.1 inç lartësi nga toka me një afrim prej 33.8 gradësh, një largim prej 33.1 gradësh dhe një kënd kapërcimi prej 23.3 gradësh.

Jeep thotë se e kalibroi gazin për të "ofruar çift rrotullues në një mënyrë të kontrolluar dhe të saktë, për një përvojë të kënaqshme drejtimi jashtë rrugës".

Recon nget platformën STLA Large që mbështet Dodge Charger Daytona EV dhe Jeep Wagoneer S. Paketa e baterisë 100.5 kilovat-orë ofron deri në 250 milje autonomi. Shpejtësia maksimale është 180 km/orë.

Ndërsa mund të mos ketë një motor me djegie nën kapakun e motorit, grila me shtatë vrima e Jeep mbetet, me secilën prej tyre të ndriçuar. Dritat LED të ditës në formë U-je kornizojnë dritat LED.

Parakolpi i përparmë, i cili ka dy grepa të kuqe për rikuperim, del nga jashtë për të mbrojtur sipërfaqen e mbushur me LED dhe pjesët pas fashës së përparme.

Pjesa e pasme ka drita të pasme LED të frymëzuara nga Wrangler, një portë rrotulluese dhe një mbajtëse gome rezervë me madhësi të plotë.

Ashtu si Wrangler, mund të hiqni dyert, të cilat kanë panele modulare të ngarkesës që mund t'i ndërroni. Gjithashtu do të jeni në gjendje të hiqni xhamin e portës rrotulluese dhe dritaret e pasme. Një çati me dy xhama është standarde, por Jeep ofron Sky One-Touch Power Top opsional për drejtim me çati të hapur.

Brenda, Recon ka një palë ekranesh të orientuara vertikalisht - një ekran shoferi 12.3 inç dhe një ekran qendror infotainment 14.5 inç që përdor Uconnect 5.

Recon nuk ka butona, duke zgjedhur kontrolle dixhitale HVAC. Recon vjen me një sistem zëri premium Alpine me altoparlantë nën ulëse.

Me ulëset e rreshtit të dytë të palosura, Recon ofron deri në 65.9 metra kub hapësirë ngarkese. Jeep e projektoi bagazhin e përparmë, me 3.0 metra kub hapësirë ngarkese, për të vendosur një valixhe dore.

Jeep do të fillojë ndërtimin e Recon në fabrikën e saj të montimit në Toluca në Meksikë në fillim të vitit të ardhshëm, me SUV-in që do të dalë në shitje fillimisht në Shtetet e Bashkuara dhe Kanada, e më pas do të lansohet globalisht. Jeep do të njoftojë çmimet më afër datës së fillimit të shitjes. /Telegrafi/

- YouTube www.youtube.com

Një ngjarje e pazakontë ka ndodhur në javën e 11-të të Superligës së Kosovës, ku në stadiumin “Bajram Aliu” të Skenderajt, Drenica u përball me Dritën – në një ndeshje që solli jo vetëm gola dhe emocione, por edhe dy emra të mëdhenj… në versionin kosovar: Ronaldo dhe Zidane, shkruan Telegrafi.

Kuqezinjtë e Drenicës arritën një fitore mbresëlënëse me rikthim rezultati 3-1, pasi ishin në disavantazh 0-1 në pjesën e parë. Sulmuesi Ronaldo Chacón, 27-vjeçari nga Venezuela, ishte protagonisti kryesor i takimit, duke realizuar dy gola vendimtarë për fitoren e skuadrës së tij.

Ai ka shënuar tashmë tre gola në kampionat, duke u bërë një nga prurjet më të suksesshme të afatit kalimtar të verës për Drenicën.

Ronaldo Chacón, sulmues i Drenicës

Në anën tjetër, për Dritën startoi Ben Zidane, një 20-vjeçar nga Bregu i Fildishtë, që javën e kaluar kishte gjetur golin e tij të parë në Superligë ndaj Ferizajt.

Zidane është cilësuar si një talent premtues dhe një nga lojtarët që mund të shfaqet si surprizë në vazhdimin e sezonit.

Ben Zidane, në aksion

Në këtë ndeshje, përveç dopietës së Ronaldos, Kreshnik Uka shënoi golin tjetër për Drenicën, ndërsa për Dritën realizoi Albert Dabiqaj.

Ky duel midis “Ronaldos” dhe “Zidanes” ka zgjuar interesin e tifozëve, duke sjellë një ngjyrim të veçantë në futbollin kosovar.

Drenica e ka mposhtur Dritën kampione dy herë brenda këtij sezon, pasi edhe në ndeshjen e parë në Gjilan, triumfoi me rezultat 1-0. /Telegrafi/

Qytetari denoncon: OSHEE më kërkon 287 mijë lekë për një faturë të paguar në vitin 2009   Rrapo Gaci, një qytetar nga Delvina me aftësi të kufizuara, prej disa muajsh po endet nëpër zyrat e OSHEE-së për një faturë energjie elektrike të muajit mars 2009, e cila sipas dokumenteve që ai vetë disponon, është paguar […]

The post Qytetari denoncon: OSHEE më kërkon 287 mijë lekë për një faturë të paguar në vitin 2009 – VIDEO appeared first on Saranda Web.

Hulumtimi i Valicon “New Normal Study”, i kryer nga data 18 deri më 21 gusht 2025 në Kosovë, Slloveni, Kroaci, Bosnje, Serbi, Mal të Zi, dhe Maqedoni të Veriut, ka ofruar një pasqyrë mbi perceptimin e konsumatorëve në rajon, gjersa inflacioni dhe pasiguria politike janë paraqitur si shqetësimet kryesore.

Raporti i Valicon mbi sjelljen e konsumatorit (tremujori i tretë, 2025) zbulon gjendjen e tregjeve dhe të konsumatorëve në të gjithë rajonin e Adriatikut.

Për herë të parë, analiza përfshin të gjithë rajonin — me përfshirjen e Malit të Zi, Kosovës dhe Maqedonisë së Veriut — duke treguar se si presioni financiar po formëson sjelljen dhe perceptimin e përgjithshëm të konsumatorëve.

Pikat kryesore që duhen marrë parasysh kur merrni vendime biznesi në rajon:

Inflacioni dhe pasiguria politike janë shqetësimet kryesore

Kur bëhet fjalë për shqetësimet e konsumatorëve, inflacioni mbetet shqetësimi kryesor në të gjithë rajonin.

Nivelet më të larta të shqetësimit janë regjistruar në Kosovë (70%), Maqedoni të Veriut (70%), Bosnje dhe Hercegovinë (69%) dhe Kroaci (68%), ku shqetësimi për rritjen e kostos së jetesës është rritur me 8% që nga tremujori i dytë i vitit 2025.

Përveç inflacionit, stabiliteti politik përbën një tjetër shqetësim madhor. Në Serbi, shqetësimi për zhvillimet politike (58%) është pothuajse i barabartë me atë për inflacionin (60%), me një rritje të theksuar prej 9% krahasuar me tremujorin e dytë të vitit 2025. Edhe në Kosovë (54%) dhe Bosnje dhe Hercegovinë (40%), shqetësimet politike janë të larta.

Në ndërkohë, shqetësimi për vlerën e pronës është përgjithësisht më i ulët, duke u luhatur nga 20% në Serbi deri në 34% në Maqedoninë e Veriut dhe 26% në Kosovë.

Sjellje e kujdesshme e konsumatorëve: mbizotërimi i promocioneve dhe dyqaneve më të lira

Shqetësimet e vazhdueshme financiare bërë që konsumatorët të kenë një mentalitet më të kujdesshëm, duke çuar në zakone të qëndrueshme për kursimin e shpenzimeve në të gjithë rajonin e Adriatikut.

Blerje me Vlerë: Blerjet gjatë promocioneve dhe në dyqane më të lira janë strategjitë më të zakonshme në rajon. Në Kroaci, 70% e konsumatorëve blejnë më shpesh gjatë promocioneve, ndërsa 65% preferojnë të blejnë në dyqane më të lira. Sllovenia është afër me këtë përqindje, me 65% që blejnë gjatë ofertave dhe 62% në dyqane më të lira. Edhe në Kosovë, 68% e konsumatorëve bëjnë blerje në dyqane më të lira.

Reduktimi në Shpenzime: Një përqindje e lartë e konsumatorëve po heqin dorë nga shpenzimet e panevojshme. Në Slloveni, 57% e qytetarëve po anulojnë abonimet, ndërsa gjysma po heqin dorë nga produkte apo shërbime të panevojshme. Abonimet po anulohen gjithashtu nga 56% e konsumatorëve në Kroaci dhe 58% në Bosnje dhe Hercegovinë. Kërkimi për çmime më të mira për shërbime është gjithashtu i shprehur, veçanërisht në Kosovë (56%) dhe Slloveni (47%).

Blerjet me Shumicë: Blerja e sasisë së madhe të produkteve për përdorim të përditshëm, si mënyrë për të kursyer para, është ndër strategjitë më pak të përdorura, përqindjet variojnë nga vetëm 19% në Serbi deri në 32% në Slloveni dhe Kosovë.

Rënia e nivelit të kursimeve

Aftësia për të kursyer para është ndikuar rëndë. Përqindja e atyre që arritën të kursejnë të njëjtën shumë si më parë është relativisht e ulët në të gjithë rajonin, duke arritur kulmin në 40% në Slloveni dhe duke rënë në vetëm 15% në Maqedoninë e Veriut. Vendet e tjera tregojnë këto përqindje: Kroaci (26%), Serbi (26%), Bosnje dhe Hercegovinë (23%), Kosovë (20%) dhe Mal të Zi (18%).

Cilësia e jetës ka rënë që nga viti 2020

Kur konsumatorët krahasojnë cilësinë e jetës së tyre të përditshme sot me atë para vitit 2020, shumica besojnë se jeta është përkeqësuar. Në pothuajse të gjitha tregjet, më shumë konsumatorë ndjejnë se cilësia e jetës së tyre është “më e keqe” sesa “më e mirë,” një reflektim i sfidave ekonomike dhe politike të grumbulluara që nga viti 2020. Ndjenja që jeta është “më e keqe” është më e fortë në Serbi (53%), Maqedoni të Veriut (52%) dhe Kroaci (51%).

Konsumatorët në Kosovë dhe Mal të Zi janë më optimistë, me 34% në të dyja vendet që raportojnë se jeta e tyre është “më e mirë” sot krahasuar me periudhën para vitit 2020, edhe pse një pjesë e konsiderueshme ende raportojnë një cilësi jete “më të keqe” (40% në Kosovë dhe 37% në Mal të Zi).

Ndryshe, studimi u realizua përmes një anketimi online duke përdorur panelin Opinia.Club, duke siguruar një përfaqësim të gjerë dhe të besueshëm të popullsisë.

Periudha e Anketimit: 18 deri më 21 gusht 2025.

Shtetet në të cilat është realizuar hulumtimi: Slloveni (n=512), Kroaci (n=511), Bosnje dhe Hercegovinë (n=516), Serbi (n=511), Maqedoni të Veriut (n=509), Kosovë (n=425) dhe Mal të Zi (n=317).

Popullsia e Targetuar: Grupmosha 18 deri në 75 vjeç.

Metoda e Mostrimit: Mostër përfaqësuese e popullsisë së përgjithshme në secilin vend. /Telegrafi/

Prokuroria e Tiranës ka përfunduar hetimet dhe ka dërguar për gjykim 20 nëpunës publikë, të akuzuar për kryerjen e veprës penale “Shpërdorimi i detyrës”, kryer në bashkëpunim, për tenderat ne Ministrine e Bujqesise.

Hetimet janë zhvilluar në kuadër të procedimit penal nr. 2069, i vitit 2025, dhe kanë në fokus shtetasit: M.K., E.H., G.Xh., I.A., A.Gj., L.K., E.P., L.H., M.P., E.F., A.L., E.R., I.B., A.Z., A.Gj., S.P., A.I., A.Dh., K.N., dhe A.A.

Sipas Prokurorisë, të pandehurit, në cilësinë e personave me funksione publike, kanë bashkëpunuar për të kryer shkelje të rënda në shtatë procedura prokurimi të zhvilluara nga Ministria e Bujqësisë dhe Zhvillimit Rural, me një fond limit prej 525 milionë lekësh pa TVSH.

Prokuroria thote se procedurat janë zhvilluar kryesisht me negociim pa shpallje paraprake, në kundërshtim me ligjin për prokurimet publike.

Sipas hetimeve të nisura pas kallëzimit nga Kontrolli i Lartë i Shtetit, janë konstatuar mospërmbushje të rregullta të detyrës, mangësi në përcaktimin e kritereve të mallrave dhe testime fiktive të tregut.

Prokuroria thekson se veprimet e kryera nuk justifikohen me mungesë burimesh apo kapacitetesh, por përbëjnë cenim të interesave të shtetit dhe shkelje të rëndë të ligjit.

Njoftimi i Prokurorisë:

Shpërdoruan detyrën në të paktën shtatë prokurime në Ministrinë e Bujqësisë, Prokuroria Tiranës përfundon hetimet dhe dërgon në gjyq 20 nëpunës publikë

Prokuroria pranë Gjykatës së Shkallës së Parë të Juridiksionit të Përgjithshëm, Tiranë përfundoi hetimet dhe dërgon në gjyq 20 persona, nëpunës publikë, të gjithë të akuzuar për kryerjen e veprës penale ‘Shpërdorimi i detyrës’ e kryer në bashkëpunim parashikuar nga neni 248-25 i Kodit Penal.

Nga hetimet e kryera mbi procedimin penal nr.2069, të vitit 2025, rezultoi se shtetasit M.K., E.H., G.Xh., I.A. A.Gj., L.K. E.P., L.H., M.P., E.F., A.L., E.R., I.B., A.Z., A.Gj., S.P., A.I., A.Dh., K.N., A.A. kanë kryer veprëm e mësipërme në dëm të Ministrisë së Bujqësisë dhe Zhvillimit Rural.

Hetimet nisën pas kallëzimit të bërë nga Kontrolli i Lartë i Shtetit (KLSH) për shtatë procedura prokurimi, të zhvilluara kryesisht me negociim pa shpallje paraprake dhe fond limit 525,000,000 lekë pa TVSH.

Procedurat për të cilat u konstatuan shkelje kishin të bënin me prokurimet për “Shpenzime mbrojtje bimësh dhe luftimi i parazitëve në bujqësi”, për ‘Blerje pajisje për shërbimin veterinar (motoçikleta, kaska, veshje, doreza, çanta), “Blerje kafshë të llojit gjedh për dëmshpërblimin e fermerëve të dëmtuar nga dermatoza nodulare e gjedhit” si dhe për ‘Sistem i monitorimit me kamera për hidrovoret’.

Të pandehurit e mësipërm, në cilësinë e personave të ngarkuar me funksion publik, në bashkëpunim me njëri-tjetrin, për secilën procedurë tenderimi kanë vepruar në kundërshtim me ligjin ose ligjet që normojnë veprimtarinë përkatëse të personit që ushtron funksion publik konkret. Duke përbërë në këtë mënyrë mospërmbushje të rregullt të detyrës, duke dëmtuar interesat e ligjshme të shtetit, të shtetasve dhe të personave të tjerë juridikë.

Hetimi i procedurave provoi se janë konsumuar elementet e veprës penale dhe se kanë kryer veprime që nuk janë të justifikuara në lidhje me mangësitë për përcaktimin e kritereve të mallrave që kërkohen, por mbi të gjitha krijohet bindja se testimi i tregut është kryer në mënyrë fiktive.

Pas njohjes me tërësinë e akteve të sipërcituara, vlerësohet se ekziston bindja e bazuar në prova, se nga ana e anëtarëve të njësisë së prokurimit, është konsumuar vepra penale e shpërdorimit të detyrës, referuar llojit të procedurës së zgjedhur për prokurimet, krim i parashikuar përkatësisht nga neni 248-25 i Kodit Penal.

The post Tenderat në Ministrinë e Bujqësisë, Prokuroria e Tiranës çon në gjyq 20 zyrtarë appeared first on Albeu.com.

Banorët denoncojnë në Saranda Web: “Na morën votat, por na lanë në mëshirë të fatit”   “Na morën votat, por na lanë në mëshirë të fatit” – Banorët e Vanës në Delvinë kërkojnë zgjidhje për rrugën e braktisur prej vitesh Banorët e fshatit Vanë në Delvinë nëpërmjet një ankese në Saranda Web, denoncojnë gjendjen skandaloze […]

The post Banorët denoncojnë në Saranda Web: “Na morën votat, por na lanë në mëshirë të fatit” – VIDEO appeared first on Saranda Web.

Kemi kënaqësinë të njoftojmë se në gjysmën e parë të vitit 2025 kemi përfunduar me sukses zgjerimin e panelit tonë online të Valicon, duke përfshirë edhe Malin e Zi dhe Maqedoninë e Veriut.

Me këtë, paneli ynë online Opinia.Club tani mbulon të gjitha vendet e rajonit Adriatik.

Çfarë do të thotë kjo për ju – klientët tanë?

- MBULIM RAJONAL DHE THJESHTËSI: Një zgjidhje e vetme për 7 shtete, 7 gjuhë dhe 2 alfabeteve. Qasje e shpejtë dhe e unifikuar në të gjitha tregjet e rajonit përmes një partneri të vetëm. Kjo siguron krahasueshmëri të plotë të të dhënave midis shteteve dhe e thjeshtondukshëm realizimin e hulumtimeve si rajonale ashtu edhe vendore.

- CILËSI E GARANTUAR E TË DHËNAVE: Meqë paneli është plotësisht në pronësinë dhemenaxhimin e Valicon, Valicon ka kontroll të plotë mbi çdo hap të procesit - nga rekrutimi i pjesëmarrësve dhe metodat e mbledhjes së të dhënave, deri te analiza përfundimtare. Kjo na mundëson të garantojmë nivelin më të lartë të cilësisë, besueshmërisë dhe kredibilitetit.

- SIGURI DHE BESUESHMËRI: Ne nuk mbështetemi te palë të treta. Të dhënat e hulumtimeve tuaja mbeten të sigurta brenda sistemit tonë, duke garantuar siguri maksimale, transparencë dhe besueshmëri gjatë gjithë procesit.

Në përkushtimin tonë për të ndërlidhur rajonin, përmbajtja jonë e ardhshme do të jetë shumëgjuhëshe. Do të ofrojmë analiza për të gjitha vendet e rajonit Adriatik në gjuhët e tyre vendore, gjithmonë të shoqëruara me përkthimin në anglisht, për të nxitur një dialog të përbashkët rajonal.

Faleminderit secilit prej klientëve tanë për besimin dhe bashkëpunimin. Me padurim presim projektet dhe sfidat e reja që na presin përpara.

Dëshironi të realizoni një hulumtim?

Na kontaktoni në info.ks@valicon.com ose 045 540 708 dhe ekipi ynë do t’ju përgjigjet me zgjidhjen më të përshtatshme për kërkesat tuaja hulumtuese.

Në vend të ndihmës, bashkia kërcënon: Mos u anko në media, do të marrim fëmijët – VIDEO Familja e Englantinës sërish nën qiell të hapur – Bashkia Sarandë kërcënon në vend që të ndihmojë       Dimri ka trokitur dhe temperaturat e para të ftohta kanë përfshirë edhe Sarandën. Por ndërsa qyteti përgatitet për […]

The post Në vend të ndihmës, bashkia kërcënon: Mos u anko në media, do të marrim fëmijët – VIDEO appeared first on Saranda Web.