Në Ditën Botërore të Kancerit, Ministria e Shëndetësisë dhe Mirëqenies Sociale shpërndau sot një mesazh ndërgjegjësimi për të gjithë gratë dhe vajzat.

MShMS nënvizon se ndërgjegjësimi dhe diagnostikimi i hershëm janë çelësi për një jetë më të shëndetshme.

“Çdo kontroll, çdo informacion i duhur dhe çdo hap drejt kujdesit të rregullt mund të bëjë ndryshimin. Parandalimi është forma më e mirë e trajtimit”, thuhet në mesazhin e MShMS.

Doktori i shkencave mjekësore, Euglent Hoxha, gjinekolog pranë Qendrës Spitalore Universitare “Nënë Tereza”, shprehet se kanceri i qafës së mitrës, është lloji më i shpeshtë, për sa i përket kancereve gjinekologjikë.

“Për një periudhë disa vjeçare, numri ka qenë 75-80 raste të reja në vit, dhe ky numër është pothuajse konstant gjatë këtyre viteve. Kanceri i qafës së mitrës ka një specifikë që sa më herët të zbulohet, aq më të mëdha janë mundësitë e kurimit dhe trajtimit”, tha Hoxha.

Sipas mjekut, ndër faktorët e riskut që favorizojnë këtë lloj kanceri është infeksioni HPV.

“Kanceri i qafës së mitrës është një lloj sëmundjeje që nëse bëhet vaksinimi dhe kontrolli i duhur mund të eliminohet 100%. Vaksinimi është një e mirë e domosdoshme dhe ja rekomandoj të gjithë prindërve që t’jua bëjnë vaksinën HPV si te vajzat dhe djemtë e moshës 13 vjeç”, vijoi ai.

Mjeku gjinekolog në QSUNT, u shpreh se kontrolli duhet të bëhet nga të gjithë gratë dhe vajzat që janë seksualisht aktive.

“Pas kontrollit, nëse rezultati i testit HPV del negativ, kontrolli bëhet njëherë në 3 apo 5 vjet dhe IShP ka një protokoll të caktuar për këtë”, përfundoi Hoxha.

The post SHIFRAT E FRIKSHME, Hoxha: 75-80 raste të reja në vit me kancer të qafës së mitrës, kontrolli i hershëm shpëton jetë appeared first on Albeu.com.

Gjykata Kushtetuese e Kosovës ka publikuar aktgjykimin e plotë lidhur me zgjedhjen e nënkryetarit të Kuvendit nga radhët e komunitetit serb, duke theksuar se nënkryetari propozohet nga shumica e deputetëve të këtij komuniteti.

Aktgjykimi i plotë publikohet disa ditë pasi Kushtetuesja publikoi një njoftim lidhur me këtë vendim sa i përket zgjedhjes së Nenad Rashiqit në postin e nënkryetarit gjatë legjislaturës së kaluar, duke gjetur se ai ishte zgjedhur në kundërshtim me Kushtetutën dhe Rregulloren e Punës së Kuvendit.

“Kandidati/ja për nënkryetar/e të Kuvendit nga radhët e deputetëve të komunitetit serb propozohet nga shumica e deputetëve të komunitetit serb; përderisa kandidati për nënkryetar të Kuvendit nga radhët e deputetëve të komuniteteve të tjera që nuk janë shumicë propozohet, nga shumica e deputetëve të komuniteteve të tjera që nuk janë shumicë, në përputhje me kërkesat formale dhe në mirëbesim”, thuhet në aktgjykim.

Rashiq, udhëheqës i partisë Për Liri, Drejtësi dhe Mbijetesë, u zgjodh nënkryetar nga radhët e komunitetit serb në tetor të vitit 2025, përmes shortit të iniciuar nga kryetari i Kuvendit, Dimal Basha.

Shorti u organizua pasi Lista Serbe – që kishte nëntë deputetë dhe po aq do të ketë edhe në legjislaturën e re – nuk morën votat e nevojshme, dhe u organizua shorti.

Zgjedhja e tij u kontestua nga Lista Serbe, partia kryesore e serbëve në Kosovë që ka mbështetjen e Beogradit.

Që atëherë, Kuvendi është shpërndarë dhe vendi ka mbajtur zgjedhje dhe Kushtetuesja ka thënë se aktgjykimi i saj nuk ka efekt prapaveprues”.

Pra, kjo do të thotë se ky vendim nuk vlen edhe për rastet para hyrjes në fuqi, por për ato që do të merren në të ardhmen.

Gjykata tha se e drejta për të propozuar nënkryetarin nga radhët e komunitetit serb i takon shumicës së deputetëve të këtij minoritet.

Në aktgjykim u tha se aktivizimi i mekanizmit zhbllokues të shortit, “duhet të vijnë në shprehje rrethana përjashtimore, me ç’rast shumica e deputetëve nga radhët e komuniteteve që nuk janë shumicë nuk do të propozonte kandidatët”.

Institucioni më i lartë juridik në shtet tha se në rastin konkret nëntë kandidatë nga komuniteti serb u votuan nga tri herë, pas propozimit nga ana e përfaqësuesit të tyre.

“Rrjedhimisht, Gjykata vlerëson se shumica e deputetëve nga radhët e komunitetit serb ka shfrytëzuar të drejtën e propozimit për nënkryetar të Kuvendit, respektivisht, anëtar të Kryesisë së Kuvendit, si dhe pas kërkesës nga kryetari i zgjedhur i Kuvendit që të propozohet deputeti i mbetur i pa votuar nga radhët e komunitetit serb, përfaqësuesi i shumicës së deputetëve në radhët e komunitetit Serb kërkoi ripropozimin e kandidatëve nga kjo shumicë bazuar në të drejtën e përcaktuar në paragrafin 4 të nenit 67 të Kushtetutës në lidhje me nënparagrafin 1 të paragrafit 6 të nenit 12 të Rregullores së Kuvendit”, u tha në aktgjykim.

Në vendim thuhet se përderisa i takon Kuvendit që të vlerësojë rrethanat që e bëjnë të domosdoshëm aktivizimin e mekanizmave debllokues, “Gjykata thekson fuqishëm që këto mekanizma nuk mund të përdoren si procedurë e rregullt e zgjedhjes së kryetarit/nënkryetarëve, por vetëm në rrethana të caktuara, kur një gjë e tillë është e domosdoshme për të debllokuar procesin e konstituimit të Kuvendit dhe vetëm në masën që një gjë e tillë i shërben qëllimit kushtetues për çka këto mekanizma janë përcaktuar”.

“Në parim, ashtu siç është theksuar më herët, propozimet nga grupet parlamentare apo deputetët që gëzojnë të drejtën e propozimit, në frymën e mirëbesimit dhe bashkëpunimit, duhet të synojnë arritjen e konsensusit, të sigurojnë votat e nevojshme dhe të rezultojnë në zgjedhjen e kandidatëve ashtu siç janë propozuar dhe siç parashihet me Kushtetutë. Për më tepër, duke u mbështetur në përcaktimet kushtetuese të lartcekura, ky parim ka rëndësi të veçantë për garantimin e së drejtës së përfaqësimit të komuniteteve që nuk janë shumicë, të cilat nuk disponojnë numrin e nevojshëm për të siguruar vetë zgjedhjen e përfaqësuesve të tyre në kryesinë e Kuvendi”, thuhet në aktgjykim.

Kushtetuesja thotë se shorti nuk mund të përdoret si mekanizëm në rrethanat kur shumica e deputetëve të Kuvendit do të përcaktonte përfaqësuesin e një komuniteti joshumicë, pa propozimin e këtij komuniteti, pasi argumenton se kjo, “në thelb, do të përbënte anashkalim të garancive kushtetuese dhe atyre të përcaktuara në Rregulloren e Kuvendit”.

Pas njoftimit për aktgjykimin, të publikuar nga Kushtetuesja më 28 dhjetor, kryetari i Kuvendit, Dimal Basha, e kishte kritikuar atë, duke vlerësuar se përmbante “gabime thelbësore në interpretim dhe zbatim të normave përkatëse”.

Ai vlerësoi se pretendimet e Gjykatës Kushtetuese “janë të pabaza” sa i përket zgjedhjes së nënkryetarit nga radhët e komunitetit serb.

Basha deklaroi se Rashiq nuk u propozua nga shumica e deputetëve serbë, pasi siç argumentoi ai, nga shumica e këtyre deputetëve nuk ka pasur propozim.

“Me fjalë të tjera, vetë Gjykata Kushtetuese po e pranon se shumica e deputetëve nga komuniteti serb nuk e kanë propozuar zotin Rashiq, pra kemi pasur të bëjmë me refuzim, apo ndryshe thënë mospropozim nga ana e tyre”, shkroi Basha në rrjetet sociale.

Më 16 tetor 2025, Lista Serbe iu drejtua Kushtetueses me ankesë lidhur me zgjedhjen e nënkryetarit të Kuvendit nga radhët e komunitetit serb, duke pretenduar se janë shkelur Kushtetuta, Rregullorja e punës së Kuvendit, si dhe një aktgjykim i mëparshëm i Gjykatës Kushtetuese.

Gjykata më e lartë në vend veçse kishte trajtuar një ankesë të Listës Serbe lidhur me çështjen e nënkryetarëve, pasi kryeparlamentari Dimal Basha, e kishte shpallur të konstituuar Kuvendin pa zgjedhjen e nënkryetarit të pestë nga radhët e komunitetit serb.

Më pas, Gjykata konstatoi se Kuvendi nuk ishte i konstituuar, duke kërkuar që deputetët të zgjidhnin nënkryetarin nga radhët e komunitetit serb, me qëllim që të hapej rruga për formimin e Qeverisë.

Në atë vendim, Kushtetuesja tha se propozimi për nënkryetarin nga radhët e komuniteteve joshumicë, në këtë rast të pakicës serbe, duhet të bëhet nga shumica apo numri më i madh i deputetëve nga radhët e deputetëve të komunitetit serb./REL

The post Gjykata Kushtetuese e Kosovës publikon aktgjykimin: Nënkryetari serb i Kuvendit propozohet nga shumica e deputetëve serbë appeared first on Albeu.com.

Një ngjarje e rëndë ka tronditur fshatin Çërragë të Belshit, ku një grua ka humbur jetën në rrethana tragjike pas një sulmi nga qeni i një fqinji.

Sipas informacioneve paraprake, Emine Agolli, rreth 65 vjeçe, është kafshuar në këmbë nga qeni, duke pësuar gjakderdhje të rëndë.

Pavarësisht ndërhyrjes dhe përpjekjeve për ta shpëtuar, ajo nuk ka mundur t’u mbijetojë plagëve dhe ka ndërruar jetë.

Policia ka nisur veprimet hetimore ndaj pronarit të qenit, për të sqaruar rrethanat e plota të ngjarjes dhe për të përcaktuar përgjegjësitë ligjore.

Hetimet vijojnë, ndërkohë që rasti rikthen vëmendjen te përgjegjësia e pronarëve të kafshëve dhe masat e sigurisë për parandalimin e ngjarjeve të tilla tragjike.

The post EMRI/ U kafshua nga qeni i fqinjit, humb jetën 65-vjeçarja nga Belshi appeared first on Albeu.com.

Ish-Presidenti i Republikës, Alfred Moisiu, është dërguar me urgjencë mesditën e sotme në Qendrën Spitalore Universitare “Nënë Tereza”, pas komplikacioneve shëndetësore.

Burime spitalore bënë të ditur se ish-kreu i shtetit është paraqitur në spital me probleme të frymëmarrjes.

Menjëherë pas mbërritjes, ai është shtruar në repartin e Reanimacionit pranë Klinikës së Kardiologjisë, ku ndodhet nën monitorim intensiv nga stafi mjekësor.

Sipas zyrës së shtypit dhe informacioneve spitalore, për momentin parametrat jetësorë të zotit Moisiu janë stabël. Mjekët janë duke vlerësuar situatën në dinamikë për të përcaktuar momentin e përshtatshëm për të kryer një ndërhyrje (intervent) të nevojshme.

“I gjithë stafi i shërbimit të Kardiologjisë është në gatishmëri për të mbajtur nën kontroll gjendjen e ish-Presidentit”, thonë burimet nga QSUT.

The post Ish-presidenti Alfred Moisiu dërgohet me urgjencë në Kardiologji, mjekët: Gjendja paraqitet e qëndrueshme appeared first on Albeu.com.

Lëkundje tërmeti kanë ndjerë në Korçë. Mësohet se tërmeti i regjistrua me magnitudë 3.7 ballë.

Epiqendra sipas të dhënave është në Greqi, pranë zonës së Kosturit. Lëkundjet raportohet se ishin të forta.

Deri më tani nuk raportohen dëme materiale.

The post Lëkundje tërmeti në Korçë, sa ishte magnituda appeared first on Albeu.com.

Princ Leka dhe Blerta Celibashi po përgatiten të hedhin hapin më të rëndësishëm në historinë e tyre të dashurisë: martesën.

Burime ekskluzive për Vip Magazine bëjnë me dije se çifti ka nisur tashmë përgatitjet për ceremoninë, ndërsa dita e kurorëzimit pritet të jetë shumë pranë.

Lajmi vjen pas një periudhe të gjatë stabiliteti dhe ekspozimi publik për çiftin, të cilët prej kohësh nuk e kanë fshehur lidhjen e tyre.

Vitin e kaluar, Princ Leka dhe Blerta festuan fejesën në një ambient intim në jug të vendit, në prani të familjarëve dhe miqve të ngushtë.

“Dora e vogël që mbron shumë”, Xhensila emocionon me postimin për fëmijët
Ceremonia bëri bujë në mediat shqiptare dhe u pasqyrua edhe nga disa media ndërkombëtare, duke tërhequr vëmendje të gjerë.

Që nga publikimi i lidhjes së tyre, dyshja janë shfaqur shpesh së bashku në evente të ndryshme publike në kryeqytet, duke reflektuar një raport të konsoliduar dhe një prani të qetë, por elegante.

Daljet e tyre kanë qenë gjithmonë diskrete, por mjaftueshëm për të konfirmuar harmoninë mes tyre.

Tashmë, me përgatitjet për martesë në zhvillim, çifti pritet të kurorëzojë zyrtarisht dashurinë e tyre, duke shënuar një kapitull të ri në jetën personale të Princ Lekës dhe Blertës.

Detajet e ceremonisë mbeten ende të rezervuara, por pritshmëritë janë të larta.

The post Pas një viti fejesë, Princ Leka dhe Blerta Celibashi marrin vendimin e madh appeared first on Albeu.com.

Kreu i PD Sali Berisha u shpreh se forca më e madhe e opozitës është debati, takime me qytetarët dhe përcjelljen e së vërtetës. Gjatë takimit të mbajtur këtë të mërkurë në degën 1 dhe 3 në Tiranë.

Berisha theksoi se shteti është degraduar, duke shtuar që qëllimi i opozitës është rrëzimi i regjimit. Ndërsa akuzoi qeverinë si e kapur nga krimi.

“E shndërruan gjykatën në strofullën e fundit. Këtë e them se cila është shkalla ekstreme e degradimit të këtij shteti dhe sa i rrezikshëm është ky çdo ditë ndaj nesh. Por në rast se më grushtin e shtetit që ka bërë, meriton çdo përgjigje. Me shndërrimin në farsë të zgjedhjeve meriton çdo përgjigje sepse nuk ka legjitimitet. Mandatet i ka krim. Të gjithë shndërrohen në maska të lubisë, por në kafe nuk lënë gjë pa e sharë. Ne nuk jemi parti e dhunës, jemi të përcaktuar parti që nuk marrim kurrë pushtetin vetëm se me votë. Dhe unë ju garantoj që këtë herë do fitojmë dhe do bëjmë përgjegjës këto regjim që shkelmon shqiptarë. Lubi Balluku Edi Rama, dhe të gjithë pushtetarët që janë pasuruar duke ju vjedhur do shkojnë atje ku e kanë vendin dhe pasuritë do ju kthehen ju. Ato janë miliarda. Ne do vendosim sistemin më transparencë për pronat tuaja, pronat publike. Por asgjë nuk mund të realizohet pa përmbysjen e tij dhe ne do ta përmbysim. Kjo kërkon nga ne që në këtë censurë të jemi me debatet tona, pishtarë të vërtetës”, tha ai.

The post “Mandatet i kanë të krimit”/ Berisha: “Lubi” Balluku dhe Rama janë pasuruar duke vjedhur qytetarët! Ne pushtetin e marrim vetëm me votë! appeared first on Albeu.com.

Kryeministri Edi Rama zhvilloi ditën e sotme një vizitë në Vatikan. Në një postim në Facebook, Rama ka ndarë disa fotografi e detaje nga takimi.

Reagimi:

VIZITA NË VATIKAN për takimin me Atin e Shenjtë, nisi sot nga Genazzano, në bazilikën e famshme, ku gjendet shembëlltyra e Zojës së Këshillit të Mirë, mbi një copë të shkëputur nga muri i Kishës së Shkodrës në vitin e largët 1467

Që nga ajo kohë asnjë kryetar shteti ose qeverie shqiptare nuk e kishte shkelur pragun e bazilikës, ku krah Zojës së Shqipërisë qëndron përherë edhe flamuri ynë kombëtar, e ku kanë kryer vizita e rite thuajse të gjithë Papët e Romës.

Gjëja e parë që bëri edhe Papa Leoni XVI sapo u zgjodh, ishte vinte e të lutej në Genazzano te Zoja e Shqipërisë që thirret edhe Regina di Albania – Mbretëresha e Shqipërisë.

The post Rama nis vizitën në Vatikan, ndan foto nga bazilika e famshme: Krah Zojës së Shqipërisë qëndron edhe flamuri ynë kombëtar! appeared first on Albeu.com.

Sipas informacioneve paraprake, mësohet se në një lokal në qytet, një konflikt ka degraduar në përdorimin e thikës.

Autori është një 17 vjeçar ndërsa i plagosur ka mbetur një 34 vjeçar. Sipas të dhënave mësohet se 34 vjeccari ka marrë dëmtime në dorë nga mjeti mprehës ndërsa ka ardhur pak ditë më parë në Shqipëri pasi jetonte jashtë shtetit (në Greqi).

Shkak i sherrit mendohet të ketë qenë një konflikt i mëparshëm. Autori i mitur ndodhet tashmë në komisariatin e Korçës ndërsa i plagosuri po merr mjekim në spital jashtë rrezikut për jetën.

The post Sherr në një lokal në Korçë/ Goditet me thikë 34-vjeçari, shoqërohet në polici autori appeared first on Albeu.com.

Dosja hetimore për skandalin e tunelit të Llogarasë nxori në pah abuzime skandaloze me ligjin nga ana e zv/kryeministres Belinda Balluku, ish-drejtorit të ARRSH-së, Ervis Berberi, dhe vartësve të tyre.
Përveç rritjes fiktive të faturave, të cilat kanë rënduar mbi buxhetin e shtetit, dhe favorizimit të kompanisë turke, ngrihen dyshime serioze edhe mbi kreditimin e TVSH-së për punimet e kësaj vepre publike.

Hetimi i hollësishëm i SPAK-ut, i cili zbardhi aferën e tunelit të Llogarasë, zbuloi shkelje të shumëllojshme që bëjnë përgjegjës, përveç Belinda Ballukut, edhe inspektorë të tatimeve të tipit Olsi Kuca.

Inspektorët tatimorë mbajnë përgjegjësi pasi kanë lejuar firmën e ndërtimit të punojë plot tre vite pa dokumentacion të rregullt, duke i njohur TVSH-në kreditore për mallrat e përdorura në ndërtimin e tunelit. Ata kanë kredituar TVSH-në duke e zgjatur dhe zvarritur dosjen, çështje kjo që SPAK duhet ta hetojë gjithashtu.

Ligjet në fuqi e ndalojnë kreditimin e TVSH-së për bizneset që operojnë pa dokumentacion të vlefshëm ligjor, ndaj SPAK-u, si prokurori e posaçme antikorrupsion, duhet të hetojë edhe rolin e Tatimorëve.

Ligji për “Tatimin mbi Vlerën e Shtuar në Republikën e Shqipërisë” përcakton se “tatimpaguesit që kryejnë veprimtari ndërtimi kanë të drejtë të kreditojnë TVSH-në e paguar për blerjet e mallrave vetëm pasi të kenë marrë lejen e ndërtimit dhe të kenë regjistruar objektin si projekt ndërtimi pranë organit tatimor”.

Konkretisht, leja për ndërtimin e tunelit të Llogarasë është bërë e vlefshme në maj të vitit 2025, në një kohë kur tuneli kishte përfunduar dhe ishte në prag të përurimit.

Në raste të tjera, inspektorë tatimesh si Olsi Kuca janë përdorur si masha politike për të goditur biznese të rregullta, ndërsa në rastin e tunelit të Llogarasë sytë kanë qenë të mbyllur dhe veshët të shurdhër.

Kostot marramendëse të tunelit të Llogarasë u rritën gjatë rrugës me të paktën 50 milionë euro. Me gjasë, këto para janë marrë nga buxheti i shtetit për të paguar rryshfete, të cilat janë ende objekt hetimi nga SPAK-u.

Konkretisht, shtesa e paparashikuar prej 50 milionë eurosh nga buxheti i shtetit për ndërtimin e tunelit të Llogarasë u miratua në vitin 2022. Edhe TVSH-ja e kësaj shume është kredituar, çka përbën një tjetër dëm prej rreth 10 milionë eurosh, të cilat duhet patjetër të jenë objekt hetimi nga SPAK-u.

Kjo verbëri profesionale dëshmon për standardin e dyfishtë në trajtimin që Tatimorët u bëjnë bizneseve të ndryshme në vend.

Abuzimi me besimin dhe paratë e shqiptarëve është një çështje serioze që meriton vëmendje, transparencë dhe, mbi të gjitha, përgjegjësi penale për çdo shkelës të ligjit.

The post Skandali me tunelin e Llogarasë/ TVSH e kredituar, në shkelje të ligjit. SPAK duhet të hetojë tatimorët! appeared first on Albeu.com.

Prej dy ditësh, kryeministri Edi Rama po sulmon gjyqtarët dhe prokurorët, duke pretenduar se, sipas tij, ata po kërkojnë në mënyrë të padrejtë rritje pagash, duke iu referuar një çështjeje në Gjykatën Kushtetuese, ku Shoqata e Gjyqtarëve ka ankimuar interpretimin ligjor për llogaritjen e pagave të magjistratëve.

Në përgjigje ndaj sulmeve publike të kryeministrit, të mërkurën reagoi edhe Shoqata e Prokurorëve, duke kërkuar që “gjykimi kushtetues i inicuar nga shoqatat e gjyqtarëve duhet të përfundojë i pandikuar nga çdo presion i jashtëm apo instrumentalizim i opinionit publik”.

Kryeministri u përfshi në polemikë me shoqatën, duke pretenduar fillimisht se ajo nuk ishte e regjistruar ligjërisht.

“Paska dalë edhe një shoqatë prokurorësh e re – ende e paregjistruar deri tani sipas ligjit, por brenda afatit për regjistrim…”, shkroi fillimisht Rama në platformën X.

Por, pasi gazetari Isa Myzyraj publikoi dokumentin e regjistrimit në gjykatë, Rama në një status të dytë shkroi se “…dihet botërisht se regjistrimi i një shoqate nuk mbyllet me gjykatën, por duhet bërë edhe te tatimet, gjë që ende s’ka ndodhur”.

Shoqata e krijuar rishtazi disa muaj më parë rezulton e regjistruar në të gjitha hallkat ligjore, siç tregojnë dokumentet publike të Qendrës Kombëtare të Biznesit dhe siç i pohoi BIRN-it kryetari i Shoqatës së Prokurorëve, Gëzim Spahiu.

“Regjistrimi formal sipas ligjit është bërë plotësisht, jemi pajisur me NIPT dhe rezultojmë si subjekt tatimpagues që nga fundi i dhjetorit 2025”, tha Spahiu.

Një zëdhënëse e Drejtorisë së Tatimeve nuk pranoi të kthente përgjigje të shpejtë nëse ky subjekt rezultonte si tatimpagues.

Një zëdhënëse e Drejtorisë së Tatimeve nuk pranoi të kthente përgjigje të shpejtë nëse ky subjekt rezultonte si tatimpagues.

Ndërsa zyra e shtypit pranë Kryeministrit insistoi se shoqata nuk ishte e regjistruar në Tatime, edhe pse këta të fundit i kanë lëshuar NIPT-in, i cili është i publikuar në Qendrën Kombëtare të Biznesit.*

“E para, Kryeministri e ka sqaruar shumë mirë që nuk e ka sjellë shembullin e mosregjistrimit ende në tatime si ndonjë faj, por thjesht për të thënë që shoqata është shumë e re,” tha zyra e Kryeministrit nëpërmjet një zëdhënëseje.

“E dyta, nëse Shoqata e Prokurorëve ju ka informuar se është e regjistruar në tatime, kjo nuk na rezulton në regjistrin e tatimeve, por nëse ju na vini në dispozicion një dokument regjistrimi, atëherë ne do t’ia përcjellim Kryeministrit,” shtoi ajo.

Por rasti ngre një shqetësim të hershëm për shpërndarjen e lajmeve të pabazuara në fakte dhe keqinformuese nga qeveria.

“Ne e kemi thënë me kohë, qeveria dhe agjencitë publike janë, në fakt, shpërndarësit ndër më të mëdhenjtë të dezinformatave dhe lajmeve të rreme”, i tha BIRN-it Myzyraj, i cili është kryetar i Asosacionit të Gazetarëve të Shqipërisë.

Sipas tij, jo rrallëherë edhe vetë kryeministri është shpërndarës i dezinformatave; rasti i fundit është përpjekja për të thelluar sulmin ndaj Shoqatës së Prokurorëve dhe deklaratat e tij se kjo shoqatë nuk është e regjistruar.

Por ai shtoi se detyra e mediave është të verifikojnë faktet edhe për deklaratat e kryeministrit.

“Në fakt, kryeministri edhe mund të gënjejë; janë mediat dhe gazetarët që e kanë për detyrë të tregojnë të vërtetën dhe të bëjnë fact-check për gjithçka”, theksoi Myzyraj.

The post BIRN: Rama sulmon Shoqatën e Prokurorëve me pretendime të pabaza appeared first on Albeu.com.

Nga dita e nesërme njoftohen të gjithë abonentët në Durrës se mund të ketë problematika në furnizimin me ujë të pijshëm.

Sipas njoftimit nga Shoqëria Rajonale Ujësjellës Kanalizime Durrës (SHRUKD) shkak për këtë situatë janë remontet e planifikuara nga OST, gjatë të cilave stacionet e pompave në Fushë Kuqe dhe Fushë Milot nuk do të furnizohen me energji elektrike në intervalin ora 08:00 – 16:00.

Gjatë kësaj periudhe, kur stacionet do të jenë jashtë funksionit, SHRUKD do të kryejë riparime të planifikuara në tubacionin kryesor të furnizimit me ujë në zonën e Tarinit.

The post Stacionet e pompave në Fushë Kuqe dhe Fushë Milot jashtë funksionit/ Nga nesër probleme me furnizimin e ujit të pijshëm në Durrës appeared first on Albeu.com.

Ish-banorja e “Big Brother VIP 5”, Stelina, ka qenë ditën e sotme e ftuar në emisionin “Shqipëria Live” ku ka folur për rrugëtimin e saj brenda shtëpisë më të famshme në Shqipëri.

Në një moment gjatë intervistës, kur u pyet në lidhje me të gjithë banorët, kur u pyet për Selin dhe Kristin, ajo u shpreh se i sheh finalistë të këtij edicioni të pestë të reality show-t.

“Për mua është finalist. Nuk e di a do ta fitojë, po për mua është definitivisht finalist. Kristi fle gjithë ditë, çohet dy orë dhe bën çorap gjithë shtëpinë. Nuk e di se si e bën, nuk e kuptoj”, tha Stelina për Kristin.

Ndërsa për Selin, ish-banorja tha:

“Kukulla e shtëpisë, e kam shumë xhan. Mendoj se kam fituar një mike shumë të mirë jashtë Big Brother. E shoh si finaliste të “Big Brother”. Mirin e kam nga zemra, kurse për Selin dhe Kristin i mendoj në finale”

“Përtej dashamirësisë që ke për Mirin, pra jo me zemër, por kush mendon me mendje dhe ftohtë se e fiton Big Brother?”, ishte pyetja drejtuar më pas dhe Stelina u përgjigj:

“Me mendje të ftohtë dhe pa zemër, duke qenë se thashë se Selin dhe Kristin i shoh finalistë, jam mes këtyre të dyve. Nëse nuk do thosha për Mirin. Po nuk di ta ndaj se të dy kanë situata të forta në shtëpi”.

The post “Kukulla e shtëpisë, e shoh si finaliste”/ Cilët nga konkurrentët e BBV5 do prekin finalen sipas Stelinës? appeared first on Albeu.com.

Kryetari i Bashkisë së Tiranës, Erion Veliaj, ka depozituar sot pranë Gjykatës së Posaçme Kundër Korrupsionit dhe Krimit të Organizuar (GJKKO) një kërkesë për përjashtimin e gjyqtares Etleva Deda nga shqyrtimi i çështjes në të cilën është i përfshirë.

Raportohet se kërkesa e Veliaj do të shqyrtohet nga gjyqtari Bib Ndreca.

Veliaj shprehu verbalisht pretendimin e tij për përjashtimin e gjyqtares gjatë seancës së fundit, ndërsa gjyqtarja kishte vendosur më parë të mbyllë shqyrtimin paraprak dhe të tërhiqet për dhënien e vendimit.

Ai argumentoi se nuk kishte pasur mundësi të njihte të gjitha aktet e dosjes, pasi nuk i ishin vënë në dispozicion.

The post Veliaj depoziton kërkesë në GJKKO për përjashtimin e gjyqtares Etleva Deda appeared first on Albeu.com.

Rrjeti social “TikTok” do të jetë i aksesueshëm sërish në të gjithë territorin e Shqipërisë, pas rreth një viti bllokimi. Masë kjo e vendosur nga qeveria pak muaj pas vrasjes së 14-vjeçarit Martin Cani nga bashkëmoshatar i tij, pas një sherri që nisi në këtë platformë.

Këshilli i Ministrave ka miratuar sot vendimin për rikthimin e aplikacionit, i cili ishte i bllokuar që më 13 mars 2025.

Në vendim theksohet se “Autoriteti Kombëtar për Sigurinë Kibernetike (AKSK), në bashkëpunim me entet rregullatore përkatëse, do të ndërmarrë veprimet e nevojshme për heqjen e masave të ndërprerjes së aksesit ndaj platformës”.

Kryeministri Edi Rama kishte deklaruar se mbyllja e TikTok ishte masë e përkohshme dhe se aplikacioni do të rihapej sapo të arrihej dakordësia me kompaninë kineze për vendosjen e filtrave, për të minimizuar ndikimin e mundshëm negativ mbi shëndetin psiko-emocional të fëmijëve.

VENDIMI

Në mbështetje të nenit 100 të Kushtetutës, të neneve 10, pika 1, 26, pika 212 pika, 2, 174, 177, pika 5, të ligjit nr.54/2024, “Për komunikimet elektronike në Republikën e Shqipërisë”, të neneve 32, pika 4, 32/1, 42 e 46, të ligjit nr. 97/2013, “Për mediat audiovizive në Republikën e Shqipërisë”, të ndryshuar, dhe të pikës 4, të nenit 27, të ligjit nr. 18/2017, “Për të drejtat dhe mbrojtjen e fëmijës”, me propozimin e Zëvendëskryeministrit dhe ministër i Infrastrukturës dhe Energjisë, të ministrit të Arsimit, të ministrit të Drejtësisë, të ministrit të Punëve të Brendshme dhe të ministrit të Shëndetësisë dhe Mirëqenies Sociale, Këshilli i Ministrave

1. Heqjen e masave të përkohshme për ndërprerjen e aksesit në platformën on-line “Tik Tok” në territorin e Republikës së Shqipërisë, pas adresimit të problematikave në fushën e sigurisë publike dhe sociale në mjedisin digjital.

2. Autoriteti Kombëtar për Sigurinë Kibemetike (AKSK), në bashkëpunim me entet rregullatore të fushës, ndërmerr veprimet e nevojshme për realizimin e heqjes së masave për ndërprerjen e aksesit të kësaj platforme, duke respektuar edhe dispozitat ligjore për mbrojtjen të dhënave personale, në përputhje me legjislacionin në fuqi në territorin e Republikës së Shqipërisë.

3. Vendimi nr.151, datë 6.3.2025, i Këshillit të Ministrave, “Për marrjen e masave të përkohshme për shmangien e ndikimeve negative të platformës on-line “Tik Tok”, shfuqizohet.

4. Ngarkohen Ministria e Arsimit, Ministria e Drejtësisë, Ministri lafrastrukturës dhe Energjisë, Ministria e Punëve të Brendshme. Ministria e Shëndetësisë dhe Mirëqenies Sociale, Autoriteti Kombëtar për Sigurinë Kibernetike, Agjencia Kombëtare e Shoqërisë së Informacionit dhe autoritetet rregullatore sektoriale për zbatimin e këtij vendimi.

The post Vendimi i Qeverisë/ Pas rreth një viti bllokim, rikthehet aksesi i plotë i TikTok në Shqipëri appeared first on Albeu.com.

Debati i zhvilluar së fundmi në shtëpinë e “Big Brother VIP” ka shkaktuar reagime të forta jashtë saj, pas një deklarate të rëndë të bërë nga Rogerti ndaj Stenaldos. Gjatë përplasjes verbale, Rogerti u shpreh se Stenaldo “e ka mallkuar Zoti” për shkak të aftësisë së tij të kufizuar në shikim, një deklaratë që ka ngjallur indinjatë të menjëhershme.

Familjarët e Stenaldos, të cilët menaxhojnë edhe llogarinë e tij zyrtare në Instagram, kanë reaguar publikisht duke dënuar ashpër gjuhën e përdorur. Në një postim të shpërndarë në rrjetet sociale, ku shfaqet edhe videoja e momentit të ofendimit, ata e cilësojnë deklaratën si thellësisht çnjerëzore dhe të papranueshme.

Sipas familjarëve, përdorimi i Zotit për të justifikuar fjalë urrejtjeje ndaj një personi me aftësi të kufizuara përbën mungesë totale empatie dhe është një nga nivelet më të ulëta të mendimit njerëzor. Ata theksojnë se askush nuk duhet të përdorë besimin për të justifikuar ofendimin, diskriminimin apo dhunën verbale.

Reagimi përfundon me një thirrje publike drejtuar produksionit të “Big Brother VIP” dhe Top Channel, duke kërkuar që raste të tilla të mos normalizohen dhe që të ketë përgjegjësi për gjuhën e përdorur brenda formatit.

Ngjarja ka hapur një debat të gjerë edhe në rrjetet sociale, ku një pjesë e madhe e publikut shpreh shqetësim për kufijtë e etikës dhe mesazhet që transmetohen në prime-time.

The post Reagim i fortë nga familjarët e Stenaldos pas deklaratës së Rogertit në Big Brother VIP appeared first on Albeu.com.

Ujorët janë të njohur për pavarësinë dhe idealizmin e tyre, por shpesh këto tipare mund t’i çojnë drejt gabimeve që ndikojnë tek ata dhe njerëzit rreth tyre. Një nga gabimet më të shpeshta të Ujorit është besimi i tepruar se mund të shpëtojë botën ose të tjerët. Ata shpesh përpiqen të zgjidhin problemet e të gjithëve, edhe kur nuk kërkohet ndihma e tyre, dhe kjo mund t’i lodhë ose t’i frustrojë.

Një tjetër gabim i zakonshëm është tërheqja emocionale kur ndihen të lënduar. Në vend që të shprehin ndjenjat e tyre, Ujorët shpesh tërhiqen dhe vendosin distancë. Kjo strategji i bën të duket të pavarur dhe autonom, por mund të krijojë keqkuptime ose të largojë njerëzit që do të donin të afroheshin.

Ujorët gjithashtu kanë tendencë të mbështeten shumë tek pavarësia e tyre, duke injoruar nevojën për bashkëpunim. Ky qëndrim i fortë ndaj vetes mund t’i çojë drejt izolimit. Për më tepër, ata ndryshojnë shpejt qëndrimet dhe veprimet, shpesh pa një arsye të qartë, gjë që mund të ngatërrojë të tjerët dhe të komplikojë situata të thjeshta.

Megjithatë, këto gabime nuk janë domosdoshmërisht negative. Ujorët e kuptojnë shpesh se disa veprime nuk janë të nevojshme, dhe kur pushojnë dhe reflektojnë, mund të balancojnë pavarësinë me lidhjet emocionale. Një kombinim i mençur i idealizmit dhe realitetit mund t’i ndihmojë të shmangin gabimet e zakonshme dhe të ruajnë marrëdhënie të shëndetshme.

The post Gabimet tipike të ujorit që mund të largojnë të tjerët! appeared first on Albeu.com.

Australia është në shok pasi katër anëtarë të së njëjtës familje u gjetën të vdekur në një periferi të Perthit, në një rast që autoritetet po e hetojnë si vrasje-vetëvrasje. Trupat e Jarrod Clune, 50 vjeç, partneres së tij Maiwenna Goasdu, 49 vjeçe, dhe dy djemve të tyre adoleshentë autikë, Leon, 16 vjeç, dhe Otis, 14 vjeç, u gjetën të premten në mëngjes në shtëpinë e familjes në Mosman Park.

Policia beson se dy djemtë u vranë nga prindërit e tyre, të cilët më pas i morën jetën vetes. Shërbimet e urgjencës u thirrën në orët e para të mëngjesit pasi një kujdestare që ndihmonte rregullisht fëmijët të cilët kishin autizëm të rëndë telefonoi kur mbërriti për një vizitë të planifikuar dhe nuk mundi të kontaktonte familjen.

Kujdestari thuhet se gjeti një shënim në banesë me një paralajmërim që thoshte “Mos hyni” dhe udhëzime për të telefonuar autoritetet. Kur oficerët hynë në shtëpi, ata gjetën të katër anëtarët e familjes, si dhe dy qentë dhe macen e tyre, të vdekur. Trupat u gjetën në vende të ndara dhe autoritetet thanë se vdekjet nuk dukeshin të dhunshme dhe nuk u përdorën armë.

Detektivja e vrasjeve, Jessica Securo, tha të premten se “edhe pse hetimi është ende në fazat e hershme, çështja po hetohet si vrasje-vetëvrasje”. Të shtunën, u raportua se një shënim i dytë, që besohet të jetë një letër, i kishte çuar hetuesit në përfundimin se ishte një vrasje-vetëvrasje , pasi dyshohet se përshkruante plane për financat e familjes dhe sugjeronte se prindërit kishin vendosur t’i jepnin fund jetës së tyre dhe jetës së fëmijëve të tyre.

Autoritetet nuk e kanë konfirmuar ende mënyrën e vdekjes, por pamjet ajrore të dronit duket se tregojnë atë që duket të jetë njolla gjaku në pjesën e pasme të shtëpisë. Një zëdhënës i Policisë së Australisë Perëndimore nuk pranoi të komentonte mbi imazhet, duke i thënë Daily Mail se “çështja mbetet nën hetim dhe nuk mund të bëhen komente të mëtejshme”.

Policia tha gjithashtu se dy djemtë po përballeshin me “ sfida të rëndësishme shëndetësore”, ndërsa raportet thanë se ata kishin humbur fondet qeveritare për të mbështetur njërin nga fëmijët.

Një mik i ngushtë i familjes tha se çifti ishte ndjerë gjithnjë e më i izoluar dhe i pambështetur, duke theksuar se diagnozat e fëmijëve e kishin bërë jetën e përditshme “jashtëzakonisht të vështirë dhe të kërkuar”. Duke iu referuar Skemës Kombëtare të Sigurimeve të Aftësisë së Kufizuar , ajo vuri në dukje se ata “shpesh ndiheshin të izoluar, të pafuqishëm dhe të braktisur nga familja, miqtë, shërbimet mbështetëse, shkollat, NDIS, sistemi shëndetësor dhe shoqëria në përgjithësi”.

Dy djemtë, ashtu si babai i tyre, ndiqnin Christ Church Grammar, një nga shkollat ​​private më prestigjioze të Perthit.

Një mësuese që i njihte fëmijët tha se ende po përballej me tragjedinë, duke lënë lule jashtë shtëpisë së familjes. Leon pritej të diplomohej vitin e ardhshëm, tha ajo, gjë që “tregoi se sa larg kishte arritur”. Ajo vuri në dukje se fëmijët ishin regjistruar në një shkollë me nevoja të veçanta që i mbështeste ata, duke shtuar se Christ Church Grammar nuk kishte provuar të ishte një shkollë e përshtatshme. Otis thuhet se u përjashtua rreth dy vjet më parë, një çështje për të cilën shkolla nuk komentoi konkretisht, duke u kufizuar në një deklaratë të përgjithshme mbështetjeje për familjet në zi dhe respekt për hetimin.

Miqtë dhe anëtarët e komunitetit i shprehën nderimet në mediat sociale, ndërsa shprehën zemërim për mungesën e mbështetjes së mjaftueshme nga NDIS.

The post Ngjarje e rëndë në Australi: Katër anëtarë të një familjeje gjenden të vdekur në banesë appeared first on Albeu.com.

Dokumentet e reja për Jeffrey Epsteinin, të publikuara nga Ministria e Drejtësisë e Shteteve të Bashkuara të Amerikës, tregojnë se financieri kishte dëshirë të blinte ndërtesën e ish-ambasadës së Jugosllavisë në New York, e njohur si “Vila e Titos”.

Ndër dokumentet e reja, të publikuara disa ditë më parë, gjendet një email që Epstein kishte marrë me 26 fotografi të kësaj vile, si dhe një prerje nga New York Post me titullin “për 50 milionë dollarë mund të bëheni pronar i vilës së fundit nga epoka e artë e Manhatanit”.

Më 10 dhjetor 2018, Epstein mori një email nga këshilltari financiar David Mitchell, i cili e informonte se në këtë ndërtesë kishte ndodhur një zjarr dhe se ndoshta ishte momenti i duhur për të dërguar një ofertë, raporton klix..ba.

Më pas, financieri dërgoi një lidhje të New York Post në dy adresa emaili, ku përmendej zjarri, dhe ata e informuan se ndërtesa tani duhet të ishte dukshëm më e lirë.

Megjithatë, Epstein në fund nuk e bleu vilën. Ajo u shit katër vjet më vonë për 50 milionë dollarë, ndërsa Serbisë i takuan 40 për qind e shumës, në bazë të Aneksit B të Marrëveshjes për suksesionin e pasurisë së ish-RSFJ-së jashtë vendit. Shtetit tonë i takuan 7.5 milionë dollarë.

Interesant është fakti se, gjatë përpjekjes për ta blerë këtë ndërtesë, Epstein kontaktoi edhe ish-Përfaqësuesin e Lartë në Bosnje dhe Hercegovinë, Miroslav Lajçak.

Ishte data 25 tetor 2017 kur Epstein i dërgoi një SMS Lajçakut se “shkova ta shoh ish-ambasadën jugosllave. Më thanë se është në shitje, por se të pesë qeveritë duhet të bien dakord, ajo serbe dhe të tjerat. Interesante”.

Lajçak iu përgjigj se “kurrë nuk do të bien dakord. Që nga viti 2001 po përpiqen të merren vesh për ndarjen e pasurisë dhe fundi nuk duket. Për gjithçka që lidhet me ish-Jugosllavinë ose shtetet pasardhëse aktuale, duhet të konsultohesh me mua, i njoh deri në thelb”.

Kujtojmë se Lajçak përmendet shpesh në dosjet për Epsteinin dhe se disa ditë më parë, për këtë arsye, ai dha dorëheqje nga posti i këshilltarit të kryeministrit sllovak, Robert Fico.

The post Epstein dëshironte të blinte “Vilën e Titos”, Lajçak i shpjegoi se vendet e ish-Jugosllavisë nuk do të bien kurrë dakord appeared first on Albeu.com.

Debatet mes Selinit dhe Rogertit në shtëpinë e “Big Brother VIP 5” duket se nuk kanë fund. Përplasjet mes tyre po bëhen gjithnjë e më të forta, duke u shoqëruar edhe me ofendime personale.

Gjatë ditës së sotme, Rogerti iu drejtua Selinit me deklarata të ashpra, duke e akuzuar për mungesë kreativiteti dhe duke thënë se ajo nuk ka më asgjë për të dhënë në lojë. Sipas tij, fakti që Selini nuk ka më asnjë lidhje apo “puthje” me Gimbon, e ka përfunduar rrugëtimin e saj në shtëpi.

Ai shtoi se Miri e ka kuptuar këtë situatë dhe se, sipas tij, do të jetë ai që do ta “nxjerrë” Selinin nga loja.

Këto deklarata kanë shtuar edhe më shumë tensionin mes banorëve, duke e kthyer debatin në një tjetër moment të nxehtë brenda shtëpisë më të famshme në Shqipëri.

Pjesë nga debati:

Rogerti: Ka mbaruar Prime jot oj motër. Ti këtu je për ndonjë marrëdhënie, oj motër

Selin: Motrat ku i ke lënë, motrat jashtë ku i ke lënë

Rogerti: Ti nuk ke kreativitet, ashtu të do ty Miri, do me të kllaposur. Ti nuk pate ndonjë puthje me Gimbon ke mbaruar punë o motra, ai atë do. O motër, Miri atë do, prandaj është lojtar më i mirë. Dhe po më pyeti njeri si i sheh si kundërshtarë 1 dhe 2, do them Miri.

Miri: Një herë thotë Selin është me e fortë ti, kot merresh.

Rogerti: Gjenerali hahet me ty

Selin: Hëngsh veten o Zot.

The post “Miri do me të kllaposur, po nuk pate puthje me…”/ Selin debaton me Rogertin: Motrat ku i ke… appeared first on Albeu.com.