Një debat i fortë dhe mjaft domethënës ka ndodhur mbrëmjen e së premtes në Big Brother VIP Kosova 4, pas rrëfimit të Albës për vendimin e saj që të mbulohet, vendim që tashmë ka ngjallur reagime të shumta në publik.

Opinionistja e programit, këngëtarja Leonora Jakupi, iu drejtua drejtpërdrejt Albës me një pyetje thelbësore, duke kërkuar sqarim nëse ajo ka vendosur të mbulohet sipas parimeve fetare apo thjesht të vendosë shami, pasi sipas saj këto janë dy koncepte të ndryshme në fenë myslimane. Leonora theksoi se mbulimi në Islam nuk nënkupton vetëm veshjen, por edhe praktikimin e plotë të fesë.

Sipas Leonorës, “me fenë myslimane, kur mbulohesh nënkupton mbulesën e trupit, por edhe faljen e pesë vakteve të namazit”, duke shtuar se këto elemente janë të pandashme nga njëra-tjetra.

Nga ana tjetër, Alba u shpreh se nuk ka shumë informacion rreth procedurave dhe praktikave fetare, deklaratë që e bëri Leonorën të reagojë ashpër. Ajo iu drejtua banorës me tone të forta, duke i thënë: “Alba, nëse ti vë mbulesë dhe nuk di të falësh namaz, këtë po e bën për lojë dhe këtë nuk dua fare ta besoj. Nuk luhet me Zotin dhe fenë islame në këtë formë, sinqerisht dhe jo në këtë pikë të lojës.”

Ky moment krijoi tension të dukshëm në studio dhe në shtëpi, ndërsa diskutimi u shndërrua në një nga temat më të komentuara të mbrëmjes. Vendimi i Albës për t’u mbuluar, i bërë publik gjatë Prime-it të së premtes, ka befasuar jo vetëm banorët, por edhe mbarë opinionin dhe shikuesit, duke hapur debat të gjerë mbi besimin, sinqeritetin dhe kufirin mes zgjedhjeve personale dhe lojës televizive.

Mbetet të shihet se si do të reflektojë Alba mbi këtë përballje dhe nëse ky diskutim do të ndikojë në rrugëtimin e saj brenda Big Brother VIP Kosova 4

The post Leonora e ashpër ndaj Albës: Nëse ke vendosur të mbulohesh dhe nuk po fal namaz – po e bën për lojë, nuk luhet me Zotin dhe fenë myslimane appeared first on Albeu.com.

Banorja e Big Brother VIP Kosova 4, Alba Pollozhani, ka realizuar një nga rrëfimet më të veçanta dhe më ndryshe deri më tani brenda shtëpisë, duke befasuar publikun dhe bashkëbanorët me një vendim të rëndësishëm personal.

Gjatë spektaklit Prime të së premtes, u transmetua një klip ku Alba, në biseda të zhvilluara gjatë javës, rrëfeu se kishte ndërmarrë një hap të madh në jetën e saj, duke zgjedhur një rrugë të re në predikimin e fesë myslimane.

Ajo tregoi se ka vendosur të mbulohet dhe se këtë vendim ka zgjedhur ta zbatojë që tani, duke e cilësuar si një zgjedhje të vetëdijshme dhe të ndjerë thellë. Rrëfimi i saj u prit me vëmendje të madhe dhe emocione, duke sjellë një dimension krejtësisht tjetër brenda dinamikave të shtëpisë.

Ky moment shënon gjithashtu një precedent në historinë e formatit, pasi është hera e parë që Big Brother VIP Kosova ka një banore me mbulesë në shtëpinë më të famshme në vend, duke hapur diskutime më të gjera mbi besimin, identitetin dhe zgjedhjet personale.

Rrëfimi i Albës u konsiderua nga shumë si një moment i sinqertë dhe i guximshëm, që dëshmon se Big Brother VIP Kosova vazhdon të sjellë histori reale, njerëzore dhe me peshë shoqërore.

The post Alba befason: Kam vendosur të mbulohem appeared first on Albeu.com.

Dokumente të reja tronditëse nga arkivat e Epstein japin një rrëfim kontradiktor të orëve të fundit të pedofilit miliarder, ndërsa ai ishte në qeli.

“Dosjet Epstein” të publikuara së fundmi kanë zbuluar se autoritetet besojnë se një i burgosur “misterioz” mund të ketë pasur qasje në vendin ku mbahej Jeffrey Epstein natën e vdekjes së tij.

I fshehur midis tre milionë faqeve me dokumente ligjore dhe mijëra imazheve, qëndron një ekspozitë që duket se bie ndesh me versionin zyrtar të orëve të fundit të pedofilit famëkeq.
Hetuesit federalë shqyrtuan pamjet filmike me qark të mbyllur nga Qendra Korrektuese Metropolitan në Nju Jork, ku ishte i burgosur Epstein, dhe vunë re një figurë portokalli duke u ngjitur në një shkallë për në qelinë e tij natën e vdekjes së tij.
Sipas të dhënave zyrtare, Epstein kreu vetëvrasje diku pas orës 6:30 të mëngjesit më 10 gusht 2019, kur u zbulua nga një roje burgu duke i shpërndarë mëngjesin. Raporti fillestar i mjekut ligjor arriti në përfundimin se ai kishte kryer vetëvrasje duke u varur.
Megjithatë, deri më sot, nuk është përcaktuar asnjë kohë zyrtare e vdekjes, pasi dy nga kamerat që monitoronin qelinë e tij u gjetën të “mosfunksionuara” dhe më pas u vunë nën shqyrtim nga FBI-ja.
Raporti theksoi se në orën 22:39 të mbrëmjes më 9 gusht 2019, agjentët e FBI-së vunë re “diçka portokalli që dukej sikur po ngjitej shkallëve të Katit L, ndoshta një i paraburgosur që po shoqërohej në atë kat”.
Pavarësisht kësaj, analiza nga dy autoritetet hetimore bie ndesh me deklaratat publike të bëra nga të paktën dy zyrtarë të lartë amerikanë.
Bill Barr, i cili ishte prokuror i përgjithshëm i SHBA-së gjatë mandatit të parë të Trump, pretendoi në një intervistë të vitit 2019 se ai kishte shqyrtuar personalisht pamjet e sigurisë që konfirmonin se askush nuk hyri në zonën ku Epstein po qëndronte natën kur vdiq.
Dhe majin e kaluar, ish-zëvendësdrejtori i FBI-së, Dan Bongino, i tha Fox News: “Ka video të qarta si drita. Ai është i vetmi person atje dhe i vetmi person që del. Mund ta shihni.”

The post Dosjet e Epstein, një i burgosur misterioz hyri në qelinë e tij natën që kreu vetëvrasje? appeared first on Albeu.com.

Në një seancë maratonë për më shumë se 10 orë, 8 gjyqtarët e Gjykatës Kushtetuese nuk kanë arritur të marrin një vendimin për ankimimin e Edi Ramës për pezullimin e Belinda Ballukut nga detyra, pasi votat u ndanë 4 pro dhe 4 kundër, si rrjedhojë duke bërë që të mbetet në fuqi vendimi i GJKKO.

Në vendimin e siguruar nga gazetarja e Top Channel Anila Hoxha, 8 gjyqtarët kanë argumentuar dy qëndrimet, pro dhe kundër pezullimit nga detyra të Ballukut.
“Sipas njërit qëndrim, Gjykata në jurisprudencën e saj në lidhje me nenin 73, pika 3 të Kushtetutës është shprehur se imuniteti i deputetëve nuk është privilegj personal i tyre por qëllimi kryesor i tij është mbrojtja e vetë Kuvendit dhe në veçanti funksionimi i duhur i tij.

Në këtë kuptim, marrja e autorizimit nga Kuvendi për zbatimin e masave që kufizojnë paraprakisht lirinë e deputetit synon të mbrojë veprimtarinë e vetë Kuvendit.
Kjo do të thotë se edhe neni 103, pika 3 i Kushtetutës, duke parashikuar se anëtarët e Këshillit të Ministrave gëzojnë imunitetin e deputetit synon mbrojtjen dhe funksionimin e organit ekzekutiv, pjesë e të cilit është edhe ministri.
Duke iu referuar masës së pezullimit të ushtrimit të detyrës apo shërbimit publik vlerësohet se për nga shkalla dhe intensiteti i saj ajo prek funksionin kushtetues politik të ministrit.
Prandaj në balancimin e parimit kushtetues të efektivitetit të ndjekjes penale dhe atij të funksionimit të pushtetit ekzekutiv në kuptim të parimit të ndarjes dhe balancimit të pushteteve sipas nenit 7 të Kushtetutës edhe për këtë masë kërkohet dhënia e autorizimit paraprak nga Kuvendi”, shprehet Gjykata, në argumentimin e 4 gjyqtarëve kundër pezullimit nga detyra.
“Sipas qëndrimit tjetër, ngjashëm me standardin e interpretimit të pranuar nga Gjykata në rastin e regjimit të imuniteteve, i cili duhet të jetë i ngushtë/i kufizuar, bazuar në vullnetin e kushtetutëbërësit në reformën e vitit 2012 për zvogëlimin e imunitetit, Kushtetuta në formën e saj aktuale ka parashikuar autorizimin paraprak të Kuvendit për masat procedurale penale të parashikuara shprehimisht në nenin 73, pika 2 të saj.
Në këtë dispozitë nuk parashikohet masa ndaluese e pezullimit të ushtrimit nga detyra sipas nenit 242 të Kodit të Procedurës Penale, ndonëse zbatimi i kësaj mase pamundëson ushtrimin e funksioneve të ministrit dhe për pasojë ndërhyn edhe në veprimtarinë e Këshillit të Ministrave”, thotë Gjykata për argumentin e 4 gjyqtarëve pro pezullimit nga detyra.
Vendimi:
Gjykata Kushtetuese e mbledhur sot në datën 06.02.2026 mori në shqyrtim çështjen me kërkues Kryeministri i Republikës së Shqipërisë me objekt: zgjidhja e mosmarrëveshjes së kompetencës së krijuar ndërmjet Kryeministrit dhe Këshillit të Ministrave nga njëra anë, dhe Gjykatës së Posaçme të Shkallës së Parë për Korrupsionin dhe Krimin e Organizuar, nga ana tjetër, shfuqizimi i vendimeve gjyqësore të Gjykatës së Posaçme të Shkallës së Parë për Korrupsionin dhe Krimin e Organizuar për pjesën që ka disponuar vendosjen dhe vazhdimin e masës ndaluese të pezullimit të ushtrimit të detyrës së zëvendëskryeministres dhe ministres së Infrastrukturës dhe Energjisë, si dhe interpretimin e pikës 3, të nenit 103, të Kushtetutës.
Paraprakisht Gjykata vlerësoi njëzëri se imuniteti i ministrit rregullohet nga neni 103, pika 3 i Kushtetutës në lidhje me nenet 73, pikat 1 dhe 2.
Në regjimin kushtetues të imunitetit të ministrit, ashtu sikurse të deputetit, nuk përfshihet garancia e parashikuar në nenin 242, paragrafi 2 i Kodit të Procedurës Penale, sipas të cilit masa e pezullimit të ushtrimit të një detyre a shërbimi publik nuk zbatohet ndaj personave të zgjedhur sipas ligjit elektoral.
Gjykata thekson se sipas Kushtetutës sistemi qeverisës bazohet në parimin e shtetit të së drejtës sipas të cilit edhe ministrat i nënshtrohen ligjit dhe mund të mbahen ligjërisht përgjegjës nëse e shkelin atë.
Ndër parimet e tjera themelore janë edhe ato të epërsisë së Kushtetutës si ligji më i lartë dhe zbatimi i drejtpërdrejtë i dispozitave të saj, detyrimi i shtetit për të vepruar brenda bazës dhe kufijve të së drejtës dhe ndarja dhe balancimi ndërmjet pushteteve ligjvënës, ekzekutiv dhe gjyqësor.
Në lidhje me objektin e kërkesës, në përfundim të diskutimeve, vlerësimet e gjyqtarëve u ndanë në dy qëndrime dhe Gjykata nuk arriti numrin e kërkuar të votave për vendimmarrje, sipas parashikimeve të nenit 133, pika 2, të Kushtetutës dhe nenit 72, pika 2, të Ligjit Organik të saj.
Sipas njërit qëndrim, Gjykata në jurisprudencën e saj në lidhje me nenin 73, pika 3 të Kushtetutës është shprehur se imuniteti i deputetëve nuk është privilegj personal i tyre por qëllimi kryesor i tij është mbrojtja e vetë Kuvendit dhe në veçanti funksionimi i duhur i tij.
Në këtë kuptim, marrja e autorizimit nga Kuvendi për zbatimin e masave që kufizojnë paraprakisht lirinë e deputetit synon të mbrojë veprimtarinë e vetë Kuvendit (shih vendimin nr. 81, datë 21.11.2024 të Gjykatës Kushtetuese).
Kjo do të thotë se edhe neni 103, pika 3 i Kushtetutës, duke parashikuar se anëtarët e Këshillit të Ministrave gëzojnë imunitetin e deputetit synon mbrojtjen dhe funksionimin e organit ekzekutiv, pjesë e të cilit është edhe ministri.
Duke iu referuar masës së pezullimit të ushtrimit të detyrës apo shërbimit publik vlerësohet se për nga shkalla dhe intensiteti i saj ajo prek funksionin kushtetues politik të ministrit.
Prandaj në balancimin e parimit kushtetues të efektivitetit të ndjekjes penale dhe atij të funksionimit të pushtetit ekzekutiv në kuptim të parimit të ndarjes dhe balancimit të pushteteve sipas nenit 7 të Kushtetutës edhe për këtë masë kërkohet dhënia e autorizimit paraprak nga Kuvendi.
Sipas qëndrimit tjetër, ngjashëm me standardin e interpretimit të pranuar nga Gjykata në rastin e regjimit të imuniteteve, i cili duhet të jetë i ngushtë/i kufizuar, bazuar në vullnetin e kushtetutëbërësit në reformën e vitit 2012 për zvogëlimin e imunitetit, Kushtetuta në formën e saj aktuale ka parashikuar autorizimin paraprak të Kuvendit për masat procedurale penale të parashikuara shprehimisht në nenin 73, pika 2 të saj.
Në këtë dispozitë nuk parashikohet masa ndaluese e pezullimit të ushtrimit nga detyra sipas nenit 242 të Kodit të Procedurës Penale, ndonëse zbatimi i kësaj mase pamundëson ushtrimin e funksioneve të ministrit dhe për pasojë ndërhyn edhe në veprimtarinë e Këshillit të Ministrave.
Në këndvështrim të parimit të ndarjes dhe balancimit të pushteteve, çështja e shtimit ose ndryshimit të mekanizmave balancues, ku përfshihen edhe garanci të tilla, i përket vlerësimit të ligjvënësit kushtetues.
Për sa më lart, Gjykata Kushtetuese vendosi:
Rrëzimin e kërkesës.
Heqjen e masës së pezullimit të caktuar me vendimin e Mbledhjes së Gjyqtarëve të datës 12.12.2025.
Ky vendim është përfundimtar dhe hyn në fuqi me botimin e vendimit në Fletoren Zyrtare”, thuhet në vendimin e Kushtetueses.

The post Pezullimi i Ballukut nga detyra e zv.Kryeministres, Kushtetuesja publikon vendimin, si argumentohet qëndrimi pro dhe kundër i 8 gjyqtarëve appeared first on Albeu.com.

Me ceremoninë e hapjes, nisin zyrtarisht Lojërat Olimpike Dimërore të Milano Cortinas. Shqipëria përfaqësohet në këtë kompeticion nga 4 sportistë, të gjithë në Skitë Alpine dhe me këtë rast kryeministri i vendit Edi Rama vendosi t’iu drejtohet rrjeteve sociale për të bërë urimin e tij për delegacionin shqiptar

‘Flamuri kuqezi valëvitet në “San Siro”, në hapjen e Lojërave Olimpike Dimërore, Milano Cortina 2026. Suksese Lara, Denni, Lisa dhe Semire, TeamAlbania’– shkruan në postimin e tij kryeministri Rama.
Për Shqipërinë do të jenë pikërisht Lara Colturi, Deni Xhepa, Lisa Brunga dhe Semire Dauti që do të garojnë në këtë edicion të Lojërave Olimpike Dimërore që mbahen në Milano Cortina të Italisë.

The post Nisën Lojërat Olimpike Dimërore; kryeministri Rama, mesazh urimi për sportistët shqiptarë appeared first on Albeu.com.

Delegacioni shqiptar bëri parakalimin në ceremoninë e hapjes së Lojërave Olimpike Dimërore të Milano-Cortinës të zhvilluar në mbrëmjen e 6 shkurtit.

E para që zbriti në San Siro ishte pikërisht delegacioni grek dhe menjëherë i erdhi radha delegacionit kuqezi të valëvisë flamurin e tij me Lara Colturin që ndodhej në Cortina dhe Denni Xhepan nga Livigno.

Shqipëria garon në Lojërat Olimpike Dimërore me 4 sportistë, që të katërt pjesëmarrës në Skitë Alpine. Përvec Lara Colturit dhe Denni Xhepës për ngjyrat kuqezi garojnë edhe Semire Dauti dhe Lisa Brunga.

The post FOTO/Shqipëria bën parakalimin në ceremoninë e hapjes së Lojërave Olimpike Dimërore të Milano-Cortina appeared first on Albeu.com.

Gjykata Kushtuese është mbledhur sërish ditën e sotme në lidhje me përplasjen institucionale mbi kompetencat mes qeverisë dhe Gjykatës së Posaçme, që lidhet me vendimin për pezullimin nga detyra të zëvendëskryeministres Belinda Balluku.

Qeveria kishte kundërshtuar vendimin e GJKKO-së, e cila kishte dhënë masën për pezullimin e Ballukut, ndërkohë që Gjykata Kushtetuese vendosi rikthimin e Ballukut në funksionet qeveritare deri në marrjen e një vendimi.

Dhe pas afro 10 orësh shqyrtim, Kushtetuesja ka rrëzuar kërkesën e Qeverisë, duke lënë në fuqi pezulimin e Ballukut nga detyra e Zëvendëskryeministres dhe Ministres.

Mësohet se gjyqtarët kanë votuar 4 pro dhe 4 kundër, duke mos pasur kështu një kuorum të nevojshëm të votave për vendimarrje pro ose kundër e për rrjedhojë kërkesa e qeverisë është rrëzuar.

The post Kushtetuesja merr vendimin për Ballukun, lë në fuqi pezullimin appeared first on Albeu.com.

Këshilli i Lartë Gjyqësor ka reaguar për trysninë ndaj gjyqtarëve dhe gjyqësorit, e cila ka ardhur në rritje.

Përmes një deklarate, KLGJ thotë se mirëkupton qëndrimet dhe opinionet kritike të shprehura nga funksionarë publikë apo subjekte private, e në veçanti nga media e shkruar dhe ajo audiovizive, të cilat kontribuojnë në rritjen e transparencës dhe efektivitetit të sistemit gjyqësor.

“Por kohët e fundit, me shqetësim konstatohet një “trysni” ndaj gjyqtarëve dhe gjyqësorit, e cila ka një tendencë rritëse, si dhe shfaqja e disa qëndrimeve apo deklaratave me ndikim të dukshëm në informimin e opinionit publik, të cilat, përveçse shkelin të drejtat njerëzore të gjyqtarëve për shkak të ushtrimit të detyrës, rrezikojnë seriozisht edhe kryerjen e funksioneve të tyre ligjore.

Këshilli i Lartë Gjyqësor rithekson se qëndrime të tilla cenojnë figurën dhe dinjitetin e gjyqtarëve, si dhe minojnë pavarësinë e pushtetit gjyqësor. Këshilli i Lartë, në respekt të detyrës së tij kushtetuese, është në mbrojtje të integritetit të gjyqtarëve dhe të sistemit gjyqësor dhe u bën thirrje që të shmangen deklarata të tilla, të cilat tentojnë të ndikojnë mbi sistemin gjyqësor”, thuhet në deklaratë.

Deklarata e plotë

Këshilli i Lartë Gjyqësor mirëkupton qëndrimet dhe opinionet kritike të shprehura nga funksionarë publikë apo subjekte private, e në veçanti nga media e shkruar dhe ajo audiovizive, të cilat kontribuojnë në rritjen e transparencës dhe efektivitetit të sistemit gjyqësor.

Por kohët e fundit, me shqetësim konstatohet një “trysni” ndaj gjyqtarëve dhe gjyqësorit, e cila ka një tendencë rritëse, si dhe shfaqja e disa qëndrimeve apo deklaratave me ndikim të dukshëm në informimin e opinionit publik, të cilat, përveçse shkelin të drejtat njerëzore të gjyqtarëve për shkak të ushtrimit të detyrës, rrezikojnë seriozisht edhe kryerjen e funksioneve të tyre ligjore.

Këshilli i Lartë Gjyqësor rithekson se qëndrime të tilla cenojnë figurën dhe dinjitetin e gjyqtarëve, si dhe minojnë pavarësinë e pushtetit gjyqësor. Këshilli i Lartë, në respekt të detyrës së tij kushtetuese, është në mbrojtje të integritetit të gjyqtarëve dhe të sistemit gjyqësor dhe u bën thirrje që të shmangen deklarata të tilla, të cilat tentojnë të ndikojnë mbi sistemin gjyqësor.

Sikundër ndodh në çdo shoqëri demokratike, gjyqtarët janë garantues të barazisë së palëve përpara ligjit. Për rrjedhojë, ushtrimi i funksionit të tyre duhet të jetë i pavarur dhe i çliruar nga çdo formë ndikimi, duke iu nënshtruar vetëm Kushtetutës dhe ligjeve.

Këshilli i Lartë Gjyqësor sjell në vëmendjen e opinionit publik se respekton misionin e pazëvendësueshëm të medias për informimin e publikut në lidhje me veprimtarinë e sistemit gjyqësor, por nga ana tjetër pret që edhe media të respektojë dinjitetin e gjykatës dhe të gjyqtarit, duke mos përcjellë informacion që përmban gjuhë apo imazhe fyese, të cilat cenojnë figurën e gjyqtarit.

Këshilli u bën thirrje të gjithë subjekteve publike dhe private të respektojnë pavarësinë e gjyqësorit si një nga themelet e shtetit të së drejtës. E vetmja rrugë për të kundërshtuar një vendim gjyqësor është përmes mjeteve procedurale të parashikuara nga ligji, duke u ankuar në një gjykatë më të lartë. Po ashtu, çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse.

The post “Po rritet trysnia ndaj gjyqtarëve”, KLGJ: Qëndrime të tilla cenojnë figurën dhe dinjitetin e tyre, të respektohet pavarësia e gjyqësorit appeared first on Albeu.com.

Pas pak minutash, pritet që Gjykata Kushtetuese të japë vendimin për kërkesën e qeverisë mbi vendimin e GJKKO për pezullimin nga funksionet publike të zv/kryeministres Belinda Balluku.

Gjyqtarët e GJK janë “ngujuar” që në orë 11:00 në Dhomën e Këshillimit, ndërsa janë larguar që aty vetëm pak minuta sa të konsumonin drekën.

Kjo është mbledhja e tretë e GJK për këtë çështje, kur dy mbledhjet e mëparshme kanë dështuar pasi disa anëtarë kanë kërkuar më tepër kohë.
Çështja “Balluku” është çështja me interes më të lartë publik, nga çështjet që Kushtetuesja po shqyrton aktualisht, duke pasur parasysh rikthimin në detyrë të zëvendës kryeministres Belinda Balluku.

The post Ankimimi i Qeverisë për Ballukun, Gjykata Kushtetuese do të japë vendimin pas pak minutash appeared first on Albeu.com.

Pas emërimit të Dashnor Sulës si kryeinspektor i Përgjithshëm, vjen reagimi i parë nga PD.

Përmes një postimi në Facebook, sekretari i Përgjithshëm i PD Flamur Noka e ka sulmuar Sulën duke thënë se është shpërblyer nga Edi Rama pasi ka bërë opozitën e opozitës.

“Nga “o gjel deti pusho” në “o gjel deti këndo”. Shembulli sesi Edi Rama i shpërblen ata që i bëjnë opozitë-opozitës”, shkruan Noka krahas një video të marrë nga një seancë kuvendi kur Sula ishte deputet, teksa Edi Rama i drejtohet duke i thënë “pusho o gjel deti”.

The post Noka replika thumbuese pas emërimit të Dashnor Sulës si kryeinspektor: Nga “o gjel deti pusho” në “o gjel deti këndo” appeared first on Albeu.com.

Banorët e fshatit Rrjoll të Velipojës bllokuan sot punimet për ndërtimin e një resorti turistik në Baks-Rrjoll.

Prej pesë ditësh banorët po protestojnë për ndërtimin e resortit, duke pretenduar se tokat ku po realizohet investimi janë pronë e tyre dhe se po cenohen pa një proces të rregullt ligjor.

Ndërkohë që një proces gjyqësor për pronësinë e truallit është ende në shqyrtim në Gjykatën e Apelit në Tiranë.

Banorët shprehen se e kanë me letra tokën dhe nuk do ta lejojnë të ndërtohet resorti në këtë zonë.

Ditën e djeshme banorët protestuan para Prokurorisë së Posaçme Kundër Korrupsionit dhe Krimit të Organizuar ku bënë thirrje për drejtësi, duke theksuar se SPAK është i vetmi institucion në të cilin kanë besim se do ta zgjidhë këtë çështje. Ndërsa në ditët e mëparshme banorët kanë bllokuar edhe aksin rrugor Velipojë–Shëngjin.

Projekti parashikon ndërtimin e një kompleksi turistik me një sipërfaqe rreth 146 hektarë në zonën e Rrjollit (Shkodër), i cili konsiderohet si një nga investimet më të mëdha turistike në vend.

The post Vijon protesta e banorëve kundër ndërtimit të resortit turistik në Baks-Rrjoll appeared first on Albeu.com.

Reshjet e shiut kanë ndaluar që prej mesditës, gjë që ka ndikuar pozitivisht në përmirësimin e situatës së krijuar këtë të premte në qytezën e Himarës.

Bashkia ka vënë menjëherë në dispozicion mjetet dhe punonjësit për largimin e baltes nga rrugët, duke punuar për pastrimin dhe normalizimin e qarkullimit.

Ndërkohë, një pjesë e mirë e rrugëve që nuk mund të aksesoheshin më parë, tashmë janë të pranueshme për qarkullim.

Një banor i Himarës shprehet se kjo situatë nuk ka ndodhur prej vitesh.

Banesat në lagjen para Policisë, pranë portit, janë përmbytur nga uji si pasojë e reshjeve të dendura. Uji ka hyrë në disa shtëpi, duke shkaktuar dëme materiale dhe shqetësim për banorët e zonës.

Bashkia u ka bërë thirrje qytetarëve të shmangin çdo lëvizje që nuk është e domodoshme, qoftë me automjete dhe me këmbë.

“Prej mëngjesit të sotëm, rajoni jonë është përfshirë nga një valë reshjesh me intesitet shumë të lartë, duke shkaktuar vërshime të përrnejve, të cilët kanë dalë nga shtrati duke përmbytur rrugë dhe mjedise të tjera.

Ju bëjmë thirrje që të shmangni çdo lëvizje që nuk është e domodoshme, qoftë me automjete dhe me këmbë.

Qëndroni në mjedise të sigurta derisa kushtet e motit të përmirësohen”, thuhet në mesazhin që bashkia e Himarës u ka drejtuar qytetarëve.

The post VIDEO/ Shirat dëmtojnë disa banesa në qytetin e Himarës, banorët në panik: Kjo situatë nuk ka ndodhur prej vitesh appeared first on Albeu.com.

Kreu i PD Sali Berisha, në fjalën e tij në Foltoren e radhës në Tiranë, u shpreh vendimi që pritet të merret sot nga Gjykata Kushtetuese në lidhje me masën e sigurisë Pezullim nga Detyra për zëvendës kryeministren Belinda Balluku, mund të zhbëjë procesin e integrimit të Shqipërisë.

“Organizata kryetare e Ramës ka urdhëruar gjykatësit të votojnë pro Ballukut. Organizata kriminale voton kundër interesave jetike të shqiptarëve, voton që një grup hajdutësh që ka vjedhur miliarda të vijë të vjedhë miliarda të tjerë. Ky vendim mund të këpusë çdo urë lidhëse mund të zerojë të gjithë përpjekjet 35 vjeçare për t’u integruar në BE. Votojnë pasi kanë marrë mesazhin se kjo mund të na detyrojë të zhbëhet procesi i integrimit”, tha ai.

The post Kushtetuesja merr sot vendimin për Ballukun, Berisha: Rama ka urdhëruar gjyqtarët të votojnë pro Lubisë! Sot mund të ndërpritet procesi i integrimit në BE appeared first on Albeu.com.

Polumbarët e RENEA-s dhe Policia vijojnë kërkimet për gjetjen e trupit të 65-vjeçarit Ylli Dine në afërsi të vendit të quajtur “Fusha e fshatit Peshtan”, Tepelenë.

Krehja e shtratit të lumit po kryhet nga të dyja anët, në një terren të vështirë dhe me rrjedhë të fortë uji.

Vëllai i tij thotë se u bënë 40 orë nga zhdukja e tij dhe ka treguar detaje nga jeta e Yllit.

“Jetonte vetëm, ai ishte i ndarë. Shtëpinë e ka në Tiranë, por pas ndarjes jetonte me prindërit në Peshtan. Shkonte çdo ditë me bagëti dhe atë ditë është parë edhe nga banorë të zonës.

Pas ndarjes ai abuzonte me alkoolin dhe dyshohet se i ka rrëshkitur këmba dhe ka rënë në lumë pasi dhe vendi ku mendohet se ka ndodhur është i rrezikshëm.

Gjatë kërkimeve janë gjetur në bregun e lumit një kërrabë dhe një velenxë që dyshohet se i përkasin bariut.

Familjarët vijojnë apelin për ndihmë dhe kërkojnë që kushdo që mund të ketë informacion, sado të vogël, të kontaktojë autoritetet për të ndihmuar në zbardhjen e fatit të tij.

The post VIDEO/ Dyshohet se e mori rrjedha e lumit Vjosë, Polumbarët e RENEA-s dhe Policia vijojnë kërkimet për gjetjen e trupit të 65-vjeçarit Ylli Dine appeared first on Albeu.com.

Punonjësi i policisë Besard Kovaçi, i cili u përfshi në përplasjen me armë zjarri pak ditë më parë në Lezhë, do të qëndrojë në burg.

Togat e zeza miratuan kërkesën e prokurorit, i cili, pasi lexoi gjetjet e hetimit, theksoi se punonjësi i policisë ka shpërdoruar detyrën, pasi ka qëlluar me armë zjarri drejt të paktën tre personave jashtë orarit zyrtar të punës së tij.

Polici Kovaçi u shpreh para gjykatës se ka hapur zjarr vetëm për të neutralizuar situatën, pasi pa se drejt dyqanit të berberit po afroheshin persona të armatosur.

Për këtë ngjarje në kërkim janë shpallur Kevin, Gerardo dhe Eliseo Ndoka, që ishin pjesë e një grupi prej shtatë personash, disa prej të cilëve ende të paidentifikuar, të cilët tentuan të hynin në berberhanen në Lezhë ku ndodhej 21-vjeçari Merando Nikulaj.

Edhe ky i fundit, pavarësisht se ishte shënjestër e sulmit, po kërkohet nga policia, pasi besohet se edhe ai ka përdorur armë zjarri. Në këtë ngjarje të rëndë, të ndodhur në Rrilë të Lezhës, i plagosur ka mbetur pronari i dyqanit, berberi Sokol Daci, i cili ka marrë disa plumba dhe ndodhet nën kujdesin e mjekëve në Spitalin e Traumës.

Konflikti mes dy fiseve Nikulaj dhe Ndoka ka nisur në verën e vitit të shkuar, kur anëtarë të familjes Nikulaj aksidentuan një motor ku po lëviznin dy të rinj të familjes Ndoka, ku si pasojë e përplasjes u regjistruan edhe dëmtime fizike.

Ishte në dijeni të korrupsionit gjatë zgjedhjeve/ GJKKO dënon kandidatin e koalicionit “Bashkë Fitojmë”, Shkëlqim Hoxha
Si duket, kjo histori nuk është mbyllur me kaq, pasi mbrëmjen e 1 shkurtit të paktën tre anëtarë të fisit Ndoka shkuan për të marrë hak, por u përballën me të shtëna me armë zjarri nga brenda objektit.

The post “L*fta” në derë të berbehanes/ Gjykata lë në burg policin Kovaçi, shpallen në kërkim 4 të rinjtë e fisit Ndoka appeared first on Albeu.com.

Një aksident është regjistruar pasditen e sotme në autostradën Tiranë–Elbasan. Mësohet se katër automjete janë përfshirë në aksident. Sipas informacioneve paraprake, fatmirësisht nga aksidenti nuk ka pasur persona të lënduar, ndërsa janë shkaktuar vetëm dëme materiale.

Ngjarja ka shkaktuar vështirësi në qarkullimin e automjeteve, duke krijuar radhë dhe ngadalësim të trafikut në këtë aks të rëndësishëm rrugor.

Në vendngjarje kanë mbërritur forcat e Policisë Rrugore, të cilat kanë ndërhyrë për normalizimin e qarkullimit dhe po punojnë për zbardhjen e shkaqeve të aksidentit.

The post Aksident në autostradën Tiranë-Elbasan, përplasen 4 makina, vështirësi në qarkullimin e mjeteve appeared first on Albeu.com.

Me nisjen e reshjeve të shiut në vend u rikthyen edhe përmbytjet, ku uji ka vërshuar në rrugët e Durrësit.

Vetëm pak javë pas përmbytjeve masive në këtë qark, banorët po përballen sërish me një situatë të vështirë, ku për shkak të nivelit të lartë të ujit qarkullimi i automjeteve dhe lëvizja e këmbësorëve është vështirësuar.

Situata më problematike ishte në kryqëzimet e qytetit bregdetar, si dhe pranë stadiumit “Niko Dovana”. Nga intensiteti i lartë i reshjeve janë shkaktuar edhe rrëshqitje të dherave nga shpatet e kodrave, kryesisht në zonën e Currilave, ku u bllokua edhe një kah i rrugës për shkak të ujit dhe baltës.

The post VIDEO/ Pamje dramatike nga Durrësi, qyteti bregdetar sërish nën ujë, lagjja e “Currilave” mbulohet nga balta appeared first on Albeu.com.

GJKKO ka rrëzuar kërkesën e kryebashkiakut Erion Veliajt për përjashtimin e gjyqtares Etleva Deda.

Relatori i çështjes, Bib Ndreca ka vendosur rrëzimin e kërkesës së depozituar më 4 shkurt.

Këtë kërkesë Veliaj e artikuloi që në seancën e 2 shkurtit që u mbajt në GJKKO.

Gjatë seancës së fundit në GJKKO pati përplasje mes kryebashkiakut Veliaj dhe trupit gjykues.

Veliaj braktisi sallën e gjyqit me pretendimin se nuk u dëgjua nga trupi gjykues.

The post GJKKO rrëzon kërkesën e Veliajt për përjashtimin e gjyqtares Etleva Deda appeared first on Albeu.com.

Kreu i Partisë Republikane Fatmir Mediu ka organizuar në Uashington Forumin e Sigurisë në bashkëpunim me kongresmenë amerikanë.

Në një lidhje skype në News24, Mediu u shpreh se në Forum janë adresuar problematika të ndryshme sa i përket vendit tonë, ku vlerësoi se një pikë kyçe është vlerësimi i
pasojave që ato sjellin në rajon.

Sipas kreut të PR, Investimi për mbrojtjen është domosdoshmëri në situatën gjeopolitike dhe kërcënimet me të cilat përballet sot bota dhe Aleanca.

“Investimi për mbrojtjes nuk është vetëm çështje prokurimi. Pika e parë është domosdoshmëria e funksionimit të NATO-s në partneritet. Investimi për mbrojtjen është domosdoshmëri në situatën gjeopolitike dhe kërcënimet e sotme”, tha ai.

Mediu shtoi gjithashtu se janë bërë disa takime të rëndësishme në nivele të larta gjatë Forumit.

“Kisha një takim të mbyllur me folësit kryesor dhe kongresmenët. Kongresi Amerikan në mënyrë të qartë është në mbështetje të aleancës ë NATO-s me një angazhim me SHBA dhe këtë e shohin si gjënë më të rëndësishme për sigurinë e BE apo SHBA por edhe sigurisë globale.
Kemi zhvilluar dy takime shumë të rëndësishme si opozitë, me presidentin e Institutit Republikan Amerikan dhe presidentin e Institutit Demokratik Amerikan.
Kemi kërkuar angazhim për çështje të rëndësishme si Reforma Zgjedhore apo ajo Territoriale.
Janë vlerësime inkurajuese për opozitën shqiptare, kemi adresuar problemin e korrupsionit, trafiqeve, zgjedhjet dhe demokracinë në Shqipëri. Qendrimi i DASH ishte i pa ndryshuar në lidhje me korrupsionin dhe krimin e organizuar duke u ndalur në raste konkrete. Kapitalizimi i kësaj marrëdhënie nga ana e opozitës është diçka shumë e rëndësishme sipas mendimit tim, duke mos u ndalur në efektin që ka brenda Shqipërisë, por edhe pasojat që ajo ka në rajon, në Ballkan.
Është pozitive, një lëvizje e fortë opozitare, opozita i ka dyert e hapura tashmë”, tha ai.

The post Forumi i Sigurisë në SHBA, Mediu: Qendrimi i DASH për korrupsionin dhe krimin e organizuar, i pandryshuar! Çfarë u fol në takimin me kongresmenët appeared first on Albeu.com.

Këshilli i Ministrave ka miratuar një paketë vendimesh për indeksimin me 2.5% të pagave dhe elementeve përbërëse të tyre në disa kategori të administratës publike për vitin 2026.

(Vendimet përfshijnë rritjen e pagës së Presidentit të Republikës dhe të pagës referuese bazë për funksionet gjyqësore dhe të prokurorisë, si edhe përditësimin e strukturave të pagave për Gardën e Republikës, Policinë e Burgjeve, koordinatorët kundër korrupsionit, punonjësit mbështetës dhe specialitetet e ndryshme në administratë, si dhe personelin e sistemit shëndetësor.)

Krahas indeksimit, në disa sektorë parashikohen edhe rregullime specifike të shtesave dhe kompensimeve.

Efektet financiare përballohen nga buxheti i miratuar për vitin 2026 dhe vendimet hyjnë në fuqi pas botimit në Fletoren Zyrtare, me efekte financiare nga 1 janari 2026.

The post Presidenti, gjyqtarët, Garda dhe…/ Qeveria miraton indeksimin e pagave, ja kategoritë që përfitojnë appeared first on Albeu.com.