Gert Bushati është lënë me masën “arrest me burg” nga Gjykata e Shkallës së Parë në Shkodër, i dyshuar në vrasjen e Hysni Ymerit. Bushati ka pranuar se është personi që ka vendosur sasinë e eksplozivit me datë 27 dhjetor në panelin e matësve elektrik e cila shpërtheu dy ditë më pas duke i marrë jetën 67-vjeçarit.

Në deklaratën e tij në polici autori i dyshuar Bushati ka thënë se tre shtetasit e tjerë të arrestuar Edison Hasaj, Gjergj Zefi dhe Ergys Ibrahimi janë personat që e kanë kontaktuar për të vendosur sasinë e tritolit.

Ndërkohë gjykata dha “arrest me burg” edhe për Gjergj Zefi, Ergys Ibrahimi, Edison Hasaj, të dyshuar si pjesëmarrës në vrasjen e Hysni Ymerit me tritol.

Këta tre shtetas nuk e kanë pranuar në polici ngjarjen ndërsa në gjykatë nuk kanë folur duke u përfaqësuar nga avokatët. Ata janë shprehur se nuk kanë asnjë lidhje me tritolin dhe kanë mohuar se mund të jenë ata porositësit e Gert Bushatit.

Reshjet e shiut dhe dëborës kanë shkaktuar dëmtime në rrugë duke sjellë vështirësi të përkohshme në qarkullim në disa bashki të qarkut të Shkodrës.

Prefektura e Shkodrës bëri të ditur sot se institucionet vendore dhe strukturat e emergjencave civile janë të angazhuara dhe në gatishmëri të plotë për të përballuar çdo zhvillim të mundshëm të situatës.

Në vijim të kushteve atmosferike të ditës së sotme dhe bazuar në informacionet e mbledhura nga strukturat operacionale në terren, prefektura Shkodër informon se situata në territorin e qarkut Shkodër është nën monitorim të vazhdueshëm.

Në bashkinë Shkodër janë regjistruar reshje shiu me intensitet të lartë, ndërkohë që të gjitha kapacitetet e bashkisë janë në gatishmëri të plotë për përballimin e çdo situate të mundshme. Ndërsa në bashkinë e Vaut të Dejës aktualisht nuk raportohen reshje shiu.

Në bashkinë Malësi e Madhe, gjatë natës janë regjistruar reshje të dendura shiu. Në qytetin e Koplikut ka pasur prani uji në rrugë, por situata paraqitet në përmirësim, pasi uji po tërhiqet gradualisht.

Në fshatin Kamicë, njësia administrative Qendër, si pasojë e prurjeve nga Përroi i Thatë, janë evidentuar dëmtime në rrugën që kalon mbi të, duke sjellë vështirësi të përkohshme në qarkullim dhe në lidhjen Kamicë-Flakë, ndërsa strukturat vendore janë në ndjekje të situatës.

Në bashkitë Fushë-Arrëz dhe Pukë vijojnë reshjet e shiut (në Pukë shoqërohen edhe me erë të fortë), por deri në këto momente nuk raportohen problematika.

Sipas raportimit të Drejtorisë Rajonale të Ujësjellës Kanalizime Lezhë, prurjet në lumenj dhe përrenj janë shtuar, por mbeten nën kuotat e rrezikut për përmbytje. Nivelet e ujit në Bunë, Drin, Kir, Gjadër dhe rezervuarin e Shtodrit janë normale, ndërsa hidrovoret e Velipojës ndodhen në gatishmëri të plotë.

Sa i përket akseve rrugore, në segmentin Bogë-Theth është regjistruar dëborë në zonën e Qafë Thores dhe qarkullimi kërkon kujdes të shtuar. Në aksin Hani i Hotit-Dogana Vermosh ka pasur rënie inertesh, por grupet e punës janë në terren dhe po kryejnë pastrimin.

Gjithashtu, janë evidentuar disa ndërprerje të energjisë elektrike në njësi administrative të bashkive Shkodër, Vau i Dejës dhe Fushë-Arrëz, ndërsa ekipet e OSHEE-së po punojnë në terren për rikthimin e furnizimit.

Prefektura Shkodër u bën thirrje qytetarëve të tregojnë kujdes të shtuar, të ndjekin njoftimet zyrtare dhe të bashkëpunojnë me autoritetet lokale.

Strukturat e emergjencave civile janë në gatishmëri të plotë dhe situata po monitor

Nëndrejtori i Spitalit Rajonal të Lezhës, mjeku infeksionist Martin Marku, thotë se ndryshimi i temperaturave ka ndikuar në rritjen e rasteve të personave të sëmurë.

Fundi i vitit dhe ditët e para të vitit 2026 janë shoqëruar me fluks të lartë pacientësh në Urgjencën e Spitalit Rajonal të Lezhës. Sipas të dhënave, deri në 90 persona në ditë kërkojnë ndihmë mjekësore në urgjencë, pjesa më e madhe e të cilëve janë të prekur nga gripi sezonal dhe virozat.

Nëndrejtori i Spitalit Rajonal të Lezhës, mjeku infeksionist Martin Marku, thotë se ndryshimi i temperaturave ka ndikuar në rritjen e rasteve të personave të sëmurë.

“Që nga fundi i dhjetorit ka një shtim të rasteve që paraqiten në urgjencë ne temperaturë, dhimbje koke, pravirozat e stinës. Ndryshimi i temperaturave ndikon gjithashtu.  Spitali është i përgatitur për situata të tilla, është i furnizuar me medikamente për t’iu shërbyer pacientëve sa mirë”, shprehet Marku.

Urgjenca e Spitalit Rajonal të Lezhës ndodhet në gatishmëri të plotë, me shtim personeli, për të përballuar fluksin dhe për t’iu përgjigjur në kohë nevojave të qytetarëve që do të kërkojnë ndihmë mjekësore gjatë kësaj periudhe të ngarkuar me grip dhe viroza të stinës.

Braçe kritikoi AZHBR, që sipas tij, duhet të zhbëhet, për shkak se nuk dështoi që t’iu jepte paratë fermerëve brenda vitit. Ndër të tjera, deputeti theksoi se institucionet duhet të jenë 24 orë në punë dhe të paguajnë bujqit, të cilët nuk janë në zyra, por në mes të shiut.

Deputeti socialist Erion Braçe kritikon administratën shtetërore për ditët e gjatë ta pushimit në fundvit dhe neglizhencën për neglizhencën për alokuar paratë për fermerët, të cilët punojnë 24 orë.

Përmes një postimi në rrjetet sociale, Braçe thotë se paratë janë aty, 13 milion euro nga viti i kaluar dhe 19 milion euro të shtuara me aktin normativ, të cilat janë jetike për bujqësinë.

Braçe kritikoi edhe AZHBR, që sipas tij, duhet të zhbëhet, për shkak se nuk dështoi që t’iu jepte paratë fermerëve brenda vitit.

Ndër të tjera, deputeti theksoi se institucionet duhet të jenë 24 orë në punë dhe të paguajnë bujqit, të cilët nuk janë në zyra, por në mes të shiut.

Postimi i Erion Braçes në rrjetet sociale

ME NE FUUUUUND NE PUNE!

“Me ne fuuund” sepse dy javet e fundit eshte punuar vec 5 dite ne total; kaq shume dite pushim-kishte dhe te tjera dhjetori, mund te jene

te vlefshme per rikuperim e konsum, por ka edhe nevoja te tjera ky vend; NJEREZIT DUAN TE MARRIN CFARE U TAKON DHE NATYRISHT TE MARRIN EDHE SHERBIM

Per shembull;

Gjate ketyre diteve “pushim”, nga njerez qe punojne-populli i fshatit eshte ne pune pa pushim, kam marre shume mesazhe per “leket e mbeshtetjes per nafte, bageti etj”; Lexoini dy prej tyre ketu ne vijim.

Sot mesoj se e kemi mbyllur vitin me 13 MILIONE EURO MBESHTETJE PER BUJQIT NE PUNE PA PAGUAR, nderkohe qe KEMI SHTUAR EDHE 19 MILIONE EURO me AKTIN NORMATIV! GJITHSEJ, 32 MILIONE EURO PER TU PAGUAR BUJOVE!

Ne kemi patur problem PAMJAFTUESHMERINE PARAVE PER BUJQIT, TANI QE KEMI PARA NUK PAGUAJME!!!!

Natyrisht AZHBR DESHTOI TE PAGUANTE PARATE BRENDA VITIT dhe po e perseris, DUHET ZHBERE NGA THEMELET!

Keta njerez duhet te jene 24 ore ne pune te paguajne bujqit qe nuk punojne ne zyra sic keta, por ne fushe mes shiut, ne sera te ngrira nga ftohti i fillimvitit, ne stalla etj!

Presidentja e përkohshme e Venezuelës, Delcy Rodríguez, njoftoi të dielën, se është ngritur një komision me detyrë të sigurojë lirimin e presidentit Nicolás Maduro dhe bashkëshortes së tij, Cilia Flores, të cilët u kapën të shtunën gjatë një operacioni të ushtrisë amerikane dhe u dërguan në Shtetet e Bashkuara.

Maduro, të cilin Uashingtoni e akuzon për “trafik droge” dhe “terrorizëm”, u vendos të shtunën në paraburgim në një qendër ndalimi në Nju Jork dhe pritet të dalë përpara një gjyqtari të Nju Jorkut më vonë gjatë ditës së sotme.

Komisioni “i nivelit të lartë” u prezantua nga ministri i Informacionit, Freddy Ñáñez, i cili do të jetë gjithashtu anëtar i tij.

Bashkëkryetarë të komisionit do të jenë Jorge Rodríguez, kryetar i parlamentit, dhe ministri i Jashtëm, Iván Gil.

Kujtojmë se sipas Kushtetutës së Venezuelës, Rodriguez bëhet presidente në detyrë në mungesë të Maduros dhe gjykata më e lartë e vendit urdhëroi që ajo ta merrte detyrën të shtunën në mbrëmje.

Një i moshuar, 82-vjeç, është gjetur sot, më 5 janar 2026 i pajetë në një ullishtë në fshatin Vidhas.

Ai ishte në kërkim prej datës 1 janar, pasi ishin njoftuar blutë se ai ishte larguar nga banesa e tij, në lagjen “5 Maji”.

I moshuari vuante nga demenca e dyshohet se ka humbur jetën për shkaqe natyrale.

“Në vijim të informacionit të dhënë më datë 01.01.2026, për largimin nga banesa të shtetasit A. A., 82 vjeç, banues në lagjen “5 Maji”, i cili vuante nga demenca, informojmë se më datë 04.01.2026, si rezultat i kërkimeve në bashkëpunim me familjarët e 82-vjeçarit, është gjetur trupi i pajetë i tij, në një ullishtë në fshatin Vidhas. Ai dyshohet se ka humbur jetën për shkaqe natyrale“, njofton policia.

Prej rreth dy ditësh, Shkodra është përfshirë nën kushtet atmosferike jo të favorshme, të tilla si reshje shiu dhe dëbore, të cilat kanë sjellë dhe pasoja.

Nga një njoftim zyrtar për situatën aktuale të qarkut të Shkodrës, raportohet se në Bashkinë Vau i Dejës, nuk ka reshje shiu, por të tilla janë regjistruar përgjatës natës në Malësinë e Madhe.

Sakaq, në Koplik uji i pranishëm në rrugë po fillon të tërhiqet gradualisht, duke shënuar kështu një përmirësim të situatës.

Kritike mbetet situata në fshatin Kamicë, ku si pasojë e prurjeve nga Përroi i Thatë, ka dëmtime në rrugën që kalon mbi të, duke sjellë vështirësi të përkohshme në qarkullim dhe në lidhjen Kamicë–Flakë. Strukturat vendore janë në ndjekje të situatës.

Në Spitalin Universitar “Shefqet Ndroqi” pacientët po trajtohen me teknikat më të avancuara të kirurgjisë koronare, për të cilat deri pak kohë më parë flitej vetëm në disa vende të Europës.

Ministria e Shëndetësisë dhe Mirëqenies Sociale njoftoi sot se në Qendrën Spitalore Universitare “Shefqet Ndroqi” është realizuar me sukses ndërhyrja për zëvendësimin e valvulës aortale të dëmtuar, përmes përdorimit të teknikës moderne miniinvazive.

MSHMS e cilëson këtë teknikë, si një risi për strukturat mjekësore publike.

Dr. Merito Siqeca, kardiolog invaziv pranë SU “Shefqet Ndroqi”, tha se tavi është një procedurë minimalisht invazive, me anë të së cilës realizohet zëvendësimi i valvulës aortale të dëmtuar.

“Kjo procedurë realizohet me rrugë transfemorale, pra nga arteria e rrëzës së kofshës”, tha Siqeca, ndërsa konfirmoi se në sistemin shëndetësor publik në Shqipëri janë vetëm dy raste të realizuara me këtë metodë.

Dr. Agron Meshi, kardiolog invaziv, u shpreh se stenoza e valvulës së aortës është një ngushtim i valvulës që haset në moshat e mëdha.

Sipas Meshit, këta pacientë që kanë edhe shumë sëmundje të tjera bashkëshoqëruese e kanë më të vështirë ndërhyrjen kirurgjikale, me hapje të gjoksit, që të zëvendësohet kjo valvul.

“Përfitimet më të mëdha të kësaj procedure janë që pacienti e shmang çarjen e madhe në mes të gjoksit dhe gjaku nuk kalon në qarkullim jashtëtrupor gjatë procedurës”, tha ai.

“Tavi, kjo procedurë që është miniinvazive i ndihmon shumë këta pacientë që e kanë të pamundur të bëjnë kirurgjinë e hapur. Një nga pacientët tanë që kishte probleme me veshkën dhe ishte e pamundur që të ndërhyhej me hapjen e gjoksit, u realizua përmes kësaj teknike dhe doli me sukses”, pohoi Meshi.

Ndërkohë, pacienti i moshuar shprehet në video se vuan nga probleme të rënda të zemrës dhe veshkave.

“Vajta te dy kirurgë, por ata nuk ma morën përsipër sepse e kishin të pamundur për shkak të problemeve me veshkat që të më bënin operimin. Erdha te “Shefqet Ndroqi” dhe këta ma kryen ndërhyrjen. Jam shumë i kënaqur nga i gjithë stafi këtu”, tha ai.

Përdorimi i teknikave minimale invazive ndikon drejtpërdrejtë në ecurinë post operatore të pacientëve duke ulur ditëqëndrimin spitalor dhe duke mundësuar aktivizimin dhe mobilizimin e tyre më të shpejtë për të rifilluar një jetë normale.

Pas kapjes së dhunshme të pushtembajtësit autoritar në Venezuelë, Nicolás Maduro, BE-ja këmbëngul në të drejtën e popullit të Venezuelës për vetëvendosje.

“E drejta e popullit venezuelian për të vendosur për të ardhmen e vet duhet të respektohet”, shkroi Përfaqësuesja e Lartë e BE-së për Politikën e Jashtme, Kaja Kallas në një postim në X. Deklarata mbështetet nga të gjitha shtetet anëtare të BE-së përveç Hungarisë.

BE kërkon zgjidhje të negociuar, demokratike, gjithëpërfshirëse dhe paqësore

BE-ja është në kontakt të ngushtë me SHBA-në, si dhe me partnerët rajonalë dhe ndërkombëtarë, për të siguruar që nën udhëheqjen venezueliane mund të gjendet një zgjidhje e negociuar, demokratike, gjithëpërfshirëse dhe paqësore për krizën, thuhet më tej nga BE.

Në deklaratën e saj, kryediplomatja e BE-së përsëriti thirrjen për respektimin e së drejtës ndërkombëtare. Kallas theksoi rëndësinë e luftimit të krimit të organizuar ndërkombëtar dhe trafikimit të drogës, por në të njëjtën kohë se këto sfida duhet të adresohen përmes bashkëpunimit të qëndrueshëm me respekt të plotë për integritetin dhe sovranitetin territorial.

Respektimi i të drejtave të njeriut është gjithashtu me rëndësi thelbësore gjatë kësaj kohe kritike, për Kallas.

“Të gjithë të burgosurit politikë që ndodhen aktualisht në Venezuelë duhet të lirohen pa kushte.” Shtetet anëtare të BE-së po punojnë ngushtë së bashku për të garantuar sigurinë e qytetarëve të BE-së, përfshirë ata që janë të ndaluar ilegalisht në Venezuelë

Një avion i “Air France”, që po fluturonte drejt Parisit, u detyrua të bëjë një ulje të paplanifikuar në Mynih dje në mbrëmje, pasi në bord u ndje një erë djegieje, bëri të ditur sot një zëdhënës i aeroportit.

”Askush nuk u lëndua”, tha zëdhënësi, duke shtuar se ”avioni arriti të lëvizë vetë drejt vendit të parkimit”.

Pasagjerët u dërguan në hotele .

Numri i saktë i tyre nuk ishte menjëherë i qartë, por zëdhënësi theksoi se në bord ndodheshin me siguri më shumë se 200 persona, duke pasur parasysh tipin e avionit.

Fluturimi ishte nisur nga Bejruti dhe ishte planifikuar fillimisht të ulej në aeroportin “Charles de Gaulle” në Paris.

Shkaku i erës së djegies nuk ishte menjëherë i qartë.

“Avioni ndodhet ende këtu”, tha zëdhënësi sot në mëngjes, duke shtuar se linja ajrore do të merret tani me rastin.

Autoriteti Portual Durrës ka njoftuar për ndryshime në lundrimet e trageteve nga Durrësi drejt Barit dhe anasjelltas, si pasojë e kushteve të pafavorshme atmosferike gjatë mbrëmjes së 4 janarit.

Sipas njoftimit zyrtar, një nga dy tragetet e planifikuara për nisje drejt Barit nuk arriti të lundrojë për shkak të motit të keq.

Autoriteti Portual ka bërë të ditur edhe situatën aktuale të lëvizjes së trageteve për ditën e sotme.

Sa i përket tragetit “GNV Cristal”, ai është zhvendosur nga kalatat 7 dhe 8 në orën 07:05 dhe ka akostuar në Terminalin e Trageteve në orën 07:20, me nisje të planifikuar në orën 23:00.

Informacion për lundrimet e trageteve nga Durrësi drejt Barit dhe anasjelltas

Autoriteti Portual Durrës informon se, për shkak të kushteve të pafavorshme atmosferike gjatë mbrëmjes së datës 4 janar 2026, një nga dy tragetet e planifikuara për lundrim drejt Barit nuk arriti të niset.

Udhëtarët e prekur nga kjo situatë janë asistuar nga kompanitë përkatëse, të cilat kanë marrë masat për ridrejtimin e tyre me nisjet pasuese.

Situata aktuale e lëvizjes së trageteve për ditën e sotme është si më poshtë:

• Trageti “Rigel VII” mbërrin në Portin e Durrësit në orën 11:00 dhe do të niset në orën 13:00.
• Trageti “Rigel V” pritet të mbërrijë rreth orës 15:00 dhe do të niset rreth orës 23:00.
• Trageti “Rigel III” parashikohet të mbërrijë rreth orës 21:00 dhe do të niset pas mesnatës.
• “GNV Cristal” është zhvendosur nga kalata 7 & 8 në orën 07:05 dhe është akostuar në Terminalin e Trageteve në orën 07:20. Nisja e saj është planifikuar në orën 23:00.

Autoriteti Portual Durrës vijon të monitorojë me vëmendje situatën meteorologjike dhe lëvizjen e mjeteve detare, në bashkëpunim të ngushtë me kompanitë lundruese dhe autoritetet përgjegjëse, me qëllim garantimin e sigurisë dhe mbarëvajtjes së operacioneve portuale.

Ministri i Turizmit, Kulturës dhe Sportit, Blendi Gonxhja, ka publikuar shifrat e turistëve të huaj që kanë vizituar vendin tonë gjatë vitit 2025.

Ministri i Turizmit, Kulturës dhe Sportit, Blendi Gonxhja, ka publikuar shifrat e turistëve të huaj që kanë vizituar vendin tonë gjatë vitit 2025.

Përmes një postimi në rrjetet sociale Gonxhja shprehet se Shqipëria ka thyer rekordin e një viti më parë, duke theksuar se turistët kanë qenë mbi 12 milionë turistë të huaj që kanë vizituar vendin.

“Me mbylljen e vitit 2025, Shqipëria thyen rekordin e një viti më parë, duke kapërcyer shifrën e 12 milionë vizitorëve me pasaportë të huaj!

Një rezultat që konfirmon konsolidimin e vendit si një destinacion turistik gjithëvjetor, me interes të qëndrueshëm përtej sezonit veror dhe me oferta të larmishme në turizëm kulturor, natyror, kulinar, sportiv dhe jo vetëm, duke forcuar pozicionin e saj në hartën ndërkombëtare të turizmit”, shkruan Gonxhja në një postim në rrjetet sociale.

Për shkak të vijës së gjatë bregdetare Shqipëria ofron disa plazhe, nga veriu deri në jug, si në Velipojë të Shkodrës, në Shëngjin të Lezhës, në Durrës, Vlorë, Himarë dhe Sarandë, etj, plazhe këto që frekuentohen përveç shqiptarëve edhe nga shtetas të huaj, që zgjedhin Shqipërinë si një destinacion turistik gjatë muajve të verës.

Gjithashtu, Gjirokastra, Berati, Butrinti, Kruja, Tirana, Shkodra, etj, janë destinacione të kërkuara për turizëm historik dhe kulturor.

Shkak për shtyrjen e seancës u bë mungesa e Veliajt, i cili nuk ishte shoqëruar nga IVEP Durrës drejt GJKKO si dhe mungesa e disa mbrojtësve ligjorë.

Shtyhet në datë 19 janar gjyqi ndaj kryebashkiakut të Tiranës Erion Veliaj dhe të tjerëve. Shkak u bë mungesa e Veliajt, i cili nuk ishte shoqëruar nga IVEP Durrës drejt GJKKO si dhe mungesa e disa mbrojtësve ligjorë.

Kjo është e disata herë që shtyhet seanca paraprake në ngarkim të grupit të personave që janë marrë të pandehur nga SPAK për vepra të ndryshme penale.

Ministria e Shëndetësisë ka reaguar lidhur me përplasjen e ndodhur në orët e vona të mbrëmjes së djeshme të policisë me aktivistët dhe mbështetësit e Adriatik Lapaj. Vetë ky i fundit u dërgua me urgjencë në Spitalin e Traumës për të marrë ndihmë mjekësore pasi u godit me një bombol gazi në kokë.

Në reagim sqarohet se mbrëmjen e djeshme në urgjencë janë paraqitur 5 persona, 2 prej të cilëve efektivë të Policisë së Shtetit. Njëri prej tyre ka lënë tashmë ambientet e spitalit ndërsa tjetri vijon të marrë mjekim.

Gjendja e Lapajt paraqitet stabile, pa dëme serioze dhe se pritet t’i nënshtrohet një ekzaminimi nga neurologët e më pas të lërë ambientet e spitalit. Gjithashtu për mjekim janë paraqitur dhe 2 protestues, të cilët pasi kanë marrë mjekimin e nevojshëm janë larguar nga spitali.

Z. Adriatik Lapaj pas ekzaminimeve të kryera ndodhet jashtë rrezikut për jetën por po vijon të jetë në spital në kujdesin e ekipit mjekësor.

Gjithashtu,  për ndihmë mjekësore në spital janë paraqitur edhe dy protestues të cilët gjithashtu ndodhen jashtë rrezikut për jetën dhe kanë lënë ambientet e spitalit pasi kanë marrë ndihmën mjekësore”, thuhet në reagim.

Pak orë pas darkës dhe në mes të zhvillimeve të shpejta në Venezuelë, Musk publikoi një seri postimesh në X, duke shprehur mbështetjen e tij për popullin e vendit.

Elon Musk dhe Presidenti i SHBA-së, Donald Trump, darkuan së bashku të shtunën në mbrëmje në rezidencën Mar-a-Lago, pranë Zonjës së Parë, Melania Trump. Takimi vjen pas muajsh marrëdhëniesh të ftohta dhe përplasje publike mes dy figurave.

Musk publikoi një foto nga darka në rrjetin X, duke shkruar se kishte pasur një darkë të mrekullueshme me Trump.

“Kisha një darkë të mrekullueshme dje në mbrëmje me Presidentin e SHBA-së dhe Zonjën e Parë. Viti 2026 do të jetë fantastik!”, shkroi ai.

Mesazhi shihet si një sinjal optimizmi dhe i rikthimit të kontakteve publike mes tyre, pas periudhës kur Trump kishte deklaruar më parë se nuk kishte ndërmend të komunikonte me Musk, për të pranuar më pas se drejtuesi i Tesla dhe SpaceX kishte kaluar një “periudhë të vështirë” dhe se “thelbësisht është një njeri i mirë”.

Dy figurat ishin parë më parë bashkë në shtator, gjatë një ceremonie përkujtimore për Charlie Kirk në Arizona, por pa ndonjë zhvillim të mëtejshëm publik.

Pak orë pas darkës dhe në mes të zhvillimeve të shpejta në Venezuelë, Musk publikoi një seri postimesh në X, duke shprehur mbështetjen e tij për popullin e vendit.

Ndërkohë, kompania Starlink njoftoi se do të ofrojë internet falas në Venezuelë deri në fillim të shkurtit, një lëvizje që Musk e përshkroi si përpjekje për “të mbështetur popullin në një periudhë pasigurie”.

Kina i ka kërkuar SHBA-së të lirojë menjëherë presidentin venezuelian, Nicolas Maduro.

Ministria e Jashtme kineze deklaroi se operacioni ushtarak amerikan për të kapur presidentin e Venezuelës shkeli ligjin ndërkombëtar.

Në deklaratë, thuhej ndër të tjera se Kina gjithmonë mban komunikim dhe bashkëpunim pozitiv me qeverinë e Venezuelës.

Disa orë para kapjes së tij, Maduro po priste një delegacion kinez në Karakas të udhëhequr nga përfaqësuesi i saj special për çështjet e Amerikës Latine, Qiu Xiaoqi.

Pamjet filmike i tregonin ata duke buzëqeshur së bashku, të pavetëdijshëm për atë që do të ndodhte së shpejti.

Presidenti i Venezuelës, Nicolas Maduro do të paraqitet sot (e hënë) në gjykatë në New York pas arrestimit të tij nga ushtria amerikane.

Ai ndodhet në Qendrën Metropolitane të Dënimit në Brooklyn, një institucion i mbipopulluar që njihet për incidentet e dhunshme.

Seanca dëgjimore do të mbahet përpara gjykatësit Alvin Hellerstein, tha Gjykata e Distriktit Jugor të New York.

Maduro përballet me akuzat për drogë dhe armë, një çështje që qeveria e ka ndjekur në gjykatë prej 15 vitesh dhe presidenti është konsideruar i pandehur prej 6 vitesh.

Presidenti venezuelian u kap më 3 janar në rezidencën e tij në Karakas, nga forcat amerikane, në kuadër të operacionit “Maduro out”.

Presidenti i Shteteve të Bashkuara, Donald Trump, ka publikuar në rrjetin e tij social Truth Social një tabelë me të dhëna mbi përqindjen e familjeve emigrante që përfitojnë ndihmë sociale në SHBA, të ndara sipas vendeve të origjinës.

Në listë bien në sy edhe familjet shqiptare, ku sipas tabelës së publikuar, 41.3% e familjeve shqiptare që jetojnë në SHBA përfitojnë ndihmë sociale. Po ashtu, në renditje përfshihet edhe Kosova, e cila rezulton me një përqindje edhe më të lartë, ku 46% e familjeve kosovare marrin asistencë nga shteti amerikan.

Tabelat e shpërndara nga Trump paraqesin një panoramë të përgjithshme të përfitimit të ndihmës sociale nga familjet emigrante dhe janë përdorur nga presidenti amerikan në kuadër të debatit mbi politikat e emigracionit dhe sistemin e asistencës sociale në SHBA.

Publikimi ka nxitur reagime dhe diskutime të shumta në rrjetet sociale, veçanërisht në komunitetet emigrante, përfshirë edhe ato shqiptare, lidhur me integrimin ekonomik dhe rolin e ndihmës shtetërore në jetën e familjeve që jetojnë në Shtetet e Bashkuara.

Një aksident i rëndë rrugor me pasojë humbjen e jetës është regjistruar mbrëmjen e sotme në qytetin e Durrësit.

Sipas njoftimit paraprak të Policisë, rreth orës 18:44, në rrugën e re të Portit, në vendin e quajtur “Marfish”, një automjet tip Benz, i drejtuar nga shtetasi L. K., 28 vjeç, ka aksidentuar një këmbësor.

Si pasojë e përplasjes, këmbësori R. M., 68 vjeç, ka ndërruar jetë në vendngjarje, për shkak të plagëve të marra.

Drejtuesi i automjetit është shoqëruar në Komisariat për kryerjen e veprimeve të mëtejshme procedurale, ndërsa grupi hetimor ndodhet në vendngjarje dhe po punon për sqarimin e plotë të rrethanave dhe shkaqeve të aksidentit.

Policia ndërkohë po vijon hetimet.

Presidenti Nicolas Maduro dhe gruaja e tij, Zonja e Parë Cilia Flores, po mbahen në një qendër paraburgimi në New York pas kapjes së tyre në sulmet ajrore amerikane ndaj Venezuelës të shtunën.

Ata u dërguan nga kryeqyteti Karakas në Qendrën e Paraburgimit Metropolitan në Brooklyn për t’u përballur me akuza të lidhura me trafikimin e drogës. Maduro ka mohuar të jetë udhëheqësi i një karteli droge.

Venezuela ndërkohë ka shpallur gjendje të jashtëzakonshme kombëtare dhe denoncon atë që e quan “agresionin ushtarak”.

Presidenti Donald Trump thotë se SHBA-të do ta “drejtojnë” Venezuelën “deri në kohën kur të mund të bëjmë një tranzicion të sigurt, të duhur dhe të mençur”. Kompanitë amerikane të naftës do të riparojnë gjithashtu “infrastrukturën e prishur” të Venezuelës, thotë Trump.

Venezuelianët në mbarë botën kanë festuar pasi qeveria amerikane kapi dhe rrëzoi presidentin autoritar, Nicolás Maduro . Gjatë viteve të fundit, miliona venezuelianë janë larguar nga vendi, të dëbuar nga një përzierje e mungesave të përhapura dhe represionit të fortë politik.

Pasi dëgjuan lajmin e sulmit amerikan, turma njerëzish u mblodhën në vende si Argjentina, Kili dhe Kolumbia, për të valëvitur flamuj, për të kënduar këngë dhe për të kërcyer në shenjë gëzimi, ndërsa të tjerë u mblodhën për të dënuar sulmet e qeverisë amerikane ndaj Venezuelës dhe shprehën kundërshtimin ndaj veprimeve ushtarake.

Papa Leone XIV ka shprehur shqetësimin e thellë për situatën aktuale në Venezuelë, gjatë lutjes së Angelus në Sheshin Shën Pjetri.

Ai theksoi nevojën që populli venezuelan të vendoset në qendër të çdo zgjidhjeje dhe të merren masa për të siguruar paqen dhe drejtësinë.

Papa bëri thirrje që të respektohet sovraniteti i Venezuelës, si dhe sundimi i ligjit, sipas Kushtetutës së vendit.

Ai kërkoi gjithashtu që të ruhen të drejtat e njeriut dhe të drejtat civile të të gjithë qytetarëve, pa dallim.

Një tjetër theks i rëndësishëm ishte kujdesi për të varfrit dhe ata që vuajnë nga kriza ekonomike, duke sugjeruar se çdo zgjidhje politike duhet të përqendrohet mbi mirëqenien e popullit.

Papa gjithashtu bëri thirrje përpjekje për për pajtimin dhe bashkëpunimin brenda vendit, duke shmangur dhunën dhe konfliktet.
Fjala e Papës vjen pas një operacioni ndërkombëtar në Venezuelë, ku Presidenti Nicolás Maduro u kap nga forcat amerikane dhe u dërgua jashtë vendit për akuza të rënda. Pas kësaj, Zëvendëspresidentja Delcy Rodríguez u shpall presidente në detyrë nga autoritetet vendase

Në përfundim, Papa Leone XIV bëri apel që çdo vendim politik të marrë parasysh interesin e popullit, të respektojë sovranitetin dhe të drejtat e qytetarëve, dhe të punojë për një të ardhme paqësore dhe të drejtë për Venezuelën.