Agjencia Kombëtare e Shoqërisë së Informacionit (AKSHI) ka përzgjodhur kompaninë “Advanced Business Solutions”, në pronësi të biznesmenit Gerond Meçe, si fituese për tenderin e mirëmbajtjes së sistemit elektronik të vizitave dhe hyrje-daljeve në burgjet e vendit.

Kontrata me fond limit prej rreth 590 mijë eurosh është fituar nga kompania e Meçes me një çmim prej rreth 480 mijë euro.

Sipas njoftimit të fituesit, në garën për mirëmbajtjen e sistemit të vizitave në burgje u paraqitën 5 oferta nga kompani të ndryshme.

“Advanced Business Solutions” ishte eliminuar nga tenderat e AKSHI-t prej gati dy vitesh. Ndonëse kompania konkurronte thuajse në të gjithë tenderat e teknologjisë së informacionit ajo skualifikohej nga AKSHI.

DOSJA E SPAK

Edhe në mbrëmjen e hidhur të Lisbonës, Kylian Mbappe la gjurmë.

Pavarësisht humbjes së Real Madridit ndaj Benfica (4-2), sulmuesi francez shënoi një dopietë, duke e çuar totalin e tij në 13 gola në fazën e ligës së Champions League.

Një rekord absolut, i ndihmuar edhe nga formati i ri me 8 ndeshje për skuadër.

Rruga e tij finalizuese ka qenë mbresëlënëse: dopietë ndaj Marseille, tripletë kundër Kairat Almaty, 4 gola ndaj Olympiacos, 2 kundër Monaco dhe dopieta e Lisbonës.

Një vazhdimësi që e bëri kryegolashënues të fazës së ligës, me 5 gola më shumë se Harry Kane.

Mbappe ka kaluar edhe Cristiano Ronaldon më të mirë në fazën e grupeve (11 gola në 2015/16), ndërsa Messi, Lewandowski dhe Haller kishin arritur 10 gola.

Në raport me minutat, rekordi ndryshon: Lewandowski kryeson me 10 gola në 437 minuta (2019/20).

Në total, Mbappe ka 68 gola në 94 ndeshje në Champions League me Monaco, PSG dhe Real Madrid, më mirë se CR7 në të njëjtin numër paraqitjesh.

Kujdes edhe nga Erling Haaland; 56 gola në 56 ndeshje europiane.

Destrojeri “Delbert D Black” është luftanija e fuqishme amerikane e radhës që i bashkohet flotës që është vënë në gatishmëri në Lindjen e Mesme, për një sulm të mundshëm ndaj Iranit nga momenti në moment.

Lajmi konfirmohet nga media britanike BBC, që shkruan se gjatë orëve të fundit, anija raketahedhëse është parë të kalojë përmes kanalit të Suezit drejt Gjirit Persik, duke e çuar në 10 numrin e mjeteve të mëdha lundruese luftarake në zonë përfshirë edhe aeroplanmbajtësen “USS Abraham Lincoln”.

Shifra tregon se tensionet janë tepër të larta, duke shtuar së tepërmi mundësinë e një sulmi ushtarak amerikan ndaj republikës islamike.

Agjencia e lajmeve Reuters shkruan se Trump ka biseduar me zyrtarë nga Izraeli dhe Arabia Saudite me të cilët ka diskutuar për variantet e sulmeve ushtarake ndaj Iranit.

Qëllimi është të krijohen kushte për mbajtjen gjallë të protestave dhe rrëzimin e regjimit të Ajatollahëve.

Megjithatë, zyrtarët izraelitë dhe sauditë, sipas Reuters ishin të mendimit se sulmet ajrore nuk mjaftojnë për këtë objektiv.

LEXO EDHE: Zyrtarë të Arabisë Saudite dhe Izraelit në Uashington/ Diskutime për sulm të mundshëm të SHBA ndaj Iranit

Nga ana tjetër, Teherani njoftoi vendosjen në gatishmëri të 1 mijë dronëve për t’iu kundërpërgjigjur sulmeve amerikane. Zyrtarët iranianë paralajmëruan për kundërpërgjigje “dërrmuese”.

Kremlini i bëri thirrje Uashingtonit të gjejë zgjidhje diplomatike. Megjithatë, zyrtarët rusë u bënë thirrje punonjësve nga ky vend në centralet bërthamore iraniane, të largohen në vende të sigurta.

Edhe pse prej kohësh se Milan dhe Rafael Leao janë në bisedime për të rinovuar kontratën, e cila skadon në vitin 2028, deri tani nuk ka pasur gjë zyrtare.

Në këtë situatë, portugezi vazhdon të jetë në radarin e shumë klubeve të mëdha.

Mediat zbulojnë se Leao është objektivi kryesor i merkatos verore te Manchester United.

Duke qenë se Benjamin Sesko i transferuar verën e kaluar mbi 76 milionë euro po rezulton një dështim, “Djajtë e Kuq” janë të bindur se Rafa Leao do të ishte profili i duhur për të udhëhequr sulmin e tyre.

Sipas raportimit në fjalë, Manchester United po përgatit një ofertë që është e vështirë të refuzohet nga Milan, në shifrën 85-90 milionë euro dhe sigurisht një rrogë shumë herë më e madhe për sulmuesin portugez, nga ajo që përfiton aktualisht.

Përveç Manchester United, Leao vazhdon të jetë edhe në radarin e klubeve të tjera të mëdha si Chelsea, Manchester City, PSG etj.

Çmimi i arit ka shënuar një tjetër rekord.

Vlera e metalit të çmuar ka arritur nivelin e 5 mijë e 600 dollarëve për onz të enjten. Ndërkohë vetëm tre ditë më parë kishte arritur në 5 mijë dollarë për onz për herë të parë.

Ari u fuqizua edhe më tej pasi për shkak të tronditjes së tregjeve globale investitorët vazhdojnë të drejtohen tek asetet e sigurta, duke kërkuar mbrojtje kundër pasigurisë gjeopolitike dhe ekonomike.

Metalet e çmuara po përfitojnë gjithashtu nga dollari më i dobët, i cili ka shënuar rënie.

Ari, zakonisht performon mirë kur normat e interesit janë të ulëta. Rezerva Federale mbajti normat e interesit të qëndrueshme në takimin e saj të politikës monetare në janar.

Analistët thonë se ari mund të rritet në 6 mijë dollarë për onz këtë vit, duke e lidhur këtë me kërkesën e vazhdueshme për investime.

Mes vendeve janë Shangai dhe Hong Kong të cilët nuk kanë ndryshuar në kërkesë pavarësisht çmimeve rekord.

Konfliktet në Ukrainë dhe Gaza, si dhe zhvillimet politike ndërkombëtare, kanë kontribuar gjithashtu në rritjen e çmimit të metalit të çmuar.

Ish-deputeti i Partisë Demokratike, Ervin Salianji vijon takimet me demokratët.

Ditën e sotme ai ishte në Himarë, ku ka zhvilluar një takim me strukturat drejtuese të PD në Himarë.

Përmes një postimi në rrjetet sociale, ai kritikon lidershipin aktual të PD për shkatërrimin e garave dhe përjashtimin e anëtarësisë nga vendimmarrja.

Sipas Salianjit, pa demokraci të brendshme dhe respekt për anëtarët, PD nuk mund të ketë besueshmëri përballë qytetarëve.

Ja çfarë shkruan Salianji:

Blackout-i në sistemin e Self-Care apo Platforma Qendrore e Lëshimit të Faturave të Fiskalizuara, krijoi jo pak probleme për mijëra biznese, duke u pamundësuar aksesin në faturat e fiskalizuara.

Edhe pse një biznes mund të lëshojë një faturë të fiskalizuar, ai nuk e kontrollon dot në sistem për gabime. Të vetepunësuarit që nuk kanë aplikacionin e fiskalizimit, përdorin platformën e Self-Care. Për paspojë nuk kanë patur asnjë mundësi të lëshojnë fatura. Kategoria e tretë e madhe e prekur bzineset e import-eksportit. Faturat e zhdoganimit të mallrave, po ashtu nuk u fiskalizuan në këtë periudhë.

Por tatimet thonë se prej ditës së djeshme 28 janar sistemi është kthyer në punë.

“Administrata Tatimore informon se problematika e konstatuar ditët e fundit në aksesimin e Platformës Qendrore të Lëshimit të Faturave të Fiskalizuara është zgjidhur, dhe se platforma prej pasdites së sotme, 28 janar, është në shërbim të plotë dhe funksionon normalisht”, thuhet në njoftimin e tatimeve.

Por bizneset po përballen përsëri me vështirësi. Sistemi është tepër i ngadaltë. Edhe pse mund të futen në platformë, nuk bëjnë dot veprime.

Një tjetër shqetësim është edhe fakti që shumë të dhëna nuk janë të disponueshme, duke ngritur edhe dyshime që mund të jenë fshirë.

Një nga problemet kryesore lidhet me pamundësinë për të mbyllur bilancet financiare të vitit 2025, pasi faturat nuk shfaqen në sistemin “Self Care”.

Përtej këtyre shqetësimeve Drejtoria e Përgjithshme e Tatimeve, nuk jep informacion nëse të dhënat e bizneseve janë fshirë apo nëse do të ketë rikuperim të tyre, por vijon me ofrimin e disa zgjidhjeve alternative kur hasen vështirësi në fiskalizimin e faturave.

Për 139 mijë tatimpagues që lëshojnë fatura përmes software-ve thonë tatimet duhet të vazhdojnë të lëshohen fatura edhe pse Self-Care nuk punon pasi kur ajo kthehet në punë mund të fiskalizohen fatura.

Për të vetëpunësuarit, që janë 3 mijë në total, kur kanë probleme me platformën duhet të blejnë software ose t’i drejtohen me kërkesë Drejtorisë Rajonale Tatimore për t’u pajisur me bllokun e veçantë të faturave.

Kurse në rastin e zhdoganimit të mallrave në njoftim theksohet edhe një herë afati 7-ditor për kryerjen e fiskalizimit, por kur ky afat nuk respektohet për shkak të vështirësive që mund të krijohen gjatë aksesimit të Platformës Qendrore të Lëshimit të Faturave të Fiskalizuara, do të merret në konsideratë rast pas rasti.

Mbrëmë u luajtën ndeshjet e fundit për raundin e fundit në këtë fazë të Champions League, duke ëprcaktuar njëherë e mirë 8 ekipet që kualifikohen direkt për fazën e 1/16-ve, 16 ekipet në play-off, ku prej tyre do të luakifikohen vetëm 8, si dhe 12 ekipet e renditura të fundit, që e mbyllin këtu për këtë sezon.

Pak më parë është publikuar formacioni më i mirë i javës së fundit në Champions League dhe nuk është se ka vend për debate.

Në portë, është heroi i Benfica, portieri Anatoliy Trubin, i cili shënoi golin vendimtar në fitoren 4-2 në shtesë ndaj Real Madrid.

Qendra e mbrojtjes është Cristian Romero i Tottenham dhe Dan Burn i Newcastle, në krah janë zgjedhue Federico Dimarco i Interit dhe Bruno i Pafos.

Në mesfushë, Anreas Schjeldrup i Benfica, i cili luajti një ndeshje të madhe mbrëmë, i cili gjithashtu zgjidhet edhe si “Lojtari më i mirë i javës”. Alexis Mac Allister dhe Malik Tillman në qendër të mesfushës. Po ashtu ka vend edhe për Lamine Yamal në krah, i cili shkëlëqeu në përmbysjen e Barcelonës ndaj Copenhagen.

Dyshja e sulmit, Kasper Hogh, i jashtëzakonshëm në fitoren e Bodo/Glimt 1-2 ndaj Atletico Madridit, si dhe Joao Pedro, fantastik në fitoren 2-3 të Chelsea në transfertën ndaj Napolit.

Komisioni i Verifikimit, organi përgjegjës për garantimin e integritetit dhe ligjshmërisë së procesit zgjedhor, në zbatim të Rregullores së Asamblesë së Përgjithshme të FSHF, zhvilloi sot mbledhjen e radhës me fokus verifikimin e propozimeve dhe kritereve ligjore për kandidatët për postin e Presidentit, për anëtarë të Komitetit Ekzekutiv të Federatës Shqiptare të Futbollit, si dhe verifikimin e delegatëve të propozuar nga anëtarët e federatës.

Mbledhja u mbajt pas përfundimit të afatit zyrtar të depozitimit të kandidaturave. Gjatë shqyrtimit, Komisioni analizoi me kujdes çdo propozim të paraqitur nga anëtarët e Asamblesë, duke vlerësuar përmbushjen e kritereve statutore, integritetin personal dhe përputhshmërinë me kërkesat ligjore të procesit zgjedhor.

Në përfundim të procesit të verifikimit, Komisioni konstatoi se 13 kandidatë për anëtar të Komitetit Ekzekutiv të FSHF-së kanë marrë dy propozimet e nevojshme nga anëtarët e Asamblesë dhe plotësojnë kriteret për të qenë zyrtarisht pjesë e garës.

Kandidatët sipas renditjes alfabetike janë:

1. Abdyl Kuriu
2. Anila Basha
3. Arben Dervishaj
4. Armando Cungu
5. Blendi Fevziu
6. Edmond Hasanbelli
7. Envi Hicka
8. Erind Resuli
9. Ervin Canollari
10. Geri Çipi
11. Gjergji Petro
12. Lutfi Nuriu
13. Pano Xhixho

Për postin e Presidentit të FSHF, është regjistruar kandidatura e z. Armand Duka, i propozuar nga 33 anëtarë të federatës.

Gjithashtu, Komisioni zyrtarizoi listën e delegatëve të anëtarëve të FSHF-së për Asamblenë e datës 16.02.2026, në përputhje me numrin e delegatëve të përcaktuar në Vendimin Nr. 1, datë 03.12.2025.

Asambleja e Përgjithshme Zgjedhore e FSHF do të zhvillohet më 16 shkurt 2026, në orën 10:00, në ambientet e “Shtëpisë së Futbollit”. Gjatë Asamblesë do të zgjidhen Presidenti dhe anëtarët e Komitetit Ekzekutiv të FSHF për mandatin e ri katërvjeçar.

Ky pritet të jetë mandati i shtatë për Dukën në krye të FSHF-së.

Eksperienca në FSHF:

2002     Zgjidhet President i Federatës Shqiptare të Futbollit

2006     Ri- Zgjidhet  President i Federatës Shqiptare të Futbollit

2010     Ri- Zgjidhet  President i Federatës Shqiptare të Futbollit

2014     Ri- Zgjidhet  President i Federatës Shqiptare të Futbollit

2018     Ri- Zgjidhet  President i Federatës Shqiptare të Futbollit

2022     Ri- Zgjidhet  President i Federatës Shqiptare të Futbollit

Eksperienca në UEFA:

2004 – 2006                Anëtar i Komitetit të Federatave

2006 – 2008                Zv/kryetar i Komitetit të Federatave Kombëtare

2008 – 2013                 Zv/kryetar i Komitetit të Kompeticioneve të Ekipeve Kombëtare

2013 – 2016                  Zv/kryetar i Komitetit të Federatave Kombëtare

2016 – në vazhdim      Zv/Kryetar i Komitetit HatTrick (I vetmi komitet në UEFA që merr vendime pa Komitetin Ekzekutiv dhe me portofolin më të lartë në UEFA)

2019 – në vazhdim       Zv/Kryetar i Komitetit të Stadiumeve dhe Sigurisë

2019 – në vazhdim     Anëtar i Komitetit Ekzekutiv të UEFA-s

2023 – në vazhdim     Zv.President i UEFA-s

2023 – në vazhdim     Kryetari i Komitetit të Medias në UEFA

Eksperienca në FIFA

2008 – 2012                  Anëtar i Komitetit të Federatave

2012 – 2017                   Anëtar i Komitetit Organizator të Kupës se Konfederatave

2025 –  në vazhdim     Anëtar i Komitetit të Federatave Anëtare në FIFA (Member Associations Committee)

Ka përfunduar seanca gjyqësore në ngarkim të ish presidentit të Republikës Ilir Meta, e cila zgjati rreth 8 orë.

SPAK ka lexuar gjysmën e dosjes, 130 faqe nga 230 faqe që ka dosja, ku ka paraqitur aktakuzat dhe provat bashkangjitur.

Prokuroria e Posaçme ka bërë parashtrimet per dosjen hetimore ne ngarkim te Ilir Metës ndërsa pritet vendimi per kalimin e dosjes për gjykim në themel.

 

Ish-presidenti Ilir Meta, aktualisht kryetar i Partisë së Lirisë, akuzohet nga Prokuroria e Posaçme për tre çështje korrupsioni; për dosjen e njohur si CEZ-DIA, për përfitimin e vlerave monetare në këmbim të influencës së ushtruar në favor të një kompanie telekomunikacioni si dhe për marrëdhënien e dyshuar korruptive me një biznesmen që SPAK e identifikon me inicialet S.M, në emër të të cilit është marrë përsipër ndryshimi i një ligji në Kuvendin e Shqipërisë.

Meta akuzohet gjithashtu për kontratat e konsulencës dhe lobimit në Shtetet e Bashkuara të Amerikës, pastrimin e produkteve në blerjen e një shtëpie në Tiranë si dhe mosdeklarimin e shpenzimeve mjekësore për periudhën 2013-2019.

Zëvendëskryeministrja Belinda Balluku ka depozituar rekurs në Gjykatën e Lartë kundër masës shtrënguese të vendosur ndaj saj, për ndalim për të dalë jashtë vendit.

Ndërkohë, lidhur me masën e pezullimit nga ushtrimi i detyrës duke qenë se Apeli e ka pezulluar deri në vendimin e Gjykatës Kushtetuese, Balluku s’ka ngritur pretendime.

Ndaj Ballukut, e cila njëherësh është edhe deputete dhe ministre e Infrastrukturës dhe Energjisë, SPAK ngriti aktakuzë më 31 tetor 2025, nën dyshimet se ka bërë shkelje gjatë dhënies së tenderëve.

Balluku i ka mohuar akuzat si “hedhje balte, insinuata, gjysmë të vërteta dhe gënjeshtra”, duke u shprehur se do të bashkëpunonte plotësisht me drejtësinë.

Ajo ishte pezulluar nga detyrat zyrtare dhe i ishte pamundësuar largimi nga shteti, por vendimi i SPAK-ut për pezullim u rrëzua nga Gjykata Kushtetuese.

Ndërkohë Prokuroria e Posaçme kundër Korrupsionit dhe Krimit të Organizuar (SPAK) i ka kërkuar Kuvendit t’ia heqë imunitetin Ballukut dhe të autorizojë arrestimin e saj, vendim për të cilin Komisioni i Mandateve nuk ka dalë ende në një vendim përfundimtar.

Kreu i grupit parlamentar të Partisë Socialiste, Taulant Balla ka postuar në rrjetet sociale një video nga Asambleja Parlamentare e Këshillit të Evropës, ku merrte pjesë edhe kreu i PD Sali Berisha, por të cilit i është fikur mikrofoni pas tejkalimit të kohës.

Sipas Ballës, Berisha është mësuar në Kuvendin e Shqipërisë që vjell vrer pa fund, ndërsa në KiE koha është strikt.

Të njëjtat rregulla, shkruan Balla, do të integrohen dhe në parlamentin tonë.

“Bufi është mësuar që përroin psiqik ta zbrazë për minuta pafund në foltoren e Kuvendit. Ndërkohë që në Asamblenë Parlamentare apo parlamentet e Europës koha është 1-2 minuta. Shikojeni si ja ndërpret fjalën drejtuesja e seancës. Nuk po komentoj edhe faktin që ka shkuar atje fshehurazi. Është koha që këto rregulla t’i kemi edhe në Kuvend. E paimagjinueshme në Europë diskutime 10 minuta”, shkruan Balla mbi video.

Deputetët e Parlamentit në Serbi miratuan ndryshimet në grupin e ligjeve të sistemit gjyqësor të propozuara nga partia Progresive serbe e presidentit Vuçiç, të cilat sipas opozitës, shtojnë kontrollin e qeverisë mbi sistemin gjyqësor.

Kritika erdhën edhe nga kryetari i Gjykatës Kushtetuese, Vladan Petrov, i cili deklaroi se partia në pushtet bëri gabim që nuk i kërkoi Këshillit të Lartë Gjyqësor dhe Këshillit të Lartë të Prokurorisë mendimin e tyre mbi ndryshimet dhe plotësimet në grupin e ligjeve të gjyqësorit.

Një reagim më i ashpër erdhi nga Komisionerja për Zgjerimin e BE-së Marta Kos.

“Vota e Parlamentit të Serbisë për të kufizuar pavarësinë e gjyqësorit është një hap serioz PRAPA në rrugën e Serbisë drejt BE-së”.

Përpara takimit të Këshillit të Ministrave të Jashtëm të shteteve anëtare të BE-së në Bruksel, Marta Kos i bëri thirrje edhe një herë Asamblesë Kombëtare Serbe që të rishikojë sa më shpejt të jetë e mundur ndryshimet e miratuara në ligjet gjyqësore dhe t’i sjellë ato në përputhje me standardet e Bashkimit Evropian.

Edhe Bruskeli tha se ndryshimet e miratuara në ligjet gjyqësore në Parlamentin serb mund të përfaqësojnë një hap të madh prapa në rrugën evropiane të Beogradit, duke shtuar se komisioni do të japë një vlerësim të detajuar pasi të ketë kryer një analizë të tekstit ligjor të miratuar.

Zëdhënësi vlerësoi se ndryshimet në ligj u përgatitën “me nxitim, në një proces jo transparent pa konsultim me të gjitha palët e interesuara”, siç janë Komisioni Evropian dhe Komisioni i Venecias.

Vendimi për fillimin e shërbimit ushtarak, tha ai, varet nga gatishmëria e kapaciteteve dhe objekteve ushtarake.

“Ne do ta marrim këtë vendim së shpejti, brenda një ose dy muajve të ardhshëm, dhe do ta çojmë në Parlament dhe do të fillojmë regjistrimin e rekrutëve ushtarakë”, tha Vuçiç, pas një takimi me udhëheqësit ushtarakë mbi gjendjen dhe analizën e aftësive të Forcave të Armatosura Serbe për vitin 2025.

Shërbimi ushtarak do të zgjasë 75 ditë, sipas tij.

“Duhet t’i bëjmë gati të gjitha pajisjet. Kemi mjaftueshëm armë dhe çizme, por ka disa gjëra që nuk janë ende plotësisht gati”, tha ai.

Ai shtoi se nevojitet rinovimi i qendrave të rekrutimit, përmirësimi dhe rinovimi i klinikave dhe gjëra të tjera.

“Këto janë pyetje të rëndësishme sepse duam të jemi të përgatitur për këtë dhe që këta të rinj ta kalojnë shërbimin e tyre ushtarak në kushtet më të mira. Të fitojnë përgjegjësinë dhe seriozitetin e nevojshëm, si dhe një qëndrim ndaj patriotizmit”, tha Vuçiç.

Futja e shërbimit të detyrueshëm ushtarak duhet ta marrë pëlqimin e Kuvendit të Serbisë.

Përfaqësuesit e Qeverisë kanë njoftuar vazhdimisht kthimin e shërbimit ushtarak vitet e fundit.

Ideja u konkretizua në janar 2024. Pastaj Shtabi i Përgjithshëm i Ushtrisë Serbe nisi një iniciativë dhe i propozoi presidentit kthimin e shërbimit ushtarak.

Vuçiç më pas, në shtator të të njëjtit vit, nënshkroi një marrëveshje për ta kthyer shërbimin e detyrueshëm ushtarak në Serbi.

Që nga heqja e tij më 1 janar 2011, shërbimi ushtarak ka qenë vullnetar.

Kroacia fqinje votoi gjithashtu për ta kthyer shërbimin e detyrueshëm ushtarak në tetor 2025.

Ndër vendet që nuk e kanë hequr shërbimin e detyrueshëm ushtarak janë Zvicra, Norvegjia, Danimarka, Finlanda, Austria, Turqia, Estonia, Greqia, Qiproja, Ukraina, Rusia dhe Bjellorusia. /REL

Ministrat e jashtëm të Bashkimit Evropian kanë miratuar një vendim të rëndësishëm për të shtuar Trupat e Gardës Revolucionare të Iranit në listën e organizatave terroriste, duke dërguar një mesazh të fuqishëm kundër represionit dhe shkeljeve të të drejtave të njeriut në Iran.

Shefja e politikës së jashtme të BE-së, Kaja Kallas, njoftoi lajmin përmes një postimi në platformën X, duke theksuar se ky është një hap vendimtar nga Bashkimi Evropian.

Sipas BE, Garda Revolucionare është tani e barazvlefshme me grupe terroriste të njohura ndërkombëtarisht, si al-Kaeda, Hamas dhe ISIS. Ajo shtoi se ata që veprojnë në mënyrë terroriste do të përballen me masa të ngjashme.

“Ministrat e jashtëm të BE sapo kanë ndërmarrë hapin vendimtar duke e përcaktuar Trupat e Gardës Revolucionare si një organizatë terroriste. Çdo regjim që vret popullin e vet po punon drejt shkatërrimit të vet”, shkruan Kallas.

Ky vendim është masa e fundit dhe më e ashpër që BE ka marrë ndaj regjimit iranian, duke dërguar një mesazh të qartë për ndërkombëtaren se Bashkimi Evropian nuk do të tolerojë shtypjen dhe dhunën ndaj popullit iranian.

LEXO EDHE: Çfarë mund të ndodhë nëse SHBA sulmion Iranin. Ja 7 skenarët

Stuhia e fuqishme Kristin ka shkaktuar pasoja tragjike në Portugali, duke lënë pas gjashtë viktima, dëme masive materiale dhe rreth 1 milion qytetarë pa energji elektrike. Me erëra që arritën shpejtësinë rekord prej 202 kilometra në orë, Kristin konsiderohet një nga fenomenet meteorologjike më të rënda që ka goditur vendin në dekadat e fundit.

Stuhia hyri në territorin portugez nga zona e Leirias të mërkurën dhe u përhap me shpejtësi drejt brendësisë së vendit, duke prekur rëndë tetë qarqe. Viktimat u raportuan në Leiria (tre persona), Marinha Grande, Silves dhe Vila Franca. Autoriteti Kombëtar i Emergjencave dhe Mbrojtjes Civile regjistroi mbi 5.400 incidente deri në orët e vona të mbrëmjes.

Pamjet nga zonat e goditura janë tronditëse: shtëpi dhe kisha pa çati, stadiume sportive të shkatërruara, avionë të dëmtuar, një rrotë panoramike e rrëzuar, linja hekurudhore të pezulluara dhe dhjetëra familje të mbetura pa strehë. Në disa zona, si Coimbra, Figueira da Foz, Mira dhe Cantanhede, u regjistruan erërat më të forta në historinë e Portugalisë, duke thyer rekordin e mëparshëm të vitit 2018 gjatë stuhisë Leslie.

Sipas ekspertëve të Institutit Portugez për Detin dhe Atmosferën (IPMA), Kristin ka arritur forcën e një uragani të kategorisë 2, madje në disa momente edhe të kategorisë 3 sipas shkallës Saffir-Simpson. Fenomeni është cilësuar si shumë i rrallë dhe i ngjashëm me një “bombë meteorologjike”, i shoqëruar nga i ashtuquajturi “sting jet”, një rrymë ajri jashtëzakonisht e fortë dhe shkatërruese.

Qarqet më të prekura janë Lisbona, Leiria, Coimbra, Castelo Branco, Portalegre, Santarém, Setúbal dhe Guarda. Në Leiria, kryetari i bashkisë Gonçalo Lopes e përshkroi situatën si post-apokaliptike, duke theksuar se rimëkëmbja mund të zgjasë deri në një vit.

Ai bëri thirrje për një reagim kombëtar dhe për shpalljen e gjendjes së fatkeqësisë.

GjKKO ka lënë në burg Jozi Krajën, i cili  u ekstradua nga Zvicra dy ditë më parë.

37-vjeçari akuzohet nga Gjykata e Posaçme kundër Korrupsionit dhe Krimit të Organizuar si pjesëtar i një grupi të strukturuar kriminal.

Sipas hetimeve të kryera nga SPAK, dyshohet se 37-vjeçari, gjatë periudhës dhjetor 2020 – maj 2024, ka siguruar kushte dhe mjete materiale për kryerjen e vrasjes së dy vëllezërve Durim dhe Valter Bami, vrasje e kërkuar nga ish-deputeti socialist, Arben Ndoka.

LEXO EDHE: “Po krym punë me atë gru q..”/ Ekstradohet vëzhguesi në vrasjen e vëllezërve Bami, përgjimet e grupit dhe porosia e ish-deputetit

Ndoka dyshonte se Bamët kishin gisht në eliminimin e vëllait të tij, Aleksandër Ndoka në Lezhë në 2017-ën. Për eliminimin e Bamëve u përfshi edhe Ervis Martinaj, Behar Bajri i Shkodrës, dhe Emiljano Shullazi, ndërsa nën akuzë ishin 16 persona, një pjesë e të cilëve për sigurim të kushteve për vrasje. Jozi Kraja, në bashkëpunim me persona të tjerë ka pasur rolin e vëzhguesit, lokalizuesit dhe bashkëpunëtorit me qëllim vrasjen e Durim dhe Valter Bamit.

Njoftimi:

Kërkuesi Prokuroria e Posaçme kundër Korrupsionit dhe Krimit të Organizuar me datë 27.01.2026 ka paraqitur pranë Gjykatës kërkesën me objekt: “Marrjen në pyetje dhe verifikimin e kushteve dhe kritereve të zbatimit të masës së sigurimit personal, e caktuar me vendimin Nr. 49, datë 15.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj të pandehurit Jozi Kraja”.

Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Çela, bazuar në nenet 112, 228, 229, 230, 238 dhe 248 të K.Pr.Penale, me vendimin nr. 6, datë 29.01.2026, vendosi:

Vazhdimin e zbatimit të masës së sigurimit personal me karakter shtrëngues “Arrest në burg” e parashikuar nga neni 238 i K.Pr.Penale, e caktuar me vendimin Nr. 49, datë 15.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar ndaj të pandehurit: Jozi Kraja, i akuzuar për kryerjen e veprave penale: “Sigurimi i kushteve dhe i mjeteve materiale për të kryer vrasje”, në dëm të shtetasve D.B dhe V.B, kryer në bashkëpunim të veçantë atë të grupit të strukturuar kriminal, parashikuar nga nenet 80 e 28/4 të Kodit Penal; “Grup i strukturuar kriminal”, në formën e pjesmarrjes, parashikuar nga neni 333/a, paragrafi 2-të i Kodit Penal; “Kryerja e veprave penale nga organizata kriminale dhe grupi i strukturuar kriminal”, të parashikuar nga neni 334 pika 1 i Kodit Penal.

Urdhërohet Policia Gjyqësore, që i pandehuri Jozi Kraja, të dërgohet menjëherë në institucionin e paraburgimit, për të qëndruar aty në dispozicion të organit procedues.

Urdhërohet Prokuroria e Posaçme kundër Korrupsionit dhe Krimit të Organizuar, dhe policia gjyqësore për zbatimin e këtij vendimi.

Mbrojtësi i caktuar kryesisht nga gjykata për të pandehurin Jozi Kraja, av. E.G të shpërblehet sipas tarifave të parashikuara në ligj.

Kundër këtij vendimi mund të bëhet ankim në Gjykatën e Posaçme të Apelit Kundër Korrupsionit dhe Krimit të Organizuar brenda 5 ditëve, nga njoftimi i vendimit të gjykatës.

Tiranë, më datë 29.01.2026

Ministri i Drejtësisë, Besfort Lamallari është shprehur se, Shqipëria është nga vendet me përqindjet më të larta të paraburgimit në Europë.

Në konferencën me temë “E drejta për liri dhe siguri personale-nga Strasburgu te zbatimi në nivel kombëtar”, Lamallari u shpreh se gjysma e të personave që ndodhen në paraburgim, nuk kanë vendim të formës së prerë.

“Të dhënat flasin qartë: përdorimi i tepruar i masës së paraburgimit nuk është vetëm një problem statistikor,  por një problem thelbësor i të drejtave të njeriut, i prezumimit të pafajësisë dhe i proporcionalitetit të ndërhyrjes së shtetit. Për fat të keq, Shqipëria vazhdon të mbajë një nga përqindjet më të larta të paraburgimit në Europë. Aktualisht, rreth 58% e personave në institucionet penitenciare janë të paraburgosur dhe kohëzgjatja mesatare e qëndrimit të tyre në paraburgim llogaritet në 253 ditë, krahasuar me 155 ditë në vendet evropiane, apo 63% më e lartë! Pra, mbi gjysma e personave që ndodhen në burgjet tona janë ende pa një vendim të formës së prerë, për më tepër, për një kohë shumë herë më të gjatë se ajo e zbatueshme në vendet e Bashkimit Evropian. Ndërkohë, në Bashkimin Evropian mesatarisht vetëm 1 në çdo 5 persona në sistemin penitenciar është i paraburgosur“, tha ministri Lamallari.

Sipas tij, Kodi i Ri Penal do duhet të reflektojë marzhet e dënimit të zbatueshme në BE për të njëjtat vepra penale.

Ministri shtoi se edhe Kodi i Procedurës Penale duhet ndryshuar, sipas standardeve të Konventës Evropiane për të Drejtat e Njeriut dhe vendimet e Gjykatës Evropiane për të Drejtat e Njeriut dhe se duhet të ndahemi nga politika e ashpër penale.

“Tema e kësaj konference na fton të bëjmë pikërisht këtë, dhe koha më e mirë është tani: Kodi i Ri Penal do duhet të reflektojë marzhet e dënimit të zbatueshme në Bashkimin Evropian për të njëjtat vepra penale; Kodi i Procedurës Penale, do duhet ndryshuar për të garantuar qartë dhe pa ekuivok të njëjtat garanci procedurale për lirinë dhe sigurinë e personit, sipas standardeve të Konventës Evropiane për të Drejtat e Njeriut dhe vendimet e Gjykatës Evropiane për të Drejtat e Njeriut”.

Lamallari theksoi se bashkëpunimi me Këshillin e Evropës dhe partnerët ndërkombëtarë është thelbësor në këtë rrugë.