Presidentja e Kosoves Vjosa Osmani ndau detajet nga ceremonia e Bordit të Paqes si dhe foli për bisedën e saj me presidentin amerikan, Donald Trump. Në një lidhe direkte nga Davosi në “Top Story”, Osmani u pyet se çfarë u tha në bisedën që ajo pati me presidentin amerikan Donald Trump. Në përgjigje, Osmani tha se kreu i Shtëpisë së Bardhë i përcolli një mesazh për Kosovën dhe shtoi se ishte një bisedë shumë pozitive që nisi në samitin e OKB në shtator.

Ajo gjithashtu sqaroi se pse e përfaqësoi ajo Kosovën dhe jo kryeministri, Albin Kurti duke shprehur se kushtetuta e Kosovës parasheh që politikën e jashtme e udhëheq presidenti, megjithatë ajo theksoi se aderimi i Kosovës në Bordin e Paqes ishte fitore edhe për të edhe për kryeministrin.

Pjesë nga intervista:

Patët një bisedë me presidentin Trump gjatë ceremonisë, çfarë u tha në atë bisedë?

Ishte një bisedë shumë pozitive për Kosovën dhe për qytetarët e saj, ka qenë një bisedë që ka filluar në samitin e OKB-në Nju Jork më 28 shtator.

Pse e përfaqësuat ju Kosovën dhe jo kryeministri Albin Kurti?

Sepse kështu e parasheh Kushtetuta e Kosovës, sepse tek ne presidentja e udhëheq politikën e jashtme, edhe kryeministri është këtu në Davos, por ne i kemi detyrat e ndara. Megjithatë, sukseset i kemi të përbashkëta.

Ishit e ulur pranë presidentit, si u përcaktua kjo dhe pse zgjodhët ngjyrën e kuqe në veshje?

Ishin rregulla të përcaktuara nga SHBA edhe e uljes dhe e nënshkrimit, çdo rregull protokolli është caktuar nga Shtëpia e Bardhë. Sa i përket ngjyrës së kuqe në veshje, është ngjyra ime e preferuar Grida, një ngjyrë që e dua shumë.

The post Pse e përfaqësuat ju Kosovën dhe jo Kurti? Osmani: I kemi detyrat e ndara! Në kosovë presidentja udhëheq politikën e jashtme appeared first on Albeu.com.

Aktori i humorit Bes Kallaku ka shpërndarë në rrjete sociale tatuazhin e tij më të ri dhe i dedikohej një gruaje me emrin Erjona. Kaq ka mjaftuar që ndjekësit të binden se tashmë thashethemet që kanë qarkulluar prej kohësh janë të vërteta, Bes Kallaku është në një lidhje dashurie.

Kjo e fundit është përforcuar më shumë dhe nga shkrimi në dorën e tij “Trëndafil në kohë lufte” dhe data “25.12.2025″, ndërsa fotoja shoqërohej me tingujt e këngës “I’ll love you forever”.

Askush nuk di më shumë për Ejonën dhe as për historinë mes tyre, por ajo që aktori lë të kuptohet është rëndësia e madhe që ajo ka në jetën e tij, pas divorcit nga Xhensila Myrtezaj.

Më këngëtaren Bes Kallaku ka dy fëmijë, por marrëdhënia e tyre mori fund në pranverën e vitit 2024. Arsyeja nuk dihet, asnjëri prej tyre nuk ka bërë asnjë deklaratë të qartë, përveç disa këngëve të dedikuara, që secila palë bën me faj tjetrin për dështimin e një martese disa vjeçare.

The post “Trëndafil në kohë lufte”, kush është Ejona në krahun e Bes Kallakut?! Aktori i humorit dedikim dashurie appeared first on Albeu.com.

Marrëveshja për aderimin e Shqipërisë në Bordin e Paqes në Gaza, themeluar nga presidenti Donald Trump, ka marrë këtë të enjte në Kuvend edhe votat e Partisë Demokratike. Ndryshe nga çfarë deklarohet në publik, demokratët u rreshtuan krah socialistëve.

Në studion e “Opinion” në Tv Klan, kryedemokrati Sali Berisha foli pikërisht për këtë qëndrim të mbajtur nga opozitarët. Duke e theksuar se dokumenti është votuar në parim dhe jo nen për nen, ai tregoi dy arsyet se pse u u dha kartoni jeshil.

“U votua në parim sepse unë dua ta them këtu, gjatë gjithë kohës në pushtet, porosi e prerë e përfaqësuesve të Shqipërisë në të gjitha institucionet ndërkombëtare, ka qenë do të votoni siç votojnë Shtetet e Bashkuara, për çështje sigurie.

Së dyti, u detyrohemi pavarësinë e Kosovës, betejën ajrore kundër Beogradit dhe mbështetjen e fuqishme ndaj Kosovës. Ne përsëri kemi probleme me Beogradin që nuk heq dorë nga paranoja e Serbisë së Madhe. Para 3 ose 4 vitesh erdhi në Zubin Potok, Vuçiç dhe deklaroi se Serbia do të bëhet më e madhe, njësoj si Millosheviçi. Në këto rrethana, unë kam qenë, jam dhe mbetem që të votohet siç votojnë Shtetet e Bashkuara”, u shpreh Sali Berisha.

Në drejtimin e Kryetarit Niko Peleshi, Kuvendi u mblodh sot në seancën plenare të radhës ku ndër të tjera shqyrtoi Projektligjin “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri z. Edi Rama, në Kartën e Bordit të Paqes”.

Ky projektligj u prezantua nga Ministrja për Evropën dhe Punët e Jashtme, Elisa Spiropali, e cila u shpreh Shqipëria e pranon këtë ftesë jo si privilegj simbolik, por si një zgjedhje të vetëdijshme për të marrë përgjegjësi shtetërore në ndërtimin e paqes.

Pas diskutimeve, projektligji u miratua me 110 vota pro, 0 kundër dhe 0 abstenim.

The post Aderimi i Shqipërisë në Bordin e Paqes, Sali Berisha tregon dy arsyet për votën pro mazhorancës appeared first on Albeu.com.

Një gjendje krize dhe emergjence rajonale është shpallur për shkak të motit të keq që goditi Siçilinë më 19, 20 dhe 21 janar, të shkaktuar nga Cikloni Harry. Këshilli rajonal e mori këtë vendim, me propozim të Presidentit Rajonal të Siçilisë Renato Schifani, gjatë mbledhjes së jashtëzakonshme të mëngjesit të sotëm në Palazzo d’Orléans. Kërkesa për gjendje emergjence me rëndësi kombëtare është miratuar gjithashtu.

Në frontin ekonomik, këshilli ka ndarë 50 milionë euro në burime rajonale, të cilat mund të përdoren menjëherë për të adresuar situatat më serioze në rajone dhe ka miratuar një projektligj financiar që, pasi të miratohet nga Asambleja Rajonale e Siçilisë, do të sigurojë akses në 20 milionë euro në fonde globale.

“Po përballemi me pasojat e një ngjarjeje të paprecedentë, më e dhunshmja që ka goditur Siçilinë në vitet e fundit”, tha Schifani gjatë një takimi me gazetarët.

“Jam shumë i shqetësuar, si sicilian, por do të bëjmë gjithçka që mundemi për ta kapërcyer këtë emergjencë sa më shpejt të jetë e mundur. Sistemi i Mbrojtjes Civile ka funksionuar dhe na ka lejuar të mbrojmë sigurinë e njerëzve. Falë kësaj pune të shkëlqyer, nuk kemi raportuar viktima. Institucionet do të vazhdojnë të shprehin mbështetjen e tyre për qytetarët dhe unë do të filloj nesër, personalisht, me inspektimet e para në zonat më të prekura”, është shprehur Presidenti Renato Schifani.

Salvo Cocina, drejtori i përgjithshëm i Departamentit rajonal të Mbrojtjes Civile, i emëruar komisioner special për emergjencën, iu bashkua gjithashtu ekipit nga Catania. Sipas vlerësimit fillestar, vlerësimi i përkohshëm i dëmit arrin në 741 milionë euro.

Provincat më të prekura janë Catania (244 milionë euro), Messina (202.5 milionë euro) dhe Sirakuza (159.8 milionë euro). Ky vlerësim nuk përfshin dëmin ekonomik të pësuar nga bizneset e prodhimit, mikpritjes dhe turizmit bregdetar për shkak të pezullimit të tyre gjatë kohës së nevojshme për të rivendosur objektet, si dhe dëmet në sektorin bujqësor, një vlerësim i të cilit do të ofrohet nga Departamenti i Bujqësisë.

“Përmes përgatitjes sonë për emergjenca,” tha Cocina, “ne u kujtuam të gjithëve të përfshirë përgjegjësitë e tyre. Ne shpjeguam se ata duhej të përgatiteshin për një skenar të rëndë ku ne ishim të shqetësuar jo vetëm për shiun, por edhe për erërat e forta dhe stuhitë. U lëshuan qindra urdhëresa nga kryetarët e bashkive. Dhe sistemi i Mbrojtjes Civile qëndroi mirë.”

The post Siçilia shpall gjendjen e jashtëzakonshme nga moti i keq, dëmi fillestar llogaritet në 741 milionë euro appeared first on Albeu.com.

Vajza e presidentit amerikan, Ivanka Trump ka mbërritur mbrëmjen e sotme në Kryeministri.

Ajo është pritur nga kryeministri Edi Rama i cili e ka përqafuar, përpara se të dy të hynin në godinën e qeverisë.

Kujtojmë se prej dy ditësh, Ivanka Trump, ka vizituar qytetin e Vlorës dhe zonat përreth.

Vizita e saj ka të bëjë me disa projekte infrastrkuturore ku firma e bashkëshortit të saj, Jared Kushner pritet të investojnë në zonën e Vlorës.

Mbrëmjen e së mërkurës, 21 janar, Edi Rama dhe Ivanka Trump, zhvilluan një darkë pune në qytetin e Vlorës.

Pas darkës, ku ishin të pranishëm edhe përfaqësues të grupit të punës së vajzës së presidentit, arkitektë nga e gjithë bota në kuadër të investimit që ajo do bëjë në ishullin e Sazanit, Ivanka Trump është larguar në të njëjtin automjet me kryeministrin Edi Rama, të shoqëruar nga një eskortë prej 50 automjetesh.

The post Pas turit në Vlorë dhe Zvërnec, Ivanka Trump mbërrin në Kryeministri, pritet nga Rama appeared first on Albeu.com.

Bashkëshortja e Mirit, Rabea Shahini është rishfaqur përsëri në rrjete sociale teksa rendit banorët e këtij edicioni nga më i preferuari tek ai më pak. Sigurisht i pari në listë është bashkëshorti i saj Miri.

“Miri normalisht sepse është burri im, është njishi”, thotë ajo. E dyta është Stelina dhe në vendin e tretë është Selin. Kjo e fundit është e shumë komentuara “dashuri” e fshehur e Mirit. Raporti me tyre ka nxitur që në fillim diskutime për ndjenja. Por të dyja palët i kanë mohuar gjithmonë.

Ndërkohë bashkëshortja e Mirit, në reagimet e tjera, ka shfaqur gjithmonë mbështetjen për burrin e saj dhe asnjë shenjë xhelozie edhe pse Miri dhe Selin për një kohë kanë ndarë dhe shtratin bashkë.

“Miri është 1-shi patjetër. Te duam shume Schatzi im i dashur”, shkruan ajo në dixhiturën e videos.

The post Bashkëshortja e Mirit rendit 10 banorët e Big Brother që pëlqen më shumë mes tyre dhe Selin appeared first on Albeu.com.

Ish-deputetja e Partisë Socialiste, Blerina Gjylameti është emëruar këtë të mërkurë në krye të Autoritetit Kombëtar të Ushqimit, ndërsa sot, ajo është prezantuar nga ministri i Bujqësisë, Andis Salla, duke marrë zyrtarisht detyrën.

Emërimi vjen pak kohë pas zgjedhjeve parlamentare të 11 majit, ku nuk arriti të sigurojë një mandat dhe Blerina Gjylameti zëvendëson në këtë post Manush Kullollin, i cili e mbante detyrën prej marsit të vitit të kaluar.

Politikania e lartë socialiste falenderon kryeministrin Edi Rama për besimin dhe tregon se është menduar gjatë për të marrë drejtimin e Autoritetit Kombëtar të Ushqimit, detyrë të cilën e quan barrë të vështirë.

“U mendova gjatë përpara se ta pranoja këtë barrë. U mendova për shkak të peshës së saj institucionale, për shkak të vështirësive reale të sektorit, për shkak të interesave të shumta që preken dhe për shkak të pritshmërive të larta që ka shoqëria. Por për më shumë arsye të tjera e pranova këtë detyrë”, shkruan ajo.

Blerina Gjylameti thekson se do të ndryshojë totalisht qasjen ndaj bizneseve, sepse ky sektor që është përgjegjësi e AKU-së, është buka e përditshme e mijëra familjeve që prodhojnë, përpunojnë dhe tregtojnë ushqim.

“E pranova sepse besoj se ka ardhur momenti që ky sektor të ndryshojë rrënjësisht. E pranova sepse nuk ka më kohë për hezitim. Dhe e pranova me bindjen se kjo detyrë nis nga sot. Duhet ta themi hapur dhe me ndershmëri institucionale:tolerancat dhe koha që kemi dhënë deri tani nuk kanë mjaftuar.

Kemi pritur që secili aktor të përmirësohet gradualisht. Por sot është e qartë se ky model nuk na çon aty ku duhet të jemi. Siguria ushqimore është, pa dyshim, sektori më i vështirë për t’u formalizuar dhe standardizuar”, thotë ajo.

Politikania e majtë shkruan se pavarësisht se në këtë sektor përplasen interesi ekonomik, mbijetesa e përditshme, tradita, informaliteti dhe tregu i lirë, mbi të gjitha, siguria ushqimore është shëndeti i qytetarëve, është e tashmja dhe e ardhmja e fëmijëve tanë, dhe është besimi i një shoqërie të tërë tek shteti.

“Dhe përballë kësaj përgjegjësie, nuk kemi më të drejtë të negociojmë me thelbin. Dua ta them qartë: do të ketë hapësirë të pakufizuar për bashkëpunim, dialog, mbështetje teknike dhe orientim. Por nuk do të ketë asnjë tolerancë për kompromis përtej objektivave”, përmbyll ajo.

The post Blerina Gjylameti merr zyrtarisht detyrën në krye të AKU: Siguria ushqimore është e tashmja dhe e ardhmja e fëmijëve tanë appeared first on Albeu.com.

Udhëheqësit e shteteve anëtare të Bashkimit Evropian (BE) mblidhen mbrëmjen e 22 janarit në Bruksel për një samit urgjent, i thirrur pas kërcënimeve të presidentit amerikan, Donald Trump, për vendosjen e tarifave ndaj disa shteteve të kontinentit evropian.

Mbajtja e samitit u konfirmua edhe pasi presidenti amerikan më 21 janar hoqi dorë nga vendosja e tarifave, pasi në Davos të Zvicrës u arrit një pajtim për kornizën e marrëveshjes për Grenlandën gjatë një takimi me sekretarin e Përgjithshëm të NATO-s, Mark Rutte.

Bashkimi Evropian në samit kishte planifikuar fillimisht të diskutojë për një përgjigje të përbashkët ndaj kërcënimeve amerikane për tarifa. Pritet që udhëheqësit evropianë të bisedojnë edhe për strategjinë e përgjigjes ndaj kërcënimeve të mundshme në të ardhmen nga presidenti Trump.

Presidenti i Këshillit Evropian, Antonio Costa, në ftesën drejtuar shefave të shteteve dhe qeverive të BE-së, theksoi se dëshiron një diskutim mbi sfidat në marrëdhëniet transatlantike, pasojat e tyre për Bashkimin Evropian, si dhe koordinimin e hapave të ardhshëm.

Parlamenti Evropian më 21 janar pezulloi procesin e ratifikimit të marrëveshjes tregtare me Shtetet e Bashkuara të Amerikës, në dritë të tensioneve lidhur me Grenlandën.

Udhëheqësit e BE-së do të diskutojnë për Grenlandën dhe raportet tregtare me SHBA-në.

BE-ja synon që marrëdhëniet tregtare të jenë të qëndrueshme, të parashikueshme dhe të sigurta, por nëse kjo nuk ndodh, atëherë dëshiron të ketë në dispozicion kundërmasa të shpejta.

Sipas diplomatëve evropianë, blloku evropian dëshiron të përcaktojë qartë sa i fortë, i qëndrueshëm dhe i parashikueshëm është aktualisht partneriteti transatlantik tregtar dhe aleanca ushtarake.

Fokusi i diskutimit pa dyshim do të jetë Grenlanda, dhe pritet që udhëheqësit të marrin më shumë informacione nga Danimarka.

Kryeministrja e vendit pas konfirmimit të arritjes së pajtimit për kornizën e marrëveshjes tha se shteti i saj është i gatshëm të bisedojë për sigurinë në Arktik, por insiston në respektimin e integritetit territorial.

Bordi për Paqe në agjendën e takimit të liderëve evropianë

Bashkimi Evropian aktualisht heziton të marrë pjesë zyrtarisht në Bordin e ri për Paqe, duke pritur sqarime shtesë nga pala amerikane, por edhe duke analizuar nëse pjesëmarrja në këtë trup lejohet nga kushtetutat e disa shteteve anëtare.

Komisioni Evropian fillimisht përshëndeti idenë e këtij Bordi, por BE do të përpiqet të marrë një qëndrim të përbashkët edhe për këtë çështje. Për disa vende evropiane problematike është fakti që Trump ka ftuar në Bord edhe presidentët e Rusisë dhe Bjellorusisë, Vladimir Putin, dhe Aleksandar Lukashenko.

Megjithatë, unanmiteti për këtë çështje nuk është më i mundur, pasi në këtë Bord janë bashkuar Bullgaria dhe Hungaria./rel

The post Udhëheqësit BE mblidhen në Bruksel për një samit urgjent! Diskutime për Groenlandën dhe raportet tregtare me SHBA-në appeared first on Albeu.com.

Parlamenti Europian të enjten hodhi poshtë me shumicë dërrmuese një mocion mosbesimi kundër Presidentes së Komisionit Europian, Ursula von der Leyen. Konkretisht, 565 nga 720 eurodeputetë morën pjesë në votim. Vetëm 165 votuan në favor të rrëzimit të Komisioneres, ndërsa 390 votuan kundër mocionit dhe 10 abstenuan. Von der Leyen nuk ishte në Strasburg në kohën e votimit.

Mocioni i mosbesimit u paraqit nga grupi politik i ekstremit të djathtë Patriotët për Evropën, i cili akuzoi Presidentes e Komisionit dhe të gjithë komisionerët për mënyrën se si e trajtuan marrëveshjen tregtare midis BE-së dhe Mercosur-it. Sipas raportuesve të mocionit, marrëveshja minon fermerët evropianë, duke hapur – siç argumentuan ata – tregun evropian ndaj konkurrencës së padrejtë.

Përpjekje të përsëritura pa rezultat

Kjo është iniciativa e katërt e tillë në shtatë muajt e fundit, pasi tre mocione të mëparshme të mosbesimit ishin refuzuar gjithashtu. Pragu relativisht i ulët i kërkuar për të filluar procedurën 72 nënshkrime nga një total prej 720 eurodeputetësh ka lehtësuar përpjekjet e përsëritura për të vënë në pikëpyetje ekzekutivin evropian, por pa asnjë shans real për sukses.

Debati mbi propozimin, i cili i parapriu votimit të hënën, u mbajt në një sallë pothuajse të zbrazët, pasi një pjesë e madhe e eurodeputetëve zgjodhën ta bojkotonin atë, duke protestuar kundër lëvizjeve të përsëritura siç i karakterizuan ata pretencioze të së djathtës ekstreme dhe të majtës ekstreme. Edhe kreu i Patriotëve për Evropën, Jordan Bardella, mungonte në procedura.

The post E katërta në 7 muaj/ Ursula von der Leyen i mbijeton sërish mocionit të mosbesimit në Parlamentin Europian appeared first on Albeu.com.

Ina dhe Keijsi kanë shkëmbyer mbrëmjen e djeshme një puthje në buzë.

Në një intervistë për Shqipëria Live në Top Channel, motra e Keijsit u shpreh se nuk e priste që kjo të ndodhte, por shtoi se nëse ata e kanë ndjerë, atëherë është çdo gjë në rregull.

“Nuk e prisja fare, por nëse e kanë ndjerë për ta bërë atëherë është në rregull”, tha Sara.

Sa i përket komenteve në rrjet për këtë puthje, ajo tha se janë dy të rinj që kanë të drejtën e botës të puthen, dhe se askujt nuk i bëjnë dëm.

“Secili ka një koment për të dhënë, dhe jemi të lirë. Mos ta specifikojmë këtë puthjen e Keijsit sikur çfarë ka ndodhur sepse ka të drejtë të puthet më kë të dojë kur pëlqehen, po puthen dy individë që janë në moshën më të bukur, kanë ndjesitë e tyre, hormonalisht janë shumë të ndezur se janë të rinj, ajo puthje nuk i bën kaq dëm të madh askujt, përveç atyre të dyve nuk prek askënd tjetër ajo puthje”, u shpreh ajo.

Ndërkohë në dhomën e rrëfimit, pas puthjes Keijsi tha: Më e bukura e puthjes ishte se ishte pas një debati shumë të madh.

“Ky ishte emocioni më i fortë që kam kaluar deri tani, e ndjeva dhe e bëra, shumë e thjeshtë”, u shpreh Ina nga ana tjetër.

The post “Nuk e prisja fare”, puthja në buzë me Inën, motra e Keijsit: Nuk i bëjnë dëm askujt, janë të rinj dhe janë hormonalisht të ndezur appeared first on Albeu.com.

Presidenti ukrainas, Volodymyr Zelensky, tha se i ka kërkuar udhëheqësit amerikan, Donald Trump, që t’i japë më shumë raketa Patriot dhe sisteme të tjera të mbrojtjes ajrore gjatë takimit të tyre në Davos të Zvicrës më 22 janar, teksa të dërguarit amerikanë po përgatiten për bisedime të tjera në Moskë me presidentin rus, Vladimir Putin.

Zelensky gjithashtu e përmendi mundësinë e bisedimeve trepalëshe mes ekipeve ruse, ukrainase dhe amerikane në Emiratet e Bashkuara Arabe më 23-24 janar.

Trump dhe Zelensky u takuan për më shumë se një orë në Forumin Ekonomik Botëror në Davos, në bisedime që Trump i përshkroi si pozitive.

“Takimi me presidentin Zelensky ishte i mirë. Do të shohim se çfarë rezultati do të dalë”, tha Trump, gjatë një prononcimi të shkurtër për gazetarë, duke shtuar se mesazhi i tij për Putinin është: “Lufta duhet të përfundojë”.

Pak pas këtyre deklaratave të Trumpit, Zelensky mbajti një fjalim, që u pasua nga një sesion i shkurtër i pyetjeve, kur ai tha se mesazhi i tij kryesor është se Ukraina ka nevojë për mbrojtje shtesë kundër sulmeve ruse me dronë dhe raketa, që kanë lënë deri në 1 milion njerëz pa ngrohje dhe energji elektrike në kohën kur temperaturat janë nën zero.

“Fjalët e mia të fundit… për presidentin Trump [ishin]: Mos harroni mbrojtjen ajrore, mos harroni Patriotët”, tha Zelensky. “Kjo është shumë e rëndësishme për ne gjatë këtij dimri”.

Zelensky ka bërë këso thirrjesh shpesh, dhe ai filloi dhe përfundoi fjalimin e tij duke folur për një situatë, ku krizat shoqërohen me deklarata të forta, por pa veprime vendimtare.

“Çdo forum si ky e dëshmon këtë. Vetëm vitin e kaluar këtu në Davos, përfundova fjalimin tim me fjalët: ‘Evropa duhet të dijë si të mbrohet’. Ka kaluar një vit dhe asgjë nuk ka ndryshuar”.

Kjo, tha Zelensky, vlen edhe për Iranin, ku “ka pasur kaq shumë fjalë… por ato u fundosën në gjak”, dhe tha se kjo vlen edhe për përpjekjet për të krijuar një gjykatë ndërkombëtare për krimet e agresionit rus në Ukrainë. Këto përpjekje kanë ngecur.

Duke kritikuar “mungesën e vullnetit politik” në Evropë, ai gjithashtu bëri një krahasim me mënyrën se si forcat detare amerikane kapnin tankerë të flotës në hije, ndërsa “nafta ruse transportohet përgjatë brigjeve evropiane” pa u penguar.

Zelensky përfundoi duke thënë: “Le t’i japin fund kësaj”, dhe se bisedimet për paqe me Rusinë tani po hyjnë në “kilometrin e fundit”.

Kjo fazë përfundimtare nis me delegacionin amerikan, të udhëhequr nga i dërguari i posaçëm, Steve Witkoff, dhe dhëndri i Trumpit, Jared Kusher, që nisen më vonë gjatë së enjtes drejt Moskës për bisedime me Putinin.

Më herët, vetë Witkoff bëri deklarata optimiste gjatë një takimi të zhvilluar në mëngjes, duke thënë se “ne jemi në fund tani. Në të vërtetë jam optimist”.

“Mendoj se e kemi arritur te një çështje, dhe kemi diskutuar aspekte të kësaj çështjeje dhe kjo do të thotë se është e zgjidhshme. Pra, nëse të dyja palët duan ta zgjidhin këtë, do ta zgjidhim”, tha Witkoff.

Në Moskë, zëdhënësi i Kremlinit, Dmitry Peskov, refuzoi të komentonte optimizmin e Witkoffit, duke theksuar vetëm se “diskutimi do të vazhdojë mbi çështjen e zgjidhjes ukrainase dhe tema të tjera të ndërlidhura”.

Kremlini tha se bisedimet do të zhvilloheshin në mbrëmje, ndërsa Witkoff tha se delegacioni amerikan nuk do të qëndronte gjatë natës në Moskë, por do të fluturonte drejt Emirateve të Bashkuara Arabe,

Megjithatë, nuk kishte ende nuk ka deklarata nga zyrtarët rusë ose amerikanë për bisedimet trepalëshe që përmendi Zelensky./rel

The post Zelensky i bën thirrje Trump për më shumë sisteme të mbrojtjes ajrore: Mos harroni raketat Patriot appeared first on Albeu.com.

Për ditën e premte vendi ynë do të ndikohet nga kushte atmosferike relativisht të paqëndrueshme.

Moti parashikohet me vranësira si dhe intervale të herëpashershme me diell (kthjellime). Reshje shiu të herëpashershme me intensitet të ulët përgjatë ultësirës perëndimore dhe zonave bregdetare të vendit. Lokalisht shtrëngata afatshkurtra.

Temperaturat maksimale parashikohet të arrijnë deri në 15 gradë celcius, ndërsa ato minimale në -1 gradë celcius. Era do të fryjë me drejtim verilindje-juglindje, me shpejtësi mesatare 5 m/s, përgjatë vijës bregdetare dhe zonat luginore era me shpejtësi deri në 10 m/s.

Valëzimi në detet Jon dhe Adriatik do të jetë i forcës 1-3 ballë.

The post Ditët e ftohta mbërthejnë vendin, ja çfarë pritet të ndodh nesër me motin appeared first on Albeu.com.

Ditën e sotme një barakë e vjetër është përfshirë nga flakët, ku jetonte një 80-vjeçar. Si pasojë e zjarrit, shtetasi Sefer Balina ka pësuar djegie të konsiderueshme në trup.

Menjëherë pas mbërritjes në Spitalin Rajonal të Shkodrës, i moshuari është transportuar me urgjencë drejt Tiranës për mjekim të specializuar, për shkak të plagëve të rënda dhe djegieve të shkallës së tretë që ka pësuar.

Ende mbeten të paqarta shkaqet e zjarrit që përfshiu barakën ku ai jetonte. Kanë qenë fqinjët ata që kanë konstatuar flakët dhe kanë njoftuar menjëherë shërbimin zjarrfikës, i cili ka ndërhyrë duke lokalizuar dhe shuar vatrën e zjarrit.

Po ashtu, fqinjët kanë lajmëruar menjëherë shërbimet e urgjencës, ndërsa një ambulancë ka bërë transportimin e të dëmtuarit fillimisht drejt spitalit të Shkodrës dhe më pas drejt kryeqytetit.

The post Përfshihet nga flakët një barakë në Shkodër, pëson djegie të rënda 80-vjeçari appeared first on Albeu.com.

Dashi
Të lindur më: 21 Mars – 19 Prill
Sot, marrëdhëniet tuaja romantike mund të përjetojnë një frymë të re, duke ju afruar më shumë me partnerin ose duke tërhequr dikë të veçantë në jetën tuaj. Komunikimi i hapur dhe ndershmëria do të jenë çelësi për të shmangur keqkuptimet. Në ambientin e punës, një projekt i ri do të kërkojë vëmendjen tuaj, ndaj përqendrohuni dhe mos u shpërqendroni nga thashethemet rreth jush. Shëndeti juaj kërkon më shumë kujdes; një dietë e balancuar dhe aktiviteti fizik do t’ju ndihmojnë të ndiheni më mirë. Financat duken të qëndrueshme, por shmangni shpenzimet impulsive që mund të prishin buxhetin. Një këshillë e vyer nga një mik mund t’ju ndihmojë të merrni vendime më të mira. Nëse ndiheni të lodhur, mos e injoroni nevojën për pushim dhe relaksim.

Demi
Të lindur më: 20 Prill – 20 Maj
Sot do të ndiheni më të hapur ndaj ndjenjave dhe do të përjetoni momente të bukura me partnerin. Beqarët mund të kenë një njohje të re që do t’i befasojë me energjinë pozitive dhe sinqeritetin. Në punë, bashkëpunimi me kolegët do të jetë thelbësor për të arritur qëllimet e përbashkëta. Mos lejoni që tensionet e vogla t’ju ndikojnë në performancë. Kujdesuni për shëndetin tuaj, veçanërisht për sistemin nervor dhe shmangni stresin e tepërt. Në aspektin financiar, është dita e duhur për të rishikuar buxhetin dhe për të planifikuar investime të reja. Ndajini mendimet tuaja me ata që i besoni për të gjetur zgjidhje të zgjuara.

Binjakët
Të lindur më: 21 Maj – 20 Qershor
Në fushën e dashurisë, sot do të ndjeni nevojën për më shumë intimitet dhe afërsi me partnerin. Për ata që janë vetëm, mund të lindë një flirt interesant, por mos nxitoni të merrni vendime të nxituara. Në ambientin profesional, do të shfaqen mundësi të reja që kërkojnë guxim dhe vendosmëri nga ana juaj. Mos lejoni që pasiguritë të pengojnë përparimin tuaj. Shëndeti është i mirë, por është koha për të shtuar aktivitetin fizik në rutinën tuaj të përditshme. Në aspektin financiar, një shpenzim i papritur mund të kërkojë riorganizimin e prioriteteve. Bisedat me persona me përvojë mund t’ju ndihmojnë të gjeni rrugën e duhur.

Gaforrja
Të lindur më: 21 Qershor – 22 Korrik
Ditën e sotme, marrëdhëniet sentimentale kërkojnë vëmendje dhe mirëkuptim, prandaj dëgjoni me kujdes atë që ka për të thënë partneri juaj. Beqarët mund të ndihen të pavendosur, por një takim i rastësishëm mund të sjellë ndryshime pozitive. Në punë do të përballeni me sfida që kërkojnë zgjidhje të mençura dhe bashkëpunim me të tjerët. Mos ngurroni të kërkoni ndihmë nëse është e nevojshme. Shëndeti juaj do të përmirësohet nëse i kushtoni më shumë vëmendje pushimit dhe dietës së shëndetshme. Financat kërkojnë kujdes të veçantë; shmangni huazimet ose investimet e rrezikshme. Një këshillë nga një i afërm mund të jetë më e vlefshme se sa mendoni.

Luani
Të lindur më: 23 Korrik – 22 Gusht
Dita e sotme sjell harmoni në marrëdhëniet tuaja, duke ju ndihmuar të zgjidhni mosmarrëveshjet e mëparshme me partnerin. Për beqarët, një miqësi e vjetër mund të shndërrohet papritur në diçka më shumë. Në punë, do të ndiheni të motivuar dhe do të arrini rezultate të mira përmes përpjekjeve të vazhdueshme. Mos nënvlerësoni rëndësinë e bashkëpunimit dhe të dëgjimit të ideve të reja. Kujdesuni për shëndetin tuaj duke shmangur lodhjen dhe duke u fokusuar në relaksim. Në aspektin financiar, është koha të bëni plane afatgjata dhe të investoni me kujdes. Një mundësi e papritur mund të sjellë përfitime të mira materiale.

Virgjëresha
Të lindur më: 23 Gusht – 22 Shtator
Sot do të ndiheni më të afërt me partnerin dhe do të ndani momente të sinqerta që forcojnë lidhjen tuaj. Për ata që janë beqarë, ka shanse të mira për të takuar dikë me të cilin ndani interesa të përbashkëta. Në punë, dita do të jetë e ngarkuar, por angazhimi juaj do të shpërblehet me rezultate pozitive. Mos lejoni që presioni t’ju ndikojë negativisht; merrni frymë thellë dhe organizoni detyrat me kujdes. Shëndeti kërkon më shumë vëmendje ndaj zakonit të gjumit dhe hidratimit. Financat janë të qëndrueshme, por mos bëni shpenzime të panevojshme. Një lajm i mirë nga një i afërm mund të përmirësojë humorin tuaj.

Peshorja
Të lindur më: 23 Shtator – 22 Tetor
Në dashuri, dita premton emocione të forta dhe mundësi për të forcuar lidhjet me partnerin. Beqarët do të kenë shanse të mira për të njohur persona të rinj që i tërheqin intelektualisht. Në punë, një projekt i rëndësishëm kërkon vëmendjen tuaj të plotë dhe përkushtim. Bashkëpunimi me kolegët do të jetë kyç për suksesin. Shëndeti është i mirë, por mos e teproni me aktivitetet fizike dhe kujdesuni për ushqimin. Financat mund të përmirësohen falë një fitimi të papritur ose një marrëveshje të suksesshme. Mos harroni të ndani gëzimin tuaj me të tjerët dhe të jeni mirënjohës për çfarë keni.

Akrepi
Të lindur më: 23 Tetor – 21 Nëntor
Dita e sotme sjell harmoni në marrëdhëniet personale, duke ju dhënë mundësinë të përmirësoni komunikimin me partnerin ose të krijoni lidhje të reja. Beqarët mund të përjetojnë një tërheqje të veçantë me dikë që sapo kanë njohur. Në planin profesional, do të keni mundësi të shfaqni aftësitë tuaja dhe të fitoni vlerësimin e kolegëve dhe drejtuesve. Sfidat do të kapërcehen me qetësi dhe vendosmëri. Shëndeti është i mirë, por mos harroni të kujdeseni për relaksimin dhe të shmangni stresin e tepërt. Financat janë në një fazë të qëndrueshme, por është mirë të kurseni për të ardhmen. Një këshillë nga një mik i vjetër mund të jetë shumë e dobishme sot.

Shigjetari
Të lindur më: 22 Nëntor – 21 Dhjetor
Sot, marrëdhëniet romantike do të marrin një kthesë pozitive, sidomos nëse hapni zemrën dhe flisni hapur për ndjenjat tuaja. Për beqarët, një takim surprizë mund të sjellë emocionet që keni kërkuar prej kohësh. Në punë, është dita për të marrë iniciativën dhe për të treguar aftësitë tuaja lidershipi. Mos lejoni që pasiguritë t’ju ndalojnë të ecni përpara. Shëndeti është relativisht i mirë, por kushtojini vëmendje ushqimit dhe pushimit. Financat mund të përmirësohen falë një vendimi të zgjuar që merrni sot. Një bisedë e hapur me një të afërm do t’ju ndihmojë të shihni situatat nga një këndvështrim i ri.

Bricjapi
Të lindur më: 22 Dhjetor – 19 Janar
Ditën e sotme, marrëdhëniet tuaja kërkojnë më shumë përkushtim dhe mirëkuptim; një bisedë e hapur me partnerin do të zgjidhë shumë paqartësi. Beqarët do të tërhiqen nga persona me energji pozitive dhe të sinqertë. Në punë, do të hasni sfida të vogla, por do t’i kapërceni falë këmbënguljes dhe diplomacisë suaj. Mos lejoni që kritikat t’ju demoralizojnë, përkundrazi, përdorini si motivim për të përmirësuar veten. Shëndeti juaj është i qëndrueshëm, por një aktivitet i ri sportiv mund t’ju ndihmojë të ndiheni më energjikë. Financat kërkojnë vëmendje; planifikoni shpenzimet dhe shmangni investimet e rrezikshme. Një surprizë e këndshme mund të vijë nga një mik i largët.

Ujori
Të lindur më: 20 Janar – 18 Shkurt
Në aspektin sentimental, sot do të ndjeni nevojën për të shprehur më shumë dashurinë ndaj partnerit; një gjest i vogël mund të bëjë diferencën. Beqarët duhet të jenë të hapur ndaj njohjeve të reja që vijnë në mënyrë të papritur. Në punë, dita është ideale për të përfunduar detyrat e lëna pezull dhe për të organizuar prioritetet. Bashkëpunimi me kolegët do të sjellë rezultate të favorshme. Shëndeti është i mirë, por mos neglizhoni kontrollet rutinë. Në aspektin financiar, mbani nën kontroll shpenzimet dhe mos u tundoni nga ofertat joshëse. Një këshillë e marrë sot mund t’ju ndihmojë në vendime të rëndësishme.

Peshqit
Të lindur më: 19 Shkurt – 20 Mars
Dita do të jetë e mbushur me emocione pozitive në marrëdhëniet tuaja; ndjeni afërsi dhe mirëkuptim me partnerin. Beqarët mund të ndihen të motivuar për të marrë hapa të guximshëm drejt një lidhjeje të re. Në punë, do të përballeni me sfida, por me përkushtim dhe këmbëngulje do t’i kapërceni me sukses. Mos harroni të ndani idetë tuaja me të tjerët, pasi mund të merrni mbështetje të vlefshme. Shëndeti kërkon vëmendje ndaj stresit dhe të siguroheni që të pushoni mjaftueshëm. Financat janë të balancuara, por është mirë të shmangni rreziqet e panevojshme. Një bisedë miqësore mund të sjellë një ide të re për të ardhmen.

The post Horoskopi 22 Janar 2026, zbuloni parashikimin e yjeve për shenjën tuaj appeared first on Albeu.com.

Kanë përfunduar 7 ndeshjet e fundit të mbrëmjës magjike të UEFA Champions League, të cilat nisën në orën 21:00. Në këto duele të vlefshme për raundin e 7-të të fazës së grupit, u shënua një total prej 22 golash.

Intersante sfida mes Slavia Prague dhe Barcelonës e cila u mbyll me rezultatin 2-4, në favor të katalansve. Edhe pse Slavia Prague e nisi “vrullshëm”, me golin e tij të parë në minutën e 10-të, falë goditjes së Kusej.

Ndëra më vonë “djemtë “e Hansi Flick dhuruan gola seri. Duke nisur që më dopietën e Fermin me shënime në minutën e 34-të dhe 42-të. E po në të njëjta “gjurmë”, vijuan edhe Olmo në minutën e 63-të dhe Lewandoski në minutën e 71-të, gol i cili finalzioi edhe ndeshjen.

Goli i Levandovskit (VIDEO)

Autogoli i Levandovskit (VIDEO)

Goli i dytë i Fermin Lopez (VIDEO)

Goli i Fermin Lopez (VIDEO)

Goli i Kushej (VIDEO)

Në sukses u mbyll edhe sfida e Bayern Munich kundër Royale Union, e cila u mbyll me shifrat 2-0, në favor të bavarezëve. Pjesa e parë nuk rezervoi asnjë aksion të finalizuar në gol, por shumë më ndryshe ajo e dyta.Ekipi i Vincent Kompany u nderua nga goli i parë i Kane, i cili u shënua në minutën e 52-të dhe penalltia e saktë sërish e Kane në minutën e 55-të. Dy goditje në rrjetën e rivalëve që e bënë skuadrën triumfuese për këtë duel.

Nga italianët, Juventus po ashtu bëri më të mirën e tij përballë Benficës, të cilën e mundi me rezuttatin 2-0. Gola të shënuara nga Thuram në minutën e 55-të dhe Mc Kennie në minutën e 64-të.

The post VIDEO/ Përmbysje spektakolare nga Barcelona dhe 22 gola në 7 sfida, bëjnë “detyrën” edhe Bayern Munich e Juventusi appeared first on Albeu.com.

Qeveria ka miratuar sot marrëveshjen për aderimin e Shqipërisë në Bordin e Paqes për Gazën, ndërsa Kuvendi pritet ta ratifikojë nesër.

Sipas dokumentit zyrtar, marrëveshja është miratuar në parim nga Këshilli i Ministrave me vendimin nr.45, datë 21 janar 2026, dhe parashikon që Shqipëria, e përfaqësuar nga Kryeministri Edi Rama, të bëhet pjesë e Kartës themeluese të Bordit të Paqes.

Çfarë është Bordi i Paqes

Bordi i Paqes do të krijohet si një organizatë ndërkombëtare me personalitet juridik ndërkombëtar, me mision promovimin e stabilitetit, rivendosjen e qeverisjes së ligjshme dhe sigurimin e paqes së qëndrueshme në territore të prekura ose të kërcënuara nga konflikti. Aktiviteti i tij do të zhvillohet në përputhje me të drejtën ndërkombëtare.

Roli i Shqipërisë dhe statusi i anëtarit themelues

Relacioni thekson se pjesëmarrja e Shqipërisë në Bord përbën një zhvillim me rëndësi të veçantë për politikën e jashtme dhe diplomacinë e vendit. Shqipëria parashikohet të ketë statusin e anëtarit themelues, çka i jep një rol aktiv dhe të barabartë në formësimin e vizionit, parimeve dhe arkitekturës vendimmarrëse të Bordit.

Qeveria argumenton se ky status rrit ndjeshëm profilin ndërkombëtar të Shqipërisë dhe e pozicionon vendin si faktor stabiliteti dhe aktor paqeje, veçanërisht në proceset që synojnë zgjidhjen e konflikteve shumëvjeçare, përfshirë Lindjen e Mesme. Dokumenti e cilëson gjithashtu këtë zhvillim si konfirmim të partneritetit strategjik me Shtetet e Bashkuara të Amerikës.

Si funksionon Bordi i Paqes

Sipas Kartës, Bordi do të drejtohet nga një Kryetar dhe do të ketë dy struktura kryesore vendimmarrëse: Bordin e Shteteve Anëtare dhe Bordin Ekzekutiv. Vendimet do të merren me shumicë votash, por do të kërkojnë konfirmimin e Kryetarit, i cili gëzon edhe të drejtën e vetos dhe autoritetin përfundimtar interpretues.

Anëtarësimi i shteteve do të bëhet me ftesë dhe mandat trevjeçar, me mundësi rinovimi. Përjashtim bëjnë shtetet që kontribuojnë mbi 1 miliard dollarë brenda vitit të parë, për të cilat nuk zbatohet kufiri trevjeçar i mandatit.

Karta garanton ruajtjen e sovranitetit të shteteve anëtare, duke përcaktuar se Bordi nuk ka juridiksion brenda territorit të tyre dhe nuk mund t’i detyrojë të marrin pjesë në misione pa pëlqimin e shprehur.

Financimi dhe imunitetet

Bordi i Paqes do të financohet përmes kontributeve vullnetare vjetore të shteteve anëtare. Ndërkohë, organizata dhe personeli i saj do të gëzojnë personalitet juridik ndërkombëtar, si dhe privilegje e imunitete të nevojshme për ushtrimin e funksioneve, të rregulluara përmes marrëveshjeve me shtetet pritëse.

Efektet financiare për Shqipërinë

Relacioni sqaron se në këtë fazë, miratimi i projektligjit nuk sjell kosto shtesë për buxhetin e shtetit. Megjithatë, anëtarësimi në Bord do të shoqërohet në të ardhmen me kontribute financiare vullnetare, të cilat do të përfshihen në buxhetin e Ministrisë për Evropën dhe Punët e Jashtme, si dhe në planifikimet afatmesme buxhetore 2027–2029.

Kush e zbaton marrëveshjen

Për zbatimin e projektligjit ngarkohet Ministria për Evropën dhe Punët e Jashtme, ndërsa për zbatimin e marrëveshjes do të përfshihen edhe Ministria e Mbrojtjes, Ministria e Infrastrukturës dhe Energjisë dhe Ministria e Punëve të Brendshme.

Marrëveshja për themelimin e Bordit të Paqes është iniciativë e Shteteve të Bashkuara të Amerikës dhe mbështetet nga rezoluta nr. 2803 (2025) e Këshillit të Sigurimit të OKB-së.

The post Qeveria miraton aderimin e Shqipërisë në Bordin e Paqes, zbardhet marrëveshja që pritet të votohet nesër në Kuvend appeared first on Albeu.com.

Për ditën e enjte vendi ynë do të ndikohet nga kushte atmosferike të paqëndrueshme.

Moti parashikohet me vranësira mesatare deri të dendura si dhe intervale të herëpashershme me diell (kthjellime).

Përgjatë ultësirës perëndimore dhe zonave bregdetare reshje shiu të herëpashershme me intensitet kryesisht të ulët. Këto reshje në periudha tepër afatshkurtra në formën e shtrëngatave.

Mjegull e dendur/mjegullinë në zonat luginore në orët e mëngjesit si dhe në momentin e reshjeve të shiut. Në zonën e Alpeve reshje dëbore me intensitet të ulët kryesisht në orët e mëngjesit dhe ato të mbrëmjes vonë.

Temperaturat maksimale pritet të arrijnë deri në 15 gradë celcius, ndërsa ato minimale në -1 gradë celcius.

Era do të fryjë me drejtim verilindje–juglindje, me shpejtësi mesatare 7 m/s, përgjatë vijës bregdetare dhe zonat luginore era me shpejtësi deri në 16 m/s.

Valëzimi në detet Jon dhe Adriatik do të jetë i forcës 2-4 ballë.

The post Ditët e ftohta mbërthejnë vendin, ja çfarë pritet të ndodh nesër me motin appeared first on Albeu.com.

Pas njoftimit nga Kuvendi për seancë plenare ditën e nesërme në ora 10:00, grupi parlamentar i PD ka njoftuar në ora 09:00 të së enjtes, do të zhvillojë mbledhje në seli.

Sipas njoftimit të PD, edhe pse nuk janë dakord me rendin e ditës, ku do të votohet në seancë të përshpejtuar projektvendmi i miratuar sot nga qeveria për pjesëmarrjen e Shqipërisë në Bordin e Paqes, ata do të marrin pjesë në seancë.

Burime i thanë Top Channel se deputetët e PD do të votojnë pro bërjes pjesë të Shqipërisë në Bordin e Paqes, me ftesë nga Presidenti Donald Trump.

“Pavarësisht shkeljes së të gjitha rregullave procedurale kushtetuese dhe të Rregullores së Kuvendin, si një provokim të ulët ndaj opozitës dhe qytetarëve shqiptar, nga njeriu që ngërçin e tij me SHBA dëshiron tia imponojë Shqipërisë apo të mashtrojë shqiptarët sikur kjo nuk ekziston, ne DO TË MARRIM PJESË nesër në seancë, si mbështetje ndaj përpjekjeve/angazhimit të Presidentit të SHBA për paqen dhe sigurinë globale”, thuhet në njoftimin e PD.

The post Seanca e përshpejtuar për Bordin e Paqes me kërkesë të PS, reagon PD: Do marrim pjesë, pavarësisht shkeljes së rregullave appeared first on Albeu.com.

Kuvendi ka miratuar kërkesën e grupit parlamentar të Partisë Socialiste për zhvillimin e seancës plenare ditën e enjte në ora 10:00, për miratimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Bordin e Paqes. Ndërkohë, Kuvendi ka bërë publike agjendën e punimeve në mbështetje të urdhrit nr. 4, datë 21.1.2026 të Kryetarit të Kuvendit, Niko Peleshi.

Rendi i ditës është si më poshtë:

1. Njoftime.
(Neni 44, pika 3, të Rregullores së Kuvendit)
2. Projektligji “Për ratifikimin e marrëveshjes së pranimit të Republikës së
Shqipërisë, përfaqësuar nga Kryeministri Edi Rama, në Kartën e Bordit të
Paqes”.
(Në mbështetje të neneve 78, 81 pika 1, 83, pika 1 dhe 2, dhe nenit 121, pika 1, të
Kushtetutës, si dhe neneve 55, 73-77 të Rregullores, shumicë absolute votash për
miratim)
Pyetje
Shprehet nismëtari
Shprehet Komisioni përgjegjës për Europën dhe Punët e Jashtme
Diskutime
(Shprehen grupet parlamentare)

The post Kuvendi miraton kërkesën e PS/ Të enjten seancë plenare, ja rendi i ditës appeared first on Albeu.com.

Një aksident rrugor është regjistruar mbrëmjen e sotme pranë kryqëzimit të Rrilës, në superstradën Lezhë–Milot.

Sipas informacioneve paraprake, dy automjete janë përplasur me njëra-tjetrën, ndërsa njëri prej tyre ka goditur edhe dy mjete të tjera, të cilat po tentonin të shmangnin aksidentin.

Si pasojë e përplasjes, ka mbetur e plagosur një grua shtatzënë, e cila ndodhej në njërin prej automjeteve.

Ajo është transportuar menjëherë drejt Spitalit të Lezhës për kontrolle mjekësore dhe fatmirësisht ndodhet jashtë rrezikut për jetën.

Policia ka mbërritur në vendngjarje dhe po punon për zbardhjen e plotë të rrethanave të aksidentit, ndërsa paraprakisht dyshohet se shkak ka qenë një parakalim i gabuar nga një prej mjeteve të përfshira.

The post Aksident zinxhir në aksin Lezhë-Milot, katër makina përplasen me njëra-tjetrën! Plagoset një grua shtatzënë appeared first on Albeu.com.