Sot, të enjten, fillon gjyqi i Ekrem İmamoğlu në çështjen e diplomës së tij universitare, të cilën autoritetet turke e pretendojnë të jetë e falsifikuar.

Megjithatë, një tjetër rast që përfshin kryetarin e bashkisë së Stambollit dhe jetën e tij personale ka dominuar mediat turke në 24 orët e fundit.

Sipas asaj që raportoi korrespondenti i SKAI-t në Stamboll, Manolis Kostidis, disa orë para fillimit të procedurës, shpërtheu një trazirë në Turqi për shkak të dëshmisë së një influencuesi, i cili zbuloi se İmamoğlu kishte një lidhje jashtëmartesore me një lojtare të njohur të volejbollit, Deria Çayrgan. Lojtarja e lartpërmendur u arrestua madje disa orë më parë, si pjesë e një operacioni nga Drejtoria e Zbatimit të Ligjit kundër Drogës, së bashku me 18 persona të tjerë.

Sipas një raporti në gazetën pro-qeveritare Sabah, 19 persona u arrestuan në një operacion të Drejtorisë së Zbatimit të Ligjit kundër Drogës, përfshirë Derya Cairgan, ndërsa pjesa tjetër akuzohet për përfshirje në trafikun e drogës.

Lajmi për “lidhjen jashtëmartesore” të Imamoglu-t është raportuar që nga dje nga mediat opozitare dhe pro-qeveritare në Turqi, pa asnjë koment apo mohim zyrtar nga kryetari i bashkisë së Stambollit apo bashkëpunëtorët e tij. Mediat turke madje nxorën në pah një deklaratë më të vjetër të sportistes, rreth dy vjet më parë, në të cilën ajo u pyet se kush është personi më i famshëm që ajo ka ruajtur në kontaktet e saj të telefonit celular. Në atë kohë, ajo ishte përgjigjur se kishte të regjistruar numrin e telefonit të Imamoglu-t, pa dhënë sqarime të mëtejshme.

Influencuesja Rabia Karaca, e cila u arrestua gjithashtu nga autoritetet turke, thuhet se dëshmoi se Çayrgan ishte “mikesha e Imamoğlu-t”. Sipas dëshmisë së saj, kryetari i bashkisë së Stambollit “u kujdes për të dhe në një farë mënyre siguroi pagesat e saj”, ndërsa përmendi edhe individë të tjerë.

Imazhi që autoritetet e vendit po përpiqen të krijojnë rreth Ekrem Imamoglu-t, siç theksojnë analistët, përfshin akuza për një diplomë të rreme, parregullsi financiare dhe një jetë personale skandaloze. Megjithatë, këto janë akuza që ende nuk janë konfirmuar.

52-vjeçari Afrim Meça është arrestuar nga policia për trafik lëndësh narkotike.

Gjatë operacionit, shërbimet e Policisë kanë ndaluar në fshatin Luz, Fushë Krujë, automjetin me drejtues shtetasin A. M., në të cilin kanë gjetur 6 thasë me lëndë të dyshuar cannabis sativa, me peshë totale 60 kilogramë. Nga hetimet dyshohet se lënda narkotike (me vlerë rreth 60 000 euro) do të shitej në doza të vogla në qytetin e Krujës dhe në Tiranë.

“Seksioni për Hetimin e Narkotikëve, në bashkëpunim me Seksionin e Forcës së Posaçme Operacionale, në vijim të punës për goditjen e veprimtarive kriminale në fushën e narkotikëve, bazuar në informacionet e siguruara për një rast të shitjes së lëndëve narkotike, organizoi dhe finalizoi operacionin policor të koduar “Cargo”, si rezultat i të cilit u kap në flagrancë dhe u arrestua shtetasi:

-A. M., 52 vjeç, banues në Krujë.

Gjatë operacionit, shërbimet e Policisë kanë ndaluar në fshatin Luz, Fushë Krujë, automjetin me drejtues shtetasin A. M., në të cilin kanë gjetur 6 thasë me lëndë të dyshuar cannabis sativa, me peshë totale 60 kilogramë.

Nga hetimet dyshohet se lënda narkotike (me vlerë rreth 60 000 euro) do të shitej në doza të vogla në qytetin e Krujës dhe në Tiranë.

Lënda narkotike u sekuestrua në cilësinë e provës materiale, bashkë me automjetin dhe 1 celular.

Vijojnë hetimet për dokumentimin e plotë të kësaj veprimtarie kriminale dhe identifikimin e shtetasve të tjerë të përfshirë.

Materialet procedurale i kaluan Prokurorisë, për veprime të mëtejshme, për veprën penale “Prodhimi dhe shitja e narkotikëve””, thuhet në njoftim.

Nëntë gola ka shënuar këtë sezon sulmuesi i Kombëtares me fanellën e Trabzonspor.

Ernest Muçi po kalon një moment fantastik në Turqi. Sulmuesi i kombëtares shqiptare shkëlqeu sërish të mërkurën duke shënuar dy gola në fitoren 1-6 të Trabzonsporit në fushën e Istanbulsporit, në kuadër të Kupës së Turqisë.

24-vjeçari fillimisht realizoi golin e barazimit të përkohshëm në pjesën e parë, duke rikthyer ndeshjen në ekuilibër. Në fraksionin e dytë, Muçi gjeti sërish rrugën e rrjetës, këtë herë për golin e tretë të Trabzonsporit, duke vulosur një paraqitje mjaft pozitive. Realizimi i dytë erdhi nga afro 28 metra largësi, duke bërë që shokët e ekipit t’i “pastronin këpucët”, një festim për ata që kanë goditje të kalibruara.

Me këto dy realizime, Muçi shkon në kuotën e nëntë golave këtë sezon. Kujtojmë se 24-vjeçari është i huazuar nga Besiktasi.

Finalizohet nga Seksioni për Hetimin e Narkotikëve, në bashkëpunim me Seksionin e Forcës së Posaçme Operacionale, operacioni policor i koduar “Cargo”.

Sekuestrohen 60 kilogramë lëndë narkotike kanabis.

Vihet në pranga 52-vjeçari që u kap në flagrancë në fshatin Luz, duke transportuar me automjet, lëndën narkotike, me qëllim shitjen.

Seksioni për Hetimin e Narkotikëve, në bashkëpunim me Seksionin e Forcës së Posaçme Operacionale, në vijim të punës për goditjen e veprimtarive kriminale në fushën e narkotikëve, bazuar në informacionet e siguruara për një rast të shitjes së lëndëve narkotike, organizoi dhe finalizoi operacionin policor të koduar “Cargo”, si rezultat i të cilit u kap në flagrancë dhe u arrestua shtetasi:

-A. M., 52 vjeç, banues në Krujë.

Gjatë operacionit, shërbimet e Policisë kanë ndaluar në fshatin Luz, Fushë Krujë, automjetin me drejtues shtetasin A. M., në të cilin kanë gjetur 6 thasë me lëndë të dyshuar cannabis sativa, me peshë totale 60 kilogramë.

Nga  hetimet dyshohet se lënda narkotike (me vlerë rreth 60 000 euro) do të shitej në doza të vogla në qytetin e Krujës dhe në Tiranë.

Lënda narkotike u sekuestrua në cilësinë e provës materiale, bashkë me automjetin dhe 1 celular.

Vijojnë hetimet për dokumentimin e plotë të kësaj veprimtarie kriminale dhe identifikimin e shtetasve të tjerë të përfshirë.

Materialet procedurale i kaluan Prokurorisë, për veprime të mëtejshme, për veprën penale “Prodhimi dhe shitja e narkotikëve”.

Kanë mbetur më pak se 24 orë nga mbyllja e aplikimeve për thirrjen e radhës të Qendrës së Rekrutimit, që u jep të rinjve dhe të rejave mundësinë për t’u bërë pjesë e Forcave të Armatosura. Në prag të afatit përfundimtar, Ministri i Mbrojtjes, Pirro Vengu, ka përsëritur thirrjen publike drejtuar të rinjve, duke i ftuar ata të zgjedhin këtë rrugë, të cilën ai e cilëson si një mision përkushtimi dhe nderi në shërbim të vendit.

Përmes një mesazhi të publikuar në rrjetet sociale, ministri theksoi se Forcat e Armatosura ofrojnë më shumë sesa një vend pune, duke u shndërruar në një mundësi reale për ndërtimin e një karriere të qëndrueshme dhe afatgjatë. Sipas Vengut, të rinjtë që i bashkohen këtij institucioni përfitojnë një eksperiencë transformuese, që ndikon jo vetëm në formimin profesional, por edhe në rritjen personale, disiplinën dhe përgjegjësinë qytetare.

Ministri i Mbrojtjes nënvizoi se shërbimi në Forcat e Armatosura u jep të rinjve mundësinë për të ecur përpara me një mision të qartë, duke kontribuar drejtpërdrejt në sigurinë kombëtare, mbështetjen e komuniteteve në situata emergjente dhe përfaqësimin e vendit në misione ndërkombëtare. Ai shtoi se kjo rrugë është e hapur si për djemtë ashtu edhe për vajzat, duke reflektuar angazhimin për barazi dhe përfshirje në strukturat e mbrojtjes.

Thirrja e Qendrës së Rekrutimit synon të tërheqë të rinj të motivuar, të gatshëm për t’u trajnuar dhe për të ndërtuar një të ardhme profesionale në shërbim të atdheut. Afati i aplikimeve mbyllet brenda pak orësh, ndërsa autoritetet u bëjnë apel të interesuarve që të mos e humbasin këtë mundësi, duke aplikuar brenda kohës së përcaktuar.

Forcat e Armatosura vijojnë të konsiderohen një nga institucionet kyçe të shtetit, me rol të rëndësishëm në garantimin e sigurisë, menaxhimin e emergjencave dhe përmbushjen e angazhimeve ndërkombëtare. Në këtë kuadër, rekrutimi i brezave të rinj mbetet një prioritet, duke synuar forcimin e kapaciteteve njerëzore dhe profesionale të këtij institucioni strategjik.

Sot shënohen 27 vjet nga Masakra e Reçakut, një nga krimet më të rënda të kryera gjatë luftës në Kosovë, që mbetet plagë e hapur në kujtesën kolektive të vendit.

Më 15 janar 1999, forcat policore serbe, njësitë ushtarake dhe formacionet paramilitare serbe hynë në fshatin Reçak të komunës së Shtimes, ku vranë mizorisht 45 civilë shqiptarë.

Viktimat, u ekzekutuan në rrethana që tronditën opinionin vendor dhe ndërkombëtar.

Masakra u bë e njohur për botën pas reagimit të menjëhershëm të atëhershëm të shefit të Misionit Verifikues të OSBE-së në Kosovë, William Walker, i cili, pasi pa nga afër trupat e pajetë të civilëve, ngriti alarmin për krime të rënda kundër njerëzimit që po kryheshin ndaj shqiptarëve në Kosovë.

Reçaku u shndërrua në simbol të vuajtjes dhe sakrificës së popullit të Kosovës, por edhe në një moment kyç që ndikoi në ndërgjegjësimin ndërkombëtar për realitetin e luftës, duke hapur rrugën për zhvillime vendimtare në fundin e saj

Ndryshe, sot në kuadër të kësaj masakre, homazhe do të bëjnë krerët e shtetit si presidentja Vjosa Osmani, kryetari i Kuvendit, Dimal Basha dhe kryeministri në detyrë, Albin Kurti.

Pos tyre, homazhe do të bëjë edhe kreu i AAK-së, Ramush Haradinaj.

Zbatimi i planit të paqes për Gazën po hyn në fazën e tij të dytë, tha i  dërguari i posaçëm i SHBA-së, Steve Witkoff, me qëllimet kryesore të tilla si çarmatimi i Hamasit, krijimi i një qeverie teknokrate dhe fillimi i rindërtimit.

“Sot, në emër të presidentit Trump, po njoftojmë fillimin e Fazës së Dytë të Planit 20-pikësh të presidentit për të vendosur paqen në Gaza, duke kaluar nga armëpushimi tek çarmatimi, qeverisja teknokratike dhe rindërtimi”, shkroi ai në X.

Përfaqësues të grupit Hamas, i cili ishte në luftë me Izraelin para armëpushimit të tetorit, ndodheshin sot në kryeqytetin egjiptian Kajro për bisedime.

Stacioni televiziv egjiptian “Al-Qahera News” raportoi se pjesëmarrësit thanë se qëllimi i takimit ishte përgatitja për fazën e dytë të planit të paqes për Gazën.

Burimet e sigurisë egjiptiane thanë se Hamas kishte rënë dakord mbi emrat për qeverinë e planifikuar teknokratike tranzitore, e cila do të merret me çështjet civile dhe shërbimet publike në Gaza.

Asnjë anëtar i Hamasit nuk lejohet në këtë ekip.

“Faza e Dytë krijon një administratë teknokratike tranzitore palestineze në Gaza, Komitetin Kombëtar për Administrimin e Gazës (NCAG), dhe fillon çarmatimin dhe rindërtimin e plotë të Gazës, kryesisht çarmatimin e të gjithë personelit të paautorizuar”, tha Witkoff.

“SHBA pret që Hamas të përmbushë plotësisht detyrimet e tij, përfshirë kthimin e menjëhershëm të të fundit të pengut të vrarë. Dështimi për ta bërë këtë do të sjellë pasoja serioze”, theksoi ai.

Kryeministri Edi Rama zhvilloi një vizitë në Emiratet e Bashkuara Arabe me ftesë të Presidenti Sheikh Mohammed Bin Zayed Al Nahyan, në kuadër të “Javës së Qëndrueshmërisë 2026”.

Në rrjetet sociale, Rama publikoi foto nga kjo vizitë e cila nisi me pritjen në Pallatin Presidencial të Abu Dhabit ku u nderua me medaljen “Zayed” nga presidenti i Emirateve të Bashkuara.

Ky nderim i jashtëzakonshëm vjen si shprehje e marrëdhënieve të shkëlqyera mes Shqipërisë dhe Emirateve të Bashkuara Arabe, si dhe e vlerësimit për rolin dhe angazhimin e Kryeministrit Rama në promovimin e bashkëpunimit dypalësh dhe vizionit të përbashkët për zhvillim të qëndrueshëm.

Rama e cilësoi këtë vizitë si “një mikpritje e paharrueshme në Emiratet e Bashkuara” duke theksuar se vendosën piketa të reja të bashkëpunimit kuptimplotë që po forcohet dita-ditës.

Në kuadër të pjesëmarrjes në Javën e Qëndrueshmërisë 2026, Kreu i Ekzekutivit ishte pjesë e panelit “Korridoret e Energjisë për një të Ardhme të Qëndrueshme”.

Gjatë diskutimit, Rama vuri theksin tek investimet e mëdha të dekadës së fundit në energjinë diellore dhe të erës, me synimin që deri në fund të vitit 2028 Shqipëria të arrijë sovranitet të plotë energjetik dhe të mos ketë më nevojë për importe.

Kryeministri nënvizoi gjithashtu rëndësinë e bashkëpunimit strategjik me Emiratet e Bashkuara Arabe dhe Italinë, duke e cilësuar këtë partneritet si një model vizionar që synon, jo vetëm sigurinë energjetike të rajonit, por edhe eksportin e energjisë së gjelbër drejt Bashkimit Europian përmes projekteve të mëdha ndërlidhëse. A

i vlerësoi rolin dhe vizionin e lidershipit të Emirateve, si dhe kontributin e Dr. Sultan Al Jaber në nxitjen e projekteve ambicioze të tranzicionit energjetik. “Ambicia jonë është që së bashku me Emiratet e Bashkuara Arabe dhe Italinë të kemi një bashkëpunim trepalësh, të krijojmë një bazë të ngarkesës në Shqipëri. Doktor Sulltani, Zoti e bekoftë, po synon që të mbërrijmë në tre giga dhe përmes kabullit ndërlidhës me Italinë, t’i shërbejmë Evropës me energji të gjelbër”  u shpreh Kryeministri Rama.

Ndër të tjera, kreu i qeverisë foli edhe për përdorimin e teknologjisë digjitale dhe inteligjencës artificiale në Shqipëri, duke theksuar se 95% e shërbimeve publike ofrohen tashmë online.

Kryeministri konfirmoi angazhimin e Shqipërisë për tranzicionin e gjelbër, inovacionin teknologjik dhe forcimin e partneriteteve strategjike ndërkombëtare, në funksion të zhvillimit të qëndrueshëm dhe integrimit europian.

Duke u kthyer në shtëpi pasi mori pjesë në një protestë në Teheran më 8 janar, Reza përqafoi gruan e tij, Maryam, për ta mbrojtur atë. “Papritmas, ndjeva dorën time të lehtësohej – kisha vetëm xhaketën e saj në duar”, i tha ai një anëtari të familjes, i cili më vonë foli për BBC Persian. Maryam ishte qëlluar për vdekje – dhe ata nuk kishin idenë se nga kishte ardhur plumbi.

Reza e mbajti trupin e Mariamit për një orë e gjysmë . I rraskapitur, ai u ul në një rrugicë. Pas pak, dera e një shtëpie aty pranë u hap. Njerëzit që jetonin atje sollën një çarçaf të bardhë dhe e mbështollën trupin e Mariamit me të. Disa ditë para se Mariam të shkonte në protesta, ajo u kishte treguar fëmijëve të saj – të moshës 7 dhe 14 vjeç – për atë që po ndodhte në vendin e tyre. “Ndonjëherë prindërit shkojnë në protesta dhe nuk kthehen më,” tha ajo. “Gjaku im dhe i juaji nuk është më i çmuar se i kujtdo tjetër.” Emrat e Rezës dhe Mariamit janë ndryshuar për arsye sigurie.

Maryam është një nga mijëra protestuese që duhet të ishin kthyer në shtëpi, por nuk u kthyen kurrë, pasi autoritetet iu përgjigjën përhapjes së shpejtë të protestave në të gjithë Iranin me një shtypje vdekjeprurëse.

Agjencia e Lajmeve të Aktivistëve të të Drejtave të Njeriut (HRANA) me seli në SHBA thotë se ka qenë në gjendje të konfirmojë vrasjen e të paktën 2,400 protestuesve , përfshirë 12 fëmijë, në tre javët e fundit. Është jashtëzakonisht e vështirë të përcaktohet numri i të vdekurve, i cili pritet të rritet në ditët në vijim, sepse vendi mbetet nën një ndërprerje pothuajse të plotë të internetit të imponuar nga autoritetet iraniane të enjten në mbrëmje.

Grupet e të drejtave të njeriut nuk kanë akses të drejtpërdrejtë në vend dhe, së bashku me organizata të tjera ndërkombëtare lajmesh, BBC nuk është në gjendje të raportojë në terren. Autoritetet iraniane nuk kanë publikuar një numër të viktimave, por mediat lokale kanë raportuar se 100 anëtarë të forcave të sigurisë janë vrarë, ndërsa protestuesit – të cilët i kanë përshkruar si “rebelë dhe terroristë” – u kanë vënë flakën dhjetëra xhamive dhe bankave në disa qytete.

Protestat filluan në kryeqytet, Teheran, më 29 dhjetor, pas një rënieje të ndjeshme të vlerës së monedhës iraniane kundrejt dollarit. Ndërsa protestat u përhapën në dhjetëra qytete të tjera, ato u kthyen kundër sundimtarëve klerikë të Iranit. Forcat e sigurisë shpejt filluan një shtypje të dhunshme, me të paktën 34 protestues të vrarë deri më 7 janar, dita e 11-të e trazirave. Megjithatë, shtypja më e përgjakshme u pa të enjten dhe të premten e kaluar, kur mijëra njerëz dolën në rrugë në të gjithë vendin dhe kërkuan fundin e sundimit të Udhëheqësit Suprem, Ajatollah Ali Khamenei.

BBC Persian ka marrë dhjetëra dëshmi nga brenda Iranit. Të papenduar pavarësisht pasojave të mundshme, dëshmitarët thanë se donin të siguroheshin që pjesa tjetër e botës të dinte për dhunën kundër protestuesve. “Lagjja jonë mban erë gjaku – ata vranë kaq shumë njerëz “, tha njëri për BBC Persian. Një tjetër kujtoi se forcat e sigurisë “po qëllonin kryesisht në koka dhe fytyra”.

Ashtu si Sorena, shumë nga protestuesit e tjerë të vrarë ishin të rinj dhe plot ëndrra. Robina Aminian, një studente 23-vjeçare e dizajnit të modës që shpresonte të studionte në Milano, u qëllua dhe u vra në Teheran të enjten. Nëna e saj kaloi rreth gjashtë orë duke udhëtuar nga shtëpia e tyre në qytetin perëndimor të Kermanshah për të marrë trupin e saj nga Teherani. Gjatë rrugës së kthimit, ajo mbajti në krahë vajzën e saj të dashur. Por kur mbërriti, forcat e sigurisë e detyruan ta varroste trupin në një varrezë të largët jashtë qytetit – pa asnjë familjar apo mik tjetër të pranishëm.

Jo të gjithë të vdekurit ishin protestues. Navid Salehi, një infermier 24-vjeçar në Kermanshah, u qëllua disa herë ndërsa po largohej nga puna të enjten. Trupat e shumë protestuesve u dërguan në Qendrën Mjekësore Kahrizak në Teheran. Skenat atje ishin aq të tmerrshme sa Shahanad, i cili nuk donte të jepte emrin e tij të vërtetë, vendosi të udhëtonte gati 1,000 kilometra në një rajon kufitar në mënyrë që të mund të dërgonte video duke përdorur rrjetet e të dhënave mobile të vendeve fqinje. Deri të shtunën, Shahanad kishte parë më shumë se 2,000 trupa të shtrirë në tokë, tha ai.

Një grua e re, duke folur për BBC Persian në kushte anonimiteti, i përshkroi ngjarjet e javës së kaluar si një “luftë “. Protestuesit mbetën “më të bashkuar se kurrë”, por ajo kishte frikë për jetën e saj dhe këtë javë ishte larguar nga vendi – si shumë të tjerë, e kapluar nga ankthi se autoritetet do të nisnin një valë të re ekzekutimesh dhe persekutimesh. “Kam shumë frikë se çfarë mund t’u ndodhë atyre që janë ende në Iran”, shtoi ajo.

Pas arratisjes së Altin Ndocit mesditën e djeshme, shumë persona që konsiderohen me rrezikshmëri të lartë po transferohen nga drejtoria e burgjeve drejt burgut të Fierit.

Pas raportimeve se burgu i Durrësit nuk është burg me siguri të larta, është parë e arsyshme që personat me rrezikshmëri të lartë të mos qëndrojnë më aty.

Bëhet fjalë vetëm për transferimin e personave me rrezikshmëri të lartë dhe jo atyre zyrtarëve të arrestuar.

Altin Ndoci u arratis ditën e djeshme nga spitali i burgut, ku kishte shkuar të mjekohej pas ankesave për dhimbje në veshka.

Ndërkohë kur po kalojnë 24 orë nga arratisja dhe Ndoci ende nuk është kapur, pavarësisht kontrolleve të shumta dhe postoblloqeve të ngritura.

Tetë persona u vunë në pranga në lidhje me arrestimin e Ndocit, kontetisht:

-Aulon Çuko- Kryeinfermieri

-Desdemon Pazaj, zëvendës shefi i policisë

-Efektivët: Dorjan Saraçi, Sal Ferollari, Preng Marvataj, Fatjon Baçi, Aranit Çela

-Violeta Uka

Baçi është person nën hetim nga SPAK, pasi njihet edhe si polici i cili i dha kryebashkiakut të Tiranës, Erjon Veliaj, në momentin që ndodhej në automjetin me të cilin po transportohej nga paeraburgimi i Durrësit në Apelin e GJKKO ku do të njihej me masën e sigurisë.

Deputetja e Partisë Demokratike, Ina Zhupa, ka reaguar përmes një postimi në rrjetin social Facebook lidhur me vendimin e Shteteve të Bashkuara për të pezulluar vizat për Shqipërinë, duke e cilësuar atë si një sinjal alarmi për gjendjen ku ndodhet vendi nën qeverisjen e kryeministrit Edi Rama.

Deputetja demokrate thekson se ky vendim nuk është i rastësishëm, por pasojë e drejtpërdrejtë e dobësimit të shtetit, të shkaktuar nga korrupsioni, krimi i organizuar dhe lidhjet me narkotrafikun, si dhe nga institucione që, sipas saj, i shërbejnë interesave politike dhe jo qytetarëve.

“Pasojat bien mbi qytetarët shqiptarë”, shprehet Zhupa, duke nënvizuar se vendimi i SHBA-së përbën një hap pas për Shqipërinë.

Në reagimin e saj, ajo shton se problemi nuk qëndron te marrëdhëniet me partnerët ndërkombëtarë, por te dështimi i qeverisjes aktuale, për të cilën kërkon largimin sa më parë, në interes të vendit.

Statusi i Ina Zhupës:

Vendimi i SHBA-së për të pezulluar vizat për Shqipërinë është një kambanë alarmi për realitetin ku ka përfunduar vendi me qeverisjen e Edi Ramës!

Për vite kemi dëgjuar slogane për “partneritet strategjik”, “imazh të përmirësuar” dhe “besueshmëri ndërkombëtare”, ndërsa sot vendi ynë renditet në të njëjtën kategori me shtete që njihen për izolim, paqëndrueshmëri dhe mungesë standardesh.

Kjo nuk është rastësi. Është pasojë e drejtpërdrejtë e një shteti të dobësuar nga lidhjet me narkotrafikun, nga korrupsioni, nga krimi i organizuar dhe nga institucione që funksionojnë për interesa politike, jo për qytetarët.

Në fund, ata që dëmtohen janë qytetarët shqiptarë!

Ky është një hap prapa për Shqipërinë, jo sepse partnerët na kanë braktisur, por sepse qeverisja ka dështuar. Kjo qeveri e dështuar duhet larguar një orë e më parë për të mirën e vendit!

Arratisja e Altin Ndocit, i paraburgosuri i SPAK, i akuzuar për disa vepra të rënda penale, ndodhi pas një planifikimi të mirëorganizuar disa mujor.

Fillimisht i paraburgosuri, me një skedë të rëndë kriminale, ndërtoi një fabul për një sëmundje akute që e detyroi Policinë e Burgjeve ta çonte në Spitalin e Durrësit dhe jo në Spitalin e Burgjeve në QSUT.

Me pretendimin e krizave në veshka, Ndoci ka shkuar disa herë në repartin infektiv të spitalit Durrës, ku identifikoi hapësirat që do t’i hapnin dyert e arratisë këtë të martë, me ndihmën e bashkëpunëtorëve që e morën me makinë.

Një kërkesë për të shkuar në tualet pas vizitës ka qenë pikënisja e planit të arratisjes, ku pasi ka shtyrë policin që e shoqëronte, Ndoci ka dalë nga ambientet e spitalit në parking, ku e priste një Audi dhe një mjet tjetër që e shoqëronte.

Gjurmët e fundit janë kapur në Spitallë, ku kamerat kanë kapur mjetin me të cilin ai kreu arratisjen.

LEXO EDHE: “Doja që Talo Çela dhe Altin Ndoci të vriteshin, por jo…”/ Çfarë rrëfente në gjyq Nuredin Dumani?

Ndërkohë, 8 të arrestuar ka prodhuar deri tani kjo arratisje.

Kryesorët janë policët e grupit të shoqërimit, që e nxorën nga ambulanca e burgut pa pranga, si një qytetar të lirë, edhe pse akuzohet nga SPAK për vrasje e grup kriminal.

Për lëvizjen e Ndocit duket se nuk janë njoftuar as Drejtoria e Përgjithshme e Burgjeve dhe as Policia e Shtetit.

Gjithashtu, Ministri i Drejtësisë shkarkoi drejtorin e Burgut të Durrësit dhe të gjithë zinxhirin komandues.

Emrat e të gjithë të shkarkuarve dhe arrestuarve:

Indrit Cerloj – Drejtor i IEVP Durrës;

Afrim Zeqiraj – Shef i Policisë;

Dezdemon Pazaj – Shef i Policisë IEVP Durrës (i komanduar);

Ylfete Sema – Shefe e Shërbimit të Kujdesit Shëndetësor;

Aulon Quku – Kryeinfermier;

Dorjan Saraçi – Punonjës i Policisë së Burgjeve;

Sali Ferrollari – Punonjës i Policisë së Burgjeve;

Preng Marvataj – Punonjës i Policisë së Burgjeve;

Fatjon Braçi – Punonjës i Policisë së Burgjeve;

Idajet Calamaj – Punonjës i Policisë së Burgjeve;

Aranit Çela – Punonjës i Policisë së Burgjeve;

Violeta Uka – Punonjëse e Policisë së Burgjeve.

Pavarësisht kontrolleve në disa qytete të vendit ende nuk ka asnjë gjurmë të Altin Ndocit.

Administrata Trump po pezullon të gjithë përpunimin e vizave për vizitorët nga 75 vende duke filluar nga 21 janari.

Kështu raporton Fox News, duke cituar një memo nga Departamenti i Shtetit të SHBA-ve.

Lista e plotë e vendeve përfshin:

Afganistanin, Shqipërinë, Algjerinë, Antigua dhe Barbudën, Armeninë, Azerbajxhanin, Bahamas, Bangladeshin, Barbadosin, Bjellorusinë, Belizen, Butanin, Bosnjën, Brazilin, Burmën, Kamboxhian, Kamerunin, Kepin e Gjelbër, Kolumbinë, Bregun e Fildishtë, Kubën, Republikën Demokratike të Kongos, Dominikën, Egjiptin, Eritrenë, Etiopinë, Fixhin, Gambinë, Gjeorgjinë, Ganën, Grenadën, Guatemalën, Guinenë, Haitin, Iranin, Irakun, Xhamajkën, Jordaninë, Kazakistanin, Kosovën, Kuvajtin, Kirgistanin, Laosin, Libanin, Liberinë, Libinë, Maqedoninë, Moldavinë, Mongolinë, Malin e Zi, Marokun, Nepalin, Nikaraguanë, Nigerinë, Pakistanin, Republikën e Kongos, Rusinë, Ruandën, Shën Kitsin dhe Nevisin, Shën Luçinë, Shën Vincenti dhe Grenadinet, Senegalin, Sierra Leonen, Somalinë, Sudanin e Jugut, Sudanin, Sirinë, Tanzaninë, Tajlandën, Togon, Tunizinë, Ugandën, Uruguain, Uzbekistanin dhe Jemenin.

Përfaqësuesit e Departamentit të Shtetit nuk iu përgjigjën menjëherë një kërkese për koment mbi memorandumin e raportuar, të cilin Fox News tha se u drejton ambasadave amerikane të refuzojnë vizat sipas ligjit ekzistues ndërsa departamenti rishikon procedurat e tij. Nuk është dhënë ende një afat kohor.

Pezullimi vjen në mes të një goditjeje të gjerë ndaj emigracionit të ndjekur nga presidenti republikan i SHBA-ve, Donald Trump, që kur mori detyrën janarin e kaluar.

Në nëntor, Trump kishte premtuar të “pezullonte përgjithmonë” migracionin nga të gjitha “Vendet e Botës së Tretë” pas një të shtëne pranë Shtëpisë së Bardhë nga një shtetas afgan që vrau një pjesëtar të Gardës Kombëtare.

Altin Ndoci është i burgosuri që u arratis ditën e djeshme nga spitali në Durrës, pasi ishte dërguar për trajtim mjekësor. Ndërsa as tani, më shumë se 24 orë më pas, nuk ka asnjë informacion për vendndodhjen e tij.

Ndoci është një emër i njohur për autoritetet, teksa është përmendur edhe nga i penduari i drejtësisë, Nuredin Dumani.

Ky i fundit në dëshminë e tij do të deklaronte se Altin Ndocin dhe Talo Çelën i ka dashur të vrarë, pasi donin ti eleminonin vëllain.

I penduari i drejtësinë Nuredin Dumani, në seancën e 25 shkurtit 2025, do ti përgjigjej pyetjeve të avokatëve të të pandehurve në proces ku mes të tjerash ka përmendur edhe emrin e të arratisurit tashmë, Altin Ndoci.

Dumani do të deklaronte se pas konflikteve që pati me Talo Çelën dhe Altin Ndocin ka dashur që këta të dy të vriteshin, por jo nga dora e tij.

Pyetje-përgjigjet mes avokatit Qani Hasa dhe Nuredin Dumanit:

Avokati Qani Hasa: Kur je njohur me Talo Çelën dhe në ç‘rrethana?

Dumani: Talon e kam njohur në fund 2009, fillim 2010. E kam njohur nga Ilirjan Feçi.

Hasa: Keni pasur momente të qëndroni në banesën e tij.

Dumani: Po, kam qenë, por edhe ka qenë tek shtëpia ime. Talo jetonte vetëm.

Hasa: A kishte vëllezër?

Dumani: Po kishte dy.

Hasa: A kishe informacion me lëvizjet e Bujar Çelës, vëllait?

Dumani: Po, ishte në shërbim të Talos. Kamuflohej taksixhi.

Hasa: Kur e ke njohur Erion Alibej?

Dumani: Janar-shkurt 2020.

Hasa: Ç’marrëdhënie krijuat?

Dumani: Shoqërore. E kam takuar gjithmonë tek shtëpia e tij.

Hasa: Keni thënë që ai kishte zbuluar ata që i vranë vëllanë dhe se do hakmerrej. Kur e vendosët se do hakmerreshit?

Dumani: Në fillim për Erion Alibej më ka vënë në dijeni Elio Bitri, se po interesohej për mua. Jemi takuar disa herë me Bitrin. Më tha që Erion Alibej mendon se ju keni gjuajtur. Unë e mohova, se nuk kisha lidhje. Unë duke qenë i sigurt që nuk kisha lidhje dhe as vëllai kam kërkuar takim. Elio komunikonte me Arjan Spahiun, që nuk ishte në Shqipëri në atë kohë. Më ka kërkuar Elio një natë. Erdhi Elio më mori. Takuam Arjan Spahiun. Më bëri kontroll fizik, pasi do takonim mikun e tij. Me një Mercedes shkuam tek një pallat ku takova Erion Alibeajn.

Hasa: Në cilin moment vendosët të hakmerreshit drejt vrasësve të vellait të Alibeaj?

Dumani: Pas konfliktit që pata me Talo Çelën dhe Altin Ndocin doja të vriteshin ata, por jo nga dora jonë. Kjo më interesonte, pasi Altin Ndoci deshi të vrasë vëllanë tim, por ju bllokua arma. Unë doja ta ndihmoja të shkonin ata, jo ti vrisja unë. Pasi u takuam vendosa ta ndihmoja.

Hasa: kur u bë kjo bisedë?

Dumani: Pasi qëndruam 2-3 orë. Që herën e parë.

Hasa: Keni thënë që hartuat një listë?

Dumani: Pasi mësova që Alibeaj po hetonte për Talo Celën dhe pata një bisedë me Fatmir Troplinin vendosëm që do godisnim ne të Durrësit. Unë kisha parë lëvizjet e Dorian Shkozës. E shikoja që më vinte pas me makina të ndryshme.

Vllaznia triumfoi minimalisht ndaj Egnatias, në supersfidën e javës së 19-të në Superiore.

Sukses i rëndësishëm për shkodranët ndaj rivalëve direktë, në garën për titull. Një gol i shënuar nga Kallaku në minutën e 27-të, vendosi takimin.

Në fraksionin e dytë, rrogozhinasit gjetën barazimin me Buric, por goli i anulua për pozicion jashtë loje.

Në ndeshjen tjetër, Elbasani u ndal në shtëpi në një barazim 1-1 me Flamurtarin.

Pavarësisht humbjes, Egnatia mbetet në krye të renditjes me 37 pikë, Elbasani 34 ndërsa Vllaznia ngjitet në vendin e tretë me 33 pikë të grumbulluara.

LEXO EDHE: GOLI/ Tirana e nis 2026 me këmbë të mbarë, mposht Bylisin në sfidën për mbijetesë

Ministri i Brendshëm i Venezuelës, Diosdado Cabello njoftoi të martën sekuestrimin e një ngarkese masive droge prej 6,850 kilogramësh.

“Me këtë rezultat, shteti venezuelian ka arritur në një total prej 7,148 kilogramësh të sekuestruara” vetëm në 13 ditët e para të janarit.

Cabello specifikoi se operacioni rezultoi në sekuestrimin e 6,850.41 kilogramëve substanca të paligjshme. Dërgesa përbëhej nga 14,199 pako marihuanë (6,758.66 kg) dhe 81 pako kokainë (91.75 kg).

“Ky është një goditje e madhe ndaj narrativës që thotë se Venezuela lehtëson trafikimin. As kokaina, as marihuana, as ndonjë drogë që shteti mund ta ndalojë gjatë rrugës nuk do të kalojë këtu”, deklaroi Cabello, duke theksuar se çdo konfiskim përfaqëson “heqjen e një pengese” të strukturës logjistike kriminale.

Cabello deklaroi se operacione janë kryer edhe në Zulia, shumica e të cilave lidhen me sekuestrimin e drogës.

Procedura e parë që ai përmendi ishte arrestimi i tre personave që kishin 75 pako marihuanë dhe 39,450 kilogramë të së njëjtës substancë.

Operacioni i dytë ishte arrestimi i tre personave të tjerë që posedonin 50 pako dhe 50 kilogramë marihuanë në shtetin e Zulias.

Ai specifikoi se personat e përfshirë në të dyja rastet kanë lidhje me “mafian shqiptare që vepron nga Ekuadori” dhe se ai, si ministër, mban “një luftë të vërtetë kundër trafikut të drogës”.

Ernest Muçi e nis vitin 2026 aty ku la atë 2025.

Lojtari i Kombëtares vazhdon të shënojë në Turqi, teksa sot ka lënë shenjën e tij edhe në Kupë.

Dy gola dhe një asist nga ana e Muçit, për përmbysjen 1 me 6 ndaj Istanbulspor.

Në ndeshjen e raundit të dytë, me grup të përbashkët, që luhej në fushën e Istanbulspor, ishte pikërisht sulmuesi shqiptar ai i cili tundi rrjetën me një diagonale të shkëlqyer në minutën e 41-të.

Një gol fantastik i cili bëri që në tribuna të shpërthenin brohoritjet “Muçi, Muçi” mes tifozëve të skuadrës së Trabzonspor për të cilët sulmues shqiptar është kthyer shumë shpejt një idhull, ndonëse ka pak muaj në radhët e kësaj skuadre.

Asisti më pas solli përmbysjen te Trabzonspori në minutën e 57-të.

Muçi nuk u mjaftua me kaq, pasi realizoi edhe një supergol tre minuta më pas.

LEXO EDHE: E ardhmja e Ernest Muçit/ Presidenti i Trabzonspor thyen heshtjen. Ç’pritet për yllin e Kombëtares

Pas arratisjes së Altin Ndocit qetësia ka marrë fund në burgun ‘hotel’ të Durrësit. 206 të dënuarit dhe të paraburgosurit që ndodhen aktualisht në këtë institucion do të futen në “sitë” për të vlerësuar rrezikshmërinë e tyre.

Ministri i Drejtësisë, Besfort Lamallari ka urdhëruar Drejtorin e Përgjithshëm të Burgjeve të hartojë një plan të ri dhe të rishpërndajë nëpër seksione të burgosurit, bazuar në rrezikun shoqëror që kanë.

Pika më e rëndësishme e urdhrit, transferimi i të gjithë personave me rrezikshmëri, që deri tani qëndronin në burgun e dalluar për ‘komoditetin e tij’, në një prej shtatë burgjeve të sigurisë së lartë në vend.

Në një seksion të veçantë në Durrës, aktualisht ndodhen 27 personazhe të botës së krimit, të konsideruar të rrezikshmërisë së lartë, mes 54 të dënuarve dhe 152 të paraburgosurve gjithsej. Altin Ndoci ishte një prej tyre, ndërsa dallon edhe Lulzim Berisha.

Burgu i Durrësit njihet edhe si “burgu i VIP-ave”

Në këtë institucion kanë vuajtur dënimin ish-ministri i Mjedisit Lefter Koka, ish-deputeti Alqi Bllako dhe ish-kryetari i Bashkisë së Durrësit Vangjush Dako, të cilët tashmë kanë fituar lirinë.

Aktualisht, në Burgun e Durrësit vijojnë të qëndrojnë kryebashkiaku i Tiranës Erion Veliaj, ish-deputeti Jurgis Çyrbja, ish-ministri i Shëndetësisë Ilir Beqaj, ish-zyrtarë të tjerë të lartë të akuzuar nga SPAK dhe në proces gjykimi.

Gjatë kontrolleve të zhvilluara herë pas here në këtë institucion janë gjetur edhe telefona celularë, të fshehur në ambientet e jashtme të burgut.

Shqipëria ka 20 institucione të vuajtjes së dënimit, 7 nga të cilët të sigurisë së lartë, si: Peqini, Fieri, Drenova, Burreli dhe dy burgjet e Tiranës, 313 dhe 325.

Policia e Shtetit vijon kërkimet për kapjen e të paraburgosurit Altin Ndoci i cili u arratis nga ambientet e spitalit të Durrësit të martën.

Policia po organizon aksione të shumta për gjetjen e tij, ku janë kryer kontrolle jo vetëm në Durrës, por edhe në disa zona të Tiranës dhe Fushë-Krujës.

Familjarët e të arratisurit thonë se nuk kanë dijeni për vendndodhjen e Altin Ndocit.

Ai konsiderohet person me rrezikshmëri të lartë shoqërore dhe akuzohet nga SPAK për vrasje, pjesëmarrje në grup kriminal, etj.

Ndoci është në gjykim si pjesë e dosjes “Plumbi i Artë” për masakrën e Bradasheshit, ku mbeti i vrarë vëllai i Erion Alibejt, Endrit Alibejt, xhaxhai i tij Arben Dylgjeri, si dhe një shtetas turk.

Ai u arrestua në vitin 2020, i akuzuar si pjesmarrës në vrasjen e vëllezërve Besmir dhe Viktor Haxhia në Durrës, si dhe për pjesmarrje në vrasjen e Dorjan Shkozës dhe Anxhelo Avdisë, po në Durrës, por më pas mori pafajësi nga gjykata.

LEXO EDHE: Grabitje, drogë, vrasje me pagesë/ “Karriera” e pasur e Altin Ndocit, që duket sikur e “ka përpirë dheu”

Zbulohet ora se kur do të nisë protesta kombëtare, e thirrur nga Partia Demokratike, më datë 24 janar, para kryeministrisë.

Në mbledhjen e kreut të PD-së Sali Berisha me drejtuesit politikë, është caktuar që, protesta të nisë në orën 17:00.

Edhe në konferencën e sotme para gazetarëve Berisha bëri sërish thirrje për pjesëmarrje masive në protestën e 24 janarit.

“PD u bën thirrje shqiptarëve, sot më shumë se kurrë të flasin me zemërimin e tyre, të flasin me guximin e tyre, të flasin me ndjenjat e dashurisë së tyre për këtë vend dhe të ardhmen e shqiptarëve me datën 24 janar në protestën kombëtare të thirrur nga opozita për këtë qëllim”, tha ndër të tjera Berisha.

LEXO EDHE: “Kush ka financuar Rithemelimin është pyetur”, Berisha reagon për hetimet e SPAK: Është politik, Basha i dha Escobarit listën me biznese që sponsorizuan