Zëdhënësi i Komisionit Qendror të Zgjedhjeve, Valmir Elezi, ka bërë të ditur se dinamika e punës në qendra komunale të numërimit të votave ka tejkaluar planifikimet e tyre.
Kësisoj, Elezi në “FIVE” në Dukagjin, bëri të ditur se shpallja e rezultateve përfundimtare nga KQZ-ja mund të bëhet para 19 janarit siç ishte planifikuar.
“Jo vetëm subjekti por edhe kandidatët që kanë marrë pjesë në këtë proces kanë të drejtë të ushtrojnë ankesë pas prezantimit të rezultateve përfundimtare që e shpallë KQZ-ja. Në planifikimet e Komisionit Qendror të Zgjedhjeve përfundimi i aktivitete në qendrat komunale të numërimit është planifikuar të bëhet deri më 7 janar po mendojmë se do të përfundoj nesër më 3 janar”.
“Gjithashtu numërimi i votave nga përfaqësitë diplomatike dhe atyre të dërguara me postë është planifikuar të bëhet me 7 janar por kjo ka nisur qysh sot dhe gjithashtu numërimi i votave me kusht dhe personave me nevoja të veçanta ka qenë në nis më 16 janar – por dinamika e punës ka bërë që kjo do të nis shumë më herët. Këto aktivitet po zhvillohen më shpejt sesa është planifikuar dhe nga kjo mund të themi që rezultatet përfundimtare të planifikuara të shpallen më së largu më 19 janar nga ana e KQZ-së mund të shpallen shumë më herët”, tha Elezi.
Si e parashikuan performancën e tregut të aksioneve në vitin 2025 miliarderët e Forbes.
Nga Simone Melvin, Forbes
Forbes pyeti 34 miliarderë në fillim të vitit 2025 se si mendonin se do të ecte indeksi S&P 500. Rezulton se as miliarderët nuk mund ta shohin të ardhmen.
Edhe mjeshtrit e tregut nuk mund ta parashikojnë të ardhmen. Në fillim të vitit 2025, ne anketuam 34 miliarderë, duke i pyetur se si mendonin se do të performonte indeksi S&P 500 gjatë vitit. Më shumë se gjysma e tyre gabuan ndjeshëm.
S&P 500 e mbylli vitin me një rritje prej 16%. Ky është një kthim mbi mesataren për indeksin, i cili historikisht ka shënuar rreth 10% rritje vjetore gjatë shtatë dekadave të fundit, megjithëse më i ulët se 23% dhe 24% në vitet 2024 dhe 2023, respektivisht. Megjithatë, miliarderët ishin më pak optimistë. Gati gjysma mendonin se tregu do të ishte i qëndrueshëm ose në rënie në vitin 2025. Një tjetër 35%, grupi më i madh nga të gjithë, parashikuan rritje, por vetëm me shifra një-shifrore. Vetëm 7 nga 34 miliarderët e anketuar, ose 21%, e parashikuan saktë që S&P do ta mbyllte vitin me një rritje midis 10% dhe 20%.
“Jam shumë optimist për inteligjencën artificiale në përgjithësi dhe për këtë arsye mendova se përfitimet e saj do të vinin shumë më herët nga sa parashikohej,” thotë investitori Samir Mane, miliarderi i parë i Shqipërisë, i cili parashikoi saktë intervalin e kthimit të S&P këtë vit. Aksionet e kompanive të mëdha të teknologjisë digjitale si Alphabet dhe Nvidia, si dhe përfitues të tjerë të Inteligjences Artificiale si Broadcom dhe Palantir, kanë qenë forca shtytëse e rritjes se tregut. Sipas J.P. Morgan, aksionet e lidhura me inteligjencën artificiale kanë kontribuar rreth 75% të kthimit total të S&P 500. Mane thotë se pret që edhe viti 2026 të jetë një vit i suksesshëm për indeksin, sërish falë kompanive të AI-së.
Të tjerë që, si Mane, parashikuan saktë, përfshijnë mandatën e pasurive të paluajtshme Larry Connor, sipërmarrësin e pajisjeve mjekësore Joe Kiani dhe investitorin nga Florida, si dhe pronarin e ardhshëm të Pittsburgh Penguins, David Hoffmann.
Pyet një miliarder Forbes anketoi 34 miliarderë mbi mënyrën se si do të performonte S&P 500 në vitin 2025. Vetëm 7 prej tyre parashikuan saktë një kthim prej 10%–20%.
Në anën tjetër, 35% e miliarderëve parashikuan gabimisht se tregu do të ishte në rënie, përfshirë 9% që mendonin se rënia do të ishte mbi 20%. Ndërtuesi i shtëpive nga Florida, Pat Neal, ishte ndër skeptikët.
“Jam i befasuar që [S&P 500] shkoi mirë; unë parashikova që nuk do të ndodhte,” thotë 76-vjeçari, i cili kishte menduar se tregu do të binte me 10%–20%. “Mendova se S&P do të ndiqte më nga afër ekonominë dhe, duke qenë se jam në biznesin e ndërtimit dhe normat e interesit janë të larta, nuk isha optimist për ekonominë në tërësi apo për [indeksin]… Dhe nëse më pyesni për vitin 2026, nuk jam shumë optimist, por edhe në vitin 2025 gabova.”
Parashikime pesimiste për një kthim negativ në vitin 2025 bënë gjithashtu miliarderi francez i logjistikës Eric Hémar, miliarderi kanadez i shërbimeve financiare Stephen Smith dhe miliarderi kanadez i pasurive të paluajtshme Bill Malhotra.
Gjithsesi, këta miliarderë nuk performuan më mirë se investitorët e zakonshëm, apo as profesionistët. Që në fillim të dhjetorit 2024, Bank of America parashikonte një kthim prej 10% për vitin 2025, ndërsa Goldman Sachs dhe Morgan Stanley parashikonin rreth 7.5%. Një sondazh i Vanguard tregoi se publiku mendonte se tregu do të kthente 6.4% në vitin 2025.
Aty ku miliarderët dolën dukshëm më mirë ishte në aftësinë e tyre për të përzgjedhur aksione individuale. Forbes i pyeti gjithashtu secilin prej tyre të emërtonte një aksion që do t’ia rekomandonte dikujt për ta blerë ose mbajtur. Tre prej tyre, përfshirë Neal, zgjodhën Nvidia (me rritje 39% në vitin 2025). Zgjedhje të tjera përfshinin Howard Hughes Corporation (rritje 4%), XP (rritje 38%), Palantir (rritje 135%) dhe Robinhood (rritje 200%). Nga 18 përzgjedhjet specifike të aksioneve të propozuara nga miliarderët, vetëm dy humbën vlerë në vitin 2025: kompania indoneziane e pijeve Tanobel (rënie 37%) dhe iShares Bitcoin Trust ETF (rënie 6%).
Miliarderët e planetit po hyjnë në vitin 2026 më të pasur se kurrë dhe të pozicionuar për një tjetër vit të shkëlqyer, të paktën sipas Mane, i cili parashikoi saktë kthimin e tregut në vitin 2025. Megjithatë, ai thotë se edhe këshillat e miliarderëve duhen marrë me rezervë: “Nëse do të mund ta parashikonim në mënyrë perfekte tregun e aksioneve, nuk do të ishim miliarderë. Do të ishim trilionerë.”
Komisioni Qendror i Zgjedhjeve (KQZ) ka nisur publikimin e rezultateve nga votimi i qytetarëve të Kosovës në ambasada dhe konsullata diplomatike.
Deri më tani janë numëruar 17 nga 40 kuti të votimit, apo 42.50 për qind e totalit.
Sipas rezultateve preliminare të deritanishme, Lëvizja Vetëvendosje kryeson bindshëm edhe në votimin diplomatik, duke marrë shumicën dërrmuese të votave.
Rezultatet e deritanishme nga votimi në ambasada dhe konsullata:
Lëvizja Vetëvendosje – 85.21 për qind, 3,399 vota Partia Demokratike e Kosovës (PDK) – 6.09 për qind, 243 vota Lidhja Demokratike e Kosovës (LDK) – 5.69 për qind, 227 vota Aleanca për Ardhmërinë e Kosovës (AAK) – 1.58 për qind, 63 vota Kosova Demokratik Türk Partisi (KDTP) – 0.68 për qind, 27 vota Nisma Socialdemokrate – 0.33 për qind, 13 vota
Numërimi i votave nga ambasadat dhe konsullatat pritet të vazhdojë edhe në ditët në vijim, ndërsa rezultatet përfundimtare do të publikohen pas përfundimit të procesit të plotë të numërimit. Këto vota mund të kenë ndikim në renditjen përfundimtare të subjekteve politike dhe kandidatëve për deputetë.
Ndryshime në listën e deputetëve do të ketë edhe në Aleancën për Ardhmërinë e Kosovës (AAK), si pasojë e aplikimit të kuotës gjinore prej 30 për qind.
Sipas rezultateve aktuale, Besnik Tahiri rikthehet në Kuvendin e Kosovës, pasi në legjislaturën e vitit 2025 nuk kishte arritur të sigurojë mjaftueshëm vota për mandat deputeti. Ndërkohë, Agim Çeku, ndonëse renditet në mesin e më të votuarve në AAK, nuk do të arrijë të bëhet deputet.
Shkak për këtë është kuota gjinore, sipas së cilës nga 6 deputetë sa i takojnë AAK-së, dy mandate duhet t’u takojnë grave. Për pasojë, Çeku, i cili ka marrë 16,050 vota, mbetet jashtë Kuvendit, ndërsa Albana Bytyqi, me 9,140 vota, siguron mandatin e deputetes.
Jashtë listës përfundimtare të deputetëve të AAK-së kanë mbetur edhe disa emra të njohur të kësaj partie, përfshirë Lahi Brahimaj, Burim Ramadani, Arbër Tolaj, Pal Lekaj, si dhe të tjerë.
Votat e gjashtë deputetëve të AAK-së janë:
Ramush Haradinaj – 39,523 vota Daut Haradinaj – 23,595 vota Besnik Tahiri – 23,465 vota Bekë Berisha – 17,268 vota Time Kadrijaj – 15,028 vota Albana Bytyqi – 9,140 vota
Rezultatet përfundimtare do të konfirmohen pas përmbylljes së plotë të numërimit të votave, përfshirë ato me postë, por aplikimi i kuotës gjinore tashmë ka përcaktuar përbërjen e re të grupit parlamentar të AAK-së./Telegrafi/
Sa para do t’i ketë Forca e Sigurisë së Kosovës për vitin 2026 ende nuk dihet për shkak se nuk ka buxhet të miratuar për këtë vit. Projektligji për Buxhetin 2026 që ishte miratuar nga Qeveria e Kosovës më 31.10.2025 nuk qe shqyrtuar fare në Kuvendin e Kosovës nga legjislatura e nëntë.
Megjithatë, dihet se 202.8 milionë euro ishin ndarë për ushtrinë me buxhetin e vitit 2025. Ministri në detyrë i Mbrojtjes, Ejup Maqedonci në një konferencë për media më 27.11.2025 kishte thënë se është arritur shifra prej 430 milionë eurove për blerje të sistemeve të armatimit, ndonëse nuk e kishte specifikuar periudhën kohore se për sa vite janë shpenzuar këto mjete.
Ndonëse këto shifra janë publike, Qeveria e Kosovës e mban sekret shumën e mjeteve të mbledhura në Fondin e Sigurisë, i cili u themelua më 01.03.2022.
Në vendimin e themelimit të këtij Fondi thuhet se mjetet do të buxhetohen tek Ministria e Mbrojtjes si buxhet shtesë dhe do të përdoren për mbështetjen e prioriteteve të Qeverisë, duke përfshirë fushën e mbrojtjes dhe sigurisë shtetërore, infrastrukturën e sigurisë, menaxhimin e katastrofave natyrore apo ngjashëm.
Neni 120 i Kushtetutës së Republikës së Kosovës thekson se shpenzimet publike dhe mbledhja e të hyrave publike duhet të bazohen në parimet e llogaridhënies, efektshmërisë, efikasitetit dhe transparencës.
Megjithëse vet Kushtetuta kërkon llogaridhënie e transparencë, Fondi i Sigurisë nuk është bërë publik asnjëherë. Ministria e Financave, Punës dhe Transfereve nuk ka kthyer përgjigje në pyetjet e KALLXO.com lidhur me fondet e mbledhura dhe për alokimin e tyre.
Në DebatPërnime që u zhvillua gjatë fushatës për zgjedhjet e parakohshme të 28 dhjetorit 2025, duke folur për sektorin e Mbrojtjes, kandidatët për deputetë, Ahmet Isufi nga Aleanca për Ardhmërinë e Kosovës e Besa Kabashi-Ramaj nga Partia Demokratike e Kosovës, kërkuan transparencë për Fondin e Sigurisë.
“Ku mbeti Fondi i Sigurisë? Pesë vite kanë kaluar”- ka pyetur Kabashi-Ramaj, duke shtuar se të gjitha shtetet i kanë publike fondet për sigurinë dhe mbrojtjen. “Vetëm fondet për operacione sekrete kanë të drejtë me u mbajt sekret”- ka shtuar ajo.
“Kurrë s’keni dhënë llogari për Fondin e Sigurisë, me tregu kaq janë grumbulluar dhe këtu janë destinuar. Kurrë s’ka ndodhë kjo! Ai fond bile është zhdukë, nuk dihet ku është”- ka kritikuar Isufi, nga ana tjetër.
Por, Enver Dugolli nga Lëvizja Vetëvendosje e cila është në pushtet si qeveri në detyrë, e ka arsyetuar mungesën e transparencës sa i përket këtij fondi. “Sipas legjislacionit, ai fond është i rregulluar si sekret, dhe nuk kam qasje as unë, as ti… Qeveria e ka klasifikuar si informacion të klasifikuar… Ato mjete shkojnë në destinacion për çka janë dhënë prej qytetarëve”- ka deklaruar Dugolli.
Me këtë nuk pajtohet Anton Çuni nga Lidhja Demokratike e Kosovës. Ai thekson se te ushtritë që i nënshtrohen kontrollit civil e demokratik, sekret mbahet vetëm mënyra dhe koha e veprimit. “Fondet sekrete janë të natyrës së shteteve ku udhëhiqen nga diktatorët. Nëse ne pretendojmë të jemi pjesë e NATO-s, çdo gjë do të duhej të deklarohej, të mbikëqyrej, të jetë transparente dhe të ketë llogaridhënie”– tha Anton Çuni.
Ligji i vitit 2023, për Mbrojtjen e Informacionit të Klasifikuar, e përcakton që në kategoritë e informacioneve që klasifikohen përfshihen edhe: projekte, plane, sisteme apo operacione që kanë të bëjnë me mbrojtjen dhe sigurinë e rendit Kushtetues të Republikës së Kosovës; sisteme, instalime, infrastruktura, projekte, plane apo shërbime të mbrojtjes që lidhen me interesat e sigurisë të Republikës së Kosovës; veprimtari shkencore, teknologjike, ekonomike, financiare që lidhen me interesat e sigurisë së Republikës së Kosovës.
Për Fondin e Sigurisë së Kosovës, të dhëna publike nuk ka, përveç hapësirës brenda platformës e-Kosova përmes së cilës qytetarët mund të japin donacione që shkojnë në këtë Fond.
Më 01.03.2022 kur u themelua Fondi i Sigurisë, Kryeministri i Kosovës Albin Kurti pati shkruar se Fondi u themelua në përputhje me nevojat e Forcës së Sigurisë së Kosovës, situatës dhe pas konsultimeve me partnerët ndërkombëtar.
“Mjetet e mbledhura financiare synohet të përdoren në përputhje me strategjinë e sigurisë shtetërore të Republikës së Kosovës që pritet të miratohet nga Qeveria e Republikës se Kosovës”, shkruante Kurti. Fondi, siç thoshte ai, do të përdorej ekskluzivisht për qëllimin e përcaktuar nga qeveria. Gjatë kohës së rezistencës paqësore në vitet ’90-ta ishte krijuar Fondi i 3 përqindëshit, ndërsa gjatë periudhës së luftës, ishte krijuar edhe Fondi “Vendlindja Thërret”. Mënyra e shfrytëzimit të parave të derdhura në këto dy fonde, në vazhdimësi është përcjell me dyshime për keqpërdorimin e tyre.
Strategjia e Sigurisë e Kosovës 2022-2027 është miratuar në Kuvendin e Kosovës më 24.10.2022 dhe mund të qaset në këtë vegëz.
Në Kosovë kanë qenë dy fonde të tjera të mëhershme e të cilat janë përfolur gjatë. Fondi prej 3% i Qeverisë në Ekzil të Bujar Bukoshit dhe Fondi “Vendlindja Thërret” ende vazhdojnë të përcillen me dyshime për keqpërdorime të mjeteve të derdhura në to nga qytetarët./Kallxo.com
Pesë ditë pas zgjedhjeve të parakohshme parlamentare të së dielës në Kosovë, po bëhet gjithnjë e më e qartë përbërja e re e Kuvendit të Kosovës.
Komisioni Qendror i Zgjedhjeve po vazhdon numërimin e votave për kandidatët për deputetë që nga e hëna, ndërsa deri më tani janë numëruar mbi 95 për qind e votave.
Sipas rezultateve aktuale, më poshtë janë kandidatët nga Partia Demokratike e Kosovës (PDK) që aktualisht sigurojnë mandatin e deputetit.
Megjithatë, duhet theksuar se rreth 5 për qind e votave nga vendvotimet ende nuk janë numëruar, si dhe ekziston një numër i konsiderueshëm i votave me postë, të cilat mund të ndikojnë në renditjen përfundimtare dhe numrin e mandateve për këtë subjekt politik.
Kandidatët e PDK-së që aktualisht fitojnë mandat deputeti:
Bedri Hamza – 148,390 vota Arian Tahiri – 65,317 vota Përparim Gruda – 59,841 vota Uran Ismaili – 49,998 vota Sala Jashari – 43,699 vota Vlora Çitaku – 40,208 vota Enver Hoxhaj – 35,818 vota Arben Mustafa – 34,998 vota Nait Hasani – 28,875 vota Rrahman Rama – 26,436 vota Kujtim Gashi – 25,564 vota Eman Rrahmani – 24,943 vota Ganimete Musliu – 24,502 vota Elmi Reçica – 23,921 vota Artan Behrami – 22,601 vota Xhavit Haliti – 21,599 vota Mergim Lushtaku – 21,078 vota Besa Kabashi Ramaj – 20,820 vota Ferat Shala – 20,210 vota Bekim Haxhiu – 19,198 vota Blerta Deliu Kodra – 18,353 vota Ariana Musliu Shoshi – 18,064 vota Arbnore Salihu – 16,849 vota
Hajdar Beqa me 18,789 vota mund t'ia rrezikojë mandatin Bekim Haxhiut për shkak te kuotës gjinore.
Rezultatet përfundimtare pritet të konfirmohen pas përmbylljes së plotë të procesit të numërimit, përfshirë edhe votat me postë, të cilat mund të sjellin ndryshime të lehta në renditjen aktuale./Telegrafi/
Komisioni Qendror i Zgjedhjeve (KQZ) ka procesuar mbi 95 për qind të votave për kandidatët për deputetë, ndërsa në Lidhjen Demokratike të Kosovës po zhvillohet një garë jashtëzakonisht e ashpër për dy mandatet e fundit, pa përfshirë ende votat e diasporës.
Sipas rezultateve aktuale, dallimet mes kandidatëve janë minimale:
14.Ermal Sadiku – 15,086 vota 15.Fadil Hadergjonaj – 15,017 vota 16.Arben Gashi – 14,480 vota 17.Paris Guri – 14,219 vota
Diferenca prej vetëm disa dhjetëra apo qindra votash mes kandidatëve e bën këtë garë një nga më të ngushtat brenda LDK-së, ndërsa votat e diasporës pritet të jenë përcaktuese për renditjen përfundimtare dhe fitimin e mandatit.
Procesi i numërimit po vazhdon, ndërsa KQZ pritet të publikojë rezultatet finale pas përfshirjes së votave nga jashtë vendit./Telegrafi/
Qeveria në detyrë e Republikës së Kosovës ka mbajtur sot mbledhjen e saj të 284-të, e cila është zhvilluar në formë elektronike.
Në këtë mbledhje, Qeveria ka marrë vendim që të ndajë 10,000 euro për mbështetje financiare, me qëllim të mbulimit të shpenzimeve të funeralit të veprimtarit të shquar të Republikës së Kosovës, Akademik Nexhat Daci.
Komisioni Qendror i Zgjedhjeve po vazhdon numërimin e votave për kandidatët për deputetë që nga e hëna, ndërsa deri më tani janë numëruar rreth 90 për qind e votave.
Sipas rezultateve aktuale, më poshtë janë kandidatët nga Aleanca për Ardhmërinë e Kosovës (AAK) që aktualisht sigurojnë mandatin e deputetit.
Megjithatë, duhet theksuar se rreth 10 për qind e votave nga vendvotimet ende nuk janë numëruar, si dhe ekziston një numër i konsiderueshëm i votave me postë, të cilat mund të ndikojnë në renditjen përfundimtare dhe numrin e mandateve për këtë subjekt politik.
Kandidatët e AAK-së që aktualisht fitojnë mandat deputeti:
Ramush Haradinaj – 37,133 vota Daut Haradinaj – 22,050 vota Besnik Tahiri – 21,964 vota Bekë Berisha – 16,098 vota Time Kadrijaj – 14,082 vota Albana Bytyqi – 8,797 vota
Agim Çeku me 14,880 vota aktualisht mbetet jashtë Kuvendit për shkak të kuotës gjinore.
Rezultatet përfundimtare pritet të konfirmohen pas përfundimit të numërimit të të gjitha votave, përfshirë edhe ato me postë, të cilat mund të sjellin ndryshime në shpërndarjen përfundimtare të mandateve në Kuvendin e Kosovës./Telegrafi/
Ushtarë dhe përfaqësues të lartë të Ushtrisë së Shteteve të Bashkuara të Amerikës, të angazhuar në Kampin Bondsteel, e kanë nisur vitin 2026 me një vizitë simbolike në një xhami në Prishtinë.
Delegacioni amerikan u prit nga imami i xhamisë, Labinot Maliqi, i cili mirëpriti mysafirët në frymën e respektit, partneritetit dhe miqësisë së ngushtë ndërmjet Kosovës dhe Shteteve të Bashkuara të Amerikës.
Në këtë vizitë morën pjesë Sekretari i Shtetit të Luizianës dhe Kolonel i Forcave Ajrore të SHBA-ve, Charlton J. Meginley, Kapelani i Komandës së Shtetit të Luizianës, Kolonel Page Brooks, si dhe Kapelani i Kampit Amerikan Bondsteel, Kolonel Walls, së bashku me përfaqësues të tjerë të Ushtrisë Amerikane.
Për nder të mysafirëve u shtrua tapeti i kuq dhe u ngrit flamuri i Shteteve të Bashkuara të Amerikës në shtizën e xhamisë, si shenjë e respektit të thellë dhe mirënjohjes për kontributin amerikan ndaj Kosovës.
Gjatë takimit, imami Labinot Maliqi falënderoi Ushtrinë e Shteteve të Bashkuara për rolin e saj vendimtar në çlirimin e Kosovës, në arritjen e pavarësisë, si dhe në garantimin e lirisë, paqes, sigurisë, rindërtimit dhe zhvillimit të vendit.
Vizita u cilësua si një fillim viti i denjë dhe domethënës, ndërsa një moment i veçantë ishte edhe mesazhi i lënë nga mysafirët në librin e përshtypjeve, ku u shpreh vlerësimi për përkujdesjen shpirtërore dhe mbështetjen e vazhdueshme, duke dëshmuar respektin e ndërsjellë dhe lidhjet e forta mes dy vendeve.
Komisioni Qendror i Zgjedhjeve po vazhdon numërimin e votave për kandidatët për deputetë që nga e hëna, ndërsa deri më tani janë numëruar rreth 90 për qind e votave.
Sipas rezultateve aktuale, më poshtë janë kandidatët nga Lidhja Demokratike e Kosovës (LDK) që aktualisht sigurojnë mandatin e deputetit.
Megjithatë, rreth 10 për qind e votave nga vendvotimet ende nuk janë numëruar, si dhe ekziston një numër i konsiderueshëm i votave me postë, të cilat mund të ndikojnë në renditjen përfundimtare dhe numrin e mandateve.
Kandidatët e LDK-së që aktualisht fitojnë mandat deputeti:
Lumir Abdixhiku – 70,737 vota Hykmete Bajrami – 44,191 vota Ukë Rugova – 38,919 vota Avdullah Hoti – 35,154 vota Doarsa Kica Xhelili – 34,264 vota Kujtim Shala – 31,514 vota Anton Quni – 25,334 vota Armend Zemaj – 22,515 vota Lutfi Haziri – 20,659 vota Jehona Lushaku Sadriu – 16,234 vota Janina Ymeri – 15,768 vota Besian Mustafa – 15,174 vota Adelina Thaqi Meta – 14,029 vota
Ndërkohë, për dy mandatet e fundit, atë të 14-të dhe të 15-të, është duke u zhvilluar një garë shumë e ngushtë mes katër kandidatëve, me këtë renditje aktuale:
Fadil Hadergjonaj – 13,789 vota Ermal Sadiku – 13,741 vota Gëzim Hazrolli – 13,446 vota Arben Gashi – 13,175 vota
Rezultatet përfundimtare pritet të qartësohen pas përfundimit të numërimit të të gjitha votave, përfshirë ato me postë, të cilat mund të sjellin ndryshime në renditjen përfundimtare të kandidatëve dhe shpërndarjen e mandateve./Telegrafi/
Komisioni Qendror i Zgjedhjeve është duke vazhduar numërimin e votave për kandidatët për deputetë që nga e hëna, ndërsa deri më tani janë numëruar rreth 90 për qind e votave.
Sipas rezultateve aktuale, më poshtë janë 23 kandidatët për deputetë nga Partia Demokratike e Kosovës (PDK), të cilët aktualisht fitojnë mandatin e deputetit.
Në këtë përbërje është aplikuar edhe kuota gjinore prej 30 për qind.
Megjithatë, duhet theksuar se rreth 10 për qind e votave nga vendvotimet ende nuk janë numëruar, si dhe ekziston një numër i konsiderueshëm i votave me postë dhe me kusht, të cilat mund të ndryshojnë renditjen e kandidatëve ose edhe numrin e mandateve për partitë politike.
Kandidatët e PDK-së që aktualisht fitojnë mandat deputeti:
Bedri Hamza – 140,557 vota Arian Tahiri – 62,738 vota Përparim Gruda – 57,625 vota Uran Ismaili – 46,767 vota Sala Jashari – 42,344 vota Vlora Çitaku – 38,141 vota Enver Hoxhaj – 33,971 vota Arben Mustafa – 33,028 vota Nait Hasani – 27,124 vota Rrahman Rama – 25,279 vota Kujtim Gashi – 23,951 vota Ganimete Musliu – 23,584 vota Eman Rrahmani – 23,407 vota Artan Behrami – 21,796 vota Elmi Reçica – 21,276 vota Mergim Lushtaku – 20,487 vota Xhavit Haliti – 20,120 vota Besa Kabashi Ramaj – 19,723 vota Ferat Shala – 19,305 vota Bekim Haxhiu – 18,550 vota Blerta Deliu Kodra – 17,550 vota Ariana Musliu Shoshi – 17,242 vota Arbnore Salihu – 14,742 vota
Numërimi i votave pritet të vazhdojë edhe në ditët në vijim, ndërsa rezultatet përfundimtare do të konfirmohen pas përfshirjes së të gjitha votave, përfshirë ato me postë./Telegrafi/
Katër ditë pas mbajtjes së zgjedhjeve të parakohshme parlamentare të së dielës në Kosovë, po bëhet gjithnjë e më e qartë se kush do të jenë 120 deputetët e rinj të Kuvendit të Kosovës.
Komisioni Qendror i Zgjedhjeve është duke vazhduar numërimin e votave për kandidatët për deputetë që nga e hëna, ndërsa deri më tani janë numëruar rreth 90 për qind e tyre.
Sipas rezultateve aktuale, më poshtë janë 56 kandidatët e LVV që aktualisht rezultojnë fitues të mandatit të deputetit.
Megjithatë, duhet theksuar se rreth 10 për qind e votave nga vendvotimet ende nuk janë numëruar, si dhe ekziston një numër i konsiderueshëm i votave me postë, të cilat mund të ndikojnë në renditjen përfundimtare të kandidatëve, apo edhe në shpërndarjen e mandateve mes partive politike.
Lista e kandidatëve nga LVV që aktualisht fitojnë mandat deputeti:
Albin Kurti – 311,384 vota Glauk Konjufca – 241,429 vota Albulena Haxhiu – 127,039 vota Hekuran Murati – 125,824 vota Donika Gërvalla-Schwarz – 113,490 vota Xhelal Sveçla – 100,810 vota Hajrulla Çeko – 90,291 vota Avni Dehari – 83,520 vota Mimoza Kusari Lila – 74,698 vota Ejup Maqedonci – 70,530 vota Shqipe Mehmeti Selimi – 58,384 vota Andin Hoti – 51,067 vota Arben Vitia – 47,624 vota Saranda Bogujevci – 36,934 vota Alban Bajrami – 34,432 vota Rufki Suma – 30,886 vota Edona Lllalloshi – 30,871 vota Mefail Bajqinovci – 29,335 vota Jeta Statovci – 28,618 vota Nezir Kraki – 28,339 vota Ardian Gola – 28,212 vota Adriana Matoshi – 27,061 vota Armend Muja – 26,404 vota Haxhi Avdyli – 25,459 vota Adelina Grainca – 23,366 vota Albena Reshitaj – 22,322 vota Agim Bahtiri – 21,731 vota Blerim Gashi – 21,516 vota Arjeta Fejza – 21,064 vota Artane Rizvanolli Berisha – 20,922 vota Arbër Rexhaj – 20,778 vota Fatos Geci – 20,412 vota Hysen Durmishi – 20,409 vota Fitore Pacolli Dalipi – 20,273 vota Taulant Kelmendi – 20,145 vota Artan Abrashi – 20,112 vota Dimal Basha – 19,832 vota Arbërie Nagavci – 19,777 vota Labinotë Demi Murtezi – 19,485 vota Arbëreshë Kryeziu Hyseni – 18,913 vota Enver Haliti – 18,401 vota Adnan Rrustemi – 17,976 vota Valon Ramadani – 17,960 vota Jeton Raka – 17,420 vota Arsim Ademi – 17,010 vota Liza Gashi – 16,700 vota Sylejman Meholli – 16,505 vota Fjolla Ujkani – 16,365 vota Fatmire Kollçaku – 16,344 vota Fitim Haziri – 16,195 vota Drita Pajaziti – 16,154 vota Valon Hoti – 16,034 vota Naim Bardiqi – 15,681 vota Salih Zyba – 15,664 vota Rozeta Hajdari – 15,583 vota Ilir Kërçeli – 14,950 vota
Numërimi i votave pritet të vazhdojë edhe në ditët në vijim, ndërsa rezultatet përfundimtare do të konfirmohen pas përfshirjes së të gjitha votave, përfshirë ato me postë dhe nga diaspora./Telegrafi/
Dritan Demiraj, në A2CNN, u pyet mbi tensione të mundshme në Ballkan gjatë vitit që sapo ka nisur.
Eksperti i sigurisë është i bindur që “Ballkani nuk po hyn në një fazë të re pasigurie”, pasi është nën mbështetjen “politike, ushtarake dhe diplomatike të Shteteve të Bashkuara të Amerikës”.
"Ballkani nuk po hyn në një fazë të re pasigurie. Më lejoni të risjell në vëmendjen tuaj atë që në fakt unë e kam deklaruar dhe më përpara, ligjin për Autorizimin e Mbrojtjes Kombëtare dhe Strategjinë e Sigurisë Kombëtare. Dy dokumenta strategjikë të firmosur kohët e fundit në Shtetet e Bashkuara të Amerikës dhe kur them kohët e fundit, në muajin dhjetor. Të dyja paraqesin rëndësinë e madhe të Ballkanit Perëndimor, në mënyrë të veçantë duke përcaktuar Shqipërinë, Kroacinë, Malin e Zi, Maqedoninë e Veriut dhe Kosovën si vende tashmë të afirmuara në rendin e ri global si pjesë e aksit të Perëndimit dhe nën mbikëqyrjen dhe modernizimin, nën mbështetjen politike, ushtarake dhe diplomatike të Shteteve të Bashkuara të Amerikës”, tha Demiraj.
Sipas tij, “pa diskutim që ka problematika të operacioneve hibride” në Ballkan, por shtoi se “angazhimi i madh amerikan nuk do të lejojë operacionet dhe ndikimet malinje të Serbisë për të krijuar destabilitet”.
“Për sa kohë që shërbimet inteligjente ruse, FSB-ja, GRU-ja janë prezente gjatë gjithë kohës në territorin e Serbisë, bashkëpunojmë me qeverinë e saj, me Ministrinë e saj të Mbrojtjes, me shërbimet inteligjente BIA, edhe në Bosnjën serbe do të ketë operacione të asaj që njihen si operacione të intensitetit të ulët, operacione propagandistike, të dezinformimit, pra pjesë të luftës hibride. Por, tendenca e këtyre për shkak të angazhimit të madh amerikan duke e përcaktuar si domejnin e saj territorin e këtyre shteteve që sapo thashë, nuk do të lejojë operacionet dhe ndikimet malinje të Serbisë për të krijuar destabilitet”, theksoi Demiraj.
Prishtina këtë Vit të Ri mirëpriti edhe shumë mysafirë të huaj, të cilët për herë të parë zgjodhën Kosovën për të festuar ndërrimin e moteve.
Temperaturat e ulëta, që zbritën deri në -11 gradë Celsius, nuk i ndalën as vendasit e as turistët. Me pije, vallëzim dhe muzikë, festa në sheshin e kryeqytetit vazhdoi deri në orët e vona.
Edhe pse shumë prej tyre nuk e kuptonin gjuhën e këngëve, ritmi i muzikës i bashkoi të gjithë, duke krijuar një atmosferë festive dhe energjike.
“Urime Vitin e Ri! Uroj që ky vit t’ua plotësojë shqiptarëve të gjitha dëshirat,” u shpreh një qytetar gjatë festës.
Një tjetër pjesëmarrës theksoi se, përveç vendasve, kishte edhe shumë mysafirë që po e zbulonin Kosovën për herë të parë, duke e përshëndetur atmosferën dhe mikpritjen.
“Po kalojmë shumë mirë. Kishim dëshirë të madhe që Vitin e Ri ta presim në Kosovë. Urime!” tha një nga turistët.
Nga Turqia kishin ardhur disa vizitorë, të cilët u shprehën të impresionuar: “Është hera ime e parë këtu dhe më pëlqen shumë. I uroj gjithë botës sa më shumë paqe.”
Ndërsa një mysafire nga Gjermania tha se, edhe pse kishte qenë më parë në Kosovë, kjo ishte hera e parë që po festonte Vitin e Ri në Prishtinë: “Kosovës i uroj të gjitha të mirat dhe njerëzve të saj, që janë të mrekullueshëm. Urime Vitin e Ri!”
Në fund të festës, në shesh mbetën vetëm kutitë e fishekzjarrëve, të cilat më herët ndriçuan qiellin e Prishtinës, duke shënuar fillimin e vitit të ri mes gëzimit, muzikës dhe mikpritjes./KlanKosova
Në Prishtinë, Hagë, Tiranë, Strasburg e Shkup u ngrit zëri i shqiptarëve për drejtësi.
Shqiptarë nga të gjitha trevat u mblodhën në mbrojtje të ish-krerëve të Ushtrisë Çlirimtare të Kosovës.
Protesta e parë u organizua në Prishtinë nga kategoritë e dala nga lufta. Një muaj më pas, shqiptarë nga e gjithë bota protestuan në qytetin holandez, në Hagë, në afërsi të objektit të Gjykatës Speciale. Atje u protestua një ditë para fillimit të dëgjimit të dëshmitarit të parë të mbrojtjes, ish-ndihmëssekretar i shtetit amerikan, James Rubin.
Diplomati amerikan dëshmoi para trupit gjykues për procesin e Rambujesë, ku ndër tjera ka thënë se Hashim Thaçi nuk kishte rol udhëheqës në Ushtrinë Çlirimtare të Kosovës. Po ashtu, ai ka thënë se UÇK nuk ka pasur strukturë të organizuar komanduese. Dëshmia e tij u vlerësua si një nga më të rëndësishmet në këtë proces.
Edhe në Tiranë, zëri i shqiptarëve jehoi “Drejtësi për Çlirimtarët”.
Organizata e Veteranëve të Luftës së UÇK-së para Asamblesë së Këshillit të Evropës dorëzoi 285 letra, për të shprehur shqetësimin lidhur me procesin në Gjykatën Speciale.
Në fund të vitit, shqiptarët protestuan edhe në Shkup të Maqedonisë së Veriut, me të njëjtën kërkesë për drejtësi.
Gazmend Syla nga Organizata e Veteranëve të Luftës së Ushtrisë Çlirimtare të Kosovës (OVL-UÇK) thotë se gjithë këto protesta kanë pasur për qëllim sensibilizimin e opinionit publik dhe ndërkombëtar për procesin gjyqësor që po zhvillohet në Hagë.
“Pesë protesta, me një buxhet që organizatat e veteranëve të luftës, zero buxhet, do të thotë, prej ardhjes në pushtet të qeverisë Kurti. Me vështirësi të mëdha, kemi arritur me i organizuar këto pesë protesta, qysh e dini edhe ju. Njërën në Kosovë, tjetrën në Den Haag, tjetrën në Tiranë, Strasburg e kështu me radhë, e fundit në Maqedoni. Mendojmë që e kemi ngritë qytetarin, i kemi treguar qytetarit tonë se çka po ndodh atje, sepse duke pasur parasysh faktin se Gjykata Speciale nuk i ka dhënë shumë dritë gjithë procesit atje. Ka qenë tepër e rezervuar me publikun, me shqiptarët, me ato seanca të mbyllura, me ato padrejtësi që ndodhin kohë pas kohe, me gjasë qytetarët nuk kanë mujt me e ditë krejt çka po ndodh atje. Kjo thirrje e jona për qytetarët që me dalë, me u mobilizu e me u sensibilizu për ato që po ndodhin në Gjykatën Speciale, besoj që ka qenë e arritur tepër e madhe edhe besoj që e kemi bërë punën ashtu siç është më së miri, gjithmonë duke pasur parasysh kapacitetet e organizatës së veteranëve të luftës”, deklaron ai.
Syla ka theksuar se paralelisht me protestat, OVL e UÇK-së ka vepruar edhe në rrafshin diplomatik, përmes takimeve me personalitete dhe përfaqësues ndërkombëtarë.
“Neve asnjëherë nuk kërkojmë që të ndërhyjmë në drejtësi, apo të pengojmë drejtësinë, ne kërkojmë vetëm drejtësi. Krejt çka kërkojmë ne është një monitorim i ndonjë instituti të pavarur ndërkombëtar, ose qoftë ndonjë mekanizmi që do të nxirrte Këshilli i Evropës, Asambleja e Këshillit të Evropës, ku edhe e mori dritën jeshile themelimi i Gjykatës Speciale, ose qoftë çfarëdo mekanizmi qoftë ai i pavarur. Vetëm monitorim të punës së Gjykatës Speciale, çfarë ka ndodhur prej atëherë deri më sot. Nëse do të ndodhë një monitorim i mirëfilltë i kësaj gjykate, i punës së gjykatës deri në këto kohë pra, deri në përfundim të procesit, ne jemi të bindur që bashkëluftëtarët tanë do të kthehen të pafajshëm në shtëpitë e tyre. Prandaj, në qoftë se nuk do të ketë monitorim të punës të asaj çka ka ndodhur deri më sot në Gjykatën Speciale, i druhem faktit që do të kemi vendim negativ ose do t'i përcjellë fati edhe bashkëluftëtarët tanë që janë në proces, do t'i përcjellë fati i dy bashkëluftëtarëve tonë që janë veç të dënuar atje”, shton ai.
Në dy prej këtyre organizimeve ishte e pranishme edhe Nevenka Tromp, e cila punoi për shumë vjet në Tribunalin e Hagës për ish-Jugosllavi, ishte prezente në dy prej pesë organizimeve. Ajo për KosovaPress thotë se nuk është e zakonshme që qytetarët të interesohen për çështje penale.
“Nuk është shumë e zakonshme që njerëzit të interesohen për çështje penale, sigurisht jo në numra të mëdhenj. Nëse do të flisnim për protesta, nuk do të isha dakord me këtë përkufizim; këto ishin ngjarje publike për të rritur ndërgjegjësimin mbi atë që po ndodhte në Hagë dhe në gjykatë përmes këtyre proceseve. Një nga arsyet pse pranova me kënaqësi ftesat në gusht dhe tetor të kaluar ishte se njerëzit nga Kosova erdhën për të shprehur shqetësimin e tyre mbi funksionimin e Dhomave Speciale të Kosovës dhe ndikimin që mund të kenë mbi të akuzuarit, por edhe mbi Kosovën dhe luftën e saj për çlirim. Kurdo që një gjyq penal, veçanërisht për krime politike dhe mizori masive, ka elemente që shpesh neglizhohen publikisht, duhet të merret parasysh interesi publik i gjyqit që po vjen. Pra, çfarë është interesi publik? Për shembull, nëse akuzon dhe gjykon presidentin aktual të një shteti, a kontribuon ky veprim për drejtësinë dhe stabilitetin, apo ky veprim vetë mund të çojë në trazira publike, dhunë në rrugë dhe destabilizim më shumë sesa do të ndodhte nëse lihej pas dore. Ky interes publik është gjithashtu arsye pse disa njerëz shumë të lartë nuk u akuzuan për gjithë periudhën e konflikteve në Jugosllavi nga 1991 deri në 1999. Ky interes publik është mjaft i rëndësishëm”, deklaron ajo.
Fatmir Koci, i cili ka qenë përfaqësues i Këshillit të Protestës për Evropë pret se gjatë këtij viti të lirohen ish-krerët e UÇK-së.
“Një vendim të drejtë, të paanshëm, jo-politik dhe po besojmë shumë në pafajësinë e krerëve të UÇK-së dhe në pastërtinë e luftës tonë, dhe shpresojmë dhe presim që liderët tanë sa më shpejt të kthehen pranë familjeve të tyre në shtetin e tyre, ku shumë sakrifikuan si në luftën për çlirimin e Kosovës, po ashtu edhe në shtet-ndërtimin e Republikës së Kosovës...E vetmja mundësi e jona si OVL e UÇK-së ka qenë kjo, sepse ne faktikisht jemi duke i parë çdo ditë politika ditore ku, e them fatkeqësisht, shteti i Kosovës, Qeveria e Kosovës, institucionet e Kosovës janë marrë shumë pak ose hiç me rreth kësaj çështje, edhe përkundër asaj që deklarojnë që kemi dhënë fonde të mjaftueshme për gjykatën”, përfundon ai.
Rasti ndaj ish-krerëve të UÇK-së – Hashim Thaçit, Kadri Veselit, Rexhep Selimit e Jakup Krasniqit pritet të përfundojë gjatë këtij viti.
Katërshja e UÇK-së ndodhet në paraburgim që nga nëntori i vitit 2020.
Në prill të vitit 2023 ka nisur procesi gjyqësor në Hagë ndaj ish-krerëve të UÇK-së.
Zyra e Prokurorit të Specializuar, e cila i ngarkon ish-krerët e Ushtrisë Çlirimtare të Kosovës me përgjegjësi për krime të pretenduara të luftës, pati sjell në gjykatore rreth 125 dëshmitarë, ndërkaq është mbështetur në mbi 100 dëshmi me shkrim.
Më datë 01.01.2026, Njësiti i Hetimeve i Stacionit Policor në Ferizaj ka pranuar informatë se një person kishte publikuar në rrjete sociale një video-incizim duke shtënë me armë zjarri.
Pas një pune intensive hetimore në terren, policia ka identifikuar të dyshuarin T. I. (31 vjeç). I njëjti më pas ka dorëzuar armën e zjarrit, me të cilën dyshohet se kishte shtënë.
I dyshuari është intervistuar në prani të avokatit mbrojtës, ndërsa me urdhër të prokurorit kompetent është liruar në procedurë të rregullt.
Ndaj tij është iniciuar rast penal për veprat:
“Mbajtje në pronësi, kontroll ose posedim i paautorizuar i armëve”, dhe “Përdorim i armës apo mjetit të rrezikshëm”.
Temperaturat e ulëta që kanë zbritur deri në –2°C në qytetin e Vlorës, në datën 1 janar, nuk i kanë ndalur vëlla e motër, Gezim Brahimaj (57 vjeç) dhe Shpresa Tafili (60 vjeç), të cilët e konsiderojnë ujin e detit si një lloj terapie kundër sëmundjeve siç shprehen vetë.
Edhe në këto ditë të ftohta dimri, ata kanë sfiduar jo vetëm temperaturat e ulëta të ajrit, por edhe ujin e ftohtë të detit, duke u futur për not në zonën bregdetare të Vlorës. Sipas tyre, deti është pjesë e pandarë e jetës së tyre.
Gëzimi u shpreh se ata nuk janë ndarë kurrë nga deti, as gjatë verës dhe as gjatë dimrit, madje as në ditë me temperatura ekstreme si kjo e sotmja.
Si gëzimi edhe Shpresa me këtë rast, kanë përcjellë edhe një urim për të gjithë shqiptarët, kudo që ndodhen, duke i uruar: Gëzuar Vitin e Ri 2026, një vit të mbarë e të begatë dhe, mbi të gjitha, plot shëndet për të gjithë./Top Channel
Komisioni Qendror i Zgjedhjeve (KQZ), bën të ditur se të premten (nesër) do të nis numërimi i mbi 27 mijë fletëvotimeve nga diaspora, respektivisht të fletëvotimeve nga votimi përmes postës, të cilat janë tërhequr nga dy kutitë postare në jashtë Kosovës.
Zëdhënësi i KQZ-së, Valmir Elezi thekson për Telegrafin se të premten, më 2 janar nga ora 10:00 në Qendrën e Numërimit dhe Rezultateve do të fillojë numërimi i fletëvotimeve nga votimi jashtë Kosovës, respektivisht i fletëvotimeve nga votimi përmes postës që deri më tani janë tërhequr nga dy kutitë postare jashtë Kosovës.
“Nga votimi me postë, siç e kemi treguar më herët, numri i shtetasve të regjistruar ka qenë rreth 58 mijë. Ende nuk është përmbyllur procesi i tërheqjes së fletëvotimeve nga kutitë postare, andaj në këtë fazë nuk e dijmë se sa prej këtyre votuesve të regjistruar kanë ushtruar të drejtën e votës. Tërheqjet e fundit të zarfeve me fletëvotime do të bëhen më 2 dhe 5 janar 2026”, thekson Elezi.
Sipas tij, deri më tani, nga dy kutitë postare, Berlin dhe Bernë, janë tërhequr më shumë se 28 mijë e 500 pako me fletëvotime që i takojnë votimit përmes postës dhe të cilat janë vlerësuar dhe verifikuar nga shërbimi votues i KQZ-së.
“Nga numri i përgjithshëm i pakove me fletëvotime të supozuara që deri më tani kemi pranuar, pra nga më shumë se 28 mijë, pas vlerësimit dhe verifikimit janë aprovuar 27,600, ndërkaq janë refuzuar më shumë se 950. Arsyeja më e shprehur te zaret e refuzuara është sepse në pakon me fletëvotim mungon dëftesa e regjistrimit të votuesit”, tha ai.
Në fund ai tha se nga votimi jashtë Kosovës, respektivisht nga votimi në 29 përfaqësi diplomatike, nga 19,187 shtetasit e regjistruar, kanë votuar 16,165 prej tyre apo 84.24%./Telegrafi/
Me mbi 83 për qind të votave të numëruara për kandidatët për deputetë, tashmë është bërë e qartë pjesa dërrmuese e emrave që kanë siguruar ulëse në Kuvendin e Kosovës.
Edhe pse nuk arritën të bëhen kryetarë komunash në zgjedhjet lokale, një numër i konsiderueshëm ish-kandidatësh për këtë pozitë kanë arritur të fitojnë mandat deputeti në zgjedhjet parlamentare.
Sipas të dhënave nga procesi i numërimit, së paku 10 ish-kandidatë për kryetarë komunash nga Lëvizja Vetëvendosje (LVV) tashmë e kanë siguruar mandatin e deputetit, raporton Telegrafi.
Hajrulla Çeku, në top-dhjetëshen e më të votuarve në LVV
Nga radhët e LVV-së, mandat deputeti kanë fituar:
Hajrulla Çeku (Prishtinë) – mbi 85 mijë vota
Rufki Suma (Hani i Elezit) – mbi 29 mijë vota
Rufksi Suma, poshtu njëra nga surprizat e zgjedhjeve të jashtëzakonshme
Ardian Gola (Gjakovë) – mbi 26 mijë vota
Artan Abrashi (Prizren) – mbi 18 mijë vota
Taulant Kelmendi (Pejë) – mbi 18 mijë vota
Enver Haliti (Ferizaj) – mbi 17 mijë vota
Jeton Raka (Kaçanik) – rreth 17 mijë vota
Arsim Ademi (Viti) – mbi 16 mijë vota
Sylejman Meholli (Vushtrri) – rreth 16 mijë vota
Valon Hoti (Malishevë) – rreth 15 mijë vota
Afër sigurimit të mandatit është edhe ish-kandidati i LVV-së për kryetar të Rahovecit, Ali Dula, i cili deri më tani ka grumbulluar rreth 13 mijë vota.
Ndërkaq, nga Partia Demokratike e Kosovës (PDK), mandat deputeti kanë siguruar dy ish-kandidatët për kryetarë komunash:
Arian Tahiri e Uran Ismaili, ndër më të votuarit e PDK-së
Arian Tahiri (Prishtinë) – mbi 60 mijë vota
Uran Ismaili (Mitrovicë) – mbi 44 mijë vota
Nga Aleanca për Ardhmërinë e Kosovës (AAK), mandat deputeti ka siguruar ish-kandidati për kryetar të Prishtinës:
Bekë Berisha – mbi 14 mijë vota
Procesi i numërimit është duke vazhduar, ndërsa rezultatet përfundimtare do të certifikohen nga Komisioni Qendror i Zgjedhjeve./Telegrafi/
Login
