Këtë të martë në emisionin “Opinion”, ishte Avokati i ri i Popullit, Endrit Shabani.

Në këtë intervistë, Shabani iu përgjigj pyetjeve që nga marrja e firmave nga deputetët e PD, përplasja me PD deri te votat e PS që e zgjodhën në krye të institucionit të Avokatit të Popullit.

“Po! Si gazetari më i vjetër në Shqipëri besoj duhet ta dije se ka diferencë mes Avokatit që emërohet me firmë të kryeministrit dhe atij nga deputetët e zgjedhur në Parlament me votat e shqiptarëve. Unë garova, në listë, dhe roli nuk është pjesë e qeverisë, është gjithmonë opozitar”.

-Relativisht, s është e thënë!

Shabani: Monitoron punën e qeverisë, mbron qytetarët, denoncon korrupsioni, është vazhdimësia e asaj që unë kam bërë si aktivist në 20 vjet.

U pyet edhe për rastin e Belinda Ballukut dhe skandalin te AKSHI.

Shabani: Ju e keni pasqyruar punën time si aktivist dhe e dini mirë se nga 6 kallëzimet që kam çuar në SPAK, njëri është për zonjën që përmendët. Roli im nuk është prokurori, unë s’jam prokuror për të hetuar, por nëse zyrtart shkelin të drejtat e njeriut, të jesh i sigurt që nëse deri dje kam denoncuar, kësaj radhe kam një institucion për ta luftuar abuzimin e tyre.

-A keni ju një opinion?

Shabani: Jam i njëjti njeri si dje, por unë kam bërë një betim që të mbroj një institucion prej 70 vetësh dhe qytetarin shqiptar.

-Një njeri i lirë që erdhi kundër këtij sistemi, tani futët në një kuti ku s’ka dot një mendim të vetin?

Shabani: Është përgjegjësi publike që unë të përfaqësoj një pozicion kushtetues.

-Si i morët firmat e opozitës?

Shabani: Kur u hap gara, ka qenë periudha kur ne kishim vendosur një grup të përbashkët, një front të gjerë opozitar. Takova deputetë të të gjitha partive, personalisht! I kam kontaktuar personalisht! Takova dhe deputetë të PS-së që i kam miq, më thanë nuk firmosim dot se e kemi vendim politik. PS nuk lejonte që të mbështeste askënd dhe do të gjykonte atë që do të sillte opozita. Mblodha firmat, i dorëzova.

-Nuk bisedove me zotin Berisha?

Shabani: Jo!

-Kur ata thanë po tërheqim firmat, moralisht nuk ndjeve që duhet të tërhiqeshe?

Shabani: Më duheshin 28 firma, mblodha 35 firma, pikërisht duke menduar se dikush do të vendosej në siklet. Kam pritur deri më 2 dhjetor që ishte afati i fundit, ata i kanë tërhequr pasi mbaroi gara, ishte e pamoralshme, ishte përpjekje për të më hequr mua nga gara. Edhe ligjërisht, ka një parim që quhet e sigurisë juridike, një e drejtë e fituar, nuk mund të përdoren procedurat për t’ja marrë një individi.

Pavarësisht sa më sipër, Shabani theksoi “se një pjesë e mirë e tyre e kanë uruar për postin”. Skepticizmit të Fevziut për mënyrën si Shabani siguroi votat, ai iu përgjigj kështu:

Ishin pesë parti në votim të fshehtë, PS ka vetëm 82 mandate në sallë. Qartazi e vetmja që mungon ishte PD-ja. Pse mungoi ajo në sallë është pyetje për Partinë Demokratike. Nuk ka nevojë për teori kaq të mëdhaja konspirative!

Po pse Shabani u “thye” me PD-në?

“Ata kanë patur vendim për t’u tërhequr nga procesi, është hera e tretë që e bëjnë”, u përgjigj ai.

Gazetari Artan Hoxha ka folur në lidhje me hetimet e drejtësisë ndaj Ergys Agasit dhe rolin e tij në takimet e bëra me zyrtarë të lartë dhe biznesmenë.

Në emisionin “Opinion”, shprehet se Agasi ishte kontatki i drejtpërdrejtë i kryeministrit me persona të tjetër, ndërsa shtoi se që para disa muajsh “koordinatori” i këtyre takimeve është ndryshuar.

“Agasi u bë kaq i rëndëishëm për shkak të atributeve që mori, nuk ka patur as grup më parë, nuk ka qenë njeri më mbështetje të madhe etj. Ky është përzgjedhur për të bërë atë rol. Durrësi ka sjell gjatë dy dekadave të fundit tre koordinatorë që kanë qenë midis botës së nëntokës dhe mbi tokës. I pari ka qenë Nar  Koka ai që realizonte takimet e kryeministrit me kryetarin e opozitës, pra Berisha me Ramën, Rama me Metën, Rama me Nano. Ishte Nar Koka që relizonte takimet e nivelit të lartë. Nari u kap në një moment në ndërrimin e pushtetit të vitit 2005… Në prill ose në maj kam deklaruar që kooridnatori që lidh botën e nëndheshme apo mbidheshme është ndryshuar dhe po pres të arrestohet Ergys Agasi. Patjetër që është ndërruar se është dikush që do e bëjë atë punë… Nuk është problemi Gysi, problemi është ai që i dha pushtet Gysit. Ai ishte një çunak Durrësi që e vinë aty dhe u bë i rëndësishëm. Më parë ka qenë i pa dukshëm në skenë. Ka qenë aty se ishte kontakti i drejtpërdrejt”,-tha Hoxha.

Biznesmeni Gerond Meçe u rrëmbye për t’u kërcënuar që të tërhiqej nga tenderat e AKSHI-t.
Emisioni Në Shënjestër”, nxjerr detaje nga dosja hetimore, ku ndër të tjera Ergys Agasi dhe biznesmeni Ermal Beqiri, në kërkim nga SPAK, akuzohen për pengmarrje ndaj biznesmenit Gerond Meçe.
Sipas dëshmisë së vetë biznesmenit Meçe pengamrrësit I kërkuan të tërhiqej nga procedurat e ankimimit në Komisionin e Prokurimeve Publike, ndërsa kërcënimi ishte I qartë: ‘Po të kërkojmë të bashkëpunosh, jo si me password-in, se në të kundërt ke plumbin në kokë’.

Pjesë nga dokumentari në “News 24”
“Unë quhem Gerond Meçe dhe profesioni im është inxhinier elektronik. Aktualisht punoj në një biznes privat.
Ajo që dua të theksoj është se që nga viti 2002, mamaja ime ka hapur një kompani private të cilës i jam bashkuar në korrik të vitit 2003. Ku nga viti 2006 e në vazhdim unë jam ortak i vetëm dhe administrator i kompanisë që quhet ‘Advanced Business Solutions ABS’.
Në vitin 2020, për arsye shëndetësore unë u tërhoqa nga administrimi i kompanisë dhe caktova dy administratorë të tjerë, respektivisht, E. Sh dhe Sh. K, të cilët vijojnë të jenë edhe aktualisht.
Ajo që dua të shpjegoj më tej është se duke filluar nga muaji shkurt i vitit 2025, aksionet e kompanisë ‘ABS’ unë i kalova te mamaja ime, kjo me qëllim që të mos kisha probleme apo pengesa në prokurime të ndryshme. Kompani e cila ka si aktivitet kryesor ofrimin e shërbimeve në fushën e teknologjisë së informacionit, dhe punon si me sektorin privat ashtu dhe me atë shtetëror.
Dhe që nga vitit 2016, me pak përjashtime, ne jemi pjesëmarrës në pothuajse çdo tender në fushën e teknologjisë dhe informacionit që zhvillohet nga AKSHI (Agjencia Kombëtare e Shoqërisë së Informacionit).
Por ndërsa bëri një rezyme të shkurtër të punës dhe aktivitetit të kompanisë ku ai dhe familja e tij kishin kapitale, Gerond Meçe rrëfeu në vazhdim përpara oficerëve të policisë gjyqësore se jo çdo gjë ishte kaq rozë në bashkëpunimin me Agjencinë Kombëtare të Shoqërisë së Komunikimit.
Pasi edhe pse ishte pjesëmarrës i rregullt në tenderat që zhvillohen nga ky institucion, kompania e tij skualifikohej vazhdimisht.
Gjë që kishte lindur dyshimin te ai se diçka nuk shkonte brenda këtij institucioni, ose kompani të tjera po shpërbleheshin në kundërshtim me ligjin nga AKSHI.
Për këtë arsye ai ishte drejtuar me ankimime të shumta kohë pas kohe.
Gjë që mesa duket nuk u ka pëlqyer aspak kundërshtarëve të tij në biznes.
Të cilët të informuar pse jo nga brenda AKSHI-it, në pamundësi për ta bindur me të mirë biznesmenin Gerond Meçe, të heqë dorë nga këto ankimime, por edhe nga pjesëmarrja në këto tendera, vendosin në jetë një plan djallëzor. Ta bindin atë nëpërmjet dhunës, duke e marrë peng.
Siç ndodhi edhe mëngjesin e datës 12 Gusht 2025.
Kur persona që u hoqën si punonjës policie dhe të BKH, e morën në makinën e tyre me fenelinë dhe e mbajtën peng disa orë në një nga zonat malore të Elbasanit.
Në lidhje me këto tenderime apo procedura, së fundmi dhe konkretisht nga janari i vitit 2025 deri në korrik të këtij viti, kompania ‘ABS’ ka ankimuar gati 20 procedura prokurimi në të cilat ka marrë pjesë, kryesisht në AKSHI por edhe në institucione të tjera si KLGJ, UKT etj.
Konkretisht më datë 12 gusht 2025 unë kam qenë në shtëpi deri rreth orës 10:30 paradite.
Më pas për shkak të një bisede telefonike kam dalë nga banesa, dhe me vete kam patur çantën e punës me laptop brenda, si dhe një çantë dore, në të cilën kisha brenda dy palë çelësa makine, njërën të automjetit ‘Range’ dhe tjetrën të automjetit ‘Hyundai’, çelësat e zyrës dhe të shtëpisë, një mbajtëse kartash krediti, si dhe aparatin celular personal.
Por ndërsa po bëhej gati për një ditë pune normale me të dalë nga banesa e tij, Gerond Meçe thotë se përditshmëria e tij nga ky moment dhe në vazhdim mori një rrjedhë krejtësisht tjetër.
Një rrjedhë e cila do ta trondiste jo pak atë dhe familjen e tij.
Aq sa të mendonte pas kësaj ndodhie të shëmtuar të linte edhe Shqipërinë, për të siguruar jetën e tij dhe të familjes.
Teksa tregoi për grupin hetues se më të dalë nga banesa, atë e ndalën disa persona të veshur uniforma që mbanin distiktivin e Policisë së Shtetit dhe të Byrosë Kombëtare të Hetimit.
Ose që iu prezantuan të tillë, të cilët pasi e hipën në makinën e tyre, i vendosën prangat dhe nuk i dhanë asnjë mundësi të komunikonte qoftë edhe me familjen e tij.
Pasi makina mori drejtimin për nga Elbasani, itinerari vazhdoi për në rrugën e vjetër, në fshatin Krrabë.
Kur ndaluam, ora në makinë ishte rreth 11:20, dhe sheshi i madh ku kishim ndaluar ishte si një ‘ballkon’ afër fshatit Gracen, me pamje nga fshati Papër, kjo pasi nga ky pozicion unë shikoja gjurmën e rrugës së re që po hapej, atë ‘Elbasan-Durrës’.
Ku në krah të vendit ku ndaluam ishte një godinë me tulla të bardha e braktisur, një katëshe, pa dritare. Kohë gjatë të cilës personat në makinë më kërkuan të dalë jashtë dhe të jepja passëord-in e telefonit, të cilën fillimisht refuzova t’ua jap, por në këtë moment vjen shoferi dhe më godet me shpullë.
Gjatë kësaj kohe ata marrin telefonin dhe e vendosin te gishti im pasi duart i kisha të lidhura mbrapa. Ndërkohë që personi i tretë mi hoqi prangat nga mbrapa dhe mi vendosi përpara.
Aty ku arritën të hapin telefonin me gjurmën e gishtit tim, dhe unë mendova që në atë moment ata e kaluan direkt në airplane mode”, tha Meçe në hetuesi.
Gerond Meçe shpjegoi se arsyeja përse nuk pranoi fillimisht të jepte passëordin e telefonit të tij është se kishte shpresë se ende mund të shpëtonte.
Kjo pasi gjatë gjithë rrugës telefoni nuk kishte pushuar së rëni.
Por ndërkohë që ndodhej në duart e pengmarrësve të tij, ai thotë se ata filluan ta kërcënonin me jetë.
Duke nxjerrë fillimisht armët si shenjë presioni.
Duke i kërkuar që të bashkëpunonte.
Ndërkohë që në të vërtetë ai ende nuk e dinte se për çfarë bashkëpunimi e kishin fjalën personat që e kishin sjellë deri këtu.
“Gjatë kohës që arritën të marrin passëordin e telefonit, personi që ndodhej në vendin e parë të pasagjerit më tha që: ‘Po të kërkojmë të bashkëpunosh, jo si me passëord-in, se në të kundërt ke plumbin në kokë’.
Ky është edhe momenti ku të tre, përveç shoferit, demonstrojnë armët e shkurtra që kishin në brez.
Ndërsa personi i dytë nxorri pistoletën nga brezi, dhe e mbante në dorë, duke nxjerrë dhe futur karikatorin, ndërkohë që personi i parë e mbante pistoletën në dorë duke më kërcënuar: ‘Do bashkëpunosh apo si e ke?’
Edhe pse deri në këtë moment pengmarrësit kishin qenë të paqartë në kërkesat e tyre të para drejtuar biznesmenit Gerond Meçe, shpejt edhe vetë ky i fundit fillon të kthjellohet se çfarë ata duan në këmbim, për t’i dhënë fund kësaj shëtitje me njerëz të padëshiruar në ajër të pastër.
Momenti kur ata dalin direkt në temë dhe i japin një letër ku ishin tenderat që kompania e biznesmenit kishte ankimuar kundrejt AKSHI-t që i kishte skualifikuar.
“Kur unë i thashë personit të parë se për çfarë të bashkëpunoj, personi që mbante veshur jelekun me mbishkrimin BKH, të cilin tashmë e kishte hequr, shkoi te makina dhe doli nga aty me një zarf të bardhë në dorë.
Ku pasi e hapi këtë zarf nxorri nga një tabelë Excel duke m’u drejtuar: ‘E njeh këtë letër’?
Aty ku nga emërtimi kuptova që në këtë tabelë janë të shkruar tenderat të cilët kompania ime i ka ankimuar dhe në një kolonë ndodhet edhe gjendja, si dhe situata e tenderit në KPP (Komisioni i Prokurimit Publik).
Gjithashtu në këtë moment evidentova ndër të tjera edhe një procedurë e cila ishte e shkruar Gjykata Administrative”, tha Meçe.
Tashmë për biznesmenin Gerond Meçe ishte e qartë se personat që e kishin marrë peng dhe e kishin sjellë deri këtu që nuk kishin aspak pamjet e ekskursionistëve,ishin të urdhëruar dhe dirigjuar në veprimet e tyre, nga kundërshtarët e tij në biznes.
Të cilët u kishin dhënë instruksione të qarta se çfarë do i kërkonin pengut të tyre të hiqte dorë.
“Ata më pyetën: ‘A e kuptova?’
Në momentin e parë i thashë ‘Jo’, por perceptova që dikush e ka organizuar këtë ngjarje për shkak të ankimimeve të mia.
Që ishin shtatë deri në nëntë procedura. Ndërkohë që personi i parë më thotë: ‘Janë tendera që ke ankimuar ti dhe duhet të tërhiqesh. Nuk kemi punë me lekët e tua, ne e dimë që ke lekë, i gëzofsh ato, por s’ke punë te këto procedura dhe do tërhiqesh nga këto procedura’.
U thashë: ‘Çuna, muk bëhet kështu kjo punë, sepse edhe po u bë, u prish punë më shumë juve sesa mua’.
Ndërkohë që unë u përpoqa t’u mbushë mendjen që tërheqja nuk bëhet në këtë moment duke u treguar se nuk jam më administrator, gjë të cilën ata më thanë që e dinin.
Por u thashë që nëse do të më lironin do e bëja në ditët në vijim”, mësohet të ketë thënë biznesmeni i njohur në polici.
Por teksa mendonte me të tijën se po arrinte ti bindte djemtë të bëheshin të mirë dhe ta lironin, Gerond Meçe, beson që në vendin ku kishin ndaluar dhe po e mbanin lidhur me pranga në sedilje,ndodhej edhe një person tjetër i padukshëm për të.
Kjo në bazë të bisedave të zhvilluara aty, ndërkohë që dy nga personat në makinë, ata të veshur me logon e policisë, vazhdonin të bënin roje te ai.
Ndërsa personi i tretë që ishte me maskë e hoqi atë.
Por duke e kërcënuar se nëse do fliste, një ditë do ta kishte punën keq.
Pasi ata do ishin hija e tij kudo që të shkelte.
Ndërsa m’u duk se situata po shkonte në favorin tim, personi i pare, ai që më herët mbante bluzën e BKH-së, më tha që të tërhiqesha edhe nga giyqi në Gjykatën Administrative.

Të tjera detaje dalin nga dosja hetimore e AKSHI-t, ndërsa emisioni i gazetares Klodiana Lala në News 24, publikoi këtë të martë detaje mbi rrëmbimin e biznesmenit Gerond Meçe.

Këto detaje të publikuara në emisionin “Në shënjestër” janë në fakt pjesë e dëshmisë që vetë biznesmeni ka dhënë përpara hetuesve.

Ndërsa të tjera ai ka thënë se është rrëmbyer përpara pallatit të tij nga persona të veshur me jelekë që mbanin mbishkrimin “BKH” dhe është nxjerrë jashtë Tiranës.

Pjesë nga dokumentari

Kur kam dalë nga pallati ku banoj, unë jam drejtuar për te makina ime ‘Hyundai’ që ka qenë e parkuar në krah të pallatit.

Në ecje e sipër duke u afruar te makina, unë hapa në distancë bagazhin ku vendosa aty çantën e shpinës dhe atë të dorës.

Në këtë moment pranë meje u afrua një automjet fuoristradë ‘Range Defender’, ngjyrë e zezë, me fenelina policie, me targa shqiptare, ku më vonë kam pare që targat e këtij automjeti janë AC121 JJ.

Makinë që ndërsa po vinte drejt meje unë aty fiksova një person që më thirri në emër, Gerond Meçe.

Person i gjatë, rreth 173cm, me trup mesatar, me flokë të zeza, i veshur me uniformë ngjyrë blu me krah të gjata, si dhe jelek ngjyrë të verdhë me mbishkrimin BKH (Byroja Kombëtare e Hetimit) i cili më thotë: “Jemi SPAK-u, duhet të vish me ne, hyr në makinë”.

I gjendur në një situatë të panjohur për të dhe pa e çuar mendimin te e keqja që do t’i vinte më pas, Gerond Meçe rrëfeu se nuk bëri rezistencë.

Por pranoi t’i bindej urdhërit të personit që mbante të stampuar në trup, në veshjen e tij, logon e Byrosë Kombëtare të Hetimit. Duke besuar se në të vërtetë se personi që e thirri dhe personat që ishin me të në makinë ishin pjesë e strukturave të posaçme të hetimit.

Gjë që në fakt nuk rezultoi kështu. Dhe nuk vonoi shumë që ai ta mësonte se ai ishte marrë peng nga një bandë keqbërësish, që kishin për qëllim, ose ishin urdhëruar ta bindnin kundrejt kërbaçit që të hiqte dorë nga ankimimet apo tendera ku merrte pjesë në AKSHI.

“Në atë moment unë besova që është SPAK dhe u binda pa krijuar pakënaqësi apo rezistencë për shkak se isha në oborrin e pallatit tim.

Pasi u afrova te kjo makinë, nga dera mbrapa doli një person i dytë i cili më hapi vendin që unë të futesha brenda i cili edhe ky nuk ishte i maskuar në fytyrë, por i veshur me bluzë si ato të policisë.

Ajo që kujtoj është se pasi personi i parë me bluzën e BKH më thirri, unë shtypa butonin e bagazhit të makinës i cili automatikisht filloi të mbyllej.

Gjatë kësaj kohe, pasi u futa në makinën e personave që më ndaluan, aty në krahun tim të majtë u fut edhe një person i tretë, i cili edhe ky mbante veshje si të policisë, që jam në gjendje ta identifikoj lehtësisht, pasi ishte pa maskë.

Ndërkohë që dy personat që kanë qenë mbrapa me mua, kishin tatuazhe në pjesën e jashtme të dorës së djathtë, ndërsa personi i tretë kishte një tatuazh bardh e zi në të gjithë parakrahun.

Këtu në këtë moment shoferi i cili ishte me maskë, i folit njërit prej personave që të merrte dy çantat e mia në bagazhin e makinës sime.

Gjë të cilën ai e bëri dhe pasi i mori i futi në makinën ku ndodheshim ne.

Me t’u ngjitur në makinë, siç e kërkon çdo procedurë normale në të tilla, Gerond Meçe, tha se u kërkoi punonjësve të BKH-së dhe të policisë, shkresën me të cilën po e shoqëronin.

Ende pa e kuptuar se e gjithë kjo ishte një lojë për ta futur atë në kurth pa bërë zë dhe pa ngritur alarmin, në një orë dhe në një vend, që ndodhej vetëm pak hapa larg banesës së tij.

Por ende pa u nisur mirë ai rrëfeu se pa shkresë ndalimi apo shoqërimi, personat në makinë i vendosën prangat pa i dhënë shpjegime.

Pasi më futën brenda, unë i pyeta: ‘Keni ndonjë letër, nëse po, ju lutem ma jepni?’

Por ai që ishte në vendin e parë të pasagjerit, më tha që jam i arrestuar, dhe urdhëroi personin e dytë në të djathtën time që të më vendosë prangat.

Unë ndërkohë insistova përsëri që të më japin letrat, dhe se duhet të telefonoja në familje. Letra të cilat personi i ulur në vendin e parë të pasagjerit, më tha se do m’i jepnin në komisariat. Ndërkohë që makina filloi të lëvizë për të dalë nga oborri i pallatit”, mësohet të ketë thënë Gerond Meçe para hetuesve.

Sipas rrëfimit të mëtejshëm të dhënë nga Gerond Meçe në SPAK, këtu filloi edhe dyshimi i tij i parë se personat në makinë, nuk kishin lidhje me policinë dhe me BKH-në.

Edhe pse ai nuk ishte ende i bindur për këtë fakt.

Mënyra e sjelljes dhe mungesës së profesionalizmit nga ana e tyre, nisi të bluajë mendimin te ai se kishte të bënte me njerëz jo të lidhur me zbatimin e ligjit.

Kjo edhe nga mënyra se si njëri prej tyre nuk dinte as të vendoste prangat.

“Fakti që personi i dytë nuk dinte të më vendoste prangat, dhe ndërhyri personi tjetër në krahun tim, më bëri të dyshoj që ndryshe nga sa u prezantuan këta nuk ishin punonjës të ligjit.

Gjatë këtij momenti unë u thashë: ‘O çuna unë nuk jam kriminel’.

Ndërsa personi i dytë m’u hakërrye duke më thënë: ‘Ça the ti, ça the, kush është kriminel?!!’

Pikërisht në këtë moment shoferi u tha të më vinin kapuçin në kokë”, thuhet në dosjen hetimore.

Është pikërisht ky momenti kur Gerond Meçe thotë se tashmë kuptoi se kishte të bënte me një bandë keqbërësish.

Por pa ditur ende qëllimin e tyre.

Ndërkohë që ai nuk kishte asnjë mundësi të kërkonte ndihmë. As kur nga dritarja pa babain e tij të kalonte pranë makinës që e kishte rrëmbyer.

Një skenë e dhimbshme, e cila do të prekte çdo kënd që do ta dëgjonte. “Kur po dilnim nga parkingu i oborrit unë pashë babain tim dhe në atë moment personat që ishin në krahët e mi në makinë më vendosën një kapuç të zi në kokë. Aty kuptova që këta personat nuk janë nga SPAK-u. Por ndërkohë që makina ndaloi në semafor, dhe unë mendova se do të ecte drejt, automjeti devijoi dhe unë aty i pyeta personat në makinë se në cilin komisariat do më çonin. Përgjigje që e mora nga personi i parë i cili më tha: “Në komisariatin më të afërt”, thotë Meçe.

Nga sa ai kuptoi më tej komisariati më i afërt ishte jashtë Tiranës.Edhe pse fillimisht nuk e dinte se ku. Duke u lutur që e gjitha kjo histori të mos kishte një fund të keq.

Një fund që më herët e kishin pasur edhe shumë të tjerë, sot të zhdukur pa gjurmë.

37 persona janë bllokuar në këtë ‘cikël tragjik’, si pasojë e këmbënguljes së Donald Trump për të rikthyer dhe forcuar dënimin me vdekje në nivel federal.

Paraardhësi i tij, Joe Biden, kishte synuar ta ndalte këtë praktikë, duke ua kthyer dënimet me vdekje në burgim të përjetshëm autorëve të vrasjeve. Por me rikthimin e Trump në Shtëpinë e Bardhë, këta të dënuar rrezikojnë sërish të përfundojnë në radhën e ekzekutimit. Vendimi shihet pjesërisht si përpjekje për të përmbysur politikat e Biden në çdo fushë, por mbi të gjitha si strategji për të forcuar imazhin e Trump si udhëheqës i “ligjit dhe rendit”, veçanërisht në rastet që përfshijnë pakicat.

Në Shtetet e Bashkuara, dënimi me vdekje vazhdon të zbatohet si në nivel federal, ashtu edhe në nivel shtetëror. Sipas të dhënave të Death Penalty Information Center, gjatë vitit 2025 janë dhënë vetëm 22 dënime të reja me vdekje, një shifër që përputhet me nivelin më të ulët historik, ndërsa numri i ekzekutimeve ka arritur në 47, kryesisht për shkak të një rritjeje të ndjeshme në Florida.

Shumica e të dënuarve dhe e ekzekutimeve ndodhen në 50 shtetet e Unionit, ku tendenca është në rënie. Edhe mbështetja publike po zbehet: sipas sondazheve të Gallup, vetëm 52% e amerikanëve e mbështesin dënimin me vdekje, përqindja më e ulët në gjysmë shekulli.

Në këtë kontekst, Biden kishte vendosur të jepte shembull në nivel federal, duke ua kthyer dënimet 37 të dënuarve nga ekzekutim në burgim të përjetshëm pa mundësi lirimi. Ai nuk i fali, por i hoqi nga rreshti i vdekjes, duke e konsideruar dënimin kapital si një metodë të vjetruar dhe çnjerëzore ndëshkimi.

Ky qëndrim ishte në linjë edhe me zhvillimet brenda Kishës Katolike, e cila tashmë kundërshton ekzekutimet, si për të mbrojtur jetën njerëzore në çdo rrethanë, ashtu edhe sepse ekzistojnë forma të tjera ndëshkimi të sigurta dhe efektive.

Trump, megjithatë, e kundërshton hapur këtë qasje, si në plan personal ashtu edhe politik. Ai e paraqet veten si president i ligjit dhe rendit, një koncept që, sipas tij, përfshin edhe logjikën e “sy për sy, dhëmb për dhëmb”.

Për këtë arsye, ai ka vendosur të sfidojë vendimet e Biden. Edhe pse nuk mund t’i rikthejë drejtpërdrejt dënimet me vdekje dhe as t’i riprocesojë të dënuarit në nivel federal, për shkak të parimit kushtetues të “double jeopardy” (ndalimi i gjykimit ose ndëshkimit dy herë për të njëjtin krim), ekziston një përjashtim ligjor.

Ky përjashtim lejon që një person i gjykuar në nivel federal të ndiqet penalisht edhe në nivel shtetëror për të njëjtën vepër. Më 20 janar, ditën e parë të mandatit të dytë, Trump firmosi një dekret që inkurajon shtetet të nisin procedura të reja gjyqësore ndaj 37 të dënuarve, të cilëve Biden u kishte kthyer dënimin në burgim të përjetshëm. Në të paktën katër raste, kjo strategji tashmë është vënë në zbatim.

Një prej tyre është rasti i Brandon Council, i dënuar për vrasjen e Donna Major dhe një kolegu të saj gjatë një grabitjeje banke në Conway, Karolina e Jugut, në vitin 2017. Sipas The New York Times, prokurorët shtetërorë kanë ngritur akuza të reja për ta sjellë sërish para gjykatës dhe për të kërkuar dënimin me vdekje.

Situatë e ngjashme edhe për Daniel Troya dhe Ricard Sanchez, të dënuar për vrasjen e një familjeje në Florida në vitin 2006. Edhe pse dënimet e tyre ishin kthyer në burgim të përjetshëm, ata tani presin një proces të ri në qarkun St. Lucie. Shumë shtete, veçanërisht në jug të vendit, po shqyrtojnë ose po ndërmarrin iniciativa të ngjashme.

Trump beson se kjo linjë politike gëzon mbështetje popullore, por treguesit sugjerojnë se terreni po ngushtohet. Brezat më të rinj e kundërshtojnë gjithnjë e më shumë dënimin me vdekje, dhe në një të ardhme të afërt, mbështetja për këtë praktikë mund të bjerë edhe nën pragun e 50% të opinionit publik amerikan.

Presidenti ukrainas, Volodymyr Zelensky ka njoftuar se Ukraina dhe Shtetet e Bashkuara kanë përgatitur disa draft-dokumente kyçe që synojnë një përfundim të qëndrueshëm të luftës me Rusinë.

Draftet përfshijnë çështje të garancive të sigurisë, rindërtimit të Ukrainës dhe kornizën e negociatave për paqen, shkruan kyiv post.

Zelensky tha se megjithëse ka një përparim të rëndësishëm, ende ekzistojnë dallime midis asaj që është shkruar dhe realitetit në terren.

Sekretari i Këshillit të Sigurisë Kombëtare dhe Mbrojtjes, Rustem Umerov, dhe shefi i Shtabit të Përgjithshëm, Andrij Hnatov, raportuan tek presidenti pas takimeve me përfaqësues të SHBA-së se punimi ka përfunduar dhe draftet janë gati.

“Draftet janë të strukturuara për të siguruar një fund të vërtetë të luftës dhe për të parandaluar një pushtim të ri rus”, tha ai.

Lideri ukrainas shtoi se procesi diplomatik dhe diskutimet ndërkombëtare do të vazhdojnë për të arritur një zgjidhje të qëndrueshme.

Ish-kreu i Burgjeve, Agim Ismaili ka dalë nga ambientet e SPAK pas rreth dy orësh. Ismailit i është komunikuar përfundimi i hetimit dhe marrja e tij si i pandehur.

Ai akuzohet për “përgjimi i paligjshëm i të dhënave kompjuterike”, “grupi i strukturuar kriminal” dhe “kryerja e veprave penale nga organizata kriminale dhe grupi i strukturuar kriminal”, të dyshuara si të kryera në tentativën për hakërimin e sistemit elektronik të SPAK.

Bashkë me të janë marrë të pandehur edhe Zambak Gjoni dhe Arnold Rrokaj. Hetimet nisën pas dyshimeve për tentativën e hakerimit të SPAK disa muaj më parë.

Aktivistja suedeze Greta Thunberg u arrestua sot në Londër nga policia britanike, teksa merrte pjesë në një protestë pro-palestineze në qendër të kryeqytetit. Arrestimi u konfirmua nga Policia e Qytetit të Londrës, sipas të cilës 22-vjeçarja u ndalua për shfaqjen e një pankarte në mbështetje të organizatës së ndaluar Palestine Action, në shkelje të Seksionit 13 të Aktit të Terrorizmit të vitit 2000.

Protesta u organizua në solidaritet me tetë anëtarë të Palestine Action, të cilët ndodhen në paraburgim dhe janë në grevë urie prej më shumë se 50 ditësh, në shenjë proteste kundër gjyqit dhe kushteve të burgimit. Demonstrata u zhvillua përpara zyrave të kompanisë Aspen Insurance, e cila sipas organizatorëve ofron shërbime për Elbit Systems, një firmë izraelite e mbrojtjes.

Në një video të shpërndarë nga organizatorët, Thunberg shihet duke mbajtur një pankartë ku shkruhej: “Unë mbështes të burgosurit e Palestine Action. Unë kundërshtoj gjenocidin”. Ajo akuzoi qeverinë laburiste të kryeministrit Keir Starmer për trajtim çnjerëzor dhe burokratik të të paraburgosurve.

Goditja ndaj Palestine Action është kritikuar gjerësisht nga politikanë, Amnesty International dhe organizata ndërkombëtare. Sipas familjarëve, disa nga grevistët e urisë janë shtruar në spital dhe ndodhen në rrezik për jetën.

Presidenti francez Emmanuel Macron vizitoi bazën ushtarake Al Dhafra në Emiratet e Bashkuara Arabe, ku janë të stacionuar ushtarë francezë, siç ka bërë çdo vit që nga viti 2017, ndërsa afrohet sezoni i festave të Krishtlindjeve.

Macron bëri edhe ushtrime me ushtarët dhe vrapoi me ta përpara se të gjithë të shijonin një vakt të përgatitur nga shefi i kuzhinës së Elizesë.

Siç thuhet në deklaratën e presidencës franceze, forcat franceze në Emiratet e Bashkuara Arabe kontribuojnë në mbikëqyrjen e zonave strategjike, mbështetjen e operacioneve kundër terrorizmit dhe stabilizimin rajonal. Ato demonstrojnë dëshirën e Francës për të ruajtur kapacitetin autonom për të vlerësuar dhe vepruar në një mjedis ndërkombëtar të paqëndrueshëm.

Kreu i PD-së, Sali Berisha tha se ky libër është quajtur “Farsa e madhe e majmur e zgjedhjeve në Shqipëri”.

Libri është realizuar sipas Berishës falë një punë të jashtëzakonshme të strukturave të Partisë Demokratike.

“Jemi këtu para jush, para shqiptarëve publikimin e PD, të cilin kësaj herë kemi preferuar ta quajmë “Farsa e madhe e majmur e zgjedhjeve në Shqipëri”.

Ky dokument i hartuar mbi 1500 faqe dhe mbi 2000 e ca prova, dokumente, video, fotografi. Një punë e jashtëzakonshme e strukturave të PD, të cilat kanë mbrojtur votën duke identifikuar cdo shkelje ligjore, cdo dhunim të votës, cdo ndërhyrje e krimit etj”, tha Berisha.

Pjese nga fjala e Berishes

Sot, ne jemi këtu para jush, për të paraqitur para shqiptarëve publikimin e PD-së, të cilin kësaj here kemi preferuar ta quajmë ‘Farsa e madhe e majmur e zgjedhjeve në Shqipëri’.

Ky dokument i pashembullt në historinë e një farse elektorale në Europë dhe në botë, i hartuar me mbi 1500 faqe, dhe mbi 2 mijë e sa prova, dokumente, video, fotografi, të gjitha.

Një punë e jashtëzakonshme në radhë e strukturave të PD, të cilat kanë mbrojtur votën duke identifikuar çdo shkelje ligjore, çdo dhunim të votës, çdo ndërhyrje të krimit dhe me radhë.

Një punë e jashtëzakonshme nga ekipi që keni këtu para, që ka ndjekur, ka shqyrtuar, ka analizuar të gjitha këto dokumente dhe që janë dërguar online në qendrat ndërkombëtare të raporteve për zgjedhjet në Shqipëri, sapo paraqiteshin këtu.

Një punë të jashtëzakonshme në mënyrë të veçantë nga zonja Albana Vokshi, e cila në fakt del sot me këtë libër 1500 faqesh, e kaluar në çdo paragraf, në çdo rresht, në çdo dokument në duart e saj.

Kjo përpjekje përmbushi detyrimin dhe objektivin.

Edi Rama në mënyrë të pacipë kërcënoi vëzhguesit, na faktoni pak ku janë ato që keni shkruar.

Vëzhguesit e përgjegjshëm dhe të guximshëm nuk u tërhoqën.

Por ne u përpoqëm të japim modestisht kontributin tonë duke u dërguar atyre mijëra dokumente autentike, video, fotografi, procesverbale, në mënyrë që raporti i tyre të ishte raporti që damkosi në zgjedhjet përfundimtare.

Natyrisht ata kishin edhe të vetat, pa diskutim, të shumta, shumë të rëndësishme, por edhe ky raport, këto 1500 faqe që janë dërguar sapo shqyrtoheshin, kanë pasur vlerën e vet.

Raportin e keni online.

Cilido nga mediat e ka online.

Në konferencën për shtyp këtë të martë, Sali Berisha u shpreh se Ervin Salianji ka kaluar linjat e kuqe dhe është vetëpërjashtuar.

“Akoma mendja tek Salianji. Po ne këtu jemi për enciklopedinë e krimit që nuk është paraqitur kurrë. Po çfarë lidhje ka Salianji me këtë. Po Salianji ishte i burgosur politik kur u zhvilluan zgjedhjet. Çfarë do të thotë kjo?

Sot është një njeri që ka kaluar linjat e kuqe. E kam thënë kur i ka kaluar linjat e kuqe. Kemi ca linja të kuqe. Jo, nuk ka një vendim, ka vetpërjashtuar veten. Sa herë të pyesni, këtë përgjigje do merrni. Po i kalove linjat e kuqe, i kalon”, tha Berisha.

Federata e Futbollit po përgatitet të realizojë një nga investimet më të rëndësishme infrastrukturore në Shqipëri, me ndërtimin e një hoteli modern pranë kompleksit “Shtëpia e Futbollit”. Ky projekt do të shërbejë për akomodimin e të gjitha ekipeve kombëtare gjatë grumbullimeve, duke nisur nga Kombëtarja A e djemve dhe vajzave, e deri te ekipet e moshave.

Hoteli do të ketë 5 kate mbi tokë dhe 2 kate nëntokë, ndërsa në përbërjen e tij do të përfshihen ambiente funksionale si restorante, salla konferencash dhe gjithsej 87 dhoma. Kapaciteti i tij do të mundësojë akomodimin e deri në katër ekipeve kombëtare njëkohësisht, veçanërisht në raste turnesh.

Po ashtu, hoteli do të përfshijë një kat të dedikuar parkimi, ambiente magazinimi, si edhe facilitete të tjera si pishina apo palestra.

Punimet pritet të nisin menjëherë pas miratimit të lejes së ndërtimit. Federata e Futbollit ka aplikuar tashmë për lejen përkatëse dhe aktualisht ndodhet në proces pritjeje.

Ky investim dëshmon edhe një herë përkushtimin e Federatës së Futbollit për krijimin e kushteve sa më optimale për ekipet kombëtare, si dhe për zhvillimin e mëtejshëm të kompleksit “Shtëpia e Futbollit”, duke e afruar atë me standardet e komplekseve më moderne të futbollit në Europë dhe në botë.

Seks, gënjeshtra dhe marrëdhënie me njerëz të fuqishëm. Ndërsa Amerika përqendrohet te përmbajtja e “dosjeve Epstein” të reja të publikuara pak ditë më parë, një hetim i New York Times rindërton më në fund origjinën e pasurisë së miliarderit pedofil, deri tani të mbuluar me mister. Për vite me radhë kanë qarkulluar teori konspirative, përfshirë edhe atë që e përshkruante si ish-agjent të shërbimeve sekrete në krye të operacioneve të sofistikuara shantazhi. E vërteta, megjithatë, është shumë më prozaike: mashtrues dhe gënjeshtar, Epstein arriti të hapte rrugën e tij duke vepruar si Anna Sorokin, e cila për vite jetoi në kurriz të shoqërisë së pasur të Manhatanit duke u shtirur si trashëgimtare e pasur.

I etur për para dhe pushtet, ai mashtroi edhe ata që i besuan, duke i bindur të gjithë se ishte “një prej tyre”. Në fakt, kishte lindur në një familje hebreje modeste (babai kopshtar, nëna pastruese) dhe ishte rritur në Coney Island, periferia e largët e Nju Jorkut buzë oqeanit, e famshme për lodrat dhe si skenë e “Luftëtarëve të Natës”.

Rasti i tij vjen në vitin 1976. Jeffrey është 23 vjeç dhe siguron jetesën duke dhënë mësim matematikë dhe fizikë në një shkollë private prestigjioze në Manhattan, Dalton, ndonëse pa diplomë universitare. Aty bie në sy për veshjet e bujshme à la Tony Manero dhe afrimitetin me nxënëset në korridore. Mjafton kjo që drejtuesit e shkollës ta pushojnë nga puna. Por nxënësit e pëlqejnë: po ashtu edhe etërit e tyre. Njëri prej tyre, i bindur se është një gjeni i matematikës, i ndryshon jetën. E takon rastësisht dhe e pyet nëse do të donte të punonte në Wall Street. Epstein pranon dhe prezantohet me mikun e tij: Ace Greenberg, drejtues i lartë i Bear Stearns. Ky magjepset menjëherë nga i riu i varfër, agresiv dhe ambicioz dhe i ofron një vend pune me 25 mijë dollarë në vit (rreth 140 mijë sot), duke ia hedhur në krahë edhe vajzën e tij 20-vjeçare, Lynne. Nuk ka rëndësi që zyra e personelit zbulon shpejt se dy diplomat e pretenduara janë të sajuara. Kur Epstein pranon me sinqeritet: “Nuk do të kisha pasur shanse po të thosha të vërtetën”, ai falet.

Në vitin 1980 Jeffrey është tashmë ortak i ri, fiton 200 mijë dollarë në vit dhe revista Cosmopolitan e vendos në kopertinë si “beqari i muajit”. Historia me Lynne Greenberg ka mbaruar (“gënjen për gjithçka”, ankohet ajo), por ndërkohë ai ka krijuar miqësi me një tjetër drejtues të Bear Stearns, Jimmy Cayne, i cili e prezanton me klientë të pasur, duke marrë në këmbim gra dhe droga. Kur kompania e akuzon se ka shpenzuar në mënyrë të papërshtatshme 10 mijë dollarë për bizhuteri e veshje dhe ka marrë edhe 15 mijë të tjerë për t’ia dhënë hua një ish-miku, Epstein thotë se është “i fyer” nga hetimi i brendshëm dhe nga gjoba prej vetëm 2 500 dollarësh e vendosur falë ndërmjetësimit të Greenbergut, tashmë CEO, dhe jep dorëheqjen. Por vazhdon të shpenzojë shuma të mëdha, deri në lëshimin e shumë çeqeve pa mbulim, të cilat askush nuk i kundërshton.

Duke u shtirur ende si punonjës i Bear Stearns, frekuenton gra të bukura dhe të pasura si socialiten spanjolle Ana Obregón dhe ish-Miss Suedia Eva Andersson. Këto “kredenciale” e çojnë, në vitin 1982, te mashtrimi i tij i parë i madh: i zhvat Michael Stroll-it, CEO i një kompanie fliperash dhe videolojërash, 450 mijë dollarë duke i premtuar një investim në naftë bruto. Sipërmarrësi nuk i merr kurrë më paratë dhe, edhe kur çështja përfundon në gjykatë, Epstein ia hedh pa pasoja. Një gjykatës vendos se ai nuk është personalisht përgjegjës dhe e shpall të pafajshëm.

Ato para bëhen trampolina e tij. Kthehet të bëjë operacione me Bear Stearns me ndihmën e Patricia Schmidt, asistente e shefit me të cilën ka një lidhje dhe që i kalon informacione konfidenciale. Ndërkohë është konsulent i Steven Hoffenbergut, kreu i Towers Financial, një kompani për mbledhjen e borxheve. Së bashku tentojnë madje të blejnë ikoniken Pan American, duke u financuar përmes një skeme të ndërlikuar Ponzi. Por ndërsa miku i tij akuzohet se u ka marrë investitorëve 500 milionë dollarë, Epstein shpëton (pas vetëvrasjes së Hoffenbergut në vitin 2019, ish-ortaku pranon përfshirjen e tij). Ndërkohë ai vazhdon të mashtrojë si në rastin e Stroll-it: tërheq investitorë dhe nuk ua kthen paratë. Në vitin 1990 ka grumbulluar tashmë 15 milionë dollarë. Pikërisht atëherë, gjatë një udhëtimi në Florida, takon Les Wexner-in, CEO të Victoria’s Secret: merr “kartë të bardhë” mbi financat dhe modelet e tij. Pjesa tjetër është histori.

Rriten sërish tensionet mes Shteteve të Bashkuara dhe Danimarkës pasi, gati një vit pas kërcënimeve të para për aneksimin e Groenlandës, Donald Trump ka emëruar një të dërguar special për ishullin më të madh në botë. Bëhet fjalë për guvernatorin e Luizianës, Jeff Landry, veteran i ushtrisë dhe ish-polici, i cili ka qenë anëtar i Kongresit dhe prokuror i përgjithshëm i shtetit deri në vitin 2023.

Në të kaluarën, Landry ka shprehur mbështetjen e tij për idenë që territori i Danimarkës të bëhet pjesë e Shteteve të Bashkuara. “Presidenti Donald Trump ka absolutisht të drejtë! Duhet të sigurohemi që Groenlanda t’i bashkohet Shteteve të Bashkuara. Shumë mirë për ta, shumë mirë për ne! Ta bëjmë!”, kishte shkruar ai disa kohë më parë në X. Dhe menjëherë pas emërimit, në një postim tjetër, falënderoi manjatin duke e quajtur “një nder të të shërbej për ta bërë Groenlandën pjesë të SHBA-së”.

Reagimi i Kopenhagenit ishte i menjëhershëm dhe i ashpër: Danimarka thirri menjëherë ambasadorin amerikan dhe paralajmëroi Uashingtonin të respektojë integritetin e saj territorial. “Emërimi konfirmon se interesi amerikan për Groenlandën është ende i gjallë. Megjithatë, ne jemi të bindur fort se të gjithë, përfshirë Shtetet e Bashkuara, duhet të respektojnë integritetin territorial të Mbretërisë”, deklaroi ministri i Jashtëm Lars Løkke Rasmussen. “Kjo është absolutisht e papranueshme. Për këtë arsye, në marrëveshje me kolegët tanë groenlandezë, kam vendosur të thërras ambasadorin amerikan për një bisedë,” shtoi ai. “Qëndrimi ynë është se kemi një ambasador pranë Mbretërisë së Danimarkës dhe ai është personi me të cilin mbajmë marrëdhënie”, theksoi ministri, duke nënvizuar se “kur Trump vendos papritur të emërojë një të dërguar special, kjo është diçka që më shqetëson thellësisht”. Që nga rikthimi i tij në Shtëpinë e Bardhë, por edhe gjatë mandatit të parë kur në vitin 2020 rihapi konsullatën në Nuuk të mbyllur që nga viti 1953, Trump ka shfaqur vazhdimisht interes për ishullin.

Shtetet e Bashkuara kanë një bazë në Groenlandë që nga Lufta e Dytë Botërore, pasi pushtuan territorin për të ngritur poste ushtarake dhe stacione radio pas pushtimit të Danimarkës nga nazistët gjatë konfliktit. Zëvendëspresidenti JD Vance vizitoi bazën në mars, duke i ftuar banorët e Groenlandës të “lidhin një marrëveshje me Shtetet e Bashkuara”.

Në këtë mosmarrëveshje ka ndërhyrë edhe Bashkimi Evropian. Presidentja e Komisionit Evropian, Ursula von der Leyen, shprehu solidaritet me Danimarkën, ndërsa presidenti i Këshillit Evropian, António Costa, paralajmëroi: “Siguria e Arktikut mbetet një prioritet themelor për BE-në, brenda të cilit synojmë të bashkëpunojmë me aleatët dhe partnerët”. “Integriteti territorial dhe sovraniteti”, shtoi ai, “janë parime themelore të së drejtës ndërkombëtare. Ato janë thelbësore jo vetëm për BE-në, por për kombet në mbarë botën. Ne jemi plotësisht solidarë me Danimarkën dhe popullin e Groenlandës.”

Kërkesa e Partisë Demokratike për të mbledhur këtë të martë Këshillin e Imunitetit e për t’i hapur rrugë votimit në Kuvend të autorizimit SPAK-ut për arrestimin e zv.kryeministres Belinda Balluku ra në vesh të shurdhët.

Socialistët e injoruan këtë shkresë, dhe vijuan me qëndrimin e kryeministrit Edi Rama, se në Kuvend nuk do të bëjnë asnjë hap derisa Gjykata Kushtetuese të thotë fjalën e fundit për pezullimin e numrit 2 të qeverisë.

Megjithë injorimin e mazhorancës, demokratët u mblodhën në mënyrë simbolike në Këshillin e Mandateve. 5 anëtarët demokratë zunë karriget e tyre dhe i akuzuan socialistët se po tentojnë të pengojnë drejtësinë për arrestimin e Ballukut.

“Njësoj si kriminelët që i fshihen drejtësisë edhe kolegët e mazhorancës janë të fshehur. Kolegët e mazhorancës nuk janë paraqitur në një mbledhje të vlefshme. Pengimi i drejtësisë me urdhër politik të Edi Ramës është akti më i rëndë që ka kryer Kuvend gjatë këtyre viteve demokraci.

Nuk mundet që një kryeministër të urdhërojë deputetët të mbledhë Këshillin e Mandateve. Unë për herë të parë dua tju lexoj pjesë nga kërkesa që SPAK ka sjellë në Kuvend dhe e bëjnë të ngutshme mbledhjen. Balluku ka interes për të zvarritur çështjen. Pse pesë anëtarë të Këshillit bëhen zëdhënës të një të pandehuri për veprime korruptive që kapin vlerën e 1.1 mld eurove”, tha Bardhi.

Bardhi thotë se procesi që mbahet paralelisht në Gjykatën Kushtetuese kundër masës së parë të SPAK ndaj numrit 2 të qeverisë, ajo për pezullimin si ministre dhe zv.kryeministre është çështje tjetër që nuk ka lidhje me kërkesën e SPAK-ut për arrestimin e Ballukut, pasi këtë herë pozitat e saj janë rënduar.

SPAK ka argumentuar se “në vijim të hetimeve nga përdorimi i metodave speciale kanë rezultuar të dhëna se nga ana e Ballukut ka ushtruar presion në forma të ndryshme ndaj personit të pyetur, konkretisht një vartësja të saj. Jemi në kushtet e zëvendësimit të masës së sigurimit për Belinda Ballukun. Vlerësojmë se pas caktimit të masës së sigurimit, nevojat e sigurimit janë rënduar ndaj të pandehurës Belinda Balluku.

Pasi po kryhen hetime penale për procedura të tjera. Gjendja e lirë e të pandehurës paraqit rrezik të vërtetë. Ekziston mundësia që ajo të asgjesojë ose të prishë provat. E pandehura Belinda Balluku ka bërë përpjekje për të ndikuar tek dëshmitarët. Largimi i të pandehurës është evident”, tha Bardhi.

PD do ta bëjë edhe një përpjekje të radhës për ta mbledhur të premten Këshillin për Imunitetin, edhe pse kjo përpjekje pritet sërish të dështojë.

Nga Aurenc Bebja

Gazeta norvegjeze “Morgenavisen” ka botuar, të shtunën e 8 gushtit 1931, në faqen n°10, rrëfimin e piktorit hungarez Márton Hosszú rreth vizitës së tij gjashtë javore asokohe në oborrin mbretëror të Shqipërisë.

Në oborrin e Mbretit të Shqipërisë.

Mbreti Zog është një mik i vërtetë i popullit të tij — Një mbretëri po modernizohet.

Një piktor i famshëm hungarez, Márton Hosszú, ka qenë mysafir i mbretit shqiptar për gjashtë javë në pallatin e Tiranës.

Mbreti Zog e ftoi Hosszún-ë, i cili ishte në një udhëtim studimor në Romë, të qëndronte në pallatin e tij sepse dëshironte që t’i pikturojë portretin e tij.

Hosszú është kthyer tashmë në shtëpi në Budapest dhe ka shkruajtur në një gazetë vjeneze rreth vizitës së tij në Shqipëri :

“Udhëtimi nga Roma në Tiranë zgjati pesë ditë. Isha i përgatitur të njihesha me një bej, kultura e të cilit ishte në rënie. Aq më e madhe ishte habija ime kur zbulova se Tirana është një qytet plotësisht modern.

Lagje të tëra që më parë e kishin shpërfytyruar qytetin tani u shembën dhe në vend të ndërtesave të vjetra u ngritën ndërtesa banimi të bukura dhe moderne. Është pothuajse e pabesueshme se si është zhvilluar Tirana në dy vitet e fundit. Kudo që të shikosh, syri të has në bulevarde të reja, rrugë të gjera e të pastra. Dhe shumica e shtëpive të një qyteti të madh do ta kishin zili Tiranën e vogël.

Rindërtimi ende nuk ka përfunduar. Jo vetëm në Tiranë, por në të gjitha qytetet e vendit mbizotëron një ethe e vërtetë ndërtimi.

Rrugët kombëtare po shtrohen me makadam. Kudo sheh stacione elektrike të ndërtuara rishtazi, të cilat furnizojnë të gjithë vendin me energji elektrike. I gjithë sistemi telegrafik dhe telefonik po modernizohet.

Mjetet e transportit janë të përshtatshme dhe në përputhje me kërkesat moderne. Ky vend është mjaft i ri për të huajt. Kishte ende pak turistë. Rrjeti hekurudhor është zgjeruar ndjeshëm, janë hapur miniera të reja dhe së fundmi është zbuluar një burim, uji i të cilit thuhet se ka të njëjtat veti si uji i Karlovy Vary-t.

Gjatë gjashtë javëve që qëndrova në Shqipëri, u përuruan një spital i ri dhe tre shkolla. Mbreti Zog I ishte një sundimtar i vendosur dhe energjik, e gjithë jeta e të cilit ishte e orientuar drejt qëllimit për ta bërë Shqipërinë një shtet modern kulturor.

Mbreti, i cili është 37 vjeç, gëzon simpati të sinqertë në të gjitha rrethet. Të gjithë dinë ta vlerësojnë atë.

Ai është një njeri i arsimuar. Ai nuk është vetëm një sundimtar në kuptimin më fisnik të fjalës, por edhe një mik i vërtetë i popullit të tij.

Kur mbërrita në Tiranë, u takova me ministrin e oborrit Ekrem Bej Libohovën, i cili më priti me një mirësjellje të jashtëzakonshme dhe më shoqëroi deri në pallatin mbretëror.

Pallati është një ndërtesë njëkatëshe me dritare të larta, të gjera dhe të harkuara. Nga jashtë, nuk të jep përshtypjen e një rezidence mbretërore. Pallati është dekoruar në mënyrë madhështore. Mobilje të çmuara antike janë të ndërthurura me orendi moderne.

Madhëria e Tij më doli menjëherë përpara. Mbreti lë një përshtypje shumë dinjitoze dhe fisnike. Lëvizjet e tij të qeta e të matura, i gjithë paraqitja e tij e jashtme, nuk mund të mos lënë një përshtypje të fortë tek ai që qëndron përballë tij.

Mbreti Zog është një burrë i pashëm dhe interesant. Fytyra e tij rrezaton inteligjencë të lartë. Njëkohësisht tiparet e tij janë të mbushura me energji.

Ai flet rrjedhshëm gjermanisht, anglisht, frëngjisht dhe italisht. Biseda e tij është rrezatuese.

Pothuajse çdo ditë mbreti pozonte për mua, shpesh për orë të tëra, por ai kurrë nuk e humbi durimin.

Ndërsa pikturoja, bisedonim për probleme nga më të ndryshmet. Është karakteristike për shijen e mirë të këtij sundimtari që ai nuk dëshironte të pikturohej me uniformë ushtarake dhe me dekorata.

Madhëria e Tij fliste me dashuri për temat artistike. Ai më tregoi se kishte njohuri të thella për thesaret artistike të shumicës së muzeve evropiane.

Portreti im i mbretit fitoi miratimin e tij të plotë dhe ai më dha detyrën të pikturoja edhe nënën e tij.

Nëna Mbretëreshë jeton në një shtëpi, shumë të zakonshme dhe të mobiluar thjesht, me pesë vajzat e saj dhe nipin e saj shtatëvjeçar.

Motrat e mbretit janë janë bukuri tipike me prejardhje të pastër shqiptare, të cilat kanë marrë një arsim të plotë.

Shqiptarët janë gjithashtu një popull i mrekullueshëm, mikpritës dhe gjithmonë të gatshëm për të ndihmuar.

Qëndrimi im në Tiranë nuk do të më dalë kurrë nga kujtesa.”

https://www.darsiani.com/la-gazette/morgenavisen-1931-rrefimi-i-piktorit-hungarez-marton-hosszu-gjashte-jave-ne-oborrin-mbreteror-te-shqiperise-per-te-realizuar-portretin-e-mbretit-zog-i/

Është rekordi i parë që nga çmimi më i lartë deri tani i shënuar në tetor, kur kursi kapi shifrën pak mbi 4.380 dollarë për onse (31,1 gram): Ari sot mbërriti çmimin 4.420 dollarë. Kësisoj ky metal i çmuar pak para fundit të vitit shënon një plus vjetor prej gati 70 përqind. Eshtë një nga klasat më të fuqishme të depozitave të vitit dhe rritja më e madhe e çmimit që nga vitit 1979. Kjo rritje konsiderohet se ka të bëjë kryesisht me pasiguritë gjeopolitike dhe ekonomike si dhe me luftrat dhe doganat. Shumë depozitues në kohë të tilla preferojnë të ashtuquajturit porte të sigurta si ar dhe argjend. “Ari prej shekujsh ka një stabilitet të madh tek fuqia blerëse – pavarësisht sistemeve politike, apo krizave monetare dhe ekonomike”, shpjegon York Tetzlaff, shef i shoqatës së degës se shoqatave profesionale të metaleve të çmuara, me seli në Pforzheim.

Bankat qendrore blerësit kryesorë të arit
Në rritjen e kursit të arit ka ndikuar edhe zhvillimi i normave reale të interesit si dhe dobësimi i dollarit. Gjithashtu kërkesa e bankave të rezervave ka të bëjë me shtimin e rezervave të tyre të arit gjatë këtij viti. Sipas Bankës Qendrore Europiane (BQE) bankat qendrore kombëtare më 2024 mbulonin mbi 20 përqind të kërkesës globale për ar.

Doganat faktori vendimtar
Kërkesa e bankave qendrore për ar, sipas ekspertëve do të mbetet konstante e sigurt në sfondin e pasigurisë gjeopolitike dhe të politikave tregtare si ajo e doganave World Gold Council në një raport për perspeoktivën vëren, se nëse ngadalësohet rritja ekonomike ose ka një rënie të fuqishme, janë të mundura fitime të moderuara ose të mëdha. “Në të kundërt nëse një sukses i politikës që po ndjek administrata e presidentit të SHBA-së Donald Trump do të përshpejtonte rritjen ekonomike duke ulur reziqet gjeopolitike, kjo do të çonte në rritje e intereave dhe fuorcimin e dollarit që do të ndikonte në uljen e çmimit të arit.”/DW

Tre persona janë arrestuar në flagrancë nga Policia e Vlorës pasi ushtruan dhunë fizike ndaj Drejtorit të IMT-së në Bashkinë Vlorë dhe më pas edhe ndaj punonjësve të Policisë, gjatë një aksioni për lirimin e hapësirave publike.

Sipas njoftimit zyrtar, të arrestuarit janë Irfan Dalipaj (58 vjeç), Drisild Dalipaj (27 vjeç) dhe Ilfabio Dalipaj (23 vjeç), banues në Vlorë. Ngjarja ka ndodhur më 22 dhjetor 2025, në zonën e rrethrrotullimit të Nartës, ku ata ushtronin aktivitet të shitjes së automjeteve dhe lavazhos.

Gjatë kontrolleve të strukturave të Bashkisë Vlorë, tre shtetasit kanë sulmuar fizikisht drejtorin e IMT-së, D. K., 33 vjeç. Pas ndërhyrjes së Policisë Rrugore për të ndaluar veprimet e paligjshme, dhuna është përshkallëzuar edhe ndaj efektivëve të Policisë, të cilët kanë pësuar dëmtime trupore.

Në përpjekje për të neutralizuar situatën, një prej punonjësve të Policisë ka qëlluar një herë në ajër me armën e shërbimit, për të zbrapsur autorët, pa shkaktuar pasoja. Dy punonjës policie ndodhen aktualisht të shtruar në spital, jashtë rrezikut për jetën.

Sipas dokumenteve të fluturimeve, presidenti amerikan Donald Trump ka udhëtuar “të paktën tetë herë” me avionin privat të Jeffrey Epstein midis viteve 1993 dhe 1996.

Informacioni vjen nga një email i datës 8 janar 2020, i shkruar nga një ndihmës prokuror federal i Distriktit Jugor të Nju Jorkut.

Në email thuhet se Trump ishte pasagjer në disa fluturime më shumë nga sa ishte raportuar më parë. Në të paktën katër prej tyre, në avion ndodhej edhe Ghislaine Maxwell.

Sipas dokumenteve, në një fluturim të vitit 1993, të vetmit pasagjerë të listuar ishin Trump dhe Epstein. Në një tjetër fluturim, pasagjerët ishin vetëm Epstein, Trump dhe një 20-vjeçar/e në atë kohë. Në dy fluturime të tjera, mes pasagjerëve ishin gra që mund të shërbenin si dëshmitare të mundshme në çështjen penale ndaj Maxwell.

Ndihmës prokurori thekson se zyra e tij kishte shqyrtuar mbi 100 faqe dokumentesh me shkrim të imët dhe kishte për qëllim që këto të dhëna të mos ishin “një surprizë në të ardhmen”.

Për kontekst, autoritetet amerikane nuk e kanë akuzuar Trump për ndonjë shkelje penale lidhur me Epstein. Përmendja e emrave në dokumentet e shumta të çështjes Epstein nuk nënkupton automatikisht përfshirje në veprimtari kriminale.

Trump ka tentuar prej vitesh të distancohet nga Epstein, duke e quajtur atë “një person të neveritshëm” dhe duke deklaruar se nuk kishin kontakt prej vitesh para vdekjes së tij. Megjithatë, sipas një analize të gjerë të CNN, marrëdhënia mes tyre ka vazhduar deri në mesin e viteve 2000, pavarësisht përpjekjeve të Trump për ta minimizuar këtë lidhje.

Mirlinda Karçanaj ka deleguar kompetencat e saj si drejtoreshë e AKSHI, pasi u la në masën arrest shtëpie.

Me firmën e saj, ajo ka urdhëruar delegimin e kompetencave të Drejtorit të Përgjithshëm të Agjencisë Kombëtare të Shoqërisë së Informacionit dhe nëpunësit të autorizuar, Romina Kostani, Drejtor, Drejtoria e Koordinimit të Agjendës Digjitale dhe Projekteve e-Gov me Fonde te Huaja.

Po ashtu delegimin e kompetencave të Titullarit të Autoritetit Kontraktor për Agjencinë Kombëtare të Shoqërisë së Informacionit, Romina Kostani, Drejtor, Drejtoria e Koordinimit të Agjendës Digjitale dhe Projekteve e-Gov me Fonde te Huaja.

Delegimin e kompetencave të Drejtorit të Përgjithshëm të Agjencisë Kombëtare të Shoqërisë së Informacionit mbi vendimmarrjet në çështjet e sigurisë kibernetike Enis Ylli, Drejtor, Drejtoria e Monitorimit dhe Mbrojtjes Kibernetike për Sistemet dhe Infrastrukturat e-Gov dhe Marko Cela, Drejtor, Drejtoria e Infrastrukturës e-Gov.

Kompetencat e deleguara të titullarit do të ushtrohen nga data 18.12.2025 deri në shfuqizimin e këtij urdhri.