Sekretari i Përgjithshëm i NATO-s, Mark Rutte, deklaroi më 21 janar se mënyra e vetme për zgjidhjen e krizës rreth Grenlandës është “diplomacia e matur”, duke shtuar se po punon “në prapaskenë” për këtë çështje.

Kreu i aleancës ushtarake perëndimore, i cili po merr pjesë në Forumin Ekonomik Botëror në Davos, refuzoi të komentojë lidhur me synimet e presidentit amerikan, Donald Trump, për ta marrë nën kontroll këtë ishull, duke theksuar se diplomacia është më e rëndësishme sesa deklaratat publike.

“Ju siguroj se për këtë çështje po punoj në prapaskenë”, tha shefi i NATO-s gjatë një paneli në Davos.

Ai përsëriti se nuk do të prononcohet publikisht, pasi, sipas tij, “e vetmja mënyrë për ta zgjidhur krizën është diplomacia e menduar mirë”.

Rutte është udhëheqësi i vetëm që deri më tani ka konfirmuar se do të takohet me Trumpin në margjinat e forumit në Davos të Zvicrës.

Duke folur në panel, Rutte theksoi se Shtetet e Bashkuara mbeten të përkushtuara ndaj aleancës, por shtoi se Amerikës i duhet “një Evropë e sigurt dhe një Arktik i sigurt”.

Ai theksoi se, sa i përket Arktikut, pajtohet me presidentin amerikan.

“Duhet ta mbrojmë Arktikun nga ndikimi rus dhe kinez”, tha Mark Rutte, njofton rel.

Ai po ashtu kërkoi që Evropa dhe SHBA-ja që mospajtimet për Grenlandën t’i shpërqendrojnë nga lufta në Ukrainë, që Rusia e nisi afër katër vjet më parë.

“Përqendrimi në Ukrainë duhet të jetë prioriteti ynë kryesor, është thelbësor për sigurinë evropiane dhe të SHBA-së”, u shpreh ai.

Trump më herët ka argumentuar se SHBA-së i duhet Grenlanda për të garantuar sigurinë kombëtare amerikane kundër rivalëve të Uashingtonit, Rusisë dhe Kinës.

Grenlanda, territor i Danimarkës me rreth 57.000 banorë, nuk është anëtare e pavarur e NATO-s, por mbulohet nga anëtarësimi i Danimarkës në këtë aleancë ushtarake. Një përpjekje për marrjen nën kontroll të Grenlandës do të përbënte rastin e parë në historinë e NATO-s që një aleat të cenojë territorin e një shteti tjetër anëtar të aleancës.

Sinjali – aty ku e vërteta flet para lajmit!

/GazetaSinjali/

The post Shefi i NATO-s thotë se po punon për zgjidhjen e çështjes së Grenlandës appeared first on Sinjali.

Ministri i Jashtëm rus, Sergei Lavrov, ka deklaruar të martën se Britania nuk duhet të quhet më Britani e Madhe, duke argumentuar se është i vetmi vend në botë që zyrtarisht e quan veten “E Madhe”.

“Mendoj se Britania duhet të quhet thjesht Britani sepse ‘Britania e Madhe’ është i vetmi shembull i një vendi që e quan veten ‘E Madhe’”, u ka thënë Lavrov gazetarëve, teksa fliste për kolonializmin në kontekst të çështjes së Grenlandës.

Ai ka përmendur edhe një shembull tjetër historik të një shteti që e kishte përdorur termin “i madh”.

“Një shembull tjetër i një vendi që e quan veten ‘e madhe’ ishte ‘Xhamahiria e Madhe Popullore Socialiste Libiane’ e udhëhequr nga Muammar Gaddafi. Por nuk ekziston më”, ka deklaruar Lavrov.

Këto deklarata vijnë në një kohë kur Shtetet e Bashkuara të Amerikës, nën administratën e Donald Trumpit, synojnë të rikthejnë lidhjet me Moskën dhe të ndërmjetësojnë paqen ndërmjet Rusisë dhe Ukrainës.

Në këtë kontekst, Britanisë i është dhënë statusi i armikut publik numër një të Rusisë.

Nga ana tjetër, Britania ka deklaruar se Rusia përbën një kërcënim për Evropën. Në mes të luftës në Ukrainë, Rusia dhe vendet perëndimore kanë akuzuar vazhdimisht njëra-tjetrën për zhvillimin e fushatave të spiunazhit me një intensitet të paparë që nga fundi i Luftës së Ftohtë.

Sinjali – aty ku e vërteta flet para lajmit!

/GazetaSinjali/

The post Ministri i Jashtëm rus thotë se Britania nuk duhet të quhet më “E Madhe” appeared first on Sinjali.

Korporata Energjetike e Kosovës ka njoftuar se ka rikthyer operimin me pesë njësi gjeneruese, pas rikthimit në funksion të njësisë A3.

Sipas njoftimit të KEK-ut, njësia A3 ka përfunduar me sukses të gjitha sanimet dhe ndërhyrjet teknike pas ndaljes së përkohshme dhe është kthyer në operim në orët e hershme të mëngjesit.

“Korporata Energjetike e Kosovës (KEK sh.a.) njofton opinionin publik se Njësia A3 ka përfunduar me sukses të gjitha sanimet dhe ndërhyrjet teknike pas ndaljes së përkohshme. Njësia është startuar me sukses dhe sinkronizuar me rrjetin rreth orës 06:47, duke respektuar të gjitha standardet operacionale dhe parametrat e sigurisë.”

Me rifillimin e operimit të A3, KEK ka rikthyer funksionimin me gjithsej pesë njësi gjeneruese aktive.

“Me rifillimin e operimit të A3, KEK sh.a. rikthen operimin me pesë (5) njësi gjeneruese aktive: A3, A4, A5, B1 dhe B2, për aq kohë sa lejojnë parametrat operacionalë, duke garantuar vazhdimësinë e prodhimit, stabilitetin dhe qëndrueshmërinë e plotë të sistemit elektroenergjetik. Ky rezultat tregon aftësinë profesionale të ekipeve teknike dhe menaxhuese për të kryer ndërhyrje preventive dhe riparime të nevojshme në kohë optimale.”, thuhet në njoftim.

KEK vlerëson se ky zhvillim garanton vazhdimësinë e prodhimit dhe stabilitetin e sistemit elektroenergjetik në vend.

Në fund, korporata ka falënderuar stafin për angazhimin dhe reagimin profesional.

“KEK sh.a. falënderon stafin teknik dhe punonjësit për reagimin e shpejtë, profesionalizmin dhe përkushtimin e vazhdueshëm, të cilat sigurojnë funksionimin e besueshëm të sistemit dhe prodhimin e sigurt me energji elektrike për qytetarët. Korporata mbetet e përkushtuar ndaj prodhimit të vazhdueshëm të energjisë, stabilitetit të sistemit dhe besueshmërisë së plotë të rrjetit elektroenergjetik të Republikës së Kosovës.”, thuhet tutje.

Sinjali – aty ku e vërteta flet para lajmit!

/GazetaSinjali/

The post Rikthehet njësia A3, KEK-u garanton furnizim të qëndrueshëm appeared first on Sinjali.

Për shkak të parregullësive të evidentuara gjatë zgjedhjeve të 28 dhjetorit, në Qendrën e Numërimit dhe Rezultateve po kryhet rinumërimi i të gjitha kutive të votimit në nivel vendi.

Në komunën e Skenderajt është përfunduar rinumërimi 100% i 72 vendvotimeve.

Gjatë këtij procesi, kandidatëve të Partisë Demokratike të Kosovës iu janë hequr vota.

Ndër ta janë:

Bedri Hamza -29

Sala Jashari -36

Arian Tahiri -10

Mërgim Lushtaku -94

Jakup Nura -32

Xhevahir Geci -14

Ganimete Musliu -20

Ilir Murtezaj -25

Vlora Çitaku -9

Shahin Dervishaj -42

Ariana Musliu Shoshi -30

Uran Ismaili -11

Artan Behrami -5

Isak Neziri -9

Gëzim Qerimi -8

Besa Kabashi Ramas -2

Enver Hoxhaj -22

Musli Gucati -1

Fadil Demaku -3

Hajdar Beqa -3

Rrahman Rama -4

Nait Hasani -4

Xhavit Haliti -16

Idriz Vehapi -5

Elmi Reçica -5

Selver Xhelili -2

Sinjali – aty ku e vërteta flet para lajmit!

/GazetaSinjali/

The post Cilëve kandidatë të PDK-së iu “tkurrën” votat pas rinumërimit në Skënderaj? appeared first on Sinjali.

Komisioni Qendror i Zgjedhjeve (KQZ) ka njoftuar për përfundimin e procesimit të të gjitha votave të rinumëruara në Komunën e Dragashit.

Nga 57 kuti të rinumëruara, të gjitha 57 janë përpunuar dhe rezultatet janë regjistruar në platformën elektronike të KQZ-së.

Në listën e kandidatëve të Lëvizjes Vetëvendosje, është vërejtur një diskrepancë e madhe mes vendit të parë dhe të dytit sa i përket heqjes së votave.

Kandidati për deputet nga kjo komunë, Filiz Mustafa, ka humbur 231 vota nga 2,805 të rinumëruara.

Pas tij, ndryshime të vogla janë regjistruar tek:

Valon Hoti – 45 vota më pak

Glauk Konjufca – 28 vota më pak

Albin Kurti – 20 vota më pak

Një numër i konsiderueshëm votash iu hoq edhe kandidatit të PDK-së, Xhevahir Geci, i cili nga 264 vota të rinumëruara humbi 87 vota.

Megjithatë, Mustafa mbetet kandidati me më së shumti vota të hequra si pasojë e rinumërimit në këtë komunë.

Sinjali – aty ku e vërteta flet para lajmit!

/GazetaSinjali/

The post Rinumërimi përfundon në Dragash, kandidati i LVV-së prin për heqjen e votave appeared first on Sinjali.

Italia nuk do të marrë pjesë në Bordin e Paqes të inicuar nga presidenti i SHBA-së, Donald Trump, ka raportuar të mërkurën gazeta Corriere della Sera, duke përmendur shqetësimin se bashkimi me një grup të udhëhequr nga lideri i një vendi të vetëm mund të shkelte kushtetutën e Italisë.

Plani i Trumpit ka shkaktuar deri tani reagime të kujdesshme nga aleatët perëndimorë, pasi diplomatët vënë në dukje se Bordi mund të minojë punën e Kombeve të Bashkuara.

Një burim i ka thënë agjencisë Reuters se kryeministrja italiane, Giorgia Meloni, udhëheqëse e krahut të djathtë që ka pasur marrëdhënie të mira me Trumpin, nuk ka gjasa të marrë pjesë në Forumit Ekonomik Botëror në Davos.

Bordi i propozuar do të kryesohet nga Trumpi dhe do të trajtojë fillimisht konfliktin në Gazë, përpara se të zgjerohet në çështje të tjera globale. Vendet anëtare do të duhet të paguajnë një tarifë prej 1 miliard dollarësh secila për të fituar anëtarësim të përhershëm.

Sipas kushtetutës së Italisë, vendi mund t’i bashkohet organizatave ndërkombëtare që sigurojnë “paqe dhe drejtësi midis kombeve” vetëm “në kushte të barabarta me shtetet e tjera”, një kusht që nuk përputhet me dominimin e SHBA-së në Bordin e ri, shkruan Corriere della Sera.

Deri më tani, kundërshtimin për pjesëmarrje në Bordin e Paqes e ka shprehur edhe Franca.

Sinjali – aty ku e vërteta flet para lajmit!

/GazetaSinjali/

The post Corriere della Sera: Italia nuk do të marrë pjesë në Bordin e Paqes të Trumpit appeared first on Sinjali.

Në rastin e 20-vjetorit të vdekjes së ish-Presidentit të Kosovës, Ibrahim Rugova, liderët kanë përkujtuar figurën e tij të shquar dhe trashëgiminë e tij në ndërtimin e shtetit të Kosovës.

Presidentja Vjosa Osmani, së bashku me familjen e Rugovës, ka bërë homazhe tek varri i tij në Velani, duke theksuar se ai e bëri bashkë gjithë popullin e Kosovës rreth kauzës për liri, pavarësi dhe demokraci.

“Presidenti Rugova e bëri bashkë gjithë popullin e Kosovës rreth kauzës për liri, pavarësi dhe demokraci. Kauzë kjo që është akoma e gjallë dhe është jetësuar për shkak të sakrificës së madhe të popullit tonë, luftës sonë çlirimtare dhe ndërtimit të aleancave me aleatët tanë strategjik brenda familjes euroatlantike, aleanca këto që i ndërtoi presidenti Rugova me një vizion të pashoq që sot mbetet dritë në udhërrëfyesin për gjithsecilin prej nesh që e duam Kosovën akoma më të fortë dhe të integruar në strukturat euroatlantike në familjen ku Kosova dhe populli i saj e ka vendin. Nderimi për presidentin Rugova do të jetë i përjetshëm dhe vizioni i tij do të rrojë për aq kohë sa do të rrënojë dhe Kosova, do të rrojë përjetësisht”, ka deklaruar Osmani.

Edhe kryetari i LDK-së, Lumir Abdixhiku, ka vendosur kurora lulesh te varri i Rugovës, duke e nderuar në këtë përvjetor të veçantë. Ai tha se Rugova mbetet shqiptari më i madh i të gjitha kohërave dhe kjo obligon të sillen me dinjitet, maturi dhe përkushtim për atdheun.

“Sot, në 20-vjetorin e largimit të atit themeltar të Republikës së Kosovës, e vendit tonë, shtetit tonë, nderojmë Ibrahim Rugovën. Njeriun i cili jo vetëm realizoi një ëndërr historike të popullit të Kosovës për liri, pavarësi, demokraci, por krijoi një projekt madhor, më të madhin ndër shqiptarët e Kosovës. Ibrahim Rugova mbetet shqiptari më i madh i të gjitha kohërave, dhe si i tillë na obligon edhe sot të sillemi me dinjitet, maturi dhe përkushtim për atdheun tonë”, ka thënë Abdixhiku.

Ndërsa kryetari i Aleancës për Ardhmërinë e Kosovës, Ramush Haradinaj, ka përkujtuar Rugovën me mirënjohje të përhershme:

“Me Presidentin Dr. Ibrahim Rugova pata nderin të bashkëpunoj në ditët e para të lirisë, në një periudhë vendimtare dhe jashtëzakonisht të ndjeshme të shtetndërtimit. Sot, në përvjetorin e 20-të të ndarjes së tij nga jeta, e kujtojmë me respekt të thellë dhe mirënjohje të përhershme. Me vizionin e tij shtetformues, ai i kushtoi rëndësi të veçantë forcimit të lidhjeve me Perëndimin, duke kultivuar miqësinë e përjetshme me Amerikën, veprime këto që i paraprinë pavarësisë dhe që vazhdojnë të mbeten themel i vizionit tonë si shtet”, ka shkruar Haradinaj në profilin e tij në Facebook.

Sinjali – aty ku e vërteta flet para lajmit!

/GazetaSinjali/

The post Liderët politikë përkujtojnë ish-presidentin Rugova në 20-vjetorin e vdekjes së tij appeared first on Sinjali.

Së fundmi ka shpërthyer një përplasje e fortë ndërmjet banorëve të Big Brother VIP, Benita Zena dhe Klodian Mihaj, gjatë një debati që ka ndodhur në oborrin e shtëpisë.

Në momentin e ngjarjes ishte e pranishme edhe Elijona Binakaj.

Konflikti nisi kur Klodian i tha Benitës se “mashkullin e do vetëm për para”. Këngëtarja reagoi menjëherë, duke u larguar nga vendi i debatit ndërsa bërtiste dhe qante.

“Ti e përmend Endrin për pare”, iu drejtua ai.

Benita ia ktheu disa herë me fjalët: “Marre duhet me të ardh”.

Pas kësaj, ajo hyri brenda shtëpisë dhe u mbyll në tualet, ku filloi të qante me të madhe.

Gjatë bisedës më vonë me banorët e tjerë, Benita theksoi se nuk e priste një reagim të tillë nga Klodi, duke treguar se konflikti e kishte prekur thellë emocionalisht.

Sinjali – aty ku e vërteta flet para lajmit!

/GazetaSinjali/

The post Eskalon debati në Big Brother, Klodi i thotë Benitës se “mashkullin e do vetëm për para” appeared first on Sinjali.

Presidenti amerikan, Donald Trump, ka ftuar përfaqësues të vendeve të ndryshme të botës për t’u bërë pjesë e Bordit të Paqes për Gazën, duke përfshirë Kosovën dhe Shqipërinë.

Lideri amerikan ka formuar këtë trup këshillues për Gazën, i njohur si Bordi i Paqes, si pjesë e fazës së dytë të armëpushimit të arritur mes Izraelit dhe militantëve palestinezë të grupit Hamas.

Ky bord përfshin liderë botërorë që japin këshilla dhe ndihmojnë në negociata, por nuk ka fuqi ekzekutive ndërkombëtare si Organizata e Kombeve të Bashkuara (OKB).

Synimi i Bordit është të mbështesë paqen dhe stabilitetin në rajon përmes dialogut dhe bashkëpunimit ndërkombëtar.

Pra, në thelb është një iniciativë diplomatike e Trumpit, e projektuar si bord këshillues me ndikim në negociata dhe armëpushime, duke përfshirë liderë nga vende të ndryshme për të ndihmuar në stabilizimin e rajonit.

Megjithatë, jo të gjitha vendet e kanë mirëpritur këtë iniciativë. Në mesin e atyre që kanë refuzuar të jenë pjesë të Bordit janë Franca, siç ka konfirmuar presidenti Emmanuel Macron, dhe kryeministri britanik Keir Starmer, i cili sipas mediave do ta refuzojë ftesën e Trumpit.

Kosovën do ta përfaqësojë presidentja Vjosa Osmani, ndërsa Shqipërinë kryeministri Edi Rama. Në këtë fazë, Trump pritet të njoftojë përbërjen e plotë të Bordit dhe detaje të tjera gjatë Forumit Ekonomik Botëror në Davos.

Bordi i Paqes

Shtëpia e Bardhë njofton se ky organ do të përqendrohet në çështje si: ndërtimi i kapaciteteve qeverisëse, marrëdhëniet rajonale, rindërtimi, tërheqja e investimeve, financimi në shkallë të gjerë dhe mobilizimi i kapitalit.

Përbërja kryesore e Bordit:

Presidenti i SHBA-së, Donald Trump, kryetar

Sekretari i Shtetit i SHBA-së, Marco Rubio

Steve Witkoff, negociatori special i Trump

Jared Kushner, dhëndri i Trump

Tony Blair, ish-kryeministër i Mbretërisë së Bashkuar

Marc Rowan, miliarder amerikan

Ajay Banga, president i Bankës Botërore

Robert Gabriel, këshilltar në Këshillin e Sigurimit Kombëtar të SHBA-së

Komiteti Kombëtar për administrimin e Gazës

Ky organ, i përbërë nga teknokratë, do të “mbikëqyrë restaurimin e shërbimeve publike kryesore, rindërtimin e institucioneve civile dhe stabilizimin e jetës së përditshme në Gaza”.

Ali Shaath, ish-zëvendësministër i Autoritetit Palestinez (kreu i komitetit)

Bordi Ekzekutiv i Gazës

Ky entitet ka për qëllim të “mbështesë qeverisjen efektive” dhe të ofrojë shërbime për popullin e Gazës.

Anëtarë përfshijnë:

Steve Witkoff

Jared Kushner

Tony Blair

Marc Rowan

Nickolay Mladenov, diplomat bullgar

Sigrid Kaag, koordinatore humanitare e OKB-së për Gazën

Ministri i Jashtëm turk, Hakan Fidan

Ali Al-Thawadi, diplomat nga Katari

Gjenerali Hassan Rashad, drejtor i agjencisë së inteligjencës së Egjiptit

Reem Al-Hashimy, ministër i Emirateve

Yakir Gabay, miliarder izraelit

Udhëheqës të tjerë të ftuar për t’u bashkuar

Presidenti argjentinas Javier Milei

Presidenti brazilian Luiz Inacio Lula da Silva

Kryeministri kanadez Mark Carney

Presidenti qipriot Nikos Christodoulides

Presidenti egjiptian Abdel Fattah al-Sisi

Kryeministri hungarez Viktor Orban

Kryeministri indian Narendra Modi

Kryeministrja italiane Giorgia Meloni

Mbreti jordanez Abdullah II

Kryeministri pakistanez Shehbaz Sharif

Presidenti paraguaian Santiago Pena

Presidenti rumun Nicusor Dan

Presidenti turk Recep Tayyip Erdogan

Sinjali – aty ku e vërteta flet para lajmit!

/GazetaSinjali/

The post Çka është Bordi i Paqes i Trumpit, në të cilin do të bëjë pjesë edhe Kosova? appeared first on Sinjali.

Nën masa të rrepta sigurie, dhëndri i Donald Trump sapo ka mbërritur në Vlorë. Jared Kushner ka mbërritur i shoqëruar nga një delegacion në zonën e Ujit të ftohtë. Mësohet se Kushner është i shoqëruar edhe nga bashkëshortja e tij, Ivanka Trump.

Aty do të zhvilloj një takim për të diskutuar më tepër rreth investimit në ishullin e Sazanit.

Sipas mediave shqiptare do të zhvillohet një takim nëpërmjet Jared Kushner me një studio arkitekturore ku do të diskutohet për mënyrën e realizimit të projektit, investimit në ishullin e Sazanit.

Nuk do të jetë takim me përfaqësues të pushtetit.

Sinjali – aty ku e vërteta flet para lajmit!

/GazetaSinjali/

The post Dhëndri dhe vajza e Trump mbërrijnë në Vlorë, për investimet në ishullin e Sazanit appeared first on Sinjali.

Procesi i rinumërimit të votave nga vendvotimet në Kosovë, pas zgjedhjeve parlamentare të 28 dhjetorit, ka përfunduar në shtatë komuna, ka bërë të ditur Komisioni Qendror i Zgjedhjeve (KQZ).

Sipas njoftimit, deri tash janë rinumëruar 834 vendvotime nga gjithsej 2,557. Rinumërimi i plotë ka përfunduar në komunat: Dragash, Kaçanik, Leposaviq, Prizren, Skenderaj, Shtime dhe Ferizaj.

Procesi i rinumërimit nisi më 13 janar, fillimisht për 10 komuna në rinumërim të plotë, si dhe për 10% të vendvotimeve të 28 komunave të tjera. Për shkak të manipulimeve të gjetura gjatë rinumërimit të pjesshëm, KQZ-ja vendosi të ndërmerr rinumërimin e plotë në nivel vendi.

Edhe pse gjatë rinumërimit pati ndryshime të mëdha të votave, emrat e deputetëve të zgjedhur nuk kanë ndryshuar te partitë shqiptare.

KQZ-ja ka shtuar ekipet për rinumërim dhe ka paralajmëruar se procesi pritet të përfundojë në fund të janarit, duke garantuar saktësi dhe transparencë në numërimin e votave.

Sinjali – aty ku e vërteta flet para lajmit!

/GazetaSinjali/

The post Procesi i rinumërimit përfundon plotësisht në 7 komuna appeared first on Sinjali.

“Kom mendu që për ty jemi në gjendje me bo gjithçka po ja që nuk arritëm t’i përballojmë flakës.”

Këto janë fjalët e nipit të Feride Mazrekut, e cila humbi jetën pasi zjarri kaploi shtëpinë në fshatin Goriq të Malishevës.

Nipi i 53-vjeçares, bën të ditur se Mazreku ishte me aftësi të kufizuara.

“Sot në orët e mbrëmjes e përfshiu zjarri njëren prej shtëpive në oborrin tonë. Pas gjitha përpjekjve, fatkeqsisht nuk arritëm ta shpëtojmë hallën tonë me aftësi të kufizuara. Na bëjë hallall oj hallë. Kom mendu që për ty jemi në gjendje me bo gjithçka po ja që nik arritëm t’i përballojmë flakës.”, shkroi ai në një story.

Burime të besueshme bëjnë me dije se rreth orës 22:20 autoritetet janë njoftuar për zjarrin, ndërsa në vendin e ngjarjes kanë dalë menjëherë njësitë relevante policore, zjarrfikësit, eksperti i zjarrit, si dhe një ekip i KEDS-it.

Po ashtu, në vendngjarje ka dalë edhe ekipi i emergjencës nga QKMF-Malishevë, i cili ka ofruar ndihmë mjekësore për një person tjetër, për shkak të tymit dhe djegieve, ndërsa mjeku ka konstatuar vdekjen e viktimës në vendin e ngjarjes.

Shkaktari i zjarrit, për momentin, nuk dihet, ndërsa për rastin janë angazhuar edhe Hetimet Rajonale DRP-Gjakovë, bashkë me Prokuroren e Shtetit, e cila ka urdhëruar inicimin e rastit si:“Incident zjarri – Hetimi i vdekjes”

E dhimbshme: Kjo është 53-vjeçarja që vdiq nga zjarri në një shtëpi në Malishevë – trupi dërgohet në IML

Një shtëpi shkrumbohet nga zjarri në Malishevë, humb jetën një 53-vjeçare

Sinjali – aty ku e vërteta flet para lajmit!

/GazetaSinjali/

The post Familjari rrënqeth me postimin për vdekjen e 53-vjeçares nga zjarri në Malishevë: Kam mendu që për ty jemi në gjendje me bë gjithçka… appeared first on Sinjali.

Kryeministri izraelit, Benjamin Netanyahu, do t’i bashkohet Bordit të ri të Paqes të Presidentit të SHBA-së, Donald Trump.

Njoftimi vjen pasi Netanyahu fillimisht kishte shprehur kundërshtim ndaj propozimit të Trump, pas përfshirjes së Ministrit të Jashtëm të Turqisë, Hakan Fidan, dhe diplomatit të Katarit, Ali Al-Thawadi, si anëtarë të emëruar në një “Bord Ekzekutiv të Gazës” të veçantë.

Ndërkohë, disa vende të tjera tashmë kanë konfirmuar pjesëmarrjen e tyre, përfshirë Argjentinën, Azerbajxhanin, Bjellorusinë, Hungarinë, Kazakistanin, Marokun, Emiratet e Bashkuara Arabe dhe Vietnamin.

Misioni i Këshillit të Paqes është “promovimi i stabilitetit” në botë. Sipas kartës së dërguar vendeve të ftuara, “Këshilli i Paqes është një organizatë ndërkombëtare, qëllimi i së cilës është të promovojë stabilitetin, të rivendosë qeverisjen e besueshme dhe legjitime, si dhe të garantojë paqe të qëndrueshme në zonat e prekura nga ose të kërcënuara nga konflikti.”

Ky bord synon të mbledhë udhëheqës nga vende të ndryshme për të kontribuar në një mision ndërkombëtar paqeje dhe stabiliteti, duke përfshirë ndërhyrje diplomatike dhe nisma strategjike në zonat e konfliktit.

Sinjali – aty ku e vërteta flet para lajmit!

/GazetaSinjali/

The post Izraeli pranon ftesën e Trump për t’u bashkuar në Bordin e Paqes appeared first on Sinjali.

Presidentja e Komisionit Evropian, Ursula von der Leyen, ka deklaruar se rendi ndërkombëtar ka pësuar një ndryshim që “nuk është vetëm sizmik, por është i përhershëm”.

“Tani jetojmë në një botë të përcaktuar nga fuqia e papërpunuar”, ka thënë ajo të mërkurën, duke theksuar rëndësinë që Evropa të përshpejtojë përpjekjet për pavarësi dhe të marrë “leva të reja pushteti”.

Duke iu referuar tensioneve në rritje me Presidentin Donald Trump lidhur me përpjekjen e tij për të blerë Grenlandën, von der Leyen ka vënë në dukje se “kërcënimi i tarifave shtesë për arsye sigurie është thjesht i gabuar”.

Ajo ka njoftuar gjithashtu se udhëheqësit e Evropës do të takohen të enjten për të diskutuar përgjigjen e tyre ndaj tarifave me të cilat Trump ka kërcënuar vendet evropiane.

“Evropa preferon dialogun dhe zgjidhjet, por ne jemi plotësisht të përgatitur të veprojmë nëse është e nevojshme me unitet, urgjencë dhe vendosmëri”, ka shtuar presidentja e Komisionit Evropian.

Ndërkaq, Presidenti amerikan, Donald Trump, do të mbajë të mërkurën një fjalim para liderëve në Forumin Ekonomik Botëror në Davos, Zvicër, ku çështja e Grenlandës pritet të jetë një nga temat kryesore të diskutimit.

Sinjali – aty ku e vërteta flet para lajmit!

/GazetaSinjali/

The post Von der Leyen thotë se Evropa është “plotësisht e gatshme të veprojë nëse është e nevojshme” appeared first on Sinjali.

Prokuroria Themelore e Prizrenit ka dhënë detaje lidhur me tragjedinë në fshatin Reselicë të Dragashit, ku dyshohet se një 30-vjeçar ka privuar nga jeta, nënën e tij.

Sipas njoftimit të Prokurorisë, i dyshuari, siç mësoi Sinjali, Ferzidin Boza, dyshohet se ka privuar nga jeta nënën e tij, Tenzilja Boza, duke ushtruar dhunë fizike në shtëpinë e tyre në fshatin Restelicë.

“Pas pranimit të informatës në orët e hershme të mëngjesit, në vendin e ngjarjes ka dalë prokurorja kujdestare nga Departamenti për Krime të Rënda, së bashku me njësitet relevante të Policisë së Kosovës, krim-teknikën dhe zyrtarët e Institutit të Mjekësisë Ligjore (IML), me qëllim të zhvillimit dhe përfundimit të procedurave hetimore në vendin e ngjarjes. Me urdhër të prokurorit viktima është dërguar për obduksion në IML”, thuhet në njoftim.

Prokuroria tha se bazuar në të dhënat zyrtare të saj, dorasi ka pasur çrregullime mendore.

Ai, sipas këtij institucioni, kishte të kaluar kriminale, pasi ndaj tij kishte pasur tri dënime për dhunë në familje.

“Një rast është trajtuar gjatë vitit 2024, ndërsa dy raste gjatë vitit 2021. Për këto raste, Prokuroria ka ndërmarrë veprimet ligjore përkatëse, ka ngritur aktakuza dhe për të njëjtat raste janë nxjerrë aktgjykime dënuese”, tha Prokuroria Themelore në Prizren.

E rëndë | Kjo është viktima që u privua nga jeta nga djali i saj në Restelicë të Dragashit

Ekskluzive | Ky është identiteti i të dyshuarit që i mori jetën nënës së tij në Restelicë të Dragashit

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Rasti tragjik në Restelicë, Prokuroria thotë se djali që vrau nënën e tij ka të kaluar kriminale appeared first on Sinjali.

Krue i AAK-së, Ramush Haradinaj, ka përkujtuar ish-presidentin e Kosovës, Ibrahim Rugova, në 20-vjetorin e vdekjes së tij.

Haradinaj është shprehur i nderuar që pati mundësinë të bashkëpunojë me Rugovën në një periudhë vendimtare për vendin.

Në profilin e tij në Facebook, Haradinaj ka shkruar se Rugova, me vizionin e tij shtetformues, i kushtoi rëndësi të veçantë forcimit të lidhjeve me Perëndimin.

“Me Presidentin Dr. Ibrahim Rugova pata nderin të bashkëpunoj në ditët e para të lirisë, në një periudhë vendimtare dhe jashtëzakonisht të ndjeshme të shtetndërtimit. Sot, në përvjetorin e 20-të të ndarjes së tij nga jeta, e kujtojmë me respekt të thellë dhe mirënjohje të përhershme. Me vizionin e tij shtetformues, ai i kushtoi rëndësi të veçantë forcimit të lidhjeve me Perëndimin, duke kultivuar miqësinë e përjetshme me Amerikën, veprime këto që i paraprinë pavarësisë dhe që vazhdojnë të mbeten themel i vizionit tonë si shtet”, ka shkruar Haradinaj.

Sinjali – aty ku e vërteta flet para lajmit!

/GazetaSinjali/

The post Haradinaj kujton Rugovën: I kushtoi rëndësi të veçantë forcimit të lidhjeve me Perëndimin appeared first on Sinjali.

I akuzuari për vrasjen e ish-kryeministrit të Japonisë, Shinzo Abe, u shpall fajtor dhe u dënua me burgim të përjetshëm të mërkurën, më shumë se tre vjet pasi kjo vrasje tronditi botën.

Të shtënat detyruan Japoninë që të shqyrtonte lidhjet e dyshuara mes ligjvënësve të njohur konservatorë dhe një sekti të fshehtë, Kishës së Unifikimit.

Gjykatësi Shinichi Tanaka shpalli dënimin në një gjykatë në qytetin Nara.

Tetsuya Yamagami, 45 vjeç, u përball me akuza përfshirë vrasjen dhe shkeljen e ligjit për kontrollin e armëve, pasi përdori një armë të prodhuar në mënyrë artizanale për të vrarë udhëheqësin më jetëgjatë të Japonisë, teksa Abe po mbante një fjalim në një tubim zgjedhor në korrik të vitit 2022.

Në nisje të gjykimit në tetor të vitit të kaluar, Yamagami e pranoi akuzën për vrasje. Megjithatë, sipas raportimeve mediale, ai mohoi disa nga akuzat e tjera.

Sipas sistemit ligjor japonez, gjykimi vazhdon edhe nëse i pandehuri e pranon fajësinë.

Prokurorët kërkuan që Yamagami të dënohej me burgim të përjetshëm, pasi e cilësuan vrasjen si “të paprecedent në historinë tonë të pasluftës”, duke theksuar se kjo ngjarje kishte “pasoja jashtëzakonisht serioze” për shoqërinë.

Versioni japonez i burgimit të përjetshëm lë të hapur mundësinë e lirimit me kusht, ndonëse në praktikë, sipas ekspertëve, shumë të dënuar vdesin teksa vuajnë dënimin.

Në hapjen e gjykimit, prokurorët argumentuan se motivi i të pandehurit për të vrarë Aben buronte nga dëshira e tij për të njollosur Kishën e Unifikimit.

Gjyqi, i cili zgjati disa muaj, nxori në pah se si donacionet e nënës së tij ndaj Kishës e kishin çuar familjen në falimentim dhe se si i dënuari kishte arritur të besonte se “politikanë me ndikim” po e ndihmonin sektin të lulëzonte.

Abe kishte marrë pjesë në aktivitete të organizuara nga disa prej grupeve të Kishës.

Yamagami “mendonte se nëse do të vriste dikë aq me ndikim sa ish-kryeministri Abe, mund të tërhiqte vëmendjen e publikut ndaj Kishës dhe të nxiste kritika publike kundër saj”, tha një prokuror gjatë gjykimit në Nara, në perëndim të Japonisë në muajin tetor.

Kisha e Unifikimit u themelua në Korenë e Jugut në vitin 1954, ndërsa anëtarët e saj janë quajtur me nofkën “Moonët”, sipas emrit të themeluesit Sun Myung Moon.

Në kërkesën për lehtësim të dënimit, ekipi mbrojtës i të akuzuarit tha se ai kishte përjetuar “abuzim fetar” gjatë rritjes, që derivonte nga besimi ekstrem i nënës së tij në Kishën e Unifikimit.

Hetimet pas vrasjes së Abes çuan në zbulime të lidhjeve të ngushta mes Kishës dhe shumë ligjvënësve konservatorë të Partisë Liberale Demokratike në pushtet, duke shtyrë katër ministra që të jepnin dorëheqje.

Më 2020, Yamagami kishte nisur që të krijonte një armë zjarri artizanale, të cilën e kishte testuar në zona malore.

Sipas prokurorëve, një gjë e tillë tregon se sulmi ndaj Abes ishte i “paramenduar”.

Vrasja e ish-kryeministrit Abe ndezi alarmin në Japoni, shtet që ka disa nga ligjet më të rrepta për kontrollin e armëve në botë.

Sinjali – aty ku e vërteta flet para lajmit!

/GazetaSinjali/

The post I akuzuari për vrasjen e ish-kryeministrit të Japonisë dënohet me burgim të përjetshëm appeared first on Sinjali.

Një ngjarje e rëndë është shënuar mbrëmë në Malishevë, ku një shtëpi banimi është përfshirë nga zjarri, ndërsa si pasojë ka humbur jetën një grua.

Sinjali mëson se rasti ka ndodhur në fshatin Goriq, ku viktimë ka mbetur Feride Mazreku, rreth 53-vjeçare.

Burime të besueshme bëjnë me dije se rreth orës 22:20 autoritetet janë njoftuar për zjarrin, ndërsa në vendin e ngjarjes kanë dalë menjëherë njësitë relevante policore, zjarrfikësit, eksperti i zjarrit, si dhe një ekip i KEDS-it.

Po ashtu, në vendngjarje ka dalë edhe ekipi i emergjencës nga QKMF-Malishevë, i cili ka ofruar ndihmë mjekësore për një person tjetër, për shkak të tymit dhe djegieve, ndërsa mjeku ka konstatuar vdekjen e viktimës në vendin e ngjarjes.

Shkaktari i zjarrit, për momentin, nuk dihet, ndërsa për rastin janë angazhuar edhe Hetimet Rajonale DRP-Gjakovë, bashkë me Prokuroren e Shtetit, e cila ka urdhëruar inicimin e rastit si:

“Incident zjarri – Hetimi i vdekjes”

Me urdhër të Prokurorit, trupi i pajetë është dërguar në Institutin e Mjekësisë Ligjore në Prishtinë për obduksion, ndërsa rasti po hetohet për të sqaruar rrethanat e plota të ngjarjes.

Një shtëpi shkrumbohet nga zjarri në Malishevë, humb jetën një 53-vjeçare

Sinjali – aty ku e vërteta flet para lajmit!

/GazetaSinjali/

The post E dhimbshme: Kjo është 53-vjeçarja që vdiq nga zjarri në një shtëpi në Malishevë – trupi dërgohet në IML appeared first on Sinjali.

Një incident i rëndë është raportuar në Prishtinë, ku një qytetar ka denoncuar se është kanosur me armë zjarri, ndërsa Policia ka ndërmarrë veprime të menjëhershme, duke realizuar edhe bastisje në shtëpinë e të dyshuarit.

Sinjali mëson se rasti është raportuar më 20.01.2026, në rrugën “Besim Ndreca” në Prishtinë.

Sipas burimeve, rreth orës 08:00, në Stacionin Policor Jugu është paraqitur ankuesi L. Sh, i cili ka deklaruar se është kanosur me armë nga një person i cili ndodhej në një veturë Touran me targa të njohura për të, në afërsi të një lokali në atë rrugë.

Burimet bëjnë me dije se Policia ka dalë në vendin e ngjarjes dhe ka siguruar edhe të dyshuarin Jeton Veliu, i cili ka pretenduar se arma me të cilën kishte bërë kanosjen ishte plastike, dhe se të njëjtën e ka dorëzuar.

Megjithatë, pas konsultimit me Prokurorin kujdestar, njësitet relevante kanë kryer kontroll/bastisje në shtëpinë e të dyshuarit, ku janë sekuestruar:

Një armë zjarri e tipit CZ P10, kalibër 9mm,

Dy karikatorë,

Leja për armë,

Katër fishekë 9mm

Me urdhër të Prokurorit kompetent, rasti është iniciuar për veprat penale: “Mbajtja në pronësi, kontroll apo posedim të paautorizuar të armëve” dhe “Kanosja”.

Sinjali – aty ku e vërteta flet para lajmit!

/GazetaSinjali/

The post Ekskluzive | Kanosje me armë në Prishtinë, Policia bastis shtëpinë e të dyshuarit dhe sekuestron pistoletë me fishekë appeared first on Sinjali.

Një ngjarje e rëndë ka ndodhur në fshatin Restelicë të Dragashit, ku një grua rreth 60 vjeç ka humbur jetën në rrethana të dyshimta.

Lajmin e konfirmoi për Sinjalin, zëdhënësi i Policisë për Rajonin e Prizrenit, Shaqir Bytyqi, i cili bëri të ditur se ngjarja ka ndodhur më 21 janar 2025 rreth orës 01:06, kur Policia është njoftuar për rastin.

Dyshohet se një mashkull, rreth 30 vjeç, i ka privuar jetën nënës së tij. Sipas informatave paraprake, i dyshuari ka pasur probleme me shëndetin mendor.

Nga ekzaminimi fillestar në vendin e ngjarjes, viktima kishte pësuar lëndime në kokë, ndërsa nuk është gjetur mjeti me të cilin dyshohet se është kryer vepra penale.

I dyshuari është arrestuar dhe ndalohet për procedura të mëtejme ligjore.

Policia ka njoftuar se Sektori Rajonal i Hetimeve, në bashkëpunim me Prokurorinë e Shtetit, po ndërmerr të gjitha veprimet e nevojshme hetimore për të zbardhur plotësisht rrethanat e ngjarjes.

Sinjali – aty ku e vërteta flet para lajmit!

/GazetaSinjali/

The post Tragjike në Restelicë të Dragashit: Djali privon nga jeta nënën e tij appeared first on Sinjali.