Një grabitje e rëndë ka ndodhur mbrëmjen e së enjtes në Prishtinë, ku një qytetar është sulmuar brutalisht në rrugë dhe është grabitur nga persona ende të paidentifikuar, mëson Gazeta Sinjali nga burime të sigurta.

Ngjarja ka ndodhur më 08.01.2026, rreth orës 20:00, në rrugën Shaban Shala. Viktima, I B, rreth 67 vjeç, ka raportuar se derisa ishte duke ecur në këmbë, një veturë Audi, ngjyrë e zezë, i është afruar pranë tij. Sipas deklarimit të viktimës, një person nga vetura i ka rrëmbyer me forcë çantën e krahut, ndërsa ai ka tentuar të rezistojë.

Si pasojë, është tërhequr zvarrë për rreth 10–15 metra, deri në momentin kur grabitësit kanë arritur t’ia marrin çantën dhe janë larguar me shpejtësi nga vendi i ngjarjes.

Në çantën e grabitur, viktima kishte: • rreth 3.000 euro para të gatshme, • 180 dollarë amerikanë, • si dhe disa kartela telefonike.

Viktima ka deklaruar se nuk ka arritur t’i identifikojë të dyshuarit, për shkak të errësirës dhe shpejtësisë së veprimit të tyre.

Në lidhje me rastin është njoftuar Prokurori kujdestar, i cili ka urdhëruar që rasti të iniciohet si “Grabitje”, ndërsa policia ka nisur veprimet hetimore për identifikimin dhe kapjen e të dyshuarve. Hetimet janë në vazhdim.

Gazeta Sinjali do t’ju mbajë të informuar për çdo zhvillim të ri lidhur me këtë rast.

The post Ekskluzive | Grabitje e dhunshme në Prishtinë: 67-vjeçari tërhiqet zvarrë nga vetura, i grabiten mijëra euro appeared first on Sinjali.

Anëtari i Kryesisë së LDK-së, Muhamet Hamiti, ka vlerësuar se rezultatin e zgjedhjeve të 28 dhjetorit nuk e pasqyron realitetin politik.

Ai ka bërë me dije se kur e sheh votën qytetare në mbështetje të Albin Kurtit të duket se sanksionet e BE-së i kishte soll opozita e jo Qeveria Kurti.

Në profilin e tij në “Facebook”, Hamiti ka shkruar se edhe shumë gjera tjera ta japin këtë mëndin.

“Kur e sheh rezultatin zgjedhor të 28 dhjetorit, votën qytetare në mbështetje të Albin Kurtit dhe të aleatëve të tij, të bahet me mendue se sanksionet ekonomike të BE-së i solli opozita, jo Qeveria e Vetëvendosjes. Se 600-700 milionë euro nga fondet e BE-së u pezulluan për dy vjet e gjysmë për shkak të opozitës. Se edhe SHBA-të dialogun strategjik me Kosovën e kanë pezulluar për shkak të partive opozitare. Se Kushtetutën e Kosovës e ka shkelur me dhjetëra herë opozita, jo koalicioni i Vetëvendosjes në pushtet në pesë vitet e shkuara. Se fajin për korrupsionin masiv qeveritar nuk e ka Qeveria, por opozita. Se për keqqeverisjen e saj nuk është fajtore Qeveria e Albin Kurtit, por opozita…”, ka shkruar Hamiti.

The post Hamiti: Kur e sheh votën qytetare për Kurtin të duket që sanksionet e BE-së i solli opozita, jo Qeveria e VV-së appeared first on Sinjali.

Sot, Zvicra shënon ditë zie kombëtare në kujtim të viktimave të zjarrit tragjik që ndodhi më 1 janar në Crans-Montana.

Kështu ka bërë të ditur Ambasada e Zvicrës në Kosovë, përmes një njoftimi në rrjetet sociale.

“Mendimet tona janë me të gjithë ata që ndikohen, në Zvicër dhe më gjerë”, thuhet në njoftim.

Zjarri i tmerrshëm i natës së Vitit të Ri në një bar në resortin alpin zviceran të Crans-Montanës vrau të paktën 40 persona dhe plagosi rëndë shumë të tjerë.

Sinjali – aty ku e vërteta flet para lajmit!

/GazetaSinjali/

The post Ditë zie në Zvicër në kujtim të viktimave të zjarrit në Crans-Montana appeared first on Sinjali.

Qendra Kombëtar për Menaxhim Kufitar, i ka përditësuar të dhënat për pritjet në pikat kufitare.

Mërgimtarët po edhe qytetarët e tjerë të cilët po udhëtojnë drejt vendeve evropiane, duhet të presinderi në 3-5 minuta në pikën e kalimit të Jarinjes.

Edhe në pikat tjera gjendja është e njëjtë.

Sinjali – aty ku e vërteta flet para lajmit!

/GazetaSinjali/

The post Pritje deri në pesë minuta, kjo është gjendja në pikat kufitare appeared first on Sinjali.

Ministri në detyrë i Infrastrukturës, Hysen Durmishi, tha se në Kosovë janë të evidentuara 491 kilometra lumenj që janë të ekspozuar ndaj vërshimeve dhe përmbytjeve, dhe se janë 398 zona me rrezik të konsiderueshëm nga përmbytjet, prej tyre 108 zona janë në rrezik ekstrem.

“Duhet të bëhen shumë investime në Kosovë, edhe nga niveli qendror edhe nga niveli lokal, në mënyrë që kur kemi reshje të mëdha të kemi sa më pak vërshime e përmbytje”, deklaroi Durmishi në emision special kushtuar vërshimeve në Kosovë.

Ai njoftoi se institucionet përkatëse do të bëjnë vlerësimin e dëmeve dhe se Qeveria e Kosovës do t’i marrë përsipër t’i kompensojë dëmet e shkaktuara.

“Ajo çka është më e rëndësishmja është se duhet një koordinim shumë më i mirë i Ministrisë së Punëve të Brendshme dhe Ambientit me komunat, që të bëhen sa më shumë projekte në mënyrë që në të ardhmen të kemi sa më pak raste të tilla, sepse po na ndodh që po përsëritet situata e njëjtë. Në vend se të përmirësohen shtretërit e lumenjve, po na shkon gjendja duke u përkeqësuar në disa pjesë,” tha Durmishi në televizionin publik.

Tutje, ai bëri të ditur se gjendja e rrugëve në Kosovë pas reshjeve të shiut dhe borës është e kalueshme, por kërkoi nga qytetarët që të lëvizin me kujdes, duke iu përshtatur kushteve atmosferike, duke marrë parasysh uljen e temperaturave dhe reshjet e borës.

“I lusim qytetarët që të mos dalin pa pajisje dimërore dhe të vozisin me kujdes,” tha ai.

The post 491 kilometra lumenj dhe 398 zona në Kosovë të rrezikuara nga përmbytjet appeared first on Sinjali.

Rusia sulmoi Ukrainën me një raketë hipersonike Oreshnik gjatë natës së të enjtes, një përdorim i rrallë i një prej armëve të saj më të përparuara gjatë sulmit të fundit që synonte vendin mes temperaturave të ulëta.

“Forcat e Armatosura Ruse nisën një sulm masiv me armë me rreze të gjatë veprimi tokësore dhe detare me precizion të lartë, duke përfshirë sistemin e raketave me rreze të mesme veprimi Oreshnik”, tha Ministria Ruse e Mbrojtjes në një deklaratë të premten, shkruan CNN.

Oreshnik, që në rusisht do të thotë “pemë lajthie”, është një nga armët më të reja të Rusisë, që udhëton deri në 10 herë shpejtësinë e zërit me një rreze veprimi që i lejon asaj të arrijë të gjithë Evropën, tha shefi i forcave raketore të Rusisë.

Raketa mund të përmbajë koka të shumta bërthamore dhe të mbajë ngarkesa konvencionale ose bërthamore.

Moska e përdori atë për herë të parë në nëntor 2024, duke goditur qytetin ukrainas të Dniprosë edhe pse arma nuk ishte zhvilluar plotësisht në atë kohë.

Sinjali – aty ku e vërteta flet para lajmit!

/GazetaSinjali/

The post Rusia sulmon Ukrainën me raketa hipersonike appeared first on Sinjali.

Komisioni Qendror i Zgjedhjeve ka njoftuar se në orën 02:00 të mëngjesit të së premtes, më 9 janar 2026, në Qendrën e Numërimit dhe Rezultateve është përmbyllur numërimi i fletëvotimeve të fundit nga votimi me postë jashtë Kosovës.

Me përfundimin e numërimit të këtyre fletëvotimeve, Valmir Elezi, zëdhënës i KQZ-së, thotë se është mbyllur i gjithë procesi i numërimit të votave nga zgjedhjet e parakohshme për Kuvendin e Republikës së Kosovës, të mbajtura më 28 dhjetor 2025.

“Me përfundimin e numërimit të këtyre fletëvotimeve, KQZ është e gatshme për të shpallur rezultatin përfundimtar të zgjedhjeve të parakohshme të mbajtura më 28 dhjetor. Por, sipas Ligjit për Zgjedhjet e Përgjithshme, palët mund të parashtrojnë ndonjë ankesë në PZAP lidhur me administrimin e numërimit në QNR brenda 48 orëve nga ndodhja e shkeljes së supozuar.

Sinjali – aty ku e vërteta flet para lajmit!

/GazetaSinjali/

The post Përfundon procesi i numërimit të votave, KQZ gati të shpallë rezultatet përfundimtare appeared first on Sinjali.

Falimentimet e bizneseve në Gjermani arritën në 17.605 vitin e kaluar, niveli më i lartë që nga viti 2005, duke ndikuar në rreth 170 mijë vende pune.

Sipas një raporti nga Instituti Halle për Kërkime Ekonomike (IWH), kërkesat për falimentim nga kompanitë dhe partneritetet në Gjermani arritën në 1.519 raste, duke u rritën me 17 për qind në dhjetor krahasuar me të njëjtin muaj të vitit 2024.

Raporti theksoi se numri i falimentimeve në dhjetor ishte 75 për qind më i lartë se mesatarja e muajit dhjetor në vitet 2016–2019, para pandemisë COVID-19.

Instituti tha se edhe gjatë krizës globale financiare të vitit 2009, kjo shifër ishte rreth 5 për qind më e ulët.

Ekonomia gjermane mbetet e brishtë për shkak të dobësisë së vazhdueshme në sektorin e prodhimit, i cili luan një rol më të madh sesa në vendet e tjera të rajonit.

Ekonomia e vendit u tkurr me 0,2 për qind në tremujorin e dytë, pas një rritjeje prej 0,3 për qind në tremujorin e parë.

Ekonomia e shmangu ngushtë hyrjen në një recesion teknik në tremujorin e tretë të vitit, me shifra rritjeje të raportuara në 0 për qind.

Kostot e larta të energjisë, porositë e dobëta globale dhe tarifat e larta amerikane po ndikojnë negativisht në ekonominë e vendit.

Sinjali – aty ku e vërteta flet para lajmit!

/GazetaSinjali/

The post Gjermani, falimentimet e kompanive arrijnë në nivel rekord appeared first on Sinjali.

Turma të mëdha protestuesish kanë marshuar nëpër kryeqytetin e Iranit dhe qytete të tjera, në atë që thuhet të jetë shfaqja më e madhe e forcës nga kundërshtarët e establishmentit klerikal në vite, raporton BBC.

Demonstratat paqësore në Teheran dhe qytetin e dytë më të madh, Mashhad, të enjten në mbrëmje, të cilat nuk u shpërndanë nga forcat e sigurisë, mund të shihen në pamjet filmike të verifikuara nga BBC Persian.

Më vonë, një grup monitorimi raportoi një ndërprerje të internetit në të gjithë vendin.

Protestuesit mund të dëgjohen në pamjet filmike duke bërë thirrje për rrëzimin e Udhëheqësit Suprem të Iranit, Ajatollah Ali Khamenei, dhe kthimin e Reza Pahlavi, djalit të ish-shahut të ndjerë, i cili i kishte nxitur mbështetësit e tij të dilnin në rrugë.

Sinjali – aty ku e vërteta flet para lajmit!

/GazetaSinjali/

The post Shpërthejnë protesta të mëdha antiqeveritare në Teheran dhe qytete të tjera iraniane appeared first on Sinjali.

Lirimi i të burgosurve i njoftuar sot në Venezuelë është “një shembull” i “ndikimit” që Donald Trump ka mbi autoritetet në Karakas, tha zëvendëssekretarja e shtypit e Shtëpisë së Bardhë, Anna Kelly, në një deklaratë dërguar AFP-së.

“Ky është një shembull, ndër të tjera, se si presidenti po e përdor ndikimin e tij në masën më të plotë për të mirën e popullit amerikan dhe popullit të Venezuelës”, theksoi ajo. Madridi njofton lirimin e pesë spanjollëve në Venezuelë.

Qeveria spanjolle njoftoi sot lirimin e pesë spanjollëve, përfshirë një me shtetësi të dyfishtë, në Venezuelë, pas deklaratës së presidentit të parlamentit në Karakas për lirimin e një numri të konsiderueshëm të të burgosurve politikë.

“Qeveria spanjolle mirëpret lirimin sot në Karakas të pesë spanjollëve, përfshirë një me shtetësi të dyfishtë, të cilët po përgatiten të kthehen në Spanjë me ndihmën e ambasadës sonë në Karakas”, thuhet në një deklaratë nga Ministria e Jashtme spanjolle, duke shtuar se ky është një “hap pozitiv në fazën e re në të cilën po hyn Venezuela”.

The post Shtëpia e Bardhë: Lirimi i të burgosurve në Venezuelë shembull i ndikimit të Trump appeared first on Sinjali.

Cristiano Ronaldo vazhdon të shkruajë histori në futbollin botëror. Superylli portugez ka arritur shifrën e 958 golave në karrierë, duke vendosur edhe një rekord të ri historik.

Ronaldo është bërë futbollisti i parë që shënon gola në 25 vite kalendarike rresht, një dëshmi e qartë e jetëgjatësisë dhe nivelit të jashtëzakonshëm që ka ruajtur ndër vite.

Me fanellën e Al Nassr, në Arabinë Saudite, 39-vjeçari numëron 114 gola dhe 22 asistime në 128 paraqitje. Goli i fundit, i 958-ti në karrierë, u realizua nga penalltia në minutën e 81-të të ndeshjes së zhvilluar të enjten mbrëma.

Megjithatë, goli i Ronaldos nuk mjaftoi për të shmangur humbjen e Al Nassr, që u mposht në shtëpi me rezultat 2:1 nga Al Qadsiah, në ndeshjen e vlefshme për xhiron e 14-të.

Pas kësaj jave, Al Nassr mban vendin e dytë në renditje me 31 pikë, katër më pak se lideri Al Hilal. 

The post Ronaldo thyen çdo rekord, shënon për vitin e 25-të radhazi appeared first on Sinjali.

Të premten parashikohet të mbajë mot kryesisht me diell në orët e mëngjesit dhe me acar të fortë. Më pas menjëherë pritet shtim i vranësirave, ku mund të ketë ndonjë reshje të izoluar bore ose shqote.

Vonë pasdite, e sidomos në mbrëmje, pritet intensifikim i reshjeve, kryesisht në formë të shiut. Megjithatë, herë pas here nuk do të mungojnë lokalisht reshjet e përziera dimërore (shi i ngrirë, shqotë dhe borë). Në Rrafshin e Dukagjinit ka mundësi të ketë vetëtimë dhe bubullimë.

Era do të fryjë kryesisht nga juglindja dhe jugperëndimi, e cila herë pas here pritet të jetë mjaft e fuqishme, veçanërisht në regjionin e Gjakovës, me shpejtësi prej 17-58 km/h.

Temperaturat do të shënojnë ngritje gjatë ditës, me minimale që do të lëvizin prej -11 deri në -7°C, ndërsa ato maksimale prej 2 deri në 6°C.

Sinjali – aty ku e vërteta flet para lajmit!

/GazetaSinjali/

The post Parashikimi i motit për nesër appeared first on Sinjali.

Pjesë të Australisë do të përballen me kushte katastrofike zjarri të premten, kur pritet që valët e nxehtësisë të godasin pjesën më të madhe të vendit, ka raportuar BBC.

Valë të nxehta të forta deri ekstreme janë shpallur në çdo shtet dhe territor në Australi, përveç Queensland, me temperatura të larta të parashikuara për ditë të tëra.

Shteti i Victorias ka shpallur një ndalim të plotë të zjarrit për të premten, pasi vlerësimi i rrezikut nga zjarri do të vendoset në “katastrofik” – niveli më i lartë. Rreth 450 shkolla dhe qendra kujdesi për fëmijë do të mbyllen.

Një meteorolog i tha BBC-së se kombinimi i valëve të nxehtësisë dhe një rreziku të lartë zjarri në pjesë të vendit mund të krijojë kushtet më “domethënëse” që nga zjarret shkatërruese të Verës së Zezë.

Të enjten, zjarrfikësit luftuan me disa flakë në Victoria dhe Uellsin e Ri Jugor (NSW), me një duzinë aeroplanësh që transportonin ujë të thirrur për të shuar një zjarr të madh pranë qytetit të Wodonga, raportoi ABC.

Melburni përjetoi ditën e tij më të nxehtë në gjashtë vjet të mërkurën me një maksimum prej 40.9C (105.6F), ndërsa disa qytete bregdetare në Australinë Perëndimore arritën 49C.

Në NSW, vala e të nxehtit pritet të arrijë kulmin të shtunën, me Sydneyn që do të përballet me një maksimum prej 42°C, ndërsa zonat e Australisë Jugore dhe Australisë Perëndimore do të shohin temperatura mbi 40°C në ditët në vijim.

E premtja do të jetë “kulmi i vërtetë i shpërthimit aktual të nxehtësisë”, tha Angus Hines nga Byroja e Meteorologjisë për BBC-në.

“Do të jetë një ditë shumë e nxehtë për pothuajse të gjithë Australinë Jugore, Victorian, pjesën më të madhe të Uellsit të Ri Jugor, pjesë të Tasmanisë”.

E mërkura ishte vala e parë e rëndësishme e të nxehtit për Melburnin dhe Adelaiden, ku jetojnë miliona njerëz, me kushtet e zjarreve që pritet të përkeqësohen të premten, tha ai.

“Së pari, erërat po forcohen në të gjithë Victorian nesër”, tha Hines, duke shtuar se së bashku me stuhi të mundshme me pak shi dhe goditje rrufeje të thata, rreziku i zjarreve do të arrijë nivele katastrofike për pjesët veriore të Victorias.

“Kjo duket si ngjarja më e rëndësishme në një nivel shumëditor për Australinë juglindore të brendshme që nga viti 2019-2020”, tha Hines.

Ajo periudhë gjashtë vjet më parë pa sezonin më të rëndë të zjarreve të regjistruara në Australi, të ashtuquajturën Verë e Zezë, ku dhjetëra njerëz vdiqën dhe dhjetëra miliona hektarë tokë u dogjën.

Sinjali – aty ku e vërteta flet para lajmit!

/GazetaSinjali/

The post Australia goditet nga vala e nxehtësisë, zyrtarët paralajmërojnë për rrezik zjarri ‘katastrofik’ appeared first on Sinjali.

Sekretari i Partisë Demokratike të Kosovës për Marrëdhënie Ndërkombëtare, Bernard Nikaj, ka deklaruar se PDK nuk do të votojë asnjë kandidat për president pa një marrëveshje apo diskutim politik paraprak.

“Edhe në vitin 2021, Partia Demokratike e Kosovës ka refuzuar të votojë vetëm për një kandidat të cilin e propozon z. Kurti pa një marrëveshje ose diskutim politik. Edhe kësaj radhe nuk ka asnjë arsye që ne, pa një diskutim politik apo dakordim, të shantazhohemi ose të kërcënohemi në votimin e cilitdo kandidat”, tha Nikaj.

Pas zgjedhjeve të 28 dhjetorit ku Lëvizja Vetëvendosje mbi mbi 50% të votave, u qartësua se lehtësisht e formon qeverinë, porse nuk ka votat e mjaftueshme për të zgjedhur edhe presidentin.

The post Nikaj: PDK nuk voton asnjë kandidat për president pa marrëveshje apo diskutim paraprak appeared first on Sinjali.

Presidenti amerikan Donald Trump ka lëshuar një paralajmërim të fortë ndaj Iranit gjatë një interviste, duke deklaruar se situata për Teheranin “nuk po shkon mirë”.

“Ata po shkojnë shumë keq… Do t’ju them se nuk po shkojnë mirë. Nëse fillojnë të vrasin njerëz, do t’i godasim shumë rëndë. Ata e dinë dhe u është thënë shumë fuqishëm se nëse e bëjnë këtë, do të duhet të paguajnë ferrin”, u shpreh Trump.

Në mënyrë të tillë, deklarata e presidentit Trump është interpretuar si një mesazh i drejtpërdrejtë paralajmërues ndaj autoriteteve iraniane.

Sinjali – aty ku e vërteta flet para lajmit!

/GazetaSinjali/

The post Trump paralajmëron Iranin: Nëse vrasin njerëz, do të paguajnë ferrin appeared first on Sinjali.

Reshjet e borës kanë ndikuar në pastimin e ajrit në vend.

Sipas matjeve të fundit nga ‘IQ Air’ e cila bën vlerësimin e cilësisë së ajrit në botë, Prishtina renditet në mesin e vendeve me ajrin me të pastër botë.

Kryeqytetit i Kosovës renditet në pozitën e 90-të, ku vlera e cilësisë së ajrit të dëmshme PM është 44.

Kjo vlerë është në nivelin e normales dhe ajri nuk vlerësohet aspak i dëmshmë për shëndetin e qytetarëve.

Sinjali – aty ku e vërteta flet para lajmit!

/GazetaSinjali/

The post Bora pastron ajrin në Prishtinë, ja ku renditet sot kryeqyteti appeared first on Sinjali.

Gjermania po përgatitet për reshje të mëdha dëbore këtë fundjavë duke çuar në mbylljen e shkollave dhe vonesa të fluturimeve.

Shërbimi Gjerman i Motit DWD ka parashikuar stuhi të forta dëbore që do të godasin vendin gjatë natës, veçanërisht në Gjermaninë lindore dhe qendrore, si dhe midis qyteteve veriore të Bremenit dhe Hamburgut.

Një meteorolog i DWD-së e përshkroi motin si “ekstrem”, me trashësinë e borës që pritet të arrijë deri në 20 centimetra në disa pjesë të Gjermanisë.

Ndërsa disa pjesë të Gjermanisë janë mbuluar nga dëbora dhe akulli për ditë të tëra, shërbimi i motit paralajmëroi se “kombinimi i erës dhe dëborës” që po vjen mund të shkaktojë kaos dhe të çojë në ndërprerje të trafikut.

Stuhia “Elli” pritet të godasë nesër vendin, përpara se të humbasë forcën dhe të lëvizë në lindje drejt Republikës Çeke të shtunën.

Partia qeverisëse e Kristiandemokratëve (CDU) anuloi takimin e parë të madh të partisë për këtë vit – për shkak të përkeqësimit të motit.

Rreth 350 pjesëmarrës, përfshirë kancelarin gjerman Friedrich Merz dhe rreth 100 përfaqësues të medias, do të mblidheshin në konferencën dyditore të partisë në Mainz, në dalje të Frankfurtit.

Merz tha se udhëheqja e partisë ka planifikuar ta zhvillojë takimin online dhe të miratojë disa rezoluta.

Sinjali – aty ku e vërteta flet para lajmit!

/GazetaSinjali/

The post Gjermania pritet të goditet nga një stuhi e fuqishme dimërore appeared first on Sinjali.

Zëvendëspresidenti i SHBA-së, JD Vance, thotë se Grenlanda është “kritike” për mbrojtjen e SHBA-së dhe botës kundër sulmeve të mundshme me raketa ruse ose kineze – dhe se Evropa dhe Danimarka “nuk kanë bërë një punë të mirë” në sigurimin e zonës, ka raportuar BBC.

Vance i tha Fox News se ata jo vetëm që kishin investuar pak në mbrojtjen e Grenlandës, por gjithashtu nuk arritën të angazhoheshin me argumentin e Presidentit Donald Trump mbi këtë çështje.

Zyrtarët amerikanë po diskutojnë “aktivisht” një ofertë të mundshme për të blerë Grenlandën – një territor gjysmë-autonom danez – tha Shtëpia e Bardhë të mërkurën, një ditë pasi sugjeroi se veprimi ushtarak për ta aneksuar atë nga SHBA-ja ishte gjithashtu një opsion.

Danimarka, një anëtare tjetër e NATO-s, ka paralajmëruar se kjo do të shënonte fundin e aleancës.

Si Groenlanda ashtu edhe Danimarka kanë theksuar vazhdimisht se ishulli nuk është në shitje.

Pavarësisht se është territori më pak i populluar, vendndodhja e Grenlandës midis Amerikës së Veriut dhe Arktikut e bën atë të pozicionuar mirë për sistemet e paralajmërimit të hershëm në rast të sulmeve me raketa dhe për monitorimin e anijeve në rajon.

SHBA-të tashmë kanë më shumë se 100 personel ushtarak të stacionuar përgjithmonë në bazën e tyre Pituffik në skajin veriperëndimor të Grenlandës – një strukturë që është operuar nga SHBA-të që nga Lufta e Dytë Botërore.

Sipas marrëveshjeve ekzistuese me Danimarkën, SHBA-të kanë fuqinë të sjellin sa më shumë trupa të duan në Grenlandë.

Sinjali – aty ku e vërteta flet para lajmit!

/GazetaSinjali/

The post Vance kritikon Danimarkën dhe Evropën për mënyrën se si e trajtuan Grenlandën appeared first on Sinjali.

Në një numër të konsiderueshëm të komunave në vendin tonë uji i pijshëm i përmbush standardet për konsum, pavarësisht se në ditët e fundit ka pasur vërshime.

Një gjë të tillë e bëri të ditur për RTK-në, drejtoresha e Institutit Kombëtar të Shëndetësisë Publike të Kosovës, Ardita Baraku.

“Raportet e ditës së sotme tregojnë se, në një numër të konsiderueshëm komunash që furnizohen nga rrjeti i ujësjellësit, uji i pijshëm i përmbush standardet e parapara me legjislacionin në fuqi në Kosovë dhe konsiderohet i sigurt për konsum”, tha ajo.

Megjithatë, ajo theksoi se në disa komuna janë evidentuar turbullira të lehta në ujë, për çka ai rekomandohet të përdoret vetëm për nevoja teknike dhe jo për pije. Ndërkaq, sipas saj, në zona ku turbullira është më e theksuar, furnizimi me ujë për pije është ndërprerë përkohësisht.

Baraku ka bërë të ditur se uji përdoret vetëm për qëllime teknike në komunën e Malishevës dhe në disa fshatra të Kamenicës, ndërsa në Shkabaj furnizimi me ujë për pije është ndërprerë plotësisht.

Ajo theksoi se vendi ndodhet ende në fazën e rimëkëmbjes nga kjo fatkeqësi natyrore dhe se prioritet mbetet përdorimi i ujit të sigurt për pije.

Baraku u ka bërë thirrje të veçantë qytetarëve që furnizohen nga pusetat private, të cilët menaxhohen nga vetë ata, që si masë parandaluese ta vlojnë ujin para përdorimit, deri në stabilizimin e plotë të situatës pas vërshimeve.

Sinjali – aty ku e vërteta flet para lajmit!

/GazetaSinjali/

The post Përmbytjet në Kosovë, IKSHPK thotë se uji në shumicën e komunave i përmbush standardet për konsum appeared first on Sinjali.

Bashkëpunimi me galerinë ‘Sociéte’ të Berlinit për të promovuar artin e tij ka ngjallur interes të shtuar te mediat gjermane për të mësuar më shumë rreth artistit dhe kryeministrit të Shqipërisë, Edi Rama.

Në një artikull të gjatë me titullin “Politika nuk është art”, e përditshmja Frankfurter Allgemeine i bën një përshkrim të detajuar jetës artistike dhe politike të Ramës, që nga studimet e larta, përfshirja në politikë e deri te krijimet e tij artistike në pikturë dhe skulpturë me qeramikë.

“Më në fund, ai u ngrit në krye të qeverisë dhe u konfirmua në detyrë për herë të katërt vitin e kaluar, me një shumicë absolute të Partisë së tij Socialiste. Rama polarizon: Kritikët e akuzojnë për tendenca autoritare; mbështetësit e shohin si një kozmopolit ambicioz që dëshiron ta çojë Shqipërinë në Bashkimin Evropian”.

Autori i artikullit, Georg Imdahl, i cili thotë se zhvilloi një bisedë të gjatë me kryeministrin e Shqipërisë në Zoom për të mësuar më shumë për jetën e tij, evidenton faktin se Rama filloi të vizatonte gjatë takimeve të gjata politike, thjesht e vetëm për të mbajtur mendjen të përqendruar.

“Vizatimet e tij nuk ishin menduar për shitje në fillim. Ai nuk i duronte dot takimet e gjata si politikan. Ashtu siç të tjerët shkruajnë ndërsa flasin në telefon, Rama filloi të vizatonte në takime. Ky aktivitet, siç e ka zbuluar dikur një studim shkencor, rrit vëmendjen”.

Më tej në artikull nënvizohet se nga një pasion i vjetër, aktiviteti i Ramës në art, sidomos në skulpturë, është kthyer tashmë në një gjë që ai e praktikon çdo fundjavë në studion e një miku të tij. Por pavarësisht se angazhimi i tij në art mbetet në plan të dytë, autori nënvizon se krijimet e Ramës janë të kërkuara, madje duke iu referuar deklarimeve të pronarit të Société të Berlinit, sjell për herë të parë edhe vlerën me të cilën ato janë nxjerrë në shitje. Ai përmend rreth 3,800 euro për vizatime, rreth 35,000 euro për skulptura dhe deri në 50,000 euro për instalime me letër-muri.

Por a kombinohen arti dhe politika në mendimin e Ramës? Vetë kryeministri tregon për Georg Imdahl se ia ka bërë shpesh herë këtë pyetje vetes, por përgjigja është jo.

“Politika është luftë, duhet të merresh me njerëz të pandjeshëm, duhet të mbijetosh. Arti, nga ana tjetër, është lutje, mundësi për t’u qetësuar. Pa politikë, ai nuk do të kishte vizatuar aq shumë, sepse nuk e sheh veten si artist të vetëm në izolimin e studios”.

Frankfurter zbulon se në maj të këtij viti, në Gallery Weekend në Berlin, Société do t’i kushtojë një ekspozitë personale skulpturave të tij.

Sinjali – aty ku e vërteta flet para lajmit!

/GazetaSinjali/

The post Edi Rama, mes politikës dhe artit: Gazeta gjermane zbulon sa shitet një vepër arti e tij appeared first on Sinjali.