“Gjërat po lëvizin kaq shpejt sa gjërat nuk do jenë në dorë të Ramës. Gjërat po lëvizin kaq shpejt nga faktori ndërkombëtar dhe ju do e shihni në janar e mbrapa do ketë lëvizje të tjera tektonike në drejtim të qeverisë Rama”.

Kështu u shpreh Gjin Gjoni, deputet i Partisë Demokratike, në një lidhje direkte me studion e “Off the Record” nga Andrea Danglli, në A2CNN.

“Shtetet e Bashkuara të Amerikës po i kushtojnë një rëndësi të veçantë të Ballkanit dhe këtu hyn edhe Shqipëria, dhe padyshim që Rama do marrë atë që meriton, për shkak të atyre problematikave që ka patur nga viti 2013 dhe deri në ditën e sotme”, deklaroi Gjoni.

Deputeti i Lëvizjes Bashkë Redi Muçi  ka refuzuar hapur ftesën e kreut të Partisë Demokratike, Sali Berisha, për t’u ulur në një tryezë opozitare të premten, duke përjashtuar çdo mundësi bashkëpunimi me PD-në, tani dhe në të ardhmen. Në Off the Record me Andrea Dangllin në A2 CNN, Muçi theksoi se Partia Demokratike dhe Partia Socialiste janë njësoj fajtore për ndërtimin e një sistemi oligarkiko-politik gjatë 35 viteve të fundit.

“Me Partinë Demokratike sigurisht që s’ka për të pasur asnjë lloj bashkëpunimi as në të ardhmen. Këtë e ka shprehur qartë edhe kryetari i Lëvizjes Bashkë, për arsyen e thjeshtë se ne praktikisht e konsiderojmë Partinë Socialiste njësoj fajtore si Partia Demokratike në ngritjen e këtij sistemi oligarkiko-politik që është ngritur në këto 35 vjet”.

Në këtë këndvështrim, deputeti Muçi e quajti ftesën e Berishës një tjetër përpjekje të tij për të “ngritur çadrën”, duke shtuar se në PD nuk ka vend për Salianjin jo më për figura të tjera.

“Përpjekja e radhës si përpjekja e radhës e Sali Berishës për të ngritur çadrën. Me pak fjalë kur në çadrën e Berishës nuk ka vend për Salianjin që është i vetmi që guxoi të thotë gjysmë llafi kundër liderit të vet. Imagjinon se çfarë vendi ka pastaj për partitë e tjera. Është qesharake tentativa. Po themi e radhës”, theksoi ai në Off the Record me Andrea Dangllin në A2 CNN.

Sipas tij, pluralizmi politik në Shqipëri ka shërbyer për të kanalizuar çdo opozitë reale vetëm në boshtin PS–PD, ndërsa marrëveshjet mes partive, sipas tij, kanë qenë famëkeqe, duke sjellë në vëmendje marrëveshjet Berisha-Meta dhe Rama-Meta.

“Në këto dekada pluralizmi politik ka pasur një tendencë si të thuash për ta kanalizuar çdo oponencë tek hullia PS-PD dhe në ato pak raste kur ka pasur marrëveshje mes partish kanë qenë marrëveshje famëkeqe si është ky bashkimi i qelbësirave bashkë qoftë si të thuash Berisha me Metën, qoftë Rama me Metën më pas që i kanë sjellë vetëm të këqija vendit”, tha ai në Off The Record me Andrea Dangllin në A2 CNN.

Ai theksoi se Lëvizja Bashkë është një subjekt politik ndryshe, i ndërtuar, sipas tij, mbi vullnetin e qytetarëve dhe me një qasje të qartë antisistem të ngritur në këto dekada.

“Besoj se për herë të parë në vitet e fundit në politikën shqiptare është një subjekt politik si Lëvizja Bashkë, e cila nuk është si të thuash nuk ka dalë nga një prej dy partive kryesore të vendit. Është një subjekt i ngritur nga vullneti i popullit dhe nga një qasje e qartë dhe koherente që është antisistemore e një sistemi të ngritur në 35 vjet shtet”.

Jade Tubb, 33 vjeçe, gjithashtu u deklarua fajtore për konspiracion për të poseduar pasuri kriminale. Nikolli dhe Lleshi pranuan gjithashtu një akuzë tjetër për vjedhje me dhunë, në lidhje me dy vjedhje në Staffordshire në mars 2024 dhe dhjetor 2023.

Grupi kreu të paktën 44 vjedhje në Cheshire, Cleveland, Derbyshire, Leicestershire, Nottinghamshire, Staffordshire, Warwickshire dhe West Mercia.

Ata grabitën në Feckenham, Redditch, më 15 janar 2025, tre herë, përfshirë dy herë brenda një dite, në Barnt Green më 1 shkurt dhe 7 shkurt dhe dy herë në Astwood Bank në të njëjtën ditë, më 14 shkurt.

Në West Mercia, ata grabitën gjithashtu në Hereford dhe Oswestry, me një total prej nëntë veprash penale.

Në çdo rast, ata futeshin në ambiente duke përdorur shkallë për të hyrë nga dritaret dhe ballkonet. Pasi hynin brenda, ata plaçkitnin bizhuteri, çanta firmato dhe para.

Hetime të mëtejshme zbuluan se të katër shqiptarët takoheshin rregullisht në një kafene në lagjen e bizhuterive në Birmingham.

Përveç kësaj, oficerët vërtetuan se Tubb ishte në një lidhje dashurie me Nikollin.

Gjatë bastisjeve, oficerët gjetën 13 çanta dore firmato, së bashku me 14 orë dore me vlerë gati 17,000 paund.

Gjatë urdhër-arresteve u sekuestruan gjithashtu disa telefona celularë, dhe gjatë analizës, oficerët gjetën qindra imazhe të sendeve të vjedhura, së bashku me mesazhe që përmbanin linqe për hartat e Google, të cilat korrespondonin me vendin ku ishin kryer vjedhjet. Përveç kësaj, oficerët gjetën mesazhe që tregonin se kishte një anëtar të pestë të bandës, Sidorjan Lleshi, i cili jetonte në Sheffield.

Vlera totale e vlerësuar e sendeve të vjedhura është mbi 1 milion paund, dhe ndërsa disa sende janë kthyer te pronarët, shumica dërrmuese besohet se janë shitur, tha policia.

“Nikolli, Gropcaj, Dedndreaj, Lleshaj dhe Lleshi ishin të gjithë përgjegjës për kryerjen e vjedhjeve, ndërsa Tubb ishte e lumtur të shpenzonte fitimet e tyre të përfituara në mënyrë të paligjshme. Gjatë kontrolleve, ne gjetëm letra midis Nikollit dhe Tubbit, në të cilat dyshja e përshkruante veten si ‘Bonnie dhe Clyde’, duke iu referuar mënyrës se si po punonin së bashku për të kryer vjedhjet”, thuhet në raportet policisë.

Dedndreaj, Nikolli, Lleshaj, Gropcaj dhe Lleshi janë lënë në paraburgim dhe do të marrin dënimin më 20 shkurt.

Tubb, është liruar me kusht dhe do të njihet me dënimin gjithashtu më 20 shkurt.

Ministrja e Punëve të Brendshme Albana Koçiu, nga Durrësi, theksoi se të gjitha strukturat janë në gadishmëri të plotë për përballimin e situatës së krijuar nga reshjet e dendura të orëve të fundit.

Gjatë inspektimit në hidrovorin e ri të bashkisë së Durrësit, ajo nënvizoi se funksionimi paralel i dy hidrovorëve, atij të ri dhe atij ekzistues, ka qenë vendimtar për të shmangur një situatë të agravuar në qytet.

“Reshjet kanë sjellë një situatë shqetësuese, por të gjitha institucionet janë në terren dhe në gatishmëri të plotë. 12 orët e ardhshme mbeten kritike dhe fokusi ynë është menaxhimi i situatës dhe garantimi i sigurisë së qytetarëve. Më pas do të vijojë procesi i vlerësimit të dëmeve, i cili ka nisur tashmë në disa zona,” u shpreh ministrja Koçiu, duke apeluar që qytetarët të shmangin lëvizjet e panevojshme dhe të ndjekin udhëzimet e autoriteteve lokale.

Kryetarja e Bashkisë Durrës, Emiriana Sako, konfirmoi se infrastruktura kritike po funksionon pa ndërprerje. Ajo bëri të ditur se hidrovori i ri, i ndërtuar me fondet e qeverisë, ka qenë në punë të plotë prej rreth 48 orësh, me të gjitha pompat aktive, ndërsa edhe hidrovori i vjetër është funksional me 6 pompa dhe kapacitete rezervë për furnizimin me energji elektrike.

“Pa funksionimin e këtyre objekteve do të ishte e pamundur menaxhimi i situatës. Ato monitorohen 24 orë nga stafet teknike dhe kanë një rëndësi jetike për qytetin në raste emergjencash,” theksoi Kryetarja Sako.

Autoritetet konfirmojnë se monitorimi vijon pa ndërprerje dhe se të gjitha strukturat e emergjencave janë në gatishmëri për të reaguar ndaj çdo zhvillimi të mëtejshëm të situatës.

Dhe kur numëron kaq shumë arritje, ku kolegë të tij dhe futbollistë me kaq arritje në Botë, mungesën e pranisë së tyre për shumë vite të rinisë pranë familjes, ja kanë kompensuar të paktën me para, për të mos patur edhe probleme financiare në vazhdim. Fatkeqësisht në futbollin tonë, figura të tilla si Eksarko janë të shumta që pavarësisht se ishin simbol, ekipi, qyteti apo edhe kombëtareje, problemet financiare i kishin dhe i kanë si të gjithë.

Kështu në rrjetet social mund të gjesh tashmë që kanë kaluar rreth 1 javë nga ndarja nga jeta e legjendës së kuqe, Kristaq Eksarko, një apel për ndihmë financiare, nga një tjetër legjendë e Partizanit dhe e Kombëtares sonë si ish-shoku i tij i ekipit Ylli Shehu. Ai nëpërmjet postimit të një numri llogarie mbankare bën apel për ndihmë për familjen e Kristaqit. Më poshtë po publikojmë edhe ne këtë llogari bankare për tu solidarizuar me emrin e atyre që dhanë aq shumë për të na argëtuar dhe nuk morën asgjë, veç mirënjohjes.

Analistët patën një debat, ndërsa Zeka u shpreh se mund ta linte fare studion, edhe pse ai ishte në një lidhje live.

Demaliaj: A ka zbulim Amerika, a ka zbulim Anglia. E gjithë bota rron nëpërmjet informacionit të zbulimit. Jemi në luftën e ftohët dhe Shqipëria ka qenë nën agresion. A ka zbulim sot Amerika. A mund ta mbarojë unë, po më ngatërron. Unë nuk po them por njerëzit që torturonte brenda në Shqipëri. Ka pas forca nga jashtë për të h brenda as diskutohet që ka pas, këta kanë vepru siç ka vepru gjitha kampi lindjes.

Zeka: Prap do shkojmë dhe s’do themi asgjë sonte. A mund të ndërhyjë të lutem.

Demaliaj: Një nga fatkeqësitë që kemi sot është që njerëz të huaj veprojnë në Shqipëri.

Zeka: Demaliaj s’të lë me fol asnjëherë. Demaliaj duhet me ftu veten në emision. Në qofte se ke ardh vetëm ti me fol, fol o vëlla dhe iki unë nga studio.

Demaliaj: Duhet të marr leje ty?

Zeka: Thuaj më fal.

Demaliaj: Pse duhet të të them më fal ty.

Zeka: Je burrë i madh ti.

Demaliaj: Nuk jam i madh as i vogël, mos devijojmë temën e muhabetit.

Zeka: Secili duhet të japë mendimin e vetë.

Sipas mediave vendase, fotografitë, të cilat kanë qarkulluar në rrjetet sociale ditët e fundit, kanë shkaktuar reagime të shumta në opinionin publik. Ato tregojnë një prift duke kryer një ceremoni fetare dhe duke shenjtëruar automjete zyrtare të policisë në oborrin e Ministrisë së Punëve të Brendshme, në prani të oficerëve policorë.

Një pjesë e qytetarëve e justifikojnë këtë veprim, duke theksuar se në traditën ortodokse ekziston një lutje për shenjtërimin e automjeteve dhe se bëhet fjalë për një akt simbolik që synon mbrojtjen dhe sigurinë. Megjithatë, një pjesë tjetër e publikut ka reaguar ashpër, duke vlerësuar se një praktikë e tillë bie ndesh me parimin kushtetues të sekularizmit dhe se institucionet shtetërore duhet të mbeten fetarisht neutrale.

Debati ka rihapur çështjen e kufirit mes zakoneve fetare dhe funksionimit të institucioneve shtetërore laike, si dhe nevojën për rregulla të qarta dhe llogaridhënie në hapësirën publike. Reagime të ngjashme pati edhe një vit më parë, kur në ambientet e Kuvendit u zhvillua një ceremoni fetare.

Gazetari Flogert Muça është shprehur kundër kërkesës së kreut demokrat Sali Berisha për ngritjen e një qeverie teknike, duke e cilësuar atë si një përpjekje për të marrë pushtetin në tavolinë. Në studion e Off the Record me Andrea Dangllin në A2 CNN, ai tha se modeli i qeverisë teknike është tashmë i provuar në Shqipëri dhe një nga produktet e saj, sipas tij, është Gazment Bardhi. Sipas tij kjo kërkesë nuk ka si synim largimin e Edi Ramës nga pushteti, por thjesht zëvendësimin e individëve.

“E di kush është produkti i qeverisë teknike në Shqipëri? Gaz Bardhi. Ai ishte ministër teknik Gazi? Ju kujtohet ministri i Ramës dhe i Lulit. Gazi është. Këta nuk kërkojnë qeveri teknike. Këta nuk kërkojnë të bëjnë Shqipërinë dhe t’ia heqin nga dora Edi Ramës, kleptomanit. Këta thonë hiqja Lenës, veja Prenës. Pra ma jepni mua qeveri në tavolinë, se unë nuk mundem të fitoj zgjedhjet dhe më lër mua nja dy vjet qeveri teknike deri nga 2027 dhe pastaj me këtë qeverinë teknike pasi ta ketë pastruar”, tha ai në Off the Record me Andrea Dangllin në A2 CNN.

Ai shtoi se kërkesat për qeveri teknike menjëherë pas zgjedhjeve janë jashtë kontekstit politik.

“Por thelbi është ky. Janë jashtë kontekstit. Pra sapo kanë mbaruar zgjedhjet thotë më jep qeveri teknike”, theksoi ai në Off the Record me Andrea Dangllin në A2 CNN.

I pyetur se ideja e qeverisë teknike është mbështetur edhe nga forca të tjera politike, si ajo e drejtuar nga Adriatik Lapaj, Muça u shpreh: “Zotit Lapaj kur t’i shkojë deputeti e tij në protestë hajde flasim. Në të kundërt nuk përfaqëson asgjë. Kaq. Ajo që përfaqëson votuesit nuk i shkon. Ka nxjerrë çdo aktor dhe çdo aktore dhe nuk ka nxjerrë në Facebook deputeten e tij. Ai qoftë”.

I ftuar në studion e lajmeve të Euronews me Mirela Milorin, kreu i LZHK, Dashamir Shehi, u shpreh se duke parë zhvillimet e fundit, ka premisa të mira për ndryshime brenda partive politike dhe është optimist për një ndryshim në politikën shqiptare gjatë vitit 2026.

Sipas Shehit, ndryshimet do të vijnë nga brenda partive. gjë që do të lejojë një gjeneratë të re të zërë vend dhe të shprehë idetë e veta, pa u ndikuar nga hierarkia tradicionale. Ai thekson se një reflektim i tillë i brendshëm është thelbësor për të përmirësuar politikën shqiptare dhe për të krijuar institucione më të balancuara.

Shehi gjithashtu vuri në dukje se sistemi aktual politik ka nevojë për ndryshime rrënjësore, duke përmendur marrëveshjen e vitit 2008 dhe ligjin zgjedhor si faktorë që i kanë dhënë shumë pushtet kryetarëve të partive dhe kanë kufizuar lirinë e deputetëve.

“Ka gjasa se do hapet një dialektikë brenda partive politike, gjithë ata njerëz që rrijnë aty, te Partia Socialiste ka 83 deputetë, jo vetëm ato se ka të tjerë në parti, të vlefshëm që do të flasin, do reagojnë, do ta ndryshojnë edhe këtë punë, se deri tani s’ka qenë… janë memecë të tërë, dhe nga krahu tjetër e njeta gjë. Do të çlirohet një gjeneratë e re, jo thjesht për moshë, por për ide ndryshe, njerëz që thonë atë që kanë në mendje dhe jo atë që thotë shefi. Kjo është premisa e parë, por që të avancojë të ndryshojë politikën shqiptare duhen ndryshuar disa gjëra që janë rrënjësore. Kush e ka prodhuar këtë sistem politik? E ka prodhuar marrëveshja e 2008, ndryshimi i Kushtetutës, prishja e balancës midis institucioneve dhe e ka prodhuar ky ligj zgjedhor që i ka dhënë pushtet kryetarëve të partive të bëjnë skllevër deputetët e vet. Pse rrijnë ato aty? Se janë të listës, dikush që ka një zë ndryshe është jashtë listes dhe ai është sinjal për ata të tjerët: po fole mbetesh jashtë, rri i qetë që të mbetesh brenda. Mirëpo ata janë brenda parlamentit, jo brenda politikës. Po mendoj se këto lëvizje brenda vitit 2026 do ta çlirojnë politikën”, tha Shehi.

Për shkak të motit të keq që ka pushtuar vendin tonë në të dytën ditë radhazi, ka pasur probleme të shumta në shumë qarqe të vendit, rrugë, toka bujqësore nën ujë, banesa të përmbytura dhe familje të evakuuara.

Për shkak të rrëshqitjeve të dheut është bllokuar përkohësisht aksi rrugor Qukës-Qafë Plloçë. Duke u ndalur gjerësisht te kjo problematike, analisti Arben Meçe tha për emisionin “Real Story” në ABC News se problemi qëndron që te projektimi i rrugës në vitin 2009, ku sipas tij SPAK duhet të nisë një hetim.

Meçe thotë se rruga do të jetë jashtë funksionit për shkak të faktorëve gjeologjikë të papërshtatshëm dhe Berisha, sipas tij, duhet të mbajë përgjegjësi pasi u vendos në shërbim të interesave greke për të sabotuar Korridorin 8.

“Qoftë në planin gjeostrategjik dhe të interesave kombëtare, qoftë edhe në mënyrën e projektimin ajo rrugë quhet sabotazh në sistemin rrugor në Republikën e Shqipërisë. Në mënyrë më të posaçme, problemi më serioz i saj është mos marrja fare në konsideratë e informacioneve gjeologjike në të cilat ajo është zhvilluar. Nuk po them në gjeometrinë e trupit dhe në gjeometrinë e aksit të lëvizjes. Është ndërtuar në formacione gjeologjike, që kanë për ta nxjerrë ashtë funksionit atë rrugë.

Që në momentin që është nisur projektimi, unë kam thënë që SPAK duhet të fillojë një hetim që në gjenezë, që në vitin 2009 se kush janë projektuesit e asaj rrugës dhe cili ishte synimi final i asaj rruge. 300 milionë euro janë hedhur në kosh në atë rrugë. Në një kohë shumë të shkurtër do të shohim shkarje masive. Aksi Qukës -Qafë Plloçë është rasti më i pastër dhe më ideal ku Sali Berisha vendoset në shërbim të interesave greke për të sabotuar Korridorin 8”, tha Meçe.

Hyrja në fuqi e ligjit për rivlerësimin e pasurive të paluajtshme me normë 5 për qind pritet të zhbllokojë një numër të konsiderueshëm kontratash premtimi të mbetura pezull prej vitesh. Sipas Shoqatës së Ndërmjetësve të Pasurive të Paluajtshme, rreth 530 mijë kontrata premtimi ndodhen aktualisht në pritje të rivlerësimit për t’u formalizuar.

“Rivlerësimi i pronës me 5 për qind do ketë interes të lartë për këdo që është përgatitur që ta tregtojë pasurinë e paluajtshme në 2-3 vitet e ardhshme. Ka një interes të rritur, sidomos në ato njësi, në ato qytete dhe ndërtime të cilave u ka ndyshuar çmimi i referencës”, shprehet Reinaldo Pipiria, Kreu i Shoqatës së Ndërmjetësve të Pasurive të Paluajtshme.

Rritja e vlerës së pronës përmes rivlerësimit pritet të ndikojë drejtpërdrejt edhe në çmimet e tregut, veçanërisht në zonat me kërkesë të lartë. Bregdeti mbetet zona më e shtrenjtë.

Ndërkohë, përfshirja në tatim e tarifës së amortizimit të godinës konsiderohet se prek vetëm një segment të kufizuar të tregut.

“Në këtë vit ne besojmë që do të ketë shumë alternativa në treg për cilindo që do të investojë në pasuri të paluajtshme, për këdo do të gjejë një banesë ekonomike. Një komponent i cili do të hyjë në punë dhe do të jetë funksional vetëm për një pjesë të vogël të tregut, për ato prona të cilat janë shumë të amortizuara, janë të vjetra dhe nuk arrijnë çmimin e referencës”, tha Pipiria.

Afati për kryerjen e rivlerësimit pritet të jetë që nga botimi i ligjit në fletoren zyrtare e deri në fund të vitit 2026.

Problematike paraqitet situata në Novoselë, ku niveli i lumit Vjosë ka arritur në kuotën 8 metra, ndërkohë që mbi kuotën 8.5 metra, Vjosa nis përmbytjen e zonave përreth, duke shtuar ankthin e frikën e banorëve.

A2 CNN raporton se situata vijon të mbetet shqetësuese, pasi prurjet nga Përmeti dhe Memaliaj janë ende të larta.

Gjendja paraqitet e pafavorshme edhe për shkak të erës bregdetare, e cila ka krijuar pengesa në derdhjen e lumit në det, duke rënduar më tej situatën hidrike.

Banorët e zonave të prekura shprehen të indinjuar, duke theksuar se kjo situatë përsëritet prej vitesh dhe, sipas tyre, nuk janë marrë masa konkrete për parandalimin e përmbytjeve.

Situata nga reshjet, mblidhet Shtabi i Emergjencave në Novoselë 

Është mbledhur në ambientet e Njësisë Administrative Novoselë, shtabi i Emergjencave për të analizuar situatën e krijuar pas reshjeve intensive dhe daljes nga shtrati të lumit Vjosë.

A2 CNN raporton se prefektja e Qarkut Vlorë, Evis Allushi, ka kërkuar informacion të detajuar nga të gjitha strukturat përgjegjëse, duke theksuar nevojën për gatishmëri maksimale në menaxhimin e situatës, ku prioritet mbetet siguria e banorëve.

Kryetarja e Bashkisë Vlorë, Brunilda Mersini, paraqiti një pasqyrë të situatës në qytet pas reshjeve dhe kërkoi që t’u jepet zgjidhje përfundimtare banesave pranë shtratit të lumit, përmes largimit të tyre dhe sistemimit në banesa sociale.

Ndërsa kreu i Njësisë Administrative Novoselë, Kanan Shakaj, kërkoi zgjidhje për problematikën e gërryerjes së tokave në Mifol, si dhe për argjinaturën në Bishan.

Ndërkohë, shefi i Rendit, Shpëtim Hasanaj, iu referua edhe problematikave në qarkullimin rrugor dhe masave të ndërmarra për garantimin e sigurisë.

Nga institucionet u theksua gatishmëria për ndërhyrje në çdo situatë dhe ofrimin e ndihmës për banorët, nëse përmbytjet krijojnë rrethana më shqetësuese.

Burime për Report TV bëjnë me dije se kryeministri do të mbledhë të premten (më 9 janar), në Tiranë, ministrat e kabinetit të tij. 

Fokusi i kësaj mbledhjeje do të jetë te objektivat e qeverisë për vitin 2026. 

Takimi do të nisë në orën 10:00 te Pallati i Brigadave dhe është konceptuar si një tryezë e gjatë pune për vetëm një ditë. 

Presidenti amerikan Donald Trump është shprehur se SHBA do të jetë gjithnjë aty për NATO-n, edhe nëse vendet aleate nuk do të vendosen në ndihmë të SHBA-ve.

Presidenti amerikan tha se pa impaktin e tij, “Rusia do ta kishte marrë të gjithë Ukrainën tani”.

Dëshira e Trump për të blerë Groenlandën nga Danimarka ka çuar në tensione midis SHBA-së dhe anëtarëve evropianë të NATO-s këtë javë, me kryeministren daneze që madje paralajmëroi se veprimi i SHBA-së për të marrë Groenlandën do të thoshte fundi i aleancës.

“Unë i vetëm i dhashë fund 8 luftërave dhe Norvegjia, një anëtare e NATO-s, zgjodhi në mënyrë të pamend të mos më jepte Çmimin Nobel për Paqen. Por kjo nuk ka rëndësi! Ajo që ka rëndësi është se unë shpëtova miliona jetë”, shtoi ai.

Trump theksoi se Rusia dhe Kina nuk kanë frikë nga NATO pa Shtetet e Bashkuara, ndërsa nënvizoi se të gjithë janë me fat që ai ka rindërtuar ushtrinë amerikane në mandatin e parë.

Qarqet Durrës, Shkodër, Gjirokastër dhe Lezhë rezultuan me problematikat më të shumta nga reshjet e shiut.

Drejtori i Përgjithshëm i Mbrojtjes nga Zjarri dhe Shpëtimi, Arben Cara, tregoi operacionet më të vështira të realizuara nga efektivët.

“Problematikat më të mëdha janë shënuar në zonën e Durrësit. Në zonën e Lezhës dhe të Shkodrës kanë qenë po ashtu zona me problematika, ku reshjet e dendura të shiut kanë krijuar probleme. Shërbimi zjarrfikës i Durrësit, por jo vetëm, edhe ai i Tiranës dhe i Kamzës, po operojnë për largimin e ujit dhe evakuimin e disa banorëve, të cilët janë dërguar në Kavalishenca. Operacione të vështira janë shënuar edhe në qarkun e Gjirokastrës”, tha Cara.

Për të përballuar vështirësitë, ky shërbim ka kaluar në gatishmëri të plotë.

“Ne kemi 100 për qind të efektivit që janë të gatshëm 24 orë në punë, por edhe 25 për qind e efektivit të shërbimit zjarrfikës ka kaluar në gatishmëri të plotë. Pra, i gjithë efektivi në shkallë republikë ka kaluar në gatishmëri për t’u ardhur në ndihmë banorëve dhe subjekteve”, nënvizoi ai.

Cara ka një apel për të gjithë qytetarët, sidomos drejtuesit e automjeteve.

“I bëj një thirrje të gjithë komunitetit, të gjithë drejtuesve të automjeteve që lëvizin në qytete, të kenë kujdes këto ditë, pasi reshjet e shiut do të vazhdojnë me intensitet të lartë. Ndaj të evitohen kalimet në zonat ku reshjet janë të dendura, pasi mund të kthehen në kurthe vdekjeprurëse”, apeloi Drejtori i Përgjithshëm i Mbrojtjes nga Zjarri dhe Shpëtimi.

Në këto ditë, kur reshjet sollën përmbytje, efektivët kishin fokus shpëtimin e jetës së qytetarëve, kryesisht të të miturve dhe të moshuarve.

Aksi nacional Burrel – Rrëshen është vështirë të qarkullohet me çdo lloj mjeti për shkak të probleme të shumta. Veç amortizimit ndër vite të këtij aksi rrugor, reshjet e fundit të shiut kanë shkaktuar shembje të shkëmbinjëve dhe rrëshqitje të dherave në disa segmente.

Më problematike situata paraqitet pranë urës së Urakës ku një masiv shkëmbor ka rënë në mes të rrugës. Po ashtu, në këtë segment ka edhe shembje të skarpatës së rrugës duke e ngushtuar karrexhatën vetëm me një sens lëvizje.

Shirat e dy ditëve të fundit kanë krijuar probleme në rrugët e fshatrave ku ka patur shembje të tyre dhe bllokime si pasojë e rrëshqitjes së dherave. Ekipet e pushtetit vendor janë në terren për të rikthyer në normalitet lëvizjen e banorëve drejt zonave urbane.

Çarje rrugësh e rrëshqitje dherash në Gjirokastër! 4 lagje të qytetit bllokohen nga moti i keq

Reshjet e dendura të shiut kanë shkaktuar shembjen e një pjese të kodrës në Gjirokastër, duke bllokuar rrugën që lidh katër lagje të sipërme të qytetit.

Si pasojë e rrëshqitjes së dherave, janë izoluar lagjet Manalat i Parë, Manalat i Dytë, Cfakë dhe Dunavat, ndërsa qarkullimi rrugor drejt këtyre zonave është vështirësuar.

Pamjet tregojnë çarje masive të rrugëve dhe rrëshqitje të mëdha dheu në zonat e prekura, ku një pjesë e kodrës ka rënë duke zënë aksin rrugor.

Dëmet janë kryesisht infrastrukturore, ndërsa deri tani nuk raportohet për persona të lënduar.

SHBA-të kanë sekuestruar një tjetër anije nafte në Karaibe mëngjesin e sotëm, njoftoi Komanda Jugore e SHBA-së në X. 

Anija konsiderohej pa shtetësi dhe po “kryente aktivitete të paligjshme” në Karaibe. 

Departamentet e Mbrojtjes dhe Sigurisë Kombëtare kryen operacionin. Anija tani po shoqërohet për në SHBA nga Roja detare amerikane. 

Sekuestrimi i kësaj anije vjen pasi SHBA-të sekuestruan gjithashtu një anije cisternë nafte me flamur rus të lidhur me Venezuelën rreth një orë me parë. 

Kreu i partisë “Lëvizja Bashkë” Arlind Qori ka komentuar ftesën e kreut të PD-së Sali Berisha për tu bashkuar të gjithë së bashku në protestë kundër qeverisë së kryeministrit Edi Rama. 

Në një lidhje direkte për Report Tv, në emisionin “Sot, Live në Shqipëri”, Qori u shpreh se “Lëvizja Bashkë” i qëndron moralit dhe refuzon kategorikisht bashkëpunimin me politikën e vjetët e të kalbur për të luftuar të ngjashmit e tyre. Arlind Qori u shpreh se partia e tij kërkon të rrëzojë qëverinë dhe të mbrojë interesat e qytetarëve. 

“Është në strukturën dhe karakterin moral timin dhe të “Lëvizjes Bashkë” që ne të refuzojmë bashkëpunimin me çdo pjesë të politikës së vjetër, të kalbur e korruptuar ndaj oligarkisë ekonomike. Nuk kam hyrë në politikë për tu bërë aleat me një hajdut për të luftuar një palë tjetër hajdutësh. Kam hyrë në politikë për të përfaqësuar aspirata më të mira të qytetarëve që kërkojnë rrëzim të qeverisë dhe rrëzimin e një sistemi të kalbur partiak”, tha Qori. 

I pyetur nga gazetari Nertil Agalliu për një bashkëpunim të mundshëm me partitë e tjera opozitare, konkretisht Adriatik Lapajt apo Agron Shehajt, Qori përgjigjet duke i thënë jo bashkimit me aleatët e Berishës. 

“Të dy këto parti janë në koalicion me Berishën. Mbështesin të njëjtin kandidat për Tiranën. Praktikisht janë parti në koalicion dhe në këtë sens nuk ka kuptim që Lëvizja Bashkë të refuzojë Berishën dhe të bashkohet me aleatët e Berishës”, tha Qori. 

Qori thotë se nuk kërkon qeveri teknike, por vetëm zgjedhje të parakohshme. Kreu i “Lëvizjes Bashkë” tha se Shqipërinë drejt një qeverie teknike do e dërgonte një revoltë e madhe e ngjashme me atë të vitit 1997. 

“Ne jemi vetëm për zgjedhje të parakohshme për 2 arsye. Nga ana teknike askush nuk do ta pengonte dot Ramën nëse për të dalë nga kriza e legjitimitetit do të thërriste zgjedhje të parakohshme. Çdo parti është përpara dilemës, të hyj në zgjedhje apo të marr pushkën e të dal malit. Tani meqenëse un nuk njoh ndonjë parti që del malit me pushtë, atëherë je i detyruar të hysh në zgjedhje. Ramës mund t’ia imponosh Ramës qeverinë teknike vetëm nëse kemi një revoltë të madhe radikale si në 1997 dhe Rama largohet me helikopter”, tha Qori. 

Qeverisë teknike Arlind Qori i thotë jo pasi ajo do t’i shërbente vetëm Berishës dhe Ramës për të kthyer Shqipërinë në sistemin vetëm me 2 parti, për të vjedhur dhe për të ndryshuar ligjet e Kodit Zgjedhor. 

“Berisha kërkon qeveri teknike sepse e di që nuk i fiton dot zgjedhjet. Berisha kërkon që duke bashkëqeverisur me Ramën, se një qeveri teknike d.m.th. qeverisje e Ramës me Berishën, ata mund të arrijnë të ndryshojnë ligjet e reformës në drejtësi për të kufizuar kompetencat e SPAK dhe për të ndryshuar Kodin Zgjedhor. Arsyeja tjetër është se duke vjedhur bashkë, do të mund të vjedhin dhe kur të vijë dita e zgjedhjeve të ardhshme, paritë që janë vjedhur me shpresë do të jenë në kushte të barabarta për të bërë fushatë”, tha ai. 

Kina dhe Koreja e Jugut kanë pasur një rritje të shkëmbimeve njerëzore, veçanërisht të turizmit, pas heqjes së ndërsjellë të vizave përkatësisht në nëntor 2024 dhe shtator 2025. Në 11 muajt e parë të vitit 2025, shkëmbimet njerëzore dypalëshe arritën mbi 7.28 milionë, me një rritje prej 24.7 për qind në krahasim me të njëjtën periudhë të vitit pararendës.

Ky hov pritet të vazhdojë ndërsa presidenti i Koresë së Jugut, Lee Jae-myung, gjendet në Kinë në vizitën e vet të parë këtë vit, ku ai u prit ngrohtësisht nga presidenti kinez Xi Jinping.

Gjatë takimit të tyre në Pekin të hënën, Xi tha që Kina është e gatshme të punojë me Korenë e Jugut për të ruajtur fort drejtimin e bashkëpunimit miqësor dhe për t’iu përmbajtur parimit të përfitimeve të ndërsjella për të dyja palët.

Në një intervistë për CMG-në, presidenti Lee deklaroi që qëllimi i vizitës së tij është të minimizojë ose eliminojë sa më shumë të jetë e mundur keqkuptimet dhe kontradiktat e kaluara, t’i ngrejë dhe t’i zhvillojë marrëdhëniet Kore e Jugut – Kinë në një fazë të re dhe të krijojë një marrëdhënie ndihme dhe zhvillimi të ndërsjellë midis dy vendeve.

Të dhënat e publikuara nga Administrata e Përgjithshme e Doganave e Kinës tregojnë që vlera e përgjithshme e importeve dhe e eksporteve të Kinës me Korenë e Jugut arriti në 2.14 trilionë juanë (304.46 miliardë dollarë) në 11 muajt e parë të vitit të kaluar, duke u rritur me 1.6 për qind në krahasim me të njëjtën periudhë të vitit 2024. Po gjatë kësaj periudhe, tregtia e produkteve elektromekanike Kinë-Kore e Jugut arriti 1.43 trilionë juanë, me një rritje 5.9 për qind, duke përbërë 67 për qind të vëllimit të përgjithshëm të tregtisë dypalëshe.