Ish-deputeti i PD-së Ervin Salianji ishte mbrëmjen e sotme në “Oponencë” për të folur mbi protestën e fundit të opozitës, atë të 10 shkurtit ku pati përplasje të forta me policinë.

Salianji theksoi edhe një herë se qeveria Rama ka rënë moralisht, por Berisha është i pamfjatueshëm për të sjellë ndryshimin. Sipas tij, PD ka nevojë për një ripërtëritje urgjente të partisë, gjë që nuk është bërë nga kreu i saj Berisha.

Më tej, ish deputeti tha se do dalë së shpejti me një dokument se si PD-ja mund të jetë fitues dhe do zhvillojë edhe një tryezë politike.

Salianji: Nuk ka sektor që nuk është i rrënuar. Edi Rama rrëzohet edhe me ndihmën e SPAK. SPAK i ka dhënë opozitës kauzë. Kauza që po del opozita, janë kauza që janë kapur nga SPAK. Në këtë rast PD duhet të jetë e qartë. Nuk ndahem me emra të përveçëm, ndahem me ide. Njëherë te shpejtësia e ripërtëritjes së PD. duhet ripërtërirë pas zgjedhjeve, vendimmarrje e gazuar e kryetarit në hartimin e listave, mosrespektimi i kontributeve. Si promovohet karriera në PD, sot? Më të votuarit nuk u futën. Ata që kanë sakrifikuar nuk u futën. A kemi një model? Ndahem te strategjie ma qeverinë. Nuk mund të themi që nuk mundet Edi Rama, është demotivim i votuesit. Të themi nuk e mundim dot ne, thuhet nuk mundet dot, kur vjen fushata do e mundim do e bëjmë copë. Duhet propozim për ndryshim kushtetues siç e ka Maqedonia e Veriut. Qeveri tranzitore sa herë të ketë zgjedhje.

Sali Berisha e ka fituar me betejë, por sot është i pamjaftueshëm vetë. Për ta sjellë në pushtet i vetëm. Në politikë e përcakton vota. Nuk mund të thuhet, ka disa zona ne ja çojmë me zor kreun e degës. Është treg dhe tregu politik.

E vetmja gjë që ofrojmë është shpresa, besueshmëria. Dhe të thënat e disa të vërtetave. Sot PD është në një depresion. Sot jemi një vit para fushatës të 2027 për bashkiaket. Sot PD duhet të kishte, 61 kandidatë të ndërtonin ekipet, alternativat. Sot e kësaj dite diskutojmë pse kërkoj unë të bëhet PD fituese.

Do dalim me dokument si duhet PD të dalë fituese. Ju ftoj edhe në tryezë si mund të demokratizohen partitë.

The post “SPAK i ka dhënë opozitës kauzë për protesta”, Salianji: Berisha i pamjaftueshëm për ndryshimin! PD duhet ripërtërirë me shpejtësi appeared first on Albeu.com.

Albin Kurti ka prezantuar në Kuvendin e Kosovës kabinetin e ri qeveritar, teksa pritet edhe votimi i qeverisë së re në Parlament. Kurti ka emëruar zëvendëskryeministër të parë dhe ministër i Punëve të Jashtme Glauk Konjufcën, ndërsa zëvendëskryeministër të dytë dhe ministre të Drejtësisës, Donika Gërvallën.

Lista e plotë e kabinetit të propozuar nga Kurti:

Zëvendës kryeministër i parë dhe ministër i Punëve të Jashtme dhe Diasporës -Galuk Konjufca

Zëvendës kryeministre e dytë dhe ministre e Drejtësië – Donika Gërvalla

Zëvendës kryeministër i tretë për Çështje të Pakicave dhe Bashkëpunim Ekonomik – Fikrim Damka

Ministër i Financave -Hekuran Murati

Ministër e Ekonomisë-Artane Rizvanolli

Ministër për Familje dhe Mirëqenie Sociale – Handin Hoti

Ministër i Mbrojtjes – Ejup Maqedonci

Ministër i Punëve të Brendshme -Xhelal Svelca

Ministër i Administratës Publike dhe Dixhitalizimit – Lulzon Jakxhiu

Ministri i Shëndetësisë -Arben Vitia

Ministër i Arsimit dhe Shkencës – Hajrullah Ceka

Ministër i Kulturës dhe Turizmit -Saranda Bodujevci

Ministër i Sportit dhe Rinisë -Blerim Gashani

Ministër i Adminstrimit të Pushtetit Lokal -Elbert Krasniqi

Ministre e Mjedisit dhe Planifikimit Hapësinor -Fitore Pacolli

Ministër i Bujqësisë, Pulltarisë dhe Zhvillimit Rural – Armend Muja

Ministër i Infrastrukturës dhe Transportit – Dimal Basha

Ministër i Tregtisë, Industrisë dhe Integrimeve Evropiane -Mimoza Kusari

Ministre e Energjisë dhe Minierave –

Ministër për Komunitete dhe Kthim – Nenad Rashic

Ministër për Zhvillim Rajonal -Rasim Demiri

The post Nga Konjufca te Gërvalla e Maqedonci/ Kurti prezanton kabinetin e ri qeveritar (EMRAT) appeared first on Albeu.com.

Superliga mund të ketë arritur në fundin e saj. Vetëm pak çaste më parë, UEFA dhe Real Madridi publikuan një deklaratë të përbashkët (së bashku me EFC-në) duke njoftuar arritjen e një marrëveshjeje të rëndësishme që do të shihte anulimin e projektit të Florentino Perez.

Pas muajsh diskutimesh të zhvilluara në interes të futbollit evropian, UEFA, Klubet Evropiane të Futbollit (EFC) dhe Real Madrid CF njoftojnë se kanë arritur një marrëveshje në parim për mirëqenien e futbollit evropian, duke respektuar parimin e meritës sportive, duke u përqendruar në qëndrueshmërinë afatgjatë të klubeve dhe duke përmirësuar përvojën e tifozëve përmes përdorimit të teknologjisë. Kjo marrëveshje në parim do të shërbejë gjithashtu për të zgjidhur mosmarrëveshjet ligjore që lidhen me Superligën Evropiane, pasi këto parime të jenë zbatuar”.

Vetëm pak ditë më parë, rivalët historikë Barcelona njoftuan gjithashtu tërheqjen e tyre nga projekti i presidentit të Blancos. Çfarë ndodh tani? Siç raportohet nga Gazzetta, Real Madridi do të tërheqë padinë kundër UEFA-s për dëmet prej 4.5 miliardë eurosh që dyshohet se pësoi duke i mohuar Superligën dhe kështu duhet të ribashkohet me futbollin evropian. Meqenëse kjo është një marrëveshje midis palëve, mbetet të shihet se çfarë lëshimesh do të jepen nga organi më i lartë i futbollit evropian.

The post Superliga nuk ekziston më, pas Barcelonës tërhiqet edhe Reali appeared first on Albeu.com.

Ish deputeti i Partisë Demokratike, Ervin Salinji u shpreh kritik ndaj lidershipit të selisë blu, teksa shtroi pyetjen se cila është arsyeja që po mban protestat kombëtare.

I ftuar në emisionin “Oponencë” në News 24, ish deputeti theksoi se strategjia që po ndjek PD është e gabuar, duke shtuar se do të duhej të kishte dalë në shesh që në muajin maj, kur u mbajtën zgjedhjet parlamentare, dhe jo në janar.

Salianji thotë se është e papranueshme që sot të flitet për molotovët, ndërkohë që PD do të duhej që të komentonte sulmet e vazhdueshme të kryeministrit ndaj drejtësisë, lidhur me çështjen e Belinda Ballukut.

“Jam krenar për çdo protestues që del në shesh kundër qeverisë. Nga ana tjetër mua s’më vjen mirë, prandaj kam nisur një lëvizje s lidershipi i PD nuk është i qartë në atë që kërkon. Këtë që po thoni sot, fatkeqësisht, shpresoj të mos jetë e qëllimshme, i shërben Edi Ramës. Sepse PD duhet të bënte ose revoltë pa fjalime dhe të linte qytetarët vetë ose duhet të flitej sepse sot nga diskutimi që Rama i bën drejtësisë, flasim për molotovë. E patë që ndërkohë që ndodhi kjo, shumë njerëz e ndjejnë te vetja e vet si formë reagimi revoltën nga shtëpia se si po na vjedhin. Sot lidershipi i PD pasi tha për 3 muaj se me Ramën nuk ulemi më, ishte palë që përfaqësuesi i PD dhe i PS ishin këtu të dy ngjitur. Nuk është me buton revolta.”, u shpreh ai.

Ai u shpreh kritik ndaj PD, teksa tha se do të duhet të sqarojë se cili është mesazhi që kërkon të përcjellë partia me këtë protestë. Ai tha se drejtuesit e PD nuk duhet të protestojnë me fishekzjarre, pasi këta të fundit përdoren për raste gëzimi, ndërkohë që qytetarët vidhen çdo ditë.

“Kur PD, në këtë rast, po jep zë dhe mundësi qytetarëve që të shprehen, nuk mund të tërhiqen. Nuk jam as për fishekzjarre. Ça kemi për fishekzjarrë ngaqë shpëtoi Balluku. Ca gëzimi kemi ne se po na vjedhin. Ky termi kilometri i fundit, lidershipi i PD është në gabim. Lëvizja që po zhvilloj unë ka bërë që PD të dalë në revoltë. Ku ka kauzë më të rëndësishme për një vend që zyrtarisht PD dhe raporti i OSBE OIDHR janë vetë zgjedhjet. Ne duhet të dilnim në maj për të reaguar, por dalim në janar. Cili është mesazhi që ka kjo protestë? Kërkojani drejtuesve të partisë. A kishte një mesazh, ai ishte protestë kundër zgjedhjes së zgjedhjeve, kthimit së parlamentit në skandal, kundër vendimmarrjes së GJK, për të mbrojtur SPAK, për të larguar Edi Ramën? T’i vendosim një kokë protestës dhe të jetë një kokë serioze.”, u shpreh Salianji.

The post “Në vend që të dilnim në shesh në maj, dolëm në janar”, Ervin Salianji kritik: Cili është mesazhi i protestës së PD? appeared first on Albeu.com.

Presidenti ukrainas Volodymyr Zelensky ka mohuar raportin e Financial Times se ai planifikon të shpallë zgjedhjet presidenciale dhe një referendum mbi një marrëveshje paqeje me Rusinë më 24 shkurt.

Kjo u bë me dije nga një burim në zyrën e presidentit ukrainas për Kyiv Independent më 11 shkurt. Komenti erdhi pasi Financial Times raportoi se Kievi po përgatitej të mbante të dy votimet këtë pranverë dhe se Zelensky mund ta zbulonte planin në përvjetorin e katërt të pushtimit në shkallë të plotë të Rusisë.

“Ai nuk e kishte planifikuar,” tha burimi kur u pyet nëse presidenti ukrainas do të bënte një njoftim të tillë më 24 shkurt. “Kur nuk ka siguri, nuk ka asgjë tjetër.”

“Nëse rusët vrasin njerëz çdo ditë, si mund t’i shpallim ose t’i shqyrtojmë seriozisht zgjedhjet në javët e ardhshme? Askush nuk është kundër zgjedhjeve, por duhet të ketë siguri.”, tha zyra e shtypit e Zelenskyt.

Më vonë gjatë ditës, Zelensky u tha gazetarëve se mësoi për herë të parë për planin e tij të supozuar për të thirrur zgjedhje pranverore nga Financial Times.

“Do të ishte budallallëk të përdorej kjo datë (24 shkurt) për të folur për politikë. Ne do t’i afrohemi zgjedhjeve vetëm kur të ketë të gjitha garancitë e nevojshme të sigurisë. Është çështje sigurie.”, tha Zelensky.

Presidenti shtoi se SHBA-të përmendën mbajtjen e zgjedhjeve në Ukrainë, por nuk i kërkuan Kievit t’i mbante ato para se të hynte në fuqi një armëpushim.

The post Ukraina do të mbajë zgjedhje dhe referendum në pranverë? Zelensky reagon pas raportimit të Financial Times appeared first on Albeu.com.

Presidenti amerikan Donald Trump deklaroi se i ka kërkuar kryeministrit izraelit Benjamin Netanyahu që të vazhdojnë negociatat me Iranin, ndërsa SHBA synon arritjen e një marrëveshjeje bërthamore me Teheranin.

Deklarata u bë pas një takimi të gjatë në Shtëpinë e Bardhë mes dy liderëve, në një kohë kur Shtetet e Bashkuara kanë shtuar praninë ushtarake në Lindjen e Mesme. Trump e përshkroi grumbullimin e forcave amerikane në rajon si një “armadë”, duke lënë të kuptohet se ekziston edhe mundësia e një goditjeje ndaj Iranit.

Nga ana tjetër, Netanyahu po ushtron presion që kërkesat amerikane ndaj Iranit të zgjerohen, duke përfshirë ndalimin e mbështetjes së Teheranit për organizata të armatosura si Hamas dhe Hezbollah, si dhe kufizimin e programit të raketave balistike.

Trump shprehu optimizëm të kujdesshëm për arritjen e një zgjidhjeje diplomatike. Në një postim në platformën Truth Social, ai kujtoi se herën e kaluar Irani zgjodhi të mos arrinte marrëveshje dhe, sipas tij, “u godit me ‘Midnight Hammer’, gjë që nuk shkoi mirë për ta”.

“Shpresoj që këtë herë të tregohen më të arsyeshëm dhe më të përgjegjshëm”, shkroi Trump.

The post Takimi në Shtëpinë e Bardhë, Trump: I kërkova Netanyahut të vazhdojnë negociatat me Iranin appeared first on Albeu.com.

Presidentja e Kosovës, Vjosa Osmani ka mandatuar kryetarin e Lëvizjes Vetëvendosje Albin Kurti si mandatar për formimin e qeverisë së re.

“Sot, në përputhje me Kushtetutën e Kosovës, kam caktuar kryeministrin Albin Kurti, mandatar për formimin e Qeverisë së Republikës së Kosovës. I uroj suksese në udhëheqjen e Qeverisë së re dhe punë në shërbim të qytetarëve të Republikës së Kosovës. Ju priftë e mbara”, shkruan Osmani në Facebook.

Kuvendi i Kosovës pritet të mblidhet sërish sonte për formimin e qeverisë.

The post Albin Kurti mandatohet nga presidentja Osmani për formimin e qeverisë appeared first on Albeu.com.

Një aksident rrugor ka ndodhur në afërsi të kryqëzimit të Plasës. Një kamion është përrplasur me një automjet. Për shkak të erës së fortë një kamion është përmbysur në rrugë, pasi ka përplasur një mjet tjetër që po lëvizte nga Kapshtica në drejtim të Korçës.

Bëhet me dije se kamioni me tonazh të rëndë po udhëtonte nga Korça drejt Kapshticës. Për shkak të erës së fortë kamioni është përmbysur, duke rrezikuar kështu edhe jetën e drejtuesit të automjetit i cili po lëvizte në drejtim të kundërt.

Mësohet se të dy drejtuesit e mjeteve, nuk kanë marrë dëmtime të rënda dhe ndodhen jashtë rreikut për jrtën. Përmbysja e kamionit bllokoi qarkullimin në të dyja anët e rrugës nacionale Korçë-Kapshticë për më shumë se 40 minuta. Aktualisht, lëvizja në këtë aks është rikthyer në normalitet.

The post Aksident rrugor në aksin Korçë-Kapshticë/ Përmbyset kamioni për shkak të erës së fortë appeared first on Albeu.com.

Një debat i tensionuar është regjistruar ditën e sotme në shtëpi, ku protagonistë janë bërë Rogerti dhe Kristi. Situata u përshkallëzua gjatë një momenti diskutimi për organizimin e buxhetit javor, duke sjellë përplasje mes banorëve. Gjithçka nisi teksa Kristi dhe Brikena po përpiqeshin të përgatisnin listën e shpenzimeve të javës. Në këtë moment, Juela iu afrua dyshes duke kërkuar makinën llogaritëse për të bërë disa llogari personale.

Megjithatë, Brikena refuzoi t’ia jepte, çka shkaktoi reagimin e menjëhershëm të Juelës. Ajo këmbënguli disa herë, duke shprehur pakënaqësinë e saj dhe duke theksuar se kishte të drejtë të përdorte mjetin për nevojat e veta. Tensioni mes banorëve vijoi për disa minuta, ndërsa situata u bë edhe më e ndezur kur ndërhyri Rogerti, e kthyer diskutimin në një përplasje verbale. Debati tërhoqi vëmendjen e banorëve të tjerë, të cilët u përpoqën të qetësonin situatën.

Pjesë nga debati:

Rogerti: Ti nuk mundesh me përdor dhunë

Kristi: Nuk është dhunë ajo

Rogerti: Ky njeri është pro dhunës

Kristi: Ajo është tendencë për të të fikur se merr zjarr nga poshtë ti

Rogerti: Të dalë sa më shpejt

Kristi: Ajo nuk është dhunë

Rogerti: Të kam thënë unë, kam me të ardhë hakut unë

Kristi: Ajo është fikje për të të kthyer me këmbë në tokë se po merr flakë

Rogerti: Kjo është vetja jote, ke treguar se ça mund të bësh

Kristi: As nuk të kam prekur me dorë fare

Rogerti: As mos e vrit mendjen, ti mendon që është diçka që nuk prekesh, ti do prekesh në publik

Kristi: Le të prekem, ti gangsterin me mua nuk e bën dot.

The post Çfarë ndodhi brenda shtëpisë së BBVip 5? Kristi lag me ujë Rogertin appeared first on Albeu.com.

Moderatorja Megi Pojanit i kërkoi opinionistit Laert Vasilit të largohet nga programi, pasi puthi pa leje konkurrenten e “Për’puthen”, Esmen.

Në emër të produksionit të “Për’puthen”, Megi i kërkoi ndjesë Esmes, teksa tha se në këtë program çdo vajzë duhet të ndihet e respektuar dhe s’duhet puthur pa leje.

Pjesë nga diskutimi:

Megi Pojani: Të kërkoj shumë ndjesë në emrin tim dhe të gjithë produksionit.

Esme: Është diçka që nuk e prisja dhe nuk di si të reagoj dhe të shprehem, por është diçka që nuk e pranoj. Laerti, si aktor që është, më mori si shembull, si partneren e tij në krim për t’i treguar një mashkulli…

Megi: Këtu jemi në “Përputhen”, jo në sallë teatri. Në këtë studio askush nuk puthet pa leje.

Laert: I thashë të kërkoj shumë ndjesë. Nëse të kam sjellë në pozitë të vështirë, të kërkoj shumë ndjesë, nuk kisha atë qëllim. Profesioni im si aktor, të njëjtën gjë bëra, kërkoj ndjesë.

Megi: Në këtë studio ka vajza të lira të shprehen si të duan. Këtu nuk mund të ketë iniciativa që të cenojnë hapësirën e tyre, integritetin e tyre. Sa kohë unë jam në këtë program, do të jeni të sigurta dhe asgjë s’mund të cenojë personalitetin tonë. Të kërkoj ndjesë në emrin e produksionit. Laert, do të kërkoja, të lutem, të largohesh nga programi.

Laert: Të kërkoj ndjesë, por është e vështirë të kuptohet teatri.

The post Puthi konkurrenten në buzë, Megi Pojani i kërkon Laert Vasilit të largohet nga programi, opinionisti: Kërkoj ndjesë appeared first on Albeu.com.

Këtë të mërkurë, Gjykata e Posaçme ka pranuar kërkesën e avokatëve të ish-zv.kryeministrit Arben Ahmetaj, që ky i fundit të japë shpjegime në gjyqin për dosjen Buka, dosje në të cilët ndodhet i pandehur.

Mediat bëjnë me dije se GJKKO do të lejojë Ahmetajn të dëshmojë me audio ose video konferencë në lidhje me akuzën për shpërdorim detyre për privatizimin e ish-fabrikës së Bukës.

Kujtojmë që në seancën e ditës së sotme në GJKKO, prokurori i çështjes Elvin Gogaj paraqiti kërkesat për provat shkresore dhe ato me dëshmitarë.

Prokuroriu tha se SPAK akuzon Ahmetajn se e ka kryer me dashje shpërdorimin e detyrës dhe nuk ka zbatuar një vendim gjykate megjithëse ishte ne dijeni.

Ndërsa në seancën e radhës u thirr për të dëshmuar biznesmeni Lirim Fezollari, i cili ka përfituar nga privatizimi ndërsa në listë është edhe familja Myderizi si dhe ish-ministri Financave Shkëlqim Cani.

Kujtojmë që me vendim të SPAK, Arben Ahmetaj do të gjykohet veçmas biznesmenit Fezollari dhe të pandehurit e tjerë. Ahmetaj po hetohet për privatizimin e një ish-furre buke.

Ndaj Ahmetajt u ngrit akuza për veprën penale të shpërdorimit të detyrës në vlerë dëmi rreth 7 miliard lekë.

Ai akuzohet në këtë dosje për një firmë të lëshuar gjatë 2014 e cila i hapi rrugën privatizimit të shoqërisë përmes ankandit të aksioneve shtetërore. Një transfertë bankare përcjellë drejt Hungarisë nga një subjekt privat.

Arben Ahmetaj ndodhet prej 2023 në arrati, pasi ka refuzuar përballjen me drejtësinë, duke thënë se procesi dhe provat janë manipuluar, për ta goditur atë politikisht. Nga Zvicra ku ka aplikuar për azil, ai ka thënë se do të përballet me drejtësinë vetëm kur ajo të jetë e drejtë dhe e vërtetë.

Biznesmeni Lirim Fezollari bleu më 21 gusht 2015 45.97% të aksioneve shtetërore për 3.2 milion euro, mori në zotërim tokën, mori leje ndërtimi dhe ngriti qendrën tregtare “Emerald Mall”.

Në Maj të vitit 2023, biznesmeni i “Tabacco Holding Group” njëherësh dhe përfituesi i ankandit për privatizimin e aksioneve shtetërore të “Buka Sh.a”, Lirim Fezollari është paraqitur në SPAK duke dhënë shpjegime për procedurën e përfitimit të ish-Fabrikës së Bukës në Tiranë.

The post Pranohet kërkesa e avokatëve, Arben Ahmetaj do të japë dëshminë “online” në GJKKO për çështjen “Buka” appeared first on Albeu.com.

Këngëtarja shqiptare me famë botërore, Bebe Rexha, ka paralajmëruar rikthimin e saj të madh në skenën muzikore me një projekt ambicioz – publikimin e albumit të saj më të ri vizual, që mban titullin “Blonde Dirty”.

Përmes një videoje të publikuar në rrjetin social Instagram, artistja ka ndarë me ndjekësit skena të ndryshme që do të shoqërojnë klipet e këtij albumi, duke ofruar një pamje të parë të atmosferës, estetikës dhe konceptit artistik që do ta karakterizojë këtë projekt.

Në video shfaqen fragmente dinamike, imazhe të stilizuara dhe elemente kinematografike që lënë të kuptohet se “Blonde Dirty” do të jetë një rrëfim i plotë vizual, ku çdo këngë do të ketë historinë dhe identitetin e saj të veçantë.

Një nga detajet që ka tërhequr më së shumti vëmendjen është fakti se kënga e parë e albumit titullohet “Çike çike”, çka ka ngjallur entuziazëm të madh te fansat shqiptarë, pasi lë të kuptohet se projekti do të përfshijë një këngë në gjuhën shqipe.

Përveç “Çike çike”, albumi do të përfshijë edhe një sërë titujsh të tjerë si: “$HIT”, “Tokyo”, “Hysteria”, “New Religion”, “Time”, “I Like You Better Than Me”, “Nobody’s There”, “The Way I Want You”, “Drink And A Little Love”, “One Day”, “Nightfalls” dhe “Sad Girls”. Vetë titujt sugjerojnë një gamë të gjerë emocionesh dhe temash, nga rebelimi dhe identiteti personal, te dashuria, vetmia dhe reflektimi.

“Blonde Dirty” do të jetë një “visual album”, që do të thotë se secila këngë do të vijë e shoqëruar me videoklip, duke e kthyer projektin në një eksperiencë të plotë audio-vizuale për publikun. Ky format, gjithnjë e më i preferuar nga artistët ndërkombëtarë, synon të krijojë një univers artistik të lidhur mes muzikës dhe imazhit.

Rikthimi i fuqishëm i Bebe Rexhës në vitin 2026 vjen pas një periudhe më të qetë gjatë vitit të kaluar, kur artistja ishte tërhequr nga vëmendja publike për t’u fokusuar intensivisht në studio dhe në përgatitjen e këtij projekti. Me “Blonde Dirty”, ajo duket e vendosur të hapë një kapitull të ri në karrierën e saj, duke kombinuar rrënjët, identitetin dhe evoluimin artistik në një projekt që pritet të bëjë jehonë ndërkombëtare.

The post Bebe Rexha zbulon këngët e albumit të ri, mes tyre edhe një në shqip – “Çike çike” appeared first on Albeu.com.

Presidentja e Republikës së Kosovës, Vjosa Osmani ka reaguar, pas konstituimit të Kuvendit të Kosovës këtë të mërkurë dhe zgjedhjes së Kryetares së re, Albulena Haxhiu.

Osmani uroi Haxhiun për zgjedhjen e saj në postin e kryetares së Kuvendit të Kosovës, si dhe nënkryetarët për përgjegjësinë e re që u është besuar. Ajo theksoi se Kuvendi është themeli i demokracisë parlamentare dhe institucioni ku materializohet vullneti i qytetarëve.

Presidentja gjithashtu shprehu besimin se udhëheqja e re do ta ushtrojë mandatin me përgjegjësi demokratike, në respektim të Kushtetutës dhe në shërbim të interesit të Republikës.

Në mesazhin e saj të postuar në Facebook, Osmani ritheksoi nevojën për bashkëpunim konstruktiv ndërinstitucional dhe për një Kuvend plotësisht funksional, në shërbim të forcimit të shtetit të së drejtës, stabilitetit demokratik dhe avancimit të agjendës euroatlantike të Kosovës.

Reagimi i Vjosa Osmanit:

Uroj znj. Albulena Haxhiu për zgjedhjen e saj Kryetare e Kuvendit të Republikës së Kosovës, si dhe nënkryetarët e Kuvendit për përgjegjësinë që u është besuar nga përfaqësuesit e zgjedhur të qytetarëve tanë.

Kuvendi i Republikës është themeli i demokracisë sonë parlamentare dhe institucioni ku materializohet vullneti i qytetarëve. Besoj fuqishëm se udhëheqja e re e Kuvendit do ta ushtrojë këtë mandat me përgjegjësi demokratike në respektim të Kushtetutës dhe me përkushtim ndaj interesit të Republikës së Kosovës.

Në këtë moment të rëndësishëm institucional, ritheksoj nevojën për bashkëpunim ndërinstitucional e konstruktiv dhe funksionim të plotë të Kuvendit, në shërbim të forcimit të shtetit të së drejtës, stabilitetit demokratik, mbrojtjes së vlerave tona shtetërore e historike dhe avancimit të agjendës sonë euroatlantike.

Uroj që ky mandat të shquhet për vendime të rëndësishme shtetërore, kulturë të lartë demokratike dhe angazhim të palëkundur në shërbim të qytetarëve dhe të Republikës sonë! Punë të mbarë dhe suksese në detyrën tuaj të lartë shtetërore!

The post Albulena Haxhiu u zgjodh Kryetare e Kuvendit të Kosovës/ Reagon Vjosa Osmani: Thirrje për bashkëpunim institucional appeared first on Albeu.com.

Dita e Shën Valentinit është tashmë dita më romantike e vitit, por për disa shenja të zodiakut, 14 shkurti mund të jetë koha ideale për të rënë në dashuri. E gjitha falë një kombinimi kozmik planetësh romantikë.

Kur bëhet fjalë për fat në dashuri, planetët për të cilët duhet të keni kujdes janë Venusi, planeti i dashurisë; Marsi, planeti i pasionit dhe seksit; Neptuni, planeti i idealizmit romantik dhe ëndrrave; dhe Plutoni, planeti i intimitetit dhe lidhjes. Sipas Adama Sesay, themeluesit dhe astrologut profesionist në LilithAstrology.com, nëse këta planetë shfaqen në horoskopin tuaj personal në Ditën e Shën Valentinit, kjo mund të përgatisë skenën për një takim të bukur.

Dashi
Në të kaluarën, Dita e Shën Valentinit ishte mundësia perfekte për të dalë me miqtë. Në vend të një darke romantike nën dritën e qirinjve, shpesh kërcenit deri vonë natën.

Këtë vit, ka diçka të ndryshme në ajër për Dashin, dhe ju vë në humor për dashuri. Neptuni është në shenjën tuaj për herë të parë. Ky është një pozicion i rrallë që mund të sjellë një Ditë Shën Valentini ëndërrimtare. Mund të ndjeni një dëshirë më të madhe për të përdorur aplikacionet e takimeve, jo vetëm për të gjetur një takim, por edhe për të filluar një bisedë kuptimplote. Si shenjë zjarri, jeni të mirë në drejtimin e gjithë energjisë suaj drejt qëllimeve tuaja. Nëse doni të gjeni dashurinë, do të keni sukses. Mos u habitni nëse kjo energji shpërblehet me vëmendje pozitive dhe disa biseda premtuese. Për Dashin që tashmë po flet me dikë, 14 shkurti mund të jetë koha për të shprehur ndjenjat tuaja të vërteta dhe për ta çuar marrëdhënien në nivelin tjetër.

Ujori
Më 14 shkurt, Ujori do të ketë Marsin dhe Plutonin në shenjën e tij, duke krijuar një kombinim ideal romantik. Marsi, i njohur për energjinë e tij intensive, dhe Plutoni, i njohur për intimitet, mund të sjellin një Shën Valentin pasionant dhe seksualisht aktiv për këtë shenjë. Përgatituni për një takim të rastësishëm, por interesant. Me këto planetë në shenjën tuaj, do të ndiheni sikur jeni protagonist kudo. Një takim i minutës së fundit mund të çojë në argëtim, dhe nëse e dëshironi, në diçka më shumë. Mund të ketë kimi me dikë që nuk do ta prisnit, prandaj kini kujdes për përputhje interesante. Mund të bini në dashuri me dikë që nuk është tipi juaj i zakonshëm. Marsi në Ujor aktivizon gjithashtu nevojën për t’u lidhur dhe për të vepruar në mënyrë impulsive. Për disa, dashuria do të zhvillohet përmes mesazheve me tekst, prandaj mos harroni të kontrolloni telefonin tuaj.

Peshqit
Më 14 shkurt, do të keni Venusin dhe Diellin në shenjën tuaj, duke krijuar një kombinim qiellor që sjell romancë dhe kënaqësi në Ditën e Shën Valentinit. Në vend që thjesht të ëndërroni me sy hapur për të dashurin tuaj, jini të guximshëm dhe ftojini të takohen. Dita e Shën Valentinit është rasti i përsosur për pak butësi dhe rrezik. Venusi, si planeti më romantik, është një lajm i mirë për ju. Ajo krijon kushtet që ju të gjeni dashurinë kudo që të shkoni. Kjo mund të ndodhë në punë, në vende publike ose përmes një partneri.

The post Shenjat e zodiakut që kanë më shumë gjasa të gjejnë dashurinë në Ditën e Shën Valentinit appeared first on Albeu.com.

Një incident ka ndodhur paditën e sotme mes Rogertit dhe Kristit në “Big Brother VIP Albania 5”.

Pas provokimeve të Rogertit, Kristi nuk ka duruar më dhe i ka hedhur ujë në fytyrë.

Është dashur ndërhyrja e banorëve të tjera për të qetësuar “gjakrat” mes dy banorëve.

Nuk dihet nëse “Vëllai i Madh” do të marrë masa ndaj Kristit për këtë incident.

View this post on Instagram

A post shared by Olti Curri (@olticurri)

The post Plas keq në “Big Brother VIP 5”, Kristi nuk duron më provokimet e Rogertit, i hedh ujin në fytyrë appeared first on Albeu.com.

Albulena Haxhiu e Lëvizjes Vetëvendosje është zgjedhur kryetare e Kuvendit të Kosovës. Ajo mori 66 vota pro, 44 kundër ndërsa 8 deputetë abstenuan. Po ashtu betimin bënë edhe deputetët e dalë nga zgjedhjet e 28 dhjetorit.

Fjalën e betimit e lexoi kryesuesi i seancës, Avni Dehari, ndërsa deputetët e pranishëm përsëritën pas tij: “Betohem”. Më pas, të gjithë deputetët e nënshkruan personalisht deklaratën e betimit.

Nënkryetarë u zgjodhën: Ardian Gola i Lëvizjes Vetëvendosje, Vlora Çitaku e Partisë Demokratike të Kosovës, Kujtim Shala i Lidhjes Demokratike të Kosovës, Emilja Rexhepi nga grupi multietnik dhe Sllavko Simiq i Listës Serbe.

Depuetët e pranishëm në sallë votuan me 104 vota për pesë nënkryetarët e Kuvendit. Kundër ishin 3, ndërsa 6 abstenuan.

Haxhiu ishte gruaja më e votuar në zgjedhjet e 28 dhjetorit. Më përpara ajo ka mbajtur postin e ministres së Drejtësisë për 4 vite.

Teksa mori fjalën në Kuvend, Haxhiu tha se besimin që iu dha për këtë post do ta kthejë me punë të përditshme, transparencë e përkushtim të plotë. Kryeparlamentarja tha se do të përpiqet që secili deputet ta gjejë hapësirën e vet me të njëjtin dinjitet e respekt.

“Sot e marr këtë detyrë më vetëdije të plotë me peshën kushtetuese që e mban. Këtë besim do ta nderoj me punë të përditshme, transparencë dhe përkushtim të plotë. Detyra ime do jetë që Kuvendi të funksionojë me dinjitet, transparencë dhe respekt të ndërsjellë, në përputhje me Kushtetutën, ligjet dhe praktikat parlamentare. Do përpiqem që secili prej jush ta gjej hapësirën e vet këtu me të njëjtin dinjitet dhe respekt, ngase një Kuvend funksional është parakusht për shtet të fortë dhe demokraci të qëndrueshme”, tha Haxhiu.

Kryetarja e sapozgjedhur shpalli të konstituuar institucionin ligjvënës, pas zgjedhjes së saj dhe të pesë nënkryetarëve. Ajo paralajmëroi gjithashtu për sot edhe një seancë tjetër, atë për votimin e Qeverisë së re të Kosovës.

Albulena Haxhiu ishte propozuar për kryetare Kuvendi nga Vetëvendosja edhe në legjislaturën e kaluar, nga zgjedhjet e shkurtit, por nuk mori votat e nevojshme. Moszgjedhja për disa kohë e kryetarit të Kuvendit dhe më pas nënkryetarit serb shkaktoi një ngërç disa mujor politik, që pasoi me mbajtjen e zgjedhjeve të parakohshme parlamentare më 28 dhjetor, ku LVV shënoi një fitore bindëse.

The post Konstituohet Kuvendi i Kosovës, Albulena Haxhiu zgjidhet kryetare me 66 vota pro, votohen edhe 5 nënkryetarët appeared first on Albeu.com.

Britney Spears ka shitur një pjesë të të drejtave të katalogut të saj muzikor kompanisë Primary Wave.

Kjo përfshin disa nga hitet e saj më të njohura si “Oops!… I Did It Again”, “Baby One More Time”, “Gimme More”, “Circus” dhe “Not a Girl, Not Yet a Woman”.

Shuma e shitjes nuk është bërë publike, por TMZ sugjeron se mund të jetë e krahasueshme me shitjen e katalogut të Justin Bieberit në 2023, që ishte rreth 200 milionë dollarë.

Nuk dihet ende saktësisht çfarë lloj të drejtash mbi muzikën e Spears ka marrë Primary Wave.

Kjo marrëveshje vjen pas disa ngjarjeve të rëndësishme në karrierën e Spears: ajo publikoi memoaret e saj “The Woman in Me” në 2023 dhe të drejtat për to u blenë nga Universal në 2024.

Primary Wave është një kompani e njohur për blerjen e katalogëve muzikorë dhe për aktivizimin e tyre, duke punuar më parë me artistë si Stevie Nicks si dhe me trashëgiminë e Whitney Houston dhe Biggie Small.

The post Britney Spears shet të drejtat e katalogut të saj më të njohur muzikor appeared first on Albeu.com.

Pas pesë vitesh heshtje totale, Renato Mekolli është rikthyer. Shefi i njohur i kuzhinës, që publiku shqiptar e kujton si figurën kyçe por dhe shefin e “sertë” të “Hell’s Kitchen Albania”, ishte zhdukur nga rrjetet sociale dhe vëmendja mediatike që prej janarit 2021, duke lënë pas një mori pikëpyetjesh.

Sot, ai shfaqet nga Miami, aty ku mban pozicionin e chef-it në një prej hoteleve më luksoze në botë, The Ritz-Carlton. Një rikthim ky Rentos i cili nuk ka ardhur thjesht me një adresë të re por dhe me një rrëgim e deklaratë të fortë për atë që ai e ka quajtur “jeta e dytë”.

Përmes një deklaratë të gjatë publike, Mekolli ka treguar se largimi nga Shqipëria, nuk ishte zgjedhje, por një domosdoshmëri pasi jeta e tij u kërcënua nga segmentë të politikës dhe rrethana të rënda që e çuan atë drejt një periudhe të errët.

Ai shprehet se përjetoi izolim, frikë dhe një betejë të brendshme që e çoi pranë pikës më të errët të jetës së tij.

“U largova për të shpëtuar veten. Jeta ime u kërcënua nga segmente të politikës shqiptare dhe nga rrethana të tjera të rënda. Përjetova skllavërinë moderne dhe mësova çfarë do të thotë të jetosh në një demokraci që është më keq se komunizmi që kanë përjetuar prindërit apo gjyshërit tanë. M’u ndalua liria e çdo gjëje dhe, çuditërisht, çdo denoncim i imi zhdukej nga Policia jonë pa asnjë arsyetim. Jeta ime u dhunua fizikisht dhe psikologjikisht.

Luftova deri në pikën e fundit, deri në atë pikë kur mendja më shkonte në vendimin më të errët që mund të ekzistojë, në atë pikë fatale për jetën që nuk dua as t’ia përmend emrin. Por nuk mund të qëndroja më. Në fund, zgjodha jetën”, thotë ai mes të tjerave duke dhënë kështu mesazhin për të gjithë që jeta vlen, dhe duhet të kapesh fort pas saj dhe të luftosh për të, pavarësisht sfidave dhe problemeve që mund të dalin para.

Sot, nga dritat e Miamit ai thotë se ka gjetur një realitet tjetër, një vend ku vlerësohesh për atë që je dhe ku puna shpërblehet.

“Dhe sot jam këtu, në Miami, nën dritat e një prej hoteleve më luksoz të botës,me drita të vërteta dhe një shkëlqim që të verbon,në hotelin The Ritz-Carlton. Jam këtu, në vendin ku vlerësohesh për atë që je dhe ku merr atë që me të vërtetë meriton; këtu ku Chef-i trajtohet si artist, si superstar, dhe ku ëndrrat guxojnë të bëhen realitet nëse punon fort dhe me shpirt”, thotë ai, duke bërë me dije më tej se në fund të vitit 2026 ai do të publikojë edhe autobiografinë e tij në tregun amerikan, një libër që fatkeqësisht do të tregojë dhe një anë të errët të Shqipërisë, të asaj Shqipërie që Renatos edhe e duartrokiti, por dhe e futi dhe në periudhën e tij më të errët.

Deklarata e plote:

DEKLARATË PËR MEDIAT DHE PUBLIKUN

– Renato Mekolli

Përtej Heshtjes: Një Rilindje

Kjo deklaratë vjen menjëherë pas hapjes së faqes sime zyrtare në Facebook,

U mendova gjatë për ta rihapur Facebook-un (Instagram-in në një moment tjetër) dhe për t’u bërë përsëri pjesë e rrjeteve sociale. Të jem i sinqertë, nuk ishte aspak e lehtë. Përkundrazi, ishte shumë më qetë dhe më bukur larg kësaj zhurme të madhe që krijohet çdo ditë në botën virtuale.

Sot jetojmë në një realitet ku shumë gjëra bëhen vetëm për t’u dukur, ku një pjesë e madhe e njerëzve jetojnë një jetë fallco dhe ku imazhi virtual shpesh duket më i rëndësishëm se jeta reale. Por pavarësisht kësaj, jam një figurë publike dhe puna ime e kërkon këtë komunikim. Rihapja e Facebook-ut tim solli një reagim të jashtëzakonshëm – për mirë, sigurisht. Mesazhet tuaja erdhën si një lumë pyetjesh që kërkonin përgjigje. Interesimi nga publiku, por edhe nga mediat, ishte i madh dhe i menjëhershëm.

E ndiej si detyrim ndaj njerëzve që më kanë ndjekur gjatë gjithë kohës dhe si detyrim ndaj mediave. Për këtë arsye vendosa të përgjigjem me këtë deklaratë publike, e cila përmbledh pak nga gjithçka. (Por që në fund doli goxha e gjatë.)

NUK jam ende gati për një intervistë të plotë – dhe për këtë kërkoj mirëkuptimin e mediave.

Prandaj, vendosa të jap këtë përgjigje të parë për të gjithë ju, deri në një moment të dytë, që sigurisht do të vijë në kohën e duhur.

Nuk ishte e lehtë të largohesha nga dritat dhe nga Shqipëria, por ishte e domosdoshme.

Faleminderit të gjithë atyre që nuk më harruan kurrë dhe më qëndruan pranë.

Renato i parë u dogj në hirin e sfidave të tij. Por nga ai hir lindi një tjetër — më i fortë, më i vetëdijshëm dhe më i vendosur se kurrë. Kjo është jeta ime e dytë. Forcën e gjeta aty ku nuk kishte mbetur asnjë fije drite, aty ku fryma bëhej e rëndë dhe mendja kërkonte arratisje. Në atë pikë, kur gjithçka më thoshte të heshtja dhe të dorëzohesha — unë zgjodha të jetoj.

I thashë PO jetës në çastin më delikat, kur fijet e padukshme mes zemrës dhe mendjes rrezikonin të këputeshin. Sot jetoj me zjarr në gjak, me sy që kanë parë ferrin, por kanë zgjedhur dritën. Kjo është fitorja ime: të dëgjosh zërin e shpirtit dhe t’i thuash vetes: “Ngrihu. Ti mundesh.”

Njeriu mban brenda një fuqi të shenjtë: mendjen — urtësinë hyjnore që na u dha si bekim që ditën kur kemi lindur, si armë dhe si dritë. Ai që e ndez këtë dritë, rilind. Dhe unë rilinda.

Ju falënderoj që më keni dhënë forcë dhe energji. Për ju kam vetëm një porosi: jetoni me thellësi. Bëni të mirën, e nëse nuk mundeni, të paktën mos bëni keq. Duajeni njeriun pranë jush. Njeriu nuk është për t’u shtyrë poshtë; njeriu është vlerë.

Mos gjykoni, mos godisni. Jepini dorën tjetrit — ndoshta është shansi i fundit para se ai të heqë dorë nga kjo jetë. Kur ai hap fatal të jetë bërë, lotët dhe pendesa do të jenë të vona. Le t’i japim dorën njëri-tjetrit në këtë univers ku qarkullon energjia e përbashkët.

“Pse u largova nga Shqipëria?”

Nuk u largova sepse desha. Nuk ishte kurrë dëshira ime të largohesha nga vendi im. Është një plagë që ende dhemb — trauma e çdo emigranti që trupin e ka diku tjetër, por shpirtin në Shqipëri.

Asnjë njeri nuk dëshiron të largohet nga vendi ku ka lindur.

Zemra ime mbetet aty. Në vendin tim të vogël, të bukur, të dhimbshëm. Askush nuk largohet lehtë nga rrënjët. Askush nuk ëndërron të jetë emigrant — dhe kjo është plaga e çdo emigranti.

U largova për të shpëtuar veten. Jeta ime u kërcënua nga segmente të politikës shqiptare dhe nga rrethana të tjera të rënda. Përjetova skllavërinë moderne dhe mësova çfarë do të thotë të jetosh në një demokraci që është më keq se komunizmi që kanë përjetuar prindërit apo gjyshërit tanë. M’u ndalua liria e çdo gjëje dhe, çuditërisht, çdo denoncim i imi zhdukej nga Policia jonë pa asnjë arsyetim. Jeta ime u dhunua fizikisht dhe psikologjikisht.

Luftova deri në pikën e fundit, deri në atë pikë kur mendja më shkonte në vendimin më të errët që mund të ekzistojë, në atë pikë fatale për jetën që nuk dua as t’ia përmend emrin. Por nuk mund të qëndroja më. Në fund, zgjodha jetën.

Jam i sigurt se edhe Nëna Shqipëri do të më thoshte:

“Biri im, largohu. Misionin tënd e përmbushe, bëre të pamundurën për të jetuar këtu. Por ky vend nuk i do njerëzit si ty, i do larg. Shko dhe më bëj krenare kudo që të jesh.”

Dhe këtë gjë bëra.

Duhej ta ringrija Renaton me çdo kusht. Duhej të vazhdoja misionin dhe ëndrrën time. Tani po e rishkruaj historinë time nga e para, ashtu siç duhet të ishte, jo siç donin të tjerët.

Që 6 vjeç, kuzhina ka qenë thirrja ime hyjnore. Kam lindur t’u shërbej njerëzve përmes asaj që di të bëj më mirë — përmes artit të gatimit. Ju më bëtë “Chef-in e zemrave tuaja” dhe kjo fitore nuk blihet, nuk fabrikohet, nuk imitohet, nuk manipulohet, nuk zëvendësohet. Kjo lloj fitoreje nuk blihet në treg; ajo gatuhet me vite përkushtim dhe me shumë dashuri.

Faleminderit që më lejuat të jem pjesë e juaja dhe e zemrave tuaja. Faleminderit që më lejuat të hyj në shtëpitë e çdo shqiptari në Kosovë, në Shqipëri e kudo në botë.

Dua të falënderoj me zemër me përulësi dhe mirënjohje të thellë kanalin tim që më besoj,Top Channel për besimin që më dha, duke më besuar kohën më të çmuar televizive në Prime time me Hell’s Kitchen Albania dhe MasterChef Albania.

Këto janë dy prodhime me shtrirje dhe jehonë botërore, formatet më të mëdha televizive në botë, që u shndërruan në udhëtime të jashtëzakonshme emocionesh, pasioni dhe përkushtimi profesional. Së bashku arritëm rekorde të papërsëritshme audiencash për një reality shoë gatimi dhe krijuam momente që do të mbeten gjatë në historinë e televizionit shqiptar.

Ishte një përvojë e paçmueshme, plot sfida, krenari dhe realizime të mëdha. Falënderoj nga zemra çdo person që kontribuoi në këtë rrugëtim të mrekullueshëm.

Mirënjohje e thellë për sponsorin tim besnik, ELKA, që më qëndroi pranë me respekt në çdo hap.

Dua të falënderoj edhe mediat, që më dhanë zë, që respektuan punën time dhe atë që unë jam, që më vendosën në faqe gazetash, në kopertina revistash, në intervista me shpirt dhe nuk kursyen asnjëherë shkrimet e tyre plot dashuri dhe respekt.

Dhe ajo që më preku më shumë: shumë prej tyre e dinin çfarë po përjetoja, por nuk folën. Nuk publikuan. Nuk shfrytëzuan dhimbjen time. Më dhanë qetësi dhe kohë. Dhe më lanë të flisja vetëm kur unë të isha gati. Ky është respekt i vërtetë. Dhe unë ua mbaj në zemër.

Jam nga ata njerëz që kurrë nuk kam kërkuar favore, kurrë nuk kam shfrytëzuar famën për të përfituar diçka dhe kurrë nuk kam mbajtur pranë vetes njerëz vetëm sepse kishin pushtet apo para. Gjithmonë kam dashur të luftoj vetë, t’i arrij vetë të gjitha, pa ndihmën e askujt.

Asgjë nuk më është dhuruar në jetë. Çdo hap, çdo arritje dhe çdo sukses e kam ndërtuar me punë, sakrificë dhe përpjekje personale, pa pasur pas meje një familje me para apo miqësi të ndërtuara mbi interesa dhe para të pista.

Prandaj kam forcën ta ngre zërin me krenari, sepse jeta dhe karriera ime janë ndërtuar mbi themele të forta dhe të palëkundshme. Askush nuk guxon të hedhë baltë mbi emrin tim, sepse unë kam ecur gjithmonë me dinjitet, ndershmëri dhe karakter të pastër.

The Chef – My Last Chance at Life

(Titulli nuk është final)

Në fund të vitit 2026 do të jetë gati autobiografia ime për tregun amerikan — një libër që nuk u shkrua për të kënaqur. Kjo nuk është një histori e zakonshme suksesi. Është një kronikë e ashpër, e errët dhe tronditëse.

Më vjen keq që Shqipëria nuk do të dalë me një imazh të bukur, por kjo është historia ime dhe historia shkruhet ashtu siç është jetuar: një jetë e ndërtuar mbi dhimbje, heshtje dhe një durim të dhunuar përtej limiteve njerëzore.

Nga hijet e fëmijërisë sime në vitet e fundit të komunizmit, deri tek plagët e racizmit dhe realiteti brutal i emigrimit në Greqi; nga maja e suksesit në gastronomi, media dhe televizion, deri tek sakrificat që shkatërruan trupin dhe shpirtin tim.

Nga izolimi i karantinës në Shqipëri dhe kolapsi financiar, deri tek lufta ime personale me krizat e atak panikut, ku fryma më ndërpritej; dhe beteja psikologjike që më çoi drejt psikoterapistëve dhe trajnerit të jetës (Life Coach), përballja me demonët që më mohonin të drejtën për të jetuar.

Rruga drejt majës nuk ishte e lehtë — ishte e përgjakur.

E zhvesh pa mëshirë fasadën e gastronomisë dhe iluzionin e pluhurit të artë të shoëbiz-it në Shqipëri, duke zbuluar të vërtetën pas shkëlqimit fallco,disiplinë që lë plagë, vetmi dhe frikë, një çmim pothuajse i padurueshëm për suksesin.

Ky është një rrëfim tronditës, rrëqethës, i gdhëndur me plagë, të vërteta të pamëshirshme dhe koston shkatërruese të ndjekjes së majës.

Historia ime nuk lexohet thjesht,kjo histori është një film dhe dokumentar— ajo përmbyt. Trondit dhe prek thellë. Por nga rrënojat, me plagë dhe heshtje, gjeta forcën të ngrihem sërish, të sfidoj fundin dhe të zgjedh jetën. Kundër çdo rryme, me besim dhe shpresë, i thashë vetes: “TI MUNDESH.”

Dhe sot jam këtu, në Miami, nën dritat e një prej hoteleve më luksoz të botës,me drita të vërteta dhe një shkëlqim që të verbon,në hotelin The Ritz-Carlton. Jam këtu, në vendin ku vlerësohesh për atë që je dhe ku merr atë që me të vërtetë meriton; këtu ku Chef-i trajtohet si artist, si superstar, dhe ku ëndrrat guxojnë të bëhen realitet nëse punon fort dhe me shpirt.

Ky është fundi i librit tim, por fillimi i vërtetë i jetës sime. Një mbyllje si në përralla — ashtu siç i ka hije çdo njeriu që ka prekur fundin, por ka gjetur guximin të ngrihet përsëri. Ky është versioni im i Ëndrrës Amerikane: rilindja pas stuhisë, drita pas errësirës dhe fitorja e madhe mbi dhimbjen. Unë nuk u dorëzova kurrë. Po ti?

Me respekt të thellë,ju përulem të gjithëve për dashurinë e jashtëzakonshme që më keni dhuruar ndër vite.

Mbështetja, besimi dhe vlerësimi juaj kanë qenë forca ime më e madhe dhe motivimi për të vazhduar përpara me pasion e përkushtim.

Ndjehem i bekuar.

Për të gjithë ju që u rrëzuat, u lodhët dhe për një çast humbët shpresën — mos u dorëzoni.

Edhe nga errësira më e thellë, njeriu mund të ngrihet. Besoni në veten tuaj. Besoni në jetë. Unë ia dola. Edhe ju mundeni.

Zoti ju bekoftë ju dhe familjet tuaja!

I juaj,Chef Renato Mekolli

Miami, Florida

11/02/2026

The post U “zhduk” papritur nga Shqipëria, Renato Mekolli rrëfen dramën pas 5 vitesh heshtje: U largova për të shpëtuar jetën! Policia i fshinte denoncimet appeared first on Albeu.com.

Ka nisur sot seanca konstituive e Kuvendit të Kosovës, duke shënuar hapin e parë drejt ngritjes së institucioneve të reja pas zgjedhjeve të 28 dhjetorit dhe certifikimit të rezultateve.

Seanca, e cila filloi rreth orës 17:30, po drejtohet nga deputeti më i vjetër, Avni Dehari nga Lëvizja Vetëvendosje. Në hapje, ai paraqiti rendin e ditës që përfshin: formimin e Komisionit të përkohshëm për verifikimin e kuorumit dhe mandateve të deputetëve, betimin e deputetëve, zgjedhjen e kryetarit të Kuvendit dhe zgjedhjen e nënkryetarëve.

Me 118 vota pro të deputetëve të pranishëm u miratua formimi i Komisionit të përkohshëm për verifikimin e kuorumit dhe mandateve. Komisioni përbëhet nga një përfaqësues i secilës parti politike dhe ka për detyrë të shqyrtojë vlefshmërinë e mandateve të deputetëve të rinj.

Pas miratimit të komisionit, seanca është ndërprerë përkohësisht deri në përfundimin e verifikimit të mandateve.

Konstituimi i Kuvendit i hap rrugë formimit të Qeverisë së re të Kosovës.

The post Seanca konstituive e Kuvendit të Kosovës, formohet komisioni për verifikimin e mandateve appeared first on Albeu.com.

Një aksident i rëndë ka ndodhur pasditen e kësaj të mërkure në Tiranë, pranë Kopshtit Zoologjik.

Një automjet taksi ka përplasur një motomjet, ku si pasojë është plagosur drejtuesi i motomjetit.

Sikurse duket nga pamjet e siguruara nga Top Channel, taksia është përplasur me murin pas aksidentit me motomjetin.

Aksidenti ka shkaktuar kaos dhe trafik të rënduar, ndërsa ambulanca nuk po mbërrin dot për të marrë të plagosurin, për shkak të bllokimit të rrugës.

Policia, ndërkohë, ndodhet në vendin e ngjarjes.

The post Aksident i rëndë në Tiranë, taksia përplas motomjetin, plagoset drejtuesi appeared first on Albeu.com.