Në rajonin qendror bujqësor të Turqisë, janë shfaqur qindra gropa të mëdha, të njohura si gropa shpërthyese, për shkak të rënies së reshjeve dhe uljes së nivelit të ujërave nëntokësore. Ky fenomen ka shkaktuar shqetësim tek fermerët dhe ekspertët e mjedisit, të cilët e shohin këtë si një shenjë të ndryshimeve klimatikë.

Gropat e mëdha, që i kanë dhënë një pamje të çuditshme fushave që prodhojnë misër, grurë dhe sheqerbeet, janë të pranishme në fshatin Karapinar, në provincën Konya. Në disa pjesë të fushave, ka më shumë se dhjetë gropa të tilla të mbushura me ujë, ndërsa në zona malore, gropat e mëdha të lashta, që dikur ishin mbushur me ujë, tani janë tharë pothuajse plotësisht.

Sipas profesor Fetullah Arik, një ekspert i gjeologjisë nga Universiteti Teknik i Konya-s, procesi i shfaqjes së këtyre gropave ka përshpejtuar ndjeshëm vitet e fundit, duke e çuar numrin e tyre në rreth 700 në basenin e Konya-s.

Arik thotë se shkaku kryesor i rritjes së numrit të gropave është ndryshimi i klimës dhe thatësira, të cilat kanë ndikuar në të gjithë botën që nga vitet 2000. “Për shkak të kësaj thatësire, niveli i ujërave nëntokësore po bie çdo vit”, shpjegon ai. “Rënia e ujërave nëntokësore ka arritur në 4 deri në 5 metra në vit, krahasuar me gjysmë metri në vit që ka ndodhur gjatë viteve 2000”, shton ai.

Një nga pasojat e kësaj është nevoja për hapjen e më shumë puseve nga fermerët lokalë, shumë prej të cilëve janë të paautorizuar, duke kontribuar në shterimin e mëtejshëm të ujërave nëntokësore dhe përkeqësimin e situatës. Arik vëren se në këtë basen ka rreth 120,000 puse të paautorizuar, krahasuar me 40,000 puset e licencuara.

Për fat të mirë, deri tani, këto gropa shpërthyese nuk kanë shkaktuar viktima, por natyra e paparashikueshme e tyre rrezikon jetën dhe pasuritë e banorëve të zonës. Mustafa Sik, një fermer nga Karapinar, tregon se dy gropa janë hapur në tokat e tij gjatë dy viteve të fundit. Ai kujton momentin kur një gropë tjetër u shfaq në fushën e tij, në gusht të vitit 2024, kur vëllai i tij ishte duke punuar aty, dhe thotë se tingulli i asaj që ka ndodhur ishte “një zhurmë e tmerrshme”.

Një sondazh i bërë nga gjeologët në tokat e Sik-ut ka zbuluar dy zona të tjera ku mund të formohen gropa, por nuk është e mundur të parashikohet saktësisht kur do të ndodhë. Sik thotë: “Jemi të shqetësuar? Sigurisht që jemi shumë të shqetësuar.”/mxh

Last Updated on 23/12/2025 by EL

Last Updated on 23/12/2025 by EL

Ish-kreu i Burgjeve, Agim Ismaili ka dalë nga ambientet e SPAK pas rreth dy orësh. Ismaili është zyrtarisht nën hetim nga SPAK, ndërsa hetimet nisën pas dyshimeve për tentativën e hakerimit të SPAK disa muaj më parë.

Ismaili është nën hetim për 3 vepra penale; “Përgjimi i paligjshëm i të dhënave kompjuterike”, “grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Hetimet ndaj ish-kreu të Burgjeve vijnë disa muaj pas incidentit të dyshuar të hakerimit dhe SPAK ka njoftuar se procedurat po ndiqen në mënyrë intensive, për të përcaktuar rolin dhe përgjegjësitë e tij. Sulmi kibernetik ndaj SPAK ndodhi më 12 mars, por u zbulua disa ditë më vonë./e.t

Një re e dendur ndotëse ka mbuluar qytetin e Pljevlja-s në Malin e Zi për një javë, duke shkaktuar shqetësim të madh te banorët dhe autoritetet, të cilat lëshuan një paralajmërim urgjent për të qëndruar brenda shtëpive për shkak të përqendrimit të lartë të dioksidit të squfurit (SO2) në ajër.

Qyteti i veriut të Malit të Zi është dominuar nga miniera e qymyrit dhe termocentrali, të cilat, sipas ekspertëve, janë burime kryesore të ndotësve të rrezikshëm të ajrit, siç janë materiet e imta të grimcave PM10 dhe PM2.5.

Përveç tymit nga oxhakët dhe mjegullës që reduktojnë dukshmërinë, banorët e qytetit thonë se përdorimi i qymyrit dhe dru të lagur për ngrohje nga disa familje është një prej shkaktarëve kryesorë të ndotjes.

Hasan Vlahovljak, një banor i Pljevlja-s, tha për TV Klan: “Këto familje krijojnë kaos, sepse njerëzit këtu përdorin qymyr për ngrohje që nga vitet 1950, kur u hap miniera e qymyrit.”

Ndërkohë, shumë qytete të Ballkanit Perëndimor, përfshirë Pljevlja-n, vazhdojnë të vuajnë nga nivele të larta ndotjeje për shkak të ngrohjes shtëpiake, impianteve të vjetra të qymyrit, makinave të vjetra dhe mungesës së fondeve për të adresuar problemin.

Pljevlja është një qytet i rrethuar nga male, dhe si shumë qytete të tjera të Ballkanit, vuajnë nga një fenomen i njohur si “inverzioni i temperaturës”, që shtyn ajrin më të ftohtë dhe ndotësit nga djegia e fosileve dhe makinat më afër tokës. E kombinuar me mjegullën, ndotja mund të qëndrojë për ditë të tëra.

Një kalimtar, Zorka Roncevic, tha: “Nuk kam dalë jashtë për një javë, ishte e padurueshme.”

Mjekët nga spitali lokal kanë paralajmëruar për një numër të lartë fëmijësh të vegjël që kanë pasur vështirësi në frymëmarrje, me shumë prej tyre që kanë marrë trajtim me oksigjen.

Aktivistët mjedisorë thonë se ndotja ka përkeqësuar pas rinisjes së punës në termocentralin me qymyr, pas një “rikonstruksioni ekologjik” tre javë më parë, por pa aktivizuar njësinë e de-sulfurizimit, e cila do të ndihmonte në reduktimin e ndotjes./mxh

Aktivistja suedeze Greta Thunberg u arrestua në Londër, gjatë një proteste në mbështetje të Palestinës, njoftoi grupi i fushatës me bazë në Mbretërinë e Bashkuar, Defend Our Juries.

Thunberg u arrestua sipas Ligjit të Terrorizmit për mbajtjen e një pankarte që shprehte mbështetje për të burgosurit lidhur me grupin Palestine Action, i cili është shpallur një organizatë terroriste nga qeveria britanike.

Sipas një zëdhënësi të Policisë së Londrës, dy persona ishin arrestuar më herët gjatë protestës për hedhjen e bojës së kuqe mbi një ndërtesë, ndërsa më vonë një grua 22-vjeçare – që ishte identifikuar si Greta Thunberg – u arrestua për shfaqjen e një objekti (në këtë rast një pankartë) në mbështetje të një organizate të ndaluar, në kundërshtim me Seksionin 13 të Ligjit të Terrorizmit të vitit 2000.

Një video e shpërndarë në rrjetet sociale tregon momentin kur oficerët i marrin pankartën aktivistes. Reuters konfirmoi vendndodhjen e videos në Londër duke krahasuar pamjet me hartën satelitore dhe imazhet e regjistruara të zonës. Data e incidentit gjithashtu u verifikua nga burime të tjera dhe raporte të korroburuara.

Sipas Defend Our Juries, organizata kishte targetuar ndërtesën sepse ajo përdorej nga një firmë sigurimi që, sipas tyre, ofronte shërbime për degën britanike të kompanisë izraelite të mbrojtjes, Elbit Systems./mxh

Last Updated on 23/12/2025 by EL

Bizneset po hasin vështirësi të shumta gjatë ditëve të fundit për kryerjen e shërbimeve online, po ashtu dhe individët.

Ndonëse tashmë kemi dhe Ministren e Shtetit për Inteligjencën Artificiale, me emrin “Diella”, që vepron në formë virtuale, dhe Shqipëria doli në lajmet ndërkombëtare për këtë risi, realiteti është krejt ndryshe.

Në orën 14.00 nëse hap faqen e E-Albania, faqja hapet normalisht, por nëse kërkon të bësh një shërbim, faqja del e padisponueshme.

Bizneset ankohen se prej disa ditësh nuk po funksionojnë sistemet bazë operative të punës dhe kjo është një situatë e patolerueshme.

Në Qendrën Kombëtare të Biznesit (QKB) nuk bëhen dot aplikime për regjistrim të shoqërive të reja, ose ndryshime (shitje kuotash, kapitali), sistemi “self care” përmes të cilat nxirren faturat punon me vështirësi, ose nuk punon fare.

Ndërkohë sistemi i tatimeve punon normalisht, por sistemet e tjera, ku ndërlidhja bëhet përmes Agjencisë Kombëtare të Shoqërisë së Informacionit (AKSHI) nuk janë funksionale.

Nga kjo situatë janë prekur dhe individët. Është e pamundur të bësh rezervim për pasaportë e karta pasi sistemi i gjendjes civile nuk punon fare (nw E-Albania njoftohet qw Drejtoria e Përgjithshme e Gjendjes Civile gjatë ditës së sotme do të realizojë një operacion mirëmbajtjeje dhe përmirësimi të sistemit elektronik të saj dhe kjo mund tw ndikojw te shwrbimet). Kjo ka ndikuar dhe bizneset, që nuk arrijnë të aplikojnë për raportet e përfitimeve afat shkurtra për punonjësit si raporte barrë lindje.

“Rënia e njëkohshme ose mosfunksionimi i sistemeve kryesore online të shërbimeve për biznesin, si e-Albania, QKB dhe SelfCare, përbën një shqetësim serioz për funksionimin normal të aktivitetit ekonomik dhe marrëdhënien e bizneseve me administratën publike apo e profesionistëve me klientët e tyre”, thotë Julian Saraçi, ekspert fiskal.

“Këto platforma janë sot infrastruktura bazë për regjistrime, deklarime, aplikime, pagesa dhe përmbushje detyrimesh ligjore. Ndërprerja e tyre, qoftë edhe e përkohshme, krijon pasiguri juridike, vonesa procedurale, rrezik penalitetesh dhe kosto shtesë për bizneset dhe profesionistët e lirë, të cilët varen pothuajse tërësisht nga shërbimet digjitale. Fenomeni ngre pikëpyetje jo vetëm mbi qëndrueshmërinë teknike të sistemeve, por edhe mbi menaxhimin e riskut, kapacitetet e back-up-it, komunikimin institucional dhe mekanizmat alternativë që duhet të aktivizohen në raste të tilla”, shton ai.

Në këtë kontekst, bizneset vlerësojnë si të domosdoshme:
• transparencë më të madhe mbi shkaqet e ndërprerjeve dhe kohëzgjatjen e tyre;
• forcimin e sigurisë, qëndrueshmërisë dhe redundancës së sistemeve digjitale;
• parashikimin e procedurave alternative dhe shtyrjen automatike të afateve ligjore në raste mosfunksionimi të platformave;
• komunikim të qartë dhe në kohë me përdoruesit, për të shmangur pasigurinë dhe keqinterpretimet.

“Digjitalizimi është një arritje e rëndësishme, por ai kërkon investim të vazhdueshëm, testim rigoroz dhe qasje serioze ndaj riskut operacional. Ne inkurajojmë institucionet përgjegjëse që ta trajtojnë këtë çështje me prioritet, në dialog me komunitetin e biznesit dhe profesionistëve, për të garantuar shërbime publike digjitale të besueshme, funksionale dhe të qëndrueshme”, thotë Saraçi./Monitor

Last Updated on 23/12/2025 by EL

Subjekti politik Lista Serbe është gjobitur me 20 mijë euro nga Paneli Zgjedhor për Ankesa dhe Parashtresa (PZAP) për shkelje të Kodit të Etikës dhe Mirësjelljes gjatë fushatës zgjedhore.

Sipas vendimit të siguruar nga PZAP, ankesa është paraqitur nga subjekti politik Kosovski Savez, i cili ka pretenduar se në Komunën e Leposaviqit, në disa lokacione të ndryshme, Lista Serbe ka vendosur materiale propagandistike në kundërshtim me ligjin. Lidhur me këto pretendime, Lista Serbe nuk ka dorëzuar përgjigje ndaj ankesës.

PZAP ka vlerësuar se ankesa është e bazuar, duke theksuar se ankuesi ka bashkëngjitur fotografi si dëshmi të vendosjes së materialeve promovuese.

Sipas vendimit, këto materiale ishin vendosur në hapësira publike, përfshirë shtylla elektrike, parqe, stacione autobusi, mbikalime, trafo-stacione elektrike dhe përgjatë rrugëve publike./e.t

Departamenti i Drejtësisë i Shteteve të Bashkuara ka publikuar një sërë dokumentesh të reja, përfshirë një video që pretendohet të jetë xhiruar brenda një burgu, në lidhje me hetimet mbi financierin e ndjerë dhe pedofilin e dënuar, Jeffrey Epstein.

Një nga videot që është përfshirë, duket se e tregon Epstein-in duke u gjunjëzuar brenda qelisë së tij, por një hetim i kryer nga agjencia Reuters ka zbuluar se kjo video është e manipuluar dhe është një klip i krijuar me kompjuter, që u shfaq për herë të parë në rrjetet sociale në vitin 2020, një vit pas vdekjes së tij. Videoja ishte dorëzuar në Departamentin e Drejtësisë nga një person që pretendonte se tregonte vetëvrasjen e Epstein-it, sipas një emaili të publikuar gjithashtu të martën.

Hetimi i Reuters tregon se ky klip nuk është autentik dhe është postuar për herë të parë në tetor të vitit 2020 nga një person që shpjegoi se pamjet ishin të krijuara në 3D.

Ky publikim i fundit përmban rreth 29,000 faqe dokumentesh, shumë prej të cilave janë të censuruara, dhe dhjetëra klipa video, përfshirë disa që pretendojnë të jenë xhiruar brenda një burgu.

Epstein u gjet i vdekur në vitin 2019, pas një vetëvrasjeje të dukshme në një burg në Nju Jork.

Ky publikim erdhi disa ditë pas një tjetër deponimi të administratës Trump, e cila publikoi një sasi të madhe dosjesh të Epstein-it në përpjekje për të zbatuar një ligj të ri që detyronte publikimin e informacionit mbi këtë çështje të ndjeshme politike./mxh

Last Updated on 23/12/2025 by EL

Një i moshuar në Maliq ka përfunduar në telashe me policinë, pasi akuzohet se ka kërcënuar me pistoletë sportive punonjësit e njësisë administrative Libonik.

Burime zyrtare nga policia bënë me dije se bëhet fjalë për shtetasin me inicialet E. A., 84 vjeç, banues në fshatin Vashtëmi, Maliq.

“Gjithashtu, u referuan materialet në Prokurori, ku filloi procedimi penal në gjendje të lirë (për shkak të moshës), për shtetasin E. A., 84 vjeç, banues në fshatin Vashtëmi, Maliq, pasi dyshohet se ka kanosur me pistoletë sportive, punonjësit e njësisë administrative Libonik, për motive të dobëta. Nga veprimet e mëtejshme procedurale, gjatë kontrollit në banesën e tij, u gjetën një armë gjahu çifte të cilën e posedonte me lejen përkatëse, një gjerdan me fishekë, dy karikatorë pistolete, 3 mjete prerëse (thika), disa krehra pushke dhe sasi municionesh të kalibrave të ndryshme, të cilat u sekuestruan në cilësinë e provës materiale.”, sqaron policia./e.t

Last Updated on 23/12/2025 by EL

190 nxënës nga shkollat e të gjithë vendit, të cilët kanë përfunduar studimet me rezultate të shkëlqyera, u nderuan të martën me medalje ari, në një ceremoni të organizuar nga Kryeministri Edi Rama

Gjatë fjalës së tij, kryeministri Rama theksoi se ky vit shënon numrin më të lartë të medaljeve të arta që nga krijimi i këtij eventi, duke e lidhur këtë rezultat edhe me rritjen e numrit të të rinjve shqiptarë që pranohen në universitete prestigjioze ndërkombëtare.

“Sot kemi numrin më të madh të medaljeve të arta që kur e kemi krijuar këtë event. Ajo që na kënaq më shumë është se ky numër përkon edhe me rritjen e studentëve shqiptarë që hyjnë në universitetet më prestigjioze të botës,” u shpreh Rama.

Kryeministri vuri theksin te rëndësia e këmbënguljes dhe sakrificës për realizimin e ëndrrave, duke theksuar se suksesi nuk arrihet pa përballuar vështirësi.

“Në majë nuk arrijnë të gjithë. Arrijnë ata që nuk dorëzohen dhe që janë gati të paguajnë çmimin e ëndrrës së tyre. Sa më e madhe ëndrra, aq më i lartë është çmimi i saj: sakrifica, energjia dhe lufta me veten,” tha ai.

Rama u ndal edhe te shembulli i dy vëllezërve binjakë nga Pogradeci, ku vetëm njëri prej tyre u nderua me medalje ari, pasi tjetri kishte marrë notën 9.

“Kam bindjen se në pjesën tjetër të rrugës, ajo 9 do ta ndihmojë që ta kalojë vëllain,” u shpreh kryeministri.

Në përfundim, Rama u uroi nxënësve suksese në rrugëtimin e tyre akademik dhe shprehu shpresën që një pjesë e tyre, njohuritë e fituara në të ardhmen, t’i vënë në shërbim të Shqipërisë./e.t

Last Updated on 23/12/2025 by EL

Nga Fejzo Subashi.
Realisht, Opozita Shqiptare ka jo vetëm mundësin, por shansin dhe fatin më të madh se kushdo opozitë tjetër në mjaftë vende, në situatën që ndodhet mazhoranca , për ta kthyer në favor të saj besimi e qyteyarëve. Absolutisht që protesta është një rrugë pasqyrimi i pakënaqësisë së qyteyarëve, ndaj mazhorancës, por edhe mundësi që ngjall shpresën dhe besimin te Opozita. Por a e kanë këtë meshirimin protestat në shqipëri? Absolutisht jo, sidomos këto të Sali Berishës…

Vështi të arrish në një përfundim; nëse janë protestë, apo fresk për Edi Ramën dhe qeverinë e tij?
Protesta e djeshme e Sali Berishës, me shumë sinqeritet, nuk arriti as nivelin minimal që duhet të ketë një protestë opozitare, e jo më forcën e mesazhit që pretendoi të japë.

Të thuash se je në krye të pakënaqësisë popullore dhe ta katandisësh protestën në një shëtitje në bulevard, nuk është as përfaqësim i revoltës qytetare, as presion politik, si dhe aq më pak një shpresëe besim për qytetarët te Opozita. Protesta dje ishtë thjesht një paradë e kontrolluar, një shëtitje mbrëmjeje që nuk i prish gjumin askujt në mazhorancë, aq më pak qeveris, oligatkëve dhe bandave . Vështirë të mendosh se me këtë formë revolte përmbysësh mazhoranc .

Një protestë pa ide, pa filozofi, pa objektiv të qartë, pa nerv qytetar, tregon qartë një gjë: opozita nuk ka forcë reale dhe as mbështetje popullore. Dhe një opozitë e tillë nuk i çon as një lloj mesazhi qeverisë, aq më pak ti ngjallësh frikë, përkundrazi e qetëson atë në rehatinë e monotonis së saj.

Në këtë model proteste, që si ide dhe si veprim praktik, janë njësoj me ato të Lul Bashës, madje ato të Bashës kishin më shumë pjesëmarrje dhe më shumë nerv , Sali Berisha me këtë format dhe qasje, se gjoja përfaqëson indinjatën dhe revoltën qytetare, të jep më shumë përshtypjen e përgatitjes për një pazar të radhës politik, sesa të ndjekjes së një objektivi real opozitar. Aq më pak të pritshmërive të demokratëve, qytetarëve dhe vendit.
Unë nuk jam për dhunë në protesta. Por ta shndërrosh protestën në një shëtitje parade, si ato të kohës së Enverit në Bulevardin “Dëshmorët e Kombit”, nuk është protestë. Është një shëtitje pensionisti, me pankarta dhe fjalime të ricikluara. Të katandiset protesta në këtë far feje, pas gjithë asaj propagande dhe premtimeve para fillimit, më shumë është një tallje me filozofin e opozitës, demokratët dhe qytetarët e këtij vendi.

Të thuash në rrjete sociale dhe konferenca shtypi se “më datën 22 largohet Rama nga pushteti” dhe se “nuk ikim nga sheshi”, e pastaj të shkosh atje dhe të përsërisësh foltoren e përditshme, apo të kopjosh daljen në ballkon, nuk i fut as dridhërimën më të vogël Ramës. Përkundrazi, i bën fresk në mbretërinë e tij.
Ka apo nuk ka nevojë Rama për këtë fresk, kjo ka pak rëndësi. Por të mashtrosh demokratët dhe qytetarët me lugë bosh është një nga gjërat më të pështira të politikës.

Po, Rama ka përgjegjësi të plotë për gjendjen e vendit. Kjo nuk diskutohet. Por të mos pranosh se mungesa e një opozite reale prej më shumë se një dekade është jo vetëm shfajësim indirekt për Ramën, por edhe përgjegjësi e rëndë e klasës politike në opozitë, është hipokrizi.

Rama nuk bie nga pushteti me këtë opozitë.
Ai nuk largohet sepse vjen, apo don të vijë Berisha.
Rama nuk duhet të iki që të bëhet Berisha kryeministër.
Rama dhe qeveria e tij, duhet të iki sepse nuk qeveris dot më. Nuk ka çfarë të jap më shumë, mbas këtij konsumi.
Sepse korrupsioni është bërë sistem.

Sepse zullumi ka kaluar çdo kufi.
Por ideja që “Rama duhet të iki se duhet rotacion” nuk mjafton. Nuk bind askënd.
Ramën nuk e largon opozita. E largon populli.
Dhe që populli të ngrihet, duhet të besojë te një alternativë tjetër. Duhet të shohë shpresë, risi, ndryshim real. Një lider që nuk i kujton të shkuarën, por i hap rrugë së ardhmes.
Me thirrje boshe si “ik o Ram se je i keq, i korruptuar, i lidhur me bandat”, nuk fitohet pushtet. Sepse kur qytetarëve nuk u jep shpresë, ata zgjedhin të keqen që njohin, sesa të keqen që u premtohet.
Të këqijat e mëdha të Shqipërisë kanë themele në pazaret e pista të politikës. Dhe pikërisht për këtë arsye, qytetarët sot nuk dalin në shesh. Ata rrinë në shtëpi, me sytë nga Zoti, sepse kanë frikë jo nga Rama, por nga pazari i radhës i klasës politike…

Last Updated on 23/12/2025 by EL

Ish-drejtori i Përgjithshëm i Burgjeve, Agim Ismaili është paraqitur këtë të martë në SPAK. Ismaili është vënë nën hetim nga SPAK në lidhje me sulmin kibernetik të ndodhur më 12 mars ndaj Prokurorisë së Posaçme.

Gazetarja Keti Banushi bën me dije se Ismailit po i komunikohet mbyllja e hetimeve,teksa më herët i është komunikuar edhe 2 të arrestuarve të tjerë: ish-punonjësit të Inspektoratit të Mbrojtjes së Territorit (IMT), Arnold Rrokaj dhe ish-zyrtari i burgut të Vlorës, Zambak Gjoni.

Sipas SPAK, hakerët tentuan të merrnin informacion nga kompjuterët e tre prokurorëve të posaçëm, Behar Dibra, Enkeleida Millonai dhe Elida Kaçkini, por sipas Prokurorisë, nuk arritën të depërtojnë në sistemin e brendshëm të IT-së.

Të arrestuarit më pas i kanë shpërndarë të dhënat e marra te persona të tjerë, mes të cilëve dyshohet se janë dy gazetarë, ish-kreu i Burgjeve Agim Ismaili, si dhe Dritan Palikaj, sekretar i përgjithshëm në Ministrinë e Bujqësisë./e.t

Last Updated on 23/12/2025 by EL

Një ditë pas protestës së organizuar nga kreu i Partisë Demokratike, Sali Berisha para Kryeministrisë, ku pati hedhje molotovësh dhe përplasje mes protestuesve dhe policisë deputeti Erjon Braçe ka publikuar disa pamje nga protesta.

Në videon e publikuar nga Braçe, shihet se si një qytetar papritur përfshihet nga flakët dhe i rrezikohej jeta, teksa policia ka nxituar t’i jap ndihmën e parë duke e lagur me ujë.

Ndër të tjera Braçe shkruan: Në 21 Janar Garda e Kryeministrisë pushkatoi 4 protestues, sot Policia e Shtetit i shuan flakët një protestuesi që merr flakënga molotovi.

Postim i plotë:

TIRANA E MADHE;

SHIHNI CFARE NDRYSHIMI NE KOHE ESHTE;

NE 21 JANAR, GARDA E KRYEMINISTRIT PUSHKATOI

KATER PROTESTUES TERESISHT PAQESOR E TE PAARMATOSUR;

SOT, POLICIA E SHTETIT I SHUAN FLAKET NJE PROTESTUESI QE MERR ZJARR NGA MOLOTOVI TE CILIT I SHKOI PA PLASUR PER TJA HEDHUR POLICEVE!

Diference e madhe apo jo?

Pyetja i shkon nje palacoje qe po e shoh ne tv e ze ne goje

21 JANARIN!

Per ta mbyllur ketu;

Ky vend mund te jete NORMAL permes nje rruge:

DREJTESISE KUSHTETUESE, TE PAVARUR, TE BARABARTE DHE EFEKTIVE!

Last Updated on 23/12/2025 by EL

Ekspertët paralajmërojnë se aktiviteti fizik intensiv dhe stimuluesit e mëngjesit, pa përgatitje të stomakut, mund të rrisin aciditetin, lodhjen dhe rrezikun për probleme të tretjes

Mëngjesi është shumë më tepër sesa thjesht pika e nisjes së ditës – ai vendos ritmin për trupin, mendjen dhe emocionet tona.

Zakonet që praktikojmë sapo hapim sytë shpesh i konsiderojmë të padëmshme, sepse janë pjesë e një rutine që e përsërisim prej vitesh pa menduar. Megjithatë, pikërisht këto zgjedhje të para të mëngjesit mund të kenë një ndikim të fortë në shëndetin e stomakut, nivelin e energjisë dhe gjendjen e përgjithshme shpirtërore gjatë ditës.

Në ritmin bashkëkohor të jetës, shumë njerëz e anashkalojnë mëngjesin, e nisin ditën me kafe si “vaktin” e parë ose e fillojnë mëngjesin me aktivitete fizike intensive, duke besuar se po bëjnë diçka të mirë për veten. Megjithatë, studime të publikuara në revista shkencore të nutricionit dhe fiziologjisë së ushtrimeve paralajmërojnë se ushtrimet intensive në bark esëll nuk janë të përshtatshme për të gjithë dhe, në shumë raste, nuk rekomandohen si praktikë e përditshme, transmeton Telegrafi.

Çfarë ndodh me stomakun kur e ekspozojmë ndaj stresit menjëherë pas zgjimit?

Stomaku bosh është veçanërisht i ndjeshëm, sepse në atë moment nuk ka shtresën mbrojtëse të ushqimit që do të zbusë veprimin e acideve dhe të irrituesve të jashtëm. Sipas ekspertëve të mjekësisë sportive, aktiviteti fizik intensiv në mëngjes, pa ushqim paraprak, rrit sekretimin e kortizolit, hormonit të stresit, i cili, nga ana tjetër, stimulon prodhimin e acidit gastrik dhe mund të përkeqësojë irritimin e mukozës së stomakut.

Rishikime shkencore të botuara në revista si British Journal of Nutrition dhe Journal of Physiology raportojnë se, megjithëse ushtrimet në gjendje agjërimi mund të rrisin përkohësisht djegien e yndyrës, ato shoqërohen edhe me stres më të madh metabolik, lodhje më të shpejtë dhe rënie të disponueshmërisë së energjisë, veçanërisht tek personat që ushtrohen rregullisht ose me intensitet të lartë.

Në afat të gjatë, sipas gastroenterologëve dhe specialistëve të mjekësisë funksionale, kombinimi i barkut bosh, aciditetit të rritur dhe stresit fizik mund të kontribuojë në shfaqjen ose përkeqësimin e gastritit, refluksit gastroezofageal dhe shqetësimeve të tjera të tretjes. Për këtë arsye, shumë udhëzime profesionale rekomandojnë që stërvitja e mëngjesit të paraprihet nga të paktën një vakt i lehtë ose hidratim i mjaftueshëm.

Ndikimi i zakoneve të mëngjesit në energji dhe gjendjen shpirtërore

Ajo që fusim, ose nuk fusim në organizëm në mëngjes, ndikon drejtpërdrejt në nivelin e sheqerit në gjak dhe në stabilitetin hormonal. Studime krahasuese të publikuara në PubMed dhe Harvard Health Reporting tregojnë se personat që ushtrohen në bark esëll kanë më shpesh rënie të energjisë, marramendje dhe nervozizëm disa orë pas stërvitjes, krahasuar me ata që konsumojnë një sasi të vogël ushqimi përpara aktivitetit fizik.

Ekspertët e ushqyerjes sportive theksojnë se, ndonëse ushtrimet në gjendje agjërimi janë bërë trend, ato nuk ofrojnë përfitime superiore afatgjata për humbjen e peshës apo shëndetin metabolik, ndërsa rreziku i mbingarkesës fizike dhe stresit hormonal mbetet real për shumë individë.

Mbase ju intereson

Një fillim i qëndrueshëm i ditës, me ushqim të lehtë, hidratim dhe aktivitete fizike të moderuara, sipas rekomandimeve të institucioneve shëndetësore dhe literaturës shkencore, ndihmon trupin të ruajë ekuilibrin, të mbrojë sistemin tretës dhe të sigurojë energji më të qëndrueshme gjatë ditës. Pikërisht për këtë arsye, gjithnjë e më shumë studime dhe raporte profesionale theksojnë se ushtrimet intensive në bark esëll nuk janë zgjedhja ideale për shumicën e njerëzve, sidomos kur synohet shëndet afatgjatë dhe mirëqenie e përgjithshme. /e.t

Last Updated on 23/12/2025 by EL

Kreu i PD-së, Sali Berisha në një dalje për mediat, u pyet për Ervin Salianjin.

Ai tha se Salianji u vetëpërjashtua nga PD-ja, pasi kaloi vijën e kuqe.

“Mendja te Salianji edhe këtu mor burrë!? Ça lidhje ka Salianji këtu? Jemi për farsën. Ai bëri një burg politik. Ai sot është njeriu që ka kaluar linjat e kuqe.

Nuk ka një vendim, por ka vetëpërjashtuar veten! Sa herë të pyesni, këtë përgjigje do të merrni.”, tha Berisha.

Ky vendim për përjashtimin e Salianjit vjen pasi ky i fundit ka nisur Foltoren e tij me demokratë të zhgënjyer e të lodhur nga lidershipi dhe kupola e PD-së. Deri më tani, Foltorja e Salianjit ka mbledhur simpatizantë dhe anëtarë të strukturave të Partisë Demokratike në Durrës, Gjirokastër dhe Elbasan.

Salianji ka qenë aktiv në Njësinë 6, veçanërisht në zonën e Kombinatit, ku takimet e zhvilluara nga ai me strukturat dhe simpatizantët e PD-së janë karakterizuar nga pjesëmarrje e gjerë dhe një angazhim i dukshëm i të rinjve./e.t

Last Updated on 23/12/2025 by EL

Gjykata e Distriktit Zamoskvoretsky të Moskës ka urdhëruar arrestimin në mungesë të ish-kampionit botëror të shahut Garry Kasparov. Sipas asaj që është publikuar së fundmi, Kasparov i cili është konsideruar “agjent i huaj” nga Ministria e Drejtësisë e Rusisë.

Vendimi erdhi bazuar në  Nenin 205.2 të Kodit Penal Rus, i cili mbulon thirrjet publike për terrorizëm dhe propagandë. Hetuesit paraqitën kërkesën për arrestimin e Kasparov më 22 dhjetor dhe të dhënat e gjykatës tregojnë se mocioni u miratua po atë ditë. Vendimi është planifikuar të hyjë në fuqi ligjore më 26 dhjetor ndërsa dënimi maksimal sipas këtij neni është deri në shtatë vjet burg.

“Gjykata urdhëroi arrestimin në mungesë të Kasparovit për dy muaj nga data e ndalimit të tij në Rusi ose ekstradimit të tij në Rusi”, raportoi gjykata.

Kasparov është një shahist i njohur, i cili ka qenë fitues tetë herë i Olimpiadave Botërore të Shahut. Ai njoftoi tërheqjen e tij nga shahu profesional në vitin 2005./e.t

Last Updated on 23/12/2025 by EL

Analisti Martin Leka komentoi protestën e opozitës që u mbajt të hënën para Kryeministrisë.

Gjatë intervistës në “News Line” në ABC News, ai tha se Sali Berisha tashmë është konsumuar dhe se të gjithë kaosin e krijon për shkak të egoizmit të tij. Më tej theksoi se Berisha është i pashpresë në marrjen e pushtetit siç ai synon.

“Sali Berisha është konsumuar dhe gjithçka shkon për egoizmin e tij. Berisha është pa shpresë në atë që ai synon, marrjen e pushtetit”, tha Leka.

Gjithashtu theksoi se protesta e opozitës ishte një zhgënjim. Leka theksoi se Berisha nuk frymëzon më masa, përveç militantëve.

“Që të vish në pushtet duhet të kesh mbështetjen e një shtrese të kualifikuar të shoqërisë. Por Berisha mbështetet vetëm nga ajo pjesë e militantëve. Protesta për militantët dhe anëtarët e PD ishte një zhgënjim i madh. Vetë liderit e PD kishin fryrë opinionin se do të ishte fundi i Ramës.

Protesta nuk ishte në nivelin e duhur, por thjesht një protestë e zakonshme. Pra edhe për vetë PD ishte një zhgënjim, fakti që Berisha mblodhi më pak njerëz se Basha, dhe kjo tregon se nuk motivon më, nuk jep shpresë…Kjo situatë do të vazhdojë të jetë e tillë sepse nuk arrin dot më të frymëzojë masa përtej militantëve.

Në krye të protestave duhet një lider ose një grupe liderësh që të frymëzojnë, por e gjitha protesta tregoi se Berisha nuk frymëzon më dhe nuk është i aftë të mbledhë turma. PD nuk është në gjendje të kapë shtresën e mesme dhe sidomos shtresën intelektuale “, tha ndër të tjera ai.

Analisti Leka komentoi edhe lëvizjet e Ervin Salianjit, duke thënë se i janë mbyllur të gjitha dyert në PD. Gjithashtu shtoi se çdo zë që është kundër Berishës në PD, është ‘shuar’.

“Gjithmonë Berisha ka thënë edhe më para që janë vetë-përjashtuar. Por zërat kundër në PD nuk ia kanë dalë të krijojnë një gjendje në PD që të dëgjohen dhe të ndryshojnë diçka. Nuk bën përjashtim edhe Salianji edhe pse lëvizja e tij është për t’u përshëndetur, por në rrugën e tij do ketë pengesa. Ose do kërkojë falje të Berisha për atë që po bënë, ose do detyrohet të largohet. Në parti e Berishës çdo zë që është kundër tij është i destinuar të fiket”, tha ai./e.t

Universiteti më i vjetër në Evropë është ai i Bolonjës, ku fillimisht u studiuan drejtësia dhe ligji. Megjithatë, universiteti i parë shtetëror u hap në Napoli.

Universitetet e para u ngritën në Evropën mesjetare, duke pasur si paraardhës akademitë e botës antike dhe, pjesërisht, medresetë islame, të cilat ishin përhapur që nga shekulli i 11-të. Vendet e dijes evropiane morën formë si korporata (universitete) mësuesish dhe studentësh, të bashkuar për qëllime studimi dhe mbrojtjeje të ndërsjellë, pak a shumë si esnafet artizanale.

Të dhënat italiane

Bolonja udhëhoqi rrugën me universitetin e saj, fillimisht të dedikuar për studimet e drejtësisë dhe të themeluar rreth vitit 1088, i konsideruar si më i vjetri në botën perëndimore. Ai u pasua nga Universiteti i Padovës, i themeluar në vitin 1222 nga një grup studentësh dhe profesorësh nga Bolonja, të cilët fillimisht u vendosën në Vicenza dhe më vonë zgjodhën Padovën si vendndodhjen e universitetit të tyre.

Universiteti i parë shtetëror ishte ai i Napolit, i themeluar në vitin 1224 nga Frederiku II i Svabisë.

Përhapje në rritje

Jashtë Italisë, ia vlen të përmenden universitetet angleze të Oksfordit (1096) dhe Kembrixhit (1209), ai spanjoll i Salamankës (1218) dhe Sorbona pariziene, e themeluar në vitin 1257 si kolegj dhe më vonë e zhvilluar në universitet.

Më pas, institucione të ngjashme lindën kudo në Evropë dhe më gjerë. Me kalimin e kohës, universitetet u organizuan në disiplina të ndryshme (fakultete) dhe hodhën themelet e arsimit akademik modern.

Burimi: focus.it / Matteo Liberti/ Përgatiti për botim: L. Veizi

Fluksi i vizitorëve të huaj ka qenë i lartë edhe gjatë muajit nëntor, sipas të dhënave zyrtare të INSTAT, ku nga mbi 1.2 milionë hyrje, rreth 630 mijë vizitorë kanë qenë shtetas të huaj. Kjo shifër rezulton të jetë rritur me 4,2%, krahasuar me të njëjtën periudhë të vitit 2024.

Të ndarë sipas qëllimit të hyrjes në territorin shqiptar të shtetasve të huaj në muajin nëntor, në 97% të rasteve vizitorët kanë qenë për qëllime personale dhe turistike. Ky tregues ka shënuar një rritje me 4,5% krahasuar me nëntorin e vitit 2024.

Vizitorët e huaj më të shumtë gjatë nëntorit ishin nga Europa në 96% të rasteve, sipas INSTAT, ku Europa Jugore zë 86% të hyrjeve të shtetasve të huaj, ndjekur nga Europa Perëndimore me 5%, ndërsa pjesa tjetër e kontinentit europian me 4%.

Referuar shifrave zyrtare, vendi ynë preferohet gjatë periudhës së vjeshtës dhe dimrit edhe për sitet e shumta historike e kulturore. Vetëm gjatë periudhës janar–nëntor të këtij viti, mbi 1,492,656 vizitorë vendas dhe të huaj kanë zgjedhur të vizitojnë këto destinacione atraktive./kb

Donald Trump nuk përjashtoi mundësinë e një ndërhyrjeje ushtarake amerikane në Venezuelë për të rrëzuar nga pushteti Nikolas Maduron. I pyetur nga gazetarët në një bashkëbisedim në Shtëpinë e Bardhë, presidenti amerikan e këshilloi kreun e shtetit të Venezuelës të largohet vetë nga pushteti.

“Mendoj se do të ishte një zgjidhje e zgjuar të hiqte dorë nga pushteti. Nëse ai luan të fortin, kjo do të jetë hera e fundit që do të jetë në gjendje ta bëjë.”