Gazetari i FAZ, Michael Martens, thotë se nuk është paditur kurrë edhe pse ka raportuar për “oligarkët rusë, kriminelët e luftës serbe, kontrabandistët e cigareve malazezë, rebelët kurdë, komandantët afganë të luftës..”, etj, si përgjigje ndaj këshilltarit të presidentes Vjosa Osmani, i cili tha se po presidentja është duke u konsultuar me avokatë në Gjermani për deklarimet e gazetarit…

Gazeta e njohur gjermane “Frankfurter Allgemeine Zeitung” i ka kushtuar një artikull përpjekjeve të presidentes së Kosovës, Vjosa Osmani, për të qëndruar edhe një mandat në krye të shtetit.

FAZ: Osmani nënshkroi me Trump në Davos pa u konsultuar me Kurtin, me ndihmën e Edi Ramës

Në këtë artikull, gazetari Michael Martens vë në pah se si Osmani po tenton të shfaqë afërsi me presidentin Trump dhe familjen e tij për të përmbushur këtë qëllim.

Krahas këtij raportimi, Këshilltari i presidentes së Kosovës, Rinor Nuhiu, ka thënë se shefja e shtetit, Vjosa Osmani, është duke u konsultuar me avokatë në Gjermani për deklarimet e gazetarit gjerman të FAZ, Michael Martens.

Këshilltari i Osmanit reagon ndaj gazetarit të FAZ-it, thotë se po shqyrtohen veprime ligjore në Gjermani

Nuhiu ka shkruar në “X” se “shpifjet, përgojimi, akuzat e pabazuara dhe pretendimet e rreme” të Martens bien nën përgjegjësinë civile dhe penale bazuar në ligjin gjerman.

“Presidentja Osmani i hedh poshtë kategorikisht pretendimet e tij shpifëse dhe përhapjen e rrezikshme të dezinformimit”, ka shkruar ai.

Gazetari Michael Martens, i është kundërpërgjigjur këshilltarit të Osmanit, duke shkruar:

“Jeto dhe mëso. Jam në gazetari për 30 vjet, kam jetuar dhe punuar në vende të vështira si Rusia, Afganistani apo Turqia, duke shkruar për oligarkët rusë, kriminelët e luftës serbe, kontrabandistët e cigareve malazezë, rebelët kurdë, komandantët afganë të luftës pa u paditur kurrë. Por tani…”, ka shkruar Martens në rrjetin “X”.

Postimi i plotë:

Live and learn. I am in journalism for 30 years, lived & worked in difficult countries as Russia, Afghanistan or Turkey, writing about Russian oligarchs, Serbian war criminals, Montenegrin cigarette smugglers, Kurdish rebels, Afghan warlords without ever getting sued. But now… pic.twitter.com/GBHeSeYGOz

— Michael Martens (@Andric1961) February 4, 2026

Sinjali – aty ku e vërteta flet para lajmit!

/GazetaSinjali/

The post Martens, Osmanit: Kam raportuar për oligarkët rusë, kriminelët serbë të luftës, e s’jam paditur kurrë… mirë pra appeared first on Sinjali.

Ryan Routh është dënuar me burg të përjetshëm për përpjekjen e tij për të vrarë Donald Trump në Florida në vitin 2024 gjatë fushatës presidenciale.

Gjykatësi federal Aileen Cannon dha këtë dënim më 4 shkurt 2026 pasi Routh u gjykuar fajtor për pesë akuza, përfshirë përpjekjen për vrasje të një kandidati kryesor presidencial, sulm ndaj një zyrtari federal dhe shkelje të shumta me armë zjarri.

Routh u arrestua pasi një agjent i Secret Service e zbuloi teksa qëllonte një armë drejt fushës golfit ku Trump po luante golf në 15 shtator 2024, por nuk arriti të qëllonte për Trump.

Prokurorët argumentuan se ai kishte planifikuar me muaj të tërë sulmin dhe nuk tregoi pendesë, prandaj kërkuan burgim të përjetshëm, ndërsa mbrojtja kishte kërkuar një dënim më të ulët (rreth 27 vjet) duke cituar moshën dhe shëndetin e tij. Gjykata refuzoi këtë kërkesë dhe vendosi dënimin maksimal sipas ligjeve federale.

Në gjyq, Routh pati sjellje të çrregullt, duke përfshirë një tentativë për t’u vetëdëmtuar me një stilolaps pas shpalljes së fajësisë nga juria.

Në botë konsiderohet si një nga ngjarjet më serioze të sigurisë në politikën amerikane, veçanërisht duke ndodhur pak javë pas një tjetër tentative të ngjashme ndaj Trump në Pensilvani.

Sinjali – aty ku e vërteta flet para lajmit!

/GazetaSinjali/

The post Tentoi ta vriste Donald Trumpin, Ryan Routh dënohet me burgim të përjetshëm appeared first on Sinjali.

Lëvizja Vetëvendosje ka thënë se aktgjykimi i Gjykatës Kushtetuese për ankesën e Listës Serbe, lidhur me nënkryetarin e Kuvendit, dëshmon mungesë serioze konsistence të gjykatës. 

Përmes një reagimi, kjo parti ka shprehur se Kushtetuesja e ka ndryshuar qëndrimin e vet brenda katër muajve për të njëjtën çështje kushtetuese. 

Sipas këtij subjekti, Gjykata po krijon në praktikë një të drejtë vetoje për një subjekt konkret, Listën Serbe. 

“Një gjykatë kushtetuese që ndryshon qëndrimin për çështje identike kushtetuese, pa asnjë ndryshim normativ, faktik apo sistemik, cenon jo vetëm parimin e parashikueshmërisë të së drejtës, por edhe besimin e qytetarëve në koherencën e rendit kushtetues. Një ndryshim i tillë nuk mund të justifikohet si zhvillim i jurisprudencës, pasi mungon elementi thelbësor i tij evolucioni i rrethanave normative ose shoqërore. Në këto kushte, ndryshimi i qëndrimit merr karakterin e një përdorimi formal të kompetencës gjyqësore për të prodhuar një rezultat të ri normativ, çka përbën formë klasike të abus de droit”, thuhet në reagim.

Sipas LVV-së, Gjykata Kushtetuese ka tejkaluar rolin kushtetues. 

“Gjykata Kushtetuese nuk ka rol kontrollues mbi legjislativin, as rol arbitri politik. Ajo ka vetëm një rol: autoritetin përfundimtar në interpretimin e çështjeve kushtetuese. Ky autoritet nuk i jep mandat të krijojë norma të reja, të shpikë kritere përfaqësimi apo të vendosë kushte që Kushtetuta nuk i njeh. Gjykata aktuale Kushtetuese është duke bërë hermeneutikë të teksteve të veta. Kur Gjykata Kushtetuese bëhet autoreferenciale, ajo kalon jashtë kufijve kushtetues”, thotë më tej në reagim. 

Vetëvendosje ka deklaruar tutje se duke zgjeruar kompetencat e saj “qëllimisht po formësohet një pol pushteti paralel dhe i padukshëm nga sovrani, i cili shfaqet sa herë demokracia fillon të marrë hov dhe jeta realpolitike prodhon kontradikta”. 

“Dhjetra ligje reformuese e me interes për vendin Gjykata Kushtetuese i ka bllokuar, e pastaj shfuqizuar pjesërisht ose në tërësi shumicën prej tyre. Kjo luftë e tyre ndaj Qeverisë po bën aq shumë dëme: nga rrëzimi i Ligjit për çmime tavan për produktet bazë e deri te bllokimi tash e 770 ditë i Ligjit për Fondin Sovran të Kosovës”, thuhet në reagim. 

Më tutje ka arsyetuar se Kushtetuta e thotë se “nënkryetari i Kuvendit nga komuniteti serb zgjidhjet nga radhët e deputetëve të komunitetit serb dhe me shumicën e votave të Kuvendit”, dhe duke theksuar më tej në arsyetim se çdo kriter shtesë është krijim norme, jo interpretim. 

Ndërkohë, LVV-ja ka shtuar se Kushtetuesja po e bën të kundërtën e asaj që thuhet në Propozimin e Ahtisarit, duke theksuar se dispozitat e tij “njohin përfaqësimin e komuniteteve, jo dominimin e një subjekti politik mbi institucionet”. 

“Gjykata Kushtetuese po dëshiron të kapërcejë ekipin negociator të vitit 2006 dhe Ahtisaarin në 2007”.

Ndërkaq, shpreh më tej se Kushtetutën gjykata e ka shndërruar “në materie diskutimi dhe tkurrjeje, jo zbatimi”. 

“Çdo interpretim që e sakrifikon këtë funksionalitet për hir të një subjekti politik, i cili për më keq s’e pranon shtetin e pavarur të Kosovës, nuk e mbron rendin kushtetues dhe e dëmton atë. Sipas Kushtetutës ne jemi shoqëri multietnike, jo shtet multietnik, sepse jemi Republikë demokratike e parlamentare dhe jo federatë a konfederatë. Këtë nuk mundet ta ndërrojë asnjë gjykata, as kjo kushtetuesja”, thuhet në përfundim të reagimit të LVV-së.

Çfarë thuhet në aktgjykimin e plotë të Kushtetuese për çështjen e nënkryetarit serb?

Sinjali – aty ku e vërteta flet para lajmit!

/GazetaSinjali/

The post LVV: Gjykata Kushtetuese e ka tejkaluar rolin e saj appeared first on Sinjali.

Gjykata Kushtetuese e Kosovës ka publikuar aktgjykimin e plotë lidhur me zgjedhjen e nënkryetarit të Kuvendit nga radhët e komunitetit serb, duke theksuar se nënkryetari propozohet nga shumica e deputetëve të këtij komuniteti.

Aktgjykimi i plotë publikohet disa ditë pasi Kushtetuesja publikoi një njoftim lidhur me këtë vendim sa i përket zgjedhjes së Nenad Rashiqit në postin e nënkryetarit gjatë legjislaturës së kaluar, duke gjetur se ai ishte zgjedhur në kundërshtim me Kushtetutën dhe Rregulloren e Punës së Kuvendit.

“Kandidati/ja për nënkryetar/e të Kuvendit nga radhët e deputetëve të komunitetit serb propozohet nga shumica e deputetëve të komunitetit serb; përderisa kandidati për nënkryetar të Kuvendit nga radhët e deputetëve të komuniteteve të tjera që nuk janë shumicë propozohet, nga shumica e deputetëve të komuniteteve të tjera që nuk janë shumicë, në përputhje me kërkesat formale dhe në mirëbesim”, thuhet në aktgjykim.

Rashiq, udhëheqës i partisë Për Liri, Drejtësi dhe Mbijetesë, u zgjodh nënkryetar nga radhët e komunitetit serb në tetor të vitit 2025, përmes shortit të iniciuar nga kryetari i Kuvendit, Dimal Basha.

Shorti u organizua pasi Lista Serbe – që kishte nëntë deputetë dhe po aq do të ketë edhe në legjislaturën e re – nuk morën votat e nevojshme, dhe u organizua shorti.

Zgjedhja e tij u kontestua nga Lista Serbe, partia kryesore e serbëve në Kosovë që ka mbështetjen e Beogradit.

Që atëherë, Kuvendi është shpërndarë dhe vendi ka mbajtur zgjedhje dhe Kushtetuesja ka thënë se aktgjykimi i saj nuk ka efekt prapaveprues”.

Pra, kjo do të thotë se ky vendim nuk vlen edhe për rastet para hyrjes në fuqi, por për ato që do të merren në të ardhmen.

Çfarë thuhet në aktgjykim?

Gjykata tha se e drejta për të propozuar nënkryetarin nga radhët e komunitetit serb i takon shumicës së deputetëve të këtij minoritet.

Në aktgjykim u tha se aktivizimi i mekanizmit zhbllokues të shortit, “duhet të vijnë në shprehje rrethana përjashtimore, me ç’rast shumica e deputetëve nga radhët e komuniteteve që nuk janë shumicë nuk do të propozonte kandidatët”.

Institucioni më i lartë juridik në shtet tha se në rastin konkret nëntë kandidatë nga komuniteti serb u votuan nga tri herë, pas propozimit nga ana e përfaqësuesit të tyre.

“Rrjedhimisht, Gjykata vlerëson se shumica e deputetëve nga radhët e komunitetit serb ka shfrytëzuar të drejtën e propozimit për nënkryetar të Kuvendit, respektivisht, anëtar të Kryesisë së Kuvendit, si dhe pas kërkesës nga kryetari i zgjedhur i Kuvendit që të propozohet deputeti i mbetur i pa votuar nga radhët e komunitetit serb, përfaqësuesi i shumicës së deputetëve në radhët e komunitetit Serb kërkoi ripropozimin e kandidatëve nga kjo shumicë bazuar në të drejtën e përcaktuar në paragrafin 4 të nenit 67 të Kushtetutës në lidhje me nënparagrafin 1 të paragrafit 6 të nenit 12 të Rregullores së Kuvendit”, u tha në aktgjykim.

Në vendim thuhet se përderisa i takon Kuvendit që të vlerësojë rrethanat që e bëjnë të domosdoshëm aktivizimin e mekanizmave debllokues, “Gjykata thekson fuqishëm që këto mekanizma nuk mund të përdoren si procedurë e rregullt e zgjedhjes së kryetarit/nënkryetarëve, por vetëm në rrethana të caktuara, kur një gjë e tillë është e domosdoshme për të debllokuar procesin e konstituimit të Kuvendit dhe vetëm në masën që një gjë e tillë i shërben qëllimit kushtetues për çka këto mekanizma janë përcaktuar”.

“Në parim, ashtu siç është theksuar më herët, propozimet nga grupet parlamentare apo deputetët që gëzojnë të drejtën e propozimit, në frymën e mirëbesimit dhe bashkëpunimit, duhet të synojnë arritjen e konsensusit, të sigurojnë votat e nevojshme dhe të rezultojnë në zgjedhjen e kandidatëve ashtu siç janë propozuar dhe siç parashihet me Kushtetutë. Për më tepër, duke u mbështetur në përcaktimet kushtetuese të lartcekura, ky parim ka rëndësi të veçantë për garantimin e së drejtës së përfaqësimit të komuniteteve që nuk janë shumicë, të cilat nuk disponojnë numrin e nevojshëm për të siguruar vetë zgjedhjen e përfaqësuesve të tyre në kryesinë e Kuvendi”, thuhet në aktgjykim.

Kushtetuesja thotë se shorti nuk mund të përdoret si mekanizëm në rrethanat kur shumica e deputetëve të Kuvendit do të përcaktonte përfaqësuesin e një komuniteti joshumicë, pa propozimin e këtij komuniteti, pasi argumenton se kjo, “në thelb, do të përbënte anashkalim të garancive kushtetuese dhe atyre të përcaktuara në Rregulloren e Kuvendit”.

Pas njoftimit për aktgjykimin, të publikuar nga Kushtetuesja më 28 dhjetor, kryetari i Kuvendit, Dimal Basha, e kishte kritikuar atë, duke vlerësuar se përmbante “gabime thelbësore në interpretim dhe zbatim të normave përkatëse”.

Ai vlerësoi se pretendimet e Gjykatës Kushtetuese “janë të pabaza” sa i përket zgjedhjes së nënkryetarit nga radhët e komunitetit serb.

Basha deklaroi se Rashiq nuk u propozua nga shumica e deputetëve serbë, pasi siç argumentoi ai, nga shumica e këtyre deputetëve nuk ka pasur propozim.

“Me fjalë të tjera, vetë Gjykata Kushtetuese po e pranon se shumica e deputetëve nga komuniteti serb nuk e kanë propozuar zotin Rashiq, pra kemi pasur të bëjmë me refuzim, apo ndryshe thënë mospropozim nga ana e tyre”, shkroi Basha në rrjetet sociale.

Më 16 tetor 2025, Lista Serbe iu drejtua Kushtetueses me ankesë lidhur me zgjedhjen e nënkryetarit të Kuvendit nga radhët e komunitetit serb, duke pretenduar se janë shkelur Kushtetuta, Rregullorja e punës së Kuvendit, si dhe një aktgjykim i mëparshëm i Gjykatës Kushtetuese.

Gjykata më e lartë në vend veçse kishte trajtuar një ankesë të Listës Serbe lidhur me çështjen e nënkryetarëve, pasi kryeparlamentari Dimal Basha, e kishte shpallur të konstituuar Kuvendin pa zgjedhjen e nënkryetarit të pestë nga radhët e komunitetit serb.

Më pas, Gjykata konstatoi se Kuvendi nuk ishte i konstituuar, duke kërkuar që deputetët të zgjidhnin nënkryetarin nga radhët e komunitetit serb, me qëllim që të hapej rruga për formimin e Qeverisë.

Në atë vendim, Kushtetuesja tha se propozimi për nënkryetarin nga radhët e komuniteteve joshumicë, në këtë rast të pakicës serbe, duhet të bëhet nga shumica apo numri më i madh i deputetëve nga radhët e deputetëve të komunitetit serb.

Sinjali – aty ku e vërteta flet para lajmit!

/GazetaSinjali/

The post Çfarë thuhet në aktgjykimin e plotë të Kushtetuese për çështjen e nënkryetarit serb? appeared first on Sinjali.

75 kongresmenë amerikanë i kanë dërguar një letër Sekretarit të Shtetit, Marco Rubio, ku shprehin shqetësimin e tyre lidhur me vendimin e administratës për të pezulluar vizat e emigracionit për 75 shtete, mes të cilave edhe Kosova dhe Shqipëria.

Në letër, kongresmenët e cilësojnë vendimin si “skandaloz dhe diskriminues”, duke theksuar se ai prek rreth 40% të vendeve të botës dhe mund të ndikojë te pothuajse gjysma e emigrantëve të ligjshëm. Sipas tyre, pezullimi do të godasë drejtpërdrejt të afërmit e shtetasve amerikanë, ribashkimin familjar, vizat e sponsorizuara nga punëdhënësit, programin e diversitetit, organizatat fetare dhe bizneset e vogla.

Kongresmenët paralajmërojnë se kjo politikë do të ketë pasoja serioze sociale dhe ekonomike për zgjedhësit e tyre, duke ndarë familje, duke penguar integrimin e emigrantëve të ligjshëm dhe duke shkaktuar më shumë dëme sesa përfitime për ekonominë amerikane.

Letra e plotë e kongresmenëve drejtuar Sekretarit të Shtetit, Marco Rubio:

“Ju shkruajmë për të dënuar fuqimisht vendimin tuaj të njëanshëm për të pezulluar lëshimin e të gjitha vizave të emigracionit për 75 shtete. Ky është një vendim skandaloz dhe diskriminues i administratës suaj, që prek gati 40% të të gjitha vendeve të botës. Është gjithashtu tronditëse që një ndryshim kaq drastik politikash, i cili prek qindra mijëra njerëz çdo vit, u njoftua jo vetëm përmes një postimi në Twitter, por edhe pa ofruar asnjë informacion domethënës mbi vetë pezullimin.

Meqenëse kjo politikë zbatohet për të gjitha vizat e emigracionit, ajo prek të afërmit e shtetasve amerikanë, si dhe të gjitha vizat e sponsorizuara nga familja, punëdhënësit, punonjësit fetarë, programin e diversitetit dhe vizat për rezidentë që kthehen. Sipas Departamentit të Shtetit, këto 75 vende përbënin rreth 243,671 viza emigracioni në vitin fiskal 2023, 280,015 në vitin fiskal 2024 dhe 189,583 nga tetori deri në maj të vitit fiskal 2025. Ekspertët thonë se pezullimi i pacaktuar do të refuzojë pothuajse gjysmën e të gjithë emigrantëve të ligjshëm gjatë vitit të ardhshëm. Një analizë e vizave të lëshuara gjatë tre viteve të fundit tregon se personat nga vendet e prekura përbëjnë 40–45% të të gjitha vizave të emigracionit.

Distriktet tona kongresionale përfaqësojnë individë nga të gjitha vendet e listuara në njoftimin e Departamentit të Shtetit. Kjo politikë diskriminuese do të ketë një ndikim shkatërrues për zgjedhësit tanë. Ajo do të ndajë familje dhe do t’i pengojë ato të ribashkohen, do t’u bllokojë individëve ndjekjen e ëndrrës amerikane, do të ngadalësojë rritjen e bizneseve të vogla dhe do të minojë aftësinë e organizatave fetare për të ndërtuar dhe mbajtur komunitetet e tyre. Me pak fjalë, kjo politikë është e prapambetur, e vjetëruar dhe shkakton shumë më tepër dëm sesa dobi.”

Sipas Departamentit të Shtetit, lista e vendeve të prekura përfshin: Afganistanin, Shqipërinë, Algjerinë, Antiguan dhe Barbudën, Armeninë, Azerbajxhanin, Bahamasin, Bangladeshin, Barbadosin, Bjellorusinë, Belizen, Butanin, Bosnjën, Brazilin, Birmaninë, Kamboxhian, Kamerunin, Kepin e Gjelbër, Kolumbinë, Bregun e Fildishtë, Kubën, Republikën Demokratike të Kongos, Domenikën, Egjiptin, Eritrenë, Etiopinë, Fixhin, Gambinë, Gjeorgjinë, Ganën, Grenadën, Guatemalën, Guinenë, Haitin, Iranin, Irakun, Xhamajkën, Jordaninë, Kazakistanin, Kosovën, Kuvajtin, Kirgistanin, Laosin, Libanin, Liberinë, Libinë, Maqedoninë e Veriut, Moldavinë, Mongolinë, Malin e Zi, Marokun, Nepalin, Nikaraguan, Nigerinë, Pakistanin, Republikën e Kongos, Rusinë, Ruandën, Shën Kits dhe Nevisin, Shën Luçian, Shën Vincentin dhe Grenadinet, Senegalin, Sierra Leonen, Somalinë, Sudanin e Jugut, Sudanin, Sirinë, Tanzaninë, Tajlandën, Togon, Tunizinë, Ugandën, Uruguain, Uzbekistanin dhe Jemenin.

Sinjali – aty ku e vërteta flet para lajmit!

/GazetaSinjali/

The post Letra për Rubion nga kongresmenët: Kundërshtojmë pezullimin e vizave, përfshirë dhe Kosovën appeared first on Sinjali.

Një makinist treni ka humbur jetën në Gjermani pas sulmit të hënën në mbrëmje nga një 26-vjeçar në bordin e trenit. Mediat ndërkombëtare bëjnë të ditur se makinisti 36-vjeçar u sulmua nga i riu, i cili nuk kishte biletë.

Incidenti ndodhi menjëherë pas stacionit Landstuhl në shtetin e Rheinland-Pfalz, ndërsa  26-vjeçari u arrestua nga oficerët dhe u soll para një gjyqtari, i cili e akuzoi për vrasje të paqëllimshme.

“Kjo vdekje tragjike na lë pa fjalë dhe thellësisht të trishtuar. Ngushëllimet e mia më të thella shkojnë për familjen, miqtë dhe kolegët e tij. Ne në Deutsche Bahn e dënojmë me fjalët më të ashpra këtë akt të tmerrshëm dhune dhe vdekjen krejtësisht të pakuptimtë të kolegut tonë. Të gjithë duhet të pyesim veten pse vazhdojnë të ndodhin akte të tilla dhune. Ne, politikanët, shoqëria, duhet të japim përgjigje. Sot është një ditë e errët për të gjithë punonjësit e hekurudhave në të gjithë vendin. Ne në Deutsche Bahn jemi në zi”, tha Evelyn Palla, CEO e kompanisë gjermane hekurudhore. 

Sinjali – aty ku e vërteta flet para lajmit!

/GazetaSinjali/

The post Vritet makinisti i trenit në Gjermani nga një 26-vjeçar pa biletë appeared first on Sinjali.

Gara për Këpucën e Artë europiane vazhdon të jetë më e zjarrtë se kurrë, me Harry Kane dhe Kylian Mbappé që mbeten krah për krah në krye të renditjes.

Sulmuesi anglez i Bayernit dhe ‘ylli’ francez i Real Madridit udhëheqin me nga 44 pikë, falë 22 golave të shënuar secili në kampionatet respektive. Pas tyre ndodhet Erling Haaland, i treti me 40 pikë, duke e mbajtur ende të hapur garën për podiumin. Bie në sy fakti që në top-5 renditet ‘Pirati’ i Mallorca-s, Vedat Muriqi.

Në këtë renditje të përditësuar, vëmendja për Serie A shkon te Lautaro Martinez, i cili ka shënuar sërish dhe ka bërë një hap të rëndësishëm përpara. Kapiteni dhe golashënuesi më i mirë i kampionatit italian renditet aktualisht i 13-ti, me 13 gola dhe 26 pikë, duke hyrë fuqishëm në radarët e top-5.

Duhet kujtuar se sistemi i pikëzimit për Këpucën e Artë bazohet në numrin e golave të shënuar, të shumëzuar me koeficientin UEFA të kampionatit përkatës. Golat në ligat e renditura nga vendi i parë deri në të pestin (Angli, Itali, Spanjë, Gjermani dhe Francë) vlejnë 2 pikë, ndërsa ato në kampionatet nga vendi i gjashtë deri në të njëzetedytin vlejnë 1.5 pikë. Të gjitha ligat e tjera kanë koeficient 1.

Top-5 aktuale e Këpucës së Artë:

• Harry Kane (Bayern Munich) – 44 pikë
• Kylian Mbappé (Real Madrid) – 44 pikë
• Erling Haaland (Manchester City) – 40 pikë
• Igor Thiago (Brentford) – 32 pikë
• Vedat Muriqi (Mallorca) – 30 pikë

Sinjali – aty ku e vërteta flet para lajmit!

/GazetaSinjali/

The post Për herë të parë në histori, një sulmues shqiptar në Top 5-en europiane për Këpucën e Artë appeared first on Sinjali.

Kanë përfunduar për sot bisedimet trepalëshe mes SHBA-së, Ukrainës dhe Rusisë në Abu Dhabi.

Këtë e njoftoi për gazetarët Diana Davitian, sekretarja për shtyp e shefit të delegacionit ukrainas.

“Bisedimet për sot kanë përfunduar,” tha Davitian, raporton Ukrinform.

Ndërkohë, shefi i delegacionit ukrainas, Sekretari i Këshillit të Sigurisë dhe Mbrojtjes Kombëtare, Rustem Umerov ka deklaruar se “puna ishte e thelluar dhe produktive, e fokusuar në hapat konkret dhe zgjidhje praktike” ndërsa nuk ka zbuluar se çfarë mund të jenë këto hapa.

Umerov pohoi se delegacioni amerikan përfshinte përfaqësuesin Steve Witkoff, dhëndrin e Donald Trumpit, Jared Kushner, Josh Gruenbaum, Daniel Driscoll dhe gjeneralin Alex Grynkewich.

Ai thotë se rusët ishin përfaqësuar në një nivel të lartë ushtarak.

Umerov thotë se po përgatit një raport për t’ia dërguar presidentit ukrainas, Volodymyr Zelensky. Parashikohet që negociatat të vazhdojnë nesër.

Siç raportoi më parë Ukrinform, presidenti ukrainas, Volodymyr Zelensky, miratoi kornizën e diskutimeve dhe objektivat specifike për ekipin ukrainas të negociatave para raundit të ri të takimeve trepalëshe në Emiratet e Bashkuara Arabe.

Takimi i mëparshëm në Abu Dhabi mes Ukrainës, SHBA-së dhe Rusisë u zhvillua më 23–24 janar dhe u fokusua në parametrat për përfundimin e luftës. Përfaqësuesit ushtarakë gjithashtu paraqitën listën e çështjeve që do të trajtohen në takimet e ardhshme. 

Sinjali – aty ku e vërteta flet para lajmit!

/GazetaSinjali/

The post Përfundojnë për sot bisedimet trepalëshe SHBA, Ukrainë dhe Rusi – shefi i delegacionit ukrainas tregoi se si u zhvilluan diskutimet appeared first on Sinjali.

Mjeku kosovar, Naser Ramadani, nga Instituti i Shëndetësisë Publike ka shkruar për virusin e njohur si “Nipah” që është përhapur në Indi.

Ramadani ka thënë se në Evropë, Kosovë dhe Shqipëri rreziku nga ky virus është shumë i ulët.

Ai ka bërë të ditur se në Kosovë e Shqipëri nuk jeton lloji i lakuriqëve të cilët e përhapin.

“Nipah është një virus që mund të kalojë nga kafshët te njerëzit. Burimet më të shpeshta të infeksionit janë lakuriqët e frutave (familja Pteropodidae) të cilat lloje nuk gjenden te ne! Lakuriqët në Shqipëri dhe Kosovë quhen hundëpatkua i vogël (Rhinolophus hipposideros) dhe janë insektivore, që do të thotë se ushqehen kryesisht me insekte dhe molusqe të vogla dhe nuk hanë fruta”, ka shkruar ai.

Sinjali – aty ku e vërteta flet para lajmit!

/GazetaSinjali/

The post Ramadani tregon nëse Kosova rrezikohet nga virusi “Nipah” që alarmoi botën appeared first on Sinjali.

Gazeta Washington Post, në pronësi të miliarderit Jeff Bezos filloi sot një plan gjithëpërfshirës shkurtimesh nga puna, sipas burimeve dhe mediave, pasi gazeta prestigjioze amerikane është përballur me vështirësi vitet e fundit.

Një burim i tha AFP-së se shumë korrespondentë të huaj do të pushohen nga puna, ndërsa departamentet e lajmeve sportive dhe lokale janë gjithashtu veçanërisht të prekura nga vala e madhe e shkurtimeve të vendeve të punës , sipas raportimeve të medias.

“Nuk mund ta shpërbësh një zyrë redaksionale pa pasoja për besueshmërinë, ndikimin dhe të ardhmen e saj”, njoftoi sindikata e gazetave Post Guild.

“Vetëm në tre vitet e fundit, stafi i Postës është zvogëluar me rreth 400 persona”, shtoi ai, duke thënë se “kundërshton fuqimisht çdo reduktim të mëtejshëm”.

“I gjithë ekipi” që mbulon Lindjen e Mesme, si dhe “shumica” e korrespondentëve të huaj, do të humbasin vendet e tyre të punës, tha për AFP-në një nga punonjësit që do të humbasë punën e tij.

Gazeta, e cila zbuloi skandalin Watergate dhe ka fituar disa çmime Pulitzer, ka qenë në krizë prej vitesh.

Sinjali – aty ku e vërteta flet para lajmit!

/GazetaSinjali/

The post Washington Post pushon nga puna qindra punëtorë appeared first on Sinjali.

Gjykata Kushtetuese e Kosovës ka publikuar aktgjykimin e plotë lidhur me zgjedhjen e nënkryetarit të Kuvendit nga radhët e komunitetit serb, duke theksuar se nënkryetari propozohet nga shumica e deputetëve të këtij komuniteti.

Aktgjykimi i plotë publikohet disa ditë pasi Kushtetuesja publikoi një njoftim lidhur me këtë vendim sa i përket zgjedhjes së Nenad Rashiqit në postin e nënkryetarit gjatë legjislaturës së kaluar, duke gjetur se ai ishte zgjedhur në kundërshtim me Kushtetutën dhe Rregulloren e Punës së Kuvendit.

“Kandidati/ja për nënkryetar/e të Kuvendit nga radhët e deputetëve të komunitetit serb propozohet nga shumica e deputetëve të komunitetit serb; përderisa kandidati për nënkryetar të Kuvendit nga radhët e deputetëve të komuniteteve të tjera që nuk janë shumicë propozohet, nga shumica e deputetëve të komuniteteve të tjera që nuk janë shumicë, në përputhje me kërkesat formale dhe në mirëbesim”, thuhet në aktgjykim.

Rashiq, udhëheqës i partisë Për Liri, Drejtësi dhe Mbijetesë, u zgjodh nënkryetar nga radhët e komunitetit serb në tetor të vitit 2025, përmes shortit të iniciuar nga kryetari i Kuvendit, Dimal Basha.

Shorti u organizua pasi Lista Serbe – që kishte nëntë deputetë dhe po aq do të ketë edhe në legjislaturën e re – nuk morën votat e nevojshme, dhe u organizua shorti.

Zgjedhja e tij u kontestua nga Lista Serbe, partia kryesore e serbëve në Kosovë që ka mbështetjen e Beogradit.

Që atëherë, Kuvendi është shpërndarë dhe vendi ka mbajtur zgjedhje dhe Kushtetuesja ka thënë se aktgjykimi i saj nuk ka efekt prapaveprues”.

Pra, kjo do të thotë se ky vendim nuk vlen edhe për rastet para hyrjes në fuqi, por për ato që do të merren në të ardhmen.

Çfarë thuhet në aktgjykim?

Gjykata tha se e drejta për të propozuar nënkryetarin nga radhët e komunitetit serb i takon shumicës së deputetëve të këtij minoritet.

Në aktgjykim u tha se aktivizimi i mekanizmit zhbllokues të shortit, “duhet të vijnë në shprehje rrethana përjashtimore, me ç’rast shumica e deputetëve nga radhët e komuniteteve që nuk janë shumicë nuk do të propozonte kandidatët”.

Institucioni më i lartë juridik në shtet tha se në rastin konkret nëntë kandidatë nga komuniteti serb u votuan nga tri herë, pas propozimit nga ana e përfaqësuesit të tyre.

“Rrjedhimisht, Gjykata vlerëson se shumica e deputetëve nga radhët e komunitetit serb ka shfrytëzuar të drejtën e propozimit për nënkryetar të Kuvendit, respektivisht, anëtar të Kryesisë së Kuvendit, si dhe pas kërkesës nga kryetari i zgjedhur i Kuvendit që të propozohet deputeti i mbetur i pa votuar nga radhët e komunitetit serb, përfaqësuesi i shumicës së deputetëve në radhët e komunitetit Serb kërkoi ripropozimin e kandidatëve nga kjo shumicë bazuar në të drejtën e përcaktuar në paragrafin 4 të nenit 67 të Kushtetutës në lidhje me nënparagrafin 1 të paragrafit 6 të nenit 12 të Rregullores së Kuvendit”, u tha në aktgjykim.

Në vendim thuhet se përderisa i takon Kuvendit që të vlerësojë rrethanat që e bëjnë të domosdoshëm aktivizimin e mekanizmave debllokues, “Gjykata thekson fuqishëm që këto mekanizma nuk mund të përdoren si procedurë e rregullt e zgjedhjes së kryetarit/nënkryetarëve, por vetëm në rrethana të caktuara, kur një gjë e tillë është e domosdoshme për të debllokuar procesin e konstituimit të Kuvendit dhe vetëm në masën që një gjë e tillë i shërben qëllimit kushtetues për çka këto mekanizma janë përcaktuar”.

“Në parim, ashtu siç është theksuar më herët, propozimet nga grupet parlamentare apo deputetët që gëzojnë të drejtën e propozimit, në frymën e mirëbesimit dhe bashkëpunimit, duhet të synojnë arritjen e konsensusit, të sigurojnë votat e nevojshme dhe të rezultojnë në zgjedhjen e kandidatëve ashtu siç janë propozuar dhe siç parashihet me Kushtetutë. Për më tepër, duke u mbështetur në përcaktimet kushtetuese të lartcekura, ky parim ka rëndësi të veçantë për garantimin e së drejtës së përfaqësimit të komuniteteve që nuk janë shumicë, të cilat nuk disponojnë numrin e nevojshëm për të siguruar vetë zgjedhjen e përfaqësuesve të tyre në kryesinë e Kuvendi”, thuhet në aktgjykim.

Kushtetuesja thotë se shorti nuk mund të përdoret si mekanizëm në rrethanat kur shumica e deputetëve të Kuvendit do të përcaktonte përfaqësuesin e një komuniteti joshumicë, pa propozimin e këtij komuniteti, pasi argumenton se kjo, “në thelb, do të përbënte anashkalim të garancive kushtetuese dhe atyre të përcaktuara në Rregulloren e Kuvendit”.

Pas njoftimit për aktgjykimin, të publikuar nga Kushtetuesja më 28 dhjetor, kryetari i Kuvendit, Dimal Basha, e kishte kritikuar atë, duke vlerësuar se përmbante “gabime thelbësore në interpretim dhe zbatim të normave përkatëse”.

Ai vlerësoi se pretendimet e Gjykatës Kushtetuese “janë të pabaza” sa i përket zgjedhjes së nënkryetarit nga radhët e komunitetit serb.

Basha deklaroi se Rashiq nuk u propozua nga shumica e deputetëve serbë, pasi siç argumentoi ai, nga shumica e këtyre deputetëve nuk ka pasur propozim.

“Me fjalë të tjera, vetë Gjykata Kushtetuese po e pranon se shumica e deputetëve nga komuniteti serb nuk e kanë propozuar zotin Rashiq, pra kemi pasur të bëjmë me refuzim, apo ndryshe thënë mospropozim nga ana e tyre”, shkroi Basha në rrjetet sociale.

Më 16 tetor 2025, Lista Serbe iu drejtua Kushtetueses me ankesë lidhur me zgjedhjen e nënkryetarit të Kuvendit nga radhët e komunitetit serb, duke pretenduar se janë shkelur Kushtetuta, Rregullorja e punës së Kuvendit, si dhe një aktgjykim i mëparshëm i Gjykatës Kushtetuese.

Gjykata më e lartë në vend veçse kishte trajtuar një ankesë të Listës Serbe lidhur me çështjen e nënkryetarëve, pasi kryeparlamentari Dimal Basha, e kishte shpallur të konstituuar Kuvendin pa zgjedhjen e nënkryetarit të pestë nga radhët e komunitetit serb.

Më pas, Gjykata konstatoi se Kuvendi nuk ishte i konstituuar, duke kërkuar që deputetët të zgjidhnin nënkryetarin nga radhët e komunitetit serb, me qëllim që të hapej rruga për formimin e Qeverisë.

Në atë vendim, Kushtetuesja tha se propozimi për nënkryetarin nga radhët e komuniteteve joshumicë, në këtë rast të pakicës serbe, duhet të bëhet nga shumica apo numri më i madh i deputetëve nga radhët e deputetëve të komunitetit serb.

The post Aktgjykimi i Kushtetueses: Nënkryetari serb i Kuvendit propozohet nga shumica e deputetëve serbë appeared first on Sinjali.

Dogana e Kosovës, ka njoftuar se në pikën kufitare në Vërmicë, janë ndaluar 102 kilogramë katalizatorë të bluar të padeklaruar.

Dogana njofton edhe se, vlera e kësaj sasie është e përafërt rreth 8 mijë euro.

Postimi:

Ndalohen 102 kg katalizatorë të bluar të padeklaruar në Vermicë

Prizren, 04 shkurt 2026 – Në Pikëkalimin Kufitar Vermicë, gjatë kontrolleve të rregullta doganore, është ndaluar një automjet për kontroll të detajuar, ku është zbuluar mall i padeklaruar.

Në automjet janë gjetur dhe sekuestruar katalizatorë të bluar me peshë totale prej 102.10 kg, me vlerë të përafërt rreth 8,000 euro.

Rasti është trajtuar si kundërvajtje doganore për mosdeklarim të mallit, në përputhje me legjislacionin në fuqi.

Dogana e Kosovës vazhdon me përkushtim zbatimin e masave të kontrollit, me qëllim të parandalimit të veprimtarive të kundërligjshme në pikat kufitare.

Sinjali – aty ku e vërteta flet para lajmit!

/GazetaSinjali/

The post Dogana njofton se në Vërmicë ka ndaluar 102 kilogramë katalizatorë të bluar të padeklaruar appeared first on Sinjali.

Ministrja në detyrë e Ekonomisë, Artane Rizvanolli, ka thënë se këtë vit por edhe vitin e ardhshëm Kosova do të kalojë periudhë sfiduese me energjinë elektrike për shkak se blloqet duhet të ndalen. Kjo sepse, sipas saj, po investohet në modernizim dhe rehabilitim të termocentraleve. 

Derisa ka folur për kërkesën e KESCO-s për rritje të çmimit të rrymës, Rizvanolli ka theksuar se edhe pse ende nuk ka një vendim për këtë çështje, disa zhvillime në sektorin e energjisë mund të kenë pasoja në atë aspekt. 

Ajo ka paralajmëruar import të lartë të energjisë elektrike edhe këtë vit. 

“Së pari duhet theksuar se lajmi që është publikuar ka të bëjë me kërkesën e furnizuesit dhe operatoreve të tjerë, por nuk ka një vendim ende. Ndërsa duhet pasur parasysh disa zhvillime që janë objektive në sektor të energjisë që do të mund të kenë pasoja në këtë aspekt. Në Korporatën Energjetike të Kosovës vitin e kaluar kanë filluar investime në modernizim dhe rehabilitim që nuk janë bërë për 40 vjet. Kjo do të thotë që për këto vite, vjet, sivjet dhe vitin e ardhshëm ne do të kalojmë një periudhë sfiduese, sepse blloqet duhet të ndalen, është e domosdoshme të ndalen për një kohë për disa muaj, në mënyrë që investimet të realizohen. Kjo është një sakrificë që duhet të bëjmë ne, për ne dhe gjeneratat e ardhshme”, ka thënë ajo gjatë ceremonisë së përurimit të investimeve në efiçiencë të energjisë në Shkollën e Mesme Ekonomike ‘Isa Boletini’ në Podujevë. 

Rizvanolli ka shtuar se investimi në KEK ka qenë edhe arsyeja pse më 2025 “është dashur të importojmë më shumë, pra, ka arsyeje objektive pse importi është rritur, pse importi pritet të jetë i lartë edhe gjatë këtij viti, mirëpo edhe gjatë vitit të ardhshëm”. 

KESCO ka bërë kërkesë tek Zyra e Rregullatorit për Energji për rritjen e tarifave për 21 për qind.

Sinjali – aty ku e vërteta flet para lajmit!

/GazetaSinjali/

The post Rizvanolli kërkon sakrificë: Blloqet duhet të ndalen për disa muaj, importi i rrymës pritet të jetë i lartë appeared first on Sinjali.

Bill Gates ka thënë se ishte “budalla” që kaloi kohë me Jeffrey Epstein, se pendohet që e ka takuar ndonjëherë dhe e ka hedhur poshtë një email në publikimin e fundit të dosjeve si “të rremë”.

Në një intervistë në Australi, miliarderi tha: “Me sa duket, Jeffrey i shkroi një email vetes. Ai email nuk u dërgua kurrë, emaili ishte i rremë. Kështu që nuk e di se çfarë mendonte ai aty”.

Ai shtoi: “Më kujton se çdo minutë që kam kaluar me të pendohem dhe kërkoj falje që e bëra këtë”. Gates duket se po i referohet një emaili drejtuar “i dashur Bill” që Epstein ia dërgoi vetes në korrik 2013, shkruajnë mediat e huaja.

Në email, Epstein ankohet se Gates kishte “zgjedhur të shpërfillte miqësinë tonë” dhe i referohet “sëmundjes seksuale”. Epstein akuzon Gates se i ka kërkuar atij “të sigurojë antibiotikë që mund t’i japë fshehurazi Melindës” – duke nënkuptuar ish-gruan e tij, Melinda French Gates.

Gates foli për marrëdhënien e tij me Epstein në intervistën me 9 News Australia.

“Ishte faktikisht e vërtetë që unë isha vetëm në darka. Nuk shkova kurrë në Ishull, nuk takova kurrë asnjë grua…”.

Gates drejton Fondacionin Gates, një organizatë filantropike që punon për të zvogëluar sëmundjet dhe varfërinë në të gjithë botën.

Ai tha: “E takova Jeffrey-n në vitin 2011. Fokusi ishte gjithmonë se ai njihte shumë njerëz shumë të pasur dhe thoshte se mund t’i bindte ata të jepnin para për shëndetin global”.

Ai shtoi: “Isha budalla që kalova kohë me të. Isha një nga shumë njerëz që pendohen që e kanë njohur ndonjëherë”.

Para intervistës, një zëdhënës i Gates tha për akuzën: “Këto pretendime janë absolutisht absurde dhe plotësisht të rreme. E vetmja gjë që tregojnë këto dokumente është zhgënjimi i Epstein që ai nuk kishte një marrëdhënie të vazhdueshme me Gates dhe sa larg do të shkonte për të zënë në kurth dhe për të shpifur”.

Sinjali – aty ku e vërteta flet para lajmit!

/GazetaSinjali/

The post Bill Gates: Pendohem për çdo minutë që kam kaluar me Jeffrey Epstein appeared first on Sinjali.

Kryetari i Aleancës për Ardhmërinë e Kosovës, Ramush Haradinaj, ka takuar Daniel Lawton, Zëvendës Ndihmës Sekretar i Departamentit të Shtetit, pranë Byrosë për Çështje Evropiane dhe Euroaziatike, në Departamentin Amerikan të Shtetit.

Haradinaj është shprehur se aty e tha qëndrimin se Kosova në NATO jo vetëm që do të forcojë sigurinë tonë, por do të kontribuojë gjithashtu në paqe, stabilitet dhe mbrojtje kolektive në të gjithë Ballkanin Perëndimor dhe komunitetin euro-atlantik.

Postimi i plotë:

Pata nderin në Departamentin Amerikan të Shtetit, të takoj z. Daniel J. Lawton, Zëvendës Ndihmës Sekretar i Departamentit të Shtetit, pranë Byrosë për Çështje Evropiane dhe Euroaziatike. E falënderova z. Laëton për mbështetjen e palëkundur që Shtetet e Bashkuara i kanë dhënë Kosovës, nga liria jonë deri te ndërtimi i demokracisë dhe institucioneve shtetërore.

Theksova se partneriteti dhe miqësia ndërmjet Kosovës dhe Shteteve të Bashkuara të Amerikës janë të qëndrueshme dhe strategjike. Anëtarësimi i Kosovës në NATO jo vetëm që do të forcojë sigurinë tonë, por do të kontribuojë gjithashtu në paqe, stabilitet dhe mbrojtje kolektive në të gjithë Ballkanin Perëndimor dhe komunitetin euro-atlantik.

Sinjali – aty ku e vërteta flet para lajmit!

/GazetaSinjali/

The post Haradinaj në Departamentin Amerikan të Shtetit, takohet me Lawton: Kosova në NATO forcon sigurinë appeared first on Sinjali.

Këshilltari i presidentes së Kosovës, Vjosa Osmani, Rinor Nuhiu, ka thënë se po shqyrtohen masa ndaj gazetarit të Frankfurter Allgemeine Zeitung, Michael Martens, lidhur me shkrimin e tij të publikuar të mërkurën. Në shkrimin e të mërkurës, Martens, ka thënë se Osmani, duke përdorur kartën amerikane, po synon ta sigurojë edhe një mandat.

Ka thënë se ajo po shikon të paraqitet si “kandidate e Trumpit”.

“Shpifja e përgojimi, akuzat e pabaza dhe pretendimet e rreme nga Michael Martens (i njohur si Andric1961) i nënshtrohen përgjegjësisë civile dhe penale sipas ligjit gjerman. Presidentja Osmani hedh poshtë kategorikisht këto pretendime të tij shpifëse dhe përhapjen e rrezikshme të dezinformimit. Presidentja po konsultohet me avokatë në Gjermani me qëllim përdorimin e të gjitha mjeteve ligjore për ta mbrojtur integritetin e institucionit dhe vendit që ajo drejton”, ka shkruar Nuhiu në platformën “X”. 

I have interviewed her, back in 2019. I found our interview quite pleasant. (I hope she did, too).https://t.co/TGSYUaAijS
I wrote it is high-time a woman takes the lead at the time. But wrong choices remain wrong choices. Engaging with Trumps thugs does not help .

— Michael Martens (@Andric1961) January 31, 2026

FAZ: Osmani nënshkroi me Trump në Davos pa u konsultuar me Kurtin, me ndihmën e Edi Ramës

Sinjali – aty ku e vërteta flet para lajmit!

/GazetaSinjali/

The post Këshilltari i Osmanit reagon ndaj gazetarit të FAZ-it, thotë se po shqyrtohen veprime ligjore në Gjermani appeared first on Sinjali.

Një foto në gazetën Bild tregonte Joerg Dornau, 56 vjeç, një biznesmen dhe deputet të partisë miqësore me Moskën në shtetin lindor të Saksonisë, duke u nxjerrë nga salla e debatit të parlamentit të shtetit.

Pak më parë, deputetët kishin votuar për t’i hequr atij imunitetin parlamentar.

Dornau akuzohet se ka eksportuar një vinç automjetesh në Bjellorusinë, aleate të Rusisë, në vitin 2022 dhe ka deklaruar në mënyrë të rreme si destinacion Kazakistanin, thonë prokurorët e Leipzigut.

Zyrtarët e doganës kontrolluan shtëpinë dhe automjetet e tij, thanë prokurorët.

“Kontrollet shërbejnë për të siguruar sende që mund të konsiderohen si prova në hetim. Nuk do të ketë kontroll në ambientet e parlamentit shtetëror ose të grupeve parlamentare”,  thanë prokurorët.

Grupi parlamentar i Saksonisë, AfD, i tha AFP-së se nuk shihte asnjë arsye pse Dornau duhej të ndalohej menjëherë para një seance parlamentare, duke thënë se dukej se ngjarja ishte “inskenuar për konsum mediatik”.

Sipas sanksioneve të Bashkimit Evropian të vendosura pas pushtimit në shkallë të plotë të Ukrainës nga Rusia në vitin 2022, eksportet e pajisjeve industriale në Bjellorusi, aleatin e ngushtë të Rusisë, janë të kufizuara rëndë.

Dornau u gjobit me mbi 20,000 euro (23,617 dollarë) gushtin e kaluar nga autoritetet parlamentare për mosdeklarimin e interesit të tij financiar në një fermë qepësh në Bjellorusi.

Sinjali – aty ku e vërteta flet para lajmit!

/GazetaSinjali/

The post Arrestohet deputeti gjerman, ja akuzat me të cilat përballet appeared first on Sinjali.

Gjykata Kushtetuese ka publikuar Aktgjykimin lidhur me zgjedhjen e Nenad Rashiq si nënkryetar i Kuvendit nga radhët e komunitetit serb.

Sipas Kushtetueses, zgjedhja e Rashiq më 10 tetor 2025 nuk ishte në përputhje me Kushtetutën dhe Rregulloren e Kuvendit të Kosovës.

“TË KONSTATOJË, me 5 (pesë) vota për dhe 2 (dy) kundër, që Vendimi [nr. 09-V071] i Kuvendit të Republikës së Kosovës, i 10 tetorit 2025, për zgjedhjen e nënkryetarit të Kuvendit nga radhët e deputetëve të komunitetit Serb, nuk është në përputhshmëri me paragrafin 4 të nenit 67 [Zgjedhja e Kryetarit dhe Nënkryetarëve] të Kushtetutës së Republikës së Kosovës në lidhje me nënparagrafin 1 të paragrafit 6 dhe paragrafin 7 të nenit 12 (Zgjedhja e nënkryetarëve të Kuvendit) të Rregullores së Kuvendit të Republikës së Kosovës”, thuhet në Aktgjykim.

Teksti i plotë i aktgjykimit është i qasshëm në faqen zyrtare të Gjykatës Kushtetuese.

Sinjali – aty ku e vërteta flet para lajmit!

/GazetaSinjali/

The post Kushtetuesja publikon aktgjykimin e plotë për zgjedhjen antikushtetuese të nënkryetarit të Kuvendit appeared first on Sinjali.

Ministria e Shëndetësisë (MSh) ka bërë të ditur se, sipas të dhënave për vitin 2024, në Kosovë janë raportuar gjithsej 4,620 raste me kancer, prej të cilave 2,546 raste te vajzat/gratë dhe 2,074 raste te djemtë/burrat.

Gjatë po këtij viti janë regjistruar 3,644 raste të reja, prej të cilave 1,866 te vajzat/gratë dhe 1,758 te djemtë/burrat.

“Me moton ‘Të bashkuar nga e veçanta’, sot shënohet Dita Botërore e Kancerit, me qëllim të rritjes së ndërgjegjësimit dhe nxitjes së një angazhimi të përbashkët institucional dhe shoqëror për parandalimin, zbulimin e hershëm, si dhe përmirësimin e trajtimit dhe shërbimeve shëndetësore për personat e prekur nga kanceri”, thuhet në komunikatën e MSh-së të publikuar në Ditën Botërore të Kancerit.

Njoftimi i plotë:

Sinjali – aty ku e vërteta flet para lajmit!

/GazetaSinjali/

The post Mbi 3,600 raste të reja me kancer u regjistruan në Kosovë gjatë 2024-së appeared first on Sinjali.

Qeveria shqiptare ka vendosur të rikthejë aksesin në platformën TikTok, një vit pas vendimit për bllokimin e saj. Ky vendim u mor gjatë mbledhjes së Këshillit të Ministrave të mbajtur këtë të mërkurë.

Në vendim parashikohet heqja e masave të përkohshme që ndalonin aksesin në TikTok, pas shqyrtimit të problematikave në fushën e sigurisë publike dhe sociale në mjedisin digjital.

Autoriteti Kombëtar për Sigurinë Kibernetike, në bashkëpunim me entet rregullatore, do të ndërmarrë të gjitha veprimet e nevojshme për rikthimin e platformës, duke respektuar ligjin për mbrojtjen e të dhënave personale.

Gjithashtu, vendimi shfuqizon masat e vendosura më 6 mars 2025 me vendimin nr.151, që kishte kufizuar aksesin në TikTok për të parandaluar ndikimet negative në mjedisin digjital dhe shoqëror.

Sinjali – aty ku e vërteta flet para lajmit!

/GazetaSinjali/

The post “Zhbllokohet” TikTok-u në Shqipëri appeared first on Sinjali.