Gazeta Sinjali mëson ekskluzivisht se personi që sulmoi fizikisht zyrtarin policor, e kanosi atë dhe shkatërroi pajisje zyrtare brenda Stacionit Policor Veriu, është Lulzim Beha rreth 55 vjeçar.

I dyshuari, i cili ishte shoqëruar në stacion për moszbatim të urdhrit zyrtar, ka kaluar në sjellje agresive, duke goditur policin në pjesën e nofullës dhe duke dëmtuar një kompjuter të policisë.

Me vendim të Prokurorit Kujdestar, Beha është ndaluar për 48 orë, ndërsa rasti po trajtohet për veprat penale “Sulm ndaj personit zyrtar”, “Kanosje” dhe “Dëmtim apo asgjësim i pasurisë”.

Hetimet janë në vazhdim.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është i dyshuari që sulmoi zyrtarin policor brenda stacionit në Prishtinë appeared first on Sinjali.

Qendra Kombëtare për Menaxhim Kufitar i ka përditësuar të dhënat mbi pritjet në kufi.

Aktualisht nuk ka kolona në asnjërën nga pikëkalimet kufitare.

Pritjet në dalje dhe në hyrje të Kosovës raportohen të jenë deri në 5 minuta.

Sinjali – aty ku e vërteta flet para lajmit!

/GazetaSinjali/

The post Bie fluksi i kolonave, kjo është gjendja në pikat kufitare në Kosovë appeared first on Sinjali.

Në një botë ku të gjithë krahasojnë vazhdimisht veten, kush ka më shumë, kush përparon më shpejt, kush duket më mirë, ka njerëz që qëndrojnë të qetë, por të vendosur.

Ata nuk e bëjnë sepse nuk shohin se çfarë po bëjnë të tjerët, por sepse thjesht nuk i përcakton ata.

Këto shenja të zodiakut kanë një ndjenjë të fortë të identitetit të tyre. Ato nuk kanë nevojë për konkurse, pëlqime, njohje apo vlerësim për të ditur vlerën e tyre. Forca e tyre është e qetë, e qëndrueshme dhe autentike, prandaj shumë njerëz i respektojnë, edhe kur nuk thonë shumë për veten e tyre.

Bricjapi

Bricjapi nuk humbet kohë duke krahasuar sepse ka qëllimet dhe rrugën e vet. Ai e di që rezultatet e vërteta vijnë nga puna, jo nga krahasimi. I vetëdisiplinuar, serioz dhe i përqendruar në atë që dëshiron të arrijë, atij nuk i intereson se kush është aktualisht “përpara”. Ai interesohet se kush do të qëndrojë në krye kur të gjithë të tjerët të lodhen.

Demi

Demi është thellësisht i rrënjosur në vlerat e tij. Ai e do ritmin e tij, zakonet e tij, paqen e tij.Ai nuk ka nevojë të provojë veten sepse beson në atë që bën dhe e di që stabiliteti dhe qëndrueshmëria janë më të rëndësishme sesa shpejtësia e dikujt tjetër. Ai nuk është i interesuar për krahasime sepse e di që ajo që ka është e tija dhe e mjaftueshme.

Ujori

Ujori jeton sipas rregullave të veta. Ata thjesht nuk janë të interesuar në pritjet e të tjerëve apo krahasimet shoqërore.Ai nuk ka nevojë të provojë veten sepse beson në atë që bën dhe e di që stabiliteti dhe qëndrueshmëria janë më të rëndësishme sesa shpejtësia e dikujt tjetër. Ai nuk është i interesuar për krahasime sepse e di që ajo që ka është e tija dhe e mjaftueshme.

Sinjali – aty ku e vërteta flet para lajmit!

/GazetaSinjali/

The post Këto shenja horoskopi nuk e krahasojnë kurrë veten me të tjerët appeared first on Sinjali.

Sipas një sondazhi të kryer së fundmi, një në pesë persona në Gjermani po mendon të largohet nga vendi.

Studimi zbuloi se 21 për qind e popullsisë së Gjermanisë po shqyrton mundësinë e largimit nga vendi, përfshirë 34 për qind e personave me prejardhje migrante dhe 37 për qind të fëmijëve të tyre.

Qendra Gjermane për Studime të Integrimit dhe Migracionit (DeZIM) e kreu studimin midis viteve 2024 dhe 2025 me 2.933 pjesëmarrës.

Nga personat pa prejardhje migrante, 17 për qind po mendojnë të largohen nga Gjermania, ndërsa 31 për qind e atyre nga ish-Bashkimi Sovjetik dhe 28 për qind e atyre nga vendet e tjera të BE-së raportuan të njëjtën gjë.

Arsyeja më e shpeshtë e përmendur për emigrim në të gjitha grupet ishte dëshira për një “cilësi më të lartë jete”.

Për personat me prejardhje migrante, përvojat e diskriminimit gjithashtu luajtën rol.
U raportua se 25 për qind e pjesëmarrësve nga Turqia dhe nga rajoni i Lindjes së Mesme dhe Afrikës së Veriut përmendën përvojat e diskriminimit si arsye për të menduar largimin.

Fabio Best, studiues në DeZIM, theksoi se të dhënat tregojnë se dëshira për t’u larguar nga Gjermania mbetet e lartë.

“Sidomos te personat me prejardhje migrante dhe fëmijët e tyre, kërkimi për kushte më të mira jetese, së bashku me perceptimet për diskriminim, luan një rol të rëndësishëm”, tha ai.

Sinjali – aty ku e vërteta flet para lajmit!

/GazetaSinjali/

The post Gjermanët po largohen nga vendlindja: 1 në 5 persona mendon emigrimin appeared first on Sinjali.

Të dielën parashikohet të kemi depërtimin e masave të ftohta me origjinë polare. Nën këto kushte pritet të mbajë mot me vranësira dhe intervale me diell, ku pritet të ketë ndonjë reshje të izoluar bore gjatë ditës, ndërsa reshjet më të intensifikuara do të jenë gjatë orëve të para të 24-orëshit, kryesisht në sasi të pakta.

Era do të fryjë kryesisht nga drejtimi i veriut, e cila herë pas here pritet të jetë e fuqishme, me shpejtësi prej 15-47 km/h.

Temperaturat do të pësojnë ulje, me minimale që do të lëvizin prej -4 deri në -2°C, ndërsa ato maksimale prej -2 deri në 1°C. Gjatë orëve të pasdites ulje e mëtejshme e temperaturave.

Sinjali – aty ku e vërteta flet para lajmit!

/GazetaSinjali/

The post Parashikimi i motit për sot appeared first on Sinjali.

Të dielën parashikohet të kemi depërtimin e masave të ftohta me origjinë polare. Nën këto kushte pritet të mbajë mot me vranësira dhe intervale me diell, ku pritet të ketë ndonjë reshje të izoluar bore gjatë ditës, ndërsa reshjet më të intensifikuara do të jenë gjatë orëve të para të 24-orëshit, kryesisht në sasi të pakta.

Era do të fryjë kryesisht nga drejtimi i veriut, e cila herë pas here pritet të jetë e fuqishme, me shpejtësi prej 15-47 km/h.

Temperaturat do të pësojnë ulje, me minimale që do të lëvizin prej -4 deri në -2°C, ndërsa ato maksimale prej -2 deri në 1°C. Gjatë orëve të pasdites ulje e mëtejshme e temperaturave.

Sinjali – aty ku e vërteta flet para lajmit!

/GazetaSinjali/

The post Parashikimi i motit për nesër appeared first on Sinjali.

Granit Shala, boksieri me preardhje nga Kosova ka pësuar një humbje brutale.

Ai është mposhtur nga boksieri kroat, Petar Milas.

Në raundin e dhjetë, kroati i dha disa grushte të fuqishme kosovarit, i cili nuk arriti t’i përballonte dhe u rrëzua në parket.

Kjo ndeshje u zhvillua në “Weber Arena” në Oberhausen të Gjermanisë dhe ishte e vlefshme për IBF International Heavy.

Sinjali – aty ku e vërteta flet para lajmit!

/GazetaSinjali/

The post Boksieri nga Kosova nokautohet keq nga Petar Milas appeared first on Sinjali.

Këshilli i Sigurimit i OKB-së do të mbajë një mbledhje emergjente ditën e hënë, më 12 janar  pas kërkesës së Ukrainës.

Sipas ministrit të Jashtëm ukrainas Andrii Sybiha, kërkesa e Kievit vjen pas sulmeve të fundit ruse në Ukrainë, përfshirë përdorimin e një rakete balistike me rreze të mesme të quajtur Oreshnik e cila u përdor kundër rajonit të Lviv-it (pranë kufirit me Poloninë, anëtare të BE-së dhe NATO-s).

Sybiha tha në postimin e tij në platformën X se Rusia ka shkelur hapur Kartën e OKB-së me këto sulme, duke minuar sigurinë ndërkombëtare dhe përpjekjet për paqe nga SHBA-të, vendet evropiane dhe partnerët e tjerë.

Ai bëri thirrje për unitet në Këshillin e Sigurimit për të kërkuar: ndalimin e menjëhershëm të agresionit, mbrojtjen e civilëve, mbështetje të vazhdueshme për sovranitetin dhe integritetin territorial të Ukrainës.

Gjithashtu, ai theksoi nevojën për presion më të madh mbi Rusinë, duke përfshirë masa kundër flotës së tankerëve rusë, të ardhurave nga nafta, skemave financiare dhe aseteve të saj, si dhe për llogaridhënie për këto veprime.

Rusia pretendon se sulmi me Oreshnik erdhi si përgjigje ndaj sulmit ukrainas me dronë më 29 dhjetor 2025 në një rezidencë të presidentit Putin në rajonin e Novgorod-it (Valdai).  Rusia e ka përdorur këtë raketë për herë të dytë që nga fillimi i luftës.

Ukraina mohon kategorikisht çdo sulm në rezidencën e Putin-it, duke e quajtur pretendimin rus “absurd” dhe “halucinacion”, dhe e sheh përdorimin e Oreshnik-ut si një kërcënim të madh për sigurinë evropiane dhe globale, veçanërisht pranë kufijve të NATO-s.

Mbledhja e Këshillit të Sigurimit pritet të zhvillohet rreth orës 8 pasdite dhe do të diskutojë shkeljet e Kartës së OKB-së nga Rusia, si dhe nevojën për veprime të menjëhershme ndërkombëtare për të ndalur agresionin.

Sinjali – aty ku e vërteta flet para lajmit!

/GazetaSinjali/

The post Këshilli i Sigurimit i OKB-së mbledhje urgjente të hënën për Ukrainën appeared first on Sinjali.

Ushtria amerikane ka nisur sulmet ajrore kundër Shtetit Islamik (ISIS) në Siri. Operacioni shënon herën e dytë që ushtria amerikane ka goditur objektiva të Shtetit Islamik në Siri që nga 19 dhjetori, pas vrasjes së dy ushtarëve të Gardës Kombëtare të Ajovës dhe përkthyesit të tyre amerikan nga një person i armatosur i vetëm i ISIS.

Sulmet vijnë ndërsa i dërguari special i SHBA-së për Sirinë, Tom Barrack, tha se u takua në Damask me udhëheqjen e re të Sirisë për të diskutuar të ardhmen e vendit.

“Sot, në emër të presidentit Donald J. Trump dhe Sekretarit të Shtetit Marco Rubio, u takova me presidentin sirian Ahmed al-Sharaa, Ministrin e Jashtëm Asaad al-Shaibani dhe anëtarët e ekipit të tyre në Damask”, shkroi Barrack.

Barrack tha se bisedimet u përqendruan në “zhvillimet e fundit në Alepo dhe rrugën më të gjerë përpara për tranzicionin historik të Sirisë”, duke shtuar se Shtetet e Bashkuara “mirëpresin tranzicionin historik të Sirisë dhe i ofrojnë mbështetjen e tyre qeverisë siriane nën presidentin Ahmed al-Sharaa”.

Sinjali – aty ku e vërteta flet para lajmit!

/GazetaSinjali/

The post SHBA nis sulmet ajrore kundër ISIS në Siri appeared first on Sinjali.

Autoblindat ushtarake të prodhimit shqiptar “Shota”, tani do të prodhohen edhe në Kosovë. Njohësit e sigurisë thonë se kjo marrëveshje është në kuadër të plotësimit të normave për t’u anëtarësuar Kosova në Aleancën Veriatlantike, NATO.

Përveç në Shqipëri, tashmë autoblinda ushtarake “SHOTA” do të prodhohet edhe në Kosovë.

Kjo pajisje ushtarake do t’i shtohet stokut të Forcës së Sigurisë së Kosovës, pas marrëveshjes së darkorduar mes ministrave të Mbrojtjes, Ejup Maqedonci dhe Pirro Vengu.

Këtë e konfirmoi për Tëvë1, zëdhënësja e Ministrisë në detyrë të Mbrojtjes, Liridona Gashi.

“Konfirmojmë se autoblinda ushtarake ‘Shota’ e dizajnuar në Shqipëri do të prodhohet edhe në Kosovë, në kuadër të bashkëpunimit në industri të mbrojtjes të arritur përmes marrëveshjes trelatare ndërmjet Kosovës-Shqipërisë dhe Kroacisë që u nënshkrua në mars të vitit 2025. Sa i përket fillimit të prodhimit, ende jemi në fazën e aspektit logjistik të implementimit të kësaj marrëveshje, megjithatë lajm i rëndësishëm është fakti që kemi dakordim me Shqipërinë që të fillojë prodhimi dhe në Kosovë”, deklaroi ajo.

Këtë marrëveshje e sheh të dobishme ish-deputeti i Vetëvendosjes, Enver Dugolli.

“Marrëveshjet e bashkëpunimit me Shqipërinë janë shumë të dobishme, shumë të nevojshme sepse përveç që është shtet amë, që jemi një popull një komb, është edhe shtet anëtar i NATO-s dhe përvojat e tyre janë shumë të nevojshme dhe shumë të dobishme për Republikën e Kosovës… Ne pretendojmë që të jemi edhe anëtarë të NATO-s në një afat sa më të shpejt, dhe këto elemente janë një plus i madh”, deklaroi ai.

E njëjtë mendojnë edhe ekspertë të sigurisë.

Njohësi i kësaj fushe, Fatjon Softa nënvizoi se kjo bëhet edhe për të parandaluar çdo tentativë të Serbisë për destabilitet në Ballkanin Perëndimor.

Në krijimin e një bashkëpunimi për një mbrojtje edhe kolektive në rast të ndonjë situate të mundshme që mund të agravoj në vendin Ballkanik. Dhe kjo shërben më parë, Mbrojtja është alternimi i doktrinave dhe i aleancës në kuadër të NATO-s për të përgatitur edhe Kosovën që në një moment të dytë të anëtarësohet jo vetëm për dëshirën e saj por edhe qenien e saj, që të jetë pjesë e Aleancës Euroatlantike”.

Autoblinda ushtarake ‘’Shota’’, e projektuar si mjet MRAP (Mine Resistant Ambush Protected), ofron kapacitet transport 2 anëtarë ekuipazhi + deri në 8 ushtarë, blindim balistik BR7, rezistent ndaj municioneve 7.62mm.

Është i projektuar për mbrojtje të lartë ndaj minave dhe ndaj shpërthimeve deri në 6kg TNT nën mjet.

Gjithashtu është i përshtatshëm për terrene të vështira, ka ulëse anti-shpërthim, xhama balisitkë dhe sistem modern sigurie.

Sinjali – aty ku e vërteta flet para lajmit!

/GazetaSinjali/

The post Autoblindat ushtarake “Shota” pritet të prodhohen edhe në Kosovë appeared first on Sinjali.

Një rast serioz i armëmbajtjes pa leje është zbuluar sot në fshatin Mazgit të Obiliqit, ku Policia e Kosovës ka ndaluar një automjet dhe ka gjetur armë zjarri me municion të konsiderueshëm.

Sipas informatave që ka siguruar Gazeta Sinjali, rreth orës 11:50, gjatë një kontrolli rutinë nga policia, është ndaluar një veturë Toyota, e cila drejtohej nga Premton Bashota rreth 30 vjeçar.

Gjatë kontrollit të bagazhit të veturës, brenda një çante krahu, zyrtarët policorë kanë gjetur dhe sekuestruar:
• një revole të tipit Beretta,
• katër karikatorë,
• 54 fishekë të kalibrit 9×19 mm.

I dyshuari është shoqëruar në Stacionin Policor në Obiliq, ku është intervistuar në prani të avokatit mbrojtës.

Me vendim të Prokurorit të Shtetit, rasti është iniciuar për veprën penale “Mbajtja në pronësi, kontroll ose posedim të paautorizuar të armëve”.

Hetimet lidhur me këtë rast janë në vazhdim.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Armë e municion në veturë në Mazgit, ndalohet i riu nga Obiliqi (EMRI) appeared first on Sinjali.

Një incident i rëndë ka ndodhur sot paradite brenda Stacionit Policor Veriu në Prishtinë, ku një person i shoqëruar nga policia ka kaluar në sulm fizik ndaj zyrtarit policor, kanosje dhe dëmtim të pasurisë shtetërore.

Burime të Gazetës Sinjali bëjnë të ditur se më 10 janar 2026, në intervalin kohor 10:00–11:00, në rrugën “Toni Bler”, zyrtarët policorë kanë shoqëruar në stacion L. B rreth 55 vjeçar për shkak të moszbatimit të urdhrit zyrtar.

Gjatë procedurës policore, konkretisht në momentin e largimit të prangave, i dyshuari ka sulmuar fizikisht një zyrtar policor, duke e goditur në pjesën e nofullës, ndërsa më pas ka shkelmuar një kompjuter, duke shkaktuar dëmtimin e pajisjes dhe shtëpizës së saj.

Si pasojë e sulmit, zyrtari policor ka pësuar lëndime të lehta trupore dhe ka pranuar trajtim mjekësor.

Në vendin e ngjarjes është përfshirë edhe Njësia për Hetimin e Personave (NJHP), e cila ka marrë në trajtim rastin. Janë intervistuar zyrtarët policorë në cilësinë e dëshmitarëve, ndërsa L. B është intervistuar në cilësinë e të dyshuarit, në prezencë të avokatit mbrojtës.

Pas konsultimit me Prokurorin Kujdestar, rasti është iniciuar për veprat penale:
• Sulm ndaj personit zyrtar
• Kanosje
• Dëmtim apo asgjësim i pasurisë

Me urdhër të Prokurorit, i dyshuari është dërguar në mbajtje për 48 orë.

Hetimet lidhur me rastin janë në vazhdim, ndërsa Gazeta Sinjali do t’ju mbajë të informuar për çdo zhvillim të ri.

Sinjali – aty ku e vërteta flet para lajmit!

/GazetaSinjali/

The post Ekskluzive | Sulmon policin brenda stacionit, kanos zyrtarët dhe shkatërron kompjuterin – 55-vjeçari përfundon në ndalim appeared first on Sinjali.

Sulmuesi i Kombëtares së Kosovës, Vedat Muriqi ka takuar një tifoze para ndeshjes ndaj Rayo Vallecano.

Muriqi u takua me tifozen dhe pranoi një dhuratë nga ajo.

“Pirati” ka treguar edhe njëherë tjetër dashurinë e madhe që ka për mbështetësitë e klubit spanjoll dhe të tij.

Nesër nga ora 14:00, Rayo Vallecano e pret në shtëpi Mallorcan dhe Vedat Muriqi shpreson të vazhdoj me gola në La Liga. Deri tani ka shënuar 10-të.

The post Vedat Muriqi takon një tifoze, pranon një dhuratë nga ajo appeared first on Sinjali.

Agjencia e Menaxhimit Emergjent ka dhënë detaje lidhur me situatën e përgjithshme në vend që lidhet me zonat e prekura nga vërshimet.

Sipas njoftimit, gjendja në nivel të vendit është e menaxhueshme, derisa në disa rajone ka vështirësi për shkak të shiut dhe reshjeve të borës.

Njoftimi i plotë:

PËRDITËSIM I SITUATËS ME VËRSHIME

10.01.2026 08:00–16:00,
Në nivel vendi

Sipas informatave nga Qendrat Operative Emergjente 112 dhe strukturat lokale të reagimit, situata e vërshimeve në Republikën e Kosovës paraqitet e menaxhueshme, por me vështirësi të theksuara në disa rajone për shkak të reshjeve të shiut dhe borës.

Zhvillime kryesore sipas rajoneve

Rajoni i Prishtinës: vërshime të lokalizuara në Prishtinë, Fushë Kosovë, Lipjan, Obiliq, Drenas, Shtime dhe Graçanicë – kryesisht si pasojë e bllokimeve të kanalizimeve. Në disa raste ka pasur depërtime uji në oborre, bodrume dhe shtëpi banimi, pa evakuime.

Rajoni i Prizrenit: disa rrugë dhe ura të vërshuara, shembje dheu dhe intervenime teknike (Suharekë, Malishevë, Rahovec, Dragash). Rrugët kryesore janë nën monitorim, disa segmente të pakalueshme përkohësisht.

Rajoni i Mitrovicës: situata e qetë, pa rrezik të drejtpërdrejtë. Angazhime aktive për largim uji, me fokus në QKMF Mitrovicë. Vizitë në terren nga udhëheqja e AME-së dhe autoritetet komunale.

Rajoni i Pejës: disa intervenime për bllokim kanalizimesh dhe rrezik vërshimi; rruga Pejë–Rugovë me ujë në disa segmente (kujdes në qarkullim).

Rajoni i Gjakovës: situatë stabile, niveli i lumenjve në rënie; një bllokim rruge nga shembja e dheut.

Rajoni i Gjilanit: vërshime të lokalizuara, depërtime uji në bodrume dhe rrëshqitje dheu; ngritje e nivelit të lumenjve pa dalje nga shtrati.

Ndërhyrje dhe kërkesa

Kërkesa urgjente nga KEK dhe KOSTT për pompa thithëse me kapacitet të madh – të realizuara.

Në përcjellje dhe koordinim të kërkesave 24/7 për ndihmë nga gjitha institucionet lokale dhe infratruktures kritike në gjithe territorin.

Sinjali – aty ku e vërteta flet para lajmit!

/GazetaSinjali/

The post AME me detaje për gjendjen në nivel vendi: E menaxhueshme, në disa rajone vështirësi appeared first on Sinjali.

Dy ndeshje të divizionit të parë të futbollit gjerman u shtynë të shtunën për shkak të reshjeve të dendura të borës që kanë përfshirë pjesën veriore të vendit.

Ndeshja e St. Paulit ndaj Leipzigut dhe ajo e Werder Bremen me Hoffenheim nuk u zhvilluan, pavarësisht përpjekjeve të klubeve për të garantuar sigurinë në stadiume. St. Pauli njoftoi se, megjithë pastrimin e borës nga tribuna dhe çatia e stadiumit, kushtet mbetën të pasigurta dhe anulimi mund të ndihmonte shërbimet e urgjencës, transportin dhe kujdesin shëndetësor.

Nga ana e saj, Bremen përmendi akullin në hollin e stadiumit dhe vështirësitë për të siguruar daljet e emergjencës si arsye kryesore për shtyrjen e ndeshjes. Liga gjermane premtoi të caktojë data të reja për këto duele “së shpejti”.

Përveç problemeve në stadiume, borë e madhe ka shkaktuar ndërprerje në transportin rrugor dhe hekurudhor në pjesën më të madhe të veriut të Gjermanisë. Ndeshja Union Berlin–Mainz mbetet e planifikuar, ndërsa tifozët e Union kanë kontribuar në pastrimin e borës rreth stadiumit.

Ky është raundi i parë i Bundesligës pas pushimeve dimërore, dhe reshjet e borës pritet të vazhdojnë gjatë natës.

The post Bora e madhe shtyn dy ndeshje të Bundesligës në Gjermani appeared first on Sinjali.

Kreu i Komunës së Prishtinës, Përparim Rama, ka dhënë detaje lidhur me intervenimet që janë realizuar sot në kryeqytet pas reshjeve të shiut e borës dhe vërshimeve të shkaktuara.

Rama ka bërë të ditur se kanë realizuar mbi 30 intervenime në Prishtinë dhe ka falendëruar të gjithë ata që janë angazhuar për menaxhimin e situatës në kryeqytet.

Postimi i plotë i Ramës:

Falënderim dhe Mirënjohje

Mbi 30 intervenime në të gjitha zonat e Kryeqytetit, janë realizuar gjatë ditës së sotme nga Drejtoria për Siguri dhe Emergjenca, Drejtoria e Investimeve Kapitale, Drejtoria e Shërbimeve Publike, Kompania Gjelbër, Policia e Kryeqytetit, si dhe njësitë e Brigadës Profesionale të Zjarrfikësve (BPZ) të Kryeqytetit.

Këto intervenime janë zhvilluar me angazhim maksimal të ekipeve në terren, reagim të menjëhershëm dhe koordinim të vazhdueshëm ndërinstitucional.

Si Kryetar i Kryeqytetit, shpreh falënderim dhe mirënjohje të veçantë për të gjithë zyrtarët, policët, zjarrfikësit dhe punëtorët e angazhuar, për përkushtimin, vetmohimin dhe punën e palodhshme në shërbim të qytetarëve dhe Kryeqytetit.

Falenderoj edhe Drejtorin për Siguri dhe Emergjenca, z. Lulzim Fushtica, për kontributin dhe angazhimin e tij në menaxhimin dhe koordinimin e situatës.

Bashkë për qytetarët

Sinjali – aty ku e vërteta flet para lajmit!

/GazetaSinjali/

The post Dëmet nga vërshimet, Rama: Mbi 30 intervenime në të gjitha zonat e kryeqytetit appeared first on Sinjali.

Arian Tahiri performoi mjaft mirë në zgjedhjet parlamentare të 28 dhjetorit 2025, duke u renditur i dyti me mbi 71 mijë vota, pas Bedri Hamzës, kandidatit të kësaj partie për kryeministër.

Përmes një reagimi, Tahiri ka shprehur mirënjohjen e thellë për besimin e dhënë, duke theksuar se ky rezultat është një mesazh i qartë për rolin e rinisë në proceset politike të vendit.

Tahiri e mbylli falenderimin me një zotim përkushtimi ndaj interesave shtetërore, duke theksuar se për të “Kosova është mbi gjithçka”.

Sinjali – aty ku e vërteta flet para lajmit!

/GazetaSinjali/

The post Arian Tahiri falenderon votuesit: Do ta përfaqësoj këtë besim me guxim, nder dhe vendosmëri appeared first on Sinjali.

Ministri në detyrë i Mjedisit dhe Infrastrukturës, Hysen Durmishi, ka njoftuar për gjendjen e rrugëve pas reshjeve të mëdha të shiut dhe vërshimeve që kanë pasuar.

“Reshjet e shiut dhe borës kanë shkaktuar grumbullim uji dhe rrëshqitje dheu në disa segmente rrugore. Ne kemi reaguar me të gjitha kapacitetet për të eliminuar çdo pengesë, me qëllim që qarkullimi të zhvillohet sa më normalisht”, ka shkruar Durmishi në Facebook.

“Në rrugën Prishtinë – Ferizaj, ende kemi bllokim si pasojë e sasisë së madhe të ujit të grumbulluar në rrugë, e shkaktuar nga kyçjet ilegale në kanalet e ujërave atmosferike”.

“Pas reshjeve të shiut kanë filluar reshjet e borës dhe temperaturat gjatë natës pritet të jenë nën zero, çka mund të shkaktojë ngrica në rrugë”.

Durmishi tha se janë angazhuar që t’i pastrojnë të gjitha rrugët të cilat i kanë për detyrë.

“Ekipet tona janë të angazhuara në pastrimin e të gjitha rrugëve që janë në kompetencën tonë”.

“Po ashtu, shprehim gatishmëri të plotë për të ndihmuar edhe institucionet lokale, kudo që paraqitet nevoja”.

“Nga qytetarët kërkojmë të vozisin me kujdes të shtuar dhe t’i përshtaten kushteve të rrugës”.

Sinjali – aty ku e vërteta flet para lajmit!

/GazetaSinjali/

The post Durmishi njofton për gjendjen e rrugëve pas reshjeve të shiut dhe borës appeared first on Sinjali.

Udhëheqësit e pesë partive politike të Grenlandës i kanë dërguar një mesazh Presidentit të SHBA-së, Donald Trump, duke deklaruar se, pavarësisht përpjekjeve të tij për të përvetësuar territorin gjysmë-autonom danez, ata nuk duan të jenë amerikanë.

Në një deklaratë të përbashkët të lëshuar të premten, udhëheqësit e partive thanë: “Ne nuk duam të jemi amerikanë, nuk duam të jemi danezë, duam të jemi grenlandezë”, raportoi Anadolu.

Ata shtuan: “Dëshirojmë të theksojmë edhe një herë dëshirën tonë që përbuzja e SHBA-së për vendin tonë të marrë fund. E ardhmja e Grenlandës duhet të vendoset nga populli i Grenlandës.”

Deklarata gjithashtu vuri në dukje se territori i ishullit ka rritur “pjesëmarrjen e tij ndërkombëtare” në vitet e fundit.

“Ne duhet të bëjmë përsëri thirrje që dialogu të vazhdojë të bazohet në diplomaci dhe parime ndërkombëtare”, thanë ata.

Udhëheqësit njoftuan se do të mbahej një mbledhje e parlamentit,  për të siguruar “që të zhvillohet një debat politik i drejtë dhe gjithëpërfshirës dhe që të sigurohen të drejtat e popullit”.

Deklarata vjen pas komenteve të shumta të Trump në të cilat ai shprehu interes për të marrë përsipër Grenlandën, një territor gjysmë-autonom i Mbretërisë së Danimarkës.

Duke folur në një aktivitet në Shtëpinë e Bardhë të premten, Trump tha: “Ne do të bëjmë diçka për Grenlandën, pavarësisht nëse u pëlqen apo jo, sepse nëse nuk e bëjmë, Rusia ose Kina do ta marrin Grenlandën dhe ne nuk do ta kemi Rusinë ose Kinën si fqinjë.”

Ai shtoi, duke vazhduar refuzimin e tij për të përjashtuar një marrje të pushtetit nga ushtria: “Do të doja të arrija një marrëveshje në mënyrën e lehtë, por nëse nuk e bëjmë në mënyrën e lehtë, do ta bëjmë në mënyrën e vështirë.”

Komentet e Trump shkaktuan dënim të gjerë, dhe vendet evropiane në veçanti paralajmëruan se një veprim i tillë mund të nënkuptonte fundin e NATO-s.

The post Liderët e partive në Grenlandë i përgjigjen Trumpit: Nuk duam të jemi amerikanë appeared first on Sinjali.

Evropa Veriore vijon të përballet me motin e keq, me erëra me intensitet uragani dhe stuhi të fuqishme, që kanë shkaktuar të paktën 13 viktima, kaos në udhëtime, mbyllje shkollash dhe ndërprerje të energjisë elektrike për qindra mijëra banorë.

Në Mbretërinë e Bashkuar, stuhia Goretti goditi rëndë Cornwall-in dhe pjesë të Uellsit, me erëra që arritën deri në 160 km/orë. Rreth 50 fluturime u anuluan, duke bllokuar mijëra pasagjerë. Dhjetëra mijëra familje mbetën pa energji elektrike. Një burrë në të 50-at humbi jetën në qytetin Helston, nga rrëzimi i një peme. Agjencia kombëtare e motit Met Office paralajmëroi për rrezik nga bora dhe akulli në pjesën më të madhe të vendit, veçanërisht në Skoci dhe Anglinë Veriore.

Në Francë, stuhia Goretti shkaktoi ndërprerje të energjisë për rreth 320 mijë familje, kryesisht në Normandinë Veriore. Të shtunën, autoritetet njoftuan për rreth 100 mijë banesa pa energji elektrike. Në disa zona erërat arritën një shpejtësi deri në 216 km/orë, duke rrëzuar pemë dhe shkaktuar dëme kolosale në banesa. Shkollat mbetën të mbyllura në disa zona, ndërsa porte dhe rrugë u mbyllën përkohësisht.

Gjermania Veriore u përball me ndërprerje energjie, transporti dhe komunikimi për shkak të stuhisë Elli, e cila solli reshje të dendura bore dhe erëra të forta. Shkollat u mbyllën në disa qytete, ndërsa trafiku hekurudhor në distanca të gjata u pezullua.

Probleme serioze u raportuan edhe në disa vende të Europës Qendrore dhe Lindore. Trafiku ajror u ndërpre nga Çekia deri në Rusi, ku mbi 300 fluturime u anuluan në katër aeroportet që shërbejnë në Moskë. Autoritetet meteorologjike anëembanë kontinentit kanë lëshuar paralajmërime për erëra “me forcë uragani” dhe reshje të dendura bore, duke u bërë thirrje qytetarëve të shmangin udhëtimet jo të domosdoshme.

The post Evropa “në alarm” nga moti i keq: 13 viktima nga acari – Franca dhe Anglia mbyllin edhe shkollat appeared first on Sinjali.