Është ndarë nga jeta në moshë të re farmacistja Kaltrina Gashi.

Lajmin të ditur e ka bërë Oda e Farmacistëve të Kosovës .

“Me pikëllim të thellë, njoftojmë për ndarjen nga jeta të koleges tonë Kaltrina Gashi. Në këto çaste të rënda, Oda e Farmacistëve të Kosovës, në emër të gjithë komunitetit të farmacistëve, shpreh ngushëllimet më të thella dhe të sinqerta për familjen Gashi, të afërmit, miqtë dhe të gjithë ata që patën fatin ta njohën Kaltrinen”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post Ndahet nga jeta në moshë të re farmacistja Kaltrina Gashi appeared first on Sinjali.

Gjendja me energjinë elektrike në Kosovë vazhdon të mbetet shqetësuese, me çmime të larta dhe reduktime të shpeshta të energjisë, që po ndikojnë negativisht në jetën e përditshme të qytetarëve dhe bizneset.

Zyra e Rregullatorit të Energjisë (ZRRE) ka bërë thirrje të vazhdueshme për kursim të energjisë. Në një njoftim të dërguar për mediat, ZRRE u ka kërkuar qytetarëve dhe bizneseve që të tregohen të kujdesshëm dhe racionalë në përdorimin e energjisë elektrike për të ndihmuar në përballimin e situatës.

Sipas njoftimit, ZRRE ka organizuar një takim koordinues me kompanitë e licencuara në sektorin e energjisë, përfshirë përfaqësues të Korporatës Energjetike të Kosovës (KEK), Operatorit të Sistemit të Transmisionit dhe Tregut (KOSTT), Operatorit të Sistemit të Shpërndarjes (KEDS), si dhe Furnizuesit me Shërbim Universal (KESCO).

Në këtë takim, palët kanë diskutuar për situatën aktuale dhe masat që duhet të merren për të siguruar furnizimin me energji elektrike, si dhe për të menaxhuar me efikasitet burimet e energjisë. ZRRE-ja ka theksuar nevojën e vazhdueshme për kursim dhe përdorim të mençur të energjisë, duke e cilësuar këtë si një përgjegjësi të përbashkët për të përballuar sfidat që po hasen në sektorin e energjisë.

Me këto thirrje, ZRRE synon të lehtësojë ndikimin e reduktimeve dhe të ruajë stabilitetin e furnizimit me energji në muajt e ardhshëm.

Njoftimi i plotë:

Më 24.12.2025, Bordi i Zyrës së Rregullatorit për Energji (ZRRE) ka mbajtur një takim koordinues me kompanitë e licencuara në sektorin e energjisë, përkatësisht me përfaqësuesit e Korporatës Energjetike të Kosovës (KEK), Operatorit të Sistemit të Transmisionit dhe Tregut (KOSTT), Operatorit të Sistemit të Shpërndarjes (KEDS) dhe Furnizuesit me Shërbim Universal (KESCO).

Qëllimi i takimit ishte vlerësimi i sigurisë së furnizimit me energji elektrike gjatë periudhës së fundvitit, një periudhë që tradicionalisht karakterizohet nga rritje e ndjeshme e konsumit të energjisë elektrike.

Gjatë takimit u diskutuan sfidat kryesore me të cilat zakonisht përballet rrjeti energjetik në periudha festive, përfshirë ndikimin e kushteve klimatike dimërore në stabilitetin e prodhimit dhe transmetimit; kufizimet teknike të rrjetit dhe nevoja për balancim të vazhdueshëm ndërmjet prodhimit, importit dhe konsumit; përmbushjen e obligimeve ndërkombëtare dhe funksionimin e sigurt të sistemit rajonal të energjisë; si dhe organizimin institucional gjatë periudhës së pushimeve dhe zgjedhjeve qendrore.

Përfaqësuesit e ndërmarrjeve të licencuara prezantuan kapacitetet teknike dhe operative për përballimin e ngarkesave të shtuara, si dhe masat parandaluese që janë ndërmarrë për të garantuar stabilitetin e furnizimit. ZRRE ka kërkuar nga operatorët përgjegjës hartimin dhe përditësimin e planeve të menaxhimit të gjendjes, përfshirë skenarë të mundshëm dhe planifikim paraprak të masave, në rast të situatave të paparashikuara.

ZRRE u bën thirrje qytetarëve dhe bizneseve që gjatë kësaj periudhe të tregohen të kujdesshëm dhe racionalë në përdorimin e energjisë elektrike. Kursimi i energjisë, veçanërisht në orët e kërkesës maksimale (pikut), kontribuon drejtpërdrejt në stabilitetin e sistemit dhe në sigurimin e furnizimit të vazhdueshëm për të gjithë konsumatorët.

Zyra e Rregullatorit për Energji do të vazhdojë të monitorojë nga afër situatën dhe të bashkëpunojë ngushtë me të gjithë operatorët e sektorit për të garantuar furnizim të sigurt dhe të qëndrueshëm me energji elektrike.

Sinjali – aty ku e vërteta flet para lajmit!

/GazetaSinjali/

The post Gjendja me energjinë elektrike, ZRRE u bën thirrje qytetarëve për kursim appeared first on Sinjali.

Komisioni Qendror i Zgjedhjeve (KQZ) do të mbajë sot, nga ora 13:30, mbledhjen e radhës për të diskutuar përgatitjet për zgjedhjet e parakohshme të Kuvendit të Republikës së Kosovës, të cilat do të zhvillohen më 28 dhjetor 2025.

Në rendin e ditës, sipas njoftimit zyrtar, është shqyrtimi i raportit të Sekretariatit të KQZ-së, lidhur me procesin zgjedhor dhe hapat e nevojshëm për organizimin e zgjedhjeve.

Kjo mbledhje është e rëndësishme për përgatitjen e të gjitha aspekteve të procesit zgjedhor, që përfshin logjistikën, administratën dhe sigurimin e një procesi zgjedhor të ndershëm dhe të organizuar.

Sinjali – aty ku e vërteta flet para lajmit!

/GazetaSinjali/

The post Zgjedhjet e parakohshme – KQZ sot mban mbledhjen për përgatitjet për 28 dhjetor appeared first on Sinjali.

Taty Mendes, djali i trajnerit të Kombëtares së Shqipërisë, Sylvinho, ka bërë një veprim që ka shkaktuar shumë reagime në rrjetet sociale. Ai ka postuar një foto në Instagram ku shihet duke mbajtur fanellën e Serbisë, një gjest që ka nxitur menjëherë diskutime të shumta dhe kritika nga tifozët.

Kjo fanellë i përket Aleksandar Stankovic, futbollistit të Kombëtares së Serbisë, dhe është e njohur si e veshur nga Stankovic gjatë ndeshjes mes Serbisë dhe Shqipërisë, e zhvilluar në Leskovac, ku Serbia fitoi 1-0. Pas kësaj ndeshjeje, Stankovic duket se ia ka dhuruar fanellën trajnerit të Kombëtares “kuqezi”, Sylvinho.

Ky veprim ka shkaktuar një stuhi reagimesh, duke u konsideruar si një shenjë e lidhjeve të mundshme mes dy kombëtareve, në një kohë kur tensionet politike dhe sportive mes Serbisë dhe Shqipërisë janë të njohura. Ndërkohë, shumë përdorues të rrjeteve sociale kanë komentuar ashpër, duke kërkuar shpjegime për këtë veprim të papritur.

Gjestet si ky janë shpesh herë të ndjeshme, pasi ato mund të interpretohen si mbështetje për rivalët e një kombëtari, duke u bërë kështu një temë e nxehtë debati online. Ky incident ka marrë vëmendjen e medieve dhe tifozëve, të cilët po kërkojnë një reagim nga trajneri Sylvinho dhe Taty Mendes.

Sinjali – aty ku e vërteta flet para lajmit!

/GazetaSinjali/

The post Befasi jo e këndshme – Djali i Sylvinhos vishet me fanellën e Serbisë appeared first on Sinjali.

E kaluan fëmijërinë duke numëruar viktima, duke dëgjuar të shtëna dhe helikopterë ushtarakë, duke dëgjuar histori të tmerrshme dhe duke i folur fjalët e para si refugjatë.

Këtë vit u shënua 30-vjetori i përfundimit të luftës në Bosnje-Hercegovinë. Në periudhën e njëjtë, Çeçenia u përball me dy luftëra shkatërruese, derisa talibanët u larguan nga pushteti në Afganistan, për t’u rikthyer dy dekada më vonë.

Teksa bota këndellej nga pasojat e Luftës së Dytë Botërore, brezat e lindur në shtetet jostabile kanë përjetuar gjëra që do të mbesin të pashlyeshme në kujtesë.

Nga Bonje-Hercegovina e deri në Çeçeni e Afganistan, Radio Evropa e Lirë bisedoi me tre persona, jetët e të cilëve janë formësuar nga konfliktet e përjetuara në fëmijëri.

Gjenerata e Dejtonit në Bosnje

Nermin Mamelexhija ka lindur vetëm disa muaj pas nënshkrimit të marrëveshjes së Dejtonit, e cila u dha fund luftimeve në Bosnje-Hercegovinë – konflikt që la mbi 100.000 njerëz të vrarë.

Prindërit e tij ikën në Gjermani nga vendlindja në Turbe, dhe Nermini i kaloi atje vitet e para të jetës, para se familja të rikthehej në Bosnje.

“Ne e kemi pasur një fëmijëri sikur në përralla”, thotë Nermimi, 30-vjeçar për Radion Evropa e Lirë nga Braunshfajgu i Gjermanisë.

“Mëhallët na rritën neve, na jepnin vetëm nga një copë bukë dhe ishim gjithë ditën rrugëve”.

Pavarësisht se ai u rrit në Turbe – një qytet i vogël në qendër të Bosnjës – në kohë të paqes, shteti mbeti i dëmtuar dhe i ndarë.

Ndasitë që i la mbrapa Dejtoni, u qartësuan edhe më shumë në shkollën fillore. Ai mësoi në shkolla me sistemin “dy shkolla nën një kulm”, që do të thotë se fëmijët ishin të ndarë varësisht nga etnia, pavarësisht se mësonin bazuar në kurrikula pothuajse identike.

Pas universitetit, Nermini është kthyer në Gjermani. Ai nuk ka punuar kurrë në Bosnje.

“Çfarë më ka shtyrë të largohem nga Bosnja ka qenë padrejtësia. Të duhet lidhje për gjithçka, duhet të gjesh një mënyrë për t’i kryer gjërat”, ka thënë ai.

Sipas të dhënave të organizatës ndërkombëtare, Transparency International, Bosnje-Hercegovina renditet si shteti i dytë më i korruptuar në Evropë.

Një studim i Fondit të Kombeve të Bashkuara për Popullsi tregon se çdo i dyti i ri i moshave 18-29 vjeç po e konsideron ikjen nga Bosnja.

Kur Radio Evropa e Lirë bisedoi me Nerminin pesë vjet më parë, në përvjetorin e 25-të të marrëveshjes së Dejtonit, ai shpresonte të mos ishte në mesin e tyre që e mendonin largimin.

Ai ishte në vitin e fundit të studimeve për stomatologji dhe dëshironte të gjente punë në Bosnje që “Austria apo Gjermania të mos e merrnin një punëtor plotësisht të kualifikuar”.

“Nuk do të hiqja dorë kurrë nga pasaporta, është e vetmja gjë që më lidh me Bosnjën”, thotë ai tani.

“Bosnja më ka dhënë gjithçka… mirëpo të gjithë kanë të drejtë të vendosin çfarë duan dhe ku duan të jenë”.

Sot, kur ai flet me familjen e tij përmes platformave të ndryshme online, asnjëra prej motrave të tij nuk jeton në Bonje.

“Ende ndihem e brishtë” – nga plagët e Çeçenisë

Teksa Bosnja po dilte nga lufta, 3.000 kilometra larg, banorët e Groznit po strehoheshin nëpër bodrume.

Me përfundimin e Luftës së Parë Çeçene në gusht të vitit 1996, Hava, 8-vjeçare ishte kthyer në familjen e prindërve për ta gjetur atë shkrumb e hi. Ajo i ka kaluar disa javë duke jetuar në podrum, meqë bombat nuk ndaleshin në kryeqytetin çeçen.

Tre vjet më vonë ka nisur Lufta e Dytë Çeçene. Familja e Havës ka ikur dhe është strehuar në fshatin e gjyshes së saj. Në Grozni janë kthyer katër vjet më vonë, në një qytet të shkatërruar dhe ende në gjendje të jashtëzakonshme.

“Kur je fëmijë, je i izoluar nga gjithçka”, ka thënë ajo për Radion Evropa e Lirë.

“E kupton se çfarë po ndodh dhe luan lojëra të çmendura duke numëruar aeroplanët luftarakë apo helikopterët që sheh dhe garon me shokët se kush ka parë më shumë”.

Jasminko Haliloviq nga Muzeu i Luftës sugjeron se këto sjellje janë përpjekje e fëmijëve për të vendosur rregull në mesin e kaosit.

“Numërimi i shpërthimeve, mbledhja e predhave, ndërtimi i strehëve me jastëkë – të gjitha këto janë tentime për të fituar kontrollin e një botë të paparashikueshme”, vlerëson ai.

Hava, e cila ka kërkuar të mos i publikohet mbiemri, i kujton ditët pa ujë dhe rrymë, netët me orë policore dhe bërjen e detyrave me llambë gazi. Më shumë se 25 mijë njerëz janë vrarë në Luftën e Dytë Çeçene dhe mijëra të tjerë janë ende të zhdukur.

Prej vitit 2007, ky rajon rus është udhëhequr nga Ramzan Kadyrov, i akuzuar gjerësisht për abuzim me të drejta të njeriut. Shtetet e Bashkuara e kanë sanksionuar më 2020.

Hava tani punon si hulumtuese në Serbi dhe nuk ka jetuar në Çeçeni që dy vjet, mirëpo do të kthehej nëse do të zhdukej korrupsioni dhe do të kishte reforma.

“Rusia duhet të ndryshojë që unë të kthehem në Çeçeni”, thotë ajo. “Duhet të ndryshojë ashtu që të reflektojë pozitivisht në Çeçeni”.

Ndonëse lufta ka përfunduar vite më parë, ajo beson se gjenerata e saj nuk e ka përjetuar asnjëherë stabilitetin e plotë.

“Ende ndihem e brishtë sepse nuk mund të kthehem, dhe jam në një shtet tjetër duke tentuar të kuptojë se si funksionojnë gjërat”, ka thënë ajo.

 “Shkolla ishte ëndërr” në Afganistan

Kur talibanët e pushtuan Kabulin për herë të parë më 1996, Nilofar Ebrahemi ishte trevjeçare dhe vishte rroba të djemve.

“Prindërit më vishnin si djalë, ndoshta sepse dëshironin djem, ndoshta për shkaqe sigurie”, ka thënë ajo.

Nilofar e ka kuptuar se është vajzë vetëm nga një mësues feje që i ka thënë të vendoste shami kur i kishte mbushur tetë vjet.

“Unë nuk isha ajo. Unë kurrë nuk luaja me kukulla, me vajza. Nuk qaja kurrë, sepse babai më kishte thënë se duhet të isha e guximshme si djemtë”, tregon ajo.

Nën regjimin e talibanëve, askush nga familja e saj nuk mund të punonte. Ndonjëherë ata as nuk mund ta përballonin blerjen e çajit dhe pinim ujë të vluar. Nëna e saj, e cila ishte me burka është rrahur një herë me kamxhik dhe Nilofari është përjashtuar nga shkolla.

“Shkolla më ishte bërë ëndërr. Më kujtohet që e mendoja se a kishte vende tjera në botë ku vajzat shkonin në shkollë apo nëse të gjithë fëmijët ishin në gjendjen time”.

Ajo ka mësuar shkrim-lexim nga babai, i cili besonte se fëmijët duhej të ishin gati për kohëra më të mira.

Nilofar ka hyrë më në fund në shkollë pas vitit 2001, kur forcat amerikane kanë nisur luftën kundër talibanëve.

Hamid Karzai është shpall lider i përkohshëm i Afganistanit dhe më pas është bërë president. Por, prapëseprapë, situata ishte e rrezikshme.

“Kishte shpërthime në rrugë, në mëngjes gjaku përhapej rrugëve dhe njerëzit vazhdonin e kalonin. Ishte bërë diçka normale”, tregon ajo.

Nilofar ka diplomuar, ka fituar bursë për studime të nivelit master në Indi dhe është kthyer në fund të viteve 2020 për të ligjëruar në një universitet privat. Ajo ka shkruar edhe për disa media dhe ka punuar në projekte për klimën.

Krejt kjo ka zgjatur gjashtë muaj. Gjithçka ka ndryshuar në gusht të vitit 2021, kur Shtetet e Bashkuara dhe forcat aleate janë tërhequr pas gati 20 vjetëve prej Afganistanit dhe talibanët janë ngjitur në pushtet.

Kufizimet ndaj grave ua kanë zhdukur të gjitha të drejtat. Ajo as nuk ka mundur të punojë, as të studiojë apo të lëvizë lirshëm.

“Unë jam grua që ka studiuar, që ka planifikuar studimet e doktoratës, që e donte punën dhe të gjitha këto u shkatërruan”, ka thënë ajo.

Pasaportën e kishte me afat të skaduar dhe kur arriti ta merrte të renë, ishte vonë për të ikur. Në Kabul ajo e ka nisur një projekt rrobaqepësie për gratë derisa një burrë “që dukej si taliban” i ka shkuar me armë në kokë dhe i ka thënë “A po e sheh këtë?”.

Nilofar është tani në Teheran dhe kërkon një vizë për Evropë. Ambasadat i kërkojnë dëshmi që situata është e keqe për gratë ndonëse, sipas saj, “e gjithë bota e di se çfarë po ndodh në Afganistan”.

Nëse aplikimi i refuzohet, ajo duhet të kthehet në Afganistan. “Nuk e di se çfarë do të ndodhë me mua”, thotë ajo.

Ndonjëherë u merr lakmi grave të paedukuara. “Ato ishin në shtëpi vazhdimisht. Unë luftova që të studioja, punoja dhe e kalova gjithë kohën time për asgjë në fund”.

Ëndrra për t’u kthyer në shtëpi

Tashmë 30 vjet pas Dejtonit, Bosnja, që e ka formësuar fëmijërinë e Nerminit, me vështirësi ndryshon, mirëpo ai thotë se dikur do të dëshironte të kthehej, pavarësisht se ka grua në Gjermani dhe mundësi më të mira për specializim në profesion.

Edhe Hava ëndërron të kthehet në Çeçeni një ditë.

“Ëndërroj të kem një shtëpi të vogël në male dhe një shtëpi mysafirësh për turistë… pak pula, mace dhe ndoshta një dhi”, tregon ajo.

Ëndrra e Nilofarit për të studiuar në Afganistan është realizuar pjesërisht, derisa talibanët janë kthyer në pushtet. Tani ajo shpreson që të largohet nga shteti “ku gratë jetojnë sikurse në kafaz”.

Gati 30 vjet më parë, një raport i Kombeve të Bashkuara për fëmijët dhe konfliktin paralajmëronte se shumë prej tyre mund të rriten me “mungesa materiale dhe emocionale” dhe shoqëri të bëra copë – copë.

Këto fjalë janë ende të vlefshme sot në jetët e Nerminit, Havës dhe Nilofarit.

Sinjali – aty ku e vërteta flet para lajmit!

/GazetaSinjali/

The post Sarajevë, Grozni dhe Kabul – tri luftëra, tri fëmijëri të ndryshme appeared first on Sinjali.

Banka Qendrore e Republikës së Kosovës (BQK), ka publikuar statistikat e bankave komerciale për muajin nëntor 2025, ku njofton se asetet e bankave komerciale, në fund të muajit nëntor 2025 kanë arritur vlerën në 9.22 miliardë euro, duke shënuar rënie për 1.23% krahasuar me muajin paraprak.

‘’Kreditë bruto – në fund të muajit nëntor 2025 kanë arritur vlerën në 6.55 miliardë euro, duke shënuar rritje prej rreth 54.49 milionë euro ose 0.84% krahasuar me muajin paraprak, kurse vlera e kredive të reja – në muajin nëntor 2025 ishte 203.75 milionë euro’’, njofton BQK.

Sipas BQK-s, norma mesatare e interesit në kredi të reja, në muajin nëntor 2025 ishte 6.69%.

‘’Depozitat e klientëve – në nëntor 2025 kanë arritur vlerën prej 7.39 miliardë euro, duke shënuar rritje prej rreth 33.00 milionë euro, ose një rritje prej 0.45% krahasuar me muajin paraprak, kurse vlera e depozitave të reja – në muajin nëntor 2025 ishte 79.62 milionë euro’’, thuhet aty.

Norma mesatare e interesit në depozita të reja – në muajin nëntor 2025 ishte 3.08%, kurse margjina e normës së interesit – në kredi dhe depozita në muajin nëntor 2025 ishte 3.61%, ndërsa raporti kredi-depozita – në muajin nëntor 2025 ishte në nivelin 88.71%.

‘’Gjithsej kapitali i bankave komerciale – në fund të muajit nëntor 2025 arriti vlerën në 1.12 miliardë euro. Ndërsa, provizionet për kredi kanë shënuar rritje prej rreth 1.60% krahasuar me muajin paraprak duke arritur vlerën 153.69 milionë euro’’, njofton Banka Qendrore e Republikës së Kosovës.

Sinjali – aty ku e vërteta flet para lajmit!

/GazetaSinjali/

The post BQK: Asetet e bankave në Kosovë arritën në 9.22 miliardë euro appeared first on Sinjali.

Presidenti i Federatës Iraniane të Futbollit, Mehdi Taj, ka shprehur kundërshtimin e tij të hapur ndaj ndeshjes mes Iranit dhe Egjiptit në Kupën e Botës 2026, e cila është shpallur si “Pride Match”, në kuadër të aktiviteteve të “PrideFest”. Ndeshja, e planifikuar të luhet më 26 qershor në Seattle gjatë fazës së grupeve të Botërorit në Shtetet e Bashkuara, ka ngjallur reagime të forta nga dy kombet që do të përballen në fushë.

Sipas Tajt, zhvillimi i kësaj ndeshjeje nën ngjyrat e ylberit paraqet një “sulm ndaj vlerave islamike” dhe është një sfidë për besimet dhe traditat e këtyre shteteve. Ai ka theksuar se kjo ndeshje përkon me muajin e shenjtë të Ramazanit, një periudhë e shenjtë për myslimanët, që ndikon edhe më shumë në ndjeshmërinë ndaj këtij eventi.

Në Iran, homoseksualiteti konsiderohet si mëkat i dënueshëm, ndërsa në Egjipt është një vepër penale. Për këtë arsye, të dyja kombëtaret kanë kërkuar nga FIFA të heqë çdo lidhje me “Pride” ose të ndryshojë emrin e ndeshjes.

“Nuk duam që ndeshja jonë e tretë në Botëror të luhet nën ngjyrat e ylberit. Jemi të vendosur ta kundërshtojmë këtë iniciativë,” ka deklaruar Taj, duke shtuar se disa veprime bien ndesh me vlerat kulturore, fetare dhe shoqërore të vendeve arabe dhe islame.

Nga ana tjetër, autoritetet lokale të Seattle kanë konfirmuar se aktivitete të shumta të “PrideFest” do të zhvillohen në të gjithë qytetin, me qëllimin për të promovuar përfshirjen e komunitetit LGBTQ+. FIFA ka reaguar duke sqaruar se përgjegjësia e saj është e kufizuar vetëm në stadiume dhe zonat zyrtare të tifozëve dhe nuk mund të ndërhyjë në aktivitetet e organizuara nga komunitetet lokale jashtë këtyre hapësirave.

Ky debat ka nxitur një përplasje të fortë mes vlerave kulturore dhe përpjekjeve për të promovuar përfshirjen dhe diversitetin në nivel global.

Sinjali – aty ku e vërteta flet para lajmit!

/GazetaSinjali/

The post “Pride Match”, Irani kundër ndeshjes nën ngjyrat e ylberit në Botërorin 2026 appeared first on Sinjali.

Dashi
Merrni kohë për të stabilizuar veten në vend që të hidheni kuturu nga një projekt në tjetrin. Do të jeni shumë më produktivë në punë sot kur të ngadalësoni dhe të organizoheni. Ndihma do të vijë nga të gjitha këndvështrimet kur ta bëni këtë.

Demi
Dikush me të cilin punon po të pengon në një farë mënyre. Ndoshta ai ose ajo po të fsheh informacion me qëllim. Afrohu me këtë person me qetësi dhe ndershmëri për ta nxjerrë të vërtetën në shesh. Në fund të fundit, kjo do t’ju ndihmojë të dyve.

Binjakët
Mundohu të mos lejosh që një qëndrim negativ të të futet në punë. Mund të të bezdisë ritmi i ngadaltë me të cilin po ecin gjërat për ty, por mos u shqetëso. Gjërat e mira kërkojnë kohë. Arritja e qëllimeve të tua në karrierë është një proces i gjatë, jo një arritje brenda natës.

Gaforrja
Je në një pozicion fantastik për të bërë hapin tënd të radhës të madh në karrierë. Mbaje mend se në këtë kohë, marrëdhëniet e tua ndërpersonale me të tjerët janë një pjesë kyçe e suksesit tënd. Mos e harro këtë si një nga pikat e tua kryesore të forta.

Luani
Mos zgjidh asnjë rrugë të shkurtër sot, sepse çdo përpjekje do të ketë vetëm efekt të kundërt. Në vend që të kalosh një hap përpara konkurrencës, do të përfundosh duke mbetur një duzinë hapash prapa. Bëj gjërat sipas rregullave dhe do të bësh përparime të mëdha në punën tënde sot.

Virgjëresha
Dikush me të cilin punon është tepër kritik ndaj punës tënde sot, por mos e shiko këtë si diçka negative. Kupto që ky person po përpiqet vetëm të të ndihmojë. Komentet e tij ose të saj në fakt po nxisin suksesin tënd, prandaj sigurohu që ta pranosh këtë kritikë.

Peshorja
Je gati të ngjitesh në detyrë në punën tënde aktuale, por duket se njerëzit përreth teje po të pengojnë në një farë mënyre. Ndoshta je në një ekip me të tjerë që thjesht nuk punojnë njësoj si ti. Mos hezito të kërkosh një transferim.

Akrepi
Marrëdhëniet e mira me të tjerët janë një katalizator për suksesin tuaj në vendin e punës. Mos e nënvlerësoni dhënien e një komplimenti të sinqertë një kolegu pune. Ky person mund t’ju bëjë një nder më vonë që në fund të fundit do të çojë në suksesin tuaj.

Shigjetari
Qëndro i përqendruar në detyrat që ke në dorë, në vend që të humbasësh në ëndrra me sy hapur. Me shumë mundësi, nuk do ta kesh të vështirë të qëndrosh në rrugën e duhur sot – në fakt, ke potencialin të bësh mjaft gjëra. Je në gjendje të arrish më shumë sesa mendon.

Bricjapi
Projekti në të cilin po punoni aktualisht ka marrë një kthesë që nuk e kishit parashikuar. Përballuni sfidave dhe shikoni se kjo rrugë e re është në të vërtetë për të mirën. Mund t’ju duhet të mendoni me hapa të shpejtë sot, por ka shumë të ngjarë që kjo do të sjellë pikë të mëdha.

Ujori
Niveli juaj i produktivitetit do të rritet ndjeshëm sot – duke ju habitur edhe ju. Sekreti i suksesit tuaj është të mos shpërqendroheni nga email-et qesharake, rrjetet sociale ose mesazhet nga miqtë. Mos lejoni që bisedat e pafajshme të shndërrohen në shpërqendrime dy-orëshe nga puna juaj.

Peshqit
Shpërblimet do të vërshojnë sot në përgjigje të punës së palodhur që keni bërë. Përfitimet financiare janë afër, kështu që mos kini frikë të merrni përsipër atë që e dini se e keni fituar me të drejtë. Më shumë sesa mund të mendoni është duke ardhur drejt jush.

Sinjali – aty ku e vërteta flet para lajmit!

/GazetaSinjali/

The post Horoskopi sot: Si do të ndikojnë yjet në ditën tuaj? appeared first on Sinjali.

Pikat e kalimit kufitar të Kosovës po karakterizohen nga qarkullimi normal, pa ndodhur pritje të gjata për të hyrë apo dalë nga vendi.

Sipas të dhënave më të fundit, qytetarët që kalojnë nëpër kufi nuk janë përballur me kolona të gjata, ndërsa pritjet për hyrje dhe dalje të automjeteve janë mes 3 deri në 10 minuta.

Përveç automjeteve, edhe për kamionët ka pasur qarkullim pa probleme të dukshme.

Autoritetet kufitare i bëjnë thirrje qytetarëve të mbeten të informuar për situatën e kufirit, veçanërisht gjatë orëve të pikut dhe festave, për të shmangur çdo pasiguri në udhëtimet e tyre.

Sinjali – aty ku e vërteta flet para lajmit!

/GazetaSinjali/

The post Vetëm 3 deri në 10 minuta pritje, qarkullim normal në pikat kufitare të Kosovës appeared first on Sinjali.

Presidenti Donald Trump ka thënë se SHBA-të kanë ndërmarrë një “sulm të fuqishëm dhe vdekjeprurës” kundër grupit Shteti Islamik (IS) në veriperëndim të Nigerisë. Udhëheqësi amerikan e përshkroi IS-in si “fundërrinë terroriste”, duke e akuzuar grupin se “po synon dhe po i vret në mënyrë të egër, kryesisht, të krishterët e pafajshëm”.

Trump tha se ushtria amerikane “kreu disa sulme të përkryera”, ndërsa Komanda e Afrikës e SHBA-së (Africom) njoftoi më vonë se sulmi i së enjtes u realizua në bashkërendim me Nigerinë, në shtetin Sokoto, raporton BBC, transmeton Sinjali.

Ministri i Jashtëm nigerian, Yusuf Maitama Tuggar, i tha BBC-së se ishte një “operacion i përbashkët” që synonte “terroristët” dhe se “nuk ka të bëjë me ndonjë fe të veçantë”.

Tuggar nuk i përjashtoi sulmet e tjera, duke thënë se kjo varet nga “vendimet që do të merren nga udhëheqjet e dy vendeve”.

Në postimin e tij në Truth Social, vonë të enjten, Trump tha se “nën udhëheqjen time, vendi ynë nuk do të lejojë që terrorizmi radikal islamik të lulëzojë”.

Sinjali – aty ku e vërteta flet para lajmit!

/GazetaSinjali/

---

The post “Sulm i fuqishëm dhe vdekjeprurës” – SHBA sulmon IS-in në Nigeri appeared first on Sinjali.

Viti 2025 po regjistrohet si një vit historik për mjekësinë moderne. Konvergjenca e gjenomikës, inteligjencës artificiale, biologjisë molekulare dhe kërkimit klinik po transformon trajtimet, duke lëvizur drejt një modeli personalizimi dhe efektiviteti më të madh. Shkenca mjekësore po kalon nga menaxhimi i simptomave në korrigjimin e shkaqeve.

Përtej trendeve të përgjithshme, viti 2025 shquhet edhe për disa arritje shumë specifike, të cilat pritet të formësojnë të ardhmen e shkencës mjekësore:

1. Mjekësia Precize: Qasja e Personalizuar në Plan të Parë

Mjekësia precize mbështetet në gjenetikë, mjedis dhe stil jetese për të përshtatur trajtimin sipas profilit të secilit pacient.

Çfarë do të thotë kjo në praktikë?

trajtime më të synuara

më pak efekte anësore

shanse më të mira për përgjigje

Mjekësia precize po aplikohet tashmë në onkologji dhe në menaxhimin e sëmundjeve të rralla, duke ndryshuar rregullat e “lojës”.

2. Telemjekësia: Mjeku… një ekran larg

Pandemia e përshpejtoi trendin, por deri në vitin 2025, telemjekësia është bërë “normale”. Pacientët mund të:

kryejnë vizita video

të monitorohen nga mjeku i tyre nga distanca

marrin rezultate elektronike të testeve dhe receta ilaçesh

të monitorohen për sëmundje kronike, pa prani fizike në spital, duke zvogëluar rreziqet e infeksioneve dhe boshllëqet në akses.

Për pacientët që jetojnë në zona të largëta ose kanë probleme me lëvizshmërinë, telemjekësia nuk është thjesht një “lehtësi” – shpesh është e vetmja mënyrë realiste për të aksesuar kujdesin shëndetësor.

3. Inteligjenca artificiale në diagnostikim

Mjetet moderne të inteligjencës artificiale tani janë në gjendje të “lexojnë” testet e imazherisë (rrezet X, CT, MRI) me saktësi mbresëlënëse, duke identifikuar lezione që shpesh i shpëtojnë syrit të njeriut. Përveç kësaj, ato janë të afta të analizojnë sasi të mëdha të të dhënave klinike dhe laboratorike, duke mbështetur procesin diagnostikues. Në vitin 2025, Inteligjenca Artificiale është transformuar nga një “pajisje” e thjeshtë në një mjet të përditshëm me një rol të rëndësishëm në industrinë e kujdesit shëndetësor. Një shembull ilustrues është BoltzGen, një model i inteligjencës artificiale për projektimin e proteinave, i cili lejon krijimin e molekulave nga e para, të projektuara posaçërisht për të synuar viruset, receptorët ose objektivat onkologjikë. Ky sistem është pjesë e një game më të gjerë mjetesh që përshpejtojnë krijimin e barnave, antitrupave dhe vaksinave të reja.

4. Gjenomika: Kur informacioni gjenetik bëhet terapi

Terapitë gjenomike nuk janë më një premtim eksperimental, por një realitet klinik. Me përdorimin e teknologjive të redaktimit të gjeneve si CRISPR, informacioni gjenetik po transformohet gradualisht nga një mjet diagnostikues në një mjet terapeutik . Zbatimet shtrihen nga kanceri dhe sëmundjet autoimune te sëmundjet e rralla gjenetike dhe infeksionet virale, shpesh në kombinim me platforma të përparuara si CAR-T dhe PROTAC.

Qëllimi nuk është më të kontrollohen simptomat për gjithë jetën. Fokusi tani është në korrigjimin e përhershëm të dëmit biologjik. Në një studim të vogël, por të rëndësishëm, një dozë e vetme e CRISPR-Cas9 që synon gjenin ANGPTL3 çoi në ulje të përhershme dhe dramatike të kolesterolit LDL dhe triglicerideve tek pacientët me dislipidemi të rëndë. Nëse konfirmohet në studime më të mëdha, kjo hap rrugën për një “rifillim” të qasjes gjenetike ndaj sëmundjeve kardiovaskulare, duke zëvendësuar terapinë me ilaçe gjatë gjithë jetës.

5. Një analizë gjaku diagnostikon sëmundjen e Alzheimerit

Lumipulse G pTau217/β-Amiloid 1-42 është testi i parë i gjakut që ndihmon në diagnostikimin e sëmundjes së Alzheimerit, duke matur dy biomarkues kritikë në gjak. Është një alternativë ndaj testeve të tilla si PET i trurit dhe punksioni lumbar, duke ulur në mënyrë drastike invazivitetin. Së bashku me ilaçet më të reja anti-amiloide, ai formëson një epokë të re të diagnostikimit dhe monitorimit të hershëm.

6. Vaksinat terapeutike kundër melanomës

Vaksina terapeutike IO102–IO103, në kombinim me pembrolizumab, tregoi përfitime klinikisht të rëndësishme tek pacientët me melanomë metastatike në një studim të fazës 3. Duke synuar molekulat imune si IDO dhe PD-L1, ajo konfirmon se vaksinat kundër kancerit nuk i përkasin më të ardhmes, por të tashmes së onkologjisë.

7. Imunoterapia fituese e Çmimit Nobel

Çmimi Nobel në Mjekësi për vitin 2025 iu dha tre shkencëtarëve për kërkimin e tyre mbi imunoterapinë. Në veçanti, puna e tyre zbuloi se si një klasë e veçantë qelizash, të quajtura qeliza T rregullatore (Tregs), veprojnë si një “mekanizëm vetëkontrolli” i sistemit imunitar dhe parandalojnë qelizat imune nga sulmi ndaj trupit, një nga shkaqet kryesore të sëmundjeve autoimune. Hulumtimi hap drejtime të reja në imunoterapi dhe trajtimin e sëmundjeve të tilla si sëmundjet autoimune, kanceri dhe refuzimi i transplantit të organeve.

8. Përpunimi molekular: Më pak kimi, më shumë inovacion

E ashtuquajtura inxhinieri molekulare u lejon kimistëve të transformojnë molekulat komplekse më shpejt, me më pak hapa dhe një gjurmë më të vogël mjedisore. Kjo përkthehet në zhvillim më të shpejtë të barnave, procese prodhimi më të pastra dhe kosto më të ulëta në shkallë masive. “Kimia e gjelbër” takohet me mjekësinë dhe sjell me vete inovacion të qëndrueshëm.

9. Omniomika: Njeriu si sistem, qelizë pas qelize

Analizimi i një lloji të vetëm të dhënash biologjike nuk është më i mjaftueshëm. Shkenca po kalon në epokën e multi-omikës – integrimi i informacionit gjenetik, proteinik, metabolik dhe epigjenetik në të njëjtën qelizë. Kjo ofron një kuptim pothuajse “tredimensional” të biologjisë njerëzore, me zbatime të drejtpërdrejta në diagnostikimin e kancerit dhe hartimin e barnave të synuara, shkruan Protothema.

10. Pajisje që vishen: Nga numërimi i thjeshtë i hapave deri te monitorimi i vërtetë i shëndetit

Orët inteligjente dhe pajisjet gjurmuese të fitnesit kanë evoluar në “qendra monitorimi” të vogla dhe portative, duke monitoruar treguesit e shëndetit si tensioni i gjakut, rrahjet e zemrës, cilësia e gjumit dhe madje edhe nivelet e sheqerit në gjak. Kjo u jep përdoruesve akses në informacione të rëndësishme rreth gjendjes së tyre shëndetësore në çdo kohë, shpesh duke i njoftuar ata për problemet para se të shfaqen simptomat.

Sinjali – aty ku e vërteta flet para lajmit!

/GazetaSinjali/

The post 10 arritjet më të rëndësishme dhe premtuese shkencore të vitit 2025 appeared first on Sinjali.

Vetëm dy ditë na ndajnë nga data në të cilën qytetari i Kosovës edhe njëherë do t’u drejtohet kutive të votimit për të thënë fjalën e tij.

Duke qenë se koha e mbetur është shumë e shkurtër, po jepen edhe detajet e fundit mbi gjithçka që ka të bëjë me procesin e votimit, për ta lehtësuar më shumë punën për qytetarët.

Komisioni Qendror i Zgjedhjeve (KQZ) ka njoftuar se në zgjedhjet e parakohshme për Kuvendin e Republikës së Kosovës, që do të mbahen më 28 dhjetor 2025, qytetarët do të kenë mundësi të votojnë me kusht në cilëndo komunë të vendit.

Sipas KQZ-së, në secilën komunë do të funksionojë vetëm një Qendër e Votimit me Kusht

KËTO JANË QENDRAT E VOTIMIT ME KUSHT:

Sinjali – aty ku e vërteta flet para lajmit!

/GazetaSinjali/

The post Këto janë qendrat të cilave mund t’u drejtoheni për votim me kusht në zgjedhjet e parakohshme parlamentare appeared first on Sinjali.

Ditën e sotme mbi vendin tonë parashikohet të mbajë mot me vranësira dhe ndonjë interval të shkurtër me diell.

Era do të fryjë kryesisht nga drejtimi i veriut, me shpejtësi prej 10-25 km/h, transmeton Sinjali.

Temperaturat minimale do të lëvizin prej -2 deri në 1°C, ndërsa ato maksimale prej 1 deri në 6°C.

Sinjali – aty ku e vërteta flet para lajmit!

/GazetaSinjali/

The post Sot mot me vranësira e intervale të shkurtëra me diell appeared first on Sinjali.

Një gjykatë në Rusi dënoi të enjten një aktivist pro-luftës dhe kritik të presidentit Vladimir Putin për justifikimin e terrorizmit dhe e dënoi me gjashtë vjet burg.

Sergei Udaltsov, udhëheqësi i lëvizjes Fronti i Majtë që kundërshton Putinin dhe është i lidhur me Partinë Komuniste, u arrestua vitin e kaluar.

Sipas faqes së pavarur të lajmeve ruse Mediazona, akuzat kundër tij rrjedhin nga një artikull që Udaltsov postoi në internet në mbështetje të një grupi tjetër aktivistësh rusë të akuzuar për formimin e një organizate terroriste. Këta aktivistë u dënuan më parë këtë muaj dhe iu dhanë dënime që varionin nga 16 deri në 22 vjet burg, raporton Associated Press.

Udaltsov i ka hedhur poshtë akuzat kundër tij si të sajuara. Të enjten, ai e denoncoi vendimin si “të turpshëm” dhe tha se po hynte në grevë urie, raportoi Mediazona.

Sipas vendimit të gjykatës, aktivisti do të vuajë dënimin e tij në një koloni penale të sigurisë maksimale.

Sinjali – aty ku e vërteta flet para lajmit!

/GazetaSinjali/

---

The post 6 vite heqje lirie për aktivistin pro-luftës dhe kritikun e Putinit appeared first on Sinjali.

Pozitat ndërkombëtare të Presidentit serb, Aleksandër Vuçiq, janë dobësuar, e po ashtu ekulibra delikatë që me aq shumë kujdes kishte ndërtuar sipas doktrinës së 4 shtyllave: SHBA, Brukselit, Rusisë dhe Kinës.

I përballur me më ftohje të marrdhënieve e presione pothuajse nga të gjithë partnerët kycë në politikën e jashtem, Vuçiq u shfaq i zhgënjyer dhe kritik ndaj aleatëve të deritanishëm, gjatë një fjalim për ambasadorët.

Ai e tha hapur se kishte pritur hapa më të mëdhenj nga administrata e Presidentit Donald Trump, por se është përballur me tarifa e sanksione prej saj. Vuçiç nuk fsheh frustrimin edhe me aleatin tjetër në lindje Rusinë, që nuk ka treguar gatishmëri për t’i shitur aksionet e saj shumicë në kompaninë e naftës dhe gazit NIS, në mënyrë që ta bëjë të mundur heqjen e sanksioneve dhe ta ndihmojë Serbinë ta shmangë një krizë gazi.

“Kur flasim edhe për tarifat, kur flasim për sanksionet ndaj NIS-it, asgjë nga këto nuk ka qenë në dobi të interesave të Serbisë. Njëkohësisht, kur u përballëm me çaste të vështira, nuk e morëm atë mbështetje as nga fuqitë e tjera të mëdha, as nga Lindja, as nga BE-ja”, shkruan A2CNN.

Duke folur për problemet e ndryshme me të cilat përballet Serbia, Vuçiç tha se cilado nga fuqitë e mëdha mund të kishte thënë në “momentet e vështira për Serbinë” se ishte pranë saj, por se secila kishte arsyet e veta shtesë për trysni, duke pritur edhe më shumë nga Beogradi, e duke mos dhënë asgjë”. 

Në fjalimin para ambasadorëve, Vuçiq akuzoi vendet e rajonit se veprojnë kundër Serbisë, duke vënë në pikëpyetje të drejtën e tyre për të bashkëpunuar ushtarakisht.

Sipas të dhënave të Institutit Ndërkombëtar për Kërkime mbi Paqen në Stokholm, Serbia në vitin 2024 ka investuar më shumë se çdo shtet tjetër në Ballkan për qëllime.

Sinjali – aty ku e vërteta flet para lajmit!

/GazetaSinjali/

The post Vuçiq i zhgënjyer me Trump dhe Putin: SHBA dhe Turqia po armatosin Kosovën kundër Serbisë appeared first on Sinjali.

Slagjan Nikolçeviq dhe Gordana Mihailoviq janë tërhequr nga gara tri ditë para mbajtjes së zgjedhjeve. Vendimin për t’u larguar nga lista, ata e kanë arsyetuar me veprimet e kryetarit të partisë, Nenad Rashiq, të cilat, sipas tyre, po e dobësojnë pozicionin e popullit serb në Kosovë. Nga partia e Rashiqit kanë thënë se ishin të përgatitur për këso lëvizjesh.

Dy kandidatë për deputetë nga Partia për Liri, Drejtësi dhe Mbijetesë, Slagjan Nikolçeviq dhe Gordana Mihailoviq, janë tërhequr nga gara tri ditë para mbajtjes së zgjedhjeve të parakohshme të 28 dhjetorit.

Vendimin e tyre për t’u larguar nga gara zgjedhore, ata e kanë arsyetuar me veprimet e Nenad Rashiqit, kryetar i partisë, të cilat, sipas tyre, dobësojnë pozicionin e popullit serb në Kosovë.

Nikolçeviq, në një postim në Facebook, një ditë më parë, ka thënë se nuk do të jetë pjesë “e diçkaje që e vë popullin serb në rrezik”, përcjellë Koha.

“Si një nga bashkëpunëtorët më të ngushtë të Nenad Rashiqit jam thellësisht i pakënaqur me punën dhe pasivitetin e tij kur bëhet fjalë për vëllezërit tanë të burgosur padrejtësisht, të cilët ai nuk i ndihmoi në asnjë mënyrë, dhe si ministër në Qeverinë e Kosovës, ai duhej dhe mund ta kishte bërë këtë”, ka shkruar ai.

Po ashtu e ka ngritur në piedestal presidentin e Serbisë, Aleksandër Vuçiq.

“Politika e ndjekur nga Serbia jonë dhe presidenti i saj Vuçiq mbetet për ne shpresa dhe mburoja e vetme që duhet ta mbajmë së bashku dhe më të bashkuar se kurrë më parë për të ruajtur popullin tonë dhe të ardhmen tonë në Kosovë”, ka thënë ai.

Presidenti i Serbisë, Aleksandër Vuçiq, ditë më parë, ka bërë thirrje që serbët e Kosovës ta votojnë Listën Serbe, subjekti kundërshtar i Partisë për Liri, Drejtësi dhe Mbijetesë të Nenad Rashiqit. E të enjten, gjatë përurimit të një ure në Beograd, Vuçiq ka folur për rëndësinë e sigurimit të ulëseve nga Lista Serbe në Kuvendin e Kosovës.

Serbët në Kuvend kanë të rezervuar 10 vende, derisa nga zgjedhjet e 9 shkurtit për herë të parë njërën nga to e siguroi kryetari i Partisë për Liri, Drejtësi dhe Mbijetesë, Nenad Rashiq.

“Është shumë e rëndësishme për ne të luftojmë që përfaqësuesit serbë të marrin vendin e tyre dhe të përfaqësohen në mënyrë që ata të përfaqësojnë interesat e popullit tonë, jo Albin Kurtin”, ka thënë Vuçiq.

Edhe kandidatja tjetër nga partia e Rashiqit, Gordana Mihailoviq, për mediat serbe ka arsyetuar vendimin për largim, duke thënë se politika e Vuçiqit është ajo që garanton mbijetesën e serbëve në Kosovë.

“Ju informoj se kam marrë vendimin të largohem nga Partia Për Liri, Drejtësi dhe Mbijetesë, e udhëhequr nga Nenad Rashiq, dhe të mos marr pjesë në këto zgjedhje në asnjë mënyrë, sepse me kalimin e kohës e kuptova që politika e tij është kundër interesave të popullit serb në Kosovë”, ka deklaruar ajo për “KosovaOnline”.

Sinjali – aty ku e vërteta flet para lajmit!

/GazetaSinjali/

The post Rashiqit ia kthejnë shpinën dy kandidatë për deputetë, rreshtohen me Listën Serbe appeared first on Sinjali.

Sadettin Saran, president i ekipit turk Fenerbahçe, është arrestuar nga policia me akuzën e shitjes dhe përdorimit të drogës.

Ai ka qenë nën hetim prej kohësh, por më parë kishte mohuar çdo lidhje me substanca të ndaluara dhe shitjen e tyre.

Policia ka zhvilluar kontrolle të detajuara në banesën e tij, pas të cilave ai është marrë në pyetje në komisariatin e Stambollit. Hetimet përfshijnë një numër të madh personash të lidhur me trafikun e drogës, dhe në mesin e të arrestuarve janë edhe gazetarët.

Arrestimi i Saran vjen disa ditë pas atyre të futbollistëve, arbitrave dhe drejtuesve të ekipeve të përfshirë në baste të paligjshme.

Sadettin Saran është një biznesmen i njohur në Stamboll dhe jashtë saj.

Sinjali – aty ku e vërteta flet para lajmit!

/GazetaSinjali/

The post Presidenti i Fenerbahçes në pranga për përdorim dhe shitje droge appeared first on Sinjali.

Deputeti Shaip Kamberi, pjesë e grupit parlamentar të SDA-së dhe Lëvizjes së Qytetarëve të Lirë (PSG), ka dorëzuar një propozim në Kuvendin Popullor të Serbisë për shfuqizimin e ligjit që ratifikon marrëveshjen ndërmjet Serbisë dhe Rusisë për themelimin e Qendrës Humanitare Serbo-Ruse në Nish.

Pas 13 vitesh funksionim, Kamberi thekson se nuk ka prova që qendra ka kontribuar në interes të qytetarëve të Serbisë apo ka luajtur rol të rëndësishëm në përballimin e fatkeqësive natyrore. Përkundrazi, ai akuzon qendrën për mungesë transparence dhe dyshime të forta për lidhje me aktivitete politike dhe të sigurisë, jo vetëm brenda Serbisë, por edhe në rajon.

Një tjetër shqetësim, sipas Kamberit, është tentativa për t’i dhënë qendrës dhe stafit të saj status diplomatik dhe imunitet, çka është në kundërshtim me standardet ndërkombëtare të misioneve humanitare.

Gjithashtu, hulumtimet e gazetarëve investigativë kanë zbuluar se individë të lidhur me shërbimet ruse të inteligjencës dhe grupe paramilitare janë përfshirë në aktivitete që kanë nxitë trazira gjatë zgjedhjeve në Moldavi dhe Rumani.

Propozimi për shfuqizimin e ligjit ka për qëllim heqjen e dyshimeve dhe avancimin e rrugës evropiane të Serbisë, pas kritikave që ka marrë qendra nga Komisioni Evropian dhe institucione të tjera të BE-së.

Sinjali – aty ku e vërteta flet para lajmit!

/GazetaSinjali/

The post Kamberi dorëzon propozim për shuarjen e Qendrës Humanitare serbo-ruse në Nish appeared first on Sinjali.

Rrezarta Krasniqi, kandidate për deputete në Kuvendin e Kosovës nga Lidhja Demokratike e Kosovës në zgjedhjet e parakohshme parlamentare, e ka cilësuar Lipjanin si bastion të pathyeshëm të LDK-së.

Sipas Krasniqit, qytetarët e këtij qyteti janë me shpresën që po vjen.

“Faleminderit Lipjani i kampionëve!

Bastioni i pathyeshëm i Lidhjes Demokratike të Kosovës sonte e vulosi fitoren e madhe.

Qytetarët tanë janë me numrin 123 dhe me shpresën që po vjen.

Të dielën votojmë dhe fitojmë!”, shkroi ajo në një postim të bërë së fundmi në Facebook.

Sinjali – aty ku e vërteta flet para lajmit!

/GazetaSinjali/

The post Rrezarta Krasniqi: Lipjani është me shpresën që po vjen appeared first on Sinjali.

Edhe në vitin 2025 ka vazhduar ikja e profesionistëve shëndetësor. 90 mjekë e 1932 infermierë e kanë lëshuar Kosovën. Kjo sipas Federatës së Sindikatave të Shëndetësisë është shqetësuese pas vendit po iu largohen kuadrot për të cilat janë shpenzuar mijëra euro.

Mungesa e kushteve të punës e pakënaqësitë më paga kanë bërë që shumë profesionistë shëndetësor të largohen në Kosova.

Avazi i largimeve ka vazhduar edhe gjatë vitit 2025, shkruan tëvë1.

Ani pse krahasuar me vitet paraprake numri mjekëve e profesionistëve tjerë shëndetësor të cilët janë larguar ka rënë, kjo dukuri vazhdon të jetë shqetësuese për Odën e Mjekëve.

“Statistika nuk janë të sakta asnjëherë për arsyen se koha e liberalizimit të vizave ka lehtësuar kushtet dhe rrethanat që lëvizja e lirë të ndodhë. Megjithatë, në krahasim me vitet e tjera është rendi në rënie, por nuk është ndonjë diferencë e madhe, është duku rreth 20 më pak. Këtë vit kanë kërkuar certifikatë të sjelljes së mirë në Odën e Mjekëve rreth 90 mjekë”, thotë për Tëvë1, Naser Gjonbalaj nga Oda e Mjekëve.

Sipas nënkryetarit të kësaj Ode, pjesa dërmues e atyre që janë larguar janë mjekë të përgjithshëm.

E jo vetëm mjekët, Kosovën e kanë braktisur edhe infermierët.

“Këtë vit infermierë gjithsejtë kanë kërkuar 192, licenca të plastifikuara, dokument i cili ju nevojitet, për ta dërguar në vendin ku ata ushtrojnë profesionin shëndetësor. Me vitin 2024, është një rënie mirëpo trendi po vazhdon”, shprehet Nexhmije Gori – Kryetare e Odës së Infermierëve .

Madje sipas kryetares së Federatës së Sindikatave të Shëndetësisë në Kosovë, Tëvdie Imeri, largimi i profesionistëve shëndetësor është shqetësues.

Prandaj kryetarja e kësaj Federate, kërkon që të ndërmerren masa.

“Është hala me shqetësuese se pse një kuadër të përgatitur kaq shumë të shkojë i përgatitur në një vend tjetër ndërsa ju e dini shumë mirë se sa i duhet investim për me nxjerr një doktor të përgjithshme e pastaj të mos flasim për specializant. E gjithë kjo kosto që i kushton familje dhe në fund të fundit po ja dërgojmë një produkt të gatshëm .Ish dashtë të bëhet një strategji për ndaljen e ikjeve të punëtorëve shëndetësor, pasi Kosova mund të mbetet shumë keq pas pak kohe”, thotë ajo.

Sipas Odës së Mjekëve të Kosovë, Gjermania vazhdon të jetë destinacioni i profesionistëve shëndetësor.

Sinjali – aty ku e vërteta flet para lajmit!

/GazetaSinjali/

The post Shifrat alarmante: Mbi 90 mjekë dhe 192 infermierë lëshuan Kosovën vetëm në 2025 appeared first on Sinjali.