Shtetet e Bashkuara kanë paralajmëruar qytetarët e tyre që ndodhen në Iran të largohen menjëherë nga vendi, për shkak të përshkallëzimit të protestave dhe pasigurisë së shtuar.

Në një njoftim të publikuar nga Virtual Embassy Tehran, e drejtuar nga Departamenti i Shtetit, thuhet: “Leave Iran now” (“Largohuni nga Irani tani”), duke i këshilluar amerikanët të planifikojnë largimin pa pritur ndihmë nga qeveria amerikane.

Alarmi i sigurisë paralajmëron për protesta të përshkallëzuara, dhunë të mundshme, arrestime, ndërprerje të internetit dhe masa të shtuara sigurie.

 Autoritetet amerikane theksojnë se çdo lidhje e dukshme me SHBA mund të çojë në ndalime, pasi Irani nuk e njeh shtetësinë e dyfishtë dhe trajton qytetarët me shtetësi të dyfishtë SHBA-Iran vetëm si iranianë.

Qytetarët amerikanë janë këshilluar të largohen përmes rrugëve tokësore, përfshirë kufijtë me Armeninë ose Turqinë, nëse kjo është e sigurt. Ata që nuk mund të largohen janë udhëzuar të qëndrojnë në vende të sigurta, të shmangin demonstratat, të mbajnë profil të ulët dhe të sigurojnë rezerva ushqimore, ujë dhe medikamente.

Sinjali – aty ku e vërteta flet para lajmit!

/GazetaSinjali/

The post “Largohuni tani” – SHBA-ja u bën thirrje qytetarëve të saj të largohen menjëherë nga Irani appeared first on Sinjali.

Ambasada e Shteteve të Bashkuara në Prishtinë bëri të ditur se është e gatshme të forcojë partneritetin me Qeverinë e ardhshme të Kosovës dhe të rifillojë Dialogun Strategjik mes dy vendeve.

Megjithatë, në një përgjigje për Radion Evropa e Lirë, Ambasada theksoi se realizimi i këtij synimi do të kërkojë veprime nga Qeveria e Kosovës, të cilat “çojnë përpara agjendën e përbashkët për paqe dhe stabilitet rajonal”, si dhe “prosperitetin e ndërsjellë ekonomik”.

Këto qëndrime u shprehën në përgjigje të pyetjes se si Shtetet e Bashkuara planifikojnë bashkëpunimin me Qeverinë e ardhshme të Kosovës, që pritet të formohet pas zgjedhjeve të parakohshme parlamentare të 28 dhjetorit.

Në këto zgjedhje, Lëvizja Vetëvendosje e kryeministrit në detyrë, Albin Kurti, fitoi mbi 51 për qind të votave.

Partia deklaroi se synon formimin e shpejtë të institucioneve të reja.

Numërimi i votave përfundoi më 9 janar, por procesi zgjedhor ende nuk është mbyllur zyrtarisht, për shkak të afateve ligjore për ankesa dhe certifikimin e rezultateve.

Kurti dhe Lëvizja Vetëvendosje kanë udhëhequr Qeverinë e Kosovës edhe gjatë periudhës 2021-2025.

Viti i kaluar ka shkuar kryesisht me Qeveri në detyrë, pasi Kurti – ndonëse i ka fituar zgjedhjet e 9 shkurtit 2025 – nuk ka arritur të formojë Qeverinë e re, çfarë ka çuar në shpërndarjen e Kuvendit dhe zgjedhje të parakohshme.

Gjatë mandatit të mëparshëm, Qeveria e tij është përballur shpesh me kritika nga partnerët ndërkombëtarë, veçanërisht për shkak të veprimeve që janë cilësuar si të pakoordinuara dhe të njëanshme.

Nga mbyllja e shumicës së institucioneve serbe në Kosovë deri te heqja e dinarit serb nga përdorimi, këto veprime janë parë si të dëmshme për komunitetin serb dhe si faktor që ka rritur tensionet në veri të vendit.

Kritikat kanë shkuar deri në atë pikë sa është folur edhe për lëkundje të marrëdhënieve ndërmjet Kosovës dhe Shteteve të Bashkuara.

Megjithatë, Kurti ka insistuar vazhdimisht se SHBA-ja mbetet partneri kryesor i Kosovës, ndonëse ka pranuar se ekzistojnë dallime në qasje për disa çështje.

Vitin e kaluar, Shtetet e Bashkuara kanë marrë një nga masat më të ashpra ndaj Kosovës, duke pezulluar Dialogun Strategjik mes dy vendeve – një mekanizëm i krijuar për thellimin e marrëdhënieve dypalëshe.

Uashingtoni e ka lidhur këtë vendim me veprimet e Qeverisë në detyrë të Kosovës, derisa vendi është përballur me bllokadë institucionale, dhe me rritjen e tensioneve në vend, por Qeveria e Kosovës i ka hedhur poshtë kritikat.

Sinjali – aty ku e vërteta flet para lajmit!

/GazetaSinjali/

The post SHBA-ja pret veprime nga Qeveria e re e Kosovës për forcimin e bashkëpunimit appeared first on Sinjali.

Policia e Kosovës ka njoftuar se rruga nacionale Prishtinë–Ferizaj është hapur për qarkullim normal të komunikacionit.

Segmenti i rrugës, nga rrethrrotullimi i Marigonës deri te Prishtina Mall, ishte bllokuar gjatë fundjavës për shkak të reshjeve të shiut.

“Njoftojmë qytetarët dhe të gjithë pjesëmarrësit në komunikacion se rruga nacionale Prishtinë–Ferizaj dhe anasjelltas, përfshirë aksin rrugor në afërsi të Prishtina Mall, është hapur për qarkullim normal të komunikacionit rrugor. Pas përfundimit të punimeve dhe largimit të pengesave të përkohshme, lëvizja e automjeteve zhvillohet pa kufizime dhe në kushte të rregullta trafiku,” thuhet në njoftimin e Policisë.

Institucionet përgjegjëse mbeten të angazhuara për monitorimin e vazhdueshëm të situatës në terren, me qëllim garantimin e sigurisë dhe rrjedhshmërisë së komunikacionit.

Policia fton të gjithë vozitësit që të respektojnë sinjalizimin rrugor dhe rregullat e trafikut, si dhe të tregojnë kujdes të shtuar gjatë qarkullimit.

Sinjali – aty ku e vërteta flet para lajmit!

/GazetaSinjali/

The post Hapet për qarkullim rruga nacionale Prishtinë -Ferizaj, Policia: Lëvizja zhvillohet pa kufizime dhe në kushte të rregullta trafiku appeared first on Sinjali.

Tash e sa ditë, banorët e lagjes përballë Ambasadës së SHBA-së në Arberi po përballen me mungesë të furnizimit me ujë të pijshëm.

Sipas sinjalizuesit, ndërprerja po e vështirëson jetën e përditshme të familjeve.

Gazeta Sinjali ka kontaktuar me KRU “Prishtina” për të marrë sqarime mbi arsyen e mungesës dhe kohën e rikthimit të furnizimit, dhe aktualisht është në pritje të përgjigjes.

Sinjali – aty ku e vërteta flet para lajmit!

/GazetaSinjali/

The post Banorët e lagjes “Arberia” ankohen për mungesë të ujit appeared first on Sinjali.

Kryeministri i Groenlandës, Jens-Frederik Nielsen, deklaroi prerazi se territori autonom nuk dëshiron të bëhet pjesë e Shteteve të Bashkuara dhe se, nëse do të kishte një zgjedhje, Groenlanda do të zgjidhte Danimarkën.

Deklaratat u bënë gjatë një konference të përbashkët për shtyp me kryeministren daneze, Mette Frederiksen, në një kohë kur tensionet mbi statusin dhe sigurinë e Arktikut janë të shtuara.

“Një gjë duhet të jetë e qartë për të gjithë: Groenlanda nuk dëshiron të zotërohet nga SHBA-të, Groenlanda nuk dëshiron të qeveriset nga SHBA-të, Groenlanda nuk dëshiron të jetë pjesë e SHBA-ve”, tha Nielsen.

“Ne zgjedhim Groenlandën që njohim sot, e cila është pjesë e Mbretërisë së Danimarkës”, shtoi ai.

Nielsen theksoi disa herë se Groenlanda “nuk mund të blihet” dhe se e ardhmja e saj duhet të vendoset ekskluzivisht nga groenlandezët. Ai bëri të ditur se ky do të jetë edhe mesazhi që delegacioni do t’i përcjellë autoriteteve amerikane në takimet e ardhshme.

Nga ana e saj, kryeministrja daneze Mette Frederiksen deklaroi se Danimarka po përballet me “presion të papranueshëm” nga aleati i saj më i afërt, duke paralajmëruar se “pjesa më e vështirë mund të jetë ende përpara”.

Ajo nënvizoi se çështja nuk ka të bëjë vetëm me Groenlandën, por me parime themelore ndërkombëtare, si mosndryshimi i kufijve me forcë dhe pamundësia për të “blerë një popull tjetër”.

Frederiksen theksoi gjithashtu se NATO duhet të mbrojë Groenlandën njësoj si çdo territor tjetër të Aleancës dhe se Danimarka do të bëjë gjithçka për të garantuar sigurinë në Arktik, në bashkëpunim me aleatët.

Ajo pranoi se situata po krijon pasiguri të panevojshme te popullsia e Groenlandës, duke e quajtur këtë “të papranueshme,” pasi, sipas saj, Groenlanda nuk ka kërkuar konflikt me askënd.

Kryeministrja daneze mbrojti gjithashtu vendimin e saj për të mos marrë pjesë personalisht në bisedime, duke sqaruar se niveli i takimeve ishte rënë dakord më herët me SHBA-të, pavarësisht vendimit të zyrtarëve amerikanë për të ndryshuar përbërjen e delegacionit.

Konferenca për shtyp u mbyll me një mesazh të përbashkët nga Frederiksen dhe Nielsen: Groenlanda nuk është në shitje, qëndron përkrah Mbretërisë së Danimarkës dhe çdo diskutim për të ardhmen e saj duhet të respektojë vullnetin e popullit groenlandez.

Sinjali – aty ku e vërteta flet para lajmit!

/GazetaSinjali/

The post Kryeministri i Groenlandës: Zgjedhim Danimarkën, jo SHBA-të appeared first on Sinjali.

NP “Termokos” SH.A. ka njoftuar se furnizimi me energji termike po realizohet me kapacitet të kufizuar për shkak të rënies nga funksioni të Bllokut 1 të Termocentralit Kosova B.

Si pasojë, disa objekte banesore në lagjet “Mati 1” dhe “Bregu i Diellit” po përjetojnë ulje të cilësisë së ngrohjes.

Sipas paralajmërimeve të KEK-ut, Blloku 1 pritet të rikthehet në funksion gjatë ditës së nesërme, gjë që do të mundësojë rikthimin e furnizimit me kapacitet maksimal dhe përmirësimin e plotë të ngrohjes për konsumatorët.

“Deri në stabilizimin e plotë të furnizimit, kërkojmë mirëkuptimin e të gjithë konsumatorëve tanë”, bëhet e ditur nga NP “Termokos”.

Sinjali – aty ku e vërteta flet para lajmit!

/GazetaSinjali/

The post Furnizim i kufizuar me ngrohje në disa lagje të Prishtinës – kjo është arsyeja appeared first on Sinjali.

Një arratisje e pazakontë ka ndodhur mesditën e së martës në Spitalin e Durrësit, ku i burgosuri Altin Ndoci, 39 vjeç, ka arritur t’u shpëtojë efektivëve të Policisë së Burgjeve gjatë qëndrimit në pavionin infektiv për kontrolle mjekësore, raportojnë mediat në Shqipëri.

Sipas të dhënave fillestare, Ndoci ka goditur me grusht një nga efektivët dhe është përplasur me të tjerët, duke shfrytëzuar afërsinë e repartit me parkimin e spitalit. Ai ka zbritur nga kati i tretë dhe është larguar me vrap drejt një makine Audi të bardhë që e priste jashtë. Një prej efektivëve ka qëlluar me armë në ajër për ta ndalur, por pa sukses.

Policia dhe Drejtoria e Burgjeve kanë konfirmuar arratisjen, duke bërë të ditur se kërkimet për kapjen e tij vijojnë.

Ndoci ndodhej në paraburgimin e Durrësit dhe është emër i njohur për organet e drejtësisë, pasi hetohet nga SPAK-u për përfshirje në katër vrasje dhe për pjesëmarrje në grup të strukturuar kriminal.

Ky rast është duke u trajtuar si një ngjarje me rrezikshmëri të lartë, ndërsa autoritetet kanë njoftuar se do të ndërmarrin të gjitha masat për kapjen e tij sa më shpejt.

Sinjali – aty ku e vërteta flet para lajmit!

/GazetaSinjali/

The post Arratisje “spektakolare” në Durrës, Altin Ndoci ikën nga spitali gjatë kontrolleve mjekësore appeared first on Sinjali.

Mesfushori shqiptar nga Kosova, Besfort Zeneli, ka bërë hapin më të madh në karrierën e tij duke nënshkruar kontratë afatgjatë me kampionin e Belgjikës, Union Saint-Gilloise.

Zeneli, 23 vjeç, i bashkohet Unionit me efekt të menjëhershëm nga klubi suedez Elfsborg dhe ka firmosur kontratë që zgjasin deri në qershor të vitit 2030.

I rritur dhe formuar në akademinë e Elfsborgut, Zeneli u dallua që në moshë të re si një lider natyral. Në vitin 2021, ai pati një sezon të jashtëzakonshëm me ekipin U19, ku si kapiten shënoi 19 gola në vetëm 16 ndeshje.

Debutimin në Allsvenskan e bëri në shtator të vitit 2022, ndërsa në vitin 2024 u shndërrua në një nga shtyllat kryesore të ekipit të parë të Elfsborgut.

Sezonin e fundit, Zeneli mbante rregullisht shiritin e kapitenit te Elfsborg, klub me të cilin regjistroi gjithsej 93 paraqitje, duke realizuar 5 gola dhe dhënë 15 asistime. Elfsborg e mbylli sezonin në vendin e tetë në kampionatin suedez.

Besfort Zeneli është vëllai i Arbër Zenelit, ish-yllit të Kombëtares së Kosovës, i cili ka shkëlqyer dikur me fanellën e “Dardanëve”. Ndryshe nga Arbëri, Besforti ka zgjedhur të përfaqësojë Suedinë në nivelin A, pas paraqitjeve me Kosovën U21. Ai ka regjistruar deri më tani 5 paraqitje me kombëtaren suedeze, debutimin e së cilës e bëri më 22 mars 2025 ndaj Luksemburgut.

“Pas bisedës së parë me drejtuesit e Unionit, i thashë menjëherë agjentit tim se doja të vija këtu. Është një klub familjar, por në nivelin më të lartë”, ka deklaruar Zeneli për faqen zyrtare të klubit belg.

Te Union Saint-Gilloise, mesfushori kosovar do të mbajë fanellën me numrin 23.

Sinjali – aty ku e vërteta flet para lajmit!

/GazetaSinjali/

The post Besfort Zeneli firmos me kampionin e Belgjikës, Union Saint-Gilloise appeared first on Sinjali.

Spitali i Pejës ka dhënë detaje lidhur me gjendjen shëndetësore të edukatores, e cila u godit me një mjet të fortë nga një nxënës në një kopsht në Pejë.

Sipas njoftimit të Spitalit të Pejës, pas ekzaminimit mjekësor dhe ofrimit të shërbimeve të nevojshme shëndetësore, gjendja e pacientes është vlerësuar si stabile.

“Pas ekzaminimit mjekësor dhe ofrimit të shërbimeve të nevojshme shëndetësore, gjendja e pacientes është vlerësuar stabile dhe e njëjta është liruar për trajtim të mëtutjeshëm sipas rekomandimeve mjekësore”, thuhet në njoftimin e Spitalit të Pejës.

Lajmin e ka konfirmuar edhe Policia e Pejës, e cila ka bërë të ditur se rasti ka ndodhur sot.

“Sot në orën 10:40, Policia është njoftuar se në një kopsht, një nxënës me një shufër metalike e ka goditur edukatoren me mjet të fortë, duke i shkaktuar lëndime”.

Zëdhënësi i Policisë për rajonin e Pejës, Fadil Gashi, ka deklaruar se edukatorja është dërguar për trajtim mjekësor dhe se organet kompetente kanë dalë në vendin e ngjarjes.

“E njëjta është dërguar në emergjencën në Pejë. Në vendin e ngjarjes kanë dalë Policia dhe Prokurori”, ka thënë Gashi.

Lëndohet edukatorja e një kopshti në Pejë, një fëmijë e goditi me një shufër metalike

Sinjali – aty ku e vërteta flet para lajmit!

/GazetaSinjali/

The post Spitali i Pejës jep detaje për gjendjen shëndetësore të edukatores që u godit me shufër metalike nga nxënësi appeared first on Sinjali.

Presidenti amerikan, Donald Trump, ka inkurajuar iranianët që të vazhdojnë protestat, duke i siguruar se ndihma nga Shtetet e Bashkuara të Amerikës është rrugës.

“Patriotë iranianë, vazhdoni të protestoni, merrni përsipër institucionet tuaja. Ruani emrat e vrasëseve dhe abuzuesve. Ata do të paguajnë një çmim të lartë”, ka shkruar Trumpi.

Ai ka bërë të ditur se ka anuluar të gjitha takimet me zyrtarët iranianë deri në momentin kur, sipas tij, “të ndalojë vrasja e pakuptimtë e protestuesve”.

“Ndihma është rrugës”, ka shkruar Trumpi.

Ndërkohë, presidenti amerikan pritet të takohet të martën me ekipin e tij të lartë të sigurisë kombëtare për të diskutuar zhvillimet e fundit lidhur me Iranin.

Sinjali – aty ku e vërteta flet para lajmit!

/GazetaSinjali/

The post Trump inkurajon protestuesit në Iran: Vazhdoni protestat, ndihma po vjen appeared first on Sinjali.

Shefi i Zyrës së Bashkimit Evropian në Kosovë, Aivo Orav, është takuar të martën me ministrin në detyrë të Administrimit të Pushtetit Lokal, Elbert Krasniqi.

Siç bëhet e ditur në njoftim, gjatë takimit është diskutuar për rëndësinë e një qeverisjeje vendore të fortë dhe të përgjegjshme në procesin e zbatimit të reformave.

Orav ka theksuar se zgjedhjet e fundit në Kosovë dëshmojnë rolin kyç të demokracisë vendore në angazhimin e qytetarëve dhe në formësimin e politikave që pasqyrojnë nevojat e komuniteteve.

“Zgjedhjet e fundit në Kosovë tregojnë se si demokracia vendore angazhon njerëzit dhe formëson politikat që pasqyrojnë nevojat e komunitetit përmes vendimmarrjes pranë tyre”, ka thënë Orav.

Sinjali – aty ku e vërteta flet para lajmit!

/GazetaSinjali/

The post Orav: Zgjedhjet treguan që demokracia formëson politika për komunitetin appeared first on Sinjali.

Prokuroria Themelore në Mitrovicë ka ngritur aktakuzë në Gjykatën Themelore në Mitrovicë ndaj mjekut Avdullah Vojvoda nga Vushtrria, nën dyshimin për keqpërdorim të pozitës apo autoritetit zyrtar në vazhdimësi. 

Sipas aktakuzës, i pandehuri dyshohet se në periudhën nga 20 korriku deri më 28 tetor 2025, gjatë punës së tij në Qendrën e Mjekësisë Familjare në Vushtrri, me dashje në cilësinë e specialistit të mjekësisë familjare, ka keqpërdorur pozitën zyrtare me qëllim përfitimi pasuror.

Prokuroria pretendon se mjeku ka lëshuar raporte mjekësore sipas kërkesës së pacientëve, ndonëse ishte në dijeni se ata nuk vuanin nga sëmundjet e shënuara në dokumente. Sipas njoftimit, i pandehuri dyshohet se i ka pyetur pacientët se çfarë diagnoze dëshironin t’u përshkruhej, në mënyrë që këto raporte të përdoreshin për hapjen e pushimeve mjekësore në kundërshtim me Ligjin e Punës.

Po ashtu, në aktakuzë thuhet se i pandehuri ka përshkruar barna sipas rekomandimeve të agjentëve farmaceutikë, ndërsa pas lëshimit të raporteve mjekësore dyshohet se ka pranuar shuma parash që varionin nga pesë deri në pesëdhjetë euro.

Kush është mjeku i QKMF-së në Vushtrri që u arrestua për marrje ryshfeti dhe keqpërdorim detyre?

“Me rastin e ngritjes së aktakuzës, Prokuroria Themelore në Mitrovicë i ka propozuar gjykatës që mjeku të shpallet fajtor për veprën penale që i vihet në barrë dhe ndaj tij të shqiptohet sanksioni penal i paraparë me Kodin Penal të Republikës së Kosovës”, thuhet në njoftimin e Prokurorisë. 

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post U kërkonte 5 deri në 50 euro për pushime mjekësore, aktakuzë mjekut në Vushtrri appeared first on Sinjali.

Një i mitur është therur me thikë në Gjakovë, i cili më pas është transferuar në Qendrën Klinike Universitatre të Kosovës për trajtim të mëtutjeshëm.

Lajmin e ka konfirmuar Lumni Graishta, Drejtori Rajonal i Policisë në Gjakovë, i cili tha se i dyshuari është në arrati.

“Rasti ka ndodh rreth orës 12:30. Viktima është jashtë rrezikut për jetë, megjithatë për trajtim të mëtutjeshëm i njëjti është transferuar për në QKUK. I dyshuari është identifikuar por për momentin është në arrati. Me urdhër të prokurorit rasti po trajtohet si lëndim i rëndë trupor”, thuhet në konfirmim.

Sinjali – aty ku e vërteta flet para lajmit!

/GazetaSinjali/

---

The post Theret me thikë një i mitur në Gjakovë, i dyshuari në arrati appeared first on Sinjali.

Rusia e ka kryer një sulm të madh gjatë natës kundër Ukrainës, duke goditur objekte jetike të energjisë, përfshirë një termocentral, në një kohë kur temperaturat në gjithë vendin ranë deri në minus 15 gradë.

Presidenti i Ukrainës, Volodymyr Zelensky, theksoi se Rusia i përdori gati 300 dronë sulmues, si dhe 18 raketa balistike dhe shtatë raketa lundruese.

“Gjendja në rajonin e Kievit është e rëndë. Disa qindra mijëra familje janë pa energji elektrike tani”, tha Zelensky në një postim në X.

Ministria e Mbrojtjes e Rusisë konfirmoi se kishte kryer një “sulm të madh” ndaj objekteve energjetike të Ukrainës, duke pretenduar se ato përdoreshin nga ushtria e Ukrainës dhe kompleksi i saj ushtarako-industrial.

Ministri i Jashtëm i Ukrainës, Andriy Sybiha, e akuzoi Rusinë se po godet qëllimisht infrastrukturën energjetike për t’i privuar civilët nga energjia elektrike, uji dhe ngrohja në kushtet e motit acar.

Sinjali – aty ku e vërteta flet para lajmit!

/GazetaSinjali/

The post Rusia godet rrjetin energjetik të Ukrainës, lë qindra mijëra banorë pa rrymë në mot acar appeared first on Sinjali.

BBC do t’i kërkojë një gjykate amerikane të rrëzojë padinë për shpifje të Donald Trump, që kërkon 5 miliardë dollarë nga transmetuesi publik britanik për një video të diskutueshme të montuar të një fjalimi, sipas dokumenteve të gjykatës.

Presidenti amerikan ngriti një padi në Florida në dhjetor, duke akuzuar BBC- në për shpifje dhe shkelje të një ligji për praktikat tregtare. Trump kërkon 5 miliardë dollarë (5.7 miliardë euro) dëmshpërblim dhe interesa për secilën nga akuzat .

BBC kishte transmetuar në programin e saj të lajmeve “Panorama” menjëherë para zgjedhjeve presidenciale të SHBA-së të vitit 2024, fragmente të ndryshme të një fjalimi të Trump më 6 janar 2021, i cili ishte redaktuar në një mënyrë të tillë që presidenti republikan dukej sikur po u bënte thirrje mbështetësve të tij të sulmonin Kapitolin në Uashington.

Sipas dokumenteve gjyqësore të paraqitura të hënën, avokatët e grupit publik britanik të transmetimeve thonë se do të “kërkojnë të rrëzojnë padinë për shkak të juridiksionit personal” të gjykatës federale në Miami, qyteti ku banon presidenti amerikan.

Ata kanë afat deri më 17 mars për të paraqitur këtë kërkesë për refuzim.

Ata do të argumentojnë se Trump “nuk do të jetë në gjendje të provojë” se dokumentari, i cili u transmetua jashtë Shteteve të Bashkuara, “i shkaktoi atij dëm të njohur ligjërisht”.

Republikani “u rizgjodh më 5 nëntor 2024, pasi u transmetua dokumentari. Ai fitoi Floridën me një diferencë mbresëlënëse prej 13 pikësh, duke përmirësuar performancat e tij të viteve 2020 dhe 2016”, theksojnë ata në këto dokumente, duke vlerësuar se pretendimi i tij “nuk është i pranueshëm”.

Drejtuesi i BBC-së, Samir Shah, i kishte dërguar një letër ku i kërkonte falje Donald Trump, por nuk arriti ta qetësonte atë. Ai tha se ishte i vendosur të kundërshtonte çdo pretendim për shpifje.

Sinjali – aty ku e vërteta flet para lajmit!

/GazetaSinjali/

The post BBC kërkon rrëzimin e padisë së Trump për shpifje prej 5 miliardë dollarësh appeared first on Sinjali.

Sektori i Hetimeve të Kryeqytetit, me autorizim nga prokuroria kompetente, ka kërkuar ndihmë nga qytetarët për identifikimin e personave të dyshuar, të cilët shihen në fotografi të publikuara nga autoritetet.

Personat në fjalë kërkohen për përfshirje në veprën penale “Vjedhje”. Policia e Kosovës apelon për çdo informacion që mund të çojë në identifikimin e tyre dhe kërkon që qytetarët të ofrojnë informacionet e nevojshme përmes kanaleve të komunikimit të sigurt.

“Të nderuar, për çdo informatë që mund të çojë në identifikimin e tyre, ju lusim të kontaktoni policinë në numrin e telefonit: 192 ose përmes emailit: info@kosovopolice.com”, thuhet në njoftimin e policisë.

The post Policia kërkon bashkëpunim për identifikimin e personave të dyshuar për “Vjedhje” appeared first on Sinjali.

Komisioni Qendror i Zgjedhjeve (KQZ) gjatë ditës së sotme do të mbajë mbledhjen e radhës, ku në rend dite është prezantimi i raportit nga verifikimi i votave të kandidatëve në 2 për qind të vendvotimeve nga zgjedhjet e parakohshme për Kuvendin e Kosovës, të mbajtura më 28 dhjetor 2025.

Zëdhënësi i KQZ-së, Valmir Elezi, ka bërë të ditur se verifikimi është kryer nga Sekretariati i KQZ-së dhe se, bazuar në gjetjet e evidentuara, është përgatitur edhe një rekomandim konkret.

“Sekretariati i KQZ-së ka përfunduar procesin e verifikimit të votave të kandidatëve në 2 për qind të vendvotimeve dhe, bazuar në gjetjet e këtij procesi, ka përgatitur një rekomandim për rinumërim të vendvotimeve,” ka deklaruar Elezi.

Ai ka shtuar se vendimi përfundimtar lidhur me rekomandimin do të merret nga anëtarët e Komisionit Qendror të Zgjedhjeve gjatë mbledhjes së sotme.

Sinjali – aty ku e vërteta flet para lajmit!

/GazetaSinjali/

The post A do të ketë rinumërim të disa vendvotimeve, vjen përgjigja nga KQZ appeared first on Sinjali.

Gjykata e Posaçme ka pranuar kërkesën e Monika Kryemadhit, që seancat në ngarkim të saj të mos mbahen ditën e martë dhe të mërkurë, për shkak të angazhimit të saj si opinioniste në Big Brother.

Kryemadhi tha gjatë ditës së djeshme, se gjyqtarja ishte treguar ‘xhentile’ dhe e kishte pranuar kërkesën e saj.

Angazhimi i Monika Kryemadhit si opinioiste e “Big Brother VIP Albania” 5 ka sjellë dhe spostimin e cështjeve gjyqësore në GJKKO.

Kryemadhi kërkoi nga gjyqtarja Irena Gjoka moszhvillimin e seancave gjyqësore ditë të martë për shkak të prime-t e as të mërkurave pasi e emisioni zgjat deri vonë, kërkesë të cilën gjyqtarja e ka pranuar.

Të gjitha seancat gjyqësore për dosjen Meta-Kryemadhi do të zhvillohen ditë të enjte, ndërsa e radhës është caktuar më datë 22 janar.

“Seanca tjetër u la në datën 22. Bëra një kërkesë se donin ta linin ditë të martë. Gjyqtarja e pranoi kërkesën time që ditën e martë që kam prime në Big Brother të mos kemi seancë gjyqësore. As të mërkurën në mëngjes se shkon prime shumë vonë. Që kështu ne do të kemi seancë cdo të premte”, tha Monika Kryemadhi.

Sinjali – aty ku e vërteta flet para lajmit!

/GazetaSinjali/

The post Gjykata toleron Monika Kryemadhin: S’ka seanca të martën dhe të mërkurën, ‘e lodhur’ nga ‘Prime’ në Big Brother appeared first on Sinjali.

Lidhja Demokratike e Kosovës nga ora 14:00 ka nisur mbledhjen e Kryesisë së partisë.

Deputetja nga kjo parti, Hykmete Bajrami para nisjes së takimit tha se mbledhja është konsultative.

“Është takim konsultativë… Aty do t’i shpreh qëndrimet e mia më pas do t’i bëjë publike”, tha shkurt ajo.

Para mbledhjes foli edhe Anton Quni, i cili nuk u përgjigj nëse është “për ose kundër” dorëheqjes së Lumir Abdixhiku nga pozita e drejtuesit të LDK-së.

Tha se njëherë pret që “të shterohet” debati i brendshëm në takim të kryesisë.

“Do të bisedojmë pë zhvillimet e fundit brenda Lidhjes Demokratike të Kosovës. Ne do të bisedojmë. Do ta dhë qëndrimin tim brenda. Çdo çështje do ta bëjë publike pasi t’i shterim të gjitha diskutimet“, tha Quni.

Kjo është mbledhja e parë e LDK-së, pas zgjedhjeve të 28 dhjetorit, ku kjo parti u rendit e treta me vetëm 13.23 për qind të votave.

LDK u rendit pas Lëvizjes Vetëvendosje dhe Partisë Demokratike të Kosovës.

Sinjali – aty ku e vërteta flet para lajmit!

/GazetaSinjali/

The post LDK mbledh Kryesinë, a do të diskutohet dorëheqja e Lumir Abdixhikut? appeared first on Sinjali.

Komuna e Prishtinës ka filluar vlerësimet e dëmeve pas vërshimeve që përfshinë kryeqytetin si pasojë e reshjeve të dendura.

Përmes një postimi në faqen zyrtare në Facebook, komuna ka bërë të ditur se Komisioni është në punë për evidentimin e dëmeve në bujqësi, ekonomi familjare dhe biznese, ndërsa raporti, bazuar në njoftim, do t’i dërgohet Qeverisë së Kosovës për dëmshpërblim.

Pos tjerash, u bë e ditur se kërkesat e të dëmtuarve do të pranohen në objektin e vjetër të Komunës.

Sinjali – aty ku e vërteta flet para lajmit!

/GazetaSinjali/

The post Prishtina nis vlerësimin e dëmeve pas vërshimeve appeared first on Sinjali.