“Një muaj aty mu duk shumë. E ndava mendjen kur u futa brenda, të mos mendoja për familjen. Ajo është eksperienca më e mirë, e përjetova. Më vjen keq që përfundoi kështu.

Pas dy javësh, vajtja tek zhavorri… Kisha hallin e shëndetit. Stenaldo është njeriu më i mirë që kam njohur. Ai qau më shumë se për nënën dje, më tha nuk kam me kë të qaj tani. Aty bëhesh si i familjes. Nuk dal dot nga vetja. Nuk bëj dot që të kapem kot, disa persona e bëjnë aty. Mua më kanë dashur aty”, tha ai.

Është zhvilluar disa  ore seance, për tragjedinë e Gërdecit ne Gjykatën e Posaçme. Seanca e ardhme u la më datë 22 janar.

Ne ketë seance Mediu dhe avokatët mbrojtës kanë kërkuar që “faxi për Shkëlzenin” të mos merret si provë ose te kryhet ekspertimi i kaligrafisë. 

“Është në proces si ministër mbrojte por prokuroria ka marre një vendim kunder Nato. Është hedhur ne opinionin publik për emra te ndryshme dhe pro të mos sjell letra te paverifkuara. Ose të hidhet poshtë ose të ekspertohet. Bumçi e ka quajtura mashtrim të bërë nga ish sekretarja. Të thërras çdo ministër që ka qenë para dhe pas meje, a ka qenë njeri nga sto që është marrë me distanca sigurie, sepse s’ka asnjë akt ligjor që të përfshin ministrin e Brendshëm. Ne kemi bërë edhe një kërkesë për ekspertët që kanë bërë ekspertizën e shpërthimit.

Nuk është gjetur sekretarja e Bumcit, ne e kërkuam sërish ish-sekretaren e Aldo Bumcit. Nëse është jashtë të gjendet, e kanë në TIMS; nëse është në Shqipëri ta gjejnë”, tha Mediu. 

Mediu akuzohet për shpërdorim detyre, pasi, sipas SPAK, janë shkelur procedurat e ngritjes së fabrikës së demontimit në Gërdec, pranë një zone të banuar si dhe ato të municioneve.  

Ati i Shenjtë ka emëruar Nunc të ri Apostolik në Shqipëri Shkëlqesinë e Tij Imzot Mirosław Adamczyk, Arqipeshkëv titullar i Otrikolit, deri tani Nunc Apostolik në Argjentinë. 

Imzot Mirosław Adamczyk lindi më 16 korrik 1962 në Gdańsk, Poloni. Në vitin 1981 filloi studimet në Seminarin e Gdańsk. Ai u shugurua prift më 16 maj 1987 në Bazilikën e Shën Marisë në Gdańsk nga peshkopi dioqezan vendas Tadeusz Gocłowski . 

Ai e filloi karrierën e tij diplomatike në Vatikan në vitin 1993. Detyrat e tij të para e çuan në Madagaskar, Indi, Hungari, Belgjikë, Afrikën e Jugut dhe Venezuelë.  

Më 22 shkurt 2013, Papa Benedikti XVI e emëroi atë Nunc Apostolik në Liberi dhe Kryepeshkop Titullar të Otricoli-t.  Ai mori shugurimin e tij episkopal nga Kardinali Kazimierz Nycz më 27 prill në Katedralen e Oliwa-s. 

Më vonë gjatë të njëjtit vitit, Papa Françesku i dha atij përgjegjësi shtesë si Nunc Apostolik në Gambi më 8 qershor dhe në Sierra Leone më 21 shtator. 

Më 12 gusht 2017, Papa Françesku e emëroi atë Nunc Apostolik në Panama, ndërsa më 22 shkurt  2020, e emëroi atë Nunc Apostolik në Argjentinë. 

Kreu i PD Sali Berisha është pyetur për financimet për Kuvendi e dhjetorit të 2021. Ai theksoi se të gjitha janë deklaruara. Ndërsa për hetimin pasuror ndaj tij, Berisha theksoi se nuk ka asnjë kundërshtim dhe se është mbyllur. 

Berisha e ka quajtur një hetim të mirëfilltë politik.  “Hetimi pasuror i Berishës dhe fëmijëve të tij është bërë dhe dërguar në gjykatë”, kështu u shpreh ai. 

Pjesë nga deklarata: 

Kush e financoi Kuvendin e 11 dhjetorit? 

“Fakti që aty nuk kanë çfarë hetojnë por duan ta lidhin. Hetimi pasuror i Sali Berishës për 32 vite. Jam i vetmi politikan i hetuar me hollësi brenda dhe jashtë vendit për të gjitha. Por unë do tu thoja gazetarëve të mos i lejojnë vetes të keqpërdoren nga delinkuntë në institucionin e SPAK, skap-i. Pra çdolloj hetimi që të ndërmarrë nuk kam asnjë vërejtje. 

Kur u mbajt Kuvendi i Dhjetori 2021 premtuan transparencë se kush e financoi? 

Është deklaruar çdo gjë dhe çdo financim i çdo personi. Nuk ka asgjë të fshehur. Personat që kanë financuar e kanë deklaruar atë. Pra e dinë që këta kanë deklaruar. 

Sa ka kushtuar fatura? 

Asnjë shifër nuk kam parasysh, por di që në atë kohë Lulzim Basha i dha Escobar dhe Yuri Kim një listë të bizneseve që po sponsorizojnë Berishën dhe ata nisën të thërrasin biznesmenë që nuk më kishin dhënë kurrë një qindarkë. Ai çmim i stadiumit është publik. Federata Shqiptare e Futbollit është ent publik dhe ne kemi deklaruar çdo gjë. 

Ilir Vrenozi ka lënë garën e Big Brother VIP Albania 5. 

Ai ka vendosur që të largohet nga shtëpia, pasi thotë se nuk ndihet mirë dhe nuk e përballon dot. 

“Nuk e përballoj dot jam i sëmurë”, i tha ai Stenaldos, teksa kanë shpërthyer të dy në lot duke u përshëndetur. 

Pas arratisjes së Altin Ndoci nga Spitali Rajonal Durrës, ditën e djeshme (13 janar ), Drejtoria e Përgjithshme e Burgjeve ka ndërmarrë masa të administrative dhe ligjore, duke pezulluar të gjithë zinxhirin komandues të Institucionit të Ekzekutimit të Vendimeve Penale Durrës dhe duke ndaluar disa punonjës të Policisë së Burgjeve. 

Njoftimi:  

Në lidhje me ngjarjen e ndodhur në Spitalin Rajonal Durrës, më datë 13.01.2026, ku është arratisur i paraburgosuri Altin Ndoci, sqarojmë sa vijon: 

Shtetasi Altin Ndoci ka qenë i akomoduar në IEVP Durrës që prej datës 20.05.2020, me masë sigurimi “arrest me burg”. Me vendimet Nr. 82, datë 21.07.2020; Nr. 42, datë 17.05.2022; dhe Nr. 86, datë 29.07.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj tij është caktuar masa e sigurimit “arrest me burg” për veprat penale: vrasje në rrethana cilësuese kundër dy ose më shumë personave, armëmbajtje pa leje, organizatë kriminale, kryerja e veprave penale nga organizata kriminale dhe grup i strukturuar kriminal, të parashikuara nga nenet 79/dh, 278/1, 28/1, 28/4, 333 dhe 334 të Kodit Penal. 

Më datë 13.01.2026, i paraburgosuri ka kryer konsultë mjekësore me mjekun e institucionit të vuajtjes së dënimit, i cili ka rekomanduar konsultë me mjek kirurg. Në vijim, nga strukturat përkatëse të IEVP Durrës (shërbimi shëndetësor, policia e burgjeve, sektori social dhe ai ligjor) janë hartuar aktet përkatëse dhe është planifikuar shoqërimi për vizitë mjekësore në Spitalin Rajonal Durrës, sipas itinerarit: IEVP Durrës – Spital Rajonal Durrës – kthim në IEVP, brenda së njëjtës ditë. 

I paraburgosuri është paraqitur në pavionin infektiv për marrjen e trajtimit mjekësor. Pas vizitës mjekësore nga mjeku kardiolog në Spitalin Rajonal Durrës, është rekomanduar mjekim dhe rikontroll pas 2 (dy) orësh. Gjatë kohës që ka qenë duke marrë trajtim mjekësor, shtetasi Altin Ndoci ka kërkuar të shkojë në tualet. Ai është shoqëruar nga punonjësit e Policisë së Burgjeve, por gjatë këtij momenti ka kundërshtuar dhe goditur punonjësit, duke arritur të arratiset. 

Nga verifikimet paraprake rezulton se, për shoqërimin e planifikuar, IEVP Durrës nuk ka informuar Drejtorinë e Përgjithshme të Burgjeve dhe Komisariatin e Policisë Durrës, si dhe nuk ka raportuar në Drejtorinë e Përgjithshme të Burgjeve as planifikimin dhe as realizimin e vizitës mjekësore, në kundërshtim me aktet nënligjore në fuqi. Gjithashtu, rezulton se nuk janë respektuar procedurat standarde për shoqërimin e të paraburgosurve dhe të dënuarve. 

Nisur nga të dhënat paraprake, me urdhër të Drejtorit të Përgjithshëm të Burgjeve, është pezulluar i gjithë zinxhiri komandues i IEVP Durrës, me qëllim garantimin e një procesi të rregullt ligjor dhe administrativ, konkretisht: 

1. IndritCerloj– Drejtor i IEVP Durrës; 
2. AfrimZeqiraj– Shef i Policisë; 
3. DezdemonPazaj – Shef i Policisë IEVP Durrës (i komanduar); 

znj. Ylfete Sema – Shefe e Shërbimit të Kujdesit Shëndetësor; 

1. AulonQuku – Kryeinfermier; 
2. DorjanSaraçi – Punonjës i Policisë së Burgjeve; 
3. SaliFerrollari – Punonjës i Policisë së Burgjeve; 
4. PrengMarvataj – Punonjës i Policisë së Burgjeve; 
5. FatjonBraçi – Punonjës i Policisë së Burgjeve; 
6. IdajetCalamaj – Punonjës i Policisë së Burgjeve; 
7. Aranit Çela – Punonjës i Policisë së Burgjeve;

znj. Violeta Uka – Punonjëse e Policisë së Burgjeve. 

Referuar ngjarjes dhe veprimeve të ndërmarra Drejtoria e Përgjithshme e Burgjeve në bashkëpunim me Shërbimit të Kontrollit të Brendshëm në Sistemin e Burgjeve, nën drejtimin Prokurorisë pranë Gjykatës së Shkallës së Parë të Juridiksionit të Përgjithshëm Durrës, është vendosur ndalimi i shtetasve të mëposhtëm: 

Komisar Dezdemon Pazaj – Punonjës i Policisë së Burgjeve; 

Komisar Violeta Uka – Punonjëse e Policisë së Burgjeve; 

Kryeinspektor Dorjan Saraçi – Punonjës i Policisë së Burgjeve; 

Inspektor Sali Ferrollari – Punonjës i Policisë së Burgjeve; 

Inspektor Fatjon Braçi – Punonjës i Policisë së Burgjeve; 

Inspektor Preng Marvataj – Punonjës i Policisë së Burgjeve; 

Kryeinspektor Aranit Çela – Punonjës i Policisë së Burgjeve; 

Kryeinfermier Aulon Quku – Punonjës i IEVP Durrës. 

Drejtoria e Përgjithshme e Burgjeve vijon me marrjen e të gjitha masave të nevojshme ligjore dhe administrative, si dhe me forcimin e protokolleve të sigurisë në institucionet e ekzekutimit të vendimeve penale. 

Eksperti i sigurisë, Fatjon Softa thotë se është shkelur protokolli, në transportimin e Altin Ndocit nga burgu në Spitalin e Durrësit, nga ku 38-vjeçari arriti që të arratisej. 

Në një intervistë për “Sot Live në Shqipëri” në Report Tv, Softa u shpreh se duhet të ketë një hetim dhe çështja t’i kalojë SPAK-ut. 

“Është një shkelje e rëndë e protokollit, kërkon një hetim, mendoj që nuk është një koecidencë. Duhet parë si ka qenë kjo praktikë në rastin e personit në fjalë dhe a është e njëjta praktikë e shoqërimit të personave të tjerë, të cilët për arsye shëndetësore shoqërohen drejt këtij spitali. Këtu mendoj se ka vend për t’u marrë SPAK, sepse ndoshta kemi të bëjmë me shpërdorim detyre dhe personat e përfshirë, mund të përbëjnë grup. Faktin që kemi mos kërkesën që të jetë Policia e Shtetit, ambienti ku ka ndaluar automjeti, vendi i zënë me automjete, është premisë.”, theksoi ai. 

Sipas ekspertit, Ndoci duhet të shoqërohej nga të paktën 4 efektivë. 

“Mund të kishim rrezikim të drejtuesve të sigurisë, por ky protokoll tregon situatë të papranueshme. Po flasim për një person të një shkalle të lartë të rrezikshmërisë. Numri i personave që shoqërojnë, nuk mund të jenë më pak se 3. Kur flasim për persona me rrezikshmëri të lartë, nuk mund të jenë më pak se 4 ose 5. Në rastin konkret, shikoni në çfarë gjendje të mjerueshme është ky shërbim i sigurisë.”, shtoi Softa. 

Ndër të tjera, eksperti deklaroi se për transportimin e tij duhet të ishte njoftuar SPAK dhe Policia e Shtetit. 

“Çdo lëvizje që bëhet jashtë sistemit të sigurisë, qoftë edhe për një vizitë mjekësore, duhet të kishte dy njoftime, SPAK dhe Policia e Shtetit. E para për autorizim, e dyta për masë shtesë sigurie. Duhet të ishte i hapur ambienti nga automjetet, vendi ku duhet të qëndronte ishte në afërsi të derës së spitalit. Masa para dalës, gjatë transportimit nga makina, në brendësi të spitalit, deri te dhoma. Nëse ka kërkuar të shkojë në tualet, heqja e prangave bëhet me autorizim. Pse duhet t’i hiqeshin prangat? Duhet të bëhej kontrolli i tij. Mënyra e tij është e papranueshme, ndoshta edhe e qëllimshme.”, tha ai. 

Softa nënvizoi se Ndoci ka komunikuar me grupin që e priste jashtë ambienteve të spitalit dhe duket se arratisja ishte e planifikuar. 

“Protokolli është ai që keni parë, pra ato masa të larta sigurie, që për një politikan, për efekt të kamerave, dhe sensibilizimit të opinionit ku vëmendja është maksimale, protokollet janë zbatuar në mënyrë korrekte. Kurse në rastin e një personi të tillë, me shkallë të lartë rrezikshmërie, do të kërkonte edhe forca speciale të mirëorganizuara. A ka pasur një plan arratisje, a ka pasur ndonjë bashkëpunëtor brenda strukturave të burgut. Fakti që makina që e priste ka pasur targa të vjedhura, ora dhe vendi që priste, informacioni që personi ka pasur, për vizitën, kjo tregon se ka pasur informacion midis subjektit, i cili u largua dhe grupit që po priste. 

Nuk mund të ketë telefon askush, në paraburgim apo në burg. Duhet të jenë telefonat e burgut, duhet të ketë një sistem bllokimi valësh, nuk mund ta përdorësh pa autorizim. Kontrolli i mbajtjes së telefonave është problem serioz. Nëse ka ndodhur që është komunikuar me telefonin e burgut, duhet të zbardhen bisedat.”, përfundoi eksperti Softa. 

Dashi

Dite e mrekullueshme kjo e sotmja për te gjithë ata qe janë ne një lidhje. Do provoni eksperienca te reja me partnerin tuaj dhe do ndiheni te lumtur. Edhe beqaret do jene me humor te mire dhe do tregohen me te hapur ndaj takimeve te reja. Financat do jene te qëndrueshme prandaj mund te kryeni edhe ndonjë shpenzim me tepër sesa zakonisht.

Demi

Ka shume rrezik qe partneri juaj t’iu lere pas dore gjate kësaj dite dhe te dale me një person tjetër qe sapo ka njohur. Edhe nëse e merrni vesh këtë gjë mos u tregoni histerike, por gjeni mënyrën e duhur për te diskutuar qetësisht. Beqaret do vazhdojnë te kërkojnë, por pa ndonjë rezultat konkret. Financat do i menaxhoni me shume kujdes dhe nuk do keni probleme.

Binjaket

Pas një periudhe jo shume te mire për jetën sentimentale te çifteve, sot pasioni dhe emocionet do rikthehen vrullshëm. Te dy me partnerin do jeni gati te bëni sakrifica vetëm për t’u ndier mire. Edhe beqaret nga ana tjetër do jene te privilegjuar dhe do kenë njohje interesante. Ne planin financiar duhet te merrni masa strikte nëse nuk doni te përballeni me probleme.

Gaforrja

Edhe pse te shumte do jene personat qe do ndërhyjnë tek jeta juaj ne çift dhe do kërkojnë t’iu prishin pune, ju nuk do tronditeni aspak. Ndjenjat për partnerin janë aq te forta saqë askush nuk mund t’i ftohe. Beqaret edhe pse nuk e presin do kenë dashuri me shikim te pare. Ne planin financiar duhet te bëni sakrifica, madje edhe te shisni diçka te çmuar për t’ia dale mbanë.

Luani

Nëse jeni ne një lidhje do diskutoni gjere e gjate sot për një çështje mjaft delikate. Dëgjojini edhe ato qe do thotë partneri para se te merrni vendime. Beqaret do kenë një takim entuziast me një person fantastik. Ja vlen te krijohet një lidhje me atë person. Ne planin financiar do gjeni zgjidhje shume te mire ne mënyrë qe situata mos jete me problematike.

Virgjeresha

Dialogu ne çift do mbizotërojë gjate gjithë kësaj dite. Do jeni shume te duruar dhe kjo do jete një pike mjaft e forte. Edhe ata qe kane pasur probleme do ndihen disi me te qete. Beqaret do kenë shume takime, por fale kërkesave te shumta nuk do arrijnë as sot te hedhin hapat drejt një lidhjeje. Ne planin financiar duhet te tregoheni serish te matur me investimet.

Peshorja

Jeta sentimentale e çifteve do jete përgjithësisht e qete gjate kësaj dite. Komunikimi do vazhdoje te jete i mire dhe nuk do ketë asnjë konflikt. Do e sqaroni me qetësi edhe një penge te hershem. Beqaret do mbeten serish vetëm dhe kjo do i mërzitë pa mase. Ne planin financiar do jeni me fat dhe do arrini ta keni një situate goxha te stabilizuar.

Akrepi

Gjate kësaj dite Urani do sjelle mosmarrëveshje te shumta për jetën tuaj ne çift. Nuk do bini dakord për shume gjera dhe kjo do sjelle debate. Mundohuni te tregoheni paksa me tolerante. Beqaret nuk duhet absolutisht te tregohen posesive. Çdo gjë ka kohen e vet kur duhet te ndodhe. Financat do jene delikate dhe gabimi me i vogël mund te jete shkatërrues.

Shigjetari

Nuk do jeni shume besnike ndaj partnerit tuaj sot dhe do tërhiqeni mjaft nga personat simpatike. Kujdes sepse bukuria është kalimtare, ndërsa shpirti i njeriut është ai qe nuk ndryshon kurrë. Beqaret do joshin pa mbarim dhe ka gjasa te gjejnë një peron interesant. Ne planin financiar mos prisni përmirësime te mëdha ndërkohë qe keni bere gabime te pafalshme me shpenzimet.

Bricjapi

Qe jeta juaj ne çift te jete edhe me e bukur gjate kësaj dite, duhet t’i shtoni edhe pak me tepër dozat e fantazisë. Mundohuni ta largoni sa me shpejt rutinën. Beqaret ka rrezik te njihen me persona te çuditshëm dhe aspak te sjellshëm. Mos bëni gabim te mendoni te krijoni një lidhje me ta. Ne planin financiar do jeni me këmbë ne toke dhe nuk priten probleme.

Ujori

Do diskutoni gjere e gjate kësaj dite me atë qe keni ne krah dhe do iu gjeni zgjidhje disa problemeve qe keni pasur. Çdo gjë do shkoje me se miri mes jush. Beqaret duhet te jene me te duruar nëse duan te bëjnë zgjedhjen e duhur. Financat do jene paksa me te mira, megjithatë nuk duhet ta teproni me shpenzimet. Çdo gjë duhet te ndodhe ne kohen e vet.

Peshqit

Ndjenjat për partnerin tuaj do jene shume te zjarrta gjate kësaj dite dhe ju do i shprehni ato me shume se kurrë. Pritet qe atmosfera te jete shume e ngrohte dhe emocionet te papërshkrueshme. Beqaret do marrin shume propozime, por do e kenë te vështirë te zgjedhin dike. Do jene te shumte ata qe do iu pëlqejnë. Financat fatmirësisht do kenë përmirësime.

Të tjera detaje zbardhen nga ngjarja e rëndë në Këlcyrë, ku një 30-vjeçare është dhunuar nga vëllai dhe xhaxhai i saj. Gazetarja Brikena Metaj raporton për BalkanWeb se sherri familjar ka nisur për një çështje divorci. 

Mësohet se 30-vjeçarja ka kërkuar të divorcohet nga bashkëshorti, gjë që nuk është pranuar nga familja e saj. 

Sipas policisë, familja e vajzës, pasi ka debatuar ashpër me të, e kanë marrë atë forcërisht në makinë dhe më pas e kanë çuar në shtëpinë e xhaxhait të saj. Dyshohet se vëllai dhe xhaxhai i saj e kanë dhunuar. 

“Specialistët për Hetimin e Krimeve të Komisariatit të Policisë Gjirokastër referuan materialet në Prokurori, ku nisi procedimi penal për shtetasit A. A., 34 vjeç, S. A., 53 vjeç dhe E. M., 51 vjeç, të tre banues në Tiranë, si dhe për shtetasin L. L., 43 vjeç, banues në Këlcyrë, pasi dyshohet se si pasojë e një konflikti në familje, shtetasit A. A., S. A. dhe E. M. kanë marrë me forcë, në automjet, motrën e 34-vjeçarit, njëkohësisht mbesë e 53-vjeçarit. Më tej, dyshohet se 30-vjeçarja është dhunuar nga vëllai dhe xhaxhai i saj, në banesën e këtij të fundit. Gjithashtu, dyshohet se 43-vjeçari ka patur dijeni për rastin, dhe nuk ka kallëzuar në polici.”, sqaron policia. 

Presidentja e Parlamentit Evropian, Roberta Metsola thotë se BE-ja nuk duhet të presë që Presidenti i SHBA-së Donald Trump të ndërmarrë veprime të shpejta kundër regjimit iranian

“Udhëheqësit e BE-së duhet të rrisin presionin mbi regjimin iranian ndërsa ai shtyp protestuesit”, tha Metsola.

Sipas saj, BE është e tronditur nga ajo që po ndodh në Iran dhe nuk mund të rrijë duarkryq kur shohin se regjimi po përdor dhunën dhe shtypjen.

Nga Eduard Zaloshnja

Në zgjedhjet e prillit 2021, për partitë që janë aktualisht në koalicionin PD – Aleanca për Shqipërinë Madhështore  (PD-ASHM, ku përfshihen PD, LSI, PR, PDIU, PAA, PBDNJ etj.), votuan rreth 770 mijë zgjedhës brenda vendit (rreth 40 mijëve prej tyre u rezultoi vota e pavlefshme prej ngatërresave me fletvotimin e ndërlikuar). Në atë kohë lider i opozitës (të paktën zyrtarisht) ishte Lulzim Basha. Në zgjedhjet e majit 2025, për partitë që janë aktualisht në koalicionin PD-ASHM, votuan rreth 500 mijë zgjedhës brenda vendit (rreth 18 mijëve prej tyre u rezultoi vota e pavlefshme prej ngatërresave me fletvotimin e ndërlikuar).

Në maj 2025 lider i opozitës (zyrtarisht dhe realisht) ishte Sali Berisha. Më 12 janar 2026, më rezultoi në sondazh se vetëm 375 mijë zgjedhës brenda vendit do të votonin për partitë që
janë aktualisht në koalicionin PD-ASHM (nga njw ekstrapolim i përafërt statistikor i sondazhit ‘Zëri i Shqiptarëve’). Aktualisht lider i opozitës (zyrtarisht dhe realisht) është Sali Berisha.

SHËNIM I RËNDËSISHËM: Para zgjedhjeve të majit 2025, politikanë të PD-së dhe opinionistë pranë tyre pretendonin se votuesit opozitarë ishin larguar jashtë vendit në vitet e fundit, dhe se votat nga emigracioni do ta rikuperonin deficitin e brendshëm elektoral të opozitës. Në fakt, vetëm 47 mijë vota erdhën me postë nga emigracioni për PD-ASHM (23.5% e 200 mijë votave të velfshme nga emigracioni).

Kryeministri Edi Rama ka reaguar me tone të forta ndaj gazetares Klodiana Lala, pas një komenti publik lidhur me çështjen e ndotjes nga plastika dhe rolin e inceneratorit të Tiranës.

Në reagimin e tij, Rama thekson se ka vendosur t’i heqë emrin gazetares nga komenti jo për të shmangur polemikat personale, por për t’u fokusuar te ajo që ai e cilëson si “fakt skandaloz”: mënyra se si, sipas tij, një zë i opinionit publik dizinformon qytetarët. Kryeministri shprehet se është e papranueshme që qytetarëve t’u thuhet se inceneratori i Tiranës është përgjegjës për shishet dhe qeset plastike që hidhen rrugëve të Shqipërisë dhe që, më pas, përfundojnë në lumenj, kanale kulluese dhe në det, duke bllokuar grykërrjedhjet dhe ndotur plazhet.

“Komentatori-torja është gazetar-tare të cili-cilës ia hoqa emrin se nuk më intereson asfare polemika personale, po fakti skandaloz që një zëdhënës-nëse e opinionit publik, me një injorancë të ububushme (nuk flas për etikën apo për shqipshkrimin se pastaj i bie të rritet shumë kërkesa) u thotë qytetarëve se inceneratori i Tiranës e ka fajin për shishet e qeset plastike që hidhen rrugëve të Shqipërisë, e që me erën e pastaj me ujrat e lumenjve bëhen kapica të jashtëzakonshme e zbresin e bllokojnë rregullisht grykërrjedhjet e kanaleve kullues apo ndotin plazhet e detet…

Normalisht një gazetar nuk urren, nuk shpif, nuk dizinformon, po lexon, informohet dhe informon, por fatkeqësisht lloji i parë shtohet e shtohet (tamam si prurjet e plastikës) në kanalet e informimit, ndërsa lloji i dytë pakësohet dhe publiku përmbytet përditë nga prurjet e urrejtjes, shpifjes e dizinformimit!

Kollaj, të urresh, shpifësh, dizinformosh është kollaj, sepse nuk ka nevojë të lexosh, të mësosh, të kuptosh të vërtetën e të jesh i drejtë dhe i mirëartikuluar, ndërsa e kundërta, uh, e kundërta ka punë e mund të madh”, shkruan Rama.

Ndërkohë në postimin e saj gazetarja Lala shkruante:

“O mbret (qe je lakuriq) po te funksiononte inceneratori i Tiranes kete malin me plehra do e kishte djegur…
(Milionat jane vjedhur e ti ben propagande me ne)”, shprehej ajo.

“Presidenti Trump po lë të hapura shumë opsione, edhe atë të përdorimit të forcës ushtarake në shkallë të gjerë”, thotë Steve Bannon për Corriere, kur pyetet nëse postimi i fundit i Trump në Truth, ku u premton protestuesve iranianë që “ndihma po vjen”, do të thotë një sulm ushtarak, ndoshta edhe vetëm një sulm i vogël.

“Sekretari i Thesarit, Bessent, shpjegoi në mars në Economic Club of New York se si mund të rrëzohen mullahët me sanksione, presion ekonomik dhe tarifa dhe e bëri. Tarifat e fundit prej 25% mbi të gjithë partnerët tregtarë i izolojnë. Por Trump mban të hapur edhe mundësinë e një sulmi ushtarak, sepse kjo i jep avantazh gjeopolitik”, tha ai.

Greene ka lavdëruar ndërhyrjen në Venezuelë si akt ushtarak, por ka folur për “rreziqet pas ditës së parë”.

Dhe tani flitet për një sulm të mundshëm amerikan në Iran. A ishte kundër sulmit në objektet bërthamore në qershor, dhe tani?

Venezuela duhet parë në kuadrin e mbrojtjes së hemisferës perëndimore. E njëjta gjë do të ndodhë me Groenlandën, dhe besoj së shpejti edhe me Kanadanë, Arktikun dhe Kanalin e Panamasë.

Groenlanda dhe Kanadaja janë e njëjta gjë si Venezuela?

Është e njëjta logjikë. Sekretari i Thesarit sapo njoftoi se Argjentina ka kthyer hua prej 20 miliardësh, që mori para Krishtlindjes… kemi shpëtuar Argjentinën dhe qeverinë e djathtë të Milei-t. Në Venezuelë nuk kam lavdëruar ndërhyrjen, por performancën e jashtëzakonshme ushtarake. Unë nuk besoj shumë te ndërhyrjet për ndryshim regjimi. Ashtu si tani në Teheran. Kam thënë, si në korrik gjatë “Luftës së 12 ditëve”, që sanksionet duhet të bëjnë punën e tyre. Ekonomia po shembet, mullahët po shemben. Duhet, si në Venezuelë, të sekuestrohen anijet fantazmë, të sekuestrohet edhe nafta që shkon tek Partia Komuniste kineze, duhet t’ju ndalen paratë. Dhe populli persian do të rrëzojë teokratët, ashtu si populli duhet të rrëzojë regjimin në Venezuelë.

Cilat do të jenë hapat e ardhshëm?

Lojë e Madhe në shekullin XIX ishte Rusia kundër Britanisë për portet dhe kontrollin e Indisë, përfshirë Persinë dhe Afganistanin. Loja e Madhe e shekullit XXI është Arktiku: rusët dhe kinezët lëvizin masivisht. Pjesa më e rrezikuar është Kanadaja. Ajo mund të bëhet ‘Ukraina tjetër’, nëse nuk forcohet nga SHBA-ja. Trump ka biseduar me kanadezët, ata nuk mund të mbrohen vetë. Kina e sheh Arktikun kanadez si Rusia shekullin e kaluar shikonte Ukrainën. Mund të përpiqet të marrë pjesë territori, e Trump nuk do ta lejojë. Mbrojtja e hemisferës shtrihet nga Arktiku deri në fund të Amerikës së Jugut. Guajana, Venezuela dhe Gjiri i Amerikës nga Meksiko në Teksas përmbajnë 5-10 herë më shumë naftë se Gjiri Persik. Groenlanda është kyçe për të bllokuar hyrjen ruse në Atlantik.

Është një strategji e menduar mirë nga Trump. Nuk jam shumë dakord me disa metoda: nuk duam pushtimin e Venezuelës apo vendeve të tjera, duhet të jemi të kujdesshëm, por për momentin plani funksionon. Besoj se situata e Kubës do të zgjidhet brenda vitit. E përbashkëta në Venezuelë, Iran dhe Kubë është se ekonomitë janë shkatërruar. Nëse vendosen sanksione, populli do të rrëzojë regjimin për liri dhe jetë normale.

Por në Venezuelë ka pasur një ndërhyrje ushtarake të SHBA-ve

Për momentin kemi parë një sulm të vogël, kirurgjik. Trump ka mësuar nga Iraku, nuk mendoj se do të futet në terren me trupa. Mund të shohim ‘luftë’ në Meksikë kundër kartelëve të drogës. E gjitha kjo është ‘America First’. Në Iran, kam thënë qartë, natyra duhet të bëjë punën e saj. Trump ka ndaluar përfshirjen më të gjerë të Izraelit, duke përfunduar dramatisht luftën e 12 ditëve. Izraeli kërkonte “Izraelin e Madh”, Trump i ndaloi dhe solli dy shtete. Me ndihmën e Katarit dhe trupave turke, egjiptiane, emirate dhe saudite do të ketë një proto-shtet palestinez.

Ka mënyra të ndryshme për të kuptuar “America First”: çfarë mendon për Marjorie Taylor Greene?

Trump vepron për mbrojtjen hemisferike, dëshiron politika si Reagan, dhe në një pamje të përgjithshme, ajo që bën është 100% America First. Por nëse futet Ukraina ose Izraeli, disa mund të thonë: ‘Prisni, nuk duam përfshirje më të madhe’.”

Dhe për 2028?…

Mos u shqetësoni për 2028, fokusi është 2026. Trump do të vazhdojë revolucionin për dy vjet dhe unë nuk do të kandidoj, por do ta mbështes, që ai ta ketë një mandat të tretë. Por nëse humbasim në 2026, demokratët nuk do të ndalen vetëm te impeachment-i i Trump, por do jenë edhe kundër Kristi Noem, Pete Hegseth dhe të tjerëve… do të bëjnë luftë politike për të shkatërruar Trump dhe lëvizjen MAGA. Për këtë, të hënën nis War Room Texas. Më 3 mars në Teksas ka një referendum brenda primarive republikane për të ndaluar sharia-n. Duhet një forcë tjetër për të motivuar votuesit. Jemi të pamposhtur nëse jemi të përqendruar. Prandaj kemi zgjedhur Teksasin.

Intervistë e realizuar nga Viviana Mazza, për Corriere della Sera

Ka nisur konferenca për mediat e mbrojtësve ligjorë të Presidentit Meta, Av. Kujtim Cakrani dhe Av. Gylsen Zhllima,.

Gjatë fjalës së tij avokati Kujtim Cakrani ngriti shqetësimet për situatën në të cilën ndodhet Meta, duke thënë se është shkelur ligji, dhe se ndaj metës është hedhur “balë’” e janë bërë sulme pa pushim, ndërkohë që ka akuzuar gjyqtare e çështjes Irena Gjoka se është e kapur dhe e shantazhuar.

“Nuk i jepet mundësia që të komunikojë me qytetarët, me bashkëpunëtorët. Por problemi është që hetimit kanë përfunduar në datën 4 gusht në 2025 dhe prej kësaj date zoti Meta është në seancë paraprake. Ne sot jemi plot 4 muaj e gjysmë dhe nuk kemi nisur seancën paraprake që do të thotë është një shkelje e rëndë. Kjo ka rënduar pozitën e drejtësisë që është kthyer në drejtësi inkuizitore. Ne kemi bërë kërkesë për zëvendësimin e masës duke marrë parasysh të gjitha rrethanat në momentin ku ndodhet çështja. Gjyqtarja Irena Gjoka është në hall të madh, sepse është e kapur dhe e shantazhuar. Por ne do vazhdojmë betejën ligjore. Presidenti Meta sot është në kushte paraburgimi që kanë kaluar çdo standard ligjor dhe human”, tha ai.

Në qarkun e Korçës situata vijon të jetë e qëndrueshme nga shirat dhe dëbora, ku nuk janë raportuar probleme të reja në asnjë zonë. Situata paraqitet e qëndrueshme dhe po monitorohet në mënyrë të vazhdueshme nga strukturat përgjegjëse.

Gjatë ditës së sotme po vijojnë punimet në disa bashki të qarkut. Në Bashkinë Maliq po kryhet forcimi i argjinaturës së lumit Devoll, si dhe pastrimi i dherave në rrugën e fshatit Mesmal. Në Bashkinë Pogradec vijojnë punimet për rehabilitimin e rrugës në fshatin Dunicë, Njësia Administrative Trebinjë.

Ndërkohë, në bashkëpunim mes bashkive Devoll dhe Pogradec, është siguruar një mjet i rëndë me zinxhirë, i cili gjatë ditës së sotme do të nisë punën për hapjen e rrugës drejt pesë fshatrave të bllokuara në Njësinë Administrative Dardhas.

Sipas ARRSH të gjitha akset rrugore janë të hapura, ndërsa vijon monitorimi dhe kriposja e segmenteve më problematike. Përjashtim bën aksi Qafë Plloçë–Qukës, ku po kryhen punime për pastrimin e inerteve nga shtrati i rrugës dhe qarkullimi është i mbyllur përkohësisht.

Nga OSHEE bëhet e ditur se aktualisht 16 abonentë ruralë në zonat Krushovë dhe Prenisht janë pa energji elektrike, ndërsa linjat që furnizojnë konsumatorët e rëndësisë së veçantë funksionojnë normalisht.

Ndërkohë, Hydropower Devoll njofton se përkohësisht do të mbyllen shkarkimet nga Diga e Moglicës, ndërsa situata do të vijojë të monitorohet nga afër.

Strukturat përgjegjëse mbeten në gatishmëri dhe në koordinim të plotë për menaxhimin e situatës.

Irani sulmon ashpër Shtetet e Bashkuara dhe Izraelin. Ambasadori i Teheranit në OKB, Amir Saeid Iravani, i dërgoi një letër Sekretarit të Përgjithshëm Antonio Guterres duke pretenduar se “Amerika dhe Izraeli “mbajnë përgjegjësi të drejtpërdrejtë dhe të pamohueshme ligjore për humbjen e jetëve të civilëve të pafajshëm, veçanërisht të rinjve”.

Departamenti Amerikan i Shtetit u ka kërkuar qytetarëve amerikanë të largohen menjëherë nga Irani dhe “të marrin në konsideratë largimin tokësor, nëse është e mundur, për në Armeni ose Turqi”. Departamenti rekomandoi që amerikanët “të kërkojnë mjete alternative komunikimi” për shkak të “ndërprerjeve të vazhdueshme të internetit” dhe “të kenë një plan largimi që nuk varet nga ndihma e qeverisë amerikane”.

Kjo sinjalizon se në mbledhjen e Këshillit të Sigurisë në Shtëpinë e Bardhë është marrë një vendim lidhur me ndërhyrjen ushtarake, apo për opsionet e tjera në tryezën e presidentit Donald Trump, shkruan A2.

“Mesazhi për Iranin është se ata duhet të tregojnë humanizëm. Ata kanë një problem të madh. Dhe shpresoj se nuk do të vrasin njerëz. Dhe do të kem një raport shumë shpejt. Më duket se ata janë sjellë shumë keq, por kjo nuk është konfirmuar ende”, tha Trump.

Presidenti nënvizon se SHBA-të do të ndërmarrin “masa shumë të forta” kundër Iranit nëse ai ekzekuton protestuesit, pasi më parë u tha iranianëve se “ndihma është rrugës”. Kjo vjen ndërsa të afërmit e 26-vjeçarit Erfan Soltani, i cili u arrestua javën e kaluar, i thanë BBC Persian se ai do të ekzekutohet sot. Më shumë se 2,400 demonstrues antiqeveritarë janë vrarë në një shtypje të dhunshme nga autoritetet iraniane, sipas një grupi të të drejtave të njeriut me seli në SHBA. Por mediat opozitare me seli në Londër kanë dhënë alarmin se shifra reale e personave të vrarë në manifestime ka shkuar mbi 12 mijë.

Trump ka peshuar opsionet ushtarake dhe të tjera në përgjigje, duke njoftuar tashmë tarifa prej 25% për çdo vend që tregton me Iranin. Qeveria në Teheran ka akuzuar SHBA-në se po përpiqet të “shpikë një pretekst për ndërhyrje ushtarake , duke paralajmëruar se “ky manual ka dështuar më parë”. Ministri iranian i Mbrojtjes, gjeneral brigade Aziz Nafizardeh, paralajmëroi se vendi i tij do të sulmojë bazat amerikane në rajon nëse Shtetet e Bashkuara nisin një ofensivë.

Në Gjirokastër vijon puna në zonat ku ka rrëshqitje dherash, që erdhën si pasojë e reshjeve të dendura të shiut që përfshinë vendin për disa ditë. Prefekti i qarkut bën me dije se njësinë administrative Qytet, në lagjet “Granicë” e sipërme, përroi i Gjokanës në lagjen “Zinxhia” dhe “Pazari i Vjetër” pas kalasë, pritet raporti i gjeologëve për të ndërhyrë më pas për largimin e dherave.

Forcat bashkiake, në bashkëpunim me mjetet e ardhura nga Forcat e Armatosura, po punojnë në njësinë administrative Lunxëri për pastrimin e rrugës së fshatit Dhoksat, deri në fshatrat Gjatë, Këllëz dhe Qestorat. Gjithashtu, po kryhen ndërhyrje për pastrimin e rrugëve të brendshme në fshatin Lazarat.

Bashkia Libohovë

Në njësinë administrative Zagori, rrugët hyrëse të fshatrave Zhej, Lliar dhe Topovë vijojnë të jenë të bllokuara për shkak të rrëshqitjeve të dherave. Bashkia po shqyrton mundësinë e ndërhyrjes, ndërsa pritet raporti i gjeologëve për të përcaktuar hapat e mëtejshëm.

Bashkia Memaliaj

Në njësinë administrative Memaliaj fshat, një rrugë e brendshme mbetet e bllokuar. Bashkia pret studimin e specialistëve gjeologë dhe do të ndërhyjë aty ku nuk ka rrezik për shkarkime të reja.

Bashkia Dropull

Problem mbetet dëmtimi i urës së Glinës, ku shirat e fundit kanë dëmtuar edhe një këmbë tjetër të saj.

Bashkia Përmet

Aksi rrugor Përmet–Dogana e Tre Urave është i kalueshëm vetëm në një segment rreth 25 metra, në hyrje të fshatit Petran. Bashkia Përmet pret vlerësimin e specialistëve gjeologë për ndërhyrje në lagjen “Sede” të qytetit.

Ndërkohë, po punohet për pastrimin e rrugëve të brendshme në fshatrat Bual, Hotovë, Mokricë, Kosovë (njësia adm. Piskovë) dhe në fshatin Tremsht (njësia adm. Petran).

Bashkia Këlcyrë

Nuk raportohen bllokime të akseve rrugore. Pastrimi i inerteve ka përfunduar dhe infrastruktura i është rikthyer normalitetit. Komisioni i ngritur vijon punën për vlerësimin e dëmeve.

Bashkia Tepelenë

Në aksin Subash–Hormovë, rruga e vjetër nuk mundëson qarkullimin e mjeteve të rënda. Bashkia do të ndërhyjë sapo të ulet niveli i ujit në përroin e Tërbuqit.

Gjithashtu, sot pritet të përfundojë puna për drenazhimin e ujërave në një banesë në fshatin Hormovë, e cila rrezikon nga ulja e sipërfaqes së tokës.

Energjia dhe nivelet e lumenjve

Sipas OSHEE, i gjithë qarku furnizohet normalisht me energji elektrike.

Lumenjtë Vjosë, Drino dhe degët e tyre ndodhen në kuota normale, pa rrezik për përmbytje.

Zbardhen detaje të reja në lidhje me arratisjen e Altin Ndocit nga Spitali i Durrësit.

Në lidhje me ngjarjen, Policia e Durrësit pretendon se nuk është për mbështetjen me forca sic ndodh zakonisht gjatë çdo shoqërimi të të paraburgosurve ose të dënuarve kur dalin jashtë ambienteve të burgut për arsye nga më të ndryshmet, ndërsa për arratisjen janë njoftuar në kohë.

Ndërkohë bëhet e ditur se janë kryer kontrolle në kërkim të Ndocit në disa zona të ndryshme të Tiranë, në Astir, Don Bosko, Selitë, etj. Gjithashtu është kontrolluar edhe banesa e tij në Yzberisht, por familjarët kanë deklaruar se nuk kanë dijeni për vendndodhjen. Si rrugë lidhëse me Durrësin, kontrolle u kryen edhe në rrugën e Ndroqit.

Pasi ka dalë nga Spitali i Durrësit, Ndoci është larguar me një automjet tip “Audi A7”, duke kaluar fillimisht në zonën e Spitallës, më pas është shfaqur në Shënavlash, ka vijuar në autostradë dhe dyshohet se ka hyrë në Tiranë.

Erërat e forta të dimrit kanë shembur muret mbi çadrat e përkohshme në Rripin e Gazës, duke shkaktuar vdekjen e të paktën katër personave, mes tyre gra dhe fëmijë. Ngjarja tragjike vjen në një kohë kur kushtet e jetesës janë tejet të rrezikshme për popullsinë palestineze, më shumë se 2 vjet pas bombardimeve shkatërruese izraelite dhe mungesës së ndihmave të mjaftueshme humanitare.

Megjithëse një armëpushim është në fuqi që nga tetori, organizatat humanitare thonë se shumica e palestinezëve nuk kanë strehim të përshtatshëm për t’u mbrojtur nga stuhitë e shpeshta të dimrit.

Muri rreth 8 metra i lartë në një zonë bregdetare të qytetit, vrau tre anëtarë të së njëjtës familje: Mohamed Hamouda, 72 vjeç, mbesën e tij 15-vjeçare dhe nusen e djalit. Të paktën pesë persona të tjerë mbetën të plagosur. Të afërmit nisën të martën heqjen e rrënojave dhe rivendosjen e çadrave të improvizuara për të mbijetuarit.

“Bota na ka lënë të shohim vdekjen në çdo formë të mundshme”, thotë Bassel Hamouda pas varrimit të familjarëve.

“Bombardimet mund të jenë ndalur përkohësisht, por në Gaza kemi përjetuar çdo shkak të imagjinueshëm vdekjeje.”

Zyra e Kombeve të Bashkuara për Koordinimin e Çështjeve Humanitare bëri të ditur se po shpërndahen çadra, mbulesa plastike, batanije, rroba, si dhe ndihma ushqimore dhe higjienike në të gjithë Gazën. Megjithatë, organizatat humanitare theksojnë se materialet për strehim janë ende të pamjaftueshme.

Shumica e palestinezëve jetojnë në çadra të improvizuara, pasi shtëpitë e tyre janë shkatërruar gjatë luftës. Ministria e Shëndetësisë në Gaza, e drejtuar nga autoritetet lokale, thotë se mbi 440 persona janë vrarë nga sulmet izraelite që prej hyrjes në fuqi të armëpushimit. Të dhënat e saj për viktimat konsiderohen përgjithësisht të besueshme nga OKB-ja dhe ekspertë të pavarur.

Zëdhënësi i UNICEF-it, James Elder, deklaroi se të paktën 100 fëmijë nën moshën 18 vjeç kanë humbur jetën që nga armëpushimi, si pasojë e veprimeve ushtarake, përfshirë sulme ajrore, dronë dhe zjarr artilerie. Qindra fëmijë të tjerë janë plagosur.

“Edhe pse bombardimet dhe të shtënat janë pakësuar, ato nuk kanë pushuar”, tregon Elder nga Gaza në një lidhje video me OKB-në në Gjenevë.

“Ajo që sot quhet qetësi, në çdo vend tjetër do të konsiderohej krizë.”

Popullsia e Gazës, mbi 2 milionë banorë, po përballet me të ftohtin dhe stuhitë e dimrit mes mungesës së ndihmave dhe strehimit të qëndrueshëm. Ky është dimri i tretë që nga nisja e luftës më 7 tetor 2023, kur militantë palestinezë sulmuan Izraelin jugor, duke vrarë rreth 1 200 persona dhe duke rrëmbyer 251 të tjerë.

Sipas Ministrisë së Shëndetësisë në Gaza, më shumë se 71 400 palestinezë janë vrarë që prej nisjes së luftës.

Një 45- vjeçar ka ndërruar jetë mëngjesin e sotëm teksa ka qenë duke punuar tokën në Levan të Fierit.

Ai është gjetur në gjendje të rëndë shëndetësore nga banorë të zonës të cilët kanë lajmëruar menjëherë ambulancën e cila ka mbërritur në vendngjarje, por përpjekjet e ekipit mjekësor nuk kanë mundur ta mbajnë në jetë.

Nga këqyrja paraprake e trupit nuk janë konstatuar shenja dhune dhe dyshohet se ai ka ndërruar jetë si pasojë e një arresti kardiak.