Kjo shkallë e përfshirjes së Moskës në telashet e një cisterne në anën tjetër të botës nuk është rastësi.Radio Evropa e Lirë (REL) dhe rrjeti i saj hulumtues, Systema, zbuluan se cisterna është e lidhur me aleatë të vjetër të Kremlinit: ish-deputetin ukrainas, Viktor Baransky, dhe oligarkun moldav në arrati, Ilan Shor.

Cisterna Marinera mori leje të përkohshme për të lundruar nën flamurin rus në ditën e katërt të ndjekjes nga SHBA-ja, më 24 dhjetor 2025.

Ajo ndryshoi edhe pronarin: në vend të një kompanie turke nën sanksionet e SHBA-së, pronare u bë firma Burevestmarin nga qyteti perëndimor i Rusisë, Rjazani.

Ajo u regjistrua në korrik të vitit 2025 dhe prej atëherë drejtori i përgjithshëm dhe pronari i vetëm i saj është Ilja Bugaj, 39 vjeç, me origjinë nga Chita. Ai i lexoi pyetjet që “Systema dhe Radio Evropa e Lirë ia dërguan në një aplikacion mesazhesh, por nuk iu përgjigj atyre.

Bugaj drejton gjithashtu shoqërinë me përgjegjësi të kufizuara, Rusneftehimtorg, në Moskë, e cila merret me furnizime karburanti, përfshirë përmes cisternave. Ndër blerësit kryesorë të karburantit të Rusneftehimtorg-ut kanë qenë disa kompani të huaja dhe të gjitha kanë një veçori të përbashkët: ato janë në pronësi të grave që jetojnë në Moldavi.Të paktën dy gra nga ky grup kanë qenë më parë në vëmendjen e gazetarëve.

Gazeta “Verstka” i quante ato kandidate në perandorinë e flotës në hije të cisternave, pas së cilës qëndron ish-deputeti i këshillit bashkiak të Odesës, Viktor Baranski. Në vitin 2021, strukturat e lidhura me Baranskin dhe holdingun e tij joformal u sanksionuan nga SHBA-ja për transportimin e naftës venezuelase.

System dhe REL-i i dërguan pyetje Baranskyt në Facebook; ai i pa ato, por nuk ktheu përgjigje të menjëhershme.

Kandidatët moldavë nuk janë e vetmja gjë që e lidh Rusneftehimtorg-un me konglomeratin e Viktor Baranskyt. Firma e drejtuar nga Bugaj ka përdorur një cisternë nga flotilja e supozuar e Baranskyt dhe ka tregtuar me një kompani të afërt me holdingun joformal të ish-deputetit.

Megjithatë, te Rusneftehimtorg-u mund të dallohen edhe lidhje të tjera.

Njerëz me lidhje në Kremlin

Në nëntor të vitit 2020, Rusneftehimtorg, i lidhur me cisternën e ndaluar, ra dakord me Nefteprombank-un për një kredi prej 300 milionë rublash (3.7 milionë dollarë sipas kursit të asaj date). Pas gjysmë muaji, banka i dha të njëjtën shumë firmës, Rechmortrans, pas së cilës, sipas “Verstka”, qëndronte Baranski.

Gjashtë muaj më vonë, Banka Qendrore e akuzoi Nefteprombank-un për nxjerrje asetesh dhe ia hoqi licencën. Më pas banka u shpall e falimentuar dhe administratori i falimentimit filloi të kërkonte shlyerjen e kredive.

Në vitin 2022, radha për shlyerjen e borxheve arriti te Rusneftehimtorg dhe Rechmortrans . Të dyja firmat u përballën me padi gjyqësore dhe i shlyen detyrimet deri në mars 2023.Në të dy rastet u përdor e njëjta skemë: në këmbim të borxhit, huamarrësit ia kaluan kreditorit të drejtat e kërkesës ndaj një firme të tretë – SHPK Diamand Estate. Rusneftehimtorg, Rechmortrans dhe drejtori i përgjithshëm i Diamand Estate nuk iu përgjigjën kërkesave për koment.

Që nga viti 2022, Diamand Estate zotëron dy kanale televizive moldave. Më parë ato ishin në pronësi të Igor Chaika, djalit të ish-Prokurorit të Përgjithshëm të Rusisë Yuri Chaika, dhe të Vadim Chubara, bashkëpunëtor i afërt i ish-presidentit të Moldavisë Igor Dodon.

Me ardhjen e Diamand Estate, kanalet filluan të lidhen me rrethin e oligarkut moldav Ilan Shor.

Ai dyshohej gjithashtu për nxjerrjen e 2.4 milionë eurove nga Nefteprombank, por çështja përfundoi pa pasoja për të.

Shor konsiderohet “dora e Moskës” në politikën moldave. Ndërkohë, vetë biznesmeni jeton prej kohësh jashtë Moldavisë – atje ai është dënuar në mungesë me 15 vjet burgim për nxjerrjen e një miliard dollarëve nga sistemi bankar i vendit.

Shor u vendos në Rusi, mori shtetësinë ruse dhe tani ndihmon Kremlinin të anashkalojë sanksionet financiare përmes kriptomonedhave.

Partner i Shorit është banka shtetërore Promsvjazbank, dhe në nisjen e projektit në vjeshtën e vitit 2025 mori pjesë edhe Vladimir Putini.

Edhe Baranski ka lidhje në rrethin e presidentit rus. Ish-deputeti ukrainas ishte anëtar i partisë së Viktor Medvedchukut, kumbarës së Putinit. Pas pushtimit të plotë të Ukrainës, Baranskyt iu hoq shtetësia ukrainase dhe, sipas mediave, ai u shpërngul në Rusi pas Medvedchuk./REL

“Nuk kam interes të ndjek trashëgiminë politike të gjyshit tim”, tha Kai, duke zbuluar se mban një distancë të plotë nga politika dhe nuk ka ndërmend të përfshihet në këtë drejtim. Pavarësisht thashethemeve për kursin e ardhshëm politik të familjes Trump, e reja Kai deklaroi kategorikisht se nuk ka ndërmend të marrë poste publike. Në vend të kësaj, ajo përqendrohet në golf, i cili është pasioni i saj, duke thënë se aktualisht dëshiron të përqendrohet në karrierën e saj në sport.

Lidhur me marrëdhëniet familjare, Kai tha se e konsideron gjyshin e saj Donald Trump thjesht “një gjysh të lezetshëm” dhe thekson se, megjithëse mbështet familjen, nuk ndjen nevojën të përfshihet në politikën publike.

Biseda përfshiu edhe kohët e vështira që ajo përjeton për shkak të mbrojtjes së vazhdueshme nga Shërbimi Sekret, i cili e ndjek kudo. “Është e vështirë të jetosh një jetë normale kur gjithmonë ke dikë përreth”, tha ajo, duke përshkruar se si prania e truprojave ndikon në jetën e saj të përditshme.

“Është e pakëndshme kur je në një takim dhe një agjent është ulur dy tavolina larg teje”, tha mbesa e Trump.

Kai deklaroi se aktualisht nuk po mendon të krijojë familje, pasi përkushtimi i saj është ndaj golfit dhe zhvillimit të karrierës së saj në këtë sport.

Deputeti i Partisë së Lirisë, Tedi Blushi, ka vizituar një famije në Durrës e cila ka pësur përmbytje të banesës së tyre për shkak të rreshjeve të dendura të shiut.

Në postimin e tij Blushi shkruan:

“Sot, pranë qytetarëve të Durrësit. Nuk i përmbyti Zoti, por korrupsioni.

Një dramë e rëndë që ka goditur qindra familje. Gjendja e emergjencës duhet të shpallet urgjentisht.

Çdo familje e prekur duhet të dëmshpërblehet deri në qindarkën e fundit, për çdo pasuri të dëmtuar”, shprehet Blushi.

Zv/kryeministrja Belinda Balluku bëri të ditur se situata nga moti i keq në jug të vendit po shkon drejt përmirësimit, pas mbledhjes së Emergjencave Civile në qarkun e Gjirokastrës.

Ajo theksoi se niveli i lumit Vjosë ka shënuar një rënie prej 1.5 metrash, nga 8 metra në 6.5 metra, çka pritet të reflektohet pozitivisht edhe në zonën e Novoselës.

Sipas Ballukut, rrugët në Gjirokastër janë të zhbllokuara, situata është nën kontroll dhe vetëm disa banesa në zonën e Memaliajt po inspektohen, ndërsa institucionet po qëndrojnë në gatishmëri për një përkeqësim të motit të parashikuar gjatë fundjavës.

“Kemi përfunduar një mbledhje të Emergjencave Civile në qarkun e Gjirokastrës ku u diskutua e gjithë problematika e cila ndodh në këto momente në terren. Një lajm i mirë që doja të ndaja është që nuk bëhet fjalë vetëm për gjithë Gjirokastrën, por për të gjitha jugun dhe zonat ku kalon lumi i Vjosës, krahasuar me nivelin që kemi pasur sot në pikën e matjes që ka qenë 8 metra, tani ka rënë në  6.5 metra. Kemi një ulje që është me 1.5 metra, e cila do të reflektohet gjithashtu edhe në zonën e Novoselës. Me të vërtet ky është një lajm që tregon përmirësimin e situatës. Në Gjirokastër kemi një ulje të temperaturave, kanë nisur edhe reshjet e lehta të dëborës, rrugët janë të zhbllokuara. Vetëm në zonën e Memaliajt në fshat ka disa banesa që do të inspektohen në këto momente nga forcat e emergjencave civile dhe forcave të armatosura. Nga ana tjetër e gjithë situata është nën kontroll. Plani i evakuimit duhet të jetë në të gjitha bashkitë, të gjitha bashkitë duhet të marrin masat bashkë me Emergjencat Civile. Situata e motit është duke u përmirësuar. Megjithatë të shtunën do të kemi një përkeqësim të motit, por kemi 48 orë në dispozicion për ta menaxhuar”, tha Balluku.

Kryetarja e Bashkisë Durrës, Emirjana Sako, ka bërë me dije se 35 persona janë evakuar në Katund të Ri dhe 55 të tjerë në Sukth, për shkak të përmbytjeve.  

Sako foli edhe për vdekjen e punonjësit të komunales, 54-vjeçari Astrit Hysenaj, i cili dyshohet se humbi jetën për shkak të motit të keq. Kryebashkiakja tha se sipas të dhënave paraprake, ngjarja dyshohet të ketë ndodhur jashtë orarit të punës. 

“Kemi qenë deri në orët e vona dje duke punuar në zonën e Durrësit të Ri dhe, gjatë mëngjesit, kemi marrë njoftimin që Erzeni po shkonte drejt kuotave maksimale; kemi dërguar grupet. Është rast i përsëritur si në 2021. Nuk kemi pasur prurje që të nxjerrë lumin nga shtrati, por mendojmë që mund të kenë ardhur prurje edhe nga qytetet e tjera. Evakuimi pak më herët në Katundin e Ri, 35 persona atje, 55 nga njësia administrative Sukth, janë akomoduar në 2 hotele, sepse kavalishenca dhe godina e ushtrisë janë ezauruar nga Durrësi i Ri. Pritet të evakuohen rreth 150 persona. Në këtë moment gjëja më e rëndësishme janë jetët e njerëzve dhe pastaj të mendojmë për dëmet. 

Humbja e jetës: morëm informacionin nga policia për të ndjerin, që po pastronte. Personi ka qenë në datën 6, nga ora 6 e mëngjesit deri në 10:30, më tej është larguar. Pas kësaj, në orën 16:00 familjarët kanë telefonuar për të pyetur nëse ishte në punë. Me datën 7 kanë bërë denoncimin, pra ai nuk ka qenë në orar të punës sipas të dhënave paraprake”,- tha Sako. 

Shqipëria ndodhet ‘në pushtetin’ e ujit si pasojë e reshjeve të dendura të shiut prej ditësh.

Ndërkohë në Fier, situata mbetet shqetësuese, së fundmi mësohet se është çarë argjinatura e kanalit të Martinës në Ferras.

Si pasojë uji ka hyrë në fshat duke rrezikuar të gjithë banesat. Ndërkohë raportohet se po merren masa për evakuimin e banorëve. Situata vijon të jetë  alarmante.

Delegacioni i Bashkimit Evropian po ndjek me shqetësim përmbytjet në të gjithë Shqipërinë.

Drejtoria e Përgjithshme e BE-së për Mbrojtjen Civile Evropiane dhe Operacionet e Ndihmës Humanitare (DG ECHO) është në kontakt të ngushtë me autoritetet shqiptare dhe po ndan informacione dhe imazhe relevante nga sateliti Copernicus.

Së bashku me Shtetet Anëtare, BE është e gatshme të mbështesë popullin shqiptar në përballimin e motit ekstrem, përfshirë edhe përmes Mekanizmit të Mbrojtjes Civile të Unionit.

The Delegation of the European Union is following with concern the floods across Albania.

The EU Directorate Generale for European Civil Protection and Humanitarian Aid Operations (DG ECHO) is in close contact with Albanian authorities and is sharing relevant information and… pic.twitter.com/97y6XtKyW4

— EU in Albania (@EUinAlbania) January 8, 2026

Drejtori i Policisë Rrugore, Drejtues i Parë Perlat Vatoci, gjatë pasdites së sotme ka inspektuar shërbimet e Policisë Rrugore në Rrugën e Arbërit, për të parë nga afër situatën dhe për të komunikuar me punonjësit e Policisë që janë të angazhuar në këtë aks rrugor dhe, nëpërmjet tyre, për t’iu përcjellë një mesazh të gjithë drejtuesve të automjeteve që qarkullojnë në zona malore ku ka prezencë të reshjeve të dëborës: 

“Të gjithë drejtuesit e automjeteve të përdorin mjetet antirrëshqitëse (zinxhirë) dhe goma dimërore, pasi Policia Rrugore ka marrë detyrë dhe urdhër të prerë që të ndëshkojë çdo drejtues automjeti që nuk zbaton me rigorozitet rregullat e qarkullimit në raste të tilla. 

Drejtuesi Vatoci ka apeluar për zbatimin me rigorozitet të rregullave të qarkullimit dhe që, për çdo rast nevoje, të telefonojnë në 112 dhe të kontaktojnë me shërbimet e Policisë në terren. 

Ndërkohë, po bashkëpunohet me firmat kontraktore për mirëmbajtjen e akseve rrugore, me qëllim pastrimin në kohë dhe hedhjen e kripës. 

Si pasojë e motit të keq, shërbimet e Policisë Rrugore janë 100% në detyrë, krahas shërbimeve të tjera të Patrullave të Përgjithshme, Forcës së Posaçme “Shqiponja” dhe Forcës Kombëtare të Sigurisë, të cilat vijojnë punën për t’iu shkuar në ndihmë qytetarëve në zona që kanë problematika për shkak të motit të keq me reshje shiu dhe dëbore, si dhe për të menaxhuar trafikun rrugor, me qëllim parandalimin e aksidenteve rrugore. 

Në Durrës, banorët janë ngritur në protestë pas përmbytjeve dhe kanë marshuar drejt Bashkisë së qytetit.  

Raportohet se situata është e tensionuar pasi protestuesit, së bashku me dy deputetët e PD-së, Oerd Bylykbashin dhe Arjan Ndojën, po tentojnë të futen me forcë në Bashki. 

Protesta nisi pasditen e kësaj të enjteje me thirrjet: “Durrësi, skenë e krimit” dhe “Shpallni gjendjen e emergjencës”. 

Sipas protestuesve, përmbytjet janë pasojë e keqmenaxhimit. 

E Ngarkuara me Punë Nancy VanHorn përgëzoi Kryeprokurorin e Posaçëm të SPAK Klodjan Braho, dhe Kreun e BKH Joni Keta për rolet e tyre të reja drejtuese, duke ritheksuar mbështetjen e Shteteve të Bashkuara për përpjekjet e SPAK në luftën kundër krimit të organizuar dhe trafikut të narkotikëve. Siç ka deklaruar Sekretari Rubio:

“Ne do të përballemi me kartelet e drogës kudo që ndodhen dhe kudo që veprojnë kundër interesave të Shteteve të Bashkuara. Detyrimi kryesor i presidentit është të sigurojë interesin kombëtar dhe sigurinë kombëtare të popullit tonë.” Së bashku, ne qëndrojmë të bashkuar në luftën kundër krimit ndërkombëtar.

Policia Kufitare ka evakuuar mesditën e sotme dy familjarë në zonën e 10 banesave të komunitetit rom, të cilët nuk kishin dashur të largoheshin nga banesa e tyre.

Pavarësisht se niveli i ujit kishte arritur rreth një metër e gjysmë brenda shtëpisë, ata kishin mbetur të izoluar.

Policia Kufitare, në bashkëpunim me forcat Delta Force, ka nxjerrë dy të moshuarit dhe më pas i ka transportuar me gomone drejt rrugës kryesore në njësinë administrative Novoselë.

Kryeministri Edi Rama ka ndarë së fundmi për gazetën gjermane Frankfurter Allgemeine një pasqyrë të rrallë mbi jetën e tij si artist, duke treguar kështu se pas politikës që drejton vendin që nga viti 2013, fshihet një pasion i madh për pikturën dhe skulpturën. 

Për Georg Imdahl ai ka rrëfyer se filloi të vizatonte gjatë takimeve të gjata politike, thjesht e vetëm për të mbajtur mendjen të përqendruar. 

Rama tregon se skicat e tij fillimisht u vlerësuan nga kolegët e kabinetit, të cilët i kishin ruajtur dhe më pas, me mbështetjen e artistit Anri Sala, ai nisi që t’i publikonte veprat e tij. 

Sot, vizatimet, skulpturat dhe instalimete tij përfaqësohen nga galeria e njohur Société në Berlin, e cila i ka vendosur çmimet sipas madhësisë dhe kompleksitetit: vizatimet rreth 3,800 euro, skulpturat rreth 35,000 euro dhe instalimet me letër-muri deri në 50,000 euro. 

“Sigurisht, kombinimi i politikës dhe artit është unik, pranoi Goodman, por: George W. Bush gjithashtu pikturon, megjithatë ajo nuk do t’ia kërkonte. Tani, një tjetër galeri me famë ndërkombëtare, Société nga Berlini, i është afruar artistit për ta përfaqësuar atë. Pronari Daniel Wichelhaus vlerëson stilin e rastësishëm të vizatimit të Ramës, “mënyrën se si ai shkarravit përreth”, ndërsa në të njëjtën kohë, ai gjithmonë trajton pyetje të vendosura piktorike në vizatimet e tij me ngjyra. Ai citon çmime prej rreth 3,800 eurosh për vizatime, rreth 35,000 euro për skulptura dhe deri në 50,000 euro për instalime me letër-muri”, thuhet më tej në këtë artikull të prestigjiozes gjermane. 

Në Galerinë Societé: një nga veprat skulpturale të Edi Ramës 

Përveç vizatimeve, Rama ka zhvilluar një aktivitet të fuqishëm skulpturor, duke krijuar “vizatime në 3D”, të cilat janë ekspresive dhe shumëngjyrëshe, siç i ka vlerësuar kritiku Martin Herbert. Veprat e tij kanë kaluar kufijtë e Shqipërisë, duke u ekspozuar në Bienalen e Venedikut, Muzeun e Ri në Nju Jork, Qendrën Pompidou në Paris dhe Haus der Kunst në Mynih. 

Madje në këtë intervistë është zbuluar dhe një tjetër fakt interesant. Në maj të këtij viti, në Gallery Weekend në Berlin, Société do t’i kushtojë një ekspozitë personale skulpturave të tij. 

Vizatimimi i Ramës i krijuar gjatë bisedës me Georg Imdahl 

Shkrimi i plotë i prestigjozes gjermane: 

Edi Rama është një figurë kontroverse si Kryeministër i Shqipërisë. Si artist vizual, ai gjen një ekuilibër midis detyrave të tij qeveritare dhe po bëhet gjithnjë e më i suksesshëm. 

Shkrimtarë, aktorë, komedianë, agjentë pasurish të paluajtshme dhe prezantues televizivë: nuk është gjithmonë një politikan karriere ai që drejton rrjedhën e një vendi, siç tregojnë shembujt nga Çekosllovakia, Ukraina dhe SHBA-ja. Ndërsa një filozof si kreu i qeverisë ekziston vetëm në veprën e Platonit “Republika”, Republika e Shqipërisë është qeverisur nga një artist vizual, vizatuesi dhe skulptori Edi Rama, që nga viti 2013. 

Basketbollist, politikan, artist 

Në rininë e tij, ai arriti njohje si basketbollist, madje duke arritur të bëhej pjesë e ekipit kombëtar. I lindur në vitin 1964 në kryeqytet, Tiranë, Rama studioi pikturë në Universitetin e Arteve dhe më vonë dha mësim atje si profesor përpara se të hynte në politikë si Ministër i Kulturës dhe të bëhej Kryetar i Bashkisë së Tiranës. Në këtë rol, ai u dallua duke ndriçuar fasadat e qytetit me ngjyra, duke krijuar zgjidhje estetikisht të këndshme, por të përballueshme. Ai përfundimisht u ngrit në pozicionin e Kryeministrit dhe u rizgjodh për një mandat të katërt vitin e kaluar – me një shumicë absolute për Partinë e tij Socialiste. Rama është një figurë polarizuese: kritikët e akuzojnë atë për tendenca autoritare; mbështetësit e shohin atë si një kozmopolit ambicioz që dëshiron ta çojë Shqipërinë në Bashkimin Evropian. 

Vizatimet e tij fillimisht nuk ishin menduar për shitje. Rama shpjegon se në fillim nuk mund t’i përballonte takimet e gjata si politikan. Ai u ndje “i rrëmbyer nga të gjitha takimet”. Ashtu si të tjerët vizatonin ndërsa flisnin në telefon, Rama filloi të vizatonte gjatë konferencave. Ky aktivitet, siç zbuloi dikur një studim shkencor, rrit vëmendjen. Dikush mund ta quajë, në një farë mënyre, këtë praktikë “shkrim automatik”, siç bënin surrealistët, thotë Rama; edhe gjatë bisedës sonë në Zoom, shikimi i tij mbetet i fiksuar në tavolinën e tij ndërsa krijon një zog nga vijat e zeza. Deri më sot, zyra e tij është studioja e tij. Kur një koleg i kabinetit iu afrua në fund të viteve 1990 dhe i prezantoi koleksionin e tij të artit, Rama u habit. Ministri i Arsimit i kishte grumbulluar skicat e tij nga takimet; “ai më kishte rrëmbyer, thjesht kishte marrë vizatimet e mia”. Një anëtar i stafit në zyrën e tij kishte bërë të njëjtën gjë. Kjo ia bëri të ditur krijuesit: Skicat e tij ishin të kërkuara. 

Jeta e tij, thotë ai, u zhvillua si një film. Skenari i tij, siç duhet ta kuptojmë, nuk i ishte njohur kurrë më parë; as kapitulli mbi hyrjen e tij në tregun e artit. Kur e zhvilloi pikturën e tij nga vizatimet, mori mbështetje nga një ish-student i akademisë në Tiranë, artisti me famë ndërkombëtare Anri Sala: ai e inkurajoi Ramën të botonte punën e tij në libra. Një nga këto libra gjeti rrugën në duart e pronarit të galerisë në Berlin, Michael Schultz, duke hapur kështu derën drejt tregut të artit. Një mik i tij, një artist, pati idenë të përdorte një nga vizatimet e tij si model për një vepër qeramike, të cilën e qëlloi dhe ia dha nënës së Ramës. Rezultati e bindi Ramën aq thellë sa që që atëherë ai kalonte çdo fundjavë në studion e mikut të tij duke krijuar vetë skulptura, të cilat i quante “vizatime në 3D”. Veprat abstrakte, të glazura duken fluide, të valëzuara, të brumosura dhe janë shumëngjyrëshe dhe ekspresive, duke e çuar syrin, siç e tha kritiku Martin Herbert, “rreth kthesave në zgavra dhe përsëri jashtë, nëpër sipërfaqe të larmishme”. 

A e kishte fjalën seriozisht kjo? 

Kur Ramës erdhi një email nga Marian Goodman Gallery në vitin 2016 duke i kërkuar ta përfshinin në programin e saj, ai mendoi se ishte shaka dhe kontaktoi Salwn, i cili në atë kohë përfaqësohej tashmë nga galeria e njohur e Nju Jorkut: “A mund të jetë serioze kjo ofertë?” – “Po, me të vërtetë”, ishte përgjigja. Interesi i Goodman ishte i sinqertë. Megjithatë, ai ishte skeptik nëse oferta nuk ishte kryesisht për shkak të jetës së tij si politikan. 

Sigurisht, kombinimi i politikës dhe artit është unik, pranoi Goodman, por: George W. Bush gjithashtu pikturon, megjithatë ajo nuk do t’ia kërkonte. Tani, një tjetër galeri me famë ndërkombëtare, Société nga Berlini, i është afruar artistit për ta përfaqësuar atë. Pronari Daniel Wichelhaus vlerëson stilin e rastësishëm të vizatimit të Ramës, “mënyrën se si ai shkarravit përreth”, ndërsa në të njëjtën kohë, ai gjithmonë trajton pyetje të vendosura piktorike në vizatimet e tij me ngjyra. Ai citon çmime prej rreth 3,800 eurosh për vizatime, rreth 35,000 euro për skulptura dhe deri në 50,000 euro për instalime me letër-muri. 

A ndërthuren arti dhe politika në mendimin e Ramës? 

Ai shpesh ia ka bërë vetes këtë pyetje, por: jo. Politika është “luftë, luftë, përballje me njerëz të pamëshirshëm, duhet të mbijetosh”. Arti, nga ana tjetër, është për të “lutje, një mundësi për t’u qetësuar”. Pa politikë, ai nuk do të kishte vizatuar aq shumë, sepse nuk e sheh veten si artist i vetëm në izolimin e studios së tij. 

Kur mori pjesë për herë të fundit në një panair arti? 

Në vitin 1994, në FIAC në Paris. Shumë kohë më parë për një artist që ka marrë pjesë në Bienalen e Venedikut dhe ka ekspozuar në Muzeun e Ri në Nju Jork, në Qendrën Pompidou në Paris, në Haus der Kunst në Mynih dhe në Kunsthalle Rostock. Ai përfaqësohet edhe nga galeri të tjera, si Alfonso Artiaco në Napoli dhe Nuno Centeno në Porto, dhe më parë është përfaqësuar nga galeria e Berlinit Carlier Gebauer. Në Gallery Weekend në maj 2026, Société do t’i kushtojë atij një ekspozitë personale të skulpturave të tij. Artisti ka konfirmuar pjesëmarrjen e tij në hapje. 

“Unë kam gabimet e mia, por ajo më ka ndjekur në çdo hap nga mbrapa. Do ju lutesha shumë të kishim një sensibiltet. Nuk mund të merren gazetarët a u nda nga gruaja, a u nda nga burri. Nuk është faji juaj, por është faji i sistemit. Ajo është jeta personale e çdo njeriu. Ajo femër, nuk është ajo femër që me aq pak mesazhe që kam lexuar, nuk është ajo femër dhe për këtë ju garantoj.

Absolutisht që nuk e ka kuptuar mesazhin. Ajo nuk e di çfarë dimë ne jashtë. Ajo nuk e ndjen atë që ndjejmë ne. unë mendoj se ajo nuk ka kuptuar asgjë. Ajo nuk kupton të parën që çfarë flitet jashtë. Duhet të kuptojë të parën, pastaj të dytën.

Vajza ime s’ka bërë asnjë krim për të dikur nga krevati. Kam besim të plotë te ajo. Vajza ime është burrneshë. Vajza ime nuk është future për lekë aty, pavarësisht halleve tona. Televizioni është një portë e madhe.

Për Mirin kam shumë mendime, por nuk mund t’i them ato mendime sepse nuk dua t’i degradoj motrën e Mirit, nënë e Mirit, vajzën e Mirit. Mirit do t’ia them ose s’do t’ia them, kjo mbetet për t’u parë në të ardhmen, nëse e takoj.

Duhet të merrni dy-tre psikolog për të matur perevrsitetin e atij mashkulli aty brenda.

Ai një punë zhigolo mund ta bënte shumë mirë. Ai për lekë mund të bëjë çdo gjë. Për famë ai është i gatshëm të bëjë çdo gjë”, tha ndër të tjera babai i Selin.

Nga Alban Daci

8 Janari do të mbetet një nga ditët më të errëta jo vetëm për historinë e Partisë Demokratike, por për demokracinë shqiptare në tërësi. Ajo që ndodhi atë ditë nuk përbën thjesht një konflikt të brendshëm partiak, por një precedent të rrezikshëm që sfidon parimet bazë të funksionimit demokratik të subjekteve politike.

Ngjarja e 8 janarit është unike dhe pothuajse e paprecedentë në praktikën politike ndërkombëtare. Nuk ekziston asnjë rast i njohur, qoftë në demokraci të konsoliduara, demokraci hibride apo edhe në regjime autoritare, ku një subjekt politik të përjetojë një “grusht shteti” të brendshëm – ose më saktë një grusht partiak – me përdorimin e dhunës fizike për të marrë kontrollin e institucionit dhe simbolikës së tij.

Kjo ngjarje nuk mund të kategorizohet as si revolucion. Revolucioni, sipas çdo manuali politik dhe historik, është reagimi masiv i shumicës së qytetarëve ndaj një pakënaqësie të thellë, i drejtuar kundër institucioneve shtetërore që nuk përfaqësojnë më vullnetin popullor. Në rastin e 8 janarit, nuk kishim as një shumicë qytetare, as institucione shtetërore, por një përplasje të dhunshme brenda të njëjtit subjekt politik.

Narrativa kryesore justifikuese e asaj dite ishte koncepti i “shumicës”: pretendimi se shumica legjitimon çdo veprim dhe se, për rrjedhojë, “atyre u takon gjithçka”. Ky interpretim mekanik dhe i rrezikshëm i demokracisë e redukton atë thjesht në aritmetikë, duke anashkaluar rregullat, procedurat, institucionet dhe respektin për pakicën.

Ngjarjet e brendshme të Partisë Demokratike përbëjnë disa nga precedentët më negativë për demokratizimin e partive politike në Shqipëri. Ato krijojnë një model që mund të përdoret sërish në të ardhmen, jo vetëm brenda PD-së, por potencialisht edhe në subjekte të tjera politike, si mjet për të imponuar pushtetin përmes forcës dhe jo përmes rregullave.

Një tjetër element shqetësues ishte përdorimi i një referendumi të brendshëm për të marrë legjitimitetin dhe lidershipin, në një formë që nuk ka analogji në praktikat demokratike perëndimore. Referendumi, i shkëputur nga institucionet statutore dhe proceset e rregullta, u shndërrua në një instrument presioni politik dhe jo në një mekanizëm demokratik vendimmarrjeje. Ky precedent jo vetëm që ishte i padëgjuar më parë, por mbart rrezikun real që nesër të përdoret kundër vetë atyre që e iniciuan.

Nëse do t’i qëndrojmë deri në fund argumentit të “shumicës që ka të drejtë për gjithçka”, atëherë lind një kontradiktë thelbësore: Partia Demokratike, në kushtet aktuale, nuk ka asnjë bazë morale apo politike për të kundërshtuar Partinë Socialiste, e cila gëzon një super-shumicë në mandate dhe numra. Në këtë logjikë, shumica qeverisëse do të ishte e justifikuar të marrë gjithçka, ndërsa pakica asgjë.

Por demokracia nuk funksionon kështu. Demokracia nuk është sundimi i shumicës mbi pakicën, por bashkëjetesa e tyre brenda rregullave, ku shumica qeveris dhe pakica kontrollon, kritikon dhe përfaqësohet. Çdo devijim nga ky parim e shndërron demokracinë në autoritarizëm, pavarësisht nëse ai ndodh në shtet apo brenda një partie politike.

8 Janari nuk ishte thjesht një episod i dhunshëm. Ishte një paralajmërim serioz se pa rregulla, pa institucione dhe pa respekt për pakicën, edhe subjektet që pretendojnë të mbrojnë demokracinë, mund të bëhen rreziku i saj më i madh.

Gjatë momentit të grabitjes, shitësja ka tentuar ta ndalojë autorin, por është plagosur lehtë në dorë nga thika. Ajo është transportuar në spital, ku ka marrë ndihmën mjekësore dhe ndodhet jashtë rrezikut për jetën.

Autoritetet po punojnë për identifikimin dhe kapjen e grabitësit, ndërsa po shqyrtohen edhe rrethanat e ngjarjes.

Ambasada e SHBA-ve në Tiranë ka reaguar pas reshjeve të dendura të shiut dhe përmbytjeve që kanë përfshirë vendin. 

Në mesazhin e saj, ambasada u bën thirrje të gjithë shtetasve amerikanë që të tregojnë kujdes në zonat e rrezikuara nga përmbytjet, të cilat po përkeqësohen. 

“Disa zona në të gjithë vendin janë nën urdhër evakuimi. Përmbytjet mund të ndodhin pa paralajmërim, ndërsa reshjet e shiut mund të shkaktojnë mbylljen e rrugëve për shkak të përmbytjeve ose rrëshqitjeve të dheut”, vijon mesazhi i ambasadës së SHBA. 

Një incident i rëndë ndodhi mëngjesin e sotëm në Bashkinë e Agrinjos në Greqi, kur një person hyri me forcë në zyrën e kryetarit të bashkisë me sjellje kërcënuese dhe nuk e la me kaq, por kafshoi edhe një punonjës të institucionit që u përpoq të ndërhynte.

Sipas informacioneve të “Protothema”, bëhet fjalë për një burrë të moshës së mesme, i cili më parë kishte shkaktuar trazira, pasi kishte ndërprerë një mbledhje të Këshillit Bashkiak me britma.

Këtë herë, ai u ngjit në katin e shërbimeve, duke trokitur në dyert e zyrave.

I dyshuari hyri në zyrën e kryetarit të bashkisë Giorgos Papanastasiou dhe e sulmoi verbalisht, dhe dyshohet se e goditi me një çadër. Pavarësisht përpjekjeve të kryetarit të bashkisë dhe punonjësve për ta qetësuar, incidenti u përshkallëzua.

Policia dhe një ambulancë e EKAB u thirrën menjëherë në Bashki. Autori u kap dhe dërgua me një makinë patrullimi dhe u dërgua në Departamentin e Policisë së Akarnanisë.

Informacionet tregojnë se ky është i njëjti person që ka telefonuar vazhdimisht në telefonat e Bashkisë muajt e fundit, duke i ofenduar punonjësit.

Një familje emigrantësh shqiptarë në Itali të cilët kishin ardhur për pushime në Durrës janë zgjuar këtë mëngjes të përmbytur. A2 CNN raporton se familja në fjalë kishte ardhur për festat e fundvitit në Shqipëri dhe papritur sot u zgjuan të përmbytur.

“Nuk duam t’ia shohim më fytyrën Shqipërisë! Do të ikim direkt për në Itali”, shprehen ata jashtë kamerave, pasi nxorën fëmijët nga banesa e përmbytur.

A2 CNN raporton se ata e kryen vetë evakuimin dhe nuk kërkime ndihmë nga autoritetet.

Presidenti francez, Emmanuel Macron, ka lëshuar një breshëri kritikash të ashpra ndaj Shteteve të Bashkuara, duke i akuzuar ato për një lloj “agresiviteti neokolonial” që po dëmton marrëdhëniet me aleatët dhe po shkel rregullat ndërkombëtare. Gjatë fjalimit të tij vjetor para ambasadorëve francezë, Macron nuk i kursye tonet e forta, duke vënë në dukje se Uashingtoni po largohet gradualisht nga angazhimet e përbashkëta, ndërkohë që institucionet globale po funksionojnë gjithnjë e më pak.

Sipas kreut të Elizesë, sot po jetojmë në një botë ku fuqitë e mëdha janë të tundura ta ndajnë globin mes tyre si në kohët e vjetra, një qasje që ai e cilësoi si “imperializëm të ri”. Macron theksoi se Franca refuzon të dorëzohet para kësaj situate dhe bëri thirrje për një rikthim të fuqishëm te diplomacia e Kombeve të Bashkuara, duke e quajtur braktisjen e tyre si një veprim krejtësisht absurd.

Një pjesë të mirë të fjalimit të tij Macron ia kushtoi nevojës për një Evropë më të fortë dhe më të pavarur, veçanërisht në sektorin e teknologjisë që aktualisht është në shënjestrën e interesave amerikane. Ai u kërkoi vendeve evropiane të mbrojnë me çdo kusht rregullat e tyre të tregut digjital dhe të krijojnë një “mburojë demokratike” kundër ndërhyrjeve të jashtme.

Mesazhi i tij ishte i qartë: Evropa me 450 milionë banorët e saj duhet të veprojë si një fuqi e bashkuar ekonomike, duke i dhënë përparësi tregtisë brenda kontinentit dhe duke thjeshtuar tregun e kapitaleve, në mënyrë që të mos mbetet thjesht një spektatore në përplasjen mes fuqive të mëdha.

Ministrja e Infrastrukturës dhe Energjisë, Belinda Balluku ka bërë të ditur se situata nga përmbytjet në veri është përmirësuar ndërsa në zona e jugut po ndiqet dhe monitorohet me vëmendje.

Në një prononcim për mediat, ajo vuri në dukje se akset kombëtare janë të aksesueshme, ndërsa theksoi se ka akse rrugore rurale që janë pak më të vështira për t’u aksesuar.

“Të gjitha ato zona të veriut që dje kanë pasur situatën ashtu si sot që po ndeshemi në jug për të vazhduar dhe për t’ui ndjekur pavarësisht se situata në veri është më e pëmirësuar dhe është konstante për momentin.

Akset kombëtare janë të gjitha të aksesueshme, ka edhe akse rrugore rurale të cilat mund të jenë në një situatë pak më të vështirë. Megjithatë edhe bashkitë po ndërhyjnë”, u shpreh Balluku.

Balluku u bëri thirrje qytetarëve dhe drejtuesve të mjeteve që janë në lëvizje të përdorin gomat e dimrit dhe të përdorin zinxhirët.

“Ne i bëjmë thirrje të gjithë qytetarëve të cilët janë në këto momente në lëvizje duhen përdorur gomat e dimrit dhe duhen përdorur zinxhirët.

Di që prefektura të ndryshme kanë dalë dhe kanë bërë thirrje edhe në zonat të veriut siç është për shembull rasti i rrugës së Arbrit ku bora ka shtruar, apo rasti i Bulqizës që ka edhe borë edhe erë. Kjo është një situatë e jashtëzakonshme e motit që do të kalojë shpejt ndaj duhet të bashkëpunojmë të gjithë”, tha më tej Balluku.