Presidenti i Partisë së Lirisë, Ilir Meta ka zhvilluar së fundmi një intervistë ku ka zbuluar detaje nga jeta e tij në qeli. Meta ka konfirmuar se ai është dënuar me 10 ditë pas zhvillimit të një intervistë përmes telefonit. Ai shtoi se në këto 10 ditë ai nuk mund të zhvillojë aktivitete sportive teksa e cilësoi vendimin si historik.

Meta theksoi se nuk e dinte që telefonatat nuk lejoheshin pas orës 20:00 pasi ai do ta respektonte. Ai tha se intervistat e tij nuk do të ndalen por do ti shpeshtojë. Sa i përket jetesës në qeli ai u shpreh se ka njohur njerëz fisnikë të cilët nidhen në burg me statistika jo të vërteta.

Meta ka komentuar edhe kushtet në burg teksa shtoi se nuk kanë ujë. Sipas tij ata furnizohen me ujë për 1 ose 2 orë dke mbushur bidonat me të cilët më pas lahen.

Pjesa nga intervista e Metës:

Pyetje: Meta a është i vërtetë lajmi që jeni dënuar me 10 ditë për mos zhvillim të aktiviteteve sportive për shkak të intervistës që dhatë pak ditë më parë për gazetaren Beti Njuma në Ora Neës?

Meta: Po, ky vendim “historik” është i vërtetë dhe m’u komunikua sot nga Komisioni i Disiplinës në IEPV “Jordan Misja”, gjoja pse kisha kryer një bisedë telefonike në ora 20:20, kur telefonatat lejohen deri në ora 20:00.  Këtë orar strikt unë nuk e dija sepse sigurisht do ta respektoja. Në fakt ndalimi i aktivitetit tim sportiv (ping-pong) për 10 ditë ndodhi për shkak të intervistës që unë dhashë për kolegen tuaj Beti Njuma.

Unë kam telefonuar z. Tedi Blushi, me të cilin jam në kontakt të vazhdueshëm, i cili ishte duke zhvilluar live një intervistë me të dhe natyrisht që nuk mund t’i shmangesha pyetjeve të Znj.Njuma, në respekt jo vetëm të integritetit të lartë profesional që ka por edhe të pasionit të saj për ngjitjen në male. Pavarësisht “dënimit historik” të jeni të bindur se intervistat e mia nuk do të ndalen, përkundrazi tani do të jenë edhe më të shpeshta.

Pyetje: Si ndiheni në burg tani prej 8 muajsh?

Meta: Unë personalisht ndihem në top-formë si kurrë më parë. Ushtrohem disa herë në ditë dhe lexoj e shkruaj shumë, kam mësuar shumë gjëra të reja, pasi kurrë s’kam jetuar në konvikt.
Kam takuar (edhe pse shumë pak), njerëz të mrekullueshëm dhe fisnikë që rrinë këtu vetëm për statistika të rrejshme.

Pyetje: Po me të nxehtin tani si ja bëni?

Meta: Kjo nuk është sfidë për mua pasi unë kam problem kondicionerin dhe jo të nxehtin.
Vërtet tani nuk ka ujë, këtu në mes të Tiranës edhe 12 vjet pas premtimit të Kryerilindasit, por kur vjen 1 ose 2 orë, mbushim bidonat për t’u larë.

The post “Kam takuar njerëz fisnikë që rrinë këtu”, Meta tregon jetën pas hekurave: Në qeli nuk ka as ujë, mbushim bidonat për.. appeared first on Sot News | Lajme.

Një intervistë përmes celularit në televizion, i ka kushtuar Ilir Metës ndalimin e aktivitetit sportiv. Ishte vetë Tedi Blushi që në një deklaratë për mediat zbuloi se Meta është dënuar nga Komisioni Disiplinor i burgut Jordan Misja me 10 ditë për të mos ushtruar aktivitete sportive. Ky vendim sipas Blushit është marrë sepse Meta realizoi një intervistë live, me telefon me gazetaren Beti Njuma.

Në studio televizive ka qenë vetë Blushi i ftuar, i cili ka marrë në celular Metën, ndërsa ky i fundit tha se po komunikon përmes telefonit të burgut.

“Partia e Lirisë dënon gjithashtu me forcë edhe përpjekjen kriminale të Narkoregjimit, që pasi i kufizoi lirinë e lëvizjes duke e izoluar padrejtësisht, në mënyrë krejtësisht qesharake po tenton t’i heqë Presidentit Meta edhe të lirinë dhe të drejtën e fjalës për të komunikuar me gazetarët.

Rasti me qesharak, ndodhi sot kur Komisioni Disiplinor i IEPV “Jordan Misja” dënoi Presidentin Meta me 10 ditë për të mos ushtruar aktivitete sportive në ambientet e paraburgimit vetëm pse pak ditë më parë realizoi live një intervistë me gazetaren Beti Njuma”, tha Blushi.

Sipas Blushit, narkoregjimi me ndihmën e SPAK po bën çdo përpjekje për të goditur dhe izoluar liderët e opozitës

“Këto praktika sa qesharake, po aq të neveritshme dhe represive, dëshmojnë fytyrën e vërtetë dhe degradimin e Narkoregjimit, që me ndihmën e SPAK po bëjnë çdo përpjekje për të goditur dhe izoluar liderët e opozitës.

Presidenti Meta në krye të Partisë së Lirisë po drejton me vendosmëri dhe efiçiencë të plotë politike aktivitetin dhe qendrimet e saj politike, me gjithe kushtet e izolimit ai gëzon shëndet të plotë dhe garanton të gjithë gazetarët e pavarur se asnjë masë represioni apo kufizimi e imponuar nga Narkoregjimi nuk do të mund t’i ndalojë atij kurrë lirinë e fjalës dhe të drejtën për të komunikuar me mediat e pavarura”, tha Blushi.

Sekretari i Përgjithshëm i PL, Blushi u ndal edhe tek zgjatja e hetimeve për Metën, duke thënë se është një akt tërësisht politik dhe se po e mbajnë në qeli pa prova.

“Zgjatja mafioze e afatit të hetimeve për Presidentin Meta, në mungesë totale të provave që kurrë nuk do të gjenden sepse nuk ekzistojnë, është një akt tërësisht politik, që është urdhëruar publikisht në Asamblenë e Partisë Socialiste nga Edi Rama më 7 maj të vitit 2022, që e dënojmë me forcën më të madhe.

Në 32 vite shërbim publik kurrë nuk ka dhe nuk do të mund të gjendet një akt, një provë, dokument, vendim apo veprim i paligjshëm i Presidentit Meta.

Masa e arrestit do të ankimohet edhe në Gjykatën Kushtetuese, për të shteruar dhe ezauruar të gjitha procedurat e brendshme në mënyrë që kjo çështje të mbërrijë sa më shpejt në Strasburg”, vijoi Blushi.

The post Intervista me celular nga burgu lë Metën 10 ditë pa palestër, Blushi reagon ashpër: E kanë dënuar sepse… appeared first on Sot News | Lajme.

Presidenti i Partisë së Lirisë, Ilir Meta, është dënuar me 10 ditë ndalim të aktivitetit sportiv nga Komisioni i Disiplinës.

Vendimi u mor pas një telefonate të drejtpërdrejtë që Meta bëri gjatë një emisioni televiziv, veprim që konsiderohet shkelje e rregullave.

Ilir Meta ndodhet në burg që prej 21 tetorit të kaluar, ndërsa Monika Kryemadhi është në masën e sigurisë “detyrim paraqitje”. Çifti tashmë i divorcuar ligjërisht akuzohet se kanë ushtruar pushtetin e tyre ndër vite për të përfituar pasuri në mënyrë të paligjshme, si dhe për fshehjen e burimit të këtyre pasurive, duke përfshirë edhe familjarët në skemat e dyshuara.

The post Telefonoi drejtpërdrejtë një gazetare në emisionin e saj, Meta dënohet me 10 ditë ndalim të aktivitetit sportiv appeared first on Sot News | Lajme.

Meta denoncon se ndaj tij po kryhet një përndjekje politike pa asnjë provë të vlefshme dhe se qëndrimi i tij në paraburgim është vetëm për të penguar aktivitetin e tij opozitar.

Presidenti i Partisë së Lirisë, Ilir Meta, ka reaguar nga burgu pas vendimit për zgjatjen e hetimeve ndaj tij për edhe 6 muaj.

Ai akuzon sistemin e drejtësisë për arbitraritet dhe manipulim politik, duke premtuar se kauzat e tij do të dalin fitimtare dhe pluralizmi politik do të rikthehet në Shqipëri.

The post “Nga kjo betejë do të dal më i fortë”/ 6 muaj hetime reagon ashpër Meta nga qelia: Nuk ka prova ndaj meje appeared first on Sot News | Lajme.

Presidenti i PL, Ilir Meta ka zhvilluar një telefonatë livë për një emision televiziv.

Meta u shpreh se prokuroria nuk ka prova ndaj tij dhe se u rrëmbye pa asnjë letër policie.

Meta: Jam rrëmbyer pas asnjë letër policie.

Pas asnjë prezantim se kush ishin ata kriminelë.

Ai operacion nuk nis aty ku shikoni ju nga makina ime, ai operacion kishte gjysëm ore që bëhej ishin bllokuar gjithë makinat.

Terrorizonin njerëzit dhe ne nuk po kuptonim se çfarë po ndodhte.

Dhe pastaj më e bukura është se prapa meje ishte makina private ku më futën mua.

Kjo është drejtësi me regji të mirëfilltë politike dhe kriminale.

Si e gjykoni ju, është rastësi që sot gjykohet gjoja Apeli lë në burg Veliajn  dhe nëser mbylleshin zyrtarisht hetimet e mia dhe mua këto më kanë marrë gjoja edhe të pandehur para pak ditësh, u zgjatën prap hetimet.

Për ça zgjaten?

Këta kanë 6 vjet që më hetojnë mua me firmën e Altin Dumanit.

Është përgjegjësi e SPAK rrëmbimi im. Ne në Strasburg do i fitojmë të gjitha çështjet.

The post “Më morën pa urdhër arresti”, Meta shpërthen: Rrëmbimi im i planifikuar, një ditë para vendimit për Veliajn dhe… appeared first on Sot News | Lajme.

Avokati i Ilir Metës, Kujtim Cakrani, në një lidhje direkte me studion televizive, deklaroi se Presidenti i Partisë së Lirisë do të lirohet shumë shpejt.

“Besoj se shumë shpejt do të lirohet. Është ezauruar çdo veprim dhe kuptohet qartë që edhe SPAK-u është sforcuar shumë. Në datën 10 të këtij muaji bëhet 1 vit që zoti Meta është regjistruar si person nën hetim, kështu që besoj se është ezauruar çdo afat edhe procedurial. SPAK-u nuk ka çfarë provash të tjerë të mbledhë për zotin Meta.

Besoj se brenda verës zoti Meta do të jetë person i lirë. Por, mos të harrojmë që çështjet politike janë shumë të vështira të çmontohen juridikisht”, tha Cakrani. Avokati tregoi edhe gjendjen aktuale të Ilir Metës:

“Zoti Meta është në gjendje shumë të mirë fizike. Punon çdo ditë, orienton partinë, shkruan, bën palestër, kështu që është në gjendje shumë të mirë dhe në formë si nga ana fizike, ashtu edhe morale”.

The post “Kur do të jetë i lirë, Ilir Meta”? Përgjigjet avokati i tij, Kujtim Cakrani appeared first on Sot News | Lajme.

Kastriot Ismailaj, i dënuari i vetëm deri më tani në aferën e bujshme CEZ-DIA, vazhdon betejën me drejtësinë edhe pse ka përfunduar së vuajturi dënimin. Pasi Gjykata e Lartë nuk pranoi rekursin e tij një vit më parë, ai tashmë ka depozituar një kërkesë për pafajësi në Gjykatën Kushtetuese. Kjo e fundit ka vendosur të shqyrtojë çështjen në seancë plenare, mbi bazë dokumentesh, më 19 qershor.

Ismailaj u dënua me 11 vite burg për mashtrim me pasoja të rënda dhe pastrim parash, ndërsa iu konfiskuan afro 4.5 milionë euro në pesë llogari të ndryshme bankare. Ai u arrestua më 12 maj 2015, pas hetimeve të Prokurorisë së Tiranës që e akuzuan për përfitimin e 6.5 milionë dollarëve nga CEZ-DIA, për një shërbim që nuk e kishte ofruar.

Ndërkohë që Ismailaj kërkon pafajësi, hetimet për këtë aferë kanë avancuar në një tjetër drejtim, duke përfshirë emra të mëdhenj të politikës shqiptare. Ish-presidenti Ilir Meta është marrë i pandehur nga SPAK, i cili në dosjen hetimore e përshkruan Ismailajn si “njeriun e Metës” në këtë skemë të dyshuar korruptive.

Sipas SPAK, historia nis me krijimin e kompanisë “Debt International Advisory” në ishujt “Virgin Island” më 5 korrik 2010, ndërsa dega shqiptare u regjistrua më 4 gusht po atë vit. Më pak se një muaj më pas, më 1 shtator, kompania nënshkroi marrëveshjen me CEZ, çka ka shtuar dyshimet për qëllim të paracaktuar të themelimit të saj.

SPAK evidenton se gjatë kësaj periudhe, Meta dhe Ismailaj kanë komunikuar 115 herë në vetëm 5 muaj, përmes telefonatave apo mesazheve. Madje, Meta e përfshinte Ismailajn në mbledhjet e CEZ në Pragë dhe në forume si Këshilli Mbikëqyrës i CEZ-DIA dhe ai i OSHEE-së, edhe pse ky i fundit nuk kishte asnjë funksion zyrtar.

Prokuroria e Posaçme thekson se Ilir Meta kishte si objektiv përfitimin e 10 milionë eurove nga marrëveshja CEZ-DIA, dhe për këtë shfrytëzoi pozitat politike dhe ndikimin institucional për të avancuar interesat e tij përmes Ismailajt.

Tashmë, ndërsa Ismailaj pret vendimin e Gjykatës Kushtetuese për pafajësi, SPAK pritet të çojë për gjykim çështjen kundër Ilir Metës, duke e thelluar më tej hetimin mbi një nga skandalet më të përfolura të tranzicionit energjetik në Shqipëri.

The post CEZ-DIA/ I dënuari i vetëm, Kastriot Ismailaj kërkon pafajësi në Kushtetuese, Meta pritet të gjykohet nga SPAK appeared first on Sot News | Lajme.

Në zgjedhjet e ardhshme lokale Partia e Lirisë do të kandidojë me siglën e saj dhe jo bashkë me PD-në, ndërsa në Kavajë ka dyshime të forta se u vodhën votat nga brenda dhe jashtë koalicionit.

Kështu u shpreh sot në  një emision televziv, Sekretari i Përgjithshëm i Partisë së Lirisë, Tedi Blushi.

I sapozgjedhur deputet nga lista e sigurt e koalicionit PD-ADSHM për qarkun e Tiranës më 11 maj, ai pranoi se dështuan të merrnin rezultat pozitiv në zgjedhjet që i cilësoi të vjedhura nga Edi Rama. Blushi bëri autokritikë edhe për dështimin që ta nxirrte kryetarin Ilir Meta si deputet të Kuvendit, duke marrë një rezultat votash të dobët në listën e hapur të Tiranës. Blushi tha se votat e PL-së ishin vjedhur dhe ndaj kërkonin verifikim nëpërmjet ankimimit.

Ai nënvizoi se bashkëpunimi me PD-në është pozitiv dhe do vijojë, teksa u përgjigj edhe për akuzat e Monika Kryemadhit ndaj tij për pasurinë, duke nënvizuar se “jetoj te shtëpia e vjehrrit”.

Blushi tha se Ilir Metës nuk ia merr askush partinë dhe do jetë për dekada lideri i saj, ndërsa hodhi poshte spekulimet për gjendjen shëndetësore dhe psikologjike, duke e cilësuar në “topformë” dhe “pilot”.

“Raporti i PE damkos qeverinë për manipulimin dhe standardet e zgjedhjeve. Raporti i zotit Gahler e shprehu qartë përfshirjen e shtetit dhe krimit në zgjedhjet e 11 majit. Me trenin bullgar nuk mund të shkosh dot në BE. Kemi rastin e Njësisë nr. 9 në Tiranë apo rastin e Peqinit, me trenin bullgar. Evidencat janë në dritën e diellit dhe ku 130 mijë fletët e votimit që nuk dihet se ku janë, sikurse 130 mln eurot e inceneratorit të Tiranës. Kemi raste ku bandat ditën e zgjedhjeve dhe më tej, sikurse në Vorë, ku bandat morën peng qendrën e votimit atje. Madje edhe qeveria i inkurajoi, me në krye kryeparlamentaren Elisa Spirolaki, duke i pajisur ata edhe me bexha nëpërmjet Ilirjan Celibashit. Rezultati i zgjedhjeve nuk është shprehje e vullnetit të qytetarëve, por i diktuar me laps e letër nga Edi Rama. Nuk ka ende asnjë hetim për rastin e Vorës, as nga ana e Task-Forcës apo SPAK dhe nuk ka ende asnjë sqarim sot e kësaj dite se çfarë ndodhi atë ditë dhe kush ishin ata persona”, tha Blushi.

Ai i qëndroi kërkesës dhe dyshimeve se rezultati në Kavajë ishte i deformuar, por nuk akuzoi PD-në dhe komisionerët e saj, edhe pse shumë kandidatë të opozitës kanë dalë publikisht dhe akuzojnë për vjedhje votash brenda koalicionit.

“Kemi dyshime të arsyeshme se vullneti i qytetarëve të Kavajës është ndryshuar. Një makineri shtetërore ka ndërhyrë dhe kush tjetër, është çështje vullneti politik, narkomazhorancë, ku edhe SPAK-u veproi vetëm pas zgjedhjeve, madje u shoqëruan vetëm disa persona. Kreu i SPAK nuk guxon të thotë emrat e krerëve të bandave, kjo do të thotë shumë. Krerët e organizatave kriminale janë të lirë, janë arrestuar vetëm disa bedelë. Altin Dumani nuk i sheh ata siç nuk sheh krimin intelektual apo inceneratorët. Ka pasur ngërçet e veta në momente të caktuara, por në vija të përgjithshme bashkëpunimi i koalicionit ka qenë shumë i mirë dhe pozitiv. Madje dua t’i falenderoj të gjithë numëruesit dhe komisionerët që i qëndruan ballë situatave, madje edhe ata që votuan presidentin Meta janë heronj, pasi kanë refuzuar presionet, shantazhet, kërcënimet etj”, tha drejtuesi i PL-së në mungesë të Ilir Metës, i cili qëndron i paraburgosur prej 21 tetorit 2024.

Por a ka krisje mes PD dhe PD-së dhe a do shkojë opozita në Parlament në muajin shtator, apo do e bojkotojë.

“Ka pasur edhe problematika të natyrave të ndryshme dhe cedime, por nuk është momenti për t’i analizuar, sepse ka ndodhur një masakër elektorale në krahun tjetër, pasi Rama po tenton të spostojë vëmendjen nga ajo që ka ndodhur. Por i panë ndërkombëtarët, kemi raportet dhe rezolutat. Ne nuk i pranojmë zgjedhjet dhe nuk i lëmë hapësirë Ramës nga ana tjetër, duke përsëritur gabimin e djegies së mandateve, që nuk është gabim por tradhti kombëtare. Betejën tonë sigurisht që do e bëjmë në Parlament, asnjë hapësirë Ramës, nuk do e gëzojë dot këtë mandat, nuk do ta mbyllë dot. Për këtë të jeni të bindur”, u shpreh Blushi, duke shigjetuar edhe ish-kryetaren Monika Kryemadhi (te ish-LSI).

Por a do vijojë koalicioni zgjedhor mes PD dhe PL në të ardhmen apo pas krisjes për Kavajën do të kenë rrugë të ndara?

“Do e qartësojmë këtë moment për zgjedhjet e ardhshme lokale, nëse do jemi bashkë me PD apo jio. Ne kemi nisur analizën, ndaj falenderoj votuesit e zotit Meta dhe të gjithë numëruesit. Sigurisht që patëm edhe ne gabimet tona, pasi ceduam në disa raste, sikurse listat që shkuan nga PL te patronazhistët e Edi Ramës. Kemi ndezur motorët e fushatës së ardhshme të zgjedhjeve lokale, do garojë me siglën e saj për këshillat bashkiakë dhe do marri rezultat që do kalojë parashikimet tuaja. Do kandidojmë me siglën tonë, por nuk ka asnjë çarje me PD-në. Herën e kaluar PD s’e kishte vulën e saj, ndaj edhe kandiduam së bashku. Po bëhen përpjekje për të krijuar një konflikt artificial mes PL dhe PD-së. Ne kemi mbajtur qëndrimin tonë, ashtu sikurse edhe presidenti Ilir Meta, duke denoncuar përpjekjet e Ramës deri edhe në marrjen peng të PD-së. Zoti Meta dha kontributin e tij dhe e shpëtoi nga marrja peng të Partisë Demokratike nga Rama”, nënvizoi sekretari i përgjithshëm i PL.

Blushi iu përgjigj edhe akuzave të Kryemadhit për pasurinë e tij dhe se është pronar i tre shtëpive, teksa merr edhe benefite shtetërore.

“Tedi Blushi nuk ka asnjë shtëpi, jetoj në një apartament të ndërtuar që në kohën e Enver Hoxhës, që është e vjehrrit të tij, pra që nuk është e imja. Me të ardhurat e mia modeste nuk kam pasur mundësi që të jem pronar i një shtëpie time. Nuk kam asnjë kompleks për të thënë këtë, jam shumë i qetë në lidhje me pasurinë time, pasuria ime është familja ime, pastërtia ime morale”, tha ai.

Deputeti i ardhshëm i Parlamentit shoi edhe spekulimet për gjendjen shëndetësore dhe psikologjike të kryetarit Meta në paraburgim, duke nënvizuar se në ping-pong nuk e ka mundur ende askush atje brenda.

Blushi bëri edhe autokritikë që dështoi për ta bërë deputet Metën, duke thënë se kryetari brenda në burg mori më shumë vota në qendrën e tij sesa ata jashtë.

“Metën e kam takuar tre ditë më parë, gjendja e tij është top-formë, ka paramentra shëndetësore të një piloti. Nuk ka dalë askush që ta mund në ping-ong brenda atyre ambienteve. Gjendja është shumë e mirë, komunikoj pothuajse çdo ditë, por takimet janë të caktuara nga IEPV te “Jordan Misja”. Por të mos kenë asnjë shqetësim për gjendjen e tij shëndetësore. Dua të them se zoti Meta mori në qendrën e tij të votimit më shumë vota atje brenda sesa ne që ishim jashtë atyre ambienteve. Por ne që ishim jashtë, përfshi edhe mua, që kam edhe përgjegjësinë kryesore, nuk ia dolëm dot. Ne kemi filluar analizën, do korrigjojmë gabimet që bëmë në këto zgjedhje dhe mendoj se në betejën e afërt zgjedhore elektorale do kemi rezultate shumë të mira”, tha ai.

Por a mund të ketë PL një kryetar të ri në mungesë të Metës dhe a mund të largohet nga drejtimi i partisë pas problemeve me drejtësinë?

“Kjo është një shaka e madhe sepse askush nuk e ka menduar këtë gjë apo ta mendoj, sepse zoti Meta është lider i padiskutueshëm i kësaj partie. Nuk ka vend për një debat të tillë dhe s’ka pse bëhet. Edhe në konventë pati kandidatë që mendonin se mund të konkurronin me zotin Meta dhe rezultati u pa vetë. Lidershipi i tij është i padiskutueshëm, ai është e do të jetë për dekada të tjera në krye të asaj partie”, përfundoi Blushi.

The post “Ping-pong në burg”, Blushi flet për Metën, zgjedhjet dhe sherrin me Kryemadhin: Iliri në burg po fiton më shumë… appeared first on Sot News | Lajme.

Presidenti i Partisë së Lirisë, Ilir Meta, ka reaguar përmes një postimi në rrjetet sociale lidhur me pretendimet e Partisë Demokratike për mungesën e 130 mijë fletëve të papërdorura të votimit në zgjedhjet e 11 majit 2025.

Meta krahasoi këtë mungesë me skandalin financiar të inceneratorit të Tiranës, duke e cilësuar si një tjetër krim të sofistikuar të “Narkoshtetit të Edi Ramës”.

“130 mijë fletë votimi ‘të humbura’ si 130 milion eurot e ‘avulluara’ të inceneratorit të Tiranës që nuk ekziston. Në Narkoshtetin e Edi Ramës mund të ndodhin krime intelektuale kaq të sofistikuara: Humbin votat, siç zhduken paratë e taksapaguesve. Asnjë përgjegjësi, asnjë transparencë”, shkruan Meta.

Ai shtoi më tej se në një vend ku “digjet vota” por jo plehrat, është “djegur” edhe demokracia dhe e ardhmja e vendit.

“Vjedhin 130 milion euro për një incenerator që nuk e ndërtuan kurrë — tani zhdukin edhe 130 mijë fletë votimi, si të ishin mbetje për djegie. Në këtë vend ku vetëm plehrat nuk digjen por ‘digjet’ vota, atëherë bashkë me të është djegur demokracia, shteti i së drejtës dhe e ardhmja e vendit. Kurrë nuk mund të pranohet ky terrorizëm elektoral!”, përfundoi Meta.

Ndërkohë, sot Komisioni i Ankimimeve dhe Sanksioneve (KAS) rrëzoi kërkesën e Partisë Demokratike për hapjen e 43 kutive të votimit në Vlorë, ku ishte raportuar zero fletë votimi të papërdorura. PD pretendon se në të gjithë vendin mungojnë 130 mijë fletë, ndërsa KQZ ka sqaruar se kjo diferencë buron nga pasaktësi në plotësimin e procesverbaleve në Qendrat e Votimit.

The post Pretendimi i PD për mungesën e 130 mijë fletëve të votimit, Meta: Si 130 milionët e inceneratorit që nuk ekziston appeared first on Sot News | Lajme.

Duket se Sekretari i Përgjithshëm i Partisë së Lirisë, Tedi Blushi dhe deputetja aktuale e PL Monika Kryemadhi do të vijojnë të lëshojnë sulme ndaj njëri-tjetrit.

Blushi tha gjatë një interviste televizive, se pjesëmarrja e Monika Kryemadhit në fushatën për zgjedhjet e 11 majit, duke e cilësuar si një “shaka të madhe”, pasi sipas tij, deputetja ftonte qytetarët të votonin për Ilir Metën, e në të njëjtën kohë godiste bashkëpunëtorët më të afërt të tij.

Më tej ai theksoi se zgjedhjet e 11 majit ishin të manipuluara dhe të shoqëruara me presion dhe kërcënime ndaj qytetarëve, duke i quajtur ato “terrorizëm elektoral”. Ai deklaroi se administrata publike është përdorur masivisht dhe se qytetarët janë kërcënuar me vendin e punës

“Zgjedhjet e 11 majit ishin terrorizëm elektoral. Ka pasur kërcënime për largim nga puna dhe është përdorur masivisht administrata publike. Partia e Lirisë ka nisur analizën e rezultatit. Nuk doja të flisja për temën e fushatës, është shaka e madhe që ndërkohë që fton njerëzit që të votojnë Metën, godet bashkëpunëtorët e tij më të afërt. 8000 heronj në kushte të vështira presioni e shantazhi votuan për presidentin Ilir Meta.

Këtë javë mbyllim procesin e analizës. Do vetëpastrojmë partinë, nga ata individë që kanë përfituar nga PL dhe Meta, por që janë sot pranë Edi Ramës. Këta individë i kanë marrë fytyrën vetes së vet. Votat e Partisë së Lirisë janë tjetërsuar. Pra votat nuk janë tretur, pasi njerëz të PL janë aktivë. Partia ka strukturë solide. Meta në qendrën e tij të votimit doli më mirë se edhe ne të tjerët që ishim në liri. Sigurisht që ka vend që të vetëpërmirësohemi. Ka qenë parti që është goditur fort, teksa presidenti i partisë mbahet në izolim ekstrem”, tha Blushi.

The post “S’ka fushatë me dy fytyra”, Blushi godet Kryemadhin: Nuk mund të mbështesësh Metën dhe të godasësh ekipin e tij appeared first on Sot News | Lajme.

Partia e Lirisë ka kërkuar zyrtarisht rinumërimin e votave në Bashkinë Kavajë, ku Aleanca për Shqipërinë Madhështore (ASHM) siguroi një fitore me 2899 vota më shumë se Partia Socialiste.

Kërkesa është depozituar në Komisionin Qendror të Zgjedhjeve (KQZ) nga Sekretari i Përgjithshëm i PL-së, Tedi Blushi, i cili deklaroi:

“Të rinumërohen të gjithë fletët e votimit në Bashkinë Kavajë. Dyshime të arsyeshme për parregullsi gjatë procesit të numërimit të votave. Kërkesa jonë është në funksion të transparencës dhe legjitimitetit të rezultatit përfundimtar.”

Ndërkohë, disa kandidatë të ASHM-së në Tiranë kanë shprehur dyshime për manipulime në numërimin e votave dhe kanë dorëzuar kërkesa zyrtare pranë Komisionit të Ankimimeve dhe Sanksioneve (KAS) për rinumërim të votave preferenciale.

KAS, ku shumicën e përbëjnë përfaqësues të Partisë Demokratike, rrëzoi ankesat e katër kandidatëve të PD-së, duke argumentuar se Kodi Zgjedhor nuk e lejon kërkesën individuale të kandidatëve, përveçse përmes partisë.

Për këtë çështje, kryetari i PD-së, Sali Berisha, sqaroi se kandidatët kanë ndjekur një rrugë të këshilluar, por që duhet të veprojnë në përputhje me platformën e partisë dhe jo individualisht:

“Ata vepruan sipas ligjit, pasi Kodi Zgjedhor e ndalon që kandidatët të kërkojnë rinumërim individualisht. Nëse partia ka kërkuar paligjshmërinë e zgjedhjeve, kjo shqyrtohet e para dhe më pas paraqiten një nga një kërkesat e kandidatëve. Ka pasur vetëm një keqkuptim nga ana e tyre. Çdo kandidat që mendon se i duhet transparenca, do të mbështetet nga partia, por duhet të respektojë këtë platformë të përcaktuar.”

Berisha theksoi se përfaqësuesit e PD-së në KAS kanë zbatuar ligjin dhe nuk kanë votuar për një akt që ligjërisht është i pavlefshëm. Ai siguroi se kërkesat e kandidatëve do të paraqiten në mënyrë të organizuar dhe ligjore nga përfaqësuesit e partisë në KQZ.

The post Përplasje në koalicionin e PD/ Ja si Berisha tenton të pengojë rinumërimin e votave, kandidati i Metës e nxjerrë ‘blof’ appeared first on Sot News | Lajme.

Kreu i Partisë së Lirisë, Ilir Meta, ka reaguar fuqishëm ndaj zgjedhjeve të 11 Majit, duke i cilësuar ato si një farsë elektorale të kriminalizuar që nuk përmbush asnjë standard ndërkombëtar. Ai përkrahu vendimin e organizatës politike ndërkombëtare IDC-CDI, e cila dënoi manipulimin e procesit zgjedhor dhe shkeljet e rënda që u regjistruan gjatë zgjedhjeve.

Meta theksoi rëndësinë e zbatimit të rekomandimeve të OSBE/ODIHR dhe kërkoi formimin e një qeverie teknike për të garantuar zgjedhje të lira dhe të ndershme, duke i kushtuar një rol kyç rikthimit të Shqipërisë në rrugën drejt integrimit në Bashkimin Europian.

“Përshëndes dhe mbështes plotësisht Rezolutën shumë të rëndësishme të organizatës politike më të madhe në botë, IDC-CDI, ku 108 parti rrëzuan farsën elektorale të 11 Majit!

Këto zgjedhje të kriminalizuara nuk përmbushën asnjë standard ndërkombëtar dhe shkelën dhunshëm kriteret e Kopenhagenit dhe unë e përkrah me vendosmëri vendimin e IDC-CDI për të dënuar manipulimin e procesit zgjedhor përmes kapjes së shtetit dhe bashkëpunimit kriminal në frikësimin e votuesve dhe manipulimin e rezultateve; përndjekjes gjyqësore ndaj liderëve të opozitës; pandëshkueshmërinë institucionale ndaj krimeve zgjedhore.

Vlerësoj lart mesazhet shumë të qarta të IDC-CDI për domosdoshmërinë e zbatimit me urgjencë të rekomandimeve prioritare të OSBE/ODIHR, për ndërprerjen e përndjekjes politike dhe rikthimin e të drejtave të plota për liderët e opozitës, si dhe për krijimin e një qeveri teknike, sipas modelit të Maqedonisë së Veriut, për të mbikëqyrur reformat drejt BE-së dhe për të përgatitur zgjedhje të reja.

Pa garantuar votën e lirë, themelin e demokracisë dhe shtetit ligjor, nuk mund të ketë kurrë integrim të Shqipërisë në familjen europiane!”

The post Zgjedhjet e 11 Majit/ Ilir Meta: Shkelje flagrante e standardeve ndërkombëtare dhe kapje shteti appeared first on Sot News | Lajme.

Kreu demokrat tha se Meta, të cilin e cilëson të burgosur politik, ka të drejtë të bëjë zgjedhjen e vetë. Ai tha se koalicioni me të ishte për zgjedhjet e 11 majit.

Sali Berisha, në konferencën me gazetarët, është pyetur nëse ka një krisje me Ilir Metën pasi ky i fundit po mendon që në zgjedhjet lokale të hyjë me siglën e Partisë së Lirisë.

“Ilir Meta është një i burgosur politik. Për PD-ASHM ai është një i burgosur politik. Pastaj për zgjedhje të tjera, çdo forcë politike bën zgjedhjen e vetë. Kjo aleancë ishte për këto zgjedhje”, tha Berisha.

The post Sali Berisha dhe Ilir Meta koalicion?/ Ja përgjigja e Kreut të PD, Berisha appeared first on Sot News | Lajme.

Presidenti i Partisë së Lirisë, Ilir Meta, në një intervistë televizive ka deklaruar se tani që Partia Demokratike rimori vulën, PL-ja do të garojë me siglën e saj në zgjedhjet lokale.

“Tani që fatmirësisht që PD e rimori vulën që i kishin rrëmbyer për tre vite në zgjedhjet e ardhshme, Partia e Lirisë do garojë me siglën e saj të paktën në të gjitha Këshillat Bashkiakë të Shqipërisë dhe do provojë realisht fuqinë e saj”, tha Meta.

“Ndaj, që në fillim të javës nisim analizën e zgjedhjeve”, shtoi Ilir Meta

Kjo është deklarata e parë e Metës që tregon pozicionimin e forcës së tij politike në zgjedhjet e parakohshme që priten të mbahen në 5 bashki këtë vit, apo në 2027.

Kujtojmë se Sali Berisha nuk arriti ta bëjë deputet Metën në 11 Maj, teksa e përfshiu në listën e hapur të PD në Tiranë.

The post “5 bashki këtë vit”, Meta zyrtarizon ‘divorcin’ politik me Berishën: Në zgjedhje me logon tonë appeared first on Sot News | Lajme.

Presidenti i Partisë së Lirisë, Ilir Meta në një intervistë për një emision televiziv, nga burgu, ku ndodhet i ndaluar politikisht, i ka dhënë përgjigje akuzave të ngritura nga SPAK, të cilat i ka cilësuar si fletë rrufe të Edi Ramës.

‘Do t’i shpartalloj në gjykatë’, ka theksuar Meta gjatë intervistës së tij.

Ilir Meta: Fletërrufenë e Ramës do e shpartalloj në Gjykatë, nga Tirana në Strasburg. Arsyeja pse zgjodha avokat Kujtim Cakranin

Ardit Zeneli: Zoti Meta, tani ju jeni i pandehur zyrtarisht. Çdo të thotë kjo për ju?

Ilir Meta: Për mua vetëm zhvillim pozitiv procedurial i ri dhe asgjë tjetër.

Akuzat ndaj meje janë formuluar zyrtarisht dhe publikisht nga Kongresi i “Rilindjes” që në kohën kur kam qenë President i Republikës.

Nga mercenarët e Edi Ramës nuk mund të zhgënjehesh sepse edhe ai është mercenary i të tjerëve.

Por për mua është pozitive çdo ditë që shkojmë drejt Gjykatës dhe gjykimit që nuk mund të jenë të mbyllura ku ne do të shpartallojmë fletërrufenë e Edi Ramës publikisht nga Tirana dhe deri në Strasburg.

Ardit Zeneli: Ndërkohë që në këtë moment të ri ju jeni paraqitur me një avokat të ri, Z. Kujtim Cakrani. Çdo të thotë kjo?

Ilir Meta: Siç e dini tani kemi dy çështje të mëdha politike që shkojnë drejt gjykimit, “Çështjen Berisha” dhe “Çështjen Meta”.

Të dyja me akuza të formuluara nga Kongresi i “Rilindjes” vite më parë.

Unë prisja normalisht që “Çështja Berisha” të mbyllej se në vlerësimin tim është jo vetëm politike por edhe krejt absurd.

Por kjo nuk mund të ndodhte se jetojmë në një shtet të kapur në çdo qelizë.

Siç e dini Z. Gjokutaj ka qenë avokat i Z. Berisha dhe tani e pret një punë edhe më e madhe që unë jam i bindur do e përballojë me sukses.

Tani edhe “Çështja Meta” shkon drejt gjykimit dhe kjo kërkon një punë të madhe ndaj edhe kemi zgjedhur avokat Cakranin për të përballuar këtë proces gjykimi.

Duke qenë falenderues për punën e Avokat Gjokutajt deri tani besoj se Avokat Cakrani do ta vazhdojë me shumë përkushtim dhe transprancë me publikun.

Po kështu dy çështje të mëdha politike jo vetëm për shkak të ngarkesës tepër voluminoze që bartin nga ana fizike, publikisht nuk shkon të përfaqësohen nga i njëjti avokat sepse ato kanë veçoritë e tyre.

The post “Fletë‐rrufenë e Ramës do ta rrëzoj në Gjykatë”, reagon Meta nga qelia: Ja pse zgjodha avokat Kujtim Cakranin appeared first on Sot News | Lajme.

Endrit Braimllari, ish-kandidat për deputet i Partisë Socialiste, i ftuar në një studio televziive deklaroi se sa herë që Partia e Lirisë ka probleme, përmend emrin e tij.

“Është kthyer në situatë qesharake. Kam një vit e gjysmë që jam larguar nga ajo parti dhe sa herë që kanë ndonjë siklet ata, përmendin emrin tim. Është një përpjekje për të goditur imazhin tim, për të më intimiduar në qëndrimet e mia politike dhe për të hequr vëmendjen nga thelbi i çështjes. Unë nuk kam lidhje me lobimin dhe jam i papërfshirë”, tha Braimllari.

“Kur dëgjoj disa deklarata, bindem që kam marrë vendimin e duhur dhe në kohën e duhur për të nisur një angazhim të ri politik. Ndihem shumë mirë në Partinë Socialiste. Nuk kam më lidhje me të shkuarën time, por jam i detyruar të përgjigjem”, shtoi Braimllari

The post “Qesharakë”, Braimllari i bindur në “divorcin” me PL: Sa herë kanë ndonjë siklet përmendin emrin tim, jam i detyruar.. appeared first on Sot News | Lajme.

E dashur Grida,

Ju ndoqa dje me vëmendje, pasi Avokati im i ri , Z. Kujtim Cakrani, më tha se ishte i ftuar nga ju. Kur pashë panelin m’u kujtua vlerësimi i OSBE-ODIHR, se 87% e mediave dhe audiencës dominohet nga Qeveria. Kjo pasi pashë një njeri të vetëm (Avokat Cakrani), i cili natyrisht ka për detyrë të më mbrojë mua tashmë ligjërisht, përballë tre analistëve të ftuar, të cilët thanë apo interpretuan gjëra që as vetë prokurorët e SPAK-ut nuk do t’i kishin thënë vetë. Sa shumë gënjeshtra dëgjon njeriu në një debat aq të shkurtër! Pasi u shpreh gjoja keqardhja për formën e “tepruar” të arrestimit tim, që në fakt ishte vetëm rrëmbim i qëllimshëm dhe i paligjshëm terrorist, analisti pranë SPAK-ut, qëllimisht gënjeu se ne nuk e paskemi denoncuar nga ana ligjore, kur është fakt publik protesta e Partisë së Lirisë para SPAK-ut dhe dorëzimi publik i kallëzimit të bërë atje në prani të mediave nga Avokat Gjokutaj.

Pastaj, po i njëjti analist na tha se paratë e lobimit ishin përdorur për foto me Trampin, kur kjo është gënjeshtër që as SPAK-u se ka pranuar, pavarësisht se kishte hetuar kallëzimin e një delinkuenti se unë (LSI), kisha paguar 1 milionë USD për një foto me Trumpin, që nuk ka ndodhur kurrë. Ndërkohë që të vetmet foto që unë kam me Presidentin Trump dhe Zonjën e Parë, janë zyrtare dhe në New York si President i Republikës, sipas protokollit zyrtar. Dëgjuam shumë gënjeshtra ndaj meje për lobimet, kur edhe vetë u pranua se episodet me “McKeon Group” kishin rezultuar vetëm ashtu siç kisha deklaruar unë në SPAK në të kaluarën, por edhe publikisht. Natyrisht që ka qenë tronditës fakti që ish-kolegu im në LSI, i cili më kishte prezantuar me avokatin greko-amerikan në Greqi dhe i cili propozoi edhe në mbledhjen e Kryesisë së LSI-së që të paguheshin 15 mijë USD parapagim për kompaninë “McKeon Group” dhe i cili më pas erdhi me mua edhe në SHBA për ceremoninë e inagurimit të Presidentit Trump dhe ishte në çdo takim ku ndodhej edhe Z. Fidetzis kishte deklaruar se nuk e njihte Z. Fideszis.

Ndërkohë në atë vizitë të planifikuar më parë nga unë si Kryetar Kuvendi dhe i shoqëruar nga Z. Petrit Vasili, etj., ky deputet iu bashkëngjit delegacionit tonë vetëm për të qenë në takimet e organizuara nga Z. Fideszis me “McKeon Group”.
Madje edhe foto e bërë publike e imja me Z. Petrit Vasili gjatë ceremonisë është në vendet e rezervuara më parë nga miq të Kongresit, ndërsa ftesat e siguruara (të pakërkuara) nga “McKeon Group” me kërkesë të Z. Fideszis ua dhamë shoqëruesve të tjerë pasi ato ishin periferike dhe të panevojshme për ne. Ashtu sikurse në takimin e bërë me Presidentin e “McKeon Group” u njohëm me një marrëveshje që Z. Fideszis kishte nënshkruar me “McKeon Group” në emër të LSI, ku kishte vënë edhe pikat e bashkëpunimit të ardhshëm pa autorizimin dhe dijeninë time dhe të LSI.

Menjëherë e denoncova këtë marrëveshje te Presidenti i “McKeon Group” si të pavërtetë dhe të panevojshme dhe kërkova që të njoftohej FARA (Departamenti i Drejtësisë) për këtë të pavërtetë dhe kështu ndodhi. Shkresa e Presidentit të “McKeon Group” që përgënjeshtron këtë mashtrim të bërë nga Z. Fideszis pas insistimit tim është tashmë në dispozicion të Gjykatës dhe jo vetëm të SPAK-ut. Natyrisht “McKeon Group” ishte tepër serioz, por edhe shumë i shtrenjtë dhe i panevojshëm për ne ndaj edhe diskutimet vazhduan për një marrëveshje të mundshme ajo kurrë nuk u finalizua. Ndërsa Z. Fideszis ishte një mashtrues-përfitues që u zbulua me takimin e dytë menjëherë në Washington. Ndërkohë që e vetmja pagesë prej 15 mijë USD e bërë për “McKeon Group” është bërë përmes bankës e sipas ligjit e depozituar në KQZ. Çudia më e madhe në këtë rast është se personi që më prezantoi mua me Z. Fideszis në Greqi, që erdhi me mua në SHBA vetëm për Fideszis, që propozoi në Kryesi që të paguheshin 15 mijë USD parapagim në SPAK kishte deklaruar se nuk e njihte Fideszis.

Unë për këtë në deklarimin në SPAK ia vura fajin COVID-19 që mund të kishte dëmtuar kujtesën, por mesa duket pas hetimeve shtesë, SPAK ishte bindur se unë kisha thënë të vërtetën. Unë e mirëkuptoj cilindo që ndërron Parti apo interesa politike, por SPAK-u ka detyrë të bëjë hetime të paanshme dhe të provojë faktet dhe të vërtetën. Ndërsa lidhur me kompanitë e tjera lobuese, SPAK-u i ka patur të gjitha mundësitë të bënte hetime të plota dhe të paanshme si në këtë rast dhe të provonte se cili është personi apo kompania që në SHBA ka bërë pagesa të paligjshme për kompanitë e pretenduara.
Është e padiskutueshme që gjatë kohës që unë kam qenë Kryetar i LSI, çdo veprim është bërë me vendim Kryesie, si për miratimin e kontratave edhe të personave të autorizuar për nënshkrim apo ndjekje të zbatimit të tyre dhe çdo gjë është deklaruar në KQZ sipas ligjeve tona dhe atyre të SHBA.

Nëse del diferenca midis pagesave të deklaruara nga kompanitë në SHBA për llogari të LSI dhe atyre që ka deklaruar LSI në KQZ, atëherë pa diskutim që kemi një problem serioz me ligjin amerikan dhe shqiptar, por kjo nuk ka asnjë lidhje me Ilir Metën, sepse as kam qenë në djeni të pagesave të paligjshme nga dikush dhe as kam autorizuar dikë në SHBA të bëjë veprime të tilla të cilat janë ose diletante ose të qëllimshme. Unë i kam kërkuar SPAK prej dy vitesh të kërkojë nga partnerët amerikanë të hetojnë kush i ka bërë këto pagesa në SHBA dhe të merret në përgjegjësi ligjore, pasi unë kurrë nuk kam autorizuar dikë të bëjë marrëzira të tilla.

Por ky nuk është problem dhe shqetësimi im. Interesi im i vetëm është vendosja përballë ligjit e secilit që e ka shkelur atë apo që ka patur dijeni. Përpjekjet për të keqpërdorur të gjithë ata që kanë shkelur ligjin apo kanë patur dijeni për këto shkelje për t’i përdorur politikisht kundër Ilir Metës, vetëm do të provojnë në procesin e gjykimit se sa të drejta kanë qenë denoncimet e mia për keqpërdorim politik të SPAK nga Edi Rama kundër opozitës së vërtetë, ndërsa dosja McGonigal vazhdon e ulëret dhe që vetëm SPAK nuk ka veshë ta dëgjojë. Po kështu, e dashur Grida, unë dhe Monika nuk jemi më çift, pasi jemi divorcuar edhe juridikisht plotësisht dhe unë nuk kam asnjë pretendim pronësor apo pasuror ndaj saj. Ndaj do të lutesha që përgjegjësitë të mos i trajtoni më çift, pasi ato janë individuale të secilit në raport me ligjin. Komunizmi ndjente një kënaqësi perverse kur përdorte familjarët kundër familjarëve në procese politike. “Rilindja” e kryeperversit është edhe më zi në këtë drejtim. Unë marr çdo përgjegjësi timen para ligjit dhe së vërtetës dhe nuk kam arsye t’ia “faturoj” dikujt tjetër.

Por edhe cilido apo persona që vetëm kanë përfituar nga LSI, që synon të përdoret kundër meje për të lehtësuar veten dhe duke i dhënë kënaqësi kryeperversit gabon shumë rëndë për sot dhe të ardhmen. Unë as mund të braktis kauzat e Partisë së Lirisë që janë një interes ekzistencial kombëtar sot dhe as të zhgënjej të gjithë ata shqiptarë që kanë besuar dhe besojnë te Ilir Meta. Ndërsa për çështjen e stërlodhur të CEZ-DIA që Z. Dumani e ka regjistruar që në dhjetor 2019 me kërkesën e Ramës dhe McGonigal do ishte kohë e humbur të merresha këtu pasi ajo është e stërkonsumuar me personazhe tejet groteske e me problem me ligjin dhe e gjykuar disa herë brenda e jashtë vendit. Por shumë mirë që do gjykohet edhe njëherë tjetër që të argëtohemi me “dëshmitarët” e regjimit dhe gënjeshtrat e SPAK-ut që nuk heton dot as faljen e 600 milion eurove CEZ-it nga Rama-Gjiknuri dhe as inceneratorin që nuk ekziston se është krim shumë “intelektual”. Dhe së fundmi e dashur Grida meqënëse unë nuk vij dot në studio, të lutem kërko një leje te Drejtoria e Përgjithshme e Burgjeve që me të gjithë analistët që kishe ftuar dje të bëjmë një panel këtu (te salla e ping-pongut) për t’iu përgjigjur të gjitha pyetjeve të tyre të djeshme dhe të tjera. Do kalojmë bukur, të siguroj!

The post “Nuk ka “Meta-Gate”, por “SPAK-Gate”!”/ Meta: Gjykimi po vjen dhe Dielli nuk mbohet me shoshë appeared first on Sot News | Lajme.

E ftuar në një emision, gazetarja Anduena Llabani hodhi dritë mbi deklaratat e ish-presidentit Ilir Meta, i cili, pasi u mor i pandehur, deklaroi këtë të martë se ka një person që e ka tradhtuar nga brenda Partisë së Lirisë në zgjedhjet e 11 majit. Duke sqaruar këtë reagim të Metës, gazetarja zbuloi, sipas saj, emrin e personit për të cilin Meta aludon se ka kryer tradhtinë. Ajo tha se personi që e tradhtoi Metën gjatë fushatës për zgjedhjet e 11 majit është Petrit Sina.

“Duhet thënë se i vetmi njeri që mund të dijë shumë elemente të fushatës elektorale është Tedi Blushi, pasi është i vetmi që, së bashku me djalin e Metës, e takojnë dhe e informojnë atë në burg. Meta foli sot për një tradhëtar brenda partisë, por tradhëtarin e vërtetë e njeh vetëm Monika Kryemadhi. Është një person që quhet Petrit Sina, i cili është shkarkuar nga Meta me një vendim të nisur me letër nga brenda burgut. Me dijeninë time, di që Sina synonte të merrte postin e sekretarit të përgjithshëm. Nga informacionet që kam brenda partisë, Petrit Sina është personi që Meta thotë se e ka tradhtuar në pjesën e fushatës, por ama Monika Kryemadhi e njeh mirë tradhëtarin brenda partisë”, tha ajo.

Gazetarja shpjegoi edhe daljen e avokatit të ri të Ilir Metës këtë të martë, duke treguar se avokati i mëparshëm, Gjokutaj, ka hequr dorë nga mbrojtja e Metës.

“Sot pamë një fakt: një avokat të ri të Ilir Metës, Kujtim Cakrani, pasi avokati tjetër, Gjokutaj, ka hequr dorë. Gjokutaj mbahet për avokat me betejë, por nuk ka pranuar të japë sqarim në lidhje me largimin e tij nga çështja në fjalë, por ka deklaruar se nuk do të merret më me çështjen e zotit Meta. Ai që do ta përfaqësojë nga sot e tutje këtë çështje do të jetë avokati i ri Cakrani”, tha Llabani.

“Monika tha se ‘do jeni në proces dhe do shihni e dëgjoni shumë’, por unë them se procesi Meta-Kryemadhi do na ofrojë shumë surpriza”, shtoi Llabani.

Kujtojmë që këtë të martë Meta akuzoi për një tradhëtar brenda partisë duke deklaruar:

“I falenderoj të gjithë ata shokë dhe miq që punuan por që u tradhtuan nga një maskara i cili me porosinë time është shpallur non grata dhe këtë e di Sekretari i Përgjithshëm i Partisë së Lirisë. Ky maskara dorëzoi te patronazhistët listën prej 12 mijë emrash që kishin bërë shokët, miqtë dhe dashamirësit e Ilir Metës, sepse priste që të bëhej Sekretar i Përgjithshëm në vend të Tedi Blushit”, tha Meta.

The post Gazetarja ‘hedh dritë’, ja kush është personi që Meta thotë se e tradhtoi dhe i dorëzoi listën PS-së appeared first on Sot News | Lajme.

SPAK ka përfunduar hetimet dhe ka marrë zyrtarisht të pandehur ish-presidentin Ilir Meta me akuzat e korrupsionit, pastrimit të parave dhe mosdeklarimit të pasurisë. Ish-prokurori dhe avokati Gentian Rumano shpjegoi sa vite burg rrezikon ish-presidenti Meta me akuzat e zyrtarizuar nga prokuroria sipas dispozitave të kodit penal.

“Nuk mund të marrin rolin e gjykatës, por ajo që mund të përcjellim një opinion janë dispozitat për të cilat akuzohet, edhe pse nuk kemi një njoftim zyrtar nga SPAK. Fshehja e të ardhurave që ka një marzh dënimi gjobë deri në 3 vite, korrupsioni pasiv i funksionarëve të lartë, po t’i referohemi çështjesh CEZ DIA, që bëhet fjalë më 10 vjet më parë, prokuroria ka njoftuar akuzën tani për të parandaluar një parashkrim të veprës penale. Për këto akuza, që janë më të rëndat korrupsion pasiv i zyrtarëve të lartë nga 4-12 vite burg dhe pastrimi i parave që është edhe më e rënda 7-15 vite burg”, tha avokati.

The post Meta zyrtarisht nën akuzë nga SPAK, avokati: Ja sa vite burg rrezikon të dënohet appeared first on Sot News | Lajme.

Në një studio televziive, teksa diskutohej për Ilir Metën dhe Monika Kryemadhin si të pandehur nga SPAK, avokati i ish-presidentit Kujtim Cakrani u shfaq i tensionuar.

Profesori i kriminalistikës Ervin Karamuço tha se fokusi i tij duhet të jetë te dosja, sepse “Meta dhe Kryemadhi janë në hall të madh”.

Avokati Cakrani u shpreh se Meta nuk mund të jetë i qetë pasi janë montuar fakte kundër tij.

“Ajo që kam parë sot, keni referuar persona të tjerë që do ui dali emri më vonë. Pra qenka në bashkëpunim. Avokati që nis që në fazën hetimore, ai e çon deri në fund se ka një problem të madh. Ajo që t’i lexon nuk është e njëjta me atë që përjeton. Kjo gjuhë që vjen në studio me avokat konkret nuk është e përshtatshme. Z.Meta dhe kryemadhi janë në një hall të madh, u janë komunikuar akuzat. Mos e shpërqendroni vëmendjen. Merruni me atë hall se ka prova pafund aty. E di pse përmendet zonja Rebeka, për ta intimiduar Ismailin. Pse nuk përmendet gruaja e Ismailit që kërkonte kam një dëshmi. Të merren me këta se këta janë dëshmitarët konkret”-u shpreh Karamuço.

“Çështja e z.Meta nisi keq. Nuk ruhet qetësia kur rrëmbehet si bandit në mes të rrugës. Mund t’ia komunikoje ndryshe. Nuk mundet presidenti të jetë normal dhe i qetë. Unë këtu përcjell edhe ato që Presidenti m’i ka thënë. Ju thoni është dosja aty. As prokurorët nuk e dinë se përse është arrestuar. Sot presidenti ka kërkuar një gjë, dua të shkoj në gjyq sa më shpejt. Nuk duhet të ishte presidenti aty, por persona të tjerë për çështjen e lobimit”-u shpreh Cakrani.

The post “Meta dhe Kryemadhi, në hall të madh”/ Avokati përplaset me Karamuçon: Ish presidenti nuk është i qetë, nuk mundet… appeared first on Sot News | Lajme.