VLORË- Tre persona janë arrestuar nga Policia e Vlorës, pasi kanosën me pistoletë një 35-vjeçar dhe tentuan ta nxirrnin me forcë nga automjeti i tij, duke e dhunuar.

Nga hetimet, Policia thotë se dyshohet se të arrestuarit Xhevair Islamaj, 31 vjeç Klodjan Hysenaj, 34 vjeç dhe Mario Zekaj 20 vjeç kanë kanosur me pistoletë sportive, për motive të dobëta, 35 vjeçarin, banues në Vlorë, i cili ndodhej brenda në automjetin e tij, në lagjen “Hajro Çakërri”, dhe më pas, kanë tentuar ta nxjerrin me forcë nga automjeti, duke e goditur me grushte dhe me tytën e pistoletës.

35-vjeçari po merr mjekim në spital dhe është jashtë rrezikut për jetën. Gjatë kontrollit në automjetin në pronësi të babait të njërit prej autorëve, shërbimet e Policisë gjetën të fshehur pistoletën sportive që dyshohet se është përdorur për kanosjen.

Pistoleta u sekuestrua në cilësinë e provës materiale, bashkë me automjetin ku u gjet dhe me automjetin të cilin dyshohet se janë larguar autorët nga vendi i ngjarjes.

Ata akuzohen për veprat penale “Kanosja” dhe “Plagosja e rëndë me dashje”, të kryera në bashkëpunim, dhe “Prodhimi dhe mbajtja pa leje e armëve të gjuetisë dhe sportive”.

Rama: Shqipëria do të ketë mundësi të tërheqë më shumë edhe jashtë sezonit nëse do jetë e përgatitur. E shohim këtë edhe në aspektin e interesimit për investime që këto muaj ka patur një rritje, duhet ta shfrytëzojmë këtë situatë. Njerëzit vijnë me një ide të caktuar, edhe nëse mbeten të pakënaqur na kthehet në boomerang. Cmimet nuk i vendos qeveria, i vendos tregu. Por në rastin e kësaj industrie duhet ti vendosë vizioni strategjik i juaji për fatin e investimeve tuaja. Ju e dini hoteleria e ka investimin të madh por fitimin të ngadaltë, por të sigurtë. Qëllimi është të lexojmë cfarë iu ka ndodhur të tjerëve.

Kur janë gjendur përpara rezultatit të hapjes, janë dehur dhe kanë vepruar sit ë dehur duke ofruar shërbime të dobëta dhe cmime të larta. Si rezultat i fluksit, kanë patur mendjen e ngushtë duke menduar që njerëzit do I kenë aty dhe kanë nisur të investojnë. Cfarë iu ka ndodhur? I kanë mbetur investimet në derë. Nëse Vlora do marrë njollën se mund të paguash më shumë sec merr, i keni bërë gropën vetes. Pra duhet një strategji afatmesme. Ju flas si dikush që e dua këtë qytet dhe dua që cfarë kemi mbjellë ta korrim për gjenerata, jo për një stinë. Unë mendoj që duhet strategji për ti garantuar jetëgjatësinë investimeve që po bëni. Sa do jenë në gjendje projektet për të sjellë njerëz. Vlora ka të gjitha mundësinë të bëhet si qytetet në Portugali, Spanjë, Turqi, ku të vijnë të jetojnë plot të huaj. Shqipëria me gjithë këto histori e turbullira është një vend ku jetohet me siguri. Dje isha në Dhërmi me disa miq, dhe po më thonin se nuk e mendonin kurrë që mund të dilje në kryeqytetin e Shqipërisë natën pa asnjë ndjesi frike. Në Londër nuk del dot natën.

Aty ku turizmi është zhvilluar, japin para shtetet. Greqia i merr nga buxheti dhe ia jep operatorëve, ne po mbështesim sa mundemi. Ca dmth kjo që jahtet është pa taksë për makinat me taksë. Po patjetër, nga ato jahtet ekonomia jonë fiton, ndërsa nga makinat mjedisi ynë ndotet. Janë dy gjëra që s mund të vihen në krahasim. Na duhen më shumë Marina, po zhvillohet këtu në Vlorë, do jetë një tjetër motor për ekonominë. Vetëm në dimër do jenë 200-2500 njerëz që do jenë konsumatorë të qytetit. Marina e Durrësit po ecën, kemi një projekt shumë të bukur në Shëngjin porn a duhen më shumë.

VLORË- Kryeministri i vendit, Edi Rama, ka mbërritur mëngjesin e kësaj të hëne në qytetin e Vlorës. Në axhendë, kryeministri ka planifikuar disa inspektime dhe takime me asamblenë e PS në Vlorë.

Pas mbërritjes në qytetin bregdetar, kryeministri e ka nisur me një inspektim në në Lungomaren e Plazhit të Vjetër.

Prej ditësh, kryeministri Edi Rama vijon takimet me qytetarët në bashki të ndryshme të vendit për të diskutuar mbi sfidat, punët dhe arritjet e qeverisë drejt objektivit madhor, integrimin e Shqipërisë në BE, brenda vitit 2030./abcnews.al

VLORË- Një ngjarje e rëndë është regjistruar sot rreth orës 18:20 në lagjen “Pavarësia 3” në Vlorë, ku një fëmijë 2-vjeç ka rënë aksidentalisht nga ballkoni i banesës dhe ka ndërruar jetë në vend.

Sipas të dhënave paraprake, i mituri ndodhej në banesë së bashku me nënën e tij, në momentin kur dyshohet se ka ndodhur incidenti tragjik.

Në vendngjarje ka mbërritur grupi hetimor nën drejtimin e Prokurorisë, i cili po punon për sqarimin dhe dokumentimin e plotë të rrethanave të ngjarjes.

Autoritetet pritet të hetojnë me detaje shkaqet e rënies dhe kushtet në të cilat ndodhej banesa në momentin e ngjarjes.

/abcnews.al/

VLORË- Policia e Vlorës ka proceduar penalisht një 31-vjeçar.

Gjatë drejtimit të automjetit, i riu ka përplasur një 8-vjeçare, e cila ka marrë mjekim në spital dhe më pas është larguar për në banesë.

Gjithashtu, drejtuesi i automjetit dyshohet se ka humbur kontrollin e mjetit, duke goditur edhe dy automjete të parkuara në zonë./abcnews.al

Aksident  në rrugën e lumit të Vlorës në fshatin Gjorm.

Një automjet del nga rruga, dhe përmbyset jashtë saj Dyshohet se janë tre persona të plagosur, mes të cilëve dy fëmijë nën moshën 14 vjeç.

Policia dhe shërbimi mjekësor në vendngjarje për të dhënë ndihmën e parë.

Një 33-vjeçar humbi jetën teksa punonte në një lokal në Vlorë.

33-vjeçar, i cili punonte në mënyrë të paligjshme, ra në kontakt me rrymën elektrike.

Policia vuri në pranga administratorin e lokalit. Ai akuzohet për veprat penale “Shkelja e rregullave të mbrojtjes në punë” dhe “Punësimi i paligjshëm”./abcnews.al

Ky vit e gjeti Vlorën me mbi 11 përqind më shumë turiste krahasuar me tre mujorin e parë të 2025-ës.

Masat për sigurimin e dhe mbarëvajtjen e prag sezonit veror ishin në fokus të mbledhjes së zhvilluar në ambientet e Prefekturës së Qarkut të Vlorës.

Prefektja e qarkut të Vlorës, Evis Allushi, thotë se çdo institucion duhet të përmbushë detyrat që ka, pasi do të jetë në monitorim të vazhdueshëm.

Siguria rrugore dhe menaxhimi i zhurmës e ndotjes akustike kanë qenë dhe do vazhdojë të jetë prioritet edhe këtë vit.

Mbledhja vjen në prag të nisjes së sezonit veror, ku Vlora pritet të jetë një nga destinacionet më të preferuara për pushuesit këtë vit.

Një aksident rrugor ka ndodhur në rrugën e Lumit të Vlorës, në afërsi të urës së Laskos, në Kuç.

Dy automjete janë përplasur me njëra-tjetrën.

Sipas informacioneve paraprake, nga përplasja kanë mbetur disa persona të lënduar.

Në vendin e ngjarjes po shkojnë efektivë të policisë dhe ndihmës mjekësore, ndërsa rrethanat e aksidentit mbeten ende të paqarta./abcnews.al

Dy banesa të ndërtuara në mënyrë të paligjshme mbi kanalin e ujërave të larta në qytetin e Vlorës janë prishur ditën e sotme, pasi prej kohësh shkaktonin probleme serioze në funksionimin normal të kanalit, duke sjellë edhe rrezik për përmbytje në zonë.

Aksioni u ndërmor nga Inspektorati i Mbrojtjes së Territorit (IMT) në bashkëpunim me Policinë e Shtetit, ndërsa në terren ishte e pranishme edhe kryetarja e Bashkisë së Vlorës, Brunilda Mersini.

Sipas saj, kjo ndërhyrje synon lirimin e plotë të kanalit dhe rikthimin e funksionimit normal të tij, duke parandaluar problematikat që lidhen me përmbytjet.

Kryetarja e bashkisë theksoi se aksioni do të vijojë edhe në ditët në vijim, deri në pastrimin përfundimtar të kanalit nga çdo ndërtim i paligjshëm. Ajo gjithashtu bëri të ditur se familjet e prekura do të trajtohen me mbështetje sociale, përmes bonusit të banesës dhe programeve të strehimit social.

Një grua rreth 80 vjeç ka humbur jetën mëngjesin e kësaj të hëne.

E moshuara është hedhur nga kati i gjashtë i pallatit ku banonte, pranë rrugës Transballkanike në Vlorë.

Policia ka mbërritur në vendngjarje dhe ka nisur hetimet për zbardhjen e shkaqeve./abcnews.al

Java e parë e prillit ka sjellë pushues të shumtë, të cilët kanë populluar Lungomaren, duke shënuar kështu nisjen e hershme të sezonit veror.

Në mungesë të nxehtësisë tipike të verës, por të favorizuar nga ditët me diell, qytetarë vendas dhe turistë kanë zgjedhur të shëtisin përgjatë bregdetit, duke i dhënë zonës një atmosferë tipike vere.

Edhe pse nuk jemi ende në verë, dhjetëra qytetarë kanë preferuar të marrin rreze dielli buze bregdetit./abcnews.al

Zbulohen detaje të reja nga ngjarja e rëndë e ndodhur pasditen e së premtes në Vlorë, ku pas një konflikti banal humbi jetën 63-vjeçari Ismail Aliaj.

Sipas burimeve nga policia e Vlorës, ngjarja ka ndodhur si pasojë e një konflikti të disa ditëve më parë, që djali i viktimës – i cili gjithashtu mbeti i plagosur lehtë dhe mori ndihmë mjekësore në spital, kishte me autorin.

Burime policore bëjnë me dije se babë e bir kanë shkuar në rrugën “Gjergj Araniti” për të gjetur autorin dhe për të sqaruar konfliktin. Në momentin e përplasjes, autori ndodhej në makinë, ndërsa viktima dhe djali i tij i janë afruar. Fillimisht ka pasur debat verbal, i cili më pas ka degraduar në fyerje dhe sharje.

Duke qenë se autori kishte banesën pranë, në konflikt kanë ndërhyrë edhe dy shokë të tij. Situata ka agravuar në përplasje fizike mes palëve, me goditje me grushte dhe shkelma.

Sipas të dhënave, autori e ka goditur 63-vjeçarin dy herë me grushte dhe një herë me shkelm, duke bërë që viktima të përplaset në tokë dhe të humbasë jetën. Gjithashtu, mësohet se viktima kishte probleme me zemrën dhe ishte operuar më parë, çka mund të ketë qenë një faktor shtesë që ndikoi në vdekjen e tij.

Pas ngjarjes, autori së bashku me dy shokët e tij, të cilët janë identifikuar, janë larguar me makinë nga vendi i ngjarjes dhe janë shpallur në kërkim nga policia.

Ndërkohë, viktima u dërgua në spital, por nuk arriti të mbijetojë, ndërsa djali i tij mori ndihmë mjekësore dhe ndodhet jashtë rrezikut për jetën.

Burime policore konfirmojnë gjithashtu se rreth një muaj më parë viktimës i ishte djegur automjeti, por kjo ngjarje nuk ka lidhje me incidentin e fundit.

Një konflikt mes tre personave ka ndodhur në Vlorë, për motive të dobëta.

Një prej tyre, 63-vjeçari Ismail Alija ka ndërruar jetë pas dëmtimeve në kokë.

Lajmi në përditësim…

Një telefonatë e pazakontë ka alarmuar Policinë e Vlorës, pasi një person ka njoftuar sallën operative me fjalët: “Hajde se kam vrarë mamanë”.

Menjëherë pas këtij njoftimi, forca të shumta policie, përfshirë “Shqiponjat” dhe strukturat operacionale, janë nisur drejt vendit të dyshuar të ngjarjes, në zonën e Lungomares.

Megjithatë, pas kontrolleve paraprake, nuk është konstatuar asnjë rast apo provë që të konfirmojë një krim të tillë.

Sipas burimeve, personi që ka kryer telefonatën ka fikur telefonin menjëherë pas komunikimit. Policia është duke vijuar hetimet./abcnews.al

VLORË- Një ngjarje e pazakontë dhe e rrezikshme ka ndodhur në qytet, ku një i mitur rreth 14 vjeç, së bashku me shokun e tij 14 vjeç pasagjer, ka qenë në drejtimin e një automjeti.

Sipas informacioneve paraprake, ata dyshohet se kanë goditur disa automjete gjatë lëvizjes, çka ka bërë që të ndiqen nga patrullat e policisë së rendit dhe asaj rrugore në disa zona të ndryshme të qytetit.

Gjatë ndjekjes, drejtuesi i mjetit ka përplasur një automjet të forcave “Shqiponja” dhe më pas një tjetër mjet policie, duke shkaktuar edhe dëmtimin e një efektivi, i cili ka marrë ndihmë mjekësore.

Pas ngjarjes, autori është larguar drejt banesës së tij dhe më pas është dorëzuar në komisariat. Policia po vijon hetimet për zbardhjen e plotë të rrethanave të kësaj ngjarjeje./abcnews.al

VLORË- Në zonën e Lungomares, një pronar i një lokali është dhunuar nga tre persona të paidentifikuar.

Sipas informacioneve paraprake, pronari i një lokali (bar-restorant/piceri) është goditur fizikisht nga tre persona, duke pësuar dëmtime dhe duke përfunduar në spital për ndihmë mjekësore.

Ngjarja ka ndodhur në një zonë shumë të frekuentuar nga qytetarë dhe turistë, çka ka shkaktuar panik dhe reagim të menjëhershëm. Kanë qenë familjarët dhe qytetarët e pranishëm ata që kanë njoftuar policinë.

Në vendngjarje kanë mbërritur menjëherë forcat e rendit, të cilat kanë nisur veprimet për zbardhjen e plotë të ngjarjes. Autorët janë larguar me shpejtësi, ndërsa policia po punon për identifikimin dhe kapjen e tyre. Ndërkohë, grupi hetimor po sekuestron pamjet e kamerave të sigurisë në zonë dhe në ambientin e lokalit për të hedhur dritë mbi rrethanat e kësaj ngjarjeje.

Një plagosje me mjet preres ka ndodhur rreth orës 13:30 në afërsi të Spitalit Rajonal të Vlorës. Një 33-vjeçar është qëlluar dy herë me mjet prerës (thikë).

I plagosuri ndodhet në ambientet e kirurgjisë në spital, ku po merr ndihmën mjekësore.

Ndërkohë, policia vijon punën për mbledhjen e provave dhe zbardhjen e rrethanave të ngjarjes.

Përkujtohet në Vlorë 29-vjetori i tragjedisë së Otrantos.
Familjarë të viktimave, qytetarë, përfaqësues të pushtetit vendor dhe qendror kujtuan një prej tragjedive më të rënda, atë të Otrantos.
81 karrige u lanë bosh si një simbol për ata që humbën jetën dhe buqeta me lule u hodhën në det.
Kjo tragjedi, thonë familjarët e viktimave, është krijuar me dashje dhe se vendimi i Gjykatës Italiane ka qenë i padrejtë.
Kryetarja e bashkisë Vlorë e cilësoi këtë si një moment reflektimi, ndërsa Ministrja e Shtetit për Marrëdhëniet me Parlamentin tha se ajo çfarë mund të bëhet sot është të garantohet që tragjedi të tilla të mos përsëriten.
Më 28 mars 1997, anija shqiptare me 142 persona në bord u përmbys nga anija italiane Sibila në kanalin e Otrantos, ku humbën jetën 81 persona, të cilët shpresonin se do të krijonin një jetë më të mirë në Itali pas trazirave në vendin tonë.