Këtë të premte u publikua nga mediat lajmi për zyrtarizimin e divorcit të Monika Kryemadhit me Ilir Metën.

Lidhur me këtë, ka reaguar Monika Kryemadhi me anë të një statusi në rrjetet sociale, ku thotë se i lutet të gjithëve të mos ndikohen nga ky lajm dhe kërkon votën për babain e fëmijëve të saj, për të cilin thotë se do të ishte e gatshme të jepte dhe jetën, e jo më votën.

“Të dashur miq! Uroj që të më mirëkuptoni sot në këtë ditë të jo shumë të mirë për mua dhe familjen time. Mediat vrapuan sot për të zyrtarizuar sot divorcin tim me Ilir Metën. Familjarë që nga mamaja, vëllai, kushërinjtë, miqtë dhe mikeshat e mia për të gjithë ju që më keni ndjekur në të gjitha sfidat e mia dhe iu jam mirënjohëse për gjithçka.

Sot do iu lutesha të mos ndikoheni nga ky lajm, unë kërkoj prap me të njëjtin përkushtim dhe dashuri votën për babain e fëmijëve të mi, për të cilët unë do të jepja jetën e jo më VOTËN për Ilir Metaj.

Sot kudo që jeni në çdo rrugicë dhe cep të Tiranës bashkohuni në hapjen e fushatës të opozitës sepse ky regjim është aq i keq dhe i helmuar sa helmon në qelizë dhe familjen shqiptare. Prandaj ju lutem sot më shumë se kurrë të jeni në Sheshin Nënë Tereza në orën 19 :00”, shkruan kryemadhi.

LEXONI GJITHASHTU:

• Hapja e fushatës së opozitës, në ceremoni dhe tre fëmijët e Ilir Metës
• Mbahet seanca e divorcit Meta-Kryemadhi, kreu i PL i pranishëm në gjykatë

The post Zyrtarizimi i divorcit, Kryemadhi: Për Metën unë do të jepja jetën e jo më votën appeared first on Euronews Albania.

Partia Demokratike dhe aleatët e saj të koalicionit “Shqipëria Madhështore” hapën zyrtarisht këtë të premte në orën 19:00 fushatën elektorale.

Aktiviteti u mbajt në Sheshin Nënë Tereza, ku mes të pranishmëve, sipas fotove të siguruara nga Euronews Albania, ishin edhe tre fëmijët e ish-presidentit të vendit, aktualisht kryetar i Partisë Lëvizja Socialiste për Integrim (PL), i cili ndodhet në paraburgim.

Fëmijët e Ilir Metës dhe Monika Kryemadhit ishin në mbështetje të koalicionit “Shqipëria Madhështore”, i kryesuar nga Partia Demokratike e Sali Berishës, ku pjesë e tij është gjithashtu edhe Partia e Lirisë.

LEXONI GJITHASHTU:

• Në prag të çeljes së fushatës zgjedhore, Fatmir Mediu pret Chris LaCivita
• Sot nis fushata e PD, LaCivita shpërndan videon: Kush është bufi dhe kush është miu

The post Hapja e fushatës së opozitës, në ceremoni dhe tre fëmijët e Ilir Metës appeared first on Euronews Albania.

Ish-presidenti Ilir Meta dhe Monika Kryemadhi, tashmë janë zyrtarisht të ndarë. Gjykata civile e Tiranës, gjatë seancës të mbajtur këtë të premte vendosi për zgjidhjen e martesës së çiftit.

Në seancë ishte i pranishëm edhe vetë kreu i Partisë së Lirisë, Ilir Meta, i cili prej tetorit 2024 është në burg për llogari të hetimeve nga SPAK.

Meta u shoqërua nga qelia e 313 me forcat e Policisë së Burgjeve drejt gjykatës civile për të marrë pjesë në këtë proces të rëndësishëm ligjor.

Ndërkohë, Monika Kryemadhi nuk është paraqitur personalisht në seancë, por është përfaqësuar nga avokati i saj mbrojtës, Redi Llanaj.

Meta dhe Kryemadhi janë martuar në tetor të 1998 dhe nga martesa kanë tre fëmijë, Bora, Besar dhe Era Metaj.

Në qershor të vitit ishte kreu i PL që iu drejtua Gjykatës së Shkallës së Parë të Juridiksionit të Përgjithshëm, ku kërkoi zgjidhjen e martesës me Kryemadhin.

LEXONI GJITHASHTU:

• “Fushata drejtohet nga Ilir Meta”, Xhixho: Besari mbështet kauzat e PL
• Kryemadhi i uron ditëlindjen Ilir Metës, apeli që ka për miqtë e kreut të PL

The post “Zyrtarisht të divorcuar”, Ilir Meta dhe Monika Kryemadhi ndahen në Gjykatë appeared first on Euronews Albania.

Prej orës 10:30, në Gjykatën Civile të Tiranës po zhvillohet seanca gjyqësore për zgjidhjen e martesës mes Monika Kryemadhit dhe Ilir Metës.

Në këtë seancë paraprake, ku është parashikuar mundësia e pajtimit mes palëve, ka qenë i pranishëm edhe vetë kreu i Partisë së Lirisë, Ilir Meta, i cili prej tetorit 2024 është në burg për llogari të hetimeve nga SPAK.

Meta është shoqëruar nga qelia e 313 me forcat e Policisë së Burgjeve drejt gjykatës civile për të marrë pjesë në këtë proces të rëndësishëm ligjor.

Ndërkohë, Monika Kryemadhi nuk është paraqitur personalisht në seancë, por është përfaqësuar nga avokati i saj mbrojtës, Redi Llanaj.

Meta dhe Kryemadhi janë martuar në tetor të 1998 dhe nga martesa kanë tre fëmijë, Bora, Besar dhe Era Metaj.

Në qershor të vitit ishte kreu i PL që iu drejtua Gjykatës së Shkallës së Parë të Juridiksionit të Përgjithshëm, ku kërkoi zgjidhjen e martesës me Kryemadhin.

LEXONI GJITHASHTU:

• Meta tregon pyetjet që i drejtoi SPAK: Paraqita 3 fakte penale për Ramën
• Fatime Kryemadhi del nga SPAK: Nuk kam çfarë të them për shtëpinë time

The post Mbahet seanca e divorcit Meta-Kryemadhi, kreu i PL i pranishëm në gjykatë appeared first on Euronews Albania.

Deputetja Erisa Xhixho, njëkohësisht nënkryetare e PL-së, që pas arrestimit të Metës më 21 tetor 2024, duke folur në një intervistë për emisionin “NOW me Erla Mëhillin”, tha se fushatën e Partisë së Lirisë, pavarësisht se është i izoluar, e drejton Ilir Meta.

Ajo tha se kushdo nga Partia e Lirisë është në terren në mbështetje të fitores së koalicionit opozitar.

“Fushatën e drejton presidenti i Partisë së Lirisë, ashtu siç drejton të gjithë partinë, edhe pse është në izolim ekstrem. Ndërsa në terren, jemi të gjithë njësoj, duke punuar për fitoren, pavarësisht gradave që nga anëtari më i thjeshtë e deri te anëtari i komitetit drejtues, anëtari i kryesisë dhe të gjithë të tjerët, bashkimi është tek Ilir Meta. Pra, të gjithë ne dhe këtu po flas për ndjeshmërinë që kanë treguar mbështetësit për themeluesin e partisë për guximin që ai pati për të garuar në një listë të hapur, edhe pse ishte në izolim ekstrem”, tha Xhixho.

E pyetur nga moderatorja Erla Mëhilli nëse është djali i Ilir Metës që po drejton fushatën në terren, Xhixho tha se fushatën e drejton vetëm një person dhe ai është Ilir Meta, ndërsa Besar Meta ka rolin e çdo anëtari tjetër dhe çdo qytetari që mbështet Partinë e Lirisë dhe koalicionin “Aleanca për Shqipërinë Madhështore”.

“Besi është një njeri i shkolluar që është rritur në LSI dhe në Partinë e Lirisë, dhe padyshim që Besi bashkohet me kauzat e Partisë së Lirisë. Ai ka qenë gjithmonë aty, por është emocionuese pasi ai është në mbështetje të babait të tij përballë këtij regjimi. Besar Meta dhe çdo qytetar sot, pa dyshim, janë në mbështetje të presidentit të Partisë së Lirisë, Meta, por dhe të kauzës së opozitës. Përtej votës për zotin Meta, ne kërkojmë votën për koalicionin “Shqipëria Madhështore”. Shqipëria ka domosdoshmëri për një rotacion, për taksa më të ulëta, për mirëqenie për qytetarët, një model të ri ekonomik dhe për zbatimin sa më parë të programit të koalicionit opozitar,” tha Xhixho.

“Jo më larg se sot, kishim disa materiale të fushatës së zotit Meta që kërkonin miratimin e tij për t’i afishuar, postera dhe materiale të tjera, por nuk na u lejua t’i prezantonim. Izolimi nuk ndodh vetëm në takimin me lidershipin e partisë dhe deputetët, por edhe në këto gjëra fare të thjeshta që nuk paraqesin asnjë rrezik, vetëm për ta izoluar në ekstrem dhe për t’i pamundësuar fushatën zotit Meta”, tha ajo.

LEXONI GJITHASHTU:

• Djali i Metës në politikë? Sulo: Rast specifik, nuk do ndodhte me Ilirin jashtë
• Meta mesazh nga qelia: Në 11 maj na duhen 84 mandate, PL merr 50 mijë vota në Tiranë

The post “Fushata drejtohet nga Ilir Meta”, Xhixho: Besari mbështet kauzat e PL appeared first on Euronews Albania.

Partia Demokratike dorëzoi të hënën në mbrëmje në Komisionin Qendror të Zgjedhjeve (KQZ) listën e plotë të partive që do të përbëjnë koalicionin e saj për zgjedhjet e 11 majit.

Koalicioni, i emërtuar Aleanca për Shqipërinë Madhështore (ASHM), përbëhet nga 26 parti politike, duke përfshirë aleatët kryesorë të PD-së si; PL e Ilir Metës, PR e Fatmir Mediut dhe PDK e Nard Ndokës.

Një zhvillim i rëndësishëm është përfshirja e Shpëtim Idrizit, lider i Partisë për Drejtësi, Integrim dhe Unitet (PDIU), i cili, pas mbylljes së negociatave me PD-në, ka vendosur të bashkohet me koalicionin. Po ashtu, pjesë e tij është edhe Vangjel Dule i PPDNJ.

Në listat zgjedhore, Partia e Lirisë do të ketë 4 deputetë të sigurtë, ndërsa Fatmir Mediu, Shpëtim Idrizi, Vangjel Dule dhe Agron Duka do të kenë nga një deputet secili. Kështu, koalicioni siguron 8 mandate të sigurta për aleatët e PD-së.

Marrëveshja e depozituar në KQZ specifikon se çdo parti do të propozojë kandidatët e saj për listën shumëemërore, duke u bazuar në peshën elektorale dhe negociatat përkatëse.

LEXONI GJITHASHTU:

• Shqipëria Bëhet dhe Nisma Thurje kërkesë në KQZ për regjistrimin e koalicionit
• LZHK dhe Djathtas 1912 dorëzojnë në KQZ kërkesën për regjistrimin e koalicionit

The post “Aleanca për Shqipërinë Madhështore”, PD dorëzon në KQZ koalicionin me 26 parti appeared first on Euronews Albania.

Kreu i Partisë Demokratike, Sali Berisha, pas daljes nga SPAK, ku u paraqit për masën e sigurisë “detyrim paraqitje” në lidhje me dosjen “Partizani”, komentoi kandidimin e kreut të Partisë Lëvizja Socialiste për Integrim (PL), Ilir Meta, për zgjedhjet e 11 majit.

Berisha konfirmoi se, megjithëse Meta dëshironte të ishte në lista të hapura, ai do të jetë në listat e sigurta të PD-së, për shkak të pamundësisë për të bërë fushatë, pasi është i izoluar në burg. Ai e cilësoi Metën si “të burgosur politik”.

Sipas Berishës, Meta ka mbështetjen e plotë të PD-së dhe të gjithë opozitës shqiptare. Ai gjithashtu shtoi se Ilir Meta do të jetë deputet i Parlamentit në sesionin e ardhshëm të shtatorit.

“Ilir Meta është i burgosur politik dhe ka mbështetjen e plotë të PD-së dhe të gjithë opozitës shqiptare. Nuk ka diskutim”, tha Berisha.

Kreu i PD-së komentoi gjithashtu për mundësinë e fushatës nga burgu për Ilir Metën, duke thënë se ky i fundit mbahet në burg për të mos mundur të bëjë fushatë, dhe se Edi Rama po përpiqej të merrte mandatet duke mbajtur kundërshtarët në burg.

“Në lista të hapura apo të mbyllura? A mund të bëjë fushatë ai nga burgu? Ai donte lista të hapura, por ata e mbajnë në burg që të mos bëjë fushatë, sepse Edi Rama do të marrë mandatet duke mbajtur kundërshtarët në burg”, u shpreh Berisha.

“Prandaj, ai do të jetë deputet në Parlament, ndërsa Edi Rama do të jetë aty ku e meriton, do të ekstradohet tek McGonigali. Bile tani atje është McGonigali”, shtoi Berisha.

LEXONI GJITHASHTU:

• Berisha flet pas daljes nga SPAK: Gjeta ish-xhelatin duke marrë një strajcë me para
• I rrethuar nga mbështetësit, Sali Berisha paraqitet në Prokurorinë e Posaçme

The post A do të jeta Meta në listën e sigurtë të PD? Berisha përgjgigjet pas daljes nga SPAK appeared first on Euronews Albania.

Mark Zuckerberg është përfshirë në një tjetër polemikë pasi pëlqeu një foto provokuese të Lauren Sanchez, vetëm disa orë pas bujës që bëri kur u fiksua duke shikuar me vëmendje gjoksin e saj.

CEO i Meta-s, duket se nuk mund të ndalonte shikimin ndaj Sanchez, të fejuarës 55-vjeçare të themeluesit të Amazon, Jeff Bezos, gjatë ceremonisë së inagurimit të Presidentit Donald Trump në Capitol Rotunda.

Së shpejti, Zuckerberg e gjeti veten nën vëzhgimin e fansave në Instagram, aplikacioni i fotografive që ai vetë zotëron. Sanchez kishte postuar një foto provokuese të saj përpara ballos Starlight në nder të Trump në mbrëmjen e së hënës.

Pëlqimi i Zuckerberg u bë menjëherë një temë e nxehtë në rrjetet sociale. “Zuck po i bën pëlqimet private tani,” shkruante një komentues, ndërsa të tjerë shpreheshin se ai mund të ishte në rrezik të ngjallte xhelozi te gruaja e tij, Priscilla Chan, me të cilën është i martuar që nga viti 2012.

Në inagurimin presidencial, Sanchez dhe Chan ishin të ulura pranë njëra-tjetrës, por dukeshin të shmangnin bisedat e vogla. Chan, megjithatë, u fotografua duke biseduar me Robert F. Kennedy Jr., ndërsa Zuckerberg dhe Bezos ishin të pranishëm në grupin e të ftuarve të tjerë.

Një video e shpërndarë gjerësisht në rrjet tregonte Zuckerberg duke hedhur shikime mbi Sanchez, e cila kishte veshur një veshje të guximshme me linjë të bardhë dhe një bluzë të hollë. Postimet me humor nuk munguan, si ajo që shkruante: “Sytë lart, Zuck!”

Kjo ngjarje ka nxitur diskutime të shumta në rrjetet sociale, duke pasur parasysh reagimet dhe debatet për veshjen e Sanchez dhe sjelljen e Zuckerberg.

LEXONI GJITHASHTU:

• “The Simpsons” parashikon se kush do të fitojë zgjedhjet në SHBA
• Zuckerberg: ‘Meta’ do të zgjerojë lirinë e shprehjes në platformat e saj

The post Pasi e shikoi në ceremoninë e Trump, Zuckerberg i bën like fotos së Lauren Sanchez appeared first on Euronews Albania.

Prej rreth 3 muajsh i izoluar në qeli, kreu i Partisë së Lirisë Ilir Meta shfaqet për herë të parë teksa bën ecje gjatë orarit të ajrimit.

Në një video të siguruar nga Euronews Albania Meta shihet i veshur me rroba sportive teksa bën ecje dhe pi një cigare në ambientet e ajrimit të burgut 313.

Ilir Meta u arrestua në fund të muajit tetor me urdhër të SPAK. Ai po hetohet nga SPAK për tre akuza: pastrim parash, korrupsion dhe mosdeklarim pasurish në lidhje me dosjen e CEZ DIA dhe lobimin e LSI-së në SHBA.

Për herë të parë, del video e Metës te 313, ecje në ambientet e burgut pic.twitter.com/1U4NEeUr6m

— Euronews Albania (@EuronewsAlbania) January 20, 2025

LEXONI GJITHASHTU:

• Ilir Meta dhe PL në listat e PD? E zbulon Berisha
• Prej 21 tetorit në burg, Meta lë sot qelinë për t’u paraqitur në SPAK

The post Për herë të parë, del video e Metës te 313, ecje në ambientet e burgut appeared first on Euronews Albania.

Euronews Albania ka siguruar foton e personit të arrestuar si të dyshuar për vrasjen e bashkëfshatarit të tij 81-vjeçar.

Ai është 64-vjeçari Isuf Hasa i cili sipas policisë ka shkuar në banesën e fqinjit të tij Xhemal Meta dhe për motive të dobëta e ka qëlluar atë me një mjet të fortë (çekiç) në pjesën e pasme të kokës duke i shkaktuar vdekjen.

Ngjarja ndodhi në fshatin Shengjin i Vogël, në Qafmollë të Tiranës ndërsa nga veprimet hetimore dyshohet se autori i dyshuar Isuf Hasa, pasi e ka goditur viktimen i ka marrë dhe një sasi vlerash monetare që ai mbante në xhep, dhe më pas është larguar.

Nga kontrollet e shumta të kryera në disa banesa të autorit dhe familjarëve të tij, janë gjetur dhe sekuestruar një sasi prej 200.000 lekë të rinj.

Po nga kontrollet e ushtruara në banesën e shtetases L.H,(vajza e autorit të dyshuar) në fshatin Gjokaj, Vorë, Shërbimet e Policisë gjetën dhe sekuestruan në cilësinë e provës materiale sendin e dyshuar (çekiç) më të cilin autori ka kryer vrasjen.

LEXONI GJITHASHTU:

• Vrasja e të moshuarit, policia: Autori e qëlloi me çekiç në kokë dhe i mori paratë
• Emri| Arrestohet autori që qëlloi për vdekje 81-vjeçarin në Tiranë

The post Dyshohet se vrau bashkëfshatarin 81-vjeçar, ky është 64-vjeçari i arrestuar appeared first on Euronews Albania.

Ekspertiza mjeko-ligjore e 81-vjeçarit Xhemal Meta, i cili u gjet pa shenja jete në banesën e tij në fshatin “Shëngjin i Vogël”, ka zbuluar se ai është vrarë. Ngjarja fillimisht u raportua si aksidentale, por pas hetimeve të kryera u konstatua se i moshuari kishte marrë goditje fatale nga pas kokës, që shkaktuan vdekjen e tij.

Në një intervistë ekskluzive për Euronews Albania, djali i viktimës deklaroi se familja e tij nuk ka konflikte me asnjë njeri.

Sipas tij, babain e gjetën të shtrirë për tokë dhe të gjakosur në hyrje të banesës dhe fillimisht dyshuan se ishte një ngjarje aksidentale.

Ai shtoi se i ati jetonte i vetëm në fshatin afër Tiranës, por që gjatë fundjavës vinte për vizitë te fëmijët në kryeqytet.

“Të hënën në mëngjes e kemi marrë disa herë dhe s’na është përgjigjur. E prisnim të vinte në Tiranë se kishim një rast aty në shtëpi. Jemi nisur drejt shtëpisë, rreth orës 10:30 e kemi gjetur të shtrirë përpara hyrjes së shtëpisë, në oborr. Fillimisht menduam se ishte rrëzuar. S’kemi pasur konflikt me dikë që të mendonim se mund ta kishin vrarë. Kishte 20 vjet që jetonte këtu. Më tepër rrinte këtu, vinim dhe e vizitonim dhe në ditën e premte vinte në Tiranë tek ne.

Trupin nuk e prekëm, kemi marrë në telefon policinë dhe pasi iu bë ekspertiza zbuluam se ishte goditje nga mbrapa. S’ka pasur konflikte me njeri. Plaku e ka pasur mirë me të gjithë. Kemi lënë shtëpinë vetëm dhe s’ka ndodhur asgjë”, tha djali.

Ai shtoi se nuk ka asnjë person që dyshon se mund të ketë kryer aktin e rëndë.

I biri tha se shtëpia nuk ishte grabitur, por mungonte vetëm kuleta personale e të atit e cila nuk iu gjet në xhep.

“Nuk kemi pasur gjë brenda për ta vjedhur. Gjërat personale që kishte me vete, kuleta nuk është gjetur. Nuk kam asnjë dyshim pasi nuk kemi pasur konflikte të dyshoj tek dikush. Kjo është zonë e qetë, s’ka ndodhur kurrë gjë”, tha ai.

Në lidhje me ngjarjen policia ka shoqëruar për t’u pyetur 20 banorë të fshatit dhe po vijon punën për zbardhjen e plngjarjes.

LEXONI GJITHASHTU:

• Pse u vra Liridona Ademaj? Mbyllen pas një viti hetimet, gjetjet e prokurorisë
• I moshuari që u gjet i pajetë në oborrin e shtëpisë dyshohet se është vrarë

The post Ekskluzive| Flet djali i të moshuarit që u gjet i vrarë në Tiranë: I mungonte kuleta appeared first on Euronews Albania.

Kompania e teknologjisë Meta, pronare e rrjeteve Facebook, Instagram dhe WhatsApp, ka njoftuar se do të pushojë nga puna rreth pesë për qind të punonjësve me performancën më të ulët të kompanisë, dhe CEO i saj Mark Zuckerberg u tha punëtorëve në një memo të brendshme se viti 2025 do të jetë “vit intensiv”.

Sipas raportit për tremujorin e fundit, Meta punësoi rreth 72 mijë persona, pra një shkurtim pesë për qind i vendeve të punës do të prekë afërsisht 3600 persona. Punonjësit e prekur do të njoftohen deri më 10 shkurt, raporton Tech Crunch.

“Vendosa të rris nivelin e menaxhimit të performancës dhe të largoj më shpejt performuesit e dobët”, tha Zuckerberg në një memo.

Kompania eliminoi më parë 21,000 vende pune në 2022 dhe 2023, ose pothuajse një e katërta e fuqisë së saj punëtore, raporton CNBC.

Më pas Meta deklaroi se pushimet nga puna ishin të nevojshme për të përmirësuar efikasitetin pasi kompania punësoi shumë njerëz gjatë pandemisë së virusit korona.

LEXONI GJITHASHTU:

• Avokati: Meta u pyet për lobimin në SHBA, kërkoi të fliste me mediat, nuk iu lejua
• Pse u vra Liridona Ademaj? Mbyllen pas një viti hetimet, gjetjet e prokurorisë

The post “Vit intensiv”, Zuckerberg paralajmëron se do pushojë nga puna 5% të stafit të Meta appeared first on Euronews Albania.

Prokuroria e Durrësit ka ndryshuar akuzën për Hygerta Metën, e cila akuzohet se së bashku me vëllanë e saj të madh ka vrarë dhe asgjësuar kufomën e babait të saj, Pëllumb Meta, ngjarje e ndodhur afro një vit më parë në Shën Vlash të Durrësit.

Teksa sot (14.01.2025) do të nisë procesi gjyqësor në ngarkim të tre fëmijëve: Hygerta Meta, Hysen dhe Amarildo Meta, organi i akuzës bën me dije se për 19-vjeçaren ka ndryshuar akuza nga: “Fshehja dhe asgjësimi i kufomës”, në “Vrasje për shkak të marrëdhënieve familjare”, duke rënduar kështu pozitën procedurale të shtetases Hygerta Meta duke e dërguar në gjykim me një akuzë të re për vrasje në bashkëpunim me vëllanë e saj Hysen Meta “Vrasje për shkak të marrëdhënieve familjare.

Kujtojmë që Hygerta Meta ka ndryshuar disa herë version, ku disa herë e ka marrë përsipër vrasjen dhe disa herë duke e përjashtuar veten nga përfshirja në ekzekutimin e babait të saj, por vetëm në fshehjen e asgjësimin e kufomës.

LEXONI GJITHASHTU:

• Neuropsikologia: Fëmijët që vranë babanë asnjë pendesë, po mbulojnë arsyen e vërtetë
• Fëmijët që vranë babanë para gjykatës, zbulohen detaje të tjera nga ngjarja

The post Vranë dhe groposën të atin në kasollen e bagëtive, ndryshon akuza për Hygerta Metën appeared first on Euronews Albania.

Këtë javë, shefi ekzekutiv i kompanisë ‘Meta’ njoftoi se do të ketë një gamë më të gjerë të lirisë së fjalës në Facebook dhe platforma e saj të tjera në internet.

‘Meta’ është një nga kompanitë teknologjike që është kritikuar në mënyrë më të ashpër nga Presidenti i zgjedhur Donald Trump, duke përfshirë platformat e saj Facebook dhe Instagram.

Që nga përfundimi i zgjedhjeve në Shtetet e Bashkuara, kompania Meta ka punuar për të përmirësuar marrëdhëniet e saj me zotin Trump ndërsa ai përgatitet të kthehet në Shtëpinë e Bardhë. Kompania ka kontribuuar një milion dollarë për fondin e inaugurimit të Presidentit të zgjedhur Trump.

Këtë javë, drejtuesi i kompanisë ‘Meta’, Mark Zuckerberg njoftoi ndryshimet, që sipas tij, do të sigurojnë një gamë më të gjerë të lirisë së fjalës në Facebook dhe platformat e tjera. Presidenti i zgjedhur Donald Trump dhe udhëheqës të tjerë konservatorë kanë akuzuar prej kohësh Facebook-un për censurë.

“Është koha për t’u kthyer në rrënjët tona kur bëhet fjalë për lirinë e shprehjes në Facebook dhe Instagram”, tha ai.

Zoti Trump mbështeti vendimin e kompanisë ‘Meta’.

“Sinqerisht, mendoj se ata kanë bërë përmirësime të mëdha”, tha ai.

Në Shtetet e Bashkuara, Facebook do ta mbyllë programin e verifikimit të fakteve në bashkëpunim me ekspertë të jashtëm. Në vend të këtij programi, kompania ‘Meta’ do të bëjë verifikimin e fakteve të postimeve bazuar në shënimet e komunitetit të përdoruesve të platformave të saj. Kufizimet do të hiqen për tema si emigracioni dhe identiteti gjinor.

Reagimet ndaj ndryshimeve kanë qenë të ndryshme.

“Vendimi mund të ketë pasoja vërtet të dëmshme. Ne tashmë e dimë se gratë, njerëzit me ngjyrë, komuniteti LGBT+ dhe grupe të tjera si ato të shkencëtarëve dhe aktivistëve të klimës, përballen me një valë vërtetë të madhe diskriminimi, urrejtjeje dhe sulmesh në internet”, thotë Ava Lee nga organizata “Global Witness”.

Ndërsa mund të ketë përmbajtje më konservatore në Facebook në aspektin afatshkurtër, pyetja më e madhe është nëse miliarderët në industrinë e teknologjisë kontrollojnë përmbajtjet në platformat e tyre.

“Liria që tani gëzoni në këto platforma, veçanërisht në Meta, është shumë e kufizuar. Në të vërtetë ajo nuk bazohet në asnjë lloj mbrojtjeje”, thotë Daniel Cochrane nga Fondacioni Heritage.

Zuckerberg theksoi se do të punonte me administratën Trump për të mbrojtur lirinë e shprehjes në nivel global. Facebook pritet t’i zbatojë këto ndryshime në javët e ardhshme.

LEXONI GJITHASHTU:

• SHBA sanksionoi industrinë serbe të naftës, reagon Vuçiç: E rëndë dhe serioze!
• “Gripi mund të jetë fatal”, eksperti: Kujdes për grupet e riskut

The post Zuckerberg: ‘Meta’ do të zgjerojë lirinë e shprehjes në platformat e saj appeared first on Euronews Albania.

Kreu i Partisë Demokratike, Sali Berisha tha në emisionin Now në Euronews Albania se Ilir Meta mund të jetë në listën për deputetëve të Partisë Demokratike nëse Partia e Lirisë e pranon këtë.

Berisha u shpreh se lista e deputetëve të PD do të zgjidhet nga demokratët përmes primareve që siç tha, do të nisin shumë shpejt.

“Do hapet gara për primaret, listën e deputetëve do ta bëjnë demokratët. Ajo që ne jemi betuar është që t’i kushtojë rëndësi votës së diasporës, janë gjysma e kombit. Nëse partia e tij e pranon pa dyshim do ta fusim (Ilir Metën) të listën e PD, ai është i burgosur politik”, tha Berisha.

LEXONI GJITHASHTU:

• Berisha: Ja pse e sulmova Majkon pas 30 vitesh dhe pakti kur i drisheshin këmbët
• “Nuk flas kurrë pa dosje”, Berisha: Kam përgjimet, SPAK nuk më përgënjeshtron dot

The post Ilir Meta dhe PL në listat e PD? E zbulon Berisha appeared first on Euronews Albania.

Presidenti i Partisë së Lirisë, Ilir Meta ka reaguar sërish nga qelia pasi u mor në pyetje nga SPAK për aferën CEZ-DIA.

Në një postim në Facebook, Meta shkruan se në “seancë e sotme të pyetjeve reciproke në SPAK” i pyeti prokurorët se çfarë po bëhet në lidhje me hetimet për inceneratorët dhe u ka vënë në dispozicion disa dokumente, që sipas tij ngarkojnë me përgjegjësi kryeministrin Edi Rama dhe Sekretarin e Përgjithshëm të Këshillit të Ministrave Engjëll Agaçi.

“1. Edi Rama, në kundërshtim me çdo ligj në fuqi, më datë 7.12.2016, firmosi dhënien e bonusit prej 8% të pikëve kompanisë Integrated Energy BV sh.p.k për procedurën e konkurrimit, për ndërtimin e inceneratorit të Tiranës, por që ne fakt kjo kompani NUK EKZISTONTE në momentin që Kryeministri firmosi bonusin që e favorizonte ne procedurën konkurruese.

2. Edi Rama ka firmosur në kundërshtim me ligjin “Për koncensionet dhe Partneritetin Publik/Privat”, për negocimin pa shpallje të kontratës koncensionare për ndërtimin e inceneratorit të Elbasanit edhe pasi Sekretari i Përgjithshëm i Këshillit të Ministrave, Engjell Agaçi, u njoftua zyrtarisht nga Drejtori i Agjencisë së Prokurimeve Publike, z. Eduard Ahmeti, se procedura e përzgjedhur për dhënien e këtij koncensioni negocim pa shpallje është e paligjshme.
3. Firmën e paligjshme të Erion Veliaj për miratimin e koncensionit 30-vjeçar të inceneratorit fantazmë të Tiranës, në shmangie të vendimmarrjes së Këshillit Bashkiak të Tiranës dhe në shkelje të ligjit”, thotë Meta në një postim në faqen e tij në Facebook.

LEXONI GJITHASHTU:

• Lobimi në SHBA, Meta mbërrin në SPAK, nis marrja në pyetje
• Ilir Meta reagon pasi u mor në pyetje nga SPAK: Unë u përgjigja, ata jo

The post Meta tregon pyetjet që i drejtoi SPAK: Paraqita 3 fakte penale për Ramën appeared first on Euronews Albania.

Ish-Presidenti Ilir Meta reagoi pasi u mor në pyetje nga SPAK paraditen e kësaj të marte. Në reagimin e tij, ai kërkoi ndjesë që nuk arriti ti përgjigjej pytjeve të gazetarëve qoftë edhe me pranga në duar.

Meta theksoi se kishte dhënë sqarime të qarta dhe ishte transparent në lidhje me çështjen e lobimit, duke treguar respekt të plotë ndaj ligjeve shqiptare dhe amerikane ndërsa prokurori dhe oficeri nuk i kishin dhënë shpjegime për dy pretendime të tij në lidhje me mënyrën e arrestimit dhe hetimet për çështjen McGonigal.

Reagimi i plotë

“Falenderoj mediat që më njoftuan dje se do të thirresha sot në SPAK, pasi ende nuk kam një dokument zyrtar njoftimi për t’u paraqitur.

Megjithatë, unë isha sot i gatshëm të shkoja në seancë, që në ora 10:00, siç u bë njoftimi vetëm nga mediat dhe vonesa ndodhi vetëm për shkak të SPAK.

U kërkoj ndjesë gazetarëve që nuk m’u dha leja që kërkova, që edhe me pranga dhe i shoqëruar, t’u përgjigjesha çdo pyetje të tyre.

Dua t’ju siguroj se kam dhënë sqarime shumë të qarta, me sjelljen time tepër transparente, për të gjitha pyetjet që m’u drejtuan, duke sqaruar edhe njëherë në respektin tim të plotë ndaj të gjitha ligjeve shqiptare dhe amerikane për çështjen e lobimit.

Por më lejoni t’ju sqaroj se ishte një seancë me pyetje reciproke, ne ju përgjigjëm të gjitha pyetjeve të tyre,  ata ju shmangën “për moskompetencë” pyetjeve tona.

Pyetja jonë e parë ishte se çfarë bëhet me kallëzimin tonë të dorëzuar më 6 dhjetor në SPAK lidhur me rrëmbimin kriminal dhe banditesk.

Meqënëse ata ishin të interesuar për çështjen e lobimeve, pasi ju përgjigja të gjitha pyetjeve të tyre, si President i Partisë së Lirisë, forcës së dytë opozitare në vend, u bëra unë dy pyetje që kanë të bëjnë me interesin e lartë publik, konkretisht me çështjen e lobimeve të paligjshme.

Së pari, çfarë bëhet me hetimin e çështjes McGonigal, kryeagjentit të FBI të dënuar me burg për shkak të korruptimit nga kryekorruptuesi i ndërkombëtarëve, aktualisht Kryeministër?

Së dyti, çfarë bëhet me hetimin për fotografinë e paligjshme me Presidentin Obama të “Gruas së Bilalit” për të cilën një shtetas shqiptaro-amerikan ka bërë burg në Shtetet e Bashkuara të Amerikës?”, shkruan Meta.

LEXONI GJITHASHTU:

• Avokati: Meta u pyet për lobimin në SHBA, kërkoi të fliste me mediat, nuk iu lejua
• Pandeli Majko reagon pas akuzave të Sali Berishës: I gatshëm të dorëzoj çdo imunitet

The post Ilir Meta reagon pasi u mor në pyetje nga SPAK: Unë u përgjigja, ata jo appeared first on Euronews Albania.

Ish-Presidenti i Republikës, Ilir Meta, ka mbërritur në ambientet e SPAK nga qelia e tij Nr.5 e burgut “313”, përmes tunelit që lidh këtë institucion me Strukturën e Posaçme Kundër Korrupsionit dhe Krimit të Organizuarme.

Meta është thirrur për të dhënë dëshminë e tij si person në hetim në lidhje me dosjen CEZ/DIA, e cila ka të bëjë me hetimet mbi dyshimet për abuzime në sektorin energjetik.

Siç parashikohet nga procedurat ligjore, Meta është shoqëruar në SPAK në prani të avokatit Genc Gjokutaj, për t’u pyetur nga prokurorët që po hetojnë rastin.

Dje, në një seancë të ngjashme, ishin thirrur edhe disa figura të tjera të afërta me ish-Presidentin. Mes të thirrurve për t’u marrë në pyetje ishin bashkëshortja e tij, Monika Kryemadhi, e cila është aktualisht në proces divorci, nëna e saj, Fatime Kryemadhi, dhe bashkëpunëtorja e ngushtë e çiftit, Ema Çoku.

Sipas informacioneve, as Monika, as Fatime Kryemadhi dhe as Ema Çoku nuk kanë pranuar të japin asnjë deklaratë përpara prokurorëve.

Kujtojmë që ish-Presidenti u arrestua më 21 tetor 2024 në ish-sheshin “Shqiponja” dhe ndodhet në qeli në masën e sigurimit “Arrest me burg”.

LEXONI GJITHASHTU:

• Marrja në pyetje e Ilir Metës, paraqitet në SPAK avokati i tij Genc Gjokutaj
• Prej 21 tetorit në burg, Meta lë sot qelinë për t’u paraqitur në SPAK
• “Mund ta shpik palestrën edhe në 15 m2″, Meta flet për Euronews nga burgu 313
• “O Sali, o hero”- Berisha paraqitet në SPAK i rrethuar nga mbështetësit

The post Dosja CEZ-DIA, Meta mbërrin në SPAK, nis marrja në pyetje appeared first on Euronews Albania.

Ish-Presidenti i vendit Ilir Meta është thirrur këtë të martë për t’u marrë në pyetje nga Prokuroria e Posaçme Kundër Korrupsionit dhe Krimit të Organizuar (SPAK), lidhur me dosjen “CEZ-DIA”.

Meta, i cili është arrestuar më 21 tetor 2024 dhe ndodhet në masën e sigurimit “Arrest në burg”, pritet të mbërrijë rreth orës 10:00 në ambientet e SPAK ndërsa ka reaguar në rrjetet sociale nga qelia. Sipas tij, hetuesit do të jenë ata që do të pyeten nga ai, duke e shpallur veten si të hapur për të marrë pjesë në seancë dhe për t’u përgjigjur ndaj pyetjeve të mediave të pranishme pas kësaj seance.

Në postimin e tij, Meta thekson se është thirrur nga “regjimi” dhe ka bërë akuza të forta në lidhje me arrestimin e tij duke e cilësuar si “rrëmbimin të paligjshëm dhe banditesk”.

“Sapo mësova nga mediat e regjimit, që unë, lideri i Partisë së Lirisë, forcës së dytë opozitare dhe forcës së tretë politike në vend, qenkam thirrur për t’u pyetur nga organizata kriminale SPAK, e cila firmosi rrëmbimin tim të paligjshëm dhe banditesk.

Pa dyshim që do jem atje për t’i marrë unë në pyetje dhe pas kësaj seance jam i hapur për çdo pyetje nga mediat që do të jenë të pranishme”, shkruhet në Facebookun e Ilir Metës.

LEXONI GJITHASHTU:

• “Tao merr përsipër…”- Berisha publikon përgjime, mesazhi për militantët para SPAK
• “Gjeta aty Ulsiun me çantë Luis Vuitton”- Berisha akuza të forta pas daljes nga SPAK
• SPAK shtyn me tre muaj hetimet ndaj Arben Ahmetaj
• A do garojnë Berisha dhe Meta në zgjedhje? Biseda jashtë kamerave e Ramës dhe Kurtit

The post Prej 21 tetorit në burg, Meta lë sot qelinë për t’u paraqitur në SPAK appeared first on Euronews Albania.

Presidenti Bajram Begaj ka uruar besimtarët për festën e Krishtlindjeve, duke theksuar rëndësinë e reflektimit mbi vlerat më të larta të njerëzimit.

Begaj theksoi se kjo ditë e shenjtë, që simbolizon lindjen e shpresës dhe paqes, është një mundësi për të reflektuar mbi vlera si dashuria, solidariteti, mirëkuptimi dhe falja.

“Në këtë ditë të shenjtë të Krishtlindjes dëshiroj të përcjell përshëndetjet dhe urimet më të përzemërta për ju dhe familjet tuaja.

Krishtlindja kjo festë e ndritur që simbolizon lindjen e shpresës dhe paqe, na fton të ndalemi për një çast e të reflektojmë mbi vlerat më të larta të njerëzimit: dashuria, solidariteti, mirëkuptimin dhe faljen.

Për të gjitha familjet shqiptare brenda dhe jashtë vendit uroj Krishtlindje të gëzuara, shëndet, paqe dhe lumturi”, thuhet mes të tjerash në mesazhin e presidentit”.

Ndërsa kryeministri Edi Rama ka uruar festën e Krishtlindjeve në një mënyrë të veçantë, duke ndarë një postim në rrjetet sociale, ku prezanton ikonën “Krishtlindja”, punuar në shekullin XVII nga mësues Kostandini, nga Vithkuqi i Korçës, e cila është restauruar rishtazi.

Në mesazhin e tij, Rama e cilëson këtë ikonë si “dëshmi arti dhe besimi që prej shekullit XVII”.

“MIRËMËNGJES dhe me këtë ikonë të saporestauruar, që na vjen si dëshmi arti dhe besimi që prej shek. XVII, ju uroj të gjithë besimtarëve të krishterë, Gëzuar Krishtlindjen”, shkruan Rama.

Edhe kreu i PD-së Sali Berisha ka uruar besimtarët për festën e Krishtlindjes.

“Gëzuar Krishtlindjen”, shkruan Berisha, duke e shoqëruar urimin me një foto të tijën së bashku me bashkëshorten, Liri Berisha.

“Bekimet e kësaj nate, për ju dhe më të dashurit tuaj miq! Gëzuar”, përmbyll mesazhin, kryedemokrati Sali Berisha.

Ndërsa kreu i Partisë së Lirisë Ilir Meta i cili ndodhet i izoluar në burg ka uruar nga atje të gjithë besimtarët për festën e Krishtlindjes. Në një postim në rrjetet sociale, Meta zgjodhi të përcjellë mesazhin e tij të kësaj feste me fjalët Biblës.

“Dashuria është zemërgjerë, kërkon të mirën. Dashuria nuk ka smirë. Dashuria nuk gëzohet me padrejtësinë, por gëzohet me të vërtetën. Dashuria përballon gjithçka, beson gjithçka, shpreson gjithçka dhe duron gjithçka. Dashuria nuk shteron kurrë” – Bibël”, shkruan Meta.

“GËZUAR KRISHTLINDJEN të gjithë besimtarëve të krishterë dhe mbarë popullit shqiptar!”

“Krishtlindja është lindja e shpresës dhe e paqes, fuqia e dritës hyjnore mbi errësirën dhe konfirmim i dashurisë së Perëndisë ndaj njerëzimit. Bekimet dhe ngrohtësia e dashurisë së Zotit qofshin gjithmonë me ju, në çdo familje shqiptare dhe veçanërisht pranë të gjithë atyre që sot përballen me varfërinë, sëmundjet dhe padrejtësitë. GËZUAR!”

LEXONI GJITHASHTU:

• Mbahet mesha e Krishtlindjeve, besimtarët e krishterë kremtojnë lindjen e Krishtit
• “Larg dhunës”- Mesazhi i Krishtlindjes nga Imzot Dodaj: Të falim më shumë dashuri

The post Begaj, Rama, Berisha dhe Meta urojnë Krishtlindjet appeared first on Euronews Albania.