Gazeta “SI”- Data 14 janar 1990 shënon një moment historik për Shqipërinë: në Shkodër u zhvillua demonstrata e parë antikomuniste që hapi rrugën për rrëzimin e regjimit komunist, i fundit diktatorial në Evropën Lindore. Qytetarët e Shkodrës dolën në mënyrë spontane në rrugët e qytetit për të shprehur pakënaqësinë e tyre ndaj regjimit, duke u bërë protagonistë të një ngjarjeje që do të mbetej në kujtesën e kombit.

Në atë ditë historike, mijëra shkodranë u grumbulluan në qendër të qytetit dhe tentuan të rrëzonin bustin e Stalinit, një simbol i regjimit komunist. Megjithatë, policia dhe ushtria e kohës ndërhynë dhe shpërndanë turmën me dhunë. Pas demonstratës, dhjetëra protestues u arrestuan dhe u dhunuan barbarisht në burgje, ndërsa regjimi tentonte të frikësonte qytetarët në përpjekje për të ruajtur kontrollin.

Ngjarja, për rëndësinë dhe kontekstin e saj historik, u konsiderua menjëherë si demonstrata e parë antikomuniste në Shqipëri. Ajo pati jehonë jo vetëm brenda vendit, por edhe në mediat ndërkombëtare, duke u analizuar si një shenjë e hershme e valës së ndryshimeve demokratike që do të përfshinin Shqipërinë.

Lek Kurti, pjesëmarrës në demonstratë, kujton se lëvizja u nxit nga ndryshimet që po ndodhnin në Evropën Lindore. Në një intervistë për eetimestv, ai rrëfen se një natë para protestës, sigurimi i shtetit ushtronte terror nëpër lagjet e qytetit, duke arrestuar të paktën katër persona që dyshohej se po organizonin reagimin qytetar. Megjithatë, përpjekjet e regjimit për të ndaluar protestën dështuan.

Filip Guraziu, në një shkrim të mëparshëm do të theksonte rëndësinë e Shkodrës në këtë ngjarje:

“Nuk mund të konsiderohet rastësi që demonstrata e parë antikomuniste u zhvillua pikërisht në Shkodër. Populli i këtij qyteti dhe i malësive përreth kishte treguar më parë se komunizmi ishte i huaj për ta. Ky popull, i ndikuar historikisht nga tradita e lirisë dhe kontaktet me kulturën perëndimore përmes tregtisë dhe Kishës Katolike, nuk mund të pranonte kurrë diktaturën dhe dogmën komuniste. Rezistenca e armatosur e Kelmendasve në Janar 1945 dhe kryengritja e përgjakshme e Postribës në vitin 1946 janë shembuj të veçantë në historinë e Shqipërisë.”

Terrori politik pas 14 janarit nuk mundi të thyente shpirtin demokratik të shkodranëve. Përkundrazi, ai u shndërrua në një katalizator për protesta më të ashpra dhe të gjera në mbarë vendin, duke frymëzuar qytetarët në qytete të tjera. Historia e demokracisë shqiptare kujton me respekt revoltën e shkodranëve në 16 Qershor 1990, 11 Nëntor 1990, 13 Dhjetor 1990 dhe 2 Prill 1991.

Guraziu thekson se demonstrata e 14 janarit 1990 duhet të përkujtohet jo vetëm në Shkodër, por në të gjithë Shqipërinë, si momenti kur u hodh “guri i parë” i themeleve të demokracisë post-komuniste.

Sipas tij, qindra qytetarë u arrestuan dhe shumë prej tyre u torturuan. Dhjetë prej aktivistëve kryesorë, Dedë Kasneci, Gjergj Livadhi, Rin Monajka, Kolec Hublina, Flamur Elbasani, Nikolin Margjini, Tonin Dema, Nikolin Thana, Klaudio Daka dhe Aldo Perizi u dënuan me vite të gjata burg. Gjashtë të tjerë – Gjovalin Rolba, Gjovalin Zefi, Ndoc Leqejza, Pjerin Veli, Paulin Shtjefni dhe Viktor Martini – u dërguan në spitale psikiatrike, ndërsa shumë familje u internuan. Rin Monajka, një nga të burgosurit, doli nga burgu me gjendje invaliditeti ekstrem për shkak të torturave shtazarake.

Studiuesi Kastriot Dervishi ofron një pasqyrë të veprimeve të Sigurimit të Shtetit para dhe gjatë demonstratës. Sipas tij, regjimi kishte marrë masa të rrepta për të parandaluar protestën. Dega e Punëve të Brendshme dhe Komiteti i PPSH-së dërguan njerëz të infiltruar për të monitoruar grumbullimin, i cili u filmua në mënyrë të fshehtë. Materiali i filmimit nuk dihet ku ka përfunduar. Hetuesia vlerësoi pjesëmarrësit në rreth 2000 veta dhe identifikoi Rini Monajkën si figurën kryesore të demonstratës.

Rin Monajka u arrestua për pjesëmarrje në organizimet me qëllim rrëzimin e bustit të Stalinit në Shkodër, në datat 11-14 janar 1990. Rini ishte me origjinë austriake dhe punonte në ndërmarrjen e peshkimit. Bashkë me Dedë Kasnecin, u bënë figurat kryesore të këtyre lëvizjeve antikomuniste në qytet.

U gjykua më 25-30 prill 1990 nga Gjykata e Lartë në Tiranë. Kolegji Penal i Gjykatës së Lartë, me vendimin nr.2 të, datë 30.4.1990 i deklaroi fajtorë të pandehurit dhe i dënoi me heqje lirie. Rin Monajka u dënua me 7 vjet burg. Gjykata e konsideronte “demonstratë antisocialiste” dhe të pandehurit “me rrezikshmëri të madhe shoqërore”.

Intensiteti i veprimeve u shfaq kryesisht midis 13 dhe 16 janarit 1990. Përveç arrestimeve, u rrit shpërndarja e fletushkave dhe parullave antikomuniste. Më 15 janar u hodh një dinamit pranë Komitetit të Partisë, por ai nuk shpërtheu falë vigjilencës së policisë. Zëvendësministri i Punëve të Brendshme, Zylyftar Ramizi, raportoi se qëllimi i demonstratës ishte rrëzimi i bustit të Stalinit dhe më pas takimi me sekretarin e parë të Komitetit të PPSH-së, Xhemal Dymylja, për të kërkuar liri shtypi, fjalë dhe demokraci. Hetuesia përqendroi hetimet te pjesëmarrësit dhe ata që kishin shkruar parullat.

Burimi: Kujto.al

The post 14 Janari 1990/ Demonstrata e parë antikomuniste që hapi rrugën drejt demokracisë appeared first on Gazeta Si.

Nga Gazeta ‘SI’ – Një raport monitorimi i organizatës Qëndresa Qytetare ka gjetur se qindra projekte të parashikuara nga qeveria, në buxhetin e vitit 2024, kanë mbetur vetëm në letra.

Sipas QQ-së, disa nga projektet e parealizuara janë jetike për vendin dhe do të ndikonin në përmirësimin e jetesës së qytetarëve.

Konkretisht, bëhet fjalë për 275 projekte investimesh të parashikuara në Planin Buxhetor, me një vlerë totale rreth 33.7 miliard lekë nga 7 ministritë kryesore.

Në ministrinë e Bujqësisë 11 projekte (2.87 miliard lekë), përfshirë cilësinë dhe kontrollin e ushqimit, nuk janë nisur.

Në ministrinë e Infrastrukturës dhe Energjitikës, 120 projekte (11.96 miliard lekë), kryesisht ndërtimi dhe rehabilitimi i ujësjellësve; 112 projekte ujësjellësash nuk u realizuan.

Financat dhe Ekonomia: 24 projekte (2 miliard lekë), kryesisht për përmirësimin e banimit dhe lehtësimin e tregtisë.

Arsimi dhe Sportet: 59 projekte (4.3 miliard lekë), përfshirë transportin për nxënës dhe mësues, laboratorë dhe projekte kërkimore.

Shëndetësia dhe Mirëqënia Sociale: 21 projekte (836 milionë lekë), kryesisht ndërtimi i qendrave shëndetësore dhe furnizimi me pajisje laboratorike.

Brendshme: 20 projekte (1.06 miliard lekë), për modernizimin e sistemeve dhe parandalimin e rreziqeve të sigurisë.

Mbrojtja: 20 projekte (10.68 miliard lekë), përfshirë modernizimin dhe rritjen e kapaciteteve në kuadër të NATO-s.

Në përfundim, Qëndresa Qytetare rekomandon që për të përmirësuar situatën, duhet rritur transparenca dhe të gjurmohet me kujdes ecuria e projekteve publike, duke vendosur një kod unik për secilin projekt që të lehtësohet monitorimi. Po ashtu, projektet, sugjeron QQ, duhet të klasifikohen sipas rëndësisë, duke i dhënë përparësi atyre më strategjikë, ndërsa çdo mos-realizim duhet shpjeguar publikisht, për të garantuar llogaridhënie dhe besueshmëri ndaj qytetarëve dhe parave të tyre.

The post Projektet publike ngelen rrugëve! 33 mld lekë investime të parealizuara nga qeveria appeared first on Gazeta Si.

Gazeta Si – Përveç se Altin Ndoci sulmoi policët për të vënë në zbatim planin e tij të arratijes, ka përfituar edhe nga mungesa e zbatimit të protokollit nga ana e policëve që e shoqëronin.

Teksa ka pranuar dështimin e masave të sigurisë, Drejtoria e Përgjithshme e Burgjeve, me një deklaratë zyrtare, konfirmon se për shoqërimin e të burgosurit, burgu i Durrësit nuk ka informuar as institucionin qendror dhe as komisariatin vendor për vizitën mjekësore.

Sipas Drejtorisë së Burgjeve, ai ishte dërguar për vizitë mjekësore pas rekomandimit të mjekut të institucionit.

Në reagimin e gjatë, ku bëhet me dije se është pezulluar i gjithë zinxhiri komandues i burgut dhe janë arrestuar 8 persona, theksohet se pasi i ishte bërë kontrolli, Ndocit i ishte rekomanduar të rikontrollohej pas 2 orësh dhe gjatë kësaj kohe ai ka kërkuar të shkojë në tualet, ku më pas ka goditur punonjësit që e shoqëronin dhe ia ka mbathur me vrap.

Verifikimet paraprake kanë zbuluar shkelje të rënda procedurale, pasi vizita mjekësore nuk ishte raportuar dhe nuk janë respektuar protokollet standarde të shoqërimit.

“Nga verifikimet paraprake rezulton se, për shoqërimin e planifikuar, IEVP Durrës nuk ka informuar Drejtorinë e Përgjithshme të Burgjeve dhe Komisariatin e Policisë Durrës, si dhe nuk ka raportuar në Drejtorinë e Përgjithshme të Burgjeve as planifikimin dhe as realizimin e vizitës mjekësore, në kundërshtim me aktet nënligjore në fuqi. Gjithashtu, rezulton se nuk janë respektuar procedurat standarde për shoqërimin e të paraburgosurve dhe të dënuarve”, thuhet në njoftimin e Drejtorisë së Përgjithshme të Burgjeve.

Reagimi i plotë

Shtetasi Altin Ndoci ka qenë i akomoduar në IEVP Durrës që prej datës 20.05.2020, me masë sigurimi “arrest me burg”. Me vendimet Nr. 82, datë 21.07.2020; Nr. 42, datë 17.05.2022; dhe Nr. 86, datë 29.07.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj tij është caktuar masa e sigurimit “arrest me burg” për veprat penale: vrasje në rrethana cilësuese kundër dy ose më shumë personave, armëmbajtje pa leje, organizatë kriminale, kryerja e veprave penale nga organizata kriminale dhe grup i strukturuar kriminal, të parashikuara nga nenet 79/dh, 278/1, 28/1, 28/4, 333 dhe 334 të Kodit Penal.

Më datë 13.01.2026, i paraburgosuri ka kryer konsultë mjekësore me mjekun e institucionit të vuajtjes së dënimit, i cili ka rekomanduar konsultë me mjek kirurg. Në vijim, nga strukturat përkatëse të IEVP Durrës (shërbimi shëndetësor, policia e burgjeve, sektori social dhe ai ligjor) janë hartuar aktet përkatëse dhe është planifikuar shoqërimi për vizitë mjekësore në Spitalin Rajonal Durrës, sipas itinerarit: IEVP Durrës – Spital Rajonal Durrës – kthim në IEVP, brenda së njëjtës ditë.

I paraburgosuri është paraqitur në pavionin infektiv për marrjen e trajtimit mjekësor. Pas vizitës mjekësore nga mjeku kardiolog në Spitalin Rajonal Durrës, është rekomanduar mjekim dhe rikontroll pas 2 (dy) orësh. Gjatë kohës që ka qenë duke marrë trajtim mjekësor, shtetasi Altin Ndoci ka kërkuar të shkojë në tualet. Ai është shoqëruar nga punonjësit e Policisë së Burgjeve, por gjatë këtij momenti ka kundërshtuar dhe goditur punonjësit, duke arritur të arratiset.

Nga verifikimet paraprake rezulton se, për shoqërimin e planifikuar, IEVP Durrës nuk ka informuar Drejtorinë e Përgjithshme të Burgjeve dhe Komisariatin e Policisë Durrës, si dhe nuk ka raportuar në Drejtorinë e Përgjithshme të Burgjeve as planifikimin dhe as realizimin e vizitës mjekësore, në kundërshtim me aktet nënligjore në fuqi. Gjithashtu, rezulton se nuk janë respektuar procedurat standarde për shoqërimin e të paraburgosurve dhe të dënuarve.

Nisur nga të dhënat paraprake, me urdhër të Drejtorit të Përgjithshëm të Burgjeve, është pezulluar i gjithë zinxhiri komandues i IEVP Durrës, me qëllim garantimin e një procesi të rregullt ligjor dhe administrativ, konkretisht:

• z. Indrit Cerloj – Drejtor i IEVP Durrës;

• z. Afrim Zeqiraj – Shef i Policisë;

• z. Dezdemon Pazaj – Shef i Policisë IEVP Durrës (i komanduar);

• znj. Ylfete Sema – Shefe e Shërbimit të Kujdesit Shëndetësor;

• z. Aulon Quku – Kryeinfermier;

• z. Dorjan Saraçi – Punonjës i Policisë së Burgjeve;

• z. Sali Ferrollari – Punonjës i Policisë së Burgjeve;

• z. Preng Marvataj – Punonjës i Policisë së Burgjeve;

• z. Fatjon Braçi – Punonjës i Policisë së Burgjeve;

• z. Idajet Calamaj – Punonjës i Policisë së Burgjeve;

• z. Aranit Çela – Punonjës i Policisë së Burgjeve;

• znj. Violeta Uka – Punonjëse e Policisë së Burgjeve.

Referuar ngjarjes dhe veprimeve të ndërmarra Drejtoria e Përgjithshme e Burgjeve në bashkëpunim me Shërbimit të Kontrollit të Brendshëm në Sistemin e Burgjeve, nën drejtimin Prokurorisë pranë Gjykatës së Shkallës së Parë të Juridiksionit të Përgjithshëm Durrës, është vendosur ndalimi i shtetasve të mëposhtëm:

• Komisar Dezdemon Pazaj – Punonjës i Policisë së Burgjeve;

• Komisar Violeta Uka – Punonjëse e Policisë së Burgjeve;

• Kryeinspektor Dorjan Saraçi – Punonjës i Policisë së Burgjeve;

• Inspektor Sali Ferrollari – Punonjës i Policisë së Burgjeve;

• Inspektor Fatjon Braçi – Punonjës i Policisë së Burgjeve;

• Inspektor Preng Marvataj – Punonjës i Policisë së Burgjeve;

• Kryeinspektor Aranit Çela – Punonjës i Policisë së Burgjeve;

• Kryeinfermier Aulon Quku – Punonjës i IEVP Durrës.

Drejtoria e Përgjithshme e Burgjeve vijon me marrjen e të gjitha masave të nevojshme ligjore dhe administrative, si dhe me forcimin e protokolleve të sigurisë në institucionet e ekzekutimit të vendimeve penale.

Në përditësim…

The post Arratisja e Altin Ndocit nga spitali, Burgjet: Ja shkeljet e rënda nga IEVP e Durrësit appeared first on Gazeta Si.

Prerjet e këqija të flokëve mund të mbeten një problem i së shkuarës, me shpikjen e makinës së qethjes që punon me IA.

E zbuluar në Panairin e Elektronikës (CES) në Las Vegas, GLYDE ËSHTË ‘makina e parë inteligjente e prerjes së flokëve në botë’.

Për sa kohë që dikush është i gatshëm t’i besojë flokët një algoritmi, GLYDE mund të bëjë një prerje të plotë në më pak se 10 minuta.

Për të bërë një prerje të re flokësh, përdoruesit së pari zgjedhin stilin e tyre të zgjedhur nga aplikacioni në telefonin e tyre.

Pastaj, dikush thjesht mund ta kalojë makinën e prerjes mbi kokën e tyre ndërsa pajisja rregullon automatikisht thellësinë e prerjes.

Tehet lëvizin automatikisht në mënyrë që prerjet komplekse të mund të bëhen me një kalim të vetëm, pa asnjë përvojë ose aftësi.

The post Do ia besonit prerjen e flokëve një makine qethëse IA? appeared first on Gazeta Si.

Nga Gazeta ‘Si’- I dërguari special i Shtëpisë së Bardhë, Steve Witkoff, dhe dhëndri i presidentit të SHBA-së, Donald Trump, Jared Kushner, po shqyrtojnë mundësinë e një udhëtimi në Moskë për t’u takuar me presidentin rus Vladimir Putin, shkruan Bloomberg.

Sipas Bloomberg, takimi mund të zhvillohet brenda këtij muaji, megjithatë planet nuk janë përfundimtare dhe data mund të shtyhet për shkak të situatës së tensionuar në Iran.

Një zyrtar i Shtëpisë së Bardhë tha për Bloomberg se aktualisht nuk është planifikuar një takim i tillë.

Sipas raportimit, zyrtarët amerikanë pritet t’i paraqesin Putinit dhe ekipit të tij draftin më të fundit të propozimeve për paqe.

Bisedimet pritet të përfshijnë garancitë e sigurisë nga SHBA-ja dhe Evropa për mbështetjen e çdo marrëveshjeje të mundshme, si dhe rindërtimin e Ukrainës pas përfundimit të luftës.

Në deklarata të bëra më herët këtë muaj, Donald Trump shprehu pakënaqësi ndaj Vladimir Putinit për vazhdimin e luftës në Ukrainë, duke përsëritur se fillimisht kishte besuar se përfundimi i konfliktit do të ishte një proces i lehtë.

The post Bloomberg: Kushner dhe Witkoff po planifikojnë të takohen me Putinin në Moskë appeared first on Gazeta Si.

Nga Gazeta ‘Si’- Kreu i Partisë Demokratike, Sali Berisha, deklaroi se PD do të depozitojë një kallëzim në SPAK për ‘Durana Park’.

“Do të dërgojmë në SPAK provat dhe do të bëjmë padi për Durana Park. Si në çdo skandal. Për një kohë të gjatë Dumani i ka konservuar ato dhe ka bërë që mos të përfillen. Paditë tona janë të bazuara në ligj dhe të pakundërshtueshme. Ne do t’i dërgojmë. Aty mbeten. Rama dhe Dumani mendojnë se mund të shpëtojnë nga djegësi i Tiranës dhe nga Durana, apo çështje të tjera. Por mos të shpresojnë”, tha ai.

Sipas tij, ky park tenologjik është një abuzim identik si ai me inceneratorin në zonën e Sharrës.

Ndonëse thotë që është një investim që i ka kushtuar shqiptarëve 130 milionë euro, Berisha shton se nuk ka asnjë gjurmë të tij.

“Nëse do shkoni në Sharrë për të gjetur investimin 130 milionë euro taksa të shqiptarëve për djegien e plehrave, nuk do gjeni asnjë tullë dhe gjurmë të tij”, tha Berisha, ndërsa shtoi se “Durana apo Troplana e famshme e Edi Ramës është identike”.

Ai akuzoi edhe Koorporatën e Investimeve Shqiptare që do ketë kontrollin e këtij investimi shtetëror, duke akuzuar drejtpërdrejtë si pjesë të skemës korruptive drejtoreshën e institucionit Elira Kokona, duke e krahasuar me “Mirlindën e AKSHI-t apo Ballukun”.

“Tenderi varet nga tarifa e paguar. Nëse i paguaje Frangut deri në 5 mijë euro, e merrje, kurse për kategorinë platinuim duheshin negociata të larta, deri te Armand Frangu, allias Ermal Beqiri. Legalizimi i parajsës së Troplinëve, ata kanë aksionet e tyre, nuk i japin kot livadhet e tyre.

45 ditë pas krijimit të ACTI, më 20 shkurt të 2025, me shpejtësi regjistrohet në QKB kompania shtetërore Durana Tech Park, dhe i kalon drejtimi Koorporatës së Investimeve Shqiptare, me në krye Elira Kokonën. Çfarë është kjo, kjo është Mirlinda e AKSHI-t. Përcaktohet Xhafzotaj si zonë e lirë. Elira Kokona ishte garantuesja ligjore e statusit të parkut Dorana. Çfarë është kjo Elira Kokona? Kjo është Mirlinda e AKSHI-t, por në prona”, tha Berisha mes të tjerash.

Berisha tha se me këtë skemë i hapet rruga edhe e përjashtimit nga taksat për këto kompani përfituese, të ndara në katër kategori sipas pagesave: “Golden”, “Silver”, “Platinuim” dhe individuale.

The post Berisha paralajmëron padi në SPAK për ‘Durana Park’: Skemë e pastër korrupsioni  appeared first on Gazeta Si.

Nga Gazeta ‘Si’- Kryetari i Partisë Demokratike, Sali Berisha pretendon se manipulimi i provave për çështjen e Belinda Ballukut vazhdon.

Në konferencën me gazetarët, Sali Berisha u shpreh se janë intimiduar dëshmitarë, të cilët sipas tij ose janë detyruar të ndryshojnë dëshminë, ose të thonë ato që janë porositur.

“Makineria e manipulimit dhe e shkatërrimit të provave dhe dokumenteve që fajësojnë inkriminimin e plotë dhe total të Edi Ramës, Ballukut dhe bashkëpunëtorëve të tyre në një seri aferash shumë të rënda, që shkojnë në miliarda euro vjedhje të taksapaguesve shqiptarë, vazhdon pa ndërprerje. Ndërkohë intimidohen dhe thirren si në zyra të policisë sekrete punonjës të administratës, të cilët ose duhet të ndryshojnë dëshmitë e tyre ose nuk duhet të dëshmojnë apo të thonë ato që porositen. Presion i jashtëzakonshëm bëhet mbi Gjykatën Kushtetuese. Pra, Edi Rama për të mbrojtur veten e tij, krimet e tij, po shkon drejt grushtit të shtetit, asgjësimit de facto të drejtësisë në Shqipëri”, u shpreh kreu i PD.

Berisha i bëri thirrje Ramës që të japë dorëheqjen, ndërsa qytetarët i ftoi të dalin në protestën kombëtare të 24 janarit.

“Duke dënuar me forcën më të madhe këto qëndrime të papërgjegjshme, i kërkoj atij dorëheqjen dhe largimin e tij nga posti i kryeministrit. Ai është sot njeriu më i rrezikshëm për shqiptarët, dhe jo vetëm për shqiptarët, por me lidhjet e tij të krimit ai përbën një rrezik të madh për rajonin dhe më gjerë.

PD u bën thirrje shqiptarëve, sot më shumë se kurrë të flasin me zemërimin e tyre, të flasin me guximin e tyre, të flasin me ndjenjat e dashurisë së tyre për këtë vend dhe të ardhmen e shqiptarëve me datën 24 janar në protestën kombëtare të thirrur nga opozita për këtë qëllim”, tha Berisha.

The post Çështja Balluku/ Berisha: Rama po shkatërron provat pa ndërprerje! appeared first on Gazeta Si.

Gazeta Si – Në qershor, Donald Trump luajti në mënyrë të sigurt. Deklaratat e tij rreth një dialogu të mundshëm me Iranin, kishin dhënë iluzionin se një konflikt mund të shmangej. Por më pas ai vendosi ndryshe, duke u përpjekur të gjente bombardues.

Historia, siç ndodh shpesh në Lindjen e Mesme, e përsërit modelin dhe sjell një periudhë pasigurie. Nga njëra anë, ekziston frika nga një sulm dhe reagimi i Pasdaran-it; nga ana tjetër, ekziston shpresa se kujdesi do të mbizotërojë.

Gjithashtu, sepse ka përpjekje nga ndërmjetësuesit e interesuar, ndërsa shumë ambasada po zvogëlojnë stafin, duke nxitur indirekt frikën.

“The Donald”, me tonin e tij të zakonshëm alternativ, u premtoi mbështetje konkrete protestuesve: ndihma është duke ardhur, tha ai, duke njoftuar pezullimin e kontakteve me Teheranin.

Ky mesazh i dyfishtë u pasua nga komentues që renditën se çfarë mund të bënte ai pas një konsultimi të ri me stafin e tij. Pentagoni ka hartuar plane ndërhyrjeje – muaj më parë – me objektiva minimale dhe maksimale.

Janë planifikuar bastisje kundër simboleve të represionit: kazermave të rojeve ose milicisë Basij, zyrtarëve, selisë së policisë.

Bazat e raketave, qendrat e komandës dhe kontrollit, aeroportet dhe portet po ngrihen. Dhe, një hap më lart, udhëheqësit e Republikës Islamike. Megjithatë, ata kanë miratuar kundërmasat e tyre për të siguruar vazhdimësinë: sipas “New York Times”, udhëheqësi Khamenei ka emëruar tre individë të gatshëm ta zëvendësojnë atë nëse ai eliminohet.

Një veprim i parashikueshëm, por edhe më urgjent pasi izraelitët konfirmuan se e kishin vendosur atë në vijën e zjarrit.

Infrastruktura energjetike ose sistemet që rregullojnë jetën e përditshme mund të bëhen gjithashtu shënjestra.

Ky është skenari i një sulmi kibernetik, i cituar nga mediat amerikane: një akt që duhet të paraqitet si një formë solidariteti konkret.

Paralelisht, po shqyrtohet mundësia e dërgimit të pajisjeve Starlink për të lehtësuar komunikimet e opozitës.

Në fakt, Elon Musk po e ofron shërbimin falas, pasi ka hequr tarifën e abonimit për iranianët. Përveç se ka një problem të rëndësishëm: autoritetet kanë kryer një fushatë masive për të neutralizuar pajisjet duke përdorur zbulimin me dronë, bllokimin e sinjalit me teknologji ruse dhe sanksione të rënda për këdo që kapet me një nga këto “stacione”. Akuza është spiunazh për Izraelin, me një dënim prej dhjetë vjetësh burg.

Analistët theksojnë disa aspekte.

1) Mungesa e njohur e një aeroplanmbajtëseje; ato të disponueshme janë në Azi dhe Karaibe.

2) Qëndrimi i aleatëve arabë (Arabia Saudite, Katari, Omani) dhe Turqisë: është një kor kundër sulmit, sepse rajoni është tashmë shpërthyes dhe nuk ka nevojë për më shumë fuqi zjarri. Kjo është arsyeja pse ata janë të zënë duke gjetur alternativa.

3) A përkthehet kundërshtimi ndaj bastisjes në një ndalim të përdorimit të shumë bazave amerikane në Gjirin Persik?

4) Një inkursion me bombardues strategjikë që ngrihen nga Shtetet e Bashkuara dhe kthehen “në shtëpi” me ndihmën e furnizuesve ose mbështetje për aeroplanmbajtëset në Oqeanin Indian, është gjithmonë i mundur. Apo lëshimi i raketave lundruese nga njësitë detare. Po flasim për një teatër me gati 40,000 ushtarë amerikanë, radarë, mbrojtje antiraketë, avionë luftarakë dhe një ushtri spiunësh.

5) Dyshime për pasojat: a do ta ndryshonte një bastisje situatën në favor të protestuesve, apo do t’u jepte më shumë pretekste xhelatëve të tyre për të vrarë?

Këto pyetje janë të ndërthurura me kryesoren: çfarë dëshiron të arrijë Shtëpia e Bardhë? Kjo është arsyeja pse disa po sugjerojnë një qasje më pak ekstreme, me sanksione, punë të “pisët” nga CIA dhe lëvizje që do të trimërojnë një opozitë pa udhëheqës.

Por Trump gjithmonë ka nevojë për një rezultat për të mburrur, pavarësisht se sa i përkohshëm apo i thellë është. Është sundimi i botës së tij në dukje të padisiplinuar.

Pastaj është hakmarrja nga Irani, i cili, pavarësisht se pësoi goditje shkatërruese në qershor, demonstroi aftësinë e tij për të vendosur një numër të madh raketash tokë-tokë me rreze të gjatë veprimi, duke shpuar ombrellën mbrojtëse të Izraelit.

Pa përmendur kërcënimin e bllokimit të Ngushticës së Hormuzit, me pasoja alarmante ekonomike. Dhe ka mundësi për operacione klandestine, të planifikuara prej vitesh, por të mbajtura në rezervë pikërisht në pritje të një përshkallëzimi.

Garda Revolucionare ka burimet e saj, të mjaftueshme për të dërguar një sinjal rezistence kur jashtë vendit flitet për një sistem të vdekur, të ngulitur në llogoren e fundit.

Përshtati: Gazeta “Si”

The post Plani i SHBA me Iranin? Nga mini-bastisjet te sulmet kibernetike (dhe goditja e Khameneit) appeared first on Gazeta Si.

Nga Gazeta Si- Një konflikt në familje ka përfunduar me rrëmbimin dhe dhunimin e një 30-vjeçareje nga xhaxhai dhe vëllai i saj.

Ngjarja e rëndë ka ndodhur në Këlcyrë, ndërsa Policia e Gjirokastrës njoftoi sot se ka nisur procedimin penal ndaj 3 autorëve të dyshuar dhe një personi tjetër që ka qenë në dijeni të ngjarjes.

Sipas hetimeve paraprake dhe rrëfimit të vetë të dëmtuarës, pasi ka debatuar ashpër me ta, i vëllai A.A., 34 vjeç dhe xhaxhai S.A., 53 vjeç, së bashku me E.M., 51 vjeç e kanë marrë me forcë në makinë dhe më pas e kanë çuar në shtëpinë e xhaxhait të saj. Më tej, dyshohet se 30-vjeçarja është dhunuar.

Gjithashtu policia ka nisur procedim penal edhe për L.L., 43 vjeç pasi dyshohet se ka pasur dijeni për rastin por nuk ka kallëzuar në polici.

The post Gjirokastër/ Vëllai dhe xhaxhai marrin me forcë në automjet dhe dhunojnë 30-vjeçaren appeared first on Gazeta Si.

Gazeta Si – Një sherr mes dy personave ka dndodhur në fshatin Gomsiqe në Velipojë, Shkodër.

Sipas policisë, si pasojë e konfliktit ka mbetur i lënduar një 42-vjeçar, ndërsa personi tjetër, 47-vjeç, u arrestua, pasi iu gjet një pistoletë në banesë të cilën e kishte pa leje.

“Si rezultat i veprimeve të shpejta operacionale, u kap dhe u arrestua shtetasi N. S., 47 vjeç. Nga veprimet e para hetimore dyshohet se shtetasi N. S. është konfliktuar fizikisht për motive të dobëta, me shtetasin F. K., në fshatin Gomsiqe. Si pasojë e konfliktit është dëmtuar shtetasi F. K., i cili po merr mjekim në Spitalin Rajonal Shkodër”, njofton policia.

The post Sherr mes dy personave në Velipojë, 47-vjeçarit i gjendet një armë në banesë appeared first on Gazeta Si.

Nga Gazeta “Si” – Chelsea përballet me Arsenal-in në ndeshjen e parë gjysmëfinale të “Carabao Cup” në “Stamford Bridge”.

Blutë u kualifikuan pasi mposhtën Cardiff City-n 3-1 në çerekfinale, ndërsa “Topçinjtë” kaluan Crystal Palace pas ekzekutimit të penalltive.

Kjo është përballja e dytë mes skuadrave këtë sezon, pas barazimit 1-1 në “Stamford Bridge” në muajin Nëntor.

Liam Rosenior e nisi me fitore aventurën e tij si trajner i Chelsea-t, pas triumfit 5-1 ndaj Charlton Athletic në raundin e tretë të “FA Cup”.

Chelsea luajti me formacionin 4-2-3-1 kundër Charlton, por në fazën e ndërtimit të lojës u rreshtua në 3-2-2-3, i ngjashëm me sistemin që Rosenior përdorte te Strasbourg.

Arsenal-i shpreson të korrigjojë zhgënjimin e ndeshjes së fundit ndaj Chelsea-t, ku nuk arriti të fitojë pavarësisht se luajti për pjesën më të madhe të takimit me epërsi numerike.

Të dielën, “Gunners” përmbysën rezultatin për të fituar 4-1 ndaj Portsmouth në raundin e tretë të “FA Cup”.

Sezonin e kaluar, Arsenal u eliminua nga Newcastle United në këtë fazë të kompeticionit dhe këtë herë do të synojë të shmangë të njëjtin fat.

– Ballë për ballë
Dy skuadrat janë përballur 8 herë në këtë kompeticion. Chelsea ka regjistruar 4 fitore dhe një barazim, ndërsa 3 ndeshjet e tjera janë fituar nga Arsenal.

– Të rejat e fundit
Chelsea nuk do të ketë Moisés Caicedo-n për shkak të pezullimit, ndërsa do të merret një vendim për disponueshmërinë e Malo Gusto-s, Reece James dhe Cole Palmer.
Piero Hincapié, Max Dowman, Riccardo Calafiori dhe Cristhian Mosquera e humbasin këtë sfidë për Arsenalin.

– Formacionet e mundshme
Chelsea (4-2-3-1): Robert Sanchez, Malo Gusto, Wesley Fofana, Trevoh Chalobah, Marc Cucurella, Enzo Fernandez, Reece James, Estevao, Cole Palmer, Pedro Neto, Liam Delap.

Arsenal (4-3-3): Kepa Arrizabalaga, Jurrien Timber, William Saliba, Gabriel, Myles Lewis-Skelly, Martin Zubimendi, Declan Rice, Martin Odegaard, Bukayo Saka, Viktor Gyokeres, Leandro Trossard.

The post Derbi londinez në 1/2 finalen e ‘Carabao Cup’ appeared first on Gazeta Si.

Nga Gazeta “Si” – Bayern Munchen e nisi sezonin 2025/26 pothuajse në mënyrë perfekte.

Pas 16 ndeshjeve, plurikampionët kanë 14 fitore dhe një diferencë golash +51.

A është ky rekordi më i mirë ndonjëherë në këtë fazë? Dhe cilat janë objektivat për t’u thyer gjatë tërë sezonit?

Skuadra e Vincent Kompany u bë vetëm e dyta në histori që fiton 9-të ndeshjet e para të një sezoni në Bundesliga – pas Bayern-it të drejtuar nga Pep Guardiola në sezonin 2015/16 – por me një diferencë golash +29, ajo shënoi nisjen më të mirë absolute.

Megjithatë, pas barazimit 2-2 ndaj Union Berlin, rekordi për serinë më të gjatë të fitoreve në fillim të një sezoni në elitën gjermane mbeti në 10 ndeshje, i vendosur nga Bayern-i i Guardiolës në sezonin 2015/16, përpara se ata të barazonin ndeshjen e 11-të.

Skuadra e Kompany është rikthyer sërish te fitoret dhe, pas 16 javësh, ka rimarrë rekordin falë diferencës së golave.

Ata kanë pikë të barabartë (44) me Bayern-in e Guardiolës në sezonin 2013/14, përpara Bayern-it të 2015/16 dhe Borussia Dortmund (kampion) të Jürgen Klopp në sezonin 2010/11, që kishin nga 43 pikë secili.

63 golat e shënuar nga Bayern-i i këtij sezoni kanë thyer bindshëm rekordin e mëparshëm, i cili ishte 52 gola në sezonin 2021/22.

Rekordi absolut i pikëve në një sezon të Bundesligës mbetet 91, i arritur nga Bayern i Jupp Heynckes në edicionin 2012/13, ndërsa rekordi i golave në një sezon është 101, i vendosur nga Bayern-i i sezonit 1971/72.

• Starti më i mirë i një sezoni në Bundesliga, sipas javëve të luajtura:

Java 1: Bayern Munich, 2020/21 – 3 pikë, +8 golavarazhi

Java 2: Borussia Dortmund, 1994/95 – 6 pikë, +9 golavarazhi

Java 3: Bayern Munich, 2022/23 – 9 pikë, +14 golavarazhi

Java 4: Bayern Munich, 2025/26 – 12 pikë, +15 golavarazhi

Java 5: Bayern Munich, 2025/26 – 15 pikë, +19 golavarazhi

Java 6: Bayern Munich, 2025/26 – 18 pikë, +22 golavarazhi

Java 7: Bayern Munich, 2025/26 – 21 pikë, +23 golavarazhi

Java 8: Bayern Munich, 2025/26 – 24 pikë, +26 golavarazhi

Java 9: Bayern Munich, 2025/26 – 27 pikë, +29 golavarazhi

Java 10: Bayern Munich, 2015/16 – 30 pikë, +29 golavarazhi

Java 11: Bayern Munich, 2025/26 – 31 pikë, +33 golavarazhi

Java 12: Bayern Munich, 2025/26 – 34 pikë, +35 golavarazhi

Java 13: Bayern Munich, 2025/26 – 37 pikë, +40 golavarazhi

Java 14: Bayern Munich, 2015/16 – 40 pikë, +37 golavarazhi

Java 15: Bayern Munich, 2025/26 – 41 pikë, +44 golavarazhi

Java 16: Bayern Munich, 2025/26 – 44 pikë, +51 golavarazhi

Java 17: Bayern Munich, 2013/14 – 47 pikë, +35 golavarazhi

Java 18: Bayern Munich, 2013/14 – 50 pikë, +37 golavarazhi

Java 19: Bayern Munich, 2013/14 – 53 pikë, +42 golavarazhi

Java 20: Bayern Munich, 2013/14 – 56 pikë, +44 golavarazhi

Java 21: Bayern Munich, 2013/14 – 59 pikë, +48 golavarazhi

Java 22: Bayern Munich, 2013/14 – 62 pikë, +52 golavarazhi

Java 23: Bayern Munich, 2013/14 – 65 pikë, +56 golavarazhi

Java 24: Bayern Munich, 2013/14 – 68 pikë, +61 golavarazhi

Java 25: Bayern Munich, 2013/14 – 71 pikë, +62 golavarazhi

Java 26: Bayern Munich, 2013/14 – 74 pikë, +64 golavarazhi

Java 27: Bayern Munich, 2013/14 – 77 pikë, +66 golavarazhi

Java 28: Bayern Munich, 2013/14 – 78 pikë, +66 golavarazhi

Java 29: Bayer Leverkusen, 2023/24 – 79 pikë, +55 golavarazhi

Java 30: Bayern Munich, 2012/13 – 81 pikë, +75 golavarazhi

Java 31: Bayern Munich, 2012/13 – 84 pikë, +76 golavarazhi

Java 32: Bayern Munich, 2012/13 – 85 pikë, +76 golavarazhi

Java 33: Bayern Munich, 2012/13 – 88 pikë, +79 golavarazhi

Java 34: Bayern Munich, 2012/13 – 91 pikë, +80 golavarazhi

The post Starti më i mirë në Bundesliga appeared first on Gazeta Si.

Gazeta “SI”- “24 orë nga jeta e një votuesi” vjen si një premierë absolute në skenën e Teatrit Kombëtar – ArTurbina, duke ftuar publikun të përjetojë një komedi satirë-kabare që godet me humor të mprehtë realitetin e përditshëm shqiptar.

Shfaqja vendos ngjarjen në të sotmen dhe e shtrin kohën e veprimit mes së djeshmes, së tashmes dhe asaj që vazhdon të përsëritet, duke ndërtuar një pasqyrë të drejtpërdrejtë të përvojës qytetare.

Në qendër të saj është votuesi i zakonshëm, i përfaqësuar përmes interpretimit të katër aktorëve, të shoqëruar në skenë nga tre muzikantë, të cilët ndërtojnë një atmosferë dinamike ku humori dhe satira ndërthuren natyrshëm. Me një intensitet simbolik të përkthyer në qindra mijëra “doza humori” dhe “goditje satire”, shfaqja i fton spektatorët të qeshin, por edhe të reflektojnë mbi zgjedhjet dhe pasojat e tyre.

Në role interpretojnë Arben Derhemi, Zamira Kita, Xhuliano Brisku dhe Ermir Haxhaj, ndërsa shfaqja vjen nga dhe nën regjinë e Driada Dervishit. Teksti mbështetet në poemën satirike “E të tjera, e të tjera” të Teodor Kekos dhe ndërtohet mbi disa motive të Naun Shundit, duke sjellë në skenë një gjuhë teatrale të mprehtë dhe aktuale.

Muzika, e kompozuar nga Aulon Naçi, luan një rol të rëndësishëm në ritmin dhe frymën e shfaqjes. Ajo interpretohet live nga Gent Rrushi në fizarmonikë, Ermal Rodi në klarinetë dhe Emiljan Dhimo në perkusion, ndërsa për përgatitjen vokale të aktorëve është kujdesur Artur Vera.

Shfaqja vjen si një ftesë e hapur për publikun që, përmes humorit dhe auto-ironisë, të përballet me realitetin dhe përgjegjësinë qytetare. “24 orë nga jeta e një votuesi”  do të shfaqet nga data 13 deri më 18 janar, çdo mbrëmje në orën 20:00, në Teatrin Kombëtar – ArTurbina.

The post ’24 orë nga jeta e një votuesi’/ Shfaqja që zgjon ndërgjegjen qytetare appeared first on Gazeta Si.

Nga Gazeta “Si” – Manjati rus që e bleu skuadrën nga Ken Bates e drejtoi atë për 19 vite duke arritur suksese të rëndësishme.

Pas largimit të tij, mbërriti grupi amerikan me në krye Todd Boehly-in, i cili do të mbahet mend për kontratat afatgjata dhe numrin e lartë të trainerëve.

Enzo Maresca ishte traineri më jetëgjatë ndërsa i komanduari Bruno Salter, njeriu që e drejtoi skuadrën vetëm 4 ditë.

Thomas Tuchel – 106 ditë
Graham Potter – 206 ditë
Bruno Salter – (i komanduar) 4 ditë
Frank Lampard – 85 ditë
Mauricio Pochettino – 325 ditë
Enzo Maresca – 549 ditë
Calum McFarlane – (i komanduar) 5 ditë
Liam Rosenior – firmosi për 5.5 vite në “Bridge”

The post Menaxherët e Chelsea-t pas fundit të Epokës Abramovich appeared first on Gazeta Si.

Gazeta Si – Ndërsa rrugët digjen, regjimi i Teheranit ka aktivizuar një nga censurat digjitale më të sofistikuara në histori.

Që nga fillimi i vitit, lidhja globale në Iran ka rënë në 1%, duke e shndërruar vendin në një shkretëtirë informacioni.

Megjithatë, video si ato të Rubina Aminian ose raportet e fundit mbi rastin e Erfan Soltanit, burrit të dënuar me vdekje nga regjimi, vazhdojnë të arrijnë në ekranet tona.

Si është e mundur kjo? Përgjigja qëndron në një përzierje të heroizmit fizik dhe inxhinierisë klandestine që po rishkruan rregullat e luftës së informacionit.

Shtylla e rezistencës është Starlink – Pavarësisht ndalimit absolut, vlerësohet se mbi 50,000 pajisje janë futur kontrabandë në vend.

Megjithatë, në orët e fundit, regjimi ka vendosur të ashtuquajturat “mburoja elektronike”: bllokues frekuencash të nivelit ushtarak që përpiqen të bllokojnë sinjalet satelitore mbi qytetet e mëdha.

Për t’i zmbrapsur ato, protestuesit kanë filluar të pozicionojnë antena satelitore në zonat rurale, pastaj të transportojnë fizikisht të dhënat nëpërmjet “Sneaker-net”: korrierë të vegjël ngarkojnë video në kartat SD dhe i çojnë ato përtej kufirit ose në zonat ndërkombëtare të roaming.

“Dritaret” e lidhjes – Ndërprerja e energjisë nuk është gjithmonë 100% e plotë. Ndonjëherë regjimi rihap “dritaret” e trafikut të vogël për të lejuar bankat ose zyrat qeveritare të veprojnë.

Në ato pak minuta, të rinjtë ngarkojnë skedarë me shpejtësi shumë të lartë përpara se lidhja të ndërpritet përsëri.

Përdorimi Krijues i Platformave të Lojërave – Kanalet Discord dhe bisedat e brendshme brenda videolojërave online janë bërë qendra koordinimi taktik.

Për shkak se trafiku i të dhënave të këtyre shërbimeve i ngjan atij të videolojërave, është më e vështirë për filtrat qeveritarë t’i identifikojnë ato si komunikime politike.

Këtu, të rinjtë shkëmbejnë harta, orare pikash kontrolli dhe udhëzime për anashkalimin e kufizimeve. Është një “revolucion lojtarësh” që po sfidon rojen e vjetër të Pasdaran, e cila nuk është në gjendje të monitorojë mijëra dhoma virtuale të njëkohshme.

Ccelularë të huaj dhe nxitimi drejt kufijve – Përtej softuerit, ekziston guximi i atyre që sfidojnë ndërprerjen fizike duke drejtuar makinën drejt kufijve të Turqisë ose Irakut vetëm për t’u lidhur me një sinjal celular të huaj dhe për të dërguar mesazhe dhe foto pa kaluar nëpër ofruesit shtetërorë iranianë.

Kartat SD – Videot e xhiruara me telefona inteligjentë ruhen në karta të vogla SD. Këto më pas i dorëzohen një rrjeti “korrierësh lirie” (shpesh shoferë kamionësh ose njerëz që jetojnë pranë kufijve) të cilët i transportojnë fizikisht ato nga Irani, në Turqi ose Kurdistanin irakian, nga ku më në fund ngarkohen në servera ndërkombëtarë.

The post Si aktivistët po thyejnë bllokimin e internetit të regjimit iranian appeared first on Gazeta Si.

Nga Gazeta ‘Si’- Reagimi i Rusisë ndaj diplomacisë së “anijeve luftarake” të Shteteve të Bashkuara në Venezuelë ka qenë çuditërisht i zbehtë, sidomos për standardet e Kremlinit, duke dhënë më shumë përshtypjen e një reagimi formal sesa një qëndrimi të fortë politik.

Ministria e Jashtme ruse u mjaftua me gjuhën e zakonshme, duke lëshuar deklarata për “kërcënime të hapura neokoloniale dhe agresion të armatosur të jashtëm”.

Sigurisht, ajo kërkoi që SHBA të lironte Nicolás Maduron e kapur dhe zëvendëskryetari i Këshillit të Sigurimit të Rusisë, Dmitry Medvedev, e quajti të gjithë operacionin “të paligjshëm” — por komentet e tij përmbanin edhe një nuancë admiruese.

Medvedev foli për qëndrueshmërinë e presidentit amerikan Donald Trump dhe për mënyrën se si ai po mbron hapur interesat kombëtare të Amerikës. Po aq domethënëse është edhe fakti se presidenti rus Vladimir Putin ende nuk ka komentuar drejtpërdrejt kapjen e ish-aleatit të tij.

Ndërkohë, Kremlini nuk humbi kohë për të mbështetur ish-zëvendëspresidenten Delcy Rodríguez si udhëheqëse e përkohshme e Venezuelës, vetëm dy ditë pasi Maduro u dërgua në një qeli burgu në Nju Jork.

Në përgjithësi, do të pritej një reagim shumë më i fortë. Në fund të fundit, aleanca e Putinit me Venezuelën daton që nga viti 2005, kur ai përqafoi publikisht shefin e Maduron, Hugo Chávez. Dy vendet nënshkruan një sërë marrëveshjesh bashkëpunimi në vitin 2018; Rusia i shiti Venezuelës pajisje ushtarake me vlerë miliarda dollarë; dhe marrëdhëniet u forcuan edhe përmes stërvitjeve të përbashkëta ushtarake provokuese.

“Bota unipolare po shembet dhe po përfundon në të gjitha aspektet, dhe aleanca me Rusinë është pjesë e përpjekjes për të ndërtuar një botë multipolare,” deklaronte Maduro në atë kohë. Nga viti 2006 deri në 2019, Moska i akordoi Venezuelës rreth 17 miliardë dollarë kredi dhe hua.

Atëherë pse kjo përmbajtje retorike tani? Duket se gjithçka lidhet me pazare, të paktën nga këndvështrimi i Kremlinit.

Moska me shumë gjasa nuk dëshiron të acarojë marrëdhëniet me Uashingtonin për Venezuelën, në një kohë kur po konkurron drejtpërdrejt me Kievin për favorin e Trumpit. Më mirë që Trumpi të humbasë durimin me presidentin ukrainas Volodymyr Zelenskyy dhe ta “hedhë nga varka” atë, sesa Putinin.

Gjithashtu, Rusia nuk ka aspak interes të reklamojë një ndërhyrje të suksesshme ushtarake amerikane, e cila vetëm sa do të nxirrte në pah pafuqinë e saj në Amerikën Latine dhe dështimin për të mbrojtur një aleat të dikurshëm.

Në fakt, ka arsye të forta për të dyshuar se Kremlini e ka përjetuar si tejet poshtëruese largimin kirurgjik të Maduron dhe shfaqjen mbresëlënëse të forcës së fortë amerikane. Siç raportoi POLITICO javën e kaluar, ultranacionalistët dhe militaristët e linjës së ashpër në Rusi reaguan ashpër: “E gjithë Rusia po pyet veten pse ne nuk veprojmë me armiqtë tanë në të njëjtën mënyrë,” shkroi filozofi neo-imperialist Aleksandr Dugin, duke këshilluar Rusinë ta bëjë “si Trumpi, por më mirë se Trumpi. Dhe më shpejt.”

Edhe zëdhënësja e Kremlinit, Margarita Simonyan, pranoi se kishte arsye “për të qenë xheloz”.

Nga perspektiva ruse, ky reagim është i kuptueshëm — veçanërisht nëse merret parasysh se “operacioni special ushtarak” i Putinit në Ukrainë ka qenë menduar si një mision i shpejtë “prerjeje koke”: largimi i Zelenskyyt dhe vendosja e një figure pro-Kremlinit në pushtet. Katër vite më vonë, megjithatë, lufta nuk ka asnjë fund në horizont.

Në thelb, bëhet fjalë për një demonstrim të fuqisë ushtarake amerikane që nxjerr në pah kufijtë e efektivitetit ushtarak të Rusisë. Atëherë, pse duhet të tërhiqet vëmendja ndaj kësaj?

Sipas Bobo Lo — ish-zëvendësshef i misionit australian në Moskë dhe autor i librit “Rusia dhe Çrregullimi i Ri Botëror” — ka edhe shpjegime të tjera për këtë përmbajtje retorike.

“Largimi i Maduros është mjaft i turpshëm, por le të jemi realistë: Amerika Latine është zona më pak e rëndësishme për politikën e jashtme ruse,” thotë ai.

Për më tepër, operacioni amerikan ka “një sërë pasojash të paqëllimshme, por përgjithësisht pozitive për Kremlinin. Ai e largon vëmendjen nga konflikti në Ukrainë dhe ul presionin ndaj Putinit për të bërë lëshime. Ai legjitimon përdorimin e forcës për ndjekjen e interesave jetike kombëtare ose sferave të ndikimit. Dhe delegjitimon nocionin liberal të rendit ndërkombëtar të bazuar në rregulla,” shpjegon Lo.

Edhe Fiona Hill, eksperte për Rusinë në Institutin Brookings dhe ish-zyrtare e Shtëpisë së Bardhë gjatë mandatit të parë të Trumpit, ndan të njëjtin këndvështrim: “Rusia thjesht do ta shfrytëzojë përdorimin e forcës nga Trumpi në Venezuelë — dhe vendosmërinë e tij për ta drejtuar vendin nga larg — për të argumentuar se nëse Amerika mund të jetë agresive në ‘oborrin e saj’, e njëjta gjë vlen edhe për Rusinë në ‘afërsinë e saj’.”

Madje, që në vitin 2019, Hill i kishte thënë një paneli të Kongresit se Kremlini kishte sinjalizuar gatishmëri për një shkëmbim: Venezuelë kundrejt Ukrainës.

E gjithë kjo i ngjan dy bosëve mafiozë që negociojnë ndarjen e territorit në mënyrë indirekte, përmes veprimeve dhe njerëzve të tyre.

Për Kremlinin, rezultati kryesor në Venezuelë “nuk është humbja e një aleati, por konsolidimi i një logjike të re në politikën e jashtme amerikane nën administratën Trump — një logjikë që i jep përparësi forcës dhe interesave kombëtare mbi ligjin ndërkombëtar,” thekson Qendra për Strategji të Reja Euroaziatike, e lidhur me kundërshtarin e vjetër të Putinit, Mikhail Khodorkovsky.

“Pavarësisht dëmtimit të reputacionit dhe disa humbjeve të vogla ekonomike afatshkurtra, Kremlini ka arsye të jetë, në përgjithësi, i kënaqur me zhvillimet e fundit: përmes veprimeve të tij, Trumpi ka miratuar në praktikë një model rendi botëror ku forca ka përparësi ndaj ligjit ndërkombëtar.”

Dhe që nga rrëzimi i Maduron, bashkëpunëtorët e Trumpit e kanë bërë këtë edhe më të qartë. Duke shpjeguar pse SHBA duhet të “zotërojë” Groenlandën, pavarësisht se çfarë mendojnë groenlandezët, Danimarka apo kushdo tjetër, zëvendësshefi me ndikim i stafit të Shtëpisë së Bardhë, Stephen Miller, tha për CNN: “Ne jetojmë në një botë… që qeveriset nga forca, nga pushteti, nga fuqia.”

Kjo është një gjuhë që Putini e kupton shumë mirë. Le të fillojnë pazaret — duke nisur nga Irani.

Burimi: Politico/Përshtati Gazeta Si

The post Nga Caracas në Kiev: pazari i heshtur i fuqive të mëdha appeared first on Gazeta Si.

Nga Gazeta ‘SI’ – Një ligj i ri për koncesion dhe PPP-të ka hyrë në fuqi, ku bëhet me detyrim paraqitja e një studimi fizibiliteti për çdo kontratë publike. Në studimin e fizibilitetit duhet të përcaktohet vlera totale e projektit dhe tarifat shtesë kur koncesioni të nisë zbatimin, përveç se në fushën e sportit apo shëndetësisë.

Në studimin e fizibilitetit, qeveria thekson se duhet të merren parasysh, interesi publik mbrojtja e mjedisit, qëndrueshmëria, përshtatshmëria financiare e projektit, treguesit e vlerës për para, risqet direkte e indirekte financiare si dhe interesi i tregut dhe aftësia për të tërhequr operatorët e interesuar ekonomikë dhe mbështetësit financiarë.

Një pikë e rëndësishme e ligjit të ri është vendosja e një kufiri monetar për PPP-të e koncesionit, që miratohet nga kabineti qeveritar.

Por ligji i miratuar ndryshe nga drafti fillestar, nuk vendos kufizime për “propozimet e pakërkuara”, duke e lënë këtë mundësi të hapur për çdo operator ekonomik. Fillimisht, ministria e Ekonomisë e pati kufizuar këtë mundësi vetëm në sektorët me rëndësi jetike.

Ligji i ri përfshin një nen të dedikuar parandalimit të korrupsionit dhe konfliktit të interesit, ndërsa sjell përcaktime të reja në lidhje me konfiedencialitetin, një klauozlë që shpesh përdoret për të mos bërë publike të dhënat e kontratave koncesionare. Sipas propozimeve të reja, operatori ekonomik nuk mund të klasifikojë si konfidencial: çmimin e ofertës, listën e çmimeve, katalogun, informacionin lidhur me kriteret e përzgjedhjes së ofertës, dokumentet publike, fragmente nga regjistrat publikë, etj.

The post Miratohet ligji i ri i koncesioneve: Vendoset kufi monetar! Studim fizibiliteti për çdo kontratë appeared first on Gazeta Si.

Nga Gazeta ‘SI’ – Qeveria ka miratuar krijimin e një shoqërie aksionare me pronësi tërësisht shtetërore, e cila do të marrë në administrim shërbimin e sterilizimit në të gjitha spitalet publike të vendit.

Sipas vendimit të botuar në Fletoren Zyrtare, “Operatori i Shërbimeve të Integruara të Sterilizimit” SHA do të financohet fillimisht me 200 milionë lekë nga buxheti i shtetit për vitin 2026 dhe do të përfitojë pa pagesë asetet që i kalojnë shtetit pas përfundimit të kontratës koncesionare të nënshkruar në vitin 2015.

Shoqëria e re shtetërore do të menaxhojë të gjithë zinxhirin e shërbimeve të sterilizimit, nga furnizimi me instrumente kirurgjikale sterile dhe materiale njëpërdorimëshe, te funksionimi i Stacionit Qendror të Sterilizimit në QSUT, trajtimi i mbetjeve spitalore me rrezik biologjik dhe digjitalizimi i proceseve. Të ardhurat e saj do të sigurohen nga tarifat e shërbimeve dhe burime të tjera të ligjshme.

Sipas vendimit, Ministria e Shëndetësisë dhe Mirëqenies Sociale ka një afat prej 30 ditësh nga hyrja në fuqi e aktit për miratimin e statutit dhe regjistrimin e shoqërisë në Qendrën Kombëtare të Biznesit, ndërsa injektimi i kapitalit fillestar do të kryhet menjëherë pas regjistrimit.

Kontrata e sterilizimit, e nënshkruar në vitin 2016 me afat dhjetëvjeçar, u shndërrua shpejt në një nga kontratat më problematike për qeverinë. Kostoja e saj rezultoi ndjeshëm më e lartë se parashikimi fillestar, duke arritur rreth 15 miliardë lekë, ndërsa kontrata dhe kushtet e zbatimit të saj janë nën hetim prej vitesh, së bashku me ish-zyrtarë dhe përfaqësues të biznesit.

The post PPP në hetim, kontrata e sterilizimit i kalon shtetit pas skandalit appeared first on Gazeta Si.

Një 34-vjeçar ka humbur jetën mëngjesin e sotëm në një spital në Tiranë, pasi dyshohet se ka konsumuar fotoksinë në banesën e tij, në qytetin e Lezhës.

Sipas informacioneve paraprake, E. M., 34 vjeç, është transportuar për ndihmë mjekësore nga Lezha në spitalin e Tiranës, por nuk ka mundur t’u mbijetojë pasojave të helmimit.

The post Dyshohet se konsumoi fotoksinë, 34-vjeçari humb jetën në spital appeared first on Gazeta Si.

Taksat e ulëta, të cilat nuk janë në përputhje me inflacionin, janë joefektive në uljen e konsumit të alkoolit ose pijeve me sheqer, paralajmëron Organizata Botërore e Shëndetësisë.

Sipas raportit të fundit të OBSH-së, qeveritë duhet të rrisin taksat mbi pijet me sheqer dhe alkoolin për të ulur shkallën në rritje të obezitetit, diabetit, sëmundjeve të zemrës, kancerit dhe lëndimeve.

Në dy raporte të publikuara të martën, OBSH paralajmëroi se taksat e ulëta që nuk janë në përputhje me inflacionin po i lejojnë këto produkte të mbeten të përballueshme, ndërsa sistemet shëndetësore përpiqen të përballojnë sëmundjet që mund të parandalohen.

Taksa mbi alkoolin dhe pijet e ëmbëlsuara me sheqer janë një nga mjetet më efektive që qeveritë kanë për të ulur konsumin, argumenton OBSH, sepse çmimet më të larta mund të ulin, vonojnë ose edhe parandalojnë plotësisht konsumin e alkoolit dhe sheqerit.

“Taksa mbi shëndetin është një nga mjetet më të forta që kemi për të promovuar shëndetin dhe për të parandaluar sëmundjet”, tha Tedros Adhanom Ghebreyesus, drejtori i përgjithshëm i OBSH-së.

“Duke rritur taksat mbi produkte si duhani, pijet me sheqer dhe alkooli, qeveritë mund të zvogëlojnë konsumin e dëmshëm dhe të zhbllokojnë fonde për shërbime jetësore shëndetësore.”

Raportet vijnë ndërsa OBSH-ja u kërkon vendeve të rrisin dhe ridizajnojnë taksat si pjesë e iniciativës së saj të re, e cila synon të rrisë çmimet reale të duhanit, alkoolit dhe pijeve me sheqer deri në vitin 2035.

Gjetjet bazohen në një analizë të çmimeve dhe niveleve të taksave për birrën, pijet alkoolike dhe pijet e ëmbëlsuara me sheqer në më shumë se 150 vende në vitin 2024, së bashku me një rishikim të politikave tatimore në rreth 180 vende. OBSH-ja gjithashtu krahasoi të dhënat e vitit 2024 me shifrat nga viti 2022 për të ndjekur ndryshimet me kalimin e kohës.

Birra dhe pijet alkoolike po bëhen më të përballueshme pavarësisht taksave

Konsumi i alkoolit është një nga rreziqet kryesore në mbarë botën për mbi 200 gjendje shëndetësore, të tilla si kanceri dhe shumë probleme sjelljeje, duke përfshirë depresionin, ankthin dhe çrregullimet e përdorimit të alkoolit. Mbi 2.6 milionë njerëz vdesin nga gjendje të lidhura me alkoolin çdo vit, tha OBSH-ja.

Më shumë se 160 vende i tatojnë pijet alkoolike, ose bazuar në çmimin e pijes ose në përmbajtjen e saj të alkoolit. Në disa vende, alkooli është gjithashtu subjekt i taksave të përgjithshme të shitjes që rrisin çmimet e të gjitha mallrave.

Megjithatë, OBSH zbuloi se birra dhe pijet alkoolike ose janë bërë më të përballueshme ose kanë mbetur në të njëjtin çmim që nga viti 2022, sepse normat e taksave nuk përshtaten rregullisht për të qenë në përputhje me inflacionin.

Më pak se një në katër vende me taksa mbi alkoolin përditësojnë rregullisht normat e tyre të taksave, kështu që inflacioni zvogëlon ndikimin e tyre dhe e bën alkoolin më të lirë me kalimin e kohës.

Në nivel global, birra tatohet me një normë mesatare prej 14 për qind të çmimit të saj total, ndërsa pijet alkoolike tatohen me 22.5 për qind. Një birrë tipike prej 330 mililitrash (ml) kushton 2.10 euro, dhe vetëm 0.44 euro nga kjo shumë tatohet. Një shishe pijesh alkoolike prej 750 ml kushton mesatarisht 19.28 euro, me 5.48 euro që taksohen.

Të paktën 25 vende në botë, kryesisht europiane, nuk e taksojnë verën, pavarësisht asaj që OBSH-ja e përshkroi si “pije që sjell rreziqe të qarta shëndetësore”, duke përfshirë një rrezik më të lartë të kancerit tek gratë që konsumojnë më shumë se 1.5 litra verë në javë.

OBSH-ja bën thirrje për taksa të bazuara në sheqer mbi pijet

Pijet e ëmbëlsuara me sheqer (SSB), siç janë pijet e gazuara ose lëngjet e frutave, rrisin rrezikun e obezitetit, kariesit të dhëmbëve dhe disa sëmundjeve kronike, siç janë kanceri, diabeti dhe problemet e zemrës, sipas zyrës së OBSH-së për Mesdheun Lindor.

Këto pije janë ndër burimet kryesore të marrjes së sheqerit në shumë vende dhe kanë pak ose aspak vlerë ushqyese, shtoi organizata.

Ndërsa 116 vende taksojnë disa pije me sheqer, siç janë pijet e gazuara dhe energjike, shumica nuk taksojnë produkte të tjera me shumë sheqer, duke përfshirë lëngjet e frutave, pijet me qumësht të ëmbëlsuar dhe kafetë dhe çajrat e përgatitur paraprakisht.

“Alkooli më i përballueshëm nxit dhunën, lëndimet dhe sëmundjet. Ndërsa industria përfiton, qytetarët shpesh mbajnë pasojat shëndetësore dhe shoqëria kostot ekonomike.”

Pijet me sheqer tatohen ose mbi çmimin e tyre të përgjithshëm ose mbi madhësinë e pijes, zbuloi analiza e OBSH-së.

Më pak se një në katër vende i taksojnë pijet bazuar në sasinë e sheqerit të shtuar, pavarësisht rekomandimeve të OBSH-së që taksat me bazë sheqeri janë më efektive, sepse do t’i inkurajonin klientët të kalonin në opsione me pak sheqer ose pa sheqer.

The post OBSH: Vendet duhet të rrisin taksat për pijet me sheqer dhe alkoolin për të frenuar sëmundjet appeared first on Gazeta Si.