Sipas ndarjes së re të propozuar nga qeveria për çmimet e reja të referencës sipas rretheve, qyteti i Durrësit aktualisht ka një çmim të vetëm reference prej 67,500 lekësh për metër katror. Me hartën e re të çmimeve kadastrale, qyteti i Durrësit parashikohet të ndahet në 12 zona.

Zona nr. 12 do të përfshijë të gjitha fshatrat e qytetit, për të cilat është propozuar një çmim reference prej 67,500 lekësh për metër katror, i njëjtë me çmimin aktual të qytetit. Ndërkohë, çmimet e referencës për 11 zonat e tjera kadastrale, në të cilat do të ndahet qyteti i Durrësit, do të variojnë nga 68,000 lekë deri në 200,000 lekë për metër katror.

Skema e re e propozuar nga qeveria, ku për herë të parë përcaktohen çmime reference edhe për fshatrat, ndjek në përgjithësi të njëjtin parim. Çmimet e referencës për zonat rurale janë propozuar në nivele të barabarta me çmimet aktuale që aplikohen për rrethet.

Monitor publikon zonat kadastrale të fshatrave ku çmimet fiskale do të barazohen me çmimet aktuale në rrethe.

Përveç përfshirjes për herë të parë të fshatrave në skemën e çmimeve të referencës, qeveria propozon edhe një risi tjetër në vlerat e reja. Për shumë zona rurale bregdetare, si ato në bashkitë Durrës, Himarë, Vlorë, Sarandë, Lezhë, Shkodër etj., nuk do të aplikohen çmime të njëjta me vlerat aktuale të rretheve.

Konkretisht, për fshatin Dhërmi, në bashkinë Himarë, qeveria ka propozuar çmime reference më të larta krahasuar me fshatrat e tjera. Për vijën bregdetare në Dhërmi, çmimi i propozuar është 140,000 lekë për metër katror. Ndërsa për zonat e tjera të fshatit Dhërmi, pra pas bregdetit propozohet të ketë çmim reference 58,000 lekë, sa çmimi actual për Himarën. Ndërsa Himara ndahet në 5 zona kadastrale ku çmimi më I lartë do të jetë 140 mijë lekë (ku përfshihet vija e parë bregdetare e fshatrave Dhërmi dhe Palasë).

Po ashtu, vija e parë bregdetare e Gjirit të Lalzit dhe Hamallajt do të ketë një çmim reference prej 190,000 lekësh për metër katror, ndërsa zonat e tjera të këtyre fshatrave do të kenë çmim reference të barabartë me çmimin aktual të qytetit të Durrësit, prej 67,500 lekësh për metër katror.

https://monitor.al/fshatrat-me-te-shtrenjte-sa-do-jene-cmimet-fiskale-nga-gjiri-i-lalezit-dhermi-ksamil-ne-velipoje/

Nëse me ndarjen e re brenda qyteti i Pogradecit është i ndarë në dy zona kadastrale me çmime për zonën nr.1  (përfshihet zona e banuar buzë vijës liqenore) 60 mijë lekë për metër katror dhe për zonën nr.2 ( zona e banuar pas vijës së liqenit) çmimi reference 50 mijë lekë. Pas rishikimit të projektvendimit të parë, qytetit të Pogradecit i shtohet edhe një zonë e tretë kadastrale që përfshin të gjithë fshatrat, nga fshatrat afër liqenit deri në fshatrat e Mokrës për të cilat është propozuar çmimi i referencës 49,900 lekë i njëjtë me çmimin e referencës që aplikohet sot për qytetin.

Mbi çmimet e referencës bashkitë llogarisin detyrimin për taksën e ndërtesës dhe taksës së ndikimit në infrastrukturë. Nëse aktualisht për llogaritjen e bazës së taksueshme të këtyre taksave që është vlera e pronës përdoren çmimet e referencës, për zonat rurale në mungesë të tyre, përdorej çmimi i qytetit por i reduktuar 35%. Me ndryshimet e reja të propozuara, bashkitë nuk do të kenë më të drejtë të reduktojnë çmimet e referencës për zonat rurale, por do të detyrohen të zbatojnë çmimet e reja që qeveria propozon.

Me ndarjen e re në total vendi është i ndarë në 176 zona kadastrale (pa përfshirë 31 zonat kadastrale të Tiranës). Numri i zonave rurale arrin në 60.

https://monitor.al/hartat-cmimet-e-reja-te-references-do-zbresin-edhe-ne-fshat-barazohen-me-referencat-e-rretheve/

 

ÇMIMET E REFERENCËS NË FSHATRA

Berat

Çmimi  41,400 lekë/m2

Fshatrat: Malinat, Bilçë, Drobonik, Bardhaj i Ri, Starovë, Velabisht, Veterrik, Remanicë, Gjoroven, Palikësht, Veleshnje, Duhanas, Kodras, Lapardha 1, Lapardha 2, Qereshnik, Balibardhë, Dyshnik, Moravë, Ullinjas, Vodëz e Sipërme, Orizaj, Otllak,Sinjë, Mbolan, Mbjeshovë, Mbreshtan, Galinë, Sadovicë, Paftal, Kamçisht, Levan, Velçan, Osmënzezë 1, Osmënzezë 2, Plashnik i Vogël, Molisht, Bogdan i Poshtëm, Bogdan i Sipërm, Dardhë, Karkanjoz, Kostren i Madh, Kostren i Vogël, Mimias, Perisnak, Qafë Dardhë, Roshnik Qendër, Roshnik i Vogël, Vojnik, Rabjak.

 

Dimal

Çmimi i referencës 37,000 lekë/m2

Fshatrat: Bistrovicë, Konisbaltë, Pashalli, Vokopolë, Skrevan, Poshnje, Polizhan, Çiflik, Arrëz, Agim, Banaj, Gajdë, Malas Gropë, Syzez, Sheq Gajdë, Hingë, Kuç, Kutalli, Sqepur, Drenovicë, Samaticë, Pobrat, Rërëz, Protoduar, Goriçan Qendër, Goriçan Çlirim, Malas Breg, Donofrosë, Slanicë, Cukalat, Allambres, Krotinë, Çetë

Kuçovë

Çmimi i referencës 36,000 lekë/m2

Fshatrat: Havalehas, Kozare, Feras Kozare, Salcë Kozare, Vlashuk, Demollarë, Fier Mimar, Zdravë, Gegë, Drizë, Frashër, Perondi, Magjatë, Tapi, Goraj, Velagosht, Rreth Tapi, Polovinë, Lumas, Luzaj, Pëllumbas, Katundas, Zelevizhdë, Belesovë, Mëndrak, Sheqës, Bardhaj, Pashtraj, Vodëz, Krekëz, Koritëz

Çorovodë

Çmimi i referencës 25,000 lekë/m2

Fshatrat: Zogas, Kalanjas, Dhores, Veseshtë, Polenë, Osojë, Grepckë, Liqeth, Rehovicë, Orizaj, Cerovë, Veleshnjë, Nishicë, Sharovë, Çerenisht, Buzuq, Munushtir, Radësh, Koritë, Mollas, Gradec, Vërzhezhë, Slatinjë, Strorë, Bogovë, Kakrukë, Dobrushë, Përparim, Bargullas, Novaj, Nishovë, Jaupas, Selan,  Lavdar, Spatharë, Therepel, Valë, Vëndreshë e Madhe 1, Vëndreshë e Vogël 2, Vëndreshë e Malit 3, Ibro, Çepan, Muzhakë, Rog, Zabërzan i Ri, Zabërzan, Blezënckë, Malind, Muzhënckë, Sevran i madh, Sevran i Vogël, Qeshibes, Strënec, Kakos, Prishtë, Potom, Gjergjovë, Koprënckë, Gërmenj, Visockë, Qafë, Helmës, Backë, Melskë, Nikollarë, Dyrmish, Staraveckë, Turbohovë, Kapinovë, Krastë, Krushovë, Faqekuq, Gostënckë, Leshnje, Vlushë, Bërsakë, Mëlovë, Zaloshnjë, Gjerbës, Ujanik, Gradec, Strafickë, Vishanj, Barçi 1, Barçi 2, Kuç, Rehovë, Grëmsh, Gjogovicë, Floq, Grevë, Posten, Kovaçanj, Gurazez, Çorrotat, Cericë, Zhepë, Leskovë, Trebël, Dunckë, Rromas, Tërrovë, Dobrenj, Buranj, Luadh, Shpatanj.

Qyteti Poliçan

Çmimi i referencës 26,000 lekë /m2

Fshatrat: Tërpan, Teman, Paraspuar, Tozhar, Vokopolë, Dodovec, Rehovë, Zhapokikë, Çorogjaf, Panarit, Plashnik i Madh, Lugas, Zhitom i Madh, Zhitom i Vogël, Mbrakull, Vërtop, Kapinovë, Zgërbonjë, Vodicë, Fushë Peshtan, Peshtan, Drenovë, Lybeshë, Tomor i Madh, Tomor i Vogël, Bregas

Peshkopi

Çmimi I referencës 49,000 lekë/m2

Fshatrat: Tomin, Brezhdan, Cetush, Dohoshisht, Pilafe, Pollozhan, Rrashnapojë, Selane, Ushtelenxë, Bahute, Staravec, Shimçan, Zimur, Zdojan, Melan, Cerjan, Rabdisht, Zagrad, Begjunec, Trepçë, Grevë, Ilnicë, Bellovë, Pejkë, Pjeçë, Trenë, Kastriot, Brest i Sipërm, Brest i Poshtëm, Kishavec, Kandër, Kukaj,Vakuf, Fushë-Kastriot, Borovjan, Deshat, Limjan, Sohodoll, Sohodoll i Vogël, Vrenjt, Përgjegje, Fushë-Lurë, Borie-Lurë, Arth, Gurë-Lurë, Lurë e Vjetër, Arrëmollë, Krej-Lurë, Pregj-Lurë, Sumej, Vlashej, Maqellarë, Bllatë e Poshtme, Bllatë e Sipërme, Burim, Çernen, Fushë e Vogël, Katund i Vogël, Kërçisht i Sipërm, Kërçisht i Poshtëm, Kllobçisht, Kovashicë, Majtarë, Pocest, Pesjak, Podgorc, Vojnik, Dovolan, Erebarë, Grezhdan, Herbel, Popinar, Gradec, Muhurr, Bulaç, Fushë-Muhurr, Hurdhë-Muhurr, Rreth-Kale, Shqath, Vajmëdhej,  Katund i Ri, Hotesh, Lishan i Poshtëm, Lishan i Sipërm, Arap i Sipërm, Arap i Poshtëm, Selishtë, Kacni, Lukan, Murrë, Qafë-Murrë, Selishtë e Sipërme,Sllovë, Kallë, Vleshë, Zall-Kalis, Dypjakë, Palaman, Sllatinë, Shumbat, Venisht, Trojak, Ceren, Kullas, Ploshtan, Radomirë, Shullan, Tejzë, Ujëmirë, Vasie, Zall-Dardhë, Lashkizë, Lugjej, Menesh, Nezhaj, Qa, Soricë, Shënlleshën, Tartaj, Zall-Reç, Bardhaj-Reç, Draj-Reç, Gur-Reç, Hurdhë-Reç, Kraj-Reç, Ndërshenë, Qafdraj, Tharkë,Fushë Çidhën, Blliçe, Laçe, Rrenz,  Arras, Gur i Zi, Lazrej, Kodër Leshaj, Mustafe, Sinë e Sipërme, Sinë e Poshtme, Çidhën, Grykë Nokë

Bulqizë

Çmimi i referencës 41,800

Qyteti: Krastë; Fshatrat: Vajkal nr1, Vajkal nr 2, Gjon, Lenë, Peshk, Val, Stavec, Mëlcu, Ndërfushas, Fushë – Bulqizë, Dushaj, Dragua, Koçaj, Zerqan, Krajkë, Peladhi, Smollik, Sofraçan, Sopot, Strikçan, Tërnovë e Madhe, Tërnovë e Vogël, Valikardhë, Zall-Sopot, Zall-Strikçan, Godvi, Shupenzë, Vlashaj, Boçevë, Homesh, Okshatinë, Kovashicë, Zogjaj, Shtushaj, Topojan, Mazhicë, Gjuras, Bllacë, Gjoricë e Sipërme, Gjoricë e Poshtme, Çerenec i Sipërm, Çerenec i Poshtëm, Viçisht, Lubalesh, Ostren i Madh, Radovesh, Kojavec, Lejçan, Orzhanovë, Okshtun i Madh, Oreshnjë, Okshtun i Vogël, Ostren i Vogël, Tuçep, Lladomericë, Pasinkë, Tërbaç,  Klenjë, Gjinovec, Trebisht- Balaj, Trebisht- Çelebi, Trebisht- Mucinë, Vërnicë.

Burrel

Çmimi i referencës 44,300 lekë /m2

Qyteti: Ulëz; Fshatrat: Baz, Fushë-Baz, Rreth Baz, Karicë, Drita, Derjan, Urxallë, Barbullej, Dukagjin, Gjoçaj, Lam i Madh, Zall Gjoçaj, Bruç, Prellë, Rremull, Rukaj, Laç, Urakë, Macukull, Dej Macukull, Shëlli, Vig, Shqefën, Komsi, Kodër Qerre, Frankth, Selixë, German, Batër e Vogël, Batër e Madhe, Midhë, Fshati Burrel, Zall-Shoshaj, Lis, Vinjoll, Gjalish, Burgajet, Zenisht, Shoshaj, Mallunxë,  Kokërdhok, Stojan, Madhesh, Lundre, Bushkash.

Klos

Çmimi i referencës 32,000 lekë /m2

Fshatrat: Bejnë, Klos Katund, Shëngjun, Plani i Bardhë, Fullqet, Dars, Fshat, Bel, Unjate, Pleshë, Cerrujë, Patin, Bërshi, Xibër Murriz, Petralbë, Shkallë, Xibër Hane, Gur i Bardhë, Ketë, Kurdari, Kurqelaj, Skënderaj, Suç, Kujtim, Rripë, Gurrë e Vogël, Mishtër, Shulbatër, Dom, Gurrë e Madhe.

Durrës   

Çmimi i referencës 67,500 lekë /m2

Qytetet: Sukth, Manëz; Fshatrat: Hamallaj, Kullë, Perlat, Vadardhë, Rushkull, Hidrovori, Likmetaj, Kërtushaj, Kapidanaj, Gjuricaj, Lalëz, Kuraten, Bizë, Draç, Shetaj, Katundi i Ri, Jubë, Qerret, Fllakë, Bisht-Kamëz, Rinia, Erzen, Sukth, Adriatik, Rrashbull, Arapaj, Shënavlash, Shkallnur, Manskuri, Romanat, Bozanxhije, Xhafzotaj, Armath, Borç, Hamallaj, Kameras, Radë, Shkallë, Fshat Manëz.

Shijak     

Çmimi i referencës 41,000 lekë /m2

Fshatrat: Maminas, Karreç, Vlashaj, Karpen, Bodinak, Metallë, Bilalas, Rubjek, Xhafzotaj, Pjezë, Rreth, Sallmone, Koxhas, Borake, Guzaj, Vllazërimi, Gjepalaj, Hardhishtë, Çizmeli, Eminas i Vogël, Likesh, Kënetë, Shtrazë, Shahinaj, Shetël.

Krujë     

Çmimi i referencës 51,000 lekë /m2

Fshatrat: Barkanesh, Picërragë, Brret, Fushë Krujë, Arrameras 1, Luz 1, Hasan, Larushk 1, Halil, Zgërdhesh, Zallë, Luze 2, Larushke 2, Arrameras 2, Bubq, Bilaj, Budull, Mazhë – Madhe, Mazhë – Vogël, Mallkuç, Murqinë, Nikël, Tapizë, Qerekë, Rinas, Virjon, Buran, Mukaj, Kurcaj, Zezë, Kodër-Thumanë, Borizanë, Derven, Gramëz, Thumanë, Bushnesh, Dukagjin i Ri, Sukth-Vendas, Miliska, Derven Kodër, Cudhi-Zall, Nojë, Mafsheq, Shqezë, Shkretë, Cudhi – Kant, Kroi Madh, Bruz-Zall, Bruz-Mal, Rranxë.

Elbasan

Çmimi i referencës 50,300 lekë /m2

Fshatrat: Labinot-Fushë, Godolesh, Griqan i Sipërm, Griqan i Poshtëm, Xibrakë, Mengel, Labinot-Mal, Guri Zi, Sericë, Lamollë, Benë, Lugaxhi, Qafë, Qerret, Shmil, Dritas, Gjinar, Lleshan, Valesh, Pashtresh, Derstilë, Lukan, Sterstan, Xibresh, Maskarth, Kaferr, Pobrat, Shushicë, Shelcan, Mlizë, Hajdaran, Fush-Bull, Vasjan, Polis i Vogël, Polis Vale, Vreshtaj, Gjergjan, Bujaras, Gjonmë, Kështjellë, Kodër Bujaras, Muriqan, Thanë, Branesh, Bixëlle, Prec e Sipërme, Cerujë, Korrë, Mollagjesh, Krrabë e Vogël, Prec e Poshtme, Stafaj, Shirgjan, Bathes, Bujqës, Jagodinë, Kuqan, Kryezjarr, Mjekës, Tregan, Blerimas, Bizhdan, Cikallesh, Gurisht, Kacivel, Kyçyk, Muçan, Shinavlash, Shilbater, Trepsenisht, Tudan, Gracen, Plangaricë, Tërbaç, Bodin, Shingjin, Gjorm, Pajengë, Mamel, Dopaj, Bradashesh, Balëz Lart, Balëz Poshtë, Kusarth, Kozan, Karakullak, Letan, Rrilë, Shtemaj, Ulën, Katund i Ri, Fikas, Petresh, Shëmhill, Shijon, Reçan, Gurabardh, Zavalinë, Seltë, Kamiçan, Joronishtë, Nezhan, Burrishtë, Papër, Broshkë, Murras, Valas, Vidhas, Pajun, Bizhutë, Papër-Sallak, Vidhas-Hasgjel, Lugaj, Jatesh, Balldre, Ullishtaj.

Qyteti Cërrik

Çmimi i referencës 38,300 lekë /m2

Fshatrat: Gostimë, Gjyral, Shtepanj, Shushicë, Shtermen, Malasej, Çartalloz, Mollas, Selitë, Kamuna, Dragot, Topojan, Linas, Dasar, Shalës, Liçaj, Kurtalli, Xibrakë, Xherie, Kodras, Klos, Selvias, Qyrkan, Lumas, Qafë, Floq, Trunç, Banjë.

Belsh

Çmimi i referencës 35,000 lekë /m2

Fshatrat: Belsh Qëndër, Çepe, Dushk, Belsh, Stanaj, Shkozë, Qafë Shkallë, Seferan, Trojas, Shkëndi, Gradisht, Marinëz, Shtith, Grekan, Dëshiran, Guras, Rrenës, Kajan, Dragot, Lisaj, Dragot-Dumre, Gjinuk, Gjolen, Turbull, Çestije, Merhoj, Drizaj, Fierzë, Hardhi, Çerragë, Kosovë, Rrasë e Sipërme, Shegas, Guri i Bardhë, Rrasë e Poshtme.

Peqin

Çmimi i referencës 39,000 lekë /m2

Fshatrat: Pajovë, Gryksh i Madh, Bishqem, Paulesh, Bishqem Fushë, Leqit, Lazarej, Haspiraj, Hasnjok, Çengelaj, Garunjë e Paprit, Cacabej,Karinë, Kazije, Rozejë, Progër, Sinametaj, Drangaj, Garunjë e Vogël, Përparim, Galush, Lisnajë, Bicaj, Caushaj, Fatish, Garunjë e Madhe, Arven, Gjevur, Kodras, Lolaj, Katesh, Çopanaj, Uruçaj, Gjocaj, Bregas, Çelhakaj, Kurtaj, Vashaj, Rumbullak, Hasmashaj, Bardhas, Blinas, Sallbegaj, Shezë e Madhe, Karthnekë, Shezë e Vogël, Pekisht, Trash, Algjinaj, Gryksh i Vogël.

Gramsh

Çmimi i referencës 43,000 lekë /m2

Fshatrat: Pishaj, Trashovicë, Shëmrizë, Ostenth, Gurrëz, Cerunjë, Çekin, Qerret, Koçaj, Vinë, Fshat-Gramsh, Drizë, Cingar i Sipërm, Cingar i Poshtëm, Galigat, Kotorr, Gjergjovinë, Strorë, Liras, Tervol, Kodovjat, Bratilë, Bulçar, Kishtë, Kokel, Posnovisht, Shelcan, Bërsnik i Poshtëm, Bërsnik Sipërm, Mashan, Broshtan, Zamshe, Kukur, Grazhdan, Gribë, Kalaj, Mukaj, Rashtan, Rmath, Snosëm, Sojnik, Kushovë, Bregas, Gjeraqinë, Dumberas, Bërsnik, Ulovë, Sotirë, Kerpicë, Lenie, Bicaj, Grabovë e Poshtme, Grabovë e Sipërme, Kurate, Valth, Poroçan, Lleshan, Gjerë, Kabash, Holtas, Skënderbegas, Bletëz, Ermenj, Fushëz, Harunas, Kotkë, Kullollas, Lemnushë, Nartë, Siman, Sëmbërdhenj, Vidhan, Zenelas,Sult, Mazrek, Dushk, Kukuçovë, Kutërqar, Kodër Zgjupe, Zgjup Fushë, Dufshan, Grekan,  Tunjë, Duzh, Irmanj, Jançe Qëndër, Jançe Mal, Katërlis, Lubinjë, Oban, Prrenjas, Plepas, Saraselë, Tunjë e Re.

Librazhd

Çmimi i referencës 44,000 lekë /m2

Fshatrat: Librazhd Qëndër, Arrëz, Babje, Dorëz, Dragostunjë, Kuturman, Gizavesh, Librazhd Katund, Marinaj, Qarrishtë, Spathar, Togëz, Merqizë, Semes, Hotolisht, Dardhë, Vulçan, Buzgarë, Kokrevë, Vehçan, Xhyrë, Çerçan, Lunik, Prevall, Dranovicë, Kostenjë, Letëm, Zgosht, Koshorisht, Stëblevë, Zabzun, Borovë, Llangë, Sebisht, Moglicë, Prodan, Polis, Mirakë, Gostimë, Sheh, Gurëshpatë, Vilan, Orenjë, Floq, Gurakuq, Ballgjin, Rinas, Zdrajsh Verri, Zdrajsh, Neshtë, Mëxixë, Funarës.

Prrenjas

Çmimi i referencës 41,780 lekë /m2

Fshatrat: Prrenjas-Fshat, Rrashtan, Qukës Shkumbin, Qukës Skënderbej, Skroskë, Mënik, Gurrë, Bërzeshtë, Fanjë, Karkavec, Dritaj, Pishkash, Pishkash Veri, Rrajcë, Sutaj, Skënderbej, Bardhaj, Katjel, Kotodesh, Urakë, Stravaj, Stranik, Farret, Shqiponjë, Sopot.

Fier

Çmimi i referencës 53,100 lekë /m2

Fshatrat: Cakran, Cakran i Ri, Floq, Buz Madh, Hambar, Varibop, Vjosë, Kreshpan, Gjorgos, Vreshtas, Gorishovë, Gjonç, Mbrostar, Verri, Vajkan, Petov, Kallmi i Madh, Kallmi i Vogël, Libofshë, Rreth Libofshë, Vanaj, Daullas, Agimi, Metaj, Gozhdaras, Havaleas, Ndërnënas, Hasturkas, Adriatik, Çlirim, Mujalli, Grecalli, Daullas, Afrim i Ri, Vadhizë, Zhupan, Drizë, Drizë Myrteza, Romët,Dërmenas, Pojan, Kryegjatë, Havaleas, Hoxharë, Radostinë, Sulaj, Hamil, Muçaj, Baltëz, Povelçë, Darëzezë e Re, Topojë, Seman, Gjokalli, Sheq Marinas, Sheq, Fushë, Grykë, Seman i Ri, Kavaklli, Levan, Ferras, Peshtan i Madh, Peshtan i Vogël, Shtyllas, Bishan, Bashkim, Boçovë, Martinë, Pishë Poro, Qarr, Frakull e Madhe, Frakull e Vogël, Adë, Peshtan Bregas, Kafaraj, Kashishtë, Sheq Musalala, Çerven, Portëz, Mbyet, Plyk, Kraps, Lalar, Patos Fshat.

Patos

Çmimi i referencës 28,000 lekë /m2

Fshatrat: Kuqar, Dukas, Rërës, Margëlliç, Rusinjë, Griz, Banaj, Zharëz, Fshat i Ri, Frashër, Verbas, Sheqishtë, Belinë, Ruzhdie, Siqecë, Gjynaqarë, Drenie, Kasnicë.

Roskovec

Çmimi i referencës 30,000 lekë /m2

Fshatrat: Jagodinë, Kuman, Marinëz, Vidhishtë, Luar, Kurjan, Mbërs, Ngjeqan, Vlosh, Strum, Arapaj, Suk 1, Suk 2, Velmish.

Lushnjë

Çmimi i referencës 40,100 lekë /m2

Fshatrat: Karbunarë, Saver,  Toshkës, Zhelizhan, Delisufaj, Biçakaj i vjetër, Allkaj, Lifaj i Ri, Çukas i Ri, Mazhaj, Bubullimë, Eskaj, Gjonas, Halilaj, Pirrë, Kamçishtë, Imsht, Hysgjokaj, Kurtin, Çanakaj, Kupaj, Lekaj, Golem i Madh, Allprenaj, Shegas, Hajdaraj, Plug, Golemi i Vogël, Gramsh, Dushk Peqin, Konjat, Zham Fshat, Dushk i Madh, Zham Sektor, Thanasaj, Karbunarë e Sipërme, Mollas, Kasharaj, Kashtëbardhë, Stankarbunarë, Zgjanë, Balaj, Skilaj, Murizë Peqin , Biçakaj,Ballagat, Gjuzaj, Garunjas, Gjyshaj, Jazexhi, Manasufaj, Xibrakë, Jeta e Re, Kosovë e Vogël, Fier Shegan, Koçaj, Barbullinjë, Çinar, Sejmenas, Thanë, Çukas i Vjetër, Murriz Kozare, Qerret i Vjetër, Qerret i ri, Biçakaj i Ri, Kolonjë, Gorre, Bishqethëm, Lumth, Rrapës Fshat, Shakuj, Ardenicë, Bitaj, Rrapës Sektor, Krutje e Sipërme, Krutje e Poshtme, Fier i Ri, Zhym, Rrupaj, Lifaj i Vjetër, Kadiaj, Ngurrës i Madh, Ngurrës i Vogël, Arrës, Gjaz.

 Divjakë

Çmimi i referencës 40,100 lekë /m2

Fshatrat: Mizë, Xengë, Germenj i Madh, Germenj i Vogël, Hallvaxhias, Bregas, Dushk Cam, Zharnec, Bishtçukas, Çermë Shkumbin, Çermë Proshkë, Sulzotaj, Çermë e Sipërme, Tërbuf, Shënepremte, Çermë Pasha, Grabjan, Stravec, Ferras, Këmishtaj, Mertish, Goricaj, Sopës, Fier Seman, Gradishtë, Gungas, Spolet, Babunjë, Remas, Muçias, Karavasta Fshat, Gure, Kryekuq, Kamenicë, Karavasta e re, Adriatik.

Ballsh

Çmimi i referencës 30,000 lekë /m2

Fshatrat: Visokë, Belishovë, Belistan, Drenovë, Drenovë Fushë, Kash, Usojë, Ngraçie, Lavdan, Lapulec, Lofkënd, Dukas, Greshicë, Greshicë e Re, Aranitas, Panahor, Kalenjë, Cfir, Metoh, Çyçen, Hekal, Klos, Mollaj, Rromës, Ngraçan, Riban,Kutë, Drizar, Anëbreg, Çorrush, Poçëm, Behaj, Damës, Gadurovë, Malas, Kremenar, Ninësh,  Selitë, Gjerbës, Kapaj, Çërrilë.

Gjirokastër

Çmimi i referencës 47,400 lekë /m2

Fshatrat: Fushëbardhë, Zhulat, Taroninë, Mashkullorë, Palokastër, Çepun, Kodër, Plesat, Kardhiq, Prongji, Humelicë, Lazarat, Kordhoce, Picar, Shtëpëz, Kolonjë, Golem, Kaparjel, Qesorat, Dhoksat, Këllëz, Mingul, Nokovë, Erind, Gjat, Kakoz, Karjan, Valare, Andon Poçi, Hundëkuq, Tërbuq, Labovë e Madhe, Labovë e Vogël, Asim Zeneli, Arshi Lengo, Krinë, Tranoshisht, Saraqinisht.

Libohovë

Çmimi i referencës 27,000 lekë /m2

Fshatrat: Labovë e Sipërme, Labovë e Poshtme, Suhë, Stegopull, Bulo, Drino, Nepravishtë, Sheper, Nivan, Konckë, Vithuq, Hoshtevë, Doshnicë, Zhej, Lliar, Topovë, Nderan.

Tepelenë

Çmimi i referencës 32,500 lekë /m2

Fshatrat: Dukaj, Salari, Turan, Mamaj, Veliqot, Bënçë, Dragot, Beçisht, Mezhgoran, Peshtan, Hormovë, Lekël, Kodër, Luzat, Sinanaj, Matohasanaj, Dorëz, Dhëmblan, Lab Martalloz, Progonat, Lekdush, Gusmar, Nivicë, Rexhin.

Memaliaj

Çmimi i referencës 15,000 lekë /m2

Fshatrat: Memaliaj Fshat, Vasjar, Cerrilë, Mirinë, Damës, Kallëmb, Kashisht, Bylysh, Izvor, Luftinjë, Luftinjë e Sipërme, Rrapaj, Rabie, Gllavë e Vogël, Maricaj, Arrëz e Madhe, Vagalat, Tosk Martalloz, Dervishaj, Zhapokikë, Zhapokikë e Sipërme, Ballaj, Luadhaj, Buz, Kalemaj, Badër, Kurtjez, Golemaj, Arrëz e Vogël, Shalës, Xhafaj, Gllavë, Selckë, Selckë e Vogël, Komar, Bardhaj, Krahës, Krahës i Sipërm, Zhulaj, Lulëzim, Levan, Allkomemaj, Kalivaç, Përparim, Leshnjë, Xhaxhaj, Qesarat, Iliras, Amanikaj, Toç, Anëvjosë, Koshtan, Kamçisht

Përmet

Çmimi i referencës 37,000 lekë /m2

Fshatrat: Çarçovë, Vllaho – Psilloterë, Biovizhdë, Zhepë, Draçovë, Iliar – Munushtir, Strëmbec, Pëllumbar, Kanikol, Frashër, Zavalan, Ogren – Kostrec, Gostivisht, Miçan, Vërçisht, Kreshovë, Soropull, Petran, Leshnicë, Leus, Lipë, Qilarishtë, Badilonjë, Benjë – Novoselë, Delvinë, Kaludh, Lupckë, Gjinakar, Ogdunan, Lipivan-Trabozishtë, Tremisht, Bodar, Piskovë, Bual, Kosinë, Rapckë, Mokricë-Zleushë, Kutal, Kosovë, Hotovë, Odriçan, Raban, Alipostivan, Borockë, Gosnisht, Pagri, Pacomit, Grabovë, Argovë.

Qyteti Këlcyrë

Çmimi i referencës 24,600 lekë /m2

Fshatrat: Fshat Këlcyrë, Mbrezhdan, Maleshovë, Limar, Leskaj, Ballaban, Vinokash, Vinokash Fushë, Komarak, Mazhar, Kondas, Psar, Ball, Kajcë, Pavar, Toshkëz, Bubës 1, Bubës 2, Beqaraj, Sukë, Goricë, Fshat i Ri, Rodenjë, Podgoran, Podgoran Fushë, Ujmirë, Zhepovë, Shelq, Topojan, Luar, Delilaj, Çorogunj, Taroninë, Beduqas, Tolar, Panarit, Riban, Varibop, Kuqar, Mërtinjë, Xhanaj, Bënjë, Fratar, Senican, Katundishtë, Leskovec, Gërdas, Kodrishtë

Fshati Jorgucat çmimi i referencës 30,600 lekë/m2

Fshatrat: Dervican, Goranxi, Vanistër, Haskovë, Dhuvjan, Sofratikë, Terihat, Goricë, Frashtan, Lugar, Grapsh, Peshkëpi e Sipërme, Peshkëpi e Poshtme, Glinë, Vrahogoranxi, Radat, Jorgucat, Zervat, Bularat, Bodrishtë, Kërrë, Vodhinë, Pepel, Klishar, Selo, Likomil, Llovinë, Krioner, Sotirë, Llongo, Koshovicë, Dritë, Kakavie, Vrisera, Poliçan, Skore, Sopik, Çatistër, Mavrojer, Hllomo, Selckë çmimi i referencës 27,000 lekë/m2.

Korçë

Çmimi i referencës 45,800 lekë/m2

Fshatrat: Bulgarec, Lumalas, Biranj, Melcan, Porodinë, Dishnicë, Shamoll, Belorta, Kuç i Zi, Barç, Çiflig, Malavec, Neviçisht,  Voskop, Dërsnik, Polen, Vinçan, Goskovë Lart, Goskovë Poshtë, Damjanec, Voskopojë, Shipskë, Krushovë, Gjonomadh, Lavdar, Lekas, Marjan, Gjonbabas, Gurmujas, Shkozan, Xerje, Tudas, Gjergjevicë, Lavdar  Brozdovec, Mazrek, Poponivë, Vithkuq, Leshnje, Gjanc, Lubonjë, Rehovë, Roshanj, Trebickë, Grabockë, Treskë, Stratobërdh, Panarit, Shtyllë, Cemericë, Mollaj, Floq, Pulahë, Ujë Bardhë, Kamenicë, Drenovë, Mborje, Boboshticë, Moravë, Qatrom, Ravonik, Turan, Dardhë.

Maliq    

Çmimi i referencës 27,800 lekë/m2

Fshatrat: Kolanec, Goce, Gjyras, Bickë, Fshat Maliq, Plovisht, Libonik, Drithas, Vloçisht, Vashtëmi, Pocestë, Symiz, Klocë, Shkozë, Kembëthekër, Beras, Zboq, Memël, Manastirec,  Zvarisht, Dolan, Lozhan, Lozhan i Ri, Senisht, Tresovë, Strelcë, Shalës, Selcë, Velçan, Mesmal, Moçan, Mjaltas, Marjan, Desmirë, Qënckë, Babjen, Dolanec,Moglicë, Gopesh, Dobërçan, Maliq-Opar, Gurkuq, Bardhas, Zerec, Dushar, Torovec, Shpatmal  Peshtan, Lumaj, Protopapë, Osojë, Gurshqipe, Kucakë, Nikollarë, Vreshtas, Sheqeras, Bregas, Podgorie, Pirg, Gurishtë, Zvirinë, Leminot, Qershizë, Kakaç, Shqitas, Veliternë, Sovjan, Novoselë, Bubuq, Pojan, Zvezdë, Shëngjergj, Kreshpanj, Plasë, Zëmblak, Burimas, Pendavinj, Terovë, Rov, Orman, Rëmbec.

Qyteti Pustec

Çmimi i referencës 35,000 lekë/m2

Fshatrat: Pustec, Diellas, Lajthizë, Zaroshkë, Cerje, Goricë e Vogël, Goricë e Madhe, Kallamas, Gollomboc.

Leskovik

Çmimi i referencës 23,000 lekë/m2

Fshatrat: Starie, Bejkovë, Psar, Selenicë, Kreshovë, Gostivisht, Lëngës, Kodras, Kabash, Borovë, Taç Qëndër, Taç Poshtë, Taç Lartë, Rehovë, Gjonç, Prodan, Pobickë, Cerckë, Radat, Radovë, Postenan, Lashovë, Peshtan, Podë, Kovaçisht, Vrepckë, Gërmenj, Radanj, Glinë, Gjirakar, Novoselë, Mesiçkë, Kagjinas, Zharkan, Piskal, Vitisht, Shijan, Kaduç, Ndërrmarr, Mbreshtan,  Barmash, Leshnjë, Shalës, Gozhdorazhd, Sanjollas, Kamnik, Bënjëz, Radimisht, Arrëz, Rajan,Mollas, Skorovot, Qinam, Vodicë, Qafzez, Helmës, Shtikë, Pepellash, Butkë, Kozel, Milec, Bezhan, Boshanj, Blush, Çlirim, Qesarak, Kaltanj, Qytezë, Selenicë e Pishës, Luaras, Lënckë, Kurtez, Orgockë, Qinam- Radovickë, Radovickë, Psar i Zi.

Bilisht

Çmimi i referencës 35,000 lekë/m2

Fshatrat: Bitinckë, Tren, Buzliqen, Vërnik, Vishocicë, Kuç, Poloskë, Kapshticë, Trestenik, Kurilë, Hoçisht, Grace, Baban, Stropan, Eçmenik, Përparimaj, Grapsh, Çipan, Borsh, Bradvicë, Progër, Mançurisht, Cangonj, Pilur, Vranisht, Bickë, Rakickë, Shyec, Miras, Vidohovë, Arrëz, Çetë, Qytezë, Sinicë, Nikolicë, Menkulas, Ponçarë, Braçanj, Koshnicë, Dobranj, Fitore, Ziçisht, Gjyres, Sul.

 Pogradec

Çmimi i referencës 49,900 lekë/m2

Fshatrat: Udenisht, Memlisht, Çervenakë, Piskupat, Lin, Buqez, Buçimas, Tushemisht, Peshkëpi, Gurras, Gështënjas, Remenj, Vërdovë, Bahçallëk, Çërravë, Blacë, Bletas, Alarup, Pretushë, Grabovicë, Nizhavec, Kodras, Leshnicë, Lumas, Qershizë, Dardhas, Stropckë, Grunjas, Prenisht, Derdushë, Osnat, Lekas, Nicë, Stërkanj, Trebinjë, Çezmë e Madhe, Çezmë e Vogël, Hondisht, Selcë e Sipërme, Llëngë, Plenisht, Hoshtecë, Zemcë, Potgozhan, Malinë, Kalivaç, Pevelan, Dunicë, Guri i Bardhë, Proptisht, Rodokal Sipër, Rodokal Poshtë, Homezh, Slabinjë, Somotinë, Kriçkovë, Selcë e Poshtme, Homçan, Vërri, Golik, Slatinë, Baribardhë, Selishtë, Zalltore, Velçan, Buzahishtë, Shpellë, Bishnicë, Jollë, Losnik, Laktesh, Senishtë.

Kukës

Çmimi i referencës 54,000 lekë/m2

Fshatrat: Gostil, Drinas, Shëmri, Shtanë, Petkaj, Mgulle, Çam, Gdheshte, Pistë, Spas, Shikaj, Dukagjin, Kalimash, Kryemadh, Bushat, Bicaj, Osmane, Mholaj, Mustafaj, Nangë, Kolesjan, Domaj, Gabricë, Tërshenë, Lusën, Zallë, Malqene, Resk, Ujmisht, Skavicë, Tejdrine, Morinë, Bardhoc 1, Bardhoc 2, Breg-Lumë, Pobreg, Gjegjan, Shtiqën, Koder Lume, Krenze, Gjallicë, Orgjost, Kosharisht, Pakisht, Zapod, Orçikël, Bele, Lojmë, Shishtavec, Novosej, Kollovoz, Shtrezë, Borje, Oreshkë, Cërnalevë, Topojan, Xhaferraj, Turaj, Brekije, Nimçë, Bushtricë, Gjegje, Matranxh, Palush, Vilë, Barruç, Shpat, Fshat, Çajë, Buzëmadhe, Shkinak,  Gështejë, Kodër-Gështejë, Kalis, Gurrë, Pralisht, Çinamak, Fusharë, Surroj, Aliaj, Arrën, Arrëz, Barrë, Vërrij, Tejmollë, Kolsh, Mamëz, Myç-Mamëz.

Krumë

Çmimi i referencës 24,500 lekë/m2

Fshatrat: Krumë, Gajrep, Cahan, Mujaj-Dajç, Zahrisht,Fajza, Vranisht, Tregtan, Likeni i Kuq, Metaliaj, Brenogë, Gjinaj, Pusi i Thatë, Myç-Has, Domaj, Pogaj, Kishaj, Golaj, Nikoliq, Bardhaj, Perollaj, Vlahen, Letaj, Peraj, Dobrunë, Zgjeç, Qarr, Helshan, Kosturr.

Bajram-Curri

Çmimi i referencës 27,900 lekë/m2

Qyteti: Fierzë; Fshatrat: Tpla, Dushaj i Poshtëm, Degë, Breg-Lum, Brisë, Salce, Palç, Peraj, Gjonpepaj, Lekbibaj, Tetaj, Shëngjergj, Curraj i Poshtëm, Betoshe, Qerreç Mulaj, Curraj i Sipërm,Margegaj, Fushë Lumi, Koçanaj, Shoshan, Lagja Paqës, Bradoshnicë, Dragobi, Çerem, Valbonë, Rragam, Bukovë, Jaho Salihi, Llugaj, Luzhë, Rrez-Mali, Rragam,Bujan, Rosujë, Dojan, Markaj, Gri, Lekurtaj, Selimaj, Bllatë, Gri e Re,Pac, Zherkë, Vlad, Çorraj-Veliç, Berishë, Visoçë, Mash, Zogaj, Prush, Kepenek, Kam, Leniq, Astë, Kojel, Viçidol, Kasaj, Gegaj, Buçaj, Papaj, Sopot, Babinë, Begaj, Shumice-Ahmetaj, Myhejan, Kovaç, Kërrnajë, Shkëlzen.

Shëngjin

Çmimi i referencës 56,000 lekë/m2

Fshatrat: Ishull-Shëngjin, Ishull- Lezhë, Mali-Shëngjin, Mali- Rencit, Kodër Mulliri, Zejmen, Tresh, Pruell, Berzane, Pllanë, Markatomaj, Spiten,  Shënkoll, Rilë, Tale 1, Tale 2, Barbullojë, Grykë-Lumi, Gajush, Alk,  Balldren, Mali-Kakariq, Qëndër-Kakariq, Gocaj, Balldren i Ri, Torovicë, Malecaj, Koljakaj, Kallmet i Madh, Kallmet i Vogël, Rraboshtë, Mërqi, Blinisht, Troshan, Fishtë, Krajnë, Piraj, Baqel, Kodhel, Dajç, Gjadër, Gramsh, Mabë, Dragush, Kotërr, Zojs, Ungrej, Kashnjet, Gjobardhaj, Kalivaç, Ras-Butë, Zinaj, Fregen, Kaluer, Sukaxhi, Kolsh, Gjash, Kacinar, Patalej, Lalm, Lalm Lukaj, Velë, Manati, Grykë, Barbullojë e Re.

Qyteti Rrëshen

Çmimi i referencës 29,500 lekë/m2

Qytetet: Kurbnesh, Reps; Fshatrat: Ndërfushas, Ndërfan, Gëziq, Tarazh, Jezull, Kodër Rrëshen, Sheshaj, Fushë-Lumth, Malaj, Malaj Epërm, Tenë, Lurth, Bukmirë, Kulmë, Fierzë, Bulshizë, Fang, Rasfik, Katund i Vjetër, Munaz, Rreja e Zezë, Rreja e Velës, Vau Shkezë, Rrethi i Sipërm, Livadhëz, Bulger, Lufaj, Bardhaj, Lëkundë, Zajs, Kthellë e Sipërme, Kurbnesh-fshat, Mërkurth, Kumbull, Perlat Qendër, Perlat i Sipërm, Shebe, Tharr, Trojë, Prosek, Rrushkull, Ujë, Shtrezë,  Klos, Shtrungaj, Bisakë, Fan, Zall-Xhuxhë, Katundi i Ri, Konaj, Shëngjin, Petoq, Xhuxhë, Dardhëz, Thirrë, Sang, Hebe, Domgjon, Gjakëz, Munellë, Kullaxhi, Blinisht, Pshqesh, Mashtërkor, Shëmri, Grykë Orosh, Lgjin, Bulshar, Planet, Ndërshen, Nënshejt, Kodër-Spaç, Gurth-Spaç, Lajthizë, Kullaxhi, Blinisht, Pshqesh, Mashtërkor, Shëmri, Grykë Orosh, Lgjin, Bulshar, Planet, Ndërshen, Nënshejt, Kodër-Spaç, Gurth-Spaç, Lajthizë,Kaçinar, Arrëz, Kuzhnen, Simon, Shëngjergj, Shtuf, Shpërdhezë.

Laç-Milot

Çmimi i referencës 34,000 lekë/m2

Fshatrat: Laç (Sanxhak), Fushë-Mamurras, Shpërthet, Shëmri, Zhejë, Katund i Ri, Gjorm, Drojë, Skuraj, Mal Milot, Fushë Milot, Mal i Bardhë, Mal i Bardhë i Sipërm, Gallatë, Selitë, Gernac, Vinjoll, Shullaz, Prozhmë, Delbnisht, Ferr-Shkopet, Shkopet, Fushë – Kuqe, Adriatik, Patok, Gorre, Gurëz.

Koplik

Çmimi i referencës 40,500 lekë/m2

Qyteti Bajzë; Fshatrat: Gruemirë, Boriç i Vogël, Grudë-Fushë, Grilë, Kurtë, Linaj-egç-lepurosh, Omaraj, Rrash, Vorfë, Demiraj, Ktosh, Gjormë, Mshqerrë, Vajush, Boriç i Madh, Kerraj, Ivanaj, Aliaj, Gradec, Hot, Jeran, Pjetroshan, Rapshë, Vukpalaj, Premal, Goraj-Budishtë, Kastrat, Bratosh, Tamarë, Brojë, Kozhnje, Selcë, Vukël, Lëpushë, Vermosh, Nikç, Bogiç-Palvar, Dobër, Jubicë, Kamicë-Flakë, Kalldrun, Koplik i Sipërm, Stërbeq, Lohe e Poshtme, Dedaj, Bogë, Bzhetë, Bzhetë-Markaj, Lohe e Sipërme, Vrith, Vuç-Kurtaj, Zagorë, Qaf-Gradë, Reç, Rrepisht, Kokpapaj.

 Shkodër

Çmimi i referencës 58,000 lekë/m2

Fshatrat: Oblikë, Babot, Muriqan, Shtuf, Dramosh, Oblikë e Sipërme, Obot, Vallas, Velinaj, Vidhgar, Bërdice e Madhe, Bërdice e mesme, Bërdice e siperme, Trush, Beltoje, Mali Hebaj, Dajç, Samrisht i Ri, Samrisht i Sipërm, Belaj, Mali i Gjymtit, Pentar, Rrushkull, Mushan, Darragjat, Suka-Dajç, Shirq, Guri i Zi, Juban, Ganjollë, Kuç, Rrencë, Vukatanë, Gajtan, Rragam, Sheldi, Mazrek, Shpor, Mes, Dragoç, Boks, Kullaj, Myselim, Drisht, Ura e shtrenjtë, Domen, Shakotë, Prekal, Vilëz, Pog, Kir, Gjuraj, Plan, Xhan, Bruçaj, Mgull, Dobraç, Grudë e Re, Shtoj i Ri, Guci e Re, Shtoj i Vjetër, Zues, Golem, Hot i Ri, Bleran, Bardhaj, Breg-Lumi, Abat, Nicaj-Shale, Lekaj, Vuksanaj, Pecaj, Theth, Nderlysaj, Gimaj, Nënmavriq, Lotaj, Ndrejaj, Nikaj-Shosh, Palaj, Pepsumaj, Brashtë, Velipojë, Pulaj, Luarzë, Baks-Rrjoll, Gomsiqe, Baks i Ri, Pulaj, Reç i Ri, Ças, Mali  Kolaj.

Vau Dejes

Çmimi i referencës 24,300 lekë/m2

Fshatrat: Mjedë, Spatharë, Shelqet, Kaç, Naraç, Dush, Karmë, Gomsiqe, Bushat, Shkjezë, Plezhë, Kosmaç, Stajkë, Ashtë, Rranxa, Fshat i Ri, Mali i Jushit, Plepan-Konaj, Melgush, Barbullush, Kukël, Hoten, Mnelë e Madhe, Mnelë e Vogël, Vig,  Hajmel, Dheu i Lehtë, Pistull, Paçram, Nënshatë, Koman, Qerret, Arrë, Vilë, Telum, Kllogjen, Malagji-Kajvall, Toplanë, Sermë, Gushtë, Vukjakaj-Gegaj, Palaj-Gushaj, Benë, Kroni i Madh, Barcollë, Vukaj, Uk-Bibaj.

Pukë

Çmimi i referencës 22,000 lekë/m2

Fshatrat: Pukë, Lajthizë, Dom, Gjegjan, Gojan i Vogël, Rras, Kuzhnen, Gojan i Madh, Shkozë, Kimëz, Kalivare, Mesul, Breg, Rrapë, Kabash, Buhot, Bicaj, Blinisht, Lumzi, Meçe,  Qelëz, Bushat, Dushnezë, Midhë, Buzhalë, Dedaj, Levrushk, Ukth, Qerret i Vogël, Qerret, Luf, Dush, Karmë, Kçirë, Luf-Plan, Korthpulë, Kaftall, Tejkodër, Gomsiqe, Vrith, Plet.

Fushë-Arrëz

Çmimi i referencës 7,500 lekë/m2

Fshatrat: Fushë-Arrës, Miçaj, Lumëardhe, Fierzë, Porav, Bugjon, Kokdodë, Arst, Miliska, Mëzi, Aprip-Guri, Flet, Xeth, Kulumri, Trun, Blerim, Dardhë, Qebik, Qafë-Mali, Armiraj, Srriqe, Mollkuqe, Lajthizë, Lumbardhë, Tuç, Kryezi, Orosh, Iballë, Sapaç, Levosh, Berishë e Vogël, Berishë Vendi, Berishë e Sipërme, Shopel, Mërtur.

Kamëz

Çmimi i referencës 52,000 lekë/m2

Fshatrat: Bathore, Laknas, Valias, Frutikulturë, Bulçesh, Zall-Mner, Paskuqan, Babrru Qëndër, Kodër e Kuqe, Shpat, Fushë e Kërçikëve, Kodër Babrru, Paskuqan Fushë, Paskuqan Kodër.

Vorë       

Çmimi i referencës 51,500 lekë/m2

Fshatrat: Vorë, Marqinet, Shargë, Gërdec, Gjokaj, Kuc, Marikaj, Picar, Prezë, Ahmetaq, Palaq, Fushë Prezë, Gjeç- Kodër, Ndërmjetës, Breg – Shkozë, Bërxullë, Mukaj, Domje.

Kavajë

Çmimi i referencës 51,000 lekë/m2

Fshatrat: Synej, Butaq, Rrikaj, Hajdaraj, Peqinaj, Rrakull, Bago, Luz i Vogël, Vorrozen, Beden, Blerimaj, Golem, Kryemëdhej, Tilaj, Seferaj, Golemas, Qeret, Karpen, Zik-Xhafaj, Kanaparaj, Agonas, Karpen i Ri, Helmas, Zikular, Lis-Patros, Shtodhër, Çetë, Momël, Habilaj, Çollakaj, Kryezi, Cikallesh.

Rrogozhinë

Çmimi i referencës 41,000 lekë/m2

Fshati: Rrogozhinë, Kryevidh, Ballaj, Rreth-Greth, Patkë-Milot, Zhabjak, Spanesh, Spille, Domën, Stërbeg, Shardushk, Kazie, Sinaballaj, Methasanaj, Hazdushk, Hamenraj, Koçaj-Sheshaj, Thartor, Rrostej, Fliballije, Demarkaj, Lekaj, Harizaj, German, Zambish, Mushnik, Mlik, Okshtun, Luz i Madh, Shkozet , Kryeluzaj, Gosë e Madhe, Gosë e Vogël, Kalush, Kërçukaj, Vilë-Ballaj.

Vlorë

Çmimi i referencës 61,800 lekë/m2

Fshatrat: Dukat, Dukat Fshat, Tragjas, Radhimë, Bestrovë, Babicë e Madhe, Babicë e Vogël, Hoshtimë, Kaninë, Kërkovë, Nartë, Sherishtë, Panaja, Xhyherinë, Zvërnec, Sazan, Novoselë, Aliban, Bishan, Mifol, Poro, Dëllenjë, Delisuf, Trevllazër, Cerkovinë, Skrofotinë, Fitore, Akërni, Shushicë, Bunavi, Beshisht, Grabian, Drithas, Mekat, Llakatund, Çeprat, Risili.

Selenicë

Çmimi i referencës 25,000 lekë/m2

Fshatrat: Armen, Karbunarë, Rromës, Treblovë, Lubonjë, Picar, Mesarak, Vllahinë, Kocul, Mërtiraj, Rexhepaj, Hadëraj, Mallkeq, Gërnec, Petë, Kropisht, Vezhdanisht, Peshkëpi, Penkovë, Kotë, Gumenicë, Hysoverdhë, Lapardha, Mavrovë, Mazhar, Vajzë, Vodicë, Shkallë Mavrovë, Drashovicë, Kotë, Gumenicë, Hysoverdhë, Lapardha, Mavrovë, Mazhar, Vajzë, Vodicë, Shkallë Mavrovë, Drashovicë, Sevaster, Golimbas, Dushkarak, Shkozë, Mazhar, Ploçë, Lezhan, Amonicë, Brataj, Lepenicë, Gjorm, Velçë, Ramicë, Mesaplik, Matogjin, Bashaj, Vërmik, Malas.

Himarë  

Çmimi i referencës 58,000 lekë/m2

Fshatrat: Pilur, Kudhës, Qeparo fshat, Qeparo Fushë, Vuno, Iliaz, Dhërmi, Gjilekë, Palasë, Lukovë, Borsh, Fterrë, Çorraj, Piqeras, Sasaj, Qazim Pali, Shënvasil, Nivicë, Vranisht, Kuç,  Kuç Buronjë, Bolenë, Kallarat, Tërbaç.

Sarandë 

Çmimi i referencës 56,000 lekë/m2

Fshatrat: Gjashtë, Metoq, Çukë, Shelegar, Ksamil.

Konispol

Çmimi i referencës 28,000 lekë/m2

Fshati: Çiflik, Xarrë, Mursi, Shkallë, Vrinë, Shëndëlli, Dishat, Vërvë, Shalës, Markat, Ninat, Janjar.

Finiq

Çmimi i referencës 28,000 lekë/m2

Fshatrat: Livadhja, Kulluricë, Llazat, Kalcat, Kodër, Lefter Talo, Gravë, Qesarat, Komat, Karroq, Grazhdan, Zminec, Sopik, Pandalejmon, Vagalat, Dhivër, Rumanxë, Memoraq, Navaricë, Dermish, Leshnicë e Sipërme, Leshnicë e Poshtme, Janicat, Llupsat, Cerkovicë, Shëndre, Malcan,  Aliko, Çaush, Neohor, Tremul, Rahullë, Pllakë, Jermë, Vurgu i Ri, Halo, Dritas, Finiq, Buronjë, Çlirim, Vrion, Karahaxhë, Bregas, Mesopotam, Dhrovjan, Krongj, Bistricë, Velahovë, Livinë, Brajlat, Sirakat, Kostar, Fitore, Krane, Ardhasovë, Kardhikaq, Pecë, Muzinë.

Delvinë

Çmimi i referencës 26,750 lekë/m2

Fshatrat: Bamatat, Vllahat, Rusan, Lefterhor, Kakodhiq, Sopot, Stjar, Vanë, Blerimas, Vergo, Tatzat, Kalasë, Fushë Vërri, Senicë, Kopaçez, Qafë Dardhë, Bajkaj.

Dorina Azo

 

The post Referencat e ndërtesave për banim në fshat, ja në cilat zona çmimet do barazohen me qytetin appeared first on Revista Monitor.

Në muajin dhjetor, teksa inflacioni ishte 2.2%, tre grupe, të lidhura direkt me aktivitetin e turistëve sollën rreth 54% të rritjes së së çmimeve.

Sipas të dhënave të INSTAT, grupi “Qira, ujë, lëndë djegëse dhe energji” ndikoi me 0.96 pikë përqindje; “Hotele, kafene dhe restorante”, me 0.15 pikë përqindje dhe “Argëtim dhe kulturë” me 0.08 pikë përqindje.

Ndërsa në dhjetor ishte më e dukshme, kjo tendencë ka qenë e pranishme përgjatë gjithë vitit. Sipas INSTAT, inflacioni mesatar në ekonomi ishte 2.2% në vitin 2025, por struktura e tij tregon se një pjesë e rëndësishme e rritjes së çmimeve buron nga turizmi, përmes akomodimit, shërbimeve, ushqimit jashtë shtëpisë, transportit dhe qirave dhe kafeve e restoranteve.

Të dhënat e INSTAT për 2025 tregojnë se presionet inflacioniste po përqendrohen dhe po bëhen më selektive, të lidhura më shumë me kërkesën sezonale dhe flukset turistike, sesa me fuqinë vendase të konsumit.

Në krye të rritjes vitin e kaluar qëndruan shërbimet e akomodimit, me një rritje prej 6.5%, si dhe argëtimi dhe kultura (+5.6%), duke reflektuar zgjerimin e aktivitetit turistik dhe rritjen e kërkesës për shërbime rekreative.

Paralelisht, janë shtrenjtuar ndjeshëm edhe shërbimet dhe produktet e konsumit jashtë shtëpisë, si kafeja, çaji dhe kakaoja (+5.4%), pijet alkoolike (mbi 3%), si dhe ushqimet që përdoren gjerësisht nga sektori i bareve dhe restoranteve, si mishi dhe bylmeti.

Shërbimet e transportit u rritën me 3.9%, pavarësisht se grupi i transportit në total shfaq rënie, për shkak të uljes së çmimeve të karburanteve. Kjo ndarje tregon se kërkesa turistike ka rritur koston e shërbimeve, edhe kur faktorë të tjerë kanë vepruar në drejtim të kundërt.

Një element kyç në strukturën e inflacionit të vitit 2025 janë qiratë, të cilat shënuan rritje mesatare prej 4.5%. Rritja ishte e fortë në gjysmën e dytë të vitit, ku kulmi arriti në dhjetor me 8%. Ky zhvillim lidhet ngushtë me orientimin e një pjese të konsiderueshme të banesave drejt tregut të qiradhënies afatshkurtër për turistët, veçanërisht në zonat urbane dhe bregdetare.

Përshpejtimi i rritjes në fund të vitit 2025 tregon se presioni mbi tregun e strehimit pritet të vijojë edhe në muajt në vijim, duke e kthyer çështjen e qirave nga një problem tregu në një sfidë sociale dhe ekonomike. Në mungesë të politikave për rritjen e ofertës së banesave të përballueshme dhe frenimin e spekulimit, ritmi aktual i rritjes sugjeron se qiratë në Shqipëri po hyjnë në një fazë të re shtrenjtimi, shumë më agresive se ajo e viteve të mëparshme.

Sipas të dhënave nga agjencitë imobiliare në segmentin e qirave rezidenciale, sivjet çmimet për apartamente 1+1 në Tiranë kanë arritur deri në 900 euro në muaj në zonat më të kërkuara të qytetit. Të dhënat nga agjencitë e pasurive të paluajtshme tregojnë se tregu i qiradhënies po shënon rritje të vazhdueshme, me çmime që janë rritur mesatarisht 6 deri në 57% në vetëm një vit.

Rritja e çmimeve ka qenë e pranishme edhe në disa nën-grupe të tjera që lidhen me turizmin, të tilla si furnizimi i hoteleve me mobilie dhe tapiceri, importet dhe çmimet e të cilave janë rritur ndjeshëm dy vitet e fundit. Çmimet e tekstileve dhe tapeteve u rritën 5–6.4%.

Në vitin 2025, vendin e kanë vizituar më shumë se 12 milionë shtetas të huaj, të cilët kanë rritur kërkesën për shërbime të shumta, por ka kryesuar, akomodimi, kafeja e restorantet e argëtimi, çka siç shihet nga të dhënat e inflacionit, po përkthehet në një shtrenjtim të kostos së jetesës për vendasit.

The post Nga hotelet, qiratë, kafetë e argëtimi, si turistët ndikuan në 54% të rritjes së çmimeve në dhjetor appeared first on Revista Monitor.

Tenderi që synon të ndërhyjë në aspektin estetik dhe përmirësimin funksional të bregdetit të Durrësit si pjesë e projekteve që po zbatohen nga Fondi Shqiptar i Zhvillimit është ankimuar së fundmi në Komisionin e  Prokurimit Publik(KPP).

Bëhet fjalë për procedurën me objekt kontrate  “Investime për infrastrukturën e tregjeve, hapësirave tregtare, multifunksionale, rrugë tregtare në zona model zhvillimi,etj. Faza III Rajonet 1&2:Ndërhyrje për rritjen e ofertës turistike dhe për përmirësimin funksional dhe estetik të bregdetit, Bashkia Durrës” me fond limit 540 milionë lekë apo rreth 5.5 milionë euro.

Pranë KPP ankesa është kategorizuar e lidhur me vlerësimin që është bërë nga Komisioni i Vlerësimit të Ofertave për procedurën e hapur në 4 dhjetor dhe i mbyllur në 22 dhjetor 2025. Tashmë mbetet në dorë të Komisionit për të marrë vendim lidhur me hapat që mund të hidhen në vazhdim nga autoriteti kontraktor. Por çfarë parashikon në fakt projekti?

Ndërhyrja në Durrës

FSHZH parashikon të ndërhyjë në Durrës duke nisur nga rivelimi i një sipërfaqeje rreth 544 mijë m2, e cila përfshin zonën nga porti i Durrësit deri tek Kavalishenca.

“Ky projekt ka për qëllim të transformojë zonën bregdetare të qytetit të Durrësit në një destinacion bashkëkohor turistik, rekreativ dhe urban, përmes ndërhyrjeve arkitekturore dhe urbane të planifikuara me kujdes.

Ai përfshin zgjerimin e plazhit ekzistues, krijimin e një parku linear të gjelbër përgjatë vijës bregdetare, zhvillimin e hapësirave publike shumë funksionale dhe integrimin e infrastrukturave të reja rekreative dhe sportive.

Gjatësia e zonës së ndërhyrjes është rreth 2.8 km, me një zgjerim të vijës bregdetare deri në 100 metra drejt detit, duke krijuar hapësira të reja publike për banorët dhe vizitorë”, thuhet në dokument./ N.Maho

The post Ndërhyrja estetike 5.5 mln euro në bregdetin e Durrësit ankimohet në KPP appeared first on Revista Monitor.

Në zbatim të Planit Operacional në sektorin e Ndërtimit, Drejtoria e Hetimit Tatimor, në bashkëpunim me Drejtorinë e Verifikimit dhe Koordinimit në Terren njoftoi se ka ushtruar kontrolle në 9 subjekte, që ushtrojnë aktivitet si agjenci imobiliare.

Kontrollet u fokusuan në verifikimin e deklarimit të pagave reale të punonjësve, regjistrimin e tyre në organin tatimor, realizimin e shitjeve, lëshimin e faturave të fiskalizuara, si dhe kryerjen e verifikimeve të tjera të nevojshme gjatë procesit të kontrollit.

Kontrollet evidentuan shkelje të rënda: Punonjës të padeklaruar, dokumentacion jotatimor, mungesë transparence në çmime dhe mosrespektim të detyrimeve ligjore për faturimin dhe fiskalizimin e shitjeve.

Bazuar në provat e mbledhura, përfshirë intervistat dhe vetëdeklarimet e punonjësve, strukturat e specializuara të Administratës Tatimore sekuestruan edhe njësi kompjuterike, me qëllim vijimin e hetimit të thelluar, dokumentimin e mëtejshëm të shkeljeve tatimore dhe referimin në organet përkatëse të drejtësisë.

Nga informacioni i marrë në njësitë kompjuterike rezulton se ka evazion tatimor në lidhje me çmimet e shitjeve të apartamenteve.

Administrata Tatimore bën me dije se aksioni i sapo nisur nuk është i përkohshëm. Ai do të vijojë me seriozitet dhe vendosmëri ndaj çdo subjekti që nuk reflekton pagat reale në listëpagesat e ardhshme, duke dëmtuar pensionet e punonjësve, konkurrencën e ndershme dhe interesin publik.

Tatimet ftojnë të gjithë tatimpaguesit në fushën e ndërtimit të deklarojnë menjëherë pagat reale, për të shmangur masat administrative dhe penale, të parashikuara nga legjislacioni në fuqi, për veprën e fshehjes së të ardhurave.

Në kuadër të zbatimit të Planit Sektorial për Ndërtimin dhe rritjen e kontributeve të sigurimeve shoqërore, përmes deklarimit të pagave reale sipas profesioneve në sektorin e ndërtimit, Administrata Tatimore pas rreth 30 ditësh nga publikimi i listës së pagave indikative për këtë sektor, konkretisht duke filluar nga data 15 janar ka nisur kontrollet në terren.

Kontrollet e nisura do të zhvillohen kryesisht në subjektet e vlerësuara me risk për nëndeklarim të pagave, të cilat janë njoftuar më parë nga Administrata Tatimore, por nuk kanë reflektuar ndryshime në listëpagesa, pavarësisht njoftimit elektronik të dërguar në llogaritë e tyre në sistemin tatimor, e-Filing.

Fokus i kontrolleve do të jetë verifikimi i pagave të deklaruara në listëpagesa, duke i krahasuar ato me pagat indikative sipas profesioneve përkatëse, listë e  përcjellë në llogaritë elektronike të tatimpaguesve, si dhe e publikuar në faqen zyrtare të Administratës Tatimore.

 

Lexoni edhe:

Plani sektorial i ndërtimit: Nga 15 janari, kontrolle në terren për nëndeklarimin e pagave

 

 

 

The post Tatimet sekuestrojnë kompjuterat e agjencive imobiliare, pas evazionit me çmimet e apartamenteve appeared first on Revista Monitor.

Në Bruksel u zhvillua takimi i nivelit të lartë ndërmjet Administratës Doganore Shqiptare, DG TAXUD dhe UNCTAD, i fokusuar në modernizimin dhe përafrimin e sistemeve të informacionit doganor të Shqipërisë me standardet e Bashkimit Europian për periudhën 2025–2030.

Gjatë takimit u prezantua vizioni strategjik i modernizimit, si edhe teknologjitë më të reja ASYCUDA, përfshirë ASYCUDA Cloud Framework dhe zgjidhjet për rritjen e ndërveprimit, sigurisë dhe eficiencës së proceseve doganore.

Ky bashkëpunim përbën një hap të rëndësishëm drejt forcimit të kapaciteteve institucionale dhe integrimit europian të sistemit doganor shqiptar.

Në nëntor, Këshilli i Ministrave miratoi “Strategjinë për Modernizimin dhe Harmonizimin e Sistemeve të Informacionit Doganor Shqiptar me Sistemet e Bashkimit Evropian, për periudhën 2025–2030”, së bashku me planin e veprimit përkatës. Ky dokument strategjik shënon një hap të rëndësishëm drejt përputhjes së plotë të sistemeve doganore me standardet dhe arkitekturën e teknologjisë së informacionit të BE-së.

Strategjia është hartuar nga Drejtoria e Përgjithshme e Doganave, në bashkëpunim me Agjencinë Kombëtare të Shoqërisë së Informacionit dhe UNCTAD, si dhe me asistencën teknike të DG TAXUD. Dokumenti përcakton zhvillimet prioritare në tre grupe sistemesh të nevojshme për vendet kandidate në procesin e aderimit:

1. Sistemet qendrore transevropiane, të zhvilluara nga Komisioni Europian, që përfshijnë 18 sisteme kyçe për menaxhimin e procedurave doganore, shkëmbimin e certifikatave, menaxhimin e riskut, EORI2, AEO, garancitë, sistemin IPR, tarifën e integruar etj.

2. Sistemet e decentralizuara transevropiane, si NCTS (tranziti), Sistemi i Autorizimit të Eksportit dhe zhdoganimi i centralizuar për import, të cilat kërkojnë zhvillimin e komponentëve kombëtarë.

3. Sistemet kombëtare të domosdoshme, që duhet të zhvillohen në përputhje me Kodin Doganor të Unionit dhe Dritaren e Vetme të BE-së, si njoftimi i mbërritjes, prezantimi, magazinimi i përkohshëm dhe sistemi kombëtar i importit.

The post Hidhen hapa të mëtejshëm në përafrimin e sistemeve të informacionit doganor të Shqipërisë appeared first on Revista Monitor.

Ekonomitë e vendeve kandidate dhe potenciale kandidate për anëtarësim në Bashkimin Europian vijuan rritjen edhe në fund të vitit, por me ritme të moderuara dhe nën presionin e vazhdueshëm të faktorëve të jashtëm.

Sipas raportit të fundit tremujor të Komisionit Europian për vendet kandidate, rritja ekonomike në rajon u mbështet kryesisht nga konsumi i brendshëm, ndërsa kontributi i tregtisë së jashtme mbeti i dobët.

Prodhimi i Brendshëm Bruto (PBB) real i rajonit u rrit me 2.6% në baza vjetore, i njëjti ritëm si në tremujorin paraardhës.

Normat e rritjes ekonomike varionin nga 2% në Serbi deri në 3.8% në Maqedoninë e Veriut. Serbia, Shqipëria dhe Bosnja dhe Hercegovina, tre ekonomitë më të mëdha të rajonit, ruajtën në përgjithësi të njëjtin ritëm zgjerimi ekonomik si në tremujorin paraardhës.

Kosova regjistroi ngadalësimin më të fortë të rritjes, ndërsa Mali i Zi shënoi një normë rritjeje pak më të ulët krahasuar me tre muajt e mëparshëm.

Rritja ekonomike u nxit përgjithësisht nga kërkesa e brendshme. Konsumi privat mbeti një kontribuues kyç në rritjen e PBB-së në tremujorin e tretë të vitit 2025, megjithëse rritja e tij në baza vjetore u ngadalësua krahasuar me tremujorin paraardhës në disa ekonomi të rajonit.

Konsumi i familjeve u mbështet nga rritja e vazhdueshme dhe e fortë e pagave në të gjithë rajonin. Rritja e investimeve u përshpejtua në shumicën e vendeve të rajonit, veçanërisht në Maqedoninë e Veriut, Malin e Zi dhe Bosnjë dhe Hercegovinë, ndërsa në Serbi investimet u tkurrën, megjithëse me një ritëm më të ngadaltë.

Dinamikat e tregtisë u karakterizuan përgjithësisht nga rritje më e fortë e importeve sesa e eksporteve, duke rezultuar në kontribute negative të tregtisë ndërkombëtare në rritjen e prodhimit.

Treguesit e tregut të punës vijuan të paraqesin një tablo të përzier në tremujorin e tretë të vitit 2025. Rënia e punësimit mesatar në rajon u përshpejtua në 1.4% në baza vjetore, nga 0.6% në tre muajt paraardhës, ndërsa pjesëmarrja në fuqinë punëtore vijoi të rritet në disa ekonomi.

Normat e papunësisë ranë në të gjithë rajonin, me përjashtim të Shqipërisë, ku norma vjetore e papunësisë u rrit lehtë (por ra në terma tremujorë), dhe të Serbisë. Normat e papunësisë varionin nga 8.2% në Serbi deri në 11.7% në Maqedoninë e Veriut, duke mbetur dukshëm mbi mesataren e Bashkimit Europian.

Raporti vëren se, ndonëse inflacioni ka vijuar të zbutet në shumicën e vendeve, punësimi ka shfaqur shenja ngadalësimi, ndërsa rritja e importeve ka tejkaluar atë të eksporteve, duke ushtruar presion mbi bilancet tregtare. Investimet mbeten të pabarabarta mes vendeve dhe të ndjeshme ndaj pasigurisë globale, normave të interesit dhe zhvillimeve gjeopolitike.

Në nivel rajonal, Komisioni Europian thekson se rritja ekonomike mbetet e brishtë dhe e ekspozuar ndaj rreziqeve, ndërsa nevoja për reforma strukturore, forcimin e klimës së biznesit dhe përmirësimin e produktivitetit mbetet e lartë.

Shqipëria, vrulli i ekonomisë po bie

Për Shqipërinë, raporti thekson se rritja reale ekonomike në Shqipëri mbeti pozitive në tremujorin e tretë të vitit 2025, por me një ritëm më të moderuar krahasuar me periudhat e mëparshme. Aktiviteti ekonomik vijoi të zgjerohej, megjithëse treguesit sinjalizojnë një ngadalësim gradual të vrullit të rritjes.

Zgjerimi ekonomik në këtë periudhë u mbështet kryesisht nga konsumi privat, i cili vijoi të jetë kontribuuesi kryesor në rritjen reale të Prodhimit të Brendshëm Bruto.

Megjithatë, raporti evidenton se dinamika e konsumit është zbutur, duke reflektuar kushte më të shtrënguara financiare dhe ndikimin e pasigurive të jashtme mbi kërkesën e brendshme.

Aktiviteti ekonomik vijoi rritjen e qëndrueshme në tremujorin e tretë të vitit 2025, me PBB-në reale që u rrit me 3.7% në baza vjetore, në linjë me tremujorët paraardhës (3.8% në tremujorin e parë dhe 3.6% në tremujorin e dytë), por me një ritëm më të moderuar krahasuar me tremujorin e tretë të vitit 2024 (4.4% në baza vjetore).

Rritja e konsumit privat u ngadalësua ndjeshëm, duke zbritur në 1.3% në baza vjetore në tremujorin e tretë të vitit 2025, nga 4% në tremujorin paraardhës, ndërsa mbeti lehtësisht mbi nivelin e regjistruar në tremujorin e tretë të vitit 2024 (1.1%).

Konsumi qeveritar u rrit me 7.7% në baza vjetore në tremujorin e tretë të vitit 2025, por me një ngadalësim të fortë krahasuar me ritmin prej 16.3% të regjistruar në tremujorin e tretë të vitit 2024.

Rritja e investimeve arriti në 4.8% në baza vjetore në tremujorin e tretë të vitit 2025, duke qenë më e ulët se norma e regjistruar në tremujorin e tretë të vitit 2024 (8%).

Kushtet e tregut të punës vijuan të përmirësohen në tremujorin e tretë të vitit 2025. Sipas Anketës së Forcave të Punës, norma e punësimit (grupmosha 15–64 vjeç) u rrit me 0.4 pikë përqindje në baza vjetore, duke arritur në 69.6%.

Norma e papunësisë për të njëjtën grupmoshë u rrit lehtë me 0.1 pikë përqindje në baza vjetore, por ra me 0.4 pikë përqindje krahasuar me tremujorin paraardhës, duke u vendosur në 9%.

Norma e papunësisë së të rinjve ra me 2.8 pikë përqindje në baza vjetore, në 15%. Norma e pjesëmarrjes në fuqinë punëtore (15–64 vjeç) u rrit me 0.6 pikë përqindje në baza vjetore, duke arritur në 76.5% në tremujorin e tretë të vitit 2025.

Kjo rritje u mbështet nga një rritje më e fortë e pjesëmarrjes së grave, e cila u rrit me 0.7 pikë përqindje në baza vjetore, në 70.2%, duke kontribuar në ngushtimin e mëtejshëm të hendekut gjinor.

Në tremujorin e tretë të vitit 2025, paga mesatare mujore nominale arriti në 83,300 lekë (rreth 862 euro), duke shënuar një rritje 7.3% në baza vjetore. Ndërsa pagat mesatare në sektorin publik shënuan një rritje 3.2% në baza vjetore, pagat në sektorin privat u rritën ndjeshëm, me 9.8% në baza vjetore. Paga minimale mbeti e pandryshuar në 40,000 lekë në muaj.

 

The post Raporti i KE: Vrulli ekonomik i Shqipërisë po bie, papunësia u rrit lehtë, konsumi u ngadalësua appeared first on Revista Monitor.

Teprica në buxhetin e vitit 2025 do të transferohet e gjitha në llogarinë e mbështetjes së pensionistëve pranë Bankës së Shqipërisë dhe do të përdoret me Vendim të Këshillit të Ministrave, tha sot Ministri i Financave, Petrit Malaj ne Komisionin e Ligjeve ku u diskutua Akti Normativ Nr.11 për Buxhetin 2025.

Ministri nuk dha shifra rreth teprices së vitit 2025, por nga analizimi i të dhënave zyrtare të treguesve fiskale janë mbi 1 miliardë lekë që nuk kanë mundur të alokohen deri në ditët e fundit të vitit të kaluar.

“Nga një vlerësim paraprak që ka bërë Ministria e Financave, shuma që minimalisht parashikojmë që do të jetë e papërdorshme, pra është shumë minimale që ne parashikojmë që do të jetë e papërdorshme dhe që do të kalojë në llogarinë e Bankës së Shqipërisë, është minimalisht 150 milionë euro”, tha ai.

Produkti i Brendshëm Bruto, në vitin 2024  u rrit me rreth 4%, ndërsa gjatë nëntëmujorit të vitit 2025, rritja ishte 3.7%, duke u mbështetur kryesisht nga kërkesa e brendshme, konsumi dhe investimet. “Ne parashikojmë që për vitin 2025 rritja ekonomike të jetë në masën 3.9%” tha ai.

Sa i takon Borxhit Publik, pritet të rezultojë nën 54% të Produktit të Brendshëm Bruto në fund të vitit 2025, duke regjistruar kështu dhe nivelin më të ulët të borxhit që prej vitit 2010.

Huamarrja Neto dhe Shpenzimet e parashikuara për Interesa nuk kanë pësuar ndryshime nga rishikimi më i fundit i Buxhetit.

Sa i takon të ardhurave nga tatimet dhe doganat, sipas të dhënave paraprake të vitit 2025, u realizuan në vlerën 496 miliardë lekë, rreth 39  miliardë lekë më shumë se viti 2024. Pra, me rreth 400 milionë euro më shumë se sa viti 2024, janë të ardhurat e realizuara nga tatimet dhe Doganat. Përsa i përket realizimit të planit vjetor, realizimi ishte në masën 99.3 %.

Të ardhurat nga kontributet e sigurimeve shoqërore e shëndetësore për vitin 2025, u realizuan në vlerën rreth 172 miliardë lekë, me një rritje prej 16.7 miliardë lekësh ose rreth 170 milionë euro më shumë krahasuar me vitin 2024, apo me një rritje dyshifrore prej 11 %. Në krahasim me planin e periudhës kemi një tejkalim të planit me rreth 711 milionë lekë.

Në total, të ardhurat nga tatimet, doganat dhe nga kontributet e sigurimeve shoqërore dhe shëndetësore, sipas të dhënave paraprake, janë në vlerën 668  miliardë lekë,  rreth 55.8 miliardë lekë më shumë të ardhura të arkëtuara krahasuar me vitin 2024.

Pra, janë rreth 560 milionë euro më shumë të ardhura të arkëtuara në krahasim me vitin 2024. E parë në planin vjetor, masa e realizimit ishte 99.6%.

“Nëpërmjet këtij Akti Normativ ne parashikimin transferimin e të gjitha fondeve të papërdorura, siç thashë dhe pak më parë, nga ministritë apo institucionet buxhetore, fonde që do të kalojnë në llogarinë e posaçme pranë Bankës së Shqipërisë, për skemën e pensioneve, që më tej do të përdoren me Vendim të Këshillit të Ministrave duke mbështetur politikat e qeverisë për skemën e re të pensioneve.

The post Malaj: Llogaria për pensionistët në BSH nis me 150 mln euro appeared first on Revista Monitor.

Agjencia e Kadastrës Shtetërore (ASHK) ka miratuar proceduarat për procesin e privatizimit të tokës në ish-ndërmarrjet shtetërore apo ish kooperativat bujqësore.

4 janë kategoritë që do të përfitojnë sipas ASHK, përfshirë pronarët e ndërtesave, ata që janë të pajisur me leje ndërtimi nga pushteti vendor, edhe ata që kanë mungesë dokumentacioni apo mospërputhje sipërfaqesh dhe kategoria e atyre individëve që ka kryer ndërtim pa lejë mbi truallin e ish ndërmarrjes shtetërore.

“Me Vendimin e Këshillit të Ministrave nr. 4, datë 15.01.2026, janë miratuar procedurat e reja për kalimin në pronësi të truallit shtetëror që është në përdorim, në zbatim të nenit 63 të ligjit nr. 20/2020.

Përmes këtij vendimi përfitojnë qytetarët të cilët:

-Janë pronarë të ndërtesave të privatizuara nga Agjencia Kombëtare e Privatizimit, ish-ndërmarrjet shtetërore apo ish-kooperativat bujqësore;

-Janë pronarë të ndërtesave të pajisura me leje ndërtimi nga njësitë e vetëqeverisjes vendore;

-Kanë mungesë dokumentacioni, mospërputhje sipërfaqesh apo ndërtime të tjera të lidhura me objektin;

-Përdorin truall shtetëror që ka qenë më parë në administrim të institucioneve qendrore ose vendore; ose kur ka kryer ndërtim pa leje;

Të gjithë qytetarët e përfshirë në kategoritë e mësipërme dhe që plotësojnë kriteret e përcaktuara në këtë VKM, mund të përfitojnë kalimin në pronësi të truallit mbi të cilin është ndërtuar objekti, duke garantuar kështu siguri juridike mbi pronën.

Kalimi i truallit në pronësi përmes kësaj procedure ofrohet pa pagesë për të gjitha banesat”, thuhet ne njoftim.

Sipas ASHK, aplikimi për përfitimin e shërbimit do të kryhet online përmes portalit e-Albania.

 

Vendim i plotë

Nr. 4, datë 15.1.2026PËR PËRCAKTIMIN E PROCEDURAVE TË HOLLËSISHME PËR KALIMIN EPRONËSISË SË TRUALLIT SHTETËROR NË PËRDORIM DHE MIRATIMIN EMODELIT TË AKTIT TË KALIMIT NË PRONËSI

Në mbështetje të nenit 100 të Kushtetutës dhe të pikës 4, të nenit 63, të ligjit nr. 20/2020, “Për përfundimin e proceseve kalimtare të pronësisë në Republikën e Shqipërisë”, me propozimin e Kryeministrit, Këshilli i Ministrave

VENDOSI:I. DISPOZITA TË PËRGJITHSHME1. Në këtë vendim, termat e mëposhtëm kanë këto kuptime:a) “Harta e vlerës së tokës”, harta e vlerës e miratuar me vendim të Këshillit të Ministrave, në fuqi në kohën e kryerjes së procedurave, sipas këtij vendimi;b) “Ligj”, ligji nr. 20/2020, “Për përfundimin e proceseve kalimtare të pronësisë në Republikën e Shqipërisë”; c) “Ndërtesa të privatizuara”, ndërtesa :i. të përfituara sipas ligjit nr. 7512, datë 10.8.1991, “Për sanksionimin dhe mbrojtjen e pronës private të nismës së lirë, të veprimtarive private të pavarura dhe privatizimit”, të shfuqizuar; ii. të shitura nga ndërmarrjet shtetërore, përpara hyrjes në fuqi të ligjit nr. 7512, datë 10.8.1991,“Për sanksionimin dhe mbrojtjen e pronës private të nismës së lirë, të veprimtarive private të pavarura dhe privatizimit”, të shfuqizuar; iii. të shitura nga ish-kooperativat bujqësore apo njësitë e vetëqeverisjes vendore, si pronë e ish-kooperativës; ç) “Ndërtesë e dëmtuar”, në kuptim të këtij vendimi, objekti që ka pësuar dëmtime në mbulesë apo në strukturën e saj dhe nuk është prishur tërësisht; d) “Ndërtesa të ngritura me leje ndërtimi”, ndërtesat e ngritura në bazë të lejeve të ndërtimit të lëshuara nga organet e vetëqeverisjes vendore, pas datës 10.8.1991 e në vazhdim, për të cilat mungon dokumentacioni apo vendimi i organeve të pushtetit vendor për dhënien e tokës për ndërtim; dh) “Truall shtetëror në përdorim”, sipas kuptimit të pikës 23, të nenit 4, të ligjit nr. 20/2020,“Për përfundimin e proceseve kalimtare të pronësisë në Republikën e Shqipërisë”, që përfshin truallin  e  përcaktuar  në  genplanin  dhe  dokumentacionin  në  momentin  e  privatizimit  të ndërmarrjeve apo objekteve, ku përfshihet sipërfaqja nën objekt dhe sipërfaqe funksionale përreth tij, nëse ka, si dhe sipërfaqja e truallit, sipas genplanit dhe dokumentacionit të dhënies së lejes së ndërtimit, në të cilat janë përcaktuar sipërfaqja e objektit dhe e sheshit të ndërtimit.

2. Procedurat administrative të kalimit të së drejtës së pronësisë së truallit do të kryhen nga Agjencia Shtetërore e Kadastrës (në vijim ASHK-ja) edhe në ato raste kur ndërtesa e privatizuar sipas shkronjës “c”, të pikës 1, të këtij kreu, dhe ndërtesa e ngritur sipas lejes së ndërtimit, sipas shkronjës “d”, të pikës 1, të këtij kreu, është e dëmtuar, në momentin e hyrjes në fuqi të këtij vendimi, me kushtin  që  ndërtimi  të  jetë  i  pasqyruar  në  regjistrat  kadastralë  të  pasurive  të paluajtshme.
3. Procedura e kalimit të së drejtës së pronësisë, sipas këtij vendimi, fillon sipas përcaktimeve të nenit 62, të ligjit nr. 20/2020, “Për përfundimin e proceseve kalimtare të pronësisë në Republikën e Shqipërisë”, dhe ndjek rregullat dhe afatet e parashikuara në këtë ligj dhe në Kodin e Procedurave Administrative.
4. Për kërkesat e paraqitura nga subjektet, modeli i kërkesës për kalimin e pronësisë është sipas aneksit 1, që i bashkëlidhet këtij vendimi dhe është pjesë përbërëse e tij. Kërkesa paraqitet online nëpërmjet portalit unik qeveritar “e-Albania” dhe tarifa e shërbimit paguhet në momentin e paraqitjes së kërkesës nga subjekti i interesuar.
5. Tarifa e shërbimit për procedurën administrative është sipas vendimit nr. 5, datë 11.1.2023,të Këshillit të  Ministrave,  “Për  përcaktimin  e  vlerës  së  tarifave  dhe  pagesave,  masës  së penaliteteve, si dhe të mënyrës së llogaritjes, mbledhjes dhe administrimit të të ardhurave të arkëtuara nga proceset kalimtare të pronësisë”, dhe është e pakthyeshme në rast të refuzimit të kërkesës nga ASHK-ja.
6. Për kërkesat e paraqitura pranë strukturës përgjegjëse për shitjen e pronës publike, para fuqi të ligjit, për të cilat nuk ka përfunduar procedura administrative, nuk aplikohet pagesa e tarifës sipas pikës 5, të kreut I, të këtij vendimi.
7. Në rastet kur gjatë regjistrimit fillestar apo përmirësimit të zonës kadastrale evidentohen raste të aplikimit të procedurave të kalimit të pronësisë së truallit shtetëror në përdorim, ASHK-ja njofton subjektin nëpërmjet njoftimit publik, sipas rregullave të parashikuara në kreun II, të pjesës së shtatë të Kodit të Procedurave Administrative, për depozitimin e kërkesës nëpërmjet portalit unik qeveritar “e-Albania”.
8. Përfitojnë ulje 20% të vlerës subjektet që kanë paraqitur kërkesë për privatizim të truallit shtetëror në përdorim,  përpara  datës  1.7.2012,  dhe  nuk  e  kanë  kryer  pagesën  për  efekt  të mos njoftimit të faturës, sipas ligjit nr. 10270, datë 22.4.2010, “Për të drejtën e privatizimit të truallit shtetëror në përdorim dhe taksën mbi të drejtën e përdorimit të tij”, nëse kryejnë pagesën brenda 30 (tridhjetë) ditëve nga marrja dijeni për njoftimin. Kjo lehtësi përfitohet sipas pikës 3, të nenit 63, të ligjit.
9. Të ardhurat e mbledhura nga kalimi i të drejtës së pronësisë së truallit shtetëror në përdorim arkëtohen dhe përdoren nga ASHK-ja, në përputhje e parashikimet e nenit 67, të ligjit.II. PROCEDURAT E  KALIMIT  TË  PRONËSISË  PËR  TROJET  E  NDËRTESAVE  TËPRIVATIZUARA1. Kërkesa e paraqitur sipas pikës 4, të kreut I, të këtij vendimi, shoqërohet nga dokumentacioni, që, sipas rastit është, si më poshtë vijon:a) Kontrata e kalimit të së drejtës së pronësisë mbi ndërtesën, bashkë me genplanin ose planimetrinë përkatëse në çastin e privatizimit, kur pronësia mbi ndërtesën nuk është e regjistruar në regjistrin kadastral, dhe deklarata noteriale e mos tjetërsimit të ndërtesës tek të tretët. Në këtë rast, ASHK-ja shqyrton dokumentacionin e depozituar pranë saj në momentin e paraqitjes së kërkesës, me qëllim vërtetimin e pronësisë së ndërtesës; ose b) Kontrata e kalimit të pronësisë së ndërtesës, kur pronësia e saj ka kaluar tek të tretët; ose c) Vërtetimi ose certifikata e regjistrimit të pronësisë së ndërtesës kur është e regjistruar; dhe ç) Vërtetim i lëshuar nga drejtoria rajonale tatimore për pagesën e taksës së truallit në përdorim, nga data 7.6.2010 deri në datën e paraqitjes së kërkesës për kalimin në pronësi të truallit shtetëror në përdorim.2. Për të kaluar pronësinë mbi truallin e ndërtesës së privatizuar, ASHK-ja kryen procedurat, si më poshtë vijon:
10. a) Verifikon pronësinë mbi ndërtesën, e cila të jetë fituar në bazë të ligjit nr. 7512, datë10.8.1991, “Për sanksionimin dhe mbrojtjen e pronës private të nismës së lirë, të veprimtarive private të pavarura dhe privatizimit”, të shfuqizuar, provuar kjo nga kontrata e privatizimit/shitjes së objektit me organin shtetëror përgjegjës. Është organ shtetëror përgjegjës, sipas kësaj pike, ai që ka realizuar procedurat e privatizimit të ndërtesës, si më poshtë vijon: i. Agjencia Kombëtare e Privatizimit dhe degët e saj në rrethe; ose ii. Ndërmarrjet shtetërore; ose iii. Ish-kooperativat bujqësore, njësitë e qeverisjes vendore, për pasuritë e ish-kooperativave; ose iv. Agjencia Qendrore e Ristrukturimit dhe Privatizimit të Ndërmarrjeve Bujqësore dhe degët e saj në rrethe; b) Evidenton nëse trualli dhe ndërtesa e privatizuar janë në posedim të kërkuesit, fakt i cili provohet nga evidentimi në terren; c) Verifikon nëse trualli për të cilin kërkohet kalimi i pronësisë është ende në pronësi shtetërore dhe nuk ka kaluar në pronësi të tretëve, si dhe nuk përbën tokë publike të patjetërsueshme, në kuptim të ligjit nr. 8743, datë 22.1.2001, “Për pronat e paluajtshme të shtetit”, të ndryshuar; ç) Verifikon nëse janë paguar nga subjekti detyrimet lidhur me pagesën e taksës së truallit në përdorim, nga data 7.6.2010 deri në datën e paraqitjes së kërkesës për kalimin e truallit shtetëror në përdorim.
11. Brenda 60 (gjashtëdhjetë) ditëve nga depozitimi i kërkesës, sipas pikës 4, të kreut I, të këtij vendimi, ASHK-ja kryen procedurat administrative, si më poshtë vijon: a) Verifikon dokumentacionin arkivor që administron institucioni dhe dokumentacionin e dorëzuar nga subjekti; b) Verifikon gjendjen juridike të pronësisë së truallit, nëse trualli për të cilin kërkohet kalimi i pronësisë është shtetëror apo jo; c) Verifikon gjendjen faktike të ndërtesës së privatizuar e të truallit për të cilin është kërkuar kalimi i pronësisë dhe harton aktin e evidentimit në terren, sipas aneksit 2, që i bashkëlidhet këtij vendimi dhe është pjesë përbërëse e tij.4. ASHK-ja përcakton sipërfaqen e truallit të ndërtesës së privatizuar që kalon në pronësi, duke u bazuar në:a) genplanin dhe dokumentacionin e praktikës së privatizimit të ndërtesës së regjistruar në regjistrin kadastral ose në dokumentacionin e dorëzuar nga subjekti për regjistrimin e ndërtesës së privatizuar; b) dokumentacionin hartografik ndihmës nga Arkivi Qendror Teknik i Ndërtimit apo nga Arkivi Qendror Shtetëror; ose c) aktin e evidentimit në terren, ku evidentohet sipërfaqja e truallit nën ndërtesë, kur mungon dokumentacioni sipas shkronjave “a” dhe “b”, të kësaj pike.5. Sipërfaqja e truallit të ndërtesës të privatizuar që kalon në pronësi është e njëjtë me sipërfaqen e përcaktuar në genplanin dhe në dokumentacionin në momentin e privatizimit të objektit. Në rastin e parashikimeve të shkronjës “c”, të pikës 4, të këtij kreu, sipërfaqja e truallit për të cilën miratohet kalimi i pronësisë është sipërfaqja nën objekt.6. Kalimi i pronësisë për sipërfaqen e truallit, për objektin e privatizuar si banesë, i cili edhe nga evidentimi në terren rezulton se nuk ka ndryshuar destinacion, kryhet pa pagesë, në masën e përcaktuar në dokumentacionin e privatizimit, me kushtin që kjo sipërfaqe të posedohet në terren nga subjekti.
12. Kalimi i pronësisë për sipërfaqen e trojeve të ndërtesave, me funksion social-ekonomik, bëhet kundrejt pagesës, sipas çmimit të përcaktuar në hartën e vlerës së tokës, miratuar me vendim të Këshillit të Ministrave. Për ndërtimet me funksion të përzier, kalimi i pronësisë për sipërfaqen e truallit do të bëhet me pagesë vetëm për pjesën që shfrytëzohet për veprimtari social-ekonomike, duke mbajtur parasysh raportin që zë kjo sipërfaqe në raport me sipërfaqen e përdorur për banim. Drejtoria vendore e ASHK-së llogarit detyrimin financiar dhe ia njofton atë subjektit, brenda10 (dhjetë) ditëve nga akti i evidentimit në terren. Pagesa e vlerës së truallit duhet të shlyhet nga subjekti brenda 60 (gjashtëdhjetë) ditëve nga data e marrjes së njoftimit.
13. Drejtoria vendore e ASHK-së, brenda 20 (njëzet) ditëve nga data e shlyerjes së pagesës për truallin e ndërtesës së privatizuar, miraton vendimin për miratim  ose  refuzim  të  kalimit  të pronësisë, sipas aneksit 3, që i bashkëlidhet këtij vendimi dhe është pjesë përbërëse e tij. Vendimi i miratuar, i shoqëruar edhe nga planvendosja e pasurisë, i njoftohet subjektit përfitues, brenda 5(pesë) ditëve nga data e miratimit.
14. Vendimi për  miratimin  e  kalimit  të  pronësisë  për  truallin  e  ndërtesës  së  privatizuar regjistrohet  në  regjistrin  kadastral,  kryesisht  nga  drejtoria  vendore  e  ASHK-së,  pasi  të  jetë plotësuar një nga kushtet e më poshtme:a) Të ketë kaluar afati 30-ditor i paraqitjes së ankimit administrativ ndaj vendimit dhe ndaj tij nuk është paraqitur ndonjë ankim. Afati i ankimit llogaritet nga data e njoftimit të vendimit; ose b) Të ketë përfunduar shqyrtimi i ankimit nga struktura e posaçme për ankimet në Drejtorinë e Përgjithshme të ASHK-së dhe vendimi të jetë lënë në fuqi apo të jetë vendosur mospranimi i ankimit; ose c) Kur struktura e posaçme për ankimet vendos për ndryshimin e përmbajtjes së vendimit të drejtorisë vendore ose shfuqizimin apo anulimin e pjesshëm, ose të plotë të tij, regjistrimi kryhet pasi drejtoria vendore të ketë miratuar vendimin e ri për dokumentin e pronësisë, në bazë të aktit të strukturës së posaçme.
15. Regjistrimi kryhet nga drejtoria vendore e ASHK-së, pa u kushtëzuar nga kërkesa për shërbim kadastral dhe nga parapagimi i tarifave kadastrale. Pas kryerjes së shërbimit të regjistrimit ajo njofton subjektin përfitues për të shlyer tarifat përkatëse. Deri në shlyerjen e vlerës së plotë të tarifës së shërbimit, mbi pasurinë e regjistruar rëndon hipoteka ligjore.
16. Pasuritë për të cilat është miratuar akti i kalimit të pronësisë, sipas përcaktimeve të këtij vendimi, publikohen çdo muaj në faqen zyrtare të internetit të ASHK-së. Drejtoria vendore e ASHK-së harton njoftimin publik, i cili duhet të përmbajë gjenealitetet e subjektit përfitues (emër, atësi, mbiemër), të dhënat e pasurisë (numër pasurie trualli dhe ndërtesë, zonë kadastrale) dhe adresën e pasurisë, në përputhje me përcaktimet e ligjit nr. 124/2024, “Për mbrojtjen e të dhënave personale”.
17. Nuk janë objekt trajtimi i këtij vendimi rastet që lidhen me privatizimin e objekteve të ish-ndërmarrjeve bujqësore, për të cilat ka filluar procesi i privatizimit nga ish-Agjencia Qendrore e Ristrukturimit dhe Privatizimit të ndërmarrjeve bujqësore, sipas parashikimeve të bëra në ligjin nr. 18/2023, “Për  përfundimin  e  procesit  të  privatizimit  të  objekteve  të  ish-ndërmarrjeve bujqësore”, dhe aktet nënligjore të dala në zbatim të tij.

III. KALIMI I PRONËSISË PËR TROJET E PAPRIVATIZUARA TË NDËRTESAVE TËNGRITURA NË BAZË TË LEJEVE TË NDËRTIMIT TË LËSHUARA NGA ORGANET EVETËQEVERISJES VENDORE, PAS DATËS 10.8.1991 E NË VAZHDIM, KUR MUNGONDOKUMENTACIONI I DHËNIES SË TOKËS PËR NDËRTIM

1. Subjektet, që  paraqesin  kërkesë  sipas  këtij  kreu,  për  kalimin  e  pronësisë  për  trojet  e ndërtesave të ngritura në bazë të lejes së ndërtimit, të lëshuar pas datës 10.8.1991 e në vazhdim,e shoqërojnë kërkesën me dokumentacionin, si më poshtë vijon:a) Lejen e ndërtimit dhe genplanin përkatës, kur pronësia mbi ndërtesën nuk është regjistruar në regjistrin kadastral dhe deklaratën noteriale të mostjetërsimit të ndërtesës tek të tretët. Në këtë rast, ASHK-ja shqyrton dokumentacionin e depozituar pranë saj, me qëllim vërtetimin e pronësisë së ndërtesës; ose b) Kontratën e kalimit të pronësisë për ndërtesën, në rastin kur ajo ka kaluar tek të tretët; ose c) Vërtetimin ose certifikatën e pronësisë për ndërtesën kur është e regjistruar; dhe ç) Vërtetimin e lëshuar nga organet e vetëqeverisjes vendore, që vërteton se subjekti ka paguar rregullisht qiranë e truallit në përdorim nga përfundimi i procedurës së lejes së ndërtimit deri në datën 7.6.2010, si dhe nga drejtoria rajonale e tatimeve për pagesën e taksës së truallit në përdorim, nga data 7.6.2010 deri në datën e paraqitjes së kërkesës për kalimin në pronësi të truallit shtetëror në përdorim.
2. Brenda 60 (gjashtëdhjetë) ditëve nga depozitimi i kërkesës, sipas pikës 1, të këtij kreu, ASHK-ja kryen procedurat administrative, si më poshtë vijon: a) Verifikon nëse për ndërtesën ka leje ndërtimi, të miratuar nga organet e vetëqeverisjes vendore, në periudhën kohore pas datës 10.08.1991 e në vazhdim; b) Verifikon nëse ka dokumentacion administrativ për dhënien e truallit për ndërtim nga organete vetëqeverisjes vendore, ku këto të fundit lëshojnë vërtetim për këtë fakt; c) Evidenton nëse trualli është në posedim të kërkuesit, fakt i cili provohet nga evidentimi në terren; ç) Verifikon nëse trualli është ende në pronësi shtetërore dhe nuk ka kaluar në pronësi të të tretëve, si dhe nuk përbën tokë publike të patjetërsueshme, në kuptim të ligjit nr. 8743, datë22.1.2001, “Për pronat e paluajtshme të shtetit”, të ndryshuar; d) Verifikon nëse janë paguar nga subjekti detyrimet lidhur me pagesën e qirasë së truallit, nga përfundimi i procedurës së lejes së ndërtimit deri në datën 7.6.2010, si dhe pagesën e taksës së truallit në përdorim për periudhën, nga data 7.6.2010 deri në datën e paraqitjes së kërkesës për kalimin në pronësi të truallit shtetëror në përdorim.
3. ASHK-ja përcakton sipërfaqen e truallit të ndërtesës së privatizuar që kalon në pronësi, duke u bazuar në: a) genplanin dhe dokumentacionin e praktikës së lejes së ndërtimit të regjistruar në regjistrin kadastral ose në dokumentacionin e dorëzuar nga subjekti për regjistrimin e ndërtesës, në të cilën janë përcaktuar objekti dhe sheshi i ndërtimit; b) dokumentacionin hartografik ndihmës nga Arkivi Qendror Teknik i Ndërtimit apo Arkivi Qendror Shtetëror; ose c) aktin e evidentimit në terren, ku evidentohet sipërfaqja e truallit nën objekt, kur mungon dokumentacioni, sipas shkronjave “a” dhe “b”, të kësaj pike.
4. Sipërfaqja e truallit të objektit të ngritur në bazë të lejes së ndërtimit, që kalon në pronësi, është e njëjtë me sipërfaqen e përcaktuar në genplanin shoqërues të lejes së ndërtimit ose dokumentacionin ligjor të saj. Në rastin e parashikimeve të shkronjës “c”, të pikës 3, të këtij kreu, sipërfaqja e truallit, për të cilën miratohet kalimi i pronësisë, do të jetë sipërfaqja nën objekt.
5. Kur ndërtesa ka funksion banimi sipas lejes së ndërtimit, si dhe nga evidentimi në terren konstatohet se përdoret për banim, kalimi i pronësisë mbi truallin, për sipërfaqen e konfiguruar sipas dokumentacionit të lejes së ndërtimit (ku bën pjesë edhe trualli nën ndërtesë), kryhet pa pagesë.
6. Kur ndërtesa e ngritur në bazë të lejes së ndërtimit, lëshuar pas datës 10.8.1991 e në vazhdim, ka funksion social-ekonomik, vlera e truallit për të cilin miratohet kalimi i pronësisë llogaritet në bazë të çmimit të përcaktuar në hartën e vlerës së tokës, miratuar me vendim të Këshillit të Ministrave. Për ndërtimet me funksion të përzier, kalimi i pronësisë për sipërfaqen e truallit do të bëhet me pagesë vetëm për pjesën që shfrytëzohet për veprimtari social-ekonomike, duke mbajtur parasysh raportin që zë kjo sipërfaqe në raport me sipërfaqen e përdorur për banim. Drejtoria vendore e ASHK-së llogarit detyrimin financiar dhe ia njofton atë subjektit, brenda10 (dhjetë) ditëve nga akti i evidentimit në terren. Pagesa e vlerës së truallit duhet të shlyhet nga subjekti brenda 60 (gjashtëdhjetë) ditëve nga data e marrjes së njoftimit.
7. Rregullat e parashikuara në pikat 8–11, të kreut II, të këtij vendimi, që lidhen me afatet e miratimit, njoftimit, regjistrimit dhe publikimit të vendimit të kalimit të pronësisë mbi truallin, zbatohen edhe për ndërtesën e ngritur në bazë të lejes së ndërtimit, lëshuar pas datës 10.8.1991 enë vazhdim.
8. KALIMI I PRONËSISË SË TRUALLIT SHTETËROR NË PËRDORIM KUR PRONARII NDËRTESËS SË PRIVATIZUAR/ME LEJE NDËRTIMI KA KRYER EDHE NDËRTIM PALEJE OSE KUR TRUALLI SHTETËROR ËSHTË TRANSFERUAR TEK INSTITUCIONETQENDRORE DHE NJËSITË E VETËQEVERISJES VENDORE1. Nëse ASHK-ja gjatë evidentimit në terren verifikon se poseduesi i truallit në përdorim ka kryer ndërtime pa leje mbi të njëjtin truall, të lidhura me ndërtesën e privatizuar/me leje ndërtimi, kalimi i pronësisë së truallit do t’i nënshtrohet përcaktimeve të pikës 1, të nenit 63, të ligjit, dhe parashikimeve të këtij vendimi.
9. Kur nga evidentimi në terren, sipas shkronjës “c”, të pikës 4, të kreut II, të këtij vendimi, konstatohet se ka ndryshim të sipërfaqeve në raport me dokumentacionin e privatizimit, në masën minus/plus 5 për qind, por në asnjë rast, jo më shumë se 50 (pesëdhjetë) m2, ky ndryshim do të konsiderohet si normë gabimi në matje. Ky ndryshim i konstatuar nga evidentimi në terren do të mbahet parasysh gjatë procesit të kalimit të sipërfaqes së truallit shtetëror në përdorim.
10. Nëse trualli për të cilin kërkohet kalimi i pronësisë, me përjashtim të pronës publike të patjetërsueshme, gjendet në pasuri të transferuara në përgjegjësi administrimi tek institucionet eqeverisjes qendrore, sipas legjislacionit në fuqi për transferimin e pronave të paluajtshme publike të shtetit, apo në përdorim te njësitë e vetëqeverisjes vendore, sipas legjislacionit në fuqi për transferimin e pronave të paluajtshme të shtetit te njësitë e qeverisjes vendore, me miratimin e kalimit të pronësisë, sipas këtij vendimi, shuhet edhe përgjegjësia e administrimit apo e përdorimit, sipas rastit. ASHK-ja regjistron vendimin në regjistrat kadastralë dhe për këto sipërfaqe njofton organet shtetërore përkatëse për shuarjen e përgjegjësisë së administrimit, duke i bashkëlidhur njoftimit dokumentacionin, si më poshtë vijon: a) Kopje të vendimit të kalimit të pronësisë së truallit në përdorim në emër të subjektit; b) Hartën kadastrale të pronës për të cilën shuhet përgjegjësia e organit shtetëror qendror/njësisë së vetëqeverisjes vendore. Organet e qeverisjes qendrore/njësitë e vetëqeverisjes vendore kanë të drejtë t’i kërkojnë Këshillit të Ministrave zëvendësimin e këtyre pasurive me pasuri të tjera shtetërore, të lira.
11. Nëse trualli për të cilin kërkohet kalimi i pronësisë, me përjashtim të pronës publike të patjetërsueshme, figuron i regjistruar në regjistrat kadastralë në pronësi të njësive të vetëqeverisjes vendore, me miratimin  e  kalimit  të  pronësisë,  ASHK-ja  njofton  këto  institucione  për vendimmarrjen për kalimin në pronësi të truallit shtetëror në përdorim dhe i kërkon përditësimin e listës së pronave shtetërore. Vetëm pas miratimit të vendimit të Këshillit të Ministrave, për heqjen nga inventari të kësaj pasurie, ASHK-ja vijon me regjistrimin e vendimit për kalimin në pronësitë truallit shtetëror në regjistrin kadastral në favor të subjektit. Njësitë e vetëqeverisjes vendore kanë të drejtë t’i kërkojnë Këshillit të Ministrave zëvendësimin e këtyre pasurive me pasuri të tjera shtetërore, të lira.
12. TRAJTIMI I RASTEVE PËRJASHTIMORE, SI PASOJË E ZBATIMIT TË VENDIMITNR. 413, DATË 25.6.2014, TË KËSHILLIT TË MINISTRAVE1. Në rastet kur ndërtesa e privatizuar/me leje ndërtimi është e regjistruar në regjistrin kadastral, por ASHK-ja nuk administron praktikën e regjistrimit apo mungojnë akte në përmbajtje të praktikës, atëherë do  të  kërkohet,  sipas  rastit,  kopje  e  konfirmuar  e  praktikës  apo  e dokumentacionit që është në mungesë, pranë Drejtorisë së Përgjithshme të Arkivave, arkivit vendor, arkivit noterial apo institucionit publik, ku është depozituar dokumentacioni i ndërtesës sëprivatizuar/me leje ndërtimi. Nëse nga kërkimi rezulton se dosja mungon, ASHK-ja do të pranojë dokumentacionin  origjinal  që  disponon  subjekti  i  interesuar,  e  shoqëruar  nga  një  deklaratë noteriale, nëpërmjet të cilës ai merr përsipër përgjegjësinë për origjinalitetin dhe vërtetësinë e dokumentacionit të dorëzuar për mostjetërsimin e pasurisë tek të tretët, si dhe për faktin që titulli i pronësisë nuk është shpallur i pavlefshëm me një vendim gjyqësor të formës së prerë.
13. Në rastin kur nga dokumentacioni i administruar rezultojnë pagesa të kryera nga subjekti për blerjen e truallit të ndërtesës së privatizuar/me leje ndërtimi, pas konfirmimit të tyre ato merren të mirëqena, në funksion të përfundimit të procedurës administrative të kalimit në pronësi të truallit shtetëror në përdorim.
14. Kur ndërtesa e privatizuar figuron e regjistruar në regjistrat kadastralë dhe e tjetërsuar tek të tretët, por akti i origjinës së fitimit të pronësisë (akti i privatizimit) nuk është në formën e kërkuar nga ligji (jo përpara noterit), ASHK-ja vijon procedurat për kalimin e pronësisë së truallit shtetëror, për subjektin që ka pronësinë mbi ndërtesën.
15. Kur gjatë kryerjes së procedurave administrative, ASHK-ja konstaton se pronësia mbi ndërtesën e privatizuar/ndërtesën me leje ndërtimi është transferuar tek të tretët, kalimi në pronësi i truallit do të realizohet në favor të këtyre të fundit.
16. DISPOZITA KALIMTARE DHE TË FUNDIT1. Kërkesat e paraqitura përpara hyrjes në fuqi të këtij vendimi, për të cilat struktura e shitjes së pronës publike në ministrinë përgjegjëse, nuk ka përfunduar procedurën administrative të kalimit të pronësisë së truallit, do t’i nënshtrohen përcaktimeve të këtij vendimi.2. Vendimi nr. 413, datë 25.6.2014, i Këshillit të Ministrave, “Për përcaktimin e kritereve e të procedurave të shitjes së trojeve në përdorim, sipërfaqes së domosdoshme, dhe trojeve shtesë funksionale të ndërmarrjeve shoqërive tregtare, të objekteve shtetërore të veçuara, të privatizuara, të objekteve apo ndërtesave të shitura të ish-kooperativave bujqësore, si dhe të ndërtesave të ndërtuara në bazë të lejeve të ndërtimit”, i ndryshuar, shfuqizohet, me përjashtim të rregullave që lidhen me privatizimin e truallit shtetëror në përdorim për personat juridikë, shoqëri tregtare

.3. Ngarkohen Agjencia Shtetërore e Kadastrës dhe struktura përgjegjëse për shitjen e pronës publike pranë ministrisë përgjegjëse për administrimin e pronës shtetërore për zbatimin e këtij vendimi.Ky vendim hyn në fuqi pas botimit në Fletoren Zyrtare.

 

 

The post Privatizimi i truallit te ish-ndërmarrjet shtetërore, Kadastra miraton procedurat për aplikim appeared first on Revista Monitor.

Puna në më shumë se një vend mund të përmirësojë aftësinë e përshtatjes së punonjësve, vetëbesimin dhe inteligjencën kulturore. Në Tregun e Vetëm Europian, 17% e kërkuesve të punës kanë pasur përvojë pune ndërkombëtare, duke u dhënë atyre një shije jete larg vendit të origjinës.

Mundësia për të punuar jashtë vendit ndikon fort në rrugëtimin profesional, pasi punonjësit zhvillojnë aftësi që mund të mos i kishin kultivuar në vendin e tyre. Falë statusit të Europës si treg i vetëm, numri i personave që kanë punuar jashtë vendit është relativisht i lartë, por ku në Europë punonjësit kanë më shumë përvojë ndërkombëtare?

Platforma e punësimit Indeed i përkufizon “punonjësit me lëvizshmëri ndërkombëtare” si ata që kanë të paktën një përvojë pune në një vend tjetër nga vendi ku jetojnë aktualisht.

Në fund të vitit 2025, 16.7% e kërkuesve të punës në tregun e vetëm kishin përvojë ndërkombëtare në CV-në e tyre, sipas platformës së punësimit Indeed. Për krahasim, vetëm rreth 5.1% e punonjësve në Shtetet e Bashkuara kishin lëvizshmëri ndërkombëtare.

“Pjesa e lartë e punonjësve me lëvizshmëri ndërkombëtare në Europë pasqyron si politikat që mbështesin lëvizshmërinë, ashtu edhe vlerën që i jepet përvojës profesionale ndërkufitare”, tha Sneha Puri, analiste e politikave të emigracionit në Indeed.

Të dhënat e Indeed mbulojnë tetë vende europiane, njëri prej të cilëve nuk është më pjesë e tregut të vetëm, dhe pesha e përvojës ndërkombëtare të punës ndryshon ndjeshëm mes tyre.

Zvicra dhe Irlanda: ekonomi relativisht më të vogla

Zvicra ka përqindjen më të lartë të përvojës së huaj të punës, me më shumë se gjysmën e punëkërkuesve (51%) që raportojnë përvojë jashtë vendit. Kjo shifër është mbi dy në pesë (42%) në Irlandë. Këto dy vende janë përjashtime.

Gjermania renditet e treta, me një të katërtën e kërkuesve të punës që kanë përvojë pune jashtë vendit. Kjo peshë është gjithashtu më e lartë se një në pesë kërkues pune në Spanjë dhe në Mbretërinë e Bashkuar.

Përvoja e huaj e punës është më e lartë se mesatarja e Tregut të Vetëm edhe në Holandë dhe Francë.

Afërsia gjeografike dhe madhësia e ekonomive

Sneha Puri vuri në dukje se ka disa faktorë që kontribuojnë në ndryshimet e nivelit të punonjësve me lëvizshmëri ndërkombëtare nëpër Europë.

“Afërsia gjeografike luan një rol të rëndësishëm në lëvizjen brenda tregut të vetëm. Vendet që ndodhen pranë disa tregjeve të mëdha të punës priren të përjetojnë më shumë lëvizshmëri ndërkufitare dhe të lehtësojnë lëvizjen brenda tregut të vetëm”, tha ajo.

Për shembull, punonjësit me lëvizshmëri ndërkombëtare në Zvicër mund të vijnë shumë lehtë nga një prej vendeve të saj të shumta fqinje, si Austria, Franca, Gjermania, Italia dhe Lihtenshtajni.

Puri shpjegoi se disa vende europiane tërheqin gjithashtu më shumë emigrantë ndërkontinentalë se të tjerat, ose për shkak të pranisë së më shumë korporatave shumëkombëshe, ose për shkak të numrit më të lartë të studentëve ndërkombëtarë.

Duke iu referuar Zvicrës dhe Irlandës, ajo shtoi: “Së fundi, dhe ndoshta një nga faktorët më të mëdhenj, është vetë numri i punonjësve në ekonomi.”

Kërkuesit europianë të punës shohin përtej kufijve

Të dhënat e Indeed tregojnë se kërkuesit e punës në tregun e vetëm europian po shikojnë gjithnjë e më shumë mundësi jashtë vendeve të tyre, si brenda bllokut, ashtu edhe përtej tij. Ky interes ndahet në dy kategori.

Interesi brenda tregut të vetëm i referohet kërkimeve për punë nga punonjës në një vend anëtar për role në një vend tjetër anëtar.

Interesi dalës përfshin kërkimet nga kërkues pune në vendet anëtare për punë në vende joanëtare.

Dy përqindjet ishin afërsisht të barabarta deri në mesin e vitit 2024, zakonisht duke lëvizur mes 2% dhe 4%. Që nga dhjetori 2024, megjithatë, interesi dalës filloi të rritej, duke arritur kulmin prej 7.2% në tetor 2025. Interesi brenda tregut të vetëm mbetet në 5.4%.

SHBA-ja dhe Mbretëria e Bashkuar janë destinacionet kryesore jashtë tregut të vetëm europian për kërkimet e punës jashtë bllokut. Në vitin 2025, ato përbënin përkatësisht 40.5% dhe 30.4% të këtyre kërkimeve, me Gjermaninë si vendin kryesor të origjinës për të dy destinacionet.

Mbretëria e Bashkuar u largua nga Tregu i Vetëm pas Brexit në fund të vitit 2020. / Euronews

The post Përvoja ndërkombëtare e punës në Europë: cilat vende kryesojnë dhe pse? appeared first on Revista Monitor.

Edhe sot, Kosova është zgjuar nën zhurmën e gjeneratorëve. Për të dytën herë brenda pak ditëve, sistemi energjetik në Kosovë, është në kaos. KOSTT ka bërë të ditur se KESCO sërish ka devijuar ndërmjet energjisë dhe kërkesës reale.

 

Operatori i Sistemit, Transmisionit dhe Tregut në Kosovë (KOSTT) njoftoi se shteti po përballet me probleme të furnizimit me energji elektrike.

Përmes një njoftimi KOSTT ka treguar se po përballet me vështirësi në balancimin e sistemit energjetik, për shkak të, siç u shpreh, devijimeve të mëdha midis energjisë së nominuar dhe kërkesës reale.

Energjia e nominuar është parashikimi që bën Operatori për Furnizim me Energji Elektrike (KESCO) se sa energji u duhet konsumatorëve.

“Sot, KESCO ka nominuar rreth 26.17 për qind më pak energji sesa kërkesa reale, duke e çuar zonën e kontrollit KOSTT në jobalanca mesatare prej rreth 211 MW në orë, ndërsa në disa orë këto jobalanca tejkalojnë 260 MW në orë. Kjo situatë është e papranueshme dhe cenon stabilitetin e sistemit elektroenergjetik”.

KOSTT-i kërkoi që nominimet të reflektojnë “saktë kërkesën reale” duke kërkuar korrigjim të menjëhershëm në mënyrë të që ruhet siguria e sistemit energjetik.

“Në këtë situatë, KOSTT është detyruar që të kërkojë aplikimin e kufizimit të ngarkesës, si masë e fundit për garantimin e operimit të sigurt, deri në përmirësimin e gjendjes”, u tha në njoftim.

Kurse, KESCO ka njoftuar konsumatorët dhe opinionin publik se sistemi elektroenergjetik aktualisht po operon në kushte të vështira dimërore.

Sipas KESCO, temperaturat e ulëta dhe përdorimi i shtuar i energjisë elektrike për ngrohje kanë ndikuar në rritje të theksuar të konsumit.

“Në periudhat kur prodhimi vendor mbetet i ulët, nevoja për import të energjisë elektrike rritet ndjeshëm. Megjithatë, mundësitë për sigurimin e energjisë nga importi janë të kufizuara për shkak të kushteve teknike të sistemit elektroenergjetik në të cilin operon Kosova, duke e bërë të vështirë mbulimin e plotë të kërkesës në çdo moment”.

KESCO thotë se është vazhdimisht i angazhuar në shfrytëzimin e të gjitha mundësive të disponueshme për sigurimin e energjisë elektrike, përfshirë kontratat afatgjata dhe blerjet në tregjet afatshkurtra.

Megjithatë, në njoftim thuhet se në situata kur nevoja për import është shumë e lartë, mbulimi i plotë i kërkesës paraqet vështirësi të mëdha.

“Kursimi i energjisë elektrike është i domosdoshëm si nga aspekti operativ ashtu edhe nga ai teknik. KESCO mbetet e përkushtuar në përmbushjen e obligimeve ndaj konsumatorëve dhe në bashkëpunim të vazhdueshëm me institucionet relevante, po punon për ruajtjen e stabilitetit të sistemit dhe sigurimin e furnizimit me energji elektrike. Faleminderit për mirëkuptimin dhe bashkëpunimin tuaj gjatë kësaj periudhe sfiduese”.

Njohësi i çështjeve politike, Ilir Deda, ka thënë se KOSTT duhet ta tregojë orarin e reduktimeve.

“KOSTT lirisht mundet me i thjeshtu komunikatat, në vend të “nominimeve të KESCO” vetëm na tregoni orarin e reduktimeve – sa me sa – sa orë do të ketë rrymë dhe sa orë s’do të ketë rrymë”.

Ka reaguar edhe analisti politik Shenoll Muharremi, i cili ka lidhur situatën energjetike me performancën e qeverisë dhe rezultatin zgjedhor të Lëvizjes Vetëvendosje.

Në një postim publik, Muharremi shkruan se, ashtu siç po bien blloqet e KEK-ut, është dashur të binte edhe mbështetja elektorale për LVV-në. Sipas tij, nëse partia ka pasur 42.3 për qind të votave, pas kësaj qeverisjeje ajo është dashur të zbresë në rreth 30 për qind.

“Po doni me qenë krenar, po të varfën. Me e ngritë kokën lart po doni, e këpucat i keni të grisura”, shkruan Muharremi, duke përdorur metafora për të përshkruar gjendjen ekonomike dhe infrastrukturore të vendit.

Ai shton se shteti po i lë bizneset pa energji elektrike, por njëkohësisht po vazhdon t’ua marrë taksat, duke e krahasuar këtë situatë me shfrytëzimin e një lope që ushqehet gjithnjë e më pak, derisa rrezikon të ngordhë.

Qytetarët në Kosovë janë përballur me mungesë të energjisë elektrike edhe në të kaluarën, dhe rasti i fundit ishte në dhjetorin e vitit 2025, kur autoritetet bën thirrje për kursim të energjisë elektrike në orët e pikut.

Kosova prodhon pjesën më të madhe të energjisë elektrike përmes dy termocentraleve të vjetra, Kosova A dhe B.

Përmes këtyre dy termocentraleve, që funksionojnë me thëngjill, Kosova prodhon 94 për qind të energjisë, apo rreth 800 megavat në orë, ndërkaq pjesa tjetër sigurohet përmes energjisë së gjelbër, përkatësisht nga hidrocentralet, turbinat e erës dhe panelet diellore.

Qeveria në detyrë e Kosovës ka thënë se vetëm më 2025 ka ndarë miliona euro për rehabilitimin e tyre.

Të dhënat e Doganës së Kosovës tregojnë se vendi ka importuar rrymë në vlerë të rreth 248 milionë eurove në periudhën janar-nëntor 2025, ndërsa ka eksportuar në vlerë të rreth 48 milionë eurove.

Importin, Kosova e ka siguruar kryesisht nga Maqedonia e Veriut, në vlerë të 114 milionë eurove, dhe nga Shqipëria, në vlerë të 94 milionë eurove, ndërsa ka importuar në vlera nga 3-4 milionë edhe nga Sllovenia, Serbia e Danimarka.

The post Probleme në furnizim, Kosova sërish në telashe me energjinë elektrike appeared first on Revista Monitor.

Ryanair, operatori ajror me kosto të ulët ka konfirmuar se ka shtuar dhe 20 destinacione të reja që do të nisen nga Shqipëria, duke e çuar në total numrin e destinacioneve në 23.

Destinacionet e reja janë kryesisht në Itali e Gjermani si dhe në vendet e tjera të Europës.

20 destinacionet e reja janë: Algjero, Baden-Baden, Birmingam, Bratisllavë, Dublin, Ajndhoven, Gdansk, Xhenova, Liverpul, Maltë, Memingen, Milano, Napoli, Parma, Peskara, Poznan, Trieste, Torino, Verona dhe Vroclav.

Ryanair është operatori i dytë më i madh në vend. Sipas të dhënave nga Tirana International Airport, në nëntor 2025, ai zinte 24% të tregut të fluturimeve ajrore, sipas numrit të pasagjerëve.

Kompania më e madhe mbetet Wizz Air, me 59% të tregut po në nëntor.

Kthimi i vendit në destinacion turistik ka nxitur tregun e industrisë ajrore, ku operatorët me kosto të ulët po shtojnë vazhdimisht numrin e destinacioneve, me çmime të ulëta. Aeroporti i Rinasit është bërë ndërkohë një qendër rajonale, duke tërhequr udhëtarë nga vendet fqinjë, kryesisht Mali i Zi dhe Kosova.

Sipas të dhënave nga TIA, për periudhën janar- nëntor 2025 kanë udhëtuar nga dhe drejt Rinasit 10.8 milionë pasagjerë, ndërkohë që për gjithë vitin 2024 ishin përpunuar gjithsej 10.7 milionë pasagjerë.

The post Ryanair shton 20 destinacione të reja nga Shqipëria appeared first on Revista Monitor.

Si të udhëtoni më shumë kur keni një punë me pushime vjetore të kufizuara? Duke planifikuar pushime të shkurtra në fundjavë, sigurisht.

Mirë se vini në lavdinë e pushimit urban. Nuk ka mënyrë më të mirë për të kaluar disa ditë sesa t’i mbushësh ato plot me ushqim, histori dhe jetë nate në një qytet të ri.

Por edhe pa përdorur asnjë ditë pushimi, ka vetëm një numër të kufizuar udhëtimesh që mund të bësh brenda një viti.

Ekipi i redaktorëve dhe shkrimtarëve të udhëtimeve të Time Out e dinë mirë se cilat vende ia vlejnë kohën tuaj. Ata kanë bashkuar vitet e tyre të përvojës për t’ju ardhur në ndihmë të vendosni se ku duhet t’ju çojë udhëtimi i parë i vitit 2026.

Dhe rekomandimi i tyre kryesor? Milano, qyteti më elegant i Italisë.

Ka shumë gjëra për t’u dashur te Milano. Edhe pse është qyteti i dytë më i madh në vend, ai eksplorohet lehtësisht brenda pak ditësh, sepse shumë nga atraksionet më të famshme, si katedralja Duomo dhe qendra historike, janë të përqendruara pranë njëra-tjetrës.

Kjo e bën qytetin të përshtatshëm për ecje dhe kompakt, pa u ndier i vogël apo klaustrofobik. Pa dyshim, është gjithashtu një destinacion i shkëlqyer për blerje.

Por pse pikërisht tani? Muajin e ardhshëm, qyteti do të presë Lojërat Olimpike Dimërore 2026.

Prisni shumë emocion, bare të mbushura dhe, nëse ekipi italian siguron disa medalje, një atmosferë përgjithësisht shumë pozitive.

Mes energjisë së lartë të turneut dhe “listës së monumenteve historike, rrugëve elegante dhe gastronomisë së pakrahasueshme të qytetit”, Ella Doyle e Time Out mendon se ai duhet të jetë “një destinacion i domosdoshëm në çdo listë udhëtimesh”. / Time Out, Shqip.al

The post Qytetet më të mira europiane ku mund të kaloni pushimet në vitin 2026 appeared first on Revista Monitor.

Kompanitë në Mbretërinë e Bashkuar kanë shkur­tuar vendet e punës me ritmin më të shpejtë që nga viti 2020 dhe rritja e pagave është zbutur në nivelin më të ulët të tre viteve e gjysmë, duke dhënë sinjale të tjera të dobësimit të tregut të punës, ndërsa Banka e Anglisë po vlerëson se sa më tej mund të ulë normat e interesit.

Të dhënat tatimore treguan se numri i të punësuarve në listëpagesa ra me 43,000 në dhjetor, muajin pas buxhetit me rritje taksash të Kancelares së Thesarit Rachel Reeves, njoftoi Zyra e Statistikave Kombëtare.

Rënia ishte dyfishi i pritshmërive të tregut dhe më e madhja që nga viti 2020, megjithëse këto shifra shpesh rishikohen ndjeshëm. Papunësia sipas Anketës së Forcës së Punës të ONS qëndroi pranë nivelit më të lartë të gati pesë viteve, në 5.1% në tre muajt deri në nëntor.

Tregu i punës është një fokus kyç për politikëbërësit e Bankës së Anglisë, të cilët javët e fundit kanë paralajmëruar se rënia mund të përkeqësohet, mes provave se kompanitë po kalojnë nga pezullimi i punësimeve te shkur­timi i vendeve të punës.

Të dhënat e fundit nënkuptojnë se listëpagesat kanë rënë me 220,000 që kur Reeves rriti kostot e punësimit në buxhetin e saj të parë në tetor 2024. Megjithatë, tregjet financiare po çmojnë plotësisht vetëm një ulje tjetër të normës këtë vit, me rreth 70% gjasa për një të dytë.

Sterlina uli fitimet e mëparshme për t’u tregtuar në 1.3429 dollarë. Edhe parashikimet për normat mbetën kryesisht të pandryshuara, me tregjet që shohin pak gjasa për një ulje të kostos së huamarrjes muajin e ardhshëm ose në mars.

Rritja e pagave pa bonuset u zbut në 4.5% në tre muajt deri në nëntor, nga 4.6% në periudhën deri në tetor dhe në përputhje me parashikimet. Ndërsa rritja e rregullt e pagave në sektorin privat ra ndjeshëm në tre muajt deri në nëntor, në 3.6% nga 3.9% në tre muajt deri në tetor, pagat në sektorin publik u rritën me 7.9%. Kjo është rritja më e lartë e pagave në sektorin publik në të paktën 24 vite.

Shëndeti i tregut të punës shihet si vendimtar për përcaktimin e shkallës dhe shpejtësisë së uljeve të normave të interesit në vitin 2026. Një ekonomi e zbehtë, paga minimale më e lartë, rritjet e taksave dhe inteligjenca artificiale kanë ndihmuar të gjitha në zbehjen e kërkesës për punëtorë në Mbretërinë e Bashkuar.

Ka shenja se kompanitë po bëhen më proaktive në shkur­timin e vendeve të punës, duke ushqyer shqetësimet se rënia po thellohet.

Norma e largimeve nga puna u rrit në 4.9 për çdo 1,000 punonjës në tre muajt deri në nëntor, nga 3.8 në tre muajt deri në gusht.

Kompanitë në Britani njoftuan edhe 21,192 largime të mundshme nga puna vetëm në dhjetor, shifra më e lartë për këtë muaj në të paktën gjashtë vite, përfshirë periudhën e pandemisë.

Masa mujore e papunësisë u rrit në 5.3%, niveli më i lartë që nga dhjetori 2020.

Megjithatë, pati një rritje të vogël të vendeve vakante me 10,000, në 734,000 në tre muajt deri në dhjetor, krahasuar me korrik–shtator 2025.

Rritja e pagave kryesore mbetet e lartë për shkak të rritjeve të forta të pagave në sektorin publik. Megjithatë, kjo mbështetje ka të ngjarë të zbehet në muajt në vijim, kur marrëveshjet e vitit të kaluar të dalin nga krahasimet.

Mosmarrëveshjet e punës i kushtuan Mbretërisë së Bashkuar rreth 155,000 ditë pune të humbura në nëntor, numri më i lartë që nga janari 2024. Më shumë se gjysma e ditëve të punës të humbura në sektorin e shëndetësisë erdhën si pasojë e grevave të mjekëve në Angli.

Papunësia e të rinjve u rrit në 13.7% në tre muajt deri në nëntor, niveli më i lartë që nga viti 2020. Situata është veçanërisht e rëndë për të rinjtë meshkuj, ku norma e papunësisë arriti në 16.4%.

Gati një e katërta e personave të papunë kanë qenë pa punë për më shumë se një vit, nga rreth 20% një vit më parë.

Papunësia u rrit me 103,000, në 1.84 milionë, në tre muajt deri në nëntor krahasuar me tremujorin pararendës, por edhe punësimi u rrit, me 82,000, në 34.3 milionë. Rritja e të dyja masave duket se është nxitur nga persona që dolën nga pasiviteti për të kërkuar punë.

Disa vendimmarrës për normat besojnë se rritja e pagave nuk po ulet mjaftueshëm shpejt për të lehtësuar luftën kundër inflacionit. Sinjalet e hershme nga rrjeti i agjentëve që i përcjellin Bankës së Anglisë informacion nga terreni sugjerojnë se bizneset do të japin rritje pagash prej 3.5% këtë vit, nivele që nuk përputhen me objektivin e inflacionit prej 2%. / Bloomberg

The post Kompanitë britanike shkurtojnë vendet e punës në nivelin më të lartë në 5 vite, pagat ngadalësohen appeared first on Revista Monitor.

Dy rrugë në Ksamil pritet t’i nënshtrohen rikualifikimit ku ndërhyrja do të përfshijë trotuaret për këmbësorët, rrethimet e brendshme dhe zonat çlodhëse.

Bashkia e Sarandës  shpalli fituesin e kontratës “Ndërtim trotuare, rikualifikim i rrethimeve anësore në rrugët e brendshme dhe rikualifikim hapësirave clodhëse Ksamil” kompaninë Shëndëlli me një ofertë rreth 700 mijë euro. Më herët, në dokumente Bashkia sqaronte se cilat ishin rrugët dhe ndërhyrjet specifike që do të kryheshin.

E para është ndërhyrja në rrugën “Lefter Talo – Sami Frashëri” me një gjatësi 1054 metra. Sipas dokumentit rruga ka nevojë për ndërtimin e trotuareve dhe rikualifikimin e rrethimeve anësore në rrugët e brendshme, pra nuk do të ketë prishje të rrugës ekzistuese.

“Projekti fillon me zgjerime për të krijuar aksesin e kalimit të këmbësorëve, ku sipas preventivit të punimeve do të kemi punime gërmimi, punime struktura prej betoni, transport e marrje materialesh si dhe sistemimin e zonës për vazhdimin e fazës tjetër që janë ndërtimi i mureve mbajtës për krijimin e gjerësisë së nevojshme prej 1.5 m në secilën anë të rrugës.

Në vijim do të kemi punimet e shtresave të trotuarit sipas profilit tip të rrugës, gjithashtu do të kemi mbushje me çakëll pas mureve mbajtës. Pas përfundimit të këtyre punimeve do të kemi ndërtimin e mureve rrethues me lartësi 70-90 cm sipas terrenit, të cilët do të vishen me pllakë guri dekorativ.

Sipër murit do të vendosen dhe zgara dekorative hekuri me konfiguracion mesatar me diametër të shufrës 1 cm dhe peshë specifike 0.79 kg të vendosura çdo 15 cm”, thuhet në dokument.

Rruga tjetër ku do të ndërhyhet është ajo “Ibrahim Rugova” në një gjatësi 370 metra ku do të bëhet ndërtimi i trotuareve dhe rikualifikimi i rrethimeve anësore në rrugë. Projekti fillon me zgjerime për të krijuar aksesin e kalimit të këmbësorëve.

Bashkia e argumenton këtë ndërhyrje si të nevojshme për të sjellë në kushte të përshtatshme rrugët e Ksamilit që konsiderohet një nga destinacionet më të frekuentuara dhe marketuara për potencialin e tij turistik. Ndërhyrjet duhet të kryhen 5 muajsh nga nënshkrimi i kontratës.

 

The post Ndërhyrjet në rrugët e Ksamilit, shpallet fituesi i kontratës për trotuaret dhe rrethimet anësore appeared first on Revista Monitor.

Në një epokë ndryshimesh të shpejta ekonomike, pasuritë e mikpritjes kërkojnë më shumë se thjesht shërbim – ato kërkojnë një “motor” të sofistikuar teknologjie, fuqi tregu dhe planifikim afatgjatë.

Më poshtë, Elvis Kotherja (Themelues) dhe Besi Xhaja (CEO i Elite Hospitality) na tregojnë se si Elite Hospitality po rimodelon menaxhimin e pasurive të mikpritjes në rajon.

Intervista me Elvis Kotherja – Themelues i Elite Travel Group & Elite Hospitality

Elite Hospitality ka lindur nga një trashëgimi 25-vjeçare. Si përkthehet kjo histori në “fuqi shitjeje” për një pronar hoteli sot?

Themeli ynë nuk është thjesht në menaxhim; është në rezultate. Përmes Elite Travel Group, ne kemi kontraktuar dhe realizuar miliona fjetje në të gjithë Europën Juglindore. Ne nuk ‘operojmë’ thjesht një hotel; ne e dimë saktësisht se si ta mbushim atë. Ky çerek shekulli të dhënash dhe marrëdhëniesh na jep një perspektivë unike që firmat tradicionale të menaxhimit nuk e kanë. Ne e kuptojmë pulsin e tregut, gjë që na lejon të harmonizojmë pasurinë e një pronari me kërkesën e botës reale në mënyrë të menjëhershme.”

Sa ndikojnë lëvizjet demografike në industrinë e mikpritjes, dhe si do të sillen gjeneratat e ardhshme me raport me trashëgiminë e strukturave hotel, bujtinë, restorant etj.? Pse është kjo një pjesë e rëndësishme dhe në fokusin e vizionit tuaj?

Ne po hyjmë në një periudhë ndryshimesh të mëdha sociale. Shohim shumë ndërmarrje të vogla dhe të mesme familjare ku themeluesit po plaken, por gjenerata tjetër mund të mos jetë gati për të marrë përsipër barrën administrative të teknologjisë moderne dhe marketingut global. Vizioni ynë është ta kthejmë këtë “krizë pasuesish” në një zgjidhje. Ne mbrojmë shpirtin dhe investimin e familjes duke ofruar shtyllën institucionale që u nevojitet. Të njëjtën gjë bëjmë për bankat, fondet e investimit, investitorët, kompanitë e sigurimit dhe firmat e ndërtimit që zotërojnë pasuri pa pasur ekspertizën për t’i drejtuar ato. Ne reduktojmë rrezikun e investimit të tyre dhe maksimalizojmë vlerën e tregut.

Cili është premtimi i Elite Hospitality për një investitor?

Transparenca dhe partneriteti në zhvillim. Pavarësisht nëse jeni një bankë, një investitor apo një kompani sigurimesh, ju keni nevojë për një partner që vepron si kujdestar i kapitalit tuaj. Vizioni ynë është të jemi kompania kryesore me shërbim të plotë, që transformon strukturat në produkte dhe destinacione me performancë të lartë. Ne ofrojmë një filozofi të thjeshtë: një model transparent, me kosto-eficiente ku ne ndajmë suksesin. Ne nuk jemi thjesht një ofrues shërbimi; ne jemi një partner afatgjatë në zhvillimin e pasurisë/pronës.”

 

Intervistë me Besi Xhaja – CEO i Elite Hospitality

Si siguron struktura menaxhuese Elite Hospitality që çdo pronë të performojë sipas një standardi global?

Ekzekutimi ka të bëjë me eliminimin e supozimeve. Ne kemi ndërtuar një Qendër të Kompetencës Qendrore që vepron si “Truri” ynë. Ky tru strehon ekspertizën tonë në shpërndarjen digjitale, financat dhe burimet njerëzore. Më pas ne e përcjellim këtë ekspertizë në “Qendrat tona të Fitimit/Pronat” në terren. Kjo do të thotë se një hotel i vogël butik ose një resort i madh i menaxhuar nga ne, merr të njëjtin nivel të lartë shërbimi të drejtuar nga profesionistë që përdorin teknologjinë dhe inteligjencën artificiale. Ky proces është i mirë-strukturuar, nga prokurimi dhe deri tek raportimi e auditimi financiar, që garanton një menaxhim të njëjtë si një zinxhir global. Ne sjellim lidership të nivelit institucional në çdo pronë të vetme.

Elite Hospitality ofron disa modele – nga White Label deri te Qiradhënia. Si e vendosni se cili është më i miri për një pronar?

Ka të bëjë me pritshmërinë e secilit pronar apo investitor.

Nëse një pronar dëshiron siguri absolute, modeli ynë i Qiradhënies (9+9 vite) ofron një rrjedhë të garantuar të ardhurash dhe dyfishon vlerën e pasurisë përmes ripozicionimit tonë.

Për ata që duan të mbeten aktivë në vendimmarrje, modeli ynë White Label ofron motorin tonë teknologjik – sistemet e të ardhurave AI dhe burimet njerëzore qendrore – ndërsa ata ruajnë pavarësinë.

Për rritjen ndërkombëtare, ne veprojmë si “Ura” për Marrëveshjet e Franchise, duke trajtuar “dhimbjen e kokës” së standardeve të markës, ndërsa pronari gëzon kthimin nga investimi (ROI). Ne e përshtatim ekzekutimin sipas oreksit specifik të pronarit për rrezik dhe përfshirje.”

Si e siguroni ju efikasitetin e Elite Hospitality që dikush të përfitojë sa më shumë nga bashkëpunimi me ju?

Efiçenca udhëhiqet nga ekosistemi ynë digjital. Ne kemi zëvendësuar administratën e vjetër me një strukturë të sofistikuar shitjesh dhe të ardhurash. Kjo u jep OTA-ve, bankave të krevateve (Bed Banks) dhe agjencive të udhëtimit akses të drejtpërdrejtë dhe në kohë reale në inventarin tonë. Kombinuar me prokurimin tonë qendror – i cili përdor distribucionin dhe “fuqinë e shitjes” masive të grupit tonë për të ulur kostot – ne mbrojmë marzhet e pronarit në çdo hap. Në kontratat tona të menaxhimit, qëllimet tona janë 100% të përputhura me pronarin: ne fitojmë kur ata fitojnë. Ky është përkufizimi i ekselencës në lidershipin e klientëve.

Cilat janë disa nga strukturat akomoduese që e kanë përqafuar vizionin tuaj të Elite Hospitality?

Aktualisht, ne jemi të fokusuar në dy projekte madhore që shënojnë fillimin e këtij viti. E para është Henry Resort and Spa në Golem, me një kapacitet prej 108 çelësash. Ky resort do të jetë nën menaxhimin tonë duke filluar nga data 10 janar dhe do të funksionojë gjatë gjithë vitit, duke sjellë një standard të ri në bregdet.

Gjithashtu, kemi zgjeruar portofolin tonë në Itali me një pronë në zonën e Emilia-Romagna, konkretisht në Badia Polesine. Ky është një apart-hotel me 110 çelësa, i cili ndodhet në një pozicion shumë strategjik, rreth 60 km larg qendrave kryesore si Bologna, Venezia, Verona dhe rajoni i Lombardisë. Kemi edhe shumë projekte të tjera që janë në fazë shqyrtimi dhe në hapat finale të marrëveshjeve, të cilat do t’i komunikojmë në vijim.”

Për sa i përket burimeve njerëzore, pse një punonjës hotelerie duhet të përqafojë vizionin tuaj dhe të punojë me ju?

Sektori i turizmit është një nga industritë që do të jetë fokusi i shtetit shqiptar për vitet në vijim.

Mendojmë se strukturat akomoduese sot kanë shansin e artë të rrisin të ardhurat e tyre dhe të kopjojnë receta suksesi në rajon si Kroacia ose Mali i Zi, pse jo edhe Italia e Jugut.

Arsyet janë disa, por po rendis më poshtë:

• Mjedis pa stres, i mbështetur nga sisteme të teknologjisë së fundit: Operacionet tona janë të mbështetura nga sisteme menaxhimi të sofistikuara, duke eliminuar kaosin dhe krijuar një ambient të qetë dhe efikas pune.

• Karriera e larmishme: Puna jonë nuk është e kufizuar në një sektor – mund të zhvilloni karrierën tuaj në menaxhimin e hoteleve luksoze dhe në rrjetin ndërkombëtar të bareve dhe restoranteve.

• Profesion ndërkombëtar: mundësia për të punuar në një treg global me një rrjet partneritetesh shumë të gjerë.

• Efiçencë profesionale nëpërmjet balancimit të orareve. Sistemet tona teknologjike ju respektojnë në maksimum kohën tuaj personale dhe jetën tuaj.

• Bonuse dhe mundësi të pafundme zhvillimi në një industri me potencial të pafund.

Për më shumë mundësi punësimi tek Elite Hospitality mund të aplikoni këtu: https://hospitality.etg.al/career/

 

 

The post E ardhmja e pasurive të mikpritjes: Një dialog me lidershipin e Elite Hospitality appeared first on Revista Monitor.

Shqipëria po rit me shpejtësi varësinë nga Kina për mallra, teksa importet nga partnerët historik, BE-ja dhe Turqia ishin në rënie me 2025 sipas të dhënave zyrtare nga INSTAT.

Vitin e kaluar importet totale shënuan 887.2 miliardë lekë me tkurrje prej rreth 0.8%. Kjo rënie erdhi kryesisht nga tkurrja me BE-në, të cilat zbritën nga 460.2 miliardë lekë ose rreth 1.7% më pak krahasuar me 2024.

Në anën tjetër importet nga Kina u rriten ndjeshëm me 2025. Ato shënuan një  vlerë prej 118,8 miliardë lekësh me rritje 21.6% vetëm brenda një viti.

Ndërsa pesha e BE-së në strukturën e importeve po tkurret, Kina po zë një rol gjithnjë e më të madh me rreth 13,4 për qind të totalit të importeve më 2025 nga 10.9% në 2024.

Rritja e importeve kineze ndodhi një vit kur vlera përgjithshme e importeve ishte me rënie, çka tregon po shndërrohet në një furnizues gjithnjë e më dominues i vendit tonë.

Të dhëna më të detajuara për tregtinë me kinën  tregojnë se makineritë dhe pajisjet përbëjnë zërin kryesor dhe kanë dhënë kontributin më të madh në rritjen totale. importet e këtij grupi janë rritur nga 49,001 mln lekë në 2024 në 59,334 mln lekë në 2025, me një shtesë prej mbi 10.3 mld lekësh, ose rreth 21%.

Materialet e ndërtimit shënojnë një nga rritjet më të forta relative. Ato shënuan një vlerë prej mbi 19.1 mld lekësh ose me rreth 48.8% në krahasim me 2024. Burimet nga tregun pohojnë se ky grup dominohet nga importet e hekurit, i cili më parë importohej nga BE dhe Turqia.

Tekstilet dhe këpucët kanë pësuar një rritje të ndjeshme nga 14.4 mld lekë në 15.9 mld lekë (+9.6%).

Të tjerat janë rritur nga 8.8 mld mln lekë në 10 mld lekë (+14.2%), duke reflektuar një rritje të shpërndarë në kategori më të vogla importi.

Produktet kimike nga Kina shënuan gjithashtu rritje të ndjeshme, +13.3%, ndërsa prodhimet e drurit dhe mobiliet mbi 25%.

Gjithashtu importet e ushqimeve pijeve dhe duhanit nga Kina u rriten nga 1.7 mld lekë në 2.1 mld lekë +17.8%), duke treguar rritje të varësisë nga importet edhe për mallra të konsumit bazë.

Në krahasim me para pandemisë importet nga Kina thuajse janë dyfishuar nga 59.7 miliardë lekë në 2019 në 118.8 miliardë lekë në 2025.

Arsyeja kryesore lidhet me konkurrencën në çmime që kanë mallrat nga Kina në raport me atë të tregjeve Europiane./ B.Hoxha

The post 2025, rriten me shpejtësi importet nga Kina, bien me BE-në dhe Turqinë appeared first on Revista Monitor.

Ekonomia globale, e cilësuar si “çuditërisht rezistente”, rrezikon të tronditet nga një përmbysje e fortë e bumit të Inteligjencës Artificiale, paralajmëroi FMN-ja, ndërsa liderët botërorë përgatiteshin për bisedimet në Davos, në Zvicër.

Rreziqet për zgjerimin e ekonomisë globale janë “të anuar nga poshtë”, tha fondi në një përditësim të World Economic Outlook, duke argumentuar se rritja mbështetet në një gamë të ngushtë faktorësh, veçanërisht në sektorin teknologjik të SHBA-së dhe në bumin e lidhur të tregjeve të aksioneve.

Megjithatë, FMN-ja parashikoi se rritja ekonomike e SHBA-së do të tejkalojë ndjeshëm pjesën tjetër të G7-s këtë vit, duke parashikuar një zgjerim prej 2.4% në vitin 2026 dhe 2% në vitin 2027. Investimet në teknologji kanë arritur pjesën më të lartë të prodhimit ekonomik amerikan që nga viti 2001, duke ndihmuar në shtyrjen e rritjes, konstatoi FMN-ja.

“Ekziston rreziku i një korrigjimi, një korrigjimi të tregut, nëse pritshmëritë për fitimet e IA-së në produktivitet dhe përfitueshmëri nuk realizohen,” tha Pierre-Olivier Gourinchas, kryeekonomist i FMN-së.

“Nuk jemi ende në nivelet e fryrjes së tregut, nëse doni, që pamë gjatë periudhës së dotcom-it,” shtoi ai. “Por, megjithatë, ka arsye për njëfarë shqetësimi.”

Donald Trump do të udhëtojë këtë javë drejt Davos-it, resortit zviceran ku zhvillohet Forumi Ekonomik Botëror. Takimi pritet të ndërthurë vlerësime optimiste për investimet amerikane në inteligjencën artificiale me ankthin për vlerësimet e tregjeve të aksioneve dhe kërcënimet ndaj institucioneve, përfshirë Rezervën Federale të SHBA-së dhe NATO-n.

Diskutimet pritet të dominohen nga kërcënimi i presidentit amerikan për të goditur vendet europiane me tarifa 10% nëse ato nuk pranojnë ta mbështesin në përpjekjen për të marrë nën kontroll Groenlandën.

Sipas parashikimeve të FMN-së, zgjerimi i ekonomisë globale ka qenë më i fortë sesa pritej, pavarësisht tensioneve tregtare të nxitura nga Trump dhe një game gjithnjë e më të gjerë rreziqesh gjeopolitike. Fondi e rriti parashikimin për rritjen globale në vitin 2026 nga 3.1% në 3.3%, me një ngadalësim vetëm të lehtë në 2027, në 3.2%.

Megjithatë, një përshkallëzim i ri i konfliktit tregtar mund të tronditë sërish perspektivat e rritjes, paralajmëroi FMN-ja. “Tensionet tregtare mund të ndizen sërish, duke zgjatur pasigurinë dhe duke rënduar më fort aktivitetin ekonomik.”

Sipas këtyre parashikimeve, Kina do të zgjerohet me 4.5% në vitin 2026, një rritje prej 0.3 pikë përqindjeje krahasuar me projeksionet e FMN-së të publikuara në tetor, e ndjekur nga një rritje prej 4% në vitin 2027.

Mes vendeve të G7-s, Kanadaja do të ketë zgjerimin e dytë më të fortë këtë vit pas SHBA-së, me 1.6%. Rritja ekonomike e Kanadasë parashikohet të përshpejtohet në 1.9% në vitin 2027.

FMN-ja i la të pandryshuara parashikimet për Mbretërinë e Bashkuar për vitet 2026 dhe 2027, me një rritje prej 1.3% këtë vit dhe 1.5% në 2027. Prodhimi i brendshëm bruto i Gjermanisë do të zgjerohet me 1.1% këtë vit dhe 1.5% vitin e ardhshëm, tha fondi.

Rritja globale, thekson FMN-ja, mbështetet në një “bazë të ngushtë”, të ndërtuar mbi bumin e investimeve në inteligjencën artificiale në SHBA. Nëse pritshmëritë për rritje të produktivitetit të nxitur nga IA-ja rezultojnë tepër optimiste, ekziston rreziku i një “rënjeje të mprehtë” të investimeve dhe i një përmbysjeje të lidhur të tregjeve të aksioneve, paralajmëroi FMN-ja

Një rënie e investimeve në inteligjencën artificiale, e shoqëruar me një “korrigjim të moderuar” të vlerësimeve të aksioneve të teknologjisë, mund të ulë rritjen globale me rreth 0.4 pikë përqindjeje këtë vit, sipas fondit.

Gourinchas paralajmëroi se, meqë kapitalizimi i tregut i kompanive teknologjike si pjesë e prodhimit është tani “shumë më i madh” sesa gjatë flluskës së dotcom-it 25 vite më parë, edhe një përmbysje e vogël mund të “ketë një ndikim të madh në pasurinë e njerëzve në raport me të ardhurat e tyre”.

Ai shtoi se varësia gjithnjë e më e madhe e hiperskaluesve të IA-së nga borxhi për të financuar vrullin e investimeve është gjithashtu një arsye për shqetësim. “Kur sheh që levat financiare po rriten, fillon të shqetësohesh pak,” tha ai.

Një korrigjim i fortë i tregut të aksioneve në SHBA mund të shkaktojë gjithashtu “humbje të konsiderueshme pasurie” edhe jashtë SHBA-së, shtoi FMN-ja, duke goditur konsumin global.

Megjithatë, ekziston edhe një skenar alternativ më optimist, sipas të cilit përmirësimet e produktivitetit nga inteligjenca artificiale fillojnë të materializohen më shpejt sesa parashikon FMN-ja. Nëse kjo ndodh, rritja globale mund të rritet me 0.3 pikë përqindjeje në vitin 2026 dhe me nga 0.1 deri në 0.8 pikë përqindjeje në vit në afatin e mesëm, shtoi fondi.

Një studim i veçantë i publikuar të hënën nga PwC sugjeroi se shumë kompani po hasin vështirësi në nxjerrjen e përfitimeve nga inteligjenca artificiale, të paktën për momentin.

Një sondazh me më shumë se 4,000 drejtorë ekzekutivë nga 95 vende dhe territore tregoi se vetëm 26% e kompanive kanë arritur të ulin kostot si rezultat i shpenzimeve për IA, ndërsa 30% kanë rritur të ardhurat falë kësaj teknologjie.

FMN-ja theksoi gjithashtu rëndësinë e pavarësisë së bankave qendrore, pas njoftimit për hapjen e një hetimi penal ndaj kryetarit të Rezervës Federale të SHBA-së, Jay Powell, i cili shkaktoi reagime të gjera javën e kaluar.

“Pavarësia e bankave qendrore është absolutisht thelbësore kur bëhet fjalë për ruajtjen e stabilitetit makroekonomik, stabilitetit financiar dhe për sigurimin e një baze për rritje të qëndrueshme,” tha Gourinchas.

“Në rastin e Rezervës Federale të SHBA-së, kjo është… edhe më e rëndësishme, duke pasur parasysh pozicionin dominues të sistemit financiar amerikan në ekonominë globale dhe rëndësinë e dollarit amerikan për sistemin monetar ndërkombëtar.”

 

The post FMN paralajmëron se qëndrueshmëria e ekonomisë globale rrezikohet nëse IA dështon appeared first on Revista Monitor.

Një startup nga Londra që përdor inteligjencën artificiale për të ndihmuar bizneset e zanateve ka siguruar 10 milionë paund investim në një raund financimi Series A. Platforma, e quajtur Elyos AI, synon të lehtësojë punën e përditshme të hidraulikëve, elektricistëve dhe kompanive të shërbimeve teknike, duke automatizuar komunikimin me klientët dhe menaxhimin e porosive.

Elyos përdor agjentë të inteligjencës artificiale që përgjigjen në telefonata, menaxhojnë email-et, organizojnë rezervimet dhe ndjekin punët në proces. Qëllimi është i thjeshtë. Bizneset e vogla të marrin më shumë punë pa pasur nevojë të shtojnë staf administrativ apo të humbasin kohë me telefonata dhe dokumente.

Sipas themeluesit Adrian Johnston, shumë biznese të zanateve humbasin të ardhura jo sepse nuk kanë kërkesë, por sepse nuk arrijnë të përballojnë volumin e komunikimit me klientët. Elyos synon ta zgjidhë këtë problem duke vepruar si një staf virtual në zyrë, i integruar me sistemet ekzistuese të këtyre bizneseve.

Startup-i është themeluar në vitin 2023 dhe ka qenë pjesë e programit Y Combinator. Rundi i fundit i investimit u udhëhoq nga Blackbird Ventures, me pjesëmarrjen e Y Combinator dhe Pi Labs. Kapitali i ri do të përdoret për zgjerim në tregje të reja dhe për zhvillim të mëtejshëm të teknologjisë.

Me këtë investim, Elyos synon të sjellë inteligjencën artificiale në një sektor tradicional, ku efikasiteti administrativ mund të bëjë diferencën mes stagnimit dhe rritjes./ UK TECH NEWS

The post 10 milionë paund për një platformë që automatizon punët e zanateve appeared first on Revista Monitor.

Autoriteti i Konkurrencës ka autorizuar marrëveshjen e bashkëpunimit “Ndërmjet palëve të tregut të sigurimeve mbi shkëmbimin e informacionit për tregun e sigurimit të detyrueshëm të pronarit të mjetit motorik për përgjegjësinë ndaj palëve të treta”, duke e vlerësuar në përputhje me Ligjin “Për mbrojtjen e konkurrencës” dhe me udhëzimin e Autoritetit të Konkurrencës “Për vlerësimin e marrëveshjeve horizontale”.

Qëllimi i marrëveshjes së përgatitur dhe paraqitur për vlerësim nga Byroja Shqiptare e Sigurimit është jetë shkëmbimi i informacioneve mes palëve në marrëveshje për mbulimin e rreziqeve të policave të sigurimit të detyrueshëm të mjeteve motorike për përgjegjësitë ndaj palëve të treta MTPL e brendshme për vendosjen e standardeve në drejtim të sigurimit të mosfalsifikimit të policave të sigurimit MTPL e brendshme, shqyrtimin e informacionit i cili mund të përfshije disa llogaritje statistikore duke lejuar llogaritjen e kostos mesatare të mbulimit të një rreziku specifik në të shkuarën ose për siguracionin e jetës, tabelat e normave të vdekshmërisë apo të frekuencës së sëmundjeve, aksidentet dhe invaliditeti, ose të tjera të lidhura me MTPL, të cilat bëjnë të mundur përmirësimin e njohurive mbi rreziqet dhe lehtëson vlerësimin e rreziqeve për kompanitë individuale, duke mos penguar në asnjë rast konkurrencën mes palëve.

Për të rritur transparencën dhe shkëmbimin e informacionit në kohë reale dhe respektimin e primit të depozituar në AMF, nga të gjitha palët, shoqëritë e sigurimit nënshkruese të kësaj marrëveshje pranojnë që për çdo policë sigurimi të lëshuar të evidentohen qartë elementet identifikues të secilit operator, logo, nr. serial, nënshkrimin e operatorit dhe kodin e AMF-së, si dhe arkëtimin në kohe reale të primit të sigurimit.

Këto specifikime në rast zbatimi korrekt në praktikë, bëjnë të mundur mosfalsifikimin e primeve të miratuara nga AMF, duke mos cenuar në këtë mënyrë për asnjë moment konkurrencën e lirë në treg si dhe duke i dhënë mundësi klientëve të zgjedhin lirisht dhe në çdo moment të sigurohen në atë shoqëri sigurimi që dëshirojnë duke mos favorizuar në asnjë moment asnjë nga palët e kësaj marrëveshjeje.

Autoriteti i Konkurrencës ka vlerësuar se marrëveshja synon shkëmbimin е informacionit vetëm për qëllime statistikore dhe historike mbi tregun MTPL, që lidhet me analizën e riskut, llogaritjet e kostos mesatare të mbulimit të një rreziku të kaluar, të dhënat mbi aksidentet, vdekshmërinë dhe invaliditetin, si dhe çdo informacion tjetër statistikore i ngjashëm që lidhet me natyrën e produktit MTPL.

Sipas vlerësimit të AK, marrëveshja nuk përmban dispozita që krijojnë detyrime apo koordinim në përcaktimin e çmimeve/primeve, kushteve të shitjes apo ndarjes së klientëve dhe parashikon ndalimin e shkëmbimit të të dhënave të ndjeshme konkurruese.

“Për rrjedhojë, marrëveshja nuk paraqet kufizim të konkurrencës. Vlerësuar në këndvështrimin e efekteve potenciale mbi tregun, shkëmbimi i informacionit në formën e përshkruar nuk bën të mundur koordinimin e sjelljes së palëve në treg ose unifikimin e primeve.

Ky shkëmbim synon përmirësimin e njohurive dhe vlerësimin e riskut nga secila shoqëri sigurimi, pa krijuar një koordinim të sjelljes dhe pa kufizuar konkurrencën në treg. Për këtë arsye, sipas këtij institucioni, marrëveshja nuk gjeneron efekte të pritshme kufizuese mbi konkurrencën,” thuhet në vendim.

Megjithatë, Autoriteti i Konkurrencës ka kërkuar që në marrëveshje të shtohen disa kushte dhe detyrime.

Konkretisht, Autoriteti i Konkurrencës kërkon që në marrëveshja të përcaktohet shprehimisht që ajo të mos kufizojë produktin MTPL apo shitjet, të mos të ndajë tregun apo klientët që blejnë produktin MTPL dhe ndërmarrjet pjesëmarrëse në këtë marrëveshje bashkëpunimi në asnjë rast nuk duhet të dakordësohen për primet e shitjes, të zbatuara për produktin MTPL.

Gjithashtu, kërkohet që në marrëveshje të shtohet dispozita se qëllimi i saj është rritja e efikasitetit në trajtimin e dëmeve dhe uljen e numrit të mjeteve të pasiguruara dhe shkëmbimi i informacionit do të kufizohet vetëm në të dhënat statistikore dhe të përmbledhura, për të përmirësuar njohuritë mbi rreziqet dhe vlerësimin e riskut nga secila ndërmarrje, pa penguar dhe kufizuar konkurrencën në treg si dhe vendimmarrjen e pavarur të palëve;

Autoriteti i Konkurrencës kërkon që në marrëveshje të shtohet përcaktimi se palët kanë detyrimin që të mos japin asnjë informacion mbi çmimet, primet, kostot, fitimet apo çdo element tjetër që mund të ndikojë në përcaktimin e çmimit fundor të policës MTPL.

Ato duhet të raportojnë pranë Autoritetit të Konkurrencës për masat e ndërmarra për sigurimin e mosfalsifikimit të policave MTPL të brendshme dhe të vendosin në dispozicion të Autoritetit të Konkurrencës informacionin e shkëmbyer sipas marrëveshjes sa herë që kërkohet./ E.Shehu

 

The post Autoriteti i Konkurrencës jep OK për marrëveshjen e shkëmbimit të informacionit për sigurimin TPL appeared first on Revista Monitor.

Nuk ka kompensim 480 apo 1000 euro! Do ketë rillogaritje tatimi. Kush del me tepricë kreditore (tatim të mbipaguar) do t’i kthehet diferenca e lekëve të paguar për tatim, por nëse bën kërkesë në tatimet rajonale.

Sipas sistemit e-Tax, pas datës 22 janar 2026 nis gjenerimi për plotësimin e Deklaratës Individuale të të Ardhurave (DIVA) për vitin 2025, ku për herë të parë do të aplikohet zbritje tatimore për tatimpaguesit me fëmijë në ngarkim nën 18 vjeç. Afati për plotësimin e deklaratës është deri më 31 Mars 2026.

Zbritja prej 48,000 lekësh apo 100,000 lekësh për prindërit e fëmijëve dhe për shpenzimet e arsimimit nuk është kompensim direkt. Kompensimi do të llogaritet si diferencë mes tatimit të ri (pas aplikimit të zbritjeve) dhe tatimit të paguar gjatë vitit 2025.

Ligji “Për tatimin mbi të ardhurat” përcakton që vlerat 48 mijë lekë apo 100 mijë lekë (sipas rasteve) do të ulen nga baza e tatueshme, dhe kompensimi do të llogaritet si rezultat i diferencës së tatimit të ri (pasi janë bërë zbritjet e shpenzimeve sipas shkallës të të ardhurave të individëve) dhe tatimit që është paguar në 2025.

Pra nëse individi do të rezultojë me tatim të mbipaguar, pasi t’i zbriten shpenzimet, shumën e tepricës do ta kërkojë për rimbursim nëpërmjet një kërkesë që do t’i bëjë drejtorive rajonale të tatimeve.

Administrata Tatimore sqaroi për Monitor se është duke u hartuar udhëzimi përkatës me procedurat e për plotësimin e deklaratës, dokumentacioni që nevojitet dhe si do të bëhen kërkesat pranë drejtorive rajonale të tatimeve.

Shembull

Zbritjen e shpenzimesh në vlerën e 48 mijë lekëve apo rreth 480 euro nga totali vjetor i të ardhurave bruto, do ta përfitojnë të gjithë individët pavarësisht nivelit të të ardhurave, nëse kanë fëmijë në ngarkim të moshës deri 18 vjeç. Ndërsa zbritjen e shpenzimeve me vlerë maksimale deri 100 mijë lekë apo rreth 1,000 euro për arsimin e fëmijëve do të përfitohet nëse të ardhurat vjetore bruto të deklaruara janë deri në 1.2 mln lekë.

Njëri nga çifti i prindërve që kanë fëmijë nën 18-vjeç, pra ai që ka të ardhurat më të larta, do t’i zbriten 48 mijë lekë, nga tatimi e paguara mbi pagën gjatë këtij viti në momentin kur do të plotësojnë Deklaratën Individuale të të Ardhurave Personale.

Nëse të ardhurat bruto vjetore të një individi A janë 150 mijë lekë apo 1,8 mln lekë në vit.

Tatimi i paguar çdo muaj është:

Deri në 30,000 lekë- tatim 0

Pjesa 30,001–130,000 (130,000 − 30,000) × 13% = 100,000 × 13% = 13,000 lekë

Pjesa mbi 130,000 → (150,000 − 130,000) × 23% = 20,000 × 23% = 4,600 lekë

Tatimi mujor i paguar është 17,600 lekë. Tatimi vjetor është 211,200 lekë.

Individi ka një fëmijë të moshës 7 vjeç. Pra numri i personave nën 18 vjeç në kujdestarinë e deklaruesit është 1.

Si fillim të ardhurat vjetore të këtij individi janë mbi 1,2 mln lekë. Automatikisht i lind detyrimi për plotësimin e Deklaratës Individuale të të Ardhurave. Me hyrjen në fuqi të zbritjes së shpenzimeve për fëmijët, nga totali i të ardhurave bruto të këtij individi do të zbriten shpenzimet prej 48 mijë lekë.

Duke qenë se të ardhurat e deklaruara janë mbi 1.2 mln lekë nuk do të përfitojë zbritjen e shpenzimeve prej 100 mijë lekë për arsimimin.

Tatimi i rillogaritur pas zbritjes së shpenzimeve:

Të ardhurat mujore pas zbritjes së shpenzimeve prej 48 mijë lekë do të jenë 146 mijë lekë apo rreth 1,7 mln lekë në vit.

Deri në 30 mijë lekë tatimi është zero

Pjesa 30,001 – 130,000 (130,000 − 30,000) × 13% = 100,000 × 13% = 13,000

Pjesa Mbi 130,000 (146,000 − 130,000) × 23% = 16,000 × 23% = 3,680

Tatimi mujor i rillogaritur = 13,000 + 3,680 = 16,680 lekë apo 200,160 lekw nw vit.

Tatimi i paguar gjatë vitit (pa zbritje) = 211,200 lekë

Gjendja kreditore –  211,200 lekw tatimi i paguar gjatw vitit 2025 -200,160 lekw tatimi i rillogaritur = 11,040 lekë

Kjo është shuma që individi mund ta kërkojë për rimbursim pas plotësimit të DIVA-s.

Kërkesë do të dorëzohet brenda 3 muajve nga plotësimi i DIVA, në drejtoritë rajonale tatimore.

Llogaritja e tatimit pas zbritjes së shpenzimeve rreth 1000 euro për arsimin

Po ashtu nga viti 2026 prindërit me të ardhura vjetore jo më shumë se 1,2 mln lekë në vit, do të përfitojnë edhe zbritje për shpenzimet për arsimimin e fëmijëve deri në vlerën 100 mijë lekë.

Pra nëse merr më pak se 100 mijë lekë (apo rreth 1000 euro) në muaj pagë, përmes faturave të ruajtura për shpenzimet e bëra për arsimimin e fëmijës mund të përfitosh deri në 100 mijë lekë zbritje nga tatimet. Edhe këtë zbritje e merr pasi të plotësosh DIVA-n.

Shembull: Individi X ka të ardhura nga punësimi 70,000 lekë në muaj apo 840,000 lekë në vit.

Tatimi i paguar në çdo muaj është (70,000 – 30,000)*13% = 5,200 lekë dhe në vit 62,400 lekë. Individi për të përfituar zbritjet për arsimin e fëmijëve duhet të plotësojë dhe dorëzojë deklaratën e të arshurave personale deri në 31 mars 2026.

Shuma maksimale që zbritet për arsim është 100,000 lekë pavarësisht nga numri i fëmijëve në moshë nën 18 vjecc. (840,000 – 100,000)/12 = 61,667 lekë/muaj. Tatimi 4,117 lekë (vjetor 49,400 lekë).

Individi do të rezultojë në Deklaratën Individuale të të Ardhurave me gjendje kreditore 13,000 lekë (e rrumbullakosur ).

Këtë gjendje kreditore do ta kërkojë brenda një afati 3 muaj nëpërmjet një kërkesë pranë Drejtorive Rajonale të Tatimeve.

 

 

The post Arsimi, nuk ka kompensim direkt 480 ose 1000 euro! Do ketë rillogaritje tatimi pas plotësimit DIVA appeared first on Revista Monitor.