Policia ka arrestuar një 39-vjeçar nga Kosova, pasi tentoi të kalonte kufirin me municion luftarak dhe 4 armë të ftohta në automjet.

Gjatë kontrollit në automjet, shërbimet e Policisë gjetën 2 karikatorë me fishekë, 2 thika, 1 sëpatë dhe 1 shkop metalik si ai i Policisë, të cilat u sekuestruan në cilësinë e provës materiale, bashkë me automjetin.

Materialet procedurale iu referuan Prokurorisë, për veprime të mëtejshme.

Xhudistja kosovare, Distria Krasniqi ka arritur suksesin e saj të radhës.

Ajo ka fituar medaljen e artë për të katërtën herë në “Paris Grand Slam”, pasi mposhti spanjollen, Ariane Toro Soler me ippon.

Ditën e somte është përditësuar ranglista e Federatës Ndërkombëtare të Xhudos (IJF) dhe Unionit Evropian të Xhudos (EJU).

Sipas renditjes më të fundit, Distria mban sërish vendin e parë në botë në kategorinë -52 kg, me plot 6,510 pikë, e ndjekur nga Marscha Ballhaus në vend të dytë dhe Uta Abe në vend të tretë.

Sinjali – aty ku e vërteta flet para lajmit!

/GazetaSinjali/

The post Distria Krasniqi prinë në ranglistën botërore të xhudos appeared first on Sinjali.

Lanika Rexhepi është shpallur nënkampione e Evropës në karate.

Lajmin e ka bërë të ditur Federata Shqiptare e Karatesë, duke thurur fjalë të forta për sportisten e tyre.

“Ky rezultat pasqyron përkushtimin, disiplinën dhe seriozitetin e Lanika Rexhepit në sportin e karatesë”, thuhet në postimin e federatës në Facebook.

Sinjali – aty ku e vërteta flet para lajmit!

/GazetaSinjali/

The post Lanika Rexhepi shpallet nënkampione e Evropës në karate appeared first on Sinjali.

Distria Krasniqi shkëlqeu të shtunën në Grand Slamin e Parisit, duke fituar medaljen e artë në kategorinë deri 52 kg.

Në finalen e zhvilluar në arenën “Bercy”, ajo mposhti spanjollen Ariane Toro Soler për vetëm 27 sekonda me një hedhje perfekte për Ippon.

Ky sukses i jep Distrias pesë fitore nga po aq finale të këtij viti.

Sinjali – aty ku e vërteta flet para lajmit!

/GazetaSinjali/

The post Distria Krasniqi triumfon në Paris, fiton medaljen e artë në Grand Slam appeared first on Sinjali.

Xhudistja jonë, Distria Krasniqi është kualifikuar në gjysmëfinale të Grand Slamit të Parisit në kategorinë deri në 52 kilogramë.

Distria i ka nisur mirë garat në Paris, duke fituar fillimisht përballjen e parë në xhiron e dytë ndaj francezes Alicia Marques.

Kjo fitore e dërgoi pejanen në çerekfinale, ku edhe atu fitoi, edhe pse me vështirësi ndaj brazilianes Larissa Pimenta për të siguruar kualifikimin në gjysmëfinale.

Në anën tjetër, Fationa Kasapi u ndal pas dy fitoreve, duke u mposhtur në çerekfinale nga gjermania Mascha Ballhaus.

Kasapi në xhiron e parë e mposhti francezen Blandine Pont, në xhiron e dytë hungarezen Roza Gyertyas, ndërsa medaljen e bronztë do ta kërkoj me anë të repasazhit ndaj Seyun Yang nga Korea Jugore.

Edhe Erza Muminoviq u ndal në xhiron e dytë duke u mposhtur nga spanjollia Eva Perez Soler.

Sinjali – aty ku e vërteta flet para lajmit!

/GazetaSinjali/

The post Distria Krasniqi kalon në gjysmëfinale të Grand Slamit të Parisit appeared first on Sinjali.

YouTuberi dhe boksieri Jake Paul planifikon të rikthehet në ring në vitin 2026 dhe të garojë përsëri në divizionin e peshave ‘cruiserweight’ pas një humbjeje të vështirë ndaj Anthony Joshuas.

Ky informacion u konfirmua nga Nakisa Bidarian, bashkëthemelues i kompanisë së tij të promocionit Most Valuable Promotions (MVP).

Bidarian foli për të ardhmen e Paul gjatë njoftimit të ngjarjes së parë të organizuar nga MVP në Britaninë e Madhe, ku ndeshjet kryesore të mbrëmjes do të jenë Caroline Dubois kundër Terri Harper dhe Ellie Scotney kundër Mayella Flores.

Ai theksoi se Paul mbetet një figurë kyçe për rritjen e kompanisë, pavarësisht humbjes ndaj ish-kampionit të botës në peshat e rënda.

Kujtojmë që Paul u mund nga Joshua, pasi boksieri britanik i peshave të rënda pranoi ndeshjen me një njoftim të shkurtër. Ishte humbja e parë e Paul në divizionin e peshave të rënda.

Pas ndeshjes, u bë e ditur se Joshua i kishte thyer nofullën në dy vende Paulit, i cili megjithatë nuk dorëzohet dhe planifikon të rikthehet përsëri në ring.

Sinjali – aty ku e vërteta flet para lajmit!

/GazetaSinjali/

The post Jake Paul nuk dorëzohet: Pas humbjes nga Joshua, rikthehet në ring këtë vit appeared first on Sinjali.

Flaka Loxha ka fituar tjetër medalje për Kosovën në European Open të xhudos në Sofje të Bullgarisë.

Në kategorinë deri 57 kilogramë, Flaka për të bronztën e mposhti francezen Maelenn Cotard.

Ndaj saj fitoi me mbërthim, përkatësisht me teknikën “osaekomi”.

Flaka e mbylli garën me tri fitore e një disfatë.

Kosova në Sofje i fitoi tri medalje bronzi.

Sinjali – aty ku e vërteta flet para lajmit!

/GazetaSinjali/

The post Ippon i bukur dhe medalje e bronztë për Flaka Loxhën appeared first on Sinjali.

Xhudisti kosovar, Dardan Cena, ka përfunduar i pesti në Sofia European Cup, pas një paraqitje të fortë në konkurrencën ndërkombëtare.

Cena arriti deri në gjysmëfinale, ku humbi nga Victor Skerlev me Ippon. Në garën për medaljen e bronztë, ai pësoi një tjetër humbje nga Ioan Dzitac, duke u renditur i pesti.

Gjatë rrugës deri në gjysmëfinale, ai shënoi fitore të rëndësishme ndaj Artem Ros (Ukrainë), Tengo Zirakashvili (Gjeorgji) dhe Vlad Mitru (Moldavi).

Sinjali – aty ku e vërteta flet para lajmit!

/GazetaSinjali/

The post Dardan Cena përfundon i pesti në Sofia European Cup appeared first on Sinjali.

Boksieri shqiptar, Roberto Bakaj, ka shënuar një tjetër fitore të rëndësishme në karrierën e tij profesioniste, duke mposhtur boksierin kolumbian Brayan Santander në një përballje të zhvilluar në “BBC Arena” në Zvicër.

Me këtë triumf, Bakaj konfirmon formën e shkëlqyer dhe ruan një rekord perfekt që flet vetë: 16 meçe, 16 fitore.

Në një atmosferë të zjarrtë dhe përballë një kundërshtari të fortë, Bakaj u shfaq i përqendruar, i disiplinuar dhe dominues në ring. Që nga raundet e para, boksieri shqiptar tregoi qartësisht superioritetin e tij teknik dhe fizik, duke kontrolluar ritmin e ndeshjes dhe duke mos i lënë hapësirë kundërshtarit për të reaguar.

Kjo fitore e radhës nuk është vetëm një sukses personal për Bakajn, por edhe një tjetër moment krenarie për sportin shqiptar. Me çdo ndeshje, ai po forcon pozitën e tij në boksin profesionist dhe po dëshmon se është një emër serioz, me ambicie të mëdha dhe potencial për skenën ndërkombëtare.

Sinjali – aty ku e vërteta flet para lajmit!

/GazetaSinjali/

The post Boksieri shqiptar Roberto Bakaj e mposht boksierin kolumbian appeared first on Sinjali.

Boksieri shqiptar, Amarildo Bakaj, do të përballet sot, e shtunë, 17 janar, me italianin Francesco Morandi, në një duel që premton spektakël dhe histori.

Ky është një rikthim i rëndësishëm për Bakajn në ring, duke qenë një nga ndeshjet më të rëndësishme të karrierës së tij si boksier profesionist.

Meçi do të zhvillohet në “BBC Arena Schaffhausen”, në Zvicër, dhe pritet të fillojë rreth orës 20:00 ose 21:00.

Boksieri shqiptar vjen me besim të plotë, tituj në brez dhe formë të lartë fizike, ndërsa përballë tij do të jetë një kundërshtar i fortë, por jo i pamposhtur.

Gjatë javës së fundit, të dy boksierët janë provokuar shumë në matjet zyrtare dhe gjatë ‘face-off’, duke krijuar pritshmëri për një meç të madh.

Bakaj ka një rekord prej 14 fitoresh dhe asnjë humbje si boksier profesionist, ndërsa Morandi ka 1 fitore dhe asnjë humbje, pasi deri vonë ka qenë aktiv edhe në MMA.

Pyetja që ngrihet është: A është kjo mbrëmja kur Amarildo Bakaj konfirmohet mes emrave të mëdhenj të boksit?”

Sinjali – aty ku e vërteta flet para lajmit!

/GazetaSinjali/

The post Ring i zjarrtë sonte: Amarildo Bakaj gati për betejën me italianin Morandi appeared first on Sinjali.

Granit Shala, boksieri me preardhje nga Kosova ka pësuar një humbje brutale.

Ai është mposhtur nga boksieri kroat, Petar Milas.

Në raundin e dhjetë, kroati i dha disa grushte të fuqishme kosovarit, i cili nuk arriti t’i përballonte dhe u rrëzua në parket.

Kjo ndeshje u zhvillua në “Weber Arena” në Oberhausen të Gjermanisë dhe ishte e vlefshme për IBF International Heavy.

Sinjali – aty ku e vërteta flet para lajmit!

/GazetaSinjali/

The post Boksieri nga Kosova nokautohet keq nga Petar Milas appeared first on Sinjali.

Shoferi i Anthony Joshuas është akuzuar pasi një aksident trafiku në Nigeri la të plagosur boksierin dhe shkaktoi vdekjen e dy anëtarëve të ekipit të tij, kanë bërë të ditur autoritetet policore.

Adeniyi Mobolaji Kayode, 46 vjeç, u paraqit të premten para Gjykatës së Magjistratit në Sagamu. Burime policore i thanë BBC-së se akuzat ndaj tij përfshijnë shkaktim të vdekjes nga drejtimi i rrezikshëm i automjetit.

Trajneri personal i Joshuas, Latif Ayodele, dhe trajneri i forcës fizike, Sina Ghami, humbën jetën të hënën pasi automjeti me të cilin po udhëtonin u përplas me një kamion të parkuar në një autostradë në shtetin Ogun, pranë Lagos-it, raporton BBC, transmeton Sinjali.

Ish-kampioni i peshave të rënda u dërgua në spital me lëndime pas aksidentit dhe u lirua të mërkurën. Prokuroria ngriti katër akuza ndaj Kayode: shkaktim vdekjeje nga drejtimi i rrezikshëm, drejtim i pakujdesshëm dhe neglizhent, drejtim pa kujdes të duhur dhe drejtim i automjetit pa patentë valide, kanë bërë të ditur burime policore për BBC-në.

I pandehuri u la i lirë me kusht, me një garanci prej 5,000,000 nairash (rreth 2,578 paundë), ndërsa u ndalua deri në përmbushjen e kushteve të lirimit me kusht.

Seanca e radhës është caktuar për 20 janar.

Joshua, 36 vjeç, ishte pasagjer në një veturë Lexus SUV që u përplas me një kamion të parkuar në autostradën e ngarkuar Lagos–Ibadan, në jugperëndim të Nigerisë, të hënën.

Ghami dhe Ayodele u shpallën të vdekur në vendin e ngjarjes, ndërsa Joshua u pa në fotografi duke u ndihmuar të largohej nga rrënojat e automjetit. Zyrtarë nga shtetet Ogun dhe Lagos thanë në një deklaratë se boksieri britanik ishte “me zemër të rënduar” për vdekjen e dy burrave, të cilët ishin miq shumë të afërt të tij.

Pas lirimit nga spitali, Joshua vizitoi shtëpinë funerale ku trupat e tyre “po përgatiteshin për riatdhesim”, thuhet në deklaratë.

Vetëm disa orë para aksidentit, Joshua kishte publikuar në Instagram një video ku luante pingpong me Ayodele.

Të mërkurën, Eddie Hearn, promotori i Joshuas prej më shumë se një dekade, u shpreh me fjalë ngushëllimi për anëtarët e ekipit.

“Pushoftë në paqe Latz dhe Sina,” shkroi Hearn në Instagram.

“Energjia dhe besnikëria juaj, mes shumë cilësive të tjera të shkëlqyera, do të na mungojnë thellësisht. Lutem për forcë dhe udhëzim për familjet e tyre, miqtë dhe sigurisht për AJ-në në këtë kohë jashtëzakonisht të vështirë.”

Joshua, i lindur në Watford, ka rrënjë familjare në Sagamu – një qytet në shtetin Ogun, pranë vendit ku ndodhi aksidenti.

Në momentin e aksidentit, ai ishte duke udhëtuar për të vizituar familjarët për festimet e Vitit të Ri, ka thënë një anëtar i familjes për BBC-në.

Boksieri kishte kaluar kohë në Nigeri pas fitores së tij të fundit ndaj YouTuberit amerikan të kthyer në boksier, Jake Paul, më 19 dhjetor.

Paul reagoi në platformën X pas aksidentit duke thënë: “Jeta është shumë më e rëndësishme se boksi. Po lutem për jetët e humbura, për AJ-në dhe për të gjithë ata që janë prekur nga ky aksident fatkeq.”

Sinjali – aty ku e vërteta flet para lajmit!

/GazetaSinjali/

The post Shoferi i Anthony Joshuas akuzohet për aksidentin në Nigeri që la të vdekur dy persona appeared first on Sinjali.

Boksieri britanik Anthony Joshua është liruar nga spitali, thanë autoritetet nigeriane të mërkurën vonë në mbrëmje.

Ish-kampioni dy herë i botës në peshat e rënda dhe fitues i medaljes së artë olimpike në Londër 2012 ishte pasagjer në një aksident automobilistik pranë Lagosit të hënën, aksident që shkaktoi vdekjen e dy bashkëpunëtorëve dhe anëtarëve të ngushtë të ekipit të tij.

36-vjeçari ishte nën vëzhgim duke u rikuperuar nga lëndime të lehta, kishte thënë promotori i tij të hënën, raporton theguardian, transmeton Sinjali.

Komisioneri i shtetit të Lagosit për informim dhe strategji, Gbenga Omotoso, tha në një deklaratë në X se Joshua ishte liruar nga spitali Lagoon në Ikoyi të mërkurën pasdite, pasi ishte vlerësuar klinikisht si i aftë për t’u “rikuperuar në shtëpi”.

“Anthony dhe nëna e tij ishin në morgun e Lagosit këtë pasdite për të dhënë respektin e fundit ndaj dy miqve të tij të ndjerë, ndërsa ata po përgatiteshin për rivendosjen e trupave më vonë gjatë mbrëmjes,” tha Omotoso.

Latif Ayodele, trajner personal i Joshuas, dhe Sina Ghami, trajner për forcë dhe kondicionim, humbën jetën në aksidentin më 29 dhjetor.

Omotoso tha se boksieri ishte “i pikëlluar dhe i mbushur me emocione për humbjen e dy miqve të tij të ngushtë”. Disa orë para aksidentit, Joshua dhe Ayodele kishin postuar në rrjetet sociale video ku shfaqeshin duke luajtur ping-pong së bashku.

Joshua kishte fituar së fundmi një ndeshje kundër boksierit YouTuber Jake Paul më 19 dhjetor, duke shënuar rikthimin e tij në ring pas një mungese prej 15 muajsh.

Sinjali – aty ku e vërteta flet para lajmit!

/GazetaSinjali/

The post Anthony Joshua lirohet nga spitali në Nigeri, ish-kampioni i botës në peshat e rënda është mirë appeared first on Sinjali.

Sot, në ditën e fundit të vitit 2025, kampionia olimpike e xhudos, Nora Gjakova, ka vendosur të përfundojë një kapitull të rëndësishëm të jetës së saj, karrierën e saj sportive.

Pas 23 viteve përkushtim, sfidash, humbjesh dhe fitore të paharrueshme, Nora shpreh mirënjohjen më të thellë për rrugëtimin që ka kaluar dhe për gjithçka që ka arritur gjatë këtyre viteve.

Përmes një postimi në rrjetin sociale Facebook, ajo shprehet: “Sot po e përmbyll një kapitull të rëndësishëm që për mua ka qenë e gjithë jeta ime deri tash. Jam rritur dhe kam marrë frymë me sportin e xhudos, dhe ndihem e lumtur që kam jetuar ëndrrën time”.

Nora gjithashtu falënderon të gjithë ata që kanë qenë pjesë e rrugëtimit të saj: familjes për hapat e parë dhe mbështetjen e vazhdueshme, trajnerin e saj, i cili e ngriti deri në titullin më të lartë të Kampiones Olimpike, shokët dhe shoqet e klubit në Pejë për çdo ndeshje dhe përkrahje, shtetin e Kosovës për nderin dhe krenarinë që i dha për të përfaqësuar vendin, si dhe gjithë shqiptarët kudo për mbështetjen gjatë viteve.

“Faleminderit të gjithëve që më keni qëndruar afër,” shkruan tutje Gjakova.

Sinjali – aty ku e vërteta flet para lajmit!

/GazetaSinjali/

The post I jep fund karrierës si xhudiste, Nora Gjakova: Për mu ka qenë e gjithë jeta ime appeared first on Sinjali.

Distria Krasniqi është përfshirë në Top 10 e sondazhit prestigjioz “Balkan Athlete of the Year” 2025, të organizuar nga Agjencia Telegrafike Bullgare (BTA).

Xhudistja kosovare u rendit mes sportistëve më të spikatur të rajonit falë suksesit të saj si kampione e Evropës dhe nënkampione e botës në kategorinë deri në 52 kilogramë.

Në edicionin e 52-të të këtij sondazhi tradicional morën pjesë agjencitë kombëtare të lajmeve nga e gjithë rajoni i Ballkanit, përfshirë edhe KosovaPress.Sipas BTA-së, “një total prej 47 sportistësh u nominuan” këtë vit, ndërsa fituesi përfundimtar dhe renditja e plotë do të shpallen më 16 shkurt në Sofje, në datën kur në vitin 1898 BTA publikoi buletinin e saj të parë të lajmeve.

Përveç Distria Krasniqit, në Top 10 të vitit 2025 u përfshinë emra të mëdhenj të sportit botëror si Nikola Jokic, Giannis Antetokounmpo, David Popovici dhe Alperen Şengün. Ceremonia e ndarjes së çmimeve do të mbahet më 16 shkurt 2026 në Sofje, ku BTA ka ftuar përfaqësuesit e agjencive pjesëmarrëse për të festuar sportistët më të mirë të Ballkanit.

Sinjali – aty ku e vërteta flet para lajmit!

/GazetaSinjali/

The post Distria Krasniqi mes më të mirëve në Ballkan appeared first on Sinjali.

Ekipi promovues që qëndron pas ndeshjes Anthony Joshua – Jake Paul ka paralajmëruar veprime ligjore kundër kujtdo që pretendon se lufta ishte e kurdisur.

Këtë e ka konfirmuar Nakisa Bidarian, partnerja në biznes e Jake Paul dhe bashkëthemeluese e kompanisë Most Valuable Promotions, duke bërë të ditur se janë angazhuar avokatë për t’i dhënë fund pretendimeve të pabaza që u përhapën në internet pas meçit.

Ndërsa akuzat për trukim ndeshjesh kanë shoqëruar pothuajse çdo përballje që Paul ka zhvilluar, me përjashtim të humbjes ndaj Tommy Fury, kjo është hera e parë që ekipi i tij ka njoftuar masa konkrete ligjore.

Paul edhe më herët i ka hedhur poshtë këto akuza, duke theksuar se manipulimi i ngjarjeve sportive profesionale në Shtetet e Bashkuara të Amerikës përbën krim federal.

Në një paraqitje si i ftuar në emisionin “The Ariel Helwani Show” të hënën, Bidarian ka dhënë detaje lidhur me këto pretendime. Kur u pyet nga prezantuesi nëse performanca e Paul, pavarësisht nokautit të rëndë, ishte e mjaftueshme për të heshtur teoricienët e konspiracionit, ai u shpreh qartë: “Jo, jo tamam. Avokatët tanë po ndjekin penalisht në mënyrë aktive një numër njerëzish.”

Ndërkohë, kujtojmë se në ndeshjen e zhvilluar të premten në Miami, dy herë ish-kampioni i botës në peshat e rënda, Anthony Joshua, e nokautoi brutalisht Jake Paulin në raundin e gjashtë, duke ia thyer nofullën në dy vende.

Sinjali – aty ku e vërteta flet para lajmit!

/GazetaSinjali/

The post Jake Paul padit ata që pretenduan se ndeshja me Joshua ishte e kurdisur appeared first on Sinjali.

Presidenti i SHBA-së, Trump, njoftoi të hënën planet për një “klasë të re luftanijesh” të tipit “Trump”, duke shënuar fillimin e një ndërtimi të zgjeruar detar dhe duke sinjalizuar një kontroll më të madh të kontraktorëve të mbrojtjes mbi vonesat në prodhim dhe tejkalimet e kostove.

Sipas mediave të huaja, përcjell Telegrafi, Trump tha se luftanijet e reja do të jenë më të mëdha, më të shpejta dhe “100 herë më të fuqishme” se çdo anije e ndërtuar më parë, duke formuar pjesën qendrore të asaj që ai e quajti një “Flotë e Artë” e zgjeruar që synon të çimentojë dominimin detar të SHBA-së.

Programi do të fillojë me dy anije dhe pritet të rritet në 20 deri në 25 anije, ka bërë të ditur Trump.

Dhe e para e klasës do të pagëzohet me emrin USS Defiant.

Njoftimi përfaqëson shembullin më të fundit të presidentit që riemërton një aspekt të qeverisë federale sipas imazhit të tij.

Trump, i cili më parë ka kritikuar pamjen e anijeve luftarake amerikane, tha se do të jetë personalisht i përfshirë në dizajne.

Ai bëri të ditur se anijet do të peshojnë më shumë se 30,000 ton, më të mëdha se shkatërruesit aktualë, dhe do të jenë të pajisura me teknologjinë më të fundit, duke përfshirë inteligjencën artificiale.

“Ne nuk kemi ndërtuar një anije luftarake që nga viti 1994. Këto anije të teknologjisë së fundit do të jenë disa nga anijet më vdekjeprurëse të luftës sipërfaqësore... përveç nëndetëseve tona”, tha Trump.

Përveç mbajtjes së armëve konvencionale detare, anijet e reja luftarake do të jenë të pajisura me raketa lundrimi të armatosura me armë bërthamore, të lëshuara nga deti, tha Sekretari i Marinës Amerikane, John Phelan, i cili u paraqit me Trump në Florida për të dhënë njoftimin.

Disa zyrtarë amerikanë kanë paralajmëruar se dështimi për të ndërtuar anije luftarake të reja vitet e fundit i ka dhënë një avantazh rivalit ekonomik dhe ushtarak Kinës.

Por Trump minimizoi ndikimin e Kinës në vendim, duke thënë se zgjerimi ishte “një kundërpërgjigje ndaj të gjithëve”. /Telegrafi/

Luftëtari shqiptar i MMA Eduard Drenica thotë se serbi Petar Jakovljevic e shpiku historinë kinse e kanë sulmuar katër persona vetëm që të mos del në ring.

Vetëm katër orë pa nisur meçi, Drenica u njoftua se gjithçka është anuluar meqenëse Jakovjevic është në polici, me këtë të fundit që prentendoi në rrjetin social “Instagram” se ishte sulmuar nga katër persona.

Në një intervistë për Telegrafi, luftëtari shqiptar komentoi prapaskenat, ku ndër të tjera deklaroi se ka mbetur i zhgënjyer.

“E mora vesh katër orë para meçit, përmes një mesazhi nga ekipi i tij tek promotori. Reagimi im i parë ishte papërfytyrueshmëri dhe zhgënjim. Isha i gatshëm, i fokusuar dhe të shihja gjithçka të prishej në momentin e fundit ishte shumë zhgënjyese”.

Drenica kreu të gjitha përgatitjet për ta bërë krenar Kosovën, pasi për të ishte më shumë se një meç.

“Të gjitha përgatitjet ishin bërë, isha në formë të plotë, gati të jap maksimumin. Ky meç për mua kishte shumë kuptim, nuk ishte vetëm sport: unë përfaqësoja Kosovën dhe popullin tim. Të shihej i anuluar në momentin e fundit ishte një goditje e fortë, por nuk ndryshon vendosmërinë time”.

I pyetur mbi “justifikimin” e serbit se është sulmuar, ai shtoi se nuk është e vërtetë pasi gjatë matjeve e ka vërejtur se Jakovljevic ishte i frikësuar.

“Personalisht nuk besoj në këtë justifikim. Gjatë matjeve e pashë në sy dhe pashë frikë. Sipas mendimit tim, ai e shpiku këtë histori për t’u tërhequr pa pranuar se kishte frikë dhe për të fituar kohë”.

“A kishte politikë të përzier? Jo, për mua politika nuk ka lidhje. Kjo është sport dhe ajo që ndodhi lidhet me frikën dhe presionin brenda kafazit, jo me faktorë të jashtëm”.

Drenica assesi nuk harroi t’i falënderonte tifozët për mbështetjen e madhe që i dhanë si dhe iu premtoi se do t’i bëjë krenar.

“Tek tifozët e mi dua të them të mos shqetësohen: Vendosmëria ime nuk ka ndryshuar. Kam ndjerë mbështetjen tuaj dhe më ka dhënë edhe më shumë forcë. Vazhdoni të besoni tek unë dita e duhur do të vijë dhe do t’ju jap shfaqjen që e meritoni”.

Në fund, ai nënvizoi se ëndërron të hyjë në UFC për ta përfaqësuar Kosovën në nivelin më të lartë.

“Synimi im mbetet i qartë të rritem si fighter, të hyj në UFC dhe të përfaqësoj Kosovën në nivelin më të lartë. Çdo pengesë më bën më të fortë dhe do të vazhdoj të punoj për të arritur qëllimin tim pa kompromis”, përfundoi ai për Telegrafi.

Ndërkohë, Drenica ka zhvilluar pesë meçe deri më tani – ku ka regjistruar tre fitore dhe dy humbje.

Sinjali – aty ku e vërteta flet para lajmit!

/GazetaSinjali/

The post “E shpiku këtë histori sepse kishte frikë, ishte meç ku përfaqësoja Kosovën”, Eduard Drenica flet pasi serbi s’doli në ring appeared first on Sinjali.

Boksieri i njohur, Jake Paul, ka përjetuar një incident të tmerrshëm në ring, pasi iu thye nofulla në dy vende gjatë ndeshjes kundër Anthony Joshuas.

 Pas këtij dëmtimi, ai është nënshtruar me sukses një ndërhyrjeje kirurgjikale. Lajmin e ka bërë të ditur ai vetë.

Nëpërmjet një postimi në rrjetet sociale, Paul ka dhënë lajmin e operacionit, duke thënë se gjithçka shkoi mirë: “Operacioni shkoi mirë, faleminderit për gjithë dashurinë dhe mbështetjen. Dy pllaka titani në secilën anë dhe disa dhëmbë u hoqën,” shkroi ai.

Jake Paul ka qenë nën presion gjatë këtyre ditëve pas humbjes së tij të madhe në ring, por ai ka shfaqur falënderime dhe ka siguruar fansat e tij se do të rikuperohet shpejt.

Sinjali – aty ku e vërteta flet para lajmit!

/GazetaSinjali/

The post Joshua i theu nofullën në dy vende gjatë ndeshjes, Jake Paul I nënshtrohet një operacioni appeared first on Sinjali.

Dueli i shumëpërfolur në Miami përfundon me fitore bindëse të ish-kampionit të botës.

Ish-kampioni i botës në peshat e rënda, Anthony Joshua, e ka mposhtur me nokaut YouTuberin e kthyer në boksier, Jake Paul, në raundin e gjashtë të përballjes së tyre kontroverse, e zhvilluar në Kaseya Center në Miami.

Joshua, dy herë kampion bote, pati më shumë vështirësi sesa pritej përballë kundërshtarit me përvojë dukshëm më të vogël, por në raundet e fundit të ndeshjes prej tetë raundesh arriti ta shfrytëzojë superioritetin fizik dhe fuqinë e goditjeve.

Përballja, e cila sipas raportimeve u shoqërua me një shpërblim gjigant prej 184 milionë dollarësh të ndarë mes dy boksierëve, shpeshherë u shndërrua në një spektakël të diskutueshëm. Jake Paul rrëshqiste vazhdimisht në tapet dhe në disa raste tentoi të kapte këmbët e Joshuas, duke shkaktuar reagime negative nga publiku.

Në raundin e katërt, edhe gjyqtari Christopher Young shfaqi pakënaqësinë e tij, duke paralajmëruar boksierët me fjalët.

“Tifozët nuk kanë paguar për ta parë këtë.”

Me kalimin e minutave, lodhja e Paulit u bë e dukshme. Joshua rriti presionin dhe e rrëzoi amerikanin dy herë në raundin e pestë. Fundi erdhi shpejt në raundin e gjashtë, kur britaniku e shtyu Paulin në qoshe dhe, pasi e përgatiti me një të majtë të fortë, e goditi fuqishëm me të djathtën në mjekër, duke e dërguar në tapet për nokautin përfundimtar.

Pas ndeshjes, Joshua pranoi se nuk ishte paraqitja e tij më e mirë.

“Nuk ishte performanca ime më e mirë, por plani ishte ta kapja Jake Paulin, ta mbaja nën presion dhe ta dëmtoja. Kjo ishte kërkesa para ndeshjes. Mori pak më shumë kohë sesa pritej, por goditja e djathtë më në fund gjeti destinacionin e saj,” deklaroi 36-vjeçari.

Joshua gjithashtu e lavdëroi Paulin për rezistencën e treguar, duke theksuar se 28-vjeçari arriti të qëndrojë në këmbë deri në raundet e vona përkundër diferencës së madhe në përvojë.

Sinjali – aty ku e vërteta flet para lajmit!

/GazetaSinjali/

The post Dueli i shumëpërfolur: Anthony Joshua rrëzon Jake Paul dhe shënon fitore bindëse appeared first on Sinjali.