Barcelona thuhet se po mbështetet te projekti i “Spotify Camp Nou” si gurthemeli i rimëkëmbjes së tyre financiare afatgjatë.

Drejtori ekzekutiv i klubit, Manel del Rio, duke folur për TV3, përshkroi afatet kohore dhe parashikimet e lidhura me rihapjen graduale të stadiumit.

Barça është duke pritur një licencë të tretë komunale për të hapur tribunën veriore dhe seksionin e tifozëve, gjë që do ta rriste kapacitetin në 62,000.

“Kjo do të na lejojë të arrijmë 62,000 vende dhe që më shumë anëtarë të shijojnë atë që është shtëpia e tyre, Spotify Camp Nou”, ka thënë fillimisht Del Rio.

Barcelona pret miratimin për të hapur kapacitetin prej 62,000 vendesh në Spotify Camp Nou

Ky hap mund të vijë që në ndeshjen e parë në shtëpi të vitit 2026 kundër Oviedos më 24 ose 25 janar, në varësi të miratimit të komunës.

Duke parë më tej në të ardhmen, klubi pret të arrijë 105,000 vende sezonin e ardhshëm, edhe pa çati. "Sezonin e ardhshëm presim të arrijmë 105,000 vende, pa çati, por me zonat VIP dhe nivelin e tretë plotësisht funksionale", shpjegoi ai.

Me stadiumin plotësisht funksional, Barcelona parashikon të ardhura vjetore prej rreth 360 milionë eurosh, një shifër kyçe në përballimin e një borxhi prej rreth 1.4 miliardë eurosh.

Del Rio minimizoi shqetësimet në lidhje me borxhin, duke deklaruar: “Klubet me më shumë borxhe zakonisht janë edhe ato me të ardhurat më të larta. Nëse asetet tejkalojnë detyrimet, nuk është problem. Tani për tani, është një borxh i qëndrueshëm”

Ai foli me një ton optimist për të ardhmen e klubit. “Rruga është shumë pozitive. Rruga e Barcelonës është e ëmbël, është një rrugë force”, tha ai, përpara se të shtonte: “Kam luajtur shumë futboll, jam tifoz i futbollit dhe mbështetës i Barcelonës”. /Telegrafi/

Planet e Barcelonës për të rritur më tej pjesëmarrjen në Spotify Camp Nou tani varen nga një dritë jeshile përfundimtare nga autoritetet e qytetit.

Pasi u rikthye me sukses në stadiumin e rinovuar më 22 nëntor, kur skuadra e Hansi Flick mposhti Athletic Bilbaon me rezultat 4–0 para pak më shumë se 45,000 tifozëve, klubi po synon arritjen e radhës së kapacitetit.

Sipas gazetës Mundo Deportivo, Barcelona tashmë i ka dorëzuar të gjithë dokumentacionin e kërkuar teknik dhe të sigurisë Këshillit të Qytetit të Barcelonës dhe është duke pritur licencën zyrtare që do të lejonte hapjen e Tribunës Veriore.

Pasi të miratohet, stadiumi do të jetë në gjendje të presë rreth 62,000 spektatorë, duke përmirësuar ndjeshëm atmosferën dhe të ardhurat nga dita e ndeshjes.

Klubi katalunas mbetet optimist se leja do të mbërrijë së shpejti, me qëllim që të operojë me kapacitet më të lartë gjatë gjysmës së dytë të sezonit. /Telegrafi/

Presidenti i Barcelonës, Joan Laporta ka thënë se është gati të përmirësojë marrëdhëniet me yllin e Inter Miamit, Lionel Messi, duke theksuar se legjenda argjentinase meriton një nderim të madh dhe një statujë në Camp Nou.

Laporta ka rikujtuar lidhjen e veçantë mes Messit dhe Barcelonës, duke theksuar se ai nënshkroi kontratën e parë të argjentinasit kur ishte vetëm 16 vjeç.

Presidenti i Blaugranave vlerësoi Messin si një nga kapitujt më të lavdishëm në historinë e klubit, duke thënë se ai meriton nderim të plotë, madje edhe një statujë.

Laporta shtoi se është i gatshëm të rregullojë çdo gjë nga ana e Barcelonës, duke shprehur shpresën që një ditë rrugët e tyre të kryqëzohen sërish.

“Unë nënshkrova kontratën e parë të Messit kur ai ishte 16 vjeç. Ajo që jetuam me të është një nga momentet më të lavdishme në historinë e Barcelonës, nëse jo më i madhi. Ai meriton një nderim, një statujë, njohje të plotë”, ka thënë fillimisht Laporta.

“Varet edhe nga pala tjetër. Jam i gatshëm të rregulloj çdo gjë. Messi i ka dhënë shumë Barcelonës, dhe Barça i ka dhënë shumë atij. Shpresoj të takohemi përsëri një ditë”.

Laporta në fund ka folur edhe [ër largimin kontrovers të Messit në vitin 2021.

"Tema e Messit më trishton. Unë jam tifoz i Barcelonës, por mbi gjithçka është institucioni. Nëse do të isha anëtar, do ta kuptoja atë që bëri presidenti për të mirën e klubit”, përfundoi presidenti i Barçës. /Telegrafi/

Në moshën vetëm 18 vjeç, Lamine Yamal ka bërë histori në Ligën e Kampionëve, duke u bërë lojtari më i ri ndonjëherë që arrin 14 gola të drejtpërdrejtë (7 gola + 7 asistime) në këtë kompeticion.

Ai theu rekordin e mëparshëm të Kylian Mbappe, i cili kishte 13 të tilla në vitin 2017.

Talenti spanjoll shtoi edhe një asistim tjetër mbrëmjen e së martës, duke shërbyer golin e dytë të Jules Koundes në ndeshjen mes Barcelonës dhe Eintracht Frankfurt në Camp Nou.

Kontributi i fundit i Yamal ndihmoi Barcelonën të siguronte tre pikë tejet të rëndësishme dhe ta mbante ekipin në garën për zonën “top-eight”, duke forcuar më tej statusin e tij si një nga adoleshentët më të rrezikshëm që ka parë ndonjëherë Liga e Kampionëve.

Në këtë moshë dhe me këtë ritëm, Yamal po vazhdon të shkruajë një kapitull të ri në historinë e futbollit. /Telegrafi/

Presidenti i Barcelonës, Joan Laporta, ka dhënë një përditësim të ri mbi fazën e tretë të rikthimit në Spotify Camp Nou, duke konfirmuar se klubi është pranë marrjes së licencës së radhës që do të lejojë rritjen e kapacitetit të stadiumit.

Aktualisht, blaugranat janë në gjendje të hapin vetëm disa sektorë, duke mbajtur kapacitet prej pak më shumë se 45 mijë tifozësh.

Plani i klubit është që gjatë këtij sezoni të hapet seksioni final i dy unazave të poshtme, duke e çuar kapacitetin në 62 mijë vende, shifra maksimale që do të arrihet për këtë sezon.

Ndërkohë, ndërtimi i unazës së tretë pritet të nisë për sezonin e ardhshëm, me objektivin që stadiumi i rinovuar të arrijë kapacitetin përfundimtar prej 105 mijë vendesh.

I ftuar në një event të organizuar nga La Vanguardia, Laporta deklaroi për Mundo Deportivo se brenda një muaji pritet të merret licenca 1C nga Bashkia e Barcelonës, e cila do të lejojë shtimin e edhe 17 mijë tifozëve të tjerë.

“Spotify Camp Nou është një ëndërr kolektive që po bëhet realitet. Punimet po ecin mirë dhe marrëdhënia me Bashkinë është e shkëlqyer. Nëse gjithçka shkon sipas planit, në fund të dhjetorit ose fillim të janarit do të kemi gati tribunun Veriore (1C) dhe sektorin e tifozëve ultras”, ka thënë Laporta.

Nëse afatet përmbushen, ndeshja e parë me kapacitet të rritur pritet të jetë ndaj Real Oviedo më 25 janar.

Për shkak të Kupës së Mbretit dhe Superkupës së Spanjës, Barcelona do të zhvillojë gjashtë ose shtatë ndeshje radhazi në transfertë gjatë dhjetorit dhe janarit.

Laporta njoftoi gjithashtu synimin e klubit për të rritur përqindjen e anëtarëve me abonime sezonale.

“Aktualisht raporti është 60% abonentë dhe 40% bileta të lira. Kur të arrijmë në 62 mijë vende, synojmë ta çojmë raportin në 70-30. Ka pasur herë kur afatet nuk janë përmbushur për shkak të kërkesave teknike dhe të sigurisë”.

Masat speciale për ndeshjen me Eintracht Frankfurt

Laporta foli edhe për vendimin e klubit që për sfidën e Ligës së Kampionëve ndaj Eintracht Frankfurt të shiten vetëm bileta ekskluzivisht për anëtarët.

“Kemi një histori shumë negative me këtë klub. Në ndeshjen e fundit stadiumi u pushtua nga tifozët e tyre. Kemi marrë masa të forta që një situatë e tillë të mos përsëritet. Me QR-kodet e reja dhe duke kufizuar shitjen vetëm te anëtarët, jemi të sigurt se stadiumi nuk do të mbushet me gjermanë”, përfundoi Laporta. /Telegrafi/

Robert Lewandowski, i cili përfundon kontratën me Barcelonën verën e ardhshme, ka bërë të ditur se dëshiron të rinovojë edhe një vit, me një tjetër opsional sipas performancës.

Sulmuesi 37-vjeçar ndihet ende konkurrues dhe është i bindur se mund të kontribuojë në elitë për të paktën dy sezone të tjera.

Për të qëndruar, ai ka shprehur gatishmërinë të përgjysmojë pagën e tij aktuale, një sinjal i qartë i vullnetit për të vazhduar projektin nën drejtimin e Hansi Flick.

Barcelona vlerëson kontributin e tij, por kufizimet financiare të klubit dhe kontrolli i rreptë i La Ligës e komplikojnë vendimmarrjen.

Stafi teknik beson se prezenca e Lewandowskit ndihmon zhvillimin e lojtarëve të rinj dhe ofron eksperiencë në ndeshje vendimtare, por vazhdimësia e tij kërkon përshtatje të planifikimit sportiv dhe ekonomik.

Ndërkohë, agjentët e tij kanë marrë kontakte nga MLS, Arabia Saudite dhe disa klube të Ligës Premier, megjithëse vetë lojtari preferon të qëndrojë në Camp Nou nëse Barça i ofron garanci të qarta.

Vendimi i klubit në javët e ardhshme do të përcaktojë të ardhmen e tij, ndërsa Lewandowski mbetet i përkushtuar të vazhdojë në nivelin më të lartë, në Barcelonë ose diku tjetër. /Telegrafi/

Trajneri i Atleticos, Diego Simeone, ka vendosur një rekord për numrin e ndeshjeve pa fitore në stadiumin e Barcelonës, Camp Nou.

Të martën mbrëma, skuadra madrilene humbi me rezultat 1-3 ndaj Barcelonës jashtë fushe në një ndeshje të javës së 19-të të La Ligës.

Kjo humbje ka thelluar rekordin pa fitore të trajnerit argjentinas në Camp Nou, pasi u bë shumë kohë që nuk i ka shijuar tri pikët nga ky udhëtim.

Nën drejtimin e Simeones, Atletico Madridi nuk ka fituar pikët e plota në 17 ndeshje në Camp Nou – shtatë barazime dhe dhjetë humbje.

Trajneri argjentinas është bërë rekordmeni midis trajnerëve për numrin e ndeshjeve pa fitore në stadiumin vendas të Barcelonës, duke tejkaluar Javier Aguirre (16 ndeshje).

Ndryshe, kjo humbje vjen në formën më të mirë të Atleticos viteve të fundit, pasi vinte ka shtatë fitore radhazi – gjashtë në La Liga dhe një në Ligën e Kampionëve ndaj Interit. /Telegrafi/

Pasi mori lejen nga UEFA, Barcelona ka njoftuar zyrtarisht se ndeshja e Ligës së Kampionëve kundër Eintracht Frankfurt muajin e ardhshëm do të luhet në Spotify Camp Nou, ndeshja e parë evropiane në stadiumin e rinovuar pas tre vitesh.

Barcelona njoftoi para disa ditësh se ka marrë miratimin për të shfrytëzuar stadiumin e rinovuar me një ndeshje në La Liga ndaj Athletic Bilbaos.

Megjithatë, klubi katalunas tani do ta shfrytëzoj atë edhe në Ligën e Kampionëve, pasi UEFA ia ka lejuar një gjë të tillë.

“FC Barcelona njofton se ndeshja e gjashtë e fazës së ligës së Ligës së Kampionëve, e planifikuar për të martën, më 9 dhjetor në orën 21:00, kundër Eintracht Frankfurt, do të luhet në Spotify Camp Nou”.

“Ky vendim vjen pas marrjes së licencës së parë të tifozëve për Fazën 1B, e cila lejon një kapacitet të rritur dhe përfshin të gjithë zonën anësore, duke shtuar licencën e dhënë tashmë për Fazën 1A — që mbulon Tribunën Kryesore dhe Portën Jugore — dhe hyn në fuqi pasi UEFA të ketë pranuar kërkesën, duke marrë parasysh se janë përmbushur të gjitha kërkesat e nevojshme”, thuhet në deklaratë. /Telegrafi/

FC Barcelona do të kthehet më në fund këtë fundjavë në shtëpinë e saj historike, Camp Nou, duke i dhënë fund më shumë se dy viteve e gjysmë larg stadiumit ikonë.

Që prej vitit 2023, Barcelona është detyruar të zhvillojë ndeshjet e saj në Estadi Olimpic Lluis Companys, ndërkohë që Camp Nou i është nënshtruar një procesi të gjerë rindërtimi.

Disa data të mëparshme të parashikuara për rikthimin, përfshirë Trofeun Joan Gamper dhe sfidën ndaj Valencias, nuk u realizuan, por tashmë klubi ka siguruar të gjitha lejet e nevojshme për të rihapur stadiumin për tifozët.

“FC Barcelona njofton se ndeshja e javës së 13-të të kampionatit, kundër Athletic Club, e planifikuar për të shtunën, 22 nëntor, do të zhvillohet përfundimisht në Spotify Camp Nou”, thuhet në deklaratën zyrtare të klubit. /Telegrafi/

Barcelona ka dorëzuar zyrtarisht kërkesën pranë La Ligës për të luajtur ndeshjen e së shtunës kundër Athletic Club në stadiumin e tyre ikonë, Camp Nou, duke siguruar gjithë dokumentacionin e nevojshëm.

Klubi shpreson të marrë miratimin komunal gjatë ditës së sotme.

Ky moment shënon një kapitull të rëndësishëm për Barcelonën, e cila ka zhvilluar ndeshjet e saj në Stadiumin Olimpik për shkak të punimeve të mëdha të rinovimit në Camp Nou.

Stadiumi do të funksionojë fillimisht me një kapacitet prej 45,401 vendesh, ndërsa rinovimi i plotë pritet të përfundojë në dhjetor të vitit 2027.

Megjithatë, sipas fazave të ndryshme të ndërtimit, kapaciteti do të rritet në 62,518 vende deri në fund të vitit 2025. /Telegrafi/

Fitorja në Vigo kundër Celtës e vendosi Barcelonën vetëm tre pikë larg liderëve të ligës, Real Madridit. Megjithatë, performanca e tyre mbrojtëse mbeti shqetësuese. Kjo është arsyeja pse djemtë e Hansi Flick po shkojnë drejt pushimit ndërkombëtar të vendosur për të filluar nga e para kur të rifillojë gara. Një rikthim që, në parim, do të sjellë disa ndryshime të rëndësishme për Blaugranët.

Kthimi më i sigurt nga të gjithë do të jetë ai i Joan Garcias. Kthimi i portierit titullar është një nga më të priturit nga tifozët e Barçës. Dhe me arsye të mirë. Që kur pësoi një këputje në meniskun të gjurit të majtë, Barcelona ka pasur probleme serioze në portë.

Në gjashtë ndeshjet e luajtura nga ish-lojtari i Espanyolit, ai ka pësuar 4 gola; në të kundërt, me Wojciech Szczesnyn, i cili duke përfshirë ndeshjen e djeshme ka luajtur gjithashtu gjashtë ndeshje, skuadra ka pësuar 11 gola. Pothuajse trefish...

Për shkak të kësaj, dhe përtej dobësive shqetësuese në mbrojtje, Barcelona duhet të adresojë edhe problemet e saj me portierin dhe të gjejë një portier më të besueshëm. Kjo është arsyeja pse kthimi i spanjollit duket thelbësor për ndeshjen e ardhshme të ligës, e cila do të jetë më 22 nëntor kundër Athletic Bilbaos.

Kthimi i Raphinhas

Dhe ajo ditë, megjithëse nuk është zyrtare, mund të sjellë edhe një zhvillim tjetër të rëndësishëm: rikthimin e shumëpritur të Raphinhas. Braziliani u lëndua kundër Oviedos, por mund të jetë gati për ndeshjen e ardhshme pasi u rikuperua nga një dëmtim në kofshën e djathtë.

Golat, asistimet, si dhe fryma e tij e vlefshme garuese dhe performanca mbrojtëse do të jenë një nxitje e madhe për një ekip që ka qenë shumë i dobët në mbrojtje, duke filluar nga sulmuesit.

Kthimi në shtëpi

Dhe lajmi i tretë i madh, megjithëse ende i pakonfirmuar, mund të jetë vendi i ndeshjes. Presidenti Joan Laporta tha se skuadra mund të kthehet "në shtëpi" më 22 nëntor, kundër Athletic Bilbaos.

Rikthimi në Camp Nou duket më afër se kurrë pas seancës stërvitore të së premtes së kaluar. Një fushë më e madhe, më shumë tifozë që brohorasin lojtarët dhe një stadium që është më frikësues për kundërshtarët do të jetë një arsye tjetër gëzimi për tifozët e Barçës dhe për Flick, i cili po numëron ditët deri sa këto tre rikthime të konfirmohen sa më shpejt të jetë e mundur. /Telegrafi/

Barcelona zhvilloi të premten një seancë stërvitore të hapur në stadiumin e tyre të rinovuar Camp Nou, ku morën pjesë 21,795 tifozë, duke shënuar një hap të madh drejt rikthimit të klubit në shtëpinë ikonike.

Gjigantët katalunas nuk kanë luajtur në Camp Nou që nga viti 2023, gjithsej 895 ditë për shkak të rinovimeve të gjera me vlerë 1.42 miliardë euro. Gjatë punimeve, ndeshjet në shtëpi u luajtën në stadiumin olimpik në Barcelonë.

Seanca stërvitore e së premtes, e mbajtur përpara ndeshjes të së dielës në La Liga kundër Celta Vigos, shërbeu si një ngjarje prove përpara rikthimit të klubit në stadium në ndeshjet garuese më vonë këtë muaj.

Për trajnerin Hansi Flick, si dhe për Marcus Rashford, i cili aktualisht është në Barcelonë i huazuar nga Manchester United, kjo ishte përvoja e parë në stadiumin legjendar.

Presidenti i klubit, Joan Laporta, konfirmoi se Barcelona shpreson të kthehet në Camp Nou më 22 nëntor për një ndeshje të La Ligës kundër Athletic Bilbaos ose një javë më vonë kur skuadra e Flick do të presë Alavesin, gjë që do të përkonte me 126-vjetorin e klubit. Pas kësaj, Barcelona do të mirëpresë Atletico Madridin më 2 dhjetor.

Klubi aktualisht ka një licencë që lejon një kapacitet prej 25,991 vendesh, të miratuar në tetor, por është duke pritur për dy licenca të tjera. E para do të akomodojë deri në 45,000 spektatorë, ndërsa e dyta do të shënojë hapjen e plotë të stadiumit.

Punimet janë ende duke vazhduar, me nivelin e tretë të tribunave dhe çatinë që ende nuk janë përfunduar. Dy nivelet e para janë pothuajse gati dhe vlerësohet se i gjithë projekti do të përfundojë deri në vitin 2027, kur Camp Nou do të ketë një kapacitet prej 105,000 vendesh.

Barcelona fillimisht planifikoi të kthehej në fund të vitit 2024, pastaj në fillim të vitit 2025, por kthimi u shty për këtë sezon.

Dy ndeshjet e para në shtëpi duhej të luheshin në stadiumin Estadi Johan Cruyff me një kapacitet prej 6,000 vendesh, sepse Stadiumi Olimpik nuk ishte gati për përdorim në atë kohë. /Telegrafi/

Barcelona thuhet se ka frikë nga një shpërthim i tuberkulozit në stadiumin e tyre ikonik në “Camp Nou”, pasi një punëtor rezultoi pozitiv për sëmundjen.

Një hetim u nis pasi një anëtar i ekipit që punonte në rindërtim u diagnostikua pozitiv me tuberkuloz.

Agjencia e Shëndetit Publik të Barcelonës (ASPB) ka qenë duke u marrë me rastin, duke përfunduar gjurmimin e kontakteve me rastin e vetëm të konfirmuar deri më tani.

Sipas gazetës spanjolle El Pais, kjo çoi në testimin e 23 kolegëve të tyre. Nga këto, thuhet se tre persona ende presin rezultatet e tyre.

Nëse diagnostikohen dy raste të tjera, ASPB do të shpallë një shpërthim të sëmundjes.

Tuberkulozi zakonisht dëmton mushkëritë; dhe mund të shkaktojë kollë të rëndë, ethe dhe lodhje ekstreme.

Zakonisht trajtohet me antibiotikë, të cilët mund të duhen deri në gjashtë muaj për ta mposhtur sëmundjen, ndërsa nga viti 2023 ende shkakton më shumë se një milion vdekje në vit.

Megjithatë, si një nga sëmundjet më të lehta për t’u transmetuar, që transmetohet përmes pështymës, kollitjes apo edhe të folurit, kërkon karantinën e të infektuarve. /Telegrafi/

Pas më shumë se dy vitesh, lojtarët e Barcelonës do të hyjnë sërish në stadiumin Camp Nou më 7 nëntor, por kjo nuk do të jetë një ndeshje zyrtare.

Pavarësisht se punimet e rinovimit në stadium ende nuk kanë përfunduar, klubi ka vendosur të zhvillojë një seancë stërvitore të hapur për publikun, dhe ka nxjerrë biletat në shitje.

Mbajtësit e biletave vjetore do të paguajnë 5 euro, ndërsa të gjithë të tjerët do të paguajnë 10 euro. Të gjitha të ardhurat do të dhurohen për një projekt bamirësie që mbështet shëndetin mendor të fëmijëve dhe adoleshentëve të shtruar në spital.

Numri i tifozëve që mund të marrin pjesë është i kufizuar në 23,000, dhe spektatorët do të ulen në disa pjesë të tribunës kryesore dhe pas portës jugore.

Këshilli i Qytetit të Barcelonës ka miratuar që stadiumi të pranojë një maksimum prej 27,000 spektatorësh përkohësisht, prandaj klubi ka vazhduar të luajë ndeshje në stadiumin olimpik në Montjuic, që mund të akomodojë 45,000 tifozë.

Sipas Barcelonës, stërvitja do të shërbejë si provë teknike dhe operative për të siguruar funksionimin e sistemit, pikave të aksesit dhe aspekteve të tjera të stadiumit, si pjesë e procesit të rihapjes graduale.

Plani i klubit është të rikthehet të luajë ndeshje në Camp Nou pasi të marrë lejen për të lejuar të paktën 45,000 spektatorë. Kur rinovimi të përfundojë plotësisht, stadiumi do të ketë një kapacitet të plotë prej 105,000 spektatorësh. /Telegrafi/

FC Barcelona njoftoi zyrtarisht se "ekipi i parë i meshkujve do të kthehet zyrtarisht në Spotify Camp Nou të premten e ardhshme, më 7 nëntor, për të zhvilluar një seancë stërvitore të hapur para tifozëve të Blaugranave".

Klubi katalunas dhe tifozët e tyre më në fund do të bëhet bashkë në stadiumin ikonik Camp Nou.

“Ekipi është i emocionuar të mirëpresë përsëri tifozët e Barçës në shtëpinë e tyre të re dhe të ndajë këtë ribashkim të parë me ta në Spotify Camp Nou”, thuhet fillimisht në njoftim.

Barça theksoi se "kjo seancë do të shërbejë gjithashtu si një provë teknike dhe operacionale për të verifikuar funksionimin e saktë të sistemeve, pikave të qasjes dhe aspekteve të ndryshme të objektit, brenda kuadrit të rihapjes progresive të stadiumit".

Kapaciteti i stadiumit dhe ora e hapjes për seancën e parë stërvitore të Barçës në Spotify Camp Nou

Seanca e parë stërvitore e Barcelonës në stadiumin e ri Spotify Camp Nou do të jetë më 7 nëntor në orën 11:00, me dyert e stadiumit që do të hapen në orën 9:30 të mëngjesit.

Shitja e biletave do të fillojë këtë të premte në orën 11:00. Për 48 orët e para, shitjet do të jenë ekskluzive për anëtarët e klubit, të cilët do të jenë në gjendje të blejnë një biletë të vetme dhe nuk do të lejohen të sjellin mysafirë. Pas kësaj periudhe, shitjet do të hapen për publikun e gjerë.

Çmimet e biletave do të jenë 5 euro për mbajtësit e biletave sezonale dhe 10 euro për publikun e gjerë. Të gjitha të ardhurat do të shkojnë për projektin Blaugrana Bracelets, të promovuar nga Barça Foundation.

Barça njofton se " kapaciteti do të jetë 23,000 spektatorë, të vendosur në zonën e Tribunës dhe South Goal, që korrespondon me Fazën 1A, për të cilën Klubi tashmë ka licencën e parë të përdorimit".

Kanë kaluar më shumë se dy vjet që kur Blaugranët vizitoi për herë të fundit stadiumin e tyre.

Seanca stërvitore për lojtarët e Hansi Flick, të cilët ende nuk kanë shkelur në stadiumin e rimodeluar, jo vetëm që do të shërbejë për t'u lidhur me tifozët, por do të jetë gjithashtu një provë e rëndësishme e objektit për sa i përket aksesit, sistemeve, operacioneve dhe më shumë. /Telegrafi/

Lamine Yamal, talenti i jashtëzakonshëm i FC Barcelonës, është në qendër të një oferte rekord prej 400 milionë eurosh nga klubi saudit Al-Hilal, një shifër që mund të shënojë transferimin më të madh në historinë e futbollit botëror.

Me vetëm 18 vjeç, Yamal ka lënë gjurmë të pashlyeshme te FC Barcelona. Performanca e tij e shkëlqyer në UEFA Euro 2024, ku Spanja u shpall kampione, ka konsoliduar statusin e tij si një nga talentet më premtuese të futbollit global.

Rinovimi i fundit me Barcelonën deri në vitin 2031, me një pagë prej rreth 21 milionë euro në vit, reflekton besimin e klubit në potencialin e tij. Megjithatë, oferta e Al-Hilal ka vënë në dyshim qëndrimin e tij në ‘Camp Nou’.

Klubi saudit ka dorëzuar një propozim historik prej 400 milionë eurosh për lojtarin, për një kontratë shtatëvjeçare, një shifër që tejkalon ndjeshëm vlerën e tregut të Yamalit.

FC Barcelona ka refuzuar fillimisht këtë ofertë, duke theksuar dëshirën për ta mbajtur si një element kyç të projektit të tyre sportiv. Megjithatë, presioni ekonomik dhe ambiciet e lojtarit mund ta bëjnë këtë situatë më komplekse.

Burime nga brenda klubit tregojnë se Yamal ndjehet i pakënaqur nga kritikat publike të trajnerit Hansi Flick, i cili ka kërkuar përmirësim në intensitet dhe përqendrim.

E ardhmja e Lamine Yamal mbetet e paqartë. Megjithëse FC Barcelona dëshiron ta mbajë, oferta e jashtëzakonshme e Al-Hilal dhe tensionet e mundshme mund të ndikojnë në vendimin përfundimtar.

Afati i transferimeve që vjen do të jetë vendimtar për të përcaktuar nëse talenti i ri do të vazhdojë karrierën në ‘Camp Nou’ apo do të nisë një aventurë të re në Arabinë Saudite.

Një gjë është e sigurt, Lamine Yamal është shndërruar në një nga figurat më të kërkuara të futbollit botëror dhe çdo lëvizje e tij e ardhshme mund të ndryshojë standardet e transfertave në sportin më të ndjekur në botë. /Telegrafi/

Barcelona do të duhet të presë më gjatë për rikthimin e saj në Spotify Camp Nou, i cili nuk do të jetë gati në tetor. Ishte shpresuar që vonesa do të merrte fund në dy javët e ardhshme, por as kjo nuk ndodhi.

Sipas një deklarate zyrtare përmes gazetës Sport, Barcelona ka konfirmuar se ndeshja e tyre e radhës në shtëpi kundër Gironas, e cila do të zhvillohet pas pushimit ndërkombëtar, do të luhet në Estadi Olimpic Lluis Companys, jo në Spotify Camp Nou.

“FC Barcelona njofton se ndeshja që korrespondon me javën e nëntë të La Ligës, kundër Girona FC, e cila do të luhet të shtunën, më 18 tetor në orën 16:15, do të luhet në Estadi Olimpic Lluis Companys”.

“Klubi vazhdon të punojë për të marrë lejet e nevojshme administrative për hapjen e Spotify Camp Nou dhe është në kontakt të përhershëm me Këshillin e Qytetit të Barcelonës në mënyrë që të jetë në gjendje të kryejë inspektimet përkatëse në ditët në vijim”.

“Në këtë kontekst, megjithëse pritet të marrë së shpejti licencën e parë për fazën 1A – gjë që do të lejonte një kapacitet deri në 27,000 spektatorësh – FC Barcelona do të punojë me qëllimin për t'u rikthyer në Spotify Camp Nou sapo të merret licenca që korrespondon me fazën 1B, gjë që do ta rrisë kapacitetin në 45,000 spektatorë”, thuhet në njoftim.

Barcelona mund të mos kthehet deri në fund të nëntorit

Barcelona pret Olympiacosin në ndeshjen e tyre të radhës në Ligën e Kampionëve disa ditë pas ndeshjes me Gironën, por tashmë është konfirmuar se edhe kjo do të zhvillohet në ‘Montjuic’.

Mundësia tjetër për një rikthim do të ishte ndeshja kundër Elches më 2 nëntor, por çuditërisht është raportuar se klubi është i përgatitur të shtyjë një rikthim të mundshëm deri në fund të atij muaji për arsye financiare. /Telegrafi/

Barcelona ka kërkuar leje të veçantë nga UEFA për të thyer një rregull të Ligës së Kampionëve përpara ndeshjes së ardhshme ndaj Paris Saint-Germain.

Barcelona do të përballet me kampionët në fuqi, PSG, të mërkurën, në një nga përballjet më të spikatura të fazës së grupeve të Ligës së Kampionëve.

Të dy skuadrat e nisën fushatën evropiane me fitore. Barcelona triumfoi 2-1 ndaj Neëcastle në transfertë, falë një dopiete të Marcus Rashford, ndërsa PSG mposhti Atalantën me rezultatin e thellë 4-0 në Paris.

Ndeshja e së martës do të zhvillohet në stadiumin olimpik Montjuic, dhe jo në “Camp Nou”, i cili është ende në proces rinovimi.

Kampionët e La Ligës kishin shpresuar të mirëprisnin Real Sociedadin në “Camp Nou” të dielën, me një kapacitet të reduktuar prej 27,000 vendesh, por kërkesa e klubit për lejen përkatëse u refuzua nga Këshilli Bashkiak i qytetit të Barcelonës.

Si rezultat, edhe ndeshja kundër PSG-së do të luhet në Montjuic, një situatë që ka krijuar një problem të mundshëm për klubin në kuadër të kompeticioneve evropiane.

Rregullorja e UEFA-s ndalon që një klub të zhvillojë ndeshjet e fazës së grupeve në më shumë se një stadium, gjë që potencialisht e pengon Barcelonën të kthehet në “Camp Nou” për ndeshjet e mbetura.

Sipas raportimeve të gazetës spanjolle Marca, Barcelona ka dorëzuar një kërkesë zyrtare në UEFA për një përjashtim të veçantë nga ky rregull. Klubi katalanas shpreson të rikthehet në “Camp Nou” pas pushimit ndërkombëtar që nis të hënën.

Ndeshja e radhës në Ligën e Kampionëve për Barcelonën, pas sfidës me PSG-në, është më 21 tetor kundër ekipit grek Olympiacos. Tre ditë më herët, më 18 tetor, Barcelona do të përballet me rivalët lokalë të Gironës në La Liga.

Edhe pse vendi i zhvillimit të kësaj ndeshje nuk është konfirmuar zyrtarisht, Këshilli Bashkiak ka shprehur besimin se ndeshja do të mund të zhvillohet në “Camp Nou”./Telegrafi/

Barcelona mund të detyrohet të luajë tre ndeshjet e ardhshme si vendase në tri stadiume të ndryshme, për shkak të kufizimeve të UEFA-s dhe procesit të gjatë të rinovimit të stadiumit Camp Nou, raporton Sport.

Sipas planit aktual, ndeshja e radhës në La Liga kundër Valencias do të zhvillohet në stadiumin Johan Cruyff, kompleks që zakonisht shërben për ekipin B dhe futbollin e femrave.

Përballja tjetër me Getafen pritet të rikthejë përkohësisht Barcelonën në Camp Nou, nëse La Liga jep miratimin e nevojshëm.

Ndërkohë, supersfida e Ligës së Kampionëve kundër Paris Saint-Germain është caktuar të luhet në Montjuic, aty ku Barça ka qenë e detyruar të luajë shumicën e ndeshjeve që nga nisja e rinovimit.

Ky skenar ka shkaktuar jo pak shqetësim brenda klubit, pasi mungesa e një fushe të përhershme ndikon drejtpërdrejt jo vetëm në aspektin sportiv, por edhe financiar.

Për Barcelonën, të luajë në kushte të tilla do të thotë të menaxhojë sfidën e përshtatjes së shpejtë me terrene të ndryshme dhe mungesën e vazhdimësisë së mbështetjes nga tifozët në një stadium të vetëm.

Burime pranë klubit theksojnë se objektivi mbetet i qartë: rikthimi në Camp Nou deri në fund të shtatorit. Renovimi i stadiumit ka nisur që prej më shumë se 18 muajsh dhe synon të kthejë “shtëpinë” e Barcelonës në një arenë moderne dhe gjigante, në përputhje me historinë dhe staturën e klubit. /Telegrafi/ 

The post Barcelona përballet me sfidën e stadiumeve – tre ndeshje radhazi në fusha të ndryshme appeared first on Telegrafi.

Afati i fundit i Barcelonës për të marrë vendimin nëse do të luajë në Camp Nou në gjysmën e parë të këtij sezoni është caktuar për të enjten, më 28 gusht, sipas UEFA-s.

Në atë datë, UEFA do të mbajë shortin e fazës së Ligës së Kampionëve, me Barcelonën që do t’i zbulojë kundërshtarët e saj.

Pas shortit, Barcelona duhet t’i tregojë UEFA-s se ku planifikon t’i zhvillojë ndeshjet në shtëpi.

Pasi të konfirmohet, Barça nuk mund të ndryshojë vendin e zhvillimit deri pas fazës së ligës, e cila do të jetë faza e 1/8-tës, me shumë mundësi në vitin 2026.

Lexo po ashtu Barcelona mori miratimin nga UEFA për kërkesën e rëndësishme për Ligën e Kampionëve për stadiumin Camp Nou

Barcelona i është lutur UEFA-s që t’i lejojë të luajnë ndeshjen e parë të fazës së grupeve të Ligës së Kampionëve jashtë fushe nga 6, 17 ose 18 shtatori deri më 30 dhe 1 tetor.

Ndërsa UEFA tashmë e ka pranuar kërkesën e Barcelonës për të luajtur ndeshjet e para të Ligës së Kampionëve jashtë fushe, klubi duhet të konfirmojë nëse do të vazhdojë në Camp Nou apo në ndonjë stadium tjetër.

Barcelona tashmë ka marrë lejen përfundimtare për përfundimin e Fazës 1A të punimeve në Camp Nou. Kjo i lejon klubit të hapë pjesërisht stadiumin dhe të përdorë rreth 27,000 vende për tifozët. /Telegrafi/

The post Afati i fundit për vendimin e Barcelonës në Camp Nou është konfirmuar appeared first on Telegrafi.