Durrësi është përfshirë nga një mot i keq. Shira me intensitet të lartë kanë qenë prezente përgjatë gjithë natës në Durrës dhe periferitë e tij. Për pasojë paraqitet një situatë e vështirë, ku pothuajse i gjithë qyteti është nën pushtetin e përmbytjeve. Situata problematike shfaqet në të gjitha lagjet e Durrësit.

Prania e ujit është shumë e lartë në rrugët dhe lagjet e qytetit. Qarkullimi i automjeteve dhe lëvizja e qytetarëve është bërë shumë e vështirë dhe pothuajse e pamundur.

Disa prej lagjeve të Durrësit vuajnë mungesën e energjisë elektrike. Situata më problematike paraqitet në lagjen 1, në lagjet 4-5-13-14-15-16-17 dhe 18. Të gjitha rrugët janë të pakalueshme. Autoritetet po monitorojnë situatën.

Një zjarr i fuqishëm në Berlinin jugperëndimor shkaktoi një ndërprerje të gjerë të energjisë elektrike të shtunën, duke lënë të pa furnizuar me rrymë rreth 45,000 familje dhe 2,200 biznese në katër rrethe të qytetit, njoftoi operatori i rrjetit Stromnetz Berlin, sipas raportimeve të CNBC.

Ngjarja u shkaktua nga një zjarri në një urë kabllore mbi Kanalin Telov pranë termocentralit Lichterfelde, duke dëmtuar disa kabllo.

Stromnetz Berlin bëri të ditur se energjia u është rikthyer tashmë rreth 10,000 familjeve dhe 300 bizneseve në Lichterfelde, por rreth 35,000 familje dhe 1,900 kompani vazhdojnë të jenë pa rrymë. Kompania parashikon që furnizimi të rikthehet për të gjithë klientët deri të enjten pasdite, për shkak të temperaturave nën zero dhe reshjeve të borës që po komplikojnë punën.

Autoritetet lokale fajësuan për incidentin grupin ekstremist të krahut të majtë, Vulcan, i cili mori përgjegjësinë për sulmin përmes një letre. Në të, grupi pretendon se veprimi ishte kundër industrisë së karburanteve fosile, ndërsa motive të tjera përmenden edhe kriza klimatike dhe zhvillimi i infrastrukturës së inteligjencës artificiale.

“Ky nuk është thjesht ekstremizëm i krahut të majtë, por terrorizëm i qartë i krahut të majtë,” deklaroi Ministre e Brendshme, Iris Spranger.

Kjo ndërprerje e energjisë ndodh vetëm katër muaj pas një zjarri të dyshimtë që kishte prekur rreth 50,000 familje në Berlinin juglindor. Grupi Vulcan kishte marrë më parë përgjegjësinë për një sulm ndaj rrjetit elektrik në fabrikën e Teslës pranë Berlinit në vitin 2024, duke ndërprerë përkohësisht prodhimin.

Plani për mot të ftohtë është aktivizuar në Gjenevë që nga dita e djeshme. Përballë rënies së ndjeshme të temperaturave dhe rikthimit të erës nga veriu, Qyteti i Gjenevës ka vendosur ta zgjasë këtë plan, i cili u aktivizua të dielën, deri më 12 janar. Masat përfshijnë hapjen e hapësirave shtesë për strehim emergjent dhe dyfishimin e patrullave të natës në terren.

Me temperatura që zbresin deri në -6 gradë Celsius, i ftohti ndihet fort në rrugët e Gjenevës.
Në këto temperatura ekziston rreziku i hipotermisë: trupi i njeriut nuk është i projektuar për të qëndruar jashtë për disa orë,” shpjegon Sami Ben Salah, punonjës social i Qytetit të Gjenevës, të hënën gjatë edicionit informativ të orës 12:45.

Në rrugët e qytetit, Sami Ben Salah dhe një nga kolegët e tij u ofrojnë personave të pastrehë që takojnë një vend të ngrohtë për të kaluar natën.

Ata gjithashtu i inkurajojnë të telefonojnë në një linjë të dedikuar emergjente, pasi që nga 29 dhjetori janë hapur 80 vende shtesë për strehim.

“Njerëzit janë të lumtur që mund të strehohen, veçanërisht kur temperaturat bëhen vërtet ekstreme,” thekson Claudio Gramenzi, komandant i Mbrojtjes Civile të qytetit.

Shqipëria pritet të përfshihet nga mot i paqëndrueshëm, me reshje të shumta shiu në pjesën më të madhe të territorit.

Zonat perëndimore dhe qendrore parashikohen më të prekura, ndërsa në veri dhe në zonat malore priten reshje intensive bore.

Temperaturat do të jenë tipike dimërore, me rënie të ndjeshme gjatë orëve të mëngjesit dhe mbrëmjes.

Në zonat malore vlerat minimale do të zbresin nën zero, duke favorizuar shtresëzimin e borës.

Era do të fryjë mesatare deri e fortë, kryesisht nga veriu dhe verilindja, duke sjellë përkeqësim të kushteve atmosferike.

Reshjet intensive mund të shkaktojnë probleme në qarkullim dhe rrezik për përmbytje lokale, ndaj rekomandohet kujdes i shtuar.

Dashi

Dite shume normale dhe pa asgjë te veçante kjo e sotmja për ata qe janë ne një lidhje. Mire do jete t’i merrni gjerat ashtu si t’iu vijnë pa kërkuar asgjë me ngulm. Beqaret nuk mund te qëndrojnë dot indiferente ndaj ftesave qe do ju bëhen. Financat do jene te mire për aq kohe sa ju te shpenzoni me kujdes dhe t’i menaxhoni mire ato para qe keni.

Demi

Do kaloni momente te bukura, por edhe momente te vështira gjete kësaj dite pranë atij qe dashuroni. tregohuni me te duruar. Beqaret do realizojnë plot takime, por nuk do arrijnë te fillojnë një lidhje te qëndrueshme. Financat do jene shume me te mira nga me pare. Kjo do ju gëzojë pa mase dhe do ju japë me tepër liri për te kryer disa shpenzime.

Binjaket

Dite plot ngjyra kjo e sotmja për ata qe janë ne një lidhje. Shume nga dëshirat me te zjarrta do ju plotësohen me ne fund dhe do ndiheni me se miri. Beqaret do e kenë mendjen tek disa çështje te rëndësishme dhe nuk do kenë kohe te kërkojnë dashurinë. Financat nuk do jene ne gjendjen e pritur, megjithatë me pak kujdes edhe mund t’ia dilni mbanë.

Gaforrja

Sot duhet te flisni seriozisht me partnerin tuaj lidhur me disa çështje te rëndësishme. Është e kote qe t’i shtyni ato dite pas dite. Beqaret do e fillojnë një histori dashurie, por pa qene te sigurte sesa do vazhdoje ajo. Do i marrin gjerat si t’iu vijnë, duke ju besuar emocioneve te momentit. Financat do jene te dobëta sepse nuk do tregoni aspak kujdes kur te shpenzoni.

Luani

Venusi do jete planeti qe do e mbështesë gjate gjithë kohës jetën tuaj ne çift dhe do ju beje te shfrytëzoni çdo moment. Gjerat do ecin për mrekulli. Edhe beqaret do jene ne humorin e duhur për ta kërkuar kudo personin e duhur. Financat duhet t’i menaxhoni me sa me shume kujdes dhe maturi qe te mundeni te paktën këto dite qe do jene delikate.

Virgjeresha

Ju qe jeni ne një lidhje nuk do keni për çfarë te qaheni gjate kësaj dite. Te gjithë gjerat do shkojnë sipas planeve qe keni bere. Beqaret nuk do iu kushtojnë vëmendjen e duhur personave qe do i joshin dhe do mbeten serish vetëm. Ne planin financiar fati do ju buzëqeshë. Do arrini te rregulloni te gjitha problemet qe keni pasur.

Peshorja
Do kaloni çaste shume te bukura gjate kësaj dite me personin qe dashuroni dhe nuk do doni te shkëputeni aspak prej tij. Edhe ata qe kane pasur mosmarrëveshje do ndihen me te qete. Beqaret do jene sensuale dhe do tërheqin mjaft vëmendjen e te tjerëve. Ne planin financiar mos ndërmerrni shume rreziqe sepse situata nuk është ne gjendjen me te mire te mundshme.

Akrepi

Dita e sotme pritet te jete mjaft harmonike për te dashuruarit. Do dialogoni mjaft me atë qe keni ne krah dhe nuk do mund te linde asnjë lloj keqkuptimi. Beqaret do marrin propozime, por nuk do ndihen ende gati për te ndryshuar status. Financat do jene gjithë kohës te mbrojtura kështu qe mund t’i kryeni pa frike shpenzimet me te nevojshme.

Shigjetari

Për shkak te ndikimit negativ te Marsit, jeta juaj ne çift ka rrezik te kaloje një dite te vështirë. Asgjë nuk do eci si ju e kishit ëndërruar. Beqaret do mundohen gjithë kohës te gjejnë personin e duhur, por me kot. Financat nuk do jene te këqija, gjithsesi mendoni pak për te nesërmen dhe ulini sa te mundni shpenzimet. Do e shihni qe edhe vete do jeni me te qete.

Bricjapi

Nëse doni qe jeta juaj ne çift te ece sa me mire nuk duhet absolutisht te tregoheni impulsive. Merrini gjerat sa me shtruar dhe forcojeni bashkëpunimin. Beqaret do jene me te sigurte ne vetvete dhe do e bëjnë për vete atë qe pëlqejnë. Ne planin financiar do jete e vështirë te ruhet ekuilibri sepse do keni i keni te nevojshme t’i kryeni disa shpenzime te mëdha.

Ujori

Jeta sentimentale e te dashuruarve do ece me se miri gjate kësaj dite. Nuk do keni as me te voglin problem apo debat me atë qe keni ne krah. Beqaret do njihen me disa persona dhe do fillojnë menjëherë te bëjnë plane për te ardhmen. Ne planin financiar do luftoni fort qe te arrini ta stabilizoni gjendjen. Disa familjare do iu japin ndihmën e tyre.

Peshqit

Mos e ngrini ne piedestal personin qe keni ne krah sepse do zhgënjeheni me shume nga sa mund ta mendoni. Tregohuni realiste. Beqaret nuk duhet te nxitohen dhe te fillojnë menjëherë një lidhje pa i njohur mire personat. Gjendja e financave do jete goxha e mire. Do dini mire si t’i menaxhoni ato para qe keni dhe nuk do shpenzoni me frike

Kushtet nga reshjet e borës dhe akullit kanë detyruar mbylljen e qindra shkollave në të gjithë Skocinë, Uellsin dhe Irlandën e Veriut, ndërsa ndërprerjet e udhëtimit kanë prekur pjesë të mëdha të Mbretërisë së Bashkuar.

Paralajmërimet e motit për borë të madhe janë në fuqi në Skocinë veriore, sipas shërbimit kombëtar meteorologjik Met Office.

Rrugët janë bërë të pakalueshme në disa zona, me shërbime treni dhe fluturime të anuluara.

Matthew Lehnert, një meteorolog kryesor i Met Office, tha se kushtet e rënda po përkojnë me javën e parë të plotë të punës së vitit.

“Ndërsa fillojmë javën e parë të plotë të punës së vitit, përballemi me një sërë rreziqesh të motit dimëror me reshje bore dhe akull”, tha ai.

Ai shtoi se kushtet në vende të tjera të Mbretërisë së Bashkuar do të mbeten sfiduese.

Moti i ftohtë ka shkaktuar gjithashtu paralajmërime shëndetësore. Agjencia e Sigurisë Shëndetësore e Mbretërisë së Bashkuar (UKHSA) ka lëshuar alarme të kuqe për të ftohtin për Anglinë deri më 6 janar.

Agostinho Sousa, kreu i Ngjarjeve Ekstreme dhe Mbrojtjes së Shëndetit në UKHSA, u bëri thirrje njerëzve të kenë kujdes për ata që janë në rrezik.

“Ndërsa moti i ftohtë fillon, është jetike të kontrolloni miqtë, familjen dhe fqinjët që janë më të prekshëm”, tha ai.

SHQIPËRI- Viti 2026 nis me rritje të pagave e pensioneve për të gjitha kategoritë me synimin për të çuar pensionin mesatar në 400 euro në fund të mandatit.

Eksperti i ekonomisë, Igli Tola, i ftuar në “Money Report” u shpreh se rritja ekonomike e Shqipërisë pritet të ndjekë të njëjtën trajektore për një periudhë afatmesme, parashikim të cilin e kanë shprehur edhe institucionet ndërkombëtare si Fondi Monetar Ndërkombëtar apo Banka Botërore.

Ai thekson se rritja e pagave dhe pensioneve pritet me shumë interes edhe për faktin se si kjo qasje do të përkthehet në rritje të konsumit.

“Ecuria gjatë 2026 mendoj se do jetë në vazhdën që parashikohet nga strategjia afatmesme, deri në vitin 2030, që nuk do jetë shumë e ndryshme nga 2025. Siç parashikohet nga FMN dhe Banka Botërore dhe i vetmi risk potencial është se çfarë mund të ndodhë në gjeopolitikën rajonale, dhe më gjerë që ekonomia jonë, e cila është e hapur me tendenca importuese mund të ndikohet nga çdo krizë dhe kjo reflekton. Efekte pozitive rritja e pagave dhe pensioneve. Duhet të shikojmë se sa këto para do konvertohen në konsum. Inflacioni pritet të kthehet në objektiv brenda këtij viti”, tha ai.

Një tjetër nismë, e cila prek shumë biznese është falja e borxheve tatimore e doganore më te vjetra se 10 vite dhe falje e pjesshme për borxhet më të reja.

Eksperti i ekonomisë u shpreh se “paqja fiskale” ka impakt pozitiv në buxhetin e shtetit pasi siguron disa të ardhura që deri dje ishin pothuajse “të humbura”, por megjithatë Tola sugjeron se kjo duhet analizuar mirë duke mbajtur parasysh kostot dhe përfitimet.

“Japin ndikime në ekonomi. Duhet bërë një analizë kosto-përfitim. Ndikimi në ekonomi mund të konsiderohet pozitiv, të ardhurat shtesë për buxhetin. Ka ndikim pozitiv pasi siguron më shumë të ardhura në buxhet”, tha ai./abcnews.al

Çmimet e arit dhe argjendit u rritën sot, duke përfituar nga pasiguria politike në rritje pas sulmit amerikan në Venezuelën e pasur me naftë.

Çmimi i gramit të arit u rrit me më shumë se 2%, duke e vënë atë në rrugën e fitimeve për ditën e dytë tregtare të vitit 2026.

Ari ishte një nga asetet më të kërkuar vitin e kaluar, me çmimin që u rrit 65%, duke shënuar rritjen më të fortë vjetore që nga viti 1979.

Në fund të vitit 2025, ai ra në 4,275  dollarë pas arritjes së një rekordi të lartë prej pak më pak se 4,550 dollarë më 26 dhjetor.

Argjendi shënoi një fitim vjetor edhe më të madh, thuajse 150%, por ka patur luhatje të forta javët e fundit.

Pas arritjes së një rekordi të lartë prej pak mbi 84 dollarë më 29 dhjetor, ai ra përkohësisht në 70 dollarë para se të rritej përsëri me gati 4% sot duke arritur 75,5 dollarë.

Metalet e çmuara, veçanërisht ari, konsiderohen nga shumë investitorë si asete strehë e sigurt, ku mund të zhvendosin paratë e tyre në kohë pasigurie politike.

Çmimet e naftës ranë të hënën, ndërsa furnizimet e bollshme globale kompensuan shqetësimet lidhur me ndikimin ne flukset e karburanteve pas kapjes së presidentit Nicolas Maduro të Venezuelës nga SHBA, vendi me rezervat më të mëdha globale të naftës.

Kontratat feature të naftës brent ranë me 0.4% duke arritur në 60.5 dollarë për fuçi këtë fillim jave.

Prodhimi i naftës në Venezuelë ka rënë ndjeshëm në dekadat e fundit për shkak të keqmenaxhimit dhe mungesës së investimeve nga firmat e huaja, pasi vendi shtetëzoi operacionet e naftës në vitet 2000. Prodhimi arrinte mesatarisht në rreth 1.1 milionë fuçi në ditë vitin e kaluar, ose vetëm 1% e prodhimit global.

Presidenti amerikan Donald Trump tha se Uashingtoni do të merrte kontrollin e Venezuelës dhe se embargoja e naftës do të mbetej në fuqi. Në një treg global me furnizim të bollshëm me naftë, sipas analistëve çdo ndërprerje e mëtejshme e eksporteve të Venezuelës do të kishte pak ndikim në çmime.

Trump është zotuar që të shfrytëzojë rezervat e naftës së Venezuelës, duke deklaruar se firmat amerikane të naftës do të investojnë miliarda dollarë për ë vënë në funksion burimet e pashfrytëzuara. Kompanitë sipas tij do të riparojnë infrastrukturën e naftës dhe do të fitojnë para për vendin.

Megjithatë, analistë të tregut thonë se pengesat kryesore për firmat e naftës që shpresojnë të shfrytëzojnë rezervat e Venezuelës janë ligjore dhe politike. Sipas tyre, kompanitë që duan të përfitojnë nga plani i Trump do të duhet të nënshkruajnë kontrata me qeverinë e re të Venezuelës kur ajo të jetë në fuqi. Po ashtu, sipas tyre kjo do të kërkonte miliarda dollarë investime dhe rreth një dekadë për të rikthyer prodhimin e mëparshëm të Venezuelës.

Gjykata e Shkodrës ka vendosur masën e sigurisë “arrest me burg” për katër personat, të cilët u arrestuan për vrasjen me tritol të Hysni Ymerit. Njëri prej të arrestuarve, konkretisht Gert Bushati ka pranuar krimin para gjykatës.

Ai ka deklaruar se nuk ka patur dijeni se sasinë e eksplozivit do ta vendoste për të vrarë ndonjë person. Ai është shprehur se i është thënë nga porositësit se do të jetë vetëm për të trembur dikë dhe jo për të vrarë.

“Kur kam mësuar se ka vdekur shtetasi Hysni Ymeri jam tmerruar. Nuk kam patur dijeni për vrasje vetëm për të trembur dikë. Shtetasit Gjergj Zefi, Edison Hasaj dhe Ergys Ibrahimi më kanë kontaktuar për këtë punë dhe e kam pranuar. Tritolin e kam vënë me datë 27 dhjetor por pa e ditur se bëhej fjalë për vrasje”.

Gert Bushati ka deklaruar gjjthashtu se nuk e ka idenë cila është arsyeja e vendosjes së tritolit dhe se roli i tij ka qenë vetëm për ta vendosur duke mos patur më shumë informacion rreth kësaj çështje.

Sipas burimeve hetimore disa kohë më përpara sasia e eksplozivit është vënë edhe një herë tjetër por herën e parë nuk ka shpërthyer. Në këto kushte Gert Bushati e ka vendosur herën e dytë me 27 dhjetor dhe pas dy ditësh eksplozivi shpërtheu duke vrarë shtetasin Hysni Ymeri.

Fillimisht është zhvilluar seanca për shtetasit Ergys Ibrahimi, Gjergj Zefi dhe Edison Hasaj. Ndërkohë për Gert Bushatin që ka pranuar autorsinë e vendosjes së eksplozivit, masa e sigurisë u zhvillua veçmas.

Përsa kohë tre shtetasit e tjerë të dyshuar nuk e kanë pranuar dhe nuk kanë dhënë asnjë detaj, ende mbetet e paqartë cila është arsyeja e vrasjes së Hysni Ymerit.

Ndaj 4 të arrestuarve të dyshuar, rëndojnë akuzat “vrasje me paramendime e kryer në bashkëpunim”, “shkatërrim i pronës me eksploziv”, “mbajta pa leje dhe prodhimi i armeve shpërthyese dhe i municionit”. Gjithashtu ndaj tyre rëndojnë akuzat për “prodhim dhe shitje e narkotikëve në bashkëpunim” si dhe “prishje e qetësisë publike”.

Vëllai i viktimës vite më parë, në 1995 është dyshuar për një vrasje të shtetasit Shefqet Çekorja.

Ndërkohë në 2017 një kushëri i tij, shtetasi Dritan Ymeri është i dyshuar si autor i vrasjes së mjekut Ilir Aliaj por u arratis jashtë Shqipërisë pas ngjarjes.

Policia dhe prokuroria janë duke hetuar këto dy pista por edhe çdo pistë tjetër të mundshme sepse është ende e paqartë nëse vrasja e Hysni Ymerit lidhet me dy ngjarjet e sipërmendura apo lidhet me ndonjë konflikt tjetër.

Pak ditë përpara vrasjes, në Shqipëri mbërriti djali i Hysni Ymerit, i cili jeton jashtë vendit dhe ndodhej në spital me nënën e tij, e cila po lufton për jetën ndaj sëmundjes së rëndë.

Senatori amerikan, Lindsey Graham, tha se “ditët e Kubës janë të numëruara”, pas një operacioni ushtarak amerikan që Washingtoni e përshkroi si një “sulm në shkallë të gjerë”, i cili rezultoi në kapjen e presidentit të Venezuelës, Nicolas Maduro.

“Pritni për Kubën. Kuba është një diktaturë komuniste që ka vrarë priftërinj dhe murgesha, ata kanë sulmuar popullin e tyre, ditët e tyre janë të numëruara”, u tha Graham gazetarëve të dielën në Air Force One, ndërsa udhëtonte me presidentin e SHBA-së, Donald Trump.

“Do të zgjohemi një ditë, shpresoj në vitin 2026, në oborrin tonë do të kemi aleatë në këto vende që bëjnë biznes me Amerikën, jo diktatorë narko-terroristë që vrasin amerikanë”, shtoi ai.

Të shtunën, Trump njoftoi se veprimi ushtarak i SHBA-së ndaj Venezuelës rezultoi në kapjen e Maduros dhe gruas së tij, Cilia Flores, duke u zotuar gjithashtu të ushtrojë kontrollin amerikan mbi vendin për momentin, me trupa amerikane nëse është e nevojshme.

Maduro dhe Flores u dërguan në New York të shtunën vonë dhe po mbahen në një qendër paraburgimi në Brooklyn. Ata përballen me akuza federale amerikane të lidhura me trafik droge dhe bashkëpunim të dyshuar me bandat e përcaktuara si organizata terroriste.

Maduro i ka mohuar akuzat dhe zyrtarët në Karakas kanë bërë thirrje për lirimin e çiftit.

Kuba njoftoi gjithashtu se 32 nga luftëtarët e saj u vranë gjatë ndërhyrjes amerikane në Venezuelë, me presidentin Miguel Diaz-Canel që shpalli 5 dhe 6 janar ditë zie kombëtare.

TIRANË- Shtyhet në datë 19 janar gjyqi ndaj kryebashkiakut të Tiranës Erion Veliaj dhe të tjerëve.

Shkak u bë mungesa e avokatëve. Edhe avokatja e caktuar kryesisht për Veliajn, Valentina Todoreskut ndodhet jashtë vendit, ndërsa ka njoftuar gjykatën me email.

Kryebashkiaku i Tiranës, akuzohet nga SPAK për disa vepra penale si korrupsion, pastrim parash, fshehje pasurie, shpërdorim detyre, si dhe futje e sendeve të ndaluara në qeli.

Nga gjetjet e SPAK, rezulton se në të paktën 9 raste Erion Veliaj, ka kryer akte korrupsioni pasiv.

SPAK thotë se, në këmbim të përfitimeve të parregullta në para dhe pasuri të paluajtshme, Veliaj ka dhënë leje ndërtimi apo fonde publike nga Bashkia e Tiranës. Të përfshirë në këtë dosje janë janë edhe 28 persona të tjerë, mes tyre dhe biznesmenë.

Prej datës 10 shkurt të 2025, kryetari i bashkisë së Tiranës Erion Veliaj mbahet në paraburgim./abcnews.al

Era e fortë që ka fryrë gjatë natës në jug të vendit dhe moti i keq ka shkaktuar rënien e disa pemëve, të cilat për pasojë kanë bllokuar rrugën e Llogarasë.

Si pasojë e rrëzimit të pemëve mbi linjat elektrike, zona e Llogarasë ka mbetur pa energji elektrike.

Në vendngjarje ndodhen grupet e punës, të cilat po punojnë për pastrimin e rrugës dhe normalizimin e qarkullimit, ndërsa ekipet e OSHEE-së janë angazhuar për rikuperimin e furnizimit me energji elektrike.

Presidenti amerikan Donald Trump ka deklaruar për gazetarët nga Air Force One, duke u nisur nga Mar-a-Lago drejt Washington DC, se ushtarët amerikanë që u plagosën në operacionin për kapjen e Maduros ndodhen në gjendje të mirë.

Presidenti ka sugjeruar gjithashtu se përparësia e tij aktuale është të “rregullojë” Venezuelën në vend të mbajtjes së zgjedhjeve – dhe paralajmëroi se SHBA-të kanë nevojë për akses të plotë në rezervat e tyre të naftës.

Po ashtu, ai sugjeroi që SHBA-të mund të ndërmarrin operacione ushtarake diku tjetër në Amerikën e Jugut.

“Kolumbia është gjithashtu shumë e sëmurë, e drejtuar nga një njeri i sëmurë, të cilit i pëlqen të prodhojë kokainë dhe ta shesë atë në Shtetet e Bashkuara, dhe nuk do ta bëjë këtë për shumë kohë”, tha Trump në referencë për Presidentin Gustavo Petro.

Kur u pyet nëse SHBA-të do të ndërmerrnin veprime, ai shtoi: “Më duket mirë”.

Imazhe dramatike kanë zbuluar shkatërrimin e sulmeve amerikane të kryera në Venezuelë, si pjesë e operacionit të natës për të kapur diktatorin Nicolas Maduro.

Fotografitë ajrore tregojnë se si disa ndërtesa u shkatërruan në një sulm të vetëm, duke lënë pas sipërfaqe toke të djegura dhe tym që ngrihej sipër.

Sulmet kishin në shënjestër Fuerte Tiuna, kompleksin më të madh ushtarak të Venezuelës në Karakas.

Kjo vjen pasi një zyrtar i lartë venezuelas, i paidentifikuar, pretendon se të paktën 40 persona besohet se janë vrarë në sulme, sipas New York Times.

Burimi tha se kjo përfshinte si personel ushtarak ashtu edhe civilë.

Trump tha se “sulmi në shkallë të gjerë” u krye me qëllim kapjen e Maduros dhe gruas së tij, Cilia Flores, të cilët tani po mbahen në paraburgim në New York me akuza për trafik droge.

Maduro dhe Flores po mbahen në qendrën e paraburgimit metropolitan të Bruklinit, e cila është e njohur për kushtet e saj të këqija dhe ka strehuar gjithashtu Luigi Mangione dhe Sean ‘Diddy’ Combs.

Trump tha se Shtetet e Bashkuara do ta qeverisin Venezuelën për një kohë të pacaktuar ndërkohë, pasi hodhi poshtë mundësinë që udhëheqësja popullore e opozitës së vendit, Maria Corina Machado, të marrë frenat, duke pretenduar se ajo “nuk ka mbështetjen”

Mette Frederiksen tha se “nuk ka absolutisht asnjë kuptim të flasësh për nevojën që Shtetet e Bashkuara të marrin Groenlandën”, duke shtuar: “SHBA-të nuk kanë të drejtë të aneksojnë asnjë nga tre kombet në mbretërinë daneze”.

Komentet e saj vijnë pasi Katie Miller – gruaja e njërit prej ndihmësve të Trump, Stephen Miller – postoi në X një hartë të Groenlandës me ngjyrat e flamurit amerikan së bashku me fjalën “SË SHPEJTI”.

Trump ka ngritur vazhdimisht mundësinë që Groenlanda të bëhet pjesë e aneksuar e SHBA-së, duke përmendur vendndodhjen e saj strategjike dhe pasurinë minerale.

Danimarka tashmë kishte një marrëveshje mbrojtjeje me SHBA-në që i jepte asaj qasje në Groenlandë, tha ajo, dhe Danimarka kishte rritur investimet e saj në siguri në rajonin e Arktikut.

Më parë, ambasadori danez në SHBA iu përgjigj postimit të Miller – një podkastere e krahut të djathtë dhe ish-ndihmëse e Trump gjatë mandatit të tij të parë – me një “kujtesë miqësore” se të dy vendet janë aleate dhe duke thënë se Danimarka priste respekt për integritetin e saj territorial.

Shkëmbimi vjen pasi SHBA-të kryen një operacion të madh ushtarak kundër Venezuelës të shtunën, duke kapur presidentin e saj Nicolas Maduro dhe gruan e tij dhe duke i zhvendosur ata në New York.

Trump më vonë tha se SHBA-të do të “drejtonin” Venezuelën dhe kompanitë amerikane të naftës do të “fillonin të fitonin para për vendin”.

Presidenti amerikan më parë ka refuzuar të përjashtojë përdorimin e forcës për të siguruar kontrollin e Groenlandës, një ishull i madh në Arktik.

Trump ka pohuar se bërja e saj pjesë e Shteteve të Bashkuara do t’u shërbente interesave të sigurisë së SHBA-së, për shkak të vendndodhjes së saj strategjike dhe bollëkut të mineraleve kritike për sektorët e teknologjisë së lartë.

Ditën e hënë vendi ynë do të ndikohet nga kushte atmosferike të paqëndrueshme.

Moti parashikohet me vranësira mesatare dhe të dendura shoqëruar me reshje shiu të herëpashershme dhe lokalisht të vazhdueshme me intensitet të ulët deri mesatar në pjesën më të madhe të territorit.

Në zonën e veriperëndimit (qarku Shkodër) deri në orët e mesditës reshjet me intensitet mesatar deri të lartë në formën e shtrëngatave shoqëruar me shkarkesa elektrike.

Nga orët e pasdites deri ato të mbrëmjes vonë në qarqet Vlorë dhe Gjirokastër reshjet e shiut me intensitet deri të lartë në formën e shtrëngatave/rrebesheve.

Në zonën e Alpeve dhe në relievet malore në lartësitë mbi 1500 metër në verilindje reshje dëbore me intensitet të ulët deri mesatar.

Era do të fryjë me drejtim nga kuadrati i jugut me shpejtësi 12 m/s, ndërsa në zonat luginore dhe bregdet, sidomos në jug era pritet të arrijë deri 24m/s

Valëzimi në det parashikohet të jetë i forcës 4-6 ballë.

Dashi

Yjet do ju krijojnë një ambient te këndshëm dhe relaksues gjate kësaj dite. Do ndiheni mjaft mire ne krahët e atij qe dashuroni. Beqaret gjithashtu do kenë mundësi te njohin një person me te cilin pas pak kohesh do fillojnë një lidhje. Financat do jene te mbrojtura nga yjet, megjithatë nuk është ende momenti i duhur për te kryer investime te mëdha.

Demi

Do kaloni çaste shume te lumtura gjate kësaj dite ju qe jeni ne një lidhje dhe do filloni te mendoni seriozisht për te ardhmen. Beqaret nuk do jene ne humor te mire kështu qe nuk do pranojnë kollaj te dalin me dike. Gjendje e financave do lere për te dëshiruar. ulini te gjitha shpenzimet nëse doni qe te mos bini ne humnere. Mendoni për te nesërmen.

Binjaket

Do tregoheni shume autoritare sot ne jetën tuaj ne çift dhe do jete pikërisht kjo gjë ajo qe nuk do i pëlqejë aspak personit qe dashuroni. Për beqaret do ketë takime, flirte dhe mundësi për aventura kalimtare. Do e kenë vete ne dore se çfarë do bëjnë me pas. Gjendja e financave nuk do ndryshoje nga disa dite me pare. Ju e dini mire çfarë taktike te ndiqni.

Gaforrja

Marrëdhënia ne çift pritet te përmirësohet ndjeshëm gjate kësaj dite. Do arrini te flisni hapur me personin qe keni ne krah dhe do kuptoheni me se miri. Beqaret do ndihen mire me statusin qe kane dhe nuk do kërkojnë ta ndryshojnë atë. Me shpenzimet tregohuni sa me te matur qe te mundeni sepse me vone nuk do ketë me rikthim mbrapa.

Luani

Nëse keni ende vetëm një lidhje dhe nuk keni organizuar asnjë ceremoni zyrtare, sot do filloni t’i mendoni seriozisht gjerat. Beqaret gjithashtu do mundohen te gjejnë mënyrën për ta bere për vete personin qe ju pëlqen. Me pak mund do ja dalin. Financat do kërkojnë me shume maturi dhe kujdes se kurrë me pare. Reflektoni mire para se te shpenzoni.

Virgjeresha

Do kaloni çaste fantastike gjate kësaj dite ne krahët e atij qe dashuroni dhe as qe do ju shkoje neper mend te shkëputeni për ndonjë çast prej tij. Beqaret do jene gati për aventura kalimtare. Mundësitë do jene te shumta. Nëse vazhdoni t’i menaxhoni me kujdes te ardhurat, gjendja do vije dalëngadalë duke u përmirësuar. Shume shpejt do kryeni edhe investimet e menduara.

Peshorja
Mos e privoni veten nga asgjë sot juve qe jeni ne një lidhje, por bëni thjesht atë qe ndjeni. klima yjore do jete e ngrohte dhe plot ngjyra. Beqaret duhet ende te bëjnë durim për ta bere për vete personin qe kane piketuar. Ne fillim ai do beje interesantin. Sektori i financave do jete i paqëndrueshëm. Vetëm ndihme e specialisteve mund t’iu nxjerre nga problemet.

Akrepi

Edhe pse do jeni plot angazhime, sot duhet patjetër te gjeni pak kohe për ta kaluar me partnerin. Nëse vazhdoni ta lini pas dore, lidhjes do i vije fundi. Beqaret do interesohen njëkohësisht për shume persona, por nuk do hedhin asnjë hap me asnjërin. Nëse shpenzimet i kryeni me maturi, gjendja e financave do vije duke u stabilizuar.

Shigjetari

Do afroheni edhe me shume me partnerin tuaj gjate kësaj dite dhe do ndani gjithçka me te. Edhe ata qe kane pasur probleme dhe vështirësi do ndiheni me te qete. Beqaret do jene ne humor dhe do jene gati për lidhje serioze si dhe aventura kalimtare. Ne planin financiar fati do jete ne anën tuaj. Do kryeni te gjitha investimet qe keni dëshiruar.

Bricjapi

Për çdo brenge apo paqartësi qe te keni sot mbi lidhjen tuaj duhet te flisni me atë qe keni ne krah. Ai ehte i vetmi qe mund t’iu sqaroje dhe t’iu mbështesë. Beqaret do kenë takime mbresëlënëse te cilat do ua shtojnë dëshirën për te jetuar. te ardhurat do lënë shume për te dëshiruar. Nuk do mundeni dot as te kryeni shpenzimet e nevojshme.

Ujori

Çdo gjë do ju shkoje ashtu si e kishit menduar sot ne jetën tuaj sentimentale. Do ndiheni mjaft mire dhe te dashuruar marrëzisht pas partnerit. Beqaret do fillojnë ta shohin me një sy tjetër një mik te fëmijërisë. Nuk ka asgjë te keqe qe mes tyre te linde një ndjenje. Ne planin financiar nuk do keni për çfarë te qaheni. Gjendja do jete goxha e qëndrueshme.

Peshqit

Do tregoheni shume te arsyeshëm gjate kuaj dite ne jetën tuaj ne çift dhe gjerat do rrjedhin natyrshëm. Nuk pritet asnjë mosmarrëveshje me partnerin. Beqaret meshkuj do jene me më fat ne dashuri. Femrave do ju duhet te bëjnë akoma me tepër durim. Financat do jene gjate gjithë kohës te mbrojtura. Edhe po kryet ndonjë investim te vogël nuk do ketë probleme.

Rrëzimi i Nicolas Maduro u prit me festë nga emigrantët venezuelianë në disa vende të Amerikës së Jugut dhe jo vetëm.

Venezuelianët që jetojnë në Peru u mblodhën në ambasadën e vendit të tyre në Lima, pasi mësuan lajmin për kapjen e Maduros, dhe kërkuan mbështetje ndërkombëtare.

Në Kili, festimet ishin më të zhurmshme dhe qindra venezuelas dolën në rrugë për të kënduar dhe valëvitur flamuj.

Mijëra emigrantë venezuelianë u mblodhën në qendër të Buenos Aires për të festuar rrëzimin e Nicolas Maduro.

Duke valëvitur flamuj venezuelianë, argjentinas dhe amerikanë, turma u mblodh në një atmosferë festive, me shumë që shprehën lehtësim për largimin e Maduros dhe shpresën se ndërhyrja ushtarake amerikane mund të hapë një kapitull të ri për vendin e tyre.

Edhe venezuelianët që jetojnë në shtetin amerikan të Floridës festuan lajmin për rrëzimin e Maduros. Ata valvitën flamurin e vendit të tyre, teksa brohorisnin për liri.

Lajmi solli festime në mesin e komunitetit të emigrantëve në Spanjë. Venezuelianët që jetojnë në Madrid u mblodhën jashtë konsullatës së vendit të tyre, duke valëvitur flamuj kombëtarë dhe duke qarë me lot gëzimi.

Nga ana tjetër në Meksikë protestuesit u mblodhën bashkë me presidenten Claudia Sheinbaum jashtë ambasadës amerikane për të dënuar administratën Trump pas kapjes së presidentit të Venezuelës.

Duke valëvitur pankarta proteste, ata shprehën shqetësimin se operacioni i SHBA mund të çojë në një ndërhyrje të mundshme në Meksikë dhe pjesë të tjera të kontinentit.

Teksa katër personat e arrestuar në Shkodër si autorë të dyshuar të vrasjes me tritol të 67-vjeçarit Hysni Ymeri pritet të dalin të hënën para gjykatës për caktimin e masave të sigurisë, hetimet kanë zbardhur detaje të reja mbi rolet e secilit prej tyre.

Sipas grupit hetimor, Gerti Bushati dyshohet se është paguar 1 mijë euro për të vendosur lëndën plasëse në paketën elektrike të pallatit ku banonte viktima, më 27 dhjetor, dy ditë para shpërthimit të telekomanduar që i mori jetën Ymerit.

Shuma e parave është gjetur dhe sekuestruar në banesën e tij, ndërsa nuk dihet ende nëse atij i ishte premtuar një pagesë shtesë. Bushati u identifikua përmes kamerave të sigurisë, të cilat e kanë fiksuar duke lëvizur në zonën e krimit dhe më pas duke ndërruar rrobat për të shmangur identifikimin.

27-vjeçari ishte i veshur me kominoshe, të cilat i kishte hedhur sipër rrobave të zakonshme. Pas vendosjes së tritolit, ai largohet nga zona, heq kominoshet dhe i hedh ato në anë të lumit. Pamjet janë siguruar nga kamerat e një biznesi pranë vendngjarjes, ndërsa rrobat janë sekuestruar nga policia.

Hetimet tregojnë se në ditën e atentatit, në lagjen “Manush Alimani” ndodheshin edhe dy të arrestuarit e tjerë, Ergys Ibrahimi dhe Edison Hasaj. Dyshimet më të forta janë se shpërthimi i telekomanduar është aktivizuar nga Ergys Ibrahimi, në momentin kur 67-vjeçari po ngjitej drejt banesës së tij.

Fillimisht, ngjarja u raportua si aksidentale, për shkak të një defekti në rrjetin elektrik, por ky version u rrëzua nga OSHEE, e cila konfirmoi se nuk kishte pasur asnjë problem teknik.
Pas ngjarjes, të dyshuarit u shoqëruan në polici dhe u mbajtën nën përgjim ambiental. Pa e ditur këtë, ata nisën të komunikonin mes tyre, duke forcuar dyshimet e hetuesve për bashkëpunimin në atentat.
Sipas policisë, asnjë nga të arrestuarit nuk ka pasur konflikt të drejtpërdrejtë me viktimën, ndërsa ende nuk është identifikuar porositësi i vërtetë i krimit dhe as motivi i vrasjes.

Katër të dyshuarit do të përballen të hënën me gjykatën për disa vepra të rënda penale, përfshirë:
“Vrasja me paramendim”, e kryer në bashkëpunim
“Shkatërrimi i pronës me eksploziv”
“Mbajtja pa leje e armëve dhe municioneve”
“Prodhimi dhe shitja e narkotikëve”, në bashkëpunim
“Prishja e qetësisë publike”
Hetimet vijojnë për zbardhjen e plotë të atentatit dhe për identifikimin e personave që qëndrojnë pas këtij krimi të rëndë.