Rita Ora tërhoqi vëmendjen në New York City të hënën, duke shfaqur stilin e saj elegant në dy veshje të ndryshme gjatë provave për “New Year’s Rockin’ Eve 2026” të Dick Clark, ku do t’i bashkohet Ryan Seacrest për të drejtuar eventin tradicional në Times Square.

Këngëtarja 35-vjeçare u shfaq fillimisht me një pallto të gjatë prej leshi ngjyrë kafe, të shtresuar mbi një tjetër pallto të rehatshme të njëjtë, të kombinuar me çizme lëkure dhe syze dielli elegante.

Ajo dukej e qeshur dhe e relaksuar gjatë provave në rrugë me ekipin e prodhimit.

Më vonë, Rita veshi një kostum të bardhë elegant me xhaketë të rrumbullakët dhe pantallona me pranga në kyçin e këmbës, duke e kompletuar dukjen me taka të zeza, doreza lëkure, syze dielli dhe vathë ari.

Suksesi i saj profesional shoqërohet me fitime të mëdha. Dokumentet e fundit tregojnë se Rita ka fituar 4.8 milionë paund, afërsisht 5.6 milionë euro, gjatë një viti, një shifër marramendëse që përkthehet në rreth 13,000 paund në ditë, afërsisht 15,000 euro, më shumë se dyfish i fitimeve të saj nga viti i kaluar.

Kjo e vendos pasurinë neto të Ritës në 31 milionë paund, afërsisht 36 milionë euro, duke përfshirë të ardhurat nga muzika, turnetë, projektet televizive dhe fushatat reklamash. /Telegrafi/

Ish-ylli i Nickelodeon, Tylor Chase, 36 vjeç, u rikthye në rrugë pas një qëndrimi të detyruar 72-orësh në një spital psikiatrik, duke përjetuar momente të vështira dhe duke përdorur metamfetaminë në mot të ftohtë, sipas ish-bashkëaktorit të tij Shaun Weiss.

Chase ishte dërguar në spital javën e kaluar pas një ndërhyrjeje nga influencuesi Jacob 'Jake' Harris, mik i Weiss, pasi ai u gjend në gjendje të pasigurt për veten.

Megjithatë, ai u lirua para kohe nga qendra psikiatrike pa njoftuar asnjë nga miqtë ose familjarët, sipas Weiss, shkruan DailyMail.

“Ata duhej ta transportonin në një qendër detoksifikimi, por e lanë të dilte vetë”, tha Weiss për TMZ. Harris e gjeti Chase më vonë në rrugë, ku ai po përdorte drogë, dhe përsëri kontaktoi ekipin e krizës.

Weiss tha se Chase po “pinte metamfetaminë në të ftohtë, pa këpucë apo xhaketë” gjatë vlerësimit të tij të dytë.

Weiss shprehu shqetësim për sigurinë e Chase dhe ka qenë në kontakt me anëtarë të Screen Actors Guild dhe autoritete lokale për të siguruar ndihmë të mëtejshme.

Ai shtoi se ndihma financiare e tifozëve nuk ishte e mjaftueshme për rikuperimin e aktorit.

Chase, i njohur për rolin e tij si Martin Qwerly në serialin “Ned's Declassified School Survival Guide”, është parë së fundmi duke fjetur jashtë, gjë që shkaktoi reagime të shumta nga publiku dhe bashkë-yjet e tij, duke përfshirë Daniel Curtis Lee, i cili madje e ndihmoi duke e çuar në një hotel.

Pavarësisht përpjekjeve të autoriteteve dhe miqve për t’i ofruar strehim dhe trajtim, Chase ka refuzuar shpesh ndihmën, duke e bërë situatën të ndërlikuar dhe shqetësuese për të gjithë të përfshirët. /Telegrafi/

Një skenë e zjarrtë ka tërhequr vëmendjen e banorëve dhe të publikut të Big Brother VIP Kosova mbrëmë vonë.

Benita dhe Klodi janë parë jashtë në oborr, duke zhvilluar momente shumë të afërta që dukeshin si një skenë filmi.

Dyshja filluan të vallëzojnë në mënyrë sensuale, me njëri-tjetrin afër dhe Klodi që vendoste fytyrën në qafën e Benitës, duke ecur nga një lojë e lehtë në një tension të dukshëm mes tyre.

BBVK/Instagram

Atmosfera u mbush me një ngarkesë emocionale që dukej se kalonte përtej një loje të thjeshtë.

Banorët e tjerë dukeshin të tërhequr nga aktivitetet e tyre, disa duke qëndruar brenda ose duke fjetur, ndërsa vetëm Benita dhe Klodi eksploronin afërsinë e tyre në oborr, duke lënë pas çdo rezistencë dhe duke tërhequr sytë e të gjithëve që i ndoqën momentet e tyre të zjarrta.

Publiku tashmë ka nisur të komentojë për këtë afërsi, duke e quajtur momentin si “më provokuesin e deritanishëm të BBVK. /Telegrafi/

Debati mes Brikenës dhe Stenaldos ka vijuar, por me tone më të larta.

Gjatë diskutimit, Stenaldo iu drejtua Brikenës duke i thënë se ajo nuk mund ta mbrojë. Nga ana tjetër, Brikena u shpreh se ishte ndier keq për një fjali të thënë më herët, duke tentuar të shpjegojë qëndrimin e saj.

Mirëpo, kjo deklaratë nuk u prit mirë nga Stenaldo, i cili reagoi menjëherë: “Si mund të ndihesh keq ti për atë fjali, kur unë nuk u ndjeva keq. Unë ju kam kundërshtar të gjithëve dhe mos e merrni për dobësi qasjen time prej njeriu të edukuar”.

BBVA/Instagram

Më pas, Stenaldo shtoi se ishte pikërisht sjellja e Brikenës ajo që e kishte shtyrë të fliste me tone kaq të larta, duke theksuar se ishte provokuar nga ajo.

Pas transmetimit të këtyre pamjeve, reagimet në rrjetet sociale nuk munguan. Një pjesë e madhe e komenteve kanë qenë negative ndaj qasjes së Stenaldos, ku disa ndjekës e kanë cilësuar sjelljen e tij si të ashpër dhe të panevojshme.

BBVA/Instagram

Madje, ka pasur edhe komente që e kanë quajtur mosmirënjohës dhe arrogant, duke kritikuar mënyrën se si iu drejtua Brikenës.

Përplasja ka hapur diskutime të shumta mes publikut, ndërsa mbetet për t’u parë nëse kjo situatë do të ndikojë në raportet mes banorëve në vazhdim të lojës. /Telegrafi/

BBVA/Instagram

Një situatë e tensionuar u regjistrua së fundmi në shtëpinë e Big Brother VIP Albania, ku Stenaldo shpërtheu ndaj Brikenës pas një bisede mes tyre.

Brikena kishte shprehur se donte të kujdesej për Stenaldon, duke treguar gatishmëri për t’i qëndruar pranë.

Megjithatë, kjo sjellje nuk u prit mirë nga Stenaldo, i cili reagoi ashpër, duke theksuar se nuk i pëlqen të marrë kujdes të veçantë nga askush, sidomos në një lojë ku, sipas tij, të gjithë janë konkurrentë të barabartë.

BBVA/Instagram

I nervozuar, ai iu drejtua Brikenës me tone të larta, duke i thënë:
“Për ty do të jetë hera e fundit që merr përsipër gjërat e mia në raport me mua, sepse të krahasojmë mendët e ne të dy, ti je aty ku thërret qameti, nuk duhet ta çosh më nëpër mend, e kupton, të mos e çosh më nëpër mend, s’ka njeri të të ketë ty këtu motër asgjë, je një konkurrente si të gjitha të tjerat, ke ato limite që ke, ato benefite që ke, ke ato limite që ke, mos ta qosh më nëpër mend, jo ti, por asnjë këtu, se s’më plas mua absolutisht në mënyrë totale për asnjërin, në qoftë se unë vij në këtë lojë, vij t’ju fut të gjithëve poshtë, të tërëve pa përjashtim”.

Reagimi i Stenaldos krijoi një atmosferë të rënduar në shtëpi dhe u komentua gjerësisht nga banorët, ndërsa pritet të shihet se si do të ndikojë kjo përplasje në marrëdhënien mes tij dhe Brikenës në vazhdim të lojës. /Telegrafi/

Pas përfundimit të spektaklit, Elijona dhe Klodi janë parë në momente të afërta brenda shtëpisë.

Dyshja qëndronte pranë shtratit, ku Elijona iu afrua Klodit duke e ngacmuar dhe në një moment e kafshoi në krah.

Megjithëse Elijona shfaqej mjaft e afërt dhe lozonjare, Klodi nuk dukej plotësisht rehat me këtë sjellje dhe i kërkoi asaj të ndalonte.

BBVK/Instagram

Sërish, afrimiteti mes tyre ishte i dukshëm dhe nuk kaloi pa u vënë re nga banorët e tjerë dhe publiku.

Situata ka ngjallur reagime dhe komente të shumta, ndërsa mbetet për t’u parë nëse raporti mes Elijonës dhe Klodit do të thellohet apo do të mbetet thjesht në kuadër të këtyre momenteve të afërta. /Telegrafi/

Aktorja e njohur e viteve të 90-ta, Penelope Ann Miller, është shfaqur thuajse e panjohshme gjatë një daljeje të rrallë në Los Angeles.

61-vjeçarja u pa duke mbajtur një profil të ulët në Beverly Hills, larg vëmendjes së zakonshme mediatike.

Miller u bë e famshme në fillim të viteve të 90-ta dhe ka ndërtuar një karrierë të pasur në film, televizion dhe teatër, shkruan DailyMail.

Ajo ka luajtur role të spikatura në filma si Awakenings, përkrah Robin Williams dhe Robert De Niro, Kindergarten Cop, The Relic, si dhe në serialin American Crime, që i solli një nominim për çmimin Primetime Emmy. Në teatër, ajo është nominuar dy herë për çmimin Tony për rolet në Our Town dhe All My Sons.

Në jetën personale, Miller ka folur hapur për lidhjen romantike që pati dikur me Al Pacino, me të cilin luajti edhe në filmin ikonë Carlito’s Way (1993).

Në një intervistë të asaj kohe, ajo deklaroi se nuk ishte e turpëruar për këtë marrëdhënie dhe se Pacino kishte ndikuar thellë në jetën e saj emocionale.

Aktorja është e martuar që nga viti 2000 me James Patrick Huggins, me të cilin ka dy vajza. Ajo ka treguar se e njeh bashkëshortin e saj që nga adoleshenca dhe se familja mbetet sot prioriteti i saj kryesor, larg shkëlqimit të vazhdueshëm të Hollywood-it. /Telegrafi/

Debatet brenda shtëpisë janë përqendruar së fundmi rreth një teme që disa banorë e kanë përfolur vazhdimisht ditët e fundit, duke sjellë reagime të forta nga Arditi, Klodi dhe Londrimi.

Të tre shprehën pakënaqësitë e tyre për mënyrën se si po trajtohet kjo çështje, duke e konsideruar të panevojshme dhe të padrejtë.

Londrimi u shpreh i irrituar, duke e quajtur të papranueshme që të diskutohet orientimi seksual i dikujt.

BBVK/Instagram

Sipas tij, është një absurditet që një temë e tillë të përdoret për thashetheme apo aludime brenda shtëpisë.

Nga ana tjetër, Arditi theksoi se kjo çështje prek drejtpërdrejt njerëzit dhe nuk duhet kaluar lehtë.

Ai u shpreh se duhet të inkuadrohen, pasi bëhet fjalë për tema që lidhen me dinjitetin dhe respektin personal.

Edhe Klodiani ishte kritik, duke deklaruar se këto përfolje tregojnë mungesë argumentesh.

“S’kanë ku të kapen dhe kapen në gjëra… këtu tregojnë sa të dobët janë”, u shpreh ai, duke lënë të kuptohet se aludimet përdoren si mjet për të sulmuar të tjerët.

Diskutimi ka nxitur reagime të shumta edhe jashtë shtëpisë, duke rikthyer në vëmendje kufirin mes debatit dhe cenimit të jetës personale të banorëve. /Telegrafi/

Heidi Klum, 52 vjeçe, dhe bashkëshorti i saj, Tom Kaulitz, 36 vjeç, u panë duke shijuar diellin dhe detin gjatë pushimeve në St. Barths të dielën.

Supermodelja e famshme u fotografua duke tharë trupin me një peshqir me fytyrën e Kaulitz, ndërsa mbanin një ditë relaksi në plazh.

Klum shfaqi format e saj të tonifikuara me bikini të ngushta me printim qershie, ndërsa Kaulitz dukej gjithashtu në formë, pa bluzë dhe me mbathje noti me printim leopardi, shkruan DailyMail.

Çifti u shfaq në humor të mirë dhe të afërt, duke lënë pas zhurmën e qytetit të New Yorkut dhe duke u zhytur në qetësinë e Karaibeve.

Kjo nuk është hera e parë që publiku i sheh në momente të ngrohta; Klum ishte parë më parë topless në plazh, duke u argëtuar me kanoelë me të shoqin.

Romanca e tyre nisi në mars 2018, kur u panë duke ndarë një puthje pasionante pas një eventi të Lorraine Schwartz.

Marrëdhënia u konsolidua shpejt dhe Kaulitz i propozoi martesë në dhjetor të atij viti. Çifti kurorëzoi lidhjen në një ceremoni private shtatë muaj më vonë, përpara një feste madhështore në Capri, Itali, në gusht 2019. Kaulitz mori pjesë edhe në rritjen e fëmijëve të Klum, Leni, Henry, Johan dhe Lou.

Heidi ka treguar shpesh se ndihet rehat me trupin e saj dhe se i kushton rëndësi dietës dhe palestrës për të ruajtur formën. /Telegrafi/

Gjatë një bisede të ndjerë me Stine, Stenaldo Mëhilli, banori i Big Brother VIP Albania, ka hapur zemrën për një përjetim të veçantë romantik nga e kaluara e tij.

28-vjeçari rrëfeu se ishte i përfshirë thellë emocionalisht me një vajzë, aq sa e bënte të mos ia dinte për asgjë tjetër.

“Kam qenë në një moment shumë i dashuruar me një vajzë… kthehesha një ditë me tren, nga ata të shpejtët, dhe kaloja nga Boni. Ishte nga këta trenat dy katësh, me dhoma. Rastis me një dhomë me një zotëri. U futa brenda dhe u ula në kabinë me ata, biseduam shumë. Isha aq i dashuruar sa s’doja ta dija se çfarë ndodhte, as ku hipja, as ku zbrisja, as a vritesha, isha shumë i përfshirë”, rrëfeu Stenaldo.

Ky moment tregon një anë më të ndjeshme dhe romantike të banorit, duke zbuluar se sa thellë mund të ndikojë dashuria tek dikush, deri në pikën që të bën të harrosh rrethin dhe realitetin përreth. /Telegrafi/

Mbrëmë brenda shtëpisë së Big Brother VIP Kosova janë shfaqur momente afrimi nga Elijona.

Banorja i qëndroi pranë Klodit, teksa ai përpiqej të flinte, duke krijuar një atmosferë të qetë, por ndoshta jo edhe për Klodin.

Megjithatë, Klodi nuk dukej aq i entuziazmuar nga afrimi i saj. Në një moment, ai i tha Elijonës se nuk ishte “funny”, duke treguar se nuk ndihej plotësisht i afërt dhe i relaksuar pranë saj.

BBVK/Instagram

Kur ajo vazhdoi të fliste dhe përpiqej të bënte bisedën më të lehtë, ai iu përgjigj me një “ha ha ha” ironike, duke theksuar se nuk kishte sens humori në fjalët e saj.

Momenti i tyre nuk kaloi pa u komentuar nga banorët e tjerë dhe nga ndjekësit e jashtëm.

Disa e panë Elijonën si shumë të afërt dhe entuziaste në këtë situatë, ndërsa të tjerë menduan se ajo po i afrohej Klodit në një mënyrë të tepruar.

Reagimet e përziera tregojnë se dinamika mes tyre ka tërhequr vëmendjen, por nuk ka shenja që ai të jetë duke pranuar plotësisht këtë afërsi.

Për momentin, Klodi duket i rezervuar dhe më i përqendruar te vetja, ndërsa Elijona vazhdon të tregojë shenja të ngrohtësisë dhe humorit të saj, duke krijuar një kontrast të dukshëm mes dy banorëve. /Telegrafi/

Gjatë një momenti relaksues brenda shtëpisë së Big Brother VIP Kosova, Elijona u pa duke përgatitur krepa së bashku me Klodin, por nuk mundi të mos bëjë disa ngacmime ndaj tij.

Në fillim, ajo i dha një përqafim të lehtë, ndërsa Klodi mbeti i përqendruar te gatimi dhe nuk reagoi shumë.

Në fund, Elijona i tha me humor: “I dogja gishtat për ty, përnjëmend e kom djegë, jo vetëm gishtin”, duke filluar të qeshë.

BBVK/Instagram

Ajo shtoi më pas tha: “Këto hajgare që po i bëj, do të jem pishman që po i bëj”.

Megjithatë, komentet e ndjekësve nuk kanë qenë të gjitha pozitive.

Disa prej tyre e kanë kritikuar Elijonen, duke e përshkruar si dikush që po i ngjitet Klodit dhe nuk po respekton hapësirën e tij personale, duke krijuar diskutime mbi lojën e saj të flirtimit dhe sjelljen brenda shtëpisë. /Telegrafi/

Kanye West dhe gruaja e tij, Bianca Censori, kanë zgjedhur Disneyland si vendin për të kaluar kohë cilësore me fëmijët gjatë festave të fundvitit.

Pavarësisht qëndrimit të tij të fshehtë, reperi 48-vjeçar u pa duke shoqëruar djemtë Saint, Psalm dhe vajzën Chicago, ndërsa North fëmija më i madh me Kim Kardashian, nuk ishte i pranishëm.

Grupi i madh ishte i shoqëruar nga disa persona të tjerë dhe një punonjës i Disneyland e udhëhoqi gjatë vizitës në park, shkruan DailyMail.

West u fotografua duke hipur në Incredicoaster, megjithëse fytyra e tij ishte e mbuluar nga një maskë, duke i dhënë një pamje të rezervuar dhe të fshehtë gjatë argëtimit.

Bianca Censori, 30 vjeçe, e njohur për stilin e saj të guximshëm, zgjodhi një kostum kaçurrele të ngjeshur me supe jashtë dhe i përshtatur trupit, një zgjedhje më e qetë krahasuar me veshjet provokuese që ajo shpesh ka bërë.

Censori është martuar me West që nga dhjetori i vitit 2022 dhe punon si stiliste mode, duke punuar më parë edhe për kompaninë Yeezy të reperit.

Në të kaluarën, West ka luajtur rol aktiv në karrierën dhe pamjen e ish-bashkëshortes Kim Kardashian, duke e ndihmuar në zgjedhjet e veshjeve për tapetin e kuq dhe duke pasur një ndikim të madh në stilin e saj publik.

Kohët e fundit, North ka kaluar gjithashtu momente festive me Censorin, duke ndarë momente të këndshme të Krishtlindjes me njerkën e saj.

Pavarësisht përpjekjeve për të qëndruar i fshehtë, West dhe Bianca duket se kanë shijuar një ditë festive të qetë dhe familjare, duke i dhënë prioritet lidhjes me fëmijët dhe momentet intime familjare. /Telegrafi/

Anna Kournikova dhe Enrique Iglesias kanë ndarë për herë të parë një fotografi familjare me të katër fëmijët e tyre.

Çifti publikoi imazhin e rrallë në Instagram, pak ditë pasi mirëpritën fëmijën e tyre të katërt, duke i dhënë publikut një vështrim të veçantë në jetën e tyre private, të cilën e kanë mbajtur gjithmonë larg vëmendjes.

Përveç të porsalindurit, ata janë prindër edhe të binjakëve 7-vjeçarë, Lucy dhe Nicholas, si dhe vajzës 5-vjeçare, Mary, shkruan DailyMail.

Kournikova e shoqëroi fotografinë me mbishkrimin emocional “Rrezet e mia të diellit”, ndërsa më herët, më 22 dhjetor, çifti kishte ndarë edhe një imazh të foshnjës së vogël të mbështjellë me batanije.

Anna Kournikova dhe Enrique Iglesias janë në një lidhje që prej vitit 2001, kur u njohën gjatë xhirimeve të videoklipit “Escape”.

Ish-tenistja ruse, e cila u tërhoq nga sporti në vitin 2003 për shkak të dëmtimeve të shpeshta, shfaqet rrallë në rrjetet sociale, duke e bërë këtë postim familjar edhe më domethënës për fansat e çiftit. /Telegrafi/

Banorja e Big Brother VIP Kosova, Hygerta, e ka vënë në siklet Labin gjatë mbrëmjes së fundit, teksa të dy ndodheshin në dhomën e ndjenjës.

Ajo i përmendi një situatë nga jashtë shtëpisë, e cila solli menjëherë reagime dhe diskutime mes tyre.

Hygerta ia kujtoi hapur Labit një veprim në rrjetet sociale, duke i thënë: “Ma ke bërë dy herë follow, unë nuk ta kam kthyer”.

BBVK/FaceBook

Nga ana tjetër, Labi u shfaq i habitur dhe u bë sikur nuk e mbante mend një veprim të tillë.

Biseda vijoi edhe në prani të banorëve të tjerë: Hygerta thotë: “Më ka bërë dy herë follow, s’ia ktheva”.

Ludo Lee thotë: “Ti krejtve ua ke bërë follow a?”

Labi: “Ndoshta po”.

Hygerta thotë: “Si ndoshta, mos me thuaj mua ndoshta. Më ke bërë follow, s’ta ktheva, e hoqe, më bëre prapë, s’ta ktheva, prandaj më more inat dhe mu sule”.

Labi më pas thotë: “E kam parë listën nëpër medie dhe i kam bërë”.

Situata u komentua edhe nga banorët e tjerë, ndërsa momenti u konsiderua si një nga episodet më të sikletshme të mbrëmjes brenda shtëpisë së BBVK. /Telegrafi/

Ngjarjet e mëparshme mes motrave të ish-bashkëshortit të këngëtares Violetë Kukaj dhe Eni Çobanit po rikthehen në vëmendje.

Në një episode të programit “Shihemi në Gjyq” u diskutuan akuzat e forta të Remzijës ndaj Bahrijes, përfshirë pretendimin se vëllai i tyre, Faik Retkoceri, ishte shtruar në spitalin psikiatrik të Prishtinës me ndërhyrjen e Violetës, për t’iu shmangur borxheve.

Në studion e Eni Çobanit u zhvillua ky dialog i tensionuar:

Remzije: E ka marrë vëllain e ka çuar në spital.

Eni Çobani: Zonja Bahrije, të lutem tani. Hodhe një fjalë këtu që vëllai është në terapi. Kjo është shumë e rëndë. Pra zoti Faik është vëllai juaj i vetëm, ju jeni 4 fëmijë.

Bahrije: Babai im ka vdekur përpara 48 vjetëve.

Eni Çobani: Dhe vëllai juaj jeton sot me nënën apo jo? Zonja Bahrije, kush e shtroi Faikun në spitalin psikiatrik të Prishtinës?

Bahrije: Unë nuk e shtrova.

Remzije: Tregoje të vërtetën si ka ndodhur rasti!

Bahrije: Unë nuk e shtrova vëllain në spital, unë nuk e shtrova vëllain në psikiatri!

Eni Çobani: Si nuk e ke shtruar? Unë kam letrën këtu.

Bahrije: Ishte viti 2018. Të lutem dëgjomë. Më merr vëllai në telefon në orën 12 të natës dhe më thotë “të lutem, ti duhet të vish për Kosovë”. Unë kam marrë burrin tim dhe kemi udhëtuar, ka qenë ditë e diel, të hënën kemi mbërritur në Kosovë. Kur kemi mbërritur, kam takuar vëllain dhe nënën vetë në shtëpi. Nusja, Violetë Kukaj dhe fëmijët kanë dalë nga shtëpia. Vëllai ka qenë

vetëm me nënën.

Eni Çobani: Ju pretendoni që kjo martesë u prish për shkak të borxheve?

Bahrije: Për shkak të borxheve.

Remzije: Po pse moj ti e çoje vëllain?

Bahrije: Violeta, nuk ka dashur moj të të marrë ty.

E gjithë historia është përqendruar tek përpjekjet e Bahrijes për të ndihmuar vëllain, ndërsa Remzija akuzon për favorizim dhe fshehje. Sipas Eni Çobanit, spitali psikiatrik i Prishtinës ka lëshuar një raport mjekësor më 18 tetor 2018 që konfirmonte gjendjen e Faikut, ndërsa Bahrije pohon se veprimet e saj ishin të orientuara vetëm për të ndihmuar vëllain.

Pavarësisht debatit të ashpër dhe akuza të ndërsjella, këngëtarja Violetë Kukaj nuk ka dhënë asnjë reagim publik lidhur me ngjarjet. Historia, megjithatë, rikthehet sërish në qendër të vëmendjes dhe vijon të diskutohet gjerësisht në mediat shqiptare. /Telegrafi/

- YouTube www.youtube.com

Çështja e Mal Retkocerit, pasi babai i tij shkoi në shtëpinë e Big Brother VIP Albania dhe nuk u takua me të, ka shkaktuar reagime të shumta dhe jehonë të madhe publike.

Situata u komentua gjerësisht edhe në emisionin Fun Club, ku u diskutua momenti i sikletshëm që u krijua live dhe mënyra se si u menaxhua.

I ftuar në studio, Julian Deda dha mendimin e tij mbi atë që ndodhi, duke e cilësuar situatën si jashtëzakonisht delikate.

Fun Club/YouTube

Ai u shpreh: “Ishte një situatë shumë e sikletshme ajo mbrëmë, dhe komplimente për Ledionin që e zgjidhi në mënyrën më njerëzore të mundshme, sepse, duhet thënë kjo, për moderatorin ajo është e tmerrshme. Moderator që mban emision 5 orë, të vijë një moment si ky është e sikletshme dhe nuk është fare e lehtë”.

Nga ana tjetër, Julian Deda ndau edhe këndvështrimin e tij lidhur me qëndrimin e Malit, duke theksuar se, sipas tij, situata mund të ishte menaxhuar ndryshe nga ana e banorit.

Ai tha: “Nga ana tjetër mundet mendoj që Mali, për këtë lloj kurioziteti që ka sjellë kjo histori, mundet të kishte bërë një veprim shumë të thjeshtë, që për të respektuar gjithë atë ndërmarrje, unë mendoj që Mali është një nga personazhet më interesante që ka Big Brother, mund ta kishte takuar babain e tij dhe t’i kishte dhënë dhe dorën, dhe t’i kishte thënë që ‘shiko, gjërat e tjera do t’i diskutojmë pa kamera, por për respektin që ke ardhur deri këtu, për respektin e këtij emisioni, për të treguar që këtu gjaku nuk bëhet ujë’, jo për ta sqaruar në television”. /Telegrafi/

- YouTube www.youtube.com

Ndërkohë që Mal Retkoceri vijon rrugëtimin e tij në shtëpinë e Big Brother VIP Albania, jashtë vëmendja është përqendruar te tensionet familjare që po rikthehen në publik.

Pas vendimit të Malit për të mos komunikuar me të atin në ekran, babai i tij ka dalë sërish në media, duke dhënë një rrëfim të drejtpërdrejtë dhe me tone të ashpra, ku në qendër vendos ish-bashkëshorten e tij, këngëtaren Violetë Kukaj.

Ai shprehet se largësia me fëmijët nuk ka ardhur rastësisht, por është ndikuar ndër vite nga raporti i tyre me nënën.

Screenshot/YouTube

Deklaratat e babait të Malit:
Mësuesin nuk e ka të mirë, nanën e vet. Nana ka ndikuar shumë te fëmijët. Mali, pavarësisht gjithçkaje, është djalë i talentuar dhe i ka ngjarë babës. Kam tentuar të komunikoj me ta përmes disa personave të njohur, personaliteteve nga Shqipëria dhe Kosova. Fillimisht me Violetën, pasi ajo nuk donte as të më fliste në telefon dhe as të më takonte. Unë e kam bërë yll. Kur e kam marrë për nuse, ajo kishte vetëm një këngë të incizuar. Unë ia kam incizuar mbi 300 këngë, me ajkën e Kosovës dhe Shqipërisë. E mora nuse me një këngë dhe e bëra mbretëreshë.

Shtatë vite pa u parë, Mali refuzon të takojë babain: shans të dytë u jepet njerëzve që gabojnë dhe mësojnë nga gabimet

Në fjalën e tij, ai thekson se ka bërë përpjekje të vazhdueshme për afrimin me fëmijët, madje edhe përmes ndërmjetësuesve publikë, por sipas tij, këto tentativa nuk kanë dhënë rezultat.

Ai ndalet edhe te karriera e Violetë Kukajt, duke pretenduar se ka qenë vetë ai shtysa kryesore e suksesit të saj artistik, ndërsa thekson se ajo u trajtua me respekt dhe mbështetje gjatë martesës së tyre.

Pavarësisht gjuhës së ashpër dhe akuzave, babai i Malit e mbyll mesazhin me një thirrje për dialog dhe ribashkim, duke shprehur gatishmërinë për të folur në çdo moment.

Ndërkohë, brenda shtëpisë së BBVA, Mali ka zgjedhur të mbajë një qëndrim të rezervuar, duke pranuar dhimbjen personale, por duke refuzuar ta kthejë historinë familjare në spektakël televiziv. /Telegrafi/

- YouTube www.youtube.com

Kylie Minogue ka festuar arritjen historike të këngës së saj të parë të Krishtlindjeve që renditet në vendin e parë në Mbretërinë e Bashkuar pas 37 vitesh karrierë si këngëtare.

Ylli australian, 57 vjeçe, ndau gëzimin me fansat në Instagram duke pozuar e veshur me një kostum të Babagjyshit, xhaketë të kuqe prej kadifeje me zbukurime të bardha dhe rrip të zi që nxirrte në pah figurën e saj.

Ajo e kompletoi pamjen me geta të kuqe e të bardha dhe çizme të zeza deri në gju, shkruan DailyMail.

Para një peme të Krishtlindjeve dhe një dyshemeje të mbuluar me dëborë të rreme, Kylie i uroi fansave: “Gëzuar Krishtlindjet të dashuruar, shpresoj se po kaloni një kohë të mrekullueshme dhe ju dërgoj shumë dashuri”.

Ajo shtoi edhe: “Gëzuar Krishtlindjet dhe festat e lumtura të gjithëve! Ju dërgoj gjithë dashurinë”.

Kënga e saj “XMAS” siguroi vendin e parë, duke shënuar suksesin e saj të tetë në top listat dhe duke u bërë kënga e parë Amazon Music Original që arrin numrin 1 në Listat Zyrtare të Krishtlindjeve.

Kjo arritje historike vjen pas 37 vitesh që Kylie kishte renditur për herë të fundit në vendin e parë të Krishtlindjeve me “I Should Be So Lucky” në 1987. /Telegrafi/

Këngëtarja e njohur, Dafina Zeqiri, ishte e pranishme së fundmi për të takuar Kryeministrin në detyrë, Albin Kurti.

Një video e publikuar nga momenti i takimit ka bërë xhiron e rrjeteve sociale, duke u kthyer menjëherë në virale.

Në video shihet Kryeministri Kurti duke i dhuruar një dhuratë Dafinës, ndërsa ajo i zgjat dorën dhe i thotë me humor: "Shumë ma cool qenke live”.

Ky moment i thjeshtë, por i ngrohtë, ka tërhequr vëmendjen e fansave dhe komentuesve.

Kurti gjithashtu ishte i pranishëm në natën e parë të koncertit të Dafinës, duke treguar mbështetje për këngëtaren shqiptare në një nga performancat më të pritura të saj.

Ky takim ndërthur muzikën dhe politikën në një moment të veçantë, që ka marrë reagime të ndryshme nga publiku, por mbi të gjitha ka treguar një atmosferë të relaksuar dhe miqësore mes yllit të muzikës dhe udhëheqësit të vendit. /Telegrafi/